陳法拉專注事業擋姻緣 安志杰見靚女標晒汗

aikowu

陳法拉同安志杰今日一齊出席將軍澳一個花藝活動，同場仲有松岡李那同倪晨曦示範用花整嘅靚裙，不過示範嘅佢哋就行得好辛苦吓，松岡仲好幾次爭啲跌到。

安志杰一見到幾個靚女就標晒汗，抹極都係咁流，同場仲有個師傅贈咗佢哋幾句，話安志杰毋須著意尋佳偶；透視性感嘅松岡就必須要有緋聞，至於法拉呢？有停不了的愛喎，法拉就話:「自己拍咗好多愛情片，頭先睇動新聞話雙魚座事業為重，今年都係專注事業唔諗，有人追都咁話。」有傳佢會簽鍾珍，法拉話：「暫時自由身，唔排除同其他公司合作，無綫暫冇接觸。」

至於周六舉行嘅邵逸夫追思會，法拉表示應該會出席：「冇佢冇我哋冇無綫，我同佢見過面食飯傾偈。」法拉又話稍後會返美國過年，因為當地嚴寒，屋企水管都因為結咗冰，爆晒。

安志杰就話見到靚女爆晒汗，佢口裡冇說不，不過身體又真係好誠實咁話：「唔係，好多靚女，自己body好老實。」雖然同婷婷甩拖，不過自己就唔急，仲戥對方有新對象開心。自己打單泡，就惟有接多啲戲拍咁話。

泪王子

她其实还在默默找金龟

devilredcantona

她是很美下的

早晨露水WuHa

他很美~~~不过有点憔悴～～

ps1005

很美啊！！！