【专题讨论】转载香港頭條網陸羽仁, 王雅媛的文章

Mr.Business

2008/1/29 上午 10:09:39

陸羽仁覆網友

Yuki:你問期指大戶的倉位是否淡倉，我估中間曾經暴跌，若有淡倉好易在散戶恐慌中平了，改揸好倉食第二轉的機會大少少。不過大戶淡倉已食到好飽，好倉可能未必需要抽得太高食得咁盡矣。

三心兩意：想吼A５０基金，我話如果短炒，等上證綜指跌近啲４０００點時才去撈安全啲。

小潘：瑞雪兆豐年，不過而家係暴雪，唔係瑞雪，暴雪令運輸癱瘓，物價急升，搞到阿爺手忙腳亂，你知道中國人過年好重要，搞到過年都返唔到屋企，怨氣好重。

牆頭草：高手的對沖盤係做即月put spread（例如揸２４０００put ，沽番２３０００put），再加買入遠價即月Put（例如２１０００put，２００００put）,不是遠期Put, 遠期Put好貴，買唔過。　　　　　　　　

Ming:叫老人家買人民幣債券或存人民幣，直到人民幣停止升值（即美元真轉強時）。

Elle:思捷平常公布業績都有一炒，如果今次又炒，而業績公布後股價又炒上１０４元，不妨升止蝕，若仍喜愛此股，沽了候低再補，拉低成本。

YY太：你話自己變病態賭徒，係講吓笑？若真有此跡象，要戒。

你話對伙記好好，唔明佢做乜害你。你最好咁諗，伙計有時唔係咁識諗，識諗就做咗老闆啦，咁你就會睇得開好多。

Sohoboy:我心中的股災，是狂暴式跌市，一日跌兩成以上先似災，有股災唔一定係熊市，例如９１１的跌市就好短暫。亦唔一定要股災先至可以進入熊市，熊市是股市的長期衰退，其特點是一浪比一浪低，連穿低位，好似永無休止。

Darius:雪災對基建股的作用暫時不大，因為未見有太多永久破壞，但如地震或戰爭對基建的破壞就大。
Bread:０．１９元買入南海油田，炒股一隻，理應到價止蝕，無止蝕就要捱好耐，而家大市氣候唔好，幕後人都會唔花錢去炒起一隻股，反而會不斷插低個價，壓價收貨，甚至大比例供股收貨。

Mr.Business

注：此篇文章版权归香港頭條網所有。

此直通車不同彼直通車
2008年1月29日

對「直通車」這三個字，真的有點敏感。周六留在宿舍看書，開覑電視聽新聞，「因直通車一再延誤的關係，部份在閘前的市民開始暴躁，你推我撞……」聽到這裏，一呆，難道部份股民趁覑周六走去政府總部抗議，抗議港股直車一再推遲，導致港股跌了近一萬點？

聽下去，原來新聞是說從廣州開出的真正直通車，因暴雪封路，導致火車無法如期出發。準備回鄉過年的民工滯留於廣州車站。因飢寒交逼再加上恍如無限期的等待，民工開始暴躁起來。

08年成工業股寒冬

看這些民工大包小包得在等待，心裏不是滋味。自「九一一」事件後，全球經濟步入了春天，各地的股市紛紛上升，失業率不斷下降，人均收入也不斷上升，但應該一早出現的通貨膨脹卻沒有出現。為甚麼呢？這功勞除了歸於中國沒有人情味的勞工制度，大部份歸於這群離鄉別井的工人。他們的血汗成就了中國成為世界的加工工廠，沒有他們，全世界都要捱貴東西了。

內地於農曆年後將推行新的勞動法，雖然很多工業出口的上市公司都強調新勞動法對他們影響不大，但我認為○八年將會是工業出口股的寒冬期。因為除了工資成本上漲外，工業出口股還要承受美國經濟蕭條的影響，還要承受人民幣升值及原材料成本不穩定種種負面因素影響。明知山中有虎，為何還要偏向虎山行，故 Victoria會盡量避免投資工業出口股。進一步去想，如果工業出口股不行的原因，是成本日漸高企，那麼同時亦代表了國內出口的東西不會再像以前那麼便宜。

傳直通車皆因急洩洪？

在未來日子，全世界將有機會步入相當一段時間的通貨膨脹期。Victoria相信香港的通貨膨脹會比其他地方來得厲害，全因為內地龐大的資金。八月時為何突然傳出港股直通車的消息？猜測眾說紛紜。有一個說法是內地為了救市，但另一說法更有說服力，便是中國急於洩洪。

內地的資金遲早一天會大量來香港，除了股票外，甚麼都可能成為他們的投資目標。屆時香港的東西不貴才出奇，甚麼都貴了的時候，你要求的工資都會高一點。帶出來的連鎖反應便是，錢多了，人就想消費。所以本地的消費股有機會受惠，而那些擁有自己物業鋪位的消費股更可免疫於租金上升。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——大倉傾斜 期指惡鬥
2008年1月29日

美股杜指上日大跌拖累恒指低開780點，下午一度挫至23,587點，大跌1534點，尾市收復部份失地，收報24,053點，仍跌1,069點，跌幅 4.3%。期指在現貨收市後再抽高少少，收報24,296點，跌779點，搞到比現貨高水243點，成交130,988張。國企指數跌697點，報 13,319點，大市成交1,078億元。

港股受外圍和內地股市夾擊，認真唔靚仔，美股大跌已拖住亞洲股市低開，日股開市跌200幾點，後來愈跌愈多，收市跌541點，跌幅都有4%；內地股市仲「甘」，同樣受美股影響跳空低開後，震盪向下，午後上證綜指跌勢加快，4,500點大位亦無支持力，尾市收於4,419點，大跌7%。幾個股市都唔知邊個影響邊個，總之你眼望我眼，你跌時我又跌。

中環茶友話，期指的動向值得關注，上星期五又加期指按金，由原本每張期指合約要俾170,100元按金，加到196,800元，想起大半年前一張期指按金才6、7萬，而家加到近20萬，真係豬肉都無期指按金加得咁多。

大戶轉倉量少

茶友話，期指加按金，除了反映管理當局認為期指的波幅增加之外，亦可能係見到大倉傾斜，即係話幾個大戶夾埋已佔一邊的大倉，雖然唔知佢地係造好定造淡，但都係出現一個「大戶鬥散家」的局面，當局睇到有風險，就會加按金來控制風險。

茶友又話，昨日早上睇到呢個月期指未平倉合約有10.9萬張，下個月未平倉合約只得1.8萬張，（到截稿時未有昨天最新數字）昨天距離結算只有三個交易日，按理若買了期指想持倉過下月，好多人會先轉倉（即是先平呢個月期指倉位，再開番下個月期同等數量的期指倉，就把今個月倉位轉移到下個月），不會等到結算日，正常去到最後三日，下個月期指應該有3幾萬張未平倉合約，無理由只得1.8萬張咁少，估計有兩個理由，第一是大市太波動，好多人只敢玩日中交易，無諗住獱長線，亦不會轉倉。第二是大戶在本月的大倉只做到月尾，任由自動結算，不會轉倉到下個月。

茶友話，如果係後一個理由，大戶持重倉又不想轉倉，一定會夾倉夾到尾，如果造鰦好倉就大力夾升，如果造鰦淡倉就大力壓低，以左右結算價，讓本月的倉位按理想價格自動平倉食胡，可見未來一兩日期指會有惡鬥，不會平靜。

炒雨雪要走得快

內地大雨雪搞到交通大混亂，鐵路停開，廣深鐵路（525）[股價及相關新聞] 就只跌3.6%，但雨雪影響交通，刺激煤炭需求，煤股全線逆市向上，但下午升幅開始收窄，中煤A股路演反應熱烈，估計超額認購超過100倍，中煤H股（1898）[股價及相關新聞] 升1.2%；神華（1088）[股價及相關新聞] 、兗煤（1171）[股價及相關新聞] 及恆鼎（1393）[股價及相關新聞] 升0.1%至2.7%；天冷令羽絨成衣製造商波司登（3998）[股價及相關新聞] 亦有人炒，升14.1%，不過呢鱓跟新聞炒的股份好快就回，追入要守止蝕位和止賺位，最緊要手快。

講番雨雪對內地經濟的影響就唔係咁「盞」，例如高盛首席中國經濟學家梁紅就在報告話，內地近日爆發暴風雪，再加上宏調政策帶來的能源短缺和運輸樽頸問題，有可能令內地短期通脹壓力升溫，對經濟有負面影響。

她指出，內地為控制通脹，首先控制電和汽油價格，但作為原料的煤和原油卻以市價出售，價格持續上升，所以中央控制電和汽油價格，結果就削減了電力和運輸服務的供應，如山西和陝西等省份的電廠，亦會以「缺煤」為藉口選擇性關閉部份電廠。

內地大雨雪令本已在調整的股市雪上加霜，上證綜指昨日跌至4,419點。內地高人話，A股雖然仍有下跌壓力，但唔使睇得太悲觀，因為再跌多10%，跌近4000點左右，就會跌近阿爺的警戒線，相信阿爺到時會出纒口術托纒市。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

吹風         
2008/1/29 上午 09:33:42
網誌分類: 經濟

美股未來幾日有兩件大事，第一件事是香港時間今晚美國總統布殊公布國情諮文，第二件事是由３０日開始美國聯儲局將會議息，特別是利息走向，將左右大市。.

美國商務部昨日公布新屋銷售數字跌到１２年低位，令月尾再減息的憧憬增加，帶動股市向上，道指大幅回升１７６點，升幅１．５％，升番上１２３８３點的水平，收復早一日跌１７１點的失地，反彈幅度和早一日的跌幅相當接近。而日股早段亦升超過３００點以上，港股今天應有反彈。

按美債期貨的成交價推算，有８６％交易員相信聯儲局將會再減息０．５厘，比上周五的７０％人相信會減息０．５厘明顯上升，再早一個星期根本無人相信聯儲局會減完再減息。陸羽仁覺得，交易員真金白銀去買債券期貨，唔係只噴口水，空穴來風，未必無因，看來月底聯儲局很大機會會再減息，問題是減０．２５厘還是０．５厘。

更離奇的是布殊部份國情諮文的內容，竟然由白宮提早一日放出街，據白宮提供布殊講話的撮要本，他會告訴美國人，雖然短期內經濟可能放慢，但要對美國經濟增長維持信心，「我們的經濟正在不穩定的時期，很多家庭擔心經濟前景，但長遠來說，美國人會對經濟增長有信心」。

布殊又會提醒眾議院，要加快審議１５００億美元的救市方案，盡快通過方案。「我們有很多未完成的工作，美國人期望我們把它做好。」

如果只看這些已放出街的內容，似乎只是碎料，沒有太多新意，但白宮罕有地預先放料，自然有其動機，估計原因有兩個，第一，布殊想唱好經濟和股市，所以事先爆一些唱好的內容，一單新聞分兩日出，維持一定的熱度，並谷一谷股市。第二，國情諮文包括催促國會盡快為救市方案立法，事先公開既給民主黨增加一點壓力，期望他們在國情諮文公布後，馬上對救市方案立法作積極回應。

美國政客吹風出術，藉此唱好唱淡，絕對係專家，今次似乎有意營造一個好氣氛，期望把美股從谷底托番起。

谷高美股亦同時令美元有支持，日圓走勢回軟，雖然交易員預期美國會再減息，但美股反彈帶動亞洲股市造好，令交易員更能忍受風險，敢於惜日圓去投資其他較高息貨幣，日圓兌美元現價１０６．８８日圓，兌歐元為１５７．９４日圓，交易員估計資金會沽日圓，估計日圓兌美元今日會跌到１０７．９日圓，兌歐元會跌到１５９．２５。

美股和匯市的走勢，預示市場漸趨穩定，已消化美元再減息高達０．５厘的影響，預期美股會靠穩，美元亦會略為反彈。港股近期指結算，這兩日要睇大戶點借美國市場的消息搵食了。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 29-1-2008 12:00 PM 编辑 ]

Mr.Business

2008/1/30 上午 10:34:59

陸羽仁覆網友

Ray:美股走勢較正路，而家反彈緊，等減息，若減０．５厘，炒一炒又慢番，會有回吐，若減０．２５厘會回得較急。但美股經一輪急跌，加上救市方案已定，減息幅度又深，好淡雙方都會收拾心情，觀察吓經濟救唔救得到，所以未必會立刻急跌，今次真係要睇經濟。

你問買澳幣係唔係一定如四叔所謂有１４％回報（包７％升值），係唔係一定安全過股市，我唔敢講，恒指２４０００點時，買股票的風險無２８０００點咁高，同樣道理，澳幣高位波動，在低位時入，一個月都有１０％回報，但若入貨價高，加上美國民主黨上台美元有可能略轉強，買澳幣亦非全無風險。

你問第二季有何風險，５月、６月是傳統淡季，通常旺季都係７、８月來，若無重大利好消息，美國經濟又是上下浮沉，所以第一季減埋息，第２季要等吓係龍係蛇，會比較牛皮，比較淡。

買A50要安全啲，最好等上證綜指跌近４０００點才入第一注，只好跟A50的價位，有時唔係咁貼價。      

所謂等思捷彈上１０４元才沽出止蝕，１０４元價位無乜特別，這是發問的網友的一成止蝕價，佢問我好唔好等彈到１０４元時止蝕，所以我咁答佢。

Teresa:尾段這一兩日期指轉倉增加，昨日收市後見期指本月未平倉合約５１７０６張，下月未平倉合約９７１２３張，轉倉到下月大增，期指似壓價轉倉。下月未平倉合約若增加到１２萬張左右較合理，估計會在今日轉倉。

Yuki:投機性申請新股唔係唔得，講明投機，要定止蝕。昨日期指轉倉量大增。若好友係轉好倉，佢地只要順住轉倉，不要推高期指，就任由即月平倉的淡友做嘢。

中石油上A股３個月後係唔係會升，不能將三個月看成一個金科玉律，中石油是A股的權重股，上升要看整個A股的勢，估計第一季是以宏調為主，等宏調政策出齊，證實無打瓜股市，第二季下段氣氛才會慢慢好番。

美元仍看淡，但等民主黨上台前後，市場對美元的看法或會改觀。

小潘：大福似有幕後人，走勢難料，跌下來無止蝕，好難建議。

大笨袋鼠：而家美國佬印銀紙好易，按一個鍵就得，財富轉移，如夢如幻。你信美金，又係一個信字。

Idoglife:你講９２年就係索羅斯擊倒英倫銀行一役，在這些大炒家眼，中央銀行往住做傻事，愈做愈錯。

Ken:內地通脹爆升加雪災，得個亂字，而家首要保電力供應，電力公司同阿爺的確有少少角力，你唔俾佢加價，除非有補貼，否則即使無雪災，供電都唔會足。不過阿爺現時怕出亂子，講明救災成效和升官掛鈎，我估大家都唔敢玩嘢。電力股最好等佢愈跌愈深，跌到未升前的起步價，人人唔睇好時，就有吸納價值。

Coco:過份投入炒股要戒，係病態，人生有太多事情，例如家庭、朋友（甚至工作），比炒股重要１００倍。

Eatfish:中石化本質不俗，跟大市落，加上宏調影響，低位有吸納價值。中材稍嫌貴啲。

S2000:匯豐１４４元入，如果對佢長遠有信心，唔怕佢執笠，就長揸收息吧。而家跌咁上下，升跌機會各半，而家清貨似乎遲咗啲，博佢危機慢慢過去吧。

Any:１６５光大主要炒旗下的光大證券，A股唔旺，光大都無得炒，高位２７．７５元入，已遠離止蝕位，無計，守吓啦。

水滴石穿：國壽手上持有好多A股投資，受A股低迷影響，因為那些股份未出貨，要按市價貼現，才有幾次業績啲數對唔到的現象。其盈利無去年中估咁高，主要是投資收益大減的問題。

Mr.Business

注：此篇文章版权归香港頭條網所有。

金融High Tea——誠哥話買樓好過買股
2008年1月30日

在美股杜指上日大升176點的前提下，港股反攻乏力，恒指高開586點，升上24,737點後就腳軟，下午低見24,229點，收報24,291點，升幅收窄至238點。現貨月期指收報24,286點，最後由升轉跌，倒跌2點，弱過藥煲，比現貨低水5點，成交109,212張，2月期指報24,325，升 5點，成交66,767張，期指轉倉活動加快。國企指數亦升幅收窄至60點，報13,379點，大市成交縮減至926億元。

昨日雖然叫升市，但個別股份都俾人插，例如平保（2318）[股價及相關新聞] ，就大跌3.3%，該股昨日曾經升上66元，最後收61.4元，從高位回落了5.5元；港交所（388）[股價及相關新聞] 亦被人隊，高位見過183.4元，結果隊番落177.9元收市，比高位不見了5.5元。

經紀張話，大市氣氛低沉，有升唔起的感覺，直如外邊天氣一樣，灰灰沉沉。中環茶友就話，上一日美股杜指跌171點，港股就大跌1,000點，到昨日美股升番176點，港股只升238點，識跌唔識升，升幅被人落晒格，不排除淡友想壓低期指結算。

波動上落 少做少錯

陸羽仁就話，期指結算呢鱓好友、淡友的惡鬥，淡友暫時佔上風，散戶最好企埋一邊，以免殺錯良民，大市波動上落，升得高又俾人插，跌得多又托番高，散戶都係少做少錯，食少多覺鲻矣。

大市升得高時有四叔睇好，腳軟軟時有誠哥睇淡，各有捧場客，長實（001）[股價及相關新聞] 主席李嘉誠接受《東周刊》訪問，重申「投資當審慎」的策略，對港股後市有保留，話「因為banking industry（銀行業）目前仍是全世界所憂慮的問題」。誠哥對美國政府的1,500億美元救市大計亦唔係咁睇好，話「投資者要量力而為」。

買股要審慎，但香港通脹高，市民有何保值妙法，誠哥話「現在應該買樓，我相信樓市會好。你睇去年股市，也沒有今天的水平。」暗示樓市的增長比股市仍算落後。

誠哥對股市有保留，並身體力行沽貨，逐步減持手上的航運股，包括中遠控股（1919）[股價及相關新聞] 、中海集運（2866）[股價及相關新聞] 等。隻中海集運早前炒到癲，真係死得人多，去年10月最高炒到11.6元，昨日收報2.97元，大跌74%，誠哥旗下公司沽貨時，陸羽仁已經講，和黃是全球主要碼頭營運商，對航運業瞭如指掌，佢懐都沽得貨，就要非常小心了，但也勢估唔到隻中海集運可以跌得咁深。

業主賠訂封盤

有茶友話，若然買樓好，咁買地產股都係一樣鎹，呢個講法不能話無道理，但又不是完全有道理。因為股票同物業始終係兩件不同的物件，對有需要的人，買層樓可以自住，買了地產股獱住疊公仔紙，就不能自住。另一方面，地產股係股票，點都受股市影響，股市好時，開動印刷機，好快就可以增加供應，但起樓快者要三年，慢者四、五年至落成，個別靚地點的物業更不是時時有供應，所以兩者供應關係不同。當然，經過九七金融風暴，大家試過賣樓無人要，就會發覺不動產套現無股票咁易，炒過都話怕怕，可見物業同地產股有相似，但又不盡相同，表現亦會因資金流動方向而異。

誠哥話買樓好，又的確講中近日樓市的氣氛，有網友Philip近日買鰦樓，結果業主見樓市向上，情願賠一成訂唔成交。業主賠訂封盤呢支歌仔，真係好耐都無唱過，可見樓市的確有一定的熱度。香港人唔炒唔舒服，股市暫時無得炒，就改行去炒樓。

陸羽仁和地產發展商傾起，大家都睇好，大家都惜貨，所以發展商都唔想開盤，若以市價開盤，可能轉眼就去晒貨，以後大市急升都無得恨，但若果開價開得太狼，又怕去唔到，所以唯有觀望纒。散戶面對樓市這個升浪，若無樓在手，見到大市大插時，低吸地產股短炒都無妨。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

冒牌股神      
   
2008/1/30 上午 09:22:03
網誌分類: 經濟

美股持續向好，道指再升９６點，升０．８％，升到１２４８０點的水平，繼續反彈，等候減息。昨日主要是上月耐用品訂單升５．２％，舒緩市場對衰退的憂慮，加上紐約保險專員表示希望盡快完成拯救債券保險公司，令它們免於被降低評級，令金融股上升，致使美股延續升勢。

恒基主席李四叔再發言講股市，引人深思。四叔昨日會見傳媒時，謙稱自己不是「名牌股神」，只是「冒牌股神」，希望以後大家不要再稱呼他為股神，真正股神是一早沽了中石油（０８５７）的巴菲特。　　

李四叔自謿完之後，更讚一讚李嘉誠。事緣四叔有買航運股，例如中遠控股，他在該股升上高位沒有沽出，但誠哥則於一兩個月前力沽航運股，李兆基豎起手指稱讚，直言：「李嘉誠沽售航運股的做法好嘢！」不過，李兆基自己至今仍持有航運股，相信長線投資，可以獲得不俗的回報。　

無論如何，李四叔的氣量值得讚賞，他已是這樣成功的人士，要踩自己，讚其他人，實在唔係咁易。昨天是四叔捐助浸會大學的中國研究中心的日子，他一直是股市好友，但近日恒指咁跌法，他自然也預計了記者一定會問他股市的問題。李四叔縮骨一點可以不出來，搵個仔出來主持儀式就算，免得被人抽後腳，但他堅持要出來，這也要有相當氣量。

四叔話，講股票講多咗之後，成日俾人問，搞到他無覺好瞓，所以今後要少講。但他昨日仍對今年上半年股市走勢作預測，相信第一季恒生指數會升上２７０００點至３００００點；第二季則較淡，宜守不宜攻，可能調整向下，但具體指數未有預測。他認為上周恒指跌至２２０００點，屬跌過籠，在這個水平可以吸納。

股神唔易做，的確是鐵一般的事實，炒股從來有兩派，一派睇基本價值，以巴菲特為代表，一派睇短期走勢，是一般股評家經常做之事。股市短期走勢難測，因為太多人為因素，但基本價值有數計，所以價值派睇好一隻股票，買入後可以兩三年仍然無表現，因為股價經常偏離其基本價值，唔係平咗，就係貴咗，但有價值的股票始終會被人發現，到人人都發現時，隻股開始有表現，就可以追回差價，甚至升突好多，所以要做價值派的股神，要比做測市的股神易好多。

回想去年８月跌市後的升市，有跌後反彈的因素，也有港股直通車的刺激，就把股市推向難以想像的高峰。正如好多人這樣形容股市升跌，就是一群瘋狂的人，做瘋狂的事，把股市推向瘋狂的方向。在股市向好的時候，一味看好的人就是股神；在股市向淡的時候，一味看跌的人就是股神，這種股神你同我都可以做，邏輯上有一半機會中；我可以同大家講，呢個世界無股神，股民買股票，要信自己，要自己去分析，再按自己的情況和承受力，訂立投資策略，去控制風險。其他人講的話，不可盡信。

在去年１０月股市升過３００００點後，已經無人願意看淡，因為看淡會被人鬧。而本來已經看好者，就會看得更好，所以李四叔在記者不斷追問吓，加上市場樂觀情緒推波助瀾，就只能把恒指的目標價不斷往上推，也有不少人提出所謂「藍天估計」，話恒指最高可以升到４００００點以上咁話。恒指「最後」會否升上４００００點，天曉得，或者明日有港股直通車，後日港股一日升萬幾點升到４００００點都講唔定（不過發生的機會接近零），但若果我們在去年１０月相信股市快將升到４００００點這個「目標價」，然後瞓身買股，跌落來不識止蝕，後果必然大鑊。

買股票好難講目標價，目標價不同合理價，合理價是按公司賺錢能力給多公司在當年的股價評級，例如我話去年以恒指成份股的賺錢能力計，大市去到２７０００點都去得好盡，不等如股市不會升越這個點數，股市好的時候，經常超越合理價，但升穿合理價後，股票／股市的炒作味開始濃，那時只能由「投機的我」去操作，嚴守止蝕最重要。股評人在股市已經升到顛時，再講出好高的目標價，客觀上會減低聽眾對風險的防範心，以為買股好安全，見到風險都不識走避，咁就弊傢伙了。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 1-2-2008 10:31 AM 编辑 ]

Mr.Business

2008/1/31 上午 10:46:09

陸羽仁覆網友

大陸雪災，很多民工一年做到尾，就是想春節回家見家人幾天，而家就困死在火車站，希望大陸盡快搞好電網，恢復供車開通火車。咁凍無電亦會死人，咁多人在火車站逼亦有可能出意外，希望祖國同胞可以捱過雪災，國家不會出大亂子。

Ray：美國咁減息法，美元繼續弱勢，我唔係睇美元有反彈，短期即使有都唔會彈得太高，但在年底民主黨上台後，美元有轉勢之「風險」，民主黨一句收兵，第二句平衡預算，美元就可能轉勢，但而家都下半年，美元仲有得跌，例如兌日圓下一個浪就睇１０３日圓了。

你問九龍建業，這隻股較慢流，在波動市應較穩陣，但亦怕佢會回得深啲，會回到１６元，可能等低少少入好啲。

盈大地產係最弱的地產，炒地產都炒唔到佢，勝在升得少，所以跌得少，最好等佢跌到近２元入貨。

你買ELI接了思捷貨，成本１００．８５元，我唔係睇佢彈得太多，如升到接貨價樓上，不妨出貨。

和黃較安全，全年低位７１．３元，照計去到７２、７３元時，就好難落得太深了。

巴飛突：你想買２８２８第二、三注，不妨放慢點，拉長點，或者等大市再回吐深少少時才入。

晴天：你問內地股市爆泡令人民幣因而大跌的風險，這個風險雖然不高，但仍然存在，但作為長線投資者，要問中國經濟能否長期維持８至１０％增長，可以的話，買人仔預咗佢可能回落，但跌完佢又要慢慢升上去，幣值應反映經濟。

Yuki:你想買的新股如抱短炒心態，可以買，但要小心風險，買入嚴守止蝕位即可，升咗上去就定止賺位，短炒反而唔使睇咁多基本因素。

你話期指昨日下午波幅不大，即月期指到結算日下午係咁，因為是按每５分鐘平均價計結算價，去到下午所剩時間不多，所以波動亦不大。你問大戶係震倉定係睇淡，而家有人做好有人做淡，唔同鬼佬有唔同玩法，要小心。

你問中石油再大跌的機會，雖然唔算太高，但不能排除，美國有次按，中國暫時唔靚仔，都會影響股市。

過去炒２８２３，係炒大陸春節後開紅盤，今年有雪災，未必有紅盤可炒了。

至於思捷，過去業績好，不等如未來業績好，若歐洲開始怕衰退，歐洲基金減持零售股，思捷也會受影響，維持思捷只是反彈的看法，怕佢仲有得跌吓。

Jacky:高位買周生生，見近期弱勢，問好唔好止賺，有些股票幕後有人玩，佢想點無人知，但從高位回落了２０％，止賺手上持貨一半都唔怕啩。中移動１１７元入第一注，１１２元想入第二注，１０７元想入第三注，建議把入貨價拉低啲，等佢回得深啲才入第２、３注。

小強：你問中國在奧運出亂子的機會多大，我話唔太大，但目前雪災出亂子機會仲大啲。

白穗禮：你問國壽的投機、投資機會，講投機就要避開佢，而家仲跌緊，投資者等佢回吐深啲入吓貨都OK，但預咗要守。

Simon:在４．２元入了大福，６．３元入了六福，這些股票不是大股，跌落到破位要打靶，唔止蝕哂走一半，特別是大福，證券股勢弱，怕佢地未跌完。

Twohitsix:你想買期權，既買call又買Put, 月頭買期權好貴，不宜太大注，月中過後平啲。亦可考慮買Spread。

阿K:高手投機的好倉清了，亦無做淡，２３６００點未夠高，做淡亦無乜肉，有如雞肋。

益力多：月供幾時開始都得，供１０年以上就把中間的波幅拉平了。供盈富基金和A50基金吧，有人代你揀股。

Elle:你有新地和中海油，問好唔好走貨避一避，看你是投資者或投機者，投資者盡量唔好出出入入，但若是投機最好定個止賺止蝕位，到位即沽。

Mr.Business

注：此篇文章版权归香港頭條網所有。

見好即收         

2008/1/31 上午 09:28:06
網誌分類: 經濟

美國聯儲局一如預期再減息０．５厘，把銀行之間借貸的聯邦基金利率減到３厘，這個「好消息」曾一度刺激美股升１．７％，但後來傳出評級公司Fitch Ratings調低兩大按揭保險公司Ambac Financial Group Inc. 及 MBIA Inc.的評級，在金融股調頭回落的影響下，道指倒跌收場，跌３７點，收報１２４４２點，減息對股市的支持維持不了一天。

在聯儲局公布減息至３厘的同一天，美國商務部公布第四季扣除食品和能源計的核心通脹率增長為２．７％，這是聯儲局主要參考的通脹數據，油價和食品價格皆升，所以總體通脹率一定更高。以聯儲局自己把尺去計，它期望到２０１０年核心通脹率增長為１．６％至１．９％，目前的核心通脹率高於聯儲局的理想。雖然聯儲局狂減息的行為已把通脹拋諸腦後，但它在減息聲明中仍說，他們期望未來幾季通脹率會溫和，但仍需小心觀察通脹的發展。

美國第四季美國本地生產總值按年計增長０．９％，增長急促放慢，看來今年第一季能否維持正增長也是一個問題，第二季即使有退稅刺激也有可能是負增長。若連續兩季負增長，就是經濟衰退，美國已在衰退邊沿。

若果以計及能源和食品的總體通脹率來計，美國現時通脹率應該已超過３％，而利息只是３％，美國已是負利率。照走勢美國經濟增長快將停滯，典型的停滯澎脹情況即將出現。現時聯邦基金利率是３厘，聯儲局尚有減１至１．５厘空間，把利率減至１．５厘的低位，但若瘋狂減息仍然刺激不起經濟，再加上通脹飛升，美國就會步日本後塵，陷入長期的衰退。

減息之後，美股又會進入一個調整的勢頭中，目前有些負面消息開始出台，除了按揭保險公司被降評級外，標準普爾又宣布降低５３４０億美元次按證券及CDO( collateralized debt obligations)的評級，這個舉動將會逼使本來撥備不夠的金融機構再要作更多撥備，瑞銀昨日已公布極差的業績，帶動歐洲股市向下，看來歐洲金融機構要為次按大撇帳仍陸續有來。

美股反彈乏力，港股過去兩日已應升不升，除了期指結算的因素外，也顯示大市的上升動力有限，不少人借反彈沽貨。由於大陸受困於雪災，港股短期動力主要來自受惠於減息的地產股和本地銀行股，但不要有過高期望，好的話是炒吓上落市，要向上破２５２００點不易。

有人問美國減息香港跟不跟，我話香港銀行多數會跟，跟唔跟足唔知，但因為如匯豐這些大銀行正深受股市的壓力，加上銀行同業市場資金充足，所以會帶頭減息，希望刺激一下氣氛，所以供樓的市民有福了。

後記：高手昨日已經離場，他原來在２４０００點上下建立好倉，並以部份淡倉對沖，後來在１月２２日大跌日再入市掃貨，後入的一批貨在反彈上２５２００點，在大市回頭時止賺，獲利較深。而初時建立的好倉亦在昨日平倉，好倉本有微利，但扣除對沖成本後，獲利不多。我問高手現時離去會否太早，他表示投機要順勢，這一浪港股反彈暫時未有他想像中那麼多，主要是大陸受雪災影響，大勢不就，未能帶起港股如以住地向上偏離美股走勢，變成和美股同步，等到減息就是好消息出貨的時候，雖然股市再升唔出奇，但他是投機者，不是投資者，不會揸太長，唔怕食唔盡，最怕要上身。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——等到減息要留神
2008年1月31日

港股在期指結算日反彈乏力，美股造好帶動恒指高開313點，升上24,632點後反覆下跌，收市報23,653點，倒跌638點。現貨月期指以 24,065結算，2月期指下挫至23,511點，收報23,620點，倒跌705點，比現貨低水33點，成交82,225張。國企指數下挫624點，報 12,755點，大市成交1,051億元。

雖然期指結算日有各種人為因素會影響指數，但在「萬種行情皆歸於市」的假設下，見到恒指無端端就穿鰦24,000點，跌到落近23,500點的水平，不能不有一些警覺。

中環茶友話，自1月22日大跌後，恒指主要在23,500點至25,200點之間彈上彈落，走勢極飄。若港股短期能升回25,000點以上企穩，後市可以睇好少少，但如果快速跌穿23,000點，就要小心，因為如困反彈浪頂只是25,200點，港股仍在一個完美下跌圖形中，隨時要跌破上次的低位。

重上25000點才安全

茶友話，最近兩日美股升、港股上升無力，改變了他的看法，股市應升不升始終唔係好預兆，若不是受期指結算影響，就是在消耗上升動力。美國聯儲局將一連兩日議息，市場預期聯儲局會再減息0.5厘，按過去美股運動慣性，到減息的好消息兌現後，股市又會調整，去年10月31日減息前一天道指在近14,000點見頂，之後因減息幅度不符預期即跌；12月11日減息後又上到13,700點左右就開始跌；現時杜指升近12,500點，相信都唔易彈番上13,000點，若無例外在減完息後，美股又要回一回轁一轁。

若美股再上空間有限，香港炒作動力唯有看內地股市和本地地產股，目前大陸雪災第三波將於年卅晚殺到，阿爺暫時全副精力在救災，股市死氣沉沉，看不到有何刺激大市向上的因素。所以唯一可以有少少刺激就看地產股減息前後生唔生性。

茶友話，恒指現水平不貴，很多優質股本來有長線吸納的價值，但好漢不吃眼前虧，不能不留意眼前走勢。若是短線投機就更加要執生，若大市一穿23,000點，投機者最好沽貨避一避先，長線投資就要睇個別股票的基本因素。

三隻保險股下跌，一般人話雪災怕索償大升，現實上雪災未似帶來好多人命傷亡，國壽（2628）[股價及相關新聞] 之跌和雪災關係不大，真正的跌因和國壽的盈利有關，國壽宣佈截至2007年12月31日年度實現的淨利潤較2006年度增長50%以上，主要得益於保險業務穩步增長以及投資收益的顯著提升。國壽06年純利199.6億，07年若增長50％，即係約300億，此數字不符市場預測，因為國壽1至9月純利已有 246億，按升若全年都係得300億，市場就唔多滿意。

國壽成敗睇A股

須知國壽純利有好大舊係投資收益，那些投資所得按香港會計準則計數，年結時不管國壽是否出售那些投資資產，都要按市價貼現去計，如今A股低迷，國壽的A股投資按12月31日價錢一貼現，就唔見一大截。國壽業績很受股市好壞影響，係人人都知的事情，不過現在一講出來，市場又覺得好大件事。國壽昨日跌 7.4％，收29元，拖到財險（2328）[股價及相關新聞] 和平保（2318）[股價及相關新聞] 亦跌7.4%及6.5%。

講起A股，國壽未算跌得慘，光大控股（165）[股價及相關新聞] 更慘，昨日大跌15.4%，收報15.9元，過去炒作光控主要炒佢有光大證券，並有內地投資，如今一對內地股市睇得淡鱓，就好似要錢唔要貨咁，起勢咁掟。

呢一期輪到歐洲銀行公佈業績，以資產計歐洲最大銀行瑞銀要為次按撇備140億美元（1092億港元），令它在第四季虧損114億美元（889億港元），次按這一浪開始湧到歐洲了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——雞肋市買又難賣又難
2008年2月1日

美國聯儲局宣佈減息0.5厘，香港銀行跟減了0.25厘，卻刺激不起港股，反而在早已預期出現的減息後回吐，恒指高開136點，升上23,887點後，倒跌至23,314點，下午再反彈上23,850點後，又再回軟，收市報23,455點，跌198點，就此結束飄上飄落的一天。期指收報23,494，跌 125點，比現貨高水39點，成交81,613張。國企指數下挫270點，報12,485點，大市成交1,107億元。

國指錯價盤累街坊

早上國指期貨出現烏龍盤事件，有千幾張沽盤將國指由12729點一直插落11980點，插鰦成749點，後來經紀行發覺係入錯盤，結果管理當局俾佢翻案，因為有條例話一個盤唔可以超過3%價，所以12350點以下的沽盤唔算數。

經紀張就話，當時國指插得咁厲害，好多人止蝕跟沽，但最後發覺係錯價，打完靶國指又上番正常水平，咁就無端端死鰦，所以有時見到個市超常波動，反應慢少少都係好事，反應太快反而會中招。

呢個一月埋單，恒指由今年開市價27,632點，跌到昨日的23,455點，一個月合共跌了4,177點。

中環茶友話，美國1月議息後，要等到3月中再議息，期間美股結束反彈，多數會反覆向下，道指會再試上次低位11,500點，形成一個一級級向下的格局。睇番恒指個圖，一樣唔靚仔，高位一級級落，由近32,000點高位，跌落鈬彈上近30,000點，再跌再彈到28,400點，到最近一次插完再彈上 25,200點，和早前預計一樣，恒指一級一級咁落，而且仲要突破波幅區間向下尋底，睇圖唔係幾靚仔。

茶友話，若恒指唔向上突破這種走勢，基本上還是「跌市格局」，我們不能將之當做升市咁鈬炒，以為跌完立即無事會再創新高。還有一個可能是向下不破，但跌到咁上下就波幅收窄，打橫行，這叫做「牛皮格局」，隨時上半年就係咁過。若出現再下破低位或橫行的走勢，對長線投資者損害不致太大，只要不心急高追就可以；但對投機者就好危險，唔好假設恒指好快會上番30,000點。

中環茶友講起，今次減埋息，暫時看不到有甚麼重大利好消息，大陸股市又唔見有得炒，茶友講笑咁講，唯一的利好消息可能係「好多散戶都睇淡」，咁樣的市道做淡亦無肉食，因為人人都跟住沽。所以大淡友即使想做№，都可能會先炒炒反彈，等大家覺得無事再追入，又來插一插你。

特首煲呔昨日話港股直通車技術問題已解決，幾時推出則等中央決定。你以為個市會炒一番，現在就未知個市今日點反應。以恒指現價23,455點計，可謂十分「雞肋」，食之無味，棄之可惜，向下水位未夠，向上又難舞得太高，所以慎防一個假身向上，再來倒插，因為美股好大機會向下走，插低易有外圍的壞消息搞氣氛。今時今日，投機者不宜太博，限制注碼，定好止蝕才好入市。

以港交所（388）[股價及相關新聞] 為例，繼續每日大波動，昨日高位167.8元，低位160.2元，一日有成7.6元上下差價，等如4.6%，結果收近低位160.8元。唔覺唔覺，隻港交所彈完之後，每日上上落落陰陰跌，好快又去到近1月22日的低位。

看好聯想莫高追

不過亦有些業績理想股份昨日逆市造好，例如聯想（992）[股價及相關新聞] 和思捷（330）[股價及相關新聞] 業績理想，聯想升12.6％，思捷升7.8%。聯想公布，截至去年12月底止第3季度，錄得純利1.7億美元，較上年同期5,773萬美元，增長1.98倍。此外，聯想又以作價1億美元，出售其不賺錢的手機產銷業務，預期將帶來未經審核出售收益約6,600萬美元。

聯想早前因為市場憂慮其美國業務倒退，曾經大跌，最低見過3.87元，昨日收報5.37元。按道理聯想上一季不受美國市道影響，不等如下一季不受影響，但市場好似一下子又不擔心它的美國業績那樣，升同跌都過份鰦。看好聯想者不宜高追，過一排升完隨時又會回，慢慢低吸更佳。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

宏觀鏡         
2008/2/1 上午 09:54:15

網誌分類: 經濟

美股又坐過山車，昨日早段曾跌１．３％，到後段因為最大的按揭保險公司MBIA Inc.行政總裁Gary Dunton話自己公司有足夠資本保持AAA的信貸評級，帶動一眾金融股向上，美股重拾升勢，道指升２０７點，升幅１．７％，升到１２６５０點。

這一陣子外圍和香港的股市都極其波動，升市時股民心情好好，跌市時股民心情好差，大家都無乜方向。好友會想，這一個跌浪很快過去，恒指轉眼會升上３萬點樓上。淡友會想，這個跌浪未到底，隨時有股災在後頭。

先講股災，主要風險在美國，來源有兩個，係人都知道次按大鑊，但這一鑊若要爆到出股災，第一，要聯儲局及政府無行動去制止災害蔓延。第二，聯儲局及政府行動完都無效，藥石無靈。

我在上月話股市係大跌唔係股災，主要因為救市的方法未出重招，貨幣政策未大減息，財政政策未大派錢，若有股災殺到，政府還可出招，應該止得吓咳。結果一如所料，聯儲局兩度減息共１．２５厘，又逼得民主黨同意救市方案，政府出招後，市場暫時舒一口氣，至少相信政府和聯儲局會出重招救市。

接著的問題是會否救市無效，藥石無靈呢？而家最幸運或最諷刺的是，聯儲局主席伯南克，根本就是研究大衰退的專家，專門研究政府如何救市，如果連佢都救唔到市，就證明學者都係閉門造車，得個講字。伯南克1979年在麻省理工獲得博士學位，1983年他在史丹福大學經濟學做副教授時，發表經典論文《金融危機之非貨幣因素加劇大蕭條之蔓延》，分析了上世紀１９２９年大股災和隨後的經濟大蕭條根源，他認為債務緊縮和樓價等資產價格大幅下降，是導致大蕭條的主因，而聯儲局沒有及時減息也是幫兇。

睇番而家，美國的病變也是債務緊縮和樓市急跌，而聯儲局雖然曾被批評減息減得太慢，但１月已急急加促減息的步伐，而家就係驗證伯南克理論的時候，到底在經濟有蕭條的苖頭時，聯儲局大幅減息，加上政府的財政政策放水，能否挽狂瀾於既倒？

而家美資大行間間都預期今年起碼減息１．７５厘，而家減了１．２５厘，即係起碼仲可以減０．５厘，可以減到２．５厘（我估再減深少少都得），美資大行的普遍結論是大減息加大救市可以大力舒緩經濟的病變，美國只是在第２季和第３季有負增長，之後可以回復正增長。

如果是這樣，美股會反覆向下，不會有股災式急挫，港股即使未見底，也不致有大股災。你問我信唔信，我都有六成信心，但唔係有十足信心，要觀察未來一兩個月信貸市場的走勢，會否在大減息後令債市重拾活力，是未來生死的關鍵。基於未有十足信心，所以也不相信港股會V型反彈上３萬點（唯一變數是港股直通車何時開通），目前的策略，見到股市彈得高就要保守啲，若跌到咁上下，又不妨雞啄米或買吓平貨，但買貨就要預咗守長啲矣。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 1-2-2008 10:36 AM 编辑 ]

Mr.Business

2008/2/4 上午 11:32:13

陸羽仁覆網友

大陸雪災，湖北女工候車時被踩死，中國工人一年勞碌，年賺幾千、１萬元工資，只是兩三隻美國電腦軟件價錢。發展中國家要工業化，唯有出賣廉價勞工，這件事幾十年前日本在做，現在中國在做。我希望中國早日富強，中國人不用賺這些辛苦錢。各位網友可以捐點錢救助雪災災民，即使捐１００、幾十都好，都係對同胞的一點心意。

大陸經過雪災，管理層對宏調會鬆一鬆手，例如之前唔夠電廠加價，是缺電部份原因，災後恐怕要放一放，若唔放佢加價，國家就要如對中石化那樣，要補貼電廠。

Fatfat問點解個別人做市美國會拉，大戶借內幕大炒港股無人會拉，你有無聽過一句話叫「盜民者賊，竊國者王」，做賊要做大賊，炒個別股會被人捉，富可敵國者炒起炒落你一個股市，就無人捉。正如８月２２日插你個市插到２１７００點，你幾樂觀都不可不防，佢有一兩成機會玩到你出股災。

Sam話雖然大市唔係跌咁多，但好多股份已跌５０％以上，已有股災。我講的股災是市跌３０％、５０％，你計入指數股有相當多公用股唔會跌到咁多，咁成份股隨時可以跌７０％、８０％，非成份股可以跌９０％以上，那些才是股災。我唔係話而家的股票跌得唔多，只係話若有股災仲要跌多好多。

Ray:你問地產股見頂未？若美國不爆災，香港地產應未見頂，因為新盤全部勒住未賣，再推出時應有新高價。二手屋村價不少只是９７年時６成、７成左右（港島一線屋邨除外），仲有上升空間。地產股應在樓市炒得較顛時見頂，我覺得由於樓價未見頂，地產股雖貴，之前炒得太顛，但回吐後仍有少少空間去吓。上週五減息幅度不符預期，相對較貴的地產股借勢回吐，亦屬正常，現時芬佬隨時沽地產換番紅色股，因為紅色股跌得太殘。若大市反彈，地產股又可以彈吓，若新盤推出理想，大市又回穩時，地產股又會炒吓。

Tonton:你有閒錢可守一兩年，入咗第一、二注國壽和恒生H股基金，問好唔好候低入第三注，我話可以，但升番上去也不一定要高追，另外買中移動或中海油都得，但最好低吸唔係高追。而家嗰市，投機者可以追，快入快出，但投資者就不宜太勇。

小股虫：你的匯豐、中移動、宏利，特別是後兩者入貨價較平，就唔好出出入入了，揸吓啦。低價入的長線股，要沽是在升得好顛時沽，不是在跌市之後沽。正如大市升上３萬點時，你問我好唔好沽，我會答沽一半收番啲本，那些日子是沽貨時候，我都唔會叫你一注沽清。

Piker:你問國壽和平保乜位入，兩隻股插得幾甘，現時反彈中，睇你手上有無閒錢，貨多唔多，若閒錢多貨少，分段候低買吓都得，但預咗買完會回，現守長啲。

Herny:你話股市橫行係唔係買高息貨幣好過，作為分散投資可以，但也不用買哂外幣，上落市低吸高沽，買股票都得。

Myself:大陸錢不成氣候，又回到美資話事時，自然會跟美股炒，不過係擴大波幅來炒，美國玩插插挾政府救市，你唔睇美國點玩，唔知港股為何升跌。２、３年後回望，無買匯豐可能後悔，但亦怕匯豐未到最壞時，匯豐後市還看歐洲，歐洲銀行可能爆鑊，匯豐亦要捱，佢被人挾到換管理層大撇帳，就可以低吸長揸了。

小強：期以十年，H股股價會和A股拉平，所以好長線咁睇，買２８２８恒生H股基金好過買２８２３A５０基金，但好多朋友講月供，月供無得供２８２８，無計。

Woohaha:你話直通車係非流通貨幣買流通股票，的確係咁，但這也是內地讓人民幣逐步自由兌換的試點，初時全是由指定銀行進行，沽完貨錢要調番大陸。

譚太：你問工行好定建行好，外資喜歡建行多啲，佢本來做多啲按揭亦好賺啲，但宏調針對樓市，佢啲買點無優勢，兩隻差唔多。至於另選平保或國壽如如何，國壽好似相對平穩啲啲。

Yuki:微軟併購交易初時話係善意，而家又傳係惡意，即係雅虎管理層唔贊成，但微軟提出高溢價，雅虎股東好可能會同意。

H股長線無可能同A股脫鈎，但短線有會背駞，因為H股受外資主導，佢地會按自己喜歡的方向炒。

雪廠只要不破壞工廠設備，似無長久影響，而且災後政府多數與民休息，政策會無咁嚴，宏調會鬆少少。無聽過大陸錢過年要回流。你講股票跌得急升得少的問題，我明天寫篇網誌講吓。

地產股跌應不是期指活動，而是地產股炒減息彈得多，減息唔夠借勢回。

美國如果無災，第二季經濟受退稅影響托一托，第三季可能再回落，第四季應OK，美股超前少少，下半年會好啲。仍然估計爆災機會一、二成。

Ling:國壽５０元入，中移動１３０元入，國壽入價太貴，那些價位是沽而不是買的時候。但等３、５年應該OK，下次記住長線投資只宜低吸，不宜高追。短線投機要止蝕。

Gigi:你話買價值股計啱數入貨，愈買愈跌，你可唔可以再買。如果真是有股災都唔會對生意有太大影響的股票，你真係計啱數，可以愈跌愈買（但我怕你地唔識計數）。你又問價值股愈買愈升得貴，可唔可以買，呢個問題易答啲，價值股升到貴時，已經唔抵，要停手，再喪升，可能要沽。

P:你問新地點解跌成咁，地產股今日都唔算彈得高，之前升突咗，而家回緊氣啩。

Yy太：新年多數要香港捱世界，慘。

Brian:中海油短炒，可以定止賺位，睇高少少。

Elle:華能可以現價買一注，等佢回落６．５元一注，６元一注，買齊睇長少少。

Mr.Business

注：此篇文章版权归香港頭條網所有。

金融High Tea——利息低風險高的年代
2008年2月4日

美國次按危機愈爆愈深，聯儲局被逼在一個月內減息共1.25厘救災，借貸利息減到3厘，香港銀行無跟到足，只減息0.25厘，跟減跟得唔夠多，仲搞到地產股有少少回吐。

銀行做生意賺息差，假如借錢是最優惠利率減3厘計，減息後最優惠利率為6厘，減3厘即係得番3厘，而大額存款減息後只得0.5厘，即是賺2.5厘息差。本地銀行今次不能跟足美國減0.5厘，不是貸款利息不能減，而是存款利息可減的空間有限，現時存款減到0.5厘已好難吸引到人存錢，若跟美國減足0.5厘，即係得番0.25厘，貸款勢將流失，而且美國還會減息，咁下次又點跟呢？

陸羽仁上周五收到美資銀行一位銷售小姐的電話，話轉入40萬新錢去她的銀行做大額存款，又高利息又有禮送，我對存錢入銀行做定期向來無興趣，但好奇問銀行小姐，你懐過去一向只當100萬元係大額存款，為何今次40萬都殺，銀行小姐支吾以對。我估在美國減息潮中，減到太離譜時，亦會對本地銀行營運構成各種問題，其中一個問題係存款流失。

「I kill you later」

香港早已進入實質負利率年代，銀行大額存款得0.5厘息，美國再減息，恐怕會跌到0.25厘，得番個零頭，等如無息畀你，但通脹起碼3%，即係話以現時利息計，存錢在銀行扣除通脹，一年實質貶值2.5%。

負利率逼人投資，但投資存在風險，不妨一一講纒。第一種是潮流時興投資的「高息」產品。這些「高息」產品名目繁多，主要針對投資者「好息」心態，例如證券掛鹇存款，又例如累積性投資合約（Accumulator），在這個跌市中，Accumulator大出風頭，甚至被指為股票大跌的元兇之一，俾人改出個花名做「I kill you later」，話佢在跌市殺死好多人。

很多人聽過累積投資合約個大名，實際上唔知佢做乜，舉一個例，國壽（2628）[股價及相關新聞] 股價50元的時候，做一份累積投資合約，年期一年，接貨價為85%，即係42.5元，即係一年內按42.5元的水平每一日接少量貨，若國壽股價不變，日日可以接到平貨，就日日賺錢。這些產品規定股價跌到某一水平就雙倍收貨，例如正股跌到接貨價42.5元時，就要雙倍接貨，平時每日接100股，到那時就要接 200股。這些產品都會有一個「踢走價」，例如正股升到比訂價高5％，此例子就是52.5元，整個合約就會被中止。

你而家會問，這些累積投資合約咁老襯，升時被人踢走，跌時雙倍接貨，點解仲有人做？你先要回想去年股市不斷上升時，你做一份累積投資合約，不斷低價接貨，即使做了一兩個月就被人踢走，都接了一兩個月平貨；被人踢走後商人銀行又會慫恿你在高價再做，但正股一升，每做一份新合約都賺錢，自然冇乜防備心了。

到股市一路插，做了累積投資合約就好慘，一路要接貴貨，仲要打孖上，要斬倉成本好重，一路接貨亦好肉痛，你想像國壽跌穿30元時，仍要每天接42.5元的國壽，鰟種感受幾惡頂。到頂唔順時，就被人斬倉，所以有大量紅色股平貨不問價掟出貨，和這些衍生投資工具絕對有關。

另外有些股票掛鹇證券（ELI）亦差不多，又用國壽例子，在國壽50元時，你存一筆錢，銀行付30厘息，但要在到期時以現價85%接國壽貨，即係隨時國壽跌到28元時，做了ELI就要一筆接42.5元作價的貨，一接貨已經唔見了近30%，隨時一接貨就斬倉。

高息產品如沽期權

這些所謂「高息產品」，接貨者實質上沽出了「認沽期權」，要承受無限風險，若股價跌了，對手就有權大手沽貨給你。而且「不公平」的地方是跌時無限風險，升時卻只有有限收益，因為上方會有一個踢走價，一升就把你踢走，做一個兩年合約，在升市時收高息接平貨的日子只得三幾個月，衰起上來接貴貨卻要接足全程。

我亦試過有個銀行小姐打電話來推銷這些累積投資合約，我好認真咁問佢：「你銀行都係賺手續費鎹，個市咁高，做呢鱓累積投資合約風險好高，我想做沽家又得唔得呢？我照樣畀手續費你賺又如何？」銀行小姐唔好意思咁對我說：「對唔住呀，呢鱓合約主要由大型金融機構做莊沽出，你懐普通人無得做鮁！」

做這些高息產品，小心利大本無歸，你要對自己的財力和對那些掛鹇股票有好深的了解，要知道那些股票可能回調的深度，要知道自己財力頂得順，要知道你不幸要接貨時，自己有能力坐貨，而那隻股票坐兩三年可以回到你的「折扣買入價」，才好去做。

炒匯亦有風險

第二種風險投資是買外幣。最近富豪叫人買澳元，話收7厘息加7%升值，一年回報有14%咁話。美元勢弱，而且未來還會再減息，真係無乜人會睇好美元，大多數人估佢即使唔跌，亦有反彈無升幅。

一般人投資信權威，聽到話澳元一年賺14%就鲻身上，甚至用5%按金大炒桿槓外匯。但今年底美國民主黨好可能上台，上台會從伊拉克撤兵，會控制預算赤字，美元弱到咁上下時，亦有可能轉勢，外幣可以買可以炒，但不明白存在美元轉勢的風險，同樣要定止蝕，最好等美元反彈、澳元回軟時才買，同時定番10%止蝕，咁就比較安全。李四叔投資雖精，但唔會隨覑匯市變化日日向你報料，佢見到有危險時會走，你就要靠自己決定買唔買，幾時走。

另一種可以考慮的貨幣是人民幣，人民幣存款利息比港元存款高，但若美元轉勢，也一樣有風險，但波動肯定無其他自由浮動的高息貨幣那麼大，若大家睇好中國經濟，長線人民幣幣值都係向上，都唔怕用少少錢買人民幣。

第三種風險投資係買股票。港股從高位近32,000點下插，上月最低見過21,700點，好多人會問見底未？若單從恒指的調整幅度看，以低位計已經調整得夠，特別是雪災令國指調整得更深，現價開始進入吸引的水平。不過現時港股的主要風險不在自身，而在美國，若美國經濟失救，進入漫長的衰退中，港股就低處未算低。

對美國經濟的走勢，存在兩種意見，唱好派主要是美資大行，認為在聯儲局大減息和政府大救市下，美國正渡過最壞時候，預期第二季、第三季會輕微衰退，到第四季又回復增長，換言之美國只有短暫危機，並無重大風險。

唱衰派以大炒家索羅斯為首，認為美國正步入重大危機，已經無得救，過去聯儲局獨沽一味減息救市，如今做得更盡，美國大放水喉派錢，救得一時救唔到一世，美元正步向崩潰。說得白一點，索羅斯正大笑聯儲局主席伯南克無能。

無論美資大行或索羅斯，他們都有重大利益，美資大行等伯南克放水救自己，自然唱好，索羅斯肯定狂沽了美元，所以唱淡。對兩方觀點都打一些折扣後，可以咁講，次按問題和樓市下滑令美國經濟面對空前風險，政府和聯儲局亦正全力救市，救唔救得到要再觀察。有債市專話，次按危機令債券市場近乎停頓，大家連價都唔想開，但聯儲局連番大減息，令市場的債券吸引力增加，只要市場願意重新開價，即使開價較低，也能令債市重新動起來，就不致令信貸緊縮不斷惡化。

買電力股收纒息

美國經濟景未明，美股仍在反彈，可能再彈一段，到月中過後，觀望下月聯儲局的議息動向，以及歐洲銀行公佈的業績，美股彈完可能又回吐，估計港股都有先彈後回的走勢，唔係一條直線向上。

現時股票比較吸引，問題就要睇你有無閒錢，要唔怕萬一大跌時，自己也守得住，才好去買股。以內地電力股為例，在宏調影響下，例如華能（902）[股價及相關新聞] ，差不多跌近上一浪的起步位，而且華能的派息一定高過存錢在銀行的利息，即使大陸爆股災，股價大插，但經濟發展始終有電力需求，電力股跌完始終會升番，係睇長線的選擇，可以候低買少少。

投資往往有風險，不是有風險就不去投資，要明白風險所在，要控制風險，不去冒不合理的風險。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:00 PM 编辑 ]

Mr.Business

注：此篇文章版权归香港頭條網所有。

反彈      
   
2008/2/4 上午 09:33:47
網誌分類: 經濟

美股跌得多惹來併購，微軟在上周五宣布以４６６億美元（３４７９億港元）向雅虎提出收購，收購價比雅虎前收市價有６２％溢價，消息一公布雅虎股價即彈近五成。在微軟收購消息刺激下，再加上傳聞美國大銀行計劃聯手救債券保險公司，令美股上揚，道指收報１２７４３點，升９２點。

微軟和雅虎的對手Google勢力愈來愈大，微軟和雅虎漸有頂唔頂之感，所以併購是聰明之舉，但在市旺之時，大家要求都好高，所以好難成事。微軟透露０６年底曾向雅虎提親，雅虎無興趣，去年又再提，再被雅虎拒絕，到如今才有良好反應。微軟在大市差的情況下，願意以高溢價提出收購，即使雅虎管理層不心動，雅虎股東都心動，聞說交易是敵意交易，但因溢價夠高，都有機會成事。

我們對併購消息無大反應，主要看看價錢，睇吓對雅虎和微軟股東有無著數，但美國人視併購為企業增長的原動力，因為美國公司間間都係巨無霸，仲要年年維持雙位數字增長，只有透過併購，但股市太旺時，公司睇自己價值睇得好高，再加上有好多私募基金借到平錢來搶貨，所以併購對象公司大多吊高來賣，併購好難成事。但如今經濟衰退的陰影令公司回歸現實，對收購價的要求降低，併購成事的機會回升。美國人聽到併購就精神，視之為股市利好消息，若未來併購活動多啲，美國股市的氣氛會改善。

照美股走勢，會繼續一輪反彈市，而港股跌咗咁多亦會跟著反彈，問題是彈到幾高，以及會否彈完好快就軟番。美股也不是沒有隱憂，第一，下月１８日又再議息，想聯儲局再減息的力量，會在２月底發力，因為若美股欣欣向榮，都無再減息的需要了，所以近議息期都係做低多過做高。第二，救市方案有手尾。布殊政府和民主黨眾議院的大佬傾好，才推出救市方案，但民主黨的參議院大佬卻唔多滿意，批評退稅對經濟的幫助不大，認為不如延長失業救濟，每人派長啲救濟金，此舉同樣要１４００億美元，即係派得救濟金就退唔到稅。參議員按州選出，窮州多過富州，來自窮州的參議員就算出吓口術，都叫做為最低層發吓聲，而家唔知民主黨參議員有幾認真反對，若堅持反對，都幾濕滯。

綜合而言，即使美國經濟唔係差得咁緊要，美股彈彈吓都有誘因回落，港股走勢受美股牽動，不可不防。

港股基調原本好過美股，負利率本可刺激投資氣氛，但美股下滑，加上大陸雪災又拖住A股向下，港股大跌初段反彈乏力。但隨著美股借併購消息彈番高，港股應有一輪反彈，第一個目標是２５０００點，看看彈上去之後能否守住２５０００點，若能守住此位，對大市可以睇番好一啲。

如前所述，港股主要風險在美股，美股如一個重病入院的有錢病人，做完手術推番出來，表面睇都OK，開始醒番，你係一個保險經紀，佢想同你用好貴價錢買份壽險，你要決定賣唔賣俾佢。你夠膽博，佢未醒時你就開單，就可以博到最高價錢，有可能一開完單佢就瓜咗，你就要賠錢，只有富冒險精神的人才會做，就等如在股市跌得最甘時入市。等到個有錢人愈來愈清醒，有講有笑，份保單價錢就開始跌價，保費要收平啲，因為險開始下降，就如現在的股市。你等到佢出埋院去埋打波確定佢無事才肯同佢開單，只能收較平的保費。風險和回報成正比，博唔博只能由自己決定。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:01 PM 编辑 ]

Mr.Business

2008/2/5 上午 10:55:12

陸羽仁覆網友

Ray:年近歲晚，大市成交薄，任得大戶舞，散戶信心弱，睇淡多，是大市唯一利好因素，要插都做高嚟慢慢再插啦。若大市能企穩在２５０００點樓上，呢個月反彈有機見２６０００幾點，睇得太高就唔好啦。

講起中鋁，雪災都有影響佢生產，但受惠於阿媽收購和阿爺托市，若大市向上，有啲機會試一試１５元。

電力股是宏調重災區，煤價大升，電價唔俾加，所以電廠停工抗議，和早前油站唔賣油的情況一樣，踫到雪災更大鑊。證明純行政干預行不通，雪災後阿爺要鬆手善後，一個可能係唔想電價升就要阿爺補貼，如中石化賣油收補貼那樣。所以電力股短期盈利受停工影響，直至理順和阿爺的關係。你的華能８元入，若短期彈上打和價，先離場都可以，股價有波動，沽完等佢跌吓再買都未遲。

Toast:你的組合蟹貨較多，若大市有幸彈上２６０００幾點，可以再止蝕一部份，減一減磅，等那些股票回吐再買番，降低成本。

Loiloi:你的首都機場７元買，應該買咗好耐，最近隻股跌和紅色股下跌及雪災有關，咁大風雪，機場都唔慌好生意啦。但你入貨價平，忍得到最好唔好在這些位止賺。

Yuki:你問會唔似聖誕少成交咁大力挾升，正如你所講，大市向南向北都得。我話大戶如要搵食，要有波幅，有深度，正常是挾高少少再沽，如果唔挾就沽，後市更壞，因為佢地要向下食糊。

益力多：期以十年，A股和H股好可能會統一，好似前有外匯券和人民幣一樣，唔係正常產物，所以如果月供供一二十年，就供H股基金好啲。

WFKK:平保發１６００億A股大集資搞到大陸股市跌，人民日報發表評論文章，一定要財金主管部門批准，即係話阿爺想托市，平保集資隨時大縮水，甚至玩完。

Philip:買樓想換樓，但又唔係咁逼切，又想短炒，可以開個高價，例如買入價高兩三成，放盤，到價就沽，唔到價就住。即係你４０元買國壽，想長揸，你第二日突然升到５２元，透支長期升幅，你沽下都唔妨啫。記往若賣得成，賣完樓價再急升，千祈唔好追貨再買。

三心兩意：你問Accumulator斬完倉未，主要係大市跌定未，因為現時的Accumulator多數高價做，國指升上１６０００點、１７０００點才到接貨打和價，而家接貨一跌蝕，當然升番高啲好啲，但若再急跌，頂唔順者又要斬倉。

[ 本帖最后由 Mr.Business 于 16-2-2008 04:01 PM 编辑 ]

Mr.Business

注：此篇文章版权归香港頭條網所有。

恨遊戲 不恨玩家
2008年2月5日

股市中，有不同的參與者，俗一點的稱呼，是「玩家」，他們有不同的種類，例如長線投資者、純投機者、莊家、窩輪發行商、大戶和散戶等等，他們的身份時常重疊。

如你是長線投資者，相信你最憎恨的便是投機者或對沖基金，因他們大多數都跟紅頂白，趁好消息買上，壞消息沽空。投機者或散戶最憎恨的非窩輪發行商及莊家莫屬，他們認為窩輪發行商時常開價不公平，窩輪應升時候升得慢，不應跌時候卻跌了下去。

投機者或散戶最喜歡的便是短線投機，莊家股貨源集中，少少的資金便可把莊家股股價舞高弄低，股價上升時自然吸引散戶追入，但不少不懂沽貨的人最後成為了莊家的點心。

參與者互相克制

窩輪發行商有憎恨的參與者嗎？Victoria想是有的，對沖平衡風險對窩輪發行商來說是最重要的，他們害怕的便是那些有影響力而又喜歡一鳴驚人的研究部門，試想想如果神華（1088）[股價及相關新聞] 一百元的研究報告出街後的一天，神華的股價一開便是一百元，有份發行神華認購證的發行商事前怎可能趕得上做對沖？屆時一百元的神華發行商都要爭覑買。

想深一層，其實在這種參與者一環克制一環的關係下，不同位置的都有覑他的優點及缺點，沒有一方是有絕對的優勢，故「要恨的就恨這個遊戲難玩，不要盲目只恨玩家」。

王雅媛（Victoria）

http://www.hkheadline.com/news/h ... 4D&section_name=wnb

[ 本帖最后由 Mr.Business 于 16-2-2008 04:02 PM 编辑 ]

Mr.Business

注：此篇文章版权归香港頭條網所有。

金融High Tea——反彈市睇波幅做人
2008年2月5日

在微軟收購雅虎消息令上周五美國股市高收，亞太區股市回升，內地股市亦急彈，恒指高開761點後，最高升978點，下午升幅一度收窄至600點左右，尾市再升，收市升909點，報25,032點；期指收報25,029，升815點，比現貨高水43點，成交37,507張；國企指數漲836點，報 14,120點，大市成交1,176億元。

美國股市遇上併購消息，可謂久旱逢甘露，你知美國大公司增長主要靠併購，但早前市旺時私募基金融資容易，把併購對象公司的價錢搶貴晒，加上目標公司都吊起來賣，所以好耐無大型併購，今次突然殺出一單微軟提出以62%的溢價併購雅虎，又燃起市場對併購的憧憬。

不過，微軟今次提出的方案是敵意收購，雅虎管理層並不同意，所以收購未必順利，微軟提出62%的高溢價，雅虎管理層很難提出反建議，若無更佳方案，恐怕雅虎股東會同意微軟的提議。微軟一出手，就掀起市場一輪尋寶行動，美國股民會發掘纒其他股價落後的收購對象，投資銀行亦會四出拉線。

年近歲晚A股要升

美國市場回復一點生氣，亞洲市場馬上炒起，昨日的升市相當廣泛，各大亞洲股市都升，有番少少氣氛，不過講香港之前，不能不提一提內地，中國股市春節前造好，上證綜指全日最終收報4672點，大漲351點，升幅8.1%，也創歷史上第二大單日收漲點數記錄，國航、中石化、中旅的A股皆漲停牌板，一洗雪災以來股市的沉悶空氣。

昨天內地升市並非因美國而升，而是市場預期阿爺會放寬宏調措施救市，加上周末中國證監會再開閘放兩隻股票基金出台，又有消息指今年將會試點讓證券公司上市，全部都指向寬鬆一面。市場擔心雪災影響國企盈利，但中央國資委主任李榮融昨日向股民大派定心丸，表示儘管這次雪災使中央企業也遭受不小的損失，特別是一些上市公司，因能源運輸不暢，生產受到影響，但這並不會影響到上市公司的業績，叫廣大股民不必擔心。佢話國資委對於中央企業的經營已經作出了統一安排，這實際上是在暗示，央企經營不會因雪災受到長期影響。

有熟悉內地國情的中環茶友話，內地股市很受管理層的意向影響，雪災持續，影響民眾心情，還有三日就過年，阿爺不想股民都帶覑悲情過年，明顯出手挺一挺股市，刺激一下股民情緒，預料直到過年都係反彈市。

高盛留意內房股

港股在美股造好及A股反彈下，昨日亦有比較像樣的反彈，結果收報25,032點，茶友話觀察未來兩日走勢，若港股持續反彈，而回落也是守25,000點樓上收市，港股會比較安全，進入一浪反彈市中，可以炒纒，若好快失守25,000點就要小心。茶友估未來半個月港股應在23,000點至27,000點之間，炒纒上落市，而家恒指企在中間位，投機的我可以炒纒波幅，總之要定位止蝕，唔好以為是萬里晴空。

H股跌到殘反彈，又吸引了部份大膽資金回流，早前有些基金避險把錢泊入地產股，如今有反向換馬的動向，例如早前升市龍頭新地（016）[股價及相關新聞] 昨日在升市中無起跌，可能有基金沽地產股買番紅色股。

高盛開始叫人留意內房股，對話內房股股價由去年下旬至今跌幅甚大，以上周五收市價計，股價較每股資產淨值的折讓達到26%，為歷史低位水平，雖然該行認為內房股估值吸引，但行業需求正面對宏觀不穩定性，令該行未敢建議積極買入那些股份。當內房股再作進一步調整的時候，便可吸納。

高盛較看好的有中國海外（688）[股價及相關新聞] 、雅居樂（3383）[股價及相關新聞] 、SOHO（410）[股價及相關新聞] 、復地（2337）[股價及相關新聞] 及合景泰富（1813）[股價及相關新聞] 。記住高盛話係低吸而非高追，但有內房股在手的朋友，也不用一見反彈就急急脫手了。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:03 PM 编辑 ]

Mr.Business

注：此篇文章版权归香港頭條網所有。

理性分析         

2008/2/5 上午 09:56:23
網誌分類: 其他

美國股市再因分析員睇淡金融公司盈利而下跌，市場擔心衰退會令消費者的壞帳惡化，UBS話美國失業率會增加，影響美國第三大信用咭公司American Express盈利，道指跌１０８點，跌幅０．９％，跌到１２６３５點。美股回落，但大陸股市應在阿爺大力托市而處於反彈中，要看港股如果回吐，又會不會打回原型，就知道大市有無支持力了。

網友Yuki日前問了一個問題，挺有意思，可以一談。她問：「The situation now is difficult to handle. When stock prices ｄ ｒｏｐ, there is no bottom can be seen. They can keep falling for many days. However, whenever there is rebound, it is strong. If chasing when seeing rebound, the stock prices fall drastically again because the rise usually cannot last long, maybe just one or one and a half day only. You advise we should hold longer when we buy now, however, how can we handle the psychological problem that we hold it longer, but turning from profit to loss, and even have to cut loss later?」（意譯如下：近來股市的情況比較難搞，股價跌時好像無底一樣，不斷跌好多日。但反彈時又很強，若你去追貨，佢又會再跌得好急，因為反彈都不持久。你建議我們買了貨揸長少少，但我們怎能克服心理壓力揸得長呢？當眼看由賺轉蝕好難忍，而且將來可能還要止蝕？）

上月２２日的跌市係好急好深的跌市，你過去有無見過一日跌２０００點，過一日又彈２０００點的股市？這種波動蘊含極大風險，唔止波動本身難忍，而且大波動背後的確不能排除反彈完再急插的風險。

去年２月的跌市和８月的跌市，相對跌得比較輕鬆，雖然兩次跌市都有美國次按爆煲的背景，但那時次按未爆得咁深，危險無咁大。你今天問我，美國經濟係唔係一定救得番，美股係唔係一定無股災，我只能夠話：「一定唔可以話一定無股災」。雖然我自己估計美國出股災的機會仍然略細（意即道指一日１０％、２０％的急跌），估計約一兩成機會吧，但萬一出現，港股即使前一日跌咗２０００點，跟住都可以一日跌５０００點。機會雖然不大，但風險的確存在。

Yuki話個市好惡頂，其實只是講今次較深度下跌的餘震，已經相當難頂，先是大市跌，跟住大市彈完再回，再到大陸股市下跌雪災深化，紅色股再深度下跌，好似一浪一浪咁來。投機者如在起跑線搶起跑的跑手，過早搶出，隨時出局。過早入市撈貨，大市有排未跌完，自然可能要先止蝕。

Yuki問我叫人「忍吓啦，揸長少少啦」，但現實上好難忍。我通常咁講時，都是估計最大的一浪已過或好快過，通常大浪未到時，我都會叫你先止蝕，但若你無止蝕，手上股份跌了三、四成，但大浪已過，我唔想你沽個底價，就會叫你忍吓，叫你忍的當兒，我有一個判斷（可能係錯），估計你唔使忍太耐。但現實生活中，好像上個月最後十日那種風浪，的確難忍。

當然，揸長少少有些估計，你要自己諗諗啱唔啱，第一，係我估大市未係股災，而馬上爆股災的機會較細（比如只有一兩成），所以才應該忍，而非不問價去沽。第二，你個人財務狀況忍得到，唔等錢使。第三，即使咁不幸爆股災，你買的股票的生意唔至於受太致命的影響，例如國航（７５３），若有股災佢可能跌番落３元，但佢作為中國最主要的航空公司地位不變，生意也不致於有太大打擊。但例如國壽（２６２８），佢的人壽保險生意可能影響不大，但投資就可能有驚人虧損，所以兩間公司面對萬一出現的股災時，情況會不一樣，所以你也要分析一下自己所揸的股票，出現最壞情況時會點樣。作了理性分析之後，個人都會定啲。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:03 PM 编辑 ]

Mr.Business

2008/2/6 上午 10:51:22

陸羽仁覆網友

港股昨天還顯露少少抗跌力，但今天見美股大跌，好友全場棄守，看來有一班人本來想炒炒農曆新年開紅盤，炒上到時再派，美市唔就，即刻唔玩，釋放番本早一日應跌的跌幅出來。

Ray:地產股早前升到突，而家在回吐中，看到要等新年過後在發展商開新盤好反應才有得炒。港股美股勢仍弱，等回吐深少少買安全啲，鷹君呆的，２４元比較安全，而新世界有機穿２０元。

Alan Y：頭條日報發行量大，截稿時間好早，在晚上７點左右就要交稿，完全睇唔到美國市，的確有啲唔貼市。

Ibc:阿爺托住大陸股市過年，今天無市。平保大發A股計劃阻力很大，對平保A股較有利，對H股只是輕微利好。

Mamamia:你問月供點解唔揀港交所，月供股票講緊供十年廿年，供款期長，只能找一些較穩陣又有增長的股票，指數基金是較簡單的選擇，如我看好未來十年廿年中國經濟，可以維持較高增長，就買H股基金。月供港交所，回報和風險成正比，十年之後，香港股市會否更上層樓超越倫敦，抑或被上海超越，好難講。所以唔係唔供得港交所，但要知道風險。

Hau:洛鉬IPO入，價錢不算太便宜，不是可以盲目話長揸，要睇大市走向。

Flyinthesky:想聯想和華能二選一，聯想已有蟹貨，何不選華能，分散一下風險。最好等佢跌深啲低吸，唔好高追。

Bread:你問如果股災跌到萬五、萬六點，係唔係一定等３、５年才回到入貨價，要看跌因，如是美國跌，中國經濟保持增長，可能２、３年到可以再炒過，如中國也急跌，拖累經濟，咁就差啲啦。

[ 本帖最后由 Mr.Business 于 16-2-2008 04:04 PM 编辑 ]