【专题讨论】转载香港頭條網陸羽仁, 王雅媛的文章

Mr.Business

26/11/2009 12:08:39  

陸羽仁覆網友

我通緝緊9月的估神和估霸Gdumdull和閒人，你地未通知我聯絡方法，請用私人回應通知我。

gdumdull:你話在深圳羅湖附近買樓，租金回報約4厘，都OK，但在羅湖近附近，未必是深圳當地人心中的好地方，買樓睇長啲，可能揀深圳人鐘意的地區好啲。買大陸樓用香港銀行做按揭借到港幣更好，長線人民幣會再升值，借港紙有so。

Ray:早前話宏利未必會回到130元咁低，最近卻低見135元，最料不到的是佢會批股集資24億加元，批股價19加元，比08年12月佢批股的作價19.4加元更低。妙就炒在佢無端咁低價批股，話唔止想集資還錢俾政府，仲話想收購，又話集後的資本如城堡咁堅固咁話。

宏利的管理層有啲問題，首先話唔會集資又去集資，如果集資唔係救急係去收購，點解唔折讓大啲去供股，等股東有個參與機會?例如17加元供股，咁樣市道唔死得，大家都可以跟供搵吓水。所以宏利下跌有啲抗議成份，股東都唔知管理層搞邊科。呢個情形有少少似匯控低價供股的情況，管理層進退失據，惹來反感及迴避風險的沽盤。

若你是中長線的投資者，應可趁低吸納宏利，博佢重演匯控的反彈故事，而且佢咁多資本在手，即使有風浪佢都應該無事。但如睇短線，佢就係弱勢股，暫時都係喺低位上落吓。

Candy:高位買咗宏利，若唔等錢使唯有守吓。

高追人: 你有首期50萬，問北京、上海、深圳、廣州，現在市況想投資應該揀邊個地方最好?廣州樓價落後啲，可以諗，另一個城市係重慶，約9000至10000元一平方，今年GDP增長14%，樓價較平，而且是唯一賣實用面積的城市，得閒可以去睇睇。

Li Lillian:移民沽將軍澳居屋可以，買廣州樓可以，買屯門樓收租唔知好唔好，要買不如買市區樓，間開兩三間細房，叫經紀幫你放租，回報更多，反正兩種樓都無大升值空間，要揀租金回報高的啲一種。

Singwah:上海電器雖然都係上落，但唔算好落後，論走勢仲有少少橫行向上，好過1072。你問點解上海電器市值大過東方電氣和哈動，但股價「細」過佢地咁多，從你間這個問題，知道你投資股票經驗未深，每股股價大細，只影響散戶的感覺，和公司的價值一啲關係都無，所以細價會升多啲，大價會穩陣啲等等講法，只係感覺，並無跟據。

人人---常歡笑:放咗建行想低d買番，我估內銀股仲要回吓，等集資情況清楚，內銀股再插低啲時可以買吓。

Rob:你買了深圳樓大升，想沽出等跌咗再買番，唔係唔得，但有風險，萬一睇錯無大跌，要狠心去追。

CCB:內地一直傳買樓優惠過埋年取消，所以內房股有點壓力，炒吓上落，見低揸吓博反彈唔拘，升咗就唔好追啦。華能亦係上上落落，但跌到5元上下又唔會跌得太多，可以守吓。

cyn2009:現在樓價不便宜，就算唔係頂，都可能係升到80、90%近頂，所以買樓炒博佢回完又彈，同買樓長揸唔同，買樓長揸要小心計好數才買。

Mr.Business

注：此篇文章版权归香港頭條網所有。

金融High Tea——為內銀抽水拆局
2009-11-26

傳聞內地最大五家銀行已向中銀監提交初步增資方案，內銀「抽水」陰霾密佈繼續成為拖累大市的主要元兇，除建行（939）股價及相關新聞幸保不失打和收場外，其餘「五行」全線向下，工行（1398）股價及相關新聞及交行（3328）股價及相關新聞係昨日表現最差鮋兩隻藍籌股。「六行」成交共計超過145億元，佔了大市總成交逾18%；恒指收報22612點，升189點，大市成交續增至794億元。

        內銀股抽水搞出羅生門，前日傳出話內地銀行資本率要由8%加到13%，計計數幾家大國企銀行要集成3、4000億元，即刻嚇到個市軟晒，但跟住銀監會就否認，同一時間又有消息話銀行已經交鰦個集資計劃，點解兩個消息會咁矛盾呢？

        市場反應講出故事

        陸
羽仁同熟悉內地情況的幾個老友打聽，整合出一個圖畫。內銀要增強資本，呢個消息有一定真確性，監管部門之前已經提出過，增資的想法是銀行想多做生意、多放款可以，關鍵是防險工作要做好，銀行要有足夠資金支持放款，增加資本比例，但這個不是硬指標，銀行可以不增資，但這樣就會牽制放款能力；至於想增資的銀行，也不是一下子就要到位，可以分兩三年逐步提高，所以說銀行提交了增資的計劃，大體上沒有錯，但如果說銀行即刻要扭開水喉抽水，又沒有即時的計劃，所以銀監會說沒有這回事，反正從監管者的角度，銀行不想多做生意，又或者會把部份資產移離，就不一定要增加資本。

        當然，內地經濟高速增長，銀行管理層沒有不想做生意的理由，所以集資的方案，應該是要籌備的事情，至於是否不顧股價就去做，又是另一回事。銀行傾向加強股本，是既定的方向，醒目資金睇睇，發覺中行資本額水平低一點，銀行市值又較少，如果要集資的話，壓力就會大一點，所以中行首當其衝，調整幅度比較大，在昨日仍然見到該股沽壓比同行重，由此說明，市場係最聰明的，股價表現就反映了成件事的真象。

        睇穿鰦內銀股抽水傳聞的背景，暫時可以得出兩點，一係傳言空穴來風，並非沒有根據，但抽水計劃不是一成不變，可以順應市場調節，所以內銀股連續兩日下跌，某程度講出了背後的故事，亦反映了受到的衝擊；二係從監管當局否認有集資的舉動，說明阿爺大方向都係維穩，唔想整瓜個市，所以內地股市定鰦驚之後昨午開始回升。

        民行出世遇饑荒

        雖然內銀股昨日仲受負面消息困擾拖住大市，市場焦點部份亦轉移鰦去新股之上，三一重裝（631）股價及相關新聞首日掛牌，高開6.1元，全日收7.03元，較招股定價高四成六，是主板上市最大升幅榜的第五位，中一手有二千幾銀落袋，算係幾和味。反而同日上市鮋花樣年（1777）股價及相關新聞就遜色得多，收市報2.23元，只較招股定價高2.3%，不計手續費，每手帳面只賺75元。

        今日掛牌的民生銀行（1988）股價及相關新聞，民行暗盤收市價報9.19元，較招股價9.08元僅高1.2%，中環茶友話，民行出世遇饑荒，掛牌前撞正內銀股抽水陰影籠罩，幾隻龍頭都跌鰦落鈬，中籤者都難寄厚望，由於新股陸續有來，股民策略都係有得執就執。

        股民抽新股近日玩法係貪新忘舊，明日開始招股的龍源電力（916）股價及相關新聞，氣勢都幾強勁，據市場消息人士透露，國際配售部份已經獲得超額認購逾8倍，機構投資者包括中投、新加坡政府基金、美國著名基金WLRoss、惠理（806）股價及相關新聞及東亞（023）股價及相關新聞主席李國寶等。由於龍源係動力設備股，影子股好似中傳動（658）股價及相關新聞、重慶機電（2722）股價及相關新聞就已經炒定先。

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

買樓要計數（３）
       
2009/11/26 上午 10:06:50
網誌分類: 經濟

美國房地產市場、就業市場和個人消費開支等數據都好過預期，美元續跌，兌日圓更跌穿88日元關口，大宗商品市場繼續走高。美股在多種利好因素幫助下，反覆造好，惟感恩節前夕，市場投資氣氛薄弱，大市交投淡靜，紐約證交所成交不足8億股。

杜指再創13 個月收市新高，收報10464點，升31點或0.3%；標普500指數收報1111點，漲5點或0.5%，亦是收市新高；納指升7點或0.3%，收報 2176點；羅素2000種小盤股指數微跌0.1%。杜指期貨最新報10441點，比現貨低水23點。反映市場投資情緒的VIX「恐慌指數」，曾一度跌至 20.05的15個月新低，不過收市略為回升至20.48，微升不足0.1%。

美股還在試試新高的位置，不過升幅輕微，呢一個升浪走到呢一段，都有點接近尾聲，估計再衝多一小段上一上高位可能會回。

港股美國預托證券輕微造好，ADR港比指數收報22679點，比香港收市高67點或0.3%。匯控收報96.21元，比香港收市高0.3%；中移動收報75.61元，比香港收市高0.5%。

美匯指數昨日暴跌1.1%，創近4個月來單日最大跌幅，最新報74.3，創了15個月新低。美元疲軟促進了美國產品出口和提高跨國了公司以美元結算的海外利潤，通用電氣升0.4%，藥業股瑞輝升1.5%，Caterpillar及波音飛機齊升1.8%，係表現最好嘅兩隻杜指成份股。日圓創高位自然不利日本出口，日股今朝早段跌過 1%，不過後來跌幅大大收窄。

金價再創新高，收市突破1180 美元水平，最新報每安士報1188.9美元。反映15隻上市金礦股表現的Arca Gold Bugs指數大漲2.8%，比較去年10月，該指數已飆升190%！其他金屬股亦造好，杜瓊斯工業金屬及礦產指數上漲2.2%。金價破位向上後勢如破竹，不過升得咁急，睇落都有啲得人驚。

經濟數據方面，10 月份新屋銷量較上月增長6.2%，按年計達到43萬套，遠高過市場預期的增長0.4%。同期的個人所得增長0.2%，個人開支增長0.7%，增幅都好過市場預期。當月核心個人消費開支較上月增長0.2%，亦高過預期的0.1%。另外，最近一周的首次申請失業救濟人數下降至46.6萬人，下降人數多過預期。係一年來首次降至50萬人以下。而持續領取失業救濟人數亦下降至542萬人，創幾個月來新低，降幅同樣超出市場預期，失業數字輕微利好股市。

昨日講到買樓自住隱藏了消費和投資的因素在內，住一間自己供得比較辛苦的樓，既享受了較高的生活水平，亦透過買樓的借貸槓桿加大了投資，在一個經濟急促增長的地區，人民的收入不斷提升，樓價亦跟經濟增長不斷向上，買得大賠得大，勇於投資者勝。我有一個老友，20幾年前買一間600呎樓開始，不斷換樓，愈換愈大，最後換到一間愉景灣3000呎屋，有幾千萬身家，他在升市時沽出細樓，將套現所得做首期換做大間啲樓，當然也要他的收入不斷增長，才可以負擔得起不斷增加的供樓負擔。

    　正如我所講，不斷換大碼樓，當中包含比必須多的消費因素在內，但買大了、買突了、買豪了那部份，是消費同時也是投資，由於無租金收入，更是風險較高的投資，唔算係一種好理想的投資(更理想的投資可能係不斷買大樓買靚樓，但租俾人收回租金收入，但自己仍然住比較雞的樓，當然，咁樣就對自己苛刻咗一啲啦)，但大家要記住，笨的投資，好過聰明的消費，笨的投資也是一種投資，在經濟高增長的地區，只要你肯持續長線投資，通常會有收穫。

網友草帽小子問起好唔好在北京買樓，佢話「今年很忙，好久沒在這裏留言，看到你提到買樓，而且又提到大陸買樓，我想問一下現在大陸房價真的是很高，還能繼續買房麽？本人07年底在北京中關村附近買了個二手房，算是北京的好地方，之前一直租出去，打算明年初裝修一下，自己跟老婆結婚住，按照現在市場計算，這個房都有四十萬左右的收益，房子60平米（即600呎左右）不到，如果生小孩的話父母又要來照顧，感覺有點擠，是不是可以換大房子？」

我的建議是若你負擔得來的話，可以換大房子，最好搵交通方便(近地鐵)的屋邨，這些房子長線保值好一點，有錢就不斷換大。我告訴你我的經驗，我在80年代首次買樓，見樓市升得太急，望佢跌，但樓市跌了5至10%，仍然覺得貴，無買，但過兩三個月，已升回之前的價，仲唔買，過兩三個月，又再升5%，我最後忍痛去追，結果長線來說，證明是正確的。在經濟高速增長的地區，或會買貴，不會買錯。

但在香港這種經濟發展步入高原期的地區，樓價不再是一條直線向上，即使向上也是大波動向上，不再是盲目買樓就會贏，入市位和時機就顯得好重要。大家都識有個人叫做B嫂，佢和B哥在97年前後狂炒豪宅，傳說揸大碼豪宅10幾間，經過98年一場金融風暴，B哥要破產收場，B嫂都唔知去咗邊。如果B嫂有能力揸豪宅揸到而家，佢隨時有過10億、8億身家，不過佢頂唔順啲大浪，俾人斬哂倉，之後啲升幅就唔歸佢啦。

估計香港的未來的樓價，仍然會相當兩極化，港島豪宅始終會貴，但新界西北的樓會升也不會升到太顛，大陸富豪花650萬買間樓幫二奶搞投資移民，也不會買到新界西北的一般屋邨，所以要買樓自住，都係以使用需要為先，唔使買太大、太新、太豪的偏遠地區樓，貴貨莫追。

陸羽仁

http://blogcity.me/blog/reply_bl ... 12303&id=215604

Mr.Business

注：此篇文章版权归香港頭條網所有。

金融High Tea——無形壓力鏱住結算
2009-11-27

美股小幅上揚，內地股市繼續受銀行的融資需求困擾，金融股普遍捱沽，開市即逐步向下，恒指跟隨低開32點後再跌至22400點水平橫行。滬深兩市午後再挫，收滬綜指收市重挫3.6%，創近三個月最大單日跌幅。恒指收報22210點，大跌401點；期指收報22177點，跌416點，比現貨低水33點。國企指數繼續跑輸大市，收報13146點，下挫300點。大市交投活躍，成交773億元。

        臨近期指結算，港股內外交攻，內銀股續受壓，新上市的民生銀行（1988）股價及相關新聞掛牌撞正大市氣候轉差，失守招股價，大批捧場客坐艇，不幸中之大幸，係跌幅唔算太犀利；同時，礇控（005）股價及相關新聞同渣打（2888）股價及相關新聞又受中東業務傳出不利消息影響，搞到兩股齊齊跣腳，礇控跌2%，渣打跌5%，英國股市都受累跌成百點。

        新股暴增「蝦」人玩

         本周個市走勢，除開頭彈高外，有一級一級向下之勢，如果睇圖表，可以見到指數一破頂，就有無形之手壓番佢落鈬，恒指雖然上過23000點，都係被人沽番低，好似行兩步退一步，所以個市由高位回落千零點亦唔奇，呢個走勢同美股有鱓似，估計情況好可能維持到期指結算後。

        內
銀六行全線碌低，建行（939）股價及相關新聞、工行（1398）股價及相關新聞及中行（3988）股價及相關新聞分別跌3、4%，不過幅度已比較溫和。內銀股在民行上市前，股價大力殺上，幾隻股份都創新高，今個星期雖然回落，但暫時仲係可以視作獲利回吐。

        內銀股升勢暫告一段落，對於中籤的股民鈬講，真係相當無癮。以前唔識揀股的散戶，只要落注買大隻國企同認住富豪個「嘜頭」就得，但自從中冶（1618）股價及相關新聞破底，大型國企唔怕買的神話破滅，最近連「富豪效應」亦唔一定「靈擎」，今次民行招股訂價前爆出內地大戶厚樸基金嫌貴抽飛的傳言，雖然其後公司否認，但從最後公司?價都?得幾盡，形勢就真係有點不妙，而家破鰦底，要再炒除非個市好，所以入重飛上身者，要諗諗係咪要減磅或跳船。

        沙漠夢幻島變金融炸彈

         礇控同渣打跣低，主要係涉及杜拜最大地產發展商棕櫚島集團（Nakheel）及其母公司周三宣佈暫停償還債務，令人擔心兩大銀行在當地的貸款。數年前，杜拜動工興建棕櫚島和仿照世界地圖填海興建的世界島發展項目，曾經大事宣傳和吹噓，吸引世界各地的富豪及名人影星投資，紛紛購買樓花。但自從爆發金融海嘯及房地產泡沫爆破後，當地一些大型發展項目都變成「爛尾」，準業主的投資化為烏有，連著名球星碧咸、影星畢彼特及安祖蓮娜祖莉也成為苦主。

        有人擔心發展商是否已經無能力繼續進行棕櫚島及鄰近其他項目的餘下工程。在目前情況下，杜拜沿岸只是填海填出了一片爛地，但別墅和豪宅卻建不成，令當地的海岸景觀變得十分醜陋，諗唔到十幾年前廣東省的爛尾樓災，會係中東重現。

         過去投入大量資金，全力打造成區內一個繁華的服務中心，整個城市以超豪概念發展，令人懷疑係沙漠行到缺水時睇到海市蜃樓咁玄幻，所以當金融海嘯爆發，好多人已經擔心杜拜會出事。茶友笑言，月前礇控行政總裁話擔心會有金融海嘯第二波，唔知係咪包括對中東業務的擔憂呢？但照計金融海嘯爆發咁耐，照計應該俾鰦好多時間班債主拆彈啦！

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

買樓要計數（４）         

2009/11/27 上午 08:52:23
網誌分類: 經濟

昨日係感恩節假期，美股休市。港股少咗杜指期貨嘅影響，今日係「背靠大陸自由行」。

美國無市，歐洲股市就好唔掂。市場憂慮銀行借俾主權投資公司杜拜世界(Dubai World)  嘅錢有可能收唔番，銀行股大跌，歐洲三大主要指數勁挫3%以上，創4月份以來最大單日跌幅。據估計，歐洲銀行持有的「杜拜世界」的債務風險敞口達到130億歐元（約195億美元），約佔歐洲銀行整體債務風險敞口的五成。有消息指匯控亦係70個債權人之一，匯控股價大跌4.8%，法國巴黎銀行(BNP Paribas)跌5.1%，荷蘭國際集團(ING Group)跌7.3%，德意志銀行(Deutsche Bank ) 表示在迪拜世界有顯著的債務風險敞口，但股價亦勁挫6.4%。

講了幾天買樓自住是投資也是消費，可能更是一般人最大的投資，看到網友草帽小子的留言，挺有意思。佢話買樓投資特別適合他們這些不分日夜工作的「小密蜂」，因為他忙著工作無時間睇股市行情，而且買樓是強逼儲蓄。草帽小子更表示本來打算用幾十萬去買輛車，現在還是打消這個念頭，還是繼續投資固定資產，看來草帽小子是北京朋友。

我覺得「推遲消費」是致富的關鍵，推遲消費後，把節省所得拿來投資，就能錢生錢。買車和買樓，的確是兩種很不同的購物經驗，幾十萬一部新車，一落地馬上唔見咗五分一的價值，揸五年之後，更加所餘無幾，得番五分之一，賣番出去一啲都唔值錢。假設你30萬買一部車，五年之後得番6萬，再玩幾年渣都無。同樣30萬，如果你搵到一樣年增長10%的投資，7年就翻一翻，變成60萬。

買樓仲厲害，因為有借貸的槓桿，以香港用三成首期買樓計，30萬已經可以買100萬元的樓，如果樓價升三成，以你投入的本金計，扣除負債，資產淨值已升了一倍，30萬變60萬。若你在大陸買樓，第一間樓可以做八成按揭，30萬可以買總值150萬的樓，假設7年樓價升一倍(樓價上升有時快啲有時慢啲，二三線城市的樓價可能落後啲會升得快啲，或者三、五年已可升一倍，價值150萬的樓變咗300萬，好簡單化咁計，唔計你供款時已還咗本金，扣除借貨的120萬，已有180萬元淨資產; 當中你付咗利息，但亦住咗間樓，利息可以當係租金，換句話說，即係30萬買咗樓經過5年、7年變咗180萬，但同樣30萬，用來買車揸，7年後差不多化為烏有，你話消費同投資差別幾大。你放多7年，間樓再升1倍，300萬的樓可以變600萬，或者再翻一翻時間要長啲，假設10年吧，經過這麼長時間，你間樓好可能供滿咗，變咗有600萬淨資產。

年青時唔買一架車，中年時就可以多500、600萬，你可見唔消費攞去投資的威力有多大。所以買架車不如買間樓，真的想要揸架車威威時，不如去租架平治揸番一兩個星期，過吓手癮算啦。

買樓另一個好處是逼人作長線投資，網友Rob問起，他在05年在深圳後海區買了一個150平方(約1500呎)的單位，買時7000多元一平方，而家升到22000元一平方，租金收益只有2厘多，他覺有泡沫。他問可唔可以把單位沽出，等樓價下跌後買番，還是長揸5年10年。高沽低揸，係「精仔行為」，做得到最好，但執行有難度。如果你的單位在香港，我的答案可能係「沽吓都無壞」，因為樓價偏高時，再升唔係咁易。但如果你的單位在內地，樓市雖然會波動，但是波動向上，行三步退一步，出入的時機唔係咁易把握。我買樓賣樓經常問一個問題，間樓10年有無可能再升1倍呢? 若10年有可能升1倍，我賣樓會好小心，怕賣咗自己忍唔到手買唔番。若估計將來升幅有限，而家價錢升得太顛時，又唔怕沽吓。不過還原基本步，諗唔掂就唔郁好過郁了。記住買樓其中一個好處，係「逼人作長線投資」，好多人出出入入就做唔到長線投資。

大陸朋友考慮買樓問題，簡單過香港朋友好多。買樓的好處，背後是壓抑消費，增加投資，特別是長線的投資。如果你覺得香港樓買唔落手，可以買大陸樓，可以買紅色股，有錢就買，買落就儲住長揸，揸佢10年、20年，必有所獲，唔好將啲錢食哂使哂就得啦。

陸羽仁

(我外出公幹，要稍後才能回覆大家的問題)

http://blogcity.me/blog/reply_bl ... 12303&id=215758

Mr.Business

30/11/2009 17:44:43  

陸羽仁覆網友

Any:中航科工和國航各有賣點，中航科工係注資概念股，佢阿媽講明將佢打造成香港上市旗艦，所以可以逢低吸納，但所有概念嘢風險都高啲，要自己計數。

國航近排由大陸炒起，主要炒幾樣，第一國航生意唔錯，第二資金係炒明年人民幣升值，因為國航好多數如買飛機係用美金找數，人民幣持續升值佢好爽。第三負面因素係油價上升，但阿爺會對航油有補貼，唔至太傷。所以國航明年仲有得炒吓，佢無中航科工咁概念，爆發性無咁大，但炒起上來一樣升。

若恒指短期見19000點(我估機會唔太大)，大路三大行業係選銀行保險、地產、能源，冷敲內地航空相關股。

Twohitsix:買大陸寫字樓最唔好係按揭只做5成，若買第一間樓，買住宅可按8成，槓桿大好多。深圳CBD甲級商廈33000元一平方，和北京的價錢接近，我覺得北京的潛力好啲。

CYN2009: 2823A50基金係內地A股50隻大股，而2828係香港H股指數，主要分別是A股和H股的分別，A股市盈率高，上下波幅較大，風險也大啲。

N:鄧普頓買入的駿威係大股，但昨日反彈已多。

Kym:你話「買股07年開戶口到現在得兩成~"~」，唔知你剩番兩成定係得兩成回報，如果只剩兩成，就係有好大結構性問題，買樓好過買股，或者改做月供紅色指數算啦，因為輸咁多顯示你未識買股。

投資小朋友:1800走勢好弱，短期內上番11元的機會唔係太大，如果換馬，換內銀股或保險股都可以。

Bluepanda:黃金升得太急，早前升近1200美元，而家都有1171美元，美元強應該黃金弱，但美元又沒有持久反彈力，不過現價買黃金及2840，真係有啲驚佢一回就回得深啲，要捱吓價。

龍源係風電龍頭股，但定價幾貴，不過相信短期有得炒吓。

Mr.Business

注：此篇文章版权归香港頭條網所有。

金融High Tea——要面子唔見銀紙
2009-12-01

阿聯酋中央銀行放水支持銀行業，杜拜債務危機暫穩，在上周五滿天飛劍時夠膽入市接劍者，當日食完驚風散之後，昨日已經可以食胡走人。

         連經紀張都識得講，上周五期指結算，淡定借杜拜事件踩多兩腳，所以港股咪插成1075點，跌都跌得多過人。結算完遇上杜拜事件又好似定番鱓，港股咪大反彈囉。恆指昨日大幅高開554點，隨即重越50天線，至21850點水平後，在高位徘徊，收報21822點，升687點或3.3%。大市交投活躍，成交增至 798億元。

        爆大鑊唔通知艾爾敦

        杜拜事件仍是市場關注焦點，係阿聯酋借貸大戶的礇控（005）股價及相關新聞昨日顯著反彈，收市報90.7元，漲4.3%，成交金額32億，貢獻恆指逾130點；難兄難弟渣打(2888)股價及相關新聞 亦有唔錯鮋反彈，收市升4.2%。

        礇
豐亞太區主席鄭海泉亦出來解畫，話相信杜拜政府及阿聯酋國家將會解決杜拜危機，目前中東業務佔集團整體總資產只有約2%，事件影響不會太大，對中東業務有信心。他又指出，目前世界經濟情況仍然未穩定，市場對好淡消息較敏感，股市波幅較大，環球股市經過上周五急跌後，今日已經回升，反映今次只屬單一事件，對整體市場影響不大，集團不會改變對新興市場策略。美林亦睇好礇控，話佢回報吸引，股息率3至4厘，2010及2011年盈測上調18%及31%，評級由「中性」升至「買入」，目標價上調21%至118元。

        礇控都算唔好彩，同杜拜結下不解緣，佢係借錢畀阿聯酋的大戶，前大班艾爾敦，更做鰦杜拜國際金融中心主席，艾爾敦對杜拜都有鱓唔客氣，話對事件感到「震驚」，震驚兩字包含有意外的意思，佢話杜拜的公關做得差，到鶽家都唔知出事的「杜拜世界」會唔會繼續畀息，事發前除鰦少數杜拜高層之外，其他人包括佢在內都唔知發生乜№事。

        照艾爾敦咁講，杜拜唔止公關差，其實根本無做公關，事實上亦唔止無做公關，連一早請落艾爾敦呢種世界級顧問都無問過，就倉促決定杜拜世界要延期還債，真係有鱓「兒戲」。

         我懐玩纒假設，如果杜拜酋長問艾爾敦，杜拜世界好唔好延期還款，艾爾敦一定叫佢咪制，因為咁做等如自眦長城，上月頭杜拜酋長仲講緊杜拜世界還債無問題，唔夠一個月佢就賴債，咁唔講信用點得鮁？而且杜拜世界唔係一個空殼，佢點解唔賣鱓資產減纒債呢？若果真係唔掂，杜拜又可唔可以先向同屬阿聯酋的阿布扎比求助，阿布扎比肯幫手就唔使將鱓臭事揚出街啦。

        不過亦可以咁推論，杜拜酋長唔問艾爾敦，就係估到佢會咁建議，酋長唔想杜拜世界賤賣資產，唔想向阿布扎比求助，佢唔想聽呢鱓建議，所以就唔問，自己鍾意點做就點做。

        小心還有餘震

        唉，呢個世界要面有成本，你要面子，結果就唔見銀紙，搞到爆出大鑊，始終也要阿布扎比幫助。妙就妙在阿聯酋央行放水救市的聲明，也沒有提「杜拜」兩個字，唔知係想保持杜拜的顏面，抑或提都唔想提佢呢？

        總知一句講晒，阿聯酋自己是富國，擁有大量石油，如今只是7個邦國中無乜石油那個邦國杜拜出事，應該唔會燒到通頂，唔怕會衍生另一個雷曼危機。但由於呢鱓酋長太愛面子，太少溝通，所以小事會化大，小心大市反彈後還有餘震。

        新股唔係隻隻得，賭股金沙中國(1928)股價及相關新聞 首日掛牌即「潛水」，初段低見8.78元，尾市跌幅略收窄至9.32元，但仍較招股定價10.38元低10.2%，唔計手續費每手400股蝕424元。金沙上市唔知整乜鬼咁低調，宣傳錢都唔肯花多鱓，唔潛水就奇啦。

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

杜拜危機         

2009/11/30 上午 09:44:48
網誌分類: 經濟

杜拜最大的企業實體杜拜世界(Dubai World) 財政出現危機，要求在未來6個月內暫停償還共600億美元貸款。投資者憂心「雷曼事件」再現，全球主要股市重創，MSCI新興市場指數勁挫3.9%，香港恆指更係跌市冠軍。

上周五美國感恩節假期後只有半日市，開市頭10 分鐘已插水233點，之後跌幅收窄，杜指收報10309點，下挫154點或1.5%；標普500指數收報1087點，跌23點或2.1%；納指下滑38點或1.7%，收報2138點；羅素2000種小盤股指數表現更弱，跌2.5%。杜指期貨最新報10333點，比現貨高水24點。紐約證交所成交6.5億股。

反映市場投資情緒的VIX 「恐慌指數」，跳升21%至24.85。投資者將資金轉投較安全的投資，美元與國債市場上揚。兌全球六隻主要貨幣的美匯指數一度上漲1%左右，重上75水準，最新報75.04。美元上漲給大宗商品市場帶來壓力，CRB商品期貨指數收盤下跌2%。紐約油價跌收2.4% 盤中創7周新低；紐約金價亦下挫1.1%，係 十天以來首次收跌。

港股美國預托證券反彈，ADR港比指數收報21895點，比香港收市高724點或3.3%。匯控收報90.61元，比香港收市高4.2%；中移動收報73.89元，比香港收市高3%。

杜指成份股全軍覆沒，但跌幅未算太恐怖。多家大銀行都係杜拜世界(Dubai World)債權人，金融股首當其衝，帶頭下挫，金融股整體下跌了2.8%，其中銀行股跌幅較大。當中美銀挫3%，美國運通跌2.6%，係表現最差和第三差嘅杜指成份股。

有消息人士透露，由於杜拜世界一直拒絕出售其資產，認為無理由低價賤賣，才致使迪拜政府宣佈將與債權人重組其主權投資實體迪拜世界的債務，出現是次危機。我話杜拜死唔認輸先至出現呢種問題，投資後唔掂要斬纜，環璄唔好好要套現搵多個錢防身，係長玩長有的基本手法，你睇睇高盛在乜嘢價位批股，佢地高層在乜嘢價位減持股票，就可以學到控制風險的手法，唔係話高盛高層睇錯市所以要低位賣股，而係嗰種環境，根本無人知後市係點，唔搵多個錢防身點得，所以減持資產唔一定係睇淡後市的表現，而係控制風險的方法，你死揸等大市翻身，你有無咁o既財力等呢?若果唔係借咁多錢或者可以等，借咗咁多，唔可以咁死揸死等，佢地可能怕賤賣資產無面，不過而家搞到無球金融動蕩，咪更無面?

杜拜危機已有好轉跡象，上週五先有英國首相白高敦與金融穩定委員會主席Mario Draghi派定心丸，白高敦話「作為20國集團主席，我已與金融穩定委員會主席交流過，我們很滿意目前已有的安排和監視事態發展的機制。我們確信這次事件是可控而且局部的。」

而阿拉伯聯合酋長國內部亦密密部署救杜拜的方案，先是阿聯酋7 國中盛產石油阿布扎比官員話會有選擇地支持杜拜的企業，阿布扎比亦已通過阿聯酋中央銀行和兩家私有銀行向杜拜提供150億美元的資金支援。杜拜和阿布扎比的金融市場經過宰牲節長假期後將於今天復市，阿聯酋央行為安撫投資者，昨日宣布，將「力挺」（stands behind）杜拜本地及外地銀行，以應付杜拜世界引致的虧損，將安排應急信貸，向銀行提供額外流動資金，它們可以用當地3個月基準利率高0.5厘的利率 (即1.919厘加0.5厘)，向阿聯酋央行借錢週轉。

阿聯酋央行話，該國的銀行體系與一年前比較，已經更加穩健及具流通性，當地銀行過去一年已減少在外地出售商業票據25%(意味減少向外借債)，而外資銀行在當地存款市場只佔5%。

外資歡迎阿聯酋央行的行動，高盛在倫敦的經濟學家Ahmet Akarli話，阿聯酋央行的行動合時，可防範危機惡化，並保證當地市場可以操作，銀行又有大量流動資金可以應急。估計經過一輪搶救之後，環球金融市場會初步穩定下來，往後就要睇杜拜世界如何重組債務，以及事件有無擴散性影響。

陸羽仁

http://blogcity.me/blog/reply_bl ... 12303&id=216155

Mr.Business

1/12/2009 11:11:07  

陸羽仁覆網友

請得獎者ic1024和TC請用私人回應方式把聯絡方法通知我。另外bluepanda請勿揼心，下次努力，我估我地都係先以估指數最接近者中獎，若兩人相同就以較早估者得勝。

金曹:我又搵幾本書簽俾大家網聚抽吓獎。

Yuki:高手老友上星期五早上本來預個市跌500點左右，點知期指結算日就跌夠你1075點，佢話咁好機會跌過千點短炒點都要買番少少啩，昨日沽番一半出街食吓糊先，話等大市回吐時會再買吓。

我都有睇陸冬講明年明標26500 點，但短期升得太急調整3000至4000點都有可能。當然不能排除這種可能性，但杜拜事件在淡化中，要因這個理由再從現水平調整3000點，機會唔太大。美元走勢和杜拜事件有關，若杜拜爆唔到大鑊，美元亦強唔到去邊。匯控和渣打在那260億裏佔幾多，分析員應該好快計到出來，佢地的損失應該有個譜啦。

若講大市勢，呢次的確穿了50天線，但升市中也有時係咁，唔知你記唔記得，07年5月有一次調整仲跌得更肉酸，主要等大市調整夠再向上時，俾佢升兩三星期，佢能唔能夠再上高位，我擔心唔穿高位，多過擔心破50天線。

你問我本來預個幾星期前大市見咗頂，要經一輪調整，點解又在上周五開始話可以開始買大陸銀行股。你對大市有個估計，例如佢升完要調整兩星期左右，但突然間見個市大跌，提早跌近你原來預計佢會跌到的位置，你不能一定不變，又話佢要再跌兩個星期，你應該先評估一下有無出要不能控制的系統性風險，如果有，保持不動，如果覺得風險可控，就可以調整你入市的時間。到星期五下午，杜指期貨跌220點左右(佢星期四無市，呢個係累積兩日的跌幅)，都唔算好恐慌性，你就可以評估到市場風險有多大。

Bbbeginner: 我覺得講大學都係講啲能訓練思考的學科係首選，技術訓練係次選，基於呢個原則，選經濟好過選財務，因為財務書大過自己讀都OK，如果你在大學選上一個一流教授，佢可以啟發你諗到啲嘢，自己睇書睇唔到。我讀大學及之後進修半點財務都無讀過(但中學時都幾中意讀經濟)，但近10年睇投資的書數量可能多過我在大學睇書的總量。但我都睇好多政治和歷史的書，對分析宏觀世界大勢好有幫助。

另外，我估主修財務的人炒股唔一定會叻啲。

中航科工2357母公司講明會將2357當作香港上市的旗艦，注入航空製造工業，所以我都幾睇好佢中長線前景。

Muse:大陸百貨零售股的問題是太貴，而且入行門欖不高，競爭好大，但華潤創業都係一隻認真做生意的股票，但長線投資者唔平唔好買。

Hero:短線投機好難講，因為有太多人為因素在裏頭，有一幫人挾住一隻嘢炒高，就可以炒高，想買2357都係睇長少少，唔好當作短線揸一兩個星期的投機。

Any:航空股國航係首選，等吓佢回吐先啦，下次等大跌時換馬好啲，因為反彈時都係強股彈得多啲。

Mr.Business

注：此篇文章版权归香港頭條網所有。

金融High Tea——危中有機
2009-11-30

杜拜主權基金「杜拜世界」（DubaiWorld）拖債，搞到全球金融市場震晒，不過上周五晚歐美股市回穩，重災區英國的股市反彈1%，上周四無市未跌過的美國股市也無暴跌，上周五感恩節半日市杜指只跌154點，跌幅1.5%，礇控（005）股價及相關新聞在倫敦股市也重上90.4元的水平，顯示市場信心在極度恐慌後回穩下來。

         整件事由杜拜主權基金杜拜世界宣佈暫停還債6個月引發，這是一個典型的債務重組過程，一家公司借大鰦，在經濟環境唔好時，搵唔到新債軃舊債，最後紙包不住火，被逼要宣佈暫停還債，然後同銀行講數，看如何重組債務，債權銀行如果唔想公司倒閉令借出的錢血本無歸，就會同意「剃頭」（Haircut），意即削減部份債務，同意債仔少還一部份錢，讓債仔財政重回健康軌道，銀行通常都會收取債仔部份股份作抵償，然後讓債仔重新上路。

        阿聯酋油多無有怕

         問題是杜拜世界唔係一間普通公司，佢係杜拜的國營基金，旗下的地產公司Nakheel，就係發展鰦超豪的朱美拉棕櫚島而聞名於世，過去銀行借錢俾杜拜世界，就當借錢俾杜拜一樣，唔係太擔心有風險，點知最後還唔到錢，要債務重組，銀行才突然發現自己暴露在巨大風險之中。

        在投資者眼中，杜拜連主權基金都要債務重組，意味覑近年大力發展的杜拜都唔係幾掂，甚至杜拜身處的阿拉伯聯合酋長國都唔掂，條數愈計愈大，自然大起恐慌。單係杜拜世界一間主權基金已欠債高達590億美元，如果成個杜拜都唔掂，或者阿聯酋成個國家唔掂，風暴都好大，很多證券行就出報告話各大銀行借了幾多錢俾阿聯酋內多個酋長國，好似全部都唔會還錢咁款。

        阿聯酋由七個「酋長國」組成，杜拜只是其中之一，但最有錢的不是杜拜，而是阿布扎比（AbuDhabi），亦是阿聯酋首都所在，佢亦係阿聯酋的政治和工業中心。阿聯酋位處阿拉伯半島東南邊，18、19世紀時叫做海盜海岸，可知佢以前靠做乜№生意搵食，不過今時唔同往日，因為現代社會石油值錢，阿聯酋擁有全世界第六大石油儲備，是全球排第36的經濟體，由於石油多人口少，人均產值高達 54000美元，其人均購買力在全球排第14，是非常有錢的國家。

        阿聯酋行聯邦制，有600萬人口，在7個邦國中阿布扎比和杜拜是兩個大哥，杜拜在7國中人口最多，有220萬人，面積則僅次於阿布扎比，杜拜酋長穆罕默德（MohammedbinRashidAlMaktoum）亦兼任阿聯酋副主席及國家總理。不過杜拜的石油在連年開採後，產量枯竭，被逼轉型，近年大興土木，全球大量重型建築機器搬到杜拜開工，大量建設，自然帶來負債過高的危險。

        阿布扎比被逼出手

         杜拜唔掂有鱓理由，但係話整個阿聯酋都唔掂，就真係唔係幾飱，以大阿哥阿布扎比為例，佢坐擁數千億美元的石油資源，理論上阿聯酋經濟出事，最後可以泵油出來找數，鶽家油價係70幾美元一桶，唔係10幾美元一桶，所以阿聯酋整體不應該有嚴重經濟危機，問題杜拜自己想唔想✈起全部國營公司債，更大問題係大哥阿布扎比救唔救杜拜呢個二哥，但事發時阿布扎布好似唔係好知杜拜出事。

        阿聯酋中的各國暗中存在競爭關係，去過阿聯酋訪問的香港高官話，當時曾特首到訪，在其中一站坐了一個酋長的私人飛機走一程，下一站的酋長就堅持曾特首也一定要坐他的私人飛機，否則他會十分無面。既然酋長們咁愛面子，杜拜出問題不向阿布扎比求助絕不為奇，所以杜拜出事，不等如整個阿聯酋有問題，若阿布扎比出手，杜拜應該唔會有大問題。

        最新消息係阿布扎比話會「有選擇性地幫助杜拜」，據一位匿名的阿布扎比官員向路透社話，阿布扎比將「有選擇地」研究如何幫助杜拜，但強調不會給杜拜所有債務包底，如何援助要看杜拜能否清楚交代債務。

        光頭神探估跌20%

        市場都估計阿布扎比唔會讓整個阿聯酋垮台，所以歐美上周五的股市反應相對冷靜，投資者情緒係審慎多過恐慌，好多人都係坐住盤等纒事態發展，而非急急沽貨，部份人更加希望華爾街過份悲觀而拋售股票時，出現買貨的機會。

         全球最大債券基金公司Pimco的行政總裁MohamedEl-Erian就話，這個事件提醒人們，我們未到風平浪靜的時候，我們仍要小心，還有些類似去年風暴的事件在發展中。市場在純資金推動中行得太快，杜拜事件會觸發市場從新定價。市場在上升時會過份，在下跌時同樣會過份，這就會出現一些投資機會。

         美銀的策略師BenoitAnne及DanielTenengauzer擔心杜拜世界的問題會變成一個主權國違約事件，好似1998年俄羅斯和2000年代初阿根廷那樣，跟住就觸發資金突然停止流向新興市場。鄧普頓基金負責人麥樸思更加話，新興市場股市可能調整20%。最怕越南匯價下跌，越南被逼加息控制通脹，並將越南盾礇價下跌，亦觸發市場憂慮新興市場風險。

        恒指高位是個幾星期前的23099點，上周五收報21134 點，幾日內已從高位下跌1965點，從高位下跌8.5%，若要跌20%，就要去到18749點，究竟會唔會跌到咁多呢？香港股市之升，固然因為資金太多流到新興市場，亦因為中國是新興市場中一個增長得好勁之國家，所以究竟資金會因為杜拜唔掂而全面避險，觸發一個大回潮，回流到美國債市這些最安全的市場？還是震一震避一避，見無事又走番出來呢？

        股市通常無咁快跌完，恒指從高位回落了一星期左右，上周五跌得咁急，今天可能反彈纒，但照計無咁快一帆風順，反彈完又要再試纒底，確認纒會唔會再穿底，有事會再插纒，無事先至會再向上。我就認為危中有機，雖然未咁快會大升，但若果成手現金無乜貨，可以趁呢鱓股市大跌的機會，分段候低吸納。否則升又唔想買，跌又唔敢買，到頭來就永遠無買啦，最怕到個股市升到顛時先至入場咋。

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

淡化         

2009/12/1 上午 09:43:21
網誌分類: 經濟

在美國昨日交易時間後段，出事的杜拜國營基金公司「杜拜世界」終於表示，已和銀行展開「建設性」的商議，計劃重組包括旗下地產開發商Nakheel 的債務，涉及260億美元，但杜拜政府不會全面擔保杜拜世界的債務，消息刺激銀行股上升，11月芝加哥採購經理人指數增長又好過預期，美股在尾市止跌回升。杜指收報10345點，升35點或0.3%；標普500指數收報1096點，漲4點或0.4%；納指升6點或0.3%，收報2145點。杜指期貨最新報10321點，比現貨低水24點。紐約證交所成交回升至正常的13.5億股。

港股美國預托證券繼續反彈，ADR港比指數收報21950點，比香港收市高129點或0.6%。匯控收報91.77元，比香港收市高0.8%；中移動收報72.65元，比香港輕微收高0.1%。

美國市場交易員話要睇實反映市場投資情緒的VIX 「恐慌指數」，如果市場變味，VIX會急升，昨日恐慌指數下跌1.4%至24.51，顯示市場情緒回[穩。美元匯價亦成為一個指標，昨日美國上午中段美元反彈，美股下跌，到尾段美元回軟，美股回升。美元指數回落至75下方，最新報74.81。大宗商品市場造好，黃金重上1180美元上方，銀和銅價亦造好。

杜拜世界的聲明值得一記，杜拜不會承擔杜拜世界所有債務，點解仲係好消息呢? 原來關鍵係杜拜世界的聲明終於講出一個數字: 260億美元。杜拜世界旗下有多家公司，共欠債590億美元，而家杜拜世界話當中只有260億美元債務要重組，主要是旗下兩間公司Nakheel World 和Limitless World的借貸，其餘經營碼頭港口等公司財政穩健，不需重組。

      出問題的是260億美元，不是590億美元，更不是整個杜拜、甚至整個阿聯酋的債務，銀行家開始鬆一口氣，260億債，就算剃頭4成，都只係唔見104億美元，若果其他債務無事，咁多間銀行一間分一啲，都唔係咁難頂啫。

        就如RBS資本市場的分析員Nick Chamie所講，「而家佢地講260億美元，就減低咗呢幾日市場的憂慮。呢個聲明好正面，市場本來講緊600億美元債務要重組，而家憂慮減低咗。」杜拜的信貸違約調期(CDS,即信貸保險)昨日是一星期來首次下跌，昨日跌0.75厘，跌到5.71厘，而阿聯酋另一主要邦國阿布扎比的CDS亦跌0.34厘到1.44厘。

市場普遍嘅分析都認為，杜拜危造成的負面影響較為有限，風險反而在阿聯酋嘅「見死不救」。瑞士聯合銀行分析師昨日在其投資通報中表示，「在目前階段，我們不會將杜拜債務危機看成是系統性的問題。令人感到意外的因素在於它缺乏阿聯酋的支援，而非杜拜債務危機本身的性質。它提醒市場注意風險依然存在，但在目前階段它還不大可能造成系統性的問題。」整體感覺是杜拜危機正朝淡化方向發展，不會是另一件雷曼事件。

除了杜拜債務危機問題之外，投資者所密切關注的還有美國感恩節零售銷售數據，初步數字顯示黑色星期五的銷售升0.5%，人流好過去年，但每人平均購買金額下跌。巴克萊銀行分析師表示，「從整體來看，零售業在這個感恩節後的黑色星期五的店面銷售表現，大致符合預期。」不過零售股表現疲弱，逆市下跌，沃爾瑪跌0.5%，Target挫2.4%。

陸羽仁

http://blogcity.me/blog/reply_bl ... 12303&id=216339

Mr.Business

注：此篇文章版权归香港頭條網所有。

金融High Tea——當無事 再炒過
2009-12-02

杜拜危機繼續紓緩，全球股市回穩，香港跟住反彈，過去兩個交易日連續上升，累積已經有過千點升幅，危機爆發之日，陸羽仁話呢單№老早都知有關連，應該有拆彈準備啦，從連日發展，證明杜拜今次債務危機，頗有「晒冷」鬥大的味道，情況應該未失控，所以全球金融市場又由恐慌中回復鎮定，炒家埋位又再鈬過。

        恒指昨日低開9點，之後反覆向上。恒指升292點，收報22113點，補回上周五因「杜拜危機」造成的下跌裂口，大市成交749億元。

        期指臨尾又撩高

        值得留意係，期指收報22264點，升516點，比現貨大幅高水151點，成交75848張，似乎有大戶臨尾又做№。

         杜拜世界為債務問題發表聲明，陸羽仁係網誌形容呢個係好消息。杜拜在聲明中講明，不會承擔杜拜世界所有債務，點解仲係好消息呢？原來關鍵係杜拜世界的聲明終於講出一個數字︰260億美元，言下之意，即係有數得計，而且數字仲細過押後還款消息曝光時外界的估計。中東地區內的英語報紙《海灣新聞》（GulfNews）仲形容：「全世界對杜拜世界（DubaiWorld）重組計劃的關注被誇大化了。」好似講到全世界對佢唔係咁銏！

        杜
拜世界的危機，愈睇愈有當年粵海投資債務風暴的影子，有熟悉中央銀行事務的銀行家話，兩宗個案相同之處，係大家覺得債仔同政府關係好密切，將借錢俾債仔當作係借錢俾政府，到債仔無錢還，先發覺原來債仔只係一間投資公司，雖然政府擁有權益，但不代表會無條件還款。

         當年粵投出事，一度令到紅籌股暴挫，甚至信貸亦受影響，但最終由總理朱鎔基的副手王岐山以強硬態度同銀行商討，削債解決，王岐山一役成名，仕途步步高升。從粵投例子，杜拜世界的危機雖然不簡單，但暫時睇唔到會導致系統性風險，香港股市上周五單日暴挫過千點，反應似乎太激，炒友睇清楚形勢，又趁「低」吸納炒番上。

        鰠杜拜債務衝擊紓緩的同時，可能有另一個因素，帶動港股炒上，就係澳元加息。澳元是最早加息的國家之一，陸羽仁留意到，當日澳洲加息宣佈後，澳元匯價略為回軟，股市亦因為擔心各國央行退市而碌低，但跟住就出現美元回軟，資金流入股市，全球股市跟隨華爾街大力炒上，解釋係澳洲加息，代表海嘯威脅減退，熱錢風險胃納增加，由美債流入股市，尤其好似澳洲等國家，成為資產上升潮的得益者。

        澳洲加息掀炒風

         美國短期難以加息，但資源豐富的國家好似澳洲或加拿大，經濟無點受損，澳洲仲受惠於大陸對資源的需求，迅速由谷底反彈，經濟的差異和利率拉遠，觸發對沖基金借美元進行套息交易，上星期對沖基金因為怕中東有事，急急平倉，令到美元反彈同股市下跌，所以如果短期美元又回軟，可能就係顯示套息交易再玩過。

        套息交易熱錢其中最鍾意炒賣的股份就係金礦股，紫金（2899）股價及相關新聞借住宣佈擬以38億購澳洲上市礦業，並間接持有菲律賓南部世界級坦帕坎銅金礦，復牌後反彈，收市升6.5%，受消息刺激，招金（1818）股價及相關新聞升7%；瑞金（246）股價及相關新聞升4.5%；其他礦產資源股全亦造好。

        澳洲第一次加息，股市先軟後揚，起動一個大升浪，有了上次經驗，炒家會唔會食髓知味，借於澳洲再加息，又再出動炒一炒呢？昨日現貨收市後，期指升幅擴大，一般經驗期指收市前搶升，個市跟住都有升幅，唔通炒家真係當無事，又再鈬炒過？

        指數反彈，好多股仔又郁郁貢，流行概念係搞資源，榮盛科技（1166）股價及相關新聞購蒙古金屬礦場，股價飆升65%；恆和（513）股價及相關新聞購河南金礦，股價亦升9%。

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

舊夢不須記         

2009/12/2 上午 09:47:07
網誌分類: 經濟

投資者對杜拜危機的憂慮減退，全球股市繼續反彈。美國製造業及樓市資料強勁，鞏固了經濟復甦的希望; 美元下滑，亦推高了大宗商品市場價格，美國10年期國債六日以來首度下跌，美股升勢淩厲。

杜指開市即抽升逾100 點，之後繼續緩步向上。杜指創14個月新高，收報10472點，升127點或1.2%；標普500指數收報1109點，漲13點或1.2%；納指升31點或1.5%，收報2176點。杜指期貨最新報10463點，比現貨低水9點。惟大市成一般，紐約證交所成交縮減至11.5億股。反映市場投資情緒的VIX 「恐慌指數」再跌10.6%至21.92。

上個星期四美股放假期間爆杜拜事件，上周期五港股遇上期指結算暴跌，美股上周五復市後亦急回，但估唔到兩個交易日後可以再創新高，可見美股走勢如何強勁，美股上次創高位是在11月23日，當日杜指高見10495點，但昨日高位已衝上10501點，收市亦收在10472點的收市高位。

港股美國預托證券繼續造好，ADR港比指數收報22422點，比香港收市高309點或1.4%。匯控收報93.28元，比香港收市高1.8%；中移動收報73.58元，比香港輕微收高0.7%。

Fifth Third Asset Management的分析師Scott Richter表示，「市場對杜拜危機的恐慌開始消退，已成了過去記憶。杜拜世界重組債務和當地央行提供流動資金，表明這是比較局限事件，不會擴大成有系統的雷曼兄弟事件。起碼，希望是這樣。」

澳洲加息亦推動美元下跌和股市向上，反映美元兌六種主要貨幣走勢的美元指數報74.37，跌0.7%，直衝向11月26日造出的74.17元的低位。黃金衝破每安士1200美元水平，創1202美元的高位，收報1200.2美元。整個金融市場的大局是風險胃納增加，美元跌、商品升、股票升，大家當無事再炒過。

網友kaybeo問了一個有趣的問題，佢話: 「我是個由2008年熊市長大o既人, 但呢一年都入錯股, 人升佢唔升果啲。對我嚟講資金流向太快……點樣揀股比較好呢??有期權做o既股??定係唔好諗..剩係2828??」

有首老歌的歌名叫「舊夢不須記」，在股場打滾的人，不能天天記著昨天發生的事。首先談熊市，不能見過2008年熊市，便整天不願買股，在股市轉角之後，愈遲買股，風險愈大，這是我經常講的道理，因為普通人在正常市況不買股，只是在股市熱到唔熱阿婆阿嬸都狂買時才入市(而家未到咁o既情況)，那時感覺最好，卻偏偏是最危險的時候。

我見過1973 年、1987年、1989年、1997年、2000年、2008年的熊市，1973年的熊市最得人驚，我爸爸媽媽的股票經紀曾經發過大達，借孖展炒股有幾百萬身家(可能等如而家幾千萬，甚至1億)，最後股市暴跌，佢輸突幾百萬，結果拋妻棄子走咗路去南美，之後未見過，恐怕已在那邊終老。所以我也怕熊市，但首先要問自己一個問題，若明天就是熊市，自己輸唔輸得起? 如果唔係賭得咁大，輸得起，又唔使驚得咁緊要噃。

而家係熊市的反動，正因為早前個市太熊，所以各地政府要狂印錢搞到佢牛，而而實體經濟未好，唯有繼續印銀紙，讓股市繼續牛，由於印錢太多，股市好快趣就跳過牛一的沉靜期，直入牛二的開車時期。

面對這種突如其來的變異，散戶第一個問題係唔敢買，第二個問題係買錯啲唔升o既嘢，網友kaybeo的問題屬於第二類。我在今年年頭已經講過，今年遇上跌市要買股票，一兩年後會好開心，如果唔識買、唔敢買，就每個月買1注，分12注入市，唔識揀股就買紅色股，買指數基金。到年中我又再講一次，話仲有6個月，每個月入1注，分6注入市都未為遲。

所以如今再講的答案都係類似，個市雖然升唔少，但明年應該還有得升，升得太急時唔好追，要趁回吐時入市，早兩個月我甚至叫大家等大市從高位回吐6、 7%時開始機械式分注入市，如今仍有效‧雖然危機天天可能出現，昨天可以杜拜爆煲，難保明天不可以東歐爆煲，股市跌一、兩成不出奇。但只要問吓自己，若出現較壞的情況，出現熊市，走唔切，自己使唔使走路呢? 要走路就唔好買。若唔使走路，再問自己買股票的錢是否有閒錢，唔等用，遇上跌市可以守吓，若是如此可以買吓。至於如何揀股更易答，識揀股就揀，唔識就買 2828、2823、2800，買指數基金，可以確保自己唔會跑輸大市，等到自己有功力可以揀股時才揀股吧。

陸羽仁

http://blogcity.me/blog/reply_bl ... 12303&id=216515

Mr.Business

3/12/2009 10:59:55  

陸羽仁覆網友

金曹:loss_confidence贏咗錢要貢獻吓，你聯絡吓佢啦。佢咁留言:「陸SIR: 斬幾斤叉燒就唔好啦, 不如我贊助$1,000蚊書卷或百佳禮卷俾網聚朋友抽獎啦, 同埋我買左禮卷點樣交俾金曹師兄??」

Momosan:你問了兩次富力地產我無覆，唔係佢有問題，係我隻眼有問題，富力有問題的時間已過去，但最近太多內房股上市，吸扯咗資金，所以暫時橫行，大陸樓市有少少過熱，但暫時未到爆的程度，內房股溫和睇好。

DreamsBoy...Man:教細路仔理財好重要，但開理財教育中心作為生意就唔知得唔得，因為而家佢地太多嘢學，唔知有無時間學多一樣，我認為應在基礎教育中加入理財的基本知識。

世界仔:先簡單覆一覆，你女友買咗隻變身股，呢啲變身金礦股，可以大炒，可以派貨殺人，人為味道好強，後向不知。你叫女友沽，若沽完大升，佢會話你無腦。沽完跌咗，佢會當無件事，多謝都無句。所以對女友作投資建議，處境好困難，你要睇佢落注多唔多，唔多或者唔好理好啲。有時輸錢皆因贏錢起，今次贏咗，對佢未必係好事，但呢啲嘢我同你講就得，你就唔好同佢講啦，佢買完隻股若大升，佢變咗股神，你就唔好阻佢發達啦。

努力中:來年買賣部署在思考中，年尾會講。

Kaybeo:機械式入市都要識控制風險呀。

Toast:除了大市外，有些板塊係脫離大市咁升，內需股整體升得較高，較難入市，只能等大市或行業回吐時入市。睇住個圖，唔好在佢大抽升向上時入市。

基金的資產淨值不斷公布，但市場睇行業表現，就會在季結和年結睇，所以最後一兩日有機會舞高少少，但唔好睇粉飾的原因睇得太重。

閒人:歐洲似美國，整體會走得慢啲，特別係美元下跌更會拖慢歐洲復甦，所以沽出歐洲基金OK。泰國基金長線走勢不如中國、印度，所以換馬亦OK。中交建短期較弱勢，但是否停供，先要[想清楚這是長期還是短期走勢，若相信是長期走勢可換馬，若換簡單做法是換2823或2828，買指數。小潘月供的招行，也可以考慮。

Wen，torreskk:中交建之殘，首先應該殘在一個大方向，因為阿爺投資基建谷經濟，最好的情況已反映了，未來谷交通建設的錢應該減少而不是增加，而這一兩年大量建設會超前透之了之後的需求，所以長線投資者就開始換馬，社保基金可能係咁諗。當然，股份跌得過殘，可能有一浪不錯的反彈，例如航運股就係咁，但呢啲大股，如果唔受大基金睇好，股價難以持續大升，所以直到你見到大行唱好之前，都係炒作反彈，而唔係真好。

如果你係圖表派，8元是中交建的大行，穿位唔應該撈，反而應該沽，按走勢佢應該再有一次像樣反彈，跟住要再向下。

Any:內房股有點供應過多的問題，但你講幾隻都係較大的，問題你的心態係乜，若係穩陣投資者，就只能選中海外和世茂，也是最大路，等佢地調整時吸納。

享記:建行你有一注6.41元平貨在手，追多一注亦無妨，但唔好買太多，而且拉平均有一成利潤時，不妨又走番一注出街，候低再買。我的理論是如果入貨價夠平，不妨坐住唔郁，若入貨價中等，甚至略高，就被逼要游吓水了。

Bbbeginner:一個大股東唔會持有公司105%股票，那個數字應該係重覆計算之誤，或者因為有些衍生工具重覆持有可能就有咁結果。

Tracy:表面看渣打唔會因為杜拜而死，所以若睇好渣打，可以分段入貨，但等條數計清楚啲時，或許佢會震多一震，所以唔好一注入哂。

投資小朋友:中煤創緊新高，高追小心。

Mr.Business

注：此篇文章版权归香港頭條網所有。

IPE集團捱過了難關
2009年12月1日

IPE集團主要製造及銷售精密金屬零件給硬盤驅動器、液壓設備及汽車零件，圖為集團主席兼董事總經理兼執行董事崔少安。

三星期前曾經寫過一篇「為何股價那麼落後」的文章，來形容主要製造及銷售精密金屬零件給硬盤驅動器（HDD）、液壓設備及汽車零件的IPE集團（929）股價及相關新聞。上星期Victoria跟公司的人會面了，知道了公司大概的情況。

　　首先，我們問及了它負債過高的問題，他表示高負債是這個行業的特性，而公司剛宣佈了供股以增加公司資金。除非再來一個相同破壞力的金融海嘯，不然公司財政上是不會出現問題的。不過，他亦老實地說，去年金融海嘯發生時，它們亦十分害怕，定單大跌，負債又這麼高，現在總算捱過了。

　　盈利方面，之前說過集團自○三年度開始，年年有錢賺，年年有增長，由○三年度至○七年度，集團盈利分別為四千二百四十萬元、五千零六十八萬元、六千四百四十萬元及一億零六百萬元。○八年盈利第一次同比出現倒退，賺了六千一百一十四萬元，○九年上半年公司盈利更出現虧損，蝕了二千四百五十一萬元。公司的○九年半年業績裏說到，第二季定單開始大幅反彈，亦期望下半年應逐步回穩。

　　Victoria就這個問題問得更清楚，今年集團第二季的營業額比第一季是升了一倍，而第三季則比第二季升了百分之二十左右。今年全年，回復正盈利公司是挺樂觀的。公司半年營業額是二億五千萬元，假設第四季比第三季再升百分之十。粗略一計，全年營業額應該為六億四千萬元左右，即是介乎○六年至○七年時的水平。

　　投資者只注重現有業務

　　公司預期硬盤驅動器的精密金屬零件市場未來只會以百分之五左右緩慢地增長，相反汽車零件市場則充滿機會，亦是公司未來的主要目標市場。

　　IPE集團的想法是，未來幾年後者的營業額能以每年升一倍的速度增長，三四年後取代硬盤驅動器成為公司的最主要的盈利貢獻。如果公司真的能夠做到，無疑此刻股價是挺吸引。不過似乎投資者暫時沒有興趣看得那麼長遠，只是想注重於集團現有的業務。公司第三季定單的回升幅度比想像中少，硬盤驅動器的前景亦沒有想像中那麼好，難怪股價仍是那麼落後了。

　　王雅媛（Victoria）

　　王雅媛為持牌人士，並沒有持有以上股票

http://fin.hkheadline.com/finance/news_detail.asp?id=95804

Mr.Business

注：此篇文章版权归香港頭條網所有。

金融High Tea——升上高位 轉炒個別
2009-12-03

恒指連續第三天上升，高開289點，一舉突破10天及20天移動平均線，其後在高位徘徊，最多曾升逾300點，但尾市升幅大為收窄，20天線得而復失。恒指收市企穩10天線上方，報22290點，升176點或0.8%，期指收報22420點，升156點，比現貨高水130點，成交69115張。大市總成交增至779億元，藍籌股成交只有231億，反映資金轉炒個別板塊，至於一度受杜拜世界債務危機影響的礇控（005）股價及相關新聞收報92.55元，升1%，渣打（2888）股價及相關新聞亦漲4%。

        唔急於炒高個市

         美股前晚炒上，港股高開300幾點，不過跟住有回吐，睇番指數由低位抽番上鈬，足足彈鰦過千點，係低位有撈貨者回吐都幾和味，而且去到高位大家又會小心鱓，唔會追得咁勇，回吐係好正常。上月尾期指壓低收市，通常月頭大戶又會放軟手腳，等個市浮沉纒，見到高位又食纒胡，尤其今個月係聖誕節，跟住基金埋數，今年大家賺得唔錯，計花紅分落都幾有睇頭，所以唔會太過心急大力炒個市上去，見到低就買纒，見到高就沽纒。

        幾
個板塊中，汽車股係持續強勢的類別，商務部市場體系建設司司長常曉村表示，雖然刺激汽車消費的相關政策仍在討論中，但汽車消費增長仍有很大空間，相關政策調整仍有餘地。受言論刺激，汽車股全線造好，吉利（175）股價及相關新聞就競購福特旗下Volvo，正向中資銀行尋求10億美元貸款。其中中行（3988）股價及相關新聞、建行（939）股價及相關新聞及中國進出口銀行已經同意向提供貸款。吉利昨曾大升近10%，不過尾市回順，升6%，再創年內新高。駿威（203）股價及相關新聞亦創新高，升4.6%；華晨（1114）股價及相關新聞升3.8%。

        昨日內地股市造好，國企指數跑贏大市之餘，內房股明顯造好，碧桂園（2007）股價及相關新聞銷售額增91%提前達標，股價升8%；華潤置地（1109）股價及相關新聞升7%；世房（813）股價及相關新聞升6%。中環茶友話，最近好多朋友係內地返鈬，都話幾個大城市的樓價都「癲癲懐」，好似北京、上海，樓盤非常搶手，試過有發展商開盤，因為有傳言跟住會取消優惠，結果搞到起晒哄。

         內地樓市咁熱，同銀根鬆裕好大關係，今年內地銀行大增貸款，數字講緊萬億計，好多資金流入樓市，搞到幾個大城市的樓價不跌反升。茶友話，昨日內房股炒起，係因為傳言內地會有利好房地產政策，但他自己就覺得，個別地區的房地產市場，開始有小小起泡，所以他懷疑中央再催谷樓市的說法有幾真確。

        金礦股有得威

        茶友認為，如果內地「管理層」繼續讓樓價大幅上升，好可能真係會整出資產泡沫。不過，內地樓市過去咁多年發展，都係反反覆覆，輾轉向上，現在好多有規模的內房股都爭取掛牌上市，亦有利於應付未來出現市況逆轉的考驗。

        雖然茶友對於內地樓市有咁睇法，但炒股同經濟基本面的分析，短期未必一致，反正現在樓房銷售理想，未來出鈬的盈利數字靚仔，股價就可以炒上。

        金價突破每盎司1200美元，金礦股再有炒作，紫金（2899）股價及相關新聞升3%、招金（1818）股價及相關新聞升6.8%，再創新高。過去金價上升，金礦股升幅未必跟得上，不過，最近中國黃金協會估計，來年中國對黃金需求可能升到450噸，較今年數字再增近兩成。中國目前已成為全球最大產金國，取代南非位置，但每年產金數字都只係300幾噸，呢個數字亦代表來年中國要在國際市場吸納幾百噸黃金。所以有分析估計來年金價可以再升，兩個消息都係利好金礦股，令到金礦股可以跟足金價升幅，兼且創新高股價。

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

風險胃納升         

2009/12/3 上午 09:44:13
網誌分類: 經濟

世界金融市場又回復番杜拜爆鑊前的狀況，美國就炒經濟緩慢復甦，全球就炒風險投資。

美股週三先跌後回穩，瑞銀唱淡摩通、大摩及其他金融類股第四季表現，金融股下挫，拖累大市向下。午後聯儲局公佈褐皮書(Beige Book) ，顯示不少地區的經濟形勢都出現了一定程度的改善，刺激美股回升；金屬價格上漲亦刺激美國鋁業(Alcoa)及其他材料類股新一輪買盤，基本抵消了金融類股下跌帶來的負面影響，美股午後回穩。

杜指收報10453 點，微跌19點或0.2%；標普500指數靠穩，微微收高不足半點，報1109點；納指在亞馬遜等網上零售股造好推動下，升9點或0.4%至2185點；羅素2000種小盤股上升1.2%。杜指期貨最新報10459點，比現貨高水6點。大市交投淡靜，紐約證交所成交只有10.3億股。反映市場投資情緒的 VIX「恐慌指數」再跌3.7%至21.12，恐慌指數又試跌近低位，顯示風險胃納番哂出來。

港股美國預托證券繼續造好，ADR港比指數收報22402點，比香港收市高113點或0.5%。匯控收報93.25元，比香港收市高0.8%；中移動收報73.9元，比香港輕微收高0.1%。

美國聯儲局在昨日下午公佈最新一期由紐約聯邦儲備銀行撰寫的褐皮書(Beige Book)，指在10月尾至11月20日期間，12個儲備銀行轄區內不少地區的經濟形勢都出現了一定程度的改善，經濟形勢繼續好轉，但疲軟的就業市場以及不斷惡化的商業地產市場依然是美國經濟復蘇中的黯淡領域。

聯儲局稱，消費開支出現上升，多個地區二手車銷售相對強勁；住房銷售有所增加，不過市場普遍稱價格依然持平或溫和下跌，低價房市場的情況要好於高檔房市場；工資上漲壓力也受到控制。不過，該報告在提及勞動力市場和商業地產市場時語氣就唔多樂觀，稱商業地產市場在所有地區都在惡化，閒置率呈上升狀態，出租面臨壓力；即使有新的開發專案，也是寥寥無幾。各地區普遍對明年商業地產領域的期望值較低，波士頓認為該市商業地產領域前景黯淡，而坎薩斯城則稱其商業地產市況萎靡不振。

勞動力市場方面，聯儲局看到零散的改善跡象，但表示企業進一步裁員、招聘形勢不佳以及高水準的失業率仍對多數地區構成打擊。季節性招聘的情況也不好，假日旺季前的招聘也不及常年火爆。聯儲局報告投射出一幅經濟慢慢地改善的圖畫，對股市有支持，因為一方面經濟係向好而唔係愈來愈壞，但另一方面又唔係好得好快，令通脹唔會咁快上，聯儲局唔敢咁快開始加息。　

大環境繼續炒風險投資，美元繼弱，美國順水推舟，繼續搵佢細佬日本笨，日圓走勢本來持續向上，咁對美國出口有利，對日本出口大大不利。日本被逼做嘢，早前再決定採量化寬鬆政策，放水7000幾億美元入市場，舒緩日圓上升壓力，並製造出日本央行會出手干預日圓匯價的預期，日本自04年後沒有出手，但市場估佢會出手，日圓回軟，美元走高。

美元兌日圓週三連續第二個交易日向上，美國財政部證實，日本外匯官員本周與美國財政部官員進行了會晤，此舉暗示日本方面可能準備對外匯市場進行干預以抑制日圓強勢。據《日本經濟新聞》報導，日本首相鳩山由紀夫週三在東京發表講話，稱不能放任日圓兌其他主要貨幣大幅上漲。美元兌日圓上周在迪拜債務危機影響下觸及14年低點的84.82日圓後，昨日回升至87.40日圓。

日本官員擔心，強勢日圓將打擊出口，給剛剛萌芽的經濟復蘇帶來不利影響，進而使日本更加難以擺脫通貨緊縮的局面。市場越來越認為，美日之間的會晤或許是日本干預匯市計畫的一部分。部分分析師推測，日本政府可能仍試圖採取單方面干預以推動日圓走低。不過，富國銀行的外匯策略師Vassili Serebriakov稱，他認為日本入市干預的可能性並不太高，除非是美元兌日圓一直在85日圓下方。

不過日圓回軟令日股大升，今早日股大升208點，升2.2%，有時出吓口術都掂o既。總的而言，市場風險胃納提升，而家係玩炒高，唔係玩跌市。

陸羽仁

http://blogcity.me/blog/reply_bl ... 12303&id=216667

Mr.Business

4/12/2009 11:30:52  

陸羽仁覆網友

Loss Confidende:啲細股如果成交密即係有莊，升跌都唔出奇，叫人唔買升咗俾人斬架。

Flyinthesky:深圳樓價貴啲，廣州樓價平啲，廣州可以追落後，深圳樓價和北京價接近，長線北京好似好啲。

牛熊本無樹:你要知道，牛市時夠膽投機會比投資好，但投機通常最後走唔到。

思捷業績不如人意，但跌後回穩，跟大市向上，都可以揸吓。

Toast:1186和其他鐵路股建築股一樣，都有透支未來的擔心。38一拖受惠於政府津貼買農機，業績應該好，本來亦有類似透支未來[的問題，但最近炒個不亦樂乎，可能因為細隻易炒，可如你所講，先食一部份糊，或定止賺位。

高追人:能源可以揀中海油，係比較大路之選。

陳永仁:個市要升，就會將美國高失業解讀為政府不會加息及退市的消息。

Gdumdull:內房股三言兩語講唔清，但好多新內房股上，有點供應過多的問題，大路去講，都係中海外、世茂這等大股會跟大市上落。

投資者:若大市向好，工行建行維持到較高增長，市值兩三年再大一倍唔係無可能，但若大市升得好顛時，減持一啲都得，不過現時再揸吓先啦。

N:袞州煤業唔係唔好，但升勢好似太急，可能等佢回吐時買好啲。

人人常歡笑:月供招行和國壽都OK.

Mr.Business

注：此篇文章版权归香港頭條網所有。

金融High Tea——大蒜辣椒炒靚股
2009-12-04

港股跟外圍高開214點，攻破20天移動平均線，其後回順至22400點徘徊。午後內地股市從低位反彈，上證綜指收市小幅下跌，日股卻大升368點收場，恒指午後借勢發力再上，向上挑戰阻力位22600點不果，最多升逾300點，收市略為回順。恒指連續第四天上升，收報22554點，升264點，大市成交縮減至701億元。

        外資再度流入

        外圍美元跌、金又升、股又升，已經完全當杜拜事件無到，市場風險胃納回升。金融界猛人講起，外資大行要炒上時，壞消息都講到無№，如果一年前出現杜拜事件，港股跌3000點都未夠，但鶽家跌兩跌又話無事。

        你睇外資又開始流入香港，金管局昨日中午承接美元沽盤，沽出38.75億港元，令下周一（7日）本港銀行體系結餘達3,069億港元，加埋金管局發票據吸鰦市場的游資，即係夾埋有6000億港元流鰦入來。外資又來，係「無事發生再炒過」的明證。

        內
地早前借吃大蒜防H1N1新流感的傳言，大力炒作，大蒜價格炒高40倍，最近大蒜炒家轉戰辣椒市場，令辣椒價格急升。辣椒漲價的原因包括08年辣椒價格大跌，價賤傷農，導致今年辣椒主要產地不同程度減產，加上入冬後北方冰雪天氣影響產量，加上物流價格上漲等，總之有100個理由去炒。經紀張話點解咁低能大蒜、辣椒都炒得一餐，我就叫佢唔好笑人，佢炒鱓無厘頭細股，一隻空殼都係升10幾20倍，同炒大蒜、炒辣椒有乜分別？總之各地政府大印銀紙，游資搵唔到好實業去投資，唯有搵№炒，大家唔好客氣，來一客「大蒜辣椒炒靚股」，有得食趁機開餐好過話人啦。

        昨日推動港股大市鮋火車頭係本地及內地地產股。恒指地產分類指數勁升2.4%，跑贏大市。內房股亦唔執輸，多家內地房地產公司提前完成全年銷售目標，高盛亦看好內房股，指好多股價尚未反映因較低土儲成本，以及減省的成本，並提高中國海外（688）股價及相關新聞等內房股的目標價。

        Nokia新機睇陸羽仁

        老友「搞機王」最鍾意換手機，佢昨日興沖沖打電話來，話買鰦部Nokia新機E72，鶽家坐車返工時可以睇到陸羽仁專欄同個網誌，每時每刻都可以上去睇，方便到不得了，叫我得閒要放多鱓料落個網度。

         我同「搞機王」講，鶽家鱓手機功能真係快到我都追唔到，以前手機上網好慢，版面又唔適應電話個顯示屏，唔係幾方便，但鶽家好似Nokia鱓個人化版面，搞到咁容易玩，一按就走出來，讀者想睇№非常方便（聽聞其他Nokia智能手機都可以去佢個網下載陸羽仁同《頭條日報》的wiget），可憐我唔係全職做寫手，仲有份正職忙到死，好難每時每刻都去更新網誌，我叫「搞機王」唔好俾咁大壓力我，總之盡力搞得幾多得幾多啦。

        最後講講新股啦，中國森林（930）股價及相關新聞首日掛牌，收2.08元，較招股價2.07元高一個價位，中籤者有小小面懵懵，呢類股份睇鈬都係有限實力，證明新股都係玩個別，但大圍氣氛係點，都係要睇龍源呢類大股表現。

        陸羽仁

http://news.hkheadline.com/daily ... n_name=wtt&kw=4

Mr.Business

注：此篇文章版权归香港頭條網所有。

學做人（１）         

2009/12/4 上午 09:58:06
網誌分類: 經濟

ISM公佈的11月份服務業指數下跌近4%至48.7，遠低過市場預期的51.5，引發投資者對就業市場繼續惡化的憂慮，美銀要批股還債俾政府的消息，更令美股尾市跳水，標普500指數結束了連續三天的升勢。杜指收報10366點，跌87點或0.8%；標普500指數挫9點或0.8%，報1100點；納指跌12點或0.5%至2173點。杜指期貨最新報10350點，比現貨低水16點。大市交投淡靜，紐約證交所成交11.3億股。反映市場投資情緒的VIX「恐慌指數」上升6.3%至22.46。

港股美國預托證券偏軟，ADR港比指數收報22315點，比香港收市低239點或1.1%。匯控收報92.69元，比香港收市低1.2%；中移動收報73.47元，比香港輕微收低0.7%。

杜指朝早最多曾經升過55點，主要原因係政府公佈最新的首次申領失業救濟人數下降5000人至 45.7萬，較市場預期低了5%。而市預計今日公佈的美國最新失業率會去到10.2%，為26年以來最高。白宮發言人Robert Gibbs表示，ADP就業服務此前的報告顯出公司裁員數字大過預期，亦標誌著失業率將會上升。

ISM表示上月非製造業指數下跌至48.7，低過市場預期，而指數低過50，表明非製造業有收縮的趨勢，亦加深了投資者對於失業率上升的憂慮。

金融股整體下挫2.1%，係拖累大市向下的主要元兇。引發金融股尾段插水的是美銀的消息。美銀計劃償還450億美元問題資產救助計劃(TARP)資金，部分融資來自出售188億美元、即是近13億股新股，令富國銀行、花旗等還未還錢的銀行受壓。

美銀還錢俾美國政府，原本係股市和金融市場轉趨正常化的現象，市場唔正常，美銀邊度搵450億美元咁多錢還俾政府，不過美銀要集咁多錢，加上好多其他銀行都可能集資，就對市場有短場壓力。有交易員表示，「美銀要發13億股新股，牽涉龐大資金，值得留意的是，富國及花旗都有需要做同樣的事情，要籌集750億至1000億美元資金，這將帶給市場壓力。」金融股在交易時段的最後兩小時，明顯挨沽，曾一度急升7%的美銀，收市升幅大為收窄至只有0.7%。美國運通大跌5.3%，係表現最差嘅杜指成份股，US Bancorp挫4.8%，富國銀行跌3.5%。摩根大通、大摩、高盛及花旗集團都跌逾1.2%。

高盛公佈了2010年8項交易預測，包括標普500指數不會出現大幅波動，買俄羅斯股市、預計英鎊兌新西蘭元走強等等。並預計2010年和2011年的全球經濟增長率分別為4.4%和4.5%，而美國不會提高短期利率。

        網友世界仔講起他女友買股的故事，值得談一談‧佢話女友財經新聞都唔睇，只係聽人講去買股票，前兩日聽老細話一間上市公司買咗個金礦後，就撲入去買，世界仔知道後便對女友講:「這樣買股和賭博沒分別，她說只是玩一兩天， 我便對她說10%止賺/止蝕，嚴守紀律。昨天日中曾見過升15%，到了收市， 我再望一望隻股(跌咗落去) ，我對她說算啦，聽朝放咗佢蝕小小算。」

        世界仔問我點睇，我認為這不止涉及投資手法，也包含和人相處的問題，我又不妨講兩件事同大家分享一吓。第一件有關經紀張，有一次佢同我講，話有一隻股票由創業板轉主板，一兩日已經升咗1倍，好多客湧入去，佢勸啲客唔好買，問我點睇，我反而勸經紀張要小心，客戶要炒神仙股，你叫佢唔好炒，若果隻神仙股繼續升點算，啲客見佢再升5成，一定怨你，再升1倍，就會開始媽你，若升2倍，就會去你老闆處投訴你，問候你，話你唔識做經紀，所以我叫佢「咪阻人發達」，若有客仔真係自己老友，就提一句「小心風險」，佢唔聽就唔好提第二句。結果隻嘢真係升到阿媽都唔認得，過咗半年派夠貨先至插落嚟，經紀張多謝我提醒佢，我話人在江湖，唔好扮正義，唔係好易死。呢個故事教訓我地，唔好立亂叫人唔炒股。

      第二個故仔和一個靚女有關，佢成日叫我提醒佢乜嘢時候買股(此故仔無性別暗示，你將佢當成一個靚仔都得)，我見佢好少買股，平時當然唔敢叫佢買，怕佢輸錢走番來怨我，朝見口晚見面俾佢日日怨唔係幾好啦。好啦，等到今年3月9日，我出外公幹人在北京(我連時間地點都記得好清楚)，睇到恒指當日一度跌了500幾點，跌到11344點的低位，就專門打個長途電話落嚟，揀咗隻比較穩陣的股票，叫佢買啦，話個市跌到咁都唔會再跌得太多啦，點知靚女一輪咀咁講:「個市咁恐怖，金融海嘯呀，你仲叫我買股，買股實升o架? 唔升插咗落去點算呀?」

        我聽完心都實埋，心諗平日見佢一臉誠懇叫我建議佢買股，我終於建議啦，就俾佢噴到一面屁，唉，好人難做也，又的確係，邊有股票實升，金融海嘯未完，再跌多兩三成一啲都唔奇，或者幾日就到，結果我就虛應兩句，話「擔心就唔好買啦，呢啲市講唔埋…..」跟住就收線，後來才發現，我打電話俾佢那天，就是今年股市的最低位，竟然俾我撞中，又竟然俾人咁回敬，心想好人難做呀，到今天那隻股票升了幾倍，不過我都都慶幸靚女無買，否則買了之後，若果大市再插兩三日，我都唔知點算，佢或者會沽埋，咁我就賠番俾佢都得啦。呢個故事教訓我地，亦唔好立亂叫人買股。

        所以同人討論股票，不止要講股，要睇市，還要諗同人相處之道，可能教佢分清投資與投機，好過叫佢買股或唔買股啦。

陸羽仁

http://blogcity.me/blog/reply_bl ... 12303&id=216860