【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

西隧加價 買港通做對沖？
2008年1月8日

踏入○八年，港股有升不起跡象，但日常生活用品價格升個不停。打開報紙、電視，每天話題總是離不開加價。百物騰貴、通脹升溫、巴士加價、食物加價、電費加價，想不到私家診所也宣佈加價。每個人都說工資追不上通脹，經濟學強調無形之手，即是經濟本身會因供求關係自動調節從而達致平衡，Victoria不敢反駁這概念，但如果應用在物價及工資關係上，我認為是過於理想化的。

甚麼時候無形之手可以發揮真正的力量，我認為就是當每一個人在供求關係上的討價還價能力都是一樣的時候，但這情況只會出現在大同世界，現實生活似乎無可能。

合理的加價，無可厚非，但似乎有一些加價似有渾水摸魚之嫌，趁覑通脹，趁機加價。

Victoria想說的便是西區海底隧道，它以收入未如理想、要應付營運開支增加及償還負債為由加價，聽起上來你會覺得西隧一定不怎樣賺錢，但事實上它去年盈利是超過三億元的。

未加價前，西隧車流量不及紅隧一半，加價後，短時間內西隧車流量會更少。大家可能會覺得它加價其實是自取滅亡？對，他們是在趕客，在趕一些付不起這個費用的客。既然上周狂升的恒豐金業（870）[股價及相關新聞] 都可以把廁所分為普通廁所及金廁所，為甚麼隧道不可以分「普通隧道」及「豪華隧道」。第一，加價因為他們要打造一條「豪華隧道」，西隧跟紅隧收費差距愈大，愈能顯出西隧是「豪華隧道」。

第二，車流量減少其實只是暫時性的，西隧有四大股東，他們都是有名的上市公司，管理層又怎麼可能那麼笨，不知道加價會導致車流量減少這道理。根據經驗，加價的那一刻真的會令消費者卻步，不過，過了一段時間，當加價消息被消化了，用得起的消費者習慣了，流量就會穩定。

西隧加價我們只可以形容為一種不理社會責任的商業決定，但如果是鑒於商業角度或為股東覑想，他們是沒有錯的。不是很富有而又用開西隧的人，除了改用紅隧外，還有一個方法去對沖你的額外開支，便是買入西隧有限公司最大股東——港通控股（032）[股價及相關新聞] 的股票了！

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——地產股高位派落鈬
2008年1月9日

港股昨日走勢是前日的倒轉版，前日先大插後反彈，昨日先抽高後回軟，昨日在內地銀行股大幅反彈帶動下，恒指高開後一度升至27,638點，升過460點，跟住就在升300點、400點的位置上落，但中午前升幅收窄到升200點左右，下午更倒跌至27,089，收報27,112點，跌67點收場。期指收報 27,168點，倒跌112點，比現貨高水56點，成交58,437張。國企指數升幅收窄至69點，報15,659點，大市成交1,149億元。

昨日早段大升的原因主要是招商銀行（3968）[股價及相關新聞] 公佈盈喜，創先預計07年純利增1.1倍，招行一度由前收市的30.1元，升上32.7元，即係最高升過8.6%，不過最後升幅收窄到3％，收31元，其他內地銀行股都有同樣先升後回走勢。

美元又插 金匯皆亂

地產股就更加衰鱓，新地（016）[股價及相關新聞] 和恒地（012）[股價及相關新聞] 齊創新高，但都係一開市就創高位，跟住一級級回，新地一開市就上175.4元，結果只收168.8元，倒跌0.6%。恒地差少少到80元，最高見79.8 元，跟住就回，收77.6元，升1.7％，恒地過去基本上係一級一級咁上，穿72元就睇住80元呢個位，話咁快就到，但昨日有少少單日由高碌落鈬的派貨味。若地產股未來一兩日不能急促再抽上創新高，小心短浪已見頂位，又要回吐纒先至再炒。

中環茶友話，過去兩日股市大玩相反，前日先急跌後大幅收窄跌幅，股市好強勢，但強勢延續到昨天早上後，又開始回軟，論走勢較弱，小心穿位下墮。

外圍也是敏感時刻，昨日下午美元又軟，金銀大升，以昨日晚上報價計，黃金急升到871美元，升1.7％，白銀升到15.4美元，升2%，黃金一日升鰦10 幾20元美金，可見美元之弱，咁升法好易試900美元。以外匯計，今次日圓叫做弱鱓，加紙、英鎊、澳幣兌美元都抽升。

匯市金市睇住美國經濟弱過弱煲，睇鈬都要大減息救市，所以提前炒美元弱勢，氣氛幾混亂。

東方航空（670）[股價及相關新聞] 售股予新加坡航空的股東大會昨日舉行，A股及H股股東大會否決新航入股建議。今次爭奪東航股權的風波有少少嗌交收場的味道，東航找了新航以每股3.8元入股，國航反對，在尾段出招，聲言以每股5元或以上收購，小股東聽到國航（753）[股價及相關新聞] 出高價，自然加入國航行列，否決新航入股建議。

東航收購嗌交收場

東航管理層昨日知道大勢已去，東航董事會秘書羅祝平在股東大會上發言說：「資本市場不相信眼淚，東航可以失去機會，但東航人有自己的尊嚴，風雨中這點痛算甚麼？」最後一句是內地流行曲「水手」的歌詞，下一句是「擦乾淚，不要怕，至少我們還有夢」。想不到財經新聞都搞到咁激情。

東航董事長李豐華亦表明，批評國航在東航股東會前夕拋出每股5元收購的新方案，是不正常行動，事前也沒有和東航溝通，他並稱合作要找好對象，即使國航在兩周內真的提出新方案，東航也不會接受。

新航入股東航的方案被否決，東航又表明不會接受國航的方案，東航合作夥伴前景不明，股價復牌後有壓力。國航想併購東航，在西方社會，這種事情若得不到併購對象同意，手尾好長。但在中國，關鍵事情要國資委話事，國航併東航做大，符合國資委谷大巨型國企的方向，且看此事如何收科。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——彈波子頂住跌唔落
2008年1月10日

早一晚美股杜指又大跌238點，拖累恒指昨早低開266點，不過低見26,757點後轉跌為升，下午進一步升至27,626點，收報27,615點，升 503點。期指收報27,560點，升392點，比現貨低水55點，成交61,516張。國企指數升480點，報16,139點，大市成交增至1,203 億元。

呢幾日美股走勢極劣，12800點一攻而破，次按影響經濟的走勢十分明顯，但港股卻比想像中強，大市好似玩波子機一樣，在26,700點至27,600點中間彈上彈落，一到26,700點就見到支持，好快炒番上27,600點樓上，雖然去到27,600點左右大都轁一轁，但論走勢恒指都幾強。

陸羽仁的中環茶友分成兩派，一派係短期睇淡派，主要睇美股，認為美股跌到近12,500點的低位，走勢好差，港股近期無理由唔先試纒低位，到近月底減息先至上番。另一派就係短期睇好派，話美國接連試低位，港股都跌唔落去，呢個月調整已經差唔多，唔好睇得太淡。

月中情況料較明朗

你知道陸羽仁性格保守，唔係太清楚，都唔敢入市，但估計大市去到月中過後會較明朗化，因為美國減息的傾向幾明顯，好可能減到0.5厘，所以等走勢明朗化後，氣氛又會好少少。雖然陸羽仁見到美股咁得人驚，有睇淡的傾向，但過鰦月中都跌唔到落去時，又會好番少少，所以睇埋呢個星期，應該睇到方向。

有股壇老叔父話，在八十年代中期，亦有試過美國差香港好的情況，當時應該係布殊做總統，美國經歷列根大花筒年代，財赤令人擔心，美元匯價滑落，經濟一片頹唐，當時通訊社登過一張相片，有幾個黑人企係馬路邊，舉住個work for food的牌，向駛過路邊的車主搖手，工人有飯開可以不收人工，情況幾差可以想像。不過，係美國經濟滑落之下，港股經歷一輪牛皮，後來當美國見底後，港股在中國開放的帶動下，輾轉上升，直至創出八七年股災前的新高，所以美國經濟差，但同時會拖低息口，所以對香港經濟同股市的影響，仍要睇本地需求同中國因素而定。

同八十年代相比，今年本地需求因素對經濟應該有利，比較難睇係大陸因素，因為內地通脹升溫，對經濟帶來不穩定，增加了投資風險，所以美國衰退機會急升，香港未必衰梗，但市況波動同飄忽勢所難免，投資者輸錢風險不會比跌市低。

出口股弱過藥煲

市場憂慮美國經濟衰退，與美國有關的持續受壓，思捷（330）[股價及相關新聞] 收報106.6元，挫0.9%，累計跌幅近四分之一，利豐（494）[股價及相關新聞] 插2%，收報27.4元，但都係聯想（992）[股價及相關新聞] 跌得勁，大瀉10.4%，收5.88元，聯想大跌，皆因AT&T Inc的CEO Randall Stephenson告訴投資者美國經濟放緩令公司的家庭電話和上網服務「疲軟」，搞到AT&T急插，這一陣子美國科技股已急跌，預示有關科技的消費會隨經濟而下滑，聯想自然受累。

聯想是陸羽仁一直留意的股份之一，收購美國IBM的個人電腦業務之後，捱了幾年，初見成效，由去年5月開始，股價由長期牛皮位3元起步，有少少翻身增長股的味道，股價最高見過9.2元，但最近這一浪回落得好急，6元的支持位一舉跌破，因為美國是聯想的主要市場，美國市場唔掂，證券行亦大幅調低聯想的估值。昨日所見，沽貨的是外資大行，瑞銀的沽盤不絕，掛買入的主要是本地經紀行，估計有基金洗倉出貨，基金出貨無咁快完，加上貨源由強手落入弱手中，更增後市波動，里昂更建議沽售，目標價大幅調低到5.3元。

若基金持續清倉，聯想後市有機會先試5元的支持位，若急促跌穿有機見4.5元，聯想短期成弱勢股，散戶即使有意投資此股，也不用心急追貨。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——好友淡友齊夾死
2008年1月11日

港股升完又跌，雖然早一晚美股有像樣反彈，但恒指昨日受累長實（001）[股價及相關新聞] 股東配股及溫總控制物價的影響，開市即跌，後一度反彈至差不多無起跌，但接覑反覆回落，下午低見27,116點，曾經跌500點，收報27,231點，跌 385點。期指收報27,266點，跌294點，比現貨高水35點，成交62,755張。國企指跌112點，報16,208點，大市成交1,233億元。

大市繼續玩它的波子機遊戲，繼續在27,600點和26,700點間玩上落，早一日衝上27,600點，昨日又回。經紀張話，呢一排短炒的散戶俾佢玩死，一日升時一日跌，新年到依家七個交易日跌鰦五日，但夾埋跌唔夠600點，只係玩上落，好友固然夾死，淡友亦夾死埋。陸羽仁話，過埋月中之後，減息情況明朗化，大市會比較有方向。

大戶波幅向下炒

港股昨日腳仔軟，理由之一是傳出瑞銀策略員陸東發表研究報告稱，因應該行將恒指成份股每股盈利增幅，以及近期利率走勢預測，而將今年的恒生指數合理價值調低至28,500點，最樂觀的情況下亦只可見37,400點，較他去年底訂下的42,000點調低近一成，再加上市傳有基金股東趁高配售長實股份套現幾十億元，令最近表現強勢撐起大市的地產股亦碌低。

陸東姓陸、陸羽仁又姓陸，可能因為咁樣，大家諗法有小小相近，早前陸羽仁提過，話基金炒上落市，波幅有愈炒愈低，逐級下移的跡象，若按早前波動的上下限睇，兩萬八千點是短期關口，若無重大利好消息不易突破，上面無位走，大戶自然要向下面找尋賺錢空間，大戶同散戶不同，就係無做好友的心魔，成日掛住買貨，炒上覺得有難度，好快又可以轉膊炒落。不過，陸羽仁的睇法比較即食，陸東兄的講法就用一年波幅去睇。

中環茶友聽完又贈多兩句，話個市上上落落，波幅向下，其實用小學生玩點指兵兵的方法都預測到，如果你把恒指成份股分成幾大類，內地金融股、出口股、航運股再加一隻礇豐（005）[股價及相關新聞] 都受中美經濟不明朗影響、另外石油股、公用股則比較中性，可以睇好的是本地銀行股同地產股，但論市值，內地金融股同礇豐都係巨無霸級數，淨係得地產股同本地銀行股頂住個市，你話頂得幾耐？所以只係把成份股逐隻拿出來做纒加減數，都知道大戶炒落易過炒上啦！

昨日長實受配股消息影響，股價跌3.4%，其他重磅地產股，恒地（012）[股價及相關新聞] 、新地（016）[股價及相關新聞] 、新世界（017）[股價及相關新聞] 、信置（083）[股價及相關新聞] 全部回軟；收租股太古A（019）[股價及相關新聞] 挫3.82%；港鐵（066）[股價及相關新聞] 跌4.53%；地產代理美聯（1200）[股價及相關新聞] 亦跌5.2%，連最強類別股份都頂唔住，睇落都幾得人驚。

插得低時又會彈

雖然陸羽仁同中環茶友你一句、我一句，話個市出現波幅下移的現象，但不代表話覺得個市會「蛇蛇」聲跌落去，因為現在市場現在仲有班人係處死托爛托。

呢班人就係白宮同聯儲局，除了布殊仔得閒會出口術托托個市外，聯儲局亦都想極力想避免出現衰退，所以當美國個市散得太緊要，散到大家個心有鱓慌，美國大力減息的憧憬又會浮現，令到個市彈一彈。

高盛的首席美國經濟師Jan Hatzius在剛給客戶信件中表示，美國經濟已進入衰退，美國要大幅減息挽救經濟，他估計美國經濟在第二季和第三季每季會負增長1%，令今年全年只有 0.8%的增長。這種溫和衰退和2001年的情況相若。他估計聯儲局在本月底會減息0.5厘，到年底合共減1.75厘至2.5厘，阻止經濟下滑。

美國大行紛紛發表衰退的言論，出晒口術叫聯儲局先減半厘息，大家在議息前齊齊放軟手腳推低大市亦不足不奇，按照呢個方程式，未來散戶可以採取低買高沽，不過，玩反彈要揀中入市水平，又要揀到強勢股份，需要克服雙重難度，所以屬於只宜小注的遊戲。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——港股要捱兩大洪鋒
2008年1月14日

上周五美股又跌，杜指大跌246點到12,606點，雖然未跌穿上次12,580點的低位，但係下試低位的味道好濃，AT&T Inc.、American Express 及Tiffany等幾隻大股都急跌，令人擔心美國的衰退來臨。

繼聯儲局主席伯南克話可能要進一步減息支持經濟，又有聯儲局高層唱出減息論調，聯儲局理事Frederic Mishkin話，聯儲局要放棄慣性，在金融動盪時果斷行動。費城儲備銀行主席 Charles Plosser過去是控制通脹的強硬派，如今也講他如今最擔心的是消費開支。

美股咁跌法，加上聯儲局諸公的表態，睇怕今個月底減息半厘無走雞，往後更會陸續再減，恒指上周五收26,867點，在美股的礇豐（005）[股價及相關新聞] 和中移動（941）[股價及相關新聞] ADR股價都跌，美股大跌會拖低港股，但減息預期擴大又支持地產股，調整完之後，兩股力拉扯，要睇纒邊個力大鱓。

美金融股有人撈底

美股短期還要捱埋這一兩天各大銀行公布業績的浪潮，才會有像樣反彈，港股這個星期後市仍然波動。上周五美股大跌唯一樂觀的訊號是雖然指數劇跌，但金融股開始止跌，顯示投資者開始覺得這些風眼中心股票有點跌過籠，吸引基金大戶入市撈底。你唔好以為撈底係短炒行為，但事實上好多標榜長線投資的基金都會做，博撈中一隻有番三、四成回報，頂高整個組合的全年業績。

現時港股面對美股和內地股市兩大風險因素，若其中一個爆出大鑊，港股在第一季要深度試底，隨時要插到23,000點，我形容外圍的衝擊如洪水中的洪鋒，它們一浪一浪湧過來，要看本地股市頂唔頂得住，這既要看洪鋒的力度，也要看本地股市的抗跌力。若洪鋒不太大，本地股市抗跌力又強的話，25,000點至 26,000點應可守得住。

阿爺唔想A股太差

目前兩大洪鋒中，美股洪鋒來勢洶洶，不幸中之大幸是未出現爆裂性下挫，今年杜指有可能試12,000點的關口，但只要不是單日跌500、1000點的股災式下挫，急跌插穿這些關口，大跌到11,000點、甚至10,000點，那麼美股就未成災，只是合理調整，對港股的殺傷力不致太大。

另一方面，內地洪鋒表面看仍屬溫和，雖然內地通脹猛惡，宏調招數陸續有來，但內地股市好像無事一樣，又在5,000多點的水平炒作，陸羽仁在一個月前已聽一個內地高人講過，農曆年前A股會反彈，皆因過農曆年是中國人的大時大節，管理層唔想人民咁唔開心，所以會放股市炒一炒，大基金聽完指示，心領神會，就會發動炒一番，這就是即使宏調搞到澎澎聲，內地股市還有得升的原因。

香港無管理層吹風放水，股市自由炒作，所以無視A股上升，香港H股照跌，國企指數由高峰期在20,000點樓上，大跌到15,833點，好多大股都跌3、4成，就係咁原因。

所以港股呢一個跌浪跌下來，以恒指來計，港股暫時未算跌得太多。由近32,000點跌到現價近27,000點，主要靠地產股撐住，因為主要成份股礇豐和中移動都跌唔少，在指數佔比重不輕的紅色金融股又係重災區，外貿股又因美國消費唔掂而大跌，唯一靠地產股支持大市。所以指數睇起上來唔係跌得咁多，但個別中資股就跌到好入肉。

最怕地產股見頂

有股壇大戶如此分析，美股跌到開花，金融股最唔掂，要到處集資救自己，這顯然是最壞的時刻，受次按風暴打擊最深的公司要洗牌玩過，雖然無人知美股何時見底，但見到壞消息湧現時都係離底不遠。至於港股，只要地產股撐得住，港股唔需要睇得太淡，跌到咁上下又有支持，可以撐番上去。

大戶話他反而最擔心地產股炒過籠頂唔住，以大地產股新鴻基（016）[股價及相關新聞] 為例，公司市值炒到上4,260億，識計數人士話溢價起碼有3、4成，甚至更多，現價絕不便宜。所以新地連番批股集資，不是說公司好需要錢，一次批股集資100億，對它來說簡直是濕濕碎，但新地少少錢都去「索」，證明它覺得自己的公司股價太貴。

有證券行話大地產股現價，等如樓價要升4成才合理，大戶就咁講，地產股的現價透支了兩三年的價值，所以絕對唔係便宜。不過在香港不斷跟美國減息的前提下，地產股感覺良好，再炒高鱓又唔奇。所以大戶認為，只要地產股頂得住，對大市就唔駛睇得太差，跌纒又會彈，反而地產股也急回時，就要小心。

上落市炒作困難

大戶話大市這樣上上落落，恐怕有一段時間，這種市道好難炒，炒方向好易死，唯有炒纒個別股票，他認為要等到今年4、5月港股直通車有眉目時，港股才會有突破。

大戶的盤口巨大，就算唔可以左右大市，都可以左右個別股票走向，連他也說現時的大市難炒，相信都無花無假。正如陸羽仁早前所講，呢種大市走唔出方向，升高又回，跌低又彈，你跟大市的「方向」去追，好易挾死，因為那個「方向」只是假方向，你一追入，佢又回頭，無論升跌都如是。

愛好炒作大市方向者，只宜忍手，做多錯多，如果以窩輪或期權來炒大市，由於前一陣子大市極波動，所以窩輪溢價和期權金都好貴，你去炒付出貴期權金，去炒作一個上落市，好似易死人，因為將來大家都發覺這是一個上落市時，引伸波幅會減低，窩輪的溢價和期權的期權金就會大幅縮水，所以買入者唔止輸時間值，就連引伸波幅都輸埋，所以長獱者好蝕底。

股市如波子機那樣上下彈，除了炒個別股票外，亦有大戶炒波幅，有人主要炒作港交所的（388）[股價及相關新聞] 波動，每日等跌低時入市，若即日升番幾元就即日清，唔得就守一兩日，只賭佢幾元的差價，以大博小，但隻股日日上下波動，密食雞胡當三番也。

利息勢將下調，逼人炒作，但港股又未係大炒作的時候，暫時都係小注怡情好鱓啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——炒相反 玩驚奇
2008年1月15日

港股飄來飄去，在上周五美股大跌246點的陰影下，大家以為港股會跟美國預託證券的低收價開低，點知佢就玩高開，恒指早市曾升至27,143點，上升 277點，當大家接受鰦上升的現實後，個市就掉頭向下，下午3點幾插得更深，低見26,465點，收報26,468點，近全日低位收市，下跌399點。期指收報26,416點，跌349點，比現貨低水52點，成交67,229張。國企指數跌354點，報15,480點，大市成交1,097億元。

若正路分析，大市呢個月下跌時一直守住26,700點，昨日首次跌穿，論走勢差到極，破位向下格，小心還有得跌。不過最大問題係呢個月恒指走勢並不是咁正路，正路咁去估，又會否俾個市玩死呢？

彈上彈落試纒底

正如中環茶友話齋，呢一排港股唔跟美國，主要炒上落市，有少少玩相反的味道，例如上周五個市，早一日美國聯儲局主席伯南克開金口話要進一步減息，美股升百幾點，但港股無跟美股，跌300幾點收場。上周五美股大跌200幾點，按過去港股大波動的模式，港股昨日若跟跌可以跌1,000點，但港股昨日開市威到仲要升200幾點。

茶友話，昨日開市之升有點人為味道，或者有大戶唔想個市跌得太緊要，趁住日本無市，就力掃期指抽高港股開市，雖然結果都係跌，但係可以無跌咁多。

陸羽仁就回應話，而家時興炒相反，玩驚奇，大市玩到咁飄，愛炒的老散要小心，平時睇市的感覺唔飱用，而家的市只是一個大型的上落市，未有方向，彈得多就跌纒，跌得多就彈纒，唔好以為佢會走一邊，走兩走就回頭，即使講下半個月的走勢，睇怕要等呢幾日美國的銀行壞業績出盡跌定後，港股才有像樣點的反彈。紅色股跌得深過大市，部份股份跌近一些去年中的起步位，漸有留意價值。

美國佬繼續做金融手術，各大銀行和投資行公布業績在即，又係那些高身價的 CEO出財技救公司的時候，大銀行無法避免因次按大幅撇帳，但撇帳多又可能影響公司的投資評級，所以時興撇帳的同時搵人注資入股，傳聞花旗集團將要撇帳 200億美元（1560億港元），同時部署一個140億美元（1092億港元）的集資計劃，主要對象是中國的國家投資公司和科威特投資局。另外，投資銀行美林亦會大撇帳，傳聞計劃第二次集資40億美元（312億港元），科威特投資局也是接貨的主要對象。

炒地產股 插港交所

美國最大按揭貸款公司Countrywide最近股價暴跌，結局終於揭盅，由美國銀行（BOA）食埋，美銀宣佈以40億美元（312億港元）的作價，發新股向Countrywide提出全面收購，建議將以每股7.16美元收購Countrywide，作價較Countrywide周四的收市價折讓 7.6%。美銀買平貨，不過要✈Countrywide的債上身，評級機構穆迪表示，正考慮到美銀收購涉及的風險，將檢討是否下調它的信貸評級。美國金融機構的手術若做得靚仔，將有助穩定市場信心。

昨日港股跌市，但仍然炒緊地產股，炒鰦咁多日一、二線地產股，昨日炒到房託基金，貪佢地較穩陣兼有高息，領匯（823）[股價及相關新聞] 大漲7.5%，升至19.26元，其他房託股如陽光（435）[股價及相關新聞] 、富豪產業信託（1881）[股價及相關新聞] 、冠君（2778）[股價及相關新聞] 、泓富（0808）[股價及相關新聞] 升5.5%至10.3%，當中以泓富升10.3%最勁。

大市氣氛唔好，過去唔郁的股票升，過去大升的股票跌，港交所（388）[股價及相關新聞] 跌6.1%，跌穿200元大關，收191.8元，港交所由高位268.6元跌到而家，合共跌了76.8元，跌了28.6%，這隻市值2053億的巨股，調整下來都幾厲害，炒佢唔止蝕，開始有少少入肉。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

個人修養 股海現真章
2008年1月15日

Victoria發現炒股除了是為了追求金錢回報外，想遠一點，對個人修養也是一種磨練。曾看過一套打麻將的戲，裏面有一句挺有意思的對白，便是「牌品差，人品自然差」。我想當一種活動是與金錢有關的時候，人的真正樣貌便表露無遺。

打麻將是四個人的遊戲，輸錢者可以賴，可賴上家守牌守得厲害，可以賴下家太旺。但炒股就不同，贏錢輸錢全因本身能力，別人給你的Tips，買不買及買多少都是自己決定，與人無尤，故輸錢你唯一可以賴的便是自己。對於一些追求進步的人說，炒股票無疑是一個自我反省，找出自己缺點及優點的好活動。

還記得幾年前一個暑假，未接觸股票前，去面試一份暑假工。當時面試官便問了Victoria一個問題，便是要我說出個人的缺點及優點，問題是例牌的，自己答案都是例牌的，跟背書沒有分別。試問對於一個還在讀書，又沒有經過甚麼大挫折的學生來說，我可以多了解自己真正的缺點及優點？但自開始進入了股票這個世界後，便實實在在發現了自己缺少甚麼及擁有甚麼。

雖然股市每天變幻莫測，但長期贏錢或輸錢的人，Victoria相信都是贏或輸在那個人同一個特質上。故要由輸錢變贏錢，一定要找到自己輸錢的原因，不要期望市場改變，令你輸的方法變贏。有一些情況大家都可能遇過，而Victoria就試過很多次。

當你見到自己心儀的股票，價位高企時，你能做的就只有等待。這種等待有可能很漫長，尤其是當你看到愛股不斷上升，似乎完全沒有回落之勢的時候。但當股價真的回落時，下跌的速度又使你對其失去信心，開始質疑自己的分析，認為自己的分析錯了，股價會繼續下跌，選擇再觀察一回，暫時不買入。後來市況穩定後，愛股就馬上迅速回升，一飛沖天，結果白白錯失了那隻股票幾倍的升幅。

經過反省後，便發現錯失機會全因意志力不夠強，導致行動猶豫不決，明白到要贏錢，便得改變自己意志力薄弱這缺點。亦明白市場是不會經常給自己機會的，故當機會來臨時，自己要好好把握。相信投資、事業都是如此，白白讓機會流走，要怨的，只可以是自己了。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——鬼佬到處叫人沽
2008年1月16日

在美股杜指前一日反彈171點的刺激下，恒指高開261點，不過好快又玩相反掉頭倒跌，上午已跌穿26000點，下午反彈後再跌，跌至25,823點，收報25,837點，近低位收市，大跌631點；期指收報25,730，跌686點，比現貨低水107點，成交74,179張。國企指數跌481點，報 14,999點，亦跌穿15000點大關，大市成交1,211億元，跌市成交擴大。

中環茶友話，昨日期指大戶又繼續玩「鬼祟市」，開市先來高開，讓好友以為大市見底有得升，追入後就中伏，好快就掉頭插，而且插得好急。沽期指好似唔使錢咁，昨日下晝兩點幾期指曾經反彈到只跌200幾點，但唔夠5分鐘，就急急咁插落去，跌到超過600點，搞到好多散戶都掉頭跟沽。

華資大戶半信半疑

陸羽仁聽到華資大戶講，有鬼佬大行到處叫人沽，話大市仲有得跌；大戶心中疑惑，點解鬼佬在30000點樓上無叫他沽，到而家又咁客氣說給他聽仲有得跌，認為鬼佬呢個月差唔多收夠籌，想叫華資出來沽，插低鱓好讓他們平倉。大戶話佢自己就唔敢沽，因為呢個月就算再跌多1000點、2000點，一回頭又會好急，而家沽怕被人夾死，都係食少多覺鲻，睇纒人做大戲好過。

經大戶一提醒，我去睇纒昨日邊鱓成份股跌得勁，發現跌市最大元兇是中移動（0941）[股價及相關新聞] ，大跌4.2％，收報124.8元，但係中移動已拖跌恒指145點；其次係被高盛唱淡的礇豐（0005）[股價及相關新聞] ，跌2.1％，收120.8元，排第三是中石油（0857）[股價及相關新聞] ，跌4.2％，排第四係國壽（2628）[股價及相關新聞] ，跌3.1％，排第五是港交所（0388）[股價及相關新聞] ，跌3.6％。呢五隻對恒指跌幅最大「貢獻」的股份，夾埋跌了351點，超過恒指一半跌幅，而恒指跌幅只有2.4％，但以中移動為首的跌市先鋒跌幅大得多，明顯靠他們拖低大市。

既然有外資大戶做了淡倉未平，後市就極為波動，再插一鱓唔奇，他們要引人出來沽貨，接鰦人家的淡倉，他們變番好友買番貨，大市就會好番鱓腬。

跌市之中散戶想撈貨，我覺得部份紅色股跌得相當殘，慢慢有留意價值，股價未跌定時去撈，隨時會中招，例如中信銀行（0998）[股價及相關新聞] ，瑞銀早幾日都預告佢發盈喜，結果昨日真係發盈喜，預料去年淨利潤增逾100%，昨日一度由前收市價4.99元，升上5.2元，升幅有4.2％，但最後先升後回，收4.87元，倒跌2.4％；你要記得佢早幾日低位見過4.64元，已經炒盈喜反彈了不少，如今好消息盡出，若昨天才追入撈底的朋友，小心隻股調整未完。

撈得過快好痛楚

另一隻係聯想（0992）[股價及相關新聞] ，前排連番急跌後，昨日炒IBM業績大升，聯想一度由上日收市的低位5.19元，彈上5.67元，升過9.2％，不過後來隨大市回吐，最後只升得 1.4％，收5.26元，股份大跌後會反彈，但小心反彈完再跌先至尋底。所以撈底若是短炒，宜分注撈強勢股，不要追弱勢股，你睇中移動都跌鰦唔少，要追去追這些股票好鱓，當然要知道外資要插大市會插佢，要假設佢未跌完。若是長獱唔係短炒，可以買無咁強勢的股票，但最好等到跌到殘跌到靜才買。

已離開大摩的經濟分析師謝國忠接受《東周刊》訪問，話結合幾個因素已集結成「完美風暴」，港股在未來三個月將下跌超過20%（以訪問時點數計約為21000點），要待第二季才受北京奧運熱潮帶動，加上內地資金回流，港股才會出生天。

陸羽仁估港股第一季在23000點至30000點走動，謝國忠睇得更淡。不過我認為美股未見底，1月底減息前後會有反彈，之後再跌過，所以唔好睇少未來一兩個月外圍的風險。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——插到咁上下要撤退
2008年1月17日

陸羽仁昨天講到，鬼佬大戶到處叫人沽貨，估唔到昨日即來一個大插插，恒指跌1386點，收報24,450點，跌幅5.4%，更是亞太區之冠，成交去到 1451億元。期指收報24,711點，跌1,019點，比現貨高水261點，成交92,405張。重型股紛紛滑落，焦點之一的銀行股礇控（005）[股價及相關新聞] 跌4.8%，收報115元，另一重磅股中移動（941）[股價及相關新聞] ，跌到去118.5元，跌幅5%，其他大價股如港交所亦急挫7%，星期一入貨，到昨日已無了一截，輸得相當之甘。

昨日有齊跌市的要素，除了之前美股大跌之外，日圓又急升到106圓水平，亞洲區股市個個跌，有少少大龍鳳感覺，不過日本深受日圓上升影響亦只跌3.4%，經常和港股同步的新加坡股市亦只係跌2.6%，香港跌幅高新加坡一倍，比排第二的印尼耶加達股市跌4.9%更高，真係有點第三世界的味道。

中環茶友話，大市愈插得深，愈插得急，愈快見底，要死唔好慢慢死。大戶昨日沽貨好狼，而且沽到咁上下，就觸發對沖沽盤，包括長線基金要止賺止蝕，窩輪對沖盤平倉等等。茶友話，大市跌20%左右，亦會觸發好多孖展斬倉，早前好多人買了一些結構票據，大跌市接貨接到手軟，逼住一接就沽，亦加劇了跌勢。不過話得說回來，這些大龍鳳也只係做多一次半次，唔會日日發生。

大摩開始叫人買貨

大摩開始叫人買貨。摩根士丹利執行董事Cammie Kwok在給客戶的評論中分析大市，話今次的跌市由美國次按問題造成，他們本來在新年時預計，投資者會把美股和歐洲股市的資金轉入亞洲及新興市場，但結果沒有發生，投資者轉投美債避險，令兩年期美國國庫券的價格急升，收益率跌到2.5%，相信是投資者看到亞洲市場的增長有問題，特別是食品通脹急升，添加了他們的憂慮。

Cammie Kwok認為，雖然他們預計中國經濟有顯著增長，但國企指數近期的走勢特弱，相信是長線的機構投資者開始減持，所以大國企跌得特別多；散戶對大國企的興趣亦減退，國企股價跌穿相關窩輪的行使價，更令窩輪發行商把持有約150至200億的對沖貨沽出街。他們認為跌市將在這幾天達到高峰，而恒指的基本價值在 25,000點，所以24,000是非常好入市位，到反彈出現時，把股價推高到窩輪行使價之上時會觸發買盤，再加上減息的預期，隨時有一個V形反彈。

陸羽仁認為，大摩的意見可以參考，最關鍵要判斷會否出現一個跌穿20,000點的股災，若有機會成災，買貨就要忍手；若然相信成災的機會不大，現水平分段入貨，預了初時會蝕底，睇長少少，應該有數計。

入貨低撈要預備捱價

我同中環茶友研究纒大戶借美股製造股災的可能。一則若美股成災，聯儲局可以在會意外大幅減息，對市場有刺激。二則港股跌到咁上下，插低大市的大戶開始有壓力，假設此輩想將大市一次過插落20,000點，仲要跌4000幾點，跌到咁深，如果阿爺睇唔過眼，開句口話加快研究港股直通車，淡友隨時被人夾死，所以造淡造到咁上下，來一兩個大插插後，就要乘機撤退。

指數由三萬二千點回落，現在跌了大約六、七千點，今個星期基金開始拋售強勢股，包括貨源集中的港交所，顯示清倉範圍好廣泛，這往往是跌勢最猛烈的時候，現在可以開始留意沽倉幾時會收斂。陸羽仁這個估計，並非話大市今天就升，隨時要捱多一排，跌得更深，但暫未成災（對早前已提高警覺的股民而言），若貨少錢多，不妨開始逐少買鱓貨，在24,000幾點先動用一注買貨，總比在30,000點樓上買安全少少。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——殺人Deep V大戶收夠籌
2008年1月18日

昨日股市又出現如去年8月17日的大Deep V反彈市，股市先升後插再彈，恒指收報25,114點，升664點，升幅2.7%。期指收25,090點，升371點，低水24點，大市成交1382億元。

你唔好睇大市只升600幾點，其實當中經過重大波折，散戶如坐過山車急上急落，昨日大市的確極度蠱惑，由於早一日已跌了1,300多點，昨日股市早市向上，在十點幾曾經升過460點，升番上24,910點，衝近25,000點的關口，引來大班散戶博見底搶入，怎料就上演最後一幕殺好友的戲碼，大市在近 11點時掉頭急插，一路係咁插，最低位是12點時，連24,000點大關都穿埋，恒指低見23,958點。我年初話今年第一季在23,000點至 30,000萬之間炒作，怎知一月未過，就見到23,000幾點的低位，前日和昨日追入博撈底的散戶，見到24000點都插穿，好多人急急打靶收場。

跌得快見底快

經紀張話，11點幾的時候，氣氛最差，好多平日不打電話來的散戶，都打來問價，一片愁雲慘霧。經紀張當時問我點睇，我就話，好阿Q咁講，個市跌得快跌得深仲好，咁就快鱓見底，若果慢慢跌，就低處未算低，23,000幾點都見埋，呢次跌市算有交代躀。經紀張可能獱重貨無心機，聽完話被我吹脹。

點知下晝就鈬料，大市迅速反彈，好快就上番上午的高位，跟住再上更高點，恒指最高見過25,382點，期指高位25,416點，以恒指計，高低波幅 1,424點，尾市略回，但仍比低位反彈1,156點。在大市跌穿24,000點時，氣氛好淡，又引鰦唔少人跟沽，這一夾上，就連好多跟風沽貨的淡友也夾死埋。

陸羽仁覺得股市咁玩法好有人為色彩，上午無情情升完再插，下午無特別理由又大幅反彈，內地A股急跌都好少理。睇昨日之走勢，上午一跌，一直做淡的鬼佬大戶收夠籌平倉去也，跟沽的人咁多，焗沽的人又咁多，大把人幫佢地接貨平倉。經紀張話內地跌市，市場傳聞話阿爺即將放港股直通車來港，所以內地跌香港升，我就叫佢不要信埋呢鱓流料，香港個恒指圖係由幾個鬼佬大戶關埋房門一早畫好，然後按圖做№，你想知後市去問佢地，唔係問阿爺。

結構產品殺人不見血

陸羽仁和中環茶友研究市況，認為咁樣的大Deep V令散戶血流成河，大戶已飽食遠颺，由於呢幾日美股金融機構公布完業績後，美國政府的救市方案又隨時出動，而且將恒指插得太深亦怕阿爺突然出口術挺香港，做淡的大戶速戰速決，唔想夜長夢多，所以就急速插低食胡，本月的底部應是昨天早上低位23958點，後市波動難免，感覺上應該較難插穿這個底部，信我六成就好了。

昨日好多隻紅色巨股都見過低位，例如中移動（941）[股價及相關新聞] 低見115.7元（收122.5元）、國壽（2628）[股價及相關新聞] 低見32.5元（收35.5元），中石油（857）[股價及相關新聞] 低見11.62元（收12.38元），出現過近期低價。

中環茶友話，呢一浪好多「大散戶」都好傷，他們早前貪高息做了結構產品，一到大跌市，就要天天接貨，由於唔知接到幾時，接貨的大散戶大多會不問價沽出，令這些巨股股價跌到幾殘。呢個故事教訓我們，結構產品風險很大。

中央接連出招控制通脹，銀行加存款準備金率0.5個百分點至15%，發改委又發佈控制價格的臨時措施，中國股市昨日大幅調整，上證綜指數報5151點，跌138點，跌幅2.6%。銀行加準備金率，對中信銀行（998）[股價及相關新聞] 這類資金較少的細銀行影響較大。

國家發改委推出臨時價格干預措施，自本月15日起，指令6種食品及商品，包括糧食製品、豬牛羊肉、牛奶、雞蛋、食用植物油及液化石油氣，必須在加價前向當局申報及備案，否則企業會遭行政處罰。有需要直接向發改委申報的12家企業名單中，包括做即食麵的統一企業（0220）[股價及相關新聞] ，以及做乳品的蒙牛乳業（2319）[股價及相關新聞] ，消息拖累兩股跌勢持續，統一大跌12.2%，收報4.82元，蒙牛亦跌8.5%，收報22.7元。如今控制價格的指揮棒一到，那隻股份就會大跌，小心。要買內地股最好揀不影響民生的行業，就唔會俾阿爺控制加價。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——大戶玩晒 還看美股
2008年1月21日

上周港股好戲連場，鬼佬大戶上周三借外圍之跌勢，急插港股，順勢平埋淡倉，到周五即使美股大跌300點，港股低開868點後，雖然最多跌近1,000點，但卻守住24,000點關口，然後一步一步咁抽番上，最後倒升87點收場，收報25,202點，又保住25,000點大關。

陸羽仁周六和中環茶友飲茶，大家都對大戶手法歎為觀止，此輩做緊淡倉時，大市就如烏雲蓋頂，好似股災打到鈬咁，跌到你怕；到平完淡倉後，大市又如打不死那樣，隨時會彈。上周四、上周五都係跌過千點或近千點後拉升，最後都可以當無事發生，無跌過。你唔順走去沽，周四、周五兩日都可以被人即日鮮殺你過千點。所以跟沽者亦好怕俾人夾死，好似礇豐（005）[股價及相關新聞] 就有唔少人沽空，上周五最低插過見114.6元，但後來就急彈，結果收118.4元，聽聞有沽空礇豐的對沖基金大手掃入行使價120元的礇豐認購期權，用來戥住鱓空倉，怕礇豐一旦急劇反彈走唔切。

對沖基金都要戥倉

不過外圍未穩，港股後向還要看美股走勢和期指大戶的食胡部署。如果美股太差，港股又好難做好，所以一月下半月的市況，要看美股能否回穩反彈。而美股的問題除了人人見到的經濟衰退之外，還有政治惡鬥，結局仍未明朗。

美國總統布殊上星期五公佈一個沒有具體內容的救市方案，聲言訂出新增長方案是當前急務，布殊的公佈未能刺激股市，杜指微跌59點，跌到12,099點收市，表面看布殊的方案無料到，未能刺激股市。

實情是布殊根本沒有公佈方案的內容，甚至方案有多大，他也沒有具體披露，只是說約等如1%的本地生產總值，其後財長保爾森在記者會上才透露，計劃大概是1,400億美元到1,500億美元（10,920億港元至11,700億港元），並會在今年創造50萬個職位。

布殊無力獨斷獨行

布殊沒有透露計劃內容，美國傳媒只是從「熟悉計劃人士」那裏得知，救市計劃包括向每個美國納稅人退還800美元，並向每個美國納稅家庭退稅1600美元。布殊解釋他不能透露計劃內容，「因為要和國會達成協議」，他說已委託財長保爾森負責和民主黨控制的國會達成共識。

這句話就說到問題的關鍵，布殊政府已變成一隻跛腳鴨，他現在要推出救市方案，但今年11月就舉行總統大選，布殊政府已經日落西山，照目前形勢，民主黨候選人極可能當選總統，特別希拉莉更屬大熱門，再加上民主黨佔據國會多數，所以布殊若無民主黨支持，根本無法通過救市方案。加上執政共和黨一直是赤字預算減稅派，民主黨就係平衡預算加稅派，如果民主黨希拉莉上台，隨時想加稅，你布殊而家要先行減稅救市，唔問准民主黨一定無運行。

布殊這次推出唔湯唔水的方案，恐怕事前和民主黨講過數，有好多妥協，否則方案一出台民主黨就反對，妥協包括：第一，布殊不能公佈方案細節?彩。你好難想像一個堂堂美國總統可以講一個咁唔清唔楚的救市大計，唔清楚到規模有幾大都講唔清，擺明係有人唔畀佢講，唔畀佢?彩。第二，布殊要講明問准民主黨意見才可進行。民主黨唔單止唔畀布殊領救市之功，仲要自己?埋彩，在布殊公佈大計之前，希拉莉在一個拉票活動已爆響口，話建議退稅畀好辛苦的中產、退稅畀草根階層，不過就唔會益有錢人，搞到現場掌聲雷動。希拉莉咁講№，即係一個反對黨候選人講救市方案仲具體過執政總統。而且布殊聲明要派財長保爾森尋求民主黨支持，等如向美國人承認自己跛腳。第三，救市方案不能加入有長久稅務影響的措施，例如布殊政府上場後開始免股息稅，一直有人建議變成永久措施，但民主黨並不贊成，他們做總統隨時加番股息稅，布殊的救市方案就唔好諗這類措施了。

美股照跌 別有用心

布殊公佈要救市，美股仍微跌收場，唔係救市方案唔得，而係布殊語焉不詳，又唔知國會過唔過得到，對股市的刺激自然有限。陸羽仁更認為，美國幾大金融巨頭要短暫托高股市絕對有力，政府救市方案出台，若他們想頂一頂股市振奮人心，亦做得到，反正一日升番200點沒有太大難度，但他們任由美股腳軟軟，恐怕別有用心。

民主黨人對布殊救市大計初步反應正面，話會用30至45日時間和政府達成協議。估計金融巨頭唔想拖得太耐，以免拖拖纒經濟頂唔順，所以想逼民主黨人快快手手搞掂佢，所以救市方案出街後股市無良好反應，恐怕是向民主黨拖壓的手段，等如話畀佢地聽，若果唔快鱓同意救市方案，到最後趕唔切股市爆鰦鑊，民主黨小心要畀選民追究。

經濟向來複雜，而政治和經濟交椠在一起，就更加複雜，民主黨唔係咁易放水畀布殊，但金融巨頭借股市施壓，又隨時玩出火。

散戶炒股之難，難在錢唔夠人多，而且對影響世界經濟的金融內幕，亦知得太少。大戶對這些事情瞭如指掌，他們自己隨時就是事件的主角，一邊在美國打金融大仗，另一邊順手在亞洲搵少少錢幫補一下。試想大戶對聯儲局想加幾多息一清二楚，亦大致上估到國會幾時可以通過布殊的救市方案，要借勢炒作亞洲股市，自然易過食菜。在美股借勢下插之前，力沽港股，先食一浸，到大局快定之際，又反手撈番貨，到減息扑鎚，救市方案塵埃落定之時，美股又會順勢反彈，借勢炒一炒亞洲市，一出一入都提款，單計炒香港市，上下隨時夾埋有10,000點淨肉，相當和味。

散戶無力貨入強手

我問經紀張散戶係乜情緒，他說老散畀個市舞上舞落舞到頭暈，以上周五為例，上午早段跌近1,000點，全間經紀行無人講№，鴉雀無聲，個個好似死鰦老豆咁，到下午升番上來，散戶有如開籠雀那樣，評論多多，齊齊去講大市點解會升。散戶多數高位追鰦貨，跌落到無止蝕，很多成手蟹貨，現水平沽又唔想沽，買又唔敢買，或者無力買，只能做塘邊鶴，日日跟住架大市坐過山車上落起伏。

傳統智慧話，跌市成交多唔好，顯示沽貨人多，人心虛怯。過去幾日大跌市和大波動市都有1,200、1,300億成交，是近期的高位，表面睇唔係好事，但陸羽仁話，跌市成交大，還要看哪些人買，哪些人沽，要看貨源落入強手還是弱手中，這一陣子跌市時，有大量沽盤是斬倉盤，當中不少是散戶做了結構產品被逼接貨後要斬的貨，接貨者大多數不是散戶，散戶無心亦無力去接貨，貨源似收入強手中，若是如此，後市可趨向穩定矣。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——賤物鬥窮人
2008年1月22日

港股受美股期貨急跌及內地股市急挫影響下，再大幅下插，上午恒指已低開743點，後來一度牛皮上落，但下午就一步步深度下挫，24,000點關口失守，最低跌至23,770點，以接近全日低位收市，收報23,818點，跌1,383點，跌幅5.5%。期指收報23,588，跌1,363點，比現貨低水 230點，成交82,370張。國企指數挫1,030點，報13,531點，大市成交1,175億元。

昨日最大鑊的是美股杜指期貨，在香港交易時段，杜指期貨高位是12,143點，即係比上周五收市升44點，但最低插到11,720點，即係大跌379點，杜指跌300幾點都好大鑊，而且主要在香港下午3點幾、4點時大插，港股在3點前本來仍守在24,000點樓上，但後來睇到美股期貨急插，就跟住插到全日低位收市。美國昨晚無市，所以你唯有信住杜指期貨了。

內地股市昨日亦急跌，早上小幅高開後就回落，隨後在中石油A股等重磅股走低的帶動下，震盪回落，午後中石油A股、中石化A股等股份繼續急跌，引來恐慌性拋售，上證綜指收於4914點，5000點大關失守，跌5.1%。獨立分析師謝國忠認為，內地股市下跌是因為美國的次按的危機引起香港的股市急挫，而有不少巨型國企股在香港跟上海兩地都有掛牌，因為有了QDII（合資格境內投資者機制）和QFII（合資格境外投資者機制），開了兩個窗，香港股市下跌對內地股市也有一定影響。

美股期貨急挫

所以正確的關係似乎是大陸市跌因為香港跌，香港跌因為美股期貨跌，而且杜指期貨急插300幾點，跌幅相當嚇人，所以亞洲和歐洲股市都普遍下跌，跌得最多的是印度股市，跌近10%。

陸羽仁和中環茶友談起，都認為港股反彈後這一下後插，殺傷力好大，後市要睇美股，未知見底未，美股唔生性再跌，就會挾住港股再尋底，雖然茶友大都認為23,800點都相當低，但美股走勢卻不受控制。

美股急跌就有向民主黨逼倉的格局，照計美股若大跌，美國政府和聯儲局都有幾招可以救救市，特別係放鬆銀根方面可以再出招，聯儲局唔係未試過在會期前特別開會減息，去年8月17日就試過，若果而家臨時減息，一減減你0.75厘，都應該止得纒咳。陸羽仁唔係估聯儲局開臨時會議減息，而係問為何聯儲局未出超常措施救市？

若聯儲局有招不出，壓力就在美國民主黨身上，而家共和黨政府和聯儲局都將注碼押在政府提出的救市方案上，認為要用救市方案加減息才可以挽狂瀾於既倒，但今年11月就總統大選，民主黨自然唔想執政政府把經濟搞得太靚仔，否則民主黨人好難當選，所以會阻住救市方案推出，而家雙方有少少爭持。美股急跌，跌得幾跌民主黨都頂唔順，唔想成為大跌市罪人，唯有對救市方案開綠燈。我懐而家無№驚，驚兩方面玩得太勁，中間已經玩瓜鰦個市。

紅色巨股斬到見血

昨日同經紀張講起，話好多巨股都跌得好急，例如中石油（857）[股價及相關新聞] 話因為西部輸氣管回報低被沽售，跌8.4%；平保（2318）[股價及相關新聞] 發A股集資跌6.3%，六家內地銀行又話有次按亦大跌6至8%，國壽（2628）[股價及相關新聞] 並沒有這些無名腫毒，但亦大跌9.5%。相信那些下跌的理由都係得講字，真正理由是這些巨股都有很多衍生產品，股價大跌時產品持有人接到成手貨，好多人要急急斬倉，所以紅色巨股被不問價沽售，斬倉斬到血流成河。

經紀張話，如今是賤物鬥窮人，好多巨股都跌到比較吸引的價位，但佢鱓客多數在28,000點樓上追飽貨，跌落來無止蝕，而家成手蟹貨，市面上鱓股票幾平都無錢買。經紀張反問我，到底而家股票平定貴？

我話2007年港股由20,000點起步，如今過鰦一年，港股又去番23,000幾點，咁鮋水位唔算貴啦，除非你認為有股災啦。經紀張即刻插口問咁而家係唔係股災呢？我就話要睇美股救唔救到，照計聯儲局和政府招數未出齊，都無股災得咁快，等佢地出哂招都救唔到，先至會災。再者，全球性股災多數係升到泡沫爆破而全球經濟不再有增長點，才會爆災，但中國、印度等新興經濟還在增長中，仍為全球經濟注入動力，所以暫時只似調整，未像股災。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

認購新股先做足功課
2008年1月22日

新股上市，在目前市況，首天上市股價將很難守住招股價。新股質素良莠不齊，但去年市況好，如果大家每隻都認購，回報應不錯。○八年不同了，大家最好在認購前多做功課。

Victoria一向對公司年報有保留，不是完全不信，而是覺得有太多地方太複雜，愈複雜就愈多空間讓水份存在。自聯洲（048）[股價及相關新聞] 事件後，筆者對此想法更為深信，新股上市多數會把上市前的業績做得很漂亮，吸引散戶認購，沒有實力的公司上市後便極速原形畢露。

上市前盈利大增非好事

最好的例子便是大概一年前上市的味精生產商阜豐（546）[股價及相關新聞] ，招股書顯示上市前兩年，盈利分別勁升九成九及兩倍，當時有人拿她與玖龍紙業（2689）[股價及相關新聞] 比，說她是另一隻高速增長的玖龍紙業。但阜豐在上市短短五個月後，竟發出盈利警告，理由是主要原材料玉米價格上升，中期業績倒退七成。

一門生意應講求穩定增長，如果發現一隻新股臨近上市時，公司盈利突然暴增。應細心找出原因。阜豐在上市前兩年盈利分別勁升九成九及兩倍，是十分不合邏輯的事情，公司沒有大型擴充，味精仍日常生活用品，沒有可能需求會於一兩年內突然大增。

售股套現還債屬大忌

除了業績數據外，還可多留意一下它們集資的企圖或用法。近日亦有見新上市公司的大股東賣舊股，我們可以設身處地去想想，如果你是老闆，在經營一門高利潤的生意，你會否上市與大家分享？站於人性的角度，答案是不會的。好多公司上市，純粹是大股東趁市旺有機會高價賣舊股套現，又或者將大部份錢用來還債。一般來說，若公司前景秀麗，大股東會惜股如金，反之若看淡的話，急急套現離場亦不足為奇。

派高息專益自己人

第三是上市前派高息，有時集團上市前會派高息給大股東，美其名便是激勵大股東，成功將公司上市，但實際上是利用集資所得的資金去「益」自己人。例如去年上市的一隻股票，集資約五億元，但在上市前，卻派巨額股息予股東。○四年該公司純利只有九千多萬元，股息卻派了一億一千五百萬元。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——減息救火望止咳
2008年1月23日

個市終於開鋪大，前晚美國無市，但歐洲跌到翻艇，恒指低開後跌幅擴大，下午跌至21,710點，收報21,758點，重挫2,061點。國企指數挫 1,620點，報11,912點，大市成交1,558億元。期指收報21,803點，跌1,785點，比現貨高水45點，成交131,528張。

美國停市 香港「鏱機」

各類股份全線下跌，藍籌下挫8至10%者比比皆是，成交最多的中移動（941）[股價及相關新聞] 跌7.5%，最多散戶捧場的礇控（005）[股價及相關新聞] 挫8%、港交所（388）[股價及相關新聞] 挫9.86%、平保（2318）[股價及相關新聞] 發A股兼發債，股價瀉12%；國壽（2628）[股價及相關新聞] 跌16%，散戶愛股紛紛滑落，港交所由最高位268元跌到昨日收市的156.3元，跌幅超過四成，大行在二百元樓上仍然不斷出報告唱好，信以為真的老散全部領№。有人留意到早前港交所行政總裁亦行使了認股權，未知是否趁高沽貨，若然無咁做，雖然認購價好低，至今仍不必蝕價，但就交多鰦一筆稅。

港股跌得咁急，理由之一是美股無開市，基金為了應付贖回，在香港重手「鏱機」，大力沽貨，所以好多基金愛股都被全面拋售。無論點樣解釋，指數接連下跌幾日，仍然一舉下挫二千點，亦出了一眾中環茶友的意料之外，看淡的人也有，亦有人睇到22,000點，但無估到佢兩日跌逾3,000點。港股急插跌破 23,500點的250日平均線，而且仲大幅下探，論走勢差到極，後市已無險可守，美股開市前急急減息四分三厘，有茶友話，布殊掟出個減稅方案，被對手阻頭阻勢，雖有減息救亡，若然咁都唔得，就要再諗第二「籠」。

目前買股最大的風險是股災，好多人話而家已經係股災，但陸羽仁認為未夠災，以我心目中的股災，要一日跌20%、30%，而且仲係美股杜指咁跌，咁就似腬，以杜指現價計，要一日跌2,000點過外，就叫有災味。

買股要用閒錢

話現在未係股災，唔係為呢個大市辯護，而係話若最後出現股災，大市唔跌多2,000點、3,000點不出奇，有十分之一機會出現更壞情況時，15000點都可以有得見。所以而家買貨者，就要問纒自己，怕唔怕股災，萬一咁不幸出災，自己守唔守得到，要守兩三年。好多朋友問有無「安全」的股票，我就話無啦，股市風高浪急，無股票安全，若唔係有多餘錢想做「投資的我」（即係預備好要長獱唔放），心大心細者，最好持盈保泰。

陸羽仁同中環茶友睇法一樣，港股和環球股市跌成咁，好快有結局，一係開大，一係開細，開大跌鑊甘，由美股開始，急插成災，實行一鑊熟。開細就美國政府同西方大國央行聯合再放水救市，最好仲挾埋美國民主黨，同意執政共和黨的救市大計，咁美股隨時頂住唔跌，港股亦會彈，開大開細好快會知，因為環球股市都唔頂得咁耐啦，亦唔會在現價企定定。

港股隨了睇美國有無絕招救市之外，就要睇亞爺，聞說阿爺亦唔想股市插得太急，若急跌上證綜指插近4,000點時，阿爺又會出口術托纒。

中環茶友仲有個陰謀少少的觀點，話美股好有政治市味道，通常選舉年股市應該無得跌，但今次布殊落任前，經濟真係太差，好難頂多一年，睇白都好可能硬覑陸，問題係究竟係幾時硬覑陸，若然年頭衰退，年中復甦，對執政共和黨較為有利，相反，如果年中衰退，去到年尾復甦，在野民主黨上台機會高唱入雲之餘，仲可能變成行運醫生醫病尾，所以現在布殊同財長保爾森死力救市，站在民主黨立場，最有利唔係唔救市，而係陰陰手拖纒，同布殊跳番兩part「逢逢拆」慢舞，等經濟碌落去到年底先復甦，情形一如當年老布殊競選連任，經濟跌到一仆一碌，點知到連任失敗，公佈出來的數據，就顯示復甦來臨，有人話，當年若然經濟早三個月回升，以老布殊在中東大勝的威望，又點輪到克林頓上台，如果今次民主黨可以在布殊身上重施故技，咁就為之very good，因老布殊中過招，布殊政府開始睇通呢點，自然一搶閘開動財政同減息機器救火啦！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——散戶輸完五元賺番一元
2008年1月24日

經歷亞洲股市的黑色星期二，美國佬在華爾街重開前，急急減息0.75厘，一劑興奮劑打落去，美股即刻頂住，暫時當次按危機無事發生，港股昨日開市升了 1,601點，其後升幅一度收窄至九百點，下午又再急升過，最高升至24,332點，收報24,090點，大升2,333點，完全收復昨天失地；國企指數升1,368點，報13,279點，大市成交1,563億元。期指收報24,215，升2,412點，比現貨高水125點，成交逾12萬張。

美國停市期間出招救市，香港變成跌得好無辜，散戶食飽驚風散，早上經紀張打電話來，話前日開市見跌七、八百點，手痕痕撈了工行（1398）[股價及相關新聞] 博反彈，點知下晝成個市散鰦落鈬，工行個市上番，於是心郁郁想食胡離場，陸羽仁聽完，就反問經紀張，早一日個市擺明要急插，個市跌七、八百點你就膽粗粗入市，點解現在個市回升，你又急急離場呢？經紀張聽完覺得有道理，暫時打消了沽貨念頭，不過，到了食完飯，指數升到千三點時，他終於忍唔住沽貨，始終無辦法等到尾市食盡昨日的反彈浪。

經紀張的例子，在過去兩日並唔係個別例子，好多散戶就算係跌市有心有力撈貨，但捱到昨日，當個市升幅由千六點縮到九百幾點時，好多人已經被震走，較叻者等到午後個市升千三點時，大部份都已經計數，所以不少好似經紀張的老散，呢兩日跳入股海衝浪，都係輸完五元賺番一元，無等個升浪去到最盡就已經走人。

散戶承擔輸五元的風險，至少應該博番五元的利錢，先至叫做制得過，但結果多數人都係用五元博一元，原因係心理質素問題，老散買貨前，多數只係覺得個市跌咁多，博得過喎，咁就鲻身跳落去，無諗過押注落去，潛在損失有幾大，亦無諗過想博幾多回報番鈬，入市之後見個市跌得咁甘，嚇到面青後，有幸見到隻股升番轉頭，仲有小小錢執，仲唔急急腳計數離場咩，但咁樣就變成好似經紀張的做法，用把大刀去鋸樹仔，變成以大博小，咁玩法博到當然無所謂，但博唔到就變成贏粒糖、輸間廠囉。

對於散戶在波動市這個表現，中環茶友聽完後係的回應係，現時個市咁波動，有胡就食亦唔係錯，如果識得咁計數，就唔係老散啦！人人炒股好似陸羽仁咁左度右度，十居其九買唔成，好似過去兩日個市上落兩千點，老散如果靠理性去衡量，又點知聯儲局幾時會出手救市呢？要計到咁準而又有勇氣撲入去，你估係馬戲團鱓空中飛人咩？

隨時再夾美國減息

茶友的一番話，陸羽仁覺得都好有道理，但大戶做№，正係要吼準普通人的反射動作鈬出招，好似昨日個市一彈千六點，跟住回一回到九百點，大部份好彩撈鰦貨的老散都會心血少怯一怯，沽鰦貨先算，而最多人計數者，係下畫個市升番到千三點時，不過，如果散戶唔想次次被大戶算中，就要訓練自己作出合乎理性的反應，只唔係只靠本能去做決定。

講番個市，中環茶友認為，在聯儲局大力減息四分三厘後，市場情緒暫時穩定下來，但不代表從此天下太平，美國次按不會因為一次大力減息就解決，下一步要睇美國繼續點做，簡單鈬講可以分兩條線鈬講，一條係利率去向，儲局勁減0.75厘息後，市場好快又做下個星期的例會，會唔會再減息，最新盤口係到時再減半厘，如果今次減息後，美股反彈得多，不排除大戶在議息前又會插一插個市，逼伯南克再做№；另一條線係美國政府的減息方案幾時出台。今個星期全球股市出現的大時代，似乎已逼到在野民主黨軟化，挽救方案措施可能會比原先講要等幾個星期先出台，其中一個可能性係布殊會俾民主黨? 彩，換取在國民諮民時公布方案，隨覑美國利率同財政政策點變化，大戶會順勢將個市扯上扯落，散戶不妨自己睇位執生腬。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——忽上忽落玩謝你
2008年1月25日

恒指昨日大玩上落市，美股杜指上日臨尾大升298點，港股高開307點後，旋即倒跌300點，中午前已抽上近25,000點邊緣，到下午3點後反覆急跌，尾段一度跌至23,479點，收市略彈，收報23,539點，跌551點。期指收報23,640，跌575點，比現貨高水101點，成交116,895 張。國企指數亦倒跌346點報12,933點，大市成交1,424億元。

大市午後本來都好好懐，升700幾點，但3點零5分突然急插，5分鐘內恒指跌了537點，期指更跌了851點，自此破壞了升勢，之後就急促上下波動，曾經反彈，又再急插，走勢圖是一個向下走的M字，結果倒跌551點收場，上下波幅超過1,500點。

愈貼市愈心驚

M字市郁得有幾勁，睇纒港交所（388）[股價及相關新聞] 股價就知道港股有幾波動，佢上日收169.1元，昨日最高升上189.6元，升過12.1%，後來隨大市腳軟，收報176.4元，雖然亦升4.3%，但就無鰦差唔多8%升幅，比高位低13.2元，都幾化學。

港股咁忽上忽落，心血少鱓都俾佢玩謝，愈貼市愈驚，你見佢5分鐘插800點，真係覺得一日跌2,000點都唔奇。

大市急上急落的原因永遠無法稽考。有兩個講法，一個話早上急升是因為國家外匯管理局暗示港股直通車快開通，事緣內地的《證券時報》訪問了外匯管理局資本項目管理司司長鄒林，他說將繼續放寬資本流出限制，擬發布《境內機構境外投資外匯管理規定》，取消境外投資外匯資金來源審查，簡化資金流出審核。此外，外匯局研究個人境外直接投資管理，便利個人在一定範圍內展開境外直接投資。

內地媒體引述鄒林的講話，沒有講到開放港股直通車的時間表，但外電報道就加了一個今年五月的時間，所以上午刺激股市炒起。但下午外管局否認會在5月放港股直通車，股市就跟住插。

另一個理由是法興有一個交易員越權交易，令法興損失50億歐羅，要為此撥備20億歐羅。不過陸羽仁睇成個亞洲區股市都升，同香港走勢較近的新加坡股市升2.2%、日股升2.1%，法興出事無理由香港獨跌躀？即使無直通車，無得升咁多，亦唔使跌。

專業炒家都浸死

中環茶友話，港股插又插得深過人，但今日人升我地跌，波幅誇張，大戶動作多多，表面理由多數唔係理由，真正理由係大戶趁住外圍個勢想點樣玩，大戶想炒上，就借住未證實的好消息撩高，想炒落，又借住消息無得證實撩落，後市估計恒指會在周初低位上落，短期要睇布殊總統仲有無招數繼續出。

茶友話，早兩日同銀行大班食飯，大班提到睇番轉頭，去年第三季，港股在次按曝光後大幅炒上，好大原因是銀行發現好多行家中招，所以不敢借錢出同業市場，當時美國國庫券利息跌到谷底，反映銀行間陷入信心危機，資金苦無出路下，部份就流入暫時未受次按的亞洲市場炒作，令到區內股市狂升，踏入○八年，次按陸續爆煲，好多銀行火燒身，要班資回朝，於是部份資金撤離，熱潮退卻，股市由高溫狀態慢慢轉冷，經過一輪高燒，會唔會出現發冷呢？呢個問題暫時未有答案，可以知道的是可見將來，市況仍然會好混亂。

昨日傳出法興交易員輸了天文數字的資金，證明過去半個月，無論股票、外匯抑或商品市場，都係風高浪急，即使專業人士都好易出錯，而且犯下失去常性的嚴重過失，常人在這些市況下，更加好易怒海中的一片孤葉，根本無力同大市對抗，在橫風橫雨的惡劣天氣下，投資者就算出擊，只宜以小量資金輕身上路，減低陷入重圍的機會。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

一仗功成萬骨枯（１）         

2008/1/25 上午 09:32:30

網誌分類: 經濟

美國執政共和黨終於就救市方案和在野民主黨達成協議，推出龐大的退稅計劃刺激消費，美股道指再升１０８點，升到１２３７８點的水平。

陸羽仁一直認為，呢個星期以香港為首的全球股市急插，為的就是挾到民主黨接受布殊政府提出的救市方案，以及為聯儲局更快更大幅減息掃除障礙，大家都知道，美國財長保爾森是前高盛主席，金融和政治如何交叉去玩，佢點會唔知，今次馬上爭取到民主黨同意救市方案，我可以用美式足球的「達陣」取分去形容。至於期間包括香港在內的亞洲、歐洲股民如何因為股市暴跌損手流血，就只能以「一仗功成萬骨枯」去形容，加上死的主要不是美國股民，佢地當然唔覺得入肉。

今次救市方案由保爾森和民主黨國會議長佩洛西和共和黨國會領袖貝南共同宣佈，好有兩黨聯合救市的味道，之前大家點狗咬狗骨就無人知啦。

雖然兩黨口講如何照窮人，但救市方案的重點其實係刺激消費，最主要部份係向１．２億個家庭退稅，個人最高可得６００美元的退稅，夫婦退稅最高有１２００美元，再加每個孩子３００美元。美國人生得仔多，一個家庭３、４個仔女等閒事，以三個孩子的家庭計，每個家庭無端端最多收２４００美元（即１８７２０港元），都唔係細數目。財長保爾森話，最快可在國會通過方案兩個月後，就把退稅支票寄出，即係預計美國人５月可以收到退稅，保爾森形容此舉係「一條快線」。

美國人有錢收，自然會感覺良好，以他們有錢即使的性格，一有錢就會花掉，退稅等如政府向消費市場大量注資，這筆錢在５月就會注入市場，等如１、２個月後，美國消費市場就會熱起來，因為不少美國人預期收到退稅，可能提早碌卡消費，好多退稅促銷活動會馬上推出。

救市方案亦會鼓勵公司作設備投資，小公司過去買設備有１１．２萬美元扣稅上限，將會倍增，大公司買設備的扣稅限額亦會增加。美國稅重，所以仍有錢賺的公司，就會利用這些「稅務假期」大買設備，馬上可以少交稅款，反正買設備又可以分期，對現金開支增長不大，但即時卻有現金的稅務得益。

方案亦有救樓市內容，政府會放寛房利美公司等按揭證券公司購買按揭的上限，由過去每個貸款的上限為４２萬美元（３２５萬港元），放寛到７３萬美元（５６９萬港元），此舉可以減低貴價樓的融資壓力。

布殊政府這個萬億港元的救市方案，能否把正在下滑的美國經濟托住，尚要觀察，但政府這樣大力放水入市場，加上大幅減息，有利提振信心，樓市可能唔係咁易救得起，但可刺激個人和公司的消費，令經濟加番少少熱度。

美股對救市方案反應良好，再加上最大的國防股Lockheed Martin,及辦公室機器生產商Xerox 公布盈利皆是市場預測的上限，所以道指升番上１２３７８點水平，加埋前日升的２９９點，兩日加埋升番４０９點，都算有反彈力，看來美股短期趨向穩定，仍在一個反彈市中，但不要對反彈期望太高，我看這一浪反彈不易升穿１３０００點。

既然美股短線會穩一穩，我估港股短期內都會穩番，至少減低大幅下滑的風險，可以繼續炒吓反彈市。

陸羽仁

http://www.hkheadline.com/blog/r ... eyword=&searchtype=

Mr.Business

2008/1/28 上午 11:02:31

陸羽仁覆網友

估不到這麼多網友是詩人墨客，令人大開眼界。

Yuki:我都信次按風暴未完，但要爆得比呢次更深亦唔易，所以如恒指再擊穿今次低位２１７０９點，並Keep住一段時間，就多數係爆大鑊啦。你問我會否改變對恒指的Range的看法，我會改，想看埋呢個月結算發生什麼事再講。

另覆Piker,　港股若跌穿去年８月低位１９３８０點，並進一步向下，反彈完再穿此低位，就可確認進入熊市，步步向下。

聯想管理層有信心係一件事，次按如何影響美國消費尚待觀察，而退稅亦會對第一、二季美國消費市場有影響，略為睇番好少少，主要風險在不能排除美國進入較長時期衰退。

維柴因為兩地會計準則，對商譽有不同處理，由於不是現金收益，所以不應改變對股份基本因素的判斷。

兩隻紙股早前勁升，有不少基金參與炒作，一瀉就大家爭住走，恐怕仲有少少內傷。

YY太：人性同時具備善性惡性，每個人、每一時刻發揮不同，你對夥記好，不能期望佢地同樣對你好。不過當你感受到發揮善性時的快樂，對人好時自己覺得開心，就已經好夠好夠了。這是「人不能兼善天下，只求獨善其身」的另一種理解吧。

T:你的動畫財爺幾得意，敢請教你做咗幾耐呢？

Eatfish:蒙牛基本因素不俗，但內地奶源短缺，主要是飼牛的飼料價升，但奶價收購價低，奶農不想再養牛，以前１５０００萬一隻的奶牛，跌到８０００元，而家中央又話控制物價，牛奶不能加價，蒙牛將面對中石化的問題，成本升又不能加價，供應短缺，唔知點收科，所以有一段時間股價會有壓力。

Bigcow:建行本來好過工行，因為建行做按揭多，利錢深，較穩定，但可惜樓按又係宏調打擊的主要對象，所以而家建行和工行差唔多。今年中央嚴控貸款，額度分季執行，聽說誇張到第一季的貸款額度，１月頭一個工作日已用哂，銀行盈利會受影響。

Piker:平時買牛熊證比一般窩輪好啲，因為比較貼價，但在如今的大波動市，好易波到去回收價被強制回收。

Philip:你買樓被賣家撻訂賠定，可見樓市有一定的熱度，若是炒作要追，短線明顯會炒上，若是用家只能量力而為。

白穗禮：阿爺仲有招打大陸樓，你問深圳樓跌完未，應該未完，你朋友想買，應該自己定一個標準，以跌得深，同現價有相當回報率的才是首選，最好揀唔係過去一兩年出的新盤，因為一出已太貴。

Dennis:有些大孖沙增持自己股票，係俾人有信心，佢都買，他們這些股票比較成熟，不可以和剛收購回來的殼同日而語，那些殼還要大供股，先間接收乾街貨，然後才慢慢做嘢。

你問匯源跌到５．８元，收集幾時完，若有基金看好，跌咗咁多，會慢慢吸貨，但不是短期有表現的股票。

Dennis:安德利果汁你話free fall，其實現價０．６１元，未算free fall,free fall唔係咁，叫做跌得有秩序，但個市唔就，暫時未有得炒。

Benno:高手買了遠期價外期權做對沖，防股災。有兩本書叫Market Wizard和New Market Wizard，對炒家操作有詳細描述，但無經驗的人會睇唔明。

Sure win:想將中信１６１６換成中建材，我覺得都可以，因為中建材雖然唔便宜，但中信１６１６會長期好雞。

Mr.Business

注：此篇文章版权归香港頭條網所有。

金融High Tea——大波動玩死投資者
2008年1月28日

恒指上周日日坐過山車，上周五港股大升1583點收市，重上25,000點樓上，收報25,122點。後來美股因憂慮銀行撥帳增加及聯儲局可能未必減得夠多息，杜指又跌171點，收報12,207點，看來今天港股又要受壓。

全球金融大波動的風眼在美國，其波幅直逼98年的金融風暴，在大波動的高峰，股票、債券、匯價和商品都大上大落，價格比較穩定的債券成為避難所，例如上周五美股下跌，資金泊入兩年期美國庫券，搶高債價，令債券的息率回落了0.13%，息率跌到2.19厘。

債券波幅23年未見

連債券價格都出現罕見大波動，從美國國債期權的波幅就見端倪，量度美債期權波幅的美林MOVE指數升到171.7，一般這個指數只是兩位數字的低位，債券交易員話見到3位數的債券期權波幅，係23年少見，上一次有稍為接近的波幅是98年亞洲金融風暴席捲美國時，當時對沖基金「長期資本基金」倒閉，美國急急減息救亡，美債價格也曾急升，波幅因而大增，但都無今次咁高。

在金融市場大波動的年代，好多事情的發生都有一些似是而非的解釋，事後看來那些解釋並不合理，但當時都有人信，事實上可能有大戶借股市的波幅搵食，那些個別事件就被人?來作解釋。

例如最近法興交易員凱爾維埃違規交易導致法興損失49億歐羅，在星期四下午這個消息出街，正值港股急跌，當時已有人話港股之跌由法興輸錢消息導致。但陸羽仁當日聽完消息上網一看，那時日股又升、新加坡股市又升，等歐洲開市後歐股又升，就問點解法興出事只是港股獨跌呢？可見港股當時之跌和法興失利消息關係不大。

法興故事仍有續聞，事件的細節曝光後，又有人話上周一、周二環球股市暴跌和法興事件有關，事關法興知道交易員凱爾維埃的事件後，在周一把他所做的歐洲股市指數期貨好倉平倉，結果導致歐洲股市大跌。

陸羽仁和中環茶友研究此事，當日港股在上午歐洲股市大跌前已先急跌，茶友話會唔會係有對沖基金事先收到風，所以跑前頭先沽港股呢？陸羽仁認為唔係無可能，但若只是單一事件，港股在上周一跌近1,400點已經好夠，為何周二還要再跌多2,000點，而且跌得勁過法國？跑前頭者假設法興事件會禍延港股，但若因此要沽到突，都要面對好大風險。

亞股急跌 狂夾美市

陸羽仁認為，不要以為美國佬咁笨，你以為聯儲局主席伯南克咁無知，只因為少少誤解，就笨到臨時開會減息0.75厘，甚至還會在月底的聯儲局的會議減完再減息？美國民主黨亦因一時誤解，就笨到要接受共和黨提出的救市方案？我估法興事件頂多只是催化劑，亞洲和歐洲股市上周初大跌，有唔少人為色彩，結果就為聯儲局狂減息開路，亦逼得民主黨接受救市方案，港股無端端做鰦呢場大戲的配角。

在這種充滿人為色彩的股市，波動極大，未到終場，不知結局，不止是投機者，投資者亦好易做錯事，今天跌1,000點，明天升番1,000點，若果你把持不定，隨時畀人左一巴，右一巴，打到兩邊面的腫哂。但一見升就追，可能大市又即刻回吐，但一見跌市大插驚起上來，亦可能會把好股賤賣，所以有幾件事要搞清楚。

第一，全球金融仍然波動。美國的利率期貨合約交易顯示，市場相信有78%機會聯儲局在本月30日至31日的會議中，會再減息0.5厘，其餘是相信會再減 0.25厘，即係話市場預期聯儲局會再減息，問題是減幾多而已，聯儲局剛剛臨時開會減了0.75厘息，若再減0.5厘，即是短期內大減1.25厘，都唔可話唔大手筆，若果頂得住美國市唔跌，香港的經濟會因負利率而逼人炒作；若美國大減息、大救市都頂唔順，就隨時有股災。開大開細講唔定，你叫我估，我都係估股災機會只有一、兩成，機會雖低，但不能排除，這就是風險的根源。

第二，「投資的我」少做少錯。在這種大波動市，人的情緒好易受股市的升跌影響，在大市跌2,000點的那一天，好似世界末日，你會覺得股災明天就到，即使長線投資的股票好平買番來，都想沽鰦佢逃避風險。陸羽仁話股市是財富轉移之地，大戶睇住散戶底牌來開牌，在人為波動中把你的便宜貨震走。反之，在大市反彈 2000點的日子，你又會覺得是萬里晴空，你又會覺得股災離你好遠，而且當股市愈炒愈高時，例如股市慢慢炒番上27000點、28000點時，你又會覺得股市風險好細，不知道大戶舞高弄低，除了夾美國政客救市之外，還順手炒炒香港等亞洲股市期指賺賺錢，到佢地脫手之後，恐怕股市又會失重回吐。所以若買入好股入貨價夠平，就不妨獱番長少少，盡量減少進出。

第三，「投機的我」可炒波幅。大市這樣每天1,000點這種上落波動，投機單係炒波幅都有排炒，每逢大跌獱纒，到大升又沽纒，好難食得太盡。

頂唔順只能避險

有網友GIGI在陸羽仁的網誌提問，GIGI話「今次震倉令我有所啟發，我有撈貨亦有沽貨，一直以來我都是用閒錢買股，手上的貨都是優質股，雖然不是全部都是穩陣貨，但我都不是高追買的，然而到震倉最後兩日（上周一、周二）都見紅，我就知道我的貨安全邊際不夠，我開始恐慌，食不安、睡不安，情緒很受影響，我知道我的EQ受不住，我開始懷疑，既然我是用閒錢買股，為甚麼要咁驚？我記得老師你說過投資是樂事，為甚麼我要咁痛苦?我當天的心理壓力很大，可能你估我最後還是抵受不了清了倉，但是我沒有……經過這次大恐慌，我發覺我違背了投資的本意，我的EQ不夠我覺得痛苦，老師，我是不是不適合投資？」

股市近日這種過山車式的波動，正常人都好惡頂，即使投資者都會俾佢玩死，所以心驚膽跳唔係好奇。但GIGI話佢用閒錢買股，話係買優質股，穩陣貨，都會食唔安、鲻唔覑，咁就唔係幾好。大家都知，每個人的構造不同，有人愛好冒險，有人好怕風險，如今股市進入大風大浪的年代，波濤洶湧，唔係一帆風順，若不愛冒險的朋友，好可能覺得好惡頂。陸羽仁覺得投資應該是一件樂事，不是苦差，搞到鲻唔覑就要避免，所以怕風險者可以等大市彈高鱓時再減鱓貨，減少貨量就可以減低壓力，不過也要記覑，若咁好彩大市定番，減了貨控制風險者，到時見到人地賺錢就無得恨了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

一仗功成萬骨枯（２）
       
2008/1/28 上午 09:34:24

網誌分類: 經濟

上周五道指跌１７１點，今早日股跌２００點，港股開市有點壓力，不過咁波動又咁人為的股市，插１０００點，升１０００點，可能只是５分鐘的事，世人對股市上落所賦予的解釋，只是瞎子摸象而矣。

世界上有好多聰明人，表面上最多聰明人做投資銀行家，實際上更多聰明人做政客，投資銀行家打生打死追逐巨利，政客唔駛點做噴吓口水就令巨利轉移。君不見美國的銀行家、投資銀行家發揮佢地無限的創意，把錢借給毫無還款能力的次按業主後，還把這些貸款包裝成證券，由於這些次按證券評級低無人買，又把它們包裝成為CDO，把少量次按證券加上大量優質的AAA級債券紥埋一齊，整件CDO出來，又變成AAA級了，再把這些化了裝的CDO賣到全世界。咁搞法自然會出事，出事後又叫政客大減息放水救市。這些漲跌循環週而復始，唔知點解，普通人的財富郤不斷被人轉移走了。美國而家告緊各大投資銀行包銷按揭公司的股票時欺詐，不過呢啲官司，最後多數係和解收場，投資銀行賠錢就可以了事，舞又照跳。

最妙的是美國人使大咗、玩大咗、整爆咗、累咗街坊，跟住狂放水救市，你仲要多謝佢。好似你鄰居養咗條惡狗洛威拿，無端端走入你屋企打爛哂你啲嘢，鄰居最後來把惡狗洛威拿拖走，你仲要千多謝萬多謝，仲話好彩得佢拖走條狗，條洛威拿先至無攞你命。至於鄰居捉狗時順手牽羊，把你屋企的財物拿走，你都無法追究了。

網友S2000話香港好似ATM機（銀行自動櫃員機）咁俾人提款，我就絕對贊同，人地拖住條惡狗，你地可以點出聲，出聲隨時命都無，港股上周二俾人隊到落２１７０９點，而家升番上２５０００點，大家高興都來不及，賠錢送賊，還要千多謝萬多謝。

網友idoglife講起：「1980年，美國商業銀行的優惠利率高達21厘。當時西方各國被滯漲所困擾。列根提出重振國威的口號，結果贏得美國人的心，入主白宮。美國也不再視凱恩斯主義為靈丹妙藥，以『鬆財政，緊貨幣』的方針，刺激經濟。在國家利益的前提下，各國各懷打算，一場難解難分的經濟政策戰就此展開，叩開了80年代的大門。今日，因次按引發的信貨危機，有沒有其他下文，我不肯定。但在國家利益的前提下，大家會出甚麼招，就要拭目以待了。陸sir,您點睇呀？」

這場次按風暴無咁快完，香港對樓市大跌最有經驗，當然唔可以三幾日就搞掂，不過美國好過香港，在大風暴是可以唔怕赤字大派錢，可以自己決定大減息，香港無咁o既自由。香港在９８年金融風暴時，被對沖基金挾住來玩，被逼大力挾高利息捍衛港元，搞到隔夜息高到３００厘，經濟差仲要捱超高息。後來到２００２年，香港經濟再轉差，當時的財爺阿松蠢就蠢在經濟差時仲要大力減開支，不過他也是在國際貨幣基金會和世界銀行的壓力下，要香港平衡預算，才被逼落雨收遮。睇番而家的美國，點解佢落雨又可以開遮，經濟唔好赤字高都可以大增赤字派錢救市呢？又唔見國際貨幣基金會和世界銀行出來批評吓美國？

妙又妙在另一單新聞同時發生，世界銀行前行長沃爾科威茨因為把女友安插入世銀工作，爆出醜聞，搞到要下台。沃爾科威茨出任世銀行長前曾任美國國防部副部長，出事之後，最近美國又整咗個國際安全顧問委員會主席俾佢做，既然美國隨時安排黃金降落傘俾這些國際金融機構的巨公，佢地對美國好啲亦都正常。

美國而家似乎用緊「鬆財政，又鬆貨幣」的政策，一字記之曰「派錢」，所以美國狂減息，狂退稅救經濟，只要佢忍得美元下跌，這個狂印美鈔的行動可以做到好得人驚，到時歐元升值，人民幣升值，中國和歐洲出口減慢，你地持有的美元儲備下跌，就真係唔關美國佬事。中國持有１．４萬億美元外匯儲備，人民幣每升值１０％，中國唔見咗１．１萬億人民幣，等如中國損出這筆錢幫美國救市，美國仲要彈你人民升值得唔夠快，乜唔係自招貶值嗰個俾人彈咩？以中國１３億人口計，唔見１．１萬億，即係每個中國人平均捐了８４０元人民幣出來，最窮的２億農民一年收入都係差唔多，即係等如２億人一年白做去救美國．．．．．．

美國利息仍然大把水位可減時，所以我唔敢話美國次按問題救唔番，現時美國利息３．５厘，減多２．５厘，減到剩番１厘都可以，而且美國亦可以狂加赤字派錢救市。直到這些招數用盡前，美國想爆災亦唔係咁易。不過在未來歲月裏，股市的風浪難免，我亦唔敢講呢個月的大浪，今年唔會再發生。

陸羽仁

http://www.hkheadline.com/blog/r ... rd=&searchtype=