【专题讨论】转载香港頭條網陸羽仁, 王雅媛的文章

Mr.Business

19/10/2009 11:59:40  

陸羽仁覆網友

Ray:在一個中期升市中(以半年計)，假如你的習慣是炒單邊，去買熊證或沽期指，真係逆勢操作，唔可以話一定唔得，只是贏面較低。假如大市升14%，跌7%，因為你未必在頂沽在底平倉，去頭斬尾，在那7%中，你只有5%的空間中獲利，個位好窄，真係要睇得好準至得，而且食得中都要識得走。

我話工廈區的商廈長遠壓力不輕，所謂長遠，實質供應要4、5年，若市場超前反映，2、3年都開始有影響。「更壞」的情況是好多小型發展商不再重建，而是學外國只是改裝而不重建，搞出好多懶潮的工廈，成本更低，供應更可以快到1、2年就湧出來。

Flyinthesky:你問惡性通脹唔係會令人為保值而買樓咩? 第一個反應係咁，但當通脹再不斷升，升完再升，聯儲局無得揀一定要加息，若通脹失控，亦要大力加。去年商品急升而無發生這件事，因為經濟開始衰退，商品升但通脹升得唔急。在經濟復甦期商品油價若急升，通脹可以上得好快。政府快速加息時，資產市場好易爆。

Loss confidence: 政府係唔抵爭，佢當然唔敢罪地產商，亦亦唔敢得罪市民，心目中想住「樓市升政府唔會倒台，樓市跌政府先會倒台，若樓市自己升到爆可能都係下屆政府時先至爆，唔關我事。」

Yuki:大陸經濟改善，民企爆煲風險大減。而家可能係日本航空執笠風險大過大陸的巨型民企。

股市大勢向上，港股走勢仍強，但要留意美股，美股業績期走咗一半，有少少擔心美股見咗細頂要抖吓氣，若大陸接不上，就會拖住港股。

Tracy:吉利和比亞迪不同，比亞迪賣電動車加股神入股概念，吉利唔係咁易替代。汽車股前景OK，和大陸經濟同步。

Muse:國指現價12800點，去到12000點開始可以分段買吓。

Noven2001:如果睇5年10年長線，而家加大月供額未為高。唔加2828加國壽都好，但要留意佢業績，直至佢經營狀況有變前，都可以繼續買，呢啲就係買個股的煩惱，唔同買指數，唔可以唔理。

Myself:工作太忙，寫專欄和網誌已經頂唔順，無乜力寫書。另外百年一遇的金融海嘯，政府全力放水，結果如,開大細，當然亦可以話係低估了政府於水的效果，股市唔係唔跟經濟，而係股市短期更加跟供求，水多成本低利炒作。

Mr.Business

注：此篇文章版权归香港頭條網所有。

金融High Tea——樓市泡沫不能制止
2009年10月19日

曾特首公佈《施政報告》，社會的關注焦點不是四大支柱、六大產業，也不是保育中環，而是留意政府如何應對正失控上升的樓價。

瑞銀房地產研究部主管王震宇發表報告，話目前政府緊縮的土地供應政策，助長樓市泡沫出現，他擔心樓市泡沫化的程度，會比97年更嚴重。礇控（005）股價及相關新聞執行董事霍嘉治雖然話鶽家樓市未算有泡沫，但就認為樓價已近頂峰。西半山新盤天匯最近創下71,000元一呎的天價，香港豪宅價格已經「超英趕美」，自然惹起「泡沫疑惑」。

曾特首就自揭底牌，話自己唔會理豪宅價格，因為唔會影響民生，但會日日睇住中小型樓宇市場，目前樓價仍比1997年的高峰低28%。佢話政府一直有監察樓價，包括樓宇成交數字，確認人交易比例（確認人即買入樓宇後未做樓契轉名已經沽貨的短炒者）、按揭比率、以及市民負擔能力等。

樓市炒風未熱

論感覺，除了豪宅之外，中小型樓宇價格雖然上升，但未升到好癲，未炒到好熱，睇數據亦有類似結論。以確認人交易為例，按地產代理提供的數字，97年樓市狂熱時有15%二手交易係確認人交易，但今年第3季的確認人交易只係二手交易量的2%左右，雖有上升，但唔係算多，足證樓市未有太強炒風。

再睇纒樓價，和97年相比，現時港島區豪宅新樓價格貴過當年好多，但700呎以下中小型樓宇的價錢又唔升得幾多。隨手打開份報紙睇纒地產代理的二手樓廣告，好多九龍、新界樓仍然唔算太貴，供應較多的將軍澳盤很多每呎4000幾元有交易；青山公路沿線海景盤4000元左右，我記得97年時聽到朋友話青山公路新地樓盤浪翠園造到10000元一呎的天價，我當時就估樓市好快要爆，鶽家樓價比高峰仲跌鰦60%；沙田老牌屋苑沙田第一城更有指標性，410呎賣174萬，4240元呎，呎價唔平，勝在銀碼較細。

唔講小型樓，有些豪宅都唔係升得好癲，以淺水灣道37號為例，1225呎全海景樓賣1690萬元，呎價13800元，如果係新盤，鰠呢個位置，仲唔賣到 70000元一呎？所以唔好話豪宅好貴，只係新盤先至好貴，二手樓只係個別發展，個屋苑有人炒就勁貴，無人炒仍然唔算太貴。

睇完二手價，可以有幾個總結。第一，鶽家鱓樓唔平，但未炒到好癲，仲有200萬元以下的上車盤。第二，港島豪宅升幅明顯超越其他地區，特別係新界區，顯示呢個世界窮人和有錢人的身家距離愈來愈遠。第三，豪宅新盤開價離晒譜，個別亦有人承接，特別係內地豪客，鼓勵了新盤愈開愈癲，40000一呎、50000 一呎、60000一呎，70000一呎，豪宅新盤的泡沫漸漸形成。

豪宅已經起泡

咁樓市未來走向會點，我的看法是「長期悲觀，短期樂觀」。長線悲觀的原因是這些「癲價樓」無乜實質因素支持，買樓投資的收息是租金，天價豪宅71000元一呎，5000幾呎的多層大廈豪宅，要有1厘租金收益率，都要收30幾萬一個月租金，都唔知收唔收到呢個租金，如果1厘收益都無，呢鱓樓價長期難以支持。如今造到這種天價，主要唔係因為有內地豪客，而係受惠於全球資金氾濫加利息低企，人人有個資產升值的預期，推高資產價格，到利息回升時，超低租金收息率的樓宇，就無法維持高樓價。

短期又唔可以太悲觀，因為瘋狂的東西可以更瘋狂，正如瑞銀王震宇警告今次樓市的泡沫可以比97年更嚴重，所以瑞銀對10大地產股的評級，係全線「買入」，即係話既然有泡，短期睇升，並唔係話佢馬上會爆。

你可能有一個疑問，既然咁多人都睇到樓市有泡沫，並會愈吹愈大，政府都應該睇到，點解佢唔可以制止呢？

政客不做應做之事

一講到政治，就曲折懸疑好多，有時明知應該做的事，政府都唔會做。好似2001年911事件之後，美國聯儲局前主席格林斯潘大力減息，並遲遲唔願加番，當時已經有人警告，長期低息好易吹出資產泡沫，但係格老仍當無聽過，終於為金融海嘯埋下種子，加息遏止通脹係極不討好之事，因為馬上會搞到股市又跌樓市又跌，格老當時都就快退休，當然唔想在惡罵聲中離場，衰№當然留番俾下一任去做。

又例如香港90年代的樓市，由於中國怕英國人在撤退前賣光香港的家當，所以限鰦97年前一年不能賣地50公頃以上，由於經濟急促發展，但限死鰦土地供應總量，樓價飛升。但港英政府當時只係細細力打擊纒炒價，例如在92年推出7成按揭措施，並將徵收印花稅的時限由造樓契時提前到簽正式買賣合約時。但明眼人一睇就知，港英政府無意大力打擊炒樓，所以樓市在92年回一回，到93年又升番，反而英國人都要撤退了，又點解要做醜人打軲個樓市，等自己在罵聲中撤退？

到97年回歸後，到董伯伯上台，佢無乜執政經驗，見樓價咁高，議員抗議話市民係無殼蝸牛，董伯伯就「徇眾要求」，去做應該做的事，大力增加房產供應，推出每年提供85000個單位的政策，大力推樓出街，但咁飱遇上亞洲金融風暴，雙重打擊，樓價跌到七個一皮，搞到2003年有50萬人上街，恐怕當中唔少人唔係因為反對23條立法，而係因為負資產被逼走上街。

「煲呔」唔想篤爆樓市

曾特首如今的處境和董伯伯上任時有鱓似，但樓市（除豪宅外）遠未有當年咁癲，人人話「煲呔曾」係世界仔，相信佢就唔會犯董伯伯同樣的錯誤，聽到人話樓市高就出手。佢出席港台節目時講到明，「政府每日都有留意樓市，目前的樓價比97年的高峰低28%，政府雖然有能力摧眦市場，但為數過百萬的物業持有者，都不會想樓市因為政府的愚蠢政策而下跌。」

試想若政府重新恢復定期買地，樓價因為預計土地供應大增而大跌，搞出一大批負資產，你話邊個要問責？「煲呔曾」差唔多講到出口，佢唔會搞打低樓市的「愚蠢政策」。鶽家個政府，甚至無膽推出92年港英政府推的打擊炒樓措施，因為當時唔使問責，鶽家要問責，所以更加唔敢做№，政府多數只會出纒術，唔會出猛招，明知有泡沫，也不會去制止，「煲呔」唔想搞出一批負資產，搞到自己要腳痛下台。

未來樓市走向有幾個可能，第一，目前價格已見頂，將在頂部牛皮，等到加息慢慢落。第二，樓市再炒幾炒就爆，因為惡性通脹好快就推高利息，篤爆樓市。

第三，樓價高處未算高，一手豪宅未癲完，升幅不斷擴散到二手市場，甚至細價樓都開始大炒，吹出超級泡沫，玩一兩年先至勁爆。

這種情況對無樓在手的用家不利，可以話「買又唔係，唔買又唔係」。每人有不同需要，目前二手樓市未到好喪的地步，唔係一定唔可以買，但真係要量力而為，要有捱得起跌市的能力先至好諗。對炒家而言，高買高賣，有得賺就要賺，唔好諗住食得太盡。至於用家，貴樓認真追唔過，唔好話20000元、30000元一呎的豪宅，即使過10000呎都開始貴，買呢鱓樓如果唔係炒，只係自住，不用如1厘、2厘租值租來住仲好，反正利息唔係永遠咁低，過1、2年萬一真係出現惡性通脹，利率急升，忍得到那時才買，應該會平鱓躀。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

債價啟示         

2009/10/19 上午 09:58:44
網誌分類: 經濟

美國通用電氣與美國銀行在上周五公布的季度業績都差過預期，資料顯示企業與消費者仍然債務纒身，10月初消費者信心指數下跌，反映消費者因不看好經濟與就業市場前景而減少消費。美股上週五連升三日後出現回吐，杜指早段急挫逾120點，之後反覆回升，午後在10000點水平爭持，最終收市都未能企穩10000點上方。

杜指收報9996 點，挫67點或0.7%；標普500指數收報1088點，跌9點或0.8%；納指跌16點或0.8%，收報2157點。紐約證交所交投偏淡，成交13.8 億股。比較上一周，杜指升1.3%，標普500指數漲1.6%，納指微升0.8%。杜指期貨最新報9887點，比收市再跌55點。

美國預托證券跟隨大市偏軟，ADR港比指數收報21692點，比香港收市低237點或1.1%。匯控收報88.5元，比香港收市低1.9%；中移動收報77.69元，比香港收市低1.4%。　

密歇根大學10月初消費者信心指數從九月份的73.5下降至69.4，而經濟學家的預期為73.3。　　

上周五公布業績的巨企都唔理想，美銀第三季虧損22 億美元，壞賬造成的資產減值幾乎達到100億美元，比上季高出10億美元，超過市場預期，而花旗與摩根大通此前公佈的財報也顯示貸款虧損出現增長，反映出高失業率、以及房產價值下降，令貸款者的壞帳增加，也顯示消費者未來無力提高支出。Gluskin Sheff首席經濟學家David Rosenberg話，「這些大銀行的財報提醒我們金融危機在家庭層面並沒有過去。」金融股挨沽，美銀挫4.6%，係跌幅第二大的杜指成份股，美國運通跌 1.7%，摩根大通挫2.3%，花旗跌3.4%，富國下滑4.3%。

通用電氣旗下GE Capital部門業績滑坡，令公司第三季盈利下降了44%。顯示信貸市場疲弱。通用電氣上周五已下跌了4.2%。法國巴黎銀行旗下證券部門Exane BNP Paribas策略師Bert Jansen則認為「企業財報超出分析師預期是很容易的，因為這一預期並不比三個月之前更高；但是想要超過投資者預期就很困難，比如上周四高盛和諾基亞財報均超出分析師預期，但股價卻雙雙下跌。」

美股杜指上周五開市創出10061點的高位後，已出現見高回吐之象，由於市場已消化美國企業第3季盈利表現理想的消息，見到好消息唔升，見到壞消息就回吐的格局，小心美國要先整固一下。

美國出現赤字高企但國債反彈的有趣現象，值得注意。美國財政部上周五公佈至09 年9月底財政年度赤字1.42萬億美元，是上一個財政年度4590億美元赤字的三倍多，1.42萬億相當於美國GDP的10%，創了第二次世界大戰結束以來最高紀錄，僅9月份單月赤字就達466億美元，這亦創下另一項紀錄：聯邦財政連續12個月出現赤字，而9月通常會有財政盈餘，但今次卻連9月都有赤字。美國09年度赤字1.42萬億美元，比美國建國頭200年所有國債加在一起還要多，超過印度經濟總量，幾近加拿大經濟總量，相當於全國不分男女老少每人負債4700多美元。

但美國國債並未有因赤字高企而滯銷，反而是銷情理想，債價反彈。據美國財政部上周五公布的數字，外國投資者在8 月繼續增持美債至3.45萬億美元(去年12月只有3.08萬億美元)，這已是連續4個月增持。美債需求增加有幾個原因，反映美元兌6種主要貨幣匯價的美元指數從今年3月4日的高位回吐16%，令美債顯得便宜。而利率期貨的交易顯示，由於美國經濟依然疲弱，估計美國聯儲局要到明年下半年才加息，國債買家唔使擔心炒加息者會增加市場波幅，推高市場利率，從而損害債券的回報。奧巴馬政府沽了1.6萬億美元國債，當中44%由外國買家買走，比去年同期外國買家只買了6310億美元國債(只佔27%)，大幅增加。

另一個原因是美國人增加儲蓄率，又擔心經濟復甦會比較平緩，在在增加債券的本土買家，今年債券基金吸納的資金比股票基金多18倍，顯示不少投資者認為買債券穩陣，反而鍾情債券基金。國債價格亦顯著回升，今年6月11日10年期國債孳息率高達4厘，但10月16日已回落到3.41厘，息跌價升，孳息下跌等如債價反彈。

以美國國債的走勢看，可以有如下總結: 第一，美元是有序下跌，並非失控下跌，若失控下跌，情況太恐慌，國債應該無人敢買，因為美元再大幅貶值的預期亦會嚇走買家。美國政府讓美元下跌，特別是相對日圓和歐元下跌，幫助自己出口和復甦經濟。而美元已跌咗咁多，國債買家預料今年美元再跌也跌不了太多。第二，美國唔到明年下半年不會加息，因為若有好快加息的預期，只有固定票面利息的債券價格會跌，債價反彈顯示市場預咗有排未加息。大家應該以這些假設，部署自己的投資。

陸羽仁

http://blogcity.me/blog/reply_bl ... 12303&id=209471

Mr.Business

20/10/2009 11:01:41

陸羽仁覆網友

Yuki:上次IPO 狂潮爆咗，但新股排住上，佢地唯有變陣，減價減集資規模係主要策略，價錢降咗，股份少咗，有利維持股價，所以新股的價值相對好啲。恒大規模唔細，賣樓數量好大，但資金亦較緊。今次佢發售股份規模比想像中少，如果公司可以控制得到，就會想上市後做番好啲再批股出街，所以佢都係可以留意的股份，不過新股如終有風險，都係小注怡情好啲。

在內地起樓是一個好賺錢的行業，但也是要大資本的行業，用大錢投了貴地，只要夠資金起得到，賺30%的問題不大，所以內房股趕住上市，就係要圈錢打仗。當然借貸較高的內房公司也要趕住搵錢還債。

內房股應可以炒埋呢個禮拜，頂高等多啲人認新的內房股。

中國股市本來處於調整格局，但外圍不斷升，近日好似拉番起內地的投資氣氛，成交亦向上。未來看美股企唔企得住，若企得住反覆上，不排除令A股結束調整的下行走勢，回復反覆向上的形態。

Jimmy:內地股市氣氛的確在改善，如果能維持大成交向上，的確可以轉為睇番好少少，睇多一兩日可以有方向。特別睇吓如果美股調整時，內地股市如何，應有一些啟示。

KFC:匯豐翔龍基金唔係指數基金，指數基金(如2828)有個好處是手續費平，因為跟指數唔使芬佬用腦，加上外國有研究好多基金跑唔贏指數，所以指數基金應運而生。要買非指數基金，就要研究佢的往績和芬佬的手法，才好去下判斷。

爛賭小妹:港股基本上跟緊美股，美股創新高，港股跟住上而矣。

Mr.Business

注：此篇文章版权归香港頭條網所有。

中環地貴
2009年10月20日

特首曾蔭權近日發表任內第五份《施政報告》。報告中建議「保育中環」，將中環街市地皮剔出勾地表。中環街市處於中環的黃金位置，剔出勾地表後，政府因此損失約六十七億港元賣地收入。中環可發展的地本來就不多，再加上「保育中環」計劃，中環或附近的地區愈來愈值錢了。

　　如果說是於中環有地，估值又低的話，我馬上想到了麗新發展（488）股價及相關新聞。它跟建設銀行（939）股價及相關新聞共同發展的干諾道中三號項目（重建前為香港麗嘉酒店地盤），我認為在未來是一個相當值錢的項目。麗新發展本身值多少錢，我相信也不用多說了，反而今次想說說炒這隻被市場極度厭惡股的好方法。

　　投資者可以當它股價跌近一個橫行水平時，如之前的一角三仙，便慢慢吸納，採取一個股價愈跌便愈買的態度。通常當股價靜待兩至三個星期時間後，它便會因被市場想起或其他甚麼原因（如上星期被報紙推薦為受惠《施政報告》股票之一），而被大炒一輪。這個時候，大家萬萬不要追
貨，因為這隻股票的特點是升勢只可以保持一至兩天，之後便會回落。簡單來概括，便是股價愈跌愈買，股價愈升愈沽。這個炒法很適宜用於這類被市場極度厭惡，但其實股價跟它的價值折讓到了一個不合理地步的股票。

　　那麼早前被對沖基金狙擊同系的豐德麗（571）股價及相關新聞又怎麼樣？Victoria認為它是不宜再碰，原因是基本因素變差了。集團早前公佈了中期業績，披露了其持有四成權益的澳門星麗門項目的狀況。豐德麗因與美資合作夥伴於項目多方面意見出現分歧，星麗門建築進度受到拖延。一個百多億元的項目停工，便等於每天在燒錢一樣。即使遣散了地盤工人，不用付地盤工人工資，但是行政人員始終都存在，因此工資是白付的。還有這個項目大部份的錢都是透過融資借回來的，銀行利息也要繼續付。更糟的是不知道要停多久。因此，正在燒錢的公司不宜碰。

　　王雅媛（Victoria）

　　王雅媛為持牌人士，並沒有持有以上股票

http://fin.hkheadline.com/finance/news_detail.asp?id=91709

Mr.Business

注：此篇文章版权归香港頭條網所有。

金融High Tea——阿爺股市玩接力
2009年10月20日

美股上周五低收，杜指回落10000點以下，內地股市走高，上證綜指朝早已重上3000點水平，恒指昨日低開168點後反覆回升，好快已經由跌轉升，升穿 22000點後在附近水位徘徊，午後A股繼續攀升，上證綜指收市漲逾2%，在中資金融股反彈推動下，恒指升幅逐步擴大。

恒指收報22200點，升271點或1.2%，係去年8月以來最高點。現貨收市後期指略回，期指收報22139點，升136點，比現貨低水61點，成交 64172張。國企指數逼近13000點，收報12948點，漲196點或1.5%。大市交投溫和，成交只有606億元。

上周五美國的通用電器和美銀公佈業績都唔理想，特別係美銀第三季虧損22億美元，壞帳造成的資產減值幾乎達到100億美元，聽落仲係好得人驚，比上季高出 10億美元，超過市場預期，而花旗與摩根大通此前公佈的財報也顯示貸款虧損出現增長，反映出高失業率以及房產價值下降，令貸款者的壞帳增加。美銀的業績除了暴露了銀行本業經營困難之外，對礇控（005）股價及相關新聞這類銀行股都有壓力。

中國保八無難度

礇控承接美國預託證券收低，昨日開市低開1.8%後亦跟隨大市反彈，但走勢疲弱，最終都未能收復失地，不能重返90元水準，收市報89.7元，逆市跌0.6%。中移動（941）股價及相關新聞 表現就比大笨象好一點，但始終受壓80元水平，午後升至79.75元已無力再上，收市報79.3元，升0.7%，仍然跑輸大市。兩巨股唔多對辦，已壓住大市的升勢。

美股借業績期炒上，本來已有少少疲態，因為市場已經預鰦美國企業第三季業績唔錯，公司公布好業績市場已經消化，無乜正面反應，但如美銀咁公佈較差業績，市場就有負面反應，所以美股後向有鱓壓力。

不過幸好內地股市有少少接力味道，A股捱過國慶假後的壓力，昨日回復炒味，唔止大市向上，成交亦升。國家發改委和內地多個部門的官員，昨日開記者會講產能過剩的問題，但發改委官員就提起4萬億投資對中國經濟的恢復起到了很好的作用，今年前三季度GDP平均達到了7點幾，年初提出的全年增長「保八」基本上沒有問題。由於本周稍後將公佈9月的經濟數據，發改委官員咁講，等如預告將公佈的數字亦都唔差。

另外內地創業板開市的時間敲定，令內地股市不明朗的因素消除，亦造就股市向上，上海、深圳兩市的權重股強勁飆升，令兩市成交量得到明顯放大，上證綜指全天上漲逾60點，穩居3000點上方，收報3038點，漲幅2.1%，兩市成交額合共2314億元人民幣。房地產板塊更是昨日的明星板塊，全天大漲超5%。

中環茶友話，內地股市成交放大，似有接力炒上之意，港股後向除了睇美股之外，也要睇大陸股，無論如何大市基調仍強。香港昨日公佈7月至9月經季節性調整的失業率為5.3%，較6月至8月微降0.1個百分點，係金融海嘯失業率連升13個月以來首次回落，預示本地經濟開始穩定，都有利投資氣氛。

本周共7隻新股招股，合集資266億元，其中內地股佔4隻，其中以恒大地產（3333）股價及相關新聞最為矚目。

造起內房股谷上市

恒大計劃集資45至60億元，招股價介乎3元至4元，每手1000股，入場費約4040元。恒大地產本於去年上市，但撞上金融海嘯，延至今年才再度上馬，但集資規模已一減再減。由早前市傳的117億元減到78億元，到現時集資最多60億元，減幅多達48%。當市況唔係咁勁時，減少集資額，增加去貨流暢度，都係聰明做法。

A股市場房地產股炒起，內地地產股王萬科昨日升6.8%，已疲弱了一段時間的內房股昨日借勢炒作，碧桂園（2007）股價及相關新聞 及世房（813）股價及相關新聞升逾6.3%，半新股恆盛地產（845）股價及相關新聞 更反彈12.3%，收3.47元，但仍遠低於招股價的4.4元。茶友發牙痕話，今個星期7隻新股，當中有4隻係內房股，現有鱓內房股唔炒高，點搵人吼新內房股？4隻新股夾埋集資210億，搵人捱義氣炒纒內房股搞氣氛都好應份。

本周打頭陣招股的是太陽能單晶片製造商卡姆丹克（712）股價及相關新聞。卡姆丹克招股價介乎2.1元至3.1元，集資最多7.75億元，入場費約6262.56元。據悉國際配售部份經已足額，昨日起至22日公開招股。卡姆丹克勝在「細細隻，容易食」，跌起上來搵人頂都易鱓也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

順勢而炒（２）
       
2009/10/20 上午 09:51:31
網誌分類: 經濟

美元昨日又創新低，兌歐羅跌至14 個月跌位，商品向上，油價挑戰每桶80美元，黃金等大宗商品價格上升，加上公司業績理想，美國最大的報紙發行商Gannett及德州儀器等多家公司發布的業績超過市場預期，券商對建築商Caterpillar的正面評論，進一步鼓舞投資者對經濟復甦的信心。美股昨日升至12個月以來新高，杜指高開高走，中午升至10100點後在高位橫行至收市。

杜指收報10092 點，漲96點或1%；標普500指數收報1098點，升10點或9%；納指升20點或0.9%至2176點。惟成交量並未配合，紐約證交所交投淡靜，成交只10.8億股。杜指期貨最新報10036點，比現貨低水56點。美股又創新高，但主要係美元下跌令商品股急升帶動，成交稀疏，出現一個唔係太多人敢買又無人想沽的局面。

美國預托證券造好，ADR港比指數收報22338點，比香港收市高138點。匯控收報90.27元，比香港收市高0.6%；中移動收報79.62元，比香港收市高0.4%。

湯森路透(Thomson Reuters)的資料顯示，標準普爾500指數成份股公司第三季度混合業績增長率(Blended Earnings Growth Rate)已由上周的負24.6%升至負22.6%。混合業績增長率結合了公司已公佈的業績以及分析師對那些尚未公佈業績公司的預期。

報紙發行商Gannett Co公佈季度盈利下滑，但仍勝預期；多元化製造商Eaton Corp季度的盈利也超過預估，並稱其市場出現復甦初步跡象；德州儀器則因晶片需求強勁，季度淨利和營收都超過市場預期。德州儀器漲3.4%，Eaton Corp升5.7%，Gannett Co更勁升8.2%！

今個星期將有13 家道指成份股企業和135家標普500企業派成績表。Future Path Trading期貨分析師Frank Lesh表示，「迄今為止，四個業績中有三個好於預期，沒有真正令人擔心的業績報告，有利股市升勢持續。業績期還有幾個星期，截至目前，表現很好，市場告訴我們要做好友。」

Caterpilla 將於今日公佈業績，美銀/美林指明年其機械業務營收反彈加快，將其目標價由52美元上調至65美元，並上調2010和2011年度的每股盈利預測。 Caterpilla昨日大漲6%至57.85美元，係表示最好的杜指成份股。而蘋果收市後公佈的業績也勝預期，股價收市後跳升7%，推動美國股指期貨向上。

不過亦唔係隻隻股票皆升，證券商Keefe, Bruyette & Woods(KBW)分析師昨日將兩大按揭公司房利美(Fannie Mae)和房地美(Freddie Mac)的股票評級從「與市場表現同步」調降至「低於大市表現」，並將兩者的股價目標同時從1美元調降為0，認為即使兩家公司獲得銀行業界提供的注資，這兩家公司的普通股也很有可能一文不值。「如果這兩家受政府資助的實體想要繼續維持生存，他們就必須利用其在二級市場的地位，從銀行業界獲得投資以補充資本。一旦發生這種狀況，這兩家政府支援實體的普通股和優先股都將變得一文不值。」去年夏天房地美和房利美公司破產之後，美國政府已向兩家公司注資980億美元。房利美和房地美公司股價齊挫22%。

　　昨日美元又插，歐元、澳元齊創年內新高，英鎊近日也大幅反彈，正好用來講講早兩日講起的「順勢而炒」的問題。我話一個炒波幅的短炒者，順勢炒波幅易過逆勢，今日想講講風險與轉勢。好多人炒作只計贏錢，不計輸錢，其實經常炒作的人，重點是計輸錢，贏錢唔識計唔緊要，識得計住風險，控制風險，輸得少，贏得多，就可以令自己長線贏錢。

　　我上次以澳元和英鎊來舉例，話澳元強勢，英鎊弱勢，短線順勢而炒，應該揸澳元，沽英鎊。揸澳元無問題，近期佢不斷上高位，但順勢沽英鎊就出現少少問題，因為佢有從低位彈番起之勢，英鎊近期原本長期在上方1.6120 美元和下方1.5800美元之間走動，在呢個區間走咗兩個星期，要炒波幅亦可以炒得好高興。但英鎊在10月11日後一兩日一度向下「假穿」低位，造出一個形似破位向下的走勢，但在13日開始回升，並在15日上穿了橫行區的上方1.6200的大位，並急促抽上，一日內升上1.6400的高位，以短炒的角度看，已經是一個急促破位向上的格局。

    　假設你係一個短炒者，在10月14日見英鎊又上高位時，在1.6020沽了英鎊，博佢又一要回落，順勢炒一個短浪，點知在15日瞓醒一覺，突然發覺英鎊急升到1.6400，咁就唔見咗2.3%! 當然，若果正常少少，你在1.6020沽了英鎊，就會定埋止蝕盤，正常的止蝕盤係定橫行區的頂部高少少，例如定在1.6210，到位即刻打靶，雖然都輸錢，但可以避開一大半，只係輸1%，既然你贏就贏1%或以上，打靶位亦定在1%，由於英鎊當時大勢向下，向下機率較大，即使1博1亦都有相當贏面(從10 月1日開始同一個位沽貨向下炒，要食1%都有3、4次機會食到糊)。呢個故事係講，唔好理大勢幾咁就你，唔好理你贏咗幾多，短炒一定要控制風險，要定好止蝕位。

    　第二個問題係英鎊係唔係轉咗勢，如果睇1小時、4小時、8小時圖，英鎊都已經明顯轉勢向上，但如果睇日線圖，佢呢次反彈仲係喺下降軌的反彈浪上方，仲保持到一級級向下的形態，未確認升穿浪頂要轉勢；要等英鎊再向上彈上1.6750樓上，突破9月14日上一個反彈的高位，就好有機會出現番一浪高於一浪的走勢。綜合而言，英鎊有轉勢的可能，雖然未能全面確認，但轉勢的風險已經出現，所以跟趨勢短炒者，要避開沽英鎊，直至從新確認其走勢為止。跟趨勢也不是一成不變，有時一兩個星期大形勢已有巨大變化，要睇住形勢不斷檢討，不斷修正。記住唔好堅持自己認定的走勢，要信市場告訴你的走勢。

陸羽仁

http://blogcity.me/blog/reply_bl ... rd=&searchtype=

Mr.Business

21/10/2009 11:17:42  

陸羽仁覆網友

牆頭草:老手話炒匯睇一年太長啦，佢睇澳元係一路向上，直至佢趨勢逆轉為止，誇張起上來可以炒到1算，佢好難長期維持(快者澳洲一路加息幾個月就到)。現價要回到0.90都唔係咁易，順趨勢炒作者在0.92邊已經可入，定好止蝕就得。

Muse:南車有一個一級級上的良好走勢，雖然PE較高，但中國未來幾年大搞鐵路建設，只要公司管理有可接受的水平，業績亦應有理想增長，可以分段吸，現價買啲，等調整又買啲。隻股較細碼，炒味較強，買齊最好定止蝕位。

Flyinthesky:只有幾發子彈想射埋，等大市從高位回5%時可吸。

Any:想供招行，所謂買供股權唔係一個方法，因為到除權時，供股權價值都係正股價減供股價計出來，唔會有好多折讓，建議等現價略回時開始逐少買。

你想減持中移動換入中鐵建，中鐵建回吐不少，中線業績增長會好過中移動，所以換馬係不錯的策略，但要忍受到中移動上A股時會炒一炒彈一彈。

當時入貨既睇大市亦睇個股，但過等大市回吐時入貨，通常可以買得平啲(除非個股急插時)。亦係那一句，等大市從高位回5%可開始入貨。

Hero:在大市大勢向上時，即使想減持，都唔好減持強勢股，要減減弱勢股。但你要問吓自己持貨多唔多，若持滿倉減少少唔拘，若持貨唔多，就唔好咁身痕去游水啦。

一草一木:思捷公布業績後慘跌，而家反彈咁唔錯，其中一個原因是歐元升值，有匯兌收益。

基金買金磚四國以美元結算，美元貶值對回報有匯兌好處(但中國除外，因為匯價暫時無升)。

Mr.Business

注：此篇文章版权归香港頭條網所有。

金融High Tea——巨股績差拖後腿
2009年10月21日

多家美企季度業績好過預期，美股周一再創12個月高位，杜指重上10000點關口，內地股市高開後窄幅上落，恒指跟隨高開60點，之後反覆向上。下午升勢持續，但至全年高位22450點便無力再上，尾市升幅收窄。恒指收報22385點，升185點，創了14個月最高位，期指收報22335點，升196點，比現貨低水50點，成交61944張。國企指數收報13040點，漲92點或0.7%。大市交投轉趨活躍，成交增至742億元。

地產股紛紛創新高

昨日推動大市向上的主要係本地地產股。恒指地產分類指數勁升5.8%，遠遠拋離大市。長實（001）股價及相關新聞主席李嘉誠於上周四再斥資近1000萬元，增持長實約9.7萬股，已經係集團公佈業績後第12次增持股權，最新持股量為40.5%。長實昨日創新高，升7%，新地（016）股價及相關新聞及恒地（012）股價及相關新聞 亦創新高升7.7%及3.3%，長實、新地、新世界發展及信置包辦了恒指升幅榜的首四位。

美股升、內地股市升，帶動恒指再創今年高位，兩隻巨股中移動（941）股價及相關新聞和礇控（005）股價及相關新聞卻如牽牛上樹一樣，不升反跌，拖住港股後腿，個市要再好，未來要睇纒美股或大陸股市會唔會再爆上拉高港股。

中移動昨日收78.75元，逆市跌0.7%，顯示市場都唔係咁睇好佢的第三季業績，結果收市後中移動公佈頭9個月業績，截至09年9月底止9個月純利 839.4億元（人民幣，下同），較去年同期的824.15億元增加1.8%；據彭博調查證券界估計中移動9個月純利中位數為843億，實際數字差過預期。

中移動期內營業額升8.9%至3,270億元。營業額升得多，純利升得少，顯示公佈開支大鰦。因為公司頭8個月新增客戶減少23%，所以減少通話費和提高手機補貼，以吸引客戶。中移動為擴展客戶，把新增客戶目標主要放在人口較多的農村，但此舉難免會拉低每個客戶的平均支出及公司的毛利率。而競爭對手聯通（762）股價及相關新聞和中電信（728）股價及相關新聞卻集中在城市搶中移動的高價客。

中環茶友話，中移動面對一個兩難題，由於面對競爭，營業額增長無可避免會放緩，要維持利潤增長，本來就要減低開支，但中移動唔想客戶流失，卻被逼減收費和加大手機價格津貼，卻會減少收入和增加開支。新增農村客戶消費較低，所以收幾個農民客，頂唔到一個城市客。總的來說，中移動業績唔靚，佢似乎無可避免要走入低增長期，頭9個月純利增長1.8%，最後一季即使識飛，個增長數字要除4（要補番前三季的低增長），所以中移動全年純利難寄厚望，佢已經由高增長股變成低增長股，未來主要係靠上A股的概念頂住纒。

礇控（005）股價及相關新聞美國業務仍有隱憂，因為美國商業銀行公佈的第三季業績顯示撥備唔低，里昂再出報告講礇控，重申對礇豐控股沽售評級，以及目標價66元，認為佢潛在跌幅26%。

由於里昂一直係礇控淡友，佢講的目標價可以唔理，但佢講的理由都值得睇睇，佢話美國聯儲局公佈9月份信貸趨勢，指銀行業有問題的信貸資產率升至22%，達 6,420億美元，按年升72%，相比08年及07年各為13%及5%，美國銀行問題資產急升，預示礇豐北美或需增加撥備，礇豐北美是美國第5大的消費信貸機構，里昂指市價現未充份反映潛在美國消費信貸的撥備因素。

招行借供股炒落後

但里昂上調渣打集團（2888）股價及相關新聞目標價，由216元升至237元，相當預測市盈率15倍，潛在升幅25%，重申買入，指其現價處過去5年平均水平，大約為市盈率12.2倍，估計其業務及產品優化後，可提升盈利，加上其主要業務分佈於新興市場，將不受美國信貸問題影響。

內地金融股表現好過本地同業，「六行」齊破頂再升，工行（1398）股價及相關新聞股東運通安聯無意減持，消除了股東減持的陰影，股價升2.4%，招行配股融資調整方案獲得股東大會批准，昨日在內地市場高開後一度升逾5%，此後略有回落，全天漲幅4.7%，香港H股（3968）股價及相關新聞亦升3.5%。

招行因為收購永隆銀行，令資金需求緊張，股價一度受壓，但隨覑金融海嘯過去，資產價格回穩，影響開始淡化，加上最近內銀股紛紛創新高價，海嘯前一度勁升的招行，反而變成落後，所以趁住通過供股計劃炒番轉。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

順勢而炒（３）
       
2009/10/21 上午 09:58:58
網誌分類: 經濟

儘管蘋果電腦及建築商Caterpillar等多家公司季度業績理想，但樓市資料令人失望，加上美元反彈，商品價格回落，美股受壓。杜指開市後即向下走，反覆下挫至10000點附近才見支持，最低跌過99點，午後跌幅收窄。

杜指收報10041點，挫51點或0.5%；標普500指數收報1091點，跌7點或0.6%；納指挫13點或0.6%，收報2163點。紐約證交所成交12.3億股。杜指期貨最新報9985點，比現貨低水56點。

Yahoo 在收市後公布業績，受惠於控制成本得力，佢季度業績好過預期，收市後成交價漲3.6%。雖然美股昨日回落，但美國上市公司公布第三季度業績多數超過預期，據湯森路透統計，截至昨日下午，已有95家標普500指數成分股公佈業績，其中79%超過預期，僅有11%低於預期，股市基調良好。

港股在美國的預託證券偏軟，ADR港比指數收報22224點，比香港收市低161點或0.7%。匯控收報88.63元，比香港收市低0.8%；中移動收報77.88元，比香港收市低1.1%。

美國商務部公部美國9 月新屋動工以年計上升5%至59萬間，低過市場預期的61萬間，增長步伐亦遠差過預期，建屋許可證亦在三個月內第二次下跌。另外，生產者價格資料亦意外回落，顯示經濟復甦力度不夠。其實過去4個月新屋動工數字都在59萬間左右，和2006年一個月有200萬間新屋動工相比，數字大幅回落，講好聽啲就係從年初的低位反彈，講唔好聽啲就係距離正常尚遠，由此估計，美國政府向首次置業者提供的稅務優惠會繼續下去。

房屋建築商類股挨沽，杜琼斯房屋建築分類指數勁挫2.1%，拖累大市向下。其中Pulte Homes跌5%，Lennar Corp跌2.9%，最大的家品供應可連鎖店Home Depot下滑2.4%。

美元兌歐羅從14個月低位反彈，原油及黃金等商品價格回落，Reuters/Jefferies CRB商品指數在七個交易日中首度下挫。標普500原材料生產商類股下挫1.1%。

網友阿Ray 問起「順勢而炒」時要執行紀律時的心魔，我估佢所指的心魔，是指定好止賺止蝕盤，但到時卻不能執行的心魔。其實心魔之產生，主要源於人類本性的貪婪和恐懼。你買一隻股，本來定好咗輸一成打靶，贏兩成開始定止賺位(例如定在贏一成的位置)，若順勢向上一路推高止賺位，若逆勢回落到止賺位就平倉離場，計劃定得好完美，但大多數時候執行唔到。

最多人守唔到止蝕，因為人有恐懼，怕輸，唔想輸錢，所以跌到止蝕位時，又想睇吓，因為一平倉就輸，一日未平倉都可以話「有賭未為輸」。我有個朋友係炒匯老手，佢講俾我聽一個故事，佢剛出來做咗一兩年嘢的時候，自己未識炒，有一個大學同學入咗外匯公司，要搵生意，我個朋友為咗幫吓同學開單，就俾咗2 萬元個同學代佢炒，炒咗無耐就唔對路，同學代佢沽咗日圓，點知那一陣子日圓係咁升，但個同學無同佢止蝕平倉，因為唔想輸，最後日圓實在升得太厲害，又在另一個高位同佢買番日圓，又唔叫平倉，叫做「鎖倉」喎，咁就挾住喺中間，理論上應該搵位拆倉，但個同學又無做，結咗係咁「鎖倉」鎖咗半年，2萬元按金輸清，呢筆錢係佢做咗一兩年嘢的所有積蓄，就咁輸哂，佢只有一句總結，「輸就要認」。

唔止賺走人就係貪，假設你買隻股升咗上去，曾經贏過5萬，回番贏得1、2萬，叫你止賺離場，好少人做得到，因為好後悔無走，成日想賺番5萬先走，結果就輸突。

上述炒匯老手朋友話，匯市係全球最大投資市場，一般唔係咁易俾人操控(當然也有例外，如92年索羅斯狙擊英鎊)，所以按道理散戶和大戶都係公平競技，但散戶都係經常輸，佢認為散戶衰在無紀律，克服唔到心魔。老手話要克服心魔，要明白一個道理，用一個方法，先講道理，就係明白散戶炒作通常會輸，要自己唔輸，要用普通散戶不同的方式去炒，先有機會贏。再講方法，就係嚴守紀律，甚至可以話機械式硬跟紀律行事，佢買入一個盤短炒，一買入即定止蝕位和食糊位，炒一隻匯，定咗跌1%打靶，升1%食一半，其餘睇位食，希望可以食多啲。由於這兩個位一早定好，買入時即刻講咗俾經紀聽，到時由經紀自動執行，唔使到位再判斷，就減少自己的意見和心魔的影響。佢仲講笑咁話，幾叻的人都好，只要有倉在手，佢o既意見就變成偏見，可信程度好低也。

陸羽仁

http://blogcity.me/blog/reply_bl ... rd=&searchtype=

Mr.Business

22/10/2009 11:04:36

陸羽仁覆網友

Ray:本來今日想寫網誌講點睇趨勢的問題，但美股的動態值得關注，所以遲一點才覆你。

Flyinthesky:我話等大市高位回落5% 可以開始吸，係針對一個長線投資者講，跌5%，跌7%，跌10%，可分三注，可能貴啲，但好大機會買到或買到一大部份。但如果係短炒就複雜好多，特別記住我係講大市，唔係講個股，個股要個別分析，例如內房股，隨著大批內房股上市而炒高，等上市熱潮過後會回，我對佢地唔係太樂觀，因為升得太多。千祈唔好見內房股回5%就揸，否則輸咗唔好問我。

Yuki:越秀投資消息正面，內地房地產市場仍然係只要你有資金，笨笨地去做一個項目，都可以起碼兩三成的市場，以越秀在廣州市的背景，做房地產應該OK。

但短期升得太急，小心佢回一回。

Space Ace:有彈藥應該等低啲入貨好啲，因為新股市場一般係落大注賺小錢的市場，市好分得唔多，市差你唔識揀佢分哂俾你，不如等低啲入正股好啲。

牛腩:性格分裂也無妨，又試吓月供和炒作兩部份比賽吓，睇吓結果係點。

人人常歡笑:你話想月供4揀3，國壽、招行、中海外和中海油，本來四隻都好，但要剔走一我會剔走中海油。因為大陸點講都係調控油價，油價升時食唔盡，跌時又要受，但論本質中海油都唔差。

Brian:金管局買美元代表仍有資金流入，可能和新股招股活動有關。

Kelvin: 呢一浪股市大反彈主要是印銀紙推動，所以維持一兩年要停，係正常估計，主要問題是能否軟著陸，抑或大炒上大爆煲，會唔會爆，同泡沫大唔大好有關，愈升得急你愈應該擔心，慢慢升可能好啲。另一個變數係大陸同印度，如果佢地唔太過熱，經濟又可以重回正常高增長軌道，對全世界經濟都正面啲，若佢地只係虛火狂升，咁又大鑊。一句總結，唔好咁狂升安全啲。

Mr.Business

注：此篇文章版权归香港頭條網所有。

金融High Tea——唔好睇小有形之手
2009年10月22日

美國樓市數據唔理想，美股上日低收，內地股市偏軟，恒指跟隨低開85點後反覆向下，不過跌至22200點已見支持，跌幅一路收窄。內地A股下午如過山車般急上急落，恒指午後亦跟隨A股走勢，倒升22點後再度回軟。恒指收報22318點，跌66點，期指收報22287點，跌48點，比現貨低水31點，成交 57590張。國企指數收報13002點，挫38點。大市成交縮減至677億元。

內房股續炒，越秀投資（123）股價及相關新聞宣佈重組，向現有股東分派及出售越秀交通（1052）股價及相關新聞45%持股，集資約16億元擴充土儲，集中發展地產業務，並建議改名「越秀地產」，越秀復牌裂口升破100天線，收市勁升28%。本地地產股繼上日成為帶動大市向上的火車頭後，昨日再接再厲，恒指地產分類指數逆市升0.5%。

曾特首在發表《施政報告》後講了幾句豪宅價格飆升不影響民生，佢主要關心中小型樓宇價格，坊間有鱓反彈，認為豪宅價格有傳染性，批評政府唔做№。話口未完，金管局就郁手，即刻同五大銀行開會，研究將2000萬以上的豪宅按揭成數，由70%降到60%。

金管局關豪宅水喉

市場好似當呢段新聞無到，地產股照升，買出天價豪宅天匯的恒地（012）股價及相關新聞，昨收57.9元，升2.6%。傳媒引述銀行界人士話，降低豪宅按揭成數唔影響豪宅市道，因為好多客人係現金交易咁話。我對這些評論不敢苟同，雖然話好多內地豪客用全現金買樓唔做按揭，但要做按揭的人仲有好多，金管局出招，買豪宅本金增加，炒家都會窒一窒啦。

政府唔係太敢搞中小型樓，因為一則呢鱓樓仲未係太貴，二則雖然未上車者想買平樓，但有樓的過百萬私樓業主唔想樓價跌，曾特首搞升搞跌都會俾人鬧。搞豪宅就唔同啦，因為正如佢自己話齋，豪宅升跌不影響民生，所以叫金管局陰陰手出纒招都唔拘。

陸羽仁在92年見過港英政府將樓按成數由90%降至70%，並推出提前徵收印花稅等打擊炒樓措施，雖然當時經濟好好，不過樓市都呆鰦年幾。到97年回歸後，董伯伯在《施政報告》公佈「八萬五」措施，大家又當無事，結果搞到樓價大瀉。

聞說曾特首見有71000元一呎的天價樓出現，搞到佢俾人媽，佢都甚有意見，所以金管局才出招。我一向唔敢睇少政府的有形之手，因為佢唔出招尤自可，一出招一定希望收到某些效果，起碼唔好見到豪宅再開價咁癲，若然阻止唔到，結果只有一個，就係又再出招。

豪宅價格已高，天匯又俾人將軍話佢無鰦41至59樓，突然跳上60樓以上，令頂樓變鰦88樓，發展商大老闆李四叔出來解畫，佢話鱓客鍾意，所以「跳得多鱓，有趣鱓」。

唔易搵到二傻

呢鱓咁有趣咁天價的豪宅買家，真係要祝佢好運，71000元一呎的呎價，在政府出招後唔易維持，希望買家真係3、4億現金咁?出來買，唔使同銀行借錢就安全鱓。我就奉勸大家唔好掂4、5萬一呎的豪宅啦，你接貨做鰦大傻，即使想短炒，都唔係咁易搵到二傻。雖然市場好多錢，我唔覺豪宅甚至整體樓市好快會瓜，但若豪宅被政府鎖定來攻，小心唔跌都會呆企。

中移動（941）股價及相關新聞公佈頭三季業績後，中資電訊類股盈利展望疲弱，加上里昂大力唱淡三大電訊股，成為拖累大市向下的主要元兇。里昂指中移動單計第三季純利286億人民幣，按年增長2.6%。價格戰剛開始，並且有機會惡化，加上手機補貼猛加，成本有上升風險，將中移動評為「跑輸大市」，目標價90元。聯通將於本月底公佈第三季業績，里昂相信表現有機會疲弱，評級「跑輸大市」，目標價11元；中電信（728）股價及相關新聞第三季現金收入（EBITDA） 202億人民幣，按年跌7.7%，差過預期的10%，有機會因上客強勁令成本上升。里昂調低中電信09盈利預測9%，反映競爭加劇，目標價相應由4.8元降至4.5元，但評級維持「買入」。

中移動公佈業績後，昨日股價顯著回落，在77元至78元間徘徊，尾市再下滑至全日最低位收市，收報77.25元，挫1.9%；中電信更弱，挫2.6%；聯通（762）股價及相關新聞跌0.7%。電訊設備龍頭股中興（763）股價及相關新聞亦受影響，跌3.4%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

單日轉向         

2009/10/22 上午 09:39:23
網誌分類: 經濟

雅虎（Yahoo）及大摩等公司業績理想，加上美元續跌，油價亦因庫存下降而觸及一年高位，杜指全日大部份時間造好，在高位10080點水平橫行，最高更上過10119點年新高，但臨近收市的一小時，美國著名銀行業分析師下調富國銀行(Wells Fargo) 評級，引發投資者大規模拋售，美股由升轉跌，走勢急轉直下，跌穿10000點大關，以接近全日最低位收市。

杜指收報9949點，挫92點或0.9%；標普500指數收報1081點，跌10點或0.9%；納指挫13點或0.6%，收報2151點，紐約證交所成交增加至14億股。杜指期貨最新報9888點，比現貨低水61點。

港股美國預托證券偏軟，ADR港比指數收報22239點，比香港收市低79點或0.4%。匯控收報89.05元，比香港收市低0.2%；中移動收報76.93元，比香港收市低0.4%。

        聯儲局公佈了最新一期的褐皮書。該報告書指出，美國房地產和製造業狀況的改善正推動經濟進入復甦的初級階段，小規模和離散的經濟活動改善遍及全美各地，改善程度領先的是住宅房地產市場和製造業，商業房地產業依然是經濟中最疲軟的領域之一，銀行業的狀況依然欠佳，主要表現是貸款需求疲軟和信貸質素下滑。多數地方聯儲報告薪資或價格壓力僅有小幅增長或沒有增長，一些地方聯儲甚至報告價格出現了下跌壓力。

　    當局對全國各地商業狀況的調查還發現，過去六周中許多經濟領域要麼已趨於穩定，甚至出現了適度改善，但是所謂的改善是建立在之前的經濟活動已降至很低水準的基礎之上。儘管如此，最新的褐皮書認為這場1930年代以來最嚴重經濟衰退已經結束，以及美國經濟已開始復甦的論斷提供了更多證據。

聯儲局褐皮書無乜影響到大市，真正推低大市的是富國銀行的消息，股神巴菲特下重注的富國銀行第三季業績不弱，賺了32.4 億美元或每股56美分，季度純利較去年同期增長了近一倍，表現亦好過市場預期的每股39美分。不過，著名的業界分析師Richard Bove指其貸款損失增加而下調該股評級，佢話富國在第3季的貸款質素急促下降，「它未來不似能維持第3季的業績，我會避開這隻股票。」雖然Bove將富國的評級轉為「沽售」，但將目標價維持在25美元。

富國銀行股價由升轉急跌，收市急挫逾半成，引發銀行股的拋售潮，美銀及摩根大通大跌近3%，KBW銀行分類指數回落2.4%。Wedbush Morgan的董事總經理Stephen Massocca就話，「這顯示我們目前對壞消息多麼的敏感，股市漲勢過度，一則無關痛癢的消息都能令其暴跌100個點。」

      油價升勢過急亦引發憂慮，期油價格升上80美元以上一年高位，雖然有利油股，但卻開始對股市購成壓力，市場開始擔心油價上升會影響本來已經疲弱的消費， Wal-Mart在美國時間兩點後宣布數以以億美元計的減價計劃，顯示零售業銷情其實唔係咁好，所以Wal-Mart要打減價戰，但佢係業界龍頭，打嚮第一槍後，其他零售商被逼迎戰，意味著它們的毛利率會下降，Wal-Mart股價亦跌2.1%。

        美股杜指昨日創了日中高位10119點，但單日轉向，由升轉跌，收市距高位 170點，單係咁已經比高位低1.7%，走勢幾差吓。跌市成交上升，顯示人心不太穩，大家都覺得個市貴，但又唔想太早走以免錯過升幅，只是等壞消息才止賺出貨，令人憂慮美股這個小浪可能已經見頂，美市又要調整吓抖抖氣。港股跟唔跟，就要睇吓大陸個市啦。

陸羽仁

http://blogcity.me/blog/reply_bl ... rd=&searchtype=

Mr.Business

23/10/2009 10:57:40  

陸羽仁覆網友

Any:你問中海油和中鐵建比，如果講半年睇中線，會揀中海油，因為油價向上，始終對佢有利，中鐵建如基建股，上市走入正軌後理論上唔會太大起大落，中國4萬億救市利好消息反映得七七八八，短線唔會有太大驚喜。

中移動上A股時若炒高到90元，可以全部換馬到其他增長較快的大股，換去內銀股可能都好啲。

Yuki:如果美股調整，港股點講都會受啲影響，但水多就會將影響降低，特別係呢個月美國和香港都有大量新股上市，可能回都唔回得太多，大行要頂完佢地上市賺完錢再講。

大陸經濟V型反彈，但大陸股市超前彈咗，而家回氣再上。3333上市後一年如果唔到某些價，大股東個人要賠錢俾部份投資者，所以如果大股東控制得到，佢都會做好啲股價，唔會上完市拍吓籮柚就走。

估股吓、動物先生:期指是零和遊戲，你炒期指輸了10萬，即係有人贏咗10萬，你係小魚，吃你的9成係大魚，建議戒吓先，忍唔到賭吓細期，減少注碼(希望你唔係賭細期都輸10萬)，千祈唔好諗起邊度跌到要在邊度企番起身，而係喺邊度跌到就要行開吓，練好工夫先至番埋去啦。

心急人:匯了錢佢美國買貨無貨收，如果你同佢做開生意，應知怎麼去追，美國講法律，佢唔俾貨最後只能打官司，如果佢執笠就凍過水啦。

阿tom hk:華能公布業績後急升，你諗住短炒就短炒啦，睇位食吓糊先，華能做發電生意，唔似喪升三寶咁可以升過不停，因為三寶做的是科技生意，想像空間較大也。

Mr.Business

注：此篇文章版权归香港頭條網所有。

金融High Tea——水流亞洲 消減衝擊
2009年10月23日

美國金融股臨近尾市急挫，拖累美股衰收尾，杜指再度失守10000點關口，內地朝早跳水後回穩，恒指早市低開81點，反覆向下，大跌315點至22000 點邊緣才見支持，之後逐步回升。午後A股再挫，不過港股未有跟隨，反而在中資股金融股反彈推動下，跌幅一路收窄，恒指收市重上22200點上方。

恒指收報22211點，跌108點或0.5%，期指收報22172點，跌115點，比現貨低水39點，成交68482張。國企指數亦曾一度大跌近230 點，尾市跌幅大幅收窄，逼近13000點收市，收報12960點，跌42點或0.3%。大市成交輕微增至699億元。

雖然美國同業上日大幅下挫，礇控（005）股價及相關新聞股價表現硬淨，股價仍然企穩89元附近，收市報88.9元，只係微跌0.4%，頂住大市跌勢。中移動（941）股價及相關新聞就繼續維持近日弱勢，尾市更逆市跳水，跌穿77元，收市報76.3元，跌1.2%壓住大市升勢。另半新股國藥控股（1099）股價及相關新聞受追捧，升7%。

昨日拖累大市的主要力量來自地產股。地產股連漲幾日後，昨日終於出現回吐，恒指地產分類指數下挫1.6%，遠遠跑輸大市，豪宅成交創出天價，但市場擔心政府會出手干預，於是地產股借勢回吐，暫時睇鈬，調整都係借意搵藉口鎹，因為如果政府真係干預，學曾特首話齋，威力可以好大，地產股又點止跌咁少。長實（001）股價及相關新聞 及恆地（012）股價及相關新聞 齊跌逾1%，信置（083）股價及相關新聞 挫1.8、新地（016）股價及相關新聞及港鐵（066）股價及相關新聞挫3%。

單睇美股上日（周三）走勢又的確幾肉酸，當日早段創了日中高位10119點，但單日轉向，由升轉跌，收市比高位唔見鰦170點。事緣著名銀行分析師 Richard Bove指富國銀行第3季的貸款質素急促下降，「它未來不似能維持第3季的業績，我會避開這隻股票。」將富國的評級轉為「沽售」，搞到富國銀行大插，並拖低大市。

昨日早段日股跌得多，最多跌過150幾點，不過港股都算撐得住，跌到22000點邊就守到，仲早過日本彈番高，杜指跌92點但港股唔係跌得咁多，都有相當抗跌力。

你睇纒美國投資者的資金流向，都睇到少少端倪，過去5星期，美國投資者對互惠基金的投資傾向，甚有啟示，美國股票基金有181億美元資金淨流出，全球股票基金有29億美元淨流入，債券基金及股債混合基金有707億美元淨流入。即係話美股一路向上，但投資者卻一路把資金從美股基金提走，少部份放入海外股票基金，多數流入債券及相關基金，等如話美國投資者對美股後市無乜信心。

相信那些流入全球股票基金的美國資金，都有少少益到香港，因為香港繼續有資金流入，金管局前晚在紐約交易時段向市場注資31億港元後，昨日上午又在亞洲時段再注資50.4億元，即係合共注資81.4億港元，令下周二（27日）本港銀行體系結餘增至2,228億元。中環茶友估計，資金流入和7隻新股上市集資 200幾億有關。在資金流入的前提下，即使美股調整，港股都有少少抗跌力。

阿爺確認V形反彈

中國發表第三季經濟數據，前三季度國內生產總值GDP同比增長7.7%，比上半年加快0.6個百分點。分季度看，一季度增長6.1%（是今次經濟回落的低位），二季度增長7.9%，三季度增長8.9%，已明顯露出一個V形反彈的形態，國家統計局發言人話，第三季度GDP增長百分之八點九，全年「保八」奠定良好基礎，「保八」增長毫無懸念（即係話無問題）。此外，9月份居民消費物價指數CPI同比下降0.8%，生產物價指數PPI下降7.0%。

巴克萊財富亞洲策略師Manpreet Gill話，中國第三季經濟增長8.9%，符合該行預期，相信內地的經濟將會持續增長，且於今年底前不會加息，但會配合適度調節的貨幣政策，佢估未來亞洲區最先收緊貨幣政策的國家將會是印度及韓國。

內地經濟數據理想，但遇上美股跌市，昨日早盤滬深兩市低開，其後股指震盪回落，日中上海股市多次下跌，但在5日平均線處獲得支撐，上證綜指收市跌0.62%，收報3051點，兩市成交繼續萎縮至2031億元人民幣。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

順勢而炒（４）
       
2009/10/23 上午 10:00:01
網誌分類: 經濟

美股走勢好飄，前日單日轉向大跌，昨日反向大升，麥當勞、3M 和Travelers等公司業績好過市場預期，金融股及零售股顯著造好，美股扭轉兩日的跌勢，杜指開市略為反覆，之後就逐級攀升，一路升到尾，至 10105點才回順，收復前兩日的大部份失地。杜指收報10081點，漲132點或1.3%；標普500指數收報1093點，升12點或1.1%；納指升 15點或0.7%，收報2165點。紐約證交所成交略為縮減至13億股。杜指期貨最新報10054點，比現貨低水27點。

    杜指昨日高位10105點，距離上一日的全年高位10119點，只是一步之遙，美股又重拾向上動力，似乎唔拾得跌。美股交易員話，股市在高位，人心有啲波動，人人都覺得股市超買，所以一唔對路就沽貨套利，但之前好多次個市跌一陣又再向上，基金都唔係太敢離場太耐，怕沽錯貨買唔番，而家進入咗第4季開始近年結，佢地唔想最後年尾埋數落後於人，所以一見無事又入番場，令大市非常反覆。

另外，美國經濟咨商局(Conference Board)報告，截至9月份美國領先經濟指標指數已連續第6個月攀升，創下該指數自2004年以來最長連續上漲紀錄，表明美國經濟狀況仍在持續好轉。報告表明，美國9月領先經濟指標指數環比增長了1%，此項報告的10個分項指數當中有8項指數好轉。

紐約聯邦儲備銀行總裁杜德利表示，聯儲局對抗危機的緊急支出計畫可能不會出現虧損；保險商Travelers Cos Inc上調全年盈利預測；美國運通宣佈，第三財季的純利同比下降21%，至6.4億美元或每股53美仙，但仍遠高過市場預期的40美仙。加上地區銀行 PNC、SunTrust與Fifth Third的業績令投資者信心大增，金融股全線造好，美國運通漲3.8%，Travelers勁升7.7%，係表現最好的杜指成份股；PNC更飆升 13%！銀行股整體大漲4.7%；保險類股上升3.9%，在24個行業中排行第一及第二位，成為推動大市向上的主要動力。

世界最大的快餐連鎖企業麥當勞宣佈，第三財季盈利增長6%，至每股1.15美元，好過預期的1.11美元；而期內營運超過13個月的餐廳生意上升了3.8%，高過市場預期的2.9%。麥當勞美國餐廳的同店銷售額增長了2.5%。老麥股價上升2%。服裝零售商J. Crew亦因銷售額與利潤率提高而上調了每股純利目標，該股暴漲15.2%。帶動整個零售行業上升1.7%。

標普500成份股表現最好嘅係紐約時報，公司表示因成本削減和報紙售價上漲所致，季度營收和獲利超預期，不過，廣告銷售下降，該股飆升22.5%至10.72美元。

港股美國預托證券造好，ADR港比指數收報22428點，比香港收市高217點或1%。匯控收報89.93元，比香港收市高1.2%；中移動收報76.68元，比香港收市高0.5%。

網友阿Ray問「順勢而炒」的題目時，問起炒股票和炒匯係唔係一樣，係唔係唔只睇個股走向，仲要睇大市大勢，而睇大勢又睇乜嘢技術指標等等。

順勢而炒最緊要睇個勢，炒股和炒匯一樣，唯一分別是匯市是最大的投資市場，人為操控較少，但股票市場(如香港)的體積較細，受操控的可能性較大，可以睇圖，但唔能盡信個圖。

若炒大型股，如藍籌、紅籌、國企，一定要睇大勢，藍籌跟恒指走勢，紅籌國企除咗跟港股走勢，亦跟內地股市走勢，內地股市早前升到突上咗3400點樓上，好多國企都跟住炒上全年高位，後來內地股市回佢地就跟住回，而家港股創咗今年新高，但不少國企都未去番今年高位，由此可見佢地受內地影響多過香港。

睇圖睇走勢，要知道自己睇緊長、中，抑或短期走勢，短期睇一、兩個星期，中期睇一兩個月，長期睇一兩年。如今是一個衰退後復甦的股市，長、中期大趨勢向上，但升到咁上下，都可以有一個短期調整，升兩三個星期，調整番一兩個星期，睇圖時你要知道你自己身處在什麼位置。

我睇圖的方法好簡單，拉一個一年圖，睇到一級級上就係升市，睇到一級級落就係跌市，以此確定大市中長期的大方向。大市可以轉勢，例如佢一級級落，落到某一水平不再創新低，反彈之後，開始一浪高個一浪，下一個升浪，升穿番上一個反彈浪浪頂，就可能係轉勢，開始番一個一級級上的形態。我都會睇吓平均線和其他技術指標，但認為幫助有限，如果有一種技術指標好得，人人去用，齊入齊出，咁就唔成股市啦。

鬼佬炒嘢比較科學化，例如經常統計長期走勢牛市通常幾長，升幅幾大，升到幾多出現中期調整，睇中短期升市升幾長，跌幅幾多，調整市幾長，跌幅幾多，睇住數據做人。例如佢計出今年升市通常升3 個星期，調整個幾兩個星期，上升時升10至12%，下跌時跌5至7%(只是假設數據)，到佢見到個市升咗3星期，升幅有11%時，佢就會認為呢個升浪開始「老」，佢地會減倉，因為再博佢升的值博率已經不高，反之睇時亦用同一個方法去睇。所以佢地唔係憑感覺，而係比較科學化地判斷。升到咁上下佢地憑數據擔心股市快要跌時，當然不一定佢地一沽即跌，有時沽完全再升，但專業的炒手通常都唔打算食到太盡，例如平均升幅係10%，升到8%已經可以開始撤退。

聽鬼佬炒作老手話，如果在一個中長期升市中，應該單邊去買，趁每次回調吸納，等升到咁上下減一部份倉，等佢回落時揸番，第一唔好沽清，第二買入後如睇錯唔跌反升，事先定好位「止蝕」重新追入。基本上在長期升市中較難買跌，因為跌浪通常短而淺，唔一定夠深度和時間俾你食糊。

但在一個中長期的跌市中，就好難單邊買跌，因為跌市跌得快而急，但亦彈得快而急，它的走勢無升市咁慢，你單邊買跌，遇上佢大反彈急升，你都唔易捱，隨時要被逼打靶。 所以跌市可以估跌時買跌，估彈時買升，當然亦可以分開注碼比重，買跌時買10成，買彈時只買7成。

炒作一定要睇大勢，最後一個提示，唔好想食到盡，在一個升市中，如估計有10%回調跌幅，在跌7%、8%時買到貨都算唔錯，買完再跌就捱吓，只要大市大勢向上，最後都會帶番你出紅海。

陸羽仁

http://blogcity.me/blog/reply_bl ... rd=&searchtype=

Mr.Business

27/10/2009 10:42:04  

陸羽仁覆網友

Yuki:樓市試過走在股市之前，2005年沙士後大炒就係咁，樓市回咗，股市回一回，慢慢有得再去，但地產股就麻麻地啦。今次唯一變動係上A股，如阿爺放長實等上去A股上市，又會點呢?我未見過咁情況，唔係好識睇。但大路計，買港股都係買紅色股好過買本地地產股。

想買股等回得深少少才買好啲，睇美股仲有得反覆調整吓。

IT Man:忠旺近日股價大跌，和內地經濟觀察報早前質疑它和某些客戶的合約量有關，但經濟觀察報後來已經澄清，承認報道有問題，不過忠旺股票就番唔番上去。大股東沽貨要公布，你應該可以睇到。

不一定要證監持牌人才可以提供股票分析，但持牌人公析時要披露自己和公司的持倉。

你問「如果我在香港賺錢, 去落後地區消費, 又把他們當地的廉價產品拿到香港賣, 這樣做是否等於掠奪他們的財富? 這會推高他們的通漲嗎?」如果按左派或新左派的理論，就有所謂掠奪的問題，但一般自由經濟理論係咁樣會帶動落後地區的經濟發展和就業，當地物價上升係因為人民收入增加，而唔係惡性通脹，所以係一個雙贏局面。

你問: 「大陸推出勞動合同法對經濟有何影響? 產業升級呢? 如果產業不升級, 大學生有何出路? 低增值的產業好似可以完全不需要大學生.」大陸係改善勞工福利之餘，逼自己產業升級，特別係經濟已有一定規模的沿海地區，大陸一年有500、600萬大學生畢業，如果經濟不發展，產業不升級，就業的確是大問題。

你問「為何大陸金山軟件(3888)股價及相關新聞 可以打入日本市場, 而香港卻沒有多少IT產品出口? 」大陸市場大，而研發成本點講都比香港低(大學畢業生2000元人工有交易)，香港既沒有大市場培育較高檔的軟件產品，企業也不願出鉅資做研發，這是細市場地區的悲衰，你睇新加坡又係一樣。

牆頭草:就嚟可以在西環尾搞個盤叫做太平山峰，然後之用針對咁大個字加個「下」之在後面，真名叫做「太平山峰下」，其實你去到元朗都可以用呢個名，香港有邊個地區唔係在大平山下呢又。

小潘:想買樓唔好靠政府，要靠自己提升財富，樓價升好多人叫政府打低樓價，到市區樓跌番到2000元呎時又無人敢買架啦。

遠交近攻:中煤走勢好靚，但可等回吐時才買。燃氣股本來唔差，但最近一浪炒上來升得太急，怕佢地短線派咗貨，要等回深啲才好掂，等唔到買中煤穩陣少少。

睇國美唔應該咁睇，佢老闆黃光裕早前出事，插到落1元，換手再炒，高位升到近2.5元，彈咗唔少，這種股票唔能夠只看基本因素，你都搞唔清邊個喺度炒，只能以「炒股」視之。

ccb:i國航雖有油價對沖，但不能完全對沖，所以油價升對佢仍係壞事。油價在75美元樓上，對所有航空公司都不太有利。而家日航講緊要倒閉，對區內航空股有壓力，所以國航上升上方受制，下方有壓力，但業績應該唔會太差。

Space ace:美元反彈，日圓跟住落，美元和美股走勢有少少相反，美股仲有得調整吓，美元應仲有一浪再彈番高少少，到時可買日圓。

Mr.Business

注：此篇文章版权归香港頭條網所有。

金融High Tea——港英思維 特區行事
2009年10月27日

雖然微軟及亞馬遜等公司業績好過預期，9月份美國成屋銷量上升9.4%，但投資者趁好消息出貨和資源股因價格下跌受壓，美股上周五下挫，杜指再度失守10000點關口，下挫109點，創了今個月以來的最大單日跌幅。

奧巴馬上周六宣佈美國進入甲型H1N1流感全國緊急狀態。美國疾控中心（CDC）上周五表示，甲流疫情已在全美50個州中的46個州出現大範圍蔓延，就如普通流感季節的高峰期，但出現時間提早很多，且預計未來將出現更多的傳染。

內地在醫藥股領漲支撐下，股市反覆靠穩，上證綜指微升0.1%至3110點，再創逾兩個月收市新高。亞洲其他股市個別發展，摩根士丹利除日本外亞太區股指在上周創下的15個月高位下方靠穩。本田汽車等出口股因日圓貶值而帶頭上漲，日本日經指數漲0.8%至10363點的四周以來最高位收市。歐洲股市初段亦造好，倫敦、巴黎、法蘭克福指數都微升。

講完重陽節期間外圍股市的發展，也想講講樓市，金管局在上周五公佈，將樓價2000萬元或以上的物業按揭成數，由原來七成，下調至六成，2000萬元以下物業則沿用七成按揭上限，但按揭貸款金額不可超過1200萬元。另外物業買家可以用按揭保險來多借兩成按揭，如今也改為只是自住物業才可以多借兩成。

政策出台後，評論員、銀行家、地產商、地產代理，絕大多數人話收緊豪宅對樓市無乜影響，或者有影響只是「心理影響」，最典型的評論係話「買豪宅全屬實力買家，不少借貸比率為樓價五成或以下，所以無甚影響。」

這些評論者或有既得利益，唔想樓市跌，所以大力唱好，陸羽仁見過80年代和90年代兩個樓市狂潮，體驗過92年港英政府收緊按揭成數到七成和97年特區政府提出八萬五政策（增加房屋供應到每年八萬五千個）對市場的影響，記憶猶新，政府出手千祈唔好當無事發生。我鶽家仲記得，97有個財經評論家話「八萬五一鱓影響都無，千祈唔好信政府干預市場有作用」，但大家都知結果係點，所以應該認為：「千萬不要以為政府干預樓市無作用。」

持貨多者要減磅

有一個「大孖沙」聽到金管局要降低2000萬以上的豪宅按揭成數，打電話和我傾起這事，佢話：「買得起豪宅都係有錢人，應該唔會因為降低一成按揭而唔買樓躀？」我回應話：「好多人買豪宅唔係自住，而係炒，或者係半住半炒，買間樓得閒來香港時住纒，升得三幾成又會沽，好多內地人都係咁。所以唔係買唔買得起的問題，係買完之後會唔會升的問題，買完唔升，買來做乜？假設你獱住2、30間2000幾、3000萬的豪宅，聽到政府話收緊豪宅按揭，你會話我唔怕買多幾間？話無事躀我唔買唔賣？定係話我都係沽番幾間出街減纒磅啦？」

大孖沙話：「咁又係，如果我有咁多貨都係減纒磅安全鱓啦。」所有投資市場都有買有賣，有人唔信有問題，會繼續買，亦有人怕出事，會沽貨出街，無論如何，政府出手後，會增加出貨者的意欲，吸收購買力。按陸羽仁的經驗，樓市升開有慣性，政府出手後，都會當無事再衝纒，但樓市再上或呆企3個月至半年後，就有下滑壓力。

特區政府今次咁快出手管豪宅按揭，我都有少少意外，曾特首在公佈《施政報告》後仲話：「我唔理豪宅價錢，因為豪宅價格飆升不影響民生……我只關心中小型樓宇價格。」言猶在耳，金管局新總裁「?命陳」（陳德霖英文名Norman Chan的諧音）已經出手收緊豪宅按揭，到底係「?命陳」唔聽曾特首講自把自為去收緊豪宅按揭，還是曾特首轉鰦ɜ呢？我估係曾特首轉ɜ居多，因為「?命陳」上一份工係特首辦主任，無理由一離開鰦禮賓府幾個月就咁反骨也。

高調出手 想博掌聲

曾特首原本係港英政府的高官，港英一向奉行大市場小政府的行事方式，認為對市場管得愈少愈好，況且管樓價是吃力不討好之事，管得鬆無用，管得緊樓價大跌又令發展商和過百萬有樓的業主唔高興，所以都係少管為妙。港英只是在炒得太熱、泡沫太大對銀行體系構成風險時，才被逼出手，出手時也是隱隱晦晦，點到即止。曾特首本來也是這種思維，所以在發表《施政報告》後，還公開講了「我唔理豪宅價錢……我只關心中小型樓宇價格」這些話，這是佢真正的想法，亦好符合港英年代官員的思維邏輯。基於這個邏輯，我當時估政府不會刺破樓市正在形成的泡沫。

言猶在耳，金管局已經出手收緊按揭，證明特區政府的手法已經變了，要以順從民意為先，既然曾特首話唔理豪宅價錢後，不受市民歡迎，政府就馬上轉ɜ，出手干預豪宅價格。

你可能會問，92年銀行都把住宅按揭由9成收緊到7成，後來更把豪宅按揭收緊到6成，這些事情過往已有先例，沒有甚麼大不了。你睇番當年政府的做法，就知和今天的不同。92年香港銀行第一次收緊按揭時，人人都知是政府主導，但表現出來形式卻是銀行自行公佈，政府歡迎，搞到好似銀行公會的決定，收緊按揭的理由是控制銀行貸款風險，並不是壓抑樓價。政府隱身其後，從不承認佢要打低樓價。如今收緊按揭由金管局總裁「?命陳」企出來公佈，他不但直認是事件的主催者，簡直想代表政府?分，以爭取不滿樓價高企的市民支持，所以我話這一班高官雖然是繼承了港英政府的思維路向，但現已變成特區政府的行事方式，深受民意左右。

豪宅價格 飛龍在天

我不是評論對錯，只是估計事態的發展，以利大家作投資決定。既然政府咁想壓抑樓價以爭取市民支持，可以預計，如果豪宅六成按揭的措施不見效（初期表面上應會如此），政府已把自己的面子押上去，就一定要賭下去，一定要出招出到壓住樓價唔升為止，不過世事往住無咁完美，樓價好少企定唔郁，唔係升就係跌，所以政府打擊樓價政策要成功，最後好可能打到樓價下跌收場。

鶽家另一種呼聲愈來愈大，就係復建居屋，這個政策不止泛民同意，親建制的基層政黨也同意，所以即使政府本來唔想做，怕打低樓價，最後都可能會做。中環茶友拆局，話居屋本來作為低收入階層一個另類置業選擇，有其好處，重推居屋也不一定對樓市有很大衝擊（比銀行收緊按揭的威力細一點），但會有愈來愈多政治壓力要政府大量建居屋，在黃金靚地建居屋，也難保政府面對壓力不會就範，若然政府宣佈會大量興建市區居屋，對中下價樓的壓力亦相當大。

綜合看政府政策的新發展，真係唔使咁急買樓。這一次樓市抽升，特別係豪宅價格喪升潮，已經係《易經》所謂的「飛龍在天」的格局，或者可以飛多一陣，但已差不多走到盡頭。天匯71000元一呎，上晒國際報紙，話香港樓價貴過紐約、倫敦，發展商的確出晒位，或者有助佢賣樓於一時，但就陷香港於被動境地，搞到阿爺都知香港樓市喪升，你話曾特首有無壓力？無論如何，買樓是長線投資，銀碼好大，必須三思而行。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

調整         

2009/10/27 上午 09:41:15
網誌分類: 經濟

美股昨晚又跌，令美股在香港重陽節假期間，兩日累積跌咗214 點。昨日美國市場擔憂政府為購房者提供的稅收優惠即將結束，樓市可能失去主要的刺激因素，建築類股受創；上週末有多家細銀行倒閉，銀行股挨沽，而商品股亦因美元走強而受壓。美股昨日先升後跌，杜指朝早反彈上10000點上方，但橫行一段短時間，隨著美元反彈以及投資者擔憂金融行業前景，杜指急轉直下，插水近200點至9860點水準才喘定，其後在低位徘徊至收市。

杜指連續第二天大跌，收報9868 點，下挫104點或1.1%；標普500指數收報1067點，跌13點或1.2%；納指跌13點或0.6%，收報2142點。紐約證交所交投溫和，成交只有13.9億股。杜指期貨最新報9832點，比現貨低水36點。芝加哥期權交易所波動性指數VIX，又稱「恐慌指數」跳升9.2%至24.31，係近兩個月以來最大單日漲幅。

港股受美股拖累，匯控美國預托證券大跌，收報87.03元，比香港收市低3.7%；中移動收報75.25元，比香港收市低2%；ADR港比指數收報21987點，比香港收市低603點或2.7%。

一家經濟研究公司昨日在一份報告中表示，美國政府已經決定，在13個月後逐步退出購房者稅收優惠計畫，而且不再延長。沒有了購房稅收優惠，投資者擔心在困境中掙扎的樓市可能失去主要的刺激因素，影響復甦的希望。

Themis Trading交易部聯席經理Joe Saluzzi話，「根據經濟學家的預期，美國正在走出衰退以，樓市目前又在恢復之中，很難說服國會延長購房者稅收優惠計畫。如果他們更多地談論逐步退出，而不是延長該計畫，這肯定會損及市場。」

另外，荷蘭國際集團(ING) 公佈了一項重大拆分計劃，擬通過出售旗下保險業務或使其上市來償還政府救助資金。ING的重組計劃將為部分美國接受政府救助的金融機構設置一個先例。 Cantor Fitzgerald & Co的美國市場策略師Marc Pado話，「如果銀行將主要精力放在償還政府救助金上，它們將不再放貸，將會縮減抵押貸款規模，提高抵押貸款標準。這就形成了骨牌效應，將令房屋建築商遭受損失。」

杜瓊斯美國房屋建築商指數大幅回落3.4%，其中美國第三大房屋建築公司Lennar Corp挫4%；第九大房屋建築商Beazer Home跌4.4%。

上週末有數家美國銀行宣佈破產，當中包括私募股權機構GMAC 旗下的不動產貸款提供商Capmark Financial也申請了破產保護，使今年至今倒閉的美國銀行總數達到106家。Rochdale分析師Richard Bove調降了地方性銀行Fifth Third、US Bancorp與SunTrust的評級，Fifth Third下跌了7.9%，SunTrust下跌了5.4%，US Bancorp下跌了3.2%。標普金融分類指數下跌了2.5%，KBW銀行股指數下跌了4.1%。摩根大通挫3.1%，美銀大跌5.1%，係表現最差的杜指成份股。ING更勁挫10.7%。

美元走強，兌歐元上升1%，兌加元上升1.5%，令商品價格受壓，自然資源類股下挫，雪佛龍和Exxon下挫1.6%及0.5%；美鋁下挫3.3%。

        自從美股杜指在上周三(21日)創新高10119點兼單日轉向後，中間雖然有反覆，但四日中跌了三日，以昨天低位9849點計，已經回咗270點，高位回落 2.7%，美股調整之勢已成，按走勢支持位應在9600點左右，呢一浪有機會再下試這種水平。港股時近期指結算，雖然會被美股拖住調整，但走勢會相當反覆。

陸羽仁

http://blogcity.me/blog/reply_bl ... 12303&id=210890

Mr.Business

28/10/2009 11:42:06  

陸羽仁覆網友

投資小朋友:恒指高位22620點，調7%是21036點，調8%是20810點，調10%是20358點，這些都是無貨者入市的參考位。

Yuki:我話美股調整了一段，未調整完，可以等一等，想買好平貨未必有機會，但又唔使太急入市。

李四叔太早睇淡港股，一早叫人沽貨，但沽咗錢無處放，就買吓澳元，正如你所講，澳元和股市係「正相關」，大家都炒緊復甦，如果復甦比想像中慢，商品的升勢受阻，小心澳元亦會轉勢。

Elle:美元大趨勢弱勢未改，但跌得多有像樣點反彈好正常，貴的東西通常會更貴，直至佢轉勢為止，澳元加元都係咁。你話好難等到澳元跌番0.86，我就話回到咁深真係要認真考慮好唔好買，小心當時已轉勢。要買澳元或加元，可等呢一浪回吐深少少時吸納，定番3%做止蝕位，到位就要走。

Chris: 你話剛大學畢業,怕做十年嘢都未買到樓，見到「深圳萬象城附近既樓盤(1房1廳) 現價七十多萬 (一年前只是四十多萬) , 但因為地段好加上多公司客, 月租有三千多元 (租金回報有5厘上下)」，問我點睇。用一個價錢，香港80幾萬只能買間公屋，升值空間極少，10年之後，呢間深圳樓樓價有機會升一倍(未計人民幣的可能升幅)，但香港的公屋盤好難升一倍，所以買深圳樓對沖買唔到香港樓的風險，係一個可行做法。

Tony:燃氣股早前炒了一大轉，升得好急，港華也一樣，要先回一回，但你4.93元買，都守咗咁耐唔郁，不如無眼睇，放埋一邊好過，無謂而家沽。

輝NSX:豪宅連「天比高」個名都用咗，你話叫「海拔8000米」都唔夠佢高喎。

S2000:國壽平保業績唔錯。中信銀行即使係黑馬，都係細馬，因為相當工行、建行，唔去到招行的規模，根本無得同大銀行比。

Myself:美元貶值唔等如人民幣貶值，因為人民幣好大程度同美元掛鈎，所以一般跟住美元跌，要等美國逼中國貶值時才貶，但我地估中國經濟就咁強下去，過二三年也難頂兌美元要升值的壓力。

從大陸用地下錢莊運錢來香港好容易，大約付1%手續費就可以。