【专题讨论】转载香港頭條網陸羽仁, 王雅媛的文章

Mr.Business

黃金周看好志高
2009年9月29日

十一黃金周馬上就要到了，Victoria在考慮可以因黃金周受惠的內需股。上周找出半新股志高控股（449）股價及相關新聞，從基本面和走勢來看，皆比較吸引。志高是從事空調產品設計開發、製造及銷售的。如果你問香港人他們認識哪些內地的空調品牌，他們都會說美的、海爾，志高可能是聽也沒有聽過，因為志高品牌主要面向內地的二三線城市，以銷量來計，志高是全國第四大空調銷售商。

　　兩個星期前，志高公佈了○九年上半年業績，營業總收入超過三十億元人民幣，較去年同期減少百分之二十一點一，但以淨利潤來看，其錄得利潤一億三千五百八十萬元，同比上升百分之零點七。成績不錯，毛利率和純利率都有所提升，即使減去了金融衍生工具的收入，公司半年每股都可以賺到兩角四仙，以昨天收市價計，如果上下半年持平，○九年市盈為八倍。

　　既然是內地二三線城市的品牌，為甚麼Victoria還會覺得它吸引？第一，現在國內在推行家電下鄉，而志
高這個牌子剛好是在二三線城市出名的，因此它比其他品牌更易突圍。第二，國家推出了一個節能惠民工程，向購買能效等級一級或二級以上空調的消費者，提供每台三百元至八百五十元不等的補貼，補貼費用由節能產品的生產企業以直接降價的方式，直接讓利給消費者；在國家發佈的高效節能空調推廣目錄中，志高一級能效中標產品是超過一百個，更重要的是根據國內知名的電器零售商蘇寧表示，從六月開始到九月，志高在全國空調銷量排名裏，一直佔據行業的首位。另外一個令我挺驚訝的數據是，八月份志高工廠開足馬力加班加點生產，產量竟是相當於去年同期的三倍。

　　根據以上那麼多因素，只要○九年剩下的三個月，內地空調銷售不是突然大跌，幾乎可以肯定志高下半年的業績是比上半年好的，因此現價的志高市盈率是連八倍也不到。

　　王雅媛（Victoria）

　　王雅媛為持牌人士，並沒有持有以上股票

Mr.Business

金融High Tea——鬼佬大行無預股災
2009年9月29日

日圓高升搞到日股下插，內地「國慶黃金周」在即，加上創業板將正式啟動，股市在「擴容抽水」壓力下持續偏軟，上證綜指朝早先升後跌，恒指昨日在外圍影響下低開225點，之後反覆回落至20700點下方橫行，半日收報20675點，跌348點。下午內地股市跳水，上證綜指插穿2800點，再創逾3周新低，收報2752點。滬深兩市總成交亦進一步萎縮至只有1076億元人民幣。恒指亦跟隨內地市下挫，下午中段反彈乏力，收市創三周以來新低，失守20600點。

內地3G大戰開鑼

恒指繼上日大跌545點，昨日再挫435點，收報20588點。現貨收市後期指反彈，收報20642點，跌296點，比現貨高水54點，成交72358 張。受A股大跌拖累，紅籌國企股跑輸大市，國企指數收報11753點，勁挫304點或2.5%。紅籌指數更差，收報3864點，跌116點。大市成交大幅收縮至只有509億元。

中資電訊股係昨日拖低大市的元兇，內地3G電話大戰拉開戰幔，中移動（941）上海分公司昨日宣佈，首款OPhone將在「十一」黃金周上海開賣。董事長王建宙表示，公司希望以每部1000元人民幣的低價發售，估計公司今年3G的補貼金額將達60億元人民幣，明年仍可能需要繼續補貼。中移動低開近1%後，股價逐級向下，跌到收市才喘定，收報75.8元，大跌3.2%，推低恒指57點。

聯通（762）亦宣佈自10月1日起在全國285個城市啟動中國聯通3G業務，推出包括iPhone在內80多款手機，對用戶補貼最高達4253元人民幣，預料3G大戰期間內地電訊股都有點壓力。另外聯通亦接獲韓國SK電訊要求，以現金近100億元場外購回並註銷所持3.8%股本，約9億股，每股作價 11.105元，較25日收報輕微折讓1.4%。聯通股價跌5%，係昨日表現最差的藍籌股，中電信（728）亦跌2.4%；電訊設備股京信通信（2342）因提早炒過籠而大跌9.4%。

重磅股礇控（005）上周五宣佈將CEO辦公室遷回本港，並有一系列高層人事變動，行政總裁紀勤將常駐香港，礇控股價雖然跟隨大市下跌，但跌幅溫和，收報87.1元，跌1.1%，跑贏大市及同業，反映外界對「獅子回頭」反應正面。

昨日市場焦點是內地股市的偷步沽貨潮，國慶在即，大家都預鰦阿爺要頂纒，認為佢起碼在9月30日會出手頂一頂，但市場有不少盤路照沽，恐怕係驚節後還要調整，所以率先減貨，上證綜指收盤報2763點，跌幅2.7%。

中環茶友話，期指今日結算，但美股無火，內地股又唔爭氣，港股雖然唔係插得好勁，但都順勢向下。

歷史上10月出現過幾次股災，所以不少股民見9月已經回回地，怕10月又有股災，不過鬼佬大行似乎又唔係睇得咁淡，要有股災先要美股大跌，但美資大行JP 摩根仍然睇好股市，佢話陪審團出鰦去傾纒投資者是否已放棄買股票作長期投資，但佢地認為今年餘下日子仍然會保持買股票的立場。

現時買股未算太遲

JP摩根自問自答一堆投資者好關心的問題，我揀一兩題股民關心答題去講纒。「如今買股票是否太遲？（主要指美股）」JP摩根答話「No」（唔遲）。而家仍然有復甦概念和再通脹概念，企業盈利估計會再提升，獱住現金無乜回報睇住股市升又極度痛苦，在在推動買入股票。指數向上，但企業盈利預測亦同步向上，令股票不會太貴，全球投資者亦未過度持有股票。

「幾時投資者會認真考慮停止再買股？」JP摩根認為當股市大升、但成交薄弱時就要小心，那時大量買入都只是技術性地追隨趨勢，可以很易逆轉。但佢認為金融海嘯太厲害，推遲了投資行為恢復正常的時間，而家好多資金主要買較低風險的債券，所以債券只提供低息（意味債價仍高），股票的股息吸引得多，慢慢會吸引投資者「正常地」回到股市。

用我的語言去講，金融海嘯太嚇人，投資者未回復正常，股市未過熱，唔會咁快爆煲有股災。如果美國無災，而家買美股未太遲，亦唔見得港股會有災。港股調整緊，再跌多鱓唔奇，但如果唔係災，調整得深鱓時，正是吸納的機會。

陸羽仁

Mr.Business

國債         
2009/9/29 上午 10:08:52
網誌分類: 經濟

美股受多家企業的併購消息刺激，美股扭轉連續三日的跌勢，強勁反彈。杜指開市15分鐘內即急抽逾100點，之後逐步升至9800點水平橫行，下午最高上過9824點，升近160點，尾市升幅收窄。

杜指收報9789點，漲124點或1.3%；標普500指數收報1063點，升19點或1.8%；納指創出兩個多月來最大單日的點數和百分比為漲幅，漲40點或1.9%，收報2131點。由於昨日係猶太人贖罪日(Jewish Yom Kippur)假期，紐約證交所交投淡靜，成交不足10億股。杜指期貨最新報9740點，比現貨低水49點。

昨日有多家企業宣佈併購消息。其中施樂(Xerox) 宣佈以每股63.11美元，共64億美元收購企業服務供應商Affiliated Computer Services。施樂表示，預計這筆交易將提高公司在商業外包業務領域的市場份額，但投資者似乎並不睇好施樂這單交易，施樂勁跌14%，而Affiliated Computer則大漲14%至6.61美元。

雅培製藥(Abbott Laboratories)亦表示，將以不超過70億美元收購比利時的蘇威公司(Solvay ) 旗下製藥業務，以擴展其新興市場的份額。雅培股價上升2.6%。另外，強生(Johnson & Johnson) 宣佈以逾3億歐元購得荷蘭生物科技公司Crucell約18%的股權，如果兩公司將要開發的流感疫苗達到目標，強生表示會支付發展進度費用和專利使用費，強生收市升1.1%，Crucell則挫6.6%。

據英國媒體報道，卡夫食品公司(Kraft Foods)提出收購英國朱古力製造商吉百利(Cadbury) 無進展，準備以大約174億美元敵意收購吉百利。卡夫昨日逆市下跌1.4%，係表現第二差的杜指成份股。

        公司併購的消息湧現，顯示市場重現投資的胃納，而銀行亦願意融資支持併購，係市場回復正常的主要徵兆，利好股市。大摩亦上調了金融股評級，預計未來12至18個月，銀行業貸款損失將下降，大型銀行的資本重建也基本完成。金融股係標普500指數中表現最好的股份，其中美銀漲3.7%，美國運通及花旗集團升逾4%。美國運通及美銀係杜指嘅升市亞軍及季軍。而冠軍係思科(Cisco) ，巴克萊(Barclays) 指思科北美地區企業需求增加，歐洲業務亦增強，將其評級從中性上調至增持，思科漲4.4%。

港股美國預托證券跟隨反彈，ADR港比指數收報21064點，比香港收市高476點。匯控收報89.22元，比香港收市價高2.4%；中移動收報77.41元，比香港收市高2.1%。

不少朋友問我好唔好買國債，可以講吓。祖國在60大慶前夕在香港發國債，入場費每手1萬元，期限分別為兩年、三年和五年，其中五年期只向機構投資者發行，票面息率3.3厘。另外，供散戶購買的兩年期國債票面利率為2.25厘，三年期為2.7厘，每半年派息一次。

中環茶友話，國債風險極低，加上人民幣長線有升值空間，雖然在兩三年債期內不一定會升值，但應該不會貶值，所以如今付2厘幾的利息，算做不錯的利，即使利息降到2厘，應該亦去到貨，如今以這個息價在港發第一批國債，有少少益香港人的味道。

但買不買國債，主要睇你的錢做用來做乜，如果啲錢原本打算放在銀行做港元定期存款，或美元定期存款，不會作其他投資，咁就買國債抵啲，因為有2厘幾息，比銀行存款高息，而且人民幣匯價比港元和美元強，匯價上有優勢。

但反過來說，如果你資金有限，不買國債會做股票或地產投資，咁就唔好買債券，即使係較好的人民幣國債都唔應該買，因為如今經濟復甦期開始，你拿筆錢去買紅色股，兩三年後回報有三、四成一啲都唔奇，不只6、8%咁少回報，若人民幣升值，紅色股會升得更多。另外又可以拿錢在大陸大城市買樓，租金回報亦比國債息率高，槓桿效應更大，所以國債的條件雖然吸引，但買唔買國債，主要看你的資金本來的投資傾向。

陸羽仁

Mr.Business

2009/9/30 下午 12:01:25  

陸羽仁覆網友

Ray:我並唔覺得大陸A 股(即係A50基金亦差不多)今年內要再試新高，其實自佢從3400點急跌開始，我同大陸朋友對A股走勢的看法已有點不同，大陸朋友覺得只是好短(初時佢地覺得只是一兩星期)的調整，好快要再創新高，我就覺得係一個小泡爆咗，要較長時間才康復，這個小泡係放水谷出來，好彩無升到4000點、5000點，唔係爆得更恐怖。我仍然估大陸個市要反覆尋吓底，看國慶後這一浪下試去到邊，才可確認見底未。若在10月搵到底，反覆向上，今年唔使創新高，已經好唔錯。

港股大市受紅色股左右，想跟大陸向下，但在結算又頂番高，單係短炒在結算前一日急插後在結算又急彈，一個小浪都食你幾百點。個市混雜咗炒長和炒短的大戶，外資似乎都係長倉為主，但小心上半個月仲要再試吓底。

Flyinthesky:若講國債單睇大趨勢，在預期高通脹會來臨的時期，買債券基本上係蝕底，但問題係有啲人有啲根本唔投資，只係存款，咁買少少又唔係太壞，應該咁講，做港元定期係更差的投資，只係比亂炒輸哂好。

投資小朋友: 你問金隅，新股有新股的規律，只係只睇PE，新股若然爆咗，有好多蟹貨，正所謂段段蟹貨，有些持貨甚多的大戶，長線都想炒，但短線可能做相反，由得隻股插，在低位收吓貨，等要沽的人沽清，餘下的都是持貨能力較強者，炒上時亦無咁快沽，炒上去時阻力就細啲，所以要捱吓先啦。加上氣候唔啱，炒都無謂。

Loss confidence:華南城上下限價差咁遠，真正問題係公司自己其實唔係好夠信心，唔知市場接唔接受到佢理想的高價，但市道變化了，見咁多傻仔入咗飛，繼續上以上限定價，就真係變咗扑傻瓜啦。

Syp:聽到你話用全副身家在4.3 元買咗隻361度，想5.5元放，問我點。我聽到「全副身家」四個字，有少少打冷震，唔係好識答。用基本方式答你，你問吓自己，係炒定係投資，若炒應該先定好定蝕位，到位止蝕，等買下一隻下一個機會。若係投資，要睇吓佢基本因素有無變，361本質普通。若唔知自己投資定炒，基本原理係輸錢萬莫加注，可能減啲仲好，輸一成時，減一半降低吓風險，貫徹「輸就縮」的理論，留番啲錢等低啲買吓龍頭股好過。

Alice:買入單位厠所漏水，成交前期主話負責，最好搵間公司quote個價，如對方同意，叫佢keep個數在律師樓，你做完實報實銷攞番錢，佢同意才成交好啲。

Kaybeo:中冶質素一般，雖然唔算好差，但定價不便宜，若股數唔多揸吓又得，等市差啲時換馬亦可。

團長:中移動和匯豐上A股，會上國際板，而A50係買50隻A股，所以中移動等上A，和A50股價無關。

Mr.Business

金融High Tea——新股殺人等洗牌
2009年9月30日

在港股期指結算前夕，美股突然因為企業併購消息而大升，雖然內地股市反覆偏軟，但恒指去勢強勁，高開302點後持續向上，衝上21000點後在高位徘徊至收市，終止了連續四天的跌勢。

恒指收報21013點，漲424點或2.1%，現貨月期指以21013點結算，10月期指收報20913點，升288點，比現貨低水100點，成交57983張。國企指數收報11988點，升235點或2%。大市成交未能配合升勢，成交續縮至只有495億元。

昨日表現最好的股份類別係地產股，恒指地產分類指數漲3.02%，明顯跑贏大市。其中新地（016）及恒隆地產（101）齊升3.7%，長實（001）漲 3%，恒地（012）升2.7%。重磅股礇控（005）亦唔弱，最高曾升逾90元，收市略回，收報89.4元，升2.6%，支撐大市向上。

大市橫行頂住結算

中環茶友話，昨日期指結算，影響鰦大市走勢，恒指幅圖好怪，自早上10點3抽高鰦之後，在21000點上下差不多好似幅心電圖咁打橫行，窄幅上落，一直頂到3點後先至軟番少少。平時個市唔升就會跌，若果在高位抽唔上去，就應該顯著回落，而唔係頂在高位唔上唔落，昨日個市大有好友頂住期指在21000點結算的味道，結算完鰦就游自由式。

個市炒埋今日就放國慶假，香港只放假一天，但內地卻會放一個星期假，在內地無市期間，大家就估纒內地市假後應該升還是跌，跟住就預先炒上或炒落，唔止炒A50基金（2823），連其他國企股都可能受影響。

新股認真唔老鈬，中國體育用品商匹克（1968）雖然公開發售部份錄得超額認購22倍，佢亦無用上限定價，只係用中位4.1元定價，但昨日上市一樣唔掂，市前交易都已經跌到3.7元，但昨日只係在開市時才有這些價位，跟住一路下滑，彈都唔彈，以接近全日低位3.4元收市，較招股價4.1元低17.1%，全日最高及最低3.74及3.38元，成交金額5.38億元。

散戶認購匹克一手（1000股）的中籤比率為59.99%，抽兩手（2000股）就一定分到一手，中籤比率（唔係中獎比率）唔低，唔計利息成本，以昨日收市價計，一手都唔見鰦7舊水，真傷。若果借大舊錢去認更大鑊，因為分到的股份比想像中多，真係要上身。

另一隻新股華南城（1668）今日就上市，佢認購超額倍數較多，公開發售超額認購34倍，認購一手（2000股）的中籤比率為20%，「勝在」唔係分到咁多，不過隻№最大鑊就係以招股價上限定價，佢的招股價範圍本來介乎1.4元至2.1元，昨日決定以上限2.1元定價，定到咁貴就大鑊啦，價位高低決定了新股生死，定得咁高風險大大增加。

新股求售 一定要平

昨日黃昏時華南城的市前交易價只係造1.46元，即係低過招股價30%，認真大劑，試想若果佢以中間位1.75元定價，即使都係造1.46元，都只係跌16%，無跌得咁傷。

中環茶友話，而家新股市道係點，人所共知，雖然話新股訂價主要睇認購反應，華南城公開發售那部份有34倍認購（配售部份反應相信都唔太差），可以定高鱓價，等公司可以集多鱓錢，但咁做顯然無照顧散戶的苦況，真係有今生無來世囉。雖然唔知華僑城今日上市會唔會好過市前交易價，但係相信抽鰦的散戶都係要捱。

新股咁樣隻隻跌破招股價，隻隻都殺人，我估跟住都無散戶夠膽抽新股，因為無人咁笨輸完要再輸，所以新股市場好快會冷卻，恐怕都要靜一陣先。中環茶友話，一切都係睇個價，呢排市場熱，新股上市?價?得太盡，完全無因為係新股作價有少少折讓，變鰦完全無留水位俾散戶。到新股完全去唔到貨，特別係公開發售部份唔足額認購，咁就要重新洗牌先至可以打破困局，估計將來新股一係唔上，要上一定要平，諗深一層咁樣做正常而合理，新股上市要大手沽股票，供應咁多，只能平鱓先至去到貨。新股以折讓價上市，等認購的散戶夠膽認購就有錢賺，咁樣就可以打破悶局。

陸羽仁

Mr.Business

小泡泡         
2009/9/30 上午 09:56:31
網誌分類: 經濟

美國經濟咨商局（Conference Board）公佈9月份美國消費者信心指數下跌，遠差過市場預期，加上Intel、Dell及微軟等多家科技巨股下跌，美股再度偏軟。杜指昨日朝早曾一度向上突破9800點，但好快就打回原型，由升轉跌，其後在低位窄幅徘徊，尾市再跌，以接近全日最低位收市。

杜指收報9742點，跌47點或0.5%；標普500指數收報1061點，微跌2點或0.2%；納指跌7點或0.3%，收報2124點。紐約證交所交投仍然淡靜，成交只有不足12億股。杜指期貨最新報9674點，比現貨低水68點。

9月份消費者信心指數從8月的54.1下降至53.1，遠比市場預期的57低。家居零售股家得寶(Home Depot)下跌1.6%，係昨日表現最差的杜指成份股。

科技股走弱，有技術分析員表示，市場如果調整，科技類股最有可能領跌。認為大型科技類股在長達6個月的大升市中，持續領漲，現在已出現疲態。微軟的CEO Steve Ballmer話，經濟衰退後企業需要調整開支，IT預算將保持在相對較低的水準，這也打壓了科技股的走勢。微軟挫0.3%，Intel跌1.3%，而Dell跌3.2%。

    標準普爾(S&P)/Case-Shiller住房價格指數顯示，美國7月份住房價格較前月上升，在美國20座大城市中，13座城市的房價至少連續 3個月較上月上升，只有拉斯維加斯和西雅圖的房價較上月下降。美國20大城市房價比去年同期則下降了13.3%，好過市場平均預期的下降14.2%。

    達拉斯聯邦儲備銀行(Federal Reserve Bank of Dallas)行長Richard Fisher昨日話，一旦經濟出現穩固增長的確鑿跡象，聯儲局就有必要退出極度寬鬆的貨幣政策。他特別提到了聯儲局通過購買長期國債向金融系統注入流動性的定量寬鬆政策，佢仍對聯儲局資產規模擴大所引發的長期通貨膨脹風險保持警惕，房屋價格已出現觸底跡象，但樓市仍在依賴政府的救助措施。現在的問題是，樓市要想真正恢復健康，就必須結束政府的救助措施，這也是聯儲局承諾在明年年初結束購買抵押貸款支持證券政策的原因。只有在市場力量代替政府支持之後，住房市場才能真正恢復活力。

金融股個別發展，美國運通跌1.1%，美銀跌0.4%，富國銀行跌1.9%；高盛升0.6%。巴克萊集團(Barclays)宣佈，同意通過其葡萄牙子公司收購花旗集團在葡萄牙的信用卡業務Sucursal em Portugal，包括400萬個信用卡帳戶，總資產6.44億歐元，該交易還有待反壟斷機構審批，預計將在年底前完成。花旗集團賣資產減債，漲2.8%。

港股美國預托證券靠穩，ADR港比指數收報21104點，比香港收市高90點。匯控收報89.76元，比香港收市價高0.4%；中移動收報76.79元，比香港收市高0.4%。

     昨日有則中央銀行行長評級的新聞，值得一講，美國的《全球金融雜誌》(Global Finance Magazine)公布今年全球央行行長評級，歐洲央行行長特里謝獲最佳央行行長，獲得最高的A評級，而全球兩個最大經濟體的央行行長，美國聯儲局主席伯南克及中國人民銀行行長周小川，同樣只獲C級。

《全球金融雜誌》講述自己評比標準，話全球陷入自30年代以來最嚴重的經濟危機，除了控制通脹、經濟增長及貨幣穩定等評分標準外，今年的評級還特別著重各央行行長在金融危機中的表現。佢將歐洲央行行長特里謝評為A級，原因是特里謝不怕各方要求急降利率的壓力，穩步調降利率，其漸進做法使歐元區經濟免於大起大落，現在面對各方要求收回貨幣供應的責難，同樣不為所動，沒有急急退場。

         一般人可能認為中、美兩大國救市有力，唔知兩國央行行長點解攞C，《全球金融雜誌》指伯南克及周小川在面對世紀金融海嘯時採取的大量寬鬆貨幣政策，令政府產生大量債務，又衍生信用泡沫化等危機，所以周小川的評級由去年的B-級跌至C級，而伯南克則由C-微升至C級。

《全球金融雜誌》話中國為了「保八」，人行大力執行貨幣寬鬆政策，令銀行信貸大增，但因經濟過熱，恐怕會衍生銀行不良債權。雜誌又批評人民幣的匯價，話世界各國多認為，人民幣匯價被嚴重低估，幅度甚至達15至20%，其他國家一再表達期待人民幣升值的立場，但中國現階段為了經濟持續增長，似乎仍無意讓人民幣過度升值。

我無意評價《全球金融雜誌》是否洽當，但認為中、美兩大央行的行長份工好難做。美國聯儲局的政策或有更多伯南克的個人色彩，人民銀行的政策其實是中國的國策，兩國去年面對百年一遇的融化性經濟危機，佢地唔出盡全力放水頂住經濟，全世界就會出現長久的蕭條，《全球金融雜誌》唔止評歐洲央行行長特里謝攞A，澳洲儲備銀行行長史蒂文斯和南韓央行行長李成大同樣攞A，但無論歐洲又好，澳洲、南韓都好，佢地主要睇住美國頭，見到美國已經放咗咁多水，佢地就唔使去到咁盡，唔使同美國鬥多，如果美國咁放水都唔掂，佢地放多啲亦無用，但如果美國掂，佢地的水喉略比美國緊，就可以減低本地出現通脹的風險，所以佢地份工易做好多。

至於中國，去年第4季時睇住佔GDP30%的出口部份恐怖急跌，係跌3、4成咁跌法，將出口的影嚮化入GDP條數，即係單是出口急跌，已經可以令GDP唔見咗10%以上，認真驚人，若果唔出大力去救，GDP唔單止遠唔可以保八，衰起上嚟變負數，由升9%變負數，只是就業問題都可以係大災難，所以中國無得揀，只有發狂放水，浮起個波再算。

中國咁放水法，一係唔得，一得就激起泡沫，我估中國唔係唔知，但認為有泡好過無泡，有泡後放氣容易，相反個波爆咗就吹唔番大。所以今年6、7月我見大陸個市反彈得咁急一直唔停，帶到香港跟住直上，我話呢個唔係正常的反彈市或康復市，一嚟就係泡沫市，當時有網友唔同意，但你睇中國，佢自己知道有泡，所以急急放氣，口鬆手緊，暗中收水，大陸股市到咗3400幾點就急回，跌番兩成幾，一個小泡沫爆咗，但係避免咗出一個大泡沫。

爆小泡沫唔係壞事，股市係要升升跌跌，反覆向上，才是健康的升市。我地啲新股市場，同樣有個小泡泡爆咗。

陸羽仁

Mr.Business

2009/10/2 上午 10:35:52  

陸羽仁覆網友

Kathleen:泉哥真係好大聲咁質問我點解唔買，我又唔想講真正原因，變成有口難言，好似一個低能傻佬咁，泉哥又繼續講，話我斯斯文文讀得書多，但咁態度咁細膽炒股一定唔得，我簡直有口難言，佢大聲過我，勸佢棧俾佢炳我，你話面唔面紅。

一草一木: 美元呢一排係一直走弱，特別係對日圓和歐元兩大美元以外的主要貨幣。英鎊係自己弱，有點美元弱佢更弱咁款。昨日美元係如網誌所講的全線反彈，但日圓較強，英鎊較弱，就係佢地各自的特色。照計美元弱，英磅唔應該太差，但英國經濟似有隱憂，樓市高係一個原因，金融業負債相對於GDP過大係另一個原因，有啲結構性泡沫未清的問題。

新股潮爆煲，金隅都無咁快得啦。

Ray:我估A股要較長時間康復，唔係因為阿爺想佢咁，主要因為我覺得佢係一個小泡沫爆咗，唔係一個小調整。

我對港股樂觀小小，因為港股夾在美股和大陸股市中間，美股落後啲，仲係一個反覆向上彈的走勢，所以會拖住港股向上，如果美股走勢改變，我的看法都會改變。但如果A股未來試底不穿，對大陸股又可以睇番正面啲。

恒指上到高位時去唔到，唔算升得太急，所以落又唔至於落得太恐怖，如港股要爆泡，多數係美股都爆泡。

我估10月上半月港股要試吓底，有兩個原因，第一係大陸股市在國慶後要抖吓氣，第二係美股上新高後亦應調整。

對941的看法和早前一樣，佢第2季業績唔好，但8月上客量又好番，不過3G戰又開鑼，業績前景中性，要平至好買，但70元應可以守吓。

Myself:煙花燦爛時，人人都賺錢，連反應好慢的散戶都賺，咁係易經所謂的「飛龍在天」，都唔捱得耐。

Hero:我唔係對個市睇得比較差，只係話對炒得太顛升得太急的市場要小心，例如永利本來係好股，但09年預測市盈率34倍，咁又貴得好緊要，你買佢要捱一排。講番你個筆，若只是持貨3成，持貨較少，唔應該沽，唔好咁聰明想走個細浪連小小貨都想走一轉，反而大路啲，等個市跌深啲時去增持。

Mr.Business

金融High Tea——通街股神要留神
2009年10月2日

國家60周年大慶，在天安門巡遊展示國力，記得八幾年陸羽仁讀大學之時，研究中國的外匯儲備，時值中國改革開放之初，國家無乜錢，當時每季公佈外匯儲備數字，外儲數字一路跌，跌到24億美元之後，就無再公佈，我估曾經跌到負數，所以唔公佈，9個月後變番正數又再公佈。想唔到廿幾年之後的今天，中國有萬幾億美元外匯儲備，在國際上的實力不容忽視，真係令人又驚又喜。

國慶日香港和內地無市，但外圍股市照開，由於疲軟的經濟數據令投資者對經濟復甦的步伐心存疑慮，紐約股市三大指數均小幅下跌。杜瓊斯工業平均指數比前一個交易日跌29.92點，收於9712.28點，跌幅為0.3%。昨日日本股市低收，日經指數收市報9978點，下跌154點，跌幅1.5%，是兩個月最低。

假期前恒指收20955點，總結第3季升14%，9月更曾見一年高位21930點，季尾股市在新股熱退卻下順勢降溫，從高位回番成1000點。市場現時焦點係新股大屠殺，華南城（1668）假前首日掛牌，難逃潛水厄運，收報1.62元，大跌23%，未計手續費每手2000股，蝕960元，成為今年首日掛牌表現最差的新股。

恒盛掛牌有斬倉壓力

今天掛牌的恒盛（845），前日暗盤價大跌15%，收報3.73元，每手蝕670元，料成連續第五隻掛牌即潛水的新股，由於恒盛分配較預期為多，部份孖展認購者獲得較事前估計為多的股票，銀行在掛牌前已追收孖展，若然無力補錢，今日就有可能被斬倉，估計恒盛會面臨一輪沽壓，呢次慘痛經歷再次印證股市之內風險係無處不在，使用孖展幾時都要小心。

至於截止認購的永利澳門（1128），市傳公開發售輕微超額逾三倍，卻無視新股疲弱的市況，堅決以上限10.08元定價，不為投資者預留水位，該股將於10月9日掛牌，證券業人士預期，永利掛牌破底機會大，預期首日跌逾20%。

放假在茶樓飲茶，真係可以見盡人生百態，雖然恒指還是一個反覆向上的格局，但第三季唔同種類的股份都炒鰦幾轉，亦死鰦幾轉，酒樓企堂泉哥叫我買國際資源（1051）的古仔真係可圈可點。泉哥性喜炒股，酒樓茶客乜人都有，佢聽埋唔少「貼士」，聽完又經常向其他茶客推介，有時更捉住我叫我買東買西。隻國際資源在6月底爆鰦煲，一日內由1.5元跌到0.5元，插鰦一排到0.4元，後來搵鰦前恒生大班柯清輝入去做副主席，股價在7月23日升番上0.55元，泉哥覺得好掂，飛身撲入，一直買到0.6元樓上。

自此我飲茶時就耳根唔清靜，泉哥日日叫我買國際資源，話佢入貨平均價只是0.58元，而家有錢賺，隻№有猛人入局，一定得，泉哥話睇我個樣咁斯文，呢隻好 №一定要介紹俾我，叫我一定要買，我應酬兩句又刨報紙；第二日去飲茶，佢又問我買鰦未，我話未買，佢話「你走寶啦，昨日又升5%，快鱓買啦，你點解唔信我，呢隻№一定得，我已經鲻晒身，一定唔會輸。」

我勸泉哥兩句炒股唔好鲻身，佢話隻№咁高跌落來，又搵到猛人入局，無理由唔得，反而勸番我要買鱓。泉哥愈講大聲，差唔多要鬧我點解咁蠢唔買，搞到我面都紅埋。

散戶自信揀股「一定得」

當時我心諗，散戶竟然咁盲信一隻細股「一定得」，唔止自己買，仲要逼人買，真係離奇，我想睇纒隻№會點。結果隻№炒反彈炒鰦3個星期，跟住就回，好快就連0.5元都跌穿埋，泉哥就無再叫我買啦。

兩周前，泉哥終於自己講番隻國際資源，話呢隻衰№都唔得，佢輸鰦20%忍痛止蝕，輸鰦10萬銀，以後隻№係升係跌都唔關佢事，佢睇完隻金隅上市後升咁多，認為新股得，轉行鲻身抽新股，佢又大大聲咁話，新股一定得。我心諗，唔係呀嘛，佢真係成副身家50萬掟落去炒隻細股？咁就唔見鰦一截，佢轉行炒新股，難道新股真係過熱？估唔到泉哥真係黑成咁，佢一掂新股，新股又瓜。

有時散戶指數有一定啟示性，當散戶變鰦股神，好大聲話炒乜№「一定得」時，最好避一避，或者無咁快股災，但佢地好熱炒那種東西一定要爆一爆先至再講。呢種現象背後有個原因，散戶講№咁大聲逼人跟佢時，只係一番好意，因為佢買的東西升得太急，佢一買就贏，所以好心雄，急住將心得同全世界分享，但煙花燦爛的時候，都差唔多要散場。所以即使近排大市反覆向上，但曾經熱炒的細場，已經死完一個又一個啦。

陸羽仁

Mr.Business

美元危機         
2009/10/2 上午 09:38:53
網誌分類: 經濟

美國聯儲局主席伯南克出口術支持美元，美國9 月份製造業與就業市場數據都差過預期，高盛又預計就業報告唔得，打擊投資情緒。美股在第4季第1個交易日大幅下跌，杜指開市即急挫115點，中午後再跌至 9560點水平，窄幅徘徊至尾段，最後有投資者憂慮將於今日公佈的非農就業報告會唔掂，杜指臨近收市再度跳水至接近全日最低位收市，錄得3個月以來最大單日跌幅。

杜指收報9509點，跌203點或2.1%；標普500指數收報1030點，跌27點或2.6%；納指跌65點或3.1%，收報2057點。紐約證交所交投活躍，成交逾16億股。杜指期貨最新報9452點，比現貨低水57點。

匯控美國預托證券跟隨美股重創，收報86.52元，比香港收市價低3.8%；中移動收報74.5元，比香港收市低1.4%。ADR港比指數收報20367點，比香港收市低588點。

經濟復甦的速度問題困擾著美國市場，供應管理協會(ISM)9月份製造業指數從8月份的52.9下降至52.6，低過市場預期的54。BTIG首席市場策略師Mike O'Rourke表示，「今晨的ISM資料令人失望，不及預期。隨著上一季結束，許多為了粉飾帳面而持有股票的投資者開始獲利回吐。」

美國勞工部公佈上周首次申請失業救濟人數增加至55.1萬人，高過預期的53.3萬人。花旗集團外匯策略師Michael Hart在給客戶的研究報告中表示，「這些負面經濟數據集中出現在一個敏感時期，使市場開始質疑股市連續6個月上漲的行情是否站得住腳，並且懷疑大範圍的經濟復甦能否持續下去。」

高盛的John Hatzius改變他對非農業就業數據的估計，加速了美股下調，佢估9月美國損失25萬個非農業就業職位，比佢原先估計的20萬個為高，佢話最近各種經濟數據顯示美國的就業市場仍然令人失望。高盛的估計令美股在中午時段再向下探。

但令美股跌咁多的主要原因是聯儲局主席伯南克在國會的講話，伯南克昨日向眾議院金融服務委員會話，如果美國政府不控制預算赤字，美元會有危機。美元匯價因而應聲向上，美匯指數昨日升了0.8%，而股市就急跌。伯南克顯然是一邊維持寬鬆的貨幣政策，一邊就出口術想支持美元，佢能做的事情就是呼籲政府要有更多的財政紀律，由於國會議員大多力推政府增加各種開支，伯南克亦把個波交番俾議員。

    伯南克呼籲要有財政紀律，在佢控制到的範圍就意味加息，這樣對美元有利，但不利股市，至少中短期內不利股市，因為若政府和國會聽從呼籲，就等如政府會減少開支，減少刺激經濟的計劃，更少資金從政府手中流入市場，企業賺少啲錢。歐盟的官員亦出口支持美元，歐盟經濟及貨幣事務專員Joaquin Almunia話佢關心歐元升值，歐盟將會在今天討論這個問題，並在週末召開的七大國(G7)會議中提出。

呢一輪美元貶值太多，伯南克率先出口支持美元，唔知佢只係齋講，還是有行動跟尾，例如會否對加息時間作點暗示，例如澳洲本周就率先表露想加息的意願，令市場估計澳洲會在11月加息，澳元早幾日因而一度湧上，若美國聯儲備局對加息時機有何暗示，就係大事件。亦唔知奧巴馬政府對伯南克的呼籲有無回應，美國政府還被醫療改革的問題困擾，若然佢地對伯南克呼籲控制預算赤字的講法有積極回應，預計匯市和股市還有波動。

陸羽仁

Mr.Business

2009/10/5 上午 09:43:21  

陸羽仁覆網友

Ray:我所講的長倉即係期指好倉，有好多大戶係有期指大倉長期揸，個個月轉倉，如果係咁，佢地唔會介意中間的上落波動。當然同一間行，同一個基金，佢有長揸的期指，但也可以同時短炒，例如佢部睇到/部署一個細浪，造些短倉食千零點亦可。

所以長棍有長棍唔郁的策略，短棍有短棍食波幅的方法。

857回落不少，想買可以分三注，現價一注，然後每跌5%一注。857和883比較，主要關乎油價方向，883主要搞開採，對油價較敏感，睇油價升要買佢。857上下游業務較平衡，睇油價係上落市可以買佢。

Kathleen:中煤能源可以炒上落，微穿10元時揸吓，一般唔會跌太深。

Muse:若分三注買國壽，其實現價都可以開始，每低5%買多一注。

Soho:借孖展抽新股最恐怖係入咗飛後突然遇上股災，我在97年見過那種場面，認股者真係有得震，無得瞓，如果好似87年咁停市4日，真係死咗好過

Mr.Business

金融High Tea——唔好包二奶變老公
2009年10月5日

上個星期講起茶樓侍應泉哥買國際資源（1051）和炒新股的故事，講起佢覺得暴跌反彈後的國際資源好抵買，大聲聲叫我買我又唔肯買的處境，搞到讀者、網友好大迴響，問泉哥係唔係服務態度好差，所以我睇住佢亂炒股票送死都唔救佢，由得佢撈呢隻股輸錢。

事實剛好相反，泉哥除鰦講炒股會講到癲癲懐之外，佢平時份人好正常，服務態度良好，同埋可能泉哥自己讀得書少，佢特別尊重我呢鱓斯斯文文好似讀鰦好多書之人，服務特別周到，所以我對佢不單止無惡感，而且仲有好感。我估你懐馬上就有問題，點解我咁冷血，見住佢死都唔救佢？

唔知你知唔知，人有時會走入一個「不可被救」的處境，經紀張的經驗說明了一切。佢做經紀做鰦咁多年，有時對危險有鱓感覺，我早前講過佢自己炒隻殯儀股中國生命（8296），經紀張在升得最高鰟日追入，一炒就踎鰦，即日輸20%，但佢馬上在3元止蝕打靶。你睇隻股鶽家跌到只有1．85元，佢唔走到鶽家就輸足 50%，經紀張識壯士斷臂，證明佢都有鱓觸覺。

唔好阻人發達

經紀張好多時都感覺到危機存在，有時會勸個客唔好買，或者賺夠就要走。我知道佢勸人唔好買貨時，就會勸佢適可而止，叫佢講一句個客唔聽就要收口，因為你叫個客唔買股，等如倒自米己米，個客「炒紅了眼」，你根本阻止不了，你阻了個客唔買，隻股繼續升（熱炒股炒開通常會再升），個客會好魀。經紀張曾經叫個客唔好掂一隻喪升股，點知隻股第二日再大升，個客打電話去問候佢娘親，最後仲向佢老細投訴佢趕客。好多客仔唔會聽人勸，經紀張叫佢唔好買，佢地會去第二間經紀行買，甚至去銀行買，貪銀行鱓經紀唔會駁咀，所以我勸經紀張「唔好阻人發達」。

我自己最了解散戶的心態，因為我後生的時候，都曾經做過典型老散。無論你炒細股也好、炒輪也好、炒新股也好，甚至炒任何概念股都好，有時熱潮一到，的確好易發達，獱住隻股日日升，我對住塊鏡都會笑，大讚自己一聲：「勁！真係勁。估唔到自己炒股咁勁。」睇住塊鏡，會覺得自己係股神，好似玩百萬富翁過鰦9關一樣，覺得再過多一關，過埋第10關自己就係百萬富翁。如果你連呢種感覺都未有過，你就真係唔算炒過股，當然有過呢種感覺，又唔等如你可以上到岸。總而言之，散戶在某時某刻就會有這種「股神的感覺」，呢種感覺出現時，通常經已過熱，危險正在臨近。

「基本分析無鬼用」

講番泉哥，佢好「英」的時候，就係呢種「股神的感覺」出現的時候，佢當時撈底炒國際資源時，一買即升，你叫佢小心，佢點會聽呢？我唔係無做過醜人，當時聽到佢話大力推介人買，又話自己「鲻身」，我都講鰦兩句，話「呢隻№鱓礦業生意未見到成果，睇基本因素去分析，未係咁穩陣。」點知泉哥一句頂番過來，話「人懐有猛人入局，股價又彈得咁勁，點解你話佢唔得鎹，基本分析無鬼用鮋，睇股價最實際啦。」

泉哥一句「基本分析無鬼用」，我都知道講多無謂，佢睇住股價做人，我都係慳鱓氣啦，結果就出現佢日日叫我買、我又唔理佢的情境。泉哥講№變得咁自信，咁大聲，我就知道佢已陷入「不可被救」的處境。

唔好以為我認為「基本分析無鬼用」呢句話一定錯，我真正的睇法是如果你是「投機的我」，去睇基本分析真係未必有用，因為投機短炒講供求，買股票的人多，股票供應少，股價自然會升，有鱓細價股表面上有40%、50%的街貨(即大股東持貨以外的街外人持股)，實際上大部份「街貨」已被莊家使橫手獱鰦，真正的街貨可能只有5%、10%，莊家炒起隻股，引到散戶跟時，由於無乜街貨，求貨者多，股票供應少，股價炒上去就無乜阻力。大部份莊家股(或者炒得勁的細股)都有些概念，但真正炒高股價的原因就係人為操控，將貨源已歸邊的股份炒起。所以有時讀者?住呢鱓股份的概念來問我點睇間公司的生意前景，我都唔會直接答，因為呢鱓股份升跌，和那些概念無乜關係，你信以為真，就真係笨啦。

投資必講基本因素

所以睇住基本因素，話一隻炒股好快跌，其實未必飱，因為細股炒緊的時候，短期內繼續升的機會大過跌，你今天話佢會跌，佢明天升5%，你明天再話佢跌，佢後天再升10%，你講得一個星期，連棚牙都會被人剝埋，即使半年後隻股大跌，你都搵唔番棚牙，所以對住隻炒股，都係唔好講咁多基本因素啦。

不過如果你係「投資的我」，你唔睇基本因素就死梗啦，投資睇長線，決定股價長線升沉的基本原因，就是一間公司的賺錢和派息能力（特別係大股），公司賺錢賺得多，特別係盈利長期保持高增長，就會吸引大量投資者買入，股價就會升。舉隻中移動(941)為例，佢在8月頭因為會在內地A股上市的消息而炒高，令投機者追入推高股價到90多元。到月尾因為公佈半年業績顯示第2季盈利倒退，係中移動上市以來首次有季度業績倒退，嚇親投資者，令他們沽貨，股價在9月初跌番落70多元。但到月中時，中移動又公佈8月上客量回升，又令部份投資者入場補番鱓貨，近日再跟大市和A股回落。

一隻中移動，都見到投資和投機兩種力量在拉扯股價。即使係「投資的我」，對一隻股份的基本因素分析也不應一成不變，而係要不斷按公司公佈和市場消息，去判斷公司的經營情況，估計佢未來的盈利增長，才能判斷股份的中長線投資價值。以中移動為例，未來如果有消息顯示佢第3季盈利回復升勢，肯定會吸引投資者入局，但倒過來說，若中移動第3季盈利再跌，由於已經是連續兩季下跌，業績弱勢已成，若當股價已彈高，就會觸發很大的沽貨潮。

唔好投機當投資

講鰦咁耐，只係想講投資和投機係睇緊完全唔同的因素，投機睇股票供求，投資講公司盈利，千祈唔好搞錯。講番泉哥的案例，你可能會問，咁我點解要同泉哥講基本分析呢？我當時咁講，主要係覺得泉哥無分清楚投機或投資，佢因為一隻股跌得殘去撈底，好明顯係由一個投機炒作的動機開始，但當他見到有猛人入局後，觀念開始含糊，開始認為猛人會將間公司搞好，將來公司會賺大錢，佢信心愈來愈強，所以才會將全副身家50萬放哂入去買一隻咁大起大落的股票，仲要話呢隻№「一定掂」，佢開始將投機和投資混淆鰦。

暴跌股有排醫

如果泉哥明知係投機甚至賭博，我估佢都只係會放3幾萬落去，輸晒有個譜，所謂「小賭怡情，大賭亂性」，佢唔係爛賭到咁緊要。泉哥會用50萬買一隻股，唔會用10萬去澳門賭一場大細或者入馬會賭一場馬，不過佢又知唔知，如果分唔開投機同投資，揀鰦投機股去「投資」，其實買股同賭大細無大分別，可能賭大細的可測性仲要比賭細股高，因為賭大細約有47%機會中，中鰦1賠1，但賭細股就講唔清楚中獎率，因為局面完全被大戶操控，成功機率仲細過47%。

你可能會問，泉哥話佢撈底國際資源時，我又點知佢一定唔得？答案係我真係唔知，既然呢鱓股完全炒供求，我點知佢一定唔得？隻股可以升，可以跌，如果我知佢明天一定跌，我唔會任得泉哥去送死，會用更激烈的方法去勸佢唔好買，就係因為我唔知，所以唔會話佢一定馬上跌。我只係感覺到少少不祥味道，按經驗暴跌股要有排先醫番好，因為細股暴升係有人為因素，佢突然狂插下來，唔理係幕後人俾人斬倉，抑或批鰦股接貨者要散貨，都係幕後人控制唔到的因素，要搞番掂都要幾長時候，唔係過一兩日就無事，暴跌後彈一彈，可能只是讓幕後人再散散貨，然後就要再插水，等在低位收乾貨，講掂數，醫番好，要經過較長時間才有機會再炒，至於猛人入局掂唔掂，亦更加無人講得清，或者得，或者唔得，要睇幕後人真係有心搵猛人入局幫手做生意，還是只係借猛人個名去過橋。散戶撈底暴跌股，短炒一兩日唔敢講，獱長少少都好凶險。

所以炒股唔緊要，最緊要知道自己在投機，是一個「大傻搵二傻」的遊戲，應該如獱住一個燙手山芋那樣，搵到人即刻拋俾佢，當搵唔到二傻時，你獱住個山芋可能已經是最後一個傻瓜，你唔忍痛拋鰦佢就笨啦。有一次我在一個社交場合，聽到有人問一隻細價股的大老闆佢隻股得唔得，個老闆就講鰦一個大陸「順口溜」來回應，內容係諷刺股民短炒股唔識走變長獱，話唔好「炒樓變房東，炒股變股東，包二奶就變老公」。

陸羽仁

Mr.Business

錢搵錢         
2009/10/5 上午 09:24:18
網誌分類: 經濟

美國9 月份非農就業人口減少幅度遠大於預期，加上8月份工廠訂單下滑，再度印證了經濟復甦步伐並非如預期般強勁。美股上週五連續第四天走弱，杜指朝早跳水，中午回穩，但至9500點上方已無力再上，午後再度回落，收市報9488點，微跌22點或0.2%；標普500指數收報1025點，跌5點或0.5%；納指跌 9點或0.5%，收報2048點。紐約證交所交投普通，成交14億股。杜指期貨最新報9434點，比現貨低水54點。總結上週，杜指和標普500指數齊齊下跌1.8%，納指則下挫2.1%。

勞工部公佈9 月份非農就業人口減少26.3萬人，遠高過市場預期的17.5萬人，其中建築業、製造業、零售業和政府部門的就業人數降幅最大。9月份失業率攀升至 9.8%，逼近10%大關，為1983年6月以來新高。另外，每週平均工時下降至33小時，平均小時工資則增加0.01美元，至18.67美元。若包括揾唔到長工，轉做兼職及唔去揾工的人，失業率其實去到17%！就業報告出爐後，杜指即跳水至全日最低位。Haverford Trust Co首席投資員Henry Smith表示，「市場對就業數據普遍感到失望，就業係較延時的一項指標，所以大家都預期它將是最後反彈的數據，其走勢大部份都已被市場消化。」

美國8月份工廠訂單下降0.8%，降幅高過市場預期的0.6%。為3月份以來首次下滑。耐用品訂單下降2.6%，不包括飛機的非國防資本品訂單下降0.9%。

非耐用品訂單則上升0.8%，估計係石油價格上漲所致。另外，8月份製造業庫存量下降0.8%，為連續第十二個月下降。波音飛機及Caterpillar均下跌逾1.3%，而通用電氣更挫3.8%，成為表現最差的杜指成份股。

金融股個別發展，而市場焦點係最近陷入困境的貸款機構CIT Group ，上週宣佈了最新重組計畫。股價猛漲14%。另外，標準普爾(Standard & Poor's)表示，First Solar將取代被輝瑞公司(Pfizer)收購的惠氏(Wyeth)而入選標普500指數，First Solar漲4.2%，

港股美國預托證券偏軟，ADR港比指數收報20220點，比香港收市低155點。匯控收報85.27元，比香港收市價低1.5%；中移動靠穩，收報74.02元，與香港收市持平。

早前美國網友GNIW 講到要買樓的問題，值得一講。佢話:「我係3月左右時受你提點過要止賺止蝕那個NY(紐約)金融新丁. 《RICH DAD, POOR DAD》(窮爸爸富爸爸)作者KIYOSAKI提出一點係我從初中到而家都好記得的: 佢話多數自住樓都係負債, 只有會生現金的才是資產, 佢有成十幾幢物業, 全都係用租金收入支持供款, 連佢自住那幢都係靠其他物業的收入來供款.  呢個理念我就快可以實踐喇! 因為陸SIR之前對我提點緣故, 我而半年內都係股市都有少少少成績. (THX! 陸SIR!!) 我打算呢幾年內會係上海買樓收租. 因為NY啲樓太貴喇. 閒閒地係BROOKLYN ( 坐SUBWAY去WALL ST. 要40分鐘.) 兩層ONE FAMILY HOUSE屋仔都要成55萬美元. 我計過, 就算我可以租一層半出去, 一個月先得1500蚊美金租 (如果租客唔走佬),加埋地稅其他嘢, 我一個月都起碼要俾1500蚊出黎. 好似你咁講, 揸乾哂我啲投資能力. 所以我想係上海樓價仲未喪升前買個黎收租,靠個租金嚟供樓. 我下年5月會參觀上海世博,順路去睇樓.我想請問陸SIR可否喺網誌談談以外國人或香港人身份喺上海置業時應要注意什麼事項呢? 例如稅制, 借按揭, 甚至如何找物業管理. 也希望各位有在上海置業的師兄能夠俾下意見.」

GNIW 炒美股有所得，佢多謝我提佢要止賺止蝕，我當時見佢炒反彈股炒得咁高興，所以提吓佢要止賺止蝕，因為大市行得咁快的情況唔常見，有當然要食到盡，但係去到咁上下個市會疲，要抖抖氣，在大市抖氣時唔識止賺止蝕，如果你愈買愈大，好易嘔突俾佢。長線投資未必要止賺止蝕，但炒股唔止賺止蝕，好蝕底。

第二點值得講吓的是在股市賺到快錢搬去買樓，呢點我極之讚同，股市是快進快出的英雄之地，你呢期炒股贏錢，唔等如下期一定贏，你揸住5 萬蚊美金，如果每個月升1倍，1年已經有2億美金，你估會唔會?機會唔係絕對無，但只係細到億中無中，絕大部份人贏得一兩個月，原本贏錢條方程式又唔得，唔識止賺好易輸番俾佢。一般人好難有止賺止蝕的自制力，所以贏錢時搬走啲錢去買樓，係好好的方法，咁就逼自己把投機所得，轉去投資。炒開股的人，叫佢長揸股票投資都唔得，因為揸住股票唔郁佢會身痕，所以揸樓好過揸股，揸樓可以揸長幾年，若所買的樓處於經濟增長區，就有長線升值空間，加埋買借錢的槓桿，投入資金可以以倍數升值。

第三，買樓消費費和買樓投資有好大分別，如果買間靚屋只係俾自己住，咁樣不產生任何租金收益，供樓的錢要自己付，這主要是消費而非投資，買入靚屋高於自己當下的賺錢力時，更是很吃力的高消費。不過美國人由於太過大花筒，太唔識儲錢，所以買自住屋是好多人的成功投資(特別是在過去20年樓市上升的長週期中)，佢地後生先買細屋，隨著收入增加，換中屋，換大屋，到仔大女大離開後，賣了大屋，換番間中小型屋，就賺了大筆現金，可能是他們一生人唯一成功的投資，所以自住屋都隱藏一點投資成份，特別在樓價升得快的時代。總括而言，買樓投資可以幫人鎖定較長的投資年期，對坐唔定的年青人較有利。

第四，去高增長地區買樓，不能太慢，因為佢地樓價升得快，你落注時間拖得慢，會買貴好多，例如你想買上海樓，應該今年第4 季就買，等明年去睇世博會才買，到時若大陸經濟復甦的勢頭完全確定，樓價會更貴。上海樓價是幾個沿海大城市中最貴的地方，市中心不用提，遠一點的地方，例如上海外部地鐵去市中心30分鐘車程的地區，2000多呎的連排別墅，要300多萬人民幣一間，可能只是紐約BROOKLYN兩層家庭屋的80%價錢，租金回報約4厘幾。外國人買樓都係照樣申請，首次置業最多可借80%，睇稅單睇入息證明，買完搵代理代為放租。

投資愈早愈好，消費愈遲愈佳，年青人早啲儲起人生的第一桶金，就有錢搵錢的機會。

陸羽仁

Mr.Business

2009/10/6 下午 12:18:07  

陸羽仁覆網友

Ray:你問我假如我係大鱷，我會點炒港股，第一要諗邊個係大鱷，而家已經無咗97年時那種巨型對沖基金，所以左右香港大市的可能係各大外資行的盤房，第二係大鱷係唔係要搞香港，佢地唔一定要搞，暫時睇佢地係部署香港跟住美國市方向炒，當然，如果美國要大跌，佢都會順便整

Flyinthesky:你問我點解咁進取，被人問起時話分注可以開始買強股，其實我的看法和高盛的接近，國指到11000點可吸，若現價開始吸，再跌5%到11000點，再跌5%到10500點，中間價就係11000點。

CCB:月供唔使停，我都係信反覆向上多啲，W型係另一種可能，係叫大家預防呢種風險，萬一佢出現時會點，假設你有500萬，你覺得個市大好，就左借右借炒三間1000幾萬的豪宅，真係出現W型你就要破產。但你用500萬真金白銀買大股，萬一出現W型都有得守。

S2000:澳華黃金好似想換股除牌，等同私有化，若通過小股東只能套現。

Ben:在大陸買樓同香港差唔多，要睇你收入，若收入夠，第一間樓可按8成，第二間或以上只能按6成。但加埋申請都要三幾個月。

Kenlai:唔知那裏可以找到公司10年業績，但我要搵較長業績，有時會逐年去網上搜尋。

Mr.Business

華南地區較分散
2009年10月6日

這兩周的港股成交愈來愈少，昨天又是一個悶市，成交只有四百億多一點。華潤水泥（1313）股價及相關新聞公佈抽籤結果，抽到的朋友更關心會不會跌破招股價。我覺得對於華潤水泥不用看得這麼淡。

　　華潤水泥是華南地區的水泥、混凝土生產商。以產能計，它是華南地區最大的新型乾法水泥及熟料生產商。華潤水泥這次集資六十億元，近八成用來建設生產線。

　　其○九年的預期盈利不少於十億元，以每股盈利零點一五六元來算，○九年預期市盈率為二十五倍。

　　華潤水泥跟安徽海螺（914）股價及相關新聞及台泥國際（1136）股價及相關新聞在華南一帶三足鼎立。○七年時，我曾經看好三者之中規模最小的台泥國際的，認為它有機會因中央要淘汰落後產能而得益，但是經過了兩年時間，明顯台泥國際的經營狀況並沒有想像中那麼好，我想這跟水泥公司的背景有十分重要的關係。台泥是台資背景，而華潤擁有是國企背景。很多人擔心中央一直強調產能過剩的問題，我想對於那些背景強勁
的大公司，這其中反而是機會多於危機。相比華東等其他區域，華南地區的水泥廠仍舊是相當分散的。如果真能夠快速淘汰落後的產能，華潤水泥是最有機會成為華南地區行業老大的。

　　搶佔市場的不同方法

　　大型水泥公司通常以兩個不同的方法去爭奪市場佔有率。以安徽海螺為例，它於不同區域建設新的生產線來搶佔市場。這樣的做法速度較慢，但是產品質素比較容易控制。

　　相反，另一龍頭中國建材（3323）股價及相關新聞，則以收購其他小型水泥公司來爭奪市場佔有率。這個做法好處是可以快速攻佔市場，但是容易買入一些質素不好的水泥公司。

　　水泥市場一旦由好轉壞，這些公司便輕易地蝕錢。而另一壞處是不同公司有不同的管理文化，要改變被收購公司的管理文化，並不是一件短時間內可以做到的事情。

　　王雅媛（Victoria）

　　王雅媛為持牌人士，並持有華潤水泥股份

Mr.Business

金融High Tea——W形走勢 風險所在
2009年10月6日

恒指昨低開32點後，上午牛皮，多次在上日收市位置原地踏步。午後一度抽上200點，但跟住又軟軟地，尾市好友稍勝一籌，臨近收市的最後15分鐘，抽高恒指近100點，由跌轉升，恒指收報20429點，升53點，期指收報20396點，升135點，比現貨低水33點，成交49591張。國企指數收報 11645點，漲118點或1%。大市交投繼續偏淡，成交縮減至只有437億元。

拖低大市的主要元兇係地產股，恒指地產分類指數逆市跌1.4%，遠遠跑輸大市。本地地產股除收租股九倉（004）升1.7%，其餘都下跌，其中長實（001）及恒地（012）跌約2%，新地（016）及太古A（019）跌1.6%。

由於美國經濟數據唔掂，以美國市場為主的出口股首當其衝要捱沽。裕元（551）雖然獲高盛及摩根士丹利唱好，股價仍要回吐4%。利豐（494）更挫4.7%，成為表現最差鮋藍籌股。

金融股略微跑贏大市，不過礇控（005）就全日在86元下方徘徊，礇控收市報85.7元，跌1%，拖低大市升勢。

礇控賣№防身

礇控股價唔好，同行政總裁紀勤對經濟前景的評論有關，紀勤話仍未能確信最壞時期已過，實際情況是利潤將大減，預計未來數月經濟或再下滑，全球經濟或會出現 W形下跌，礇控會推遲倉卒擴張業務計劃。礇控更身體力行，唔係買№係賣№，以3.3億美元出售紐約總部大樓予以色列投資控股公司IDB Group，並繼續放售巴黎總部及倫敦總部，雖然話礇控出售歐美總部，係配合撤出歐美市場的計劃，但如果佢估樓價會升，又的確唔使咁急去賣，所以礇控的行為露出睇淡的意味，還是在變賣資產增加資本防身。

另外，摩根士丹利亞洲區主席羅奇出席亞洲協會午餐會時，被問及點睇「美國經濟會否出現W形的下跌」時，佢話現時美國失業率仍較高，對經濟增長有壓力，正常的經濟復甦會出現較大幅的反彈，但現時卻未見出現大幅反彈，故未來經濟仍有可能出現下跌，現時屬過早去否定明年經濟不會再出現問題。他指出，由於美國失業率高企，工人會向國會施壓，向中國推出貿易保護政策，相信發生的機會頗高，中國可能減少買美債作為回應，對美國也有影響。

中環茶友分析，大摩羅奇向來睇得較淡，但礇控講出W形復甦的言論，並積極出售資產，落注賭在向淡的一方，礇控仍有重大的美國次按資產，佢對美國市場最有感覺，應該係覺得仍然相當滯，才有這種評論。礇控所講的W形復甦，其實是講如今是大跌後第一個反彈浪，彈完之後要再下跌，這將是投資者要面對的主要風險。

高盛：國指萬一點可吸

但也不是間間大行都睇淡，高盛在研究報告中話，國企指數上周累計下跌4.4%，主要受美股回吐及中國放國慶長假期影響，佢認為內地宏觀經濟及企業前景仍處復甦期之中，料國指於11000點有強力支持，這個水平相當明年市盈率11.5倍，比國指現價低5.5%，高盛又維持明年底目標16800點，倘國指回落至11000點可逢低收集。

高盛指，中資股首選包括建行（939）（目標價7.3元）、工行（1398）（目標6.4元）、中鐵（390）（目標10.35元）、中海油（883）（目標14.25元）、聯想（992）（目標4.5元）、成渝（107）（目標4元）、潤電（836）（目標22元）、雅居樂（3383）（目標12.7 元）、世房（813）（目標17.38元）、光控（165）（目標24.3元）、蒙牛（2319）（目標24.8元）及聯通（762）（目標13.5 元），全部皆是「確信買入」評級。

摩通發表研究報告，估計中資股短期有調整壓力，因香港及內地A股中資股供應近期增加，籲投資防守性股份，包括銀行股（預測09年及10年盈利具透明度及毛利率改善）、上游能源股如神華（1088）（可以對沖未來通脹風險）、燃氣股如新奧燃氣（2868）、缳生用品股如恒安（1044）、消費股如華創（291）及蒙牛。

陸羽仁

Mr.Business

分歧         
2009/10/6 上午 09:58:24
網誌分類: 經濟

美國企業即將派發第三季度成績表，投資者普遍認為企業第三季業績應該不會差於上季，樂觀的期望，刺激投資氣氛，加上高盛上調大型銀行股評級，推動金融股上漲，美國服務業自2008年8月以來首次擴張，美股成功扭轉連跌四日嘅弱勢。杜指開市即反覆上揚，逐步攀升，直升至收市最後一小時才回順。

杜指收市報9600 點，升112點或1.2%；標普500指數收報1040點，漲15點或1.5%；納指上揚20點或1%，收報2068點。紐約證交所交投偏淡，成交縮減至 11億股。杜指期貨最新報9550點，比現貨低水50點。美股近日一直有回吐的勢頭，昨日終於止住跌勢，反彈亦有點力度，而看看反彈完美股會否再試低一點，還是開始穩定向上。跟住好快美股的第3季業績公布期又到，再由美國鋁業打頭陣，美股升沉還看業績，上季美國公司收入唔得，靠減少開支增加純利，市場期望第3季業績看到一點收入增長。在投資者利好的預期下，快將公布業績的美國鋁業勁揚4.7%。

港股美國預托證券跟隨大市收高，ADR港比指數收報20606點，比香港收市高177點。匯控收報86.15元，比香港收市高0.5%；中移動收報75.41元，比香港收市高0.6%。

佔了美國GDP的80%的服務業終於出現擴張的勢頭，美國供應管理協會(ISM)公佈，9月份服務業指數為50.9，高過市場預計的50。係2008年8月來首次高於50，且為去年5月以來最高。

Deutsche Bank Private Wealth Management旗下U.S. Equity Group主管Owen Fitzpatrick表示，「服務業佔經濟的比重很大，終於過了50。這是復甦的頗為利好跡象。本周在該資料的帶動下開了個好頭。」另外，他又認為「業績期整體將為利多，我們可能將聽到企業情況改善，以及看到一些行業營收增加」。

我在《頭條日報》講起匯控和高盛等美資大行的看法不同，惹人憂慮，可以再補白兩筆。匯控CEO 紀勤(Michael Geoghegan)在上週末接受《金融時報》採訪時表示，由於擔心未來幾個月內可能再次出現經濟衰退，他正在推遲企業擴張計劃。他認為全球經濟可能會呈「W」形復甦，「如果我的猜測是正確的話，那麼在經濟復甦到來之前，我們必須非常謹慎，不能增加資產負債表上的負債項目，只能在今後將這些計入資產減損。我對增長過快持謹慎態度。」

匯控取態審慎有兩個含意，第一是他在歐美業務好大，佢係知情人士，佢應該睇到歐美業務的反彈不如預期大，所以才有「彈完再跌」的擔憂。股市圖表派交易員好明白呢種感覺，即使日中交易也如是，如果股市一棍插一下來後反彈好有力，個市可能已經見咗底，跟住即使彈完再回，都係反覆向上，但大插後的反彈無乜力，就怕佢再試底。第二，匯控咁講等如預告業績，因為匯控對美國次按業務作了大撥備，如果佢覺得經濟無事，就可以大力回撥，即時會令盈利大升，但紀勤在訪問講明暫時不會為美國業務回撥，所以不能期望匯控純利因為回撥大升。

匯控審慎，不過高盛就取態樂觀，佢認為香港國企股只係調整，昨日對美國大型銀行也作出樂觀預告。高盛分析員昨日話，「市場未能意識到美國大型銀行相對於地區銀行，獲利能力已大幅改善，我們相信這項獲利能力的差異，並未完全反應在股價上。」將大型銀行評級由觀望調高至具吸引力。

個股方面，高盛稱富國銀行（Wells Fargo）「在每股有形資產的變動上，是這一週期的大贏家，由2007年第二季至2009年第二季，增加了70%。理由係富國銀行以低價買進了 Wachovia銀行。」逐將富國銀行調高至「買入」。另外，又將Comerica評級調高至觀望。並將Capital One金融、摩根大通銀行及美國銀行加入其「買入」名單。受高盛調高評級刺激，金融股大幅造好。標普金融股指數收高3.3%， KBW銀行股指數漲3.2%，富國銀行勁升6.9%，美銀升3.8%，而摩根大通漲4.6%，係表現第二好嘅杜指成份股。

美國金融業左右股市，高盛睇得咁好，點會估計經濟進入一個W型復甦的困境。有人睇好有人睇淡，有買有賣才成市場，睇吓你信邊個，不過作為投資者，就要假設吓出現兩種不同情況時，你有乜嘢處境。

陸羽仁

Mr.Business

2009/10/7 上午 10:35:40  

陸羽仁覆網友

Ray:你問乜位可以入恒生H 股ETF基金及和黃，先講和黃，若買和黃不如買長實，打開長實幅圖，雖然未能做到好完整一級級向上，但都好過和黃將圖好多，和黃走勢似兩個磨菇頭，向上時好乏力，反彈時升幅受制。建議改留意長實，等現價回2、3%可以入第一注。2828強勢的，幅圖係完美的一級級上型態，穿120元可揸第一注，第二注 115元，第三注110元。保守一點可以等115元才買第一注。

你問W 型復甦的問題，我假定這是一種風險，發生機會20%、30%，所謂W型復甦，其實等如講有一個雙底衰退，不是高升後的調整。假設不幸出現雙底，第二個底應在明年第1、2季出現機會較大，因為今年第3季、4季基數低，有較佳經濟數字不出奇，明年3月後要見真章，唔會等到2011年咁遲才出現。

趙子龍:你講得好啱，如果散戶炒期指炒兩年，經常炒，兩年過後計埋使費唔使輸，已經算唔錯啦，期指是香港股市的英雄地，亦是大戶屠殺散戶的地方。

阿法利亞:所以你買期指直至有合理戰績前，只宜小注，甚至做paper trade。Range trading的問題是大市有三分二至四分三日子是小幅波動，適合range trading，但有少部份時間是向一個方向行，range trading會輸，問題是如何控制輸時的損失。

Clmama:你話股市三月後一直睇淡，輸得好慘。炒股只能順勢，到在3到5月睇淡好正常，6、7月後繼續看淡，不肯接受大市變化的事實，以後要戒。

Blog女主人之決戰股市之巔: 炒期指有微利算OK啦，你的手法等如「贏就坐輸就閃」，都係一個方法。

Mr.Business

金融High Tea——好淡交鋒 力強者勝
2009年10月7日

美國服務業恢復增長，加上市場憧憬第三季企業業績向好，帶動美股收高，結束了連續四天的跌勢。恒指跟隨高開81點後反覆向上，中午前曾一度升逾200點至 20638點，半日收市略為回順。恒指午後在中移動（941）、礇控（005）和中資股帶動下，發力向上，衝破50天移動平均線，以接近全日最高位收市。

恒指大升382點，收報20811點，期指收報20828點，升432點，比現貨高水16點，成交61450張。中資國企股表現更好，國企指數收報 11986點，漲431點或2.9%。惟大市交投未能完全配合升市，成交只有563億元。重磅股礇控和中移動係推動大市午後抽升的主要火車頭。雙雙都以接近全日最高位收市。

美股杜指上日升鰦112點，但港股早段跟唔足，升百幾點當交差。上午11點幾時傳來澳洲加息0.25厘的消息，澳元急彈。

正如中環茶友所講，澳洲係G20中第一個加息，去年亦係佢帶頭減息1厘，拉開環球減息潮的序幕，今次又係佢帶頭加息。市場本來預澳洲最快在下月才加息，點知澳洲儲備銀行突然就宣佈加息，消息出乎意外，澳洲加息後，經濟表現較好的新興市場也要考慮加息。不過歐、美等經濟復甦較慢的大國可能要遲一步才加。無論如何，澳洲打響第一槍後，意味超低息的年代開始過去。加息對股市當然不是好消息，澳洲股市腳軟軟，結果在外圍大升時，澳股也只是微升0.4%。

高盛礇豐唱對台

港股上午對澳洲加息無乜反應，但下午3點幾卻突然抽升，急抽200幾點，中環茶友講笑咁話，呢鱓叫做「高盛對礇控」，事關礇控和高盛一個睇好一個睇淡，礇控CEO紀勤話美國經濟將會出現W形復甦，即係未來仍會回落。但第一大投資銀行高盛似乎唔係咁睇，佢昨日發表報告睇好美國大型銀行，話市場未能意識到美國大型銀行相對於地區銀行，獲利能力已大幅改善，高盛將美國大型銀行評級由觀望調高至具吸引力，搞到上一日美國大銀行急抽。

茶友話，高盛睇好，礇控睇淡，唔知係唔係高盛的支持者要露一露二頭肌，所以昨日下午股市一抽就抽鰦200幾點，在這個好友淡友小交鋒中，好友展示一種操控大局的力量，雖然未能假定呢個月的調整已完，但淡友唔見得有太大力量。

講開礇豐對高盛，一個睇淡一個睇好，昨日又出現紀勤對葛霖，事關行政總裁紀勤話經濟會出現W形復甦，對前景唱得好淡，但跟住輪到主席葛霖蒲頭，又唱得好鱓，出現內部打對台的情況。

紀勤的W形復甦論一出，礇豐股價一度走軟，有礇豐小股東話大班有無搞錯，聽佢咁講豈不是令人對礇豐美國業務好擔心，大家感覺係美國經濟好唔好唔知，但礇豐美國業務就似乎好唔靚仔喎，加上他表示不會有急促擴張的大計，似乎預示集團未來增長會比較保守，咁講法叫其他投資者點買得落手呀！

有茶友就話，不排除紀勤之言又係玩期望控制，皆因之前礇豐高層成日都話股價升得過急，言下暗示股價好得太早，業績未必跟得上，所以咪出鈬降纒溫囉。話口未完，礇控主席葛霖昨日就跳鰦出鈬話，相信最壞時間已經過去，又話新興市場會成為增長動力，不排除兩個巨頭一個唱好、一個唱淡，微調投資者對管理層的期望。

華潤水泥（1313）昨天首日掛牌，終於做番場好戲，雖然市前暗盤成交只有3.7元多，低於招股價3.9元，昨日一開市曾低見3.73元，但好快就砌番上招股價之上，結果全日在招股價水平上落，收報3.9元，與招股價相同，成交6.09億股，涉及金額23.6億元。

新股破穿底宿命

華潤水泥終止了連續5隻新股掛牌跌穿招股價的紀錄，華泥的保薦人係摩根士丹利及瑞信，佢雖然以上限3.9元定價，但結果卻可力守招股價，對股東算有交代，亦顯示保薦人護盤的功架，大摩有咁鮋功力，的確可以省靚自己個招牌。預計新股只要定價合理一點，新股市場應可穩定下來。

陸羽仁

Mr.Business

兩種詮釋         
2009/10/7 上午 09:49:20
網誌分類: 經濟

澳洲央行意外地提前加息0.25厘至3.25厘，係20國集團(G20)第一個加息的國家，預示全球超低息時代將逐步完結，按傳統智慧加息對澳元係好消息，對澳洲以至西方主要股市都唔係好消息，所以澳洲昨日股市反應都幾正路，昨日人升澳股只能微升0.4%。

不過歐美金融市場反應就唔係幾正路噃，佢地倒轉嚟睇，認為澳洲加息顯示佢經濟開始穩定，話會加強了投資者對經濟復甦的希望，結果金融市場大波動，美元走弱，美元指數跌0.7% 創新低，而黃金和大宗商品上升，金、鋁、煤、油全部升2至4%，金價升上52週新高，紐約期金曾見1045美元，現報1038美元，歐美股市亦大幅向上。所以有時同一單消息，可以有兩種相反的詮釋，澳洲股市昨日腳軟完，今日知道歐美市場當佢地加息係好消息，今日早段升番1.5%，叫做補吓數啦。

美股昨日第二日大幅攀升，杜指開市即抽上9700 點水平，上午最多升過174點，下午回順約100點後再重拾升軌，杜指收市報9731點，升131點或1.4%；標普500指數收報1055點，漲14點或1.4%；納指上揚35點或1.7%，收報2104點。紐約證交所交投依然偏淡，成交只有12億股。杜指期貨最新報9664點，比現貨低水67點。

美股逼近高位，標普500 指數收1055點，距離9月22日的高位1071點，只有1%之遙。今次美股調整只跌了5%左右，其實自3月美股從低位反彈以來，只有6月尾7月初那一次調整幅度較大，跌了9%，其餘每一次調整都只是跌3至5%，呢次唔係跌咁多，係正常而非特殊。美股維持一級級向上的強勢，雖然升得唔算太急，但亦穩定向上。

在美國交易的港股預托證券升幅溫和，ADR港比指數收報20901點，比香港收市高89點。兩隻重磅股個別發展，匯控直頭無得升，收報86.58元，比香港收市低0.1%；中移動收報76.96元，比香港收市高0.3%。

澳洲成為20 國集團(G20)成員國中，自金融危機以來首個加息的國家，澳洲央行指經濟已渡過最危險的時候，所以可以開始脫離超低息期。經濟衰退本來是壞事，但政府在衰退期大開水喉，卻成為支持股市的主要動力; 反過來說，經濟復甦本來是好事，但政府在復甦期開始加息和減少放水，卻會令投資市場產生震蕩，因為低資金成本的日子即將過去。所以大家一直關心各地政府開始加息時市場的表現，今次澳洲開了一個好頭，首次加息卻令市場作正面詮釋，出現一個加息而股市不跌的良性循環，政府可以慢慢退場，令經濟回到正常自我運轉的軌道。

不少交易員傾向相信加息預示全球經濟正在復甦。KeyBanc Capital Markets的上市交易部主管Kevin Kruszenski話，「澳洲央行升息，證明經濟狀況正在改善。對南半球的經濟而言，這是一個利好的指標。」美國聯儲加局則暗示，近期不大可能加息。紐約聯邦儲備銀行行長William Dudley在週一晚間表示，利率將在較長一段時間內維持在低水平。

美匯指數下跌0.7%，最新報76.51。杜瓊斯美國國際集團商品指數(Dow Jones-AIG Commodity Index)漲2.5%。美銀美林大宗商品交易分析師布蘭奇(Francisco Blanch)週一出席倫敦的一個會議時估計，到2011年油價重返每桶100美元上方時，金價或會升至每安士1500美元。他表示，全球流動性過剩以及因政策限制而引發的石油短缺都將會推動油價回升，與此同時，多數大宗商品的價格也會隨之上漲。在2011年之前，金價可能仍會從匯率的疲弱走勢中獲得支撐，而且有望升至高點1150美元。

布蘭奇看好銅價走勢，但預計鋁價的上行空間有限。他指儘管全球經濟陷入衰退，但銅的庫存增長速度卻非常慢，未來銅市場將依然吃緊，預計明年銅供應將會出現短缺現象。鋁市場則依然面臨庫存高企以及新增產能問題。布蘭奇對商品價格走勢的估計，可以作為愛炒商品股者的參考。

陸羽仁

Mr.Business

2009/10/8 上午 11:50:09  

陸羽仁覆網友

Ray:兩隻大股都比較落後，港股短期試新高的動力未係好夠，可能做個小雙頂的機會高啲。

市場反應唔係幾正路，唔一定係托價出貨，特別係反應唔正路的是環球金股匯市場齊郁，更加唔好假設人地係托價，美股維持一個好靚的反覆向上的格局，直至這個格局被破壞前，何必假設個市要大跌呢? 至於W型係講經濟，我信全球經濟在復甦中，所謂W型雙底衰退，係一種風險，若萬一發生，也是明年稍後之事，而家先至10月，可以炒幾轉了。但睇市要睇長中短期，我係中期樂觀，但短期港股升到近頂位時，我又會增加戒心啦。

III:恒指不止係一個上落市，都維持到一個反覆向上的型態，底部一點點地移高。至於W型的問題，如前所述，暫時未睇到復甦向上的趨勢逆轉，W型只係一種風險。如要講三七分，佢就係三那一份。

Loss Confidence: 你現時贏了半桶金，想從股市抽走去投資物業，我覺得風險未必低啲。如果你買股是買紅色股，買樓是買香港樓，咁樣轉法風險未必會更低。因為買樓是較長線投資，長線回報和經濟發展的速度有關，香港經濟不如內地，咁樣轉法亦有風險。講番轉頭，如果股市唔得，假設由21000點插番落15000點(完全是假設而唔係估計)，你估樓價會點，你買樓借咗七成錢，放大咗投資，可能輸更多，所以你要睇好香港個市才應該咁轉。記住若要將資金由股轉樓，係股市超前升，而樓未升時，才有轉的意義。

Momosan:你問中鋁現價可否追，中鋁應該係早前跟大陸升得太急，要抖氣，所以走勢圖唔靚，現價可以買少少，但最好分注，其餘等佢再低啲才買。

Bluepanda:中國自己有鋁，還要大量向美國入口鋁，所以令美國人懷疑中國屯積鋁材，但而家估計係中國大搞建設，對鋁材需求太勁，有啲用家買定先，而唔一定係炒作的行為。

Yuki:你問調整完未，過去試過一兩次，港股調整緊遇上美股升，又會彈番一個星期，造出一個小雙頂，但向上突破乏力，彈完又要下行一段，才完成調整，這樣下次就夠力破高位。

A50 基金在9月30日大陸假前收13.44元，現價13.72元，只是升咗2%，還在合理範圍，但如果大市再上，佢再升高，升到5%以上時就要小心，因為即使外圍升咗，大陸明天開番市都未必要升咁多，所以理論上A50如今係盲目飛行，但亦不排除有大戶趁亂搵食，抽得太高就小心人地派貨俾你。

若港股在本周末已抽上高位，小心大陸開市後再彈一彈，跟住就開始軟。

金隅暫時只似係跟大市反彈，未太似係大炒，照理未夠時間收乾貨。



你問IPO 「協調人、賬簿管理人、保薦人&牽頭經辦人等」係做乜嘢，長話短說，你主要應留意保薦人和主要包銷商，好多時係同一個或同一批經紀行，保薦人向港交所交申請保薦隻股票上，為佢整個「故事」負責，包銷商(如果係真的話)就係包銷股份，招股後如果賣唔哂啲股票，包銷商要啃，你睇耐啲就知邊啲包銷商得邊啲唔得，因為叻的包銷商從第一日開始，就揀到好公司同佢申請上市，雞嘢唔會做。



迪迪仔:A50的風險是發行人風險，係好異常(雷曼都執)的情況下才會出現，你想加碼月供，宏利都OK，另一個選擇係2828，等如買H股。



花太:短炒見大市試高位唔穿，可以先食一部份，並定埋其他的止膁位，沽咗候回吐買入再炒。但如果長揸就無所謂，無謂出出入入，反而應該逢低吸納。