【专题讨论】转载香港頭條網陸羽仁, 王雅媛的文章

Mr.Business

2009/9/10 上午 11:24:12  

陸羽仁覆網友

Loss confidence:你話19.9元沽了阿里巴巴，唔知你係長定短，長線本來唔使沽住，因為沽咗即使跌一成你又未必買番，好股可能就咁走咗，短炒就另計啦。

Ray:我估大市呢一轉可能衝一衝22000點，好難睇到散戶淡倉死亡的資料，但從市場氣氛看，散戶仲係「唔信鏡」的心態中，所以感覺係大戶做好，散戶做淡。要人人都信股市好好，才是另一浪調整出現時。

大陸市直覺覺得可能仲要回一次而唔穿上次低回，才完全結朿呢一次調整，但係唔知會唔會俾港股和外圍氣氛影響而調整唔落去。中移動可能已結朿咗調整，等緊炒一浪上A，所以似乎唔使咁急走，或者等到大市上22000點走吧，唔放心有一成利潤時可走三分一至一半。

牆頭草:阿里巴巴未改反覆向上之勢。

Any:想買股最好今年買，唔係明年經濟全面復甦時仲貴。月供可以今天開始。

小潘:我估煤氣若有大動作都係加大大陸燃氣投資。

花太、Gigi:認購國藥和中冶金，恐怕都唔係咁易抽中一手，都要落多啲錢先至可以較大機會得一手。呢兩隻係分得好少，但係幾安全的股份。

Bluepanda:405息率8.5厘，625息率11厘，但405個招牌大啲，穩陣啲。

Mr.Business

注：此篇文章版权归香港頭條網所有。

金融High Tea——內幕人士唔識睇？
2009年9月10日

內地A股朝早由升轉跌，加上市場配股減持活動頻頻，打擊投資氣氛，股市從高位調整。恒指過去連升四日，累積升幅超過1500點，昨日調整幅度溫和，算係轁一轁氣，恒指收報20851點，跌218點或1%，期指收報20822點，跌240點，比現貨低水31點，成交72587張。國企指數收報12106點，挫170點或1.4%。大市成交回落至626億元。

昨日市場無乜重大消息，焦點就落在各方減持股票上。中國社保基金於9月3日，以每股平均價10.03元，減持中煤能源（1898）1000萬股至 8.78%。阿里巴巴（1688） 主席馬雲，以每股20.78至21元，配售1300萬股公司股份，套現最多2.73億元。另外聯想集團（992）母公司聯想控股，日前引入中國泛海集團為第三大股東後，持有聯想的私募基金德州太平洋 （TPG）、General Atlantic（GA）及新橋資本亞洲，卻在上日港股收市後，按每股3.55至3.57元，較收市價3.66元折讓約2.5%至3%，配售2.92億股，最多套現10.4億元。在主要股東減持影響下，有關股份的沽盤湧現，阿里巴巴下挫6.7%，聯想亦挫5.7%。消息觸發市場憂慮股市是否見頂，打擊投資氣氛。

馬雲有水 經紀至愛

在幾隻股份中，阿里巴巴是大股東馬雲減持，當然更加矚目，阿里巴巴在上月中公佈中期業績，中期純利按年跌26%至5.1億元人民幣，業績好過市場預期，更派特別股息2毫，為上市後首次派息。阿里巴巴股價在7月中由13個幾起步，公佈業績前已炒上18個幾，公佈業績後再升，本周初升至22個幾，馬雲就借機減持，袋番2.7億。

一般人相信大股東係內幕人士，佢都減持，隻股唔慌有運行。大股東減持當然對股價有壓力，但係隻股會否就此見頂回落，一沉不起，又真係講唔定，首先馬雲唔係沽清，只係估鰦1300萬股搵鱓使用，你要從大股東的角度諗纒，佢咁辛苦搞大間公司，搞埋上市，股息又唔係收得多，當然要趁好景批纒股搵鱓水，做得咁大間公司主席，使費自然大，聽聞馬雲舉家經常在香港居住，或者沽鰦股票想買番間大屋住纒都講唔定，我係地產經紀就一定搵幾個山頂大屋盤call call佢。

大股東沽得貨當然唔會監平監賤賣，股價當然有番咁上下高，但話佢懐沽親貨都係沽個頂，咁又未必。歷史上最經典的例子，要算思捷環球（330）前大股東邢李穏沽貨，佢在05年3月大手沽貨，當時思捷40幾元，到06年9月再大手減持，令持股量跌到8.9%，當時也只是70元，但思捷高峰時在07年10月升到 130幾元。最記得佢05年大手沽貨時，市場仲話大股東減持唔係好現象，點知話口未完隻股仲抽升，芬佬話思捷由家族公司變成西方式市場持股公司，更加專業咁話。以邢生在40幾元大手沽出的股價計，只及高峰的三分之一，當然其後經過一場金融海嘯洗劫，隻股鶽家只有50元。

另外亦有不少公司管理層買完大跌的例子，好多公司管理層有認股權，由於行使認股權要將個股價差額計薪俸稅，但稅務上計價是以行使的日子計而唔係沽出的日子計，所以有鱓管理層估自己隻股的股價會升，先行使認股權去認股又唔沽貨，想俾少鱓稅，點知認完股就跌鰦落來，結果交稅那筆錢仲大過佢賺的差價。

李四叔叫人睇「質地」

所以見上市公司呢鱓大股東或管理層沽貨，唔好盲目信佢懐係知情人士，以為佢懐沽得隻股一定玩完，反而應該咁睇，「市場先生」自有其規律，而且呢鱓人沽得貨通常都係旺市時，隻股沽完回一陣又升的情況都好常見。

另一方面，踏入9月，新股市場全面進入作戰狀態，市場矚目的重磅股之一國藥控股（1099）開始招股，聞說其配售反應超乎理想。而另一重磅股中冶（1618）及內地男士服裝企業利郎（1234）則於周五（11日）開始招股，相信下周的新股戰會進一步白熱化，特別銀⒂有限的股民見到國藥和中冶真係魚與熊掌。經紀張話大路策略係入大飛抽國藥或中冶，但佢都見有鱓抽新股老手另闢蹊徑，計劃棄兩大股而去博隻利郎，事關近日新股好少破底，利郎遇上兩大，申請人較少，抽佢會分得較多股數，所以係一個絕對投機的敲冷策略，不過膽汁少者唔好試。李四叔就話買新股要小心，以前股份無計得咁足，鶽家計得好盡，上升空間唔大，買新股主要看「質地」，佢就國藥和中冶都有認。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

瘋股（２）
       
2009/9/10 上午 09:49:36
網誌分類: 經濟

美元跌至今年低位，幫助美國產品海外市場的競爭力，利好工業股，在Caterpilla、G.E. 和波音飛機造好帶領下，杜指連續第四日上揚。杜指開市後輕微下跌20點後則全力反撲，中午已倒升80點，之後在高位徘徊。午後，聯儲局公佈褐皮書，美股一度打回原形，但在9500點已見支持，尾市又再度回升。收市保持升勢，但升幅溫和。

杜指收報9547點，升50點或0.5%；標普500指數收報1033點，升8點或0.8%；納指表現最好，漲23點或1.1%，收報2069點。紐約證交所交投淡靜，成交縮減至13.3億股。杜指期貨最新報9528點，比現貨低水19點。

Stifel, Nicolaus & Co投資組合經理Chad Morganlander話，美元走弱似乎是市場的「新催化劑」。高盛把Illinois Tool Works評級上調至「強烈建議買入」，又上調杜指成份股通用電氣(GE)、聯合科技(United Technologies)和3M的目標價，工業股全天領漲，整體漲幅為1.6%。Illinois Tool Works升5%、聯合科技升1.4%、G.E. 上漲2.6%、波音上漲2.1%、Caterpilla漲3.1%，係表現最好的杜指成份股。

聯儲局昨日發佈的褐皮書，內容唯一的亮點是製造業訂單有所提高，其他經濟領域表現平淡，大部分地區經濟活動有所減弱，而不是增強。大部分地區房價壓力依然沉重。勞動市場疲弱，零售銷售總體持平。非必需消費品行業下跌了0.1%，公用事業也下跌了0.1%。

金融股在大部分時間跑輸大市，但在尾市回升，最終上升了1.4%，支撐大市尾市向上。其中AIG在連續兩天暴跌後反彈8.5%，美銀升0.1%，美國運通和高盛升1.8%。摩根大通上調摩根士丹利評級，摩根大通升0.8%，大摩升2.7%，花旗集團則逆市跌0.4%。

港股美國預托證券跟隨美股造好，ADR港比指數收報21095點，比香港收市高243點。匯控收報85.01元，比香港收市價高2.1%；中移動收報78.72元，比香港收市價高0.3%。

再談瘋股，以騰訊(00700)股價及相關新聞 做例子，上半年在金融海嘯這種環境，盈利還增長89%，更加深市場認定它是一隻高增長股，買高增長股是買它的前景，不是買它的今天。中國五大互聯網巨頭是騰訊、百度、新浪、網易、雅虎中國，除了搜索引擎百度之外，騰訊主頁瀏覽量在2009年以來持續領先，佔全球戶數比重在3.5%以上，騰訊主頁的訪問有21%是去了QQ空間，突顯騰訊在網上對話行業的壟斷地位。所以外國投資者要買中國互聯網股，首先要睇騰訊和百度。

        騰訊也不是只有眼球沒有收入，佢的盈利增長住績可人，06年純利增幅119%，07年純利增幅47%，08年純利增幅78%，達27.8億元人民幣，今年上半年純利增長89%。可以假設，你係一個鬼佬芬佬，一早買咗騰訊，在08年頭見到騰訊公布07年全年業績，騰訊07年全年純利增幅下降到47%，而且07年係一個經濟大環境的好年頭，你會開始有少少懷疑隻股得唔得，會否步入低增長期。但到今年3月中騰訊公布08年業績，睇到騰訊08年純利再有78%高增長，當中最大業務互聯網增值服務收入有人民幣49.2億元，比去年同期增長95.5%，核心業務在經濟差的環境下仍有咁高增長，你會放心加注，這就是騰訊在3月中股價開始由50元開始起步的原因，不止因為大市復甦，亦因為其業績對辦。

        再講吓管理層減持的問題，騰訊總裁劉熾平在4月2日以每股20.4元賣出20萬股，套現1200萬，之後在79.6元、85.4元、86.7元、91.3元、114元，合共賣出了60萬股。騰訊首席技術官張志東沽得仲多，由79.1元開始沽，一直沽到114元，沽出近500萬股，套現4億元以上。這些內幕人士不斷沽貨，或許反映他們覺得近80元已經好高，以08年盈利計是45倍PE，估唔到佢仲可以升到129元。又證明一樣嘢，公司高層人士沽貨，唔等如股價會跌，或者高層沽貨後想買間豪宅享受吓人生，佢地啲真正動機會唔會知。我估現價買騰訊的以芬佬居多，睇得較好的瑞銀將騰訊的目標價定在145元，唔可以話現價129元好離譜。

所以網友牆頭草問如何捕捉這些「瘋股」，若以基金買貨的角度，都要由盈利表現開始，雖然大家俾高科技股、互聯網股一些溢價，但若業績唔對辦，升咗都會跌番落來，但業績若顯露持續高增長的勢頭，芬佬會願意俾好高溢價去追貨。所以要捕捉這類有實質因素支持的瘋股，首先要從芬佬喜愛的行業開始，大陸的科技股、互聯網股、新能源股，肯定是芬佬喜愛的類別。第二最好搵行業的領導者，有壟斷地位者更啱。第三，要留意這批對象的業績，若業績優於預期，顯露持續高增長的勢頭，就係投資好對象。

牆頭草話即使有幸買入這些股份，都會走得太快，好多時食幾成就走咗。這是慣常現象，有一班人專炒業績，在業績公布後入貨，見好業績出來後就出貨，這批是短炒者，一般散戶都有這種心態，見到隻股升兩三成，就算本來打算長線都會走，但這種短炒投機者獲利、股份回調的時候，正是長線投資者入場的時候。

你換一個長線芬佬的角度去想，佢買入一隻好股，要沽番出街，要有一個好理由，當然升得太離譜可以係一個理由，但更重要的理由是當初買入的原因消失了，例如行業突變，更可能是盈利增長開始放慢(中移動有少少咁o既跡象，大家而家只是等佢上A股炒一炒而矣)，芬佬就會計數離場，所以你睇到呢啲現象前，唔使走得太快，你無聽過「贏就谷，輸就縮」咩，點解一贏少少就要縮呢?

最後還有一招，隻股升咗一倍，你真係好唔放心，可以先沽一半，攞番所有成本，咁就唔怕揸長啲，因為點跌你都唔會輸入肉，可以放長線咁睇，笑傲江湖。不少散戶好多時唔係無揀中好股，但食得好少就走咗，贏就食一兩成，輸就輸七、八成都唔止蝕死揸不放，咁夾埋就輸多贏少啦。

陸羽仁

http://www.hkheadline.com/blog/r ... rd=&searchtype=

Mr.Business

2009/9/11 上午 11:50:10  

陸羽仁覆網友

Kathleen:唔使估啦，其實你地做吓功課，搵番過去兩三年上市的股份，睇吓邊啲業績有表現，隻股又升覆向上者，你都可以掘吓好股。

Twohitsix:你講嗰隻回得太厲害，唔似喎。你睇我一日要寫兩篇嘢，就知我係「口水茶友」啦。

Ray:宏利回落不少，現價可吸第一注，進取點買多一點，保守點每低5%買第二、三注。

內地股市係一個大浪調整，時間上無咁快完，反彈完要再向下試一試，但遇上外圍升市，數據又唔差，所以又落唔到去，短線走勢雖向上，但唔好睇得太高。

CCB:大摩調高了中糧油的目標價，顯示外資行對佢業績有好評，你等咁耐才見家鄉，除非對大市對景好睇淡，否則唔使咁急走。雖然短線衝高後可能回吐，但整體走勢不俗。

Any:中移動現價不算太貴，有上A股概念支持。另外中鐵建同國航唔同類，中鐵建係賺錢股，但PE31倍，國航你要等佢輚運，博佢全年賺番錢，若手上貨太少，都可以買少少叫做有啲貨底。

Bluepanda:625和405比較見昨日回應。

牆頭草:升得太離譜當然係一個沽貨理由，若然沽了會搵番揸番的專業投資者，沽少少都唔拘。問題是若你是長線投資者，若假設佢中線仲會維持向上之勢，若沽咗就徹底離場的話，就要考慮沽咗佢啲錢又買乜呢?另外買o既嘢風險係高啲還是低啲呢?

Stock beginner:中交建走勢較平緩，PE19倍，論PE低過中鐵建，但中國大搞鐵路，概念中鐵建好炒啲。既然中交建走勢係咁，唔好期望佢短期內會改變。

月供加重供2823都OK。

Mr.Business

注：此篇文章版权归香港頭條網所有。

金融High Tea——新股王重錘圍國藥
2009年9月11日

美股上日升近高位，但內地股市在公佈多項主要經濟數據前夕，反覆偏軟。恒指昨日高開280點後，再度重上21000點上方，其後略為回順，又繼續攀升，上午以高位收市。滬深股市午後反彈，但臨近收市又再下挫，結束了連續七天的升勢。恒指最高升過472點，一度創今年新高，但3點過後無耐，恒指突然插水 300點有多，跌至21000點邊緣才回穩，升幅大幅收窄。

恒指收報21069點，升218點或1.05%，現貨收市後期指再插，收報20960點，升125點，比現貨低水110點，成交66578張。國企指數收報12216點，升111點或0.92%。大市成交一般，只有676億元。

食一番唔好貪

高盛將聯通（762）評級由「中性」升至「買入」，納入確信買入名單，目標價由10.1元調高至13.5元。指聯通高盛預見未來季度上客勢頭好過中移動（941）及中電信（728）。佢同時又重申中移動評級為「買入」，指估值便宜及盈利風險相對較低，但容量上調空間有限；中移動昨日升1.5%，收79.6元。

新股熱潮又起，國藥（1099）和中冶（1618）係焦點，陸羽仁有個老友叫「新股王」，由於佢有大筆現金存在銀行，又唔喜歡買ELI（股票掛鹇票據）呢鱓產品，所以在07年前開始已被銀行游說抽熱門新股。金融海嘯呢年幾，新股王都無出動，到最近金隅（2009）上市，佢就入「大飛」去抽，放70萬本金，加埋借鰦700幾萬落飛，結果分到一萬股，上市第一日有10個幾就放，結果扣除成本賺鰦萬幾、兩萬元。佢話當日好多朋友都話呢隻「金魚」得，可以長獱，但佢炒新股的策略是「食一番，唔好貪」，所以全部都係第一日沽清，今次重新出動認新股執到兩萬銀，叫做?番個彩，如果獱到鶽家得番8.64元，仲衰。今次新股王睇中隻國藥，計劃出到145萬本金，借1450萬去認購，間銀行收佢1.9厘年息，借7日利息成本5300元，佢放多鱓本金因為估計國藥更熱，分得股份更少，唔認多鱓分唔到貨。

買到好股要坐實

新股王講起佢07、08年的戰績相當唔錯，認鰦10隻新股，賺鰦9隻，衰鰦1隻，賺者從賺幾萬到賺10幾、20萬都有，但最後在08年3月認隻中鐵建（1186），跌破招股價，佢結果無沽貨，獱到鶽家都有賺，不過自從認中鐵建上市破底後，佢覺得大市氣氛唔對路，就再無入大飛認新股，直到今年。入大飛認新股唔係無風險，如果入鰦飛遇上股災，可能認到的新股比想像中多，又走唔到，但出現咁情況的機會又唔算太大，新股王專認熱門股份，認到的股數唔多，加上第一日就出貨，咁就控制鰦風險。

股市升上新高之際，理論固然重要，實戰建議亦不可少，陸羽仁日前談及大行推介的10倍股，好多讀者感興趣，中環茶友中都議論紛紛，其中一個茶友係牙擦王，聲稱自己已經扑中一隻10倍股，就係股神巴菲特之比亞迪（1211），牙擦茶友話07年買中比亞迪，並非真係眼光如神，他笑言，當日買入此股，都無想過集團旗下電池車生意潛力如此驚人，只不過他見到集團主席王傳福上市時，雖然公司屬於民企，仍堅持要以國企之高標準進行，所以槌鎚買入，之後股價屢創新高，他在高位沽貨收回成本，剩餘股份就一直持有，總之買到好股，記住一招sit right and sit tight坐到尾，咁就有機會扑到大№腬！

茶友又話，10倍股特性之一，係業務可以持續高速增長，所以多數唔係做地產發展之類的資產股，而且十居其九係中型公司mid cap，呢類股份開始上升時，未必有大行發表研究報告分析，佢揀股準則係「寧買當頭起」，佢話好多老散鍾意低撈博反彈，佢就從來都唔鍾意，亦從來唔會因為跌得平走去買一隻自己唔鍾意的股份，佢好招積咁話，貪平低撈等如捉棋貪食卒，係棋屎所為，高手絕對不會做喎，你撈三隻有兩隻得，有一隻死鰦，咁都搞死你。

牙擦友講鰦一大輪，咁有無實際推介先？佢話「軲巴」就唔會講，不過，近日佢睇中兩隻上市唔夠兩年的股份，兩者共通點都係剛剛升番上招股價水面，有隻昨日仲創鰦新高銏，大家可以按照呢兩個標準自己發掘，雖然呢鱓股份累積升幅已經唔細，未必可以再做10倍股，但如果個市好落去，翻兩番機會仲係有。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

瘋股（３）
       
2009/9/11 上午 09:36:21
網誌分類: 經濟

美國勞工市場和零售銷售數據好過預期，刺激投資氣氛，迪士尼和寶潔(Procter & Gamble)等巨股上漲推動，美股連續第五天上升。標普500指數更創了自去年10月6日以來新高，杜指亦創了今年高位。杜指開市稍挫，在勞工部公佈首次申領失業救濟金人數好過預期，指數見底回升，升幅逐步擴大，下午曾一度回落，但尾市再上，以接近全日最高位收市。

杜指收報9627點，升80點或0.8%；標普500指數收報1044點，升11點或1%；納指表現最好，漲24點或1.2%，收報2084點。紐約證交所交投轉趨活躍，成交增至接近16億股。杜指期貨最新報9534點，比現貨大幅低水93點。

美國公佈最近一週首次申領失業救濟金人數下跌2.6萬人至55萬人，好過市的場預期，係7月份以來的新低。在USAA Investment Management Co. 管理達900億美元資產的Wasif Latif話，就業數據係經濟可能已經觸底的另一個證明。另一報告亦顯示進口外國產品增幅創紀錄，反映美國消費者支出在加強。Redbook Research公佈的最新全美零售額指標顯示，9月份第一周全美連鎖店銷售額較上月同期上升0.2%，遠高過市場預期的下降0.3%。

寶潔話將會把大約10%的產品降價，加大促銷力度，並預計將推動銷售增長，改善下季營收。寶潔上漲3.7%，係杜指成份股的升市亞軍，而冠軍就係迪士尼，股價大升逾半成。金融股普遍造好。當中美銀和美國運通升約1%，花旗集團升1.9%，高盛升2.7%。

港股美國預托證券造好，ADR港比指數收報21176點，比香港收市高106點。匯控收報85.02元，比香港收市價高1.3%；中移動則下跌，收報78.7元，比香港收市價低1.1%。

美股和港股的走勢接近，港股更略超前，港股昨日日中已創了今年新高，而美股昨日亦創今年新高，杜指昨日最高9633點，比8月28日的高位9630點還要高，昨日收9627點，係在接近高位收市。雖然美股今次衝高唔係好夠爆發性上升的氣勢，但回吐兩個星期又上高位，顯示股市仍甚強勢，買意較強，沽壓不大。以港股而論，由於內地股市還在回氣階段，未似有回升創新高的氣勢，所以短期港股還是和美國同步，要看這次美股上升，究竟是一雙頂，還是一浪高於一浪的走勢，斷估美股即使略回吐，短期亦有再上衝的可能性，杜指有機會衝上9750點的高位。

網友牆頭草再問「瘋股」的問題，問「呢啲升左兩三倍的有前景、有鬼佬照的瘋股,  跟唔跟吓好呢 ??通常呢D股回都係最多回三成最多又衝過，好似又跟得過。」

瘋股升得咁多，自然有機會回吐，甚至終止升勢。我地首先要關心佢地會唔會終止升勢，我估瘋股終止升勢主要有兩個原因，第一，大市玩完，出現大插水甚至股災，瘋股的升勢多少是由於旺市熱錢買入推動，所以大市玩完佢地亦會大插水，阿里巴巴(01688)股價及相關新聞 上一浪大跌就係咁。第二，隻股的基本因素起了根本變化，例如高增長不再。以目前形勢判斷，而家的旺市炒多半年一年絕不為奇，暫時不用擔心出現大跌市。其次是內地經濟大環境轉好，這些瘋股半年內業績大轉壞的機會較少，即係話佢地半年後公布全年業績亦多數係一份好業績，所以牌面睇佢地全面終止升勢的機會唔太大。

若然如此，瘋股升得多會回吐，但多數係調整而非大跌，正如牆頭草所講，頂多回三成又衝過，我估好多時佢地消耗咗上升的刺激後，會跟大市回吐，回一、兩成合理啲，以騰訊為例，現價128.7元，回一成係115.8元，還在上升軌之上，回兩成去番103元，跌穿咗上升軌，走勢比較肉酸，但除非佢自己有好壞消息，否則都唔易跌番穿100元。所以要跟呢啲瘋股，等佢回吐時買就安全少少。記住要定止蝕，因為好多朋友其實唔識判斷股份下跌的原因，可能隻股出現咗質變都唔知，所以定一成、甚至兩成止蝕，係保護自己的好方法。

陸羽仁

http://www.hkheadline.com/blog/r ... rd=&searchtype=

Mr.Business

2009/9/14 上午 11:12:04  

陸羽仁覆網友

Ray:直覺覺得內地過完國慶仲要回吓，因為大家都認為國慶會頂住，所以過咗國慶有啲回吐壓力。

宏利7月的浪底130元左右，高位193元，若回到140元，已跌了27%，調整深度充夠，在140元守得住還維持一個上升軌型態，所以估計跌穿140元的機會過50%，除非環球金融市場有重大調整，才會拉回130元或以下這種水平。

加拿大經濟受美國影響很深，勝在有能源頂一頂，美元是大趨勢向下，所以加紙到年底應反覆維持強勢。

Loss confidence:你隻707業績差勁，但市值細，成交出奇地密，自然有大阿哥睇場，升跌唔係你咁易估到。2009新股上市，炒上高位後有人散咗貨，所以隻股要整固，跌落來收乾街貨，先至再有得炒。所以短期股價走勢唔可以單睇基本因素，還有市場操作的因素。

Cashin:唔同地方用平均線有其集慣，唔好理250日線合理啲定200日線合理啲，只要當地市場用慣那條線，股價接近那些價位會有反應。

111:歐美消費市場一日未復甦，做廠都唔易(有壟斷性地位的大廠例外)。你問明年年頭股市會否大插3000點以上，我話先睇今年尾會否大升，升得愈急，明年下插的機會增加，但若果大市係反覆整固或上落，明年頭大插的風險就唔太大。

香港買樓似乎係易炒難揸，易炒者，整固完似向上，難揸者，明年中若美國開市加息，港樓又已升上高位，能否維持升勢很難說。

勝過失敗、花太:好股要自己去研究、發掘，公司出哂中期業績，要睇你有興趣的公司業績，睇吓佢地核心生意如何，估吓下半年點樣，慢慢發掘好股吧。

Mr.Business

注：此篇文章版权归香港頭條網所有。

金融High Tea——美元跌 資產升 避不了
2009年9月14日

商品大王羅傑斯在廣州出席一個座談會時講到對美元和大陸股市的看法，特別是他認為A股還會大跌的言論，的確刺激到人們的眼球。

羅傑斯認為，目前A股從低位升了近一倍，價格偏高，將深度調整（上周五上海A股指數收3137點，上證綜指收2989點）。佢話「現時中國A股的價格仍然偏高，我可能會買中國的B股和H股，但我絕不會買A股。待它調整完，價格大跌後，我才會考慮買入，相信9至10月，A股還會出現不利變化，會有調整。」

佢認為現在不是購買股票的最好時機，當前全球股市上升很快，歐美甚至包括香港股市未來一到兩年都會面臨調整，也可能會影響到中國股市。他在另一個訪問解釋他對未來一兩年股市的擔心，主要源於美國並無醫好經濟惡疾，只是印銀紙頂住大市，好似癌症病人只是包鑥療傷一樣，問題仍在惡化，佢估計今年環球股市會好過去年，但到明年和後年就有點擔心了。

羅傑斯話，「我是美國公民，對美元卻沒有信心。」佢預測5年、10年後，美元不會成為世界上的外匯儲備的貨幣。通貨膨脹已經出現，全世界的政府都在儲備大量資金，這將會令情況進一步惡化，政府應該鼓勵人們消費。佢建議，如果想投資的話，要學習投資原材料、自然資源、能源、商品等方面的知識，在未來5至10 年內，這些都是非常好的投資領域。要買股票，亦只會買便宜的、行業情況有正面轉變的股票。

羅傑斯估A股再跌

羅傑斯笑言，「我會用美元來買實體資產，因美國不斷開動印鈔機來印鈔票。我們絕對不用擔心缺少美元，將美元換成實體資產才是最安全的……中國的市場前景非常好，我不僅要女兒學漢語，我還計劃將來搬到中國住，買地安家。」不過佢亦認為中國大城市的樓價升得太急，佢講笑咁話如果新疆的情況穩定下來，他可以去烏魯木齊買地起樓。

羅傑斯是商品大王，偏愛投資商品是好自然的事，但他對中國股市有戒心，估計其中一個原因是A股反彈幅度較商品大得多，A股從低位反彈了近1倍，但商品價格反彈幅度輕微，你睇番反映商品價格的CRB指數，佢從08年6月高位474，跌到今年3月的200，鶽家升番到251，從低位只是反彈了25%左右，反彈的幅度遠比A股、甚至H股為少，所以羅傑斯對彈高的A股有戒心。

如果你睇埋美元走勢，會更加覺得商品升得少，反映美元兌6種主要貨幣的美元指數由今年3月的高位89.6，反覆跌到上周五收市76.6，即係話已跌了 14.5%，匯市不同股市，匯市不應有太大波動，以美元這種全球主要貨幣在半年內跌14.5%計，跌幅相當厲害，而且跌勢未停，大有反覆向08年3月17 日創出的歷史低位70.7邁進。

美元走弱 不變趨勢

理論上商品價格和美元走勢反向相關，美元跌、商品要升，但近日美元弱了很多，商品唔見升得多，主要原因有二，一方面美元去年下半年開始的大反彈，主要因為金融市場出現大恐慌，資金無處可走走入美債避險所致，可以話不是因為美元基本因素而升，而是因為市場短期避險需求而升，避險情況一過，回歸基本因素，資金從美債回流至股市等風險較高的市場，美元就慢慢打回原形，逐步弱化。另一方面，商品經過07年尾、08年頭一輪狂升後，在美元反彈和經濟步入衰退的雙重打擊下，一個泡沫爆破了，如今仍在反彈療傷中，由於經濟未恢復，對工業用商品的需求仍處於低位，所以雖然美元走弱，以美元報價的商品價格仍然升不了那裏，如果撇除美元下跌的因素，商品價格其實比看起來更低！試想歐洲生產商以美元報價入口商品，歐羅兌美元升了，那些商品原料其實價錢更平。無怪乎羅傑斯堅持「商品抵買，股價過高」了。

綜合匯市、股市和商品市場的走勢看，在美國聯儲局大印銀紙的影響下，美元長線走弱的趨勢不能停止，在08年中至今年初的一段走強趨勢，只是在金融海嘯和商品爆泡中的一個「反走勢」，是美元大熊市中的一段小牛市變奏，主要原因是市場在海嘯中過份恐慌，資金無處可走，走入美國國債避險，認為即使大銀行執晒笠，最後美國政府唔會執笠，所以把錢放去買美國國債避難，結果就推高美元。

資金流入 高增長區

究竟美元和美債的下跌，係一個有秩序下跌，還是失控急跌，帶來另一場風暴?金融界高人認為，鶽家美國國債的最大持有者是各國政府，佢懐即使明知美元和美債會持續貶值，但也不會大量沽售美債，因為大手沽貨可能惹來美元和美債暴跌，他們手上持有的重倉會即時貶值，雖然不能完全排除未來其中一個金磚四國的央行行長會做出大沽美債的傻事，但正路計應該不會發生。美元和美債應該有秩序地慢慢跌，即是跌一段又反彈，但會反覆向下，美元相對於資源豐富國家或經濟表現較美國好國家的貨幣，跌幅尤為明顯。

如果美元下跌係一個大趨勢，資金持有者為求保值，就會把錢抽出來，投入各種實體資產，所以係股市先升，特別係高增長的新興國家如中國的股市，因為這些地方有很多公司能夠保持盈利，受海嘯影響遠較歐美公司輕微，這也解釋了A股甚至H股早前升咁多的原因。資金亦湧入樓市，特別係歐美這些重災區以外地區的樓市，物業的價值受租金收益支持，若那些地區中線租金趨勢是上升而非下跌，用美元去那些地方買「磚頭」亦能保值。

羅傑斯的理論是美元弱勢持續，資金走完第一轉、第二轉之後，遲早要投入商品市場，所以他要棄升得高的股市（A股）而向升得少的資產（商品，不是商品股）。

內地資產 趁低吸納

羅傑斯話A股還要大跌，我估還要調整，但是否「大跌」呢?上證綜指由低位1600幾點，反彈到3400幾點，鶽家略低於3000點，上次調整低點2600 幾點，若果羅傑斯話「大跌」係回試2500點、2600點，就唔係好奇，但若要大跌到2000點這種水平，機會就不太大了。首先今年中國經濟能保持8%、甚至9%增長，股市不應太低。其次是若果中國經濟咁掂唔跌要大跌，咁你都唔好買商品了，因為中國如今是全球商品一大買家，股市咁差時經濟都唔慌好，商品價格都好唔到去邊了。另外，羅傑斯估計美國經濟醫唔好，2010至2011年還有另一個大浪殺到，如果這個走勢出現，金融市場又大驚慌，好可能會重演今年初海嘯的一幕，商品唔係大升，而係大插，或者先暴升後暴跌，因為來一個第二浪衰退，經濟轉差，乜都無運行，最後或者又係羅傑斯最唔睇好的美元先至有得升。

無論如何，美元跌、資產升，這個大勢停不了，手獱現金長線無運行。在香港投資者熟悉的環境，無乜平№好買，買內地№已是較好的選擇，趁紅色股回落時入貨，或者入內地大城市買樓，若有4厘幾5厘的租金回報，長獱5年、10年都應該OK，先不論樓價升值，金融高人話，人民幣都可能再升兩三成，應可以對抗到港元跟美元貶值。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

打底         

2009/9/14 上午 09:37:25
網誌分類: 經濟

美股連漲5日，並創近1年新高後，上週五輕微回吐，但跌幅溫和。杜指全日在窄幅波動，先跌後回穩，杜指收報9605點，跌22點或0.2%；標普500指數收報1043點，微跌1點或0.1%；納指挫3點或0.2%，收報2081點。紐約證交所交淡靜，成交縮減至不足14億股。以全周表現計，杜指上周上漲1.7%，標普500指數升2.6%，納指表現最好，漲3.1%。

金融股是上周五美股表現最差的類別，跌幅為0.8%，綜合性銀行股下跌了1.0%。花旗集團跌3%，美銀和富國銀行齊跌1.5%，摩根大通跌1.2%，表現最好的是大摩，逆市升跌0.6%。

密歇根大學9月初消費者信心指數從八月份的65.7上升至70.2，遠好過市場預期的67.5，係最近3個月以來首次上漲。經濟學家認為，9月份消費者信心大幅回升，主要源於美國股市上漲以及投資者對於經濟衰退可能已經結束的樂觀心態。

不過美股卻出現見好消息腳軟的現象，零售股整體下跌了0.8%，Best Buy被Oppenheimer分析員下調了評級，股價下挫3.1%。Wal-mart跌0.6%，P&G跌0.7%。 Miller Tabak證券策略師Peter Bookvar指出，消費者信心並不等同於消費者支出。「消費者信心大幅提升，但零售股全天仍繼續下跌，如果零售股不漲的話，其他行業更沒有上漲的理由。」睇嚟美股見埋新高之後，要等非常利好消息，才有動力再上，一般好消息都推唔到佢上去。

除匯控外，港股在美國的預托證券普遍偏軟，匯控收報84.91元，比香港收市價高0.4%；中移動收報78.66元，比香港收市價低`.7%。而ADR港比指數21074點，比香港收市低87點。但美股杜指期貨最新報9442點，比紐約上周五收市跌了100點，日股今日香港時間9:30大跌261點，跌幅2.5%，港股開市壓力不低。

明日是雷曼兄弟破產引發金融海嘯一周年。金融管理局總裁任志剛話，經過一年，金融市場已經大致回復到海嘯前的水平，但經濟表現未有配合，兩者的關係出現扭曲。金融市場重返回海嘯前，令都很多人都心雄，他恐怕金融與經濟之間扭曲的關係仍然持續下去，這樣不是太好。

任總又話，過去發生的金融風暴，大部分都是由資產泡沫產生，繼而泡沫爆破。目前各地政府正面對兩難局面，既不想產生資產泡沫，亦不想一旦退出救市措施會影響經濟復甦。他又認為，在退出時機方面的掌握十分重要，而香港的處境將會更加困難，因為本港在貨幣政策上的主動權不大。

        金融界高人解讀任總的說話，指經濟未好，但金融市場的表現跑在前頭，現時已有啲扭曲，意指股市升得太快。若果股市只是超前一段，經濟慢慢追上，問題不太大，但若投資者十分心雄，股市愈炒愈高唔調整，咁就有危險了。所以任總期望股市有啲調整，就會回到較健康的軌道，而不是一條氣咁升上去。

      任總是金管局總裁，當然明白央行行長的處境，央行在經濟衰退時大力放水托高經濟，在經濟復甦時應該退場，把水喉逐步撤走，但呢場金融海嘯的確太大鑊，而歐美的經濟又復甦得好慢，所以歐美央行又未敢退場，不過充裕的資金正激起投資市場的資產泡沫，任由泡沫發展遲早會爆，所以在那一刻退場，似藝術多過似科學。

        順著這個思路推想，如果股市再急促上升，例如港股在今年內唔係點抖氣直衝25000點，又例如大陸股市好快又破新高衝上4500點，升得太快，和經濟基本因素更脫節，咁樣泡沫氣氛更濃，一有風吹草動，好易插穿這個泡沫。

        如果任總的邏輯正確，我們想中長期都有得玩，就唔應該期望股市短期內大升，我們應該祈求，環球股市、特別是大陸的股市，應該有更長時間、甚至更深度的調整，放一放氣，令猶疑的炒作者離場，讓有能力長期持貨者入場，咁個市就可以打好個底，然後穩步向上，將來再探高位時，都有較堅實的基礎。

陸羽仁

http://www.hkheadline.com/blog/r ... rd=&searchtype=

Mr.Business

2009/9/15 上午 11:05:14  

陸羽仁覆網友

Ray:你問如果信羅傑斯，是否可以買2809領先商品ETF，我話可以買，但信哂羅傑斯反而唔好買。商品落後，皆因經濟未全面復甦，到經濟全面復甦時，加上資金供應仍多，工業需求回復增長，商品會反覆向上，所以可以買商品ETF。但羅傑斯講到美國要爆大鑊，好似第二浪金融海嘯又會到咁，咁你就要小心，屆時美債美元的避險作用重現，經濟衰退亦會令商品需求大減，商品可能先後急插，重演去年的一幕，揸咗商品走唔切要受重創，不過暫時睇美元慢跌的機會大過急跌，那麼商品還是慢慢向上。2809仍在上升軌，唔跌穿18.5元仍守上升軌，可以現價一注，18.6一注，第三注等佢破唔破位向下，唔破就追，破就放低啲才買。

我唔係咁鐘意俄羅斯，主要係佢的經濟基礎唔好，全靠石油等天然資源出口賺錢，聽一個大投資家講，油價在70美元以下時，俄羅斯無運行，個國家實際上是淨負債，油價愈升得高對佢愈有利，由此可見其經濟的單一性，所以買唔買俄羅斯，先要對油價有個view，覺得油價會上，可以炒吓佢，因為若油價飈升，俄股都會跟住去，若睇油價是上落市，就唔好掂佢，俄股落後，主要因為市場對油價後市看法分歧，油價一到70幾就回，俄股又上唔到。我估油價都係反覆向上居多，但買俄股要抱比較投機心態，買大陸可以抱多啲投資心態。

另外可以睇吓黃金，過去黃金去到1000美元左右就大幅回落，但今次卻在高位徘徊，好似想打底向上突破，油價較受經濟需求影響，黃金受匯市影響大啲，黃金可能比油價更早破位向上。

Loss confidence:你隻707有人睇場，雖然基本因素一如你所講，但大佬要佢升要佢跌無人知，股價唔係跟基本因素行，若清咗貨就唔好再睇佢。

雅虎沽清阿里巴巴，可以話佢已經覺得阿里巴巴去到差唔多，亦可能佢攞錢另有用途，例如沽出各種資產充實資產負債表，以應付可能俾人收購時有水打收購戰，無論如何，短期而言消息對阿里巴巴利淡少少。

Goiva:你已月供2828，問再供A50好定招行好，好長期咁睇2828同2823本質好接近，雖然短期睇H股A股表現有差別，但係接近的指數基金類，所以都係另供招行好啲，多元化啲，招行長線都有機會跑羸大市，但要睇得比較長，同埋留意內地銀行業的變化。

Mr.Business

注：此篇文章版权归香港頭條網所有。

升好還是跌好
2009年9月15日

之前看了一份報告關於雨潤食品（1068）股價及相關新聞，很多人知道雨潤做的是與豬相關的食品業務，但是當你尋找有關雨潤的新聞時，有些新聞說豬肉價格升對其有利，有些卻說豬肉價格下跌才對其有利，到底是怎麼？我想應該先搞清楚雨潤的業務。

　　公司成立於一九九三年，目前在中國二百多個城市開展業務，它主要面向超市出售冷凍豬肉和即食肉製品。雨潤自己不養豬，從上游收購生豬回來，在自己的屠宰場加工。因此看豬肉價格時，我們需要分清楚究竟在說的是生豬價格還是豬肉價格。簡單來說，生豬價格跌對雨潤有利，而豬肉價格升對雨潤有利，可是事情又不會如此簡單。

　　當生豬價格跌的時候，豬農就不願意養豬，理由可想而知是利潤不吸引了。當不夠豬去屠宰，雨潤的屠宰場就會面對使用率不夠的問題，導致屠宰每隻豬的平均固定成本變高。

　　另一方面，豬肉價格升，也不一定是絕對好事。因為豬肉價格是關於民生的大問題，其佔了CPI有百分
之十之多，非常具有影響力。所以如果豬肉價格飛升，政府便會出來控制。不過很多時候，豬肉價格上升是受生豬價格升而帶起的。那個時候，雨潤便給夾在中間了。所以雨潤並不像其他公司，如維達國際（3331）股價及相關新聞會輕易地因為原材料價格下跌，而導致一夜發達的。

　　中國只有三間肉類加工企業具有全國性的分銷網絡，一間是在港上市的雨潤食品，另有一間是在深圳證交所上市的河南雙匯投資發展股份有限公司，也是雨潤最大的競爭對手。第三間，則是在新加坡上市的大眾食品。中國的肉類市場高度分散，全國有二萬多家肉類加工企業。

　　參考美國經驗，當豬肉製品市場發展至成熟時，只有數個生產商形成寡頭壟斷。如果中國的豬肉製品市場真的發展到只有幾個寡頭壟斷，那麼它們的盈利一定是以百億元人民幣計。而現時最有可能做到寡頭壟斷，相信便是以上提出的三家。我相信投行高盛亦因為看中了這一點，所以於這幾年來連續入股雨潤和雙匯，同時成為了國內兩大肉類加工企業的股東。

　　王雅媛（Victoria）

　　王雅媛為持牌人士，並沒有持有以上股票

http://www.hkheadline.com/finance/news_detail.asp?id=88487

Mr.Business

注：此篇文章版权归香港頭條網所有。

金融High Tea——唔信唔信又鈬料
2009年9月15日

昨日港股開市前外圍插水，美股杜指期貨跌100點，日股跌200幾點，港股在烏雲蓋頂的局面下開市，恒指低開319點，但插得幾插隊唔落去，跟住就開始反彈，上午一度高見21045點，但上衝乏力，21000點再度失守。午後深滬股市上揚，上證綜指突破3000點關口，收報3027點，但內地收市後恒指回軟，在20900點才見支持，之後在20950點間橫行至收市。

恒指收報20932點，跌229點或1.1%，期指收報20880點，跌260點，比現貨低水52點，成交減至57106張。國企指數收報12157點，跌111點或0.9%。大市成交縮減至只有509億元。

行業分類指數中，電訊業表現最差，恒生電訊業指數下跌2.8%，重磅股中移動（941）係拖累大市向下的主要力量。中移動早上在78元邊緣徘徊，午後跳水，至尾市才見支持，收報77.35元，跌1.7%。金融股昨日跟隨大市下跌，但跌幅相對輕微，恒指金融分類指數跌0.8%，跑贏大市。礇控（005）低開近2%後反覆回升，但受制於84元，收報83.85元，跌0.9%。

貿易戰A股照升

中環茶友話，港股急升後，在高位略為回吐，反覆整固，好似昨天的股市，日股跌勢甚急，大跌242點，跌2.3%，若港股弱勢，真係跌500點都得，但港股跌兩跌就企住，又唔跌得太多。港股好似美股一樣，上過高位就上落徘徊，無乜好消息衝唔到上去，但係又唔想大幅回吐。

中美爆發貿易戰，美國總統奧巴馬上周六宣佈對中國輪胎進口增加限制，在第一年將對中國製造的乘用車輪胎和輕型卡車輪胎加徵35%的懲罰性關稅，並在其後兩年中分別降至30%和25%。中國以牙還牙，在周日宣佈對美國的部份進口汽車產品和肉雞產品啟動反傾銷和反補貼審查。

不過估計此次貿易戰對中國經濟影響輕微，估計美國對中國輪胎加徵關稅很可能導致中國出口最多減少10億美元，等如08年中國總出口的0.07%。內地股市昨天更加贈興，唔跟外圍跌仲要升，滬深股市高開後，上證綜指再重上3000點關口，最後收報3026點，上漲36點或1.2%，上海和深圳兩市成交共計 2,562億元人民幣，比上日增加逾一成。美國貿易戰搞唔大，中國係美國國債最大買家，搞僵鰦搵鬼來買美國國債，所以多數係吵一纒就收場，中國股市亦擺出一個美國貿易戰郁唔到中國的姿態。

大市唔夠熱，但係新股就好熱，散戶認購國藥認到街知巷聞，連細佬仔都知道係乜，今次認股都有機會破紀錄。

呢舖輪到炒殯儀股

近期殯儀股當炒，表現最厲害的係剛剛以全配售上市的中國生命（8296），股價連日創新高，昨日再升49%，收2.41元，成交3.8億股，金額超過8億元，自上周三上市以來，股價已大幅飆升近235%！連帶早年涉足墓園業務的勤達集團國際（1172）亦順勢炒起大幅抽升近一成六。經紀張話佢本來都想買呢隻殯儀概念股，貪同類上市股份少，但上市第一日見佢升得咁勁，唔敢買，但唔信唔信又鈬料。

陸羽仁同炒界老手傾起，佢話二三線股炒風並不厲害，炒得起只是少數，唔同幾年前細股「全國江山一片紅」，隻隻都炒起咁好景。老手話自從爆鰦雷曼迷債事件後，證監睇得好緊，令不少「行家」唔敢太張揚去炒，有些人怕惹事半收山，等環境好鱓再出來，所以唔係有好多隻№炒得起，散戶炒股仔亦要更精靈，雖知落到車才是神仙。

昨日比較唔得的是汽車股，工信部日前公佈首7個月全國汽車商品累計進出口總額為339億美元，累計出口19萬輛，按年下降58%；其中進口金額150億美元，按年下降22.2%，出口金額189億美元，按年下降36%。

汽車股普遍受壓，跌幅顯著，跑輸大市駿威汽車（203）跌2.8%、東風（489）跌3%、華晨（1114）跌2.1%、吉利（175）跌4.7%。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

舞照跳         

2009/9/15 上午 09:28:28
網誌分類: 經濟

       香港8號風球，但天文台話有機會在10點改掛3號風球，股市在稍後會開番。睇番昨日美股，中美發生貿易糾紛，不過併購活動升溫，提升了市場的投資情緒，美股先跌後升。杜指開市急回近70點，但在金融、工業股帶動下反彈上9600點水平，中段在窄幅橫行，尾市倒升，以接近全日最高位收市，杜指收報9627點，升21點或0.2%；標普500指數收報1049點，漲7點或0.6%；納指升11點或0.5%，收報2092點。紐約證交所交投持續淡靜，成交縮減至12.1億股。杜指期貨最新報9543點，比現貨低水84點。

美國政府宣佈三年內對中國輪胎徵收額外的35%高額關稅，而中國政府則宣佈將對美國雞肉與汽車產品展開反傾銷調查。中國輪胎製造商雙錢集團股價在上海股市重挫，美國輪胎製造商股票則上漲，固特異上漲了3%，Cooper Tire & Rubber上漲了7.1%。摩根士丹利中國經濟學家王慶表示，「作為全球經濟中的兩個最重要國家，中美之間任何與貿易相關的紛爭與制裁都可能產生嚴重的影響。」Delta Global Advisors首席技術策略師Bruce Zaro則指出，「雖然從表面上看，貿易爭端可能會導致嚴重後果，但我認為中美雙方都能夠意識到貿易摩擦對雙方都沒有好處。」

卡夫食品(Kraft)併購吉百利(Cadbury)的交易仍然膠著。吉百利董事長Roger Carr話，它們併入卡夫食品(Kraft)這種增長緩慢的多元化企業集團商業模式，「並不是一個吸引人的前景」。這個觸目的併購活動暫時睇嚟成素不大，除非卡夫願意提價收購，但併購活動卻在不斷升溫中。

市場焦點係美國移動運營商Sprint Nextel。早前英國《每日電訊報》稱德國電信(Deutsche Telekom) 已僱用德意志銀行為收購Sprint Nextel提供咨詢服務。不過，兩家公司對報導未有任何評論。德國電信近期會將其英國移動業務同法國電信的英國業務進行合併，因此市場猜測也許會合併美國的業務。

另外，《華爾街日報》報道，強生(Johnson & Johnson)正在進行談判，希望將愛爾蘭生物技術公司Elan Corp 的收購價格降低1億美元左右。強生公司此前曾宣佈以15億美元價格收購Elan，不過美國聯邦法官裁定該交易的部分條款破壞了Elan與Biogen Idec的合作協定。

併購業務升溫顯示金融市場回復正常，更能為銀行帶來實質收益，金融股普遍造好，其中摩根大通上漲了2.9%，成為杜指升市亞軍。高盛升1.7%，富國銀行升1.8%。AIG則繼續大幅波動，昨日大升9.5%。

　　港股美國預托證券跟隨美股造好，ADR港比指數收報21212點，比香港收市高280點。匯控收報85.42元，比香港收市價高1.9%；中移動收報78.06元，比香港收市價高0.9%。日股今日早段9:15分的時候反彈55點，升幅0.5%。

2001年諾貝爾經濟學獎得主、紐約哥倫比亞大學教授斯蒂格利茲(Joseph Stiglitz) 日前於巴黎接受採訪時稱，在信貸市場陷入緊縮狀況及雷曼兄弟破產以後，美國政府一直未能修復銀行業體系的潛在問題。「在美國及其他許多國家中，『大到不能倒閉』的銀行的規模甚至一直都在變得更大，目前銀行業的問題要比2007年危機爆發以前嚴重。」

　在斯蒂格利茲發表上述言論以前，美聯儲前主席沃克爾(Paul Volcker)也曾一直建議奧巴馬政府限制銀行的規模。此外，以色列央行行長費捨爾(Stanley Fischer)也曾在上個月暗示，該國政府可能希望阻止金融機構的規模「過度」增長。

　　美國三藩市聯邦儲備銀行總裁葉倫(Janet Yellen) 昨日表示，聯儲局可能將在美國經濟重回充分就業前開始收緊其寬鬆的貨幣政策，但美國核心通脹率很可能繼續下降，這也許會推遲需要收緊貨幣政策的時間。她表示，美元的大幅貶值可能引發通脹和新的系統性風險，而聯儲局沒有對美元匯率設定目標水準。

　　美國總統奧巴馬昨日在金融危機發生一週年發表演說，回應美國金融業缺乏監管的批評，他再次闡述金融監管改革的三項原則，包括保護消費者、堵住金融系統和監管系統的漏洞、以及強化國際合作，金融監管改革的根本目的是提高透明度、強化問責制。

　　奧巴馬強調建立消費者保護機構和整個金融系統監管機構的必要性，並指出要完善金融監管改革還需要縮小各國之間的差距。在今年4月２０國集團倫敦峰會上，領導人同意共同努力以解決導致全球經濟衰退的根本問題，這種努力將會在即將召開的匹茲堡峰會上繼續。

他認為，目前沒有理由可以讓人因為金融系統的穩定而自滿，金融體系的全面復甦還需要大量的時間和工作。他同時警告華爾街停止不負責任的冒險行為。他說，金融業的一些人對現狀存在錯誤的解讀，他們不是在吸取雷曼兄弟破產的教訓，而是忽視這一切。他呼籲他們不要再走回頭路，採取不計後果的行為，也不要指望美國的納稅人在他們失敗之後去救助他們。他呼籲金融業積極參與監管改革，以應對挑戰，並強調政府干預資本市場的必要性，他呼籲國會在今年內批准其金融監管改革計劃。

         不過美國金融業似乎不理奧巴馬的「警告」，投資銀行在還錢俾政府後，繼續大發花紅，由於手持資產因市場上升而大量升值，金融業上半年有可觀的利潤，所以派花紅唔手軟。在國際層面上，法國總統薩爾科齊主張嚴格限制金融機構派高花紅，但他的建議未得到美國的支持。華爾街在美國政界的影響力無遠弗屆，令人懷疑奧巴馬有多大能力扭轉這局面。

　　美國金融業未來走兩條路，第一，政府大力監管，限制銀行規模，限制大派花紅，金融業不能再豪賭，高盈利的好景不再，金融股見高要回，短線炒作受限制，但長線而言，金融體系更健康。第二，政府根本無力監管，只能做做門面工夫，金融業好快又舞照跳，錢照賭，短期一兩年內好似回復好景，長線又埋藏炸彈，唔知幾時會爆。我估都係舞照跳機會大啲囉。

陸羽仁

http://www.hkheadline.com/blog/r ... rd=&searchtype=

Mr.Business

2009/9/16 上午 11:17:39  

陸羽仁覆網友

金曹:大市錢仍多，睇吓新股幾熱就知。美股創緊年內新高，但大陸未完全回氣，所以港股就有少少高位牛皮，的確係舞照跳，股照炒。

Martin:中國綠色和阿里巴巴下跌的情況不同，阿里巴巴因雅虎減持而下跌，但大行對佢評級仍比較正面，但中國綠色主席有官司，公司雖然澄清不涉及主席星洲官司，惟股價連跌6天，另外美林上周將中國綠色評級由「買入」降至「跑輸大市」，雖然相信主席官司不會對其中國綠色持股有不利影響，但指公司上半年業績報告中7.43億人民幣租賃款項缺乏透明度，相信投資價值會被下調。

Any:招商中國基金從來都有大折讓，除非市況好熱炒，否則只能假設折讓長期維持，但對好長線的投資者，買佢有少少著數。現價已調整不少，想買可以慢慢分段吸，我估一個月低位15.62元應有支持。

牆頭草:經紀張日日睇住期指，無乜特別，可見狂升股的吸引力。如果期指日日升一成，兩成我估佢都會追。

Kaybeo:A股好少有得合併，除非由阿爺主持的國企重組。美股各方面指標指向經濟復甦，所以要創吓新高。

門徒:美國銀行業之癌症，可以被泡沫掩蓋，或者咁講，由於美國銀行業的花紅結構如此鼓勵貪婪，由貪婪引發的瘋狂賭博本身就是癌細胞了。

Mr.Business

注：此篇文章版权归香港頭條網所有。

金融High Tea——半日生與死
2009年9月16日

港股昨日因颱風影響，只有半日市。內地A股朝早偏軟後回穩，午後由跌轉升，恒指下午高開117點，突破21000點，但虎頭蛇尾，開市已經係全日最高位，之後掉頭下跌，跌幅不斷擴大，21000點再度失守，臨近收市的最後15分鐘才略為反彈。

恒指收報20866點，跌66點或0.3%，期指收報20824點，跌56點，比現貨低水42點。國企指數在金屬資源股的支撐下靠穩，只係微跌1跌，收報12156點。大市半日成交310億元。

殯儀股掀炒風

打風得半日市，經紀張在2點半開市時打電話來，呻到樹葉都落，話星期一有個行家叫佢追隻殯儀股中國生命（8296），佢見隻股已經升到2.2元咁貴，比上市第一日造的1.04元升鰦咁多，買唔落手，但昨日下午一開市已經開2.5元，經紀張話如果買鰦即執0.3元，大呼走寶。過一陣隻№衝上3元時，經紀張終於忍唔住買鰦1注，跟住就不斷打電話畀我，好似身歷聲咁直播佢點樣炒，近3點隻№開始再開車，急升到3.5元佢再追一注，4元再追一注，平均價3.5元，隻№仲升，那一刻經紀張牛到不得了，話收市前一定見5元，半日市要升1倍有多。

我聽到經紀張話「一定」，仲以為佢有份做莊，問纒佢又唔覺佢有乜內幕，乜都係「聽人講」，隻№在3點15分左右仲衝上高位4.25元後就回頭，經紀張初時仲以為回纒氣會再上，點知10分鐘都唔夠，就連3元都穿埋，真係睇到經紀張眼都突，雖然我見唔到佢個樣，但係透過個電話聽筒，都覺得經紀張標緊冷汗。佢話如果再插落去唔停，真係要叫間公司送塊板畀佢使。後來隻№彈番少少，在3.1元上下浮游，到接近收市前，經紀張壯士斷臂，3.1元打晒靶，賭1個鐘輸鰦 11％，由天堂到地獄，可謂「半日生與死」，聽佢口氣。呢個鐘唔見鰦佢3、4個月人工，好傷，呢幾個月又白做啦。不過經紀張炒股唯一專業的地方係肯止蝕，贏佢會睇過夜，輸就即斬，怕過完夜輸得仲甘。

睇番隻殯儀股昨日成交3億股，成交金額9.6億，佢發行股數都係得6億股，如果係真實成交，即係昨日一日有一半股份轉鰦手，而且呢隻№連續3日都係咁大成交，若係真№要街貨要轉完又轉先至得。炒股老手話，咁大成交，不斷炒起，可以炒多一、兩個月炒到上太空，也可以在昨日已突然死亡，無人知幾時架車已開到總站。當你慣鰦佢日日會升，甚至跌完都照升之後，佢一升就會引好多散戶追，諗住搭一程；佢回落時又有散戶撈貨，諗住跌唔多又會再向上，這時持貨的大戶要派貨就好容易，佢幾時走鰦都無人知。

有內地媒體報道，接近監管層消息人士指，若股市平穩，中證監在創業板啟動後，將紅籌回歸及國際板納入常規工作進程，而首批登陸國際板將是中移動（941）、中海油（883）、礇控（005）及紐約證交所。該消息人士指，國際板在政策法律方面已沒大礙，僅具體規則還需要繼續「鋪墊」。重磅股礇控和中移動個別發展，礇控甫開市即抽升上85元上方，但尾市回落，升幅收窄，收報84.8元，逆市升1.1%，支撐住大市；中移動走勢就唔多靚仔，略為高開後即向下走，以接近全日最低位收市。收報76.5元，挫1.1%，拖覑大市後腿。

有礇控頂住，昨日表現最好的仍然係金融類，恒指金融分類指數逆市上升0.3%。

新鴻基地產（016）公佈，截至6月底止全年業績，期內撇除投資物業重估的基礎溢利124.15億元，按年增加2%。證券商普遍預期新地全年核心盈利介乎115.2億至128.54億元，按年倒退5.5%至增加5.5%。

新地全年售出或預售物業收益257億元，按年增加81%，其中香港物業銷售額225億元，內地物業銷售32億元；年度內入帳的物業銷售收益170億元，按年增加48%。公司新年度中港物業銷售額目標共230億元，對比上年度224.9億元，將上升2.3%，將共推售3,500伙單位，涉4個項目。

忠旺股價突急跌

其他股份方面，忠旺（1333）受內地報章不利報道消息影響，交易時段亦未見有澄清，雖然中期多賺72%，但股價跌至逾3個月低位，最低見7.65元，收報7.7元，挫11%。忠旺其後發出通告，指其招股書中主要客戶資料準確，並無任何誤導，並重申公司及董事會就資料準確性承擔全部責任。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

意外         

2009/9/16 上午 10:01:27
網誌分類: 經濟

美國製造業與零售銷售數據好於預期，大宗商品市場與原材料相關股票均強勁上升，美股三大指數都創了年內新高。杜指朝早反覆靠穩，中午開始發力，逐步攀升，直升上9700點上方才回順，尾市升幅收窄。杜指收報9683點，升57點或0.6%；標普500指數收報1052點，漲3點或0.3%；納指升11點或0.5%，收報2103點。紐約證交所交投轉旺，成交增加至15億股。杜指期貨最新報9611點，比現貨低水72點。

早前話見到美股作勢上破高位，杜指果然反覆上穿高位，昨日最高見9713點，圖表上形成一浪高於一浪的走勢。

美國商務部昨日公佈美國8月零售銷售讓上升2.7%，高過市場預期1.9%，為三年以來最高的單月升幅。7月零售銷售係下跌0.2%。增長動力主要來自政府提供的「舊車換新車」的補貼計劃，刺激了汽車的銷售。撇除汽車銷售則上升1.1%，亦好過市場預期。數據紓緩了投資者對美國經濟復甦只靠政開支推動，而沒有消費者參與的憂慮。First Trust Advisors LP的首席經濟師Robert Stein預測零售銷售增長為2.9%的高位，實際數字接近他的預期，佢認為「最值得注意的是銷費增長並不全靠舊車換新車計劃。消費者在復甦，美國在復甦。」若以年度比較，則較去年8月下跌5.3%，係去年10月以來最細的跌幅。

另外，7月份的商業庫存下降1%至1.33萬億美元，高過市場預期，亦係自2006年3月以來最低的。9月份紐約地區製造業活動有所增長，速度更係兩年以來最快。紐約地區聯儲銀行報告，紐約整體經濟指數由8月份的12.1攀升至18.9。

美聯儲主席伯南克在布魯金斯學會演說時表示，美國的經濟衰退已經結束，至少從經濟數據判斷是如此，「從技術角度來說，現在經濟衰退很有可能已結束了。」

一切都走向回復正常的方向，市傳花旗高層一直在商議制定計劃，研究發新股集資數十億美元，回購美國政府所持花旗的股票，以降低政府持有34%花旗股份的比例。批股傳聞令花旗集團勁跌8.9%，加上花旗和美銀的消費貸款壞賬率上升，金融股逆市下跌，明顯拖住大市升勢，美銀跌1.2%，AIG挫5.6%，而摩根大通跌1.3%，係表現最差的杜指成份股。

美國銀行股走勢無影響匯控在美國預托證券的行情，匯控收報86.02元，比香港收市價高1.4%；中移動收報77.08元，比香港收市價高0.8%，ADR港比指數收報21115點，比香港高248點。

昨日美股開市早段，股神巴菲特在加州舉行的一個會議上話，他的公司巴郡(Berkshire Hathaway)正增加投資， 「在我們談話的同時，它正在購進股票。」巴菲特仲話，他正從股票投資中賺了大錢，他的言論令市增加了不少投資氣氛。

股神好識搞氣氛，佢在一個訪問中仲講到一年前佢因為唔識用電話可能害死了雷曼的「慘劇」。佢接受CNBC Becky Quick訪問時，講起一年前金融海嘯高峰時的秘聞。在一年前9月風起雲湧的周五、周六，他的電話嚮過不停，AIG 的行政總裁 BOB Willumstad在周六晚搵佢，叫佢買AIG受重傷的地產業務，作價200至250億美元，股神細心考慮後拒絕，「我對佢講好不幸我不會做這個交易，你不要再在我身上花時間，找其他人吧。」

到周六晚，英國巴克萊銀行的的總裁Bob Diamond打電話俾佢，話佢地想收購雷曼，但英國政府不大支持，要求佢地先得到股東大會批准，這樣就趕不及在下星期三完成交易，所以佢地要找第三者提供一個保險，確保他們在獲得股東大會批准前有資金進行交易，好讓他們可以說服英國政府支持收購。

股神當時趕住去Edmonton出席一個社交活動，加上佢真係聽唔明呢個複雜的交易點做，計唔清楚巴克萊願意付出多少保險金，所以佢就叫呢位Diamond先生俾張傳真佢，寫下交易的細節，好讓他出席活動之後可以詳細考慮。結果他回來後沒有收到傳真，佢假定呢個交易不再進行，所以就無再理會。但一年之後，巴菲特得到熟悉技術的女兒Susan幫助，查番一年前當晚的電話紀錄，竟然發現巴克萊的「鑽石先生」原來晚上曾留言給他，但因為股神唔識睇電話留言，就咁無覆「鑽石先生」，若果股神覆了那個電話，巴克萊買咗雷曼都講唔定。

記者問佢有人話雷曼之死可以拯救整個金融世界，股神似乎唔太同意，佢話除非美國政府大力出手，否則雷曼一定玩完。政府官員話佢地無權力救雷曼，「我的經驗係咁，當政府希望有(權力)的時候，佢地就會搵到權力。如果美林不是在周日賣掉，你估周一股市圖又會跌幾多呢?(意指政府要支持美銀去買美林，就搵到權力去做)。

股神認為雷曼應該能以某種方式有秩序地「轉變」，而不是好像結果那樣突然倒閉，出現一片大混亂，後來雷曼的清盤信託人話，只因雷曼如此失序地清盤，至少有500到750億美元白白地損失掉。

言談間股神對當時佢自己無做的各種交易並不後悔，但對美國政府處理雷曼手法不盡認同。這就是市場風險，當時每一個交易員都「假設」美國政府一定會救雷曼，或許只是由於美國政府不喜歡雷曼行政總裁Dick Fuld太傲慢，而當時的財長保爾森過去是高盛CEO，對 Dick Fuld太了解、太有睇法(甚至偏見)，所以就救貝爾斯登、救AIG、支持美銀收購美林，但偏偏不救雷曼。這個世界充滿偶然，充滿意外，所以買股真係要「Never say never」(永不說永不)，要自己控制風險為上。

陸羽仁

http://www.hkheadline.com/blog/r ... rd=&searchtype=

Mr.Business

2009/9/17 上午 10:32:57  

陸羽仁覆網友

stock_beginner:你問「長遠嚟講, 人仔仲應該會升值嗎? 如果會的話, 在大陸開番個savings a/c, 存番 d 錢入去 (螞蟻行動 - 帶錢上去) 等佢升, 同買人仔債券, 有冇數圍呢?如果開大陸戶口 (如工行), 可唔可以同香港工行戶口互通呢?」

如果你那筆錢在香港存港幣定期，咁我就話存人仔好啲啦，因為睇3、5年人仔相對港元有升值空間。但如果你筆錢會做其他投資，例如買股票，我就話買紅色股好啲，因為人仔升值佢會受惠(賺人仔、但股票用港元在港買賣，人仔一升值，每股盈利兌成港元即時提升)，大陸經濟未來5年有機會保持每年8%，如果買股票，只要佢追到呢個增長，就高過存款的1、2厘息，但同時享有人仔升值的好處。另外，同一間銀行內地和香港戶口不能互通。

Bluepanda:A50係跟50隻大股的指數基金，而招商中國基金是一個自由選擇持股對象的普通基金，所以走勢和大市有別，若無記錯招商中國基金持股較多的一隻股票是招商銀行。

莫釘我:內地股民似乎唔太鐘意炒內銀股，認為佢地郁得太慢，但外資睇好中國經濟，認為工行等內銀股是穩陣之選，大家對回報和風險的要求不同，所以工行H股受歡迎過A股。

Hero:水泥行業產能過剩，好快會在業績反映出來，若非經濟快速增長，還會維持一段時間，所以股價未必會好快彈，呢一個短浪可能唔使預佢。另外若想買內房股反而應留意新上市的內房股，睇吓佢地定價有無折讓。

Fatfat1389:我提到茶友講的新股，係想大家自己做吓功課，搵自己的心水股。

Gigi:澳門選舉好有台灣feel，都係大飲大食大派錢，唔理民主發展到乜階段都一樣。

大飛:工行追上建行係因為業績所致，而工行業績較佳是國家谷對國企或基建貸款所致，建行貸款比重按揭，呢啲環境無咁受惠，但若睇一兩年，反而建行抵啲。

Mr.Business

金融High Tea——新股出籠要頂高

2009年9月17日

美股上日創新高，股神巴菲特在加州舉行的一個會議上話，佢一路講緊№的時候，旗下公司巴郡正在買美股，股神咁講刺激了美股投資氣氛。雖然內地股市昨日回軟，港股依然造好，恒指跟隨外圍高開逾220點後，升幅一度收窄至只有84點，但在21000點附近已見支持。朝早11時許，期指10分鐘內大幅抽升 200點，帶動恒指亦跳升近220點至21200點上方。午後又跟內地股市回一回，但之後發力再上，以全日最高位收市，成功突破近期阻力21300點水平。

恒指收報21402點，大漲536點或2.6%，創埋今年高位；期指收報21437點，漲613點，比現貨高水34點，成交79736張。國企指數升幅更勁，收報12525點，勁升369點或3%。紅籌指數跑輸大市，收報4042點，升70點或1.8%。大市成交增加至699億元。

注資市仲有跟尾

重磅股礇控（005）昨日表現強勁，成為推動大市上升的主要動力。瑞信將礇控目標價由690便士調高至720便士，約92港元，評級維持「跑贏大市」。瑞信看好礇控資產負債表穩健，6月底止一級資本充足比率8.8%，貸存比率由去年底83.6%改善至79.5%。估計礇控2010年稅前盈利約190億美元，高過市場共識約30%。加上市傳礇控及中信泰富（267）已屬意聘用中信證券為其A股IPO承銷商及保薦人，更炒上A股概念。「大笨象」昨日高開 1.2%後，股價逐步攀升，最後以全日最高位收市，收報87.4元，漲3.1%，係11個月以來最高位。中移動（941）走勢較反覆，但亦以全日最高位收市，收報78元，漲2%，略跑輸大市。

昨日個市有兩段急升，第一段是上午11點後，第二段是下午三點後，兩個時間都係內地收市之後，由於內地股市腳軟，拖住港股，但在上午和下午內地股市一休市，港股就爆上，可見港股都係想升。

三隻新股國藥（1099）、中冶（1618）和利郎（1234）同時截飛，市場消息話三隻股合共凍結資金7000億以上，搞到金管局要兩度注資入銀行體系，於前晚紐約時段向巿場注資15.5億元後，金管局昨日下午再向銀行體系注資31億元。中環茶友話，資金流入逼令金管局接美元沽港元注資入銀行體系，按以往經驗，呢鱓市仲有得升纒。

今次三隻新股中，以國藥最厲害，凍資4900億，有望成為歷來凍資第二多的股票，中冶亦凍資2000億。早前有個中環茶友講起一個陰謀論，話9月個市唔衰得去邊，因為幾大投行有大把新股要推出，佢懐想個場旺鱓，方便去貨，畢竟搞新股上市佢懐可以賺幾浸錢，單單係包銷佣金那一筆都好和味，佢懐今年派幾多花紅，都睇纒呢一兩個月新股去得順唔順，所以有幾間大行睇場，個市插唔到去邊，如果夾到氣氛，隨時頂個市上去。

我當時覺得呢種分析有點兒過份陰謀論，聽完就算，但睇番呢排走勢，又真係幾似，大市跌兩跌就彈，好似跌唔到落去咁。未來兩個星期仲有8隻新股要上，其中恒盛地產、永利賭場都有番咁上下大，再遲鱓仲有金沙和恒大地產要上，唔頂住個市去唔到貨。所以唔係話股市升得多唔會調整，但會維持一定氣氛，跌多少少又會彈。

認全通飲餐茶

講開新股隻中國全通（633）昨日首日掛牌，開市報1.73元，較招股價1.6元高出8.13%，盤中曾高見1.96元，收報1.8元，較招股價高 12.5%，成交金額8.3億元。資訊通信應用供應商中國全通，公開發售部份超額認購412倍，雖然最後只升得12%，一手2000股唔計成本賺4舊幾水，都夠飲番餐茶。

隻殯儀股中國生命（8296）昨日繼續回吐，雖然開市無耐急抽上3.59元，令早一日在3.1元止蝕沽鰦貨的經紀張有鱓後悔，但佢好快就證明鰦自己係飱啦，因為隻№跟住就拾級而下，收2.43元，再度勁瀉21.6%，星期二唔走真係輸多鱓，如果散戶在星期三高位4.24元追鰦貨，兩日夾埋唔見鰦43%，真係會蝕入肉，無止蝕就唯有焗守。佢昨日又成交鰦2.4億股，隻股總股數只有6億股，大股東劉添財獱了51%，即係街貨只有2.9億股，但連續四日每日都有2億幾、3億股成交，即係話每日街貨都轉一手，成交大到好誇張囉。中國生命係咁跌，跟炒的相關概念股亦跟隨下瀉，投資廣東墓園業務的勤達（1172）及北海集團（701）雙雙挫7.8%及11.1%，難道真係「走得摩，無鼻哥」？

陸羽仁

Mr.Business

跟一段         

2009/9/17 上午 09:45:54
網誌分類: 經濟

美股再創新高，美國8月工業產值增幅超過預期，再一次提升投資者對經濟復甦的預期，美元向下，原油、黃金及大宗商品價格繼續攀升，在金融和資源股領漲下，美股昨日連續第三個交易日上漲，在過去9個交易日中有8日收高，主要股指再創今年新高。杜指開市即反覆向上，逐步上升至下午才回順，之後橫行至收市。

杜指收報9792點，升108點或1.1%，創了自去年10月6日以來新高；標普500指數收報1069點，漲16點或1.5%；納指升31點或1.5%，收報2133點。紐約證交所交投暢旺，成交增加至15.8億股。杜指期貨最新報9735點，比現貨低水57點。

美國聯儲局公佈，美國工廠、礦業及公用事業行業8月份總產值比上月增長了0.8%，超出市場預期的0.6%。產能利用率從7月份的69%攀升至69.6%，亦高過預測的69%。製造業大約佔美國經濟比重的12%，經濟學家通過追蹤工廠產能利用率來估算製造業利用現有資源生產產品的能力，產能利用率處在較低的水平，意味著工業企業不必在消費者需求回升時增加新的設備投資來提高產量，避免出現推動價格攀升的生產能力瓶頸。

工業產值和產能利用率上升，進一步證明了聯儲局主席伯南克關於美國經濟衰退可能已經結束的觀點。在工業產值公佈前，Janney Montgomery Scott LLC首席經濟學家Guy Lebas已表示，「美國製造業狀況正在好轉。我們已經看到企業開支強勁回升，而且越來越多的企業都在增加資本商品投資。」

另外，勞工部公佈，受到汽油價格比上月增長9.1%的推動，8月消費者價格指數(CPI)年化數字比上月增長了0.4%，相對去年8月份則下降了1.5%，主要原因係今年8月份的能源價格比去年同期下降了23%，扣除波動較大的食品與能源價格因素，美國8月核心CPI比上月增長了0.1%，為2004年2月以來最少的年度增幅。最新的CPI數據表明，美國仍在通縮邊沿，面臨的通貨膨脹壓力也非常微弱。美聯局官員已經表示，不太擔心未來幾個月會出現非常嚴重的通貨緊縮，在經濟狀況疲軟導致價格壓力下降的時候，預計一段時間內的通貨膨脹率亦極有可能繼續維持在較低水平。通貨膨脹輕微，意味著加息壓力不大，央行在下周議息會議上可以繼續將基準利率維持在歷史最低水平，利好股市。

Haverford Investments研究部經理Jason Pride認為情緒化的市場通常會誇大事實。他表示，「市場圍繞經濟復甦炒作的時間可能要遠遠長於人們的想像。」

理想的經濟數據以及大宗商品市場的大幅上漲，刺激油股和美國鋁業等原材料製造商股份飆升。Exxon Mobil及Chevron齊升逾1.1%；美國鋁業漲3.4%，美國鋼業升1.7%，Caterpilla漲1.8%，通用電氣（GE）連續第三日造好，上漲6.3%，係表現最好的杜指成份股。金融股表現強勁，美銀升2.7%，美國運通及摩根大通齊漲3.4%%，花旗集團升1.9%，高盛升1.8%，大摩更升近半成。

港股美國預托證券跟隨大市造好，ADR港比指數收報21797點，比香港收市高394點。匯控收報89.82元，比香港收市價高2.8%；中移動收報79元，比香港收市價高1.3%。美股衝高位，杜指向10000點進發，港股也會一起上衝高位。

股市創新高，經紀張早兩日炒隻殯儀股中國生命(08296)股價及相關新聞 仲要輸錢，佢至今憤憤不平，話啲大戶離哂譜。網友牆頭草作了一個好精警的評語，佢話「經紀張炒中國生命不如炒細期啦(小型期指，等如普通期指五分之一)，差不多咁好玩，但中國生命個D莊點玩比期指更難估。」牆頭草咁問，係認為散戶炒期指雖然難贏，但炒細股更難贏。

人就係咁，容易相信眼見到的事物，經紀張日日在股場，覺得炒期指難贏，但見隻中國生命日日升，第一日唔信，第二日唔信，第三日唔信，第四日終於相信，因為好多人用感官思考，見到日日升的細股，就會相信佢得，可以搵到快錢，結果就俾人搵咗快錢。雖然經紀張等老經驗之人，都知炒細股總有派貨時，但見佢升得咁靚，認為無咁快會派貨。

唔好以為做經紀者一定百毒不侵，經紀都係人，都受人為因素影響，經紀張話佢唔慘，隔離經紀陳仲慘，經紀陳在中國生命第一日上市時，跟過佢短跑一轉，執咗20%就沽咗，但之後見佢日日升，揼哂心口話自己沽早咗，終於在經紀張買貨的同一日(星期二)去追，經紀陳仲要4元高位才開始買，跌番到3.5元加注溝淡，到3元再溝，平均價3.5元，當日跌到3.1元都無止蝕，昨日一開市見過3.5元，以為無事又無走，最後插番落2.43元收市無哂心機，打算死守等隻嘢升番上去，佢認為呢啲新股無咁快玩完，守守吓會守番上去。

經紀陳咁買係典型溝淡手法，有違「贏就谷，輸就縮」的炒股心法，輸錢去加注，結果賭得更大，有時守守吓可以守番轉頭，有時守守吓坐艇去咗太西洋，命懸人手，唔到自己話事。

        細股唔係唔可以炒，但係只宜「短跑」，無人知架車的終點站去邊，只能跟佢一段走一轉，千祈唔好諗住食到盡，一唔對路就跳車，都係玩細股的唯一方法。

陸羽仁

Mr.Business

2009/9/18 上午 09:38:41  

陸羽仁覆網友

loss_confidence:你話有隻股你0.3元沽清，但朋友話資產淨值$1, 就算清盤, 點都可以收番3,4成, 即$0.3-$0.4, 所以唔會沽......同佢講, 萬一公司俾人清盤, 公司可能會有好多資產唔值錢, 例如廠房設備機器, 可能變癈鐵賣, 塊地價又可能會賤賣, 又要補償D錢俾員工, 又可能要賠錢俾錢行, D存貨可能得番1,2成價值,總之資產淨值會無哂……無理由將錢放在, 責死在前途不佳既公司上。」

論基本因素，你0既講法啱，一隻股即使比資產淨值有大折讓，要睇係乜資產，如果係廠，一話清盤好易渣都無。不過我睇你講隻股似有莊，成交好密， 所以升跌唔係睇基本因素，而係睇啲莊點玩，如果係咁，又唔好太強意見叫朋友沽，講吓就算，因為萬一個莊把隻股炒咗上去，你朋友會怪你。

達摩:美元弱勢已成，跌得多當然應該反彈，但如果話大反彈，即係彈番10%那一隻，真係又要有海嘯先至似。

小潘: 公司若有風浪，小心工作為尚，每月估期指活動如果玩得多網友悶，不如玩埋呢個月停吓先，將來等你得閒再算。

S2000:50幾元沽了大笨象，主要係不滿佢啲管理手法，高價唔供股要等低價逼住才供，換入了紅色股，論反彈力紅色股一樣咁好。在美國金融業穩定下來，在匯控70幾元買咗少少(好少)，叫做有揸吓佢，保持一個關注。但論表現渣打業務集中在亞洲，前景好啲，匯控反而要靠美國穩定下來的回撥，才會有較好業績。