【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

投機（9）
       
2009/9/1 上午 08:45:24
網誌分類: 經濟

在信貸收緊的陰霾下，中國股市昨日暴跌6.7%，創了14個月以來的最大單日跌幅，打擊全球投資者對經濟復蘇的期望。全球較重要的股市，除了英國富時100以外，都跟住腳軟，MSCI亞太區指數下挫0.5%，包括全球23個已發展國家股市的MSCI世界指數下跌0.8%。中國和美國的經濟關係越來越密切，股市亦都互為影響。美股昨晚就受拖累下挫，加上銅價和油價大跌，金屬及能源股領跌，杜指開市即插水108點至全日最低的9436點，其後在9450點附近窄幅橫行，到臨近收市的1小時才發力向上，收窄跌幅。

杜指挫48點或0.5%，收報9496點，全日波幅108點。標普500指數收報1021點，跌8點或0.8%；納指跌20點或1%，收報2009點。紐約證交所成交增至15億股。杜指期貨最新報9490點，比現貨低水6點。以整個8月份計數，杜指和標普500指數有不俗的升幅，杜指升3.5%，而標普升3.4%，跑贏中國和香港。標普500成份股上月表現最好的行業係第二大行業的金融行業，累積升幅達到13%，係工業股的三倍。

受銅價下跌至兩個月低位拖累，金屬資源股成為跌市火車頭，Freeport-McMoRan Copper & Gold Inc. 下挫3.8%，美國鋼業跌1.8%，而美國鋁業挫3.6%，係表現最差的杜指成份股。油價急挫，跌穿每桶70美元，亦拖累油股下跌，艾克森美孚及雪佛龍齊挫逾1%。

AIG連升9日之後，被多名分析員指近期股價上升「不合理」和太貴，昨日勁挫近一成。金融股亦受累挨沽，美銀跌2.2%，花旗集團跌4.4%，美國運通跌1.3%。

港股美國預托證券稍為反彈，港比指數報19895點，比香港收高171點。匯控（005）收報83.58元，比香港收市價高1.7%；中移動（941）收報76.3元，比香港收市價高1.2%；中國鋁業（2600）收報8.23元，比香港收市價高0.2%。

昨天講到投機時要考慮勝出率和賠率，但這並不是投機的全部，投機的另一大學問是控制風險。又以賭博集團買馬為例，一場14隻馬出賽，佢地並唔係買一隻馬，而係買4、5隻有賠率差距的馬，若賭三T，亦係三場每場買4、5隻咁串，這亦等如炒股分散投資，個市有成千隻股票，唔需要將所有注碼瞓身買一隻股票，將全副身家合埋眼買一隻股票，萬一隻股票個老闆俾人拉咗、死咗，隻股無限期停咗牌、執咗咁點算，你唔可以盲目瞓身買一隻股票，最後輸清就怪俾冧巴你的人，你以這種手法去買，同用全副身家賭一場馬其實分別唔大。控制注碼，分散買不同的股票，就減少一隻唔中就輸清的風險。

若果你以一個賭仔心態諗，會覺得買幾隻唔係好化算，一場14隻馬，只有1隻第一，假設佢獨贏1賠5，買一隻中咗賠5，同買3隻落3注亦只係賠5，好似單買一隻好啲，成本輕啲。我就話除非你知道邊隻一定跑出，否則分散一點注碼，增加買中機會，長賭較易贏。雖然股票可以唔止一隻升，可以係隻隻升，但買死一隻風險大啲，好難控制。

除咗分散風險之外，亦要控制注碼，買馬和買股不同，一般人買馬會預咗輸，但買股買輪唔會預咗輸清。你預咗輸清，自然唔會落咁大注碼，這就是我經常講的例子，你買馬唔會一場買10萬，博佢中就中40、50萬，輸就輸哂，你會覺得輸的機會都唔細，所以唔會買咁多。你買窩輪買牛熊證就唔同，好多人買10萬、20萬面不改容，而且一係唔買，一買親就想刀仔鋸大樹，博買中10萬變50萬。唔係話窩輪唔可以升4、5倍，但佢同樣有機會變到零，你用10萬買輪，唔緊要，定好計劃跌到乜位打靶，例如最多輸3萬，就跌夠30%合埋眼就止蝕。但不少人唔定止蝕位，或者定咗止蝕位又唔執行，見到輸3萬時仲會去睇吓價，輸到5萬時無眼睇，唔肯面對，結果10萬元輸清。

所以止蝕係控制注碼的一個方法，控制你每一次投機可能損失的注碼，增加長線的取勝機會。好多人將投機睇成一次一次的割裂的事件，我就看成一個整體，睇一年的投機，睇一個總和，唔係睇一次的成敗。投機10次中6次，輸4次，淨贏兩次，如果每次贏一成輸又係輸一成的話，夾埋就係贏。

所以綜合而言，如果牛腩貓咪問我「如何增加投機的機率」，我覺得起碼要分幾部份，包括透過研究分析下注產品的取勝率，選擇賠率較高的時機，透過分散目標減少一Q中伏的風險，定好止蝕，減少注碼損失，做齊這4件事，就可以長線、整體地增加投機成功的機率。

陸羽仁

http://www.hkheadline.com/blog/r ... rd=&searchtype=

Mr.Business

2009/9/2 上午 11:32:30  

陸羽仁覆網友

Hero:我早前講過上證綜指跌穿２６００點，２５００幾點時可以吸納，上證綜指星期一跌到２６６７點，現價２７２３點，又彈番上去。佢跌穿２６００點，即係跌到２５００幾點時，跌咗９００點，比高位跌咗２５％，跌咗升幅一半，亦較接近現時企業盈利狀況的合理水平。跌到２５００幾點時，當然不能排除佢再跌，但的確可以愈跌愈買。

美股創新高後回落，杜指一跌跌１００幾點，呢個月有機會調整吓，但恐慌性大跌又唔似。

小熊帽：大陸和美國市有點反覆調整之勢，可以等佢地調整得深啲才買，你話１７０００點時入了五分一資金，若錢多貨少，１９０００點可以慢慢買少少貨。

Gdumdull，ｓ２０００：招行仲為當日高價買永隆洗底，但供股加注反應惡劣，股價走勢差過工行等，短期有啲壓力。

CCB:你問可唔可以短線買中移動博反彈，佢跟大市跌緊，要捱得吓價至好買，這是逆市操作的投機。

你有月供招行，問可否加注等供股，可等回落時加注等供股，但加注多買的部份可以在供完股股價升得高時又沽吓。

Muse:金隅若是炒作心態宜守止蝕位，若仍然想炒，止完蝕等佢跌深啲橫行時買番，又要當另一個新交易咁睇。

Ckthomas:你問卓悅公布業績後急升，好唔好買，至少短線等佢回吓才好考慮。

做零售上半年唔死，下半年應該都OK，明年就唔知啦。

Mr.Business

注：此篇文章版权归香港頭條網所有。

金融High Tea——跌破二萬 浮上浮落
2009年9月2日

內地A股經過上日暴挫近7%，昨日早段反幅靠穩，恒指連跌三日後亦跟隨區內股市反彈，但走勢可以係一波三折，高開238點後，升幅迅即收窄至10點，之後再度上揚，午後滬市在中國平安和萬科等重磅股的引領下，一度出現較大反彈，重上2700點，但市場謹慎氣氛仍佔主導，尾市升幅明顯收窄，2700點得而復失。恒指反幅向上，但始終受制於20000點大關，尾市升幅再度收窄。

恒指收報19872點，升148點，全日最高19962點，最低19734點，期指拖住現貨後腿，收報19655點，微升32點，比現貨大幅低水217 點，成交61516張。國企指數漲64點，收報11342點。大市成交只有547億元，反彈暫時仲唔係幾夠力，估計大市係月頭又係浮浮沉沉。

藍籌股普遍回升，重磅股礇控（005）繼續跑贏大市，收報83.35元。東亞（023）獲國浩集團（053）以每股平均價25.511元增持約120萬股，東亞股價抽升4%，係昨日表現最好的藍籌股。地產股表現不俗，跑贏大市，恆地（012）、新地（016）及港鐵（066）均漲逾1%，恒隆地產（101）漲3%。

食得太滯等消化

中移動（941）昨日發表OPhone平台，工信部副部長婁勤儉表示，國家將會給予大力支持。此外，中移動還表示會引入iPhone，並已與蘋果聯繫。蘋果發言人Natalie Harrison亦表示與聯通（762）在內地銷售iPhone的協議並非獨家。看來一場iPhone銷售大戰即將上演，消息並未給中移動股價帶來很大刺激，繼上日急跌3%後，中移動跟隨大市反彈，表現與大市同步但仍然落後礇控。

備受市場關注的8月份全國新增貸款將於本月11日公佈，市場預測新增貸款將會大幅縮減至2700億元至3000億元，分析員表示，這個量與2003年起至金融海嘯前的每月平均5000億元低，但不算相差太遠，若比起年初1月至3月份的每月過萬億元，就係驚人的跌幅，礇豐銀行表示，新增貸款下半年將遠少於上半年，短期將不利股市，但對經濟的長遠發展來說卻有利，主要係避受通脹威脅。

陸羽仁同中環銀行家傾起，佢話內地上半年資金氾濫，銀行全面放鬆信貸，結果產生兩個問題，一係放出去的資金太多，一時間根本消化唔鈬，未能即時投入實體經濟，兜個圈又轉番去銀行，部份資金流鰦去炒賣，推高鰦房地產同股票；其次係銀行借貸膨脹，令到資本比率下降，不少銀行出現資本不足，需要增資及減少貸款。

內地資金市場情況，銀行家形容係食滯鰦，循環消化系統未能正常運作，有關部門注意到呢種情況，於是要求減慢放貸，按照過去內地銀行運作，通常上半年都係比較鬆手的時候，放貸增長速度偏高，到下半年開始減少，相信今年這個情況會明顯一點，暫時佢睇唔到話情況好嚴峻，形勢未到令人好擔心的地步，一如食得太飽，應付方法係減少進食，讓腸胃可以消化一下。至於未來會否進一步收緊，以及資金流動減慢後，會否引發其他不良後果，需要繼續監察。

銀行家之言，係從信貸市場分析，但股市係一個幾唔理性的地方，情緒往往操縱住短期表現，尤其現今游資數量驚人，熱錢追隨消息進出，往往令到股市把實質經濟誇張化表現出來，當實體經濟前景小好，股市反映出來可能就變成大好；同前景稍為轉變成為小壞，股市反應可能已變成大壞，情形一如睇哈哈鏡，只能反映實體經濟一個模糊印象，所以內地信貸微調，雖然不代表會重手打壓經濟，但內地股市已經急挫，連帶香港都腳仔軟，不過，香港勝在資金多，跌幅已經叫做無跟足內地咁「甘」。

追捧股神概念接貴貨

指數係內地利好因素褪色下跌穿兩萬點，回吐壓力稍減，個別股份又炒炒纒，阿里巴巴（1688）午後受追捧。比亞迪（1211）近日似乎幾積極披露利好股價的消息，主席王傳福日前接受外國報章訪問時透露，「股神」巴菲特旗下投資旗艦巴郡的中美能源（MidAmerican Energy）於適當時候增持比亞迪股權，公司股價應聲彈上，昨日公司發表公告澄清，王傳福所講僅屬初步意向，公司尚未就有關的意向與中美能源達成任何協議或進行詳細磋商，公告發表後，比亞迪股價由高位回落，急急炒股神加注者，暫時變鰦買了貴貨。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

投機（１０）  
       
2009/9/2 上午 09:45:39
網誌分類: 經濟

美股進入9月就急挫，雖然製造業和待售房屋銷售都有所增長，但市場對從低位已彈升逾120%的金融業的前景的憂慮續漸升溫，金融股受重創，拖累美股第三天走弱，杜指昨日走勢可以講係乏善可陳，朝早升約60點後，即掉頭跳水逾200點，之後繼續偏軟，在低位滑行，以接近全日最低位收市。

杜指勁挫186點點或2%，收報9310點，全日最高9558點，最低9292點。標普500指數跌穿1000點心理關口，收報998點，跌23點或2.2%；納指亦失守2000點關口，跌40點或2%，收報1969點。紐約證交所交投轉趨暢旺，成交大增至17.7億股。杜指期貨最新報9299點，比現貨低水11點。

昨日公佈的經濟數據其實不弱。ISM公佈8月份的工廠生產指數攀升至52.9，好過市場預期的50.5，係19個月以來首次上升。而50係增長與收縮的分水線。此外，美國全國地產經紀商協會(National Association of Realtors) 公佈7月份待售房屋銷售指數上升3.2%。所謂售房屋銷售指的是將於6至8星期內交收的銷售合約。

不過市場順住好消息出街，地產股，建築股升咗幾分鐘就跌，而銀行、保險、經紀行及資產管理的金融股整體暴跌5.3%。有分析員指保險股已升得太快、太高，令相關股份的跌勢特別嚴峻，MetLife Inc. 下挫7.4%，而AIG繼上日大跌近10%後，昨日再瀉21%！不過佢上個月升咗245%，這幾天的調整只算溫和。

銀行股方面，RBC Capital Markets的分析員Joe Morford 和David King表示，美國西岸的銀行仍然面對惡化的信貸環境和不斷增加的貸款壞帳。「有很多銀行可能仍然未有足夠的資本和儲備」去應付持續衰退的房地產市場引起的撇帳。美銀下滑6.4%，美國運通跌5.4%，摩根大通挫4.1%，包辦了杜指成份股的跌市三甲。花旗集團更勁跌9.2% ，富國銀行（Wells Fargo）表示該行最近盈利情況良好，將在無需供股集資的情況下償還政府的250億美元債務。不過利好消息仍然敵不過大勢走向，股價仍要挫4.8%。

港股美國預托證券跟隨大市偏軟。港比指數報19393點，比香港收低480點。匯控收報81.14元，比香港收市價低2.7%；中移動收報74.74元，比香港收市價低1.9%。

早兩日我講開投機四部曲，發覺講漏了一樣最重要的東西，就係分開投資與投機，如果連自己投緊機都唔知，以為係投資，咁就死咗都唔知乜事，可以用股神巴菲特入咗股嗰隻比亞迪（01211）做例子。

比亞迪本星期一公布中期業績，業績理想，至6月底半年純利為11.8億元人民幣，按年上升98%，每股盈利57分人民幣，不派中期息。比亞迪公布完業績後，股價已開始抽升，後來主席王傳福更表示，持股9.9%的股神巴菲特旗下公司有意增持，令比亞迪股價再抽上昨日高位51.4元，後來公司澄清未與股神的公司進行詳細磋商，股價回軟，昨日收市價48.6元計，以比亞迪08年盈利計，市盈率85.9倍。

股神投資方法以睇價值聞名，若果入股PE85.9倍的比亞迪，又唔知佢睇乜嘢價值，不過王傳福講到出口又唔似純屬吹水，假設有三個可能，第一係十劃未有一撇，主席只是心急想唱好公司股價。第二，比亞迪以市價大折讓方式批股俾股神，第三係股神知道比亞迪一些神秘增長秘密，股神知我地唔知。最後講多句係股神有平貨在手，如果佢有折讓價入股再加埋將兩批股份合埋咁計，佢的成本同普通股民而家追貨好唔同。

又睇吓大行點睇，大摩對比亞迪係淡友，話佢上半年純利較預期強勁，因汽油車協同效應遠遠抵銷IT相關電池及手機業務盈利惡化，對其盈利預測維持不變。不過，比亞迪股價自去年9月 宣布獲巴菲特入股後大漲460%，龐大估值溢價似乎不單反映盈利增長，亦包含對電動車及汽車電池等新業務有高度期望。但大摩認為，比亞迪的新業務缺乏中央大力支持，短期不會帶來大量盈利，好難成為估值動力，它認為市場忽略比亞迪短期盈利波動，重申「減持」評級，目標價20.2元

不過瑞信就睇好，話比亞迪上半年業績理想，預期比亞迪2009至2012年每股複合盈利增長達43%，將它的評級由「跑輸大市」升至「跑贏大市」，目標價由18.4元，大幅上調至59元。

一間行睇20元，一間行睇59元，你信邊個? 如果大摩中，比亞迪的股價要跌58.4%，如果瑞信中，比亞迪的股價會升21%。以投資計，現價買比亞迪風險太大。即使瑞信睇中，比亞迪由而家至2012年每年盈利以43%複合增長，去到2012年，每股盈利係2.4元，以現價計市盈率都有20.3倍，即係話即使瑞信講的呢張期票兌到現，估計2012年盈利都唔係一個低PE，中間要經過4年折騰，唔知佢每年有無43%增長，咁又點投資得得落手呀?

唔講投資講投機，又係另一回事，我話投機第一項是講取勝率，你在上星期尾買比亞迪，博佢今個星期公布一個好業績，上星期比亞迪股價在44.1至45元間浮沉，估公司業績唔錯，有一定取勝率，都有得博吓。結果唔止業績好，仲送一個股神再入股的憧憬，到昨日高位出貨，可以執到15%，不過好消息耗盡升完要回，往後要再炒，就要等上A股和股神入股的消息。所以話投資投唔落手，唔等如股價一定唔升，記住，炒過籠的股票會愈炒愈過籠。

分辦投資和投機很重要，上佳的投資可以不止蝕，但投機唔控制注碼唔止蝕，風險極大，唔好投機當投資唔識止蝕，假設比亞迪和股神傾再入股，傾緊時股價炒上你唔知點解，傾傾吓傾唔掂股價跌你又唔知點解，但你唔使知理由，定好止蝕位，到價就沽，就你就唔會死得去了。

陸羽仁

http://www.hkheadline.com/blog/r ... rd=&searchtype=

Mr.Business

2009/9/3 上午 10:55:05  

陸羽仁覆網友

Yuki:渣打現價10.8倍PE，2.9厘息，唔算太貴，睇3年好過買債券或存錢在渣打。不過若從技術走勢而言，已微穿上升軌，怕佢仲有一浪向下，所以要買亦宜分注。

你話財險強，我話財險弱，三隻保險股中，論走勢國壽最強，平保第二，財險最弱，三隻之中只有國壽明顯處於上升軌之上，和其業績好過市場期望有關。財險向來大上大落炒味濃，跌得多過人，反彈時又好急。

Gigi:明天我寫篇文講吓乜嘢叫做逆市操作的投機。

Angora:你話揸咗工行、國壽、平保和A50基金，除平保要蝕少少外，其餘都有薄利，想先沽低10%再買番。如果我無理解錯，你只投資了20%資金，仲有80%想在今年投資埋佢。

作為投資者，唔可以太精，想在最低買，最高沽，想中間有個浪沽咗佢低5%，10%買番。第一你唔係揸滿倉，若你10%持貨，再跌都無錢買，問我好唔好在彈吓時沽20%貨，等低啲買番，我或者會贊成。你若是長線投資者，持貨太少，應該趁調整時儲貨，最好今年內買齊，坐兩三年。所以唔好諗住沽，反而係每次大跌又買啲，若9月跌得多買啲，唔係而家減貨，你沽到成手現金，賺個5%，想等佢跌10%買番，結果跌咗9%未到價買唔到，升上去又唔願追，結果反而破壞了今年的入貨計劃，可能變成渣100%現金無買貨。即使現價計，買入這些股份，短期都幾可能會再跌，但揸兩三年應有可觀利潤。

Sohoboy:恒指國指係無大陸股市跌咁多，不過港股的調整應該跟外圍，唔係美股大陸股跌完港股先跌，外國投資者投資港股，特別係H股作大陸股市的影子投資，對其基調看好，所以錢無走，國指亦無跌得咁厲害。

IIT man:如索羅斯此等大投機家，投機一個中線行情，絕對會睇宏觀經濟、甚至政治，現時各國政府干預市場的措施都將撤走，但估計會在較好景時撤走，控制過度的通脹，未必是一件壞事。

趙子龍:你講得好啱，有啲散戶想人俾個冧巴，叫埋佢何時上車，何時落車，其實投機要有研究，有部署，執行計劃時反應要快，俾冧巴的人想通知你都通知唔切啦。

Mr.Business

注：此篇文章版权归香港頭條網所有。

金融High Tea——維穩、維穩、維穩
2009年9月3日

美股上日急挫，但內地股市靠穩，恒指低開312點，叫做中間落墨，唔算跌得太勁，不過開市無幾耐就急插至全日最低的19426點才喘定，其後嘗試衝上 19600點，但無功而回，在19500點至19600點之間窄幅橫行。午後內地A股在「石化雙雄」的帶領下轉強，恒指一度彈上19611點，但後繼乏力，尾市再度轉弱，收市跌穿50天移動平均線。

恒指收報19522點，跌350點或1.8%，期指收報19425點，跌229點，比現貨低水97點，成交76276張。國企指數挫150點或1.3%，收報11192點。大市交投持續淡靜，成交只有534億元。

拖低大市主要來自金融股和地產股。元兇則是礇控（005），美國銀行股大跌，例如美銀跌6.4%，拖累礇控，它在美國的預託證券已下跌2.7%，在本地開市低開2.5%，之後走勢疲弱，拖住大市後腿，跌至80元水平才見支持，收市報80.65元，下挫3.2%，跑輸大市好多。其他銀行股除了獲國浩（053）增持的東亞（023）仍見支持，逆市升1%外，其餘的都偏軟，恒生（011）跌0.4%、中銀香港（2388）跌1.4%、渣打（2888） 更跌3.5%。

內地回穩頂住港股

上日獲工信部公開表示支持的巨股中移動（941） ，股價仍未見起色，收市跌穿75元，收報74.7元，跌1.9%，拖累大市向下。另外兩隻中資電訊股表現更差，中聯通（762）跌4.2%、中電信（728）跌3.5%。

中環茶友話，而家港股受內地股市影響唔細得過美股，上一日杜指跌186點，港股開市只跌300點多鱓，主要因為內地股市反彈，結果上證綜指重上2700點水平，收2714點，升31點，升幅1.2%，令港股跌到咁上下就行人止步，唔跌得太深。

茶友話，內地以維持穩定作為主旋律，金融高官打開口牌講「維穩」，等如派定心丸話唔想股市跌得太多，例如中國證監會副主席劉新華昨日在第十屆中國金融發展論壇上話，「證監會將努力推動國內證券市場的持續穩定健康發展。」你睇劉新華講的維穩措施無乜新意，但內地的基金經理就會話，最重要的是管理層的態度，佢地表晒態話要股市穩定，等如話佢懐關鍵時會出手，這對穩定市場信心有幫助，至少無咁恐慌。

內地又真係做緊鱓「維穩№」，例如發改委上調汽油及柴油等成品油價格4.6%至5.2%，雖然調升價格300元，比預期500元少，但都對內地權重股「石化雙雄」係好消息，頂住兩隻大股，內地股市會穩一穩。反觀香港H股中石化（386）亦係少數逆市上升的股份，收報6.56元，升0.8%，但其餘相關股份則表現麻麻，中石油（857）獲高盛調高目標價2%至9.2元，但股價仍下跌 1.7%。而成品油上升，航空股成本相應提高，股價受壓跌幅顯著，國航（753）跌4.6%、南航（1055）跌2.9%、東航（670）跌5.8%。

A股調整無咁快完

內地股市的調整似乎無咁快結束，自第一浪急跌後第一波反彈上3000點，再出現第二輪急跌，未知可以彈到幾高，照正路睇彈上2800幾點就行人止步，一浪低於一浪，然後再探底。股市有它自生的規律，早前一條氣急升上3400點，出現一個小泡沫爆破，唔似跌一個星期就完，要反覆調整，等要沽的人沽清，把沽貨壓力消耗殆盡，才會見底向上。阿爺出手維穩，對市場信心有鱓幫助，但係並唔可以徹底改變股市的方向。以昨日計，股市上升，但上海、深圳兩市總成交只有 1324億，市場購買力不足，顯示投資者仍手震震未敢入市也。

內地8月份製造業採購經理指數加快擴張，顯示製造業擴張，但面對成本上漲壓力，工信部表示，7月建材行業生產總量繼續穩步回升，但建材出口持續下降；買入能源價格回升，企業生產成本上升，建材企業生產的經營環境仍沒有根本好轉。據國統局統計，首7個月建材工業完成工業增加值按年增長13.7%，其中7月份增長16.5%。在國家宏觀政策的大力支持下，首7個月有色金屬工業生產企穩回升，有色金屬產品價格反覆向上，有色金屬企業總體扭虧為盈。國家統計局數據無助相關股份股價，中國鋁業（ 2600 ）跌2.3%、江西銅（358）跌0.7%、洛鉬（3993）跌2%、湖南有色（2626）跌1.4%。金屬股面對產能過剩問題，仍有壓力。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

９月例淡  
       
2009/9/3 上午 09:44:45
網誌分類: 經濟

美股踏入９月好似無乜力，美國就業數據和工廠訂單唔理想，加上聯儲局會議紀錄顯示儲局認為經濟復甦「並不確定」（considerable uncertainty），加深了投資者對經濟前景的憂慮，美股連續第四天下挫，不過跌幅輕微。杜指全日在不足70點的窄幅徘徊，在上日收市位置唔上唔落，到臨近收市的20分鐘才明顯走弱，顯示即日鮮炒反彈的好友退場。

杜指和標普500指數都係微跌0.3%，杜指收報9280點跌30點，標普500指數收報995點，跌3點；納指，跌2點或0.1%，收報1967點。紐約證交所成交縮減至15.7億股。杜指期貨最新報9277點，比現貨低水3點。港股在美國預託證券的股價變動唔大，折合收市價19516點，微跌6點。

昨日全球股市都唔掂，包含23個已發展國家股市的MSCI世界指數下跌0.7%，歐洲的杜指Stoxx 600指數跌0.5%，亞洲地區表現最差，下挫1.4%，係兩週以來最差。在Ist Source Investment Adversors管理25億美元資產的Jason Cooper話，「現時每樣事件都唔係咁美好。過去數月我們所穫已很多，而人們開始懷疑這種情況能否持續下去。」

美國將於本週末公佈備受關注的8月份職位流失數字，而民間就業服務機構 ADP Employer Services昨日公佈的調查則顯示，8月份被裁減的職位共29.8萬個，遠多過市場預測的25萬個。分析員普遍預計美國失業率會上升至9.5%，係1983年以來的新高。另外，美國商務部昨日公佈7月份工廠訂單上升1.3%，但仍然低過市場預期的2.2%增長。

聯儲局公報公開市場委員會 8月11至12日的議息會議記錄，話「大部份成員認為下半年經濟復甦緩慢，而且一致表示經濟仍然脆弱，經不起震蕩。」另外，記錄中更提到銀行業面對更大的信貸虧損，仍有相當大的風險（sizable risk）。消息公佈後，標普500銀行業指數應聲下挫至1個月低位，美銀跌1.1%，SunTrust Banks及Huntington Bancshares更急挫逾7%，資金流向較穩定的債券，10年期國債價格上升，令收益率下跌0.07個百份點至3.3厘。

股市持續受壓，加上美元偏軟，資金流入金市避險，紐約期金一度升穿每安士980美元，去到近3個月高位，紐約期金收報978.5美元，升22美元，升幅2.3%，是近半年來最大的單日升幅。

        踏入9月，係美股的傳統淡季，9月例淡似乎係一個宿命，打從1928年起，標普500指數9月份平均下跌1.3%，美國交易員的話題是今年9月有無例外，暫時來講，淡友佔緊上風。Investors Intelligence分析員話，市場熊市氣氛轉強，統計市場分析員最近一週對股市的看法，對前景悲觀的人數由19.8%上升至24.1%，係自2007年7月最高的，而看法仍然樂觀的則跌了1%至50.6%。

        大市調整，技術分析派出籠，例如RBC Capital Market昨日發俾客戶的報告就話，如今9月股市不能創新高，就是整個第4季股市的重大利淡消息。」即係話9月走勢若不能向上，整個第4季都會向下。而家技術分析話8月17日標普500指數的979點係下一個重要支持位，以昨日收995點計，仲有16點，即1.6%的下跌空間就到。

         睇港股雖然下跌的力度唔太大，但先遇上大陸股市調整未完，又好可能再遇到一個美國調整市，在兩大外圍股市見底回升之前，港股暫時無運行，可能都要反覆先試穿19000點大關。

陸羽仁

http://www.hkheadline.com/blog/r ... rd=&searchtype=

Mr.Business

2009/9/4 上午 11:21:24

陸羽仁覆網友

Ray:你問乜位買中移動和盈富基金，你想短炒定長揸先，若係長揸三年，呢個月一見佢插就可以買吓。總的來說，投資者應趁9月、10月可能出現的調整市儲貨。

若炒幾個月，雖然反彈緊，但暫時未改調整市的格局，要捱得吓價至好，中移動和盈富都唔係雞股，中移動回得深啲，現價跌到250天線，論走勢有啲危，可現價吸一注，第72.5元吸一注，70元吸一注，70元大位應該可以守吓。盈富要等恒指回到19500點樓下買一注，19000點一注，18500點第三注。

Any:如上建議，長線投資者最好在呢個調整浪入齊貨，目標係買紅色股。

中國海外係防守性較強的內房股，但衰在較貴，16元入都OK。

Stock beginner:你話中移動過去110元買了，想溝一注，等平均價到番92元。我唔贊成你「溝」，係唔想你養成「溝」的習慣，第二啲嘢唔怕溝，輸錢的股票唔好溝。你要在75元買中移動，係覺得75元的中移動有長線投資價值，或者中短線炒作的機會，而唔係因為你手上有貴貨。所以唔係話中移動75元唔可以買，而係叫你唔好用溝的心態去買。

Twohitsix:你有金在手，975美元買入，在992美元水平沽了一半1000美元的call「鎖定部份利潤」。除非你覺得金未來只在20、30美元間走動，否則沽call不是鎖定利潤的好策略，因為你只食了期權金，升上去呢一半等如沽咗，萬一向上去幾十美元都唔關你事(可能波動得好快)，跌落來若回到975以下，走唔切仲要輸埋，以後沽call put只宜在不波動期權金較少時沽，波動大期權金高時反而唔好沽。若無沽call升穿1000美元沽一半正路啲，然後另一半一路推高止賺位，回頭到位就食糊，因為黃金走勢好怪，即使去年的美元大跌暴潮中，金價假穿1000美元去到1030美元又回頭，反而當時油價、澳元卻一路上，所以我都唔知黃金呢一浪可以去到邊，係唔係可以形成一個真正大升浪。而家你咁環境都係定好止賺位化算啲。再追就係極短炒，目標博佢衝一衝食佢20、30元，同埋要嚴守止蝕。

CCB:國航早兩日急跌係內地加油價所致，要睇住國際油價，因為內地油價始終要跟國際油價，若油價維持６０、７０美元上落OK，若向上升穿１００美元就對包括國航在內所有航空股都係負面消息。國航生意唔錯，等佢回深啲時候可以買吓睇中線，不用太急沽。

我話A股H股長線要合併，係講緊１０年８年的事，對月供揸十年以上朋友有影響，對短期買賣者無影響。

Mr.Business

注：此篇文章版权归香港頭條網所有。

金融High Tea——出完口術出手托
2009年9月4日

美股上日回軟，但內地股市卻有睇頭，恒指昨日在兩股力量拉扯下平開，之後受紅色股帶動逐步上揚，升至19740點才回順，國內上證綜指中午後大升，但恒指上升約300點至19820點水平已行人止步，內地股市3點收市後漸失動力，尾市升幅收窄至只有239點或1.2%，收報19762點，現貨收市後期指回軟，收報19570點，升145點，比現貨低水192點，成交61031張。

中資股跟隨內地A股大升，國企指數最高曾突破50天移動平均線，但尾市回順，50天線得而復失，國企指數收報11429點，大漲237點或2.1%。紅籌指數收報3856點，升62點或1.6%。大市交投仍然淡靜，成交輕微上升至548億元。

重磅股礇控（005）股價及相關新聞和中移動（941）股價及相關新聞靠穩，但升幅都跑輸大市，壓住大市升勢。礇控受外圍金融股普遍偏軟拖累，收報81元，微升0.4%，已經接近全日最高位收市。中移動走勢差不多，微升0.5%，收報75.1元。昨日表現較好的藍籌股係地產股，恒指地產分類指數上升1.5%。

昨日港股其實有鱓悶，真正精采的是內地市場，昨日全面爆發，兩市高開後一級級向上，午後再爆上，上證綜指穩步站上2800點後，繼續上揚，收報2845點，升130點，漲幅4.8%，深滬兩市成交額共2136億元人民幣，又上番2000億大關之上。

口軟手硬頂唔順

內地股市受中央會減少發行新股的傳聞刺激而上漲，我地昨日講過中國證監會副主席劉新華高唱「維穩」的言論，起到積極作用，投資者相信股市大跌已經引起管理層高度關注，會做鱓№支持纒股市穩定。

金融界高人話，內地股市早前的大調整其來有因，雖然中央大大聲話要維持適度寬鬆的貨幣政策，但講的是一套，做又是另一套，中國銀監會採取強力手段收緊信貸，強力到超過所謂「微調」的幅度，加上不斷推出新股上市，又容許大量現行上市公司再批股集資，種種措施慢慢抽乾了市場的水源，阿爺其實係「口軟手硬」，市場上的大基金好快就感受到中央抽資的壓力，急急退場，推動大市急滑。

不過阿爺好叻，見到個股市唔係幾頂得順「口軟手硬」的措施，又鬆番一鱓，見個市跌得太勁，唔止出口術，甚至會指揮官家巨型機構入場托纒市，令大市突抽升，例如前日建設銀行A股無端端大升5.3％，隻股無甚利好消息，令人好懷疑是官股持有機構匯金公司入場掃貨，以阻止金融股的暴跌。

但中環茶友話，阿爺出口術、動手術阻止股市急跌，甚至製造人為大反彈，未必能完全扭轉股市調整之勢，若大市調整未夠，新資金供應有限，又無重大利好消息支持，小心大市彈完又再腳軟，調整夠才回升。

大摩估南航蝕錢

睇番港股，昨日只是小炒而非大炒，國內A股急升，「三保六行」全線向上，保險股彈得勁鱓，國壽（2628）股價及相關新聞 及財險（2328）股價及相關新聞升2.8%，平保（2318）股價及相關新聞升3%；銀行股彈得少鱓，建行（939）股價及相關新聞 升0.9%、中行（3988）股價及相關新聞升1.6%、工行（1398）股價及相關新聞、招行（3968）股價及相關新聞及中信銀行（998）股價及相關新聞 齊升約2%，交行 （3328）股價及相關新聞升0.66%。

藍籌股中表現最好的是華創（291）股價及相關新聞 ，華創公佈業績，中期純利跌22%至11.58億元，每股盈利48仙，營業額升10%至350.5億元，中期股息微降至14仙。華創受啤酒業務增長強動，基本溢利跌5.5%至9.66億元。華創中午公佈業績後股價造好，漲5.3%至18.6元。

航空股上日因內地調高油價而下跌，昨日反彈，大摩將南航（1055）股價及相關新聞評級，由「與大市同步」，降至「減持」，目標價由1.8元，下調至1.77元，2009至2011年每股盈利預測，由0.14元至0.26元，下調至虧損 0.07元，至盈利0.06元人民幣，即係估09年南航要蝕錢，到2011年都係賺雞碎咁多，但消息無阻南航反彈，收市升2.6%。國航（753）股價及相關新聞亦升2.8%、東航（00670）股價及相關新聞升1.3%；唔受油價影響的首都機場（694）股價及相關新聞 表現最好，升5.3%。

金價造好，升至每安士980美元上方，金股全線大漲，紫金（2899）股價及相關新聞升8.5%、招金（1818）股價及相關新聞升8.9%；金屬股亦炒高，江西銅（358）股價及相關新聞、湖南有色（2626）股價及相關新聞、馬鋼（323）股價及相關新聞及鞍鋼（347）股價及相關新聞齊升逾5%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

投機（１１）  
       
2009/9/4 上午 09:39:59
網誌分類: 經濟

美股受多重好消息消刺激，止跌反彈，中國股市猛漲利好投資信心， 8月零售銷售好過预期，令Costco和Gap等零股及金融股強勁反彈，金價急升近每安士1000美元水平，帶動金屬資源股造好，儘管首次申請失業救濟人數報告令投資者失望，美股最終仍能扭轉連跌4日的劣勢。杜指上午走勢呈「M」型狀態，到午飯時候，仍是原地踏步。到午後才打破悶局，逐步攀升，以接近全日最高位收市，但升幅溫和。

杜指收報9345點，升64點或0.7%。標普500指數重上1000點上方，收報1003點，升8點或0.9%；納指漲26點或0.8%，收報1983點。紐約證交所交投清淡，成交縮減至不足13億股。杜指期貨最新報9333點，比現貨低水12點。

大市昨日觀望氣氛濃厚，主要係投資者等待將於今日公佈的8月份非農業就業報告，許多經濟學家認為這一指標更為反映出美國經濟計劃的實際情況，但觀察美股尾市回升，反映投資者預計公佈數據不會太差。

昨日支持大市上升的主要係金融股、金屬資源和零售股。金融股經過連日大跌後，有不錯的反彈，AIG回升10%，美銀、摩根大通及富國銀行齊漲逾3%，花旗集團則升近半成。金融板塊整體上漲了2.3%，其中綜合性銀行股上漲2.7%，綜合性保險股上漲3.5%。

金屬價格全線上升，黃金又逼近每安士1000美元水平，最新報992.5美元，上次最高去到1030美元就急促回頭，今次黃金唔知可唔可以破位而上，抑或延續一個大型上落市格局。黃金上升帶動金屬資源股跑贏大市，McMoRan Copper & Gold Inc. 連跌幾日後昨日反彈，Barrick Gold及McMoRan Copper & Gold Inc升4.3%，而美鋁亦上升4%，係表現最好的杜指成份股。

美國8月零售銷售好過预期，幫助抵消了就業市場令人失望的消息所帶來的影响。Costco及Gap分別勁升8.6%和7.6%。零售板塊上漲了2%。

匯控美國預托證券跟隨大市造好，收報82.33元，比香港收市價高1.6%；中移動收報75.39元，比香港收市價高0.4%。ADR港比指數19910點，比香港高148點。

網友GIGI問起我講「逆市操作的投機」，佢話，「笨笨的我唔係好明，”逆市操作的投機”，同"順勢的投機"、"分段趁低吸納的投資"又有咩唔同呀?」

我講過投機時第一步要研究每場賽事每個投機對象的勝出率，首先要搞清楚　自己買緊短途、中距離、還是長途賽事。好多散戶炒期指即日鮮，是超短途賽事，玩幾個鐘定輸贏。散戶買窩輪亦應是短途賽事，因為窩輪的時間值日日縮，揸長少少發行商一定贏，最多三幾日要定輸贏。炒股揸一段可以係中距離賽事，揸10日、8日，甚至一個月都得，不過如果輸錢唔止蝕，就可能投機變投資，一揸揸幾個月甚至一年。好多大投機家的投機係長途賽，例如索羅斯93年賭英鎊下跌和97年賭港元脫鈎，就係長途賽，賭幾個月至一年。

投機活動若是短途賽，快進快出，順勢較易贏錢。炒期指上晝見到個日中低位，例如係19700點，就定個盤穿19700點順勢沽，若期指真係破位向下，沽家的目標只是食50點、甚至100點，都有較大機會命中，這就是順勢投機。反過來說，若今日玩咗幾個鐘見到大市係一個跌市，你想搵個位揸期指博反彈，希望搵個日中低位去揸，事實上唔係咁易搵到，因為個市一級級向下，你買入博反彈，可能５分鐘後就要止蝕。

你可能會問，唔係呀，我見跌市時買貨，坐佢一排，等佢反彈會贏錢，點解你話逆市投機唔得呢? 的確有人專門做這種事，第一，佢可能係投資者，見好股回落買入長揸，而非投機者，分段吸納好股要事先安排好計劃，以股份價值衡量買入價位，有無長期防守性，而非看短期的走勢。第二，有種人專門買大跌股，見股份大跌就撲入去，唔止蝕，又真係不少時間都搵到水，不過最後遇到一隻股跌兩跌停咗牌死埋，咁就一舖清袋。要做好這種事情，要係專家，佢識分邊種股大跌會死(例如莊家股)，邊種股大跌都唔會死(例如紅色股)，限咗注碼定埋止蝕，然後入市去博，的確有機會搵到錢，但呢種動作有少少似玩雜技，要問吓自己有無咁o既眼光同技術至好去做。第三，有些專業人士專炒上落股，例如隻紫金礦業(02899)股價及相關新聞 炒味甚濃，由去年12月到今年4月，主要在4元至5元中間浮沉，5月走上一個台階後，又在6至8元中間上落，炒作者見佢跌近6元時去揸，定番5.5元止蝕，佢一般都唔會跌穿6元，買入等佢升近８元就走，你知道呢種股份的「正常」炒法和上落幅度，逆勢去揸風險會細一啲（唔係無風險）。

以中短途投機而言，順勢投機走一轉，個市升緊就買，個市跌緊就沽，順勢食一段就走人，對一般散戶投機者而言，較易操作，較少觸及止蝕位要打靶，取勝率較高。至於逆勢投機，由於好多人唔止蝕，表面睇好似同樣咁易，但其實隱藏了不低的風險。逆勢投機若擺止蝕又會好容易中，有時一買過一日就要止蝕。

陸羽仁

http://www.hkheadline.com/blog/r ... rd=&searchtype=

Mr.Business

2009/9/7 上午 11:38:18

陸羽仁覆網友

Ray:我話中移動有機會從一隻高增長股變成正常增長股，甚至低增長股，若是如此，在10至12倍PE間上落較合理(未計會上A股的炒作因素)，所以中移動在最壞情況會跌番到10倍PE，但以上周五現價計，市場已好大程度discount中移動的業績表現。

你問恒指在9、10月跌穿18500點的機會係唔係少過50%，我估跌穿的機會唔太大，即使跌穿亦唔走得太低。

中短期2823好過2828，因為A股跌得深啲，H股跌得無咁深，H股唔係幾肯跌，調整幅度唔似A股咁夠，主要因為外來資金盤據唔走所致。

Gigi:答完啦，你唔明再問啦。

爛賭小妹:歡迎加入投資者行列。你話買想金磚四國，我估另一個可揀的係印度，佢係人口大國，經濟開始起飛，有長線投資價值，俄羅斯就同油價有關，油價在75美元以下時，俄羅斯都唔太掂，若油價長期高企在100美元樓上，佢就得米。

Loss confidence:股神都唔係見跌就盲買，佢要計目標公司未來10年現金流，再扣減無風險利率，睇吓現價抵唔抵買，普通人唔識計數，唔識公司前景，唔識分好股或炒股，合埋眼咁見低就買，風險就高好多啦。

Bluepanda:基建本來和經濟同步，兼且係大型投資，在西方世界並非短週期股，但中國經濟從來都係靠基建驅動，加上這次全世界救市好多國家都大搞基建帶動經濟，所以消息一出基建股變受惠股。當然基建會否供過於求，就要逐隻睇了。

Myself:你都鐘意游水同射籃，咁同我有同一興趣噃。你話自己投資喺股票o既時間好似白費咗咁，唔似運動，唔係愈玩得多愈叻。我話人有高低潮，投資亦有高低潮，股市咁暴跌暴彈，唔係單單係基本因素可以解釋，呢次金融海嘯係百年一遇，應該咁睇，遇到佢唔死都偷笑，你想在這些暴潮中賺錢唔係咁易。

我俾條藥方你，還原基本步，睇公司的基本因素，估公司賺唔賺錢，試吓發掘未來可以賺番多啲錢但股價又未係升咁多的股票，擇優投資，睇兩三年。若唔識揀，就研究中國這隻超級股票，等大陸股市大跌時買吓吧。

Twohitsix:多謝提供資料，等我又研究吓商品期貨的資料公布有無影響商品市場先。

Yuki:港股直通車未會出現，美股有少少想調整之象，未知大陸市調整完未，未來主要睇大陸市點樣。調整市未必即完，但人人話10月跌，會唔會又玩相反呢?

所謂維穩，係唔俾股市失控大跌跌唔停，所以見佢插到2600點仲止唔到血，阿爺有少少緊張，阿爺最理想見到一個窄幅上落市，等大市打吓底。我估劉央講港股再跌10價主要講H股，因為A股跌咗20%，H股跌10%就收工。港股要見18000點，美股或A股要再調整10%以上先至會見。10月後再有大型新股上場，或可再帶起一點大市氣氛。

思捷急跌下來，主要是之前炒業績的期望太高所致，要沽貨的基金都沽都七七八八，現價貼近橫行區域，應有一定支持，若跌近40元就係好硬的支持位。我估而家主要消化佢生意唔好的消息(其實歐洲唔好生意應在想像之中)，其他消息暫時刺激不大。

金價強過油價有少少季節用金的因素，但按理不應長期維持，正路反而係油價強過金價，或者應該講油價波幅大過金價。

Mr.Business

注：此篇文章版权归香港頭條網所有。

金融High Tea——明鬆暗鬆 淡友即鬆
2009年9月7日

早幾日話阿爺見到股市跌頂唔順，高唱「維穩、維穩、維穩」，話口未完，阿爺就口術、手術出齊，先把內地股市夾高，觸發上周五港股大夾倉事件。

上星期五港股的升市又真係幾戲劇性，話說當天成日都係悶悶懐，上晝跌完又彈，但升又升得唔多，上落200幾點，到下午3點眼見內地個市都收埋，上海A股都只係升得17點，升幅得半個巴仙，炒友心諗當日都差不多可以收工，點知個市3點過後馬上急抽，第一波1分鐘左右就抽鰦200幾點，一舉升穿20000點大關，之後略為回鰦未夠100點，又再向上抽多300幾點，升到20300點樓上，就係5分鐘已經抽升500點。最後恒指升到尾，升556點，收20318 點，升幅2.8%，期指更由大低水轉高水，收20379點，升809點，大市成交升至760億元。

當上周五3點個市開始爆升時，市場蒙查查唔知乜事，睇新聞只見話內地宣佈放寬QFII（合資格境外機構投資者）的投資額度，將單家外資機構申請額度上限由 8億美元增至10億美元；並將養老基金、保險基金及開放式中國基金的QFII投資本金鎖定期由1年縮短至3個月。

放直通車 美麗誤會

好多經紀睇到呢條消息，以為係放寬港股直通車，但正如中環茶友所言，QFII唔同QDII（合資格內地投資者），QFII係指外地機構投資到內地A股市場，唔係指QDII即內地機構投資到海外市場，所以將QFII單個機構的申請投資額度上限加2億美元至10億美元，只係放多鱓錢入內地投資，唔係內地放錢到香港投資。茶友話，阿爺在國慶前本來已經要維持內地股市穩定，鶽家新疆咁亂，維族搵針拮漢族搞到漢人大示威，阿爺更是穩定壓倒一切，金融官員自然要穩住股市，搞好氣氛，唔好為最高領導人添煩添亂，所以支持內地股市的政策盡出，放寬QFII額度就係增加資金流入內地股市的招數，這種時候一定唔會搞甚麼港股直通車或者放鬆QDII，因為這樣等如放錢出外地，大陸股市豈不是會仲差，阿爺點會在大陸股市未跌定時搞鱓咁№？

好啦，問題鈬啦，既然QFII和放水到香港無關，咁點解港股當日在幾分鐘抽鰦500點，仲反覆造好直到收市？要講QFII和香港的關係，或者可以咁講，外匯管理局公佈消息時內地已收市，A股想升都無得升，但預計這個消息會大大利好內地股市，而A股上升會刺激H股和其他港股造好，都係對香港利好的消息。有鱓包拗頸之人就會咁講，鶽家係QFII放多25%咁大把，在內地市場只是九牛一毛，唔使咁大反應躀，況且早幾日上證綜指大升148點時，港股只係跌少鱓，唔係跟足內地去升，咁見到內地的利好消息港股使唔使咁大反應呀？

借機發難 大夾淡倉

炒股要信市場，股市升跌總有原因，無話合唔合理，不過港股上星五咁短時間升得咁急，而且到收市都無回落，就唔似係長線投資者的行為，中環茶友估計，幾分鐘升500點，當中有大量淡友已經止蝕打鰦靶，首先20000點已是重要心理關口，而今次急升連10線和50日線都升穿埋，好多技術派在呢鱓位置擺鰦止蝕盤，一到位止蝕買盤就湧出來，令指數係咁谷上去。不過正常鈬計，殺穿大位逼淡友止蝕後，指數會有明顯回吐，但當日尾市特別係期指在現貨收市後仍抽升，只有兩種可能，第一是大市抽升吸引大量實質買盤入市，買唔切現貨唯有補番鱓期指，第二是好友大夾倉，根本唔俾個市回讓淡友有位轁氣，實行夾到尾夾到淡友投降為止。今次抽升夾倉味道幾濃，若然如此，除時今天開市還會夾纒。

呢一排個市出奇地呆，好多時一日都只得100幾、200點波動，期指好多時亦出現停住唔郁的唔正常情況，我一直都擔心這只是假象，實質是山雨欲來，大戶只是等機會出手，唔知佢想夾升還是急插而已。一般智慧「十個牛皮九個淡」，所以散戶造淡居多，結果積鰦唔少淡倉，大戶就借內地消息來一個大夾倉，個市發一發癲，大戶走一轉都執千幾點矣。

話番轉頭，阿爺咁樣不斷出招，淡友唔鬆人又的確有風險，香港唔夾，內地都可能會夾。內地早前的情況，就如金融界高人咁講，係「明鬆暗緊」，管理層口講堅持適度寬鬆的貨幣政策不變，但實際上卻要控制銀行放貸，又放出大量新股在市場上吸取資金，令股市投資者腳軟，內地股市急促回吐。

空群出動 引資救市

阿爺見股市跌得太急，六十周年國慶又快到，就顯出有些心急了，呢幾日接連出招。第一，中國銀監會早前原本表示，要內地銀行相互持有的次級債務資本工具從附屬資本中扣減，此舉會令銀行的資本馬上減少，直接影響銀行的借貸能力，不過銀監會最新的說法是研究「分年」扣減，不會在短時間內集中要求銀行扣減相互持有的次級債，這將大大紓緩銀行增加資本、減少借貸的壓力。

第二，國家發改委日前話，已將《關於進一步鼓勵和促進民間投資的若干意見》（即鼓勵民間投資20條）遞交國務院。呢「20條」擴大對民間資本可以投資的範圍，包括基礎產業、基礎設施、金融保險、文教缳生和公共服務五大領域。包括金融保險等五大行業過去是國企的壟斷王國，如今研究容許民間資本進入，將造成這些行業的投資熱潮，即係話將來唔單止靠阿爺投資，亦刺激民間資金在經濟領域扮演更重要角色，成為推動經濟發展的一大動力。

第三，中國證監會正加快放行新基金出籠，若股市繼續唔掂，相信會減慢放行巨型公司上市。

再加埋外匯管理局放寬QFII的投資額度，可以話發改委、證監會、銀監會、外管局總動員去維穩護市。可以想像，內地政策正從「明鬆實緊」向「明鬆實鬆」的方向挪移，起碼鬆到頂住股市唔好再跌先至算。

你鍾意又好，唔鍾意又好，內地股市就係政策市，升得太急阿爺會出聲，唔掂就出埋手，但跌得太多又係一樣，我估計阿爺咁搞，會為A股形成一個政策底，假設原本內地股市未調整完畢，上證綜指星期一跌到2667點低位未係呢次調整的真底，但中央咁出招法，恐怕會加速呢次調整的底部出現，以後反彈完即使要再回落，恐怕也未必咁易插穿2667點這個底，可以想像再有急跌時，阿爺可能預備了更猛的救市特效藥要出籠，由於內地基本上係封閉市場，資金供應主要由阿爺操控，佢咁積極調控，應可控住股市的跌勢。

港股走勢肯定受內地股市影響，如果你睇睇恒指、上證綜指和杜指一年走勢比較圖，就會發覺過去港股和美股走勢貼近一點，但自5月打後，港股受內地股市的影響愈來愈大，港股是在美股和大陸股市中間走，所以若內地股市止跌回穩，港股可望企穩。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

長週期股
       
2009/9/7 上午 09:36:07
網誌分類: 經濟

美國失業率再升，但非農就業數據好過預期，美股上周五造好，在工業股上漲帶動下，杜指初段走勢強勁，午飯前已抽升逾80點，但午後略現疲態，升至9450點前已無力再上，之後在窄幅爭持末至收市。杜指收報9441點，升97點或1%；標普500指數升13點或1.3%，收報1016點；納指突破2000點關口，收報2019點，升36點或1.8%。美國本周一是勞工日假期休市，上周五在假期前夕，紐約證交所交投淡靜，成交縮減至11.5億股。杜指期貨最新報9417點，比現貨低水24點。

總結一週，美國三大主要股指全部下跌，市杜指下跌1.1%，標普500下跌1.2%，納指表現最好，只跌0.5%。

上周五最重要的數據是美國勞工部公佈，8月份非農業就業人口減少 21.6萬人，低過經濟學家預測的減少23.3萬人，跌幅為一年來最輕微。今年第一季平均每月有69.1萬人失去工作，第二季已降到42.8萬人，以8月職位減少數字降到21.6萬計，美國勞工市場正趨穩定。

LPL Financial首席市場策略師Jeff Kleintop話，在標普500指數上漲50%後，市場對好消息已經麻木了，缺少上升動能。非農就業人數報告顯示經濟進一步復甦，但市場反應未如預期熱烈，股市只係微升約1%。在一個月前，類似的數據已能帶動股市大幅反彈。

匯控美國預托證券跟隨美國大市造好，收報84元，比香港收市價高2.4%；中移動收報77.85元，比香港收市價高0.4%。ADR港比指數20555點，比香港高236點。

美國的就業職位仍在減少，失業率升至9.7%，是1983年6月以來的高位，高過預測的9.5％；統計顯示，如果加上暫時工，或者放棄現職正在找新工作的所謂「就業不足」者 （underemployment），無工做的比率就高達16.8%，創了1994 年以來的新高。美國自2007年12月經濟開始衰退，就業人口總計至今已減少690萬人，全國失業人口已達1490萬人，創下二次大戰後歷次衰退中最高的紀錄。

　　在經濟好轉初期，失業率會不跌反升，因為經濟好差時，部份長期失業者根本放棄搵工，他們就不會計入失業人口，但經濟開始走出衰退時，市場就業氣氛改善，這些放棄搵工者會重新求職，再加上裁員情況雖已放緩但仍持續，就會推高失業率，經濟學家預期未來數月會有更多人失業，到2010年，失業率估計突破 10%。

失業率高企、就業市場持續萎縮，民眾審慎消費，意味著佔了美國GDP近七成比重的消費者支出在信心不足下持續疲弱，經濟也無法加快復甦的步伐，依賴做美國出口生意的行業首當其衝，航運業是一個典型，睇吓大陸上市公司半年業績中的虧損大戶，主要係航運公司和金屬鋼鐵公司，上海和深圳兩市1,637隻A股全數公布了今年上半年業績，當中有6間是蝕錢過10億元人民幣的虧蝕大戶，以中國遠洋居首，半年蝕46.2億元人民幣。排第二的是中國鋁業，半年蝕35.2億元。第3大虧損大戶是中海集運，半年損34.2 億元。三大虧損戶中有兩個做航運，可見航運業務之慘烈。

據航運業內人士話，雖然話復甦，佢地的生意未有明顯改善，一則歐美失業率高企令消費持續疲軟，影響入口，二則太多新船下水，屋漏更兼連夜雨。記住這是基本分析，和股份短期炒作上落無關，航運股因為跌得好甘，吸引不少人炒反彈。炒唔緊要，唔好以為有基本因素支持，以中國遠洋(01919)股價及相關新聞 為例，07年賺194億元人民幣的好日子，相信有排都唔會見得番，炒股要定好止蝕，唔好以為公司未來好好境。

所以要投資(唔係炒)一次經濟復甦，要細心諗吓邊種行業係短週期股，邊種行業係長週期股，若是週期短，意味復甦快，經濟一回復正增長，佢好快可以做番接近以前咁多生意，若加上減咗成本，佢就較快可以去番高峰期咁賺錢，隻股一兩年內會再創高峰。但有啲行業係長週期股，意味佢地多數唔係週期回頭的第一個受惠者，加上行業本身有供過於求又好難收縮供應的特質，要經過好長的汱弱留強，才會復甦，有得揀就唔好揀呢類股份來投資，當然短炒是另一回事了。

陸羽仁

http://www.hkheadline.com/blog/r ... rd=&searchtype=

Mr.Business

2009/9/8 上午 10:49:33  

陸羽仁覆網友

Yuki:鬼佬其實在炒大陸A股呢次調整見底，或者至少在國慶前炒一炒，所以上星期有不少盤在撈H股，當中有些基金也在「炒」這個見底概念，未來走勢關鍵看大陸，守唔守得住，定係升完再跌，暫時睇A股未係一條氣咁上去，仲係反覆抖氣。正如趙子龍所講，港股本似向上突破，但A股走勢未配合，港股升到近高位時會觀望。

我今日網誌講併購，係講一個中長期的趨勢，確認美國金融市場趨向穩定，但和股市短期走勢無關，美股若是見高位調整，回番兩三個星期好平常。若兩個話題有相關，就只在乎美股應該只是調整，唔驚佢大跌。

你條ABC: 理論上60週年國慶阿爺要維穩，利好股市，但外資睇死你，會唔會國慶前借勢推上，然後又派番俾你插一插呢?

周生生6.48元買，此蝕6元，個位幾靚，一般唔易到止蝕，到都要打靶。

中國礦業炒味濃，兩次推到0.5元就回，無做出好靚的走勢，唔好話睇幾多，先要嚴守止蝕價0.3元。謝瑞麟有啲欲升乏力之感，亦要嚴守止蝕。中旅狀況OK。

佢地會唔會借國慶假期炒吓我唔知，但嚴守你的止蝕位就可以，若是短炒升得急時不妨放一部份食吓糊先。

你話「睇到你講好多分析師同經濟學家都話睇淡美國個市,有d又話2010年會爆泡,我想問下以你覺得爆泡最快幾時會爆定係可以長玩到2010下半年或以後?」我估我無話美國會爆泡，美國係緩慢復甦緊，但中國的復甦較可觀，睇一兩年中國股市狀況OK，可以中長線投資。中國股市調整緊，唔知完未，可趁調整時吸納，今年底明年會再上高峰。港股跟緊大陸走勢。

牆頭草:我明日寫篇網誌講吓你所謂的瘋股。

Fatfat1389:最近A股和H股拉近了，主要是外資睇好中國股市，但內地升得急有少少爆泡要療傷，所以H股無A股跌咁多，以內銀股為例，佢地唔夠波動，內地人本來唔係咁鐘炒，加上近排有不少外資見低吸內銀股，所以拉近了兩地價格。

Mr.Business

注：此篇文章版权归香港頭條網所有。

特許經營質素參差
2009年9月8日

昨日截稿前，Victoria喜歡光顧的小肥羊（968）股價及相關新聞，公佈了業績。業績並沒有我想像中的好，中期業績截至○九年六月三十日止，營業額為六億二千六百萬元，比同期升了百分之十八點五，不過盈利卻錄得三千九百一十五萬元人民幣，較上個財政年度同期的倒退百分之七點二。

　　回顧業績期內，小肥羊收購了九家特許經營餐廳，令自營餐廳總數於○九年六月三十日增至一百四十六間，而特許經營餐廳合共擁有二百七十六間。自營餐廳的數量跟特許經營餐廳的數量是大概一比二，我想跟一些知名的連鎖餐廳去比較，小肥羊的特許經營餐廳比較是絕對不多的。不過因為小肥羊是以火鍋為主業，涉及了更多的服務過程，因此我認為到了此刻，小肥羊已經控制不了特許經營餐廳的質素。Victoria說的並不是小肥羊的食物，而是小肥羊的服務和環境等。

　　Victoria幾乎每次去深圳玩，都會去吃小肥羊。去比較接近市中心的小肥羊，有時排隊就要排
上一個鐘頭，但為了一飽口福，都照樣等。可能是享受慣了香港的服務，雖然我覺得小肥羊的食物是五星級的，但服務、環境等，確只有三星級。所以如果在上海，相比小肥羊，我會選擇環境及服務都好很多的豆撈坊或者海底撈火鍋店。舉些海底撈優質服務的例子，吃火鍋的時候服務員看你戴覑眼鏡，會遞上眼鏡布，看女生披覑長頭髮吃火鍋不方便，又會遞上橡筋，甚至你打個噴嚏，就會有服務員送來一碗薑湯。這聽上去有點做作，但確實給我感受到他們非常注重服務的特色。

　　其實做特許經營，但控制不了質素這個問題，除了在餐飲業上會發生，在其他行業也同樣會發生。比如在香港上市而大部份業務都是在內地的自然美（157）股價及相關新聞，去年都遇上同樣的問題。二○○九年上半年，公司便有二百一十九間店舖結業，關閉的主要原因是加盟者違反了加盟條款，如銷售非自然美產品。以加盟店去搶佔市場佔有率無錯是非常有用，不過中國企業離開外國麥當勞這個管理水準，似乎還需要一段時間。

　　王雅媛（Victoria）

　　王雅媛為持牌人士，並沒有持有以上股票

http://www.hkheadline.com/finance/news_detail.asp?id=87771

Mr.Business

注：此篇文章版权归香港頭條網所有。

金融High Tea——資金無走繼續炒
2009年9月8日

二十國集團周末開會同意繼續採取措施刺激經濟，直至完全復甦為止，令外圍股市保持樂觀氛氛，中國外管局擬提高QFII（合資格境外投資者）投資額度，利好投資情緒，深滬股市第5日上升。恒指在重磅股礇控（005）及中移動（941）高開1.7%及1.2%帶動下，延續上日升勢，高開184點後，升勢不止，其後在20600點橫行。

內地上證綜指昨日中午一度衝破2900點至2919點，但午後無力再上，掉頭向下，2900點得而復失，臨收市前後抽，幸保不失，保持升勢收市。恒指受內地A股回順拖累，下午重開時升幅收窄，但回到20500點已見支持，港股市底甚強，尾市再升，收市企穩20600點上方。

結果恒指連升三日，累積升幅超過1100點，昨日收報20629點，升310點或1.5%，期指收報20633點，升250點，比現貨輕微高水4點。國企指數收報11979點，大漲218點或1.9%。紅籌指數突破4000點關口，但受中移動倒跌拖累，跑輸大市，收報4004點，升38點或1%。大市總成交略縮減至640億元。

你唔信佢又升

恒指昨日上升，主要由地產股及金融股帶動。地產分類指數和金融分類指數分別上升2%及1.8%，跑贏大市。當中表現最好的地日產股係信置（083），瑞信話經近期跑輸後，信置估值已回落至吸引區間，評級由「跑輸大市」升至「跑贏大市」，目標價由15.78元，輕微下調至15.76元。信置周三公佈 09財年業績，信置股價昨日偷步抽高4.7%至14.56元。

睇埋昨日中港兩地大市走勢，更覺上周五港股急升的市況有蹺蹊。上周五恒指在3點後大抽升500點，收市升鰦556點，升幅2.8%。當時市場歸因於內地公布增加QFII的投資額度，每家限額由8億美元增加至10億美元，這個消息只會增加投資內地的資金，對香港無直接影響，當時市場話由於內地當時已收市，所以港股炒內地利好消息咁話。

好啦，到昨日內地有市啦，對增加QFII額度此利好消息反應溫和，睇番上證綜指最終只升0.7%，升至2881點，並無如港股上周五咁大升2.8%。按道理如果港股上周五係偷步炒內地股市，A股到昨日交成績表無大升，港股上周五炒突鰦要回吐至飱，不過港股昨日不但無回，仲要再升310點，又升1.5%，單計昨日升幅都大過內地股，所以話上周五港股急抽只是「借鱓意」上升，利用鰦QFII的消息炒上，並不為過。

中環茶友話，股市升總有其原因，千祈唔好唔信佢升，因為你唔信唔信佢又要再升。查實早前股市一浪調整落來，並未見有資金流走，港匯仍偏向強方，錢無走繼續搵№炒，亦好正常。佢話在市跌時，見到一間歐資大行好積極買貨，主要掃H股，外資力吸，也是H股跟唔足大陸A股跌幅的原因之一。

細價股難炒又有新例

藍籌股反彈，三、四線則個別發展。維達國際（3331）公佈，截至2009年6月底止半年業績，股東應佔溢利1.8億元，較08年同期6,176萬元增長 1.91倍，每股盈利19.9仙，建議派發中期息每股3仙，股價升創近日新高後略回。集團行政總裁李朝旺於業績後記者會表示，集團將會擴大個人護理業務，並希望於3至4年間將該業務佔整體營業額約10%，由於紙漿價格仍然偏低，有助減低成本，短期集團業務前景應該可以繼續睇好。

細價股難炒，昨日又有一例，隻21控股（1003）昨日暴跌73.5%，由上日收市的1.89元，急跌至昨日停牌前只得0.5元，獱鰦佢喊都無謂。隻股昨日成交鰦6792萬股，等如一日有21%發行股份易鰦手，睇牌路好似俾人斬倉。隻№本來做地產代理，早排宣佈轉型做風電股，點之炒兩炒就爆鰦。炒細股風險之高，可見一斑，上錯車之老散，唯有收埋疊股票係櫃桶底，睇纒將來仲有無得翻身啦。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

併購解凍         

2009/9/8 上午 09:46:38
網誌分類: 經濟

美國勞工節（Labor Day）假期，美股及加拿大股市週一休市。20國財長誓言繼續催谷經濟，有避險作用的日圓下跌，加上美國卡夫食品公司(Kraft Foods)主動提出收購英國的吉百利公司(Cadbury)，讓投資者看到了投機拼購活動再度興起的契機，全球主要股市造好，包含23個發達國家股市的MSCI 世界指數週一上升0.9%，反映歐洲股市的杜指Stoxx 600指數漲1.4%。

朱古力生產商吉百利公司陷入併購戰，吉百利股價大升38%，更推動倫敦富時100指數上漲1.7%，跑贏德國和法國股市。美國卡夫食品公司表示，要以每股745便士，總計102億英鎊(約167億美元，約1302億港元)的價格，以現金加股票方式收購該吉百利。吉百利已經拒絕了卡夫食品公司的收購提議，認為收購價太低，但卡夫食品公司表示將繼續推行上述收購交易，並「保持建設性的對話」。吉百利股價飆升38%，一舉超越卡夫提出的收購價，成為英國股市中表現最突出的公司。

受到收購傭消息刺激，歐洲股市中的食品生產商行業普遍攀升。法國達能(Danone)漲3.9%，聯合利華(Unilever) 升2.2%，瑞士蓮(Lindt & Sprugli) 上揚5.8%，雀巢公司(Nestle) 亦漲了0.5%。

        我地食慣卡夫芝士、Oreo曲奇和吉百利朱古力，所以對這兩間公司雖然無甚了解，卻也久聞大名。卡夫趁這個轉角市出手，充滿著傳統的併購智慧。吉百利係世界生產糖果的大戶，卡夫的如意算盤是吃掉糖果大戶吉百利之後，合併後的新公司佔世界糖果市場的份額急增至15%，和對手Mar Inc.等量齊觀，況且卡夫的基地在美國，吉百利基地在歐洲，兩公司合併，更有跨越兩大洲的地理優勢，所以整個併購有很強的商業邏輯支持。

        如今最大問題是價錢，卡夫一出手，吉百利的股價馬上急升38%，升到每股783便士，一升就遠超收購價745便士，意味著卡夫若不提高收購價，好難成事。倫敦Evolution Securities的分析員Warren Ackerman話，吉百利每股應值1200便士，而不是卡夫提出的745便士。據說吉百利搵咗高盛、大摩和瑞銀三大頂級投行做其財務顧問，打防禦戰，而其他美國食品巨企如雀巢隨時加入搶購行列，所以未知吉百利最後鹿死誰手。

卡夫這個167億美元的併購大計，是今年最大的跨境併購，據彭博的統計，8月整個歐洲的併購活動總計金額亦只是210億美元，可見卡夫計劃之巨。我非常關注併購活動，這是美國股市是否正常化的重大指標，因為美國企業太大、太成熟，要佢地一年有10%以上的盈利增幅，靠自然增長好難做到，所以一定要靠併購，巨企以合理價錢買到好嘢，裁吓人修理吓，夾落自己盤數內，好容易連續幾年都有10幾、20%的盈利增長。況且一次大型併購活動，也是銀行、投行、會計師行和律師行的大生意，愈搞得多，這些行業生意愈旺。所以巨型併購解凍，重新出籠，就係美國金融市場回復「正常」的重要指標，唔好再預計美股好快就頂唔順要急跌。

陸羽仁

http://www.hkheadline.com/blog/r ... rd=&searchtype=

Mr.Business

2009/9/9 上午 11:03:23  

陸羽仁覆網友

小潘:煤氣本來係一隻香港公用股(有時做煤氣鼓舊址做吓地產)，近年投資大陸天然氣市場，摩通好明顯將佢當做一隻大陸天然氣概念股。不過佢現時市值1256億，要升到1.2萬億才是10倍，都幾難想像，難道是超級通脹??

Hero:內房股質素較優質的是中國海外和世茂房地產，但股價亦反映咗呢個特質。

Jasmine:你話想用每月1萬元月供股票，供5年，咁樣唔使睇指數睇市機啦，馬上開始，若睇3至5年，今在最後4個月大力吸納紅色股，一段長時間後應有收穫。若真係要講策略，應如一個「倒三角」咁，未來半年一年內買多啲，將來升咗上去之後就用正常速度買就可以，真係升到大顛特顛時可以沽啲(講緊3幾年後)。月供可以三分二買A50，三分一買盈富。

Loss confidence:你講得啱，睇住木槳價錢炒維達都得啦，上半年木槳平佢賺得多，而家木槳價都未大升，明年就唔敢包啦，佢啲生意利錢較薄，加價唔易，業績對原材料價格敏感，人人都估通脹會來，好難對佢明年業績睇得太好。

Mr.Business

注：此篇文章版权归香港頭條網所有。

金融High Tea——內銀股一個月到站
2009年9月9日

美股周一假期休市，內地A股先跌後回穩，恒指低開12點後，受中資股帶動，即時回升，並上衝20800點，但未能企穩，之後在附近窄幅橫行。中央公佈即將在香港發行60億元人民幣國債，滬深股市下午愈升愈有，上證綜指迅速突破2900點關口。恒指下午亦跟隨發力，成功突破近期的重大阻力位21000點，收市仍企穩21000點上方。

上證綜指收報29308點，漲1.7%，滬深兩市重上20天移動平均線，總成交額共2321億元，內地A股連續反彈六個交易日。不過恒指更強，昨日已經係連續第四日收高，累積升幅更超過1500點，恒指昨日收報21069點，大升440點，期指收報21062點，升429點，比現貨低水8點，成交 68802張。國企指數收報12276點，大漲297點或2.5%。大市成交增至711億元。

港股蓄勢破高位

話恒指強過A股絕不為過，因為昨日恒指高位21133點，距離8月4日造出的今年高位21196點，只差63點就要創新高，可見港股如何強勢。阿爺宣佈在香港發行60億人債，雖然話支持香港做國際金融中心，但只是抽象好處，大市若因此炒高，亦只係借勢上而已，若氣氛唔好，見到呢鱓消息可以照跌可也。正如陸羽仁早兩日開始講，唔理個市點樣升得無厘頭，但佢升得上去總有它的理由，千祈唔好唔信佢會升，因為你愈唔信佢愈升。雖然內地股市未能大幅向上，但睇港股個勢，似要上破高位，要一舉殺晒唔信佢有能力創新高的淡倉之後，才會回頭。

兩隻重磅股礇控（005）及中移動（941）昨日個別發展，礇控亞太區主席鄭海泉話，將集中發展亞太區新興市場，考慮併購機會，大笨象昨日以接近全日最高位收市，但表現仍略為跑輸大市，收報84.75元，升1.9%。中移動衰鰦一排昨日終於吐氣揚眉，雖然低開約1%，但之後急起直追，挑戰80元，雖然未能突破，但尾市再度抽上，以接近全日最高位收市，收報79.6元，漲2.8%，跑贏大市。

恒指金融分類指數與恒指同步，升2.1%，推動力主要來自中資金融股。「六行三保」全線向上，國壽（2628）及平保（2318）升逾2%，記得一個月前內銀股從高位回落10％時，我話可以買纒，望佢3幾個月可以升番上高位，但我都估唔到買鰦一個月就到站，建行（939）昨日收6.3元，再逼近一年高位，工行（1398）收5.89元，仲創埋新高。

「10倍股」唔買都睇纒

摩根大通有個研究報告吸引到我的眼球，佢以「10倍股」（Ten-Baggers）為主題，摩通話佢地過去15年成功發掘出多隻股價翻番的「10倍股」，如中移動（941）及海螺水泥（914）等，該行估計新一批的「10倍股」將在中國的互聯網、汽車和天然氣等行業培育出來，呢份報告題材咁吸引，真係好似小販叫賣咁：「唔買都睇纒」。

摩通精選8隻有機會成「10倍股」的紅色股份，有6隻在港上市，有2隻在美國上市，包括阿里巴巴（1688，市值1091億）、恆安國際（1044，市值 536億）、東風（489，市值725億）、新奧燃氣（2688，市值133億）、北京控股（392，市值441億）、中華煤氣（003,市值1237 億），餘下為美國上市的百度（Baidu，市值927億港元）及網易（Netease，429億港元），指均具長線投資價值。

舉例講纒，摩通在互聯網股中睇好阿里巴巴，認為佢有最快增長的網上商業業務，發展增值服務，以及將業務國際化，可以持續提升公司盈利；在消費類看好賣紙巾和缳生巾的恆安，認為中國對高質素缳生紙需求龐大，公司有長期增長空間。在汽車業中摩通睇好東風，認為佢在行業結構處領先地位，擁多元化策略夥伴，有增長前景。

部份摩通建議的股份，近期已經急升，例如阿里巴巴，市值升到1091億，若真係要升10倍，市值要升到1萬億以上，聽落好似好難想像，不過摩通係講緊獱 10年、15年的時間，真係無人知到時係乜№世界。雖然摩通揀股反映鰦鬼佬口味，例如對互聯網股的偏愛，但從中揀番幾隻市值較細或較平的股份，等回吐時逢低買纒，獱番10年、8年都可能有意外收穫（6隻股中市盈率較低的係東風，15.8倍；新奧燃氣，17.9倍；北控，19.4倍）。記住，買呢鱓股票係買一個「中國崛起夢」，你唔信就唔好買啦。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

瘋股（１）
       
2009/9/9 上午 10:01:07
網誌分類: 經濟

大宗商品價格上漲，金價衝破1000美元，能源與原材料類股份造好，杜指開市跳升逾50點，續升至9511點後回順，其後在不足80點上下爭持至收市，連續第三個交易日收高。

杜指收報9497點，升56點或0.6%；標普500指數收報1025點，升9點或0.9%；納指漲19點或0.9%，收報2038點。紐約證交所成交增加至14.5億股。杜指期貨最新報9479點，比現貨低水18點。

商品上升營造了市場好景氣氛，RBC資本市場的貴金屬分析員George Gero話，「金價越高波動性也越大，但目前投資者似乎很擔心通脹和美元疲軟下去，使更多投資者成為了黃金的買家。」黃金期貨週二突破了每安士1000美元大關，在亞洲市早段輕微回落到1000美元大關樓下。而鋁、銅、鉑和銀等金屬價格亦齊升。

和商品相關股票左右美股大市Freeport-McMoRan Copper & Gold上漲了3%，美國鋁業上漲了3.5%，油田服務公司斯倫貝謝上漲了4%。卡夫食品(Kraft Foods)提出以價值167億美元收購英國吉百利朱古力的交易膠著，但認為出手太低，一般相信卡夫可能會提高收購價，市場又猜測雀巢可能與好時(Hershey) 提出聯合收購吉百利的建議，吉百利身價猛漲，卡夫則逆市下跌5.9%，係昨日表現最差的杜指成份股。

美股造好，港股美國預托證券卻偏軟，ADR港比指數20942點，比香港收市低128點。匯控收報84.12元，比香港收市價低0.7%；中移動收報79.16元，比香港收市價低0.6%。港股已升近高位，走勢有點超前美股，杜指昨日高位9511點，距離8月28日的高位9630點，還差119點，但美股都有少少再試高的味道。

網友牆頭草問起「瘋股」，佢問:「可否講講怎樣可以捕捉趨勢股 (trending stock),  我叫瘋股那些如比亞迪(01211)股價及相關新聞 , 阿里巴巴(01688)股價及相關新聞 , 騰訊(00700)股價及相關新聞 等可以連升數月, double and double(倍升再倍升)的，捉到後又策略如何 ??」

首先我地要分開兩種「瘋股」，一種是本地莊家股，一種是有相對實質業務支持的股票，本地莊家股的股價完全由莊家操控，左手交右手，搭住棚咁上，莊家唔係開善堂，係要賺錢，所以炒高股價目啲唔係派錢俾股民，而係引人落疊，最後在高位慢慢派貨，莊家骨水走人。當然亦有莊家股最後變身實業股，我最近聽聞有隻莊家股的大老闆想從良，認認真真搞業務，二老闆雖然想炒高派貨走人，但大老闆不同意，佢都無符，雖然呢隻嘢的大老闆想認真做事，但從股民的角度看，就相當悶，因為無炒高，就好似唔郁咁，呢啲叫做「股票唔毒，股民唔愛」。如果你買的瘋股是本地莊家股，咁就祝你好運，揸住股票升到幾高都無用，能夠落車個嗰才是成功，呢啲先叫做「鱷口偷金」。

另一類瘋股係有實質業務支持的股票，牆頭草問的比亞迪、阿里巴巴、騰訊，全屬此類，比亞迪的電動車，亞里巴巴的網上商貿平台，騰訊的QQ，全部都唔係細生意。比亞迪08年賺10.2億元人民幣，市值463億港元，08年市盈率104倍。阿里巴巴08年賺12億元人民幣，市值1058億港元，08年市盈率77.5倍。騰訊賺27.8億元人民幣，市值2432億港元，08年市盈率76倍。

這幾家公司都係鬼佬基金愛股，近期公布中期業績優於預期，股價再湧上。例如騰訊8月中公布截至今年6月底止中期業績，純利22.28億元人民幣，與去年同期比較，上升89%，較市場一般預期的約75%為佳。騰訊出了業績後，瑞銀發表報告話，騰訊中期業績理想，全年估計市盈率會拉低，若盈利增長續勁，估值更有可能提升多於下跌，因為其QQ用戶基礎有明顯價值，騰訊亦證明其經營策略可以克服困難，將其評級由「中性」升至「買入」，目標價由80元上調至145元。(現價133元)。

我所講的第一件事，係這類瘋股有業績支持，以騰訊為例，若全年可以維持上半年的89%盈利增長率，好粗略咁靠估純利可達52億，09年PE可以由76倍拉低到40倍。鬼佬是以高增長股的角度買這些股票，揸住唔放，直至到業績唔對辦不再高增長才沽。(明天再續)

陸羽仁

http://www.hkheadline.com/blog/r ... rd=&searchtype=