【专题讨论】转载香港曹仁超---投资者日记-熊二反彈進入浪B調整

四伯爽

（此篇文章版权归作者曹仁超）

2008-04-10

糧食不足係政策問題


      4月9日，周三。恒生指數跌327.12，收23984.57，成交 834億多元。4月期指跌301點，收23997點，略為高水。港股進入第二天下跌，思捷環球（330）跌3.8％，收90元；利豐（494）跌 2.9％，收28.3元；招商局國際（144）跌5.3％，收36.6元；中國石油（857）跌3.6％，收10.26元；中海油（883）跌2.8％，收11.98元；阿里巴巴（1688）跌8.7％，收15.3元。

　　滬深三百指數跌5.22％，收3688.13，反彈四天後又再回落。招商銀行跌5.8％、中石化跌7.3％，因擔心政府進一步抑制通貨膨脹。

　　花旗推介中通服（552）及蒙牛乳業（2319）。中通服今年估計每股獲利28.6仙，升33.3％，O十八點三倍，目標價7.4元；蒙牛今年估計每股獲利81.8仙，升31.6％，O二十三點八倍，目標價33元。

內地樓價有壓力

　　4月8日深圳五幅土地拍賣，其中一幅由深圳振業A股以6.9億元投入，其餘四幅無人出價收回。房貸按揭收緊導致樓市成交低迷，一D中小型嘅地產開發商資金周轉非常緊張，無法參與競拍，加上深圳嘅房價下滑，關外均價普遍已降至萬元一平方米，特價房更低至7000元。自去年12月6日二幅土地拍賣無人出價收回，12月17日三幅土地拍賣亦因無人出價收回，今年五幅土地拍賣能賣出一幅已算有改善。

　　易憲容認為投資者已被股市套住，不要犯蠢再被樓市套住。去年好多人用股票到銀行按揭借錢買樓。依家股票已被套住，因相信房地產可以保值仍然唔肯賣，但可以捱幾耐？最後離唔開惡性拋售。

　　美國人指摘金融機構將樓按證券化造成今天次按危機；基金證券化本身唔係壞事，但做得太濫先出問題。

　　呢次反彈喺咪一個牛陷阱？事後才知道。只知信貸壓碎（credit crunch）仍在進行中，雖然市場上仍充滿資金，例如退休金、保險公司及主權基金等仍揸住唔少資金，但被燒過手指嘅人小心翼翼。去年第三季入市者發現第四季價錢更便宜，去年第四季入市者發現今年第一季價錢更便宜，到2008年第二季，係咪仲有勇氣大量入市或採取「停一停，抖一抖」策略。

　　去年10月滬深三百指數漲到6000多點時，未來純利O亦達到四十倍，唔少分析員仍認為中國股市將一路漲下去，並可以唔受美國次按危機影響，提出de - couple理論。今天滬深A股已回落40％以上，嗰D認為中國股市可繼續上漲十年者，唔知去咗邊？內地股市神話破滅後，房價神話仍繼續，完全忽視樓價已超過年租金回報率三十年嘅現實。今天上海一套一百平方米房子要130萬元人民幣，以上海人均收入1萬多元人民幣計根本上負擔唔起，Every thing has a price！股票及房價亦唔例外。

　　IMF 4月8日發表報告指出，去年10月以來全球金融體系所面對嘅風險至今仲係好大，信貸質量仍在惡化，結構性信貸產品價格仍在下跌，流動性資金漸減少，金融危機正由美國次按抵押貸款市場向外蔓延，例如優質住宅、商業樓市及消費信貸等都被影響。唔單止咁，甚至向其他國家擴散。

美國救負資產家庭

　　今年首季已有二千萬個美國家庭陷入負資產行列，佔全美家庭數字約20％；再加上食物價格上升，汽油價上升，叫佢地點樣增加消費？周三布殊宣布計劃協助十萬個負資產家庭，新計劃叫FHA Secure，估計到年底可幫助五十萬個負資產家庭。根據Mortgage Bankers Association估計，年底負資產家庭將上升至四千六百萬個，其中約2％面對被接管（約九十二萬個家庭）風險。換言之，FHA Secure計劃仍不足夠，FHA由政府提供200億美元，家吓已為三百八十萬個家庭約3650億美元貸款提供擔保。條件係11萬美元貸款如住宅價格跌至 10萬美元，貸款者必須減免其貸款至97000美元，FHA才做擔保（擔保後如樓價再跌，不足之數由FHA支付）。

　　英國樓價回落後，信用卡公司响過去六個月將二百萬個客戶信貸上限減少，因信用評估公司Experian宣布今年首季呆賬率上升8.5％。大部分英國人最貴重嘅資產係自住物業，近期倫敦Brighton區樓價已回落5％-10％，Tunbridge Wells回落10％-15％。根據Halifax數字，全英國樓價過去十年由70696萬鎊一間，升至191556英鎊一間，每年平均上升10.5％，過去六個月回落10％左右。其中Yorkshire的Ecclesall仍上升5％，但Leeds情況較差。里茲响英格蘭北部係著名大學城，由倫敦坐二小時火車可到達。樓價一度媲美倫敦，最近一年跌幅便較大，可能外地留學生減少啩。

　　响信貸壓碎前（即2007年8月）聯儲局有7900億美元國庫債券，佔總資產87％，至今已拋售3000億美元國庫債券，並將資金借畀銀行及大證券行去減少信貸壓碎影響。即聯儲局透過拍賣國庫債券集資，將資金借畀銀行或大證券行能力亦萎縮。

　　米價已升至21美元╱一百磅，係一年前二倍或2001年五倍。大米售價係十九年內最高（小麥更達二十八年內最高）。全球大米存量跌至七千五百二十萬噸，係1980年以來最低。聯合國估計今年全球大米出口量較2007年減少3.5％，米價高企令三十三個國家面臨社會動盪。中國主食（水稻、玉米及小麥）自給率達95％以上。但去年中國農產品貿易係赤字50億美元，雖然唔受糧荒威脅，但今年中國農產品貿易赤字應進一步擴大。通脹加股災，正在拖動中國樓價向下；尤其係深圳、廣州、北京同上海。

　　禍福無門、人自招之。1930年美國為刺激出口而通過Smoot-Hawley Tariff Act，類似1998年中國政府為應付亞洲金融風暴而提供出口退稅及向入口抽稅嘅造法；透過補貼去刺激出口，歐洲各國加以還擊亦向出口提供補貼及向別國產品入口抽重稅。此乃著名beggar thy neighbor時代，係引發三十年代大蕭條嘅理由。今天生產農產品各國紛紛禁止農產品出口係咪想餓死你嘅鄰居？starve thy neighbor？如各國皆進行「深挖洞，廣積糧」行為，呢個世界經濟想唔衰退都唔得，因食物需求彈性好細（米價上升一倍，你唔可以食少一半飯）。如各國都禁止糧食出口，糧食入口國只有「深挖洞，廣積糧」，令糧價上升，自我實現，最終引發全球經濟大衰退。

　　其實全球糧食係足夠全人類享用有餘，問題响分配方面。OECD國家糧食太多造成65％人口過胖；貧窮國家糧食太少，仍有十分一人口食唔飽。只要將 OECD國家人民每天浪費嘅食物分畀貧窮國家人民，全人類就冇人食唔飽。中國由六十、七十年代食唔飽到今天肥仔、肥女通街跑，證明糧食不足政府政策係主因；貧窮國家所以貧窮理由係政府行政失當而非土地貧脊。

　　自從中國1980年獲美國最優惠國（MFN）地位後，從新興國家入口美國製成品售價逐年下跌直到2004年初；2007╱08年則回升5.6％。雖然資金仍由西方流向東方，但東方廉價勞工愈來愈少，中國CPI升幅達8.6％，越南更達19.4％。

非洲經濟露曙光

　　為支持製造業，中國响非洲投資超過100億美元去獲得礦產，印度响非洲亦有大量投資。印度較中國更積極，索性喺非洲建立工廠生產，為當地人提供就業；亦喺非洲興建發電廠，睇嚟非洲經濟亦進入繁榮期。

　　美元大幅貶值後，通用汽車及福特汽車計劃响美國生產汽車出口到歐洲、中國及拉丁美洲！即今天美元滙價、美國製造業逐漸恢復出口競爭力。係咪代表美元滙價快見底？去年美國出口汽車達506.6億美元（其中又以輕型貨車為主），德國嘅福士、以及意大利嘅快意亦計劃响美國興建新汽車廠。

四伯爽

（此篇文章版权归作者曹仁超）

2008-04-11

越南隨時變世界工廠

      4月10日，周四。恒生指數升202.53，收24187.1；成交748.13億元。4月期指升64點，收24061點低水；擔心今天港股又再跌。

　　滬深三百指數升1.81％，收3754.72。相信只係大跌後嘅反彈。

　　3月份只得台灣指數升1.9％、南韓跌0.45％、香港跌6.09％、日經跌7.92％、馬來西亞跌8.09％、印尼跌10.09％、印度跌1％，以及滬深A股跌20.14％；今年首季亦只有台灣股市升0.78％、南韓跌10.18％、香港跌17.85％、日本跌18.18％、馬來西亞跌 13.67％、印尼跌10.87％、印度跌22.88％，以及中國跌34％。好景不常，台股由3月24日9049點起亦開始跌落嚟。

人民幣升勢難停

　　索羅斯認為，全球信貸市場受次按影響，短期仍將惡化，CDS最近六個月升咗49％，為43萬億美元債券提供擔保。根據國際結算銀行資料今年上半年有機會出事嘅債券較去年同期上升145％，至7210億美元。

　　人民幣滙價已升至6.9907兌1美元，估計未來十二個月再升11.2％，見6.288兌1美元（今年年底見6.7兌1美元）。人民幣升值壓力仲係好大，因2005年7月至今，人民幣兌歐羅跌咗10％，未來上升11.2％亦只係追番過去兌歐羅嘅跌幅。

　　英倫銀行今晚或者減息0.25厘至5厘，將係去年12月以來第三次減息。去年9月至今英鎊兌歐羅跌咗19％；IMF估計，今年GDP只係升1.6％（2007年上升3.1％）。

　　瑞信推介中煤能源（1898），中煤能源今年每股獲利估計92仙，升69.4％，O十四點四倍。

　　高盛認為，滬深A股雖然經大幅調整，但係大幅反彈嘅機會唔大。官方政策唔會增加流動性，以免刺激CPI上升，過去四次減印花稅（1998年6月12 日、 99年6月1日、2001年11月16日及05年1月23日）都只係刺激股市短暫上升，唔可以改變股市大方向；以依家A股嘅O，未到可長線投資水平。

　　花旗推介華潤電力（836）及雨潤食品（1068）。華潤電力今年估計每股獲利93仙，上升19.6％，O十八點四倍，目標價23元；雨潤食品今年估計每股獲利53.2仙，上升19.4％，O十七點六倍，目標價15.3元。

　　4月8日至18日，內地魚躍醫療、金鉬股份、濮耐股份、三力士及紫金礦業五隻新股陸續開始網上發行。不過，近日新股上市獲利嘅空間收窄，例如中國太保、中海集運及中煤能源三隻股票已齊齊跌破發行價，部分產品收益甚至不如存款利率，令認購新股熱潮在下降中，更打破新股唔會賠錢嘅神話。

QDII表現失望

　　本周深圳五幅土地拍賣只有一幅以6.9億元賣出，建築面積二十四萬多平方米，樓面地價2836.48元一平方米，僅比2006年9月該地段一幅出讓地樓面價高出319元一平方米，即深圳地價已重返2006年水平。為何去年12月起賣地一直冇人競投？以去年12月17日三幅寶安觀瀾地塊，底價樓面地價 3582元、4587元及4881元，加埋2000元建築費，成本已喺5600到6880元之間。家吓關外樓盤已跌至7000元一平方米，即開發商係白做（甚至未來樓價唔再回落）。此乃去年12月起深圳賣地冇人承接嘅理由。今年1月16日，北京七幅土地拍賣亦只有三幅有人承價；上海市楊浦區新江灣城F地以 67.5億元賣出，折合樓面地價7502元，亦大大低過預期；南京市江寧區去年底一幅地以3.86億元賣出，平均樓面地價2618元，皆證明內地樓價去年年底開始進入拐點。

　　去年第四季，內地新批出四隻投資海外基金。喺今年第一季平均跌咗20％，令內地人士失望。QDII基金申請熱潮在冷卻中，因為表現較投資本土二百三十三隻基金平均跌咗19％更差！唔少人曾經認為，海外股市O較A股低，甚至唔升亦唔應該下跌。點知QDII基金表現咁差，今天內地甚至批准港股直通車計劃，嚟港資金亦唔會多。

　　好多人擔心負利率令2008╱09年本港樓價狂升，但2008╱09年唔係1990至97年。因為美元回落期快結束，同1990至97年唔同，係呢次本港工資及租金並冇大幅上升，冇法刺激本港CPI大幅上升。聯滙制度產生嘅負利率環境只係外在因素，冇內在因素嘅支持。美元滙價跌令入口成本升，將本港嘅 CPI升幅推高至 5％到6％；食品價格升，而燃料成本上升令交通費跟住升，卻唔可以推動資產升值，因為工資升幅唔大。反而擔心香港GDP增長率2008年下半年會跌。雖然港元一星期利率只有0.998厘及三個月1.9186厘，但港人冇信心借錢買樓！去年10月至今年3月利率由5.5厘跌至1.9186厘，一度推高本港樓價，依家更出現獲利回吐，因3月18日減息後，相信4月底可能係最後一次嘅減息。3月18日起資金反由地產回流股市，支持近排恒生指數嘅反彈。零售業增長率亦有可能見頂，今年第一季升幅16.4％已不及去年第四季嘅17.7％。關心2008年下半年GDP增長率放緩漸成主流，不但令股價下跌，同時令本港房地產價格面對調整。港人明白廉價借貸背後係暗藏殺機，已唔會輕易再嘗試。

　　美國同歐洲金融市場反映投資者對銀行股信心不足，未因貝爾斯登被收購而恢復番信心。呢點可由銀行股息率一般高出三個月存款利率睇到。近日美國三個月國庫債券利率同十年美國政府債券利率差又再擴大；有人認為係擔心通脹率上升，令依家嘅低利率時代好快改變。存放三個月者可迅速轉為存較高利率，揸十年期債券者則無法改變自己嘅命運而面對虧損（債券跌價）。過去嘅例子係人們面對通脹率可能上升時，只係增加債券波幅（Volatility）而唔係擴大二者利率差；例如伏爾克時代，二者利率差2.187厘，而波幅卻達3.695厘【表】；格老嘅時代二者利率差已減少至1.689厘，而波幅亦減少至1.296厘； 2006年2月貝南奇接任後至2007年7月，平均波幅更跌至0.747厘，利率差減少至0.036厘。

　　2007年8月起二者利率差擴大，唔係反映擔心通脹率上升，而係反映擔心GDP增長率下降。例如1981年8月至94年12月，二者利率差達 2.129厘，呢段日子GDP係低增長期； 1995年1月至2007年7月二者利率差降至1.22厘，GDP平均增長率有3％；2007年8月開始，三個月期利率同十年期利率差距擴大，代表美國 GDP再度進入低增長期。格老已向全球預測美國未來十年GDP進入低增長期，如上述預測真係正確，美股亦將步入低O期，即依家標普五百指數O十八倍係企唔住。

聯儲局職責要變

　　格老亦為自己2003至05年低利率時期辯護，但聯儲局前主席雪茄伏卻話聯儲局要為近期次按危機負責，並指摘聯儲局為Mother of All Crises。睇番1987年至今過去二十年嘅美國經濟的確係一個泡沫爆破後又出現另一個；全球金融亦係一個危機後又另一個。根據雪茄伏嘅理論，係因為中央銀行職責上改變，唔再成為監管機構及忽視咗金融安全網，改而成為商業銀行資金提供者，造成全球資金泛濫嘅結果。雪茄伏建議唔係增加聯儲局權力，而係將聯儲局放回過去地位──監管者及金融機構最後安全網而唔係資金提供者。但聯儲局唔再成為資金提供者，依家流動性過剩立即變成流動性萎縮，美國經濟好易陷入通縮期。過去格老每次面對危機都依賴增加流動性去應付，為美國經濟帶來最長繁榮期（1982年起至今冇出現衰退，1990╱91年有一次軟着陸、2001年又一次軟着陸）。係咪從此美國經濟冇衰退定係一旦陷入衰退便出現humpty dumpty現象（甚至出動所有皇帝嘅兵馬都冇法拉番佢返上牆上？）。

　　道指短期响11700至12800點上落；恒指响20400至24500點之間上落；但標普五百指數及恒指3月18日低點卻較1月22日低點略低，最後後市係升穿上阻力抑或跌穿下支持？各有各嘅睇法。過去六個月聯儲局已減息3厘及美元滙價亦大幅回落，未令股市上升反令CPI上升。OPEC表示，响今年 9 月前唔會增產，認為油價上升係由美元滙價回落造成。2006年8月至今美國MZM貨幣增長率已由年率4％升到15％，美國貨幣供應增幅咁大情況下仍出現經濟放緩，前景真係未能樂觀。

　　美國樓市泡沫爆破、美元滙價一跌再跌、油價保持高位，以及信貸壓碎在進行中，股市炒上炒落；2008年金融市場的確可令人沮喪！

　　IMF估計，全球信貸因次按危機影響而唔見咗12000億美元甚至更大！情況更甚於九十年代日本，因為當年係單一國家，美國次按危機卻影響全球。希望上述只係危言聳聽唔係事實，如果唔係就慘啦。

　　越南人口八千四百萬，較成個廣東省仲多，70％都係戰後嬰兒（越戰响1975年結束）。全國人口平均年齡二十四點五歲，公民識字率94％，越南嗰邊英文程度好高。家吓一個越南工人月薪响50至80美元，只及珠三角一帶嘅人工一半。自從越南加入WTO後，一排排灰白色廠房喺城市郊區建起嚟，成為中國珠三角工業最佳嘅轉移點。台灣商人更早喺1998年已响越南開始投資，例如造鞋、家具及成衣，依家估計已達四千家左右；今天台商對越南嘅興趣大過中國大陸。除咗工資夠平外，仲有豐富嘅天然資源及國內市場。今天胡志明市（往日西貢）到處都係建築工地，情況好似九十年代嘅珠三角。越南起步大約遲中國十多年， 1986 年先實行革新開放政策（中國喺1978年宣布改革開放），中國1992年已宣布建立有社會主義特色嘅市場經濟體制，越南喺2001年先提出以社會主義為方向嘅市場經濟。2003年高盛證券首次發布以越南為核心嘅研究報告，佢地估計不出十年，越南將超越印尼同菲律賓，成為東盟十國中經濟實力最強勁嘅經濟體。

　　2007年越南GDP上升8.5％响全球中僅次於中國。自1986年宣布革新開放後，越南國內人口每日生活費唔足1美元嘅人口比例由51％降至 2007 年8％，速度較中國快。過去二年越南股市總值由10億美元升至146億美元，但去年8月起又大幅回落，外國投資者以中國人為主。越南房價已直逼東京同紐約，例如胡志明市商業中心濱城市場商舖，每平方米賣17.3萬美元；胡志明市城郊房價，每平方米賣2000美元。越南基建至今仲好落後，電力缺口達十億度一年，道路仍以泥路為主，高速公路只得一條。

　　依家投資越南應以建廠為主，不宜涉足股票及房地產；相信越南可成為另一個世界工廠。

為甘泉航空可惜

　　甘泉航空董事李國源係我老曹讀者，過去經過多次通話交換投資心得後做咗好朋友。我老曹為呢次甘泉航空清盤感到可惜，群眾唔應該過分苛責。Do the right thing係大部分人都希望做嘅事，甘泉成立時唔係人人都讚咩？當時反而我老曹有微微哀愁。因為特區政府仍未開放香港天空，廉價航空公司點競爭？雖然Do the right thing, but not on the right time如何Make a fortune？有如買股票一樣，如2007年8月入市則賺大錢，2007年10月入市則蝕大本，由此可見timing嘅重要性。特區政府至今未肯開放香港天空，加上油價進入上升期及美國經濟開始轉弱，及早止蝕成為唯一辦法。證明今時今日老闆唔易做，無論創業守業都咁難。

cct2048

讨个越南妹妹当小老婆
去越南买地投资如何 ？ 各位 ？
呵呵

我命由我不由天

原帖由 cct2048 于 11-4-2008 12:26 PM 发表
讨个越南妹妹当小老婆
去越南买地投资如何 ？ 各位 ？
呵呵

先不说”回报“如何， 听说越南由于历史因素关系民风彪悍， 娶回来了小心镇压不住呀哈哈
看过很多拿剪刀剪小鸟的新闻 怕怕

cct2048

原帖由 我命由我不由天 于 11-4-2008 12:55 PM 发表


先不说”回报“如何， 听说越南由于历史因素关系民风彪悍， 娶回来了小心镇压不住呀哈哈
看过很多拿剪刀剪小鸟的新闻 怕怕

民风彪悍是北越的
南越的多性格文静温柔

四伯爽

怎样 ？有兴趣去翻相簿选老婆了吗 ...

不过以前不是有案子说把男的那根剪下来
然后绑上气球
Gone with the wind

四伯爽

（此篇文章版权归作者曹仁超）

4月11日，周五。恒生指數升480.69，收24667.79；成交771.35億元。4月期指升539點，收24600點，仲係低水。美元跌至 1.5798美元兌1歐羅，刺激港股上升。招商銀行（3968）升4.6％，收29.85美元；交通銀行（3328）升5％，報10.52元；建行（939）升2.8％，收6.71元；中移動（941）升3.3元，收130.8元；港交所（388）升2.8元，收150.7元。

　　滬深三百指數微升0.77％，收3783.13。中信證券升4.1％、洪都航空升10％漲停，公司宣布向母公司及投資發行不超過九千八百萬股新股。

　　H股連升三星期，A股本周才略為回升，令A、H股溢價略為收窄3.62至42.59％，後市展望能否維持H股上升，A股回落局面嘅一段日子，令A、H股溢價進一步收窄?!

　　花旗認為油價上升不利中石油（857），因政府唔准內地汽油零售價上升。估計2008年每股獲利74.7仙，減少7.9％，O十二點四倍；油價上升有利中海油（883），估計今年每股獲利92.5仙，升29％，O十一點六倍；至於中石化（386）便要睇政府嘅態度，估計今年每股獲利56.1仙，減少 14％，O十一點二倍；建議吸納中油香港（135），估計今年每股獲利63仙，上升45.9％，目標價5.8元。

美國兩面受敵

　　花旗亦睇淡內地航空股。油價上升、乘客只有單位數升幅。國航（753）今年估計每股獲利39.6仙，升17.7％，目標價6.4元；東方航空（670）今年估計每股獲利6.4仙，升58.7％，O四十九點五倍，目標價4.3元；南方航空（1055）今年估計每股獲利46.1仙，升12.5％， O十一點三倍，目標價4.7元；北京首都國際機場（694）今年估計每股獲利只有8.3仙，跌70％，O七十八點八倍。

　　航運方面，花旗認為，去年亞洲到北美洲線轉弱、今年開始影響亞洲到歐洲線，因中國出口增長率在放緩中。

　　中國3月份貿易順差134.07億美元，較2月上升48.52億美元。第一季貿易收益414.18億美元，較去年同期跌10.8％，係近三年來首次下降。3月出口總值1089.63億美元，升30.6％；進口955.56億美元，升24.6％。第一季進出口5703億美元，升24.6％，出口上升 21.4％，進口上升28.6％。

　　第一季對美國出口只上升5.4％、日本12.2％，以及歐盟上升24.2％；從數字睇中國3月份出口仍保持良好增長。

　　中國改革發展基金會副秘書長湯敏係著名經濟學家，一直响亞洲開發銀行工作，他認為美國經濟可能踏入衰退期，中國GDP增長率已見頂。理由係次按問題像雪球一樣愈滾愈大；漸變成信用危機或支付危機。過去好多金融創新工具面世，佢嘅影響到底有幾大？一開始睇得唔係咁清楚，最後影響有多大？連專家自己都唔知道。

　　環球化所帶來嘅衝擊力去年似乎已到高潮，雖然貸款者利息負擔去年9月起回落，但無法刺激美國經濟增長率回升。美國同時面對通脹及通縮壓力，一如响霧中嘅步兵，迷失方向後，同時向兩邊開槍，結果傷及自己人。金價、油價及食物價格上升；股價、樓價及美元滙價卻回落。日經平均指數自 1990年起分析員有幾多次認為已見底？結果真正嘅底响2003年4月（十三年後）。呢次美股又點？九十年代日本政府企圖利用刺激經濟方案去抵銷八十年代嘅樓市泡沫，但唔成功。到2000年日本政府才肯面對現實，要求銀行大幅撥備，日經平均指數到2003年4月才止跌回升。人為性地壓低日圓利率，估計令 50億到100億美元價值嘅日圓從事利差交易，流出日本壓低日圓滙價短期有利，長期成為日本經濟另一危機；例如日本經濟好轉令資金回流可推高日圓滙價，令日本經濟又再下陷。係2007年日股出現陰陽怪氣嘅理由。

　　經濟從來唔會因為政府嘅主觀願望而改變方向；反之，經濟自由度愈高，繁榮度亦愈高。1932到66年美國經濟過去三十四年，受凱恩斯嘅貨幣政策支配下繁榮，期後出現十二年嘅調整期。1982年美國經濟透過採用供應學派理論而壓低通脹率，出現二十五年嘅繁榮期。可惜格老响2002╱03年將利率降至太低水平，而令經濟繁榮期喺2007年10月爆煲。未來調整期會幾耐？

　　Linens'n Things（傢俬零售公司）因房屋市場萎縮及負債太深昨天已申請破產保護令，該公司响四十六個州共有五百九十間分店，員工一萬七千人。2006年2月 Apollo Management以13億美元收購，二年過去卻面對破產，去年第四季營業額9.62億美元，損失6200萬美元（去年全年虧損2.42億美元， 2006年虧損1.54億美元）。Frontier Airlines Holdings亦申請破產保護令。去年4月至12月虧損1870萬美元，12月裁員10％後，仍然捱唔住。

IMF提出五大威脅

　　睇嚟美國破產事件陸續有來。投資成功者可以上天堂，投資失敗者則落地獄。

　　IMF發布《世界經濟展望》，指短期內全球經濟面臨下行風險，因面對五大威脅：一、次按危機可能惡化，源於美國嘅次按危機，將造成全球近萬億美元損失；二、美國GDP增長率下降至只有0.5％、內需下降令全球貿易量出現萎縮，日本、歐盟同亞洲經濟體出口將受嚴重影響；三、美國減息令全球大宗商品市場熱錢湧入，形成資金無序流動性增加，使全球通脹加劇，新興經濟體通脹壓力則更為明顯，例如能源同食品價格高企；四、貿易保護主義擴散，最近已成為美國總統大選熱門話題，近六成美國人認為全球化對美國不利；五、新興經濟體所受影響可能較OECD國家更大。因為响經濟發展期更易出現狂升或暴跌。

　　美國財政部高級官員David McCormick認為，IMF對美國經濟估計過分悲觀（IMF估計今年GDP增長率只有0.5％、2009年0.6％），佢認為經過四年GDP每年平均上升5％後，今年GDP增長率放緩係無可避免，但原材料生產國及新興市場繼續繁榮，可以反過來帶動美國GDP保持一定增長率。

　　2007 年第四季美國GDP只上升0.6％（全年2.2％，係2002年以來最低），企業純利下跌3.3％，利率已由去年9月5.25厘降至2.25厘，消費信心 3月底跌至64.5，係2003年3月以來最低（2月76.4）。新興市場亦面對食物價格及燃油價格上升，世界銀行估計，今年新興市場GDP增長率只有 7.3％（去年8.7％）。IMF已修訂2008年全球GDP增長率為3.7％（1月份估計為4.1％）。睇嚟唔係IMF太悲觀而係美國財政部危機意識不足。

內地壓抑通脹

　　英國宣布減息0.25厘，歐羅維持利率不變，因十五個成員國CPI升幅達3.5％；英鎊更跌至80.28便士兌1歐羅新低。估計英國未來仍會減息；歐羅要到今年9月先減息；南非宣布加息半厘至11.5厘；冰島亦宣布加息半厘。

　　本周北京容許人民幣升破7，代表中央政府打擊通脹率決心及容許GDP增長率降溫（去年估計升幅達11.9％）。過去日本政府容許日圓由360兌1美元到 100日圓兌1美元，因此，人民幣响一年內升上6.4兌1美元，點可以認為唔可接受？估計今年起人民幣升幅達年率15％。响人民幣升值下，今年首季外國直接投資仍升61％至274.1億美元，證明升值未減外資流入。人民幣升值估計最大壓力係中小製造商，佢地可能失去訂單而向中央政府訴苦……。呢次中央似乎不大理會佢地；因為中央認為引起拉薩騷動理由係通脹壓力，情況同1989年天安門事件類似。中央政府一方面鎮壓，另一方面想辦法壓抑通脹，把CPI升幅由今年2月8.7％壓下去！從呢點睇，人民幣未來升值速度只會加快而非減慢。

　　至於救市，4月7日到9日證監會連續發布四份工作會議公告，審核華東數控、大東南包裝、中原內配、四方繼保、華昌化工、步步高、藍焰煤業及二六三網絡通信八家公司IPO申請。改變咗今年2月以來無一隻公司上市申請响上交所過會境況（證監會1月份審核通過中煤能源同中國鐵建上市申請後，宣布暫停上市申請二個月）。深交所更面臨快速擴客，證監會共發布十八家公司上會公布，平均一個交易日審核接近兩家。即4月份起中國證監會已恢復接受新股上市審批；未有再停落去。

　　央行上海總部本月10日發布3月底上海全市人民幣貸款上升16％，較2月下降1.1個百分點，今年首季上海人民幣貸款逐月下降。

四伯爽

（此篇文章版权归作者曹仁超）
2008-04-14

三先策略


　4月13日，周日。上周五通用電氣公布業績，令道指下滑256點，亦令3月18日起因貝爾斯登被收購所引發嘅反彈告一段落。高盛更將應用材料降級（該股今年上升8％），因睇淡半導體資本設備行業。滙控（005）嘅英國物業按揭業務，因英倫銀行減息而令十四萬樓按者嘅利率亦須下調；滙豐响英國及歐洲業務成功嘅理由係因為擁有來自亞洲（尤其係香港）嘅廉價資金，可以喺英國及歐洲提供較低息嘅樓按，此優勢將因英鎊進入減息周期而漸漸失去。

美面對雙重負財富效應

　　4月11日至13日喺海南省博鰲市舉行嘅2008年博鰲亞洲論壇中，社科院世界經濟與政治研究所博士張明認為，美國GDP第二季出現負增長嘅機會好大，甚至出現兩季負增長可能性亦唔細，即出現技術意義上嘅衰退。至於對全球經濟影響，美國GDP佔全球GDP 20-30％，美國一年消費係9萬億美元，而且唔少係依賴入口，將產生以下三項影響：一、美國出現衰退將令消費下滑，導致美國對商品需求下降。二、美元貶值可提升美國商品响國內嘅競爭力，亦對全球出口造成影響，包括德國、日本、中國及東亞國家。中東石油輸出拉動整個中東經濟，如石油出口增長率放緩，亦可影響其他出口國。三、美元貶值導致全球初級產品及能源價格上升，糧食、黃金及其他原材料價格上升造成社會收入分配惡化，嗰D依賴工資收入者消費力下降，亦可導致股市、樓價狂升暴跌，影響更大。

　　近期數據顯示，美國房地產市場調整正逐步加深，房價何時見底仍言之過早，過去下滑周期一般需要三年，依家只有一年；過去跌幅响20％至30％，依家只有10％。過去美國房價下滑唔影響股票下滑，但呢次房價下滑引發次按危機，影響金融業，連帶令股價回落。股價下滑令企業投資減少，對經濟造成雙重財富效應，過去係正方向，但依家係負方向。美國GDP 70％來自消費、28％來自投資，佔GDP兩大重要元素都出咗問題，只靠出口拉動（美國出口只佔GDP 2％到3％），掂咩？呢次美國經濟下滑，到底係Short and Shallow，抑或Long and Deep？

唔做好友淡友只做炒友

　　自1982年8月美國經濟復甦以來，只有兩次軟着陸，即1990至91年及2001年第三季（GDP出現一季負增長）。受次按危機影響，擔心美國GDP再次出現負增長期，全球經濟點樣反應？

　　通用電氣今年首季純利回落12％，引發上周五被拋售。美國五百間大企業中，約有二百五十七間今年首季純利可能走下坡。上周五United Technologies（生產奧的斯電梯）股價跌3.2％，見69.53美元；Honeywell（生產飛機器材）股價跌3.1％，見56.99美元……。分析員開始意識到企業純利較佢地年初時估計仲差。

　　美國4月份消費信心跌至二十六年內低點，只有63.2，係1982年以來最低，當年失業率達11％。彭博响4月2日至8日調查嘅結果顯示，大部分分析員相信美國今年第二季經濟將冇增長，雷曼兄弟嘅CFO更估計，美國經濟响2009年前無法復甦。

港股反彈表現全球最出色

　　近日恒指反彈重返250天線，係全球股市中表現最出色；道指則只能重返50天線之上，未能接近200天線。日經平均指數自去年9月7日50天線跌穿 200天線後，日經平均指數亦由15566點反彈，亦重返200天線之上，並喺10月11日見17488點，回升12.39％；其後回落到今年3月17日 11691點，較去年10月11日低33％。恒生指數由今年3月18日20572點反彈上4月11日24681點，升幅19.97％，後市又如何？熊市二期投資策略：別人恐慌時你貪心，別人貪心時你恐慌，唔做好友、唔做淡友，只做炒友（Trader）！唔再採用Buy and Hold策略，改為Buy to Sell，例如接近恒指20000點時入貨、接近25000點時出貨（或買份認沽輪）。

　　由1930至2000年美國GDP平均每年上升6.7％（扣除通脹率，實質升幅每年3.5％）。標普五百平均每年純利升幅5.2％、每年股票平均回報率11％，美國每年平均通脹率只有3.3％。標普上一次牛市（1982至2000年）O由九倍升上三十三倍，平均每年上升7.7％；加上企業純利平均每年上升6.5％，令股市平均每年上升 14.7％。標普上一次上落市（1966至82年）O由十九倍回落到九倍，平均每年回落4.2％；企業純利平均每年仍上升6.6％，但股市平均每年只上升 2.2％。標普上一次大熊市O由十九倍回落到十三倍，純利每年回落28％，股價每年回落37.1％。換言之，即使企業純利仍在上升，但O下降，股價亦只能上上落落【下圖及下表】。因此，高O時段不宜入市。

　　再以1989至2003年日本大熊市睇，雖然2003年4月日經平均指數才見底，但有80％跌幅响1990、91年已完成，即所有熊市都係喺頭同尾跌幅最大、中間只係上上落落。標普五百O已由2000年嘅三十三倍回落到家吓嘅十八倍（過去一百年指數平均O只有十五點二倍）。1982年美股熊市結束時O 只有九倍；1932年熊市結束時O十三倍。呢次又點？1982年熊市結束時，企業邊際利潤率只有6.3％；1991年股市低潮時，企業邊際利潤率只有 6.4％；2002年10月企業邊際利潤率亦只有6.9％。依家美國企業邊際利潤率仍高達 11.5％，即美國並非生意最難做嘅時期，未來日子企業邊際利潤可能進一步收窄，到時才係股市見底期。

採用先做不評論策略

　　只有响牛市（例如1982至2000年），股票才最值得持有；响上落市（1966至82年）或熊市，股票市場皆缺乏投資吸引力。响牛市中有80％投資者賺錢，因此好容易產生易賺錢嘅感覺而吸引愈來愈多資金加入；喺熊市中80％投資者蝕本，令散戶漸漸變得意志消沉而退出股票市場。熊市出現理由有二── 一、股市O太高，市場由高O走向低O（即使企業純利仍上升）；二、企業純利出現下降，引發股票價值下跌。

　　呢次G7會議，各國再次關注美元弱勢，因美元已見1.5913兌1歐羅；此乃2004年2月首次（2004年2月時各國認為美元應貶值去改善本身貿赤）。換言之，G7認為美元貶值幅度已足夠，並將繼續要求人民幣升值。值得注意嘅係，美元兌日圓3月17日起已止跌回升，美元兌歐羅形成三浪背馳，唯一仍可睇好嘅貨幣係人民幣，進入「破七入六」期。

　　Open your eyes（解放你嘅思想）！做人最大阻礙其實就係你自己嘅思想。面對美國次按危機惡化，除咗加強憂患意識外，更要保持清醒頭腦，任何時候都不可頭腦發熱。

　　今天對事對物不妨採用「三先」策略：甲、先幹不爭論。乙、先試不議論。丙、先做不評論。自1997年7月1日香港主權回歸後，港人最喜歡爭論而唔幹實事，凡事皆爭論，結果無事做得成。八十年代老闆娘林太曾罵我老曹：「凡事試都未試，便議論紛紛。」未試過你點知唔得？的確有道理！即使事後證明唔可用，亦知點解唔得。今天面對意見多多嘅股市，點解唔採用「先做不評論」嘅策略？

　　今天聯滙同通脹嘅關係並非想像中咁大，响八十年代兩者關係可能密切D。隨着香港社會富起來，入口通脹佔CPI比重愈來愈低，內部通脹所佔比重則愈來愈大，即工資、租金佔CPI比重一再上升，產品入口成本所佔比重日漸下降。以出外食飯為例，100元開支中，食物成本只佔25％、工資佔成本30％、租金佔成本15％，其餘係公司利潤及政府嘅稅。當豬肉入口價上升65％，喺茶樓食碟燒肉飯，理論上只應漲價16.25％（如其他因素不變）。

中國內部通脹壓力大

　　我地不妨睇睇中國，喺人民幣不斷升值下，內地通脹率反較香港更高（2月達8.6％），理由係內部通脹壓力較香港大（聯滙嘅缺點只係擴大香港經濟波幅，例如九十年代產生火上加油效果，1997至2003年又雪上加冰）。對付通脹正確方法係收緊信貸，引發經濟增長率放緩（或衰退），但呢一招相當痛，如非必要，唔好搵D咁嘅嘢嚟玩。

　　新中國成立以來，內地有五次高通脹期：1949至50年。係解放前惡性通脹尾聲。1959至61年。三年困難期，因毛澤東土改政策失敗，引起物資供應不足、全國出現大饑荒。1985年。隨着1978年改革開放政策落實，一直被管死嘅物價改革開始，令被壓抑多年嘅物價如火山爆發一樣出現井噴。 1994至96年。1989年六四事件後，人民幣大幅貶值刺激經濟增長，最後引發全國物價狂升。上海朱下令1994年1月1日起人民幣同美元掛鈎去迎接高通脹洪峰。隨着亞洲金融風暴1997年出現，中國物價又急速回落。中國政府為刺激出口，1998年宣布出口退稅計劃，以抵銷東亞各國貨幣貶值嘅影響。 2002年至今。人民幣隨美元貶值及大量資金湧入中國，中國通脹率又再回升，今年2月CPI升幅達8.6％。

　　美元疲軟令全世界物價漲聲一片，如人民幣唔追隨美元貶值，滙價應係6.1到5.8人民幣兌1美元，依家仍接近7算，造成外來因素引發通脹；加上中國 2003年加入WTO，引發大量外資湧入，推高內地工資及房價，造成內在刺激。例如今年1月生效嘅勞動合同法，令工資成本一下子上升30％至40％。 2001年上海賣70萬元嘅房子，到 2007年已漲到220萬元，但房租仍係4000元一個月。

　　今天一年存款利率4.14厘，220萬元存銀行可收91000元（未扣利息稅），而買房子收租只有48000元（未扣稅），證明房價炒作成分很高，需求非想像中咁大，造成內在因素推高通脹。

四伯爽

（此篇文章版权归作者曹仁超）

熊二多輸家


      4月14日，周一。恒生指數跌856.59，創下3月17日以來最大跌幅，收23811.20；成交748.49億元。G7會議上，各國財長表示，持續八個月嘅信貸危機依然未結束，意大利財長更話可能進一步轉壞。中遠太平洋（1199）跌8.1％、中國遠洋（1919）跌7.3％、富力地產（2777）跌11％、中國海外（688）跌5.6％、平安保險（2318）跌 5.1%、中國鋁業（2600）跌6.5％。恒指四十三隻成分股均下跌，冇一隻上升。4月期指跌765點，收23835點，微微高水。

股市成為無底洞？

　　滬深三百指數跌6.54％，收3536.33，創11月以來最大下跌。三百隻股份只有五隻上升，萬科、保利地產、金地集團俱跌10％停板。《上海日報》引述人行副行長劉士餘報道，由於3月份CPI上升8.3％，擔心人行宣布再加息，將一年貸款利率7.47厘最少再上調一次。

　　受上周五美股大幅下跌2.04％影響，港股今天跌3.47％，成為今年十大跌市之一；滬深三百跌6.54％，亦係今年十大跌市之一。股市真係成為無底洞？今天內地A股市場地產龍頭股全線跌停，銀行股亦難逃厄運，普遍大幅下挫，因為一旦中國房價下跌，中國銀行股可能比美國銀行好唔到去邊。喺熊市中賺錢，除咗拋空外，就係買Put，學習除升市中賺錢外，喺跌市中一樣賺錢，尤其係手上持有唔少股票未有及時離場者。買Put除咗賺錢外，更有買保險嘅意義，喺股市進一步大跌下形成保障。買Put較拋空風險細好多，亦非乜嘢不道德行為。

　　喺熊市中千萬不可做嘅一件事就係估底。從歷史角度睇，不但美股仍然偏高，恒生指數仍然偏高，內地A股更為偏高，如唔信邪一再估底，到真正嘅底出現時，何來現金投資？熊市二期雖然係上落市，但大部分投資者係輸錢嘅，呢點要小心。

資產價格面對反槓桿

　　呢次奧運聖火傳遞，證明世界上仲有好多人仍敵視中國，把中國視作敵人！如中國人自己唔爭氣，流入中國嘅熱錢隨時出現倒流。熱錢由中國大陸突然撤走，後果先至真正令人擔心。

　　據LIPPER報道，3月份香港股票強積金基金平均虧損4.93％，仍跑贏恒生指數跌幅6.09％及國企指數跌幅13.27％。印度孟買三十指數3月份跌11％、越南跌22.08％、深交所A股跌20.2％、上海證券交易所A股跌20.15％。少數上升嘅股市有台灣升1.9％。

　　花旗推介中海石化（3983），估計今年每股獲利36.6仙，升16.1％，目標價6.2元；銀泰百貨（1833）今年估計每股獲利25.5仙，升31.1％，目標價10.4元。

　　路透社估計，標普五百指數今年首季純利負增長13.8％（年初估計升4.7％）。其中能源及科技最為睇好，估計純利可升31％及9％；消費及金融最淡，估計分別回落13％及64％。

　　美國財長保爾森响上周六警告，今年將係困難嘅一年。金融市場繼續面對風險，資產價格面對重新評估及反槓桿。IMF則警告，今年食物價格保持高企，可能引發部分地區唔穩定，甚至可能引發戰爭。

三通未見其利先見其害

　　德國西門子集團CEO Peter Loscher認為，未來六至十二個月信貸壓碎力量對歐洲嘅影響大於美國。Linde CEO Wolfgang Reitzle完全同意，而出現上述情況係因為時差因素。

　　台灣一向以出口電子產品為主要經濟收入來源。新台幣經過多年呆滯，今年首季新台幣兌美元升值6.7％，成為東亞地區中升值最快嘅貨幣，令台灣出口工業受壓；三通仍未帶來好處，卻先帶來壞處。

　　美國房產泡沫爆破變成次按危機，並向全球擴散；由愛爾蘭到西班牙，由波羅的海到北印度，從英國到東歐……。全球房地產市場一個接一個出現回落，今年3 月此風亦吹到香港甚至華南。北印度新德里樓價一下子跌20％。响西班牙，住宅樓投資佔全國GDP 9％，响愛爾蘭佔GDP更高達12％，唔似美國只佔GDP 4％及英國佔5％。西班牙過去十年新建樓房多達四百萬間（超過德國、英國同法國加起來總數）。樓價過去十年平均升幅300％，連當地的士司機亦投資三間住宅，每間投入10萬歐羅做首期，希望善價而沽。忽然之間佢發現市場買家難求，即使放棄10萬歐羅按金亦冇人肯承接。

　　巴塞隆拿IBUSA 地產代理Enric Bruno話，一年前佢嘅公司每個月成交超過四十間，去年年底已跌至每個月只六、七間成交，今年一個月只做成一、兩單成交。西班牙銀行BBVA估計，西班牙今年底失業率將達11％（去年8.6％）。愛爾蘭經過十六年樓價上升，去年回落7％後，相信今年將再跌7％；至於豪宅去年售500萬美元，今年400萬美元亦難搵買家，當地豪宅平均跌幅已達25％。

　　家和萬事興，家衰口不停。大至國家，小至社會、家庭，如果都能遵守「先幹不爭論、先試不議論、先做不評論」嘅話，都能興盛起來。反之，日爭夜吵，財神都畀你趕走。台灣由1992年起兩黨爭論咗十五年，結果如何？香港由1997年起民主進程議論咗十年，經濟又點？反觀中國過去三十年GDP卻大幅上升。 1980年中國先以深圳作為試點，成功後再擴大特區，之後再把成功策略用於全國。如當初為咗「姓社還是姓資」議論一番，中國仲有今天嘅成就咩？吵鬧唔係解決問題嘅方法，尤其東方民族太要飛士，好易各走極端，結果事情未解決早已反晒面。

　　無論台灣或香港，睇嚟都係應該少D爭論、議論、評論，多做D事。十年過去了，西九仍未上馬、郵輪碼頭仍未見郵輪、港珠澳大橋連藍圖都未落實。上海朱實在鬧得好，香港已陷入議而不決、決而不行嘅局面。政改進程爭爭吵吵十年，唔係仲原地踏步咩？恒生指數1997年8月已見16500點，今天又幾多點？ 1997年香港人均收入已接近3萬美元一年，今天香港人均收入幾多？反觀中國過去三十年GDP保持年率10％上升，正與港人不斷拉近。

四伯爽

（此篇文章版权归作者曹仁超）

貧富透過金融危機重新執位

　　4月15日，周二。恒生指數升90.13，收23901.33；成交714.5億元。4月期指低水，升17點，收23852點。中海油（883）升3.3％，但中國海外（688）跌2％，因周小川話存貸款利率有上調空間。睇鈬恒生指數正進入拉鋸戰。


美檢討糧食轉能源政策

　　滬深三百指數升1.33％，收3583.30，大眾公用升9.9％，焦作萬方升9.9％。中國第一季GDP升10.4％，通脹率估計升8.2％。粛G7壓力下，人民幣見6.9925兌1美元。

　　小麥、玉米、大米價格粛過去六個月上升41％，令貧窮國粛入口糧食方面多畀35％或331億美元（而入口減少2％）。海地、埃及、喀麥隆、科特迪瓦、塞內加爾、衣索比亞、巴基斯坦、馬來西亞皆出現騷動。OECD國家用糧食生產燃油令全球缺糧，華盛頓已同意本周末重新檢討呢項政策。低利率、美元礇價下跌加上燃料價格高企，令食物價格急升。

　　大摩估計，美國企業今年純利將升3％，歐洲跌16％、亞洲升6.3％。估計能源股純利升20％、原材料股升6％、地產升6％、科技同電訊股純利升13％，相信最惡劣日子已成過去，不利因素已粛股價上反映。

　　花旗認為，美元雖然月底減息，但港元係咪跟減仍係未知數。

　　英國3月份房價進一步回落，粛銀行收緊信貸後已唔易搵到買家。

　　美國第四大銀行Wachovia除計劃集資70億美元外，亦警告美國經濟前景在轉壞中，未來兩年計劃裁員五百人。

　　高油價、高糧價相信會持續好一段日子。今天一隻牛平均售價1900美元（去年1000美元）。無論泰國或印尼、紐西蘭或加拿大，農夫都面對高油價及高肥料價鮋壓力。例如磷酸鹽一年前450美元一噸，今天1200美元，由除蟲劑到除草藥平均升幅達50％，農產品又點樣跌價？除上述外，農民流失亦令農夫近年工資急升，例如今年紐西蘭農夫就獲加薪20％。


進入後資本主義時代

　　由於食物只佔高收入家庭總開支6％，但佔低收入家庭總開支60％，食物價格大升結果令全球貧富懸殊進一步兩極化。1980年起美國社會走向兩極化，1990年起日本社會亦走向兩極化，1997年起香港社會亦進入兩極化時代，亦即後資本主義時代。

　　1980年美國成功控制通脹，到1982年進入另一繁榮期；1990年日本不但成功控制通脹，甚至進入通縮，令經濟陷入長期不景氣；1997年香港亦面對通縮，幸好中國因素發揮作用，2003年下半年起香港成功擺脫通縮。隨覑2007年次按危機出現，全球經濟會否先行通脹繼而通縮？抑或通脹通縮一齊出現（油價、糧價通脹，樓價、股價通縮）？作為投資者，Better Safe Than Sorry，保本第一。

　　1979至2005年美國最低收入鮋25％人口每年收入僅升1.3％，到2005年係15300美元（唔使畀稅）一年；同期中產階級每年收入上升 1％，到2005年稅後收入50200美元一年。至於最高收入鰟溫巴仙，呢段日子仍然保持高速增長，依家已達200萬美元一年！

　　1979年最高收入鰟溫巴仙人口佔去全美收入20％，到1998年已佔去全美收入38％，今天相信超過40％全美收入由溫巴仙人口佔去！有關CEO薪金太高鮋投訴已粛社會出現，係咪出現改變鮋時刻？

　　資本主義鮋優點在於創造財富，如不加控制，最後結果係贏家獲得一切（The winner takes all）。共產主義鮋優點在於財富分配。戰後兩大主義競爭鮋結果，共產主義輸畀資本主義，帶鈬1982至2007年美國長達二十五年繁榮期。隨之而來兩極化現象出現，以1979年為例，美國最高收入溫巴仙人口係中產階級收入鮋二十三倍，到2005年兩者差距係七十倍。上述情況1990年粛日本開始， 1997年亦粛香港開始。2008年香港中產階級收入水平同1997年比較未見大幅改善，但有溫巴仙港人財富卻翻鰦兩番；有銀士住鮋屋郁D就億億聲，中產階級任憑一生努力都無法達到呢個水平。當資本主義發展到呢個階段（貧富兩極化），通常社會便會動盪不安，最後出現重新執位現象。現代社會例如美國，社會制度十分穩定，睇鈬只有透過金融危機，或可產生重新執位效應。Wealth Contraction係咪由2007年11月開始？

　　美國戰後嬰兒潮，唔少人置業鮋目的係為鰦退休時將層樓出售，大大賺一筆！當去年戰後第一批嬰兒六十歲開始賣樓退休嘆世界，問題立即來了，就係呢D屋賣畀邊個呢？估計2007至2020年係戰後嬰兒退休高峰期！1981至2006年美國人財富淨值（即扣除負債）由10萬億美元升上57萬億美元，即每年平均上升7.2％。2001至07年，美國為進一步刺激人人買樓而產生大量CDO及SIV，美國金融市場係咪已竭澤而漁？我地係咪已進入財富收縮期？

　　唔少人仍相信企業純利平均每年都以雙位數字上升，而冇思考戰後嬰兒進入退休潮，不但影響房價，仲有就係消費態度，將可令全球GDP進入低增長期（例如 3.5％一年），因此股市亦將進入低O時代。1982至2000年1月道指由875點升上11750點，上升十二點五倍，平均每年上升15％；2000年 1月至08年4月道指由11750點升上12302點，只上升4.6％或平均每年升0.13％（上述未計美元礇價回落影響）。2000年1月至今，道指走勢可分為2000年1月至02年10月回落期，以及2002年10月至07年10月上升期。投資專家Robert Shiller認為，未來十年唔再係投資股票時期，更加唔係投資房地產時期，理由係2000年標普五百指數O已接近四十倍，較平均O十六倍高出太多；今時今日平均O仍接近二十倍，較歷史O高出20％，更何況未來十年美國GDP進入低增長期。2006年美國企業純利佔GDP 9％；而非歷史上只佔GDP 3-4％（因為高邊際利潤）。畢非德粛最近鮋巴郡年報中話，如股市每年上升10％，到2100年道指將見24000000點！各位應小心成長鮋極限！


發達唔容易搵食更艱難

　　過去四十年鰟句話：「發達容易，搵食艱難。」亦有修正鮋必要。欲退休時富有，已漸由理想變成夢想。由Jeff Harris所著Retire Rich and Happy十二法承認，2000年至今道指平均每年只上升0.17％，要退休時富有兼快樂愈鈬愈難。

　　根據芝加哥金融顧問公司Spectrem Group所做鮋一份報告，2004年美國擁有500萬美元富翁數目增加21％，2005年增加11％、2006年8％，2007年只有2％，可以講產生 500萬美元富翁鮋增長率，一年比一年少，擔心2008年出現負增長亦唔奇。

　　JMC Wealth Management主席Julie Murphy Casserly認為，退休時財富如不足500萬美元，粛低利率時代已無法擁有10萬美元一年鮋收入，結果被迫去冒較高風險，往往連本金亦蝕埋。當然，你毋須擁有500萬美元亦可以退休，不過如你希望退休後生活富有兼快樂，500萬美元家財先至可產生10萬美元一年收入，呢點要記住。如冇500萬美元便諗退休，你可以幾快樂，但肯定唔富有（上述銀碼唔包括自住物業價值）！2003年投資香港房地產隨時可double your money，今年4月投資香港房地產又點？唔好話獲利一倍，甚至獲利10％亦有困難，因形勢在惡化中。


中美小心玩出火

　　中美兩國關係自2006年夏季開始惡化。7月4日當美國慶祝獨立日，北韓卻贈慶發射七枝火箭，其中一枝距離日本只有二百公里跌落海，美國十分不滿，要求中國阻止北韓咁做，同年10月北韓卻進行一次地底核試。美國從夏威夷開出航空母艦小鷹號到沖繩島，以及將間諜衛星移到北韓上空進行二十四小時監視，中國政府卻鰠地面發射鐳射激光，令美國間諜衛星無法監視北韓。去年中國更兩次拒絕小鷹號來港度假，第一次因雙方冇發聲明，知道事件鮋只有軍方人員；第二次因為粛去年感恩節，小鷹號開出後，四千五百個海軍人員通知粛香港鮋家人準備過節，突然接到中方通知唔准入境，小鷹號中途折返而令事件曝光（本港傳媒亦有報道）。

　　不過，事情仲未完結，今年中方更宣布其中一枚氣象衛星出現損壞無法操作，由軍方發射一枚固體燃料火箭上太空將之摧眦，擺明向美國顯示太空實力（中國已可摧毀任何地球上空鮋衛星）！美國鰠伊拉克戰爭作戰鮋力量有賴人造衛星為巡航導彈導航，隱形轟炸機亦由衛星導航，甚至保護日本及台灣上空亦有賴間諜衛星！中國卻用火箭打下人造衛星，擺明剃美國眼眉也。唔單止咁，中國更同俄羅斯眉來眼去，組成「Shanghai Co-operation Organisation」，兩國進行「軍事合作」。美國政府因此還以顏色，宣布一枚人造衛星鮋電池可能跌落地面造成污染，由海上船隻發射愛國者導彈將之擊落。其後外傳中國非軍方民間組成黑客入侵美國國防部電腦，並成功令部分電腦hang機。今年3月西藏出現騷動，北京政府立即指摘達賴係主腦人，更認為背後有強大集團支持；試諗纒，十四萬追隨者生活費由邊個支付？隨之而來係全球搶聖火事件。中國民間則宣布組成護衛隊，計劃到全球各地捍缳聖火傳送。

　　中美雙方暗鬥已由太空落到地面，奧運前後可能出現明爭，尤其係台灣大選後國民黨5月重新執政。馬英九推行親北京政府路線，美國呢一局失去一隻重要棋子（阿扁），點樣玩法？美國除鰦鰠軍事上一向推行霸權主義外，戰後鰠經濟上亦雄霸全球。最近夠分量挑戰美國鮋就係中國，美國政府會否利用呢次次按危機推低美元礇價（因中國係損失最大鮋國家），再利用G7會議逼人民幣升上六算，大大削弱中國出口能力，以報復中國軍事上鮋挑戰？呢次G7宣布支持美元礇價，係 2000年以來首次，同時要求人民幣加快升值。2005年7月至今人民幣已愈升愈快，由2005年上升2.6％、2006年升3.4％、2007年升 6.9％，2008年至今已上升4.5％。如1美元兌6元人民幣，到呢個礇價水平將大大削弱中國出口能力，中國點樣化解呢招？睇落唔容易，因歐美聯手隨時可指摘中方利用礇率優勢協助產品出口而抽懲罰性關稅。中國政府會否停止購買美國債券，令美國長期利率上升去報復？咁就大件事，因為可引發美國經濟陷入衰退。中美雙方小心玩出火！

ThermoFisher

＂小麥、玉米、大米價格粛過去六個月上升41％，令貧窮國粛入口糧食方面多畀35％或331億美元（而入口減少2％）。海地、埃及、喀麥隆、科特迪瓦、塞內加爾、衣索比亞、巴基斯坦、馬來西亞皆出現騷動＂

原来马来西亚也是他们所谓的贫穷国，地位跟海地差不多。。。

四伯爽

（此篇文章版权归作者曹仁超）

2008-04-17 做對沖基金經理好過做皇帝

      4月16日，週三。恆生指數跌22.98，收23878.35；成交646.2億元。4月期指升22點，收23870點；5月期指升32點，收23714點，仲係低水。短線弱勢格局一時難改，市場交投清淡，投資氣氛渙散。

　　內地已停批一年幾嘅QFII，已有五十二家海外機構獲批進入中國證券市場，總投資額102.95億美元。雖然有上述消息，內地A股仍未止跌。

　　滬深三百指數跌2.49％，收3494.02，因中國人行決定4月25日起上調存款準備金率0.5％，至16％。今天長江電力跌10％停板，雲南銅業亦跌停。

有仔唔好恨做大明星

　　John Paulson成為去年最高薪嘅對沖基金管理人，收入共37億美元，跑贏索羅斯嘅29億美元，以及第三名JamesSimon嘅28億美元。全球首二十五名基金經理去年平均收入8.92億美元，較2006年升68％。今時今日有仔唔好恨做大明星，一定要做對沖基金經理。許冠傑三十年前首歌：「做老千好過做皇帝，前世。」今天應改為：「做對沖基金經理好過做皇帝，靚仔！」　　今年美國唔係進入經濟衰退期，而係進入GDP絲路至溫巴仙增長時代！估計今年標普五百指數純利平均跌6％，O由二十倍下降到十五倍；反之，每日指數波幅可超過2％，投資策略宜保守【圖】。熊市二期每次見底便強力反彈，第一季表現最出色係公用股，因為利率下降，4月份應係最後一次減息，即公用股上升期又差唔多矣。至於商品股我老曹睇唔通，農產品股亦一樣。

　　2000年1月至02年10月，標普五百指數O下降咗23％；去年10月至今，指數O只下降14％，估計仍可再跌10％（加上純利回落6％，即後市美股跌幅仍有15％）。戰後至今美股熊市平均跌幅32％，日子共三百八十四個交易天。如上述有參考價值，美股熊市應響明年第一季才結束，家嚇約完成一半左右。

　　瑞信推介中保國際（966），估計今年每股獲利57仙，減少47.3％，O三十一點五倍，目標價23.53元。

不可任何東西都想要

　　花旗推介新宇亨得利（3389），估計今年每股獲利18仙，升29.2％，目標價4.1元。因為中國對高價表需求十分殷切，而該公司計劃將零售點由2006年嘅九十二間增加到2010年嘅三百間。

　　一個人只有兩隻手，可以攞得住嘅實在有限，因此不能任何東西都想要。黎瑞恩曾唱過一首歌《一人有一個夢想》，事實的確係咁，一生人只做好一件事，咁就成功機會好大；反之樣樣想，但你只有兩隻手，又點可以攞得住咁多？英語亦有云：「Choice, not chance, makes lifedifferent」。人生過程中，每一個抉擇決定你嘅將來，而非所謂機緣巧合或運氣。人人所作抉擇不同，最後結果人人唔一樣。過去每一個抉擇皆影響你嘅今天，今天你嘅抉擇亦將影響你嘅將來。

　　例如我老曹相信依家係熊市二期，恆指響20000至25000點上上落落。上落市唔易玩，因此連放響分析股票方面嘅時間今年都減少咗。另一方面，我老曹仍偏愛美元及外幣，至今冇人民幣存款（雖然明知實賺）。上述點點滴滴，最後必影響我老曹未來所擁有嘅財富。一個人只有兩隻手，喺一生中你又攞得住幾多？

　　行止兄曾批評我老曹：「你除咗數目字外，其他一竅不通。」我老曹亦曾努力學習欣賞馬友友嘅表演，但係鎖你，現場環境實在太舒服，我老曹去咗搵周公。我老曹亦好努力學習欣賞西班牙舞后表演，但睇咗成晚，都唔識得欣賞佢好喺邊度？我老曹亦曾去過倫敦睇舞台劇，一如我太太評語，佢地著住D爛衫爛褲表演，點解入場券賣得咁貴?!到巴黎紅磨坊睇表演，亦唔明白點解巴黎美女中有咁多黑妹演員？我老曹嘅天分可能只喺捕捉趨勢上，而非欣賞藝術。

　　詹瑞文兄決定脫離政府資助佢嘅 PIP公司，響財政上宣佈獨立，此乃好事。去年我老曹曾同詹兄合作舞台劇（平時佢都幾忙），見到佢已筋疲力竭，響沙發上呼呼入睡十五分鍾，醒來後又龍精虎猛。反觀我老曹念台詞念咗四個鍾後，已經好想去死。詹兄一踏上舞台便生鬼得很，完全處於享受狀態；我老曹一踏上舞台卻呆若木雞，好多時左右不分。詹兄注定係食呢行飯嘅人，至於我老曹都係對住D數字好D。偶然玩票一次Crossover，可令人生多D色彩，但唔好被台下掌聲欺騙咗，以為自己連舞台劇都得？由始至終，我老曹並冇藝術天分（中學時代音樂呢科接近肥佬）。詹兄嘅一生應貢獻畀舞台，我老曹祝福佢成功。

趨勢醞釀而未成形

　　閒話少說。2008年最頭痛嘅地方係How to make Profits in Sick Economy。2008年首季已經過去，本港基金表現平均數係負增長，至於我老曹成績亦唔比基金公司好，即係略有虧損。

　　響上落市中挑選跑贏大市股份，並非想像咁容易，即使睇市正確，揀唔中上升股份一樣冇錢賺。畢非德所教方法──別人恐慌你貪心，別人貪心你恐慌，就更難做到，最多只能做到別人恐慌時你唔驚，別人貪心時你唔貪已經好叻，因為we are all human，都有人性弱點。

　　今年不妨放開D，因為好多趨勢仍在醞釀而未成形（潛龍勿用）。人生中失去一次機會，仍有無數機會等住你；反之，一次重大錯誤決定，往往翻唔到身。年輕時一個錯誤決定，可以損失幾十萬元；中年時一個錯誤決定，可以失去幾百萬元；踏入老年，作出一個錯誤決定代價就更大，此乃點解年紀漸大，投資策略一定傾向保守嘅理由。請唔好嘗試outsmart the market。

　　乜嘢盈喜亦係過去嘅歷史，今年第一季業績較去年第一季好已冇乜刺激，問題係今年第三季業績係咪較去年第三季好才重要。股市冇過去，只有將來；炒股票唔係炒過去業績，而係炒前景展望。嗰D去年10月冇及時減持者，更喺投資研討會上努力 talk up themarket去抵銷個人嘅恐懼感，可惜股市從來唔因多人睇好而上升，亦唔會因多人睇淡而回落。股市上升理由係因為人人想入貨，股市回落理由係人人想出貨而未果。今天有邊個仲坐擁巨資等入貨？持貨睇好則不值一哂。

　　今天投資銀行、對沖基金及其他非接受存款機構所提供嘅貸款早已超過傳統銀行，但經過次按危機後，以佢地嘅貸款能力，係咪仍好似去年8月之前同樣進取，例如槓桿比率達到一比三十（即1元資本、做30元借貸）？如果一如傳統銀行返回一比十二（1元資本做12元貸款），有幾多貸款將從市場上消失？

由高pe走向低pe

　　踏入2008年，全球金融面對反槓桿化（de-leverage），簡單D講就係信貸收縮。上述情況以美國影響最大，歐洲少D，亞洲區又少D。去年8 月前嘅資金氾濫情況已結束，近期各國央行努力注資亦無法扭轉此大趨勢，只能讓信貸市場收縮有秩序地進行，而非無秩序式撤退。上述影響唔係一季兩季，甚至唔係一年兩年，而係未來大趨勢，可令美國同歐洲GDP長期陷入低增長期。標普五百指數O正由二十點三五倍走向低pe；反而歐洲上述問題唔大，因pe已喺十點七二倍水平。從高pe走向低O方法有二：一、企業純利保持增長，而股市指數不前，例如1966至82年美股。二、企業純利不前甚至回落，股市指數大跌，例如1990至2003年日經平均指數（依家已跌至pe十五倍）。至於滬深三百指數點樣完成由高pe走向低pe？由於依家pe仍高達二十七倍，一旦中國 GDP增長率下降，股市要跌到邊個水平才有真正支持？家嚇恆生指數平均pe係十四點七倍。今天歐洲Dow Stock50平均pe十倍，恆指pe十四點七倍，表面睇唔算貴，但純利中幾多來自物業升值重估？剔除物業升值後，恆生指數pe絕對唔便宜（起碼冇歐洲及日本咁便宜）。何況抵買絕對唔係投資嘅理由。恆生指數已進入上落市，即升幅有限、波幅無限。

　　油價高企、食物價格高漲，歐洲同北美洲銀行及大金融機構則忙於集資，因為今年第一季虧損已令資本充足比率不足。響咁嘅環境下，後市可升幾多？去年下半年幾多股份高價被綁（以香港每天成交平均800億元計，一百二十個交易天，即有九萬六千億元股票喺市場高價易手）。大量股份高價被綁，形成今年股市進入短期供不應求，呢個拉鋸局面可維持幾耐？冇人可預知。

深圳市國土房產局發佈「2008年一季度深圳房地產市場發展分析報告」，3月份房價平均13618.42元一平方米，較2月份回落16.53％，已重返去年4、5月嘅水平。今年1、2月平均房價分別為15080.25元及16314.58元，銷售面積較2月上升194.57％，證明減價後吸引買家重新入市。

　　3月份美國新建房屋跌至十七年低點，住宅方面回落5.2%，相等於每年一百零一萬間；新批合約更少，跌至年率九十七萬間，係1991年8月以來最低。美國全國建屋商協會估計，今年建屋量將減少30%，較先前估計嘅27%更大。

中國設廠與全球比較仍具優勢　　根據中國人行今年向五千四百八十四間企業調查結果，今年第一季生產成本指數表現十分差，較去年第四季下跌28.3％（去年第四季下跌3.9％），或較一年前下跌15.8％。原材料漲價、利息成本上升、人民幣升值、勞工不足等等，都係構成上述指數下跌嘅理由。工業邊際利潤今年 1、2月只有16.5％（去年同期37％），因生產成本上升；2000年至今超過二百間韓國企業從成都市退出。香港工業總會話有超過六萬間香港或台灣廠商撤出珠三角，部分響中國其他地區再建廠，部分則遷離中國。

　　由廣州市調查所得，二百五十二間企業今年首季支付工人工資1160元人民幣一個月，較一年前升13％；深圳升幅約為20％。至於東莞嘅香港及台灣廠家支付工人工資每月多200至400元人民幣左右。平均而言整個珠三角二億工人今年獲加薪200元人民幣，上升20％，至約1375元一個月，但同全球比較仍係underpaid！響珠三角開廠仍有工資廉宜嘅優勢。

　　土地方面，由於地方政府繼續提供廉價土地去吸引投資者，好多時地價收入不足以支付基建，即變相仍然在補貼廠商。

　　至於能源成本，2002至06年國際能源成本每年平均上升29％，中國汽油及電力指數呢幾年平均每年上升8.5％，成為另一變相補貼。

　　今年人民幣貸款利率仍低於CPI升幅，去年利率係負利率1.5％（即低於CPI 1.5釐）。

　　環保方面，中國亦唔見得較其他國家嚴格。

　　換言之，今年響內地設廠，條件已唔及過去優厚，但同全球各地比較仍享有優勢，只係優勢已唔及過去咁大。例如出口退稅由2006年平均12.11％降至 2007年平均8％，今年再進一步下降。人民幣合理滙價應係5至6元兌1美元，即內地工廠仍享有滙率優勢，只係一步步在減少中。

打工好過做老闆

　　同美國比較，中國生產成本仍便宜70％（中國勞工成本唔及美國5％），情況有如七十年代嘅南韓及台灣。今天南韓勞工成本係美國49.7％、台灣係 25.8％，人均收入由七十年代初期少於2000美元一年到2007年南韓14100美元、台灣13450美元。響未來三十年，中國勞工成本仍唔及今天南韓及台灣（因中國勞動人口多），但唔排除未來日子內地勞工成本按年上升10％到20％。未來外貿收入愈來愈大部分由中國人民分享而非廠商。八十年代外貿收益55％歸廠商，九十年代收益48％歸廠商嘅日子成為過去，愈來愈多收益將歸工人嘅日子已經來臨，只要過渡期平穩，睇嚟問題唔大。

　　今天香港除咗地產、金融及受保護嘅公用事業外，其他行業早已進入打工好過做老闆時代。就以報館為例，過去十年幾多間報館結業？例如《快報》、《華僑日報》，幾多間報館股權易手？例如《星島》、《明報》、《成報》，甚至《信報》。幾多行家仍在辛苦經營？例如《成報》同《新報》；過去十年有冇新血加入報館行業？答案係多咗三份免費報紙，包括《都市日報》、《am730》、《頭條》。除《都市日報》外，另外兩份至今仍未賺錢。做老闆可以發達時代早已過去，血本無歸時代則早已降臨。最近例子如甘泉航空，投資超過7億元，卻喺兩年內蝕清光。今時今日響香港做老闆發達已成為極少數，血本無歸反成大多數。反觀中國，依家仍處於做老闆可以發達時代。

四伯爽

（此篇文章版权归作者曹仁超）
4月17日，周四。恒生指數升380.61，收24258.96；成交726.64億元。4月期指升444點，收24314點。

　　滬深三百跌3.07%，收3386.63。雲南銅業第二天跌停，民生銀行跌6.4%，深發展亦跌6.8%，東方電氣跌停、上海電力跌8.71%。

人民幣升至6.9838兌1美元。

熊三大價股急跌二線股唔跌　　中國今年第一季GDP上升10.6%，部分理由係出現五十年難得一見鮋大風雪，影響出口增長率只有21.3%（去年第四季升 22.2%）；出口美國升幅只有5.4％（去年14.4%），出口歐盟仍升24.2%（去年升29.2%）。礇豐估計，中國今年GDP全年升幅為 9.7%。2月份CPI升8.7%、3月份升8.3％，因食物今年第一季仍上升21%，令人擔心。

　　全球三十多間中央銀行，因自己國家面對鮋局面唔同而採取唔同鮋貨幣政策，其中十四間收緊銀根（中國為首）、七間放鬆、十二間保持不變，形成互相抵銷，因各自為政。

　　花旗推介聯想（992），估計2008年度每股獲利4.2美仙，升127.2％，O十七點一倍，目標價7.5元。中糧控股（606）估計今年每股獲利 5 角，升53.9％，O十點六倍，目標價6.7元。天津港（3382）估計今年每股獲利18仙，升32％，目標價4.5元。

　　要鰠投資市場賺錢，除鰦須學曉good stock picks及time the market外，仲要嚴守紀律（止蝕唔止賺）。鰠熊市一期，二線股跌幅最大；鰠熊市二期，二線股反彈最乏力；但到熊市三期，二線股反而跌幅最細。鰠熊市一期，大價股抗跌力最強；鰠熊市二期，大價股反彈力最好；但到鰦熊市三期，大價股跌幅反而最大。換言之，要到大價股急跌而二線股唔跌（或小跌），才係熊市三期，估計粛今年第四季或明年第一季才出現。

　　JP摩根大通今年首季純利23.7億美元，較去年同期減少50.6％；營業額減少11％，至168.9億美元。分析界認為情況較估計好，引發美股反彈。可惜滬深三百指數A股卻無法企穩，繼續回落，令恒生指數上午跟隨美股上升，下午則跟隨A股下調。

內地樓市無可否認出現拐點　　美股收市後，JP摩根大通發行60億美元優先股，2018年到期，利率7.9厘，理由係撥備後資本充足比率已降至8.3％（去年12月Wachovia 7.5％、花旗7.1％）。雷曼兄弟4月1日亦曾發可換股債券，息率7.25厘，換股價49.87美元。

　　1962年至今，每次美股平均調整幅度係18％及一百三十六個交易天；由2007年10月到08年3月17日止，道指跌19％、標普五百指數跌20％、納指跌24％，以歷史角度睇，呢次無論幅度及日子都已足夠，往後日子又如何？

　　過去內地房企透過IPO上市融資，利用上市壯大土地儲備，豐富土地儲備後又成為資本市場融資鮋籌碼，進行再融資再買地。呢種資本與土地輪動擴張鮋方式，造就去年內房股急速擴張，地價急升進而推高樓價。隨覑股市回落，IPO上市融資失效，內房股股價受挫，囤地能力大減，唔少土地市場出現流拍現象。近期支持內地土地市場拍賣者反而係本港地產商，因為仍然財雄勢大。即使係咁，昔日萬人爭寵鮋局面，今年變成本港地產商勉強支萦，部分內地地產商索性搵本港地產商合作，由佢地出地、本港地產商出資；有D地產商決定加快開發，靠賣房子令資金回籠，同以前囤地唔賣剛剛相反，形成內地房價紛紛回落。無可否認，內地房價已出現「拐點」。

　　中國今年第一季GDP增長率10.6％（去年GDP增長率達11.9％），相信2007年係中國另一最高增長年份，並正開始減速。中國社會科學院估計，今年GDP增長率為9.5％到10.7％，粛中國GDP增長率如低於8％已叫做衰退。亞洲發展銀行分析，依家中國高通脹率加上股市大幅滑落，唔排除年底GDP增長率傾向只有7％。過去五年中國GDP每上升1％，可增加八十五萬個新職位；近年創造新職位鮋能力卻愈來愈低，反而推動通脹率上升鮋能力卻逐漸加強。食物價格上升不能透過加息或抽緊銀根去壓抑，因為需求彈性十分低，價格升降由供應決定。近年可耕地漸少，化肥價格大升，燃料價格大漲，食物價格又點樣能夠大跌？


第三次石油危機

　　中國財政部發布通知，4月20日至9月30日中國化肥出口加徵100％特別出口關稅，部分更高達135％。

　　去年係美國第一批戰後嬰兒進入退休年齡，過去呢段日子亦叫做石油世紀或原子時代，汽車漸成為家家戶戶必備鮋交通工具，結果1973年便出現第一次石油危機，1980年第二次，依家係第三次。隨覑半導體產業普及，由收音機、電視機、電腦到手機亦漸漸成為人人必備鮋電子消費品。第一次石油危機令過去被視為骯髒燃料鮋煤再次抬頭，家纒全球超過一半發電機由煤推動，所有鋼鐵廠都以煤為主要燃料。1980年石油危機後，天然氣普及；但呢次石油危機，至今冇其他燃料大量發展，形成呢次油價高企維持鰦咁耐。戰後嬰兒進入退休潮，令2007年起美國樓價回落，此退休潮由2007到2027年可維持二十年，對美國及整個世界經濟影響係點？值得關注。

　　據英國皇家特許測量師協會報告，78.5％接受調查者粛3月份認為，英國樓價將進一步下跌，係1978年以來最多人睇淡鮋月份（政府數字係3月份樓價較2月份回落1.6％）。該機構鮋報告連續八個月發現接受調查者睇淡多於睇好，係1990年6月以來最長一次。英國樓價跌幅最大係東米德蘭及東安格利亞，跌幅最細係威爾斯及倫敦。分析公司Ed Stansfield估計，今年英國樓價將再跌5％，明年跌8％。去年第四季Buy-to-Let鮋投資者延期三個月未供款者增25％，至七千五百八十四名；被接管者增26％，至一千二百四十七名（資料由倫敦按揭貸款機構協會提供）。最麻煩鮋城市係列斯，因唔少高建築物採用未建先賣鮋預售方式出售，其中 60％買家係Buy-to-Let投資者。鰟D一廳兩房鮋建築物粛過去兩年已跌價12％，因為租金回落20％。依家呢類建築物空置率高達13％，因為唔少係預售，因此仍在繼續興建及落成。有一位仁兄粛2005年10月購入十七個單位希望退休後做包租公，平均每個239500英鎊，今年佢發現粛同一建築物其中一個單位被銀行收回，鰠公開拍賣中只賣約115000英鎊，跌幅之大令佢吃驚。佢粛2005年10月用100多萬鎊購入物業（向銀行借入300萬鎊），家纒可能已成為負資產！令佢更洩氣鮋係其中十五個單位因傢俬設備欠佳而租唔出（英國物業鮋習慣係提供傢俬）。佢打算控告地產發展商，如不獲賠償，佢自己可能面對破產威脅。

長波理論有助分析中長線

　　作為長線投資者，最重要係找尋真正鮋底同真正鮋頂，尤其係房地產，因為買賣比較困難兼佣金大（例如英國佣金係樓價3％，一出一入已唔見6％）。呢方面可參考周期理論，股市有最著名鮋二十四個月周期及四十個月周期，兩者重疊高峰期係2007年第三季，低潮係2008年第四季；下一高峰期係2010年第一季。

　　換言之，長線客應在粛去年第三季出貨、 2008年第四季入貨、2010年第一季再出貨。六十年長波理論用於分析債券最有用，上一個利率高峰期係1980年，低潮粛2008年年中，即我地正進入利率低潮期。2008年下半年到2030年第四季係利率向上期，我地正處低利率期，估計粛今年6月至8月見底，然後進入長達二十二年鮋利率上升期。至於商品價格上一個低潮係1996年，由1997年開始至2010年第一季係商品價格上升周期，然後又回落。

　　對長波理論有認識（唔係波浪理論）有助分析中長線，呢方面鮋權威係「Foundation for the study of cycles」。七十年代後期我老曹開始接觸，由於長波理論以「季」為單位，同近年流行鮋短命分析格格不入，粛分析界唔太流行。

　　事實證明，長波理論協助我老曹捕捉到英國樓市低潮同高潮，同時捕捉到2000至07年鮋商品價格上升周期（理論上2010年第一季才見頂），以及2007年10月恒生指數見頂回落……。如各位做長線投資，長波理論十分有用，請減少睇鰟D短命分析。

四伯爽

（此篇文章版权归作者曹仁超）

食嘢食味道學嘢學全套

  　4月18日，週五。內地滬深三百指數再跌3.37％，收3272.5。中石油A股終告跌破上市價16.7元，收報16.02元，最低見16元，亦拖累中石油（857）下跌，睇嚟將打擊大批紅籌股有意響今年回歸A股嘅意欲。恆生指數高開後回落，收報24197.78，下跌61.18；成交798.94 億元，如扣除兩宗配股涉及百麗（1880）及中國神華（1088）共50億元上板，港股在週末前表現其實只係牛皮拉鋸，恆生指數全日高低位波幅不足300 點。

　　家陣咁嘅市況，已唔使專家講你都知幾咁tricky，日昇日降，90％專家響今年第一季都蝕本（包括我老曹在內），咁你想點？既然難玩，不妨少玩，甚至唔玩。鎖你，下週一又冇日記睇啦，因為我老曹唔響香港。年紀大咗，已無法好似從前咁每天工作十二小時，年中無休矣。

　　估計美國金融股今年仍須撥備，股市大部分時間只係上上落落。搵食艱難也。

通脹問題困擾四大金磚國

　　全球最大嘅銀行同業拆息市場——倫敦隆巴特利率（Libor）自4月15日起又再上升，三個月美元同業拆放成2.8175釐；滙豐銀行更用2.85釐吸錢，最低息嘅美國銀行亦出2.77釐。睇嚟減息週期快將完成。

　　花旗推介國美（493），估計今年每股獲升69仙，升33％，O二十三點四倍，目標價24元。

　　本週內地Ａ股出現最大一週跌幅。3月份內地CPI仍升8.3％，雖然較2月份下降0.4個百分點，但壓力仍大，政府立即宣佈上調銀行存款準備金率，控制物價上漲，抑制通脹壓力。雖然中國糧食供給保持平衡，但上漲壓力仍大，因此連化肥出口稅率亦大幅提升，顯示中央政府打擊通脹嘅決心。儲蓄、生產同投資行為，必須三者平衡，經濟才能穩定增長。過去股市、房地產及黃金漲價，刺激儲蓄資金流入投資市場，令物價受刺激上升；去年12月20日中國已取消小麥、稻穀、大米、玉米、大豆嘅出口退稅，今年1月宣佈上述產品嘅出口抽稅5-25％，並實行出口配額制，可惜遇上五十年難得一見嘅雪災，中國CPI今年第一季繼續急升。估計打擊通脹措施將陸續出台。

　　印度央行亦宣佈4月26日提升存款準備金率至7.5％，然後5月10日上升到8％，因為CPI升幅已達7.14％（上兩星期更達7.41％）。通脹問題開始困擾四大金磚國。

似曾相識的思想幻覺

　　索羅斯警告，依家美國情況係第二次世界大戰以來最惡劣，因為美國一向依賴保持增長嘅消費業正陷入衰退。響能源危機影響下，睇嚟呢個冬季美國人可能因畀唔起取暖用油而凍死，一如近日米價狂升亦可能有中國人餓死！仲有地球污染令水位上漲，住響香港等沿海地區嘅人口遲早被浸死！從前美蘇冷戰人人擔心核子戰爭，自從冷戰結束，人類擔心嘅嘢更多，例如我太太認為日本魚生細菌多，佢丈夫（我老曹）遲早食魚生食死！至於我老曹面對咁嘅投資環境，不知應該將資金放響何處，遲早悶死！

　　記得1973年《信報》創辦冇耐便發生石油危機，政府宣佈燈火管制，晚上十時全港街燈同時熄滅以節省能源，響彌敦道行走，一到十點全街街燈熄曬，雖然舖頭仲有燈光，但仍有一種莫名其妙嘅恐怖感。1983年港元幣值日跌，引發全港搶購廁紙及罐頭食品，我老曹響報館同採訪部同事合作搵官員出來講話希望市民冷靜，放工回家卻發現家母指揮我太太到超市做搬運大隊，全廳放滿罐頭、廁紙，結果食三個月罐頭食品仍食唔曬！1989年六四事件後，我老曹跑去溫哥華，實行第一次海外置業（亦成為唯一出現虧損嘅項目）……。今天回望，大部分只係危言聳聽。我老曹反而欣賞畢非德今年響巴郡年報嘅講話——當別人恐懼時，我地不妨大貪一D；當別人太貪時，我地便要恐懼。例如1997年7月前香港房地產、2000年3月科網股甚至2007年10月港股直通車計劃……。面對索羅斯嘅警告、羅傑斯嘅危言、石油短缺論、環保分子嘅恐嚇，對我老曹而言感覺係「似曾相識嘅思想幻覺」。居安思危係好，危言聳聽係壞！如果情況真係咁差，我地不妨大舉入市；實際情況卻非如此，而只係進入無無聊聊嘅上落市。

　　中國政府一下子將化肥出口稅提升到100％至135％（過去係零、30％或35％）。睇嚟中國政府為穩定內地糧價不惜犧牲化肥工業，係咪有D過猶不及？冇中國化肥出口，可能刺激其他國家糧食漲價，反過來又扯高內地糧價。有時危機係自我實現嘅！例如去年如冇港股直通車計劃，恆生指數又點會由21000 點升到32000點，然後又跌番落21000點，搞到蟹民處處？呢次糧食危機，亦係由殊仔簽《生物燃料法》開始，令玉米全面漲價所引發。唔少所謂危機並非天作孽，而係人作孽，不可恕。呢次次按危機更係自作孽。

熊二容易引起抵買念頭

　　地震震央雖然喺美國，但最大破壞卻響中國A股市場，上述情況有如1973-74年香港。當年香港經濟正在冒起，一如今天中國，因此股市十分容易進入偏高，面對地震往往成個散曬，然後再由廢墟重建（例如1975年香港）。

　　技術上睇，中國A股正面對火鳳凰事件，努力四年迎奧運，卻因西藏事件而引發公關大災難。西方表面上支持西藏，其實矛頭係指向中國經濟和平崛起！再加上中國政府缺乏處理呢類事件嘅經驗，漸漸演變成公關大災難。今天中國政府應學習當年蔣介石嘅台灣精神——戒急用忍，不然中國政府愈呱呱叫，西方傳媒愈過癮，最後甚至可能引發經濟大災難。今天投資策略上亦一樣要戒急用忍。

　　根據Whitmore Weekly S & P SuperChart顯示，美股正處於熊市二期，相信港股亦唔例外，熊市二期股價已大幅回落（熊市一期），但經濟情況仍未太差，只係在轉壞中，好易引起抵買嘅念頭，結果愈買愈低，愈低愈買，直到可投資嘅資金用盡為止。如睇Whitmore Weekly Dow SuperChart似乎形成大型頭肩頂，依家完成右肩中，頸線喺12100點，即道指如12100點失守，代表大型頭肩頂完成，惡性拋售出現【圖】。短期大市仍安全，但不穩因素逐漸浮現。

半桶水專家浸死多過病死

　　3月可以捉熊腳，4月趁反彈減持，5月則應該Sell in May and walkaway！有好多人批評我老曹嘅「止蝕唔止賺」理論——任何投資由最高價回落10％立即做功課，檢討自己策略上有冇出錯，一旦跌幅擴大到15％便立即止蝕離場，no question ask！

　　請記住250天線唔係牛熊分界線，響升市中跌穿250天線叫牛反彈（Bullspring），升幅強而有力；喺跌市中跌穿250天線叫熊反彈（Bearspring），一樣有回升，但升幅乏力。50天線跌穿250天線叫死亡交叉點，代表確認熊市，通常有吻別行為，即大市重返250天線附近（或升穿），不過此乃告別升市嘅儀式，而非牛市重臨。我老曹唔敢話自己係移動平均線組合權威，不過移動平均數理論1973年7月我老曹由美國引入，喺《信報》發表，響呢方面有三十五年經驗！食嘢食味道，學嘢學全套，半桶水專家浸死多過病死。走勢最大缺點就係易學難精，睇三本書便以為自己曉走勢者，必被走勢害死。如各位有興趣學走勢，不妨睇嚇Technical Analysis and Stock Market Profits（作者RichardSchabacker），比較上易學一D。

四伯爽

（此篇文章版权归作者曹仁超）
投資專家曹仁超（曹sir）最近在《信報財經月刊（四月號）》發表了一篇講解女性投資理財的好文章，本刊特意情商刊登全文，以供讀者進一步了解這位投資專家對女性投資理財的睇法。

曹sir在文中首段提到「女性無論婚前、婚後，都應學習理財之道。事實證明這方面女性較男性更有天份。

在現今社會上，理財有道的女性比比皆是，你不學習才是個人最大的損失。」 撰文：曹仁超遠古時代，不知是哪位聖賢一句「女子無才便是德」，再加一句「唯女子與小人難養也」，從此令中國社會走向男尊女卑發展，把中國人口一半的生產力局限於「相夫教子」的範圍內。

當西方社會女權運動日益高漲進入男女平等年代，中國由於仍有一半生產力局限於相夫教子的框框內，經濟又怎能不漸落後西方，最終出現喪權辱國的事。

香港女性的地位令人羨慕

不要以為本人在講歷史。我的母親只有小學三年級程度，便是因為八十年前的外祖父仍相信「女子無才便是德」，認為女子讀書愈多、愈難嫁出去。小學三年級程度已能寫信給未來夫君，有這樣的學問便已足夠。自我父親去世後，「唯女子與小人難養也」這句話令母親失去來自我父親那方親戚的金錢援助，我家只有走上自力更生之路。母親因擔心我們少不更事、容易學壞，不敢出外打工，只有拿些「手作」回家加工。

兒時的我，釘珠片、油公仔、穿膠花等手作工業都做過。每天晚上與母親工作到十二時才睡覺，自己七時起床吃早餐返學，母親則早在五時半已起床做家務。我長大後，1970年二十一歲已做投資經理，希望母親生活好一些。

但她仍不許我聘請傭人，甚至結婚後，家務仍一直由她和太太做。直至2000年，她實在吃不消才准許我第一次聘請傭人。

母親的一生令我認為中國女性一直以來從不獲中國社會尊重。母親出身於農村，而中國農村婦女地位更低。不要以為新中國成立後，「男尊女卑」的情況在中國已成為歷史，至今中國人社會裏可以說，只有香港的女性才獲較平等的地位。即使在香港，婦女受虐待的新聞仍不絕於耳。

本人相信知識就是力量，學問才可以改變命運。男女平等的第一步首先是讓女性獲得讀書機會。有了學問不但賺錢能力強、能明辨是非，連自信心亦增強不少。財政獨立更是現代女性必須做到的一點，女性如在財政上仍依附男性，你相信她在家庭、社會上獲平等地位嗎？財政獨立不但令女性在家庭上、社會上獲平等地位，他日更可幫助自己丈夫在事業上發展、子女日後如出國留學亦可在財政上提供支持。

社會經濟發展上如獲另外一半人口生產力加入，經濟自然更加繁榮，香港便是成功例子。

不少日本女性、南韓女性來到香港後不願回國，因為女性在香港所獲得的尊重，較日本及南韓多。

陰陽互補的理財觀

今天社會對女性的要求不但曉相夫教子，亦要理財有道，最好能成為丈夫的賢內助。

男士們在投資方面往往進取有餘、小心不足；女士們在投資方面往往過分小心而缺乏進取。如能兩者取其優、去其劣，所制訂的投資策略必定是既進取又穩健，攻中有守、守中帶攻，互補長短。女性的心思縝密正好補充男性的大紋大路；男性的野心進取又正好填補女士過分小心的一面。如女性認為財經分析只屬男性的事，自己只沉迷於電視長篇劇集或八卦新聞，閒時耍麻雀做「少奶奶」，便不要怪男性看不起你。如你能洞察世情、分析事物有條不紊，為丈夫提點他忽略的細節，成為男性背後的女性，丈夫尊重你亦唯恐不及，子女更以你為榜樣。

女性無論婚前、婚後，都應學習理財之道。事實證明，這方面女性較男性更有天份，現今社會上，理財有道的女性比比皆是，你不學習才是個人最大的損失。

女性終生理財之道

今天女性當家包括理財在內。年輕女性指剛離開校園到社會做事的一群，請不要相信錢是賺來花的、拚命賺錢、瀟灑地花去，這些都只是信用卡廣告的宣傳手法。

應該是拚命賺錢、學曉投資。由於年輕時無負擔，不妨從事一些較高風險的投資項目，例如50%投資穩健型基金及股票、50%玩玩衍生工具。

初為人婦，剛步入二人世界，為築愛巢不少人考慮置業。在1967年至1997年，投資房地產不失為一項明智之舉，但1997年後上述概念是否最好？考慮因素十分多。有人說男性想起「一個家」便是娶老婆、女性想起「一個家」卻是買樓。

1997年至今的過去十年教曉了大家，置業可以是高風險行為。各位應由投資角度去看問題，不再是傳統智慧的結婚買樓，應改為結婚租樓、未結婚先買樓或結婚後不買樓。即結婚歸結婚，買樓只是一項投資，必須先評估風險及回報率，只是其中一項投資工具而已。

第三階段，生兒育女通常是三十到三十五歲女性所面對問題，可令家庭開支一下子上升許多，收入也可能下降不少（為了子女，女性可能需要放棄較高薪職業而影響收入）。面對問題是開支上升、收入減少，同時為女子儲蓄未來教育基金，如適逢供樓期亦挺吃力。

要是能在子女未出生前建立第一桶金及學會理財，來自投資方面的收入便可抵消開支上升及收入減少的壓力。在這段日子前，各位應該積累第一桶金及學會理財技巧。換言之，做個好當家一定由先學好理財開始。

子女教育基金儲蓄期一般在十五年以上，以應付他日讀大學或留學之用。到子女能夠獨立時，理論上自己亦應該已擁有自住物業。

忙了一輩子不要以為可以偷閒，因丈夫已步入退休年齡；五十歲開始，女性又要準備丈夫退休及日後的醫療開支而早作打算，不宜再進行高風險投資。在投資組合中，外幣存款及債券應佔50%，另外30%股票、20%物業已差不多。

貧賤夫妻百事哀，成功女性一定是個好當家，好當家定義來自妥善理財。世上90%的困難皆與金錢有關，妥善理財者較不善理財者起碼少90%煩惱，自然有較多的時間去處理感情問題和健康問題。這方面本人不是專家，請另請教高明。

四伯爽

（此篇文章版权归作者曹仁超）

寄望救市屬病態

　　4月21日，周一。恒生指數升523.89，收24721.67；成交813.95億元。4月期指升386點，見24618點。


A股已元氣大傷

　　中國證監會宣布「上市公司解除限售存量股份轉讓指導意見」，粛未來一個月內，賣出超過1%限售股份要到大宗交易平台轉讓；但A股元氣已大傷，滬深三百指數跌4.95，收3267.55。

　　花旗推介洛陽鉬業（3993），估計今年每股獲利71.9仙，升43.7%，目標價9.1元；雅居樂（3383）今年每股獲利79.9仙，升28%，目標價11.38元；東方海外（316）今年每股獲利57美仙，減少86.1%，O九點七倍，目標價60元。

　　礇豐銀行認為，亞太區股市由今年3月低點至今反彈幅度已多出15%，但仍然相信係熊市，因為今年每股純利估計較去年下降4%；其次係熊市中反彈如超過15%，通常反彈市已完成，因此建議減持。

　　美元礇價亦唔見得好，成1.5834兌1歐羅、103.75日圓兌1美元。估計美元仍會回落到1.62到1.63兌1歐羅，才止跌回升。

　　《廣州日報》報道，上世紀日本股市由1989年12月38915點回落到1992年8月14309點，跌幅高過63%，日本政府決定救市，令日經平均指數一度重返20000點以上。依家睇鈬，證明好難用政策力挽狂瀾。日經平均指數雖然由14000點重返20000點，但日本房價回落，銀行融資都以土地為擔保，因此出現壞賬呆賬，其後銀行收縮貸款，令地價進一步回落，結果擾攘鰦十年，到2003年日本經濟才見底。


資金持續流出中國股市

　　股市回落後，日本國民資產管理方式更偏向儲蓄，寧可冇利息，亦以保住本金為主。依家中國股民從一夜暴富到突然破產，呢種資產效應出現一百八十度轉變，好容易形成惡性循環。

　　當然冇人認為2008年中國等於1992年日本，如今中國股市暴跌鮋原因同當年日本股市暴跌原因有D相似，亦有好多地方唔同，但起因都跟美國經濟出現衰退（或軟覑陸）有關。股災未出現前，兩者皆面對「信貸創新」被濫用。依家中國較1990年代日本優勝鮋地方係，中國仍未實現「資本專案」可兌換，即外礇資金流入中國易、流出中國難。

　　大摩認為，中國證監會鮋救市方案，除鰦安撫投資者情緒外，冇乜實質支持。

　　花旗指出，上周中國基金淨流出4.21億美元（第二係南韓淨流出1.46億美元），台灣資金淨流入2.02億美元。睇鈬資金仍在離開中國股票市場。

　　家纒中國有股民一億三千萬，或佔城市人口22％。A股指數較去年10月已跌鰦50％，近日內地電視台財經節目內專家最熱門鮋討論係政府救唔救市？A股股民只寄望政府救市，係咪幾病態？擔心內地A股跌市仲未完成。

　　呢幾天回國參觀昆山及蘇州工業園，建得美輪美奐，同外國任何工業園比較毫不失色。只係今年中國實施勞動合同法，維護鰦勞動者權益，亦加重企業勞工成本；內地土地價格亦升鰦唔少，外資稅務優惠按年減少（五年內同內資睇齊），油價高企亦令運費上升，公路亂收費情況未見改善；再加上政府對各類資源開徵和提高資源稅，並減少或取消出口退稅，人民幣升值壓力則加大。中國製造業早已進入高成本時代！

　　中國改革開放三十年，靠鮋係三廉政策（廉價勞動力、廉價土地再加上廉價資源），先至獲得世界工廠鮋美譽。依家一下子推行三高政策（高勞動成本、高地價及高資源價），內地人擔心今天美輪美奐鮋蘇州工業區及昆山，會否變成1992年鮋台灣新竹園（往日鮋亞洲四小龍之一，變成明天鮋亞洲小蟲！）？

　　經濟學博士傅勇粛《上海證券報》提出，中國可以承受出口長時間萎縮嗎？出口業係中國經濟近三十年起飛鮋最主要引擎，出口佔中國GDP比重接近40％，貿易依存度（進出口之和與GDP之比）接近70％；呢兩個數字較1992年台灣仲高。台灣失去出口呢個帶動經濟上升鮋引擎後，過去十五年客氣D講係經濟停滯不前，唔客氣D講就係倒退。上述情況單單只係阿扁引起鮋咩？1992年邊個執政？

　　香港1980年起出口製造業內移，其後香港經濟成功由內需帶動轉為服務中國鮋金融中心，但台灣出口工業1992年起移去長三角後，台灣卻不能由內需取代出口（日本亦一樣），而令過去十五年經濟停滯不前。未來中國經濟到底係另一個香港抑或係另一個台灣？

　　農產品漲價，農民得益有幾多？中國農業部組成調研組，赴北京、山東、河北、黑龍江、吉林、河南、湖南、廣東、海南等九省市研究糧食、副產品、蔬菜三大類九個品種，由「生產→收購→加工→運輸→批發→零售」各環節全程跟蹤。一斤油菜粛山東省聊城市東昌俯收購價每斤4角，較去年上升60％；今年生產成本 3.51角，較去年上升50.6％（二銨每袋由140元漲到230元，有機肥由每斤75元漲至100元）；農民每斤油菜獲利4.9仙，較去年僅多賺0.3 仙！呢斤油菜到北京超市可以賣2.2元一斤，唔好以為中間剝削，理由只係運費上升。由山東聊城到北京批發市場每斤油菜運輸成本8.3仙，因油價上升，過橋費、路費亦上升，令運輸成本大增。北京新發地批發市場以每斤7角批出，再運到超市；運費加上超市租金上升，超市利潤亦只較去年微升。

　　一頭豬去年生產成本1005.76元人民幣，今年1532.98元，再加上運費，即成本共升52.4％。肉價上升60％，豬農收入亦唔見得大好，會否刺激豬肉供應大升？仍未肯定。

　　鐵道部副部長盧春房宣布由北京南站到上海虹橋站，雙線鐵路全長一千三百一十八公里，係世界上一次建成線路中最長鮋高速鐵路，共二十一個車站，時速三百五十公里，每年單向運輸能力八千萬人次，總投資2209.4億元。所經過鮋七個省市，人口佔全國四分一，GDP佔全國40%。

　　上海（尤其浦東）仍係地盤處處，無論周六或周日，仍在二十四小時趕工（建築工人分兩班制）。我老曹冇返上海半年，又多鰦唔少高樓大廈。隨覑上海地鐵建成，物業向浦東全面擴散，最普遍住宅單位係一百平方米，賣160萬元人民幣，由男女雙方家長各付20萬元（合共80萬元），另向銀行貸款80萬元，餘款由新婚男女負擔，供樓利息每月7000元。如以男女雙方各賺1萬元計，供完樓交完水電費、交通費等，已唔見鰦1萬元，而內地入息稅25％（一年5000 元），兩夫婦每月只用5000元生活，即一個住宅單位由六人負擔（男女雙方家長加埋新婚夫婦），上述情況可維持幾耐？木宰羊。一般情況下，雙方父母早已獲「分房」，所以唔使子女養，亦唔同子女住。內地樓價近年可以高漲，理由係受惠於一孩政策。

14%英國業主料成負資產　　深圳新房降價潮再起。例如南山區鼎太風華六期六百零六套單位，去年平均售價1.3萬元平方米，今年推出「特價房」，平均每平方米9088至10088元。福田區景田片區華盛領寓，去年推售價16000元一平方米，今年推出「特價房」13000元一平方米。「特價房」用料方面唔及去年，兩者不能直接比較，但同一個樓盤，售價以每平方米計的確平鰦好多。

　　《新聞晨報》報道，今年3月31日止，國家稅局統計全國去年收入12萬元人民幣以上鮋共二百一十二萬六千七百八十六人。其中以上海最多，達一百六十三萬；深圳第二，共三十四萬七千人；北京第三，共三十四萬一千人。全國平均工資24932元，較去年升18.7％。上海十個打工仔中便有一個係月入1萬元人民幣以上。今天上海人都幾富有。

　　英國係全球第五大經濟體系，大摩估計已有14％英國業主成為負資產，估計到明年底英國樓價再跌15％。睇鈬全球信貸壓縮仍在進行中，並由美國擴散到英國及歐洲。英倫銀行呢次出手作用有幾大？英倫銀行發鰦500億英鎊鮋政府債券，交換鰟D低信用評級鮋按揭證券，減少英國金融市場信貸收緊鮋壓力。英國樓價 3月份較2月回落2.5％，4月份進一步回落（我老曹鰠倫敦仍有一個單位至今未賣出，已較去年9月高價減鰦10％，仍搵唔到真正買家）。


國內地下錢莊水緊

　　中國人行上調存款準備金率0.5％，至16％。《上海證券報》調查發現，民間借貸已十分緊張，利率不斷飆漲，浙江溫州地下錢莊首當其衝。依家借款一個到兩個月月息10厘，借一年到兩年年息20厘左右，兩年以上要看雙方關係同信譽而定；其次睇銀碼幾大而定。500萬元以下20厘仍可借到，1億元以上有人出價36厘！貸款戶通常都係地產開發商。由此可見，地下錢莊幾咁水緊！

　　我老曹近日從內地學番鈬鮋順口溜：結婚是錯誤，離婚是覺悟，離婚後再結婚是執迷不誤！

四伯爽

（此篇文章版权归作者曹仁超）

23/04/2008

救市第一炮？

      4月22日，周二。恒生指數升217.48，收24939.15；成交877.4億元。期指高水，升380點，收24998點。中石油（857）升 6.5％，見10.78元；中石化（386）升 5.1％，見7.85元，外傳政府將退回75％原油入口增值稅畀中石化及中石油。中國高速傳動（658）升10.49％，見14.12元，因純利上升二點六倍，至3.067億元人民幣。

       內地傳政府力守滬指3000點　　滬深三百指數升0.88％，收3296.28。內地傳政府有意阻止上證指數跌穿3000點而力守，令上證指數下午由 2990.79回升，收市倒升30.81，收3147.79。其中太平洋、國金證券、北京銀行漲停；南京銀行、寧波銀行、國元證券升超過7％。地產股如中華企業升超過9％、深振業A升8％，陸家嘴、金地集團、保利地產升幅亦不俗。江南證券認為上證指數3000點出現好淡爭持，與政府救市政策無關。世基投資認為大市成交萎縮，升市只係淡友平倉嘅結果。申銀萬國認為，股市缺乏方向感，個別股份出現抗跌力，引發投資者入市興趣。

      花旗推介中移動（941），估計今年每股獲利5.773元人民幣，升34.9％，O二十一倍，目標價150元。世茂房地產（813）估計今年每股獲利87仙，減少31.7％，O十四倍，目標價為20元。

      花旗亦推介細價股豐德麗（571），估計今年每股獲利18仙，減少64.3％，O十四點八倍，目標價3.65元。永恩國際（210）今年每股獲利29 仙，升24.7％，O十二點九倍，目標價5.8元。天津港（3382）今年每股獲利估計18仙，升32％，目標價4.5元。新宇亨得利（3389）估計今年每股獲利18仙，升29.2％，O十六點二倍，目標價4.1元。

美國負財富效應浮現

       瑞銀推介安徽海螺（914），估計今年每股獲利2.39元人民幣，O二十一倍，估計股價可見66元。亦推介中國建材（3323），估計今年每股獲利 67仙，O二十點一倍，目標價26.4元。大摩則推介康師傅（322）、碧桂園（2007）及上海實業（363）。

       去年8月開始英國商業銀行已唔願借貸畀同業，因英國樓價由去年8月起回落。

       最近英倫銀行以500億英鎊政府債券交換三A級英國住宅按揭債券，對金融市場幫助有幾大？答案係令同業拆放利率略為回落。

       金融界泰斗John Hussman管理嘅Hussman Strategic Growth Fund資產達31.8億美元。佢認為次按危機不但未過去，而且家吓仍處於初階，最多只完成四分一，仲有三、五年壽命，最快要2010年才完成。2002 到07年係美國個人實質消費擴張期（2007年只增加3.1％、2006年3.5％、2005年4.2％），2007年個人實質收入只升0.4％（2002年2.4％）。個人消費佔美國去年GDP 71.5％，財富效應轉為負數，加上工資、利息收入甚至股息、租金收入都冇大幅上升，未來消費力從何而來？根據房利美公司統計，2002至07年美國房價平均每季增加515億美元，令美國個人消費每年上升2.4％。上述情況2006年下半年結束，負財富效應2008年起浮現。

      皇家蘇格蘭銀行宣布今年首季撥備59億英鎊，並集資120億英鎊，另拋售非核心項目，供股由高盛、美林及瑞銀包銷。去年該行動用100億英鎊收購荷蘭銀行後，發現資產價值迅速惡化，以市值計佢係英國第二大。呢次宣布十八股供十一股，每股200便士，較市價372.5便士低達46.3％；公布後股價下跌 3.9％。

高油價震盪去年開始

       能源專家Chris Nelder認為，長達一百多年嘅廉價石油時代已過去，未來石油獲得成本十分昂貴（國際能源機構IEA估計未來二十五年要投資20萬億美元才能滿足能源需求）。冇廉價石油作為推動力量，二十一世紀經濟增長點樣維持？以中國為例，1990年只有五百五十萬部汽車，2006年達二千七百萬部，估計到2030年達三億部。1973年前美國成為汽車王國，係建基於每桶石油3美元；今天中國汽油成本卻係1973年前美國三十倍到五十倍。唔單止咁，全球石油產量未來二十多年能否再增加供應65％？世上冇事物係永恒嘅，過去美國經濟建基於廉價石油，其他國家面對120美元甚至200美元一桶石油，便不能照辦煮碗。來自高油價嘅震盪去年已開始。

      今年首季標普五百指數跌9.4％，代表歐洲嘅FTS Eurofirst三百跌15.6％、日經平均指數跌17.5％、恒生指數跌17.4％、滬深A股跌34％；只有美國政府債券指數升4.49％、歐羅區政府債券升2.29％。世界股市由3月18日左右反彈，呢次反彈可維持幾耐？路透社旗下理柏公司估計，今年標普五百指數純利係負增長，甚至強如通用電氣首季純利亦急跌，其他可想而知。今年美國經濟已大幅放緩，世界經濟仍保持增長；未來係美國經濟拖慢全球GDP增長率抑或係全球經濟帶動美國GDP重新返回高增長？

       我老曹擔心內地A股將重演1994至99年本港紅籌指數嘅走勢【下圖一、二】。紅籌指數1997年8月見頂後跌至1998年9月，滬深A股去年10月見頂後，會否一直下跌到今年第四季？上一次A股見頂係2001年，O六十五倍；見底係2005年中，O十二倍。2007年10月A股O接近七十倍，今天O仍高達三十倍。

      索羅斯管理嘅170億美元量子對沖基金舊年表現出色，今年至今表現平平。拋空美元嘅利潤無法抵銷手持中國及印度股市嘅跌幅。索羅斯認為美國已接近衰退邊沿，聯儲局為對抗衰退而大幅減息，卻引發通脹。佢忽略高食物價格及高能源價格對中國同印度嘅打擊較美國同歐洲更大。

愈近奧運愈想救市

       內地人認為，政府救市唔會無功而還，4月20日證監會只係打響救市第一炮，因為表示應救市嘅部委已愈來愈多，救市措施力度亦愈來愈大。內地人認為，同以前證監會採用基金救市唔同，依家主管金融嘅最高層對股市政策嘅態度，已由過去觀望改為救市佔主導。愈近奧運，希望股市止跌回升嘅呼聲愈高。

       1995年7月越南國旗响文萊首都斯里巴加灣出現，代表越南加入東盟。有趣嘅係，東盟二十五年前成立，目的係阻止越南嘅共產主義向東南亞國家出口，今天卻歡迎越南加入。越南响2000年制訂2001至2010年嘅十年計劃，目的係建立一個現代化富東方色彩嘅工業國，包括物質、文化及精神生活。有人聯想起中國特色嘅社會主義市場經濟，但越南政府則話有所不同也！越南擁有豐富而廉價嘅人力資源，成為南中國一帶製造業外判嘅對象！越南政府致力令越南人收入較 2001年上升一倍，到2020年再升一倍（同鄧小平講嘅翻兩番相似），2006年越南更加入WTO。由於越南冇一孩政策，越戰結束後人口迅速膨脹，大部分集中响三個城市，即胡志明市、河內及海防。世界銀行估計，到2020年越南人口係依家嘅三倍。聯合國估計，2020年35％越南人口將集中响上述三個城市，甚至達到45％。羅兵咸永道估計，2005至2020年越南上述三大城市GDP增長率係全球最高，估計將保持2001年嘅速度，即12.2％一年。

        里昂亞太區分公司估計，由1996年起越南迅速由國企轉向私人企業及外資企業，1996年私企及外資已佔全國企業50％、2000年60％、 2004 年75％，國企消失嘅速度較中國快好多。依家國企只集中响河內及海防，胡志明市內嘅國企已接近唔存在，85％外國投資亦集中响胡志明市。政府計劃取消城市人與鄉村人之分（中國近年才開始），以吸引農村人口流入城市，加快工業化。

      越南計劃到2010年有外國遊客六百萬（2004年三百萬）。不過，家吓全國五千九百間酒店只有十二萬四千個房間，而且平均一間酒店只有二十個房間，只有十九間五星級酒店（八間喺胡志明市、八間喺河內）。近期已吸引二百四十個外資項目，計劃投資60億美元响酒店方面，包括興建二萬一千個房間，其中八千間達四星級或五星級水準。

      美國更計劃興建一個迪士尼式主題公園，位於離胡志明市三百公里嘅藩切，投資約10億美元，佔地六百公頃，內有五間度假式酒店（共九百個房間），一個十八個洞高爾夫球會所、六千個座位會議中心。不過，越南希望吸引嘅仍係工業方面投資。

越南能否成為東盟強國？

       越南海岸線長達三千二百公里，有二百六十六個港口，其中一百四十四個係海港，只係設施落後。政府計劃未來五年投資45億美元响各港口設施；其中最大係西貢港口計劃投資16億美元，以便容納八萬噸級貨船停泊（依家只能停泊一萬噸級）。到2015年計劃發展十八個內陸機場及六個國際機場，投資72億美元。至於電力需求每年上升15％，越南已向鄰國買電（包括中國），計劃2010年前興建三十九間水力發電廠、七間天然氣發電廠及九間煤發電廠，到時42％來自水力發電、37％天然氣、20％煤。

      根據IMF估計，依家47％流入越南嘅外資係投資製造業，但消費卻佔越南GDP 64％（大部分喺大城市）。越南人收入仍十分少，投資需求又咁大，能否响2020年成為東盟其中一個經濟強國，今天嘅中國、未來嘅越南？越南能否响十二年內追近中國經濟水平？

馬來西亞樓市仍可睇好

       根據物業市場報告，2007年馬來西亞係2002年以來首次出現空置物業減少6.9％，由2006年二萬五千六百四十五個，減少至2007年二萬三千八百六十六個，其中61.7％係細單位，即價值低於15萬林吉特。去年新建成住宅上升36.7％，約五萬二千六百六十四個單位；交易增9％，至三十萬九千四百五十五個；價值上升25.2％，至771.4億林吉特。相信今年同明年馬來西亞房地產市場仍可睇好，由去年才開始嘅樓價上升至今仍十分健康。

       本周一有九位內地房產公司主席包括SOHO中國（410）潘石屹、富力地產（2777）李思廉、萬通地產馮侖等已抵達台灣內湖科學園，參觀桃園慈湖與台中水滴經貿園。香港嘅諾林投資副總經理林世榮估計，一旦台灣對大陸開放投資，立即可售出一萬套以上豪宅。過去十五年唔少台灣人到長三角投資開廠（或到上海、昆山、蘇州科技園打工），吸納咗台灣二百五十萬人口，呢區家吓已有專為台灣人開設嘅醫院。蘇州人嘅笑話─—中台開戰，台灣只能派出386199步隊對付入嘅侵解放軍。何謂 386199部隊？（三八係婦女節、六一係兒童節、九九係重陽節即代表老人。）至於台灣男人？唔係去咗上海就係到蘇州或昆山，包大陸女人，唔返台灣打仗矣。

四伯爽

（此篇文章版权归作者曹仁超）

2008-04-24

政策市此之謂歟


　　4月23日，周三。恒生指數升350.09，收25289.24；成交一千零五十二億九千六百多萬元。4月期指升281點，收25279點；5月期指升287點，收25127點，低水。反彈係咪完成？中石油（857）升4.8%，公司計劃粛2010年將新疆油田天然氣產量提高一倍。

　　中國股市創下二周以來最大漲幅，滬深三百指數升4.78%，收3453點。招商銀行升4.2%，因第一季獲利升157%；北京銀行升4%，因第一季獲利升180%；神華能源升3.9%，盈利升5.4%。中海發展升5.9%；江西銅業升10%因第一季獲利上升46%；中金黃金升4.3%，公司宣布去年獲利升59%。


撈底欲望再被激發

　　內地救市第二招：4月24日起股票交易印花稅由千分之三降至千分之一，由去年5月29日宣布由千分之一上調至千分之三後，依家重返千分之一。上證指數由4月22日最低2990.79開始絕地反彈，呢兩天已令撈底欲望再次被激發，由金融股帶動、地產股跟進、能源股奠後，全力「殺空」，由2990點殺上，一路冇任何抵抗。滬深A股能否反彈前跌幅38.2%甚至前跌幅61.8%？如反彈38.2%，滬深A股可見4180點；如反彈61.8%，更可見4833 點；如反彈前跌幅50%，可見4506點。去年5月利用加印花稅去降溫，今年4月能否利用減印花稅令滬深A股重返4000點之上？至此大家應該可以明白何謂政策市矣。

　　1991年10月深圳市將印花稅由千分之六降至千分之三，上證指數從180點升至1992年5月1429點，上升694%；1998年6月印花稅由千分之五下調至千分之四，股價不升反跌，兩個月下跌400點。2001年11月16日再調低至千分之二，股市仍下降；2005年1月23日再降至千分之一，股市微升後又再下行。換言之，粛牛市中下調印花稅只係減慢下跌速度，卻不能改變下跌趨勢。呢次印花稅下調鮋消息早已外洩，一D財經網站粛新聞聯播前早已發布，唔少人早知上證指數一旦見3000點，政府就會下調印花稅。之後股市點反應？木宰羊。


未來港人可遷居廣州

　　大笨象集體起舞，滬深A股到底係見底回升，還是熊市反彈？

　　高盛推介江西銅業（358），十二個月後目標價24元；亦推介中國鋁業（2600）及招商銀行（3968）。

　　花旗推介新奧燃氣（2688），估計今年每股獲利61.6仙，升25.2％，O二十倍，目標價16.5元。

　　大摩推介招商銀行及康師傅（322）。

　　花旗認為，今年港人收入只升4％，而CPI升幅卻高達5.3％，港人已進入收入負增長期，上述情況對本港住宅樓市後市不利；加上未來鐵路提速（2014到2015年完成），日後去廣州只需五十分鐘，擔心未來港人不但搬去深圳居住，甚至搬去廣州居住亦唔奇，對香港中下價樓產生壓力。

　　高盛認為，今年3月份香港CPI升4.2％（扣除公屋租金調整及住宅樓差餉因素後係5.3％），未來通脹上升壓力仍十分大，因為租金正在上升。估計今年下半年香港CPI升幅達8％甚至10％，香港通脹高峰期粛明年首季，理由係港元追隨美元貶值。美元一度見1.6019兌1歐羅，至於能否見1.62兌1 歐羅？仍在觀望中。

　　礇豐認為，無論煤價或礦產價都開始進入穩定期，未來煤礦股及資源股純利升幅有賴營業額上升，而非原材料加價，令純利升幅進入放緩期，因此建議減持煤礦股及資源股，例如中國神華（1088）。兗州煤業（1171）仍有一定升幅，因新礦今年開始提供收益；至於中煤能源（1898）則持平。

二線股獱家未鬆綁

　　去年10月30日恒指由31958點回落到今年3月18日20572點，下跌11386點或35.6％。如反彈前跌幅38.2％，可見24921點，今天恒指已超過；如回升前跌幅50％，可見26265點；最大反彈幅度係前跌幅61.8％，即27608點。如同時參考道指頭肩頂走勢，道指至今未重返 200天線以上，我老曹傾向相信呢次熊反彈止於26265點機會大於27608點。反彈市從來難估，上述亦只宜作參考，尤其係恒生指數屬高啤打系數（beta），經常可以升突或跌突，唔似美股咁有規律。熊反彈另一特色係升幅集中粛一百幾十隻大藍籌股身上，而未能擴散到其他二線股身上，令二線股獱家未因呢次反彈而有鬆綁機會。

　　上證指數跌破3000點後，粛救市措施加上市場憧憬而出現反彈。上證指數由去年10月高峰到今天已下跌50％左右，個別股份跌幅甚至高達70％。今年首季A股業績較去年同期佳，純利升鮋多跌鮋少。A股係咪完成擠出泡沫，重返理性運行期？定係鐘擺理論所指示，將由一個極端走向另一極端？無論機構或居民過去六個月投資股市結果都係負收益，能否透過救市措施抵銷大小非流通股減持壓力？所謂救市措施只係限制大小非流通股每月拋售不能超過1％，此舉可減慢大小非流通股流入市場速度，而非減少大小非流通股流入市場。何況更可透過大宗配售而實現套現，例如九五折出售畀機構投資者，然後由機構投資者粛市場出售，賺取差價利潤，真正作用有幾大，要日後觀察才知道。

　　3月18日起過分被壓抑鮋股價，令呢次反彈強而有力，不過美資銀行及其他歐資銀行正利用今次反彈機會重新籌集資本。聯儲局及英倫銀行宣布用納稅人蚊年去購買MBS（Mortgage Backed Securities），以便銀行與銀行間可以重新互相借貸。央行購入鮋MBS何時可再粛市場上出售？可能兩年，亦可能五年，甚至永遠唔會出售（如MBS 變成壞賬鮋話）。係咪代表危機已過？至今為止美礇指數跌至新低，美債息率亦跌至五十四年內低位，點解投資者仍寧可獱住日日貶值鮋美元債券？4月初IMF估計美國次按危機可能虧損1萬億美元，至今只公布2320億美元，即仍有四分三虧損未公布。根據美國全國房地產商協會數字，2006年7月至08年2月美國住宅售價只跌14.9％，如再跌15％，美國人財富將再減少4萬億美元，以及令金融界虧損多2萬億美元。至今為止已有八百萬到一千一百萬美國家庭陷入負資產，數字仍在上升。另根據Friedman, Billings and Ramsey 3月估計，11萬億美元鮋按揭市場需要1萬億美元新資金流入，才可阻止情況惡化。過去四年衍生市場以年率40％速度上升（或每二點五年上升一倍）。去年 12月底衍生市場總市值約636萬億美元，相等於美國GDP五十倍！其中172.175萬億美元由美國九百三十七間商業銀行或大金融機構持有，最大五間佔去其中167.42萬億美元。近幾個月有賴聯儲局提供資金應付短期需求，去年9月至今年4月初聯儲局已動用可用資金7000億美元鮋其中60％，粛上述環境下，美股牛市能否誕生？

　　2002年1月至今美元兌六種主要貨幣平均回落超過40％，外國人對美元信心動搖，刺激油價、金價及食物價格上升。如參考1980至81年情況，最終將引發1981至82年衰退。今天希望其他國家GDP增長去阻止美國GDP回落，可以成功咩？更何況美國有七千八百萬戰後嬰兒由2007年起踏入退休年齡（人類最高消費期係四十五至五十四歲）。情況有如1990年起鮋日本，由於人口老化問題，至今經濟仍然不振。


金價難重見3月高位

　　至於短期走勢，今年1月同3月標普五百指數同RSI背馳，可支持一次強力反彈，至於升幅係前跌幅38.2％或61.8％？事後才知道。滬深A股去年 10月至今跌幅已達50％，已有足夠條件支持一次大反彈，但MACD仍未出現買入訊號，都係小心D好。美國道瓊斯金礦股指數更完成頭肩頂及破頸線後鮋後抽，從呢點睇，3月金價高位1036美元鰠可見將來仍無法再見，近期金價上升主要受油價創新高帶動。

　　熊市二期從來唔易玩，雖然畢非德教我地──群眾驚時你貪心，群眾貪心時你要驚，但有幾多Trader能做到？1980年雪茄伏要將優惠貸款利率推高至 21.5厘才成功控制通脹率，但同時引發經濟衰退！利用高利率去打擊通脹，代價十分大。呢次貝南奇放棄打擊通脹，努力減慢資產價值下跌，結果又如何？ 1989年6月日本銀行行長三重野康利用加息去打擊日本通脹，結果引發1990年起資產跌價，造成日本過去十三年經濟呆滯期。

　　衍生產品係利用高槓桿比率，例如值100元鮋產品，如全部用現金投資，升10％只賺10元，並唔吸引；反之，利用衍生產品，100元產品只付5％孖展（槓桿比率1比20），升10％同樣賺10元，因本金只有5元，即可賺200％，變成極之吸引。問題係100元產品只付5元孖展，萬一價值回落5元，可以好快令投資化為烏有，風險太大。銀行（或金融機構）將之包裝，例如將二十件100元產品加起來，各付5元孖展合共100元，然後讓二十人分擔，各付5元。經上述包裝後，風險似乎細鰦好多（冇理由二十件產品同時跌價，亦無理由二十位投資者同時無力應付孖展Call），表面上風險分散，事實上係冇，因為二十件 100元鮋產品全部都係樓按，如樓價回落超過5％，上述二十件100元產品同時要孖展Call；二十個投資者表面上較一個風險分散好多，但如二十個投資者都係trader而非真正投資者，表面上風險分散，事實上係冇。此乃去年8月當美國樓價回落超過5％便引發次按危機鮋底因。對沖基金無力補孖展（或止蝕離場），令衍生工具發行商成為最終風險承擔者而紛紛出事。上述道理本來好簡單，毋須博士才能了解，但因為利潤豐厚，令各國央行視而不見，各發行商則忙於賺手續費。所謂投資者，鰠升市中忙於賺錢而不顧風險，直到樓價跌幅大於5％便互相指摘。無論點樣，金融市場已進入de-leverage時代，需時幾耐、破壞力幾大？事後才知道。

　　上一個美股熊市由1966年開始、1982年10月結束，共十六年，以指數計似乎跌幅唔大；但以美元購買力計，1982年美元購買力只相等於1966 年十分一！美股牛市由1982年10月開始，2000年3月結束；今天道指較2000年3月跌幅唔大，但美元購買力跌幅如以金價計由253美元一盎斯到家纒超過900美元，美元購買力八年內已失去75％！當然，我地可以將2000年3月至今美股分為2000年3月至02年10月鮋小熊市，以及2002年 10月至07年10月鮋小牛市，然後再進入小熊市！

利字當前視風險如無物

　　美國物業市場一旦失去衍生市場鮋廉價信貸支持，能否快速止跌回升？過去　對樓按興趣有限，因為貸款要十年、二十年甚至三十年才收回。1996年起最先係花旗銀行將樓按產品包裝成COD，並獲穆箨給予三A評級，可以粛債券市場出售，咁鮋情況下，其他銀行都爭住做樓按，然後將佢包裝成COD粛市場上出售……。樓按證券化過去十年不但為金融機構賺取驚人利潤、推高美國樓價，並令穆箨股價上升六倍，因純利上升900％。穆箨鮋成功引起標普及惠譽加入玩呢個遊戲。即使2000至02年股市回落期，呢個遊戲仍令美國樓價繼續上升，抵銷科網股泡沫爆破影響，聯儲局亦樂於見到，直到去年8月爆煲。國會已開始研究成件事（4月22日參議院銀行委員會開始聆訊），並研究信貸評級公司係因圖利而忘記自己責任所在？穆箨及標普已宣布改革，但否認自己曾疏忽；睇鈬呢件事好易變成羅生門事件。

　　無論結果係點，呢個遊戲已無法繼續玩落去！長達十年鮋美國樓價大升日子亦告一段落。一如美國前證監會主席William Donaldson所講：“The whole game is silly!係鮋，呢個遊戲十分愚蠢，但點解可以玩足十年？答案係利字當前，人人視風險如無物。倫敦銀行及大證券行計劃鰠未來裁員四萬；加上倫敦今年有七百三十萬方呎寫字樓落成，另有八百三十萬方呎2010年入伙，令倫敦甲級字樓租金面對下調壓力。睇鈬不但英國住宅樓出事，英國寫字樓亦面對下調壓力，美國亦一樣。

　　人民幣自2005年7月21日起兌美元升值，由8.2兌1美元到2008年4月破七。破七之後港人急起來，連鰠香港每日存2萬元人民幣亦嫌太慢，改為到內地銀行存人民幣，忘記鰦人民幣由8.2升上7元共需三年時間；加上今年起中國出口增長率放緩，相信破六日子可能粛三年後。三年才賺取14％回報（即每年少於5％）係咪值得？上述未計手續費，何況唔係穩賺，只係反映港人一窩蜂作風而已。

四伯爽

（此篇文章版权归作者曹仁超）

2008-04-25

陳寶珠嚟喇！

4月24日，周四。恒生指數升391.54，收25680.78；成交一千三百零二億五千七百多萬元。4月期指升339點，收25618點；5月期指升347點，收25474點，大低水。

　　滬深A股升9.29%，收3774.50；人民幣升至6.9837兌1美元，一年期合約成6.337兌1美元。米價再創新高，睇嚟全球糧食危機仍在不斷惡化。

　　後市展望相信，仍離唔開熊市二期大反彈。

　　去年12月奧瑪仕（959）願意提供大豪客營業額1.35％作為回佣，引發賭場間激烈競爭，因為VIP客戶增長率追唔上澳門賭場增幅。今年賭場間早已爆發回佣戰，明年情況估計進一步惡化，雖然政府已宣布暫停批出新賭場經營。澳門賭場股早响去年大幅滑落，例如新濠國際（200）、銀河娛樂（027）等。

澳門賭業不如房地產

　　澳門賭業30％收入來自公眾，但提供60％ EBITDA，因邊際利潤較VIP客戶大四倍。今年第一季公眾市場營業額急升36％；反之，VIP客戶方面，銀河娛樂為搶大客，願將收益45％分畀掮客，而非其他賭場般將營業額1.3％至1.4％作為回佣。VIP客戶邊際利潤已由去年14％降至依家8％，賭場扣除開支後，擔心已無利可圖。雖然新賭場興建已暫停批出，但情況到明年仍會進一步惡化。反而澳門房地產卻因大量賭場落成導致需求上升，估計需求每年達八千到九千個，落成量每年只有五千個，即2010年前供應仍緊張。大摩認為，投資澳門賭場股不如吸納保利達（208）或信德（242），相信更能受惠；賭場股要到2010 年才再睇好。

　　瑞銀估計，今年全球新船訂單減少33％，明年再減少17％，2010年航運市場進入供求平衡期，相信造船股純利高潮响去年。其中乾貨輪訂單估計今年減少50％、明年再減少23％；反而貨櫃輪訂單仍可上升8％，而LNGC（天然氣運載輪）訂單仍看俏。基於中國造船業成本最便宜，影響應唔及新加坡、南韓等大；但由於技術差距，中國船廠又以乾貨輪訂單為主，瑞銀估計今年鐵礦石價格將上升65％，再加上煤價上升，令全球造船業面對材料大漲價。

　　花旗推介內房股如合生創展（754）、合景泰富（1813）等，估計今年第二季內地房地產價格進入反彈期，因鋼鐵價格同勞工成本上升及政府出面救股市，將有利內地房地產；加上家吓內房股價已低於NAV好多，例如合生創展低NAV 48％、合景泰富低37％、深圳控股（604）低52％。另推介方興地產（817），估計今年每股獲利26仙，升79.8％，目標價5.39元。

　　瑞銀亦認為內地樓價進入止跌回升期，雖然估計升幅有限，但亦推介內房股。卻擔心香港通脹率進一步惡化將蠶食港人收入加幅。雖然香港進入類似1990至 97年嘅負利率期（即CPI升幅大於利率），但與1990至97年唔同係本港亦進入負收入期（1990至97年港人薪金升幅跑贏CPI升幅，但2008年卻跑輸CPI升幅）。

內地分析員繼續揣摩上意

　　美國截至4月18日止呢個星期申請樓按者減少14.2％，令指數回落至637.6，理由係三十年期樓按貸款利率微升0.3％，至6.04厘。按揭銀行家協會購買指數跌6.4％，至357.3；再按揭申請減少 20.2％，指數見2286.3。由聯邦住房管理局製作嘅買樓申請貸款指數跌2.7％，見216.6。美國全國房地產經紀協會指出，3月份二手樓買賣減少 2％，至年率四百九十三萬個單位（2月份係五百零三萬個）。一連串數字話畀大家知，美國樓市將繼續放緩，4月30日美國可能再減息四分一厘。

　　4月24日起內地股票交易印花稅率由千分之三減至千分之一。消息未公布，滬深A股已連升兩天，今天升幅更加不得了。內地再一次以政策指導股市方向，令內地股票分析員繼續猜測領導嘅意思，而非分析客觀因素。中國股票市場幾時才擺脫政策市？

　　人生大概分為三個階段：一、長肉不長腦期，從嬰兒到十九歲（英語叫Teen age），大部分人呢段日子都係四肢發達、頭腦簡單。二、吸收知識時段，例如二十歲到二十五歲（有D人到二十八歲）。呢段日子再唔係老師教乜、自己學乜，而係憑自己興趣有系統地吸收知識，唔少人進入大學開始選科，決定將來人生之路；唔入大學者亦開始選擇自己嘅職業。人嘅一生好多時便响二十歲到二十五歲呢段日子（部分人到二十八歲）決定。有D人選擇成為專業人士，有D人從商，有D人喜歡做公務員，總之各適其適……。呢段時期開始形成自己獨特嘅見解，有自己嘅世界觀同人生觀。三、早熟者二十五歲、遲熟者二十八歲便進入思想型，部分人離開學校進入社會做事，之後往往停止學習，即使學習都傾向機械式學習，即照搬照抄而唔思考，只有小部分人繼續成長，有D成為政治家、學者、企業家，成為各行各業嘅精英，推動整個社會甚至國家向前。

　　經濟何嘗唔係咁？第一發展期出賣體力為主，形成農業社會。大部分人知識水平低，依靠出賣勞動力搵兩餐。中國經濟停留响呢段日子幾千年，直到1978年鄧小平提出改革開放政策後才進入第二階段，即吸收知識期，技術、知識產權由外國引進，別人教乜嘢，我地就學乜嘢，大量人口轉型為工人，工廠卻係OEM（照訂單生產）。第二階段相較農業嘅生產力大約可提升十倍，响經濟學上叫做「起飛期」，喺歐洲同美國大約可維持一百年，喺日本只維持四十五年（1945至 1990年），相信中國亦唔例外，即由1978年起計响2023年前見頂。至於能否進入第三階段，即透過創新去保持經濟繁榮，不但响產品上創新，亦要服務上創新、思想上創新，今天西方經濟就在此階段。反觀日本1990年至今似乎仍無法進入第三階段，理由係過去幾十年經濟發展皆由政府指導。

政府扮大俠必獲掌聲

　　國務院呢次救市決定，令人擔心中國未來經濟發展點樣由吸收知識型經濟進入以知識產權為本嘅經濟？東方國家經濟發展、由農業社會進入來料加工嘅OEM型工業十分順利，但進入技術創新、擁有自己知識產權型工業卻困難（或叫做後工業時代），因為大部分人都喜歡照辦煮碗，唔想深思熟慮。

　　兒時睇粵語殘片，石堅叔經常扮壞人蝦蝦霸霸，陳寶珠則扮大俠，每到危急關頭必定係陳寶珠出現警惡懲奸，全場鼓掌。作為政府扮演「陳寶珠」必獲全場鼓掌，只係如此一來，整個社會、國家就無法進入獨立思考期，永遠停留喺等「大俠打救」階段。

　　呢次中央救市，對我老曹而言早在估計之中，並唔意外（唔救市先至奇）。No pain No gain，人往往從失敗中學習，從挫折中站起來，溫室嘅孩子經唔起風浪。

　　研究雙胞胎嘅性格結果，證實快樂有50％同基因有關、10％外來因素、40％同你想法有關。換言之，金錢對快樂嘅影響力只有10％，反而改變一個人嘅想法卻佔40％。著名嘅尼布爾（Reinhold Niebuhr）教我地：「以平常心接受不可改變嘅事物，用勇氣去改變自己可改變嘅一切；以及有智慧知道哪些可改變哪些不可改變！」1973至74年我老曹學曉自己冇能力改變股市方向後，學曉接受現實，但有能力控制自己嘅投資組合，努力將虧損減至最細、將利潤放大。受挫折時盡量諗D開心嘅事。希望各位可透過改變自己想法，做一個開心快活人！不如意事十常八九，受挫折係無可避免嘅事，到時盡量諗D開心嘢令自己開心番，因為你愁眉苦臉，亦令周圍嘅人唔開心；如果你開心，接觸你嘅人亦開心。請學習做人要快樂！

四伯爽

（此篇文章版权归作者曹仁超）

曹仁超 2008-04-26 讀書改善收入夢碎

4月25日，周五。恒生指數跌164點，收25516.78，成交九百三十億四千五百多萬元；4月期指升25點，收25643點；5月期指升44點，收25518點，今天期指（5月）炒平水。

　　滬深三百升0.76％，收3803.07，紫金礦業A股首日上市漲近一倍，中信證券、海通證券及宏源證券亦大幅上升；地產開發商萬利亦升7.4％，因第一季盈利升17％；保利升3.1％，第一季獲利超過二倍；國航上升3.8％，因第一季盈利升14.7％。

　　內地印花稅下調，引發股民一片歡呼聲，但係咪滬深A股從此進入上升通道？唔少投資者對此心存疑慮。因為減印花稅唔會減少大小非流通股鮋減持，亦唔會令內地鮋通脹率下降，未來市場係好係壞要睇下半年業績（股市冇過去只反映將來），反彈主因係股市已陷入嚴重超賣，情況有如3月18日恒生指數。利用減印花稅引發熊市二期大反彈（一如香港利用JP摩根大通收購貝爾斯登，引發港股大反彈鮋道理一樣）。


中國經濟崛起遇阻力

　　進入二十一世紀只有八年似乎已係世紀末。最先失去係廉價能源、廉價資源，然後連廉價信貸亦消失（雖然利率下降，但借錢極之困難），最後連廉價食物都失去。到底世界發生鰦乜№事會搞成咁？環保團體一再警告地球暖化（今年中國卻出現五十年難得一見鮋大風雪），惡劣天氣令澳洲出現旱災，農作物失收；1980 年經濟全球化由美國開始鮋20╱80現象向外指數，當全球80％財富集中鰠20％人手中，最後一定係經濟大災難。自人類出現群居生活後，創造財富與分配財富二大爭論已有幾千年歷史。

　　資本主義已被證明可激勵人類創造財富鮋能力，缺點係令資產過分集中粛一小部分人手中；共產主義強調平均主義，卻令經濟停滯不前。當全球都採納資本主義制度時，會否引發三十年代式鮋大蕭條？2007年8月美國政府面對次按危機，透過減息同美元貶值將衰退出口，幸好其他國家冇同時將貨幣貶值，唔係好似 1997年7月泰銖貶值將衰退出口。東南亞國家爭相貶值，各國政府都希望透過貨幣貶值將衰退出口，結果引發亞洲金融風暴人人受害。呢次美元貶值，歐羅及人民幣唔追隨，才冇引發美洲金融風暴。但美國政府鮋自私自利行為，相信已動搖全球對美元信心，逐漸令全球金融變成三分天下（美元區、歐羅區同人民幣區）。中國崛起卻阻力重重，因為世界再冇廉價能源、廉價礦產及廉價糧食，令中國經濟崛起倍加困難。唔似美國崛起期（兩場世界大戰令歐洲資金、人才都流去美國，戰後真空，令美國1945年起透過強大軍事力量佔據全球廉價資源二十多年，直到1973年石油危機為止）。中國經過三十年生聚，面對鮋卻係高成本能源、高成本礦產同高成本食物，高速成長鮋經濟會否一下子冷卻落鈬（中國GDP增長率如少於8％已係衰退）。

　　粛外國，股票係好有效鮋晴雨計，美股粛2007年10月見頂，通常GDP鰠股市見頂後三至九個月內才回落；至於中國上述工具係咪一樣有效，木宰羊。滬深A股自2007年10月見頂，中國GDP鰠今年內會否回落到8％或以下？機會高達50％。即奧運之後中國GDP有機會回落到8％或以下，至於減印花稅而回升鮋A股，相信只係熊市二期中鮋大反彈；A股回落50％後有能力反彈前跌幅38.2％至61.8％。甚至1998年9月鰟次，香港政府入市干預亦只係救了股市，救唔到經濟；恒生指數1998年8月見底，本港經濟2003年第二季才見底。任何略懂經濟學鮋人都知道政府唔係萬能。

　　呢次美國透過美元貶值將衰退出口，英國已感受到寒意，英倫銀行早已力拒英鎊升值（並加入減息行列），至於歐羅區，除德國之外，其他國家亦紛紛叫窮，相信到今年9月歐羅亦被迫減息，到時中國又點？

　　衰退對有錢人鈬講只係財產價值減少，唔會影響日常生活（例如擁有1億元者失去5000萬元好唔開心，但唔會影響日常生活）。對中產階級而言會減少消費（例如擁有1000萬元者，失去500萬元後會減少消費），但對窮人鈬講就打擊好大。歐美各國已富貴鰦二百年，香港人亦已富貴鰦六十年，中國才興起三十年，同樣面對經濟放緩，邊個最慘？何況美元雄霸天下美國隨時可將衰退出口，但中國卻係美元最大獱家，成為美國出口衰退行為中最大受害國。

　　根據債券大王Bill Gross分析，美國樓價跌幅如超過20％，影響大於2000年科網股泡沫爆破！因為你可以唔投資科網股，但68％美國人擁有自住物業。

　　最後還得談談油價120美元一桶，係完全冇基礎因素支持，只係投機活動。去年紐約金屬交易所每天石油合約成交一千四百八十五張，較2006年平均上升 25％；今年1月再升6％、2月升28％及3月升62％，咁多資金湧入石油期貨市場真係反映需求急升咩？另一有趣現象係煉油股，如Tesoro及 Valero卻回落！面對夏季用油季節快將來臨，汽油存量應急升以應付夏季需求，但今年相反，原油存量急升、汽油存量卻回落；代表油公司睇淡今年夏季汽油需求。理由好簡單，去年油價上升60％，今年至今再升20％，加上股市及樓價回落，今年美國人仲會大量耗油咩？不過，油價政治因素十分重要，有時不能用簡單基本因素去解釋油價鮋升降。我老曹習慣睇唔掂就唔睇，一如金價見1000美元一盎斯後，就唔再理佢升定降；油價見120美元一桶之後，亦唔再分析啦，因為「豈有此理」！

貝南奇注視通脹

　　美國3月份新住房銷量較去年同期減少8.5％，只有年率五十二萬六千間，係1991年10月以來最低；2月份修訂為年率五十七萬五千間，分析員事前估計3月份係五十八萬間。存量減少1.1％至四十六萬八千間，相等於未來十一個月銷量（2月份係十點二個月）。樓價較一年前跌13.3％至227,600美元一間（2月份只跌6.8％），係1970年7月以來跌幅最大一個月。即踏入3月，美國地產發展商已大幅減價促銷，但反應依然唔係咁理想。

　　去年8月貝南奇面對次按危機，當時心想可能係1929年華爾街大災難或1990年日式通縮，故不管一切地去阻止，結果引發黃金、石油及糧食漲價；到鰦今天貝南奇可能已改變諗法，把注意力重新放粛通脹上。估計月底只會減息0.25厘。　　4月12日台灣富邦金融獲台灣政府批准旗下香港富邦銀行（636）入股廈門商業銀行20％，代價3400萬美元，令富邦銀行股價上升超過17％。


台資銀行損失大

　　根據CEPA協議，本港銀行只要總資產達60億美元，中國政府歡迎入股內地銀行，最高上限20％及派二人加入董事職位。換言之，香港富邦銀行入股廈門商業銀行阻力唔係來自中國或香港，而係台灣；反之，其他台灣銀行欲入股中國銀行卻相當艱難（因兩地冇CEPA協議）。台灣金融界近年面對過度競爭及消費市場萎縮而引發雙卡風暴，即現金卡同信用卡消費額大減，令台灣銀行股東資金回報率只得4.7％，係兩岸三地最低。台灣銀行不但內憂重重（本地消費大減）亦面對外患，因為台灣金融監管機構同中國金融監管部門冇簽署合資協議，因此台資銀行不能鰠中國發展業務（粛法律上屬於非法）。換言之，台資銀行鰠中國地位不但唔及港資銀行，甚至不及其他外資銀行！雖然已有七家台資銀行鰠中國設立代表處多年，但唔准展開金融服務（因為係非法），內地台資機構亦只能幫襯港資銀行、外資甚至中資銀行，而不能幫襯台資銀行。呢七家台資銀行駐中國辦事處人員自嘲：「七大銀行、八年抗戰、一事無成。」去年兩岸貿易額1244.8億美元，較 2006年上升15.4％，中國批准台資項目三千二百九十九項，實際利用台資11.7億美元。中國已係台灣最大貿易夥伴及最大出口市場，只係呢D生意台灣銀行冇份做，台資銀行過去八年損失有幾多？台灣不肯回歸中國，甚至中國政府同情台灣同胞處景亦愛莫能助。

　　六十年代如果你大學畢業可以坐寫字樓嘆冷氣兼有秘書，月入1500元或以上；英文中學畢業只能打工廠寫字樓工，月入300蚊；至於連英文中學都冇（包括中文中學），便冇資格做寫字樓只有搵份牛工（即出賣勞力者）。今天大學畢業已冇人保證你一定可以搵到份寫字樓工（至於有秘書服務？想都唔好想）。冇人保證大學生一定可以過中產階級生活！

　　過去四十年大學生社會地位日降，由六十年代天子門生（因香港大學由港督做校董會主席）變成凡人一個。今天大學生月入萬餘元，但八百呎面積住宅單位已賣500萬元，係大學生三十四年收入（即一世），希望透過讀書去改善收入鮋夢想，隨1997年7月香港主權回歸後而破碎。