【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——嫩芽未長 野草蔓生
2009年6月1日

美股上周五又彈升，因為商品、能源和金融股炒經濟復甦上升，杜指升96點，升上8500點收場，升幅1.2%，全日高位8522點，仍未升破5月20日的 8591點高位，5月杜指已經有三個波上升，但都到高位就回頭，令美股走勢圖出現三個上升小山形成一個「小平頭」走勢，又要睇纒今次有無可能上穿高位啦。

整個5月杜指升了4%，標普500指數更升了5.3%，其他好多資產都升，例如追蹤19種商品的路透CRB指數（Reuters CRB index）在5月就大升13.8%，是35年以來最好的一個月份，原油價格就是10年最好的月份，升了30%至66.31美元。美元因憂慮美國被調低評級而急跌，反映美元兌6隻主要貨幣匯價的美元指數5月就跌了6.5%，是25年以來最差。美元和美國國債下跌的危險未除，但上周末段略有紓緩，上周五10 年期美國國債債價回升，令孳息率跌番落3.47厘的水平，比上周高峰時的3.7厘已見回調。

小心有毒長春藤

Sell in May（5月沽貨）的傳統智慧今年唔多掂，特別在香港更加唔掂，因為港股走勢更跑贏美股，恒指上周五升完又升，突破18000點大關，收報18171點，5月升了17%，亦係35年升幅最勁的5月。

股市感覺良好，美國已冒出不少「經濟有復甦嫩芽」（Green shoots）的理論，開始愈來愈多交易員相信，不過仍然有人唱反調，例如UBS的交易主管Art Cashin就話，佢睇實美元和美債市場，雖然好多人期望美國聯儲局會增購國債，但Art Cashin估計呢個星期國債市場會大幅波動，佢睇住每一個重要數據，留意到上周五公佈的芝加哥採購經理指數令人意外地失望，「我恐怕部份所謂嫩芽，甚實係有毒的長春藤。」

債券大王勸人保守鱓

美元和美債走勢是關注焦點，有債券大王之稱的太平洋投資管理公司（PIMCO）創辦人格羅斯（Bill Gross）近期唔太睇好美元和美國國債，估計美國最終都被調低評級，佢對經濟前景的評論亦相當審慎，話美國明年失業率將在7%至8%的高位，未來幾年經濟每年只會微增1%至2%，杜指不會重上14000點，股票投資達雙位數字回報率的年代已經過去。

格羅斯對美國中期前景睇得較淡，建議投資者購入有強健資產負債表及不作槓桿借貸的公司股票，例如可口可樂和寶潔，用來收息，言下之意等如在香港叫人買公用股收息，唔好期望股價上升有回報。

格羅斯向來有「跟覑政府走」的理論，認為跟覑政府的政策方向投資，一定無衰，但上述的建議，和政府的行動方向背道而馳，似乎有違他過去的理論，因為聯儲局已擺明車馬炮話會買國債，跟住政府走應該叫人跟風買國債，美國政府擺明大灑金錢幾萬億推出來救市，資金氾濫利息低股票應該升，跟住政府走應該走去買股票，特別係高借貸槓桿的股票。

今次政府派錢格羅斯都唔敢去接，主要係怕美元唔掂匯價會大插，國債孳息率急升本來已推高市場利息，美國聯儲局亦唯有加息救美元，咁借得錢多的公司就大鑊啦。

除了美國印鈔和發債太多令美元有潛在風險，今次金融海嘯的源頭美國樓市也未見穩定，股神巴菲特旗下地產部門主管索哥爾（David Sokol）話，美國樓市離真正復甦尚有距離，「我們並未看到樓市有任何復甦的嫩芽，也未見情況有何改善。」

美國樓市仍未見底

佢話雖然官方數據話美國市場待售房屋存貨要10至12個月就能消化，但他相信實際數字比官方數字多兩倍，因為好多想賣樓人士見樓市低迷，暫時不把自己的房子拿出來放售，令數字被低估。近期美國樓按利率回升，美國30年按揭利率升上3個月來的高位4.91厘，比對上一個星期升了0.9厘，顯示供樓者負擔正在增加。而美國樓市的斷供收樓情況並未穩定下來，今年首季樓按違約率增至9.1%，遠比由去年第4季的7.9%高，也顯示隨覑失業率上升，銀行收緊信用卡借貸，業主無力供樓的情況仍在惡化中。

索哥爾認為，美國樓市未見底，可能要到2011年中期，市場才找到一個平衡點，令待售房屋回復到清貨期少於6個月的正常水平。

美國樓市、債市和美元都企唔定，又難怪格羅斯等大投資者唔敢睇好，因為今次風暴的源起是美國樓市大跌、令金融機機手持和樓市有關的金融資產大貶值觸發，樓市未企定，金融機構的資產還要貶值，風暴難免持續。

大投資家睇得比較淡，唔等如股市馬上要跌，中環茶友話，呢鱓市叫做「嫩芽未長，野草蔓生」，股市唔係升基本因素，係炒反彈和供求，早前美股沽空者多加上基金持貨少，美國大市反彈就夾住補倉盤上，而亞洲市再加上資金流入的因素，所以升得比美股勁。里昂在其「貪焚與恐懼」的報告中，就話呢鱓資金市，可以升到夏季。好多人亦以純技術理由睇好，花旗的美股策略師利高域（Tobias Levkovich）相信，目前美股升勢可以延續，直至回落前，可以再升多10到15%。從投資氣氛的指標看，投資者從非常恐懼到懷疑，如今仍然抱懷疑態度，未到對後市看好的地步，所以毋須擔心。個市升起上鈬，當然有可能升過龍。

我就有另一個技術理由認為升市會再走一段。恒指呢浪上來，究竟邊個贏錢？主要係部份看好的美資在期指市場贏錢，再加一批內地資金在國企市場喪炒搵到食。有人贏當然有人輸，傳聞話有華資富豪在13000點左右開始沽期指，升上去再追沽，如今升到18000點，補倉補到氣咳，但係仍然頂住未走。

記住一個炒字

期指係一個對賭市場，假設呢個富豪輸緊1萬張期指淡倉，就有對手贏緊1萬張期指好倉，咁大個倉位唔係咁易平，夾硬平倉會輸番唔少點數出街。所以坐住好倉的大戶會推高大市，務求夾到做鰦淡倉的富豪平倉，或者令散戶愈來愈看好，入市接貨。現時大市好強勢，一級級推高，炒完礇控（005）股價及相關新聞炒國企，炒完國企炒地產，總之一個個板塊咁唱好，現時權重股只有中移動（941）股價及相關新聞較弱勢，所以升到中移動時，恐怕就近尾聲啦。

散戶面對這種市況，想入市只有一個「炒」字，唔好信大戶對股份的基本分析，例如話國泰航空（293）股價及相關新聞好正，值13個幾，連國泰高層自己都唔信，因為貨運本來已經唔得，人類豬流感又影響埋客運，近日連油價都升埋，搞到佢懐好頭痛，偏偏就有大行話佢懐抵買，當事人都啼笑皆非。但你唔好唔信，大行唱好後國泰股價真係升鰦，由上月中低位10元，到上周五升到10.86元，你唔信佢就升俾你睇，所以唔係話佢無機會上 13個幾，而係話佢要上都只係炒上，無乜基本因素支持。又例如航運股，佢懐鱓老總叫苦連天，歐美需求大跌，亞洲好多國家今年首季出口跌20幾個%，加上 2009年、2010年是新船落水高峰期，需求弱加上供應大增，運費向下，鱓老總話航運業要衰4、5年，點知就因為航運股股價落後就喪炒。

股市脫離基本因素，會升到你唔信先至收場，唔好假設佢明天就大插，天天走去做淡倉，咁樣好易輸到面青，等你輸到投降相信個市會轉好鰟日，先係個市回落之時。不如順勢炒纒，跟住大行報告短炒，啄幾啄執鱓錢都得，只要你唔好信晒佢懐的基本因素分析，嚴守10%止蝕，到位就認輸走人，咁炒法就唔死得人啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

剝削（４）
       
2009/6/1 上午 09:57:08
網誌分類: 經濟

數據顯示美國消費者對經濟復甦的樂觀情緒增強，杜指上周五大部份時間都在上日收市水平徘徊，到最後的半小時，在商品價格大漲帶動下，資源股上揚，推動杜指急抽上逾120點，尾市略為回順。

杜指收市報8500點，升97點或1.2%，全日波幅只有154點；標普500收報919點，升12點或1.4%；納指漲22點或1.3%，報1774點。紐約證成所交投暢旺，成交升至18.6億股。杜指期貨最新報8480點，比現貨低水20點。美股5月份表現不俗，杜指上漲4.1%，標普500指數升5.3%，已經係連續第三個月上升，納指上揚3.3%。

美元弱勢，通縮危機隱現，油價和黃金價格皆升。美國紐約原油上周五，首次突破每桶66美元大關，大漲1.23美元或1.8%,至66.31美元，自去年11月以來新高。美元下滑帶動其他商品價格上揚，8月期金高見982美元，為2月底來最高，今次有機會升破1000美元再創新高。

匯控美國預托證券造好，突破70元關口，收報70.48元，比香港收市價高2.9%；中移動收報76.29元，比香港收市價高0.8%。而ADR港比指數報18535點，比香港收高364點。

上周五我講到香港人與其求人救，不如自救，方法有三，第一是調整自己對生活要求，第二是北上求發展，第三是在投資和子女教育上下工夫。今日想再引申發揮一下。

香港彈丸之地，搞到今日咁發，人均產值30000萬美元以上，和英國這些資本主義大國叮噹馬頭，其實都應該好滿足啦，我記得在90年代初，英國未好番香港發力上時，有一年香港人均產值升到25000美元，英國只得23000美元，我真係有點大開眼界之感，點解一個殖民地可以有錢過殖民主呢?

不過香港咁發，慢慢就走上高原地帶，想再進一大步，唔係咁易。個個地方情況不同，例如加拿大，面積大過美國，人口只有3321萬人，每平方公里面積只有3.3個人，但有豐富石油等天然資源，只要油價不斷向上，加拿大人均產值上升非常容易，去年油價高峰時，加拿大卡加利一個普通石油工人年薪70幾萬美元，由於非常艱苦，所以都唔係咁易請人，所以在人口少自然資產豐富的國家，經濟發展的任務就輕鬆啲，但亦因為人口少，你去做生意會幾困難，就是所謂「搵食容易發達難」。

另一個極端係日本，佢係一個好細的島國，但人口卻有1.27億人，每平方公里面積有367個人，係加拿大10倍以上，佢係僅次於美國的世界第二大經濟體，人均產值40000萬美元，咁細個國家，資源和土地緊缺，咁發達的經濟，想再進一步，真係極度困難，佢和美國唔同，美國有強大軍實力支撐，可以大力發展國防工業、以及要靠保護智識產權的軟件業、藥業，這些行業利潤極深，高壟斷性，不容你仿冒。日本無強大軍力支撐工業，最強勁的汽車工業和消費品輕工業，都係可以仿效的行業，面對新興國家如中國的嚴峻挑戰。

日本進入超高原經濟，已經寸步難行，甚至開始向後行。人人都話東京啲嘢貴，我去到覺得開始唔貴，有人用麥當勞巨無霸比較各地物價，我用吉野家牛肉飯來比，發覺在東京核心區的牛肉飯也是20幾元港紙一碗，甚至比香港賣的略平，有做生意的朋友講，東京的舖租開始平過香港。唔係嘢愈貴愈好，但係物價平意味通縮開始，這是一個拉都拉唔住的向下循環。

日本為什麼有這麼多宅男，這是個人自我期望和實際發展出現落差的產品，個個日本父母都望子成龍(佢地對女兒無大要求)，希望兒子讀名牌大學，出來做最大最好的公司，在那間大公司內平步青雲，但結果大部份人做唔到，而日本經濟日差，大企業都裁員，好工愈來愈少。後生仔的表現和父母和自己的期望差距好大，結果就決定隱蔽在家做宅男，成日關埋房門玩電腦，半夜才出街，完全由阿爸阿媽養，據估計日本的宅男有400、500萬咁多。

東方人、特別是日本人心態非常進取，接受唔到「無成就」呢個現實，頂唔順就只有避世一途。經濟發展唔到，社會機會減少，若用舊心態去看待，就會覺得自己或自己的仔女好失敗。但西方文化較樂天知命，一個建築工人、汽車工人只要有份工，佢地已經好happy，放工去酒吧吹吓水又一day，較習慣無咁刺激之生活，對呆滯的經濟現狀較易適應。

所以當你身處地區的經濟放慢了，你又不是很上進要去冒險博命之人，就要調整一下自己心態，學吓菲賓律人的名句「Don’t worry, be happy」(開心啲，咪擔心)，可能會好過啲。馬克思在《德意志意識型態》講到理想世界，「早晨打獵，下午釣魚，夜晚飼養家畜，晚飯之後討論時事，就像我這個從未當過獵人、漁夫、牧羊人和評論家的人所想像那樣。」如果你提早退休，攞咗一筆，除了在香港不能養雞之之外，不難達到馬克思這個理想世界，只要唔好要求太高就得啦。

無論如何，唔好太執著，千祈唔好搞到自己日日唔開心，逼到個仔變宅男呀。東京的今天，好可能是香港的明天，大家要預備適應。

陸羽仁

http://www.hkheadline.com/blog/r ... rd=&searchtype=

Mr.Business

2009/6/2 上午 10:56:37  

陸羽仁覆網友

Twohitsix:我諗如果對抗有效，我都會同意搞對抗，我主要覺得對抗無效，我恐怕上一代40幾、50歲身在高位，下一代唔對抗，佢地都好可能被淘汰。香港係彈丸之地，係一個小島，唔係大陸，在一個小島搞對抗都無乜大錢好分，我們要有外向型眼光睇世界，睇住外面(或外面相關)的機會。

咩子:我對香港樓市看法無變，調整未夠，又被資金市沖咗上去。樓市更受本地經濟影響，經濟唔旺，樓市好難大升，唔跌都只會呆呆地。

GNIW:想番國內都要諗自己有乜賣點，你有美國經驗就係一個賣點，考多幾個牌更好。通用汽車昨日如坐過山車，最後無乜起跌，若論短炒，應該有得炒吓，因為重組方案一定下來，好多人會炒無事，而且通用的沽空盤必多，若抽升有補倉壓力，不過這是純炒玩意，只宜小注，勿賭身家。

Billy投資達人:資金市的確升到你唔信的地步，自處的方法好簡單，若手痕這種市最好投機，搵一部份錢(唔好瞓身)，順勢而炒，升乜炒乜，一到止蝕就打靶，食幾成又換馬，坐吓順風車，但要緊記自己在炒股，唔好信基本因素分析去睇好，股市升得急回吐亦急。

Minimonster:香港散戶想買A股，如果不是到深圳開戶，最直接方法是買A股指數基金如2823或2827，2823大一點，成交活躍一些，但若以指數計2827較有代表性。而2828係H股基金，跟H股唔跟A股，當然若兩地走勢同步時就無所謂，佢去年全年合共派咗2.1元股息。

EricLo:除咗係少數專業行業，否則一畢業即北上無優勢，宜先在本地找工，最好有外資機構工作經驗，在內地會比較吃香一點。其他問題會在之後網誌詳述。

潘記:日本經濟愈來愈慢，「窮忙族」就愈來愈多啦。

Mr.Business

注：此篇文章版权归香港頭條網所有。

升市的遺憾
2009年6月2日

這一波大升浪中，內房股是表現最強的。最近，連內房股的龍頭中國海外發展（688）股價及相關新聞和華潤置地（1109）股價及相關新聞都創新高。這兩隻股票我一直沒有買過，因為一直都覺得太貴。即使在去年跌得最恐怖的時候，他們的股價都沒有跌穿帳目上的每股資產淨值。此刻的中國海外和華潤置地更加貴，股價竟比大行估計出來的每股資產淨值還要高，所以我更加找不到買入的理由。

　　去年底寫過一篇叫「不倒閉便發達基金」，推薦的是合生創展（754）股價及相關新聞，它是大型內房股中Victoria最喜歡的，因為估值最便宜，單是帳目上的每股資產淨值，已經是十三元了。無奈早幾個月合生不斷傳出一些驚人的負面消息，比如主席被傳與黃光裕事件有關，又傳被內地公安部門限制出境等等。那時間大市氣氛不好，再加上股價波動相當大。在股價上上落落的情況下，我的持貨也逐少逐少地被市場引了出去。然後便到了業績公佈期，Victoria便把精力放在公佈業績的股票上，完全忽略了
合生創展。昨天的合生創展，它竟然上了二十大升幅股票之上，升了足足百分之二十。再看回最近的十三個交易日，它竟然升了百分之七十五有多。

　　Victoria愈回想便愈覺得那時候像一個局一樣，壞消息滿天飛，但是投資者又得不到確認，只好以超低價沽出，減少自己的憂慮。當時驚慌的程度去到有讀者電郵我，說要連低位買入的債券都沽了。當股票的街貨開始逐漸被收乾後，炒家便等待市場氣氛好轉，一步一步地炒高股價。當股價愈來愈高時，而市場氣氛又好轉了，大家便會逐漸忘記了之前那些負面消息，重新用一個基本分析的角度去看它的股價。

　　昨天更有大行出報告，把合生創展的目標價上調近二點五倍至二十一元三角七仙。看覑心儀的股票狂升，自己又沒有貨，這感覺真是有點難受。沒有成功於合生身上賺到了大錢可以算是這次升市的一大遺憾。

　　王雅媛（Victoria）

　　王雅媛為持牌人士，並沒有持有以上股票

http://www.hkheadline.com/finance/news_detail.asp?id=79536

Mr.Business

注：此篇文章版权归香港頭條網所有。

金融High Tea——中美資金打到鈬
2009年6月2日

美國商務部上周公佈第一季國內生產總值，由原先的收縮6.1%向上修訂至收縮5.7%，美國供應管理協會公布5月芝加哥採購經理指數大跌至34.9，遠比預期上升至42為差，經濟數據可以講係好唔靚仔，但消費信心指數上升至去年9月以來最高水平，顯示消費者對經濟復甦的樂觀情緒增強，加上源油及商品價格上升，美股上周五造好，礇控（005）股價及相關新聞和中移動（941）股價及相關新聞美國預託證券收高，大笨象更升穿70元心理關口。內地股市端午節長假期後勁升，恒指跟隨造好，延續上兩日升勢，高開329點，之後反覆向上，逼近全日高位收市。

恒指收報18888點，大升717點，恒指已經連升三天，升幅接近1900點。期指收報18690點，升540點，比現貨低水198點，成交79251 張。國內股市大漲，國企指數大漲509點，收報10937點。外資持續流入，大市成交衝破千億大關，急升至1003億元。

資產炒上 經濟呆企

港股昨午回升，部份係因為杜指期貨造好，上升過百點，原因或者係福特汽車重組快將成事，被視為經濟進一步轉穩的訊號。

重磅股礇控和中移動承接美國預託證券升勢，帶領大市造好，礇控收市報70.8元，上升3.4%，跑輸大市。本地銀行除恒生（011）股價及相關新聞 逆市倒跌0.5%外，其他都造好，中銀香港（2388）股價及相關新聞升7%、東亞（023）股價及相關新聞升6%、渣打（2888）股價及相關新聞升3.5%、宏利金融（945）股價及相關新聞升5%。

中移動昨日一洗長期頹風，大漲6%，突破80元心理關口，收報80.3元。兩隻股份推高恒指逾225點。大市再上，好多藍籌股都破關，另外落後的國壽（2628）股價及相關新聞都回勇，扯番高些少。中環茶友話，現在資金市，無謂估頂沽空，但亦要小心不要太勇，因為隨時個市返轉頭，個勢可以好急，比較安全的做法，係用已入市的資金玩衝浪，見到邊類股份當炒就炒邊類。

實體經濟未好，股市樓市已經「魀魀懐」，礇控環球研究部最近有個報告，話美國同內地放寬銀根，加上其他地方中央銀行採取寬鬆措施，令到大量資金湧入香港，這個情況已令資產價格上升，但實體經濟受益就好溫和。

報告話，估計在今年餘下時間，美國聯儲局會維持寬鬆政策，資金市相信會維持一段時間，估計聯儲局透過量化寬鬆措施，資產負債表會在08年8月時暴增五倍，同一時間，內地貸款會以20%的速度增長，在大量游資湧入下，本港會出現好低的實質利率，結果令通脹出現，但熱錢對實體經濟影響有限，失業率有惡化可能，但在財富效應下，私人消費仲可以維持，由於營商環境未大幅改善，該行維持全年4.5%負增長的估計。茶友睇完報告後理解，係股市升但失業率無改善下，發達（炒賣）容易搵食艱難，會係今年經濟一大特色。

炒通脹黃金勝石油

究竟邊類股當炒呢？茶友話，以昨日鈬計，大路股就炒緊美元下跌的趨勢。美元上周五散鰦落鈬，主要係大家一方面驚美國猛印銀紙；一方面又見金融市場穩定下來，於是資金不再躲係美元避險，分別流入黃金、石油同商品市場，令到油價、金價上升，昨日石油股、金礦股都向好，中石油（857）股價及相關新聞及中石化（386）股價及相關新聞升6%及3%；期油升上每桶66美元，中海油（883）股價及相關新聞升9%、中信資源（1205）股價及相關新聞升13%，金礦股紫金（2899）股價及相關新聞升14%、招金（1818）股價及相關新聞升11%；其他資源股方面，江銅（358）股價及相關新聞升9%。

陸羽仁同一位商界大孖沙傾起通脹下點保值，他認為資金湧向商品，但黃金保值力應高石油一線，因為黃金係美元代替品，若然出現高通脹，市場又對美元失信心，黃金需求就會上升，以全球黃金存量相對財富，比例非常之低，只要有小量資金流入，足以令黃金企係900美元之上，加上利率偏低，持有黃金的成本下降，對金價同樣有利，所以盎司金價衝破1000美元後，或者會回一回，但會否跌番950美元樓下都好難講。

至於石油，雖然都有保值功能，但猛人認為，油價始終同經濟環境有關，若然全球經濟未好番，高油價不利復甦，所以油價升幅有機會慢一點。

股仔個別有得炒，半新股忠旺（1333）股價及相關新聞創上市新高，升9%；錦江（2006）股價及相關新聞增持食品附屬，股價升10%；佳訊（030）股價及相關新聞遭大股東配售，股價仍升11%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

通用之夢         

2009/6/2 上午 09:45:19
網誌分類: 經濟

美匯續跌，原油和商品價格齊升，出口相關股份造好，雖然通用汽車正式申請破產保護令，而花旗集團亦被剔出杜指成份股行列，但無礙美股升勢。杜指開市即抽升逾150點，之後升幅進一步擴大，在8700點水平橫行到收市。

杜指收市報8721點，大升221點或2.6%，全日最高8760點，最低8501點；標普500指數收報943點，漲24點或2.6%；納指升上1800點水平，升54點或3.1%，報1829點。紐約證券交易所成投普通，成交只有15億股。杜指期貨最新報8688點，比現貨低水33點。

美元疲弱，商品價格繼續上漲，原油價格升至每桶68.5美元，艾克森美孚和雪佛龍都升逾3.5%至71.76美元和69.21美元。銅價亦被推高5.5%至每磅2.319美元。全球最大的銅產品貿易公司弗里波特-麥克莫蘭銅金公司漲6.8%至58.12美元。而美國鋁業（Alcoa）上揚6.6%至9.83美元，成為升幅最大的杜指成份股。不過若論能源礦產，都算天然氣價升得最厲害，昨天升了10.8%。美元下跌亦利好出口相關股，市場估計它們的收入會增加，IBM升2%至108.37美元；波音飛機漲6.4%至47.7美元；Caterpillar上揚5.9%至37.55美元。

美股6月開了個好頭，兩大指數納指和標普500指數都已經係去年11月以來新高，杜指還未收復去年12月反彈時的高位，但亦已明顯突破了早前的「小平頭」走勢，破位向上。中國製造業數字增長持續和美國個人開支改善，都在支持經濟開始復甦的「嫩芽理論」，這些數字刺激了互惠基金入市，大市咁升法，做淡的對沖基金正在舉手投降。美國唯一的隱憂是市場不斷出售長年期債券，令金融股受壓，在昨日這種大升市中，金融股在日中亦開始下跌。無論如何，美股正在突破中，短期應會持續這種勢頭，交易員睇標普500指數的短期目標會由現在的943點升到1000點。

花旗集團將於下周被剔出杜指成份股，由之前為其營運保險業的子公司Traveler’s Companies取代。花旗集團逆市跌0.8%至3.69美元；摩根大通跌2.1%至36.11美元，美銀微挫0.5%至11.2美元。只有以消費為主導的美國運通升4.6%至25.99美元。

但在美國交易的港股跟唔到美股升勢，匯控美國預托證券收報70.46元，比香港收市價低0.5%；中移動收報80.82元，比香港收市價高0.6%。而ADR港比指數報18924點，比香港收高36點。高盛會賣工商銀行(01398)股價及相關新聞 股票可能影響了港股投資氣氛，高盛在美國市場上配售30.3億股工行，售價介乎4.8元至4.9元，比昨天工行收市價5.11元，有大約6%折讓。

曾經係世界最大汽車製造商達77年之久的通用汽車（GM），在連年虧損的情況下，昨日終於申請破產保護令。成為繼雷曼兄弟和長途電話服務公WorldCom之後，美國歷史中第三個最大的破產案例。現時，GM的資產共有823億美元，負債1728億美元。4月30日申請破產保護令的佳士拿汽車的資產有390億美元。

GM在申請第11章破產保護前，已獲得美國財政部198億美元的貸款，美國政府會再提供額外300億美元資助，而加拿大政府亦會向GM提供95億美元貸款。在重組之後，美國政府計畫把其向GM提供的合共500億美元貸款，轉換為走出破保後新公司的60%股權，變成國營企業，汽車工人退休保健基金佔17.5%股份，加拿大政府亦將持有新GM12%股權，而無擔保債券持有人則佔有10%股份，工會和債券持有人將獲購入更多新GM股權的認股證權。GM申請破產保護成為觸發信貸違約調期合約(CDS)合約行使的事件，沽出CDS合約者要作鉅額賠償，香港若有迷債和GM的債券掛鈎亦會中招。

GM重組後要節省開支，表示會於2011年前關閉17間廠房，這將導致2萬個職位的削減，GM在美國共有9.2萬員工。而由2007年12月經濟開始衰退起計，美國汽車業共減少了28.1萬個職位。此外，GM還會賣掉Hummer、Pontiac、 Saturn和Saab 等牌子，而衹保留Cadillac、 GMC、 Chevrolet及 and Buick等較為「健康」的品牌生產線。

過去很難想像GM這種美國巨企申請破產保護，就如擅長破產重組的律師Lynn Hiestand話，「幾年前如果你講好像通用這種美國標誌性企業申請破產保護，一定會被人笑。」想不到如今變成現實。

GM在1908 由 William “Billy” Durant創立，在60年初開始，已經雄據美國車壇，佔有一半美國汽車市場，但近年已被日本車廠打到體無原膚，2008年GM在全球只賣835萬部車，世界車壇一哥地位由豐田取代。重組後的GM每年要賣1000萬架車經營上才可以打和，這絕非容易的事。

好多人將GM的失敗歸究於其推車的方向和策略不善，例如豐田的省油車Corolla 以至中價車 Camry 都好好賣，但GM仲要推輕型貨車和Hummer。或者GM一二十年前還是輕視日本對手，不屑推對手同型的車仔，但近年的GM已泥足深陷，佢的死症是勞工福利太好成本太高，造車仔佢根本唔夠人平，唯有推Hummer這種巨車，唯有賣另類，但再踫上油價大升，本來好喜歡大車的美國人都被逼轉買日本細車，更加速了GM的死亡。

  　  重組前GM的每小時人工成本是70美元，日本車廠只是53美元，重組後是多少? 60幾美元?都係唔夠日本車爭，因為日本車廠也在大量裁員降低成本，而中國的汽車業每小時人工成本10美元都唔夠，日本車廠也面對競爭的問題，恐怕重組後的GM，還是在走一條漫長的死路。

        GM是一個教訓，它曾是一個美國夢，因為好多美國青年曾經夢想擁有一部通用車。它曾經風光過，但走過高原後就面臨衰敗，成本高的公司，成本高的地區，若不能轉型，賣一些人家願意付高溢價買的東西，最後只是死路一條，位高勢危呀老友。

陸羽仁

http://www.hkheadline.com/blog/r ... rd=&searchtype=

Mr.Business

2009/6/3 上午 10:31:43  

陸羽仁覆網友

Gigi:美國財長蓋特納剛在北京訪問，中投就買吓大摩股票，這是送禮行為，阿爺買黑石股票，也是前副總理吳儀訪問美國時買。

三心兩意: 你問「這個市是不是真的要升到個個覺得牛市開始，不沽空時才回頭呢?」我覺得就係啦，股市的炒作主戰場是期指，唔係有足夠人睇好，入市揸期指，外資大戶比較難平好倉反手造淡。

C9: 若美元和國債真係大插，金融世界會大亂，資金倒流入黃金及商品，通脹／或滯脹會急升，對本來已經疲弱的經濟係沉重打擊。你揸的渣打美元債券應該係公司債而唔係國債，會好少少，但因為係美元計價都受影響，不過香港等如美元區，港元跟美元走，唔會有匯價損失，但係在非美元區揸住這種債券的人會掟貨，以減匯兌虧損。

Kathleen：你問「我冇咩買貨不之餘仲要造左兩日淡俾人挾扁, 呢段升浪蝕錢添呀。陸sir：心病有無得醫呀？」呢啲咁o既市日日造淡好易日日輸，造淡即炒作，炒作要順勢，逆勢炒作難過順勢炒，若你的心病來源係無貨手痕要炒，我早排已講過，而家個市一浸浸追落後，你順勢去炒，定好止蝕，買入唔就手時無信心唔好過夜，咁樣炒唔會輸死，好過你日日走去沽啦。

Beck: 你想細樓換大樓，等如要加注，笨笨地的方法是等跌到殘時造，一賣到樓就買大樓，咁樣無乜睇市風險。在較貴時換樓，等如要貴價加注，唔係幾棧。而先賣後買的方法精仔啲，但係就要冒樓價不跌反升的風險。利息唔係最大因素，因為過咗罰息期後，如果當時其他銀行有好plan，你俾幾千元做過張按揭契就可以轉按。

Mr.Business

注：此篇文章版权归香港頭條網所有。

金融High Tea——有事即閃 無事回頭
2009年6月3日

港股連續勁升三日後出現像樣調整，大市上午牛皮，下午反覆回落至18,301點，收市報18,389點，跌499點。國企指數倒跌300點，報10637點，大市成交1,018億元；期指收報18,349，跌341點，低水40點，成交85,318張。

重磅股礇控（005）股價及相關新聞跌4%、恒生（011）股價及相關新聞跌3%，中銀香港（2388）股價及相關新聞升上14.02元後倒跌0.15%；東亞（023）股價及相關新聞跌1.85%、渣打（2888）股價及相關新聞跌2%、宏利金融（945）股價及相關新聞倒跌1.7%。

股民高追即刻中伏

昨日好多當炒股都先升後跌，股民高追紛紛中伏，金礦股紫金（2899）股價及相關新聞倒跌7%，招金（1818）股價及相關新聞跌2%；紐約期油升上7個月新高，中海油（883）股價及相關新聞先升後跌1.62%，中石油（857）股價及相關新聞同樣先升後跌4%，以成品油業務較多的中石化（386）股價及相關新聞更跌逾6%。

昨日港股下晝玩插水，一插插鰦600點，約昨日上車走慢半步腳都夾斷埋。中環茶友話，昨日下午外圍雖然差鰦鱓，但都唔係有乜大鑊，但港股插300點都止唔到血，不斷插水，跌市時期指低水收窄鰦，顯示期指市場有人夠膽撈底，但現貨市場就出貨出得好狼，沽貨人多過撈貨人。

最近港股有走係美股之前偷步炒的味道，前晚通用汽車重組方案拍板，華爾街當係好消息，但之前杜指期貨先行炒上，令到港股爆上直逼萬九，昨日好消息證實，獲利盤就如泉湧出。茶友話，早前追入買現貨者手上有一定利潤，一見個市急回掟貨都掟唔切，鎖定利潤，這是「有事即閃，無事回頭」的策略，情願見到個市定番後，再沽貨都未遲。個市短短幾日升鰦1800點，回吐纒都幾正常，但係基金獱貨都係抱短炒心態，唔係諗住死獱過人世，所以見回吐都唔敢抱貨死守，都係先沽為敬，昨日成交過千億，若果話無基金沽貨就係搵你笨啦。後市要睇調整到乜№位，但大市若企定後，基金又會番來炒過。

女股神料美股上樓梯

基金公司施羅德投資管理亞洲（日本除外）股票市場主管認為，亞洲股市經過連月急升，已呈超賣現象，此亦反映市場預期全球積極救市措施可穩定經濟的憧憬。亞洲股市估處於市帳率1.5倍及市盈率15倍水平，是得到基本因素的支持，故未來數月可在合適水平入市。

至於港股方面，該行認為股市持續上升主要是由資金推動，恒指合理市盈率水平為15倍，建議可以買入內地消費股、基建股、地產股，避開基本金屬相關的股份。

全球股市近日氣氛好番，做慣大好友高盛女股神科恩被升上神䒷一輪後，最近又蒲頭，品評大市一番。有人問個市升鰦咁多，係咪仲有得升呢？女股神雖然係好友底，但縱橫股海咁耐，當然唔會傻更更咁一味唱好，佢好技巧咁答，話個市真係升鰦好多，主要係因為先前大市覺得山崩地裂，股票估值全面調低，但經過一輪急救後，經濟由深切治療轉為穩定，於是評級又向上調，所以過去兩個月美股勁升，只係由賤價回升到反映經濟轉穩的環境而已。

她預測大市將會出現梯級型走勢，即係大家當發覺經濟由最差時轉為無咁差時，股票估值上調又升一級，指數於是升上一個台階上下反覆，睇一輪發覺情況又再改善，評級又上個台階，如是者一級級炒上，若果按照女股神的講法，港股由先前極度偏低，炒上到現水平，有可能又要橫行，當升得急時，就會調整得急。

美國長債近日彈升，令投資者擔心聯儲局有被逼加息風險，科恩答案係去年幾乎所有金融資產都下跌，唯獨上債上升，令到債價不合理地貴，現在債息上升，只係調整到同其他金融資產較均衡的狀態，意思係市況好正常啦！至於股市係咪會好似佢講咁一級級升，好友當然希望佢飱啦。

高位開始有人收割，港交所資料顯示，富達於5月29日減持比亞迪（1211）股價及相關新聞265萬股，每股平均價4.094美元，持股量由8.37%降至7.9%。比亞迪收34元，跌0.44%，成交3.67億元。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

剝削（５）         

2009/6/3 上午 09:51:07
網誌分類: 經濟

美國4月份成屋簽約銷售資料令人鼓舞，投資者預期經濟好轉，推動材料和消費必需品類股份上升。總統奧巴馬促請國會通過醫療翻修案，令醫療股走強。但多家銀行集資，令金融類股承壓。杜指全日在不足100點間爭持，早上先升後跌，但在8700點附近已見支持。午後逐步回升，尾段升幅再度收窄。

杜指收復了2009年以來的全部失地，收市報8741點，微漲19點或0.2%，全日最高8787點，最低8694點；標普500指數連續第四個交易日上升，漲2點或0.2%，報945點， 納指收市報1837點，升8點或0.4%。紐約證券交易所成交只有14.1億股。杜指期貨最新報8714點，升26點，比現貨低水27點。

美國全國地產經紀商協會公佈美國4月份成屋簽約銷售較前月上升6.7%，升幅好過市場預期，亦係８年來最高月升幅。全美第二大的住宅建造商霍頓(D.R. Horton)上升 4.1%至9.63美元；普爾特(Pulte Homes）升3.5%至8.97美元。另外，亦有報告指生產、個人入息和建築支出都好過市場預期。

杜指昨日的升市冠軍係美國鋁業，受惠於黃金和白銀等貴金屬價格繼續上漲，美鋁股價升7%至10.52美元。Harris Financial Group的交易員Jamie Cox表示，商品價格的上漲並不全屬經濟面因素，因為到目前為止，有關需求好轉的估計還沒有真正成為現實，商品價格走高，主要原因係投資者希望通過買入商品來對沖美元下跌風險。

美國的銀行股見市好就博老命印公仔紙搵錢，摩根大通和美國運通齊齊宣布發行股票集資償還政府TARP債務。摩通發行50億美元股票，而美國運通則發行5億美元，兩家公司都通過了早前銀行壓力測試，認為佢地無需集資以應付更惡劣的經濟環境，但照樣發股集水以備不時之需，由此可見佢地對銀行業的基本分析，認為股價已超越基本因素。大摩在壓力測試「肥佬」要增加資金18億美元，已於上月集資45.7億美元補充要求有突，但據傳大摩將會再加碼，發行股票再籌資22億美元，主要買家係阿爺的中投。

市場擔心銀行新發行的股票將攤薄現有股權，投資者紛紛以沽貨回應。摩通股價下跌4.5%至34.5美元；富國銀行跌4.1%至24.39元。花旗集團和美國運通齊挫4.9%，係通用汽車以外，表現最差的杜指成份股。美銀則上升1.8%至11.41美元。大摩卻未受增發股票影響，收市報30.09美元，漲0.7%。

港股在美國市表現唔錯，匯控美國預托證券收報69.46元，比香港收市價高2.1%；中移動收報78.4元，比香港收市價高1.6%。而ADR港比指數報18698點，比香港收高300點。

早兩日講到若覺得在港工作並無發展，其中一條出路可以考慮北上拼博。網友茶茶點點有此回應，值得一記。佢話：「如果做第2類人返大陸2線城市搏殺, 我地香港人是否可以??假如是一個普通大學生, 沒家人支持學費, 借政府錢畢業, 背住成堆10幾萬學費貸款, 之後返大陸2線城市搵5千元樓下既人工?

「假如是一個75~80年代出來做嘢的人, 如今已經算是人到中年, 係香港有層樓要供, 是否可以這樣回內地, 搵5千樓下o既工嚟養家呢? 難道要趁現在市好, 賣樓, 成家人移民回內地?　再客觀D講, 內地一線都競爭白熱化, 係爭世界級人材, 但內地年年咁多次級大學生人材, 上海搵唔到食, 都自然流入2線城市, 用一個較低既人工入職, 我地香港人, 可以嗎? 香港好多大學生仲以為自己回內地, 起碼搵8K以上呢......

「我地香港人, 有幾多可以抱住上一代偷渡嚟香港博殺既心態去內地, 調節自己既心態去適應??.........其實我覺得, 如果說國內大把機會, 同樣地, 亦大把競爭。」

我非常同意茶茶點點所講，北上博殺絕不輕易，無論或打工或搞生意，都愈來愈難。但係大家唔好唔記得討論呢個問題的縁起，係有網友問起曹仁超話香港上一代人剝削咗下一代人，我假定對呢個問題有感覺的朋友，都係對現狀有啲不滿，想博殺上位的人，而唔係逆來順受者，如果你自覺唔夠博命，可以逆來順受，不如潛心研究吓點買國企股好啲啦。

講得叫做博殺，自然會有死傷，你過去在香港博上位，雖然話易，但成功者都係10中無1，其餘9個平庸化咗，成為各大小機構的一磚一瓦，屬默默耕耘一族而矣。不過如今留在香港，要上位的機會可能變咗50中無1、甚至100中無1，所以走去經濟發展快的地區，上位機會點講都會多少少。上位從來不易，過去香港一個工廠車間工頭，願意返大陸就做廠長，或者一個貨櫃車司機每個月賺2萬可以在大陸包二奶，呢種「好日子」過咗啦，要北上都係要捱，都係有耗損。所以第一步要照吓鏡問吓自己，係唔係好想上位，夠唔夠膽去博先? 北上唔適應者大有人在， 若然信心不足，千祈咪試，不過以後亦唔好羨慕人地上咗位，佢當年博過命你唔知。人的成敗，主要唔係睇IQ，係睇EQ，係性格決定命運。

香港人做兩種嘢，有些人打工，有些人做小老闆，其實搞小生意亦等如為自己打工，可以講吓呢兩種人北上的機會。先講打工仔，若係新畢業生，北上無乜作用，唔係你忍唔忍得住2000元、3000元的人工，而係香港新畢業生無賣點。大家記得我講過marketing(市場學)首先講「獨特賣點」，你一個新仔叻唔過大陸畢業生好多，有乜賣點?都係正正經經在香港搵份嘢做，最好搵一啲和大陸有生意有關係的公司，學咗香港公司那一套，將來話得到俾大陸老闆聽香港公司點做嘢。好多人打工「十吓十吓」，日日返工和同事吹水，話上司無能，無論你上司係真無能定係你先至係無能，你咁吹水都無乜建設性，好多人打份工無想過自己間公司靠乜嘢方法賺錢，唔係佢無機會睇到，而係佢無諗過要睇。每一行能夠生存，都有一些竅門，你打一份做咗兩三年仲講唔到公司賺錢o既竅門，咁你真係好廢囉。到你打咗一兩份工識得一兩個行業的竅門，又踫啱有大陸老闆想搞這些生意，咁咪有機會囉。

講完打工講做小老闆，香港好多人鐘意做老闆，除了中年被裁被逼做老闆之外，好多人貪做老闆自由，但係佢地做過就知，打工可以放工，做老闆無得放工，好多時做到氣咳。開間舖做咗10、20年，叫做賺到錢，無計自己和老婆的人工，到頭來其實只係賺咗萬零蚊人工一個月，和賺埋間舖返來，最有意義係賺咗個物業。我講話小老闆有興趣可以北上，唔好講二線城市，講一線城市，都仲有啲做小生意創業的空間，例如廣州最旺的上下九路步行街，行過一兩條街已經好多舊舖，你去搵間舖創業，唔係完全無機會。當然，在大陸搞生意好多嘢好煩，比香港煩上100倍，要適應，而且同香港一樣，做唔好一樣會執。

你知我鐘意磚頭，鐘意買樓，我話北上有得諗，唔一定講最後成功者，即使最後普普通通唔咸唔淡，你可能可以賺間住宅、或者賺間舖。而家北京CBD中心一線住宅都係3萬元人民幣一平方，即係3000元一呎，3百零萬可買過千呎單位，咁o既價錢香港只可以買到600、700呎屋村樓，10年過後，我估北京間樓的價值係如今同價錢香港樓1倍以上，所以北上有北上的代價，北上有北上的諗頭 。

千祈唔好話我鼓勵人北上，唔係人人想博老命，若要拋妻棄子更加唔值，我只係叫大家開放自己思考空間，諗吓各種可能。北上不成，買國企股買中國樓都OK噃。

陸羽仁

http://www.hkheadline.com/blog/r ... rd=&searchtype=

Mr.Business

2009/6/4 上午 11:01:18  

陸羽仁覆網友

Gigi, 牆頭草:我都算八卦，但係呢單八卦法庭新聞係唯一一單睇到我反胃唔想睇的新聞，如果我係佢隻狗，都怕醜唔敢出來。

Rockerhill:內地新盤好多開價太狼，無水位，我會睇番同區接近質素的二手盤價錢，新盤貴一成或以上一般不考慮，幾靚裝修，過10年又變舊唔值錢，千變萬變，唯有間樓內藏的地價不會減值，只會升值。

Marco:你間美國樓按揭究竟係5年定息4.5厘好，定係30年定息5.375厘好，

第一係你點睇美國長線利息，第二或者更關鍵係你估你自己會唔會揸呢間樓10年以上，若你會揸10年以上，甚至好大機會揸20年、30年，咁就揀30年定息好啦，因為現今大放水咁低息的環境不能永遠維持，5年後樓按去番6厘以上係好正常的事，所以你頭5年俾多0.875厘息，第二個5年有機會俾少番差唔多的利息，再加上美元的確有風險弱化，若美元大跌加高通脹，利息有機會高升，隨時有著數。不過若你有可能5、6年就賣樓，咁就要諗過啦。

阿K:買樓收租要揀市中心，或交通好便利，以及供應少，將軍澳供應太多，可能都係觀塘(也受少少將軍澳影響)或港島東，我諗你先睇，睇熟咗，等市跌，現價還開價20%以上，多數買唔到，咁咪等吓囉。唔好望多，若買到過兩三年上番業主而家開價，都執20%。

Mr.Business

注：此篇文章版权归香港頭條網所有。

金融High Tea——伸手派大顯神通
2009年6月4日

恒指周二大跌500點後，昨日早段跟隨外圍反彈，高開228點後，升勢持續，拾級而上，在18800點上方徘徊，午後一度試衝19000點大關，升到18968點創埋近期新高，差32點就可以闖關，但結果無功而回，股市掉頭下插，恒指受礇控（005）股價及相關新聞急挫拖累，插水逾400點，升幅大幅收窄。

恒指收市只升187點，報18576點；現貨收市後期指再插，收報18337點，跌12點，比現貨大幅低水239點，成交91463張。國企指數收報10825點，升187點或1.8%。大市成交略為縮減至906億元。

昨基本上重演前日的市況，上午升，下午急回，而昨日的回吐原因是市傳有試盤想配售礇控，話係礇控策略股東見高位想減持，所以礇控有鱓腳軟軟之感，早上高開 1.5%後已上升乏力，走勢落後大市，下午走勢向下，臨近收市更由升轉跌，倒跌1.8%，報66.85元。恒指將於周五收市後調整成份股，礇控的權重將從 20%降至15%，更增股價壓力。

傳傳纒合生就批股

礇控美國的同業已經搏老命自己印公仔搵錢，摩根大通發行50億美元股票，摩根士丹利將發行股票籌資22億美元，美國運通則發行5億美元股票。間間大銀行都擺明車馬炮做伸手派，動機明顯不過，就係認為個市咁好股價升到咁高唔伸手就笨啦。

而家傳礇控都只係話佢鱓股東批股出街，唔係佢自己發新股，中環茶友話，呢鱓配股消息唔好唔信，例如前一日市場已經傳合生創展（754）股價及相關新聞股東想批股出街，但結果昨日揭盅，係合生創展公司自己發新股，合生計劃按每股13.3至14.03元，配售1.2億股新股，集資最多16.84億元。合生昨日收市價14.46元，升4.2%，配售價較股份今日收市價14.46元，折讓約3%至8%。而家好多股票都有炒高批股的味道，接貨者亦不乏「即叫即蒸」買完立刻沽的短炒客。

茶友又話，唔止好多公司趁勢批股，呢兩日亦都見到一些大型退休基金在逐少出貨，放番部份藍籌股出街，可能想鎖定利潤，都唔等到月尾半年結。不過呢個世界係咁，有人辭官歸故里，有人漏夜趕科場，君不見昨日雖然大市走勢唔係咁靚，但仍有不少資金追落後股。

昨日追落後的有本地銀行股，好多隻都跑贏大市，恒生（011）股價及相關新聞升6.2%，見113.6元、中銀（2388）股價及相關新聞升5.6%、東亞（023）股價及相關新聞升4.5%，宏利金融（945）股價及相關新聞升3.7%。有消息指渣打（2888）股價及相關新聞 有意收購南韓錦湖生命保險（Kumho Life Insurance），但會待成立當地控股公司後才實行，瑞銀調高渣打目標價28%至10英鎊（128.3港元），但評級維持沽售。渣打逆市跌0.7%，報158.2元。

昨日另一種當炒類別是礦產資源股及黃金股。中國鋼鐵工業協會話5月份粗鋼產量按月出現增長，推動鋼鐵股造好。瑞信睇好鋼鐵業，指亞洲與全球庫存持續下降，加上中國與印度需求可能上升，將馬鋼（323）股價及相關新聞及鞍鋼（347）股價及相關新聞目標價上調37%，至6.2元及17.1元，並雙雙維持跑贏大市。馬鋼大幅飆升15.4%至5.18元，係表現最好的國企指數成份股；鞍鋼（347）股價及相關新聞升8.2%。鱓細碼礦業股更禾雀亂飛，興業銅業（505）股價及相關新聞升16.3%，半新股南亞礦業（705）股價及相關新聞仲顛，狂飆逾45%，好似上市無炒餓鰦好耐咁，一出閘就喪炒番夠本。

昨日中環口水界熱烈討論恒地（012）股價及相關新聞主席李四叔的「兩萬點出貨論」，李四叔早一日話在港的外地資金仍未有撤走，估計港股跌市只屬調整，大市仍處於上落市格局，他本人暫時會按兵不動，亦未有在高位減持，並維持恒指升抵兩萬點，才減持部份的看法。

四叔唔想個市升？

茶友話照計大戶沽貨唔會先露底，但李四叔奇就奇在事先打開口牌話自己兩萬點會沽，按道理其他人睇到，就會搶先在19500點、19700點沽，李四叔想沽都未必沽到好價。茶友話李四叔講№咁開放，係唔係等如呼籲散戶到兩萬點齊齊沽，佢其實係唔係唔想大市爆升，所以想嚇纒外資大戶唔好造到咁高呢？

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

剝削（６）         
2009/6/4 上午 09:41:53
網誌分類: 經濟

美國公布的就業資料和服務業活動資料差過預期，打擊了投資者對經濟復甦的信心，令近日大幅上漲的商品類、能源和材料類股出現回吐，市場亦等待周五公布的關鍵就業數據，投資氣氛並不熱烈。美股昨日走勢麻麻，杜指開市即下插逾110點，略為企穩後，跌幅繼續擴大，至8600點才見支持，最多跌過142點。杜指午後在底部橫行，臨近收市前半小時後抽升逾70點，才令跌幅大幅收窄。

大市結束了連續四天的升勢，杜指收市報8675點，跌66點或0.8%，全日波幅只有142點，升咗咁多日跌吓仍屬健康調整；標普500指數下挫13點或1.4%，報932點， 納指收報1826點，跌11點或0.6%。紐約證券交易所成交繼續縮減，只有13.2億股。杜指期貨最新報8669點，比現貨輕微低水6點。

美國供應管理學會(Institute for Supply Management)公佈，5月份服務業採購經理人指數(PMI)為44，高於4月份的43.7，係去年10月份以來的最高水準，但仍低於分析師的預期，反映服務業仍處於萎縮狀態。此外，諮詢公司Automatic Data Processing公布，美國5月份私人部門就業人數減少532,000人，降幅係去年11月以來最少的，但仍然遠高過經濟學家預測的42至43萬人。報告指商品製造商減少了26.7萬個職位，而服務行業減少了26.5萬。經濟學家預計勞工部於本周五公布的5月份非農就業職位會減少50萬，係去年10月份以來減幅最低的月份，但就業市場依然係投資者最擔心的問題之一。

聯儲局主席伯南克昨日向國會作證，佢警告政府不能通過無限期的舉債來滿足對政府資源日益增長的需求，呼籲議員致力減少近2萬億美元的預算赤字。他重申，經濟萎縮的速度似乎正在放緩，為經濟在今年底恢復增長奠定了基礎。

美融股普遍走弱。富國銀行跌1.1%，花旗集團再挫3.4%，美國運通跌0.9%，美銀跌1.8%，摩通跌1.5%。匯控美國預托證券收報67.44元，比香港收市價高0.9%；中移動收報77.6元，比香港收市價低1.3%。而ADR港比指數報18437點，比香港低140點。

石油和金屬升咗咁多日終於回吐，黃金、白銀和銅皆跌，美國鋁業(Alcoa) 在連升幾日後開始調整，下挫4.3%至10.07美元，係表現最差的杜指成份股。美國公布的石油庫存遠遠大於預期，表明需求顯然並未隨著經濟預期的好轉而上升。油價回軟，昨日下跌2.43美元，至每桶66.12美元。

繼續講香港新一代的出路，昨天講到北上，北上咗的網友benny的回應絕對是經驗之談:「陸sir: 我北上都十年了，同國內同事或政府、銀行的人交手，始終覺得山外有山，人外有人，如果唔係恃住自己做會計，香港公司仲要靠香港人睇數，我諗一早無咗競爭力啦。眼見銷售、工程、人事等職位漸漸本地化，危機感只有越來越強。」

Benny話:「早排聽一個講座，係一個中國建築的項目經理，佢負責上海環球金融中心（目前係全球第二高大廈，第一係台北101）的工程，聽佢講關於成個工程的複習性，除咗技術上要克服的困難，仲要協調來自世界各地50多個分包，點樣平衡好都有參與單位的利益、關係，某一個環節出錯或考慮不周，都會導致不能按時竣工，導致業主索賠。個講座比我的感覺係大開眼界，係另一個層次的人塞緊錢入我袋。另外，佢話當時想請個副手，係全球招聘，首先面試咗幾個顧問公司的鬼佬，經驗絶對一流，但要價太高，年薪50萬美金外加住房、假期等一大堆福利，仲要一請起碼請三個，最後因為太貴無請到。跟住佢講有個香港人，要價60萬港幣，又係要求住房、假期等福利，十年工作經驗，呢個項目經理對佢的評語係：「價錢那麼貴，他真敢要！」

佢話:「香港人面對的競爭確實係全球性的（包括國內），北上當然有犠牲，而且好睇當時自己走到人生邉一個階段，但我覺得如果仲後生，又無家庭牽掛，不妨試試，當然，要計過度過以乜嘢專業的身份去揾大陸工，唔係話你想上人地就要，學你話齋，要揾出個Marketing need（我都係BBA-Marketing畢業）。」

Benny道出一個事實，大陸的一線城市、一線公司、一線項目，絕對在追趕世界一流的水平，問題是香港人有無這種世界一流的工藝，去搵這些尖銳工作來做。講起世界一流，我記得和黃(00013)股價及相關新聞 的故事，如果講純粹香港本土公司衝出國際(不計匯控這間實質英國公司)，佢都算比較成功，早幾年和黃在一本公司刊物《Sphere》裏面提到佢自己打出香港的故事，和黃進軍歐洲由英國開始，究竟佢點樣打入英國呢?原來和黃的大老闆先向英國政府高層拍門，話香港係世界第一的航運中心(這是當時的情況，如今俱往矣!)，而和黃旗下的HIT是香港第一的碼頭公司，言下之意佢地搞貨櫃碼頭係世界第一，如果英國要搞貨櫃碼頭業務，就一定要搵佢幫手啦，結果英國真係被和黃打動，讓它投資英國碼頭業，和黃亦因為投資碼頭業和英國政府高層相熟之後，順便攞埋個牌搞無線電話公司，結果就搞出一個Orange公司，最後仲賣埋賺咗1000億港元(後來轉搞3G搞到一頭煙又是後話了)。

　　和黃打入英國的故仔，主要就係賣佢係香港做碼頭公司的「世界第一」業績，賣到呢種業績，先至有人信，先至搵到大錢。你一個香港新畢業生，返大陸有乜業績好賣呢？

　　Benny講的係事實，大陸部份尖端行業，尖端工程，已經追趕世界一流的水準，要搵世界一流的人才，但係只願出世界二三流的人工。點解？因為中國要盡量維持一個相對低的成本，我曾經睇過一個美國經濟學家的分析，話一般人講以GDP計，中國要１０幾、２０年才追得上美國的GDP總量，到時中國經濟才算超越美國，但呢個經濟學家話大家忽略咗貨幣購買力的因素，令中國GDP的實質價值被低估，佢問上海起一座大樓，和紐約起一座大樓有何分別？從質量或使用上來看並無分別，但紐約的大樓造價可能比上海大樓貴５成有多，佢認為如果加入這個角度看，中國貨幣購買力被低估，令中國GDP同時被低估。

　　中國2008年的GDP總值已達4萬多億美元﹐中國的名義GDP由2004年至2008年4年時間就翻了一番有多，如果中國經濟未來11年照這個速度增長下去﹐到2020年前後中國的名義GDP將達到32萬億美元。而美國2008年的GDP為14.3萬億美元﹐過去10年只增長0.6倍﹐即使照這個速度﹐美國2018年的GDP也只有23萬億美元左右，到2020年也不足32萬億美元，這是一般話中國經濟總量到2020年可以超過美國的推算。如果按上述美國經濟學家的估計，話中國的實際經濟活動量，遠比GDP反映出來多，所以扣除這一低估的因素，以貨幣實際的購買力計，５年後（佢講的時候係０８年，５年後即２０１３年）中國的GDP總量實質上有機會追上美國，即係話中國的經濟屆時會追上美國。

        香港人還有幾多先進技術可以在中國賣？不多，所以若有的話要趁好價脫手。再過５年，香港人可賣的空間更少，上海不是追趕香港，上海是追趕紐約。１０年前香港證監會主席梁定邦、副主席查史美倫等，在香港離職後還跑到北京做顧問，如今大陸「海歸」李小加已反向流入香港做港交所行政總裁。

香港人在內地賣點愈來愈少，但留在香港的情況亦唔靚仔，香港由過去好像一條河流的上游，水流速度極快，變成中游，水流速度減慢，好快要變變下游，彎彎曲曲咁樣流，水流速度極慢，仲唔知流緊去邊。經濟放慢，必會加劇政治矛盾，市民打工無乜好回報，要求政府派錢分水的聲音就愈大。偏偏香港旁邊的內地大城市卻隻隻似老虎仔咁狂搞經濟唔搞政治，所以香港和內地大城市的差距不用等10年、過5年就會快速拉近啦。

陸羽仁

http://www.hkheadline.com/blog/r ... rd=&searchtype=

Mr.Business

2009/6/5 上午 11:40:02  

陸羽仁覆網友

金曹: 你話「目前在五年內看不到任何一個國內城市可以取代香港，主要係香港依然好自由，無論資金、貨物、人材進出容易，言論亦自由，唔怕講錯野惹官非。另外就係政府相對廉潔及高效率。香港本地無乜生產，靠的就係轉運、加工、金融服務。只有努力維持高水平的英語華語金融及旅遊服務、較低的交易成本和稅率、保證資金自由進出，香港還是有競爭力的。」

你的觀點我大體同意，我仲附加一個好反動的觀點，作為中國人，當然希望中國有自由、法治，但試想如果中國明天的自由、法治就變到如香港一樣，香港一定無啖好食，因為大陸無自由都已經發展成咁，有埋自由外商更發狂咁湧入去，所以作為香港人好自私咁睇，應該話幸好中國未有自由，所以香港仲有啖好食。

但大陸的自由、法治始終會進步，唔好話如香港一樣，10年後如新加坡一樣，你估又會點? 所以香港的獨特地位唔易長期維持。

Yuki:基金分累積投資，即是唔派息，或分派現金或分派基金單位，累積投資基金如股神的巴郡，深信錢放在基金經理那裏再投資比分派予基金持有人好。但會分派的基金，是讓持有者有現金收入，如退休人士要靠收息生活，基金無派發就唔啱佢地。

基金派息後資產淨產會減少，當然亦會少了錢去投資，假設基金可以有持續穩定的高回報，長遠計累積投資基金的價格，會和分派現金的有很大差距。

當然，如果你買中隻衰基金，佢升一年跌兩年，表現差過大市，佢派息就好過唔派息啦，道理就係現金留在你那裏好過讓基金蝕埋。

Gigi:若通脹重臨，各國政府會被逼加息對抗通脹/滯脹。問題是經濟差令需求減弱，通脹係唔係真係在短期內重臨呢?而家究竟應該怕通脹還是怕通縮，不同派別經濟學家有相反的看法。

Ming:你問現時的地產商不似97年不斷賣樓?因為政府不再定期賣地，要勾地，唔到政府心中價不推出，令土地供應減少，令發展商較較惜貨，唔願咁急賣樓。你講三個地區中，奧海城好啲，因為地鐵直出中環，交通方便，幾好租，對樓價有支持。我話想買樓慢慢睇，唔一定要出價低20%，只是覺得樓價未到咁快跌定長線上升，買樓可以等吓，慢慢睇唔妨。

潘記:你想沽清歐元澳元，問我佢地見頂未，睇你短炒定長揸，短炒美元跌咁多應該有多啲反彈，所以沽吓可以博走吓水位。但長揸唔敢講歐元、澳元已見頂，美元弱勢可以持續一段，特別對澳元而言。

三心兩意:我和茶友討論四叔的2萬點沽貨論，認為一係唔到，一係都要超番咁上下，因為人人都想跟四叔在2萬點沽，大戶要麼無咁笨俾個位你沽，若真係到2萬，唔炒高啲引你落注咪好笨。

若覺得在內地買樓太煩，可以買reits,不過越房405升幅不少，略貴。

KFN:中電係公用股，在股市差的時候，基金會轉公用股避險，但市好時，基金就會沽公用股買增長股爭取回報，所以若不是長揸當收息，想有好回報理論上就要轉增長股，不過現價換馬嫌太貴。

Maa:你人在香港，如果不常去北京，可以用經紀代放租收租，但會麻煩過揸香港樓。

你2828已有平貨在手，若想增持，可能大市略回時買多少少，因為已有平貨，拉平均都未算貴。

Blacks:英國經濟弱，再爆逼宮事件政治風暴，大量高官議員濫報津貼，睇嚟英國政壇要大執位，對經濟增加不穩定性。

Mr.Business

注：此篇文章版权归香港頭條網所有。

金融High Tea——大戶狂玩上落市
2009年6月5日

恒指昨跟隨外圍低開158點，早段見18279點後一度止跌回升，但升到18500點前後繼乏力，半日收報18123點，大跌453點。午後期指出現戲劇性反彈，帶動恒指從低位上升，跌幅大幅收窄，以接近全日最高位收市。

恒指收報18502點，跌幅收窄至73點；期指下午由跌轉升，收報18353點，升16點，比現貨低水149點。國企指數收報10707點，跌119點。紅籌指數跌31點或0.8%，收報3941點。大市成交縮減至830億元。

你睇期指昨日收市升16點，好似無乜起跌咁，其實成日個市好似Deep V形（深V形）咁，早上期指開18390點，反覆插到中午12點半收市前的全日低位18053點，向下走了337點。中午收市前咁跌法直插唔反彈，令人覺得下午仲有得隊，即日鮮好友投晒降，連過中午都唔敢，立即打靶。點知下午返來又話外圍股市好番鱓，調轉頭一條氣炒番上去，期指在4點現貨收市個一刻炒上高位18498點，又從低位上番445點，所以唔好睇期指收市只升16點，其實一落一上夾埋有782點，大戶舞高弄低玩上落市，有接近800點波幅，左打你一巴，右打你一巴，都咪話唔和味。

唔覺唔覺打兩巴

昨日現貨收市後，期指15分鐘內又跌番145點，收市價係18353點，有熟悉期指運作的中環茶友話，見到昨日尾市跌番鱓，亦唔等如今日大市一定插，大戶玩低145點收工，唔係睇唔好後市，而係拉番低期指，等今日多鱓空間再玩，因為期指收市若擺得太高，變相令今日空間減少，例如要抽高，向上都唔係太多位，不如先拉低，玩上落市都多鱓水位走。

茶友話，大市衝19000點無功而還，暫時在18000點至19000點之間炒纒上落市，謀定而後動。

睇番個別股份表現，重磅股礇控（005）和中移動（941）個別發展，推動大市午後反彈的主要動力來自大笨象，上日傳聞主要股東油國王子要配股，王子後來澄清無咁打算，礇控昨日早上在低位徘徊，午後發力向上，反彈逾1.7%，收市報67.15元，逆市倒升0.4%。中移動午後跌幅亦收窄，但跑輸礇控，收報 78.35元，跌0.4%。

拖累大市向下主要係兩地地產股。地產股經過近日的急升，繼續有回吐，不過午後跌幅收窄。長實（001）跌1.2%、新地（016）跌1.4%；新世界發展（017）跌2%。恒地（012）跌3.3%；信置（083）跌2.7%、恒隆地產（101）下滑3.6%。

受合生創展（754）配股集資拖累，內房股全線向下，碧桂園（2007）跌1.8%，中海外（688）跌3.1%；華潤置地（1109）5個月銷售增6 倍，但股價跌4.4%；世房（813）跌3.7%，雅居樂（3383）跌4.6%，富力（2777）跌4.5%，不過講跌都係批股的合生創展跌得最多，股價大跌9.4%，收13.1元。

有理無理炒「再通脹」

上一日商品和商品股雖然回鰦一回，但炒呢個所謂「再通脹交易/中國刺激交易」都未炒完，美國市場喜歡炒這個概念，因為一般炒股升完會回，炒再通脹個古仔多鱓人信，而且話需求在遙遠的中國，係真係假都無人考證，所以好易持續炒，好多美國商品股比早前低位升了1倍有多，雖有回吐，去勢似乎有餘未盡。

但認真睇纒中國自己講的情況，又唔係外界講得咁樂觀，國務院常務會議後表示，國際金融危機對中國的影響尚未見底，經濟發展的不確定和不穩定因素較多，中國經濟平穩回升的基礎尚未穩固，就業形勢依然嚴峻。國家商務部副部長鍾山日前亦都話，當前中國對外貿易面臨前所未有的困難，上半年負增長已成定局，短期內迅速扭轉的難度加大，下半年外貿形勢仍然不容樂觀。

工業增長睇用電，中國5月全國發電量2897億千瓦時，按年減3.5%，與4月份全國發電量3.6%的下降幅度基本持平，反映內地實質經濟活動仍未有具體改善。所以而家中國經濟的反彈，似係國家在年初開始大力放鬆銀根所致，係流動性驅動，未係實質經濟驅動。不過話得說回來，呢鱓係基本因素，股市好多時唔跟基本因素行。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

剝削（７）         

2009/6/5 上午 09:55:11
網誌分類: 經濟

金融機構唱好美國銀行股，刺激美股金融類股份飆升，加上大宗商品價格再度上漲，能源和材料類股份造好，推動美股向上，杜指開市跌過40點後已見支持，之後逐步攀升。午後在高位橫行，尾市進一步上升至全日最高位收市。

杜指收復上日失地，收報8750點，漲75點或0.9%，全日波幅只有116點；標普500指數升11點或1.2%，報942點；納指收報1850點，上揚24點或1.3%。紐約證券交易所成交與上日相若，只有13.6億股。杜指期貨最新報8730點，比現貨輕微低水20點。

投資者一直在關注將於周五公佈的非農業就業資料，以判斷近期市場的漲勢能否延續。而昨日公佈申請失業救濟人數資料和第一季度生產率資料意外強勁，都好過預期，增強了投資者對週五資料的樂觀看法。美國勞工部昨日在每週報告中稱，5月23日當周持續申請失業救濟的人數下降15,000至674萬人，這是自1月3日以來首次出現下降。

RBC Capital認為全球金融危機已經結束﹐隨著淨息差擴大、信貸成本下降，將提高銀行業的收入和利潤，多家銀行會在未來12至18個月中恢復派息，認為銀行股已處牛市的初期階段。 因此將評級中性調高至增持。呢個係主要投資銀行研究部門近期對銀行業作出的最為積極的評論。

該行將KeyCorp評級從中性上調至買入首選，KeyCorp昨日飆升20%至5.50美元，PNC Financial Services漲8.4%至43.70美元，美銀漲5.9%至11.87美元，花旗集團漲5.3%至3.57美元，美國運通漲3.2%至25.25美元，摩通升4%至35.25美元，富國銀行升4%至25.1美元。

匯控美國預托證券收報67.78元，比香港收市價高0.9%；中移動收報78.57元，比香港收市價高0.3%。而ADR港比指數報18668點，比香港收高166點。

我講過面對香港以至內地經濟形勢的巨變，香港人有三條出路，第一是接受現實，適應淡泊自足的文化。第二是北上博殺，期望爭取較大成就。第三是留港發展，努力工作之餘，寄望於投資回報和下一代的培養。

網友迷茫中青在外資投行的香港分行做，佢分享他的觀察，佢話「香港真係唔同咗，國内同輩/新一代真係追得好快。我自己04年曾經錯失咗一份上海既工。現在已經無呢啲位。我今年30 有1，有車有樓上有高堂，你叫我放手一博北上我真係唔夠膽。但見到一啲國内既同事/朋友個個躊躇滿志，對將來充滿希望，又真係好羡慕。我諗，陸 sir 既第一個建議應該最啱用。」陸羽仁見外國人身處經濟比較呆滯地區，但只要安於現狀，生活happy，享受人生，不一定要年年升職，外國稅率較高，升職加人工分咗近一半俾政府(例如加拿大取高稅階係40幾%)，好多人唔係好想升，唔想負咁大責任。

又例如網友Warrant852，佢話知道好多香港人希望北上打工，但係失敗率十分之高，最差的情況是在大陸做咗幾年做唔掂，回流香港後亦唔適應香港環境，他們多數是30到50歲的受過高等教育的高級打工仔，真係幾慘。Warrant852話佢自己有一個小朋友，會選第三條路，想知多啲點增加小朋友的競爭力，讓他們在香港發展。

我講的第三條路，包括自己的投資和子女的教育。一般人買股票，好鐘意搵啲一日升三、五成的股份，呢啲咁刺激o既嘢等如入賭場，小注怡情無妨，唔好博命。投資好簡單，只緊要認清大方向，搵啱方向，不斷投入去，10年、20年後必有好回報。中國由1978年開始改革開放，頭20年打好基礎，到98年開始起飛，要發20年，即係去到2018年，而家行到中段，又遇上世界金融海嘯，投資市場回調，從宏觀角度講，整個2009年都係投資中國的機遇，買股又得，買樓又得。

買樓好簡單，揀一線城市、核心地段、售價合理的樓，通常兩地二手樓價錢合理過一手樓，睇啱買番間收吓租，坐佢10年應該得，若和香港樓比，短線難講，講10年以上長線應該好過香港樓。只要你在香港有穩定收入，可以從銀行借到8成，付兩成首期就可以買，收租係麻煩啲，但可以搵經紀代做。記住我唔係叫大家買渡假樓，那些樓會平啲，但地價唔係太值錢，而且好難租出去。

買股有聰明仔方法，有笨方法，聰明仔想低買高賣，但小心進出時會迷失方向。若自問唔聰明，用笨方法，月供又得，將注碼平分在今年餘下月份入市又得，總之唔好今年過，手上無股。唔職揀股唔緊要，可以揀國企指數或A股指數基金，方法是分段慢慢買，成本拉平均計，咁就可以減少市況波動買貴貨的風險。平日多留意大陸經濟發展，你或者慢慢搵到優於大市的股份，但唔想煩的話，不斷買國貨股即可。10年之後，你就會知道我今日講的話是對是錯。若果你信唔哂中國，有一個分散投資方法，係分散部份投去印度，中國13億人口，印度11億人口，未來經濟發展講消費，若長遠來說美國消費在全球比重難免下降(唔係實額下降，只係比重)，中國和印度這等經濟高速發展的人口大國，就最著數，香港也有上市的印度ETF，可以買吓。

記住投資只要大方向正確，係講耐心，睇長線，主要注碼應該放在長線投資上，唔係放在炒炒吓的地方。

陸羽仁

http://www.hkheadline.com/blog/r ... rd=&searchtype=

Mr.Business

2009/6/8 上午 11:47:29  

陸羽仁覆網友

Ray:你問重要調整可能乜時候到，而家市場資金比較多，美股、港股都破咗位，我估港股重大調整都係睇外圍，特別是美股為主的外圍市，４、５月數字會有改善，睇嚟美股可以再走一段衝埋半年結，美股要睇走勢，守得住位可能先試高位，資金市先係試高，唔係調整，要較大調整，先要確認不能上破高高位，未到頂就回，或者雙頂，才會回落，但美股未確認這種走勢。

咩子：北上咗並非成功的保證，而係在一個新平台上競爭，有機會亦有危險，大陸大學生咁多，一唔前進，好易俾平好多的新大學生取代。

Bdroom:中信泰富已清掉澳元Accumulator，所以澳元升唔關佢事。

一草一木：白高敦政府應該守唔住，唔走只會令工黨執政地位弱化，最後大選輸埋俾保守黨，合理賽果是工黨換一個後生黨魁上台做首相，趁新人民望高時解散國會馬上大選（英國執政黨可以揀時間大選）。未來若白高敦唔落台，弱勢政府增加政治動蕩，可能令英鎊波動向下啲。

爆粗熊友：亞太區股票組合差過中港組合，皆因亞太區有些地方股市表現差過中港，若果你係經常轉組合人士，可能等中港股市調整時轉好啲，因為唔至於短期買貴貨。但如果你睇得好長，唔理時機就可以而家轉，咁講就係預３、５年都唔變。

月供２８２３都得，但２８２３其實係買A股窩輪，而２８２８係買H股正股，所以２８２３要冒少少窩輪發行商的風險（風險唔算大）；再者如果你揸長，１０年之後，H股A股無分別，現時A股相對H股的溢價會消失，所以長揸買H股著數少少。不過短線計就係兩回事，A股上下波動會大過H股，所以２８２３好炒啲。

S2000:建議長線可以一半港股基金，另一半進取型可選中國基金，亞太基金我怕佢升唔及中國基金，跌時候又會一起跌。

LJJ:買樓好似北京好過上海少少，我經常覺得上海樓價略貴，北京CBD高質二手樓也是３萬元一平方，租金回報有４厘，比上海高啲。

Moses:兩個按揭計劃普通那個現利率２．１５厘，用Hibor計那個上限２．４５厘，現價計後上限只多０．３厘，但若似現在咁低息，用Hibor月供可以１厘息以下，節省很多，將來利息爆上時，高０．３厘也可接受，只要享到一年低息，可能頂到３、４年上限利息，也可能有時利息上上落落差唔多，若３、４年後發現長期高息，過了罰息期還可以花點律師費就轉按揭去番平啲息的銀行。

Mr.Business

注：此篇文章版权归香港頭條網所有。

金融High Tea——阿爺靜靜雞抽水
2009年6月8日

自3月後世界各地股市反彈幅度強勁，港股和內地股市走得比美股更強，反彈勢頭厲害，上證綜指上周五一度受鋼鐵股、黃金股等類別股票熱炒的刺激，上衝至 2791點，差9點就上到2800點大關，雖然後來衝高回落，收報2753點，微跌0.5%收場，全周亦上漲4.5%。

上證綜指若和2008年10月低位1664點比較，已反彈了65%咁多。據內地高人話，股市反彈如此急，令阿爺都有少少關注，認為股市反彈速度太快，同經濟好轉情況不太匹配。內地快將重新啟動IPO新股上市，就與阿爺對局勢的研判有關。

4萬億資金流轉

據阿爺自己的分析，A股市場大幅反彈，出現一定的熱度，除了受外圍因素影響，亦和內地的資金供應有關。總理溫家寶十分關注中國經濟發展，怕經濟熄火，主要一招就是由銀行大力放水，佢在今年初提出《政府工作報告》時就講到，銀行業今年信貸淨增長額達5萬億元人幣以上，不過據中國人民銀行於5月6日發表的今年第一季度《中國貨幣政策執行報告》，在一度季信貸淨增長已用鰦8成有多，接近5萬億元的「上限」，即係話銀行要放的水在第一季度差不多已放晒出街。

阿爺大放水，4萬億以上的新增資金泵入市場，到處流轉，難免有部份錢轉個彎就跑到股市裏，特別是短期貸款更易拿去股市炒一炒。我懐又睇纒內地第一季的貸款構成，新增4.16萬億貸款中，中長期貨款1.68萬億元，佔40.4%，而短期貸款9,764億，佔23.4%，貿易融資1.48萬億，佔31.6%，後兩者皆為相對短線融資，佔比重54.9%，懷疑部份資金已流入股市、樓市炒作。

中金警告慎防泡沫

阿爺對付企業挪用資金炒股有辣招，可以來一個全面清查，就如07年7月跌市前夕那樣全線大搜查，就有立竿見影的效果。不過高人話阿爺辣招未出，只是先來一個重啟IPO的柔招。外界對中央重啟新股集資的動機有諸多猜測，其實阿爺的動機十分直接，就是想借新股上市，吸納市場大量流動的炒股資金，這是一個相對柔性的手法，但卻針對到問題的核心，既然股市熱炒源於資金流動性，放IPO出來吸走流動資金，就可以防止過熱。

內地大行中金公司上周五發佈宏觀分析報告，表示要警惕股市泡沫捲土重來，中金話90年代初全球資本流動，推升亞洲資產價格泡沫，終於出現亞洲金融危機，目前與90年代初的歷史，有諸多相似之處，新興市場泡沫重演風險增大。泡沫的破滅可能將由通脹引發美國加息，或者美國科技革命帶來經濟新亮點吸扯資金回流引發。

中金認為，中央政府應吸取教訓，提前調控抑制泡沫，以規避未來泡沫破滅帶來的打擊。方法包括：1．更充份發揮資本市場的融資功能，早日恢復IPO 發行，緩解公司單純倚賴銀行借款的巨大壓力；2．確保貨幣政策適度寬鬆，防止貨幣過度寬鬆引發資產價格泡沫；3．鼓勵資本流出，包括鼓勵企業走出去，允許境外企業境內上市，允許國內投資者參與境外股權投資（例如通過交易所上市基金ETF 形式）；4．深化改革，為民營資金開闢更大的投資空間；5．降低稅收刺激消費，改變經濟增長模式；6．加大對新能源投資的政策扶持。

以中金公司的背景，當然已經收到風，知道阿爺對內地甚至港股重起泡沫的關注，所以才有這份「警惕股市泡沫捲土重來」的報告，中金的報告以90年代亞洲泡沫為例，還有一個弦外之音，係怕急升完之後就在外資流走後急挫，頗有擔心內地和香港被狙擊的意味。

阿爺的政策似乎從大力放水變為手緊一點，有一個做貿易的朋友告訴我，4月前市場的資金都很充裕，但踏入5月後貿易商的頭寸好像緊了，顯示銀行放貸不如以住積極，到底這是因為今年銀行新增貸款額度用得七七八八，還是阿爺暗中發功叫銀行不要濫借，尚需時日觀察，但可以肯定的是，阿爺不再大手筆倒水出街。

開大開細有分別

擺明抽水的措施是重新放行IPO，以2007年全盛時期的數字計，當時內地全年新股IPO總數為120隻，集資達4470億元，今年重啟IPO，只得半年時間，計劃發幾隻股集幾多錢都唔係咁清楚。不過上兩個星期A股市場回吐，很多時都和重啟IPO有關，可見內地股民都幾怕IPO，原因亦好簡單，因為A股可以炒到高峰時的60倍PE，主要因為股票求過於供，有錢人多，股票供應少，所以抑制股市上升最好方法是增加股票供應，鶽家分批進行的國有股減持就是主要新增股票供應來源，官方估計國有股減持全面落實後，股市高峰時PE都唔應該超過40倍。放行IPO，也是增加股票供應的方法，因為內地已上市公司不易發新股集資，所以新股上市是新增股票主要來源。

中國證監會就新股發行的諮詢期剛好在上周五結束，之後只要證監會一決定，IPO馬上就可以出台，自去年股市低迷暫停新股上市後，已有32家公司通過中國證監會的上市審批而無法上市，雖然部份公司由於業績下滑（純利比上年度下跌50%以上）而不再符合IPO條件，但大部份仍符合上市資格，一開放IPO閘門就可以上市，鶽家市場關心新上市的是大股還是中小股而已。

如果先讓大股公司上市，最有可能是中國建築；如果先發小股，中國證監會一般按照通過審批時間的先後次序放行，遵義鈦業通過時間是2008年4月29日，其次是桂林三金藥業，通過時間是2008 年6月23日，那麼遵義鈦業有望成為IPO重開後首家發行新股的公司。

由於市場對重發IPO提心吊膽，多數希望政府先放行小股，以免對股市衝擊過大，所以我們第一件要留意是中國證監會先放大股還是小股，先放小股是意料中事，對股市影響輕微。若是先放大股，和市場期望相左，就顯示阿爺急急放大股到股市吸水，對股市較為負面，所以開大開細有分別。

上新股唔死有得炒

你可能會問，無論阿爺點樣點搞內地股市，對香港都未必有影響躀，港股主要跟外圍鎹。話又唔係咁講，若阿爺對內地股市抽水的手法太激，令內地股市顯著回落，難免影響到香港的H股的投資氣氛。高人又話，現時流入香港炒股的資金，部份來自內地，若阿爺收緊內地股市的水源，小心佢亦會管埋靜靜雞跑來香港炒股的熱錢。

綜合當前內地形勢，可以有如下總結：第一，即使阿爺出招吸內地股市的流動資金，雖然長遠對股市有約束作用，但也不等如股市馬上會跌，有時剛好相反，內地股市還會再炒一炒，再走一段，過去已有很多這類經驗，政府出招防止股市過熱的初階段，股市窒一窒還會再升，降溫效果要隔一排才反映出來。第二，內地新股上市，若大市即時唔插，就反過來成為炒作借日，因為內地新股上市價折讓幅度好大，新股上市大多有得炒，所以倒過來資金會借勢炒纒香港的相關股份，炒其「A股 IPO概念」亦唔奇。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

剝削（８）
       
2009/6/8 上午 09:54:45
網誌分類: 經濟

美股上周五反覆靠穩，三大指數個別發展。美國5月份非農就業人數減少幅度好過預期，但失業率卻差過預期，投資者在消化相反方向的訊息，投資態度趨向審慎，工業類股走高，但商品類股偏軟。

杜指收市微漲13點或0.2%，報8763點，全日波幅只有135點；標普500指數跌2點或0.3%，報940點；納指收報1849點，微跌不足1點。紐約證券交易所成交縮減，只有12.6億股。杜指期貨最新報8733點，比現貨輕微低水30點。

杜指上周累計上漲263點，漲幅3.1%；還差約0.2%，就超過去年年底水準；標普500指數累計上漲21點，漲幅2.3%。納指表現最好，累計上漲75點或4.2%，今年已上漲了17%。

美國勞工部上周五公布，5月非農就業人數減少34.5萬人，遠低於經濟學家預計的52.5萬人，係去年9月以來的最小跌幅，但失業率增加0.5%至9.4%，是1983年8月以來的最高，差過預計為9.2%。總統奧巴馬在2月向國會施壓通過約7800億美元振興經濟計劃時，預計失業率只有8%，照目前的走勢，很多經濟學家預期，美國失業率好快會超過10%。5月份平均時薪較前月上漲0.02美元，至18.54美元，較上年同期增加3.1%。

報告顯示，5月份商品生產類行業就業人數減少22.5萬人。其中製造業減少15.6萬人，自經濟衰退開始以來製造業已累計裁員180萬人。同期，建築業就業人數僅減少5.9萬人，為去年9月份以來降幅最小的一個月。份服務業就業人數減少12萬人；商業和專業服務公司減少5.1萬人，金融業減少3萬人。臨時就業人數僅減少6500人，為數月以來的最佳表現，這對未來就業前景來說是一個積極跡象。

美國非農就業人口降幅遠低於預期，帶動了經濟復蘇的期望，刺激美元反彈，錄得逾五個月最大單日升幅。上周五紐約尾盤，美元指數升1.6%，報80.7；美元指數上周升1.8%，為4月12日以來最大單周升幅。美元升、黃金和商品都急回，杜指最近升勢主要係受到能源和材料類股推動，能源和商品價格回落，除美國鋁業之外，能源和材料類股上周五均遭遇持續拋壓，美國鋁業公司過去3個月中上漲已逾一倍，上周五績漲2.3%至10.94美元。

有交易員指出，近幾周以來推動商品價格上漲的通貨膨脹擔憂，可能會為銀行帶來麻煩，若金融機構需要政府額外的救助，通脹率上升可能限制了聯儲局的選擇空間。金融類股份上周走勢疲弱，美銀微跌0.1%，花旗集團跌3.1%，美國運通跌1.2%，摩通跌2.3%，富國銀行跌1.5%，道富銀行(State Street Co.)跌3.4%，U.S. Bancorp跌4%。匯控美國預托證券收報65.27元，比香港收市價低0.8%；中移動收報79.32元，比香港收市價高0.1%。而ADR港比指數報18609點，比香港收低71點。

早前講起香港下一代的出路，提到在內地投資，例如買樓，很多網友的反應是不熟悉內地樓市，我認為不熟不做，如果你唔熟悉亦無時間去熟悉的話，就不一定要夾硬去做，乾脆在香港穩定地投資國企股就算，記住投資只要大方向正確，可以經得起風浪，長線必有收穫，若錯過了中國前20年經濟發展的起步期，就不要錯過這10年的起飛期。

最後要講講子女教育，因為很多人把希望放在子女身上，把一切心血放在子女身上，子女就是他們最大的投資。這裏我想講一個小故事，今年復活節假在一個兒童遊樂會中，那裏有好多攤位遊戲，其中一個遊戲叫小孩用一隻長長玩具機械臂去挾玩具猴子，由於距離較遠，有點難度，我見到一個媽媽帶她的5、6歲小男孩去玩這個遊戲，母子全程用全英語對白，對答流利，但從他們的口音可以聽出來，這對母子是香港人而不是ABC。

那個男孩挾了兩吓，挾不到猴子，媽媽已搶著說:「咁難挾，都唔好玩，走啦仔。」男孩還想一試，但媽媽已經拉著他離去。我心想媽媽全英語和兒子對答，顯然是很重視子女教育的家長，希望兒子長大後英文以至其他成績都十分了得，出人頭地。媽媽保護孩子免受傷害心切，但她一點也不重視(或者不知道要重視)對孩子性格的培養，完全沒有鼓勵兒子去嘗試，令他克服人類「畏難」的通病，這個孩子長大之後，會否成為英文好好、EQ好低的孩子呢?

人受自己經驗所影響，亦喜歡將自己得不到做不到的東西，在子女身上補償，自己兒時英文好就掂哂的一套，好易強加在子女身上。現在30幾至50歲的家長，在他們成長的年代，他們的爸媽會告訴他們，「記得讀好書學好英文，將來打寫樓工出人頭地啦」。在他們爸媽的年代，年青時遇上二次大戰，很多人字都唔識，唔好講英文，所以他們會叫子女學好英文。到而家40、50歲人年青的時代，教育雖然開始普及，但在香港入大學比率只有1%多一點，英文好讀到名校，已是入大學踏上人生成功路的捷徑。

但到今天世界變了，人人有書讀，20%人入到大學，加埋副學士有60%，普遍學歷水平高了，不是說英文不重要，而是說英文好只是必要條件，不是足夠條件，對後生仔的要求全面提升，要出人頭地，不只兩文三語要好，要有專業技能，而且由於參與競爭的人比過往多很多，EQ高可能更重要了。

地球變平了，香港的孩子，將來不止和香港人競爭，也和全世界人競爭，中國有13億人口，印度有11億人口，呢兩國人口大國都很重視高等教育，單計中國一年都有500、600萬大學生畢業，試想一個來自中國農村的小孩，小時候窮到無褲著，結果成條村佢讀書最叻，只有佢一個入咗大學，佢o既意志幾強，克苦能力幾高，可想而知，若這個大陸大學生和上述滿口英文但乜都無膽試的「香港少爺仔」一齊入一間公司做嘢，你估有乜後果?

在全世界一流的美國大公司，好多高層都係七色人種，若說他們講英文的口語，那些非美國本地人好多都有較重口音，但語言只是溝通工具，聽得明就OK，好多公司都有嘢要賣，只要你幫公司賣到嘢，美國大公司都唔係幾理高層的口音。我唔係講學英文唔重要，我覺得英文都好重要，但我們不要被舊觀念蒙蔽，以為好似以前咁，單靠英文一味就可以成功; 將來除了英文要好之外，中文好同樣重要，因為10年之後中國可能已經成為全世界最大經濟體，好多人要為中國公司打工，你識英文唔識中文一樣死; 而且光是語文好都唔夠，EQ要高，要有和全世界人才同枱競爭的準備。

培訓孩子EQ有100種方法，各師各法，只有一種一定唔得，就係那些「直升機父母」的教仔法，那些父母有如直升機一樣，成日在子女頭頂盤旋，一見到子女有事(或者阿爸阿媽以為子女有事)，就會馬上由空中降落，把子女接走，把子女救到「安全」的地方，將來如果老板容許，出一份糧，可以叫埋阿爸阿媽陪仔一齊返工，呢啲阿爸阿媽一定肯制，你話呢啲子女有無得同人爭呢?　若講剝削，呢啲阿爸阿媽又會唔會剝削咗子女學習求生能力的機會呢？

要認真社會經濟發展的現實，估計未來10、20年的情況，才會知到矛盾的根源在那裏，好好為自己和子女預備將來吧。

陸羽仁

http://www.hkheadline.com/blog/r ... rd=&searchtype=

Mr.Business

2009/6/9 上午 10:36:46  

陸羽仁覆網友

blacks: 你話「我成日見到D鬼佬帶仔女去公園玩, 行行下pk, 由鬼得佢地自己起身……係簡單而完美既訓練.」呢樣嘢我留意咗好耐，在公園鬼佬任得個仔爬高爬低，唔怕佢PK，大有跌斷骨醫好又玩過的氣派，但香港人父母就好小心關顧，爬高小心就叫仔女唔好爬咁高小心跌死你。所以在大學之前，還是華人子女聽話死讀書佔先，但入咗大學之後，特別係再讀上去，華人就未必夠鬼仔fight啦。

GNIW:　你話大學生在外地表現好差，只學外國性器具點講，然後到處講，我信噃，也正如你所講，係O’ camp教o既，而家O’ Camp好自由，無人掂得，自由係好，自由亦有代價，好處和代價其實都係下一代自己承受，不過佢地未必知。去到外國睇到幾多嘢、長咗幾多知識係佢地自己o既，學到性器官點講，咪長咗性器官o既知識囉。

牛腩：猴市唔係要及早離去，係要「與猴共舞」。

迷茫中青：你話怕下一代唔好所以決定唔生，但有孩子的快樂，卻又是只可意會不可言傳，或者你學吓鬼佬方式去教，粗生粗養式，唔好太刻意太人為，孩子又未必唔得噃。

潘記：個社會好明顯好似我地髮線一樣，呈M型啦。黃金回落若到９００美元可揸，較難去番８５０美元。

牆頭草：曹仁超月供唔得，前者因為佢買金幣，而在當時高通脹、高利息年代開始買，愈買金愈跌。至於基金，真係要睇買乜基金，如果唔係高增長地區基金，買咗唔沽，佢只係上落，亦唔得。

Investor123:你個仔澳仔金融系畢業，聽你講你都有一定社會關係，最好忍吓手，叫佢自己在澳洲或香港搵份金融工，唔好你幫佢搵，等佢自己捱吓撞吓，話俾佢聽你黃口黃面的優勢係做澳洲機構對大陸生意，累積吓經驗先啦。

Douglas:美元下跌由英國被調低評級展望所觸發，如今美元應是反彈，是否見底要睇吓美國被降評級的憂慮會否消散（暫時未似消散，故債息仍高）。

yfong:北京CBD住宅1200呎大概要400萬港元，可供八成。商舖無乜好貨，有吉舖位置都相當靜。(另外你估嗰個都唔係我)

beck12:堅尼地城宏都和奧海城各有各好，宏都有未來港鐵西港島線之利，但中短線計奧海城係穩陣之選，不過近日樓價都反彈到幾高位。

Mr.Business

注：此篇文章版权归香港頭條網所有。

深造為了甚麼？
2009年6月9日

最近真是考試的日子，身邊的朋友不是五月底考會計相關的CPA，就是六月初考財務相關的CFA。剛過去的星期天，Victoria也參加了CFA Level 2考試，因為考過Level 2的朋友都說正式考試較簡單，所以這次非常輕敵，溫書的時候也只是以為很醒地抓重點溫。誰知今年的選擇題由原本的四選一改成三選一後，正式考試並沒想像中容易，而且我還感覺考題有點偏。做題的時候，Victoria才發現自己對那些知識點都是一知半解。如果真的不幸要重來的話，看來是要下點工夫了。

　　參加過兩次CFA考試，都是人山人海。每次感受到這樣的氣氛，就會聯想到這個社會的競爭有多大。大家都在通過自我增值尋找機會，而機會又是留給有準備的人，所以CFA這個考試的市場才這麼大。但Victoria感覺在選擇任何考試前，都要先想清楚自己要做甚麼，追求的職業道路是甚麼。不需要很盲目的甚麼考試都參加、甚麼牌都拿齊。可能每個
本科畢業的大學生，都曾經考慮過要不要繼續讀個碩士之類，我也有考慮過。但是當時就覺得還不清楚自己的職業道路到底是要怎麼走，所以不想盲目讀個碩士當是完成任務。反而覺得工作一段時間後，發現自己興趣在哪裏，欠缺在哪裏，或者遇到事業的瓶頸，能力不夠應付工作，才繼續深造會是一個更好的決定。不過這些考慮也都是因人而異的。

　　繼續深造的目的，相信很多人是為了找到份好工。好景的時候，有些朋友可以拿到四五萬元人工，而找到這些好工的途徑，就是不停轉工。而事實上，他們的新工作並沒有要求甚麼新技能或更長的工作時間。五萬元人工做的工作，可能與二萬元人工的工作無異。當景氣急轉直下的時候，被人裁員一點也不奇，那個時候想要再找回五萬元的工，可能很難，原因就是你的位置容易被人取代。

　　所以有一技傍身是非常重要的。Victoria覺得與其參加各種各樣的考試、去爭取一些自己不擅長的東西、被淹沒在人海裏，不如仔細想想自己想打造自己成為一個怎麼樣的人，自己比別人的優勢在哪裏，然後再去充份發揮這方面優勢。

　　突然覺得今天的語氣有點像老人家，畢竟自己在事業道路上都是新手，時常有不同的想法冒出來，算是跟大家分享吧。

　　王雅媛（Victoria）

http://www.hkheadline.com/finance/news_detail.asp?id=80164