【专题讨论】转载香港頭條網陸羽仁, 王雅媛的文章

Mr.Business

2009/5/12 上午 10:40:47  

陸羽仁覆網友

金曹：歡迎回歸。提早退休，不用寫無謂之報告，不用開無謂之會議，開展新一頁，誠人生快事也。

股惑仔：澳元之升和環球股市「炒無事」有關，你有需要一定要６月買，可以稍等到６月才買。買了若唔睇好澳元，可以開外滙戶口沽澳元對沖。

火柴：你沽歐元１．３２，１．２９，第一沽位唔靚，若在１．３５，１．３６左右沽，防守性強啲。第二若不是一早定咗分注，買入唔路應止蝕而唔係加注，若呢次加注死守得，終於會有一舖輸到好甘。歐元之升和環球股市升、美元避險作用減弱有關，唔易維持到７、８月。

Gdumdull：你有５．４元買入的建行想沽，本月高位是５．２７元，可惜未到你入貨價，唔係真係可以沽番出街走一轉。美銀而家話唔沽建行住，可以觀察吓建行會唔會再上試高位，真係想沽若高位唔到，亦可定止蝕位沽一部份出街。

Hehe海倫：樓市反彈咗啲，發展商好想把握呢個機會出今年啲貨，我覺得可以等等，睇吓今年９、１０月乜環境先決定。

Tracy:你有興趣內地樓市，有錢最好去大城市買核心地段有出租價值的二手樓長揸，內房股世茂和中國海外都好，現價太貴，買唔落手

IT-MAN:香港如今太政治化，漸失過去商業城市的特質，相反中國的大城市則獨孤一味搞經濟，香港優勢漸失。

Mr.Business

注：此篇文章版权归香港頭條網所有。

分析員的某種意義
2009年5月12日

水泥股我一直覺得是一個投資組合中的必備選擇。在「四萬億」的背景下，水泥的需求有一定支持。香港上市的水泥股中，投資者較熟悉的是安徽海螺（914）股價及相關新聞和中國建材（3323）股價及相關新聞。中國建材的升幅最誇張，但全因為之前遭基金洗倉跌過頭。這兩隻質素當然一流，只是我會嫌太貴。最近有一隻升勢相當急的山水水泥（691）股價及相關新聞，因為其便宜，所以在這次升浪中受到熱烈追捧。翻看市場對它的評價，我還發現了一個山水水泥背後的故事。

　　早前，大摩於三元七角八仙大手配售山水水泥。但在一星期之後，大摩竟出報告唱好，維持山水水泥增持評級，並將其目標價大幅調高至五元六角。而細看其主要原因，第一是說公司的水泥定價情況好轉；第二，竟是說因為大摩之前配售大量山水水泥，令到此股市場流通量增加。

　　而之前，我從來都認為，只有貨源集中才會對股價上升有幫助。沒有想到原來凡事都可以從兩方面去看。在大摩提高山水水泥目標價的催化下，相信
大摩對它的接貨者有一個很好的交代了。

　　不得不說一說，大行的分析員在市場中起到的作用。好多股票需要借覑故事炒高。炒高之後當然就是高位配股集資。在這個過程中，大行分析員的工作就是不停寫相關個股的報告來唱好。那為甚麼分析員要幫你這家公司寫，而不是幫人家公司寫？我相信背後是有誘因的。

　　因為邊家大行能幫到公司的手，邊家大行就可能爭取到那家公司的生意。比如某大行通過分析員調高公司目標價，從而股價升高，那配股的生意，公司自然會考慮給那家大行做。或者之後的任何財技活動，公司也會找那家大行幫忙，大行從中賺取佣金。

　　從這個意義上講，分析員起到了幫公司找生意的作用。所以在股票市場中，分析員是很難不偏不倚地去寫報告的。

　　王雅媛（Victoria）

　　王雅媛為持牌人士，並沒有持有以上股票。

http://www.hkheadline.com/finance/news_detail.asp?id=78006

Mr.Business

注：此篇文章版权归香港頭條網所有。

金融High Tea——回頭一望無晒人
2009年5月12日

美股上周五升165點，但早過香港開市的日股已經升唔起，恒指低開9點後，馬上抽上，好快就衝破牛熊分界線17418點，最高曾升近300點，升上 17686的近期新高，半日收市升289點。午後內地股市由升轉跌，恒指在中資金融股急跌拖累下，跟隨跳水逾650點！牛熊分界線得而復失，恒指倒跌 358點收場。

恒指結束了連續七天的升勢，收報17088點，跌302點，全日最高17686點，最低17032點，高低差幅654點。下午4點現貨收市後，期指唔止無反彈，仲要再下跌，收報16810點，跌365點，比現貨大幅低水278點，成交10萬張。國企指數重回10000點樓下，收報9764點，大跌288點或2.9%，跑輸大市。大市成交再度突破900億元，成交921億元。

高盛唱好頂住礇控

昨日係靠礇控（005）股價及相關新聞一隻股頂住大市，先至叫做唔係跌得咁厲害。高盛唱好礇控，話考慮佢未來在大中華地區潛在可擔當人民幣清算行的領導角色，上調礇控評級及估值，將投資評級由中性上調至買入，並將目標價由55元大升至84元。不過我就話礇控要做人民幣清算行要問纒阿爺先，當中有太多變數，唔係純睇礇控實力，可能都要睇纒當時中英關係有幾好。

礇控發表經營狀況報告，指今年第一季集團的收入由2008年第四季的水平大幅回升，當中環球銀行及資本巿場業務由於巿場份額擴大，除稅前利潤比去年同期下降，但卻比2008年第四季顯著提升。旗下美國礇豐融資首季賺了6.14億美元，遠勝上季的虧損27億，而信貸減值撥備近40億美元，亦較市場預期的低。大笨象早段跟隨美國預託證券市場的價格造好，最多升過5%，見過69.4元，但下午大市急跌時，佢升幅大幅收窄，收市報66.1元，只微升0.3%。

昨日大市走勢都幾蠱惑兼唔靚仔，期指9點9一開市即插，由17245點向下急插百幾點，吸引一眾本來都睇淡的散戶落場追沽，點知唔夠15分鐘，現貨在10 點鐘一開市就借勢夾高，10分鐘唔夠升鰦300幾點，好多炒即日鮮造淡的散戶見到咁勁的升勢，馬上投降，好多唔止平淡倉，仲馬上轉手造好倉，但大市上午仲好好地，但下午來一個急插，呢鑊仲大，跌足600幾點，散戶本來睇淡，大市結果真係淡，但中間一上一落，散戶左一巴右一巴由頭輸到尾，可以唔見成千點，到收市佢地問「我本來睇淡，點解遇上跌市都要輸錢呢？」答案一字咁淺，散戶唔夠大戶玩。

單日轉向走勢唔靚

中環茶友話，單睇走勢昨日都幾有問題：第一，雖然昨日上午港股創了近期新高，但單日轉向，由升轉跌，尾市仲彈都唔彈纒，走勢相當弱；第二，跌市成交好大，期指有10萬張成交，大市成交亦破900億，沽盤洶湧而出，交易員話早兩日仲見好多股炒得好魀，但個市有少少轉勢，回頭一望無晒人，所有買盤都失晒蹤，但見沽盤都質得幾急也；第三，昨日高盛唱好礇控，但大市對好消息都無反應，上星期已經見輪住炒礇控和中移動（941）股價及相關新聞兩巨股，令人有少少擔心係頂高兩隻大№派貨。

茶友話，部份基金從低位買上來，手頭上的股票獲利三幾成的比比皆是，有好大誘因沽貨套現，鎖定利潤，試想咁樣的市道，如果半年有三幾成利潤絕對有交代，所以好多芬佬定鰦止賺位，一見勢色唔對就出貨。雖然唔能夠話大市一定再跌，但如何消化獲利盤的沽壓，係一大問題。佢話資金市好難炒，升又得，跌又得，關鍵要绩實資金有無新資金入市，或者已入市資金何時離場。

大市昨日下跌主要受中資金融股拖累，其中美國銀行快將配售手持的建行（939）股價及相關新聞股份係原因之一，有意增持建行的淡馬錫認為美國銀行批出建設銀行股份的定價過高，消息令建行昨日急插，下跌6.7%，收4.9元，係繼裕元以外，第二跌幅最大的藍籌股。中信銀行（998）股價及相關新聞購中信國金股權，股價升1.7%，招行（3968）股價及相關新聞升1.8%，其餘「三行三保」都下跌，中行（3988）股價及相關新聞跌2.4%、工行（1398）股價及相關新聞跌1.9%、交行（3328）股價及相關新聞跌0.4%、國壽（2628）股價及相關新聞 跌2.2%、平保（2318）股價及相關新聞跌2.1%、財險（2328）股價及相關新聞 跌4.1%。睇鈬美銀一日未批出建行股份，都有把懸劍吊在佢頭頂。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

中美磨擦         

2009/5/12 上午 09:34:33
網誌分類: 經濟

美國三間銀行配股集資兼大削股息，償還政府債務，投資者趁機獲利回吐，金融股昨日首當其衝，全線挨沽，拖累大市向下。杜指開市即插水逾150點，之後在8400點間窄幅橫行至收市，以接近全日最低位收市。

杜指收市報8419點，跌156點或1.8%；標普500指數報909點，跌20點或2.2%；納指挫8點或0.5%，報1731點。紐約證交所交投淡靜，成交只有14.9億股，較上日減少了逾兩成。杜指期貨最新報8360點，跌156點，比現貨低水59點。日股早段跌66點，微跌0.7%，唔係跌得好多。

        BB&T、U.S. Bancorp和Capital One Financial趁股市旺勢，昨日齊齊宣佈集資共57.5億美元，以償還早前的政府貸款，銀行還錢脫身，以後可以自由派花紅，但配股有攤薄效應，投資者紛紛以沽貨回應，BB&T跌7.6%，U.S. Bancorp挫9.9%，而Capital One Financial更大跌13.5%0至27.1美元。KBW銀行類指數BKX大跌7.1%，金融股全線向下，Select Sector SPDR-Financial ETF下跌5.8%，摩根大通挫8%至35.83美元，美銀跌8.7%至12.94美元，富國銀行跌5.9%至26.53美元，花旗集團跌4%至3.86美元。

匯控昨日在收市後公布首季業績展望情況唔差，股價在英國市反覆上落，在美國預托證券市場造好，收報66.81元，比香港收市價高1.1%；中移動則收報74.26元，比香港收市價低1.4%。而ADR港比指數為17060點，比香港低28點。

福特汽車昨日亦宣佈計劃出售價值3億美元普通股，並利用其中的一部分建立退休員工衛生保健基金。福特汽車股價下跌2.6%至6.08美元。福特汽車係唯一沒有收到美國聯邦援助的汽車公司。 上個月，福特汽車公佈季度虧損14億美元。

美股交易員話，早前銀行壓力測試公布咗，非農業就業職位的數字又公布埋，呢幾日無大消息公布，市況較靜。上周科技股和零售股先回吐，銀行股和能源股仍強，但如今輪到銀行股都回軟，而油價由2月低位33美元一桶升到58美元，而家油市唔係真好，只係炒緊反彈，論基本因素，油價都要調整番10%以上，所以能源股同樣有回吐壓力。

諾貝爾經濟學獎獲得者克魯明(Paul Krugman)日前去咗北京訪問，從一個美國經濟學家的角度睇中國，值得一書。佢在北京先講吓美國經濟形勢，話美政府現在的措施只用了一半力氣，如果不採取第二輪措施刺激經濟，同時清理銀行體系，包括暫時將花旗，甚至將美銀收歸國有，經濟不能完全復甦，只能跛腳前行，美國以及歐元區國家將存在陷入日本式「失去的十年」經濟衰退的風險。

佢話，「美政府對銀行業的政策也只能幫助它們存活下來，但不能真正達至繁榮。」美國4月失業率達8.9%，創了26年來最高水平，克魯曼預計，美國就業在今明兩年內增長將極小，甚至會出現零增長。克魯明睇美國經濟都睇得幾淡，同而家美國股市由低位反彈30%以上的感覺，大相徑庭，佢認為美國政府唔出猛招國有化銀行，解決唔到問題。

克魯明讚許中國使出有力的措施刺激經濟，但他發現中國政府並未承諾轉向以內需拉動經濟增長模式，以減少其過多的存款，「若中國的貿易順差繼續佔GDP的10%，那麽將難以預料全球經濟將如何完全復甦。」克魯明的假設是中國大力拉動消費，令中國人花多點存款，這樣不止可以帶起中國經濟，並會多買歐美貨，有助歐美國家復甦，可惜中國並沒有這樣做。

佢認為中國保持龐大的貿易順差與美國的高失業率及歐洲的低增長並存，那麽政治摩擦料將隨之而來。佢意思係話美國眼見自己經濟不前，失業率高，就會向中國施加壓力，要中國提高人民幣匯價。

克魯明又話，中國不應急於使人民幣完全可兌換或放寬其資本帳戶，因為處於相似發展階段且放棄外滙管制的國家已面臨困境，他認為「我不確定我們是否在討論有關完全浮動的人民幣，但人民幣升值將有其必要，儘管中國目前不願聽到這一說法。」

       綜合克魯明的預測，中國經濟會回復健康增長，美國和歐洲只出現似有若無的復甦，更壞的情況是出現日本式的10年衰退。美國眼見自己衰到貼地，但中國卻賺大錢貿易盈餘龐大，又會向中國施壓，逼中國提高人民幣的匯價。克魯明的分析，可以作為中長線投資者的參考。

陸羽仁

http://www.hkheadline.com/blog/r ... rd=&searchtype=

Mr.Business

2009/5/13 上午 11:48:09

陸羽仁覆網友

Ray:昨日在四季酒店見到一個靚仔聚精會神聽書抄筆記，嗰個原來係你，失覺哂，我就無寫筆記啦，Haha。

早一日我話人民幣有長線升線能力，基本策略是長揸大陸資產，買樓，買A股，買H股都係(但短線股票已經超買，除非你忍得住佢調整又另計)，有錢在大陸大城市核心地段買樓，長線可兼樓宇及匯價升值。所以我都同意龔方雄的睇法，看好大陸樓市，但內房股好多已經炒得太高。你有錢直接投資國內樓盤開發，係絕佳選擇，我都識啲大陸發展商，可以介紹俾你，唔收你介紹費。

Gigi: 我同你嘅感覺一樣，每日睇報紙見到風水師同富婆的親密照，真係打晒冷震!美銀沽建行，價值無啟示性，因為大陸唔肯高價接貨，佢唔想得罪大陸係市場批股，唯有折讓大啲，但亦唔代表建行唔會穿4.2元。

Space Ace:ETF的正式莊家的作用係開吓價，讓股份較易成交，同細股的莊家唔同。2828的芬佬係恒生，萬一恒生有事(只是萬一，本地銀行其實相當穩健)，照計都唔應該影響到佢代客戶管的基金。

MZ:油股龍頭係中石油，鋁業睇中國鋁業，但佢地升到目前的位，是宜炒不宜揸。

阿Tom hk:中國基建股基本因素OK，但佢地一早反彈咗，長揸現價幾隻都買唔落手。

美蘭較細，未炒到咪落後啲囉。

華能急跌係市況急回時有貨者急急平倉套利的反應，無事又走番埋去炒吓，一有事又閃，而家大戶都係咁搞。

逸文:盈富成交量昨日急增，大市有資金流入，懷疑有外來基金買吓貨。

Yuki:匯控上大陸發行A股，若成事對滙控有刺激作用，起碼是一個好集資渠道，若成事可以將匯控股價的底睇番高啲，因為佢若要再集資不用在港發股，可以在內地發股。

月供開就無謂變來變去考眼光了，維持月供就算，月供唔係考眼光，係買一個大方向，認為股市長線要升。

Rocky:美元跌因為有大行如JP摩根炒復甦，睇淡美元。

Mr.Business

注：此篇文章版权归香港頭條網所有。

金融High Tea——高手過招 水源未斷
2009年5月13日

美國多家銀行配股集資，美股上日回吐，恒指昨日隨外圍低開92點後，走勢極度反覆，先升逾150點，後倒跌180點。午後內地A股抽升，恒指止跌回升，再抽上高位。

恒指收報17153點，升65點。現貨收市後期指再抽高，收報17188點，升378點，比現貨高水34點。國企指數收報9722點，跌42點。大市成交縮減至781億元。

礇控（005）股價及相關新聞淡友里昂認為礇控首季表現差強人意，礇豐融資將為數不少的貸款組合售予美國礇豐，令業績扭曲，前景亦令人審慎，維持沽售評級，目標價仍維持低至28元。美林則維持遜於大市，目標價42.91元，理由是現價已足以反映估值，和高盛睇84元的高價相映成趣。礇控早盤曾高見68.1港元，後升幅收窄至1.8%，收 67.3元。同樣支萦大市鮋係中移動（941）股價及相關新聞，曾一度跌至75元邊緣，尾市回升，收報76.35元，升1.4%。

大戶沽貨即日就走

一直盛傳美銀沽售建行（939）股價及相關新聞終於成事，美銀以每股4.2元，大幅折讓14.3%價格，悉數出售解禁建行135億股股份予國壽（02628）股價及相關新聞和新加坡國有投資機構淡馬錫等機構投資者，涉資約567億元。美銀減持的股份佔總發行股本的5.8%，減持後，美銀持有建行的權益降低至10.6%。

早前盛傳阿爺不滿美銀想高價沽建行，唔想俾人覺得早前低價賣建行股票俾美銀，而家要高價接番，結果成交價要有14.3%折讓，中方由國壽（2628）股價及相關新聞接貨，叫做隔多一重。建行遭減持的疑慮消除，建行昨日倒升1.6%收報4.98元。

唔好睇昨日期指上下波幅只有414點，其實大市上下走鰦幾轉上午跌完即抽，抽完又插，下午又抽升，中環茶友話，佢有個客係大戶，星期二跌市日高位沽鰦過千張期指，下午收市前食住500幾點，問佢好唔好過夜，佢同個大戶講，鶽家鱓資金市，資金流去邊就走去邊，好難估，過一日升500點同跌500點機會一樣咁大，個大客聽完即刻話唔博，在收市前平倉食鰦500點就算。結果期指坐完過山車都升鰦300幾點，個大客早一日唔食胡就笨啦。茶友話個市咁波動，有人睇好有人睇淡，高手過緊招也。

JP摩根睇好內地股

JP摩根昨日在四季酒店搞鰦個大型投資推介會，一個大禮堂坐滿晒，大部份都是有錢私人投資者。JP摩根係好友，佢懐睇好亞洲（日本除外）市場，特別係中國，話要逢低吸納咁話。佢懐唔睇好日本，更特別唔睇好歐洲，認為歐洲有大鑊，有排未爆完（獱住隻股做歐洲生意要小心）。可能因為摩根大通係美國主要銀行， JP摩根又無乜點講如何睇美股。

不過JP摩根有睇美元，佢地三星期前開始看淡美元，並認為今年下半年美元會反覆轉淡，佢地睇好商品和能源。從JP摩根的建議看，佢地係復甦派，主要認為復甦會來臨（特別係中國），買美元避險的需求減低，所以要睇淡。

除鰦JP摩根之外，高盛都係好友，你睇佢將礇控目標價由55元提高到84元就知。暫時唔知睇淡礇控的大摩有乜新觀點。

好明顯外資有人睇好，有人睇淡，高手過招，未知鹿死誰手，但昨日所見資金繼續流入香港，金管局昨再承接美元沽盤，昨日向市場注資96.88億元，令今日本港銀行體系結餘將增至2,350億元，計及金管局另外發鰦900億票據去吸納資金，流入資金總額有3200億元，流入香港的水源未斷，如果美股未插，港股仲有得玩纒。

中國海關總署昨日公佈4月份進出口總值1707億美元，比去年同期下降22.8%，降幅比今年1季度累計同比降幅減少1.9個百分點。其中出口919億美元，下降22.6%；進口788億美元，下降23%。4月份比3月份進出口值增長10.4%，其中出口增長6.9%，進口增長 15.1%，顯示4月情況比3月繼續改善。另外，1至4月城鎮固定資產投資同比增長30.5%，延續今年以來加速勢頭，顯示4萬億的投資計劃和產業振興政策正在發揮作用，阿爺經濟正在反彈中。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

銀行太貴  
       
2009/5/13 上午 09:39:52
網誌分類: 經濟

美國首季房屋價格下滑14%，科技及金融股繼續有獲利回吐壓力，美股早段反覆偏軟，可樂、輝端藥業和油股造好，推動杜指午後止跌回升，標普500指數則以微跌收市。

杜指收市報8469點，升50點或0.6%；標普500指數報908點，微跌不足1點；納指挫15點或0.9%，報1716點。紐約證交所成交16億股，美股一個上落爭持的格局。杜指期貨最新報8436點，比現貨低水33點。

　　NAR（National Association of Realtors）昨日公布全國小型住宅房屋中間價首季下滑了14%至16.9萬美元，遠高過去年第四季的6.2%，據NAR調查的152個城鎮中有134個都呈下滑情況。

BB&T、U.S. Bancorp和Capital One Financial上日齊齊宣佈集資，相關股份繼續被拋售，拖累金融股下挫。BB&T繼上日跌7.6%後，昨日再挫7.8%至22.45美元；SunTrust大跌12.4%至16.21美元；富國銀行跌3.1%至25.7美元；美銀和花旗集團話齊跌逾5%。

匯控在美國預托證券市場偏軟，收報66.43元，比香港收市價低1.3%；中移動則收報75.33元，比香港收市價低1.3%。而ADR港比指數為16970點，比香港低183點。

因率先提醒投資者有關銀行毒債而名噪一時的分析員Meredith Whitney 日前接受 CNBC訪問，詳細闡述她對呢次升市和銀行股現狀的睇法。她開宗明義話，佢而家絕對不會投資銀行股，因為銀行價值被高估，呢次升市主要是政府的造勢交易（momentum trade），政府政策讓銀行獲致不該有的首季度盈利。市場睇基本因素的投資者明白規則何在，只投資於既定的遊戲規則，但政府介入後，遊戲規則中途改變了，變成沒有了規則。」之前市場人士睇基本因素沽空銀行股，政府改變規則令銀行股急升，令沽空者大幅平倉，造就了這個升市。

她說，「作為投資者，規則的不斷改變造成很大的困擾．．．最大的危險係散戶在一段時期內，想睇股票價值，都不知應該要相信誰。」她說這種狀況她一生未見，但睇番銀行業的基本因素，「基本因素並無改善，係零改善！」

佢話美國經濟大環境好差，失業率升幅比預期差，消費情況比預期差，銀行的經營模式已不復往昔，銀行的盈利能力大大削弱，在05、06年的時候，銀行從信用卡業務賺到25%的利潤，按揭業務，抵押證券買賣都能做到可觀的收益，但隨著巨大的消費流的收縮、信貸收緊的速度不斷加速，加上高踞不下的失業率，未來的消費支出將較人們預期的更少，例如美國銀行業今年首季就削減了逾2000億美元的信用卡信用額度，消費者借不到錢，將不會消費。

Meredith Whitney話，摩根大通現價30倍PE，這是很大的倍數，佢話唔係針對摩根大通，但銀行業部份賺錢模式一去不返，很多銀行股都有25倍PE，好難支持，銀行業的收入萎縮，但成本不縮，資產基礎縮細，盈利能力縮細，不能支持高PE。

佢認為銀行在壓力測試後要籌集更多的資金，它們都會引入合資伙伴，和出售資產的方法完成任務，問題係銀行一邊廂仍坐擁大量有毒資產，另一邊廂又要出售資產，太差質素資產將無人問津，變成銀行賣走好資產留下毒資產，銀行的盈利能力將更差，不排除再有集資需要。

CNBC主持人追問Meredith Whitney會唔會沽空銀行股，佢無正面回應，但佢就話會沽空零售股和消費股，Whitney極度看淡銀行股但又唔公然叫人沽空，唔知係唔係擔心在政府干預下，銀行股仲有得彈，但政府唔會干預消費股的遊戲規則，所以唔怕沽。另外佢又建議投資者手持現金，年終的時候將會出現很多有盈利潛質和物超所值的股票，而不應在現時買價值被高估的銀行股。

Whitney是明星級分析員，近期美國消費股比較弱，可能有些投資者聽咗佢建議，已經趁高走去沽消費股了。

陸羽仁


http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——抽水潮湧到埋身
2009年5月14日

美銀以每股4.2元低價配售建行（939）股價及相關新聞股份，但主要由內地大機構接貨，股份不會流出街，恒指昨日開市壓力不大，低開56點，跌至17035點回升，半日升111點。國內A股午後升幅不斷擴大，恒指下午一開市再升，但升至接近250天移動平均線阻力位，好快又見頂回落，跌勢急勁，一小時內下滑逾350點，然後窄幅橫行。

炒港交所 「無事發生」

恒指全日倒跌94點，收報17059點。期指收報16930，跌258點，比現貨低水130點，成交略減至86127張。國企指數收報9738點，升16點或0.2%。大市成交1466億元，創了近期紀錄，當中包括建行的782億元成交。

如果日日都咁多成交，港交所（388）股價及相關新聞就發達囉，港交所公佈第一季業績，期內純利倒退49%至8.3億元，最主要的是大市成交額減少影響的收入跌39.7%至8.15億元，而投資收益亦大減 64%至1.3億元，上市費和出售資訊費亦跌一成幾。不過近排大市好成交多番，港交所昨日仍升0.4%，收109.8元，盈利唔好股價好，大家都係炒緊一個「無事發生」的概念，港交所現價市值1181億，如果佢全年都好似第一季咁盈利，只有30幾億盈利，現價市盈率28倍，雖然第二季盈利應該好過第一季，但第三、四季又點呢？無人知。

昨日拖累恒指由升轉跌鮋主要力量來自礇控（005）股價及相關新聞和建行，大笨象低開1元後在低位爭持，午後急跌近4%，尾市略為回穩，收報65.1元，跌3.3%，推低恒指117點。

美銀上日盡數減持解禁的135億股建行，今次主要由內地基金及公司接貨而非由阿爺直接接貨，主要係阿爺唔想俾人一個印象，佢懐好笨咁低價賣建行股份俾美銀，又要高價接番；再加上定價4.2元都有較大折讓，睇番建行股價往績，除了去年10月大跌市時大幅低過這個價外，在今年初的跌市建行好多時都有3.7 元、3.8元，所以4.2元接貨者都有一定緩衝。

比較有趣的是昨日上午上板的除了美銀沽出的股份外，另外有股東減持建行股份7.38億股，不過作價就唔係4.2元，而係4.88元，呢個股東借機批股出街，套現共36億元，如果4.88元都批到股，可見美銀沽4.2元又真係俾鰦面阿爺，情願沽平鱓等內地基金一手接貨，唔會批股出街沽到散晒。摩根大通表示，美銀今次減持建行股份後，不明朗因素已經消除，維持對建行的增持評級。建行昨日以接近全日最低位收市，收報4.79元，跌3.8%。

美國銀行沽№只是冰山一角，好多美國公司都趁美股彈鰦35%批股集資，上一日就有福特汽車、US Bancorp、Bank of New York Mellon以及 Anadarko，幾間夾埋批股集鰦60億美元，而5月至今未夠半個月，美國公司批股集資總額已有310億美元，上個月成個月都只有240億美元，可見呢兩個星期美國公司批股都批得好急。唔止公司批股，公司管理層亦大量出貨，通用汽車股價彈完都仲係好殘，但通用6個高層在本星期一就沽清佢地手上的通用股票，一股不留，消息出街當日通用跌了22%。

H股可跑贏A股

中環茶友話，美國公司咁批股法，市場能否消化係一大問題。香港情況好少少，美國資金唔敢買本國股票可能仲敢買港股，但小心再升高少少又輪到香港公司大抽水了。

內地A股昨日在能源股大漲推動下再創9個月以來新高，滬綜指收報2664點，上升1.7%，滬深兩市成交大增至2189億元。摩根大通中國證券市場主席李晶話，包括美國、歐洲、亞太地區、香港和中國在內的全球股市已是9周持續上漲，這在近幾十年來也是非常少見，特別是在最近幾天，股市上揚非常之快。她最近接觸到的基金經理的風險意識有所降低，這些跡象顯示全球股市有回落調整的可能。

李晶話滬深300指數的市盈率已經達到21倍，恒生國企指數達15倍，A股和H股溢價最近一段時間回落到30%左右，由於外國的基金經理普遍認為中國經濟將會率先復甦，他們對A股和H股的興趣愈來愈濃厚，她認為現時股市的投資價值依然存在，但由於A股的市盈率較高，未來幾個月內，香港股市特別是國企指數可能跑贏A股。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

消費乏力         

2009/5/14 上午 09:27:49
網誌分類: 經濟

美國4月份零售銷售遠低過市場預期，收樓通知宗數創新高，美股昨日大幅回落，杜指開市即插水近160點，之後反覆向下，在8300點間窄幅橫行至收市。

　　杜指收市報8285點，跌184點或2.2%，全日波幅只有200點；標普500指數連續第三天下跌，報884點，挫點或1.6%；納指跌52點或3%，報1664點。紐約證交所成交17.7億股。杜指期貨最新報8294點，比現貨高水9點。

美國政府公布上月美國零售銷售繼3月份下滑1.3%，4月再跌0.4%，扣除汽車銷售部份，則下跌0.5%，跌幅遠差過市場預期的增長0.5%至1%。原因係職位流失、房屋價格下跌和家庭財富稅減，令消費者的消費能力大降。

銀行削信用卡額度也是消費減少的主因，我的美國朋友話，早一兩個月幾間銀行先後打電話俾佢削信用卡額度，有一間話你有張信用卡有１萬美元額度，但你成年都無用過，不如削咗佢。另一間又話你張信用卡有１萬5000美元額度，但你經常只用到3000美元左右，不如將你個額降到3000美元。我個朋友係公司高層，信用良好，到期就還信用卡數，尚且有咁遭遇，若過去有拖欠信用卡數的美國人就更加會被銀行大削信用額了。美國是一個借貸消費的社會，借貸收縮，消費自然跟住收縮。

零售銷售數據公布後，零售業巨企紛紛挨沽，標普500成份股中28家零售股中，只有一隻逆市上升，平均下挫3.3%。迪斯尼下跌3%、Jim Beam Bourbon 威士忌生產商Fortune Brands Inc. 和Best Buy挫5%；全美第二大的百貨公司連鎖Macy公布季度業績輕微低過預期，首季銷售跌9.5%，業績OK但股價卻下滑6.7%至11.52美元。

令投資者更震驚嘅係Realtrac Inc. 公布，美國4月份收樓通知宗數創新高，有超過34.2萬個住宅在4月份收過一次或以上的收樓通知，按年計大升32%。即係話，374間住宅中就有1間就有被收回的可能，係自2005年開始有記錄以來第二個月最高，3月份係34萬間，所謂市道轉好亦未能減少收樓數字。大城市中，賭城拉斯維加斯情況最差，每56個單位，就有一個接過收樓通知。標普500房地產指數下跌6.6%，係24個行業板塊中，跌幅最大的。房屋建造業股份亦下跌5.7%。

批股潮層出不窮，特別係銀行更係批得就批，北卡羅來納州銀行 BB&T 以每股20美元批7500萬股，集資15億美元。南卡羅來納州銀行SCBT Financial 以每股23元批130萬股，集資3000萬美元。賭業巨企MGM計劃批8100萬股，集資10億美元，另外又會發15億美元的有擔保票據，搵錢去重整債務。

銀行股繼續受壓，集資大戶美銀瀉10%至11.01美元，富國銀行跌5.8%至24.2美元，花旗集團挫6.8%至3.41美元，摩根大通跌3.7%至34.05美元，KBW銀行指數下跌6.5%。匯控亦跟隨美國金融股偏軟，預托證券市場收報62.7元，比香港收市價低3.7%；中移動收報72.44元，比香港收市價低3.3%。而ADR港比指數16460點，比香港收低599點。

　　 炒復甦買商品都開始唔得，銅價連續6日下跌，另外據中國於4月恢復其140萬公頓的鋁材生產產能，這將導致嚴重的過度供應，令鋁價受壓，美鋁（Alcoa Inc.）昨日大跌8.8%至8.63美元。

        環球股市呢一浪上升，主要炒經濟見底全面復甦，股市升，商品升，美元跌，但而家起碼睇到美國和歐洲情況都唔係咁，英國自己把經濟回復正增長的時期推遲到明年第一季，美國的消費和樓市的情況仍然令人憂慮，相信美股亦要調整一下啦。

陸羽仁

http://www.hkheadline.com/blog/r ... rd=&searchtype=

Mr.Business

2009/5/15 上午 11:04:14

陸羽仁覆網友

Ray:你問乜水平吸納，我看主要睇香港和美國大市跌乜，第一種形態若係再有金融風暴式爆鑊，跌市伴隨爆煲式消息出現，美股急插試穿低位的話，港股會跌穿13000點再試11600點的水平。第二種形態係無乜大壞消息，主要講經濟基本因素唔好，復甦無預期咁快，跌市無咁急促，而港股亦因為資金不再流入或外流而下跌，咁香港就要睇大陸情況，若大陸唔係咁差，港股調整到14000點就有支持，不一定再試底了，如此就確認一個一浪高於一浪的走勢。

我認為都係外資錢多過大陸錢，外資好多想炒復甦但係自己知自己事，知道美國唔好，所以流入炒亞洲股。

熱帶魚:你收到供股信，問好唔唔好供，隻隻股都唔同，不過按過住經驗，供股前大升，即係主事人想你供，到你俾咗錢過一兩個月就唔掂，到過頭來宣布供股後插穿埋供股價，係主要人唔想你供，等佢慢慢收貨。供股價遠低於急升後的股價，不妨在除權後先打要供股的同等數量正股賣掉，再以低價供番啲股份番來，拉低成本。

中年股壇初哥:以3年計，按揭以Hibor加X的方法做好啲，低息期可能仲有半年一年，利息隨時平一半，但第二年利息上番啲，可能和Prime加X的方法差唔多，第三年利息再貴啲，因為用Hibor加X有個利息上限，比Prime加的方法可能多0.5厘至1厘(睇吓有無封頂P減2厘的offer)，第一年平咁多息，足夠抵銷後段多俾的利息。

Tsyi:股市永遠都係炒波幅，一年頭尾實際升跌幅只有2000點、3000點，但中間大上大落一兩次，上下走的波幅都有5000點，資金市難估頂，但升得急回得也快。

A股波動難免，但中國經濟中長線仍看好，明年美國唔生唔死時，中國可能有番8、9%增長，所以對紅色股應抱候低吸納的態度。

香港樓市未有實質支持，跌幅又未如早前股市咁深，所以只是反彈，等幾時彈都消耗咗購買力又要回。人類豬流感無想像中咁毒，怕佢變種在9、10月再來，但睇怕樓市等唔到9、10月。

天朗氣清:若想分三注沽和黃，可以現價沽一注，53元沽一注，56元注一注，若唔到價回落，可以把止蝕位定在48元。

Mr.Business

注：此篇文章版权归香港頭條網所有。

金融High Tea——一唔對路就閃
2009年5月15日

美國零售銷售差過預期，房地產唔掂，美股上日大幅回落，恒指昨日跟隨外圍低開430點，跌幅繼續擴大，跌至16500點間窄幅橫行。下午微升後再插，最低曾跌過近640點，不過尾段都算做有鱓反彈。

恒指收報16541點，勁跌517點或3%，期指收報16431點，跌499點，比現貨低水111點。國企指數收報9448點，跌290點或3%。紅籌指數挫86點或2.4%，收報3534點。大市成交萎縮至637億元。

四叔都怕錢走

重磅股礇控（005）股價及相關新聞和中移動（941）股價及相關新聞係昨日大跌市的元兇。兩隻股票上日鰠美國預託證券市場已經收低近3.5%，在本地跌得更深，大笨象低開逾4%之後就一直在低位徘徊，最低跌過5.5%，收市跌幅收窄至4.2%，報62.35元。

中移動之前因為要代國家為公司股東扣股息稅的問題，停鰦一日牌，昨日復牌，低開4.4%之後便在底部橫行，尾市略為回穩，收報73.15元，跌4.2%。國內改例，香港投資者必須繳納10%股息稅，不過，瑞士信貸稱，這僅會使有效股息收益率從3.5%降至3.2%，影響輕微，維持中移強於大盤評級，目標價 78元。中移動除息日從原定的昨日推後至5月25日，股息支付日依然為6月12日。

恒地（012）股價及相關新聞主席李兆基昨又再論股市，話恒指徘徊於萬七點屬合理，且料大量資金流入會帶動大市再上揚，但表示若恒指上破兩萬點水平，佢考慮沽出部份手頭股票套現。佢又話鶽家有好多水湧入來，但佢擔心終有一日會流番出去。

睇李四叔的評論，如瞎子摸象，樂觀者會話佢都睇2萬點，悲觀者話佢都講擔心資金流出。合理鱓去講，李四叔似乎認為資金市好難估頂，高鱓唔奇，但資金會流走，難以長期持續咁好景，見高不妨減持。

中環茶友話，港股早兩日一直在16700點至17300點之間走上落，昨日插穿這個波動區間的底部，走勢偏淡，可能仲要再試低少少。但港股大方向仍然脫離唔開美股，但美國零售消費的萎縮，的確令人擔心。

美國除了失業高企消費信心疲弱之外，銀行大削信用卡借貸額亦帶來好大問題，陸羽仁係網誌引述美國公司高層話，早一兩個月幾家銀行先後打電話俾佢，話你張卡個信用額過去一年無乜點用，不用削鰦佢，這位朋友係高級行政人員，信用良好，到期就還信用卡數，尚且有咁遭遇，若過去有拖欠信用卡數的美國人，就更加會被銀行大削信用額了，美國人靠借錢碌卡消費，張卡一唔掂，就死火啦。4月個市叫做反彈鰦零售都咁差，令投資者感到經濟仲有下滑風險，上個星期美國個市未跌已超前沽零售股和科技股，昨日就沽得更狠了。

捱鹹豆照樣炒

中環茶友聽完回應話，現在全球市場有個怪現象，就係大家都覺得經濟仲係未得，但個市就升鰦上去，於是基金一邊驚、一邊就追貨，但邊買邊懷疑呢個係假像。基金經理奉旨投資，唔理呢個現象係真定假，都唯有焗跟，但其他散戶，特別係做開生意的大型老散，就一路炒、一路都唔信復甦已經降臨，因為大家睇番自己盤生意，仲係捱緊鹹豆，生意似有若無，跟住抬高頭見到個市係咁升，個心梗係諗有無搞錯？不過，炒股還炒股，做生意還做生意，炒股一個電話打去就可以沽一千幾百萬貨，見到有得炒就炒住先，但一見到個市唔對路就閃，所以個市一郁就唔見500幾點，亦反映了投資信心仲係好脆弱。

茶友話，股民對個市信心脆弱，其實唔係壞事，至少好過個個覺得個市無問題，大安旨意，鲻身去炒，情形好似抹窗，如果識得驚跌落樓，會綁番條安全帶，或者至少唔好伸個身咁出，跌落樓的危險性反而低好多，相反如果覺得抹窗咁輕巧，點會咁易跌落樓，咁就有機會出事！

摩根士丹利資本國際指數（MSCI） 昨日公佈將山東威高（8199）股價及相關新聞、人和商業（1387）股價及相關新聞和建滔化工（148）股價及相關新聞 納入指數成份股；礇源果汁（1886）股價及相關新聞及太平洋航運（2343）股價及相關新聞 則被剔出。山東威高係從事研發、生產及銷售醫用耗材的創業板公司，人和商業為中國地下購物商場開發及營運商。三隻被納入指數的股份個別發展，人和商業升 3.7%至1.69元，威高漲6.8%至17.22元；而建滔化工遭穆迪降低評級展望，雖然納入摩指亦無運行，下跌7.4%至19.82元。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

洗大咗
       
2009/5/15 上午 09:35:47
網誌分類: 經濟

美股跌咗兩日後，投資者見無乜大集資出台，開始追落退，金融、科技和防守性股份造好，大市反覆向上，但就業市場疲弱，壓住升勢。杜指是早段向上，午後見頂回落，升幅逐步收窄，大市缺乏明顯方向，全日波幅只103點。

杜指收市報8331點，升46點或0.6%，全日最多升過92點；標普500指數報893點，升9點或1%；納指升25點或1.5%，報1689點。紐約證交所交投淡靜，成交縮減至15.2億股。杜指期貨最新報8286點，跌8點，比現貨低水45點。

主要金融機構表示不會再發行新股集資，投資者趁機撈底博反彈，金融股成為推動杜指上升嘅最大動力。摩根大通和花旗集團齊升逾4%，係杜指30隻成份股表現最好的兩隻股份，排在第四位嘅係美銀，升2.7%至15.54美元。富國銀行宣佈派發逾3.1億美元季度股息予美國財政部持有的25000股優先股，每股派1.25萬美元，富國股價升6.2%至25.69可8美元。

匯控跟隨美國金融股造好，在預托證券市場收報63.72元，比香港收市價高2.2%；中移動收報73.1元，比香港收市價低0.1%。而ADR港比指數16741點，比香港收高199點。

昨日講到美國的銀行開始斬客戶的信用卡或信用額，網友Fatfat1389報料，話「不只美國, 香港亦如是!! 我有一張Citibank的信用卡, 成年未用過, Citibank打電話來叫我主動cut咗佢!! 這是我第一次、亦係現時唯一一次有銀行打電話來叫我cut卡!!」睇嚟花旗唔止喺美國咁做，還在世界各地都同樣咁做，以控制風險。

美國的經濟動力係國家和人民齊齊好大洗，國家用錢多軍事和外交會強大，直接受惠的是軍事工業以至飛機製造業等重工業，間接受惠的是如電腦軟件和藥業等靠強大國力保護知識產權的工業。國民用錢多則對零售、消費等行業有利。不過使錢使到過籠時，情況就不可控制。

美國總統奧巴馬昨日就叫美國人和政府都唔好使咁多錢，佢在一間高校進行市鎮會堂式,演講，開場時叫一個女士來剖白，個女士話佢俾信用卡公司滾咗，利率突然提高到30厘。奧巴馬發言的主調是民粹式的，想國會盡快同意立法管制信用卡公司一些過份行為，例如隨意提高利息、濫收過期還款罰款和手續費等。不過奧巴馬鬧信用卡公司之餘，亦叫美國人購物時要克制，唔好買多過自己能負擔的東西。佢話「銀行都係一盤生意，佢地有權叫信用卡客戶依時還款。」

不過美國人已經慣咗先使未來錢，使咗幾十年，唔係話改就改。有一個中環茶友兩年前參加一次加勒比海豪華郵輪旅遊，一個人要花10萬、8萬，佢發現同船的美國人10個有9個係借錢來旅遊，最多人係加按間屋借錢旅行。我諗香港人雖然大洗，但加按層樓花20萬兩公婆去一次旅行的人亦都唔係咁多。美國人使慣咗，唔易返轉頭，呢啲叫做「由奢入儉難」。

奧巴馬亦講到國家借錢，話美國現時以發長債支持龐大財政赤字情況是「不能持久的」。若政府繼續向外國借貸，美國消費者將會承擔飛漲的利率。美國債券的持有人最終會對購買債券產生厭棄感，繼而令到所有包括汽車、房屋產貸款利息上升，損害國家經濟。佢話「我們不可以持續向中國借錢，借貸是要付利息的，這等於將我們子女的未來收入做抵押去貸款。」截至今年2月底中國持有美國國債已增至7400億美元以上。

早前，奧巴馬政府修正預算案預測，並提了今年赤字預測至1.84萬億美元的歷史新高，較2月的預測再高出5%。2010年赤字係1.26萬億，高出7.4%，政府的預測明年財政支出更會去到3.59萬億，高過原先估計的3.55萬億。奧巴馬話，最大的開支係健康醫療，因此政府要設法降低成本。

我又聽過一個大陸高官講，美國人經常投訴中國對美國有龐大貿易盈餘，其實好多中國人從事出口加工業，只賺幾百元一個月人工，同時大量使用中國的天然資源，中國出口賺到外滙後，又無可奈何要買美債，等如借錢俾美國人買自己國家的出口貨，邊個著數確實講唔清，人民幣升值三成，持有的美債貶值三成，就等如賣完嘢俾人賺到的錢事後仲要打七折。

美國在70年代初取消金本位制度後，發行貨幣不再需要有黃金支持，亦可以無限量發國債，一下子打開金融制度的約朿，只要有人相信，佢就可以無限制地發債發鈔，造就美國金融業和國力全面崛興。但玩得過份，發鈔發得太濫時，接貨者就出現信心問題，現時奧巴馬的處理方向正確，政府要逐步削赤，問題是現在是否開始削赤的好時機。

正如美國銀行行家協會反對信用卡立法時話，在消費者最需要信貸的時候，推出那些管制信用卡公司的措施，肯定會有反效果。中環茶友問，美國不再洗大咗時，到底係一個乜嘢的世界?大家做生意條數係唔係要重新計過呢?

陸羽仁

http://www.hkheadline.com/blog/r ... rd=&searchtype=

Mr.Business

2009/5/18 上午 10:52:45  

陸羽仁覆網友

KFC:你去年把強積金組合轉為平衡基金，我估等大市回番到14000點、15000點時才轉番做股票基金吧。

CCB: 內銀股要睇大市，大市走向睇大戶，睇吓佢地啲好倉平咗未，但經濟大勢唔靚仔，應該相反咁諗，希望佢再彈，減番少少倉為正路。

Piker:油價超長線好難睇，但中長線，睇三、五年，就唔會太低啦，當衰退慢慢過去時，油價又會升，現時採油成本大約40美元一桶，好難長期在成本以下。

在經濟回復正常後，50、60美元係正常價格，經濟好時，高啲唔奇。

BeBe889:你老細做手袋皮革輸歐美，今年要蝕入肉啦，我估佢過去搵長咗，所以凍吓薪搬吓寫字樓就算，但若歐美持久衰退，就要睇你老細頂唔頂得住啦。

Douglas:同意你的意見，美國人若果唔借錢度日，經濟會收縮得好厲害。

另外花旗在Wheelock House間舖，幾年前放過出來賣，仲俾到9厘幾租金收益，乜唔係沽咗咩，而家仲係佢揸住?

牆頭草:日日要寫準時交稿的確唔易，有時十九幾樣嘢都未做仲要寫稿，其痛苦不足為外人道，所以堅持係好重要，你一唔堅持，好易就停啦。

金曹：意見會代為向頭條網反映，睇吓佢地點睇。

Mr.Business

注：此篇文章版权归香港頭條網所有。

金融High Tea——經濟發軟蹄
2009年5月18日

美股上周五無乜大事，杜指微跌62點，收8268點。不過港股在美國的預託證券就跌多鱓，折合收市價為16482點，跌308點，可能和香港公布極為差勁的首季GDP大跌7.8%有關。

財爺曾俊華上周五開記者會，公佈首季經濟的嚇人數字，首季GDP大跌7.8%，同佢在二月宣讀財政預算案時，預測首季負增長2.6%相去甚遠。唔好講財爺睇錯市，即使街外經濟學者到政府公佈消息前的估計，好多都係估跌4至5%，無人咁叻估到係跌7.8%咁多。曾俊華事後解話，話「外圍環境惡化遠超想像！變化大家估都估唔到。」

香港獅城 難兄難弟

香港經濟一季跌7.8%咁多，已是98年以來最差，98年金融風暴令第三季跌8.1%，今次暫時未破到呢個紀錄，亦希望唔好破到紀錄。香港經濟呢一次令人跌眼鏡式的急跌，主要由出口大跌所致，香港第一季出口急跌22.7%，係GDP急挫的元兇；睇番區內其他四小龍地區，情況和香港相近，已公布首季數字的有新加坡和南韓，新加坡慘過香港，首季經濟跌11.5%，出口跌30.6%；南韓情況較好，減息及政府刺激經濟措施收到鱓效果，首季只跌4.3%，出口跌 24.9%。

香港首季經濟比預期差，雖然已成過去，但最大影響是我們要相應調低全年經濟的估計，財爺二月公佈預算案時估計今年全年經濟跌2至3%，如今肯定無法做到，所以佢要調低全年經濟預測至負5.5至6.5%，直追九八年亞洲金融風暴時GDP跌6%的數字。新加坡估計今年全年經濟跌6至9%，佢同香港都可謂難兄難弟啦。

好多香港人唔覺得依家經濟咁差，例如去酒樓食飯仲經常要排隊，最常見的反應係話「乜唔係金融海嘯咩，點解仲要等位？」依家同03年沙士時候比較，感覺好鱓有幾個原因，第一，沙士的衝擊急勁而短暫，高峰期有一兩個月市民根本唔敢出街，酒樓無晒客，所以肉眼睇落感覺好差，但03年沙士時最差第二季香港經濟亦只係跌0.9%，全年經濟還有3%增長，基本上還是在01年科網股爆破潮後的復甦中，經濟本質唔差。但如今金融海嘯的衝擊漫長而深遠，自去年第四季開始急跌，如今大跌兩季未見會跌完，深度比沙士大得多，直逼98年的亞洲金融風暴。

經濟衝擊慘過沙士

第二，今次的衝擊是在核心的出口業，對經濟影響好大，市民又唔係太覺，03年沙士期間零售業好差，但出口無大影響，全年出口還有14%增長，03年係睇落差實際唔太差，如今係睇落唔差實際差。

第三，失業未到高峰，如今公司節流仍是以減薪為主，裁員情況不及98年，甚至03年時那麼厲害，打工仔如今保住份工可以繼續消費。03年除了消費零售行業大裁員之外，最大鑊的是公務員和公營機構全部要減人工，香港公務員加食皇糧的打工仔有30幾萬人，計埋屋企人有過百萬，咁大批人俾政府一刀斬落去，自然十分痛，對消費亦有影響，今次政府頂住唔減公務員人工，有助維持消費信心。

第四，股市、樓市反彈，自股市3月大跌後急彈，樓市都跟住彈，投資市場一好，市民感覺就會好鱓。

小心來個W形反彈

總括而言，雖然現時表面睇經濟唔係咁差，但其發軟蹄的程度，比想像中嚴重，咁都唔緊要，問題係仲要衰幾耐先至完。

睇過去香港經濟的表現，在大插後好多時有V形反彈，98年金融海嘯在第三季見負8.1%的低位，第四季開始改善，跌幅收窄至負6.5%，接覑來一個V形反彈，直升到2000年。03年的沙士也是在第二季急跌到負0.9%的低位，跟住就一個小V形咁彈番上來，今次又如何呢？

我懐睇纒第二季的數字，現時睇出口仍無大改善，雖然美國存貨大減令定單重現，但主要係大廠受惠，中小型廠仍在水深火熱中。私人消費開支跌幅有放緩跡象，投資市場反彈有利消費。但人類豬流感的壞影響開始浮現，爆疫後旅遊業、航空業最受影響，5月頭半個月出境和入境團旅客，分別大跌50%和70%，情況比沙士時更差（你話國泰航空點會好）。總的來說次季的GDP跌幅即使收窄，亦不會有大改善。

照目前的情況估計，本地經濟跌到今年第二季、第三季都未完，由於去年第四季經濟已經開始大跌，去年的基數較低，所以今年第四季的GDP和去年比較時，數字有機會較好，但若能持平都已經要偷笑。特別是失業情況會持續惡化，對經濟有壓力。

政府估首季經濟跌晒眼鏡，陸羽仁專門找政府高官問纒，有高官話外圍環境惡化的情況遠遠超過想像，政府在年初預備財政預算案的預測數字時，估唔到首季出口會跌22.7%咁多，遇上這場百年一遇的金融海嘯，無一個政府可以作準確評估，各地政府都只能不斷地調低經濟預測。

高官又話，另一樣估唔到的是股市大升，港股在上周一升至17685點，亦係出人意表，主要係熱錢流入炒作所致，如今銀行結餘加埋金管局發票據吸納資金，累計已有3000幾億流入香港，呢個現象亦非香港獨有，資金同樣流入亞洲其他地區。資金市好難估佢會點發展，但政府擔心一旦資金流走時，股市會再下插，特別係升市同香港經濟基本情況完全唔匹配時，更令人擔心。

影響樓市大過股市

經濟數據出乎意外地壞，對樓市的影響大過股市，一則股市大反彈主要源於熱錢買貨，熱錢未走時唔會大跌，二則香港股市內有眾多紅色股，佢懐唔受本地經濟影響（但對本地地產股、零售股和銀行股就有影響）。樓市就唔同，熱錢流入並無投入樓市，依家主要係本地人買樓，而且樓市同本地經濟同步，經濟唔好，樓市亦好難好好景。

出現首季跌7.8%的數字後，政府的回應是會增加派糖，減輕市民的痛楚。派糖唔係唔好，起碼市民收到粒糖仔食纒，都好過無，但派糖無助於改善經濟，以香港這種外向型經濟為例，本地消費佔經濟比例太少，派糖令消費感覺好少少，都唔等於經濟會好，所以香港主要等外圍，主要是等歐美復甦，才可以帶動番香港的出口。問題係歐洲的大鑊未爆完，美國的復甦即使到來，亦都會好少好慢，並不是V形大反彈那一隻，而係似L形多鱓，所以香港出口業的前景甚為可慮，小心今次下跌的深度遠超03年沙士，直撲98年金融風暴那種跌幅，但康復的情況卻可能不比98年，不是V形反彈復甦，而係有可能係W形，即係彈完仲會腳軟。

如果出現弱V形，甚至W形的走勢，失業率未跌定，今年起碼要見一見6、7%的失業率，甚至更多，市民在擔憂失業的前提下，買樓的意願會進一步下降，不利樓市復甦。過去都有經驗，當股市逐步好轉後，樓市還在尋底。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

望天打卦         

2009/5/18 上午 09:35:29
網誌分類: 經濟

美股上周五缺乏方向，製造業資料好於預期，但能源股追隨油價下滑，市場擔心原油需求疲弱，杜指先升後跌。早上最多升過60點，之後下跌160點至8250點間徘徊至收市。杜指收市報8269點，跌63點或0.8%；標普500指數報883點，跌10點或1.1%；納指微跌9點，報1680點。紐約證成交縮減至14.8億股。杜指期貨最新報8266點，比現貨低水3點。

銀行股係拖低大市嘅主要元兇。摩根大通跌1.8%，花旗集團和美國運通挫2%。美銀跌5.7%至10.67美元，係表現最差嘅藍籌股。匯控在美國預托證券市場下跌，收報62.94元，比香港收市價低2.1%；中移動收報71.4元，比香港收市價低1.1%。而ADR港比指數係16482點，比香港低308點。

總結美股上星期表現疲弱，銀行股下跌16%，房屋建造股和不動產投資信託基金（REITs）跌13%，零售類股份下跌6%。美國信用卡壞帳創新高，花旗和富國銀行均錄得超過一成嘅壞帳比率。公用股、燃氣股和煤炭股走弱，反映市場對能源的需求仍然疲弱。以拍賣形式銷售能源產品的FirstEnergy報告指顧客出價遠比公司預期的為低，顯示住宅和公業用戶對煤、燃氣、以至核能的需求都低。美國的情況係股市在高位回吐，股價唔低，但實體經濟表現疲弱。

香港經濟亦唔靚仔，睇到香港首季經濟負增長7.8%，真係有點反胃的感覺，情況比看到香港最近最熱門的新聞:風水師攬住富婆合照後將幅相哂上水杯，更嚴重一點，心諗咁o既數連估得最差的經濟師都要跌眼鏡。

　    政府成日話預咗首季經濟會差，但佢自己只係估首季跌2.6%，和實際跌7.8%的數字相去甚遠。咁差的數字主要源於出口，首季香港出口跌22.7%，記得去年第４季我引述過匯豐的報告，話今年第一季香港出口要跌17%以上，結果仲要跌多啲，但政府即使估出口跌17%，應該都唔會估首季GDP跌2.6%咁少啩，實情係政府的經濟顧問睇出口睇經濟睇得太好。

　    中國和外國政府遇上經濟數據好差時，都有針對性的貨幣和財政政策去救經濟，例如大量減息，多印銀紙，大灑金錢搞建設等，但香港屬外向型經濟，政府可以做嘢的空間好有限，唯有派吓糖等市民唔好咁大火氣，跟住等運到等出口好番，查實都好被動。

　    香港經濟主要受歐美和中國兩邊影響，香港市場主要睇歐美，出口大跌，主要是歐美消費市場不振所致。而中國經濟近年愈來愈大，對香港影響加深，例如放自由行旅客下來、在金融業對香港開放、隻眼開隻眼閉放錢出來、讓香港人北上做生意打工等等，都對香港經濟有幫助。不過大家要記住，香港經濟核心還是靠出口到歐美，佢地好似有排未好，不能排除會長期衰退，香港亦唔係咁易話翻身就翻身。若果歐美出現L型衰退，所謂明年開始復甦，增長數字都係似有若無，咁香港和中國又會點呢?

　    香港啲出口好多源於大陸，睇住大陸的出口數字，都可以估到香港一大半，最近內地已開始有議論，若歐美經濟長期都唔好，中國又會點? 網友達摩問起:「明年中國真係可以擺脫歐美經濟的影響，有8至9%的增長噢? 會唔會太過樂觀呢噢?」

    　目前中國經濟中出口還是主要組成部份，內需市場要取代出口市場，無10年、8年不能發展起來，遠未能取代出口。歐美出口市場的前景並不樂觀，西方經濟有可能較長期衰退，衰退得耐就會生起保護主義，國民會話不如唔好入口咁多中國貨，咁先可以保障當地人就業，貿易磨擦必多，更不利中國出口。

　   中國經濟出口急跌無咗的部份，主要由政府投資填補，今年政府新增投入經濟體系內的資金5800億人民幣，加上原本的資金，合共投入9000億以上。今年新投入的5800億，就是所謂4萬億救市計劃，由政府直接分兩年多投入1萬多億，再帶動社會投資，加起來有4萬億，理念是私人市場賺不夠錢，就由政府投資夠。

　   歐美的情況要再觀察，照目前的狀況睇，明年亦唔多樂觀，若佢地消費市場持續下跌唔會大反彈，中國明年要維持8%增長，目前兩年4萬億的救市措施可能唔夠，要再加碼。

     　香港得個睇字，望天打卦，一望歐美消費早日復甦，二望阿爺出招夠快夠狠夠大力保得住8%增長，中間存在不少變數，唔係而家可以肯定講得到。但本地經濟下跌之勢來勢洶洶，再送一單人類豬流感對旅遊、航空、酒店業的影響在加劇中，日本大爆本土感染，香港出口唔掂靠旅遊的方程式隨時受重挫，你都咪話唔擔心也。

陸羽仁

Mr.Business

2009/5/19 上午 10:41:27  

陸羽仁覆網友

多謝各位鼓勵，我會繼續努力。

Moses:你問「有地產代理高層以財富的儲存方式改變(選擇較穩健及實物的投資)，而解釋經濟差，樓價升的原因，並指財富儲存模式的轉變，對投資市場帶來的影響，往往大過國民生產值的上落。如果這個趨勢持續，樓價還會進一步上升，直到人們找到風險更低的財富儲存模式。」

我恐怕這位仁兄如果不是有唱好自己行業的傾向，就是犯了一種好簡單的「近視病」，只睇到他自己從事的行業，無睇到其他行業。如果樓價升是因為財富儲存方式的轉變，那麼又如何解釋股市的上升? 難道人們都認為股票是一種低風險的財富儲存模式，所以買股票? 事實上股市比樓市活躍好多。

以為樓市可以偏離一個地方的經濟增長，更是謬誤中的謬誤，樓市/股市也一樣，它們作為投資市場，可以超前實體經濟，所以好友對樓市之升，可以解釋為「超前之升，因為經濟已見底，未來會一路向上，V型反彈之類，所以樓市之升背後有基本因素支持…這種解釋要受未來經濟的升沉去驗證。另一種解釋是資金驅動，樓市不會直線向下，跌得多就想彈(因為不少人的確有需要等買樓)，再加點熱錢就會彈得更多。所以如科斯托蘭尼所言，樓市也如用縄拖著的小狗，永遠都偏離基本因素一點，不是超前，就是落後，但也不能行得太遠。

MZ:紐元升咗咁多，無話安全水位，若全球經濟從此無事，紐元加番息，升多好多都得，但咁水位風險不低，只能短炒，若非深信全球經濟已見底，長揸要忍一忍。

潘記:你問招行派紅股董事會未通過為何除淨，董事會應已通過，但股東會未過，但派息都係咁，好多時先除淨。

Loss confidence:醫手痕的最佳方法係每個月入一注，連用腦的力都節省埋，否則你要吼位入，首先要睇股市調整的模式，以及美股相對大陸股的調整比例才能決定。若跌得殘暴，入位可以定低啲，若是正常調整，可以高啲開始分段入。

Tsyi:我都唔知政府為何如此「流口水」，連出口監控都做唔得好，以致數字偏差這樣大。首季跌幅大，整個經濟等如縮咗水，要在低一兩級的水平去睇，但復甦快慢又唔係咁睇，正跌跌得急彈得亦快，若跌得咁急都唔彈得快，就好大鑊。

熱錢主要唔係流入買樓，因為買樓的流動性不夠大。但聽聞呢次都有部份大陸錢流入買吓樓。如果我係發展商，有樓要入伙就托住個市，等客仔完成交易。有新樓要趁勢推，完成今年賣樓的指標。

一草一木:今天放印度基金係計今天價。T加2是指兩日後交收，不是T加2才計價。

抽離全球大勢，歐洲的經濟無乜人睇好，有人認為差過美國，所以歐羅彈咗咁多真係買唔過。或者美元，歐羅、日圓三大經濟體真係鬥衰，若美國要長期衰退，也睇唔到歐洲好過美國。

金曹: 網友「雲起」已承諾贊助場地，佢話「陸sir：金曹想搞網聚，如果頭條網未能提供地方，或聚會較小型的話，我做後備提供罷，地點在旺角先達廣場樓上，是教學地方，開講座曾坐38人，也見鬆動。此處乃「哲學易理研究院」，與投資完全無關，不會有任何利益衝突，可放心。至於其他贊助（其實是什麼呢？）再看情況罷。」

我再找找其他贊助。

Mr.Business

注：此篇文章版权归香港頭條網所有。

基金經理重出江湖
2009年5月19日

星期一早上恒指跌了四百多點，證券行裏有點靜，大家都在揣測這輪調整是否就這樣開始了。誰知到了下午，恒指來了個大轉向。留意個股的投資者都會發現，近期很多時就算大市跌，一些二三線個股都不太願意跌，相反大市升一點的時候，大批股票就齊齊升，足見資金的威力。

　　近期的成交量不斷創新高，很多基金經理的復出可能是帶動成交量的其中一個原因。去年股市大跌，很多基金都近乎跌了一半之多。隨後的大市又是不明朗的起起伏伏，基金當然都不如○七年般進取，只敢用保守的態度去小注進攻。雖然熊市反彈中很多股票輕易便升了三四倍，但是，要在投資組合已經輸了一半的情況下，再進取地贏番一倍，談何容易。

　　基金經理有兩種不同的收入，一種是管理費，一種是表現費，他們主要以收取表現費為最大收入。基金一日不浮上水面（正回報），基金經理就一日收不到表現費，以○八年的股市慘烈表現來看，要收到表現費真是遙遙無期。同時，基金
公司平日又有不少支出，人工、租金，樣樣要給足。單是即時財經資訊電腦系統，月費便要數萬元，所以面對這樣的情況，基金經理寧願先關閉公司。

　　早前市場開始穩定了，很多基金經理又紛紛出動重出江湖。其實這個世界上的資金實在太多，只要基金經理有一定的track record（往績）加上一定的知名度，再集資不算太難的事。組合可以從頭計起，基金經理們炒起來自然輕鬆得多，不需要為過去的表現負上太多的負擔。一般投資者可能會認為這樣的做法很不負責任，又開又關的，但是從另一個角度去看，基金經理們也是在經營一門生意。看到生意長期沒有錢賺，關掉也是情有可原的。

　　王雅媛（Victoria）

　　王雅媛為持牌人士，並沒有持有以上股票。

http://www.hkheadline.com/finance/news_detail.asp?id=78564

Mr.Business

注：此篇文章版权归香港頭條網所有。

金融High Tea——炒股毋須講理由
2009年5月19日

港股昨日可以講係峰迴路轉，政府公佈香港首季經濟負增長7.8%、美股上周五下跌、內地A股開市走弱等壞消息盡出，恒指跟隨大幅低開，跌幅一度擴大到逾 455點。國院務午後公佈輕工業和石化產業調整及振興規劃，刺激A股午後造好，恒指由跌轉升，收報17022點，升232點，全日波幅728點，期指收報 16850，升145點，比現貨低水173點，成交增至83019張。國企指數收報9792點，漲184點，大市成交664億元。

兩隻重磅股礇控（005）股價及相關新聞 和中移動（941）股價及相關新聞都能夠收復失地，但跑輸大市，壓住恒指升勢。礇控止跌回穩，原地踏步無升跌，收報64.3元。其他銀行股個別發展，恒生（011）股價及相關新聞升2%，收報100.9元，重上紅底股行列。內地股市倒升，「三保六行」除國壽（2628）股價及相關新聞 微跌0.4%外，其餘都造好，招行（3968）股價及相關新聞 和中信銀行（998）股價及相關新聞 表現最好，分別漲6%及7%。

外資持續流入，追逐落後大市股票。高盛唱好和黃（013）股價及相關新聞 和港交所（388）股價及相關新聞。高盛話市場低估了和黃的上升潛力，股價落後大市，遂將和黃加入確信買進名單，目標價由50港元提升至61港元。另外，又將港交所評級從中性上調至買進，稱中國可能在今明兩年引領亞洲經濟強勁復甦，而與中國相關的個股交易額佔香港市場整體交易額的67%，投資港交所係A股以外間接分享大中華地區資本市場周期性復甦和長期增長的最佳途徑，遂將港交所目標價從58港元上調至124元；和黃及港交所齊齊升近6%。

恒指炒上17000點，現貨在4點收市後，期指尾段回番100點左右，相信有好友食夠計數平埋倉。期指昨日低位16202點，夾上高位夾鰦700幾點，殺即日淡倉都算大豐收了。

JP摩根睇19800點

經紀張開市無耐追沽了一張期指，到下午輸了500點打靶，唔打靶隨時要輸多百幾點，佢非常之魀，話香港首季GDP跌7.8%，人類豬流感又在日本擴散，橫睇掂睇都睇唔到有乜好消息，個市無理由會升。

我就話經紀張賭鰦咁多年期指都唔化，大市短期升跌由資金驅動，好多散戶追沽，但大戶唔沽，食晒你鱓淡倉反手夾上，就已經係大市上升的最好理由啦。我奉勸佢一句，投資先至要搵理由，炒股唔使搵理由。

如果你真係咁執覑要講升市的理由，我又唔怕搵鱓大行理由畀你，JP摩根係好友，佢剛剛調高恒指預測，由年初估今年年底見16600點，調高到19800 點，佢話恒指能回到長期市帳率1.8倍的水平，建議投資者睇大股就增持香港地產股，話地產股的盈利和資產淨值對經濟前景改善十分敏感，現價仍吸引，例如新地（016）股價及相關新聞和恒生銀行；細價股亦因為市場風險胃納提高而受惠。至於風險方面，短期風險係新股供應增多，或者過多投機令成交推上不能持續的高位。而長線風險主要在利息方面，由於各國推出大量救市措施，若最後令利息高升，對港股將非常負面。

中環茶友話，外資行有淡友有好友，但睇得咁好同埋作咁具體的估計，都係JP摩根，其餘好友如高盛見大市升得咁急，都開始有鱓審慎，雖然唔係睇淡，但係都認為大市要調整一下。茶友話，呢一轉升上來，多少和中國的GDP有關，內地早前公佈首季GDP升6.1%，遠優於外資行的預期，令高盛等大力調高內地全年經濟增長預測到近8%，之後就引來一浪補貨潮，不過大市升到咁上下，好多本來睇好的外資行都變得慎審鰦。

內房股開始做伸手黨

大市係高位，抽水行動陸續有來，華潤置地（1109）股價及相關新聞收市後傳按每股介乎14.04至14.34元，配售2.3億股，集資最多33億元。配股價較昨日收市價折讓6至8%。另外，五礦建設（230）股價及相關新聞宣佈按每股0.94元，以2供1股的方式，集資不少於5.24億元，資金擬用於房地產發展，供股價較停牌前1.04元有9.62%折讓，股價下午復牌後反急升21%，高見1.26元，收報1.15元，升近一成，估計內房股有可能係下一浪集資潮主角。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

策略轉移         

2009/5/19 上午 09:36:11
網誌分類: 經濟

美國投資者見亞洲股市被印度大選好消息炒起，高盛又調高美銀評級，房屋建造信心指數創9月以來新高，家居裝修業巨擘Lowe業績好過預期，美股昨日走勢凌厲。杜指開市抽升110點後，升幅逐步擴大，最後以接近全日最高位收市。

杜指收市報8504點，大漲235點或2.9%，全日最高8512點，最低8270點；標普500指數升穿900點心理關口，報910點，升27點或3%；納指上揚52點或.31%，報1732點。紐約證交所交投一般，成交14.2億股。杜指期貨最新報8468點，比現貨低水36點。

    杜指昨日高位係8511點，距離5月8日的近期高位8587點不遠，又要睇吓今次升浪能否上穿高位，不過昨日大市成交略嫌薄弱，只有14.2億股，顯示淡友即使要買貨，都十分輕手，因為以標普500指數為例，目前價格以09年預測盈利計，都有17倍市盈率，計起就完全唔係平啦。

美國全國住宅建築商協會(National Association of Home Builders) 的報告顯示，房屋建造者信心指數創了去年9月以來新高。全球第二大家居裝修用品零售商Lowe's Cos Inc 昨日公佈的季度獲利，超過預期，花園和草坪等戶外用品在春季銷情良好，並上調了全年業績預測，令投資者架預視樓市下滑可能正在緩和，且消費者信心可能正在改善。Lowe's股價大漲8.1%，報19.94美元。同業家得寶(Home Depot) 明日將公佈季度業績，股價提前炒起，上漲6.6%,至26.02美元。又稱「恐懼指數」的芝加哥期權交易所(CBOE)波動性指數VIX下跌8.7%至30.24，只略高於關鍵的心理關口30，亦係逾8個月以來最低水準，.

BMO Capital Markets調高金融股的評級，以及Rochdale Securities分析員 Dick Bove對銀行股的樂觀的評論，認為銀行有「爆炸性的盈利增長和非常的股價表現」；加上高盛唱好美國銀行，建議投資者「買入」，令銀行顯著造好，KBW銀行股指數.BKX大漲7.5%，銀行股全面大升，獲高盛唱好的美銀急升9.9%至11.73美元，係杜指30隻成份股表現最好的股份，美國運通則排在第三位，收報26.13美元，漲7.8%，富國銀行升8.3%至26.93美元，高盛升6.5%至143.15美元；大摩升8.2%至28.28美元；摩根大通升6.7%至37.26美元；花旗集團升4.6%至3.74美元，

匯控在美國預托證券市場亦跟隨大市造好，收報66.4元，比香港收市價高3.3%；中移動收報73.64元，比香港收市價高1.9%。而ADR港比指數係17502點，比香港高479點。

據知情人士透露，高盛、摩根大通和摩根士丹利已向聯儲局申請償還共450億美元的TARP貸款。若批准的話，這是7000億美元TARP推出以來，償還金額最多的一次。自從政府在2月時對接受該計劃貸款的銀行加入高層薪津和聘用條款等限制後，銀行就非常著意要償還該筆貸款。高盛、摩根大通和摩根士丹利係首批獲政府1250億美元注資計劃的9家銀行中的3家。截至上周，已有14家小型銀行還清了該筆貸款。高盛和摩通通過了銀行壓力測試，無需增加資金，大摩則配售了45.7億美元股票，集資額遠比政府要求的18億美元為高。

美國的銀行股好似好好景，特別是高盛唱好美銀業績，但新加坡國家投資公司淡馬錫卻已沽清美銀股票，甚為諷刺。淡馬錫上周五披露，它在3月底已沽清手上持有的3.8%美國銀行股份，由於沒有公布售股價格，市場只能靠估，以美銀在今年第一季的平均價格計，淡馬錫售股可以套回12.7億美元，而虧損可能高達46億美元。  

        其實淡馬錫並不是直接買入美銀股票，它在2007年在金融海嘯爆發初，以59億美元買下14%美林的股票，後來風暴加劇，美林股票去年大跌78%，它在去年底被美銀合併，淡馬錫持有的美林股票換成3.8%美銀的股票。股市在今年年頭反彈，在3月初再急跌，在第一季尾美銀股票跌了52%，但在第二季開始到如今，美銀股價已大幅反彈了66%，第一季美銀的平均價是6.73美元，估計淡馬錫持有美銀股票平均價值是12.7億美元，但如果捱到昨日才賣，那批股份價值已升到21.4億美元，差不多升咗一倍。

       以短線論，淡馬錫係笨咗，賣平咗，但係點解淡馬錫要賣美銀股票呢? 大家唔好忘記，淡馬錫行政總裁何晶係新加坡總理李顯龍的太座，所以她一定對國際金融形勢十分知情，但還是做出沽清美銀的決定，當然有其意思。何晶昨日仍然表示，淡馬錫會繼續沽出發達國家的股票。新加坡管理大學副教授Melvyn Teo話，淡馬錫行為的信念是世界不再以美國為中心，世界會愈來愈受中國經濟和消費者的影響，所以要多買中國的銀行股票而非美國銀行股。所以淡馬錫拋售美銀的股票後，卻增持美銀沽出的建行(00939)股價及相關新聞 股票。

       淡馬錫係國家投資公司，沽美國銀行股雖然吃了眼前虧，但沽美國股買中國股的行為，已顯示一個重大投資策略的轉移，成敗要三幾年才看得到了。

陸羽仁

http://www.hkheadline.com/blog/r ... rd=&searchtype=

Mr.Business

2009/5/20 上午 11:31:20

陸羽仁覆網友

牆頭草: 你問我「風水宿命之說, 你信唔信 ??」我只係同靚女睇掌時才相信，仲可以講得幾咀。言歸正轉，你真正的問題是「金融頭頭轉換, 跟住都是大跌市多, 上次是格老換阿伯.  如是宿命, 唔理陳生得唔得, 十月後要離場 ??」

呢啲唔係風水，而係空隙，講得好聽就係話你換人新人唔熟，所以人地無信心，講得唔好聽就係你新人上場未揸慣車，我就乘機隊你。97年亞洲金融風暴以香港為焦點，就因為香港回歸中國，一則炒回歸炒出泡沫，二則香港失去英國這個大佬，美國亦唔會再照你，美國啲空軍見你咁弱就趁機轟炸你。

所以陳生上台，不能排除又俾人隊吓。

Any:招行是可以長揸的股票，雖然升得多會跌，我覺得睇5年佢OK, 你真係要進出，可以沽一部份現貨，沽完候低20、30%買番。

Connie:H股回歸A股，對香港整體市場有潛在不利，因為以後大陸人買中移動不用運錢來香港買，但如果回歸時大陸市場炒得熱，又會帶起香港的股票，07年1月國壽回歸上A股就係咁，主要睇國內市場當時的氣氛。

我唔知標智上證50基金是否好似你講咁計，宜查出隻基金的資產淨值，咁樣對比安全啲，一般基金公司自己網頁會定期報隻基金資產淨值。

Hero:美國經濟似長L型復甦，中國可能好好多，你話家人快忍唔住，就最好將資金分開，一個月入一注，醫吓手痕。

Tsyi:你話身邊的朋友愈來愈多話磚頭比股票易賺錢，我估有兩個原因，第一是信了地產代理公司高層的「分析」，第二是見股票升咗咁多，自己唔買覺走寶，而樓價無升咁多，想在樓市「追落後」。

如今樓市較好的一個基本因素是息口低，不似98年，炒家都易捱啲。至於銀行，按揭在三成首期做緩衝，係較安全的生意，所以銀行願意做，而家折息咁低，銀行的按息並不是特別低，都幾好肉架。

一草一木:若恒指上穿高位，試吓18000點時，手上有股票特別係有錢賺者唔怕沽吓，至緊要預咗佢會再升高啲，咁就心安理得。英國未掂，歐洲都幾差，我睇歐元淡啲，英鎊都開始過高。

三心兩意:我覺得股市會升到我唔信，但我唔信的水平只是18000點，19000點，要升到25000點，要經濟全面向好，唔係玩得咁誇呀嘛。

Muse:黃金見較深回落可吸，但現價略貴。金股升到離譜，例如紫金，去年4月時高位8元，而家6.4元，升高後成交開始縮，小心高位有人散貨，雖然佢隨時可以再升，但炒到26倍PE，而家唔係咁好環境做生意賺大錢呀?

Flyinthesky:經濟急跌有利復甦，所以明年第一季香港好有機會有個幾好的數字，因為今年基數低，但唔好忘記美國出現百年一遇的金融海嘯，佢的大浪未停，歐洲亦未係大爆特爆，我就唔敢睇得咁好，跌得急，彈得自然急，但係彈得急，下一步調整起上來都幾惡搞。