【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

買樓之痛（４）
         
2009/4/30 上午 09:37:13
網誌分類: 經濟

美股都相當好嘢，美國證實首個豬流感死亡個案，加上首季GDP收縮高於預期，都打佢唔死，反而因為聯儲局話經濟收縮步伐已減慢，家庭支出亦漸趨穩定，並承諾繼續其既定的1.75萬億美元購買按揭證券及購買3000億美元國債的刺激經濟方案，令美股大幅造好，杜指開市抽升近100點後反覆向上，在8200點間窄幅橫行，最高升高過240點。午後有消息指佳士拿汽車將於今日宣布破產，杜指尾市升幅收窄。

杜指收市報8186點，漲169點或2.1%，創出近期收市高位，全日最高8258點，亦是近期日中高位，一個上試高位的態勢；標普500指數報874點，升18點或2.2%，月升幅9.5%，係2000年3月以來最高；納指上揚38點或2.3%，報1712點。紐約證交所成交14.8億股。杜指期貨最新報8098點，跌27點，比現貨低水88點。

    　美國政府昨日公布美國今年首季GDP以年率計收縮6.1%，遠高過市場預期的4.9%，略低過去年第四季的收縮6.3%。GDP已經連續三季收縮，係自1975年以來最長嘅收縮期，而最近兩季更是大跌。不過市場焦點卻放在消費者支出方面，消費者支出按年增長2%，反映出美國消費者開始買番啲嘢。另外，上季庫存量以年率計下降了1037億美元，係1947年以來最大跌幅，亦令GDP減少了2.8%。房屋方面的投資連續13個月下降，以年率計下跌了38%，亦係自1980年以來最大跌幅。出口方面下跌了30%，而進口則下滑34.1%，兩者都係近三、四十年以來最大的跌幅，美國進口少了34.1%，這真係驚人數字，無怪乎各出口國都牙痛咁聲了。

證券商Fox-Pitt Kelton Cochran Caronia Waller自2004年以來首次調高銀行評級，刺激銀行股上漲，富國銀行升2.5%至19.97美元，摩根大通升5.2%至34.48美元，美銀漲6.5%至8.68美元，花旗集團上揚8%至3.12美元，係升幅最大的杜指成份股。

匯控在美國預托證券市場跟隨銀行股造好，收報53.1元，比香港收市價高3.5%；中移動收報68.19元，比香港收市價高0.6%。而預託證券ADR港比指數係15316點，比香港高359點。

   　 早兩日講起樓市，今天想來個總結。我提到樓市的基本因素，話而家好過97、98年，主要是樓市下跌前泡沫無咁大，加上利息低供樓負擔能力高; 但全球經濟的大環境，又差過97、98年，主要因為呢次金融海嘯造成以美國為首的「去槓桿化」，財富大量消失，這個過程還未完結。

   　　97年亞洲金融風暴集中在亞洲下跌，美國因為對沖基金在港搵食而受惠，亞洲國家處於捱打狀況，無人幫，由於要頂住急跌的匯價，所以只能加息不能減息;  亞洲國家要向國際基金會求助，國基會力逼求助國的政府減開支，變成落雨收遮的慘局。今次金融海嘯燒的美國、歐洲卜卜脆，佢要減息放水救自己，變相幫埋香港，在這個低息環境下，香港人(除了廠家和出口商)暫時未感受到太大的痛楚，香港樓市的下跌也沒有97年那樣急了。

       今次樓市跌得較慢，如今出現第一波反彈，由於跌得不太多，所以反彈力也是中等。有個財經界高人講，如今樓市的走勢，和97年時大體上一樣，當時97年10月股市樓市大跌，到97年尾開始反彈，到98年2、3月彈上高位，到5月開始跟股市再插。今次樓市是1、2月左右開始反彈，而家開始有點乏力。佢話樓市彈完之後，第二浪若調頭再插，會插得較深。樓市和股市不同，樓市較多長線投資者，所以價位的反應速度不如股市那樣快，股市可以一跌到底，樓市要跌幾跌才到底。

       另一個地產界高人就話，香港樓市自03年沙士見底後，一直反彈向上，到2007年開始大升，2008年見，頭尾升了5年幾6年，樓市5年左右一個週期，升完之後，會進入調整週期，跌也要跌1、2年，不是咁快可以全面恢復。他對美國這個金融海嘯甚有戒心，認為是過去30年未見過的大浪，佢自認無經驗，只能加倍小心。

我向高人求教自用者在跌市買樓之道，佢話用家等了幾年，早前眼見樓市愈升愈高，好後悔自己過去無入市，所以一般買得比較急，通常入市會入早咗，香港已不是過去那種急促發展的經濟，樓市也不復長升不跌的模樣，過急入市可能在下跌週期的中部入市，會買得較貴。在跌市買樓，不用急，慢慢睇，睇啱開一個顯著低價（我估係比市價低兩成以上的價錢），而家做唔到，等半年1年可能做得到。

陸羽仁

http://www.hkheadline.com/blog/r ... rd=&searchtype=

Mr.Business

2009/5/4 上午 11:48:12  

陸羽仁覆網友

請今期估中恒指收市的估神、估霸自動把聯絡方法以私人回應方式告訴我，方便送出獎品。另外早兩期還有少部份中獎人未聯絡我，再唔聯絡就只能沒收獎品了，Haha！

達摩: 有機會我會把買樓經驗奉告。

Popeyeman:我無買美股，但有買美股基金，現在交易所上市基金，如果你唔係買個別股票，係買大市，買上市基金，十分方便。

Bdroom:華電國際上月28日公布季度業績，純利反彈，公布業績後極波動，上週五急插，今日急彈，未知是否和上月初公布發A股集資有關。

Jimmy:港交所究竟值90元還是33元，主要看你點睇大市，如果你覺得牛市已到，佢即使回落，去到60元，70元都差不多，若熊市未完，小心大反彈後要再插。

Kenlai:中國政府無硬性規定銀行業的呆壞帳準備，主要是銀行自己同核數師講數的結果。通常銀行會跟住績有個估計，作出撥備，若核數師覺得唔夠，會叫佢加大。

財務報告顯示稅率不同，其中一個原因中國稅制改革，中外企業所得稅統一，內企稅率調低了。

你想賣２８２３換２３，一隻係A股指數基金，一隻係香港銀行股，冧巴好似，但係完全不同貨色，買２８２３是買中國的長遠經濟前景，買東亞是買東亞的營運，好難將蘋果同橙比較。

Frankie:你問未來３個月匯控上番７０元機會大唔大，雖然我估唔係好大，但係大市在反彈中，這種機會不能排除，你話平均成本係７３元，唔知你係唔係想沽，想沽可以分注沽，唔使一定等到７３元。當然如睇好滙控長揸守幾年都可以。

均兒：你買了恒生、富士康、和中國有色，話以往都係一升就走，今次想長揸。長揸同短炒唔同，係睇４、５年，我相信你４、５年後睇，你今年買入呢三隻股票都會有可觀回報，但短線要忍得佢調整就OK啦，有時買股票都唔使太精明，唔使舖舖賺盡每一個波浪。

Travelme:股市跌得深，就會反彈得急，要問的問題是見底未，而非點解會升。大戶順市而炒，升時推得高，跌時插多兩吓，擴大波幅搵食。

白金比黃金好炒啲，但長揸買黃金好啲。

重學者：你想由全月供匯控變成供匯控、A５０基金和盈富基金，都是可取做法，這是均衡了匯控和紅色股的投資組合。

我話沽了匯控，主要是想轉H股基金，覺得佢地增長不輸蝕，但比較匯控安全啲，人人可以有不同判斷，不用學我，你比較分散的月供做法，已經可以。

Mr.Business

注：此篇文章版权归香港頭條網所有。

金融High Tea——股神燒手指
2009年5月4日

股神巴菲特旗下公司巴郡的股東會，一直是股民崇拜偶像的活動，上周六在美國阿馬哈市舉行的巴郡股東會也不例外，有35000人參加，巴郡股東除了在股東會現場不斷發問之外，還在會場外的展覽上，大量採購巴郡旗下各子公司的貨品，例如See's糖果攤位就有大量人龍，是最受歡迎的攤位。不過據記者在股東會現場的觀察，股東們的讚譽不如往年，理由亦很簡單，巴郡股價過去一年跌了30%，股東們的熱情稍減，亦可以理解了。

不過壞消息不止於此，巴菲特在股東會上透露，巴郡今年第1季盈利再跌11%，部份由於「信貸違約調期」（credit default swaps，CDS）的虧損所致。

巴郡沽CDS輸錢

相信讀者們都會聽過「信貸違約調期」這個名字，它就是所迷你債券背後的產品，它的本質是一種企業債券的保險，債券持有人怕發行債券的公司倒閉，他們買的債券血本無歸，就付合約金去買「信貸違約調期」。若債券發行公司無事，沽出這些「信貸違約調期」合約的機構就吃掉合約金，若債券發行公司出事，沽出「信貸違約調期」的機構，就要全數賠償合約相關債券的損失，巴郡就是做沽出「信貸違約調期」的機構。

巴菲特承認，他們沽出「信貸違約調期」輸了大錢，因為「去年比正常時多了很多企業倒閉」。他在今年2月時致股東的信件還表示，巴郡沽出「信貸違約調期」合約最後都會賺錢，但如今他已改變這個說法，話「過去幾個月部份巴郡發行的信貸違約調期的狀況惡化，估計這些合約長線會蝕錢平倉收場。」股神這樣講，顯示他會為部份「信貸違約調期」合約平倉。

他仍為巴郡從事廣義的衍生工具交易辯護，他們有沽出指數「認沽期權」，股神話：「我個人認為股票的認沽期權的期權金非常吸引，我們會賺錢。」

在這個大風大浪的時代，無論期權金或信貸違約調期的合約金，都會相當高，這是在反映背後相關產品的價格波幅，至於高波幅高期權金是否如股神講那樣「吸引」，就見仁見智了。

股神以價值投資聞名，主要策略是投資在價值被低估的股份，長獱獲利，但他偶爾也會偏離自己的策略，沾手衍生工具買賣就是一個好例子，或許我懐可以稱之為「股神負面教材」。巴郡去年開始沽出「信貸違約調期」，股神在今年2月致股東的信時提及，在去年12月底，巴郡沽出和42家公司有關的「信貸違約調期」合約，去年底今年初企業破產風險急增後，即使很多公司未到破產要賠錢的地步，但信貸違約調期的價格已急升了，巴郡季結時要把早前沽出的信貸違約調期按市值計價（mark-to-market），已經要輸大錢。今年2月時巴菲特透露信貸違約調期輸了5.4億美元，涉及合約金收入34億美元。

玩大殺傷力武器

股神玩衍生工具備受批評，因為他過去講過衍生工具是「金融大殺傷力武器」，估唔到佢自己都忍唔住去玩鎹。

美國的信貸違約調期市場，源自債券投資者需要買產品對沖風險的要求，但慢慢已變成一個大賭場，去年底時這個市場涉及的債券資產的總值高達54萬億美元，即交易擔保了54萬億美元債券，但全無監管，無交易所，只是對手交易。在巴郡開股東會的前夕，股神的老拍檔、巴郡副主席Charles Munger 公開表示，應徹底禁止所有信貸違約調期的交易，以杜絕投機者藉公司失敗來炒作。他說：「如果我是全世界的首長，我會徹底——100%剷除信貸違約調期的交易，這是最佳的解決方案，我唔覺得無鰦這種工具，經濟世界運作不來，我唔覺得這種工具好到我們想要有多鱓。」他認為包括信貸違約調期在內的金融工具玩得太過份，是這次金融海嘯的誘因，所以美國政府應加強監管。

表面上看，巴郡負責人這邊廂批評信貸違約調期過濫，但那邊廂卻去參與這種高風險交易做沽家，好似有小小矛盾，但諗深一層，巴郡自有一個邏輯，佢懐持有 6.9%的富國銀行股票，總值57億美元，係富國銀行的大股東，另外它們亦有價值12億美元的US Bancorp股票，股神一直覺得富國銀行係好№，只是被人濫沽搞到股價大跌而已，投機者買重了美國各大銀行的信貸違約調期，接覑大力借貨沽空，沽低隻股票，希望搞到家公司執笠賺大錢，當然亦都累到富國銀行股價下跌，富國銀行跌，巴郡股價亦跌，所以巴郡高層當然唔喜歡信貸違約調期了。

過早睇好付出代價

正因為股神認為部份股票唔應該跌，認為那些公司財政健全唔會執笠，所以認為沽出這些公司的信貸違約調期收取合約金，十分覑數，不過市場的睇法唔係咁，佢沽完之後，市場認為那些公司的破產風險上升，信貸違約調期的合約金大升，股神的巴郡就要輸錢。

股神買入有價值的股票長獱，好明顯係做「投資」，但佢沽出信貸違約調期，沽出指數的認沽期權，就好難話佢係投資，話佢「投機」飱鱓。記得去年10月股神已經話美股到底啦，認為可以買，佢除了身體力行買入美股，亦認購了高盛和通用金融的優先股，又沽出和42家公司有關的信貸違約調期，若美股其後一帆風順大幅向上，股神就連投機盤都贏埋，不過美股大幅波動上落，巴郡沽出信貸違約調期就要要輸錢，股神正為他過早睇好付出代價。

股神睇好樓市回穩

股神都忍唔住沾手這些「大殺傷力武器」，相信係源於去年第4季時佢太信股市已見底的看法，覺得那些信貸違約調期不合理地貴，結果就忍唔住去沽，或者用普通人的語言，忍唔住去炒番轉，結果燒了手指。呢個故事教訓我懐，即使巴菲特咁叻，都有忍唔住賭一舖的時候，不過賭唔緊要，唔對路時唔好堅持己見，斬倉走人就得啦。好似股神如今仍然係好友，認為銀行股跌得過份，但佢唔信晒自己呢一套，唔會死坐信貸違約調期的盤，打算輸錢平倉了結，就係正確控制風險之道。

股神對經濟前景傾向睇好，話從巴郡的地產代理業務所見，美國樓市出現穩定訊號，過去幾個月睇到一些真正反彈的活動，特別是低價市場。

佢睇好銀行股，特別係旗下的富國銀行和US Bancorp，並形容富國銀行的狀況「極好」，佢話「我想買晒全部富國銀行股票，我想買晒全部US Bancorp的股票，但巴郡不能這樣做，否則就會變成銀行控股公司。」

巴郡股價過去1年跌了30%，由高峰期14萬美元一股，跌到9.3萬一股，但股神話佢無回購股份計劃，因為按巴郡價值的保守估計，現價並非「超級吸引」。總的來說，股神對股市審慎樂觀，但除了他自己獱重貨的股份外，他又不至於一面倒唱好。

香港放假期間，雖然確診了第一個人類豬流感個案，但由於不是本地人，兼且政府嚴格實施隔離政策，暫未見病毒太快擴散。墨西哥更搞笑，話驗清楚之後發現好多以前以為死於豬流感的人，其實死於普通流感，豬流感死亡人數由170幾人跌到100多人，顯示疫情無之前想像咁嚴重。

美國本來在今天公佈對銀行壓力測試的結果，但和銀行未講掂數，要延至周四公佈，但美股反覆向上，杜指上周五收8212點，看來假後港股還要試纒高位。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

買樓之痛（５）
       
2009/5/4 上午 09:26:24
網誌分類: 經濟

美國政府將銀行「壓力測試」結果公佈時間推遲至本週四午後，令投資者擔心此舉可能代表銀行需求更多資本，令上周五美國金融股受壓，不過，4月消費者信心指數和製造業指數都好過預期，給予投資者經濟復蘇的憧憬，加上能源股造好，頂住大市，杜指走勢反覆，先跌後升，尾段再跌，但在最後的30分鐘抽升近70點，扳回劣勢，以升市結束。

杜指上周五收市報8212點，漲44點或0.5%，全日波幅只有120點；標普500指數報878點，升5點或0.5%；納指微揚2點，報1719點。紐約證交所交投淡靜，成交只有12.9億股。杜指期貨最新報8201點，比現貨低水11點。上周，杜指上升1.7%，標普500指數上漲1.3%，而納指上揚1.5%，納指錄得連續八周上漲，為1999年12月以來最長的升勢。

市場的焦點仍然系銀行股，摩根大通調低美銀、花旗集團、SunTrust、US Bancorp及富國銀行今、明兩年的盈利預測，預計「不斷上升的失業率和下跌的樓價，令信貸持續惡化。」作出預測的摩根大通跌1.6%，美銀和花旗齊跌2.6%，富國銀行挫2%、US Bancorp 跌1.4%，而SunTrust則跌4.4%。

港股在美國預托證券方面，匯控造好，收報55.65元，比香港收市價高1.6%；中移動收報67.92元，比香港收市價高0.9%。而ADR港比指數系15715點，比香港高193點。

美國經濟還在一個反彈的態勢中，上週五公佈的路透/美國密西根大學4月消費者信心指數終值為65.1，高過市場預估的61.9，顯示消費者信心回升，是雷曼兄弟在去年９月倒閉以來，表現最佳的信心指數；而美國供應管理協會(ISM) 則公佈，4月製造業指數為40.1，亦好過預期的38.4。

美國勞工部將於本月8號公佈最新失業率資料，而經濟學家預計4月份失業率會去到8.9%，有60萬人被裁，創25年新高，勞工市場會系最遲複元的經濟環節。加會大BMO Capital Markets首席經濟師 Michael Gregory 話，「經濟衰退將於今年完結，但復蘇過程將會很緩慢，走出衰退的勞工市場卻需要更長的時間。」在勞工市場未能擺脫衰退的時候，消費市場亦難有持續的強勢。他又預計失業率年尾時候會上升至9.5%，明年會在9.7%上下徘徊。好明顯而家美國經濟師預期的復甦，都唔係V型反彈，而係長期比較低度的增長。

最後想再講講香港的樓市，我是「買樓愛好者」，酷愛磚頭，認為樓宇是不動產，唔易郁，所以買樓是逼人儲蓄的最佳方法，不過現實上在香港的確見到不少買樓蝕錢的例子。例如屯門疊茵庭近日又有一宗蝕讓成交，轉讓單位為6座高層D室，面積572方呎，原業主在2001年以166.8萬元購入，呎價2916元，日前以127.7萬元沽出，呎價2233元，帳面虧蝕39.1萬元。科網股熱潮在2000年爆破，呢個業主在2001年買樓，以經唔係高峰，當時壘茵庭是新樓推出，雖然位處偏遠的屯門，但2900元一呎新樓，仲係高層，都唔算貴，但揸了8年，仍要蝕近40萬，帳面蝕24%，都唔係少嘢。

這個案例可以有幾點總結。第一，香港已脫離高速增長的階段，在香港買樓，已經不是合埋眼會贏，非核心地段的樓價只是上上落落。第二，買樓揀地區，如果呢個業主當年不是買屯門樓，而是買港島樓，可能唔使蝕，當然業主很可能負擔不起港島樓，無選擇。在成熟的經濟，貧富懸殊，貧者愈貧，富者愈富，在市區核心地段買樓，保值能力好一點。

    　第三，2001年如果唔買樓買股又點呢? 買166萬的樓，要俾50萬首期，若果在當年想「穩穩陣陣」買股票，多數買匯控，當年匯控股價80元、90元左右，在當年911事件後短期一度跌至70元，假設你80元買咗匯控，當日50萬元，如今有番34萬元。但當日買樓付出50萬元的30%首期，今日得番11萬元，表面看是買股勝。

不過買樓仲有借錢那部份，雖然借錢要還，但供樓逼你每月還，假設這個個案當日借了70%即116萬買樓，供了8年，會否已還了相當大部份的本金呢? 若果真如此，這個業主賣樓後隨時有50、60萬現金在手。但無買樓者亦無儲蓄，有錢使哂，或者炒股輸哂，可能今年手上的現金，不如這個買樓輸足8年的業主。

呢個世界好得意，有些事情睇起上來好笨，但其實都幾精，例如透過買樓儲錢，就是一個好例子。有些事情睇起上來好精，但其實幾笨，例如經常想「睇啱時機」炒炒吓仙股或窩輪，還是輸的人多。我早前已經講過，睇市雖然重要，睇自己的性格更重要，如果自己性格係多多錢都無剩之人，買樓儲錢係最好的方法。現時在香港買樓，未必係最好時機，但自知週身痕無錢剩要逼自己買樓儲錢的人，一兩年內都最好入市。若有些網友身在高增長的地區，例如中國、例如印度，就不用懷疑，樓價跌至較合理水平，就要入市了，不要等一兩年了。

陸羽仁

http://www.hkheadline.com/blog/r ... rd=&searchtype=

Mr.Business

2009/5/5 上午 11:24:01  

陸羽仁覆網友

建議大家睇到唔同意見時，抱一個平常心，「凡事留一線，日後好相見」。

Dickway:你話買咗隻廣藥唔知走唔走好，我唔知你幾時買、乜價、長或短，若睇短線有可觀利潤，唔[怕走一半留一半睇吓。

Apple Wong:買地產股和買樓的不同，是買樓俾3成，有7成槓桿，買股票無直接槓桿(但公司有借錢所以有內藏槓桿)，你話長實新地可以升5成，你有30萬本金，買地產股升50%就等如賺15萬。但地產股升50%時，樓價隨時升20%，30萬本金買咗100萬的樓，升20%就升咗20萬，即使扣除交易成本，都未必輸於地產股。

總的來說，買樓麻煩啲，有利長揸。

宜家傢私:你每月買2828的方法唔錯，平時買一手，跌得多買兩三手，2828的PE就是H股的平均PE。

Bdroom:期指低水部份反映藍籌除息因素‧不過你睇高盛、大摩，一個偏睇好，一個偏睇淡，睇嚟好淡倉有對手。

Rayray:有人信而家係牛一，有人唔信，外資大行都有兩種意見，正如我在年頭都而家個個月都係咁建議，如覺自己想做長線投資者，又唔擅長睇市，可以每個月入一注，5年後睇，今年以平均價入市，都會算平。但你話在大市升咗咁多要瞓身入市，我又唔係幾放心。

Hero:你話有8成現金，唔買貨有啲動搖，又係同一個建議，今年仲有8個月，每月放一注入市，預咗揸5年，唔使煩。略為微調此策略，可以在升得多的月份放少一點，跌得多的月份放多一點。

Lovelygirl:情況同上。

ANY:招行狀況唔係太差，要擔心唔係供股，而係在大市高升時手上係唔係太多貨。

Yuki:日圓跌到99.5邊又升番，主要是大市好，避險要求少，美元回軟，我覺得有機會在100圓樓上買到日圓。

Popeyeman:美股炒緊上，易炒難揸，要買最好買指數ETF，但若睇中線現價有相當風險。

Mr.Business

注：此篇文章版权归香港頭條網所有。

金融High Tea——OPM補倉搶入市
2009年5月5日

香港雖然發現確診人類豬流感個案，但疫情並未如預期嚴重，中國4月份採購經理人指數（PMI）連續第五個月攀升，顯示中國經濟回暖跡象明顯，再加上高盛唱好中移動（941）股價及相關新聞，刺激大市大幅向上，恒指高開348點後升幅擴大，好快已經衝破16000點關口，半日收報16169點，大漲648點，午後升幅進一步擴大，最後以接近全日最高位收市。

恒指收報16381點，勁升860點或5.5%，全日最高16387點，最低15855點，恒指已經係連續第三天大升，累積升幅1826點！為去年10月以來的新高。期指收報16227點，大升840點，比現貨低水154點，成交81507張。內地股市造好，上證綜指重上2500點上方，收報2560點，升3.3%，中資國企跟隨造好，表現更勝藍籌，國企指數收報9642點，大漲557點或6.1%，升破俗稱牛熊分界線的250天移動平均線。紅籌指數升 243點或7.4%，收報3506點。大市成交配合升勢，大增至803億元。

資金市散戶莫名其妙

推動大市上升的主要動力來自近日一直落後大市的中移動。在高盛唱好下，昨日終於吐氣揚眉。高盛指中移動未來數月可相對跑贏大市，將評級由「中性」調升至「買入」，目標價由68元升至79元。中移動昨日高開3.3%之後愈升愈有，以接近全日最高位收市，大升7.7%至72.45元，成交51.85億元。

大笨象礇控（005）股價及相關新聞旗下墨西哥Grupo Financiero（GF）的09年首季淨利潤倒退64%至7.98億墨西哥披索（4.5億港元），令大笨象股價跑輸大市，收市報56.9元，升 3.9%，成交30.65億元。中移動和礇控成交佔了大市總成交金額的10.3%，共推動恒指上升，逾200點。

散戶見到股市大升，話「莫名其妙」，但中環茶友一語道破，話呢個市係資金市，你睇昨日成交破800億，成交唔細，而且新加坡和台灣升幅和香港一樣，都超過5%，顯示有外資基金流入買貨。

茶友話，美國市早前已經係咁，本來係淡友佔主導，認為4月等公司出埋首季業績後，股市要跌落去，點知出完業績都無跌，無貨在手的基金已經要急急補貨。如今情況在香港重演，由於香港試過沙士，太怕人類豬流感，所以早幾日本地股市沽壓比美國大，不過五一假過後，豬流感在發源地美洲有紓緩跡象，世缳都改口話疫情受控，所以港股乘勢炒上，逼得無貨的基金要急急追貨。

我問起大市升鰦唔少，乜鱓基金唔怕一追就摸頂咩？茶友就話，基金獱弗人芬佬的心態唔係咁，如果佢本來睇淡手上貨少，個市上升破位，佢焗住要追，否則怕大市再升上去，佢好易跑輸大市，到時鱓客見到大市升佢隻基金唔升，就頂唔順要贖回，這是芬佬大忌。至於追入後若咁不幸大市回落，隻基金只係跟大市跌，如果佢手上貨有限，部份貨跌纒亦無乜所謂，佢總體仲可以跑贏大市。茶友話，芬佬玩是OPM（Other People's Money），呢鱓叫做「他人的錢」，可以盡情入市補倉，同玩自己錢的邏輯唔同。

茶友話，呢鱓市短炒只能順勢，你信又好唔信又好，若你係炒一日半日的即日鮮，你唔好走去沽佢，佢有800億成交，好易順住炒。當然若係長獱客只能忍手，咁高去追好易中伏，無論佢真升又好，假升又好，中線升得太急會有回吐，長獱只能等調整時才去買，你玩自己錢，只能孤寒鱓。

香港升得急過內地

人類豬流感連買樓、買車客都打窒，一連三日長假，住宅交投慘淡，但地產股就唔理呢鱓「基本因素」，昨日普遍顯著上升，長實（001）股價及相關新聞升7%、恆地（012）股價及相關新聞 升9.3%、新世界發展（017）股價及相關新聞升9.9%、信置（083）股價及相關新聞升10.4%、恒隆地產（101）股價及相關新聞升4.3%、新地（00016）股價及相關新聞升3.8%算升得少啦。

內地真係有利好消息，中國物流與採購聯合會在「五‧一」長假期間公佈，4月份製造業採購經理指數（PMI）為53.6％，剛好升破05年以來一直守住的支持位53.2%，4月是連續第五個月上升，而且是連續第二個月超過50%。中國最怕出口慘跌和失業急升，但代表出口形勢的新出口定單指數在4月逼近50% 這一「牛熊分界線」，4月新出口定單指數49.1%，比3月上升1.6個百分點。而代表就業形勢的從業人員指數在連續7個月的低迷之後，終於突破50%，達到50.3%。中國物流與採購聯合會特約分析師張立群話：「4月份的PMI指數預示，中國經濟將繼續保持回升態勢。」不過中國PMI咁好，股市只升 3.3%，不及港股升5.5%，只能解釋為外資在香港買貨買得好急了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

加稅         

2009/5/5 上午 09:27:58
網誌分類: 經濟

        中國和印度4月的製造業活動增長，歐元區製造業活動倒退速度降至6個月以來最低，令市場憧憬全球經濟可能已觸底，亞洲股和歐洲股市都上升，為美股昨日開市營造了好氣氛。

美國資料顯示3月成屋待完成銷售指數出乎意外增長，建造業支出亦由跌轉升，遠勝市場預期，市場預視房地產有回暖跡象，加上美國白宮昨日表示，政府目前認為沒有需要向國會追加資金支持銀行，令投資者憧憬銀行資產負債表並未如之前預計的惡劣，銀行股受追捧，杜指昨日開市即氣勢如虹，大幅抽升逾200點才回順，之後在8400點間窄幅橫行，尾市升幅進一步擴大，以接近全日最高位收市。

杜指收市報8527點，大漲214點或2.6%，全日最高8435點，最低8214點；標普500指數報907點，勁升30點或3.4%，係1月8日以來最好的收市記錄，以全年計，已有0.5%的進帳；納指上揚44點或2.6%，報1764點。紐約證交所交投活躍，成交上升至17.1億股。杜指期貨最新報8363點，比現貨低水63點。杜指再穿高位，有破位向上之勢。

觸發昨日升市的關鍵係3月份成屋待完成銷售指數，較上月跳升3.2%至83.7，遠勝市場預計的0.4%至0.6%，更重要的係，按年計亦上升了1.1%。另外，政府公佈同期的建造支出由上月的負0.9%增長至0.3%，亦高過經濟學家預估的下跌1%至1.5%。正面的數據令投資者投資者相信美國經濟衰退已有所改善。房屋營建類股走高，杜指房屋建築類股指數DJUSHB大漲9%。

銀行的壓力測試結果預期在週四公佈，有報導指銀行的資產負債表所需要的資金少過市場之前所擔心的數額，美國白宮昨日亦表示，政府目前認為沒有向國會要求進一步資金支持銀行的需要，投資者博銀行可能可以控制資本短缺情況，推動銀行股上漲。Lind-Waldock高級市場策略師Dan Faretta話，「提到壓力測試，沒有人預期結果將是正面的，若情況是銀行無需更多的資金，對市場已經很有利。」

英國《金融時報》報道，美國銀行和花旗集團每間銀行要集資至少100億美元，不過美國銀行強烈否認《金融時報》的報道，睇嚟佢真係唔使集咁多錢。而彭博則報導，花旗集團將尋求通過民間投資者獲得額外的資金支援，而非進一步將控制權給予政府來換得資金。

銀行股無懼壓力測試，提前炒「無事發生」，股價表現突出，花旗集團勁升7.7%至3.20美元，摩根大通跳升10.2%至35.79美元，美國銀行暴漲19.3%至10.38美元，富國銀行更猛漲23.7%，收報24.25美元。

匯控和中移動在美國預托證券市場繼續造好，匯控收報58.44元，比香港收市價高2.7%；中移動收報73.94元，比香港收市價高2.1%。而ADR港比指數係16824點，比香港高443點。

美國趁住好市就提加稅建議。總統奧巴馬昨日提出加強管制美國跨國公司使用海外避稅天堂逃稅的議案，其計劃包括改革稅務條例，以確保公司在美國境內創造職位，以及降低流入避稅天堂的稅收。並希望通過該項計劃在未來的10年時間裏提升2100億美元的稅收。

美國聯邦會計總署( General Accounting Office)發佈的報告顯示，全美近100家最大的公司中，有近83家的子公司處於避稅掩蔽所中。奧巴馬稱，他希望能阻止美國公司通過將利潤轉移到海外國家的方式來推遲繳納賦稅，此外還呼籲提高美國公民在開曼群島(Cayman Islands)等避稅港的銀行帳戶的透明度。他表示，如果金融機構不與以合作，將假定這些公司正在避稅港中藏匿資金，並會採取相應的行動。

        中環茶友話，美國大公司避稅情況十分普遍，其中一個方法是在避稅天堂成立子公司，然後由子公司借錢給母公司作營運資金，由於子公司收取母公司利息的利息收入在避稅天堂不用交稅，而母公司的利息支出可以扣稅，變成母公司向子公司付多少利息，就,得到多少的免稅額。

        奧巴馬說希望在未來10年搵番2100億美元額外稅收，以直線咁計，即係一年收多210億美元，亦等如公司(加部份有錢富人)的利潤總體扣減210億美元一年。美國公司高層對我講，奧巴馬這個手法對美國公司非常負面，一改遊戲規則，過去可以做的變成不可以做，等如變相加稅，短線可以增加政府收入，長線搞壞美國的營商環境，令美國公司可以轉移的資金更快移走，有錢人亦會把錢搬出美國，如果唔係個市咁好，單係呢個消息，都可以隊低個市幾百點，不過市場好時，對壞消息反應麻木，就好似無事一樣。

陸羽仁

http://www.hkheadline.com/blog/r ... rd=&searchtype=

Mr.Business

2009/5/6 上午 10:38:10  

陸羽仁覆網友

G4u:大陸入股台灣公司後台股炒起，高盛又唱好，台股急抽，開始有少少人逼逼的感覺，想買只注小注，要有長守的心理準備，台灣經濟出口導向，股市偏重電子業，很受美國入口影響，台灣經濟無咁快會好。

Flyintheshy:如果月供只供匯豐一味，我建議分散啲，例如分一部份供2828都可以。供H股指數基金也好過供一隻H股。

阿Tom-hk:我個高人老友把資金分成中線和短線，他的中線投資的持股在15500點樓上慢慢減持中，因為紅色股的升幅好厲害，但短炒資金順住市炒，仍然炒上，佢話炒到無得炒為止，佢主要睇美股，睇回落幅度，睇成交，睇在壞消出現時的反應，若回落得急，成交減縮，壞消息出現時開始無抗跌力，就可能係短線轉勢時，佢的投機盤就由買變沽。佢好短線，一日半日內會轉身，唔對路反手，無事回頭。

Hero:我認為而家係熊市之中的大型反彈市，如早前引述匯豐證券的分析，3月跌得深，所以反彈可以好大，從低位彈30幾%唔奇，而家正在發生當中。若論中線投資，現水平已貴，但短炒仍是順勢向上。

Muse:最近如有值得留意變化，不是股市之升，而是中國的數據較佳，令人相信大陸股市已見底，再跌未必能穿1700點這種低位。美股見底未難講，港股處於兩者中間，有可能見咗底，但難保會再跌近低位，你問長線可否在13000點左右開始吸納，若睇3、4年，13000點樓下都可以開始考慮，分段去吸。

Mr.Business

注：此篇文章版权归香港頭條網所有。

盈利易升難跌股份
2009年5月5日

最近有朋友提到澳科控股（2300）股價及相關新聞這隻股票，我也把它的年報看了一遍。集團是國內捲煙包裝的龍頭廠商，市場佔有率在一成八左右，第二大的則是在內地A股上市的公司，市場佔有率在百分之七左右，再減去另外幾大廠商的市佔率，剩下的六成半的市佔率中，零零散散的充斥覑很多小廠商，行業集中度不高。

　　首先我們要明白為何市場會那麼分散，主要原因是，這個行業非常具有區域性。如果要把那些紙從一個地方運去全國每個煙草生產商，運費相比起產品價格來看會超高，非常不化算，因此很多地區性的煙草生產商都是從附近的捲煙包裝公司購入捲紙，導致了市場非常分散。

　　中央想淘汰那些小型捲煙包裝公司，因此政治傾斜於龍頭公司。龍頭公司可以做的便是不停以收購及整合的方式，來擴充生意，增加自己的市場佔有率。在行業增長力方面，國內煙草行業的自然增長主要由兩個相反的力來決定。一個是內地人口自然增長，自然地，吸煙的人會愈來愈
多。但另一方面，社會愈文明，便愈講究健康及生活質素等，這些原因又都會抑制吸煙人口的增長。

　　不過，我認為澳科控股的盈利是易升難跌的。吸煙的人，對於煙的味道的敏感度非常高，只要他們食開的那種煙的味道有些微改變，他們都會知道。因此，對於煙草生產商來說，他們並不會那麼隨便改動捲煙包裝公司。另外，有人問究竟這個行業是高門檻還是低門檻？試想想，當你燒一根煙的時候，你不但吸了尼古丁，其實你還吸了那捲紙入肺。因此，其實製造捲煙紙是有一定的要求。

　　現在問題是究竟一間這樣的龍頭公司值多少錢？○八年市盈率為十倍，說便宜又有你的理由，說貴又有你的理由。所以炒這類股票，其實等於炒市場氣氛。市場氣氛好的話，龍頭股當然至少值十五倍市盈率左右，股價自然升。市場氣氛差的話，市盈率做到八、九倍也算是合理。此刻澳科的市值是超過五十億的，十分合乎基金的口味，且看看有沒有基金趁大市氣氛好，把它當作落後股去炒。

　　王雅媛（Victoria）

　　王雅媛為持牌人士，並沒有持有以上股票

http://www.hkheadline.com/finance/news_detail.asp?id=77441

Mr.Business

注：此篇文章版权归香港頭條網所有。

明燈         

2009/5/6 上午 09:43:55
網誌分類: 經濟

美股連漲兩日後，有投資者獲利回吐，加上美國政府即將公佈的銀行「壓力測試」結果，大市觀望氣氛濃厚，但聯儲局主席伯南克發功，話美國經濟收縮放緩，杜指早段上升，但後繼無力，在能源股下跌和獲利盤的拖累下，杜指由升轉跌，午後在低位徘徊，以微跌收市。

杜指收市報8411點，微跌16點或0.2%，在升市中只屬輕微調整，全日波幅只有95點；標普500指數報904點，跌3點或0.4%；納指挫9點或0.5%，報1754點。紐約證交所成交15.3億股。杜指期貨最新報8365點，比現貨低水46點。

市場的焦點係即將出爐的銀行「壓力測試」結果。聯儲局昨日預先將「壓力測試」報告通知銀行的管理層，消息人士指有十家銀行需要額外的資金以應付衰退更深的經濟，銀行正在檢視該份報告，而政府將於今晚美股收市後向公眾發布。

在不明朗因素的困擾下，銀行股個別發展。聯儲局主席伯南克話中央銀行並不想長時間持有銀行的「實質」擁有權，銀行業在未來幾年內可以在沒有聯邦的協助下自行運作，他的言論對銀行股份起了鼓舞作用，銀行股指數從低位反彈了半成，但仍然拖累大市向下，標普500銀行股指數下挫2.8%，係24個行業中，跌幅第二大的板塊。摩根大通跌2.7%至34.82美元，係杜指成份股跌幅最大的股份；富國銀行跌4%至23.27美元。一直受注資傳聞困擾的美銀和花旗集團反而造好，相信有撈底盤入市，花旗集團上揚3.4%元，美銀漲4.4%，係升幅最大的杜指成份股。

匯控和中移動在美國預托證券市場繼續造好，匯控收報60元，比香港收市價高3.5%；中移動收報73.7元，比香港收市價高0.8%。而ADR港比指數係16696點，比香港高266點。

美國供應管理協會(ISM) 昨日公佈，4月非製造業指數為43.7，收縮幅度細過市場預估的42。伯南克在國會聯合經濟委員會（Joint Economic Committee）中表示，房地產市場經過三年的下調，已出現見底的跡象，預示經濟收縮正在放緩。只要信貸緊縮不會複萌並打擊金融系統，美國經濟衰退將於今年結束，並走上緩慢復蘇之路，但失業率似乎將進一步上升。

在大反彈市，手上貨少的網友開始想入市，網友「宜家傢私」的留言有少少代表性，佢話好耐冇留言了，睇完我前日o既網誌有啲感觸:「07年我儲咗舊錢,，幾乎20萬，俾我老豆買股仔輸到得返4萬, 果陣我衰貪心，俾佢用我啲錢喺三萬點入市，贏咗一陣, 之後輸到傻 (依家d死貨仲係度，呢排升咗都係得~7萬左右)」

「我在08年專心儲錢, 小注炒咗幾轉3968....最後打個和, 依家又儲到2、30萬....本來諗住'好精咁低位入市，等3、5年升返3至4倍，到咗依家，唔計啲死貨，成個09年我仲係一股都無買.....依家又差唔多萬六點, 今次我唔敢買了。」

「陸sir, 好似我呢啲人，好話唔好聽，都幾『明燈』，一係唔買，一買就跌， 一放就升，等親巴士都要等足15分鐘 (所以我搭地鐵，最多等5分鐘)，我真係唔覺得我可以咁叻摸低入市囉.....所以都係決定聽陸sir話，逼自己個個月入一兩手2828算啦....跌得勁o既月份就入兩三手, 冇事發生就入一手....」

阿「宜家傢私」，如果你呢個浪邊日忍唔住大手入市，記得通知我地，犧牲你一個，或者可以救番好多人(講笑咋，唔好嬲)。從宜家傢私的留言分析，佢都唔係賭性好強的人，自我定位係「投資者」，所以佢07年買股仔都係俾錢老豆炒，我靠咁講，佢老豆係常炒之人，07年又時時話賺好多，宜家傢私見個市咁熱，所以才俾錢老豆去炒股仔。

雖然佢講得好好笑，話等巴士都要等15分鐘，但我理解這只是自嘲之言，佢唔係特別黑，好多散戶都係咁，在大市初升之時唔敢買(初初反彈時亦係一樣)，但在大市升到開哂巷時，好後悔早前無買，就忍唔住入市。股市有人買就有人賣，強手在初升時買，升到咁上下時，唔會食盡就想離場，而從知後覺的散戶偏偏就會在這時入場，大戶沽貨，散戶接貨，這就是所謂「派貨」，強手離場後，即使無人隊，股市自由飛行，飛得幾飛就無力再上，自行墮落。這一切都有因有由，和運氣沒有太大關係，反而和散戶的行事特性好有關係。

散戶首先不是要了解股市，而是要了解自己的毛病，如果「確診」自己係「明燈」之後，咁就衰過染上 H1N1，因為股市病人無「特敏福」可以醫。佢地除咗可以在「適當」時候入市並通知網友益吓街坊之外，最好就係選另外一些入市方法，例如將自己的資金9、1分，10%資金做「投機的我」，隨自己的判斷入市，做吓實驗，睇吓死得幾慘，另外90%資金用笨笨地的方法作「投資的我」，每月買股票又得(好似宜家傢私咁在大跌的月份買多啲更好)，候低買樓都得，買咗唔好短期沽，長期揸，可以肯定，10年過後，用笨方法作的投資，會比投機的回報大得多。

陸羽仁

http://www.hkheadline.com/blog/r ... rd=&searchtype=

Mr.Business

2009/5/7 上午 10:40:56  

陸羽仁覆網友

Sun Shine及SCSC:我之前講過買香港樓的問題，我怕誤導咗大陸網友，所以再講兩句，第一，我對樓市的基本看法是樓市和經濟增長長線同步，所以我中長線睇好大陸樓多過香港樓(記住只係講大城市核心地段的樓)。第二，至於而家可唔可以買樓，我認為若想買大陸大城市核心地段的住宅樓，而家可以擇平貨入市。但我對香港樓有啲保留，認為樓價、特別係豪宅未跌得夠，而家反彈緊，有第二波下跌的可能，所以認為想買香港樓可以等吓。第三，我有一個理論，就係好多人炒股、消費會花好多錢，總唔之無錢剩，呢類人最好逼自己買樓或月供股票。

最後忠告大陸朋友，有錢可買買樓長揸。

另外Sun Shine問起商業樓，內地商業樓銀行只按5成，住宅可按8成，買一間商業樓的本金可以買兩間住宅有多，商業樓槓桿較細，呢條數要計。若要買買北京和上海的商業樓好啲，我兩年前講過北京CBD樓，當時買咗，而家跌完都比兩年前高。在上海買商業樓都唔錯。

宜家傢私:你用等地鐵持之以恒買股票，10年後應有好回報，到時唔使多謝我。

關EE:你問澳元會否去到60美仙，如果澳元去到咁低，要美元好強至得，前題係金融海嘯又爆，資金避險走去買美債，若風暴緩和了，美元再升也未必會喪升時，澳元升完雖然會回，但未必會去到咁低。

Jimmmm，yuki:好友睇走勢，目前港股的走勢仲好強，淡友睇經濟，認為經濟、特別係美國經濟仲未好，如果你係長線投資者，即使你中間落墨，美股S&P500指數現價等如09年15倍PE，呢個都已經係正常市道的PE，即係已經反映咗經濟好轉的因素，當然股市還可再升，但股票、特別係美股都已經唔便宜，如果想入貨，特別係美股，忍得可以忍吓，唔忍得當係當月供咁入少少好啦，入得太多到見明年經濟增長似有若無時，股市又無咁好架啦。碧斯講的大型上落市，原因係美國經濟仲有好多隱憂在後頭。

港股有大陸經濟支撐，未必會插得太厲害，但升完之後難免有調整。

Bianca Sa:期指低水主要是好多隻股除息因素所致，到月底除咗息時會睇得清楚啲。

Ken Tse:你問這幾日的升市是否有問題，唔可以話股市有問題，股市永遠是對啲，即使你認為股價已貴，我短炒今天買明天走，亦無問題。

而家明顯係資金市，理論上在資金停止流入時見頂，但誰知道那時停止流入?但你可以假設好難維持幾個月都係咁流錢入來。

小熊帽:你問上次反彈浪我話唔信可以升到16000點，今次如果升到18000, 19000點，就係升到我唔信的水平。

Mr.Business

注：此篇文章版权归香港頭條網所有。

金融High Tea——伯南克打針谷起個市
2009年5月7日

美國政府公佈銀行「壓力測試」前夕，內地股市昨日早段下跌，恒指跟隨低開81點，續跌至16268點企穩，反彈回升336點，至16,604點再回順，半日微升35點。午後國內股市止跌回升，上證綜指更創九個月新高，恒指下午逐步上升，而且愈升愈有，氣勢如虹，向上挑戰16900點關口，尾市升幅略為收窄。

恒指連續第五天上升並創七個月以來新高，收報16835點，大升404點或2.5%，全日最高16886點，最低16268點，五天累積升幅2279點，現貨收市後期指略回順，收報16635點，升307點，比現貨低水200點，成交90314張。國企指數收報9750點，漲148點或1.5%，升幅低過恒指。紅籌指數升29點或0.8%，收報3561點。大市成交再創近期新高，大增至804億元。

谷高個市有利集資

港股昨日大升，主要由金融股帶動，最大動力來自礇控（005）股價及相關新聞 ，大笨象在上日在美國預託證券市場成功突破60元關口，雖然淡友里昂重申其「沽售」評級，但無阻昨日升勢，礇控高開2.8%之後逐步攀升，以接近全日最高位收市，收報61.6元，大升6.3%，成交金額45.22億元，推高恒指逾200點。渣打（2888）股價及相關新聞 和恒生（011）股價及相關新聞升勢更凌厲，渣打勁升9.7元或7.4%至141元，恒生大升一成至89.9元，係藍籌股的升市冠軍。中移動（941）股價及相關新聞 繼前日大升後，昨日腳軟，跑輸大市和同系股份，收市報73.8元，升1%。

全球投資者近期的焦點都集中在美國今晚正式公佈的銀行「壓力測試」結果上。傳聞十家銀行需要集資才能應付經濟進一步下滑的衝擊，花旗需要額外集資50至 100億美元，花旗表示可以輕鬆應付。而美銀就較為大鑊，估計要集資達384億美元，規模最大。一眾銀行將於周五向大眾解釋集資詳情。

美銀水緊，佢持有建行（939）股價及相關新聞391 億股H股，其中135億股H股股份將於今日解禁可以開始沽，市場傳美銀減持佔建行總股本6%的股份，可套現83億美元，但何時減持仍在考慮中，因為傳聞美銀在6月17日後才沽售的話，可以收埋建行近2億美元的股息。受美銀可能減持消息影響，建行逆市下跌0.4%，收報4.75元。

大市成交804億，成交金額唔算少，我問纒經紀張散戶點樣，佢話散戶多數係沽家，有人沽現貨，有人沽期指，鶽家大市係咁升，好多散戶被夾到苦不堪言，睇纒幾時頂唔順要打靶。照咁睇大市的成交主要不是散戶接貨，而係基金追貨，正如我早兩日所講，基金怕落後，用「他人的錢」大力追貨。

呢鱓咁鮋資金市，升到破鰦位，唔易估佢短期邊處係頂位，所以都係鰟句，短炒順勢而炒，除非見到重大利淡訊號，例如成交大縮，見好消息唔升之類，否則唔好日日買熊仔沽期指，唔係好易輸到你平倉佢至回。

中環茶友話，本來美國咁多大銀行要集資，好多人都預鰦係壞消息，但政府就全力唱好，造高個市等銀行易鱓集資，好似聯儲局主席伯南克早一晚出來講話，也是全面講好說話，話美國經濟收縮放緩，等如打針谷起個市，在長期低息的環境下，的確有愈來愈多人相信美國經濟無事，入市炒埋一份。

碧斯估牛熊交替市

市場爭論現在是牛市重臨還是熊市反彈，前大摩全球策略師、對沖基金Traxis Partner的創辦人碧斯有一個說法，話呢個是一個大型上落市中的周期性牛市，由現水平進一步上揚10%至20%絕非難事。碧斯強調全球仍有大量金融海嘯後遺症要處理，各國以巨額的財政和貨幣刺激政策來拯救金融系統，肯定有極嚴重不良後果，最終必定要有人埋單。經濟正在回升，但又有重大隱憂，將導致超大型上落市的出現，投資者要適應牛熊經常交替出現的市況，要不斷留意離場信號，例如電視報道及身邊的朋友是否開始轉趨樂觀，好消息是否未能刺激市場繼續做好等。

碧斯都係市場老手，見個市大勢仲向上，唔想叫人離場，但又不忘提醒大家小心去到咁上下突然轉向。所以鶽家呢鱓市適合投機者順勢炒番轉，不過要定好一成止蝕，小心控制風險。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

明燈（２）         

2009/5/7 上午 09:38:00
網誌分類: 經濟

美國的銀行壓力測驗結果將於今日美股收市後揭盅，媒體昨日透露金融機構所需增加資本金額，銀行整體上所需金額都比市場之前預期的少，刺激銀行股飆升，油價重上去年11月高位，能源股上漲，加上4月美國民間就業人口減少幅度遠低過市場預期，反映經濟已渡過衰退最嚴重時期，美股昨日造好，但在窄幅波動。杜指開市抽升77點後回順，升幅收窄至上日收市位置已見支援，之後反覆攀升至8518點再度回順，尾市再彈，以接近全日最高位收市。

杜指收市報8512點，漲102點或1.2%，全日最高8518點，最低8403點，全日波幅只有115點；標普500指數報920點，升16點或1.7%；納指微升5點或0.3%，報1759點。紐約證交所交投活躍，成交有18.8億股。杜指期貨最新報8471點，比現貨低水41點。

銀行股成為昨日推動大市上升的主要動力。媒體在銀行壓力測驗結果公佈前爆料，話金融機構應付進一步惡化的經濟環境所需資本金額並未如預期那麼多。摩根大通、大摩、高盛、MetLife Inc和美國運通都合格，不需要籌措更多資本，花旗則只需要籌措50億美元，GMAC需要115億美元，而最差的是美銀，需要增加340億美元的資本。不過，據花旗銀行話，美銀有330億美元的優先股在手，只要將優先股轉至普通股，達標完全無問題。

金融股股表現強勁，KBW銀行股指數BKX飆升11.5%，標普金融類股指數GSPF攀升8.1%。美銀飆升17.1%至12.69美元，花旗集團勁升16.6%至3.86美元，分別成為杜指成份股的升市的冠、亞軍。摩根大通升6.9%至37.22美元，富國銀行勁升15.6%至26.84美元，花旗集團上揚10.2%至3.24美元，係升幅最大的杜指成份股。

美國ADP報告顯示，4月美國私人企業就業人口減少49.1萬人，降幅低於分析師預估的65萬人，為11月來最小降幅。美國政府將於明天公佈的4月非農就業報告。

匯控在美國預托證券亦跟隨銀行股造好，收報63.78元，比香港收市價高3.6%；中移動收報75.94元，比香港收市價高2.9%。而ADR港比指數係17339點，比香港高505點。

美股表現睇好強勁，但資深交易員話升到如今開始有啲疲態，昨日有好多個好消息，例如銀行業需要注資比預期少，又例如ADP報告顯示私人就業人口降幅少過預期等，都係好消息，但消息出街後市場反應比預期弱，而家好似有好消息已經預咗，要有「好好消息」至得，資深交易員估計美股去到呢啲位，出現少少整固壓力。不過資金流入香港未停，港股的情況可能略優於美股。

     　我昨日講到散戶做明燈，好多時唔係佢地運氣差，而係作為散戶的宿命，佢地資料少、資金少，唔係左右大局的一群，係被人擺佈的一群，好似美國對銀行的壓力測試，各大銀行10日前已被政府通知了測試結果，都唔好講佢地在政府通報前都極有可能有內線掌握哂結果，佢地根本係先睇到答案，搶先落場炒，加上佢地資金又多，蜂擁入市已可觸發升市。散戶在場外貼試題估答案，人地知道哂試題有埋標準答案，散戶點夠人玩?

網友一丁話，看了我講散戶做「明燈」和運氣沒有太大關係，反而和散戶的行事特性好有關係。佢話: 「看了你這段好有同感，有個朋友時常都係咁，佢時常都話自己黑仔，運氣唔夠，一買即跌，一放即升..........我同佢講咗好多次，叫佢了解自己的心理狀態同買賣方法，研究去改，但佢到現在都唔聽我講>< 佢信財演多過我.............我發現同佢相反做法時，我的成功率真係好高，但知道個朋友輸又心裡唔舒服.....卻又無能為力，唉。」

唔知大家有無發覺，我地身邊總有一丁講起那種朋友，如果你認為無，咁你就要小心啦，可能你就係嗰個「明燈」啦。有啲明燈衰咗會出聲，但有啲明燈只講贏錢事跡，不講輸錢慘況，所以在朋友之間比較不著痕跡。我仲發現明燈入市通常唔會馬上唔得，而係好似網友「宜家傢私」個老豆咁，通常買完會有幾日得，但係佢又唔走，到大市回頭，佢又死坐，一坐坐到尾。

老實話俾大家知，我過去都有個「明燈」朋友，佢講嘢非常大聲，買股票成日話自己睇中，我估佢買兩次有一次中(因為個市唔係升就係跌)，佢一中就好大聲，話自己點點樣分析得出入市訊號，又「陽燭」、又「通道」、又有朋友爆料俾佢聽之類，聽到旁邊一眾女士用好崇拜的眼神望住佢，佢就好滿足咁不斷講。後來我發覺，這位明燈最口沫橫飛的時日，通常唔使一個星期，佢買啲股票就由得變唔得，我就領悟出要做明燈反面的道理。

後來同一個股壇老叔父講起這些明燈事件，佢解釋話大戶消息靈通、實力強橫，係佢地帶動個市轉勢，唔係跟轉勢入市，散戶面對逆境時，在轉勢之初，會經歷「唔信、死頂、接受、反手」四部曲，開始唔信，例如佢地做咗淡倉，個市跌到好深開始反彈時，佢地通常以為彈一兩日就完；好啦，見到彈得一兩個星期，仲死頂做淡；到彈得好似樣，就開始接受去平倉；到爆哂煙花時，佢地就反手造好，咁啱爆得煙花都係迪士尼散場的時候。明燈入場遲，係致命的原因。

陸羽仁


http://www.hkheadline.com/blog/r ... rd=&searchtype=

Mr.Business

2009/5/8 上午 11:10:32  

陸羽仁覆網友

見到網友龍門陣，我忍唔住講兩句，股市幾百年都運作，日日開賭局，今期呢個睇中，下期嗰個睇中，實有人中，亦實有人錯，中者不為喜，錯者不為憂。炒股關鍵是定下止蝕，輸時輸唔多，但睇中時賺得多過輸的時候，夾埋就可以贏架啦，唔好以為我用肺講嘢，做得到的人十中無一，大家用腦諗吓嘢，理性討論吓問題，好過嗌交。

潘鳯:我估人仔匯價短期維持平穩，阿爺唔想佢升，美國佬又唔俾佢跌，所以短期要用先換錢無壞。但如果睇5年，人仔匯價要比現價高3成以上。　

Blacks:美國佬從來都係睇明年公司盈利好過今年，共識係明年輕微復甦。

Gigi:對任總言論評價見今天文章，佢睇資金流，中線會有啟示，但唔等如一兩日內佢一定啱，如今是資金流入高峰，水一停小心個市腳軟。

S2000:你隻愛股渣打最近好似食咗藥咁，佢食正呢個炒亞洲復甦浪，我對隻股中長線的業績看好，佢個位擺在亞洲，擺得好。但近期升得咁顛，我話佢太貴佢可能再升，要買真係買唔落手，長線投資者若無貨不如等等。

Sunshine:國內樓市應該你係專家，你要提供多啲資料，貴嘢我唔鐘意買，我唔鐘意同人逼，鐘意慢慢揀，候低而吸。深圳經濟有轉型問題，上海北京方向清楚少少，所以我無提深圳，但若同級商業樓上海貴深圳一倍，我都會揀深圳，如你所講，短線上升空間大啲。以北京為例，CBD樓2萬幾元一平方，租金回報表面睇有7、8厘，空置情況無你講上海咁厲害(上海我唔太熟，北京，廣州熟啲)，我假設空置期近一半，實際租金回報率只有4厘，都剛好頂得住銀行利率，可以長期揸。若以樓價加發展前景計，我較看好北京，十幾年後北京CBD可能有7、8萬元一平方。

新樓除非市好差，否則好多時比舊樓貴兩三成，所以揀核心地段的幾年樓買，好過買新樓。

SK:東亞老闆都係17元沽，即係佢估都差唔多，資金市令佢升到24元，脫離基本因素，股市就係咁，炒就順住追，揸就唔好搞啦。

長揸:你為電費津貼，用你個名落電費單，租客俾番你，有少少風險，但佢唔交租都有風險。

irislau:你月供只供857，想供埋386，想分散風險在上下游，但中石油本身都有上下游，其實可以分散到另一些行業。

Mr.Business

注：此篇文章版权归香港頭條網所有。

金融High Tea——美牛疲軟 港牛有力
2009年5月8日

美國銀行壓力測試結果未公佈就漏晒出街，顯示多數銀行比預期穩健，港股昨日跟美股造好，資金持續追入，礇控（005）股價及相關新聞高開3%，帶動恒指大幅高開443點，早段大升至17328點才回順，跟隨內地A股回軟，半日收報16967點，升132點。午後內地股市反彈，恒指升幅再度擴大，收復上午失地。

恒指連續第六天上升，收報17218點，再升383點或2.3%，六天累積升幅超過2650點。期指收報17155點，升520點，比現貨低水63點，成交92193張。國企指數開市已突破10000點大關，但尾市升幅收窄，收報9897點，漲147點或1.5%。大市成交再創近期新高，大增至952億元。

港股昨日大升，主要動力仍然來自銀行股，大笨象高開3%後略為回順，午後升幅擴大，再以接近全日最高位收市，收報65.05元，繼上日大升逾6%，昨日再升5.6%，成交金額增至57億元，推高恒指逾180點。渣打（2888）股價及相關新聞更厲害，再勁升12.3元或8.7%至153.3元，恒生（011）股價及相關新聞重上紅底股行列，收報102.6元，升3.8%。中資電訊股走弱，中移動（941）股價及相關新聞雖然開市係威係勢，高開3.5%，但後繼乏力，收報74.25元，只微升0.6%，再次跑輸大市。

美股PE回到「正常」

早一日美股杜指雖然升鰦102點，但美股交易員話呢隻反彈牛有少少疲態，個個交易員都計緊今次隻牛就快彈足兩個月，似乎長命鰦少少。市場亦出現鰦一鱓疲弱訊號，好似上日有好多好消息，例如美國ADP報告顯示，4月美國私人企業就業人口減少49.1萬人，降幅遠低於分析師預估的65萬人，又例如美國銀行業要集資的幅度比預期少，但市場對呢鱓好消息反應都唔係好大，股市升少少又軟番鱓。

股市點升都要睇基本因素，特別美國市場係成熟經濟，唔可以靠古仔吸引人，美股交易員話，而家標普500指數大約900點，以09年盈利計，市盈率大約 15.5倍，以2010年盈利計就係12.5倍，15倍PE係標普500指數的歷史平均倍數，而家買美股已經唔係買平貨。所以升到呢鱓位美股疲疲地又幾合理，唔係話佢會大跌，但可能都要上落整固。

內地股市亦有少少去唔到，上證綜指報收2597點，微升0.2%。但港股未見疲態，而家恒指比高位少鰦近一半，若果將銀碼乘番大一倍，昨日等如有近 2000億成交，接近港股高峰時的成交額，可見資金仍熱烈流入，其實日本和新加坡股市都因熱錢追入而急升。中環茶友話，以短炒計資金市升緊不宜逆市沽，不過港股近期升幅已明顯遍離美股，這種走勢維持一段時間尚可，但好難長期如此。

美銀沽貨無得出街

美銀持有建行（939）股價及相關新聞股份禁售期屆滿，市場估計該行會沽貨套現，用作充實自己的資本比率，但昨日建行股價不跌反升，收報4.99元，升5%，升幅跑贏大市。點解會出現這個情況，中環茶友提供兩個可能解釋，一個係美銀雖然有權沽貨，但之前有傳言建行利誘美銀押後套現，令到沽壓暫時解除；另一個解釋係因為最近幾個策略投資者套現，都應中方要求，採用私人配售方式進行，搵一兩個機構接晒，無鰠市場沽貨，結果令到原先沽空的對沖基金無法子鰠市場入貨平倉，先前工行已經出現私人配售完成，股價不跌反升的情況。昨日有消息話，熱門接貨人選係建行大股東中投和另一策略股東淡馬錫，傳聞美銀已與中投達成協議，大部份股份由中投承接。

按照最近的消息，上述兩個解釋中，無貨出街的解釋比較合理。由於美銀有意減持老早成為市場共識，好多人都諗辦法先行沽空，如果配售股份真係唔出街，空軍要搵貨平倉都唔容易，真係有可能會夾高股價，呢個情形有鱓似礇控係四月份供股前，消息未證實時空軍個個質貨，到宣佈供股後，股價反而慢慢夾番高。

茶友話，去年最搵錢的對沖基金，都係靠沽空金融股搵食，但今年情況有小小唔同，首先係對沖基金唔敢再好似舊年咁狼咁沽空；其次係金融股跌勢大為收斂，沽空搵食難度已經高好多，現在要睇係美國宣佈銀行壓力測試結果後，金融股表現係點。

美國銀行宣佈壓測結果前，消息滿天咁飛，個別金融股又見到有大量沽空盤出現，但到昨日為止，銀行股股價無被沽空盤推低，反而有拾級而上跡象，究竟宣佈後會再夾淡倉，抑或係空軍開始搵食呢，好快就會有眉目腬。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

Mr.Business

注：此篇文章版权归香港頭條網所有。

資金市         

2009/5/8 上午 09:46:52
網誌分類: 經濟

　    美股進入停一停，抖一抖的階段，昨日美股交易時段銀行壓力測試結果尚未公布，但30年長債拍賣成績唔好，投資人擔心國債需求欠佳，可能增加籌資的成本且損及經濟復蘇，加上科技股下跌，美股昨日走弱。早段最高升過65點後見頂回落，其後在8400點間橫行到收市。

杜指收市報8410點，跌102點或1.2%；標普500指數報907點，跌12點或1.3%；納指跑輸大市，挫43點或2.4%，報1716點。紐約證交所交投活躍，成交上升至20億股。杜指期貨最新報8447點，比現貨高水32點。

美國政府在收市後公布壓力測試的結果，如前所料，19家金融巨企中有10家需要籌集更多資金，以應付預設的經濟危機，共需資金總額共746億美元，略多於市場預期的700億。但是如果在未來兩年經濟真的出現壓力測試的悲觀估計，美國銀行業的信貸損失，可能達到6000億美元，老實講，呢個數字都幾驚人; 其中以按揭業務的損失最大，達到1855億，貸款損失總額可能達到未償還貸款的9.1 ％，這將比銀行在1930年代時的大蕭條時期遭受的損失還要大，可見而家銀行冒的風險比大蕭條年代多。

聯儲局主席伯南克表示，「測試結果顯示所有銀行都有充足的一級資本（Tier 1 capital）去吸收經濟環境更差的情況。應該可以紓解投資者和公眾的壓力。」

根據測試結果，美銀必須注資340億美元，富國銀行為137億美元，花旗集團需要籌集55億美元。其他必須提高資本的包括通用金融15億美元，大摩18億美元，Regions Financial Corp.25億美元，SunTrust22億美元，Fifth Third Bancorp 11億美元和KeyCorp18億美元。當中大摩榜上有名和富國銀行要集資咁多，稍稍出人意外。其他九家公司不需要增加資本的包括：摩根大通，高盛、MetLife Inc、美國運通，紐約梅隆（Bank of New York Mellon Corp.），Capital One和State Street Corp。

唔及格的銀行是在測試中沒能達到美國財政部要求的一級核心資本充足率達到6%、風險加權普通資本充足率達到4%，這些銀行有三種選擇：將目前政府持有那些銀行的優先股轉為普通股，即係將銀行「部分國有化」；銀行自己發行普通股，吸引私人資金投資；尋求政府以買入優先股方法注資，在隨後７年中可隨時將轉為普通股，但優先股要付9%的高股息，而這一途徑也被市場認為係「國有化」的前奏。資本不足的銀行必須在6月8日之前做出增加資本的計畫，之後，他們將有6個月時間，直到11月9日，以籌集資金。若不能成功在私人市場集資，政府將會把它持有這些銀行的優先股轉成普通股，等如增加這些銀行的一級資本。

　　但政府同時開放俾有水的銀行還錢，以打消市場對所有銀行都國有化的擔憂，蓋特納說，若銀行無需獲得美國儲蓄保險公司擔保發債就能夠籌資，並且達到壓力測試資本要求，它們可以向政府償還「問題資產救助計畫」的貸款。缺水的銀行就無法走啦，白宮表示，不排除壓力測試導致金融機構管理層變動的可能性。美銀最缺水，其CEO路易斯已於上周被股東投票趕下董事長的席位。

       另外歐洲央行亦配合美國做嘢，穩定金融市場，昨日宣佈維持隔夜息率不變，但降低基準利率至1%，並計劃購買共600億歐羅面值保證債券。歐洲央行行長特里謝(Jean-Claude Trichet)話，「相信發行的債券數量足以提振正在下滑的資本市場，並鼓勵銀行維持及擴大貸款額度，緩解銀行和企業的財務狀況。」



美股交易時段壓力測試未公布，花旗集團昨日收低1.3%，報3.81美元；摩根大通下滑5.3%，報35.24美元，富國銀行公佈配售60億美元普通股挫7.8%至24.76美元。KBW銀行指數BKX跌3.5%。收市後政府公布壓力測試，大摩在集資榜上有名，市後交易大摩股價跌６％，股神巴菲特持有的富國銀行一直吹到好掂，但結果要集資137億美元，成為集資第二多的銀行，市後交易股價跌7.75%。

港股在美國預托證券方面，匯控收報63.6元，比香港收市價低2.2%；中移動收報73.66元，比香港收市價低0.8%。而ADR港比指數係16901點，比香港低317點。

美股交易員話，美股疲態加深，昨日一開市就想抖抖咁款，特別係財政部公布拍賣30年長債的收益率高達4.28厘，顯示債價向下，收益率上升，公布後美元輕微轉強，杜指馬上跌了60點。咁環境令人懷疑聯儲局有無能力維持低息令經濟復甦。債息吸引，股價已高，又會唔會令資金套利離開股市呢?昨日美股跌市有20億股咁大成交，顯示套利走貨的資金不少也。

美股弱勢開始出現，未知近期較強的港股會唔會跟美股。金管局任總今早評論美國壓力測試順便評論資金市，話近期有外地資金不斷流入，預計香港銀行銀行體系結餘會去到2100億元，其實政府已發票據去吸收市場上過多的資金，加埋這部份流入資金總額達3000億元。資金的流入影響資產價格，令股市上升，但任總話本港經濟仍然疲弱，因此近期港股升市純因資金流入所致。他直接話「講白啲係經濟支持尚未存在，投資要好好管理風險。」雖然任總示警不等如股市即刻會大跌，但他已講到好白呢個只係資金市，股民自己執生啦。

陸羽仁

http://www.hkheadline.com/blog/r ... rd=&searchtype=

Mr.Business

2009/5/11 上午 11:30:46  

陸羽仁覆網友

赤萃:你引用黃帝內經那一句「百病生於氣」，係至理名言。

Bdroom:有華電國際蟹貨如果見番家鄉, 不妨沽番啲出街，未見家鄉就坐吓先啦。

潘鳯:你話想將澳元換港元或人仔，睇吓你做短或做長，做短人仔匯價無大波動，長線幾年會睇好。做短港元跟美元走，而家澳紙高，主要係大市炒復甦，如果覺得世界經濟無咁快復甦，可以趁高分段將澳元轉番做港元。

Yuki:你話想等日圓100時買，但要一個月內，日圓中線睇幾個月有機會見吓100，但一個月內就未必得啦。

Muse:全球金融股炒反彈，沽空倉急平，渣打都受惠，中線睇兩三年渣打和內銀股各有春秋，長線內銀股有地利。

Blacks:美國做壓力測試目標係話俾世人聽佢地有「科學」方法監控銀行業資本，希望投資者回復對美國銀行業的信心，至於係唔係咁科學，就見仁見智了。

Mr.Business

注：此篇文章版权归香港頭條網所有。

金融High Tea——美國佬拆鰦半個炸彈
2009年5月11日

美股上周五又再上升，在銀行體系壓力測試結果公佈後，加上職位流失率低過預期，杜指再上高位，收市報8574點，升164點，升幅2%。美股掂，港股在美國的預託證券都唔輸蝕，上周五成交價折合恒指17855點，比香港高464點，礇控（005）在美國的造價68.5元，直逼70元大關。

美國新政府的這個銀行壓力測試，至今基本上成功覑陸，關鍵係成功管理市場的期望，壓力測試結果唔係好靚仔，但政府發放資訊令人覺得好過預期，講講纒就過鰦骨。睇番壓力測試的數字，顯示在經濟較壞的情況下，19家被測試的金融巨企中，有10家不達到有充足一級資本的要求，需要籌集更多資金，以應付可能出現的經濟危機，這10家銀行共需資金總額746億美元，老實講，集資746億美元唔係細數目，本來唔係咁易集到咁多錢。

睇番個別銀行的成績表，美銀必須注資340億美元、富國銀行為137億美元、花旗集團需要籌集55億美元、大摩18億美元、通用金融要15億美元、 Regions Financial Corp.25億美元、SunTrust22億美元、Fifth Third Bancorp 11億美元和KeyCorp18億美元。其他9家銀行不需要增加資本的包括：摩根大通，高盛、MetLife Inc、美國運通，紐約梅隆（Bank of New York Mellon Corp.），Capital One和State Street Corp。如果睇集資最多的美銀要集340億美元，亦唔係細數目。

壓力測試更顯示美國銀行業的可能有重大虧損，如果在未來兩年美國經濟真的出現壓力測試所作的悲觀估計，美國銀行業的信貸損失，可能高達6000億美元，以按揭業務的損失最大，達到1855億；貸款損失總額可能達到未償還貸款的9.1%，這將比銀行在二十世紀三十年代時的大蕭條時期遭受的損失還要大。這個 6000億美元的虧損數字亦相當嚇人。

早早放風 管理期望

美國政府充份管理市場的期望，一早就有人估銀行要集資700億到1000億美元。美國政府並延後壓力測試結果公佈的日期，此舉惹來經濟學家的懷疑，諾貝爾獎得主克魯明話，壓力測試結果公佈前已有這麼多消息漏出街，到底是誰漏料呢？不同版本係咁放出街，似乎在放出氣球，測試市場對不同集資金額的接受程度，公佈前銀行對測試結果不滿也可以「有數講」，更令人懷疑，所謂銀行需要多少注資額，並不完全係好科學咁計出來，只係公眾啃得落佢地要集資多少。

從集資746億美元，到銀行業這兩年可能要蝕6000億美元，這些驚人消息放放纒大家就接受鰦，美國政府成功管理了市場的期望，最後看到報告，評語係「集資額比預期少」，至於原來個預期點樣走出來，就無人深究啦。聯儲局主席伯南克再來唱句完場歌，話「檢討銀行的健康情況後，可以令市場放心。」

本來人人都預4月公佈銀行壓力測試時會大大鑊，對沖基金一早大手沽空銀行股等跌市，到消息慢慢滲出來市場接受鰦，股市消化壞消息後反而炒鰦上去，就迫使金融股的空倉盤大量止蝕平倉，同時觸發貨疏的互惠基金入市搶貨，引發5月的升浪。有美股交易員甚至懷疑政府挾空倉造高個市，方便問題銀行集資。

銀行巨企 急急批股

見到股市咁好環境，過唔到壓力測試的銀行急急集資，有鱓上周五已搞掂鰦，股神巴菲特一路話自己獱重貨的富國銀行「掂過碌蔗」，點知壓力測試話佢要集資 137億美元，成為集資第二多的銀行，因為政府估佢在較壞情況下，今、明兩年會蝕861億美元，佔佢貸款組合8.8%；富國銀行計劃多渠道集資，上周五晚急急批出價值86億美元的普通股，每股22美元，比原先計劃批出的股份多出43%。

另一隻在上周五成功批股的是摩根士丹利，壓力測試話佢要集資18億美元，佢本來計劃批股集資50億美元，結果去到貨集夠80億，睇鈬佢唔止想滿足壓力測試的要求，仲想搵多鱓錢還埋俾政府，唔使再俾政府監管佢發花紅。

要集資的大戶美銀，佢要集340億美元咁多，壓力測試話佢今、明兩年在較壞情況下會合共蝕1366億美元，佔貸款組合的10%。美銀行政總裁 Kenneth Lewis去年決定吃下美林證券，結果惹禍上身，要用綜合性方法先要可以集到咁多錢，包括批普通股、批優先股，以及大賣包括建行（939）在內的各種資產。

狀況較差的花旗銀行要集資55億美元，估計較壞情況會令他在未來兩年蝕1047億美元，由於花旗股價反彈鰦都太殘，佢會將價值330億美元的優先股變為普通股，以充實資本，當中包括美國政府的250億美元優先股，轉換後政府將持有34%投票權的股票，花旗變相國有化。

繼富國銀行和大摩以折讓價成功批股後，相信美銀都會快快手批股和賣資產，唔趁市好集資，蘇州過後無艇搭啦。試想纒若唔夠資金的銀行全部借呢個浪集夠資，咁都叫做過鰦纒骨啦，鱓銀行都有較多資本應付未來可能出現的困難環境，試想若銀行無機會集資，但經濟再下滑、股價再落去，到時想股價又殘，即使夾硬批股，要發的股數又多，而且市場又未必有人夠膽接貨，所以有賣就趁手啦。美國的銀行業借好市完成這個集資浪潮，都夠錢捱一段時段，美國佬叫做拆鰦半個炸彈啦。

開ETF有利炒作

上周美股繼續升，主要受銀行股和商品股帶動，但科技股和零售股已經開始回吐。銀行股在沽空倉大幅止蝕的推動下，成交急升，例如花旗，過去一星期每日成交大約有10億股，係非常大的成交量，不過我話美國佬拆鰦半個炸彈，唔係拆晒全個炸彈，皆因金融業即使可以集到資應付衝擊，實體經濟下滑的衝擊很可能會來，特別是債息高企，不易維持低息以利樓市復甦，樓按的撇帳和信用卡撇帳下一步會浮現。

睇番港股，有好消息亦有隱憂，第一，美股杜指升164點，亞洲今日開市多數會順住炒。第二，香港在周末公佈《內地與香港更緊密經貿關係安排》（CEPA）補充協議，當中包括加緊研究在內地引入港股組合交易所買賣基金（ETF），被認為是變相「港股半直通車」，雖然未知有幾大範圍和幾大規模，但短線而言，消息有利港股再炒一炒。

第三，人類豬流感正在美國快速散播，上周五美國確診個案一夜間增加1倍，達到1639宗，雖然世缳估計要到9月、10月才有第二波爆發，但美國咁擴散，又使唔使等到秋季呢？雖然美國股市對豬流感暫時無乜反應，但若出現大流行，股市又可唔可以免疫呢？做生意者希望美國的豬流感擴散可以控制住，股市係咁升，但只是「資金市」，假假懐，不過股市好點都會刺激本地消費生意好一鱓，所以生意人希望豬流感唔好咁快爆，股市炒得長少少，咁就可以做多一兩個月生意，咁樣就可以令今年上半年條數靚番鱓，其他鱓№就唔理得咁多啦。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

明燈（３）  
       
2009/5/11 上午 09:45:58
網誌分類: 經濟

上周五美國政府公布的4月份失業人數少過市場預期，銀行壓力測試結果亦不如市場估計的差，美國政府成功調控民意渡過壓力測試，油價大升，投資者寄望經濟復甦，杜指開市抽升逾130點，已收復上日失地，之後反覆上升，尾段升幅略為收窄，以接近全日最高位收市。

杜指收市報8575點，漲165點或2%；標普500指數報920點，升22點或2.4%；納指升23點或1.3%，報1739點。紐約證交所交投活躍，成交19億股。杜指期貨最新報8484點，比現貨低水91點。

藍籌股上周漲了4.4%，標普500指數升了5.6%，納指升1.3%。杜指全年跌幅由25.4%收窄至只有2.3%。由三月最低位計，杜到指已上升了31%，標普500指數亦升了37%，越來越多的投資者想鎖定利潤，調整壓力明顯加強，今年一直跑贏大市的納指開始有調整的跡象，上周已落後杜指和標普500指數，錄得1.7%下跌。美股的狀況是金融股、能源股續升，零售股和科技股開始回。

投資者憧憬銀行業最壞時刻可能已過去，銀行雖然測試唔合格，但股價照升。要籌集340億美銀股價升4.9%至14.17美元；花旗集團升5.5%至4.02美元，富國銀行勁升13.8%至28.18美元，摩根大通升10.5%至38.94美元，係杜指成份股的升市冠軍。

匯控在美國預托證券亦跟隨銀行股造好，收報68.51元，比香港收市價高4%；中移動收報77.27元，比香港收市價高1.3%。而ADR港比指數係17854點，比香港高465點。不過亞洲股市今早未有大升，日股早段只是微升20點，升幅0.2%，唔係幾跟得足美股上周五的走勢，可能和美股杜指期貨跌幾十點有關。

美國失業率繼續攀升，政府公布4月份損失了53.9萬個職位，失業率上升8.9%，創了26年以來新高。不過職位的跌幅係自去年10月以來最細嘅，亦好過市場預期的59萬個職位損失和失業率升至9%。自2007年12月起計，美國已損失了570萬個職位。職位有增長的部份只有健康醫療和政府部門。Miller Tabak首席策略師表示，要維持失業率於現有水平，不繼續上升的話，每月就要有新增職位就要12.5萬個，即係話，即使職位數量不繼續收縮，失業率仍以每月0.1個百份點的幅度上升。假設職位損失每月維持20萬個，失業率就會每月攀升0.2%至0.3%，所以失業率去到10%幾乎是肯定嘅，11%亦將為期不遠。以往的兩次經濟衰退，需要三年時間，失業情況才能改善，他預計今次衰退，可能要四至五年失業情況才能復元。

    美國、甚至香港的經濟基調唔係咁好，但股市繼續炒，股民如何自處，實在是對EQ的艱難考驗。早兩日講到買股手法的問題，我想講講三個網友的回應。

    第一個是又係「宜家傢私」，佢話:「陸sir講得啱, 我地呢d散戶, 錢又唔係多, 風又收唔到, 點同人玩?年初陸sir已經提議不如分段月供(今年12月每月買1注), 不過果陣陸sir話 “咁蠢既方法應該滿足唔到我地哋'”，果陣我都咁諗 ，“如果月供咁點解唔等大跌先一炮過買呢? 月供真係滿足唔到我呢啲睇咗咁耐股票又想用腦既人。”點知個市由年頭升到依家.....我反省一下, 先發覺自己真係應買果陣唔想買, 唔應買果陣(而家)又想買.....」

　　佢又講:「陸sir話買2828基金好, 我以前覺得....基金買晒咁多隻h股, 有部份h股都唔知係咩嚟, 點解唔揀最好果幾隻嚟買呢? 淨係買3968/688/941/291/883...唔係更加'鑽石陣容'咩? 直到依家我最鐘意既3968話可能集資....我先明白....我連揀股都唔識...所以....我決定放棄了, 放棄用腦, 加入月供基金行列....淨係睇下邊個月有一日跌得勁d, 連跌幾日又全日最低位收市先買多一兩手咁大把....我發覺我既智慧大慨只可以做到咁多....」

我對「宜家傢私」的回應是:雖然我都信揀股，我都信可以善揀時機，但若果有相當股齡而過住試過好多次都唔成功的朋友，買股時一定有結構性缺陷，例如太跟市場氣氛出入市，咁不如試吓新手法，例如將9成資金用笨一點的方法投資，將1成資金用自己用開「聰明」的方法投資或投機，直至練好功夫才將大量資金用「聰明」的方法去做，也是一個較穩陣的做法。這肯定不是最好的方法，但可能好過這類朋友過去的手法。

第二個我想引用的是網友qqchen，佢話:「陸 sir 今日篇文章真係好到肉,　身邊總有d呢類朋友,　 我身邊o既朋友係好鍾意問你買呢隻好唔好?　 而家買好唔好?　有時見到佢想買個價錢有啲貴,　就叫佢等等先,　但總係唔聽兼話買貴1個幾毫無所謂,　好股唔怕坐喎，有時見到佢啲貨個價似見頂派貨叫佢走,　佢話未賺夠,　到個價跌左好多,　賺變蝕,　仲要到打靶位,　佢唔打靶不特止,　仲要話最多留番養老,　真吹脹..　而家佢個倉我都無眼睇.　 單係隻410蝕 50%,　 857 更唔洗睇。有時我覺得人o既內心世界真係幾得意,　明明自己已經決定晒嘢,　又要扮搵人商量,　博取共鳴,　其實有啲啲無聊.」

我的回應是散戶要小心面對自己的錯誤，以前有人對美股的分析師做過統計，發覺最叻是前高盛分析師科恩，她測市有6成幾的命中率，已經係最高，被人叫佢做「女股神」，其餘好多分析師只有5成多命中率，同掟個毫子睇開公定開字無分別。但女股神的秘密是做大好友，佢當年有理無理都睇好，在2007年前十年反覆向上的牛市中，女股神經常中，自2008年出現熊市後，女股神先燉冬菇，近期都唔再見佢出來講嘢。所以買股係好容易買錯o既，關鍵係買股睇中時識得贏，買股睇錯時識得控制風險，賺得多唔識走都算啦，但隻股回頭要輸錢時，唔走就笨啦。

第三個我想引用的是網友GNIW的話，佢講:「我係報名做『明燈會』會員.我雖然只有年幾投資經驗,但相信都有資格當小小明燈。我舊年先係美國經濟碩士畢業, 現係紐約一間金融機構服務. 係碩士最後一年期間, 因為功課要做股票分析, 所以建立左人身第一個蚊型投資組合. 三個月回報加本金剛夠錢俾我去畢業旅行.現在諗起都覺得係純為BEGINNER'S LUCK, 因為我係用CAPITAL ASSET PRICING MODEL黎買股票, 唔輸都當偷笑.到現在工作左半年,都有好好少BUDGET,咪又買少少當學野. 到現作工作, 儲到好好好少錢, 加上工作關係成日接觸不同國家的股票買賣(本人公司不作股票買賣,只為中間人). 又買少少花旗@1.70, AIG@0.8,加另兩隻股票快炒玩下. 但花旗我係2.6同AIG係1.35放左 (花旗係我開會的兩小時內時由3個幾跌到2個幾!), 放時我係緊守15%止蝕做鐵守則. 止蝕守則曾救咗我幾次命, 但見到今日呢兩雙股票個價,又真係揼心口點解放得咁早呢!!!」

GNIW又話:「我發覺每次行動都有共同的缺點: 係太保守同怕輸錢. 沒錯, 我係E年幾的投資係無蝕錢, 而且我太多買入的股票都係估值太低而買入.但我往往因對投票波幅的恐懼,以及沒有耐性等待,而過早賣出手頭上的好貨.白白錯過賺取更多回報的機會.所以今日睇完陸SIR有關明燈一談, 覺得我的小小經驗可以俾各前輩們參考, 更希望各前輩們能指引我明路. 另一方面, 我更知道自己對波覆的恐懼係源於現金流不足所致, 所以我更努力唔食唔著,唔買衫唔買手袋,死慳死抵, 望能增加現金流.希望能夠係今年內能建立一個中線的中國股票組合.」

我唔係太同意GNIW對自己的結論，佢唔係「明燈」，佢講緊係另一類問題，佢呢個個案只係賺唔夠而矣，若做事後孔明睇番佢啲交易，買入的股份大升後一度急跌，好似花旗在兩小時內由3個幾跌到2個幾，手上有貨者止賺(其實唔係止蝕)走貨唔係問題，問題只係需唔需要走清而矣，所以我可以作交易手法的建議，止蝕無得講，到價要走就走清，但止賺可以斟酌，例如你1.7美元買花旗，結果要在2.6美元止賺沽貨，賺咗53%，可以唔沽清，只沽貨沽到收回所有成本，留低賺回來那部份貨繼續睇，再定埋個1.7美元入貨價作最後止賺位，到價沽埋，唔到價睇吓，都係另一個方法。

但我更想講的是，你雖然讀經濟、做金融，但仲係後生，見到過大跌市的經驗唔多，未知太跌市之恐怖，所以唔好因為呢次賺少咗，而覺得止蝕無用，以後買股分清止賺和止蝕兩種情況，止蝕係你買入的股票跌穿入貨價，即使你係睇價值入市，但也有睇錯股份大勢的時候，特別買入行業可能已轉勢的股份，股神巴菲特話呢啲等如執煙頭來吸，佢隻巴郡就係咁買入，買入一個夕陽行業的股票，嗰個行業永不翻身，股價可以不斷向下唔上番來，所以不要輕言不止蝕呀。

陸羽仁

http://www.hkheadline.com/blog/r ... rd=&searchtype=