【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

打回原型  
       
2009/3/4 上午 09:24:31
網誌分類: 經濟

美股昨日走勢反覆，投資者寄望財長蓋特納在眾議院委員會作證時會闡述振興金融計畫的更多細節，加上對中國將會推出救市措施、提振原材料需求的憧憬，杜指開市反彈92點，其後聯邦儲備局主席伯南克發表對AIG過去經營手法感到憤怒的言論，加上高盛和Metlife等金融股份下挫，抵消了市場的上升動力，杜指回落至全日最低的6706點，倒跌57點，之後在上日收市價附近上下爭持，但在最後的10分鐘失守，美股連續第5天的下挫，不過跌幅輕微。

杜指收市報6726點，跌37點或0.6%，全日最高6855點，最低6706點，全日波幅衹有150點；標普500指數同樣跌0.6%或4點，收報696點，係自 1996年10月以來首次收在700點之下；納指微跌2點或0.1%，報1321點。紐約證交所交投活躍，成交19億股。杜指期貨最新報6680點，比現貨低水46點。

美國金融股續跌，加上外國投資者不看好匯控，匯控在美國的ADR(預託證券)股價亦下跌，收市報43.37元，比香港收市價46.25元，低2.9%；而中移動收報64.38元，亦比香港收市價低1.2%。而按ADR成交價推算的恒指報11696點，比香港收市低338點。

AIG日前公佈第4季業績，錄得美國企業有史以來最高的617億美元的季度虧損。美國政府昨日宣佈撥款300億美元拯救這家瀕臨破產的國際巨企，自去年九月以來，政府係第三度向AIG注資。聯邦局主席伯南克在華盛頓的國會聽証會上，被議員問及AIG的問題時，佢話「自金融危機發生以來，最令我憤怒的單一事件，莫過於AIG了。AIG利用了監管制度的巨大漏洞，因為我們缺乏監管金融產品的部門(相信他是指沒有監管「信貸違約調期合約」)，而AIG基本上就係依附在一家大型和穩定的保險公司上的對沖基金。」

伯南克話，因為制度上的漏洞，令AIG可以作出大量不負責任的「賭博」( bets)，產生鉅額虧損，而不受監管。最後AIG出事了，政府別無選擇，為了穩定金融制度，又不能不出資去拯救它。

財長蓋特納也作出了差不多的批評，話「AIG是一間巨大、複雜、全球性的保險公司，依附在非常複雜的投資銀行和對沖基金上，容許它發展至斯，又缺乏成人監管。由於AIG已對經濟構成重大風險，目前最好的補救方法是容許它慢慢重組。」

伯南克話AIG實質係一隻對沖基金，又用「憤怒」、「賭博」這些詞語形容AIG，用詞極重，包含對前聯儲局主席格林斯潘和上幾任財長疏於監管的不滿，亦暗示美國政府將會對重要的金融機構採取更嚴厲的監管措施。Cumberland Advisors 的主席David Kotok話，「無論喜歡與否，美國的聯邦政策現已受避免發生第二單雷曼事件所牽制。」AIG有政府撐住，股價昨日上升2.4%至0.43美元。

AIG去年第4季輸617億美元，全年輸1000億美元，真係好難想像一間公司可以一年輸1000億美元。AIG的豪賭，禍根在前CEO馬林伯格(Maurice “Hank” Greenberg)的年代種下，AIG就由佢主政時開始，其財務產品部門大量沽出「信貸違約調期合約」(CDS)，去年政府入股後，這個財務產品部已削減25%生意，以減少賭博。

馬林伯格堪稱AIG沙皇，佢當年接受調查而被逼離開公司，公司出事後要賣資產減債，佢又全力反對，而家仲入禀告AIG，話公司隱暪帳目虧損，令他離職後仍按公司提供給他的計劃，在AIG市價50多美元時不斷買入AIG的股票。佢持有AIG超過1%股權，去年仍有50億美金身家，而家跌到得番幾千萬美元，所以要發吓爛咋。

有金融高人話，過去美國金融業就靠超高槓桿運作，實際上就是豪賭，才能支持金融巨企在這麼高的盈利數字基礎上，仍然可以每年以10%、20%的無可能高速去增長。未來打回原型，大家要老老實實做生意，過去美國的投資銀行、商業銀行、保險公司的高盈利，高股價，可能真係有生之年都未必可以再睇到啦。

陸羽仁

http://www.hkheadline.com/blog/r ... rd=&searchtype=

Mr.Business

2009/3/4 上午 10:54:19  

陸羽仁覆網友

JT，Robert，廢人，chrslee，lin2005等:你地地好多人都係問匯控，綜合來答。

Lin2005問我昨日講過的一段話, 唔明點解，我話「再者，而家供股，唔係28元一股買匯控，而係以市價買，此話何解，假設匯控除權日除權後股價係43元，供股權除了出來後可以自由買賣，你唔供可以將之賣走之外，理論上正股43元，一份28元供股的供股權值15元，所以你唔供可以賣供股權攞差價走，或者你持貨太少供股權賣唔到，你一供完攞咗新股都可以當碎股賣，所以供股的真正代價是當時的市價，而不是28元。」

我的意思簡單點講是匯控咁低價供股，你唔供，可以賣供股權，就可以將差價攞走，以上面的例子，你供股用28元，你唔供股沽供股權攞走15元，所以你供股的真正代價不是28元，而是28元加無攞走的15元，即43元，亦即係除權後的市價。

另外有關匯控前景的風險，今日報紙專欄講咗，特別係美國業務仲有潛在危險要大撥備。

Robert問到「5號仔個Report話除US同商譽減值外, 其實佢有3%增長，加上佢話唔再做US生意, 前景理應唔錯。」匯控美國業務的問題是即使唔做，埋單落樓條數幾大的問題，佢揸住一個好大的次按抵押物業組合，如果美國的樓市停跌兼反彈，匯控可能不單不用再撥備，仲有錢可以撥回。但如果美國樓市仲要深插，抵押物業組合價值再急降，匯控都幾大劑。

Chrislee問為何匯控要定28元咁低價供股，我估佢當然想定得高啲，但怕唔夠人供，亦無銀行願意高價包銷，咁供股就有完成唔到的風險。

KFC:所謂賣出匯控正股買入供股權的策略，其實睇匯控反彈完會再跌，如果唔係供股權唔會比正股便宜。趁反彈到較高位置減持或沽出，係較皆佳策略，要買番唔使咁快，匯豐的困難未過。也不用急於換馬，恒生業績未來也有壓力，恐怕股價未完全反映。

S2000:渣打雖然做得好好，但仍未係買入長揸的時候，因為金融海嘯未來再由歐洲再吹向亞洲，恐怕亞洲會跌得更深，渣打生意集中亞洲，仍會受衝擊。工行建行生意上的風險低啲，但早前A股上升主要炒兩會及炒政策，怕A股仍要深度調整，工行建行仍有沽壓。

Blacks:國企股發生匯豐的供股情況較少，國企財政有問題，通常是國家出錢，入股增持，借此注資金入公司，當然比供股好了。

中移動現價不算貴，但大市未見底，中移動作為主要指數股，尚要尋底，長揸勿急。

奧巴馬叫人買股，唔好信，當然不能排除美股會反彈，但做為一個總統，唔應該叫人買股，應該搞出好政策，令股市自然回升。

三心兩意:期指結算後，港股先插一浸，玩低了1000點，之後不跟足美股跌，係怕港股和美股跌得太多有反彈，特別是美股破底已深，一反彈又會好急。

匯豐若有較大反彈，我會考慮將千年匯控沽出，然後等大市插低時，換馬到2828長揸。唔使判斷中移動或h股指數何時價殘，它們跟大市，等大市破底時，可以分段慢慢吸。

一草一木:我唔知你的東歐基金買乜股，所以好難講會否渣都無，但跌到剩20%去沽的確太遲了一點，或者只能揸下去。

Flyinthesky:月供開匯豐想轉，轉去供盈富基金，仍有五分一匯豐成份，轉去供H股基金，就係假設未來五年十年大陸經濟跑贏匯豐。

Muse:有渣打在手，我估等吓美股杜指有無機會反彈到近8000點時(而家7000點都唔夠)，應該金融股整體表現好啲，就可以先沽，然後等再跌低啲時買番，減輕成本。

Vencent:匯控總公司管理層過去兩年在金融海嘯的回應有欠審慎，令人對其大打折扣。

Lovelygirl:你話匯豐員工買匯控股票，睇到香港生意OK，唔等如整個集團OK，正如我早前舉例，AIG亞洲的高層，亦無沽過AIG股票，作為一個員工，在一個全球集團中，睇到的事情太少了。匯控面對全球金融海嘯，美國業務走唔到，又唔早供股，形勢比較被動。

內地保險股價仍嫌過高，兩者相比內銀股好啲，但長線投資計即使內銀股仍有下跌空間。內地股市不濟，政府無乜好招去頂，但經濟不濟，就不能不頂，主要印鈔增加政府開支去頂。

石頭飯:我都睇淡港交所，30幾元有機會見。

SpaceAce:你話除權前買入匯控，佢除權唔跌，咁當然係執到，但除權唔跌等如股價大升，要市場當時好睇好至得。

Mr.Business

注：此篇文章版权归香港頭條網所有。

金融High Tea——焗炒中央救市
2009年3月5日

港股昨日冷暖流激蕩，礇控（005）股價及相關新聞繼續插水拖低大市，恒指低開154點之後反覆靠穩。內地兩會開幕，市場傳聞會有新的刺激經濟的政策出台，內地A股急升，帶動恒指扭轉劣勢，升至全日最高的 12424點，大升390點，恒指收報12331點，大升297點；期指收報12248點，升327點，低水83點。國企指數曾一度升逾7000點關口，但尾市回軟，收報6948點，勁升330點或5%。大市成交上升至450億元。

昨日開市無大跌，港股走勢經已十分奇怪，當時內地A股升2、3個巴仙，之後內地股市愈升愈急，上證綜指最後升6.1%，扯住港股向上，出現礇控獨跌、紅色股大升的奇景。

大象抽水 全港缺血

內地股市跌鰦幾日，兩會昨日開幕，隨即炒上，彭博通訊社引述全國政協委員、前統計局局長李德水的話，溫總今天公佈政府工作報告，將會宣佈一項新的刺激經濟計劃。李德水無透露詳情，不過市場估計這是去年公佈4萬億人民幣救市大計以外的新計劃，刺激資金大舉入市，A股市場無一下跌，中國平安、中國太保及浦發銀行等重磅股都漲停板，上證綜指收報2198點，大漲6%。

受內地A股大漲帶動，「三保六行」全線向上，國壽（2628）股價及相關新聞升4.8%，平保（2318）股價及相關新聞 和財險（2328）股價及相關新聞 齊升逾7%。建行（939）股價及相關新聞、工行（1398）股價及相關新聞及中行（3988）股價及相關新聞分別升3.8%、5%及3.4%。內房股跌得多升得多，市場憧憬內地房地產的振興會透過更重要形式調整，碧桂園（2007）股價及相關新聞 、雅居樂（3383）股價及相關新聞及富力（2777）股價及相關新聞 都大升逾一成。

中環茶友話，礇控供股集資近1400億元，估計有過半數來自香港股東，等如無端端在香港市場抽走700、800億元，真係驚「礇豐抽水，全港缺血」，忽然來一單阿爺救市消息，真係半信半疑，到後段見到A股升咁多，就焗住跟炒啦。

礇控供股雖然有好多個本地富豪供股做包銷商，但礇控沽壓未除，大戶仍然猛沽，昨日最低見43.55元，緊貼美國ADR收市價，創了13年新低，午後略為反彈，收市報44.2元，逆市下跌4.4%，成為表現最差的藍籌股。

講PE礇控貴過恒生

有個中環茶友一直唔睇好礇控，昨日講起好多散戶話礇控28元供股好抵好抵，佢就唔係咁睇，仲計鰦條數，以礇控昨日收市44.2元計，鶽家11.7倍PE，若明天除供股權，理論除權價（即係不再有28元供股權利）係39.43元，先將PE調低到10.48倍，然後再計礇控要多發41.7%新股，再把每股盈利攤薄，即係供股加攤薄後歷史PE係15.4倍，鶽家咁鮋市道，無人敢保證礇控09年可以維持08年的純利，即係話以去年盈利計15.4倍PE貴鰦鱓喎，所以佢認為仲有人買礇控去供股，就真係憑感覺唔計數。

佢又話，同系的恒生（011）股價及相關新聞現價81元，歷史PE只係11倍，就平過礇控，雖然佢都唔係覺得恒生平，但平過礇控，而且恒生業務集中在香港，倒退都有個譜，好過唔知礇控在歐洲和美國搞邊科。佢提醒大家講股票平貴，係睇未來盈利能力而唔係睇股價銀碼。

茶友話，好多人到今日都仲話血肉長城買礇控，係貪佢平，或者貪佢穩陣，但其實以PE計礇控唔平，講穩陣亦不如恒生。所以如果你買礇控係想炒纒，博用44元買佢上番140元，咁就自己決定，定好止蝕位，乜股都可以炒，但係就唔好因為平或穩陣呢兩個理由買礇控。

港交所（388）股價及相關新聞昨日午市前公佈08年業績，全年賺鰦51.29億元，較去年倒退17%，略高於市場預期的50.21億元；期內總收入跌10%至75.49億元，末期股息大減47%至1.8元。行政總裁周文耀話去年盈利減退的原因係在金融海嘯的衝擊下，港交所投資收益淨額下跌19%至9.99億元，唯一有增長的金融產品係牛熊證；股市交投銳減，由07年的每日平均的880億元，下降至08年的700多億元，本港上市集資亦有減少，只有2610億元。

營運支出方面則有增加，其中雷曼倒閉，令港交所虧損1.57億。港交所昨日由3個多月低位反彈，最高升過9.5%，尾市升幅收窄至6.6%，收報59.6 元。睇港交所前景，要睇基本假設，如果你假設熊市今年都未完，港交所51億盈利，支持641億市值，12.4倍歷史PE，盈利再跌等如PE上升，現價一鱓都唔便宜。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

北望神州         

2009/3/5 上午 09:28:59
網誌分類: 經濟

昨日全球股市反彈，美國投資者憧憬中國會有刺激經濟政策出台，總統奧巴馬唱好股市，大宗商品價格上升，投資氣氛轉趨樂觀。能源和資源類股份造好，美股扭轉連續五天的跌勢。杜指開市跳升109點後略為回順，之後反覆上升，升幅不斷擴大，升至全日最高的6979點，大升253點才回軟，尾市升幅略為收窄，未能突破7000點大關。

杜指收市報6876點，升150點或2.2%；標普500指數重返700點上方，收報713點，升17點或2.4%；納指漲33點或2.5%，報1354點。紐約證交所成交略減至18億股。杜指期貨最新報6830點，升161點，比現貨低水46點。

美國金融股仍然偏軟，逆市下跌，匯控仍然捱沽，在美國的ADR股價持續下跌，收市報44元，比香港收市價44.2元低0.5%；而中移動則跟隨大市造好，收報68.81元，亦比香港收市價低1.6%。而ADR按比例調整的恒指報12499點，比香港高168點。

美國經濟數據無樣好，但跌咗咁多，就等住炒反彈，所以話中國即將公布振興經濟措施又關美國事，咁都炒一餐。但美國樓市的狀況好差，據房地產行業調查諮詢公司First American CoreLogic表示，由於經濟衰退令美國總體房屋減值2.4萬億美元，截至2008年底,有抵押貸款的房主中，約830萬宗房產「滅頂」(underwater) ，即係我地所講的負資產，負資產及接近負資產房屋佔了按揭市場的五份之一。若房價再跌5%的話，負資產大軍將再添220萬戶。First American的資深經濟師Sam Khater在受訪時話，「房屋供應遠大於需求，而房價下跌和憂慮其飯碗的時候，大眾都不會購買房屋。」

    美國跌到咁上下，暫時炒住中國先，大家都等緊溫總今日公布政府工作報告有無刺激經濟新料。昨日大陸官員的言論以托市為主。例如人民銀行副行長蘇甯參加人大分組會時發言指出，2月份中國人民幣貸款繼續保持高速增長。由於2月份全國新增人民幣貸款金額尚未公佈，曾經有傳言稱2月份新增貸款大幅縮水，但蘇甯卻澄清，2月份新增貸款增幅雖然低於1月份，但仍大大高於去年同期，「不可能月月都如1月那樣增加1.62萬億元。」蘇寗此說，等如叫大家唔使擔心中央收緊水喉。

中國證監會亦吹出樂觀空氣，市場好擔心今年係國有非流通股(即所謂大小非)進入市場的高峰，但證監會市場部副主任歐陽澤華就澄清並非如此，佢話目前小非(小宗非流通股)的解禁高峰已過，理論上解禁了1200多億股，其中有400多億股，不知何故沒有辦理解禁的手續，法律上隨時可以解禁，但是要辦理解禁的手續，也就是說，小非實際解禁比例爲68％。

　　今年，大非到了解禁高峰，歐陽澤華派定心丸，佢話從目前掌握的情況來看，大非減持的積極性並不高，截止到目前，大非實際減持數量14.5億股，國有控股股東已解禁股實際減持比例只有2％。現在大量的大非集中在國務院國資委控制的央企，它們的減持要有很複雜的手續，一方面沒有動機，另一方面手續非常複雜，所以不用對今年大非減持存在太多的擔憂。用我的說話去解讀，中央唔想股市跌，也不會任由央企控股公司去減持股份了。

    股市跌得深會反彈，美國政府的措施無乜力，全世界的焦點變咗望住中國，且看溫總如何出招了。

陸羽仁

http://www.hkheadline.com/blog/r ... rd=&searchtype=

Mr.Business

2009/3/5 上午 10:47:28  

陸羽仁覆網友

元華:你有28股匯豐，理論上24股可供10股，即係你有10股可供。

小仙女: 匯控12供5, 不去2供1，係製造碎股出來，明益包銷商，因為公司供股想高價，包銷商要包銷想低價，假設如無碎股的可能利益，包銷商只願以26元供股價包銷，但有碎股的利益，他們就願意接受高一點的價錢，所以製造出碎股，等如叫小股東去津貼匯控和包銷商。華資參與包銷等如一個分包銷商，也是承諾在28元最多接幾多貨，呢個就係俾面派對。

Muse:倒過頭來你問若純投機心態，40元炒匯控有一定的值博率，只要外圍一定，匯控有機會彈，但記住乜價位入都好, 輸一成要止蝕。

小潘:買ELN等如沽出認沽期權，在股價波動時, 期權金高，ELN利息就高，風險亦成比例地高。

Tonton:金融海嘯未正面侵襲亞洲，所以話A股見咗底，言之尚早，到海嘯吹到亞洲時，先至知A股穿唔穿底。

迪迪仔: 呢一浪中港股市唔穿底，係因為兩地經濟未跌到咁差，所以股市跌到咁上下就夠，真正的問題是經濟見底未，若經濟還會深度探底，勿太早話股市去年10月已見咗底，或者係今年10月先至見底。

Apple wong:同意你的意見，市盈率不是唯一指標，仲要睇息率，EBITDA等，但港交所若有問題，真正問題是未來盈利能否保持，睇見倫敦交易所亦只得100幾億港元市值，就覺得香港未打到嚟，所以有啲股票未跌夠。

Bdroom:我對紅磡那個前居屋盤無乜好感, 「前居屋」呢個身份，加上政府唔批發展商改設計，會限制了樓宇的價值，小心。

Mr.Business

2009/3/6 上午 10:54:57  

陸羽仁覆網友

Govia:你問月供匯豐夠唔夠穩陣，要唔要停，而家歐美國家的金融股無一隻可以用「穩陣」兩個字來形容，月供本來高又供，低又供，唔應該在低位時停，但為控制制風險，首先要看匯控佔你月供的比例大不大，如只佔１０分之１或以下，可以照供，佔５分之１或以上，應再要重新思考，可以考慮轉供２８００盈富基金，咁就和匯控保持一定關係，但又唔係揸死匯控，如果匯控有幸在N年後去番１５０元，恐怕盈富基金到時也會到３００００點樓上。

水滴石穿：我對盈富基金的運作不熟悉，不敢隨便答你，但斷估佢應該以手頭現金來供匯控。

Andy188：美股本來１美元樓下要除牌，但有幾百間公司係咁，最近放寛咗，定咗寛限期。

達摩：你問我幾時下第一注，先要問你短炒抑或長揸，以長揸論，港股唔破底唔好諗住，奧巴馬上任後的行徑，令我覺得美國L型衰退的機會增加。但以短炒計，美股跌咁多，匯控跌咁多，港股唔想跌，一副等彈咁嘅衰樣，等美股大插時可以小注入市博反彈，定位止蝕，估錯打靶，插低啲再博。

Flyinthesky:我手上有少量老年咁耐匯控股份，想等佢在除權後反彈到５０元樓上時沽掉，換馬到２８００及２８２８長揸。銀行係一個槓桿生意，若佢總資產跌５％，已經可以資不抵債。

Trader:得閒將你見到的大戶盤路講吓出來，都會對短炒的網友有幫助。

Mkm:匯控的處理手法有欠穩健，所以繼續持有匯控不應以「佢穩健」為理由，較合理的理由應該係「博佢彈」，或者「博佢無事」，有個「博」字。

bobby123：美國是騎在虎背上，不印鈔不成，但全球央行都在印鈔，而且係過量印鈔，一係救唔到，到救到時又會出現惡性通脹。

Coolgirl:得知你得了肺結核，唔使擔心，我有親人患過，醫了半年無事，好番。唔好怪我多事，我估你係心情唔好身體差扺抗力弱所致，以後第一唔好飲咁多酒，第二唔好遲過１２點瞓，第三要做運動（每星期做三次運動，但有病不宜劇烈運動，每次步行一個鐘都OK，行山最好）。記住，要愛自己，仲要小心唔好傳染俾人。

Cogoodhope:多謝提醒，日日講花旗市值，但寫出來鬼上身都會錯，可能我真係好接受唔到花旗只得56億美元市值，即係437億港紙；只係三分一間恒生，花旗再跌吓市值233億的東亞都大過佢。

日本麻生政府已亂了章法，等落台，話將釣魚台列入美日安保條約，想出吓口術討好吓啲右派選民啩，美國自然唔會睬佢，咁嘅時勢仲去挑啲嘢來講，日本仔真係為阿哥添煩添亂啦。

Mr.Business

注：此篇文章版权归香港頭條網所有。

金融High Tea——炒國企要醒目
2009年3月6日

美股扭轉連續五天的跌勢，杜指反彈150點。內地A股早段造好，恒指跟隨高開157點，但即插水近300點至12189點。之後反彈回升，開市高位失而復得。但內地A股走弱，午後跌幅跟隨內地擴大，低見12164點，跌167點。受溫總表示會維護股票市場穩定，A股後段由跌轉升，帶動港股由低位反彈恒指收報12211點，跌119點；期指收報12050點，跌198點，比現貨低水161點。國企指數曾一度衝破7000點關口，但未能穩守，收市報6901 點，跌48點，大市成交431億元。

兩大重磅股礇控（005）股價及相關新聞和中移動（941）股價及相關新聞走勢與美國預託證券ADR相反，中移動則受野村將目標價由92元調低至85元拖累，跑輸大市，收報66.45元，跌1.8%。礇控在連續多日下跌終於反彈，股價曾一度升過3.7%，但尾市回軟，收報44.8元，逆市上升1.4%，但升幅唔算勁，預計短期礇控走勢會跟隨外圍金融股表現波動。

「抵買」股份何其多？

礇控稍為穩定，但其他銀行股表現一般，恒生（011）股價及相關新聞再跌2%、中銀香港（2388）股價及相關新聞跌3%、東亞（023）股價及相關新聞跌5%，渣打（2888）股價及相關新聞業績表現理想，股價急升9%；宏利（945）股價及相關新聞大跌3日後反彈7%。

中環茶友留意到，中銀香港昨日的股價，又落到今年低位，本地銀行陸續公佈，東亞純利跌到似有若無，恒生跌兩成幾，今次公布之前該行無需要發盈警，相信已經係銀行中最叻，中銀香港早前曾由母公司提供融資，所以估計盈利會因為撇帳同其他因素大幅倒退，中銀香港股價係公佈前偏軟，反映市場人士對即將公佈業績的銀行有戒心。

目前中銀香港歷史市盈率只有四、五倍，息率有十幾厘，從數字睇簡直係大超值，亦係反映了市場對銀行業前景的睇法，好多人話礇控供股價平，其實好「抵」的銀行股，又點止大笨象一隻？賤物鬥窮人，唔單止係日常生活會出現，係投資市場都會出現，而且一旦出現，仲會搞到個個都好傷。

國務院總理溫家寶在政府工作報告時表示，話今年國民經濟和社會發展的主要預期目標包括：國民生產總值增長8%左右、經濟結構進一步優化、城鎮新增就業900萬人以上、城鎮登記失業率維持4.6%以內、城鄉居民收入穩定增長、居民消費價格總水準漲幅4%左右。

溫家寶話，預計今年中央政府赤字會達到9500億元人民幣。這筆投資主要用於保障性住房、教育、缳生、文化等民生工程建設，節能環保和生態建設，技術改造與科技創新，鐵路、高速公路、農田水利等重點基礎設施建設和地震災後恢復重建。

他又表示，政府投資必須用在應對危機最關鍵的地方，用在經濟社會發展的薄弱環節，絕不會用於一般加工業。政府將會推出共5000億元的減稅措施，另外會投放908億元於住房、教育、缳生等民生方面，以幫助750萬戶住房有問題的家庭；在四川重建方面，政府會撥出1300億元，將重建時間由原定的3年縮短至 2年。

亞洲備受第三波威脅

不過，投資者普遍認為溫總的報告無甚驚喜，對中國政府沒有新的經濟刺激措施出台感到失望，國企股紛紛出現回吐，建材股方面，中材（1893）股價及相關新聞、中國建材（3323）股價及相關新聞跌3%，安徽海螺（914）股價及相關新聞跌4%。好彩係兩會仲未開完，以現在全球經濟形勢變化，估計阿爺點都會再諗鱓招數出來頂住。

中環茶友話，鶽家好多人炒兩會期望有好消息，但企遠兩步睇，現在好多人都講緊金融海嘯第二波，繼美國後，歐洲情況不斷惡化，跟住仲可能有第三波打去亞洲，當中日本同中國兩大經濟體係，屆時會首當其衝，所以未來內地企業的營運狀態，會再受嚴峻考驗，中央現在不斷研究點樣加大救市力度，但阿爺全力催谷後，如果能夠抵銷到可能出現的第二、第三波衝擊，就已經還得神落。所以，就算有新措施提振經濟出台，不排除中資概念股只係有一陣間亢奮，跟住又回歸平淡，所以炒國企股，可以抱住短線搵兩餐的心態，一見急升就係高位食胡，如果以為中港股市係熊市中的世外桃源，咁就會非常危險了！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

口術無用         

2009/3/6 上午 09:34:24
網誌分類: 經濟

美股又肚瀉，評級機構穆迪投資話會調低美國最大銀行摩根大通的信貸評級，加上投資者對中國有新的刺激經濟措施出台的希望落空，市場投資氣氛悲觀，金融股帶頭下滑，美股昨日再插，不止抹去了日前反彈的150點，而且輸突。杜指走勢惡劣，開市插水逾100點，略作掙扎後便繼續反覆下滑，可以講係由早跌到晚，好友全面捱打。

杜指收市報6594點，大跌281點或4.1%，再創1997年4月以來新低；標普500指數跑輸大市，再度失守700點，收報683點，跌30點成4.3%，係自 1996年10月以來首次收在700點之下；納指跌54點或4%，報1300點。紐約證交所成交18.8億股。杜指期貨最新報6614點，比現貨收市高20點。

金融股係跌市重災區，匯控(00005)股價及相關新聞 在美國的ADR股價自不能倖免，收市再創新低，報41.3元，比香港收市價低7.8%；而中移動則靠穩，收報65.99元，只比香港收市價低0.7%，ADR按比例調整的恒指報11875點，比香港低336點。

穆迪投資昨日表示，正在重新檢討美銀和富國銀行的評級，同時間調低了摩根大通的信貸評級，金融類股份紛紛插水，推低大市。摩根大通大跌14%至16.6美元，而美銀勁挫11.7%至3.17美元，富國銀行跌近16%至8.12美元。

曾經係全球最大的銀行的花旗集團，佢嘅股票終於可以喺1元店買得到。花旗集團連續五季業績錄得虧損，蝕咗375億，雖然上周美國政府已注資450億美元以協助抗衡未來的虧損，但投資者已對花旗集團失哂信心，紛紛拋售，股價曾一度跌至97美仙的歷史新低，收市報1.02美元，大跌近一成，以一個最平的漢堡包價錢，已經買到一股花旗，仲有錢找。

花旗今年已跌了85%，市值衹有56億美元，比較2006年底的高峰期差天共地，當時該行市值有2772億美元，股價55.7美元。以市值比較，花旗如今已跌到全球第184位，甚至排在馬來西亞的Bumiputra-Commerce Holdings 和花旗擁有20%股權的士耳其銀行Akbank TAS，花旗股價咁低，皆因佢已經變成一間負資產公司。有好多人話香港匯控股價而家好平，好抵買，如果和同類的美國、英國金融股做個比較，匯控並唔便宜，等佢下個月供完股反彈完，小心仲要回吐。

保險企業方面，由於投資者不知怎樣計算該類企業投資在地產和相關資產方面的價值，因而沽出相關股份，Hartford Insurance、保誠和MetLife等保險股份別勁跌近17.8%至19.7%！所以唔好以為宏利唔似AIG，無乜沽出信貸違約調期就無事，因為全球衰退，各種資產都大貶值，保險公司所作的各種投資，如果睇番貼現價值，都幾大鑊。

美國奧本大學金融學教授James Barth話，「真是壞消息！人們或許以為政府的刺激經濟措施可能起到些正面作用，但在挽回投資者信心上，卻無濟於事，大家擔心的是，政府總有一天會對花旗說，『我受夠了』。」

大家應該有留意，美國總統奧巴馬早兩日唱好股市，但我就無乜點講，實際上我係唔知點講佢好。奧巴馬話，站在長遠角度和市盈率的衡量，現時投資股市都係一個好選擇。我當時的感覺是:若一個美國總統要用到出口術呢招來唱好股市，呢個總統就真係無乜橋啦，美國總統應該用行動來支持股市，唔係用把口來支持。

美股杜指今次由奧巴馬上任炒到9000點高位回落，我好快都話市場同佢嘅蜜月期玩完，但都想像唔到蜜月期係完得咁肉酸。杜指一直跌，就算在8000點大關唔彈，到破低位7400點之後都想彈，但美國政府無做到任何嘢，令股市有一個真正理由反彈。結果最近兩次小反彈，一次係由不在奧巴馬政府主流的聯儲局主席伯南克話不會國有化銀行促成，昨日那次反彈則是憧憬中國會擴大救經濟計劃所致，美股要炒中國救市消息，都真係幾羞家，結果證實係一廂情願，自然要再插。

照目前的形勢看，不要期望美國政府救市，奧巴馬政府就如童子軍，憑把口講「Change」(改變)上台，實際上卻在跌市時造出好多不利商業的政策，例如大手向有錢人加稅，我對此無道德判斷，只是認為奧巴馬做這事手段幾粗糙，只係夾硬來，向美國最有勢力的華爾街集團宣戰，搞到預算案也有可能不通過，還說不會因為市況短期波動而妥協，就真係要預咗市況大波動啦。恐怕美股要跌到過籠，跌到一些超賣位才回頭，杜指6000點大關應該有點支持吧。

陸羽仁

http://www.hkheadline.com/blog/r ... rd=&searchtype=

Mr.Business

2009/3/9 上午 11:11:47  

陸羽仁覆網友

小潘:你問買樓時到底俾4、5成首期好，還是俾3成首期餘期投資好。我估09年的投資大環境唔多好，資產反覆收縮(過兩三年惡性通脹是後話)，若你的錢是投資買股票，而且揸住唔放，要搵錢唔容易。所以結論係第一，唔好咁急買樓，第二，若要短期內買樓，都係俾多啲首期好。第三，如果你係講緊長啲時間，或者可以俾三成首期，餘錢作投資，但要定力夠好，唔好炒股，買入好股長揸，見升得太勁時走一啲。

Bluepanda:滙豐在香港地位唔係咁易變，但佢只是主要發鈔銀行，英治時代的半央行地位，早已褪色，中銀短期內又無乜機會取代滙豐的地位。

我唔係話恒生有乜特別壞消息，但香港經濟未跌完，恒生會跟大隊，香港經濟若再轉壞，恒生都會試低啲，但明顯穩陣過滙豐。

MPF有滙控多數會供股。

一草一木:東亞盈利大跌，PE自然高得驚人，而家決定買佢或沽佢，要估佢一年後點樣，而家股價是否反映所有壞消息，佢出業績送紅股後反彈，正路激情過後，又要慢慢尋底。

Smallbean:你有滙控的股票正本，按道理供股唔使將現有股票存入銀行或證券行，滙控會通知直接持貨的股東供股，但你若想買入供權砌夠一手，先要有個股票戶口才可買賣，買完要轉名，才可和你現有的供權股併夠一手。

Soho:所謂滙控除權後會反彈，只係一個大路估計，因為第一,股票跌得多會彈。第二，由於供股價低，除權後滙控的股價會減低，易生一個錯覺(特別對散戶而言)佢抵去買，就會把股價推番去除權前的水平，咁就彈咗架啦。

Ray:在而家這種跌市，見到股票破大位向下，唔好在跌緊時分幾注去接(這是牛市調整時接貨的招數，在熊市時怕佢深跌，咁嘅手法有啲危險)，好似中銀香港，走勢好肉酸，怕你分幾注接完都未到底。如果係炒中短線，反建議係等大市定番，中銀香港有啲打底味道時，再去追都未遲，短炒要順勢，唔好逆勢，順勢或者賺唔多，但安全啲。以股價計，中行跌得早啲，相對安全少少。

Shidan:你有中石油，想換中海油或中石化，其實中石油上下游業務都有做，你去搵中石化或中海油，無乜用。

Mkm:普羅市民唔知銀行做槓生意，唔知有咁大風險，所以永遠係滙控的買家。

loss_confidence:買樓不用太急，升咗5年，跌番2，3年都唔奇。所以最好等股市跌定有見底跡象時，再慢慢去買都未遲，樓市通常慢過股市復甦。

牆頭草:你問滙控呢個月有機會跌穿28元，雖然機會唔大，10%、20%機會出現這種最壞狀況吧，但未能完全排除，咁樣就就供股完唔完成到都有啲風險，唔係搵咗包銷商簽咗約就一定完成到。

Philip:你問40元以下的滙控有無短炒的空間，到除權時，滙控高於現價的機會大啲，但記住炒股要10%止蝕。

Wawa:你話剛賣咗樓想換樓，我就建議你唔好買住，等半年會仲平。特別你唔夠首期，咁就更加要等，供到咁大唔好制。

Flyinthesky:月供暫時唔好供港交所，等一年先講啦。

Bdroom:買舊私人屋村好過買前居屋新盤。屋苑太近殯儀館有啲影響，特別係望,到就更差。

Mr.Business

注：此篇文章版权归香港頭條網所有。

金融High Tea——L形衰退危機漸近
2009年3月9日

上周五港股恒指執位，無大驚喜，由於礇控（005）股價及相關新聞佔恒指的比重要由9%升番上15%，散戶一心等指數基金在收市前競價時段掃貨，認為起碼要掃高礇控1元以上，不過呢鱓「係人都知的事件」，通常有驚無喜，在競價時段一度有人好玩№咁掛出33元的礇控超低價買賣盤，搞到礇控股東一額汗，最後礇控在競價時段只係彈番0.25元，全日仍跌1.3元，收43.5元；恒指就跌289點，以11921點收場，跌破埋12000點大關。

上周五外圍股市穩定，美股杜指升32點，收報6626點，但礇豐股價就唔多穩，佢在美國預託證券收報39.56元，大插3.94元，雖然我地可以預計，香港散戶偏愛礇豐，到香港市時又會血肉長城一番，入市買礇控，令股價無外圍跌咁多，不過香港散戶真係要小心檢討一纒，點解鬼佬市場咁睇淡礇控，香港人又咁睇好。

里昂睇礇控見28元

礇控淡友里昂證券繼續唱淡，里昂證券係最早一間唱淡礇控的外資行，佢並無因為礇控集資充實資本而轉調，佢在報告中更把礇控的目標價，由41元大降至28 元，降幅32%，即是去到礇控供股價的水平，為迄今看得最淡的大行。里昂指出，礇控美國子公司礇豐融資去年第4季度的未償還貸款為620億美元，以美國現況，債務人能否還錢有很大疑問，佢估在今年第4季礇控可能降至無股息，亦調低礇控明年及後年的盈利預測。

雖然外資繼續睇淡，但股票唔應該一直跌唔轁氣，礇控等外圍要沽的沽得八八九九時，應該有點反彈，不過小心反彈過後，礇控過幾個月真係慢慢跌番落供股價。歐美好多大銀行供完股彈完之後，最後始終要跌穿供股價，蘇格蘭皇家銀行就係慘痛例子，礇控會唔會係例外呢？

美股連續創新低，但內地股市香港股市跟唔足，有鱓跌唔落去之感，有人因此猜度港股已經見底，但陸羽仁就無咁樂觀，擔心這只是滯後反應。

首先要睇美股今次接連破底的原因。美股深度探底，皆因新總統奧巴馬和新財長蓋特納的政策唔對路。蓋特納上任之前，好多人話呢個前紐約儲備銀行行長好打得，佢一上任第一場大騷係搞拯救金融業方案，但搞到最後一刻難產，結果只係搵個唔湯唔水的「流料方案」來頂纒檔先，美股就係由當時開始頂唔順，不斷下滑。

總統無料商家玩№

蓋特納的老闆奧巴馬亦唔見得幾好，奧巴馬靠一句口號「Change」（改變）上台，要向有錢人開刀，取悅窮人，所以拯救金融業方案未搞到，先搞出限制華爾街高層?花紅的方案；經濟未搞番掂，已經要向有錢人加稅以爭取長遠削減赤字，鶽家班美國有錢佬威脅要否決預算案，奧巴馬就話要不惜一切代價和反對者玩到底。

華爾街班銀行佬的確幫唔落，佢懐確實係貪過龍，玩大鰦，才搞出次按危機和金融海嘯，不過要對付佢懐，又係唔係要馬上出手呢？美國的有錢佬的確好多錢，可以交多鱓稅填纒赤字，但又係唔係一定要鰠金融海嘯的高峰時出招呢？

有個中環茶友舉鰦個好好的例子，佢話你個仔頑皮到加零一，打爛晒隔籬屋鱓№，但佢打爛人懐鱓№鮋同時，亦跌穿埋自己個頭，血流披面咁走番你屋企，你一見佢就大，仲?埋枝雞毛掃出來，起勢咁打佢，唔理佢額頭鱓血係咁流，咁做飱唔飱真係見仁見智，合理一鱓鮋做法應該係幫個衰仔止血先，貼好膠布，等佢轁到夠啦，先至?雞毛掃出來打都未遲躀。

中環茶友話，美國政府提唔出果斷的拯救金融業措施，本來已經好差，再加上奧巴馬要向有錢人發炮，咁就差上加差，美國向來就係由軍火商、石油商和華爾街巨頭聯合管治，奧巴馬一下子向各方面開刀，令人擔心若預算案過唔到國會都唔知點算。既然政府的行為無助美股反彈，結果就只能任由美股超跌，跌到短期跌無可跌的位置才自然反彈。

股市受經濟走向影響，經濟走向受政府影響，美國政府剛好換屆，新總統上任前好難估佢鱓政策係點，但奧巴馬上任兩個月，其行事手法開始露一鱓腩頭，已令人對新政府的能力有疑問，正增加美國經濟L形衰退的風險，V形反彈的希望已愈來愈遙遠。

末日博士愈睇愈淡

有末日博士之稱的紐約大學經濟學教授羅賓尼（Roubini），雖然佢一早就睇淡，但係見到鶽家的經濟狀況都幾驚，話經濟之差，仍出乎他的意料之外。一年之前，佢估計美國經濟要經過18個月的衰退（大約到今年第3、4季），然後出現一個U形的復甦。但鶽家羅賓尼估計衰退要起碼24個月（到2010上半年）甚至36個月（2011年上半年），之後出現日本式的L形停滯的風險正在上升，即係有一段長時間雖然不再是負增長，但也只是零增長或微量增長。

羅賓尼話美國經濟在去年第4季收縮6.2%，擔心世界其他地方的情況更要壞得多，雖然佢經常批評美國政府的救市和刺激經濟措施，但其他的地方的政府對應危機的措施，仲差過美國好多，這才是佢最擔心的地方。羅賓尼其實係話緊今次唔止美國衰，危機仲擴散出去，其實呢個觀點，同阿爺的睇法有鱓相似。

中國怕海嘯襲亞洲

熟悉中央思維的高人話，阿爺眼見美國金融危機不受控，轉眼第二波吹到歐洲，特別係東歐非常大鑊，借鰦錢俾佢懐的歐洲銀行跟住中招，當中奧地利的銀行受創最深，鶽家東歐搵緊國際貨幣基金會借錢，國基會四圍搵大國度水，即將召開的G20峰會，主題就是如何援助東歐國家，即係話歐盟搞唔掂，要向世界各地求助；阿爺怕第三波會吹到亞洲，到時區內經濟會再來一個深插。

在金融海嘯一波一波擴散的過程中，在海嘯震央美國仍未止血時，真係要打醒十二分精神。

美國上周五公佈2月失業率創8.1%的新高，職位損失65萬個，是自1939年以來首次連續3個月損失超過60萬個職位。睇鈬美國失業率破10%將無可避免，美國失業和消費情況愈來愈差，壞影響稍後又會幅射到亞洲的出口國。

反觀香港的情況，目前未算太壞，因為背靠中國，香港受惠甚深，中國去年第4季提出4萬億救市大計，今年1、2月又大力放鬆銀根，造就內地股市和經濟都從低位反彈，內地經濟大，香港經濟細，香港受內地的反彈拉扯，今年頭1、2月的經濟氣氛不算太差，樓市有點反彈的味道，起碼割價後成交略為回升。

經濟反彈 股市唔插

香港去年第4季GDP下跌2.5%，唔算跌得太多，日本去年第4季大跌12.7%，相比之下香港的跌幅只屬小兒科。香港政府預計今年全年GDP只跌2至 3%，不少人認為政府估得太樂觀，其實內地都有此問題，這些估計數字都是假設上半年下跌、下半年反彈而得來，例如廣東省估計今年GDP增長8.5%，當中包括全年出口零增長，但目前廣東出口在急跌中，要得出全年出零增長的數字，意味上半年出口跌，下半年反彈回升，但下半年真是有得升嗎？如果美國是L形衰退，今年衰足全年，對中國和香港的影響又會如何?中國肯定會再出招，問題係再出招頂唔頂得順而已。

美國股市急挫穿底，內地股市彈高後回吐，仍處於不低的位置，香港夾在兩強之間，既不太跟早前內地的升市，亦跟唔足美國的跌市，因為香港的經濟現狀未去到好差的狀況，還有下半年經濟回升的預期（香港政府都係咁講），所以股市跌到咁上下就唔想再跌。

若果較差的情況出現，美國L形衰退的走勢一旦確認，海嘯一波一波向亞洲擴散時，恐怕香港經濟會進一步惡化，香港股市還要進入漫長的探底過程。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

國有化         

2009/3/9 上午 09:46:22
網誌分類: 經濟

美股上周四大跌281點，周五開市反彈，但美國勞工部公佈失業率創25年新高，大市調頭回落，杜指一度失守6500點；標普500指數最低更創下1996年以来新低，但臨近收市的40分鐘，在平倉盤的推動下，大市回升，杜指急跳逾150點，由跌轉升，收復全日失地。

杜指收市報6627點，倒升33點或0.5%；標普500指數微升不足1點，收報683點；納指跌6點或0.4%，跌穿1300點，收報1294點。紐約證交所成交略減至17.7億股。杜指期貨最新報6697點，比現貨高水70點。

失業率係經濟的重要指標，特別在美國這個以消費為核心的經濟體，失業率高意味消費下跌，失業率升至前所未的高位，就意味經濟仍然向下。美國勞工部上周公佈美國2月份新增失業者65.1萬人，除教育和醫療服務行業外，所有行業都出現就業人數減少的狀況。失業率上升至8.1%，創25年以來新高。報告指，自2007年12月美國陷入經濟衰退以來，新增失業人數達到440萬人，其中超過250萬人是在最近四個月內失去工作，可見自去年9月雷曼倒閉後，經濟急促惡化。而奧巴馬政府的刺激經濟方案的目標，係創造或保住350萬個職位，不過這些創就業的措施，恐怕要一段時間才見到效果，到時在一加一減的影響對沖下，要看救市措施阻唔阻得住失業率的升勢。

根據一些私人機構調查，美國到明年時失業率可能接近9%，有些機構的預測甚至達到10%。聯儲局則預計在2011年之前，美國失業率都不會低過7%。除了嚇人的就業數字外，美股跌市亦源於市場對奧巴馬政府的穩定金融系統的成效存疑，以及反對其稅制的聲音不斷擴大。Palisade Capital Management的基金經理話，「這是奧巴馬的熊市，政府觸及太多不同的範圍，我們對其規則有點無所適從。」

美國新政府對應對金融危機有點手忙腳亂，相對地美國的老友英國就爽快得多，英國首相白高敦任財長之前，長期任財政大臣，對財經事務十分熟悉，所以行事亦果斷好多，至今已有4間英國銀行國有化，取新一間係英國最大的按揭貸款銀行萊斯銀行(Llyds Banking Group Plc)，它在上周六宣布國有化以，換取政府保證其2600億英磅（約3670億美元）問題資產。這是2007年9月繼北岩（Northern Rock Plc）之後，第4家被國有化的英國銀行。

首相白高敦傾向於使用納稅人的錢大力拯救銀行，不惜將它們國有化，藉此提高政府對這些已國有化銀行的影響力，促使它們提高私人住宅和商業貸款，以刺激經濟。英國商務部長曼德爾森(Peter Mandelson)在BBC節目中被問到，英國會否把銀行業全面國有化時，曼德爾森回應話:「銀行全面國有化不是不可避免的，政府對那些銀行(已國有化的銀行)發揮很大的影響力，令它們重組、轉型和改革，以至改變其發展方向，但無需做到剔除所有股東的最後一步。」

曼德爾森話，將銀行全面國有化，不是「必需」、並不「可欲」，更不是「無可避免」，這個答案等如話全方位的國有化銀行業，並不是英國政府的目標，而家無辦法先至咁做，係權宜之計。

英國如今已有四間銀行國有化，美國若不計房利美、房地美和AIG，未有銀行全面國有化，最接近的是花旗，政府佔股36%。美國作為資本主義大國，好難接受將銀行國有化，所以左閃右避，欲拒還迎，搞到唔湯唔水，銀行業半死不活。

英國經濟環境比美國更劣，英國比美國細，英鎊不似美元是世界性儲備貨幣，所以英國政府和央行不具備無限發鈔的能力，若英國如美國那樣發鈔，英鎊滙價勢將驚人急跌，造就另一個更大的危機。所以英國別無選擇，唯有急促把銀行國有化，由政府揸大股後，就阻止它們「落雨收遮」，逼令它們繼續借錢出街，希望透過銀行放水出街，以阻止樓市和經濟無底下滑。

如今要先睇吓英國咁樣將銀行國有化得唔得，能否最後拉住經濟的跌勢，暫時睇仍然唔太樂觀。而美國搞來搞去都搞唔掂銀行業時，最後亦好可能要步英國後麈，將銀行大量地國有化。

陸羽仁

http://www.hkheadline.com/blog/r ... rd=&searchtype=

Mr.Business

2009/3/10 上午 11:19:42

陸羽仁覆網友

阿寶:你買咗啲三、四線股，佢50合1，你都無佢符，佢擺明向下炒，插到好殘收吓貨，你無嘢好做，既然已跌咗咁多，無眼睇放埋一邊啦。

Athena:你問好唔好買多1000東亞，買大一倍，湊夠送紅股一手。我就建議你小心啲，唔好因為紅股而買，金融股唔太睇好，等佢跌到再殘啲慢慢才買吧。

恒生不用為滙控還債，但佢大股東咁樣，亦影響了投資者的感覺，而且母公司出問題，子公司難免變得保守唔敢做生意啦。

Daytradegirl:你在外資經紀行持有的是債券或基金，首先要問有無借孖展買，如無照計係現金貨，即使佢報笠都可以挪佣你的資產。

你首先唔係要擔心經紀安全，要問吓繼續持有資產的風險，例如toyota的債券，要問吓toyota會唔會執，若認為唔會，唔好而家跌咗36%去沽債券，商品基金跌57%都跌得幾深,可以守吓。

小潘:ELN係計佢結算日係唔係到接貨價，中間曾經到過，之後彈番上去都唔算。

UFO:呢一浪跌落來主要跌滙控，所以其他中資股跌得唔夠多,尚有下跌空間。我估建行、招行今年內有機試低位。招行買咗永隆的確係世紀笨deal，最好佢現時撇多啲，往後反而安全，而家唔撇怕將來都要撇。工行，建行本來都唔錯，但要小心外資持股到期時有沽壓。

S2000:若滙豐跌到28至30元，真係要確切考慮唔好供，雖然供股權到時唔多值錢，但供股等如加注，要認真考慮，真係要供，都要定一成止蝕，唔係怕輸埋俾佢。

股價跌到咁殘，有人估大戶質低人唔供佢供，但即使有咁嘅大戶，都唔會睇得長，可能供完股炒番高啲，例如40零蚊，到時散戶又以為無事出番來，就好快派番啲貨俾你。美國金融股未跌定、美國樓市未跌定，滙控都難企穩。

Yuki:滙控包銷商如要接貨無額外成本，它們無責任為上板的供股權開價或買那些供股權，供股權純粹由市場定價，會大,致上反映供股價和正股的差價。

Gigi:你叫男友唔好買滙控，咁就恭喜你啦。而家滙控跌到30幾元，想佢彈番上50元有啲難度，40幾應該得啩。

Kathleen:你問滙控咁款係唔係應該及早離場，我覺得佢衰極都會彈一吓啩。忍到佢除權吧。

平凡人:我都有類似經歷，遇到老人家一早叫佢唔好買滙豐，佢死都唔信，問佢有無買佢話無買，到供股啦就蒲頭，捐出嚟問我佢好唔好供，我反問啲老人家，乜我唔係叫咗你唔買咩?唉，有時天要下雨，娘要嫁人，無計。滙控咁搞，累起唔少人。

鄭秀文:你所引述的資料相信係指大行買賣的交易紀錄，淨買入係指有買有沽，最後的淨數，無乜啟示。

三心兩意:強積金基金供唔供滙控，基金經理會作合理判斷，佢地可以唔供，把供股權賣掉都得，滙控跌咁多，基金都未必會供股增加股份。

Leader:我講的2828，係恒生H股ETF基金。

Wawa:買樓唔能夠怕煩，你沽了樓，若租番一年半戴才買，應可以買到平啲嘅樓，況且你只有一成本金，其餘兩成要借按揭保險等如俾高啲息，何況等一等。

Mr.Business

注：此篇文章版权归香港頭條網所有。

買入礇豐的最佳時機
2009年3月10日

我相信一百個叫買礇控（005）股價及相關新聞的人，可能有九十九個都不太清楚其基本因素，剩下來的那一個人，也可能比那九十九個知多一點點、說得出礇豐的各大財務比率而已。他們買礇豐，如朝拜一樣，信心行先。其實自金融海嘯以來，礇豐已走錯了一大步，便是遲遲不願集資。試想，如果礇豐八十元的時候便出來叫供股集資，現在會怎樣？如此，它便不用去到供股價要大幅度折讓，以及用十二供五這樣嚴苛了。

　　公司管理層解釋為甚麼不早一點供股，因為當時他們還沒有看清楚形勢。金融海嘯是一樣無常的東西，礇豐管理層嘗試從無常中尋找有序，難怪要那麼久，才決定得了供股這事宜。

　　如果你問我究竟從基本分析上，礇控是值多少錢，以及應該甚麼時候買入？老實說Victoria答不到你。我只可以「好行」地說，礇豐那麼多年建立的網絡及品牌，是不容易取締的，因此信心行先的投資者不是沒有他們的道理。如果你還不是礇控的股東，而又有興趣買入它長
獱，但又決定不了甚麼時候是最好的買入時機，那麼我們不如改一改方法，不用基本分析，而改用市場面的分析去決定它最好的買入時機吧！

　　礇豐沽壓最沉重的時候

　　前天看新聞，全球有二十萬名礇控股東，香港這個彈丸之地便有多過六萬個。香港人一向有一個觀念，便是認為持有礇控便等於持有現金般安全。礇控股價跌了不用沽，而它比現金更好的地方，便是現金不會升，但礇控卻會升。礇控佔了香港人身家某一個百分比，現在股價大縮水，再加上經濟不好，其以差不多二供一的方法向股東們拿錢，其實不少人是不想供的。因此，當其供股權證上市的頭幾天，不少持有的投資者將會選擇沽出套現。這樣便會使到供股權證價格有機會出現不理性的下跌。

　　如果供股權證價格跟礇控正股價格開始出現一個不合理的差價，比如說，除淨後礇控市價造三十三元，而供股價二十八元的供股權證價格卻跌至只有二元。屆時，持有礇豐的投資者一定會想到不如沽出手上的礇豐，換入供股權證，以成本三十二元買回礇豐，去賺取那三元的差價。屆時，礇豐便是沽壓最沉重的時候。而從市場面去看，那時便是買入礇豐的最好機會。大家不妨參考一下這個決策方法。

　　王雅媛（Victoria）

　　（王雅媛為持牌人士，並沒有持有以上股票）

http://www.hkheadline.com/finance/news_detail.asp?id=73338

Mr.Business

注：此篇文章版权归香港頭條網所有。

金融High Tea——無內傷唔會俾人玩
2009年3月10日

礇控（005）股價及相關新聞無情情又來爆一鑊，股價隨外圍急插，到收市前競價時段更插低到33元，大跌24%，礇控大跌拖住港股向下沉，恒指下午跌幅擴大，收報11,344點，跌 576點。期指收報11,392，跌452點，比現貨高水47點，成交63,633張。國企指數先升後跌59.89點，報6,725.58點，大市成交 357億元。

我尾市時睇住礇控在「勁假時段」的報價，本來好好地仲有37元，突然一閃閃落33元，無幾耐就收市，創造鰦礇控一日跌10.5元的歷史，跌鰦24%，成交金額47億。從礇控股東的角度，昨日可以算係一場礇控股災，因為以往股災礇控都未必會單日跌24%咁多。礇控咁跌法其他金融股都無運行，同系的恒生（011）股價及相關新聞跌9%、中銀香港（2388）股價及相關新聞跌4.6%、東亞（023）股價及相關新聞跌7.4%、渣打（2888）股價及相關新聞跌2.2%、宏利（945）股價及相關新聞跌8.5%。

由於「勁假時段」礇控有4億成交，佔全日成交十分之一左右，如果有人睇通買盤數量及價位，要人為造低個價唔難，搞到部份礇控牛證打靶，期指又扯低埋，「勁假時段」容許大股的價格以10%以上的幅度波動，真係唔知益鰦邊個。但礇控的真正走勢，要睇番今日佢彈唔彈至知，不過無論如何佢跌得咁急，都有人被人狙擊的味道，礇控個底已經被人睇穿，狙擊佢都有肉食鮁。

阿婆百幾萬買礇控

千祈唔好以為我話可能有人在「競假時段」玩№，就如我話礇控唔應該跌咁多，我的睇法剛好相反，礇控如果唔係身體咁弱，人懐又邊有咁容易一日質低佢24%，或者想在「勁假時段」隊佢12%，都無乜可能。佢係體弱在先，才吸引玩家入場玩佢，正所謂「唔內傷唔會俾人玩」，所以唔好將有人玩№，等同礇控唔應該跌，更唔應該等同佢好抵可以買。

倒轉鈬睇，如果礇控短期無像樣反彈，反而再探底的話，就同28元供股價水平好接近，咁危險性就愈來愈高啦，雖然佢有包銷商簽鰦字同意包銷，但跌到變型時有無意外，就無人可以講得到。

經紀張昨日專登打電話來多謝我，因為我一直叫佢唔好覺得礇控抵，「盲舂舂」走去買，到礇控出完業績宣佈供股後，我繼續叫佢唔好買，佢亦叫好多客仔唔好盲目去追貨。

我最近聽到一個古仔，有一個80幾歲的阿婆，在礇豐70、80元的時候，覺得好平，買鰦1.6萬股礇控，全副身家百幾萬放晒落去，鶽家苦惱緊如何籌錢供股。我聽到心都實埋，阿婆可能唔捨得食、唔捨得覑，捱一世人先至儲到百幾萬，如今已經唔見鰦6成，仲要搵錢去供股。香港人就係咁，一係唔信你，一係就信到十足，見親礇控跌都話去買，話極都要買。港人信任礇控，就好似坐在井中睇住個天，見到月光又大又圓，以為天氣好正，佢地睇唔到井外其他地方的天氣，已經行雷閃電，雷雨交加，不過烏雲暫時未吹到個井所處的地區而已。阿婆唔知美國情況係點，無得好講，但若是年輕力壯的讀者，經常睇呢個專欄的話，應知道美國金融股好大件事，礇控的美國同業已經跌到七個一皮，所以礇控好難獨善其身。

美股炒手 做淡唔願走

如果你買礇控只係博反彈，短線炒，咁就好難講，唔一定唔得，考纒眼光和運氣，每一天都可以博佢短期見鰦底，不過若買入後唔對路，輸夠10%最好打靶，昨日一日就到打靶位。打完靶即使再買都唔拘，又係蝕10%打靶就得。不過睇錯千祈唔好死獱，小心一獱就上身。

有熟悉美股的中環茶友話，美股彈唔起，除了經濟大勢及奧巴馬政府無料到之外，亦有市場炒作原因。佢話早段美股從反彈中退潮時，大量交易商加入造淡行列，結果在呢一浪退潮跌市中，佢地無蝕錢，仲搵唔少，你睇大金融股如摩根大通一跌起上來，每日就5%、10%咁跌，沽空者賺到笑，唔係幾捨得走。

佢話，鶽家你問美股的交易商，佢地多數相信反彈快將來臨，但就唔係太多人搶先入市獱好倉。因為佢地一方面仍然在沽空盤中賺緊錢唔捨得走，另一方面好怕反彈不長，做好倉走唔切，一個月就唔見10%、20%。佢怕礇控都係咁，雖然正常應該反彈，但事實上吸引鰦大量淡倉沽佢，淡友食得太滋味，唔係幾捨得走。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

價值尺         

2009/3/10 上午 09:33:33
網誌分類: 經濟

股神巴菲特和世界銀行對經濟前景齊發警號，令原來已經脆弱的投資情緒再受打擊，雖然金融股反彈，但頂唔住科技股和藥業股的下跌，美股延續上周的跌勢，杜指創自97年4月以來新低；標普500指數則創了96年12月新低。

杜指早段走強，但上到6700點下方已支持乏力，上午中段已打回原形。杜指中午開始由升轉跌，走勢反覆向下，尾市略為回穩，杜指收市報6547點，跌80點或1.2%；標普500指數跌7點或1%，收報677點；納指跑輸大市，跌25點或2%，跌穿1300點，收報1269點。紐約證交所成交縮減至15.6億股。杜指期貨最新報6531點，比現貨低水16點。

投資者繼續賭政府將有細節更清晰的拯救銀行體系的計劃出台，金融股昨天有不錯的反彈，美國銀行上揚19.4%至3.75美元，富國銀行亦跳升近16%至9.97美元。標普金融股指數上漲2.5%，跑贏大市。匯控在美國的ADR股價亦跟隨反彈，收市報37.63元，比香港收市價33元高14%；而中移動則亦造好，收報63.22元，比香港收市價略高0.3%。按比例調整的ADR恒指報11783點，比香港高438點。

        跌市睇淡的人多，末日博士、紐約大學教授羅賓尼(Nouriel Roubini)和美林經濟師羅森堡(David Rosenberg)同時估標普500指數要跌到600點，標普昨日收677點，即係要跌多77點，即係仲有11%的下跌空間，杜指若以同比下跌，即係要跌到5800點。羅森堡話美股要到今年10月才見底。

股神巴菲特昨日發表的言論，觸發美股下跌。 他接受CNBC訪問時提到，美國經濟現在「從懸崖跌下來」，差不多是他能想像的最壞情況，從他旗下的生意可以見到，美國人恐懼、迷惑、並改變他們的購買習慣。包括他自己在內的美國民眾，並沒有預期到房價下滑的嚴重程度，導致依賴房價的證券化投資產品及其他債務問題持續升高。「這就像是小孩子說國王沒穿衣服，可是才說完，現在又話國王亦沒有穿內衣褲。」

雖然股神維持長線樂觀的看法，話衰退會過去，下一代會活得比他們的父母愉快，但經濟不會瞬間變好。但他亦提到，現時的刺激經濟措施，將來會衍生比70年代更高的通脹。

他認為即使每一個人都唔喜觀救AIG，但美國政府有需要去救銀行或者如AIG那樣的半銀行，他更認為美國應該為所有存款提供保險，而當銀行股跌到極低殘時，其股東都已經被人洗袋時，政府國有化銀行也不見得有道德風險了。他又說如今應視經濟衰退如打仗一樣，所以美國人要好團結，他呼籲民主黨和共和黨議員拋開黨派歧見，支持奧巴馬總統，視佢為總司令一樣。

過去幾個月巴菲特的旗艦巴郡亦重創，股價由高位回落一半，去年巴郡的資產淨值減少了9%，佢過早睇好大市，係巴郡受挫的原因之一；如今巴菲特講起去年10月在紐約時報寫的文章「買美國」(當時叫人入市買美股)，話好希望那篇文遲幾個月先至寫，但佢仍堅持文章中的一個觀點，話當時買股10年後會覺得好好，佢又話當日都唔係話美股已經到底，正如而家佢都無話股市已到底。

不過外國傳媒都有心和股神唱吓對台戲，話即使標普500指數在過去17個月已跌了56%，但如果股神巴菲特的師父格拉漢(Benjamin Graham)仲在生，佢都唔會覺得而家的股市便宜。據耶魯大學教授Robert Shiller計算，用格拉漢所用的方法，追綜股市10年的盈利，顯示標普500指數的現價係13.2倍市盈率，在1929年之後的3大跌市，以這種10年期盈利計出來的市盈率，都在10倍以下，標普要跌到這個水平，要再跌27%，即係跌到494點，若杜指以同一水平下跌，要跌到4779點。

投資者一般用去年1年的盈利計市盈率，標普500指數在今年1月7日的市盈率是16.2倍，已經是1998年以來的低位，好多投資者當時入了市，但只計一年盈利計的市盈率同埋睇過去20年的跌市紀錄顯然唔夠，自1月7日起標普500指數已再跌了25%。

股神去年7月出資30億美元認購 Dow Chemical的股份，讓它去收購Rohm & Haas Co.，當時認為是好嘢，如今形勢變哂，股神都話這個收購已變成「笨交易」，因為兩間公司的情況已大變 。所以話睇價值去投資，都要睇你用邊把尺去量度，經濟跌到變型，有時把尺都會變。不過睇番巴菲特如今的講話，已比去年10月時悲觀了。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——大鱷劇鬥大笨象
2009年3月11日

大笨象礇控（005）股價及相關新聞星期一鰠「勁假時段」最後三秒被插至驚人低位33元後，礇控昨日反攻，高層開記者會力挺自己前景秀麗，礇控股價亦強力反彈，高開近13%，重回37元水平，恒指順勢高開198點後反覆向上。內地A股止跌回升，恒指升幅亦跟隨擴大，午後最高曾逾400點，之後走勢略為回順，在11700點間橫行至收市。可能係全城都「牛咁眼」睇實，股市在「勁假時段」平穩過渡。

恒指收報11694點，大升349點或3.1%，期指收報11600點，升208點，比現貨低水94點，成交縮減至57122張。國企指數收報6881點，升155點或2.3%。大市成交只有335億元。港人最愛但又最傷的礇控（005）股價及相關新聞昨日反彈，開市重回上日「勁假時段」大跌前的價格，之後全日在37元與37.65元間窄幅橫行。收市報37.6元，回升13.9%，成交23.7億，比上日少鰦一半成交。礇控在倫敦市初段亦造好，升番上41元以上的水平。

歐資行大手沽貨元兇

礇控早一日在「勁假時段」最後幾秒被人喪插，連政府都表示關注，叫證監會去查纒，唔知係唔係因為這個原因，礇控昨日的沽空盤收斂鰦，在沽空榜三甲不入。無論如何，當日「勁假時段」發生乜事，惹起各方關注。

礇控昨日下午專門開了一個記者會為自己護航，礇豐亞太區行政總裁霍嘉治話，非常關注礇控股價近期大幅波動，上日「競價時段」股價大跌，並非恐慌性拋售，佢認為係市場莊家和對沖基金所為，估計有人希望插低礇控股價，再在將來買平價的供股權供股。礇豐已發覺有對沖基金狙擊緊佢，特別跳出來玩踢爆，把狂沽者暴露出來，希望散戶唔好跟住恐慌性出貨。

礇控業績唔靚兼低價供股，正如我昨日所講，本身露出傷口，自然惹起鱷魚垂涎。過去呢隻象又高又大隻，鱷魚奈佢唔何，但如今隻大象受鰦傷流晒血仲要過河，大鱷自然圍晒上來啦！

有中環金融界高人仲講起礇控供股的內幕，原來礇控找供股包銷商時，除了找而家的包銷商高盛和摩根大通之外，仲有搵一間歐資銀行，但那間歐資行接受到包銷價低過28元，只接受到26元左右，未符礇控的要求，所以最後礇控未有用那家銀行做包銷，結果礇控的供股大計在公佈前的星期三（2月25日）已定好，但由於礇控供股計劃和不同的人傾過，消息已漏晒出街。高人話，礇控的底牌被人摸清，所以未公佈業績，春江鴨已經搶先沽，沽貨位約在50幾元的水平，那時散戶仲想炒礇控業績，結果就變鰦人沽貨佢地接貨了。

無巧不成書，上一日「勁假時段」最後的33元大沽盤，聽聞也是那間歐資行做的，究竟它是代客做還是自己做，就有待考證了。鶽家傳聞有一家對沖基金已沽空了1億英鎊的礇控，相信沽空的也不止是一家對沖基金，相信不少大鱷已圍埋等開飯了。

英政府入股失發鈔地位

高人估計，如果有對沖基金圍埋來狙擊礇控，已摸清大笨象的底牌，礇控供股集資之後，若美國次按扺押資產質素進一步惡化，再需要大筆資金時，就唔係再咁易搵到錢啦。第一，供完一次後股價再跌，礇控已好難再供股集資了。再者，亦唔好以為佢咁易去倫敦搵英國政府入股支持，大家唔好唔記得，香港政府定了一條例，如外國主權機構持有香港的發鈔銀行多於20%股權時，便會取消其發鈔地位（當時主要針對渣打銀行叫新加坡主權基金入股的舉動），但礇控一叫英國政府入股，需要金額龐大，政府佔股當然不止20%，這樣礇豐順手失去埋香港發鈔銀行的地位，其影響亦難以估計，所以可供礇豐選擇的再集資渠道極其有限，佢只有求神拜佛望美國經濟快鱓無事。

礇控面對這些掣肘，連陸羽仁都知，走去沽空的對沖基金無理由唔知，所以我估呢班大鱷要食大茶飯，唔係咁易請得佢懐走，亦唔係話想低價供股食你10蚊8蚊就走。一般估計，佢地唔係想殺到礇控供唔到股，所以咬到咁上下又會放纒口，讓礇控成功供股，搵埋千幾億新錢入場，佢懐才開動機器食大茶飯，未來幾個月，礇控的前路都幾凶險。

另一方面，礇控亦擺出一個積極搶生意的格局，礇豐昨日宣佈降低首年新做按揭息率至2.18厘，市場預計本地銀行將展開按揭減息戰。減按息有利樓市，這也是地產市場近期難得遇上的好消息了，地產界大孖沙出面包銷礇控供股，礇豐都算來番一個投桃報李吧！

另外，《頭條網》正進行礇控供股調查，請各位讀者登入表態吧！

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

大反彈         

2009/3/11 上午 09:27:19
網誌分類: 經濟

美國花旗集團公佈1月份和2月份錄得盈利增長，呢個「鹹魚翻生」的消息令市場憧憬銀行業已渡過了最差的環境，加上美國證監會又話研究緊限制沽空措施，觸發美股出現期待以久的反彈，資金回流股市，美元、美債和黃金回軟。

杜指昨日走勢淩厲，開市跳升逾210點後反幅再上，至6876點，大升近330點才略為回順。午後在6850點附近橫行，尾市最稍為抽高至全日最高位收市，杜指收報6926點，勁升379點或5.8%；標普500指重回700點上方，收報720點，漲43點或6.4%。杜指和標普500指數都錄得自去年11月份以來最高單日升幅。納指升90點或7.1%，報1358點。紐約證交所交投活躍，成交大升至21.98億股。杜指期貨最新報6898點，比現貨低水28點。

美股大漲，一直捱打的匯控(00005)股價及相關新聞 終於有大反彈，佢在美國的ADR股價亦彈升，收市報41.93元，比香港收市價37.6元高11.5%；而中移動(00941)股價及相關新聞 則跟隨大市上升，收報66.38元，亦比香港收市價高3.6%；按ADR比例調整的恒指報12415點，比香港高720點。

美股這次反彈，可謂「早應該出現」的反彈，唔知大家有無留意，在上任政府的年代，美股的大反彈主要是政府救市政策所導致，股市跌到咁上下，財長保爾森就出招救市，觸發美股大反彈，亦約朿了股市的跌幅。呢期新財長蓋特納唔係幾識玩呢招，任由個市係咁跌，佢都無招可出，所以杜指由2月9日的8315點近期高位向下滑(再上一個高位係1月6日的9088點)，一直跌到3月6日的6469點的低位，竟然如一個大斜坡一直跌，一個月跌咗1800點，而沒有出現過像樣反彈，這也是過去少見。

而家要問的問題是這次反彈的持續性，按道理美股跌咗咁多，一係唔彈，若反彈唔會只彈一日，起碼彈番幾日，去番跌幅的三分一以上，咁杜指都「應該」彈番600點，才初步耗盡反彈的購買力。目前唯一擔心的是觸發反彈的是一個市場消息(花旗業績)而非政府政策，表面上看市場消息不似政府政策，並無持續利好的作用，所以美股要再彈，都要有其他好消息去配合承托。

今次救市功臣係花旗集團行政總裁潘偉迪(Vikram Pandit)，佢在一份花旗內部備忘文件話，該集團過去連續五季錄得共375億美元的虧損，而今年1、2月份除去撇賬部份共錄得190億美元利潤，該集團今年首季好有機會結束連續五季的虧損。而據彭博綜合11位分析員的預期，花旗集團今年首季會增加32%的虧損，若果唔蝕就大幅優於市場預期。花旗集團股價跳升38%，收報1.45美元。

美銀和摩根大通的行政總裁都表示過去的1月份業績不俗，係一個好開始。摩根大通大漲22.6%至19.5美元，美國銀行亦大升27.7%至4.79美元。富國銀行升18.5%至11.81美元；通用電氣亦上揚近兩成至8.87美元，創下自1980年以來最高的單日升幅。

Rochdade Securities 的分析員表示，「由於經營環境的改變，相信對好多公司包括大摩、高盛、摩根大通和花旗集團來說，這是一個非常好的季度。不少競爭對手都縮小了，生意規模卻增加，價格因此而上漲。」

反映股市恐慌情緒的芝加哥期權交易所波動指數(VIX)下跌11%至44.37，係今個月新低。美股大反彈，資金從國債等避險產品回流股市，美元亦回軟，美元兌6種主要貨幣的美元指數造88.93(3月4日的高位是89.62)，黃金則跌穿每安士900美元，最新報894.2美元，跌2.6%。美國能源局預期經濟差令原油需求下跌，拖低油價，紐約原油最新報每桶45.86美元，比上日收市低2.5%。金融市場總體表現出一種從恐慌中回穩的走勢。

陸羽仁

http://www.hkheadline.com/blog/r ... rd=&searchtype=

Mr.Business

2009/3/11 上午 11:25:20  

陸羽仁覆網友

達摩:大量公司裁員倒閉本來係一個經濟調整機制，因為倖存的公司市場佔有率會加大, 但這個過程都好慘痛。雖然花旗話1、2月生意好，但未覺美國經濟已過低潮。

阿 tom hk:照睇美國樓市未回穩，銀行業未有徹底解決方案，美國市係略回穩，但唔似見咗底。

東歐問題關鍵係有好多國家經濟未強，但初開放借下大量外債，國內又有資產泡沫，一爆就等如成個國家資不抵債。

我叫咗自己唔好評彈你所講的港女，所以唯有no comment。

長揸:我話到年中再睇睇好唔好買樓，主要是觀察美國經濟有無跡象見底，暫時仍然唔樂觀。

Kelvin:呢一浪反彈亦都同美國證監會話要研究再限制沽空有關，升得咁多其中一個原因係淡倉要急急平倉，破位不問價去買自然會抽高個市。

了塵願: 我唔知中華威力基金揸[乜，所以答唔到你好唔好長揸，但表面看東歐幾大鑊，所以東歐基金若唔使輸都係平倉好啲。

Yen poon:你在6.7元買了中銀香港，唔知你長揸或短炒，短炒睇位走，定番入股價低一成一定打靶，若升穿7元時就把止蝕位移高到入貨價，若有一成賺時，隨時可以走。

Philip:38元入的滙豐若是短炒，等埋明天除權，若仍在38元樓上可以走，咁就賺咗個股權。

Tonton:中國通縮固然和過去的基數高有關，但若持續大幅度縮，中國未試過，若出現對經濟的負面影響好大，中央唯有再減息及鬆銀根。

Piker:你講的滙控股東不賣供股權無供股也可以收取供股權價值的條款，是英國例，睇報道咁講，應該可信，但散戶若唔供股都至好等好價時賣掉供股權，因為等包銷行最後定價時，滙控市場可能已回落。

Yuki:市場無人有責任為滙控供股權出價，但我估買賣都會幾活躍。大孖沙去包銷滙控，除了俾面之外，佢地係分包銷商，先收1.75%佣金，佢地手上亦好大機會有滙控(若無可以借貨)，一見跌近供股價可以先沽現貨對沖，所以風險有限。

Bluepanda:滙控如果除權後升番上50元，一定把手上少量滙控千年老股賣掉，滙控手上子彈有限，佢同大鱷對打，我想選擇齋做觀眾好過，怕佢俾人咬到流哂血時我驚到喊。

Mr.Business

2009/3/12 上午 10:31:30

陸羽仁,覆網友

網友們:買咗50合1，100合1的股份，小心佢向下炒，因為股價跌到1仙，理論上無得再跌，但市值仲有1億幾，所以大合併之後，再插，莊家要將隻股插到地底，然後在極殘位慢慢收貨，如果大部份散戶未走，就連番供股，供完大跌，問你死未。

Ray:你問我估港股可以彈幾多、幾耐，正路大跌之後的反彈都有兩三日，有番距離低位過千點的反彈幅度，但昨日港股的反彈幅度令人失望，可能滙控根本被人挾住，郁唔到彈唔高，港股的反彈幅度比預期少，美股第二日無持續升勢，睇番港股今日的走勢，若然係牛皮向下，無大動力抽上，這次可以只是一次早衰的反彈。總而言之，今個月主要睇滙控，若果佢唔得，唔好對大市期望太高。

pokka09:你話可唔可以在18号滙豐除息後，先賣出部份供股權，賣供股同除息無直接關係，要賣不一定在除息後賣，除息滙控股價會減低，就算唔係對供股權不利，都唔係有正面影響。

Bianca Sa:杜指彈上7000點一啲都唔奇，升多100，200點好正常，但你問好唔買宏利，先要問你炒抑或揸，炒見佢跌咁多幾時都可以入吓，記住一成止蝕就得，升跌機會一半半。但你如果係想長線投資我就叫你咪制，保險公司唔知有無隱藏咗毒嘢，好似AIG咁款，前行政總裁都告AIG誤導，保險股未過危險期。

Mr.Business

注：此篇文章版权归香港頭條網所有。

金融High Tea——熊仔陷阱VS入市良機
2009年3月12日

美股周二大幅反彈，銀行股顯著回升，礇控（005）股價及相關新聞昨日延續外圍升勢，高開42元，勁升逾一成二，帶動恒指大幅高開534點，高見12228點。內地A股高開低走，恒指高位無以為繼，升幅逐步收窄，尾段重上 12000點，但在「勁假時段」再被「質」低73點，12000點得而復失，恒指收報11931點，升237點或2%。期指收報11933點，升333 點，比現貨高水2點，成交67560張。國企指數重上7000點，收報7008點，大市成交上升至447億元。

兩大本地藍籌昨日宣佈業績，新地（016）股價及相關新聞公佈去年底止中期業績，股東應佔溢利6.92億元，較去年同期大倒退九成半，每股盈利27仙，擬派中期息每股80仙。該公司撇除投資物業公平值變動，股東基礎溢利按年跌27%至45.35億元，遜於市場預期。

至於另一隻國泰（293）股價及相關新聞仲慘，蝕了85.6億元，符合市場預期，每股虧損2.175元，不派息，期內須為2009年至11年的燃油對沖合約未變現市值計價虧損76億元；聯屬公司國航（753）股價及相關新聞的燃油對沖合約，亦出現未變現市值計價虧損撥備10億元。公司仲話，若油價維持於現有水平，截至今年2月底的未變現燃油對沖市值虧損為19億元，要油價上番75美元才甩難。國泰現時財政壓力不輕，唯一慶幸係有個好有錢媽媽叫太古幫手頂實。

港股昨日反彈，全靠前晚杜指大升379點，港股在美國預託證券收市等如恒指12415點，升鰦720點，香港昨日個市就跟唔足，早段期指一度低水近200 點，比近日正常低水100點左右低好多，可見期指市場早段沽盤甚大，拖番低現貨；隻礇控在美國的預託證券價收報41.93元，比香港前日收市價37.6元高11.5%，礇控在倫敦上日更高見44元，但來香港就唔係好爭氣，一開市最高造過42元，之後就一級一級咁落，收市只係升鰦2.3%，收報38.45 元，成交50億元。

出口急跌 香港勢危

跌市股份反彈最大動力是平淡倉，即係有人沽空鰦，突然遇到個市大升，就落個「市價盤」平倉，咁就好易推住隻股大力彈，但睇礇控昨日的走勢，沽空的淡友無好急咁平倉，或者佢懐好有實力去坐淡倉，唔急於不問價平倉。

礇控今日除權，即今日買賣的股份開始不附帶供股權，昨日除權前仲有咁多人趕住沽貨，壓住個價，連供股權都唔要，背後玄機可堪玩味，茶友不排除係有大戶想係除權前先沽貨，壓住大笨象反彈的氣勢。按礇控昨天收市價38.45元計，礇控的理論除權價係35.38元，今日佢點開價就由市場話事啦。

港股昨日在下午3點前回得最多，在內地股市收市後，大市氣氛好番鱓，期指收11933點，高水3點，計入礇控除權等因素，期指高水有成100點。

港股跟唔足美股無大升，除鰦話前一日升鰦之外，亦和內地股市唔係好升得起有關。內地昨日公佈出口數據好差，2月當月出口總值同比下降25.7%；進口總值同比下降24.1%，雖然因為出口比入口跌得多，還有48億美元貿易順差，但出口大跌25.7%，呢個數字認真唔細，香港經濟依賴內地的出口，可以想像香港2月的出口數字唔會好，GDP亦受壓。

再睇番上一日中國公佈的通脹數字，2月份居民消費價格（CPI）同比由上月上漲1.0％轉為下降1.6%，雖然因為去年基數高，今年2月回落都有理由，但通縮的危險日近。

熟悉美股的中環茶友話，美股杜指勁升379點，收報6926點，升到5.8%，表面看是花旗話今年1、2月有錢賺，兼且傳聞美國證監會又考慮收緊沽空條件，觸發大量沽空盤平倉，不過最後升成5.8%，除鰦沽空盤都有實盤買貨，主要係對沖基金，他們集中買跌到好過份的股份，所以金融股升得特別勁，例如花旗上日股價跳升38%，但對沖基金可以今日來聽日走，所以單靠對沖基金買貨，升勢能否持續成疑。

大反彈有待確認

佢話，目前未見比較長線的互惠基金和退休基金入場，顯示它們對後市仍然缺乏信心，要看美國有無實質性的好消息，可以令這長線大戶入場，才能確認這是一次「真正的大反彈」，若然係咁現時都係入市博反彈的良機，但如果無持續利好的消息，可以令長線的基金入場，小心這次「熊仔陷阱」，升幾升就玩完。

陸羽仁

http://www.hkheadline.com/news/h ... mp;section_name=wtt