【专题讨论】转载香港頭條網陸羽仁, 王雅媛的文章

Mr.Business

2009/2/16 上午 11:05:45  

陸羽仁覆網友

彥清風等：而家除咗政府之外，仲邊有公司夠膽話請人（大家樂或者係例外）。若失業的朋友，有工低低地要打住先，搵唔到真係考番一兩個牌充實吓自己先至好。

Cfm：中國股市較多受國家行為所左右，阿爺在年頭盡早出招救市，又事先放水俾基金炒吓，咪大家識做炒一轉囉。

Sj:鞍鋼蝕２０億都炒起，因為股市係超前炒，去年１０月，外界未咁清楚，但鋼業中人個個都知出現１０年不遇的大跌市，鋼股狂插，但後來中央４萬億救市大計，主調係搞基建，其他行業無咁受惠，鋼業一定有生意，即使唔係好好，都唔會死，所以就由低位炒番上，而家股價，係反映緊大市氣氛兼估緊佢上半年業績。

此方：我怕你瞓身督咗幾隻三四線股，咪提吓你囉。無買不賭是贏錢呀。

Mike:月供基金由於基金本身有較高管理費，小數怕長計，那些基金長線又未必能跑贏指數，何不買指數基金，建議較大幅增加指數基金的比例，如２８２３盈富基金或２８２８恒生H股基金，因為指數基金收費低好多。

持有冠君及電盈，電盈無謂揸，等私有化收水換馬無眼睇。可用那筆錢換入２８２８，長線買中國好過買小小超。

另外想買中國基金和能源基金，建議不如揀幾隻最巨型的能源股內銀股，等大市插低時分段買入（每注三分一分注即可），好過買基金假手於人。

Muse:手持渣打，若大市在美國救市方案再推出時炒一炒，不妨趁高位時先減持，等跌低再揸過。

loss_confidence：你見我無開名講邊間邊間公司，就知道我有無壓力啦，不過有時見散戶「貪字得個貧」，又忍唔住講兩句啫。

Tsyi:現在似乎未係買樓的時候，特別係攤訂一手盤，經紀做普通盤兩邊收都係收到兩個佣，新盤發展商可以俾三個佣，佢自然落力推，有些居屋改裝盤比當年售價低兩成，你估跌夠未？特別你話搵首期咁辛苦，更加只能忍。

逸文:你話輪商點賺錢，我見過輪后去年初接受大陸媒體訪問,話佢為自己間公司發輪未輸過,等如話我開盤舖舖都殺你。我估佢地做適當對沖,你買中方向時佢唔輸(透過對沖、開價食價等方法),你買錯方向時會輸清,咁就食到盡啦。

Mr.Business

注：此篇文章版权归香港頭條網所有。

金融High Tea——股市財富大轉移
2009-02-16

這一陣子大市跌唔落去，個別三、四線股蠢動，出現一個「大市未得，股仔照炒」的怪現象。我睇到部份讀者或網友問的問題，開始有小小驚，例如網友此方問：「呢兩、三個星期好多細價股都輪流亂咁炒起，我想問係咪同延長董事禁售期有關？怕第時炒起派貨冇咁容易呢？」亦有網友話，二三四線輪流炒，好似牛市第一期咁話。

        牛市第一期無咁快到，但部份二三四線的確蠢蠢欲動，扮晒牛市咁款，真係呃得纒人。我早幾日聽經紀張講起，佢好似好後悔無買鱓神仙股，我話鰟鱓股你都好信？經紀張已經似股場老手，見到神仙股炒起都心動，何況普通散戶？

        熊市愈玩愈縮

         網友此方問二三四線蠢動和董事禁售期的改動有無關係，我就話完全無關，莊家股的炒作，絕大部份同大股東有關，但大股東也好，莊家也好，都唔會打正旗號去獱街貨，通常都係找一堆「人頭」去持貨，表面看這些「人頭」和大股東完全無關，所以即使港交所把董事禁售期延長至12個月完全禁止買賣，都阻止唔到鱓莊家利用「人頭」買賣股票。

        部份莊家股郁郁貢，理由好簡單，就係莊家利用年頭個市好似穩定番鱓的假象，炒番一轉，搵纒使用就真。

        我
成日都講，股市係財富轉移之地，如果咁好彩遇上一個大牛市，個市好似個波咁不斷吹大，成個市的財富就由5萬億、10萬億咁一直膨脹，起碼都有一個人人都搵到錢的假象（其實散戶一日唔離場都唔係賺到真錢）。到鶽家股市在熊市中，走緊一個相反過程，個市的財富反覆萎縮，個波愈變愈細，更加唔易賺錢。在這種市道要賺錢，只有一個方法，就係把財富由人懐個袋，轉移到自己個袋中，這就叫做財富大轉移，通常係從散戶的口袋，轉到大戶的袋裏。

        陸羽仁聽盡股壇前輩講述股海大戶搵食的伎倆，發覺招數雖多，但關鍵精粹都係共通，就係：跌錢。大戶想把散戶口袋裏的錢拿走，如果一副賊相，明刀明槍，走埋鈬問散戶?錢，散戶自然心有防範，所以欲想?人之錢，最好方法係先送錢佢使，小財唔出，大財唔入。

        關鍵就係跌錢

        君不見各種大小騙案都係咁，街頭跌錢黨在你面前跌低兩張紅衫魚，你見200元隨地飄，貪念一起，四看無人注意，低頭一執，就在你興高采烈執錢的一刻，你褲袋的銀包已經被人扒走。

         另外就係啤牌黨，在街邊一個紙箱，一個人做莊洗牌，將三張啤牌反轉，只有一隻係公仔，叫你去估，莊家洗牌通常都露少少牌影，畀你睇到邊隻係公仔，你睇住人賭，你次次都估中，到你開始下注，賭10元、20元又中，你心雄起上來落注500元，唔知點解就係唔中，你話明明那隻係公仔，莊家反問乜你偷睇呀？

        更大的操作就是龐氏騙局，美國的前納斯達克交易所主席馬多夫搞出投資計劃，年年有10幾巴仙回報，個個投資者賺到笑，其實馬多夫沒有把錢?走投資，只是搵新錢頂舊錢。

        要分真№假№

         你可能會話，陸羽仁做乜你講埋呢鱓舊№，警訊都有得睇啦，唔會俾佢滾到喎。我就哼哼冷笑兩聲，叫你唔好睇得自己咁高，股市莊家跌一跌錢，馬上就吸引到一大班人落疊。在金融海嘯之際，有鱓公司股票可以1元升到2元，2元升到4元，4元升到8元，8元升到16元，做乜生意咁好景呀，真係賺到咁多錢咩？

        散戶第一個反應會話，若果我昨日4元買鰦，今日的確可以8元沽到，真金白銀成交，你做乜話人懐假呢？

        要答呢個問題唔難，正如上面講遇到啤牌黨，你買10元、20元，舖舖買中，佢都係賠真錢畀你，問題係你最後能唔能夠?到錢走鎹。

         散戶第二個反應會話，咁我賭一、兩舖即走咪得囉？我話人地擺出個鳳凰局，日日炒高，你落過注贏過錢，邊有咁高EQ走得到呀，你2元買，4元沽，賺一個開，之後想離場，見隻№再升到8元，已經好蹨心，佢回一回到番5元，你即刻全部身家推埋出䒷面，對自己講玩多一舖就收手，咁就一舖舖玩落去，一直玩到輸清光為止。

        所以陸羽仁的建議好簡單，只係問自己一句：「你覺得呢隻股票咁升法係真№還是假№？」到底間公司真係賺到大錢令股票急升，還是借鱓意齋炒。有番10年股齡的朋友，好易答得到，如果明知佢係假№，就少玩為妙，以散戶的EQ，鬥唔過大戶，賭得多，輸得多，見到人懐跌錢在你面前，要好似撞邪咁，不斷話：「我睇佢唔到！我睇佢唔到！」

        有些股齡尚淺的朋友，話真係分唔到真假，我不妨教大家幾個方法：第一，分析隻股的生意，係唔係真係可以賺到大錢，若果佢話自己賺大錢，究意是真數還是假數？若果公司蝕大錢仲要急升，又有乜理由可以升？如果唔知佢點解咁賺錢，或者唔知佢點解蝕大錢仲要急升，咁就少掂為妙。

        愈無錢愈扮豪

        第二，分析老闆，有時睇股難睇，睇人易睇，好人壞人，一眼睇到。如果個老闆正正經經做生意，一步一腳印致富，你買佢隻股票，風險細鱓；如果老闆根本就係玩邪門起家，或者專門搵小股東笨，咁就最好敬而遠之，唔好與虎謀皮。股壇老雀仲講到一個「愈無錢愈豪」的怪現象，金融海嘯好多人唔掂，炒股又輸，炒樓又輸，但呢鱓人一定要頂起門面，所以今年派利是都大封鱓，過去派畀富豪飯堂夥計一人一條紅衫魚，今年派利是派夠兩條，佢懐最怕人唱佢唔掂。所以佢懐炒股出手亦更豪，大有我派錢你埋來?的豪氣。

        第三，分析時勢，在牛市舞高莊家股，和在熊市去舞的情況也不同。呢鱓市「炒高容易派貨難」，股壇老雀話有莊家集團直情派水鱓「跟莊」，話今年唔玩住，等個市好鱓先至再玩。倒過來說，咁鮋市道都要炒的莊家，一定有特別理由，最可能係佢好水緊，所以要借炒股搵錢。老雀話要小心「快閃黨」，鶽家仲夠膽去炒莊家的散戶，可能都有一定股齡，自恃炒過纒股，以為可以坐纒順風車，最怕過往一轉順風車開半年，如今一轉順風車只係開幾日，快到你想像唔到就停車，就好似玩音樂椅遊戲咁，你以為至少播半隻歌仔才停，怎知播一句就停，想走都走唔切。

        陸羽仁咁講№，正式係阻人發達，即使散戶也未必會多謝我，若果佢懐睇完呢篇文，無買神仙股，過兩天隻股升鰦1倍，千祈唔好來找我晦氣，呢鱓№要睇一年半載才知結局鮁。

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

鬧美國
       
2009/2/16 上午 09:34:55
網誌分類: 經濟

上週五美國公布，12月份成屋待完成銷售指數自去年8月以來首次上升，政府今個星期三會宣布協助業主避免房屋斷供的抵押貸款計畫詳情，令股市有一定支持，但銀行業經營環境持續惡化和消費者信心指數大跌，打壓投資者的樂觀情緒，美股走勢反覆，杜指早段升至7971點，上升38點後便調頭回落，下跌逾130點才喘定。之後反彈回升，但始終未能突破上日收市水平，杜指在尾市急回至接近全日最低位收市。

        杜指收市報7850點，跌82點或1%，全日最高7971點，最低7840點；標普500指數報826點，挫8點或1%；納指微跌7點或0.5%，報1534點。紐約證交所成交縮減至12.4億股。不過杜指期貨最新報7740點，比現貨收市價低水110點。今日係美國總統日，將休市一天。

美國公佈2月份路透/密歇根大學消費者信心指數跌至三個月新低，令標準普爾零售類股指數下滑2.1%，大型零售商沃爾瑪和家得寶（Home Depot）分別跌3.3%至46.53美元和3.5%至21.22美元。美國消費信心弱好似唔係新聞啦。

銀行業的壞消息由英國爆起，英國倫敦萊斯銀行（Lloyds Banking Group）公佈旗下的HBOS去年受70億英鎊不良貸款拖累，稅前虧損85億英鎊，遠遜預期，令市場擔心已部分國有化銀行可能需要英國政府進一步援助，引發對銀行業的擔憂，倫敦萊斯銀行暴跌超過32%。

英國同業唔掂，美國銀行業亦無運行，費城KBW銀行指數（BKX）受拖累下挫5.2%。摩根大通大跌5.7%至24.69美元；而美銀和花旗亦下挫5.1%至5.57美元和3.3%至3.49美元。在這種形勢下，匯控(00005)股價及相關新聞 在美國的預托證券亦跟隨大圍下插，跌3.2%，跌穿60元，報59.04元，而中移動（00941）則較香港收低0.6至74.24元。

七國集團(G7)週末在羅馬開會，亦係無乜料到，整個會的主調變成催促美國財長蓋特納快點出招，搞掂美國的銀行體系，各國財長都提醒蓋特納「時間寶貴」。財長們對美國的說話都開始唔客氣，例如法國財長Christine Lagarde話，蓋特納拯救銀行業的方案看來很好，關鍵是如何實行，佢「非常無耐性去等」方案的細節出台。

        德國財長 Peer Steinbrueck 亦抱怨美國是這次全球衰退的「起點和焦點」。歐洲的財長們並無和應美國話「新發展國家儲蓄過多是危機起源」的論調，反而叫美國不要嘆慢板，快點做嘢。在羅馬的美國官員回應話，蓋特納會在幾星期內弄出救銀行方案的細節，而美國總統奧巴馬會在這個星期先公布救樓市的方案。

環球金融形勢還在惡化中，國際貨幣基金會總裁Dominique Strauss-Kahn話，第二波正在來緊，隨著多個國家的財政情況急滑，將有第二波的國家尋求緊急現金援助。國際貨幣基金會對未來的形勢的估計仍然相當悲觀。

七國集團開會無乜料到，會議對金融市場產生的最大效果是令日圓持續走強。會前市場期望七國集團會做些事情來阻止日圓的強勢，但幾個主要工業國在會上都避談自己弱勢的貨幣，英國首相白高敦更直接話「英鎊下跌有助英國工業對抗1991年以來的首次衰退」，市場大失所望，令日圓向上。

雖然日本剛公布的經濟數據好弱，去年第四季GDP按年率計跌12.7%，比市場估計的跌11.6%還要多，但G7會議顯示歐洲無意干預自己走弱的匯價，令日圓急彈，兌歐元升由上周五收市的118.37，急升至117.1; 兌美元則由上周五收市的91.93，微升至91.57。美元兌歐元亦走強，由上周五收的1.2862，升至1.2793。美元和日圓短期強勢，難以改變。

陸羽仁

http://www.hkheadline.com/blog/r ... rd=&searchtype=

Mr.Business

2009/2/17 上午 10:23:34  

陸羽仁覆網友

小潘，花太:間屋行入去感覺唔舒服唔好買。

做人私生活唔檢點，煩惱亦多，好多時會影響工作。

Flyinthesky:你建議曾俊華答"我個人薪酬減少事小, 但現在商界減薪裁員不絕, 如果政府都減薪, 可能會助長風氣, 要以大局為重" 。呢個答案又真係耍得幾好，當年梁錦松都係玩減公務員人工玩到自己落台啫。

Indy:你仲毒，叫人問曾財爺溫總探工人之時，佢係邊處過年。

Hero:現時個市波動仍大,等個市的波幅和成交再細啲時，唔覺唔覺會慢慢入熊三，但美國經濟L型的機會唔細，香港衰退期長，熊三亦較長。中期線煤炭股會硬淨少少。

一草一木：美元日圓短期強勢講三個月，見今天網誌。

Rail:你可以用香港GDP和股市的關係來預測股市何時見底，但唔係睇GDP總量，而係睇GDP增長率。

Mr.Business

注：此篇文章版权归香港頭條網所有。

金融High Tea——內地大玩資金市
2009-02-17

銀行業經營環境持續惡化和消費者信心指數大跌，美股上周五偏軟。日本股市唔掂，內地股市持續造好。歐、美銀行唔掂，礇控（005）股價及相關新聞ADR 亦下插逾3%，恒指早市高開5點後，銀行股被投資者力「隊」，上午最低跌近300點，失守10天移動平均線，其後受內地A股造好刺激，中資金融股普遍止跌回升，恒指從低位反彈，尾市在「競價時段」再被推高。恒指收市報13455點，跌98點，國企指數午後顯著反彈，收報7560點，微跌8點。期指收報 13379點，跌151點，比現貨低水79點。

        拖累大市的主要原動力仍然係礇控，股價開市已跌穿60元，之後在低位徘徊，收市報59元，下跌2%；另一重磅股中移動（941）股價及相關新聞亦同樣受壓，表現同樣跑輸大市，下跌1.1%，收報73.85元。

        上周大摩將東亞（023）股價及相關新聞目標價從15港元下調至10港元。東亞今日派成績表，昨日繼續被大行唱淡，湯森路透預期東亞銀行2008年純利會比上年下降90%。東亞股價再跌4.1%至15.56元；瑞信則建議投資者沽渣打（2888）股價及相關新聞，轉買礇控，渣打股價下挫5.6%至89元；恒生（011）股價及相關新聞及中銀香港（2388）股價及相關新聞分別跌2%及0.4%。

        昨
日外圍全部都跌，但內地A股升近3%，上證綜指收報2,389點，漲68點，殺近2400點關口。有內地股市頂住纒，港股下晝就從低位頂番高少少，微跌0.7%收場。

        內地呢一浪股市升上鈬，有點脫離外圍走勢，以反映內地A股走勢的A50基金（2823）股價及相關新聞和反映H股走勢的恒生H股基金（2828）股價及相關新聞比較，以2009年年頭至今，A50基金由8.36元升到昨日收市10.6元，大升27%；但恒生H股基金卻由2009年年頭的79.65元，跌到昨日收 75.45元，反而跌了5.3%，A股、H股走勢背馳情況都幾明顯，A股由內地資金驅動，在港的H股由國際資金購買，兩類股份背馳，反映了內地看好，外資看淡的格局。

        輕工、電子、內房輪住炒

        陸羽仁和內地證券界的朋友傾偈，發現內地正在大炒資金市，佢話1月份內地銀行新增貸款額高達1.62萬億元人民幣，遠超過去單月新貸款8038元的數量，阿爺怕經濟跌得太快，所以大力鼓勵銀行放水，表面上貸款主要流向基建項目，但資金也會在銀行體系流轉，錢多了，股市就容易炒起。

        佢話，內地主要係資金市，銀行放水，流動性多，股市就易升，和實體經濟的關係不太大，但阿爺的政策也有推波助瀾的作用，中央見股市好利好消費氣氛，在二月底人大政協兩會召開前更不斷出招，形成支持大市不斷向上的動力，農曆年後十大政策出台，之後更一個行業一個行業推政策，很快又有政策支持輕工業、電子業的政策出台，傳聞最後出台的將是支持內地房地產業的政策，預計起碼要等這些招數出盡後，股市才會失卻動力，現時內地基金經理都看好上證綜指短期內能衝2500點。

         內地老友話，A股多數在年頭炒起，07、08年都有這種行情，因為基金也好，散戶也好，都在年頭爭相入市，希望今年可以有好戰績，但行業未必可以長期持續，最緊要留意內地的銀行信貸數字，如果信貸一萎縮，股市好快就回。佢亦都怕美國股市會大插，因為鶽家美國股市雖然軟軟地，但不致大崩潰，如果又出現大跌市，睇怕內地股市都唔能夠獨善其身，會順勢回吐，雖然內地基金界對後市一下子又變得好睇好，不少人甚至睇到3500點，但佢就有戒心，認為內地股市未必會一帆風順。

        內地股市暢旺，昨日成交更達到2736億元人民幣，創下九個月以來新高。證券股和金融股表現強勁，亦帶動本地證券股逆市造好。光大控股（165）股價及相關新聞連升3天，昨日收報10.9元，升6.9%；申銀（218）股價及相關新聞及第一上海（00227）股價及相關新聞分別漲7.9%及5.5%。

        「三保六行」亦全線收回失地，國壽（2628）股價及相關新聞打個和、平保（2318）股價及相關新聞微跌0.4%、財險（2328）股價及相關新聞倒升1.5%；建行（939）股價及相關新聞恒指成份比重由5.91%上升至8.01%；中國銀行（3988）股價及相關新聞就由2.32%增加至4.19%，兩者分別倒升0.5%及0.9%。工行（1398）股價及相關新聞跌0.28%、交行（3328）股價及相關新聞及招行（3968）股價及相關新聞微跌0.9%，而中信銀行（998）股價及相關新聞則逆市上升1.7%。

        港府今日會公佈最新失業率，市場普遍預期會突破4%大關。

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

差之毫釐 謬之千里
2009年2月17日

近日聽到一名女士有關於一隻股票及一個基金的言論：「都唔知道個基金係度搞咩？上午個市升得好好懐時，高位又唔見佢出來沽貨。鶽家大市回了那麼多，才低位不停沽。一定係為了壓低股價，唔俾佢升。」其實，這類的說話，Victoria已不是第一次聽見。

　　很多投資者都有一個錯誤的想法，便是認為基金神通廣大，一定是低位買貨，高位沽貨的人。

　　近日創科（669）股價及相關新聞升勢非常強勁，其主要機構性投資者OZ Management（簡稱OZM）持續在減持，有專家將之視為沽貨訊號，叫持有創科的投資者應該跟覑沽貨。沽貨理由似乎言之成理，相信持有創科的投資者看完這單新聞後，亦會選擇沽貨。但是只要多看一些OZM之前的買賣記錄資料，大家則會發現其實跟覑基金行事，不一定是好事。

　　OZM去年三月至八月期間曾增持創科，增持平均價介乎六元九角至七元五角不等。如果當時你跟覑它買，那麼你現在手上的創科還要輸一半。○九年創科最低價為一元五角左右，根據證監會之前的公佈，OZM曾於今年一月二日沽出約一千四百四十四萬股創科，平均每股作價便是一元五角左右。股票市場根本是一個差之毫釐，謬以千里的地方。影響它的因素每天都在變，其實基金跟我們一樣，也是很多事情都看不清楚的。

　　王雅媛（Victoria）

　　（王雅媛為持牌人士，並沒有持有以上股票）

http://www.hkheadline.com/finance/news_detail.asp?id=71398

Mr.Business

注：此篇文章版权归香港頭條網所有。

闊佬懶理  
       
2009/2/17 上午 09:25:22
網誌分類: 經濟

你睇世界各國領袖好似英明神武，但係唔知點解搞經濟搞極都唔掂，有時仲大出洋相，日本財相中川昭一就係一個好例子，佢出席那個無乜料到的七大工業國會議，被人懷疑飲酒過量，在記者會上大出洋相。

中川昭一在記者會上口齒不清，低頭閉目，被記者問到時答非所問，佢被問及日本利率問題時話「日本央行制定的利率從0厘升到0.25厘。」人人都知日本減咗息，去年底減息至0.1厘，唔係加息。最好笑的係佢旁邊原本坐住日本央行行長白川方明，記者本來問白川方明，但中川昭一卻搶住答兼答錯埋。記者懷疑中川昭一飲醉酒，但佢只承認「品嘗了一點紅酒，但未飲夠一杯」，記者會表現失準主要是服用感冒藥所致。

有時真係唔明白政客點諗，佢地大部份時間交足戲，但有時卻近似放棄。中川昭一的老闆、日本首相麻生太郎的支持度只有9%，真係低到無可再低，低到美國國務卿希拉莉訪問日本時被逼要見埋反對黨領袖，照計麻生政府隨時倒台，其內閣成員應該醒醒定定至啱，但中川昭一的表現卻剛好相反，近乎放棄。

唔好話七大工業國開會無乜料到就唔使重視，個會無料到，無壓抑日圓升值的措施及言論，會後日圓再升，令日本出口商苦不堪言，外匯交易員抱怨七大工業國會議結果令人失望，搞到匯市大混亂，中川昭一如果有一絲警覺，在記者會上暗示吓如日圓升得太高日本政府會干預之類，都唔使搞到咁大鑊，但佢偏偏飲醉咗酒，真係頂癮。

日圓在七國會議後彈升，主要因為七國領袖皆預期這次嚴重的全球衰退會維持整個2009年，令市場賣出風險資產，尋求短期的避難所，把資金泊入日圓這種好難再減息的貨幣。正如東京三菱銀行在倫敦的貨幣策略師Lee Hardman話，投資者正把經濟衰退比原先估計更長這個因素，計入匯市的投資之內，所以日圓將在未來三個月維持強勢，然後才會下跌。現時歐元兌日圓造117.21圓，美元兌日圓則造91.77圓。Hardman估計，由於歐洲經濟持續下滑，日圓兌歐元短期先升至110圓。但下半年日圓有機會回落，特別是兌美元而言，可能會跌至100圓的水平。

過去12個月，日圓升值了23%，令本田汽車等出口商深受其苦，日本經濟以出口為主導，強日圓大大削了日本出口競爭力。相對地，南韓睘大跌卻推動了出口，過去12個月韓睘兌美元跌了34%，是亞洲十大貨幣中跌幅最厲害的貨幣，但低匯價卻保護了現代汽車等出口商。

全球匯市大混亂，但除了美國因為要大賣美債而不怕美元強勢之外，其餘各國樂見自己匯價轉弱，以增強出口競爭力，所以幣值無端端大升的日本顯然是輸家，最「難得」的是日本政府卻無積極行為去干預匯市，甚至口術都懶出，闊佬懶理，看來麻生政府都未必支持得好耐啦。

昨日係美國總統日，美股休市一天。美國總統奧巴馬將於今日在丹佛簽署剛由國會通過總額7870億美元的刺激經濟計畫。他強調，這計畫將保住和創造350多萬個工作崗位，而且為「長久經濟增長和繁榮奠定基礎」。

不過，白宮高級顧問David Axelrod前天在霍士電視台《周日新聞》節目中提醒國民，不要期待即將被簽署生效的經濟刺激計畫會馬上創造奇跡。白宮發言人吉布斯當天也說，失業人數節節攀升，可能意味著經濟在好轉之前還要惡化。

共和黨人士亦批評話，該計畫不能有效振興經濟，還會帶來沉重的債務負擔在總統大選中落敗的共和黨人麥凱恩在美國有線電視新聞網(CNN)節目上表示：「這項法案沒有得到兩黨的共同支持，花費之昂貴令人難以置信，有數以千億美元計的資金花在對就業無所助益的計畫。」穆迪經濟網首席經濟學家馬克贊迪也認為，奧巴馬過於樂觀，他估計刺激經濟計畫將有助於在2010年底之前創造200萬至250萬個就業崗位。

救市計劃對股市的利好因素消耗淨盡，接下來要看週三公布的救樓市方案有無刺激了。

陸羽仁

http://www.hkheadline.com/blog/r ... rd=&searchtype=

Mr.Business

2009/2/18 上午 11:13:11   

陸羽仁覆網友

Mimi Mimi:你想投資雖然都是好股，但名單太長，我估你揀2800盈富及2828恒生H股ETF就得啦，買指數股都OK，唔使太用腦。

Ray:你問我話會「唔覺唔覺會慢慢入熊三.  Does "慢慢" mean there's no 終極一跌?」我的意思是熊市第一浪急插後，由於大家未接受到咁低，所以有大幅反彈，1973年和1997年的大跌市皆是如此，反彈過後，大市要再穿低位，若是較完美的熊市走勢，這個回馬槍一插才是真正的低位，而不是一個雙底不破的格局，這就是所謂終極一跌，插完之後，由於上一次博反彈者瀨咗嘢，所以反彈會無咁有力，人人死心，比較呆滯，這就是所謂慢慢步入熊三的意思，然後股市在大家無哂興趣時緩慢復甦，今次有可能出現這種較經典的熊市形態。

SS:多謝錯愛，大學生以學業為重，十分應該，可以開始學投資，不要急於進行投資。你說要上堂難追回所有回應，如果想確保我能看到，在早上重貼問題即可，你也不用追看所有回應，因為我每天早上會集中答問，你翻查每篇網誌最後我的回應即可，我在網上答你，較多人看到，有兼答其他網友之利，好過我直接用電郵覆你。

111:美國經濟L型，都應該唔會衰10年，因為美國經濟較具彈性，跌市時企業大幅裁員減開支，又大幅撇帳，好快移到一個較低廉的成本結構，不似日本唔願削債唔願減規模。我估若是L型都係衰三年左右，即係去到2010年下年開始OK，當然這是L型的估計。

June:東亞送紅股增防守性，到除淨時紅股係連派息同時「減去」,但所謂「減去」,亦只是除淨日市場覺得東亞值幾多而矣，若睇長線可以買多少少夾夠送一手的數量。

K仔:想買內銀股，三隻中建行較佳。長供可選2828。

阿K:大陸的2405點的確有雙頂的可能，睇個勢本來內地市有得去高少少,因為內地基金等炒埋餘下的救行措施(例如房地產),不過如果外圍跌得急, 有機會「殺頭」,小心觀察外圍走向，千祈唔好信「脫鈎論」。

CCB:你話13300點買了盈富要唔要止蝕, 如果係短炒，要積極守止蝕，若是長揸, 13300點入市位唔靚, 但大市未必一下會跌太深。

KFC:日圓見60我唔太信，若是如此日本又要再衰10年，因為去到80樓下時，以佢出口為主的經濟，已經好傷，要用盡方法干預，而且日本經濟亦好弱，支持唔到去60圓的高位。若有去澳州讀書需要，等美元升到兌澳元60美仙時,可以開始分段吸澳元, 買一部份將來用。

達爾:要股市復甦,先要經濟有望見底，股市會超前三五月炒/估經濟見底, 樓市和經濟同步或稍慢才復甦。

投機者心理質素佔成功因素90%以上，但對投資者而言，長線低吸好股，分散投資，一般的心理質素可以應付。

Mr.Business

注：此篇文章版权归香港頭條網所有。

金融High Tea——外圍唔穩 摩笛照吹
2009-02-18

環球經濟愈睇愈淡，銀行業可能要為衰退作更多撥備，加上內地A股連升多日之後出現調整，在全無利好消息影響下港股大幅回落，恒指低開260點後繼續向下， 13000點大關很快失守，中午略為回穩，勉強企於13000點上方，午後恒指跟隨內地A股再度走弱，跌幅不斷擴大，最後以接近全日最低位收市。

         恒指收市報12945點，大跌510點或3.8%；期指收報12890點，跌487點，比現貨低水55點，成交69942張，大市成交亦上升至417億元。跌市期指成交旺，唔係好兆頭。上證綜指收2,319點，跌2.9%，拖累國企股跑輸大市，國企收報7193點，勁跌367點或4.9%。

         七大工業國上周末開會時預示經濟衰退比較漫長，可能今年全年都衰，會議並無干預日圓上升的措施，會後金融市場避險心態強烈，評級機構穆迪投資話會降低有業務在東歐的銀行評級，歐洲銀行股以至歐羅都受壓，昨日下午歐羅跌至10個星期以上的低位1.2603，黃金則升至每盎司961美元的高位，向1000美元大關進軍。環球風險系數上升，資金走向安全的地方，港股又跌穿埋13000點，走勢非常差，若不能快速反彈回13000點樓上兼企穩，隨時再要破位向下。

        大摩改報告目標依舊

        早前重磅股礇控（005）股價及相關新聞俾大摩唱淡，事隔一個多月後，大摩分析員再發表報告，承認早前那份報告中多項假設出錯，例如早前認為礇豐香港的業務需要資本58億美元的觀點經已剔除，因為母公司礇控持有礇豐香港優先股，可轉換為普通股本，等如向礇豐香港注資，故其資金流動性不成問題。另外大摩又調整了原先估計礇控需要集資的額度，由最高的 420億美元降至介乎200億美元至350億美元。

        不過，大摩仍認為礇控前景不樂觀，故仍維持減持評級及目標價52元。大摩又為礇控目標價設定幾個假設預期，認為在經濟大衰退下有機會低見34元；相反若美國經濟軟覑陸，亞洲經濟繼續保持強勁增長，則有機會高見135元。

         回想當日大摩出報告後，礇控由當時的70元樓上，插到落昨日收市只有57.5元，股價已經唔見一截。中環茶友話，大行改報告唔係咁常見，唔知係唔係礇控向大摩投訴，搞到大摩分析員都要再出報告更正，但佢懐仍然堅持礇控的目標價只係52元，同時亦講到最壞的34元目標及最好的135元目標。雖然大摩更正後的報告予人的感覺的是沒有上一份報告那麼肯定，但睇淡的基調未變，雖然散戶好唔鍾意大摩唱衰礇控，但在環球銀行股受壓的情況下，礇控股價仍有好大壓力。

         一直睇淡礇控的里昂亦出報告，將礇控目標價由64元大幅削減36%至41元，維持沽售評級，主因是將礇控的預測集資額由90億美元大幅提高至150億美元，以及估計礇控將會減少派息。里昂話，預計礇控將於今明兩年為美國的礇豐融資商譽作全數減值共100億美元，以及調高其2010及2011年撥備，故調低礇控08年至10年度的純利預測25%、33%及13%，至113億、85億及110億美元。

        東亞派紅股頂得纒

        里昂又認為，由於現時英美銀行的股價僅相當於其有形帳面值的0.2至0.5倍，而礇控現價相當於其有形帳面值的1倍，同業的股價較平，故礇控股價有調整壓力。大摩、里昂繼續看淡礇控，加上早前看淡的高盛亦未變調，大笨象未出業績已有噓聲。

        另外，東亞（023）股價及相關新聞昨日是第一家本地銀行股打頭陣公佈業績，去年全年純利3900萬元，較去年賺41億元，大幅減少99%，半年虧損7.46億元，東亞受重傷主要係買入的債務扺押證券（CDO）方面造成鉅額虧損35億元，搞到主席寶哥哥都要為去年唔好的業績道歉。

         東亞業績唔好，每股盈利只有2仙，派晒出去末期息亦只有每股2仙，今年係東亞成立90周年，派咁少息好難交代，東亞於是建議另外10送1紅股，股東無乜息收都有股收。寶哥哥又開晒期票，承諾09年會恢復派高息政策，仲話三年後純利要再上高峰。可能係派紅股呢招使得，東亞股價不跌反升，逆市造好，上升 2.2%至15.9元，係表現最好的藍籌股。證明呢個世界窮則變，變則通，寶哥哥派纒紅股，都俾人鬧少兩句。

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

蜜月期完（１）         

2009/2/18 上午 09:21:38
網誌分類: 經濟

環球經濟衰退困擾假期後的美國股市，日本公佈去年第四季GDP錄得12.7%的驚人跌幅；而英國政府則調低英國今年的GDP預測至負增長3.3%，遠低於去年11月時預期的負1.7%，美國紐約聯邦儲備銀行昨日亦公佈2月份製造業指數跌至負34.65的紀錄低位，遠低於預計的負22.2。經濟壞消息接踵而來，令美國投資者擔心經濟衰退仍在加劇，新的刺激經濟方案可能無法很快解決問題，令美股急插至低位。

　　美股昨日復市後走勢惡劣，可以講係無險可守，杜指甫開市即跳水265點，之後在低位窄幅橫行至最後的半小時才略為反彈，但反彈80點後又迅速打回原型，以接近全日最低位收市，微微高於去年11月20日的收市低位，情勢並不樂觀。

杜指收市報7553點，勁跌298點或3.8%，全日最高7846點，最低7551點；標普500指數自去年11月以來，首次跌穿800點，收報789點，挫38點或4.6%；納指跌64點或4.2%，報1,471點。紐約證交所交投活躍，成交16.1億股。杜指期貨最新報7505點，比現貨低水48點。美股又似港股一樣，跌市成交活躍，不是好現象。

杜指30隻成份股，除了Walmart公佈第四季度盈利下跌少過預期，股價逆市造好上升3.7%外，其餘29隻藍籌股全線下跌。跌市重災區仍然係金融銀行業，美銀、花旗、摩根大通和美國運通均齊齊大瀉逾12%至4.9美元、3.06美元、21.65美元和13.96美元。港股在美國的預托證券(ADR) 亦無運行，匯控(00005)股價及相關新聞 比香港收市再跌4.3%，跌至55元邊緣，收報55.04元；而中移動（00941）則跌2%至69.2元。ADR造價折合恒指跌396點，造12549點。

Wasatch-1st Source Long/Short Fund的基金經理Michael Shinnick就話，「市場越來越覺得無論誰當總統，投入多少資金和投在那裡，要走出這個經濟困局，回復正常，仍有一段漫長和痛苦的路。」

美股這一棍跌下來是經濟性的，美國救市無力，G7開會無功，穆迪有意全面調低有在東歐投資的歐資銀行評級，日本和英國又報出很差的經濟增長數據，令美股插向11月20日的收市低位7552點，昨日杜指最低見7551點，但觸底守住，收市亦只比上年11月的低位高1點咁大把，美股走勢好劣，支持位的防守力比預期差，而新一任美國政府干預市場的能力亦比上屆政府弱，有些日子應反彈而沒有反彈，若政府今日出埋救樓市的方案都無像樣反彈，小心美股要展開新一輪的試底。

中環茶友話，奧巴馬政府和美國金融界的競爭多過合作，佢的民粹走向強烈，追隨民眾狠批證券業收高花紅，在上周公布救金融業的方案內容含糊，但聲言所有受助金融機構派花紅都要受限，卻非常具體，搞到金融業極不高興，不排除借機插低個市向政府施吓壓，恐怕奧巴馬政府和市場的密月期已經完結。華爾街大鱷會咁諗，我連番插低股市，又睇吓奧巴馬和蓋特納你地有乜高招回應，話唔定到時又走來求我，向我問計。

美國各行各業都等住政府救，美國三大汽車製造商終於和工會UAW達成協商，為行業解困提供了一點曙光，但通用汽車和佳士拿最近才收了大筆政府援助資金後，昨日又再次為缺水告急，話需要政府再注資216億美元，如果收唔到水嘅話，下個月已經無法生存。通用汽車勁挫12.8%至2.18美元；福特汽車也下跌4%至1.69美元；拖累輪軚製造商Good Year亦下挫13%至6.02美元。

金融市場大亂，美國國債和黃金繼續成為資金避難所，黃金再升，每安士收報975美元。油價則在衰退聲中繼續插，紐約NYMEX原油大跌近7%至每桶34.93美元。美元繼續發揮避難功能，日圓升咗兩日兌美元開始軟，美元兌日圓今早升到 92.27，兌歐元更升到1.2586，歐元連1.26大關都守唔住。呢個時勢做官唔易，昨日講到闊佬懶理飲到「貓咗」的日本財相中川昭一，馬上要辭職下台，金融市場風雲變色，要睇吓美國總統奧巴馬這個金童玉女班底，有無料去回應啦。

陸羽仁

http://www.hkheadline.com/blog/r ... rd=&searchtype=

Mr.Business

2009/2/19 上午 08:17:16   

陸羽仁覆網友

Ray:完美的熊市都要破一破去年的底才算做完美，就如９８年５月那樣。

阿ｋ：下次擦定牙等食糊之時，港股跟唔足外圍跌幅，就最好止番個止賺位，回頭到位就要走人。

宜家傢私：灣仔修頓交通便利，聽聞出租都唔差，插到３５００元可以諗諗，到時開個低價試吓盤，或者執到筍嘢。

分注就係咁意思，將三十萬分三注，每次入十萬，[ST1] 若分三注，試底時可以入第一注。

申銀萬國有炒股味，但都已經唔算係齋炒的四線股，大陸股市旺，佢就有得炒吓。

Apple Wong:日本咁大個國家，點願意跟香港行聯系匯率，將貨幣政策的主權放棄，不過你講任總又講得幾啱，有聯系匯率，香港匯價穩定，任總份工真係無乜風險。

Rocky:唔好意思，打錯個「蜜月」的「蜜」字，仲係結構性錯誤，次次都變咗「好密實的月」。

哈爾：買咗雅居樂，要守一成止蝕就得啦，唔好佢跌咗落去時，又睇這個那個分析而唔止蝕。

Bread:匯控大跌後，唔係唔可以買，係唔好瞓身買，買少少萬一佢再急跌你唔會太傷，買啲都無壞，我係怕大家將匯控當作一隻無風險的股票啫。

Mr.Business

注：此篇文章版权归香港頭條網所有。

金融High Tea——「熊中牛」希望幻滅
2009-02-19

美股三大指數周二暴跌至三個月新低，內地股市繼續調整，港股跟隨外圍下跌，恒指昨日低開161點後反覆向下，上午最低跌至12712點，下跌233點才回穩，中午收市跌幅略為收窄至下跌202點。午後美股杜指期貨回升，加上淡友回補近日遭拋售的中移動（941）股價及相關新聞等股份，恒指一口氣反彈逾300點至全日最高位才回順，恒指由跌轉升，收市重上13000點上方。

        恒指收市報13016點，倒升71點或0.6%，期指收報12959點，升69點，比現貨低水57點，成交71262張；國企指數收報7213點，漲19點或0.3%；大市成交428億元。

        港股近日和美股同步，唔太跟內地，內地股市大升後連續兩日急回，上證綜指昨日臨近尾盤時暴跌逾百點，最低探至2,206點，創年內最大跌幅。最後滬綜指報收2209.86點，跌109.58點或4.7%。

        但港股唔理內地，照樣反彈，帶動大市止跌回升的動力來自和黃（013）股價及相關新聞和中移動，兩股股價分別漲4.6%至40.7元及1.3%至71.5元，合力扯高恒指40點；歐美銀行股續插，礇控（005）股價及相關新聞亦繼續拖累大市，最低跌至55.7元，收市報56.7元，再跌1.4%。本地其他銀行股則個別發展，日前瑞信建議投資者沽渣打（2888）股價及相關新聞買礇控，渣打昨日仍未能擺脫頹勢，股價續跌4.7%至81.9元。

        超前美股搶先彈

         上日杜指大跌298點至7553的低位，拖累港股試底，昨日下午港股亦是跟美股期指反彈。中環茶友話，港股近日有少少超前美股去炒，上日搶先急跌500 點，所以昨日再跌多200幾點就彈，所以你唔好以為港股和美股背馳，只係港股超前美股搶先跌，然後又搶先反彈而已，港股能否繼續反彈，以及反彈後企唔企得穩，最後都要睇美股走向。

        今次美股跌市主要源自財長蓋特納提出的拯救銀行業方案無料到，加上受環球經濟衰退影響，令美股不斷向下，杜指上日收市報7553點，比去年11月20杜指的日中低位7552點，只是高1點，論走勢非常樣衰。中環茶友話，美國市場本來期望在3月會來一個「熊市中的牛市」（bearmarketbull），即是借奧巴馬上任，來一個大規模的反彈市，而家見個市咁跌法，希望已經幻滅，市場和奧巴馬的蜜月期快速結束，全球經濟衰退的陰影，令資金流入債券或黃金支持的證券去避險，美股唔係「熊市牛」，更似一個「尋底市」，所以小心反彈之後，杜指要再向下尋底。

        美國聯儲局前主席格林斯潘再就經濟前景示警，他在紐約出席一個演說會前話，這次全球性經濟衰退會是繼1930年經濟大蕭條後，歷時最長、程度最深的一次。華府應先修復金融體系，向拯救銀行業的基金注入更多資金，以穩定美國金融體系，恢復正常借貸，但毋須急於改革規管制度。格老即係話美國金融體系要先急救，遲鱓才去開刀根治都未遲，暗示奧巴馬唔好在個市死死纒時開刀，唔係死得更快。

        格老示警未衰完

        格老認為各國目前正處於危機時刻，股市的恐慌氣氛是自20世紀初以來未曾見過的，但相信經濟最終會復甦，只是無法確定時間。佢預期，美國樓價在未來數月會持續下跌，直至樓市復甦，市場亦恢復借貸，這場金融海嘯才可望結束。

        曾幾何時，格老去年中曾估計次按危機會在去年過去，如今佢的觀點相當悲觀，只是願意估計未來幾個月會續跌，不願估甚麼時候風暴終結，等如話這場海嘯可能會比較長。

        你睇各地經濟數字又真係好肉酸，早前日本公佈去年第4季GDP收縮12.7%，台灣昨日公佈去年第4季GDP跌8.4%，高於市場預計下跌6.8%，是1952年以來最大的跌幅，出口和投資同時劇減令台灣經濟急滑，咁收縮法自然會令失業率大增。

        香港財爺已經預告鰦香港去年第4季會係負數，不過斷估都無台灣負8.4%咁厲害，既然香港08至09年政府盤數有意外盈餘，財爺下星期三公佈的預算案，就真係要派多鱓錢俾市民止纒痛啦。

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

蜜月期完 （２）         

2009/2/19 上午 09:33:11
網誌分類: 經濟

     美國總統奧巴馬週二簽署了 7870億美元振興經濟法案，但未能消除投資者對經濟持續惡化的疑慮，杜指週二勁跌近300點之後，昨日上午走勢反覆，缺乏明顯方向，早段曾一度失守 7500點，之後迅速回升130點至7600點上方，倒升55點，但高位缺乏支援，中午時份已重回上日收市位，午後波幅越收越窄，橫行至收市。

      杜指收市報7556點，微升3點，全日最高7618點，最低7480點，波幅衹有138點；標普500指數收報788點，下跌不足1點或0.1%；納指則跌3點或0.2%，報1,468點。紐約證交所下縮減至14.3億股。杜指期貨最新報7483點，跌24點，比現貨低水73點。

      美股反彈乏力，勝在未曾穿底，比去年11月20日的低位仍高3點，昨日的低位7479點，又比去年11月21日的日中低位7449為高，究竟是一個雙底還是破底，尚待觀察。

      不過市場對奧巴馬政府救房市的措施無乜反應，一派蜜月期完結唔係太信政府搞得掂的氣氛，正是令人警戒之處。奧巴馬政府救房市出力不細，佢宣佈動用2750 億美元，設計救房市的計劃，利用按證券公司房利美和房地美去阻止銀行收樓，令900萬個美國家庭可以減少每月按揭供款。

      美國有一半按揭直接或間接由房利美和房地美擁有，美國政府救房市計劃中的750億美元係用來叫兩房為它們擁有的按揭業主重組債務，以減少他們的利息支出，借此減低業主因無力還款而要斷供。美國政府又會將原來計劃支持兩房的資金倍增至2000億美元，讓它們有更多資金去收購按揭，然後讓將新收購的按揭納入計劃之內。

     奧巴馬政府顯然比上任布殊政府更主動幫助業主，布殊政府主要鼓吹銀行自行為業主重組債務，拉長年期以減低供款，此舉成效有限；但奧巴馬政府就透過兩房出手，由政府介入拉低業主供款。市場人士對奧巴馬的計劃反應正面，美國最大銀行摩根大通銀行的行政總裁Jamie Dimon話，奧巴馬的計劃推出後，可推動銀行協助業主重組按揭借貸條款，這個計劃良好、強健、全面、深思，估計可以成功為業主修訂按揭條款。

      奧巴馬救樓市的措施得到市場支持，但股市未彈得起，恐怕是聯儲局披露了對經濟前景的悲觀估計，令人覺得奧巴馬的新政未必可以頂住大市。聯儲局公開市場委員會上月議息會議紀錄披露了它對美國經濟的看法，大部份儲局成員「認為有重大風險，經濟復甦將會延遲，復甦初期勢頭亦好弱。」這種說法類似市場所擔心的L型復甦，而非V型反彈。即係話即使經濟開始復甦，初期亦無強勁增長，要養傷一段長時間才回復舊觀。

      而最新公佈的經濟數字亦打擊了市場的投資情緒。美國商務部公佈1月份美國新屋動工數字經季節性調整後下降16.8％，至46.6萬間，是二戰後的最低水平。此外，包括工廠、礦業和公共事業企業在內的工業生產，1月份下降了1.8％，降幅大過市場預期，係連續第三個月下降。聯儲局昨日還下調了2009年美國ＧＤＰ增長的預期，並將長期通脹目標定為2％。

      汽車製造業仍然係市場近期的焦點，通用汽車和佳士拿汽車在週二再次向政府申請共216億美元的聯邦救援基金，並且宣佈了改革計劃，其中包括降低成本和裁員計劃。

     不過，一些華爾街分析員對通用汽車的改革方案感到失望，關鍵係改革方案並沒有提到人們最為關心的通用汽車與汽車工人聯合會的談判妥協方案。本周，美國財長蓋特納將召開汽車業重組工作小組會議，,審查通用汽車和佳士拿汽車遞交的「改革計畫書」初稿。按原定計劃，於3月31日前，兩家公司必須向政府證明其盈利能力。否則，在其後的30天內，將必須歸還政府共174億美元的貸款。據傳政府並沒有排除要通用汽車、佳士拿汽車進入由政府主導的破產程式內。通用汽車昨日成為杜指跌市亞軍，下挫5.5%至2.06美元；冠軍同季軍係美銀和花旗集團，分別下滑6.7%至4.57美元和4.9%至2.91美元。至於表現最好仍然係Wal-mart，繼上日升3.7%後，昨日再漲3.7%至50美元。咁嘅時勢，都只係賣平嘢嘅零售股先至唔死得。

陸羽仁

http://www.hkheadline.com/blog/r ... rd=&searchtype=

Mr.Business

2009/2/20 上午 10:03:48  

陸羽仁覆網友

昨日唔知邊個問起宏利，外圍保險股插緊，宏利亦難免，要買不用太急，也不宜大注，唔好買死一隻股，好危險。

趙子龍: 買六合彩都唔好買熱門, 否則人云亦云，中咗到要9個人分，傻傻地一中頭獎豪花幾十萬，以為可以攞過千萬，點知一夜就使哂啲獎金就搞笑啦。

Tsyi:外圍跌而港股不大跌，似乎係好友死唔斷氣，所以唔跌得太深。港股未脫波動市，未似入咗熊三，似熊二多啲。熊三時股市不是陰陰跌，而是在低位浮沉，或是彈高咗少少又唔上唔落，成交極疏。任總講的第二波到來，就是公司裁員潮的高峰。

三心兩意:東歐似有爆災之險, 波及歐洲金融股, 是環球大市走弱的原因之一。美國花巨資救市,成交不彰，主要是黑洞太大，次按黑洞可能有2.5萬億到3萬億美元，所以補極都補唔夠。

達摩:交行大力推定存, 似是借淡市擴張。

Jimmy:你問石油是否跌破30美元機會不大，炒作市場，升會升突，跌會跌突，我估石油會破30美元，甚至殺近20美元才見底。你想買能源指數淨價證，投資衍生工具要小心，不熟不如等大跌時買能源股，容易守。

Bdroom:myself代答買樓交稅問題有100分,自住供樓利息可以扣稅。

Whywhy:2828等個市大插時入, 最好是穿去年低位才分段吸。

Ccb:母公司注資中糧控股，等如大股東用水喉射個仔，應屬利好，但中糧現價唔係太吸引，等吓先啦。

逸文: 美股勢弱，對港股不是好事，不過無論如何，美股即使反彈，中期亦要再向下，港股當然有機會試底。

Andy188:你問花旗跌到2.51美元，是否值得入市博反彈，孤立來講，你買少少，預咗輸哂唔心痛(真係有可能輸哂)，似亦無妨。但如果有得揀，等大市跌得甘啲時，搵食跌得好深的大陸資源股買吓，賠率和安全度可能好過花旗。

Mr.Business

注：此篇文章版权归香港頭條網所有。

金融High Tea——救市方案好化學
2009-02-20

美國上日公佈救樓市方案後，美股原地踏步，恒指昨日早市低開143點後，跌幅逐步收窄，但受制於13000點關口，整個上午都在13000點下方爭持，午後繼續橫行，最後半小時跟隨內地A股反彈，最高倒升40點，尾市略為回順，但仍企於13000點上方。

         恒指收市報13023點，微升7點或0.1%，恒指全日波幅只有268點。期指收報13004點，升45點，比現貨低水19點，叫做險守13000點樓上。受內地股市反彈3%帶動，國企指數跑贏大市，收報7266點，漲54點或0.8%；大市交投淡靜，成交縮減至355億元。

        阻礙大市升勢的元兇主要係兩隻重磅股礇控（005）股價及相關新聞和中移動（941）股價及相關新聞。礇控繼續捱沽，下挫1.1%報56.1元；中移動表現更差，跌2.1%，報70元。本地其他銀行股方面，東亞（023）股價及相關新聞宣佈送紅股後表現一枝獨秀，連升三日，昨日續升2.8%外，其他銀行股一樣唔掂。

        老美派錢救樓市

        港
股唔上唔落，同美股的形勢有關，杜指上日收7556點，距離11月20日的收市低位7552點，只有4點距離。美國總統奧巴馬公佈救樓市方案，用2750億美元，叫按證券公司房利美和房地美收購按揭減少銀行收樓，令900萬個美國家庭可以減低每月按揭供款金額。如果業主繼續供款5年，仲有錢收，而銀行協助業主重組按揭債務，減少每月供款額，亦有獎金。奧巴馬這個救樓市方案比市場估計去得更盡，普遍有好評，認為有助穩定樓市，不過方案推出時美股都升唔起，美股咁反應有兩種可能，第一是股市滯後反彈，第二是彈極都彈唔起，希望係前者啦。

        蓋特納臨尾放棄方案

         唔好見美國泱泱大國，以為佢做事永遠有板有眼，早前財長蓋特納推出被人柴台的拯救金融業方案，內容空洞，論論盡盡，為何如此蝦碌，至今仍然係一個謎。《華盛頓郵報》爆出一個版本，話蓋特納之所以提出一個佢自己都無乜信心的拯救金融業空洞方案，皆因佢一直構思的方案，在出街幾日前才知道唔掂，被逼放棄，蓋特納臨時臨急要拼湊另一個「方案」頂檔，在開記者會前幾分鐘才把一堆垃圾拼合在一起公佈，以免方案難產令市場太失望。

        蓋特納一直構想如何成立「壞銀行」從金融機構買走有毒資產，這個構思中的方案傳到通晒天，但在公佈前幾日蓋特納才發覺這個方案太貴、太複雜，亦對納稅人風險太大，所以被迫放棄。但蓋特納唔想將方案難產的真相公諸於世，怕股市會大插，所以才搞出一個虛到唔虛的方案來頂檔。

        《華盛頓郵報》又為蓋特納講纒好說話，話蓋特納不夠時間去規劃方案，也要等到方案接近推出前才能諮詢受影響的機構，所以才在最後一刻出事，加上奧巴馬總統並未為蓋特納委任助理財長及財政部常任次官，所以佢唔夠人規劃方案咁話。

         睇完篇№，覺得係白宮中人放纒風，以挽救蓋特納的形象，並叫美國人放心，俾心機等多幾個星期就會等到像樣的拯救金融業方案面世。不過陸羽仁就睇得負面少少，《華盛頓郵報》的報道如果正確，正正反映美國推出這些重大金融決策的過程相當化學，而且蓋特納一直構思收購金融業毒資產的方案，上一手財長保爾森都面對過相關問題，蓋特納無理由以為咁易可以搞出可行方案收購毒資產。

        股神炒股各師各法

        蓋特納上次搞到咁論盡，未來係唔係咁易搞得出℻℻聲的方案，的確令人懷疑，市場亦都好精明，美股不斷尋底，正正反映市場對新政府的財金政策缺乏信心。所以直至蓋特納再次提出拯救金融業方案前，市場仍會有好大戒心，股市或有反彈，但難望大升。

         另外據美國證監會資料顯示，「股神」巴菲特的投資旗艦巴郡去年第四季減持一半強生股份，持股量降至2,861萬股或不足4%；期內亦減持寶潔9%至 9,632萬股。同時巴郡亦減持美國合眾銀行7%股份。股神去年10月叫人入市，自己買入通用電氣、高盛、珠寶商Tiffany等可換股債券和優先股，其後股市再插，股神都中鰦招。今次股神主要減持股價較硬的零售股，估計因為強生、寶潔等零售股王跌得較少，但股神見大市勢色唔對，怕跌市逐步深化，會波及這些零售股王，所以都要大手減貨，增持現金，由此可見股神去年後期都開始唔敢太睇好了。

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

通脹預期         

2009/2/20 上午 09:28:17
網誌分類: 經濟

美國申領失業救濟人數創27年新高，2月份亞特蘭大中部地區製造業倒退逾四成，加上惠普季度盈利大跌，市場憂慮經濟進一步轉弱，再加上投資者擔心銀行可能遭國有化，信用卡貸款壞賬上升，美銀和花旗集團急挫，美股昨日顯著走弱，杜指早段升過59點之後就調頭回落，跌至上日低位的7480點才見支持，午後未能突破上日收市位便再度轉弱，杜指反覆尋底，以接近全日最位收市。

杜指收市報7466點，下挫90點或1.2%，全日最高7615點，最低7448點；標普500指數報779點，跌9點或1.2%；納指跑贏大市，下滑25點或1.7%，報1,443點。紐約證交所成交14.9億股。杜指期貨最新報7462點，比現貨低水4點。

杜指連番下試去年11月20日造的金融海嘯收市低位7552點，昨日終於插穿，而11月21日的日中低位是7449點，昨日日中最低是7448點，亦剛好插穿埋，杜指創逾六年以來的新低，雖然昨日不是勁插，但股市遇好消息彈唔起，遇壞消息下滑，走勢好弱，未改變尋底格局。關鍵是市場對新上任的奧巴馬政府的救市措施漸失信心，認為佢嘅團隊都唔可以挽轉敗局，蜜月期過後，投資者用腳投票，大市轉入弱勢。

昨日大型銀行股暴跌，KBW銀行股指數跌至1992年以來最低水平，美銀和花旗集團均暴挫14%至3.93美元和2.51美元；摩根大通和美國運通亦下滑4.2%至20.6美元和8.7%至12.87美元。環球銀行股受重挫，匯控(00005)股價及相關新聞 亦無運行，匯控在美國預托證券(ADR) 跌穿55元，收報54.58元，比香港收市價跌2.7%，而中移動亦跌穿70元，收報69.21元，跌1.1%。

另外油價大跌後急彈，紐約原油跳升逾14%至每桶39.48美元，油股逆市造好，艾克森美孚(Exxon Mobil)收報72.16美元，升0.3%，而雪佛龍(Chevron) 漲0.9%至66.68美元。

如果講企業消息就要數全球最大的私人電腦生產商惠普，佢公報第一季度盈利下滑13%，並宣佈在未來三年會致力削減成本來保持盈利，其中包括大幅削減高層薪酬10至15%和普通員工5%等。惠普股價大挫近8%至31.39美元。

大企業唔掂連番裁員，失業率高升，美國勞工部昨日公佈美國失業救濟金新領取人數達到4.99萬人。這一數字已經連續四個周不斷刷新紀錄。而且，另外還有大約150萬人在領取去年由國會通過的失業補償金。所以，截止到2009年2月7日，整個美國有超過654萬人在靠失業救濟金度日。

      早前美國聯儲局公開1月公開市場委員會的會議紀錄，首次定出長期通脹目標，動作惹人關注，職儲局主席伯南克更特別出來公布，話定出長期通脹率目標為2%，希望固定公眾對通脹的預期。

       聯儲局打出這一個大動作，市場普遍認為佢地係想控制市場對長線通脹的預期，好怕通脹會高升，因為過去6個月政府因為救市而大放水，令聯儲局投入市場的基礎貨幣大升80%，由去年10月的8430億美元，大增到現時的1.5萬億美元，隨著救市深化，今年基礎貨幣會繼續大增，理論上錢多會引發通脹，扯高債券利息。

      不過我認為伯南克這一招係兩刃劍，既針對長線的通脹危機，亦針對短期的通縮危險。不少經濟學者批評聯儲局把利息減到零厘，其實是走日本的老路，0利率不能阻止通縮，因為經濟衰退觸發通脹預期，令人更唔敢使錢，裁員減消費，令經濟更縮，這就是所謂「流動性陷阱」，要解決這個問題，主要不是靠減息，而是靠公眾有通脹的預期，人民估未來有通脹，現時就不致於過度減少投資，減少消費。

      所以伯南克定出2%的通脹率，首先希望美國人唔好預計有通縮，放心使吓錢先，相信錢唔夠政府會印到夠。下一步到通脹重臨時，才是控制通脹的預期。不過理論歸理論，得唔得要試過至知，聯儲局話預期有2%，美國人見到金融海嘯是否仍放心投資和消費，真係要試過至知啦，大家齊齊做吓實驗啦。

陸羽仁

http://www.hkheadline.com/blog/r ... rd=&searchtype=

Mr.Business

2009/2/23 上午 11:18:06  

陸羽仁覆網友

Givemefive:全球衰退未見底, 石油都未似見咗底，要等經濟急滑的趨勢舒緩，油價才可以尋到底，所以勿睇好得太快。

美國經濟爆破要全球幫手埋單，好多窮國或富國窮人食都無得食，餓倒街頭，呢個世界係咁唔公平，唔好期望世界變得公平，要提升自己的生存能力至啱。

Geniegenie:六隻內銀股中，本來招行質素最好，因為佢最商業化經營，但股價相對貴，再加上貴買了永隆，成為世紀笨deal，有少少內傷。大銀行中以建行工行較佳，工行最大，建行按揭生意較好肉，國家谷借貸，更等如逼佢地做多啲生意,主要問題是外資持股禁售期一到，就有沽壓，要買預多啲安全位俾自己，所以只可以等大市深插時低吸。

Con仔:135元買渣打無止蝕，而家唔識點建議你，因為已經跌得咁深。環球銀行股的災難未完，渣打勝在早集資，以及無美國生意，但都受大市影響。或者咁，等佢顯著反彈時，減持一半，再等佢跌２０％至３０％又揸番，藉此減低成本。

了如夢：你問渣打現價可否投機，投機要博美國金融股短線已到底並有較大反彈，值博率只有五十五十。

一草一木：你話要月供東歐金磚四國基金十年，不供不行，這種鎖死要供的基金，以後咪買，即係話想止蝕都無得止蝕。第一，若有得揀，供中國股市指數基金好過，無得揀無辦法。第二，東歐爆債務危機，未跌完，若有東歐基金沽咗佢轉大陸基金都好啲，特別係如果你仲要不斷供東歐基金不斷接貨，咁做可以分散風險。

Tsyi：金融海嘯的第二波仍是金融業的爆破，但反映到香港就會出現企業倒閉潮和失業率，不應現在去估有無第三波第四波，而係一個動態分析，美國金融業止血未，若金融業止了血，美國經濟衰退止了血未，若答案係否定，就有下一波來臨。先要睇到美國金融業爆破和美國經濟見底，才講得到全球投資市場（股市、樓市）見底未。

有東歐基金換馬到大陸基金好啲。

Pan490，indy: 美國挾瑞銀，瑞銀反指美當局打壓或被迫倒閉，係大番美國，正路無一個國家想自己的銀行倒閉，所以瑞士應該救，但瑞士的國力相對瑞銀的資產係太細，所以未必可以用國有化方式幫瑞銀。正路美國都唔想瑞銀執，所以唔會逼死佢，但呢個世界開始唔係咁正路，避開呢間公司的衍生工具係安全之策。股市咁多牛熊證，有疑問，先換馬。

Fatfat1389：你問個個預匯控公布業績會跌，會否反而升，係有意思的猜測，起碼短炒者不能排除這個可能，所以造淡者就要諗吓如何控制這個風險，美股跌到創新低，反彈亦一啲唔出奇。

呀太：股票在派息日除息，只係市場在當天的反應，假設公司股價１元，間公司要每股派走１角利息，除淨日隻股合理價的確係９角（因為１角現金將派給股東），但若果間公司好有實力，明年會賺得更多，隻股除息後好快會升上原價或更高。所以長線計買股和買樓無分別，長線計收咗息係唔會影響股價。

神州行：我唔熟美國按揭債券的運作，但估計中間有好多風險被房利美和房地美擔保咗，所以政府注資兩房，令佢地吃下風險，去延長業主的還款期。

美股下跌並不是救業主的方案唔得，係救金融業的方案唔得。

Moses:本地樓市和股市一樣，跌得多會反彈，而家在反彈中，等彈完吸乾用家購買力（炒家死得八八九九）後，就會再跌。

Ah520:美國銀行國有化，國家持股佔大數，原有股東股份被大幅攤薄，入股後銀行更要被逼出售好資產減債，AIG有辦你睇，跌到變毫子股。

美國的CDS市場總值５４萬億美元，完全無監管，我唔知佢會唔會爆，但一爆就大大大鑊。道指穿底，技術上更看淡，但跌到這個階段跌多５００點唔奇，但跌到底急彈又唔奇，造好造淡都要極小心控制風險。匯控在三分一業務在歐洲，以英國為主，英國好弱，對匯控有影響。

Any:在大市下跌時，招行也無可倖免，若唔放心可以用買入價低１０％作止蝕，若再反彈到１３元樓上，並慢慢將止蝕位上移至買入價１２．２元。

Mr.Business

注：此篇文章版权归香港頭條網所有。
  
金融High Tea——尋找價值
2009年2月23日

美股連番下跌，上周五終於跌穿去年11月的低位，杜指收報7365點，跌100點，跌幅1.3%，杜指中段曾跌216點，到7249點水平，去年11月 20日杜指收市低位是7552點，11月21日的日中低位是7449點，上周五把這兩大低位都一一擊破，美股走勢甚弱。可能見美股尾段反彈，上周五港股在美國預託證券都唔係跌太多，礇控（005）預託證券折合港元價為53.46元，比香港收市再低1.3%，而預託證券折合恒指比香港收市低162點。

呢一浪美股下跌潮，主調是美國金融市場和新任總統奧巴馬的蜜月期快速完結，插曲是財長蓋特納公佈鰦一個唔鹹唔淡兼無內容的拯救金融業方案，美股雖然不是好急咁下插，但反覆下跌穿位，反彈力度不強，未來走勢看美國政府短期內能否出招阻止股市的跌勢。

大幅加稅不利美股

不過，奧馬巴短期內計劃推出的不是拯救金融業的新方案，而是長線加稅削減預算赤字，又勢將與美國股市的大玩家為敵，衝擊股市。奧巴馬打算在4年後任期完結前，把預算赤字由依家的1萬3000億美元，大幅降低到5330億美元，要這樣大降赤字，除了要從伊拉克撤軍以節省軍費之外，仲要向有錢人加稅，將把一系列上任總統布殊向商界減稅措施停掉，並把對沖基金和私募基合夥人的徵稅率由35%提高到39.6%，美國有錢佬勢必作反，短期對股市不利。

上周五杜指插穿低位的關鍵是美國參議院銀行委員會主席杜迪（Christopher Dodd）的言論，佢話美國政府可能要將花旗銀行或美國銀行這類金融機構國有化，或者只會維持一短時間，但可以協助它們度過這個自美國上世紀三十年代大蕭條以來最大的金融危機。杜迪話自己唔想見到咁鮋情況，但看到銀行國有化或許無可避免。

早前財長蓋特納提出的拯救金融業方案無料到，市場擔心美國銀行將無可避免要如英國同業蘇格蘭皇家銀行那樣，走上國有化一途，不過政府大量入股後，銀行原有股東的股份被大幅攤薄，對銀行股的股價是一個大災難。所以上周五杜迪一話銀行要被國有化，銀行股立即勁插。

國有化風險大增

後來白宮發言人出來話，「正確的前路是以私人擁有的銀行體系」，否定了國有化的講法，銀行股才反彈。被杜迪點名的花旗和美國銀行一度跌36%，反彈後仍跌 22%，收報1.95美元（1年高位27.35美元）。美國銀行最低跌到2.53美元，後來大幅反彈，結果只跌3.6%，收報3.79美元（1年高位 43.5美元），美國銀行股跌到接近執笠價。

礇控上周五香港收市價54.8元，再創新低，正如我早前所講，礇控狀況唔靚仔，唔好「愈跌愈買」。

礇控愈插愈深的狀況，令早前以血肉長城入市買礇控的擁躉失望，他們認為礇控是好股，唔應該跌，主要是外資大行唱衰所致，這個理論在去年10月礇控跌穿100元大關時最為流行，但散戶若在當時入市，已經唔見鰦接近一半。

礇控在美國的次按業務已有風險，可以稱為「自身風險」；除此之外，美國的銀行業股價失重下墮，礇控不是在孤島中生存，投資者會將同類股份比較，當礇控的美國同業、全球數一數二的大銀行股價都跌到咁爛賤時，同樣擁有美國業務的礇控股價點會好？正如里昂早前的報告提到，美國的大銀行市價對帳面值比率（PB，即每股股價相對於每股資產淨值的比率）只是0.2倍、0.5倍，礇控的PB是1倍，礇控的股價就相對地貴，這是一種「同業風險」。

同業急跌拖死礇控

礇控擁躉可能會話，礇控的財政穩健，美國的銀行財政不穩，所以礇控「貴」得有理，但美國投資者會咁講，美國的銀行若要把毒資產貼要計價，大部份資不抵債，礇控在美國亦有龐大的次按業務組合，若要貼現也面對同樣問題，礇控真是比美國的銀行好咁多嗎？

現時花旗銀行總市值只有106億美元，美國銀行市值240億美元，美國最大銀行摩根大通市值743億美元，但礇控跌鰦咁多之後市值仍高達853億美元（6655億港元），冠絕所有美國銀行，在美國投資者眼中，礇控值唔值咁高價？所以香港投資者眼中的平價，係美國投資者眼中的貴價。

講鰦咁耐，我只係想講礇控並不是不可以買，而係唔好當佢係無風險的股票，鲻身去買，將自己暴露在環球金融海嘯的重大風險中要不自知。

大家要有一個心理準備，萬一（只是萬一）美國幾家大銀行都國有化，股價再大插，礇控面對同業風險，難免再深度探底，你獱住礇控，要頂得順這些衝擊，這樣獱股票才可獱得心安理得。

講起「愈跌愈買」，令想起這是價值投資之父、股神巴菲特的說法，但巴菲特旗下的巴郡剛披露大手減持了兩大零售護理股王強生和寶潔，動向惹人關注。

股神見唔對路即閃

巴郡在至去年12月底的3個月將手上持有的強生股票賣了54%，減持到只剩2860萬股，巴郡又減持手上持有的寶潔9%。巴郡披露在10至12月出貨，可能是在兩股去年10月第一次插完反彈後，在10月、11月慢慢出貨，套現後將資金投入企業債券市場，估計巴郡買企業債券可獲取10至15厘的年息。

股神巴菲特去年10月在報上撰文，話美股已見底，叫人買美股，如今美股在11月和上周五兩次穿底，證明巴菲特睇好得太早，不過巴菲特睇好之餘，自己無盲目入市，亦無實踐「愈跌愈買」的原則，反而減持優質股票，轉買較安全的債券，這種行為值得大家深思。

股神獱得咁多強生和寶潔股票，自然認為它們是有價值的好股，以股神自己講的計算股票價值方法，佢係計公司長遠的現金流，然後將總數以方程式貼現，然後看股票的現價，和這個長線總現金收入的貼現價比較，決定抵唔抵買。

股神沽出強生和寶潔股票，轉買10至15厘的公司債券，如果以價值投資的角度，即係話以長線計，佢估計強生和寶潔不能有10至15厘的年均增長速度，會跑輸公司債券收益。

美股未定螳臂擋車

換一個角度，股神也可能考慮市場風險，去年9月雷曼爆煲後時，市場資金一度轉入強生寶潔這種護理股避險，但若大市要跌，避險的資金慢慢流失，護理股中線也不能倖免，因為當其他股份愈跌愈深時，這些護理股慢慢會顯得愈來愈貴，所以也會跟跌，你話股神完全唔睇市場走勢，就真係當佢係傻仔啦，若佢知護理股最後難逃一跌，何不在它們開始下滑時先減持一部份，換馬到債券避險，將來等這些護理股跟住人地跌到殘時，在低位再沽公司債券買番這些護理股都未遲喎。我相信股神睇強生和寶潔中長線仍是好股，但佢見勢色唔對，好股照沽。

套用這個思維去看礇控，礇控一年高位是去年5月時造的137.2元，回落後再抽升，然後慢慢下探。很多香港散戶以至股評人，會以礇控係好股，話佢有價值，見到跌穿100元，就豪言壯語，話股神都講過，好股唔怕愈跌愈買，血肉長城，飛身撲入，結果真係做鰦一團團血肉。

以股神沽強生和寶潔的行事手法推斷，股神面對礇控的狀況，除了會以礇控未來現金流計算其內在價值，衡量美國金融業融解對礇控美國業務可能產生的風險外，亦會將獱礇控的回報和其他更安全的公司債券比較外，會睇纒大圍環境，看一看礇控的環球同業狀況，如果覺得礇控還有深度下跌的風險時，不但不會愈跌愈買，而且仲會減持，等佢真係跌到爛賤時買番都未遲。

或者在現實世界裏，有一個死按原則的盲動巴菲特，也有一個靈活運用原則的蠱惑巴菲特，我們要扮演價值投資者，去尋找股份價值時，亦有得揀，可以跟一個蠱惑巴菲特。最後再講一句礇控，在美國金融業未穩定前，在美國銀行股未跌定之前，無論礇控下月2日公佈的業績好壞，還會反覆尋底，即使要買礇控，都要選擇時機，唔好在它滑下斜坡時，走去螳臂擋車。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

削赤         

2009/2/23 上午 09:32:32
網誌分類: 經濟

美股上週五偏軟，杜指開市插水125點後，反覆下滑至7250點才見支持，最多下跌207點，下午跌幅一度收窄至衹有25點，但在7450點前已無力再上，尾市再度回落，7400點再度失守。

杜指收市報7366點，再挫100點或1.3%。杜指上周表現非常肉酸，四個交易日裏面，除了週三微升3點，其餘三天都大跌，共跌了485點，收市創了6年半新低；標普500指數上週五報770點，跌9點或1.1%；納指略為跑贏大市，微跌2點或0.1%，報1441點。紐約證交所交投活躍，成交大增至21.2億股。杜指期貨最新報7355點，跌107點，比現貨低水11點。港股在美國預托證券(ADR) 亦跟隨大市下跌， 匯控(00005)股價及相關新聞 和中移動（00941）分別收報53.46元和67.57元，較香港低2.5%和0.9%。

        美股上週主要受拯救金融業方案無料到影響，但本週焦點隨時轉到政府削減赤字的大計上。有美國官員透露，總統奧巴馬打算在其任期屆滿時，即2013年，將政府每年的財政赤字大幅削減至5330億美元，主要手段包括向富人徵稅和壓縮伊拉克戰爭開支。

奧巴馬上任時繼承了高達每年1.3萬億美元的財赤，赤字預算要靠發債填補，奧巴馬認為聯邦借貸的不斷增多，將會阻礙經濟發展和創造就業，因此需要削減赤字。奧巴馬早前已不斷吹風要削減赤字，佢話：「如果不把赤字控制在一定範圍內的話，我們就不能實現持續的經濟增長。」已經表明會推行削減赤字政策。亦有奧巴馬的幕僚指出，新總統之所以有此雄心壯志，是因為最近共和黨人對7870億美元的經濟刺激計畫持批評態度，其中抨擊重點係經濟刺激計畫將大大提高政府的財政赤字，令以後的政府和下一代美國人背上沉重的債務負擔，所以奧巴馬決定以削減一半赤字的策略來對抗相關的抨擊。

奧巴馬表示，新政府將採取「負責的財政制度」（fiscal-responsibility），以改革現時的「赤字財政政策」，未來預算的焦點主要是向年入25萬美元(195萬港元)的高收入階層徵稅，又會提高對沖基金和私募基合夥人的投資收益稅率，而布殊年代提出的稅務寛減在2010年到期亦會終止。

中環茶友話，共和黨的傳統是赤字預算，主要是大動干戈和向富人減稅，而民主黨的傳統是削減赤字，主要是從各地撤軍和向富人徵稅。前民主黨總統克林頓就成功削赤，令預算恢復平衡，事後評斷克林頓的功過，主要的總結是他全面削赤有益於美國財政經濟，但損害了美國全球的軍事影響力，如今奧巴馬顯然想重走克林頓的路。華爾街最多人有錢人，奧巴馬要向富人開刀，有錢人當然反感，上週股市下跌時，已有傳聞話部份原因是奧巴馬暗示要向富人徵稅，令華爾街不滿，所以沽貨抗議，如今若奧巴馬把加稅的方案提上議事日程，預料反嚮更大。

前聯儲局主席格林斯潘早前話，在經濟動蕩時刻，政府應全力穩住銀行體系，不宜進行大改革，雖然格老並無說明他所講的改革是甚麼，但明眼人都看到他不止講金融業改革，還暗指稅制改革。

可以預計，奧巴馬提出加稅削赤大計，阻力不低，短期對股市不利，但若能成事，長遠有助美國經濟重上較健康的軌道，有助穩定美元的匯價。

陸羽仁

http://www.hkheadline.com/blog/r ... rd=&searchtype=

Mr.Business

2009/2/24 上午 10:09:36  

陸羽仁覆網友

Hero:美股跌港股唔跌，當然代表港股有人搞嘢，但美股咁弱，彈極都彈唔起，我就真係想欣賞吓大戶在港股期指結算前點玩啦。

牆頭草: 昨日港股大升，照理不利公用股，但中電又大升，可能性兩個，第一是炒吓星期三預算案有無益到電力公司的措施(去年政府津貼電費,今年無呢支歌仔唱)。

Sj:手刀口話想等招行跌買招行, 唔知佢想長揸或短炒，長揸現價仍貴，短炒又另計, 你等股價下插時走短線, 只要定好10%止蝕, 日日都可以博。

Rayray:紫金和招金不是國企，如果你想買國企要另揀對象,金價在高位,現時買金股較貴, 加上又有新瑞金上市，同業被炒起, 要買都係等吓先啦。

SpadeAce:細樓換大樓,都可以等樓市跌深啲,先沽後買,沽時定長少少例如三個月成交期就得。