【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——走勢樣衰鬼佬沽
2007年10月23日

美股大跌拖累恒指低開1,128點，一舉跌穿28,980點的十天線，上午一度反彈上28,761點，升番上接近十天線的水平，但下午借內地股市下跌再插，跌到1000點，尾市再插低，收報28373點，跌1,092點。國指低見18,645點，收報18,808點，跌914點，大市成交1,626億元；期指收報28,181，跌1,123點，比現貨低水192點，成交77,317張。

昨日散戶基本上買貨多，不少人出來撈纒紅色股，大市跌幅一度收窄到700點，更吸引了一批期指即日鮮博反彈，但下午再回落，即日鮮炒反彈者即刻俾人摑一巴，好多在4點現貨收市後平好倉打靶，所以尾市跌勢轉急鰦。

若論走勢昨日認真唔靚仔，一舉穿28,980點的恒指十天線，而即日反彈又守唔番在十天線樓上，這個支持位輕易失守，睇圖下一個大位50日線是26496點，如果走勢向下，小心還有水位要調整。

期指低水唯望北水

中環茶友話，圖表只可參考，如今似乎是北水和鬼佬的角力，昨日上午大陸銀行股一度倒升，似有大陸錢入貨，但鬼佬盤卻是沽貨多，他們入貨價低，止賺還有好深水位。而最值得注意的是期指成日都低水，好多時低水低成150點，反映沽貨者付溢價都要急住沽，期指低水一多，就拖住現貨向下，期指低水鰦成日，成交鰦7 萬幾張，小心外資大戶反水做了淡。

外圍股市還是向淡居多，美股無情情大跌，似乎是造低美股挾聯儲局主席伯南克減息，有熟悉美股情況的大戶話，正路睇伯南克無理由再減息，因為美元已經咁弱，再減息唔係幾掂。

不過美資大行又的確好需要再減息，幾間大行深受次按打擊，尚未復元，唯有幾間大行夾出750億美元搞個基金，自己買自己的次按資產，又俾前聯儲局主席格林斯潘話佢地咁搞扭曲市場，幾間大行頗有點死頂的味道，所以在月底美國議息前，都無人想美股升矣。

外圍利淡，港股要頂住唔跌，唯有靠北水，但昨日大陸股都唔係咁靚仔。上海綜指報收5667點，跌150.7點或2.6%。中共十七大開完，股市又開始怕有宏調招數出場，所以先沽為敬。後來若內地股市都無力上，就唔好對北水期望過高，因為北方來客主要炒A股H股差價，A股腳軟，H股都無咁好炒，所以绩緊鱓A 股走勢，對港股有啟示。

陸羽仁的投資忠告是若在近30000點高位追了貨，跌到一成止蝕位唯有斬纜，炒股無得死守，在月底美國議息前股市風高浪急，唔守紀律代價可以好大。

逆勢股可留意

跌市要留意逆勢股，若然大跌市唔跌甚至威到要升的股票，主要指大價股，到大市跌定或反彈時就有較好表現，首先要看的是超巨股中石油（857）[股價及相關新聞] ，回歸A股下月5日啟動，昨日一度上升，後來跌0.7％，收18.78元，跌定之後，中石油後市要留意。藍籌股之中只有港交所（388）[股價及相關新聞] 逆市升0.08％，收252.8元，成交大增對港交所有利，成為跌市奇葩。

一眾內房股不少亦有表現，市場傳聞中國證監會暫停受理內地房產股上市的申請與審批，消息刺激近期剛上車的半新股造好，方興地產（817）[股價及相關新聞] 傳獲最終控股公司之一中遠集團注入一批內地物業項目，一度創4.96元新高，收4.64元，逆市升6.67%。奧園（3883）[股價及相關新聞] 用1.58億元人民幣購瀋陽地皮，股價漲2.6%；傳遠洋地產（3377）[股價及相關新聞] 夥拍太古地產開展北京項目，涉20億人民幣，股價反覆無起跌； 其他內房股個別發展，華潤置地（1109）[股價及相關新聞] 、瑞房（0272）[股價及相關新聞] 升1.24%及0.42%；碧桂園（2007）[股價及相關新聞] 無起跌；中海外（0688）[股價及相關新聞] 、雅居樂（3383）[股價及相關新聞] 及富力（2777）[股價及相關新聞] 跌2.17%至6.9%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

香港不需要建賭場
2007年10月23日

全亞洲最大、澳門首個綜合式賭場項目威尼斯人度假村早前揭幕了，令我想去走走，看看究竟它有多「巴閉」。大家都說它大得誇張，究竟有多大？看一看資料，發現了一些有趣數字，全個度假村佔地相當於五十六個標準足球場，可容納一百架747-400客機。裏面的人工建造湖泊，佔地二萬三千多平方米，相當於十個奧運會泳池……

澳門的吸引力有增無減。朋友剛去了杭州旅行，他回程過關時，看見了一個有趣的畫面。杭州海關關卡分了兩部份，一部份是去香港，另一部份是去澳門的，後者關卡的數目比前者多，但去澳門每條隊仍比去香港的長，去香港的人數十隻手指數完，而去澳門的每條隊都人頭湧湧，可以看見內地人對賭是多麼熱衷。

還記得大概一年前有報章的頭條新聞，標題為「澳門人真幸福！」來形容澳門賭權開放後社會欣欣向榮的景象，當時部份議員眼見澳門優勢盡顯，公開要求政府考慮在大嶼山建賭場，指賭場可吸引遊客和創造就業機會，但政府不為所動。

股市已變大賭場

時至今日，隨覑北水南調政策逐漸落實，資金湧入香港股市，令一個原本以集資為主要目的的市場，炒風熾熱，有人更說，投資與投機已分不清。

不少朋友都說股市已變了一個賭場，我是同意的，太多海外對沖基金在本地「搵食」，他們追求的是短時間回報，跟本地老一輩傳統投資者不同，他們對香港的企業可能是沒有感情的，從來都沒有想過與企業一起長大，分享企業長遠的成果。

另外，近日窩輪熾熱，由數周前佔每天成交額的二成，激增至上周的三成多，不少「玩窩輪」者都是年輕人，筆者不少朋友愛玩，他們表示，買正股如中移動，一手要幾萬元，但買窩輪就數千元有交易，可以博取高回報，但這完全是誤解，因為股票下跌仍可長「獱」，但窩輪買錯方就會血本無歸。

有朋友甚至以為窩輪才是正股的上升的驅動力。在矯正這種風氣之前，香港這個大賭場仍然會存在，又何來需要澳門的賭場呢？

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——北佬與師奶食正deep v市
2007年10月24日

美股回穩，港股大力升彈，恒指高開353點後升幅擴大，下午高見29,419點，收報29,376點，升1,003點；國指升828點，收報19,636 點，大市成交1,357億元；期指由低水變高水，收報29,481點，升1,300點，比現貨高水105點，成交70,854張。

中國股市昨日由跌轉升，滬綜指全日收報57753點，漲1.9%，深成指報18611點，漲1.2%，兩市成交額共計1,560億人民幣，大市由銀行股帶動，看來內地股市在十七大完結後，繼續維持小步向前格局。

大市焦點繼續係中資股，下周公布業績的交行（3328）[股價及相關新聞] 突抽升19%創上市新高；招行（3968）[股價及相關新聞] 9個月淨利潤99.7億人民幣升1.28倍，漲3.7%，內房股方面，中證監否認停批內房股上市，但近月已「趕上車」的半新股各自爭鳴，傳遠洋地產（3377）[股價及相關新聞] 夥拍太古地產拓展北京項目涉資20億人民幣，股價抽高9%見新高。

反彈升突 學足A股

今個星期剛過了兩個交易日，但好友淡友已各自各精采，中環茶友形容，今次北佬與紅毛合演出一場「中國式deep v」，真係令人歎為觀止，前恒指借住美股回落，急跌一千點，但昨日升番突有餘，此種技法，乃典型北佬炒法，君不見今年上半年，每次內地A股出現突發性因素，例如阿爺宏調或冷卻股市，A股都係急跌一、兩日，然後急升創新高咩，現在大陸股民只不過把呢個炒法搬到鈬香港玩鎹。

茶客話，呢次deep v，相信北佬先贏一陣，本地師奶散戶，粗膽膽見跌就買，雖然細細注贏得唔多，但都有得執，輸錢的應該係紅毛外資。從期指低水變高水睇，好多外資都措手不及，包括好多輪商莊家，都有份輸錢。

星期一外資推低個市，昨日開市好快就急升，茶客老友話，個市升得咁急，好多窩輪發行商根本趕唔切買入現貨對沖，就算想係期權市場對沖，溢價亦升得太快太急，令到輪商局住輸錢。

齊齊入市博大霧

紅毛外資雖然輸錢，不過，這班過江大鱷底子好厚，他們由低位買起，本來想係高位食胡，然後開過下鋪，但現在見沽唔低個市，不排除他們會反手造好兼買突，反正他們手頭有大把平貨做本錢，反手將個市再推高，隨時有條件贏番轉頭，所以見到港元個勢強成咁，證明大家都抱住繼續博大霧的心態。

港股昨日強勢反彈，主要借美股杜指回升44點，華爾街跌後企穩，主要是估蘋果電腦業績會好及受貝爾斯登在大陸投資刺激所致。不過美股在大跌360多點之後，只反彈44點，反彈唔夠有力，怕佢彈完要再尋底，要壓住到月底聯儲局議息日，港股是否咁樣，則是另一回事，投資者面對咁樣市況，與其講長期部署，反如講短期反應，總之以炒短線作為長線策略，集中火力玩其晴天收割，雨天購物的遊戲，對象無謂諗咁多，總之係有A、H關連概念的股法，好似中移動等就優先。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——股神拒坐「嫦娥號」
2007年10月25日

恒生指數在三萬點關口前，出現了「股神效應」，由於「亞洲股神」李兆基話過，在三萬點樓上，會適量減持部份非核心投資，所以當大市每次衝了過關，都遇到強大的獲利回吐沽盤，恒指上升昨日高見29,997點後回落，只差三點就到李四叔食胡位，但跟住就升幅收窄，下午跌至29,333點收市，倒跌43點；國指倒跌49點，收報19,587點，大市成交1,611億元；期指收報29,388，跌93點，比現貨高水55點，證明股市好多老兵，個個一到攻關衝鋒就縮埋，未知李四叔昨日有無趁大市仲差幾點到三萬點時沽一沽貨，實行晴天食胡呢？

近日大市無論升跌，都係好炒個別，回落多時的內房股終於發力，中型內房股中渝置地（1224）[股價及相關新聞] 漲7.5%，申請發A股待批的內房股抽高，富力地產（2777）[股價及相關新聞] 、首創置業（2868）[股價及相關新聞] 成都組合營，都升逾5%。

講開股神效應，不能不提美國的股神巴菲特，雖然他有番咁上下年紀，都不辭勞苦跑到中國大連考察，他到後對記者話，自己的投資旗艦巴郡正尋求在全球購買大型企業，但他懷疑在中國能否找到不錯的目標，因為目前中國市場過熱，又話早前悉數沽出中石油股份，有人認為這次出售是基於中石油集團與蘇丹的密切關係，但巴菲特稱，出售中石油股權完全是基於估值作出的決策。

係人都話有泡沫

在此之前，股神曾經派人睇過國壽（2628）[股價及相關新聞] ，所以市場一直傳言他有意入股壽仔，今次他到中國之行，順便澄清了他有意持股中國人壽的傳言，巴菲特每次投資都係想食大茶飯，一向要買得比人平，壽仔自上市後股價升個不停，相信股神老早已經打消了入股念頭，所以他的澄清，股民不會感到意外，不過，這番話亦好明顯話俾大家知，現在壽仔或其他國企巨股，都已經過了食大茶飯的時候。

股神話中國股市好大個泡沫，呢點好多老散都早有共識，問題係個泡幾時爆鎹？中環茶客話，股神乃係傳統價值投資者，仲係要買到平一平鰟隻，好似買中石油，入貨價同沽貨價相比，要差成十倍，有人笑他愈沽愈高，賣得平鰦，但不要忘記他手頭有幾百億貨，若然不是在大牛市中，試問點樣可以沽貨甩身？過去巴菲特買股，都唔諗住賺快錢，套現問題未必係買貨時最重要的考慮，但中石油升勢實在太勁，搞到賺慣九大簋的股神，都要食快餐，所以你笑他沽得早，但他覺得賺到笑，早就已經心滿意足。

炒股要戴定降落傘

股神食完超級快餐，並無乘勝追擊，反而嫌貴話現在國企無隻買得落。中環茶友話，若然股神無興趣入貨，何必千里迢迢跑來中國，他現在公開講出來，意思係大陸想他幫襯，除非再有筍盤益他，否則他唔見上船，他咁做其實亦好易理解，因為股神隻巴邵，入親貨都講緊幾多百億，仲要係美金，咁鮋噸位即係超級航空母艦，當然唔係個個碼頭都泊得，現在中港的大型國企，隻隻都變鰦「嫦娥二號」，全部升到「ban ban」聲，隻隻都升到咁高，股神噸位咁重，係呢個時候塞入「逼迫夾」的太空艙，若然有事實走唔到出鈬格，所以如果大陸唔肯醒個特別筍盤給他，你叫股神又點賣先？

茶友話，股神之備受股民崇拜，不是因為他炒股叻，而是因為他睇大方向叻，不過時間性就麻麻地，二千年睇淡科網股早鰦一年，跟住睇淡美金仲早鰦成兩年，結果要損手平倉，不過他睇股時間性好鱓，按往績股神通常睇市走早三個月至一年，依家他拒坐「嫦娥號」，股民炒股自然要戴定降落傘啦！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——儲局放水浸到香江
2007年10月26日

港股現在日日幾百點波幅，昨日高開326點後，一度倒跌20點，收市前恒指重拾升勢，全日收報29,854點，升521點；國指倒跌36點，收報19,551點，大市成交1,652億元。期指報29,860，升472點，比現貨高水6點，成交99,584張。

港股昨日開市上升，但跟住回落，經紀張打電話來問點睇，話個市咁樣回法，驚唔驚會跌得深鱓？陸羽仁當時睇法係，港股本來都係想升，因為內地A股調整得幾急，先夾硬將港股扯番低，如果睇跌市中新地（016）[股價及相關新聞] 、恒地（012）[股價及相關新聞] 幾隻本地藍籌地產股上升，相信已經開始偷步炒月底美國減息，睇鈬好淡兩股力量仍然未分勝負，暫時睇唔到個市會大跌。

果然，去到下午內地股市收市，少了一個牽扯力量後，港股開始發力上升，最終升了五百幾點收市，不過，要賺到錢除了要在低位識得趁「毛毛雨」購物外，仲要揀得中上升的股份，又或者炒指數衍生產品，否則就學內地現在流行的講法，贏了指數贏不了錢。

中石油凍資效應勁

內地股市昨日跌得幾急，滬綜指全日收報5562點，大跌4.8%，深成指則報18175點，大跌3%，兩市成交額共計1,838億元人民幣，各類股份以煤炭石油板塊最傷，部份股份跌到停板。表面睇，跌市係國家統計局公佈，今年三季度主要經濟指標，GDP增長保持在11%樓上，市場預期宏調力度將加大。不過，從地產股仍然企得幾穩睇，呢個解釋較為表面，中環茶友估計，真正原因應該是中石油展開上市過程居多，呢隻超級巨股在內地股民眼中人見人愛，大家「閘」定大水等認購，抽走了市內大批資金，造成股市動力不繼。

中石油（857）[股價及相關新聞] 發A股掀起另一輪新股熱，茶友話返內地坐計程車，司機講起呢隻股票，都話要「閘」番一、兩百萬銀鈬認購，現在好多計程車司機都是股市清兵，一個司機咁講，相信已經有一百個司機付諸行動，中石油上市的凍資效應，可想而知幾厲害，所以茶友話內地股民驚中央加息係假，好衝動去搶新股至係真，昨日就有網民問中石油管理，上市後中石油A股會唔會炒上50元，足見內地股民依然好心雄，根本無驚過宏調，如果呢個分析無錯，當招股完成，內地股市好可能又癲過。

昨日個市能夠倒升五百幾點收市，主要係靠地產股帶動，市值最大的地產股新地，可以一日升11.5元，單日進帳300億元，以一隻3500億市值的股份，若果以前咁樣郁法，肯定睇到人眼都定，但現在唔講幾千億的公司，就算係萬億巨企，閒閒懐一日都可以有8至10%上落，所以新地一日升11.5元，都唔值得大驚小怪，要留意的，係新地股價在「817」事件後，由八十多元起步，差不多升了八成，表現唔差過好多強勢中資股。

暗藏大鑊要搶救

藍籌地產股造好，好明顯係偷步炒美國減息，前晚美國証券公司公佈業績，蝕到阿媽都唔認得，美股應聲倒地，市場即時傳話美國唔等到聯邦儲備局開會，搶先減住聯邦基金利率頂一頂先，因為有這個消息，所以美股臨尾先至穩番。

上個月聯儲局大手減息半厘，美股「℻℻」聲扯上萬四點創新高，好多人話伯南克可能減錯息，但後來美資大行提出話自己搞個超級基金來買起按揭產品，咁搞法根本係金融上的近親繁殖，極不健康，但監管當局至今無表示異議，有熟悉美國金融情況的人話，呢個建議雖然未惹起太多人關注，但醒目者都知梗係暗藏大鑊，政府先至默許大行打茅波啦，照呢個牌理出牌，美國下個星期減息機會高唱入雲，所以美金低處未算低，油價高處未算高，香港雖然未必即時跟住減息，但地產股已經受惠於通脹上升帶來的心理刺激。

個別細股郁郁貢

另外，細價股昨日亦再現炒作，當中金匡（286）[股價及相關新聞] 大升62.89%、卓施金網（8063）[股價及相關新聞] 亦急漲59.15%、必美宜（379）[股價及相關新聞] 及漢基（412）[股價及相關新聞] 亦上揚逾35%，看來，有部份莊家已開始部署新一輪的炒作，續現「輪流炒」的局面。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——癲牛市食大陸水尾
2007年10月29日

上周五恒指掃上30,000點，盡殺一眾淡友，不少中環茶友在股海打滾20年、30年，都認為這是30年不遇的癲牛市，過去香港從未見過股市咁癲，可以用這樣急的速度上升，同時維持這麼長的升市而不大幅調整。

內地資金湧港，是香港急升市的根源，陸羽仁剛在內地走了一轉，了解一下內地究竟搞邊科，同大家報報料。上海證券綜合指數上周五略反彈，收報5,589點，上證綜指早前衝6,000點後回落，目前還在整固中，走勢軟軟懐。

內地股市在6,000點大關前轁氣，因素眾多，第一個因素是和中石油（857）[股價及相關新聞] 上A股有關，中石油A股在下月5日上市，如今在內地認購熱爆錶，早前神華上A股後曾一度升近2倍，更抬高內地股民的期望。記得上月中石油申請發A股剛獲中國證監會批准時，中石油總經理蔣潔敏曾表示，中石油A股的發行價要「物美價廉」，但其後中石油H股愈抽愈高，令A股發行價的預估一路抽升，內地估計A股發行價要在20元人民幣以上。其後中石油宣佈A股發行價由15元至16.7元之間，明顯低於H股當時近20元的現價。中石油A股價定得低於市場預期，主要為實踐那個「物美價廉」的承諾，亦由於中石油A股定價較低，亦拖住中石油H股的股價回吐。

新股、期指 壓抑A股

不過內地證券界估計，中石油A股一上，隨時就升過30元，一開波就升一倍以上，所以中石油A股訂價訂得克己，只是益纒內地股民的舉動，不等如中石油A股無得炒。

有中石油A股這種筍盤，內地股民就力沽其他股票，籌集資金去認購中石油，由於這架抽水機吸力太勁，搞到內地股市近日都有壓力。

拖住內地股市的第二個因素是大陸的股指期貨（等如香港的期指）快將出台。大陸期指一早就話推出，但結果就一拖再拖，而家話下個月出，唔知最後出唔出得成。但內地人當正佢會在十一月出籠，引頸以待。

從外界的角度看，內地股市現在無期指又無得借貨沽空，只能買升不能買跌，所以炒得咁喪，到內地期指出籠後，有得買跌，恐怕會對內地股市有壓力。不過內地散戶不是這樣看，他們十分期待期指來臨，認為期指是一種大炒作的工具，期指推出之日，就是股市大炒之時。在期指推出前，股民陰陰手沽纒貨，儲定鱓現金，等期指出台時大炒一場，也令股市有些沽壓。

樓價急升 元老不滿

第三個拖住A股的因素是內地樓市。內地樓市升得好癲，股民怕政府出重招打壓。內地政界有一個傳聞，話中央高層對溫總處理經濟有少少微言，最後搵鰦元老江澤民和溫總談心，老江主要提到通脹和樓市、肉蛋價格急升，影響民生，動搖管治基礎，老人家自然擔心。另外樓市急升，年輕人置業困難，也衍生不少怨氣。老人家對溫總談到這兩個問題，溫總自然收到，應該會採取行動。十七大之後，李克強出任政治局常委，接替已去世的黃菊出任常務副總理，成為溫總的重要左右手，要推出強硬政策都有人可以操盤。如今通脹初步受控，但樓價仍然失控，政界預料將有嚴厲的調控樓市政策出台。

其實觀察股市已看到瞄頭，內地房產龍頭股近期走勢頗差，香港的內房股在股市急升時仍然腳軟，反映了投資者對打壓樓市的憂慮，香港股民投資內房股市亦要小心。

就是這幾大因素的壓力，內地股市就在6,000點前盤整，看來要幾大因素明朗化之後，才有新局面。首先是中石油A股下月5日上市後，已會釋放部份資金出來；未知股指期貨是否真是在十一月推出，若果真正出台，恐怕內地股市即使要避開房地產股，還是要先炒一炒。

A股窒步 北水南流

內地股市早前走上高位後窒住，由大半年前雞犬皆升，到後期好多時升大股唔升細股，由散戶市變成基金市，到基金股都炒唔上之後，壓住壓住，變相造就北水南流。內地興業銀行估計，未來兩個月有8家銀行的QDII（合資格境內投資者機制）產品面世，規模有2,800億人民幣，當中相信有不少南流買港股。

中環茶友話，港股直通車未到，QDII已先行開局，不要少看QDII的影響，表面看港股每天過千億成交，2,800億的QDII產品可能只有1,000多億買港股，但QDII這種基金盤，會極度集中買大股，特別是紅色巨股，例如中石油、中移動（941）[股價及相關新聞] 、國壽（2628）[股價及相關新聞] 這些大股，當買盤集中在少數股份時，推動力會十分之大，再加上有不少偷渡北水在內地股市較靜時，又會流港跟風炒一轉，便有更大的槓桿效應。

茶友話，單靠香港內部資金唔夠力炒到港股咁癲，外資炒港股亦會有節奏咁升，唔會咁喪升，香港如今股市咁升法，主要係內地資金炒起，香港正在食內地股市水尾，但內地錢太多，香港食水尾已經食得好高興，在這種完全由資金驅動的股市，你要睇基本因素，要計數，無乜股份買唔落手，就會錯過升浪。但你太唔冷靜，見股票升就狂買，愈買愈大，只怕最後一跌到來時會中重招。

面對這種前所未見的癲市，陸羽仁建議的策略是「限注陪癲」。「投資的我」已經沒有太多好對象，主要認纒新股就算；但「投機的我」就可以陪這個癲牛市癲纒，關鍵是要限注。假設你有十份資金，看看自己能承受的風險胃納，決定拿多少出來癲炒，假設你?十分三資金來「陪癲」，跟大市炒，如今興乜就炒乜，但要記住，話得叫做癲，未諗住贏幾多，先諗輸多少，炒正股要預鰦可能輸一半，炒窩輪要預鰦輸晒。

壓力測試 不能不做

你可能會問，點解要預輸咁多？我叫大家落得場炒，就要預鰦最壞的情況出現，一般而言，跌市未必一日跌晒，仲有機會俾你止蝕，但真係大跌市到來時，可以一日跌兩三成，甚至跌一半，即係話最壞情況係出現股災，一起身開市股市就跌鰦50%，賭正股即刻唔見一半，賭窩輪可以變零，以目前的市況，這種股災出現的機會唔大，大約10％機會吧，但萬一這10%機會出現時，你要接受到至好去玩。

其實我係教大家一種好高檔的方法，就係基金做的「壓力測試」，基金經理要估計基金投資組合遇上最壞情況時，頂唔頂得順，頂得順就可以玩下去，通過唔到壓力測試，就要降低風險，可能要增持現金，或者轉移部份投資去低風險的產品，以降低組合整體的風險。你也要做一測試，看看自己能承受多大風險。如你是一個全數買認購輪的組合，大跌市時組合會變成零，你覺得可以接受，就可以繼續投機下去；但如果你鱓錢全部借番來，又或者等住半年後?錢去結婚，就唔好博到咁盡，要留一手矣。

在大量北水湧來時，港股瘋漲，賺錢容易，這是最好的時候，也是最壞的時候。何解是最好？你睇最樂觀的股神李四叔，也不斷調高港股的預測，由23,000點變25,000點，由25,000點變30,000點，最新估計是由明年初農曆年見30,000點，變成聖誕後可見33,000點，在這些癲牛市，你鲻身去賭，身家隨時成倍成倍咁升。這也是最壞的時候，因為股市升得太癲時，就有爆煲的壓力，無人知佢會在那一個位會爆。股可以炒，咁鮋升市，若一股都唔炒，的確是有枉此生，但記住「限注陪癲」，唔好借到盡去炒股也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——狂夾地產大抽升
2007年10月30日

在期指結算日前夕，港股昨日再大幅夾上，恒指高開581點後，好多炒即日鮮的散戶以為大市會回吐之際，怎料下午升幅急促擴大，進一步大升至31,604點歷史新高，收報31,586點，大漲1,181點。現貨收市後期指再升，收報31,772點，大升1,382點，比現貨高水186點，成交85,429 張。國企指數亦升646點，報20,194點，大市成交1,776億元。

一向樂觀的李四叔星期六的授勳活動上，還在估聖誕後恒指見33,000點，怎知昨天已升到31,600點，距離33,000點都唔係咁遙遠。上月結算時恒指仍然係27,000點，無乜人估到期指今個月會係這種水位結算。昨日幾個中環茶友傾起，上月結算時不少人話怕10月有股災，當時已經有人唱反調，話人人驚股災，一定災唔成，但估唔到升到咁，昨日中環茶友話，如果月頭沽鰦期指，如今起碼輸5,000點，這個月係淡友的股災月至真。

十月係淡友股災月

大市輪流炒味道明顯，呢一期到本地地產股發威，美國在月底議息，各方估計減息四分一厘無走雞，所以一眾利息敏感的地產股，就提前去炒了。藍燈籠股升得亮麗，未夠百元股亦大幅炒上，藍籌中升幅最大係太古A（019）[股價及相關新聞] ，升13.5%收115元，單係佢已帶動恒指升61點，好耐無咁威過。九倉（004）[股價及相關新聞] 亦升8%，收報46.85元。另外長實（001）[股價及相關新聞] 升8.9%收報158.5元，新地（016）[股價及相關新聞] 升4.2%收159.9元，恒基（012）[股價及相關新聞] 升5.2%收68.25元，地產股隻隻有景。和黃（013）[股價及相關新聞] 亦發威，升8.4%，收98.4元。中環茶友話，鬼佬炒股過100元關後會衝一衝，太古A一過百元關就急升，唔知和黃有無後勁。

相比之下，紅色股雖然有升，但風頭卻被少有地被地產一族蓋過，好似中移動（941）[股價及相關新聞] 只升3.1%，中石油（857）[股價及相關新聞] 升3.2%，細少少的中海油（883）[股價及相關新聞] 借住油價升得多鱓，升9%。

結構產品起勢推

「六行」中，交行（3328）[股價及相關新聞] 和建行（939）[股價及相關新聞] 勁少少，交行獲礇豐（005）[股價及相關新聞] 增持至19.15%，股價破頂漲10.6%；建行3個月純利達228億人民幣，漲6.4%。

早前一直講話北水掃港股，但昨日見藍色地產股升得仲勁，例如太古A，就唔似北水買貨。中環茶友估計，外資大戶沽唔落反手造上，大力掃貨，而且一浸浸唔理組別咁炒，今轉炒到地產股炒減息，咁樣手法有外資手影，看來他們仍然係好倉底，借住北水的身影，大力推高搵食。

大市咁升法，升到禾雀亂飛的局面，亦造就大量結構產品出籠，好多是和股票掛鹇的結構票據，例如和太古A及港交所等幾隻股票掛鹇，跌到85%要接貨，可以收 30幾厘息。這些產品大量推出，皆因有需求，好多有米之人早前已經沽清貨，見到股市起勢升，心理唔平衡，這些結構產品剛好可以平衡心理，因為跌到接貨價時，就係佢出貨價之下，佢地願意買番，如果唔到價買唔，又可以收番30幾厘息頂一頂。問題是他們早前沽了貨，而家又變番差不多價錢接貨無問題，證明股市一抽，就可以改變人的觀念也。

內地終落實推出四招樓市宏調措施，呆滯多時內房股出現反彈，富力地產（2777）[股價及相關新聞] 、雅居樂（3383）[股價及相關新聞] 、中海外（688）[股價及相關新聞] 、華潤置地（1109）[股價及相關新聞] 及碧桂園（2007）[股價及相關新聞] ，上漲0.98%至5.6%；內房股反彈也許未完，仲有得彈纒，只怕宏調措施亦未完，小心還有下集。

另外，港股向好，藍籌也襯高配股。近期股價向好的新地，昨日傳出配股的消息。傳聞指新地計劃以150.2至153.5元，配售7250萬股股份，最多集資 111.3億元。在近期的配股活動中，多家公司在完成交易後，股價仍然飆升，新地近期受惠多項因素，投資者也不宜看淡。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

股神看好 可考慮南韓ETF？
2007年10月30日

港股衝破了三萬點關口了，後市會不會更加危險？其實現在我們不是要看恒指有多高，而是看它離合理價值有多遠。從估值來看，很多股價已過高。在資金充裕的情況下，我們愈來愈樂觀，允許股價跑在估值之上。用個比喻，這就像主人拉覑狗仔行街，當狗仔興奮的時候，主人便讓牠跑在前面；當牠生病時，便讓牠跟在主人後面。現在的問題是，看主人手裏的繩子有多長，狗仔可以跑多遠。當狗仔跑得過遠時，主人就會把牠拉回身邊。如果說繩子代表估值與股價之間的距離，可想而已，繩子愈長，風險愈大。

在剛過去的周末，筆者返回上海老家一趟，跟朋友晚餐時，除了談談如何分辨陽澄湖大閘蟹的真偽之外，話題總離不開股票。但這一次發現了一個不同的地方，就是 H股的話題比A股更多。在坐的有兩位是內地的私募基金經理，聽到其中一個管理的金額已是全中國第六大，有幸與這麼有份量的人吃飯，當然希望可以偷多一點師。

言語間，可以發現內地基金經理與香港基金經理看股票的不同方式。內地人長期活在平均市盈率四十倍之中，A股市場熱炒的股票超過一百倍市盈率一點也不出奇。故他們常說香港投資者很幸福，可以在港股市場以那麼便宜的價錢去買各行各業的優質國企，如果國內的錢可以正式過來投資港股，那有不買的道理？

聽完他這番說話，感覺是挺奇怪的，當香港人畏高，不敢買貨的時候，內地人竟在嘆息他們還不能買港股。究竟是活在香港的我們沒有看清楚中國實際的國情，還是內地人缺乏風險意識，似乎只有歷史才可見證誰對誰錯。

除了港股，不知道大家有沒有想過直接投資其他國家的單一股票？為甚麼我會突然那麼有興趣？因為近日留意到股神巴菲特說了一些值得參考的說話，就是他在大連訪問時，他說他覺得韓國股市仍是偏低及非常看好韓國的一間鋼鐵製造商。在我記憶中，巴菲特很少公開點名稱讚一家公司的，中石油（857）[股價及相關新聞] 都是因為他買過了百分之五才需要披露。故有興趣的朋友可以考慮一下，如大家覺得投資韓國單一股票風險太高的話，都可以考慮領先韓國ETF（2813）[股價及相關新聞] 。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——反手造好食落尾
2007年10月31日

昨日期指結算日，恒指早段受新地（016）[股價及相關新聞] 批股消息拖累，開市下跌225點，不過上午11點後已收復失地，其後一度回升至31,958點高位，再創歷史新高，不過午市升幅又收窄，收報31,638 點，仍升51點；現貨月期指以31,737點結算，11月期指收報31,570點，跌209點，比現貨低水68點，成交71,107張。國指升206點，報20,400點，大市成交1,850億元；

期指市場見到大戶手影，全日力頂即月期指，新地在上午停牌，下午復牌急挫，本應拖住指數下跌，但跌了無耐期指又扯番上去，即月期指買盤湧現，頂住大市，頂得幾頂大市就定番晒。

陸羽仁和中環茶友有此分析，呢個月大市從上月期指結算日收市的26976點，升到呢個月以31737點結算，狂升4761點，好友大獲全勝，淡友輸到失暈，不過中間亦幾轉折，大市在本月18日探高位升近30000點後急回，22日曾經插低見過28160點，當日期指全日大低水百幾點，但大市有點沽不下去的感覺，沽來沽去都沽不穿28000點。中環茶友話，當時不少外資大戶大手沽貨，但亦有懷疑北水不斷接貨，短兵相接。

結算日出力狂頂

大市沽不下去後，最後幾日喘定即挾升，仲要升鱓北水不喜歡買的地產股，就看到最後大力挾上的不是北水。中環茶友估計，外資大戶好厲害，本來大市去到近 30000點，他們在20000點頭建倉，都有8000點、9000點水位，可以食胡沽貨走一轉，不過既然買盤不絕，沽唔落去，就反手造好，做夠本月和下月期指好倉後，就大幅夾上，上星期五和本星期一兩個交易日就夾升了1900點，夾到阿媽都唔認得，而且力頂到結算日，這個月先食一轉。

基金焗住反手獱

經紀張有個大散戶是炒期指專家，充滿大戶本色，也是在22日沽貨，但第二日見個市唔跌就反手造好，其後股市喪升，這個客結果賺番突。

結算完之後，期指自由浮動，軟番鱓唔係好奇，到美國減息後，好消息兌現，大市再有回吐壓力，不過小心回吐完又炒上，因為無論散戶或基金，好多在30000萬前沽鰦大部份貨，欲沽無從，期指大戶隨時再炒上，侷到無貨者要入市接貴貨。

你睇新地（016）[股價及相關新聞] 批股已出現迫基金接貨的現象，中環茶友話，新地高位批股，接貨者不是炒家，絕大部份是機構投資者，好多基金一早沽鰦，港股失控上升，基金手上貨少，唯有高價接貨，以免跑輸大市。新地前收159.9元，昨午一復牌就跌足10元，插穿批股價，結果彈番少少，收150.5元，跌幅5.88％；新地批股連累一眾地產股下跌，長實（001）[股價及相關新聞] 、新世界（017）[股價及相關新聞] 及信置（083）[股價及相關新聞] 下滑2.6%至3.1%不等；恒隆地產（101）[股價及相關新聞] 股東配股套現，亦下滑3.45%；地產股中較強勢的有恆地（012）[股價及相關新聞] ，則一度倒升創71元新高，收69.7元升2.1%。

若論基本因素，如今反映了六六七七，地產股炒減息，內地銀行股炒業績，昨日亦有少少表現，一般走勢向好，建行（939）[股價及相關新聞] 3個月淨利潤達228億人民幣，股價再漲6.3%，收8.79元創新高；交行（3328）[股價及相關新聞] 獲礇豐增持至19.2%，股價創14.92元新高後，升幅收窄至1.6%。減息期近，美元亦跌得差唔多，慎防公佈減息後美元彈一彈，商品股和金屬股借勢回吐。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——皇牌分析員唱淡要睇睇
2007年11月1日

美國昨晚議息，見報時應有結果，港股在議息前回吐，恒指低開107點後反覆向下，跌幅一度擴大至478點，下午炒上落，收報31,352點，跌286點；國指下跌318點，報20,082點。期指收報31,268點，跌302點，比現貨低水84點，成交55,131張。

期指結算日如大隻佬打交，打完交後各方勢力要轁轁，股市遊纒自由式，在議息前夕回吐，不過跌下來亦有鱓盤追纒貨，特別係業績好的紅色股更受追捧。

資金持續流入，搞到金管局又要入市沽港元，增加港元供應，以免過份推高銀行同業拆息。牌面睇資金持續流入，照計阿里巴巴剛完成招股，暫時無巨型股上市，流入資金並不是認新股的錢，外來錢一係外國基金錢開始回流，一係就係大陸水出口轉內銷，後市仍是資金主導。

大摩通常唱早鰦

瑞銀皇牌分析員陸東昨日出報告，話港股位高世危，佢話維持明年港股28,000點的目標，話港股要調整升幅的三分一，有3,000點至4,000點下調空間。

東哥話最近連一眾落後的大藍籌都升埋，港股兩個月升了60%，都好難搵到絕對或相對便宜的股份，他認為從市盈率、市帳率或息率計，港股都係貴，雖然有人會話這次不同，有內地放QDII錢來香港。但東哥都認為現價嚴重超過基本因素，市場比較脆弱。

東哥本來睇今年目標23,000點，近日一度講過明年28,000點和非常樂觀可到35,000點的估計，不過今次帶頭唱淡，大家要睇睇。按過去經驗，大摩唱啖通常快鰦少少，東哥睇時間準鱓，去年10月大摩夏朗先唱淡，但大市升到今年1月，東哥才走出來唱調整，結果2月開始跌。早排大摩夏朗唱淡，飱鰦兩日，大市跌一跌又抽上，今次終於輪到東哥出來唱啦，皇牌分析員唱淡、減息好消息出貨，短期都有少少壓力。

有中環茶友形容，港股好似一劑一劑類固醇咁打落去，谷佢高位，特別係紅色股更升到阿媽都唔認得，最新一劑類固醇係公佈第三季業績，內地報章報道上海和深圳兩個股市1,511家上市公司前三季度純利5,623億元（人民幣，下同），按年增長64%。

有66家上市公司前三季度淨利潤超過10億元，在純利榜排行前10位中，共有7家屬於金融保險業，全部有在港上市，其中工行（1398）[股價及相關新聞] 以633億元的淨利潤位列第一，其餘還包括建行（939）[股價及相關新聞] 、中行（3988）[股價及相關新聞] 、國壽（2628）[股價及相關新聞] 、交行（3328）[股價及相關新聞] 、平保（2318）[股價及相關新聞] 和招行（3968）[股價及相關新聞] 。

陸羽仁同中環茶友話，內地企業季度純利增長64%，速度驚人，但內地企業「投資」股票的情況極為普遍，業績有少少水份，A股飛升，企業的投資收益大增，若果將來A股回軟，國企業績會「水落石出」。國壽的第三季業績俾人彈，就因為投資收益好勁，但核心業務收益不前。

中行炒業績頂得纒

呢期中行和交行的業績較靚仔，證商對交行前景看法分歧，高盛調高交行目標價近40%至15.38港元，評級維持「買入」，因第三季度業績勝預期。高盛發表的研究報告指，交通銀行首9個月的稅後利潤146億元人民幣已達全年盈利預測的87.9%。業績理想主要由於資產和非利息收入的增長和成本控制。不過瑞信就唱反調，調低交行的投資評級，指第三季度業績強勁，惟已欠可讓人憧憬的空間。

講到股價表現，中行終於威番一次，該行公佈多賺40%，並為次按資產撥備3.21億美元，業績優於預期，股價昨日上午仲係呆呆地，但下午發力倒升 2.6%，收報5.06元，終於衝破5元大關，中行在年頭破4元後，一直在股海浮沉，在三大銀行股中算比較落後的一隻，今次終於炒番轉。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——雙邊操控 小心喪炒
2007年11月2日

美國聯儲局一如市場所料減息0.25厘，美股杜指大升137點，帶動恒指高開430點，升至31,897點，威鰦一段時間，但其後反覆回落，收報 31,492點，全日升140點。現貨收市後期指再插，收報31,285點，只升16點，比現貨低水207點，成交59,249張。國企指數亦升幅收窄，收報20,164點，升82點，大市成交1,640億元。

美國減息後美股大升，香港銀行亦跟減0.25厘，總體利好，令瑞銀陸東哥哥唱淡恒指要調整4,000點的威力，發揮不出來，昨日雖然維持升市報收，但升幅陰陰地收窄，慢慢消化了減息的利好氣氛。香港減息，利好地產行業，但地產股早前已升鰦，昨日個別發展。內地加成品油價，中石化（386）[股價及相關新聞] 大力反彈。另外沉鰦好耐的內房股亦炒一炒。

港元炒作的情況值得關注，除了金管局要入市沽港元之外，金管局任總都要特別出來澄清，話傳聞佢和溫總研究改變聯繫匯率的消息完全係謠言。事緣一間顧問公司出報告話任總上京和溫總談過港元問題，想港元和美元脫鹇，變成和一籃子貨幣掛鹇，出報告的顧問公司叫Medley Global Adivisors（MGA），是大炒家索羅斯的前僱員Richard Medley在97年成立，索羅斯的徒孫出報告唱政府諗過讓港元脫鹇，自然惹起無限聯想。

匯強息強 極不尋常

金融界猛人話，近日港元匯價和拆息的狀況不尋常，猛人解構港元匯價和拆息的關係，有四個可能，第一匯價強、拆息弱屬正常，因為資金流入買港元，市場資金充足，所以拆息會弱。第二個狀況是匯價弱、拆息強亦正常，資金流出，市場資金唔夠，拆息自然上升。但第三個情況是匯價弱、拆息又弱，這個情況不正常，資金流出無理由息口還會低；第四個情況就好像現在那樣，匯價強、拆息又高，亦都唔正常，資金流入，市場錢多，無理由拆息又高。猛人估計有人在炒港元。

陸羽仁見到呢次炒港元的排頭，依稀有98年金融風暴的影子，當年是炒家大沽港元，港元匯價急跌，金管局入市接港元，市場上港元脫鹇的傳言四起。今次是倒轉版，炒家入市獱港元，同樣有脫鹇謠傳，金管局亦要入市。當日炒家是「雙途進攻」，既沽港元又沽期指，陸羽仁有少少懷疑，今日炒家會否做緊反轉版的「雙途進攻」，既獱港元又獱期指呢？

最近大市升勢之急，好有人為味道，特別是上周五開始期指結算前三日，一連兩日大力夾升1,800點，更加人為。現在睇埋匯市，本來以為資金自然流入，如今又發現有炒作，兩邊一齊睇，確有可疑。

港府無得入市

若果真係「雙途進攻」反轉版，金管局入市的行為已在炒家預計之中，佢亦預鰦金管局會澄清謠言，這些新聞在國際報紙上寫得兩寫，更加澄而不清，引得鬼佬投資者以為港元快將脫鹇，然後會大升，跟住認為加埋匯價的因素，港股一鱓都唔貴。

如果真係有外資炒家玩№，佢地都睇準時機，港元跟美元貶值，中央又話會放港股直通車，而QDII（合資格境內投資者）已經開動，外匯管理局話已批准但未用的總額度有313億美元（2442億港元），整個形勢有利炒港股，再傳埋脫鹇，吸引世界各地水源入來炒作。當年金融風暴政府可以入市買港股，若今次來一個反向雙邊操控，炒起港股，出現這個「快樂難題」，港府都無乜事可以做，亦不會入市沽股票。面對這種大時代，港股極之波動，隨時炒到飛起，股民坐定等睇戲好了，若以為港股高走去沽期指，小心輸死人。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——溫總降沩 港股回氣
2007年11月5日

港股上周五借美股下插之勢大跌1024點，收30,468點，其後美股杜指上周五收市反彈27點，不過總理溫家寶暗示港股直通車短期內難開通，港股短線將繼續尋底。

溫總講話值得小心研究，他在烏茲別克外訪時接受香港記者訪問，詳細談到港股直通車的問題，須知領導人外訪例有香港電子傳媒的記者追隨，溫總早料到香港記者會訪問他，很可能早已預備好要講港股直通車的問題，所以是有備而來，並非信口開河。

溫總提到幾個考慮，首先是內地資本市場的流通問題，他說一旦落實港股直通車，便容許部份內地資本自由流動，必須有相關法律監管，內地的資本市場全流通，還需要相當長時間，因此必有相關法規監管，否則將引起內地資本市場的大波動，這會對內地經濟帶來不良影響。

憂慮重重有排研究

第二個考慮是大量資金湧港的問題，溫總話大量資金湧入香港，會對香港市場產生甚麼影響，要研究分析，必須保持香港資本市場和股市的穩定。

第三是內地股民對港股認識不多。溫總認為有需要對內地股民做風險教育，讓他們把錢投入港股時，有一個全面認識和正確判斷，以便保護自己。

從溫總講這三個顧慮，可以引申到三個風險，第一是增加了內地金融風險，過住內地有外匯管制，資金不能自由流進流出，開通港股直通車等如打開了部份缺口，錢可以利用這個渠道進出，若資金大量流出，就會令內地投資市場如股市、樓市急跌；倒過來說錢利用這渠道反向流進，又會令內地投資市場泡沫大增，所以要打開這渠道前，先要搞好控制措施。

第二個風險是增加港股的風險，若巨量資金湧進，會大力推高香港股市，當然怕狂升之後有暴跌。

第三是怕內地股民炒港股做了老襯，港股在8月20日公佈港股直通車消息後急升，升了近10,000萬，阿爺放內地股民炒港股，如果他們輸了錢，很可能會怪政府。

港股急升 阿爺警惕

陸羽仁早前就聽過內地知情人士話拖住不放港股直通車，就是怕港股咁高會令內地股民接火棒，但溫總講出來的顧慮更多，既然有重重憂慮，又話要全面研究、立法監管，用得這些字眼，都不是三兩個月能解決的問題，大家都不要指望明年第一季前有港股直通車，弄不好明年也開不了。

內地知情人士話，8月20日國家外匯管理局公布港股直通車措施，亦有少少政策未成熟就出鰦街的味道，原來國務院早前原則上同意港股直通車政策，但細節完全未傾，但不知何故外匯管理局在8.20就自行公佈了，惹起中國證監會、銀監會的不滿，質疑外匯局的港股直通車政策只益天津濱海區和中國銀行，又衝擊到未實行的QDII（合資格境內投資者機制），結果國務院各部門要再傾港股直通車細節，有關政策一拖再拖。但其後港股一再被炒高，惹起阿爺更高層次的憂慮，從溫總的講話可見，他擔心開通港股直通車，叫內地股民接炒貴了的港股火棒，更怕港股炒到爆煲，衝擊內地。

聽到溫總這樣替港股直通車潑冷水，顯然有降溫味道，香港股民可能已涼了一大截，怕港股要暴挫了，陸羽仁認為跌是會跌，但溫總這樣講，短期利淡，中長線是中性偏好，即係話港股短期本來都要調整，而家借勢調整得深鱓都唔出奇，但暫時唔需要擔心因為這個消息有股災。

直通拖慢 爆煲拖慢

過去陸羽仁一直擔心，港股直通車開通之日，就是港股到頂之時，因為這些全世界都知的巨型利好消息，一旦實現，就是大戶瘋狂出貨之時；同樣道理，人人都估美國聯儲局上月底會減息0.25厘，結果真係減0.25厘，消息公佈後應該會回吐，第一日唔回吐，第二日都會回吐，亦都係同樣道理。

溫總如今對港股直通車的解說，只能得出一個結論：拖，這件事會拖下去，不是不做，但有排不會實現。若果港股直通車帶來的暴升只能以暴跌收場，拖慢了港股直通車，就會拖慢了整過燃燒過程，港股可以拖長來炒矣。

港股直通車放慢的消息一出，壞處人所共知，股市也會調整；但港股直通車放慢也不是一壞到底的消息，也有少少另類的正面角度，要平衡分析，首先，QDII （合資格境內投資者機制）不會放慢，會繼續推行，這個兩個月還有2000多億QDII資金出籠，假設一半買港股，還有1000多億資金會投入港股，這條水源不會乾。其次，港股直通車一日未放行，倒過來就會變成造淡者頭上的懸劍，即使有大戶炒不起港股想改行做淡，也要小心造到成災之日，大陸突然放行港股直通車，谷番高港股，變成造淡也有大風險。

溫總講話後，各方資金也要重新計計數，再定下一步策略，潛入來炒港股的北水要決定是否炒下去，借這些消息炒高港股的外資大戶也要重新部署炒作策略。港元波動，似有大炒家在後面炒作，上月下旬期指加了按金，由12萬幾加到15萬幾，熟悉期指運作的中環茶友話，期指加按金，除了因為指數上升的正常增加之外，亦可能因為倉位傾斜，即是話交易所看到好倉或淡倉一方，倉位異常集中，例如有幾個大戶做了大量好倉（或大量淡倉），這樣就會令市場風險增加，要加按金去平衡風險，若有大戶炒作，當然不會這麼易就收手，他們會因應局勢變化，重新定位。

中環茶友話，自從8月20日港股直通車的消息公佈後，港股急促夾高，升勢極急，咁升法唔駛明年都見35,000點，到明年第一季隨時見40,000點，咁樣想唔爆都唔得。

炒中石油要守止蝕

如今溫總咁講變相為港股降溫，如前所述，炒作港股的外資大戶轉行做淡也有大風險，所以較可能是順勢先放低一段，還港股先回一回氣，遠的不說，光說這一個月，上半個月好可能係調整月，先走一段向下走勢。

睇市唔能夠只睇一兩日，要睇出一個走勢，第一重要的是宏觀分析，睇到三個月甚至更長的走勢是向上還是向下，睇好有一個炒法，睇淡有一個炒法，例如你全面看淡，就要徹底清貨，但假如你中線看好，認為目前只是調整或深度調整，就不要清貨，否則清完貨可能來不及買番，股市又升番上去。陸羽仁估目前的市場只是調整，不是股災，宏觀分析不能決定即日的走勢，今日或者最近幾日，都好可能係跌市。

有了宏觀分析，可以決定中期策略（一個月內），陸羽仁維持原來看法，28,000點以上，平貨好少，「投資的我」只宜做塘邊鶴，頂多抽纒新股就好；但「投機的我」就可以靜待股市回吐的時機，希望個市跌得深鱓，如果手上好多現金無乜股票，可以等股市調整得多一點時，分段吸貨。

至於短期策略，陸羽仁不是專家，擅短炒的中環茶友就話，月頭有機會反覆調整，到月尾有機回穩向上，即係月頭調整完又彈纒，跟覑又尋底，亦要留意北水走向，如果北水急促調走，就要小心。今日係中石油（857）[股價及相關新聞] 上A股之日，雖然內地仍然會炒中石油，但港股個勢唔就，高追短炒中石油上A概念者，要守止蝕位，到位要打靶，未到位可以博纒，但要小心中石油只炒A股唔炒H股。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——「溫總煮蛙」熱度高
2007年11月6日

鰠美息暫時見底，加上港股自由行暫時無望下，港股出現一次像樣的調整，恒指昨日急跌1526點，收報28,942點，成交1,587億元。即月期指低水156點，報28,786點，跌1,675點；中資股跌得仲傷，國企指數最新報18,291點，跌1,248點。

內地股市周一同告大跌，滬綜指全日收報5,636點，跌2.5%，深成指報18,116點，跌2.4%，兩市成交額共計1,984億人民幣，扣除中石油700億的成交額，實際比上周五同期萎縮了20%。中石油A股首日上市，高招股價1.6倍，但H股（857）[股價及相關新聞] 來個反高潮，下跌8%收報18元；中石化（386）[股價及相關新聞] 及中海油（883）[股價及相關新聞] 亦雙雙急挫。

陸羽仁話個市急跌，實情話係又唔係真係好急，因為昨日開市，只係跌四百幾點，內地開市，中石油掛牌，A股大力炒高，指數跌幅更一度縮減到只有二百幾點，雖然個市兵荒馬亂，但經紀張仍然打個電話鈬，話個市跌成咁，睇落仍好硬淨，可能無事囉。陸羽仁雖然係好友底，但都即時叫經紀張唔好過份樂觀，認為此乃跳車之最後機會，不排除下晝老外鲻醒，就會有大盤來沽，果然未到十二點半午市收工，指數跌幅已經撐大，空軍的鯊魚巨口開始將好友吞噬，到下午沽盤更加兇猛，最終跌了千六點收場，事前好多股評家所講的29,500點防線，一下子就被撕破，足證溫總煮蛙熱度好高，若然煲水暖暖懐時唔跳走，跟住已經走唔切。

大市由三萬二千點插到落昨日兩萬九千點，中間只係用了一個星期左右，部份進取散戶追入金融股，現在已經坐緊艇，有輸到火滾之散戶，形容今次係「溫總煮蛙 ——一鑊熟」，據經紀張昨日呈報的散戶指數，出現兩極化現象，部份炒股股齡較深的老兵，在三萬點樓上已經開始提高警覺，上個星期見個市回回懐，部份一輸錢就計數離場，但更多的新股民就唔知死，依然博個市見完三萬二見三萬五，見個市跌仲繼續博，若然按散戶指數鈬睇，個市應該無咁快見底。

老外不急於造好

中環茶友對於個市今番急跌，補充多兩句話，今次溫總出訪，對住大班記者講港股直通車，肯定係有備而來，上個星期，老外炒消息炒到離晒譜，除了炒高個市外，仲搞到搵個大鱷代言人出來發表報告，話金管局總裁任志剛上京，同溫總面陳想將港元脫鹇，結果消息翌日被金管局高調否認，任總跟住出訪，可能都預鰦有人問他這個問題，點知隨團記者無問，溫總借題發揮，大講金融風險，好明顯係講俾老外聽，你不要當我們中國的股民是冤大頭，也不要搞亂香港的金融制度，所以呢劑涼茶，落藥明顯加重，新入市的散戶心理質素唔夠，一廂情願以為個市可以學似上個月，跌一跌又炒上，好可能就錯過鰦昨日上午走貨的機會。

茶友話，大戶入得鈬香港佈個局大炒，應該預鰦足夠彈藥，溫總叫停港股自由行，是否足以殺退炒家，仲係好難講，所以唔可以話港股大格局已經改變，不過，既然美息短期不會再減，溫總又開到口降溫，照計港股短期難有好消息，既然阿爺話想個市低鱓，我做大戶就算想做好，但短期咪俾纒面放低鱓囉，大戶係咁意放低三、幾千點，散戶已經震到暈，炒短線更加無得唔認輸，呢個亦都係茶友叫鰦散戶，三萬點衝關唔好做清兵的原因。

阿里巴巴不妨坐貨

在跌市之際，首日掛牌的阿里巴巴（1688）[股價及相關新聞] ，現時暗盤成交價為25.3元，較招股價13.5元高87%，最高見25.35元；未計手續費，每手（500股）獲利5,900元，呢隻股概念獨特，據聞外資相當熱愛，散戶照計可以再坐一會，無需急於食胡。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——「阿里巴巴」托起大市氣氛
2007年11月7日

經過前日大跌，港股昨日相當反覆，恒指高開278點後一度倒跌，其後再反覆回升，臨收市前有買盤掃貨高見29,471點，收報29,438點，升496 點。國指報18,484點，升193點，大市成交1,696億元。期指收報29,441，升665點，比現貨高水3點，成交77,167張，但暫時仲未肯定大市係反彈抑或重拾升軌。

港股出現外資同亞洲股神角力的場面，外資大行好似大摩又出摩笛，話指數中期見兩萬五千點，亞洲股神李四叔則拋出「跌就賣鱓、跌多鱓買多鱓」的偈語，李四叔無講目標價位，只係擺出一個姿態，就係依然睇好後市，認為現在入貨，將來點都有賺錢機會。

李四叔無畀目標價，有散戶話雖然自己封鰦四叔做偶像鎹，但四叔講到咁玄，自己又無咁多錢，咁樣點跟呀？有中環茶友於是就把四叔的偈語嘗試量他，話八月恒生指數由兩萬三點插落鈬，最低插鰦三千點，係最勁跌鰦千二點的八月十七日，李四叔就大手入貨，照番相同情況，今次恒指由三萬二千點跌落鈬，去到兩萬九又係跌鰦三千點，李四叔於是又話入貨，不過，由於今次指數高好多，估計四叔只係買少少，不會重手掃貨。

信大行抑或信四叔？

如果用李四叔兩萬九千點入貨同大摩中段睇低位兩萬五千點計，中間即係兩萬七千點，若然指數見到呢個位，已經係一個幾合理的入貨位。

大市短期仍然反覆，中環茶友話，「八一七」股市大跌，外管局跳出鈬話會推港股自由行，當時無人反對，可見呢個水平係阿爺認為買得過的價位，照計可見將來無理由會出現，大摩話睇兩萬五，未知是否把萬九點同三萬二點加埋除二得出來，如果無錯，呢個應該係個幾堅實的支持位，如果大家認同「跌多鱓買多鱓」的策略，又準備好短期捱纒價，咪以呢個做目標去部署囉。

美林「極度看好」地產市道

昨日大市焦點集中於藍籌地產股，長實（001）[股價及相關新聞] 、恒地（012）[股價及相關新聞] 、新地（016）[股價及相關新聞] 、新世界（017）[股價及相關新聞] 、信置（083）[股價及相關新聞] 及恒隆地產（101）[股價及相關新聞] 升1至7.5%，物業代理美聯（1200）[股價及相關新聞] 更升升9.65%，基金公司The Capital Group 於10月底，減持182.6萬股美聯集團股份，每股作價9.5元，持股量由7.17%降至6.92%。

地產股勁彈，剛好大行美林發表報告，以「極度看好」形容對樓市的睇法，認為在社會日益重視社區環境同保育下，無可避免會令土地供應減少，令未來住宅市場進入供不應求的循環，中環茶友話，通常大行報告，好少講得咁肯定，所以美林呢個報告值得留意。

另外，新登場的科網股阿里巴巴（1688）[股價及相關新聞] 技驚四座，該股一開見三十元，跟住一度回調，由於網絡塞車，股民一度鼓噪，後來好彩股價回升，今次事件未知責任誰屬，不過作為場主的港交所，點都應該檢討一下。除了網絡塞車問題，現在股份變化迅速，但市場資訊因為收費問題，變成好多報價都延遲了十五分鐘，咁樣明顯係有利大戶、不利一般投資者，呢樣№港交所同負責證券管理的證監會不應該漠視。

講番隻阿里巴巴，結果昨日以接近全日高位的39.5元，肯坐貨的投資者真係贏到笑，連帶成個市的氣氛都托起鰦。陸羽仁昨日預告，話有貨不要急沽，但到下午經紀張打電話來，話股價高見35元，建議即胡離場，陸羽仁見經紀張一片好意，係接盤接到手軟之下，都仲打電話來問沽唔沽貨，於是先沽一半食胡，雖然咁樣執少鰦，不過，炒股同上戰場一樣，戰友最緊要肝膽相照，大家合拍，賺少鰦又唔係輸錢，所以陸羽仁亦無所謂，仲諗纒係咪應該提早賣定份聖誕禮物送畀屋企鰟位董事長飡。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——經濟爆胎 美股牙煙
2007年11月8日

港股繼續反彈，恒指高開，一度升上30,196點，但期後美股期貨下跌，下午恒指升幅不斷縮水，最後升幅收窄至270點，收報29,708點；國指升幅收窄至68點，報18,552點，大市成交1,596億元。期指收報29,528點，比現貨低水180點，成交68,222張，照睇恒指係三萬點樓上，好多人開始食胡計數，令反彈遇到阻力，短期估計唔易升破。

油價衝百關 不宜獱重貨

中環茶友話，港股升破三萬點後乏力再進，主要係受美股期貨拖累，美國最近發表的數據雖然幾好，反映數據不壞，但次按問題持續惡化，猶如無底深潭，愈來愈多猛人估計，美國將會陷入衰退。

美國當前困局係經濟放緩，同期通脹卻有上升壓力，由於預期出現衰退，美元不斷弱化，資金流入油市、金市、商品市場，商品大王羅傑斯一早打開口牌，話會沽晒美元資產，轉投商品或其他市場，油價不斷上升已開始令到美國感受到通脹威脅，如果美國再減息，匯價必然再跌，隨時觸發惡性通脹，如果唔減息，經濟必然差落去，此所以繼羅傑斯後，格林斯潘、索羅斯紛加入睇淡美國經濟行列，如果油價衝上一百美元一桶，會對市場帶來心理衝擊，究竟大戶，尤其持有好多美金的中東大戶或者中國，會點反應呢。

美國聯儲局主席伯南克好似獱緊架爛飛機，兩隻機翼係通脹數字同匯價已經先後斷鰦，咁樣降落有幾「牙煙」可想而知，好多人見到架機會爆胎，開始跳機逃生，問題係咁樣跳機，離開美元資產行列，但咁樣亦要好有勇氣至得。昨日油價、金價同外匯價格全部攀上新高，可以話係對美元的不信任表現，呢種氣氛相當詭異，亦反映金融市場暗湧不斷加強，茶友話股民呢排要留意住美元走勢，亦都唔適宜獱太重的貨，另一個辦法，係做一做衍生工具對沖。

二線地產股郁到嘉國英皇

係反彈市賺錢唔容易，最緊要買中強勢股份，今個月的轉勢下插，中資成為拋售對象，跟住反彈買盤轉ɜ游鰦去買地產股，昨日反彈亦以藍籌地產股最出色，恒地（012）[股價及相關新聞] 創新高升10%，長實（001）[股價及相關新聞] 、新地（016）[股價及相關新聞] 、新世界（017）[股價及相關新聞] 、信置（083）[股價及相關新聞] 及恒隆地產（101）[股價及相關新聞] 全線造好；收租股以太古A（019）[股價及相關新聞] 最叻，漲3.4%。其他二、三線地產股開始普遍造好，如果指數反覆，估計資金可能會炒落後，追捧一下二、三線地產股好似大昌、嘉華國際、英皇國際等。

香港地產股好，加上人行行長周小川言論，暗示年底前人行可能不加息，內房股造好但下午普遍收窄升幅，華潤置地（1109）[股價及相關新聞] 創22.4元新高後回順，雖然內地未必會加重手加息，但走開大陸水的老友話，近日內地抽查地產的消息不斷流傳，目的係打擊囤積土地，故此內房股表現，好受這些消息影響，部份受傳言影響者，大小莊家都唔敢太勇，令內房股變成要跟到消息至好炒。

恒指服務公司宣佈季度檢討結果，恒生指數成份股將加入中石油（857）[股價及相關新聞] 、中國神華（1088）[股價及相關新聞] 及中國海外（688）[股價及相關新聞] ，令成份股增至43隻，有關變更將於12月10日（星期一）起生效，由於成份股數目增加，其他成份股所佔比重不斷被攤薄，會對大市造成小小壓力，至於新貴有無得炒，都要睇大市表現，如果好市就錦上添花啦，如果遇正市跌，相信都好難突圍而出，所以想炒恒指新貴，都要先睇大氣候變化。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——蠱惑大戶力沽中石油
2007年11月9日

港股借住美元散落鈬，乘機又插一插，恒指低開950點，一度跌過千點，最後收報28,760，下跌949點；國指跌835點，報17,717點，大市成交1,488億元。期指收報28,539，跌989點，比現貨低水221點，成交69,780張。

港股跌，內地股市跌得仲勁，滬綜指昨日收報5330點，跌4.9%，深成指報17465點，跌4.2%，兩市成交額共計1287億人民幣，中石油（857）[股價及相關新聞] 、中石化（386）[股價及相關新聞] 、神華（1088）[股價及相關新聞] 等資源股都面對沽售。美股跌、內地跌，相信香港散戶經兩次係三萬點關口翻艇，開始會變得謹慎。

鰠昨日大跌市中，幾隻加入恒指大家庭的股份表現各異，中國海外（688）[股價及相關新聞] 逆市上升，巨無霸中石油則下跌，中環茶友話，中石油走勢係典型炒A股上市的模式，與之前另一隻巨股國壽（2628）[股價及相關新聞] 炒A股掛牌一樣，當時國壽在內地掛牌，H股先行偷步炒上，當掛牌日人人預期壽仔A股大幅搞開，香港可以大炒A、H股差價之際，大戶就開始瘋狂沽貨，令到壽仔股價由接近三十元跌了幾乎三成，好多在高位唱好的名嘴被大盤沽到咀歪改口，去到呢個地步，壽仔股價先至見底。

炒壽仔發A股翻版

今次中石油情況亦一樣，大戶炒A股掛牌，由11元起掃貨，呢班大戶個個膽生毛，他們佈好個局食大茶飯，就算遇到股神巴菲特沽貨，一樣挺出來硬接，結果一路接到13元樓上，掃清了股神手頭的平貨，再趁掛牌前推上二十元，當大家諗住內地A股掛牌可以見40、50元之際，大戶就開始沽貨，好多散戶高追就中招，所以陸羽仁成日講，現在入市，只係「投機的我」在作祟，既然係投機，就要識得、記住、無忘止蝕，止蝕雖然唔一定係最精明的投資策略，但肯定係最能保護自己的投資策略。（有關中石油炒A股的分析，可上頭條網細閱）

中環茶友話，中石油A股掛牌之時，股價暴升，結果中港兩地股份加起上來，市值去到全球第一，而且仲勁到大過第二位的艾克森美孚同第三位的通用電氣加起上來，呢兩家美國公司係超級巨無霸，中石油可以大過呢兩家公司加起上來，股價有幾多水份可想而知，所以聽到中石油做鰦全球「軲巴溫」，茶友反映認為呢個係壞消息多過好消息，需知無敵固然係最寂寞，但更重要係有十足十料，先至可以坐穩呢個位，否則碌番落鈬，可以跌得好傷。

中石油炒完A股掛牌，跟住又有油價飆升同加入恒指成份股的好消息，點佑好消息愈多跌得愈急，足證出貨的大戶蠱惑，搞到高追散戶成手蟹貨，換一個角度鈬睇，若然無咁多利好消息，又點可以沽到咁多貨先？

抽新股要揀擇鱓

中石油呢個局亦可以化而大之，放係中資股去睇，茶友話，中資股本來炒QDII、跟住又炒港股直通車，好多外資同大陸地下水，預先流入香港入定貨，擺到明係撩高後，趁明年奧運前，將火棒傳俾內地班散戶，上個星期仲狼到作個古仔出來，炒埋聯匯脫鹇，溫總見勢色唔對，急急走出來對住班香港記者，話港股直通車要拖住先，結果搞到班大戶坐晒係度，不過班大戶有實力坐貨，所以呢支奧運火棒暫時遞唔出，大戶咪自己獱住跑纒山囉。

其他股份方面，半新股SOHO中國（410）[股價及相關新聞] 果然有得炒，昨日逆市創出新高，看來貨源已經歸邊，另外市場看好即將掛牌的中鐵，影子股中傳動（658）[股價及相關新聞] 漲1.9%，由於阿里巴巴（1688）[股價及相關新聞] 散戶賺得和味，短期相信新股熱度不減，但大市反覆，散戶落注最好係買重點股份，國企比較優先，其他新股吸引力好明顯差一皮，至於炒影子股就要識收手，總之入市不忘穩健，係呢排玩股的座右銘。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——美國有病 香港有泡
2007年11月12日

呢期到礇豐（005）[股價及相關新聞] 做新聞主角，上星期五礇豐帶頭減息0.25厘，一度刺激地產股升鰦一轉；到美國時段就傳出礇豐要摺埋美國的次按業務，投資者憂慮大笨象要再大幅撥備，結果礇豐在美國大跌4.1元，收136.8元，加上杜指臨尾挫一挫，收低二百三十幾點，睇鈬港股今日都有一插。

美國真係有病，呢場病唔係咁易醫得好，悲觀派如格林斯潘和索羅斯，估計可能會經濟衰退；樂觀派如聯儲局主席伯南克即使話唔會衰退，但都預計第四季會放緩，要等明年中先至無事。

水浸銀行要減息

美國次按出事，聯儲局連番減息，加深了美元弱化趨勢，各主要貨幣兌美元匯價急升，油價亦狂升衝至100美元，高升的油價會推高通脹。面對咁樣的局面，聯儲局本應加息去控制通脹，支持美元，但次按危機深重，當然不會加息，現時市場大多數相信美國12月中議息時會再次減息，等如一個人有病還要狂打補針，搞到身燒火魀。

美元連番走弱，港元跟住下挫，又要跟美國減息，搞到香港更加魀烚烚。礇豐在上周五帶頭減息0.25厘，就係呢種發燒狀況的反映。各方資金看到香港被美國焗到起泡鮋局面，潛入香港炒作，香港銀行體系水太多，自然就要減息。

大家應該記得，上兩個星期金管局入市沽港元時，那時是資金流入，但銀行同業拆息高企，當時金融界猛人就講，資金流入，香港水浸，拆息應該下降，但當時拆息不降反升，變成匯強息強的反常情況，所以金管局要入市沽港元，增加港元供應，不但可維持港元匯價不升穿7.75這個強方上限，還可以推番低拆息。

港元真係如預期回軟，拆息亦大幅回落，近日隔夜拆息更低見1厘。到底早兩個星期為何出現資金流入但拆息又升的奇怪局面，目前還不太清楚，表面看是阿里巴巴（1688）[股價及相關新聞] 招股，鎖死大筆資金，亦可能有其他原因，流入的資金並沒有在銀行體系流轉，令資金供應緊張。從銀行減息的動作看，目前銀行體系游資好多，即係話流入的資金並未離開。

銀行減息，供樓者自然高興，但食息者就頭痕，估計通脹3%，但利息只有2厘幾，實質負利率，存錢蝕入肉，逼人投資，樓市特別受惠，所以外資證券行開始睇好地產股，認為樓價明年有機會上漲10至20%，地產股會受惠。

嚴重失衡搵錢良機

如果你睇唔通香港個局，我可以借大炒家索羅斯的大腦，來為你解一解畫。普通人睇經濟會睇到緩慢的轉變（modest incremental changes），但索羅斯會留意何時出現巨大的落差(enormous discrepancy)，出現這種失衡時，就是搵大錢的時候。（《Soros on Soros》，《索羅斯論索羅斯》p.83）

索羅斯在92年9月狙擊英鎊一役，就是最好例子。當時歐洲正步向建立歐盟，各國貨幣開始進入歐幣機制，各有固定的目標兌換匯率；自89年柏林圍牆倒下後，德國火速統一，西德把大量資金注入東德，令整個德國陷入嚴重的通脹中，但與此同時，包括英國在內的歐洲其他國家正嚴重衰退，歐洲央行的前身 Bendesbank決定德國要加息控制通脹，收緊貨幣供應，但此舉和其他歐洲國家的經濟狀況極不適應，他們經濟衰退，需要減息而非加息，德國加息帶來的貨幣供應緊縮，對歐洲其他國家不利，對經濟最差的英國更壓力殊深。

面對英鎊壓力不斷增加，英倫銀行在92年9月決定加息2厘去捍缳英鎊匯價，但英倫銀行當日中午還在宣佈加息，但晚上已經投降，宣佈英鎊脫離歐幣機制，索羅斯成為「擊倒英倫銀行的人」，他看到歐洲利息政策帶來的失衡，看到英國疲弱的經濟再遇上歐洲緊縮的利息環境，根本守不住匯價，結果就一攻而破。

如果你睇完索羅斯講英國仍然未夠喉，可以再講纒佢點睇日本在上世紀八十年代中的泡沫破滅。他分析日本在八十年代有強勁的幣值、高儲蓄率、極低通脹和極低利率，造就了一個極度高漲的股市，在這種環境下，日本公司無論在股市或銀行體系搵資金，成本都極低，造成日本企業相對其他國家企業有更強勁的競爭力。

沽得過早會損手

索羅斯睇到日本股市升到100多倍PE（市盈率），股市已經嚴重失衡，他睇中泡沫將會爆破，但他睇錯時間，他在87年沽日股獱美股，賭日本爆泡，怎知當年美股卻先出現股災，但日本卻沒有爆泡，累到索羅斯輸錢。在美國股災之後，日本更向世界提供大量廉價資金去救市，此舉短期內延續了日本的繁榮，他們想把工業上的成功，推進到金融業，客觀上把日本金融業的泡沫吹得更大，造就後來更大的失敗。泡沫爆破的時間唔易估，索羅斯咁叻都唔係次次捉得中，估錯鰦沽早鰦，輸死都未爆泡。

日本爆泡後曾經反彈，到94年又到十字路口，索羅斯曾經一度看好日本經濟，但後來又轉為睇淡，因為日圓本來一直在95至105日圓上下浮沉，到94年開始向上突破，索羅斯認為強日圓將會嚴重影響日本大量出口企業盈利及削弱資產價值，所以再看淡日本，後來證明他是對的，日本衰到依家。

匯價、利息絕對影響經濟。匯價低、利息低，造就一個復甦的環境，刺激經濟向上，問題低匯價可能帶來的通脹惡果。匯價高、利息低，有利經濟持續繁榮，不過升得多就會起泡。

短期繼續調整市

香港也出現了索羅斯所講的失衡，港元和美元匯價聯率，香港無獨立的利息政策，美國經濟唔好要減息，遇上香港經濟過熱本應要加息，但實際上卻是減息，香港的匯價本應很強勁，卻就人為被推低，變成經濟好、利息低和匯價低的環境，經濟和匯價失衡；香港或許更經歷雙重的失衡，因為內地經濟和股市過熱，定出QDII (合資格境內投資者機制)，加上地下北水亦流入香港，這麼小的地方有這麼多資金流入，又有另一種失衡。

在雙重失衡下，本應推高港元匯價，但匯價鎖死在7.8上下的水位，好似在洪水湧來時放沙包去頂，水就會流到其他的地方，那就是資產價格，香港的資產價格會急促膨脹，因為匯價被人為推低，在外國人眼中資產十分抵買，好似本來賣10元的東西，無端端減價到9元，甚至8元，理論上股市和樓市都會向上。

但失衡不一定立刻爆煲，在爆煲之前，先會起泡，甚至嚴重起泡，看來香港正在這個起泡過程中。如果按香港基本經濟狀況，港股今年頂多值23,000點至 25,000點，在港元隨美元急促貶值和內地泡沫帶動的雙重推動下，更高、或者極高的股市，不是沒有可能，所以如無意外，現時港股下跌，只是調整，而不是爆煲，陸羽仁話「如無意外」，那麼甚麼是可能的「意外」呢？美股或內地的股災。如果美股杜指明天勁跌3000點，又或者內地股市一天內跌一、兩千點爆股災，就足以把香港這個成長中的泡沫刺破，否則泡沫還在培養中。

正當阿爺察覺港股直通車可能令香港過熱要降溫時，美元急跌卻正在升溫，如果內地股市調整令紅色股暫時要轁纒，那麼減息潮就會接力推起樓市，推升地產股。伯南克自己都話，美國經濟要到明年中才會好番，即係話在此之前只能採取寬鬆的貨幣政策，間接為香港的泡沫谷氣。

記住陸羽仁講的只是中期分析，並不是今天的股市預測，你睇完篇文走去獱期指，輸錢唔好搵我。礇豐股價在美國大跌，港股難免要再插，我估頭半個月仍然係調整市，港股要再尋底，若美國次按再爆纒，跌得深點不奇，之後就唔敢講了。若你同意這個大分析，又唔見美國或內地有股災，那麼見到港股下跌，也不要太驚，急急把倉底的平貨都拿出來沽清。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融High Tea——三鬼拍門　小心後覑
2007年11月13日

在美國股市因次按危機大吹冷風下，港股再大幅下挫，恒指低開722點後，上午最低曾跌至27,468，大跌1315點，下午一度反彈上27,896點後再回軟，收報27,665，挫1,118點。期指收報27,627，跌1,244點，比現貨低水38點，成交72,978張。國指跌1,048點，報 16,656點，大市成交1,399億元。

中環茶友話昨日港股遇見三鬼拍門，受美股、日匯和內地股市夾擊。美股杜指上周五大跌226點，走勢極劣。美股下跌再觸發美元向下，日圓兌美元再創近期高位，昨日中午12點半後日圓一度穿過110圓的高位，但晚上7點多再上新高，見109.6圓，未知到美國市時的走向，但日圓升得咁急，相信已觸發了大量做套息交易的對沖基金要急急平倉，恐怕日圓這一浪向上走的行情未完。

本來外圍差如果有內地股市頂住，港股都未必會跌咁多，但內地增加存款準備金率，令本已疲弱的股市再大幅下挫，昨日午後雖然跌幅收窄，但上證綜指全日收報5187點，仍跌127點或2.4%。

大孖沙估兩萬六有支持

四方八面無件好消息，港股昨日一開市跌成1000點都未夠喉，最低跌過1300點，插到有貨在手者腳都軟，大市只能險守27300點的50天平均線水位。

陸羽仁同各方茶友傾開，小部份人認為呢次調整浪已見底，因為有外資大行呢排睇大市在27500點有支持，昨日試過這個位上番來，調整應該差唔多。但較多人認為大市未跌完，主要睇纒美股和日圓點走，小心壞消息有後覑，港股可能彈一彈又要再試纒底，例如股壇大孖沙就話：「跌得多跌得快反而係好事，咁樣會快鱓見底，最衰係半死不活陰陰跌，咁樣仲拖得耐，我認為短期跌到落26000點左右可以分段開始吸貨。」當然亦有芬佬睇得更淡，認為要試25000點樓下，但暫時未有人認為係股災開始。

陸羽仁採中庸之道，認為去到26000點應該交足功課，因為溫總開口之前，港股從近31900點調整下來，跌到28000點應該差唔多，但溫總開了口話港股直通車要開慢車之後，港股核心利好消息未能兌現，點都要跌多2000點躀，所以估26000點應該有點支持。若從高位跌20％計，要跌到25500點左右，但跌20％就算做跌得好深了。

地產股撐得纒

港股後市利好要睇地產，港元跟美元下跌，加上減息效應，地產市場郁郁纒，昨日大跌市藍籌地產股都頂得纒，下午長實（001）[股價及相關新聞] 、恒地（0012）[股價及相關新聞] 一度倒升，尾市回軟，分別跌0.7%及1.4%，新地（016）[股價及相關新聞] 、新世界（017）[股價及相關新聞] 、信置（083）[股價及相關新聞] 、恒隆地產（101）[股價及相關新聞] 跌1.7%至5.4%不等。反而大笨象礇豐（005）[股價及相關新聞] 就認真唔爭氣，市場擔心他要為次按大幅撥備，收137.1元，再跌2.8％。

但後市利淡因素除了睇美國市之外，內地市都要睇，港股同美股相似之處，係大家都受重磅股回落拖累，內地股市自從中石油掛A股後，指數反覆回落，投資者擔心稍後中石油加必指數，會拖累大市，削弱大市氣氛。

有散戶話，本來中石油入A股指數，未必一定會推低大市鮁，推高大市都得唧？問題係阿爺現在加強緊宏調力度，其中一招係限制新基金成立，呢招陰陰懐出了一段時間，已經開始影響到資金供應，所以如果有留意，深滬股市近日成交都係跌纒跌纒，上升乏力，聽講有部份醒目的基金，仲博懵沽貨踩多一腳，係咁鮋氣氛下，就算係中性消息，股民都會用負面方法去演繹，於是中石油入指數，變成了沽家看淡的藉口。

短期內地股市，要睇阿爺面色做人，阿爺會點做，又會受經濟表現影響，昨日人行公佈，十月底止廣義貨幣供應M2，按年增長18.47%，略略高過市場預期的 18.3%增幅，今日有幾個數據發表，其中焦點係消費物價指數，一般估計數據應該會繼續上升，幅度約為6.5%，如幅度偏高或一如預期，或令中央會保持調控的力度。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

細心去分析 信心不可輸
2007年11月13日

上周六，參加了周琦小姐以及李政平先生關於乾坤燭的講座。Victoria對走勢分析不太熟識，故盡量採用一些簡易的圖表分析，乾坤燭可算是表表者。乾坤燭有一項方便的功能，是它每天都會為使用者選擇一些當日突破的股票，早前曾買過升幾倍的股票便是來自此功能。

每晚睡覺前都習慣看一看美股開市的表現，近日美股可謂無運行。本月才開始了一個多星期，股市氣氛由極好變得極差，差不多跌足了一個星期。次按的問題逐一浮現，這一次跟之前有所不同，影響是實實在在打在了國外公司的業績上，股價無可避免向下調。在這種時間炒股票，非常消磨人的意志，不禁令我想起黃國英的一句話：「錢可以輸，但信心不可以輸。」

全世界資金還很充裕，美股表現不佳，資金將有機會走向其他市場。近日便留意到一單有關基金及投資者大手進軍樓市的新聞。Victoria怎麼會突然對香港樓市感興趣了呢？因為上周一個朋友提出想買樓投資的方案，問我是否想一起參與。雖然預定參與的部份是很少，但Victoria仍是抱覑「先求知，後投資」的態度，盡量去了解多一點香港樓市未來幾年的發展以及價格走勢。

我想香港樓市有機會受惠，在未來幾年有可能進入上升期，原因有以下幾點：

1. 國內資金將會逐步被開放，內地人不但想買港股，還可能投資香港樓市。

2. 股市偏高，走勢不穩定，投資者開始考慮其他投資目標。

3. 在中國熱碰上美國減息的宏觀格局下，香港樓市將更加受惠。香港跟隨美國減息，有利房產銷售。尤其是在負利率的大環境下，相信樓市的需求量會相應增加。

4. 股市上升創造了財富效應，大部份人已從負資產中恢復過來，但他們對樓市發展仍抱悲觀態度。他們缺乏的只是買樓的信心，而不是實力。一旦客觀因素使這班積聚了不少購買力的中產人士恢復買樓的信心，樓市需求將會大增。

5. 勾地制度取代了以往的定期賣地制度，發展商如看淡後市，自然會拒絕勾地，令樓市出現供過於求的機會減少。

從負面的角度去看樓市，可找到不少看淡原因。但投資就要考眼光，如每一個人都看好，沒有人看淡，哪會有人沽貨給你？故Victoria覺得，只要投資前細心分析，考慮自己承擔風險能力，便可放開去做。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——小V反彈　期待深V
2007年11月14日

港股昨日市況波動，恒指低開後一度倒升，其後反覆下挫至26,953點，比開市價跌608點，下午又再倒升至28,011點，低位反彈1058點，其後升幅略收窄，收報27,803點，升138點。期指收報27,787點，倒升160點，比現貨低水16點，成交81,836張。國企指數跌589點後倒升38點，收報16,695點，大市成交1,547億元。

中環茶友話，昨日早段市勢幾差，不止穿27300點50天線，連27000點關口都跌穿埋，不過其後來個小V反彈，最後有百幾點升幅收市，都算做有反彈啦。不過這個小V不同8月17日的大deep V，若有那種2000點跌幅的大deep V，就可以確認見底，例如昨日一舉跌近26000點，然後再反彈番上28000點，就可以確認見底。

小心日圓再抽

如今這個小V是否見底，仍要觀察，若外圍美股再跌或日匯再急升，港股或許還要再試一試底，若外圍穩定下來，港股或已短期見底。不過熟悉外匯的茶友擔心，日圓或要再試試107這種高位，所以不能確定港股此浪調整已完。

有股民擔心這是股災的開始，但中環茶友話，若有股災不會這樣溫柔，一跌可能就有兩、三成跌幅，以恒指現時在近28000點的高位計，一日就跌8000點，咁就有災味，如今幾日只有4000幾點跌幅，暫時都係似大型調整。

在跌市上市的新股生不逢時，今昨日兩隻新股首日掛牌，眾安地產（672）[股價及相關新聞] 平開後即跌穿招股價，下滑16%，最低見過5.6元後才有支持，唔知係唔係保薦人夠賣力，股價最後收報6.71元，較招股價高0.6%。另一新股保利協鑫（3800）[股價及相關新聞] 收報4.52元，高招股價10.2%。雖然在淡市上市的新股，到升市可能有表現，但陸羽仁買新股遇上跌穿招股價，通常會毫不猶豫打靶，因為新股洩鰦道氣，上升本已較難，加上保薦人過鰦第一日就無咁賣力，點知以後開大定開細呢？

月底隨時再減息

香港處於減息大環境下，美國息口向下，美元走弱，港元跟著貶值，外資湧入唔走，有個和銀行好熟的地產商對陸羽仁話，佢估月底大銀行隨時要第三次減息，因為而家銀行水太多，借唔到出去要蝕息差，情願減息趕錢走。

銀行可能要再減息，地產股最受惠，昨日藍籌地產股反覆向好，長實（001）[股價及相關新聞] 、恆地（012）[股價及相關新聞] 、新地（016）[股價及相關新聞] 、信置（083）[股價及相關新聞] 、恒隆地產（101）[股價及相關新聞] 升0.79%至3.31%不等，而新世界（017）[股價及相關新聞] 更升6.13%，收30.3元。批過兩次股集過資的新地也被看好，德銀發表研究報告，由於香港樓市暢旺，故該兩項目平均售價或有驚喜。德銀又認為新地的中國業務策略將成長期增長動力。

有讀者問起新地經常批股，係唔係大股東睇唔好自己公司，我就話新地批股眼光好好，通常都係短線到頂時才批，但並不代表新地管理層好睇淡自己公司，反而一浪到頂時批新股出街，集番幾十億一百億，?筆錢去內地買地，內地地產處於上升軌，咁做對公司都有覑數。

當然好多讀者仍然鍾情於礇豐（005）[股價及相關新聞] ，話大笨象跌到137.3元，好似幾吸引。我就話買礇豐只能當買債券咁睇，有4厘息，好過存錢在礇豐，但你唔好期望佢會增值，起碼短線唔好抱太大希望，佢同類股份花旗集團股價跌到一仆一碌，息率有6%，比礇豐更吸引，花旗都唔升，點期望礇豐大升？你買大笨象，只能貪佢安全，佢明天跌到110元，幾年後都會升番上去，好似債券到期時有得還本一樣，有升值就當佢送俾你，但要先準備唔一定有鮁。

陸羽仁

http://www.hkheadline.com/news/h ... mp;section_name=wtt