【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

價值投資         

2009/2/5 上午 09:12:40
網誌分類: 經濟

昨日亞洲及歐洲股市繼續造好。但喺失業數字攀升、多家巨企業績差勁，而振興經濟方案前景又唔明朗嘅困擾下，美股先升後跌，8,000點大關再次失守。杜指早段跟隨外圍升勢，最多曾升過84點。之後傳出思科(Cisco) 、零售商好市多(Costco Wholesale)、迪士尼(Walt Disney) 、卡夫食品(Kraft Foods) 、時代華納(Time Warner) 等巨企季度業績都錄得嚴重虧損，ADP資料預測1月份私營部門失業人數高達52.2萬人，而參議院對奧巴馬刺激經濟方案意見仍未統一，前景充滿變數，打擊市場投資氣氛。杜指在上午中段見頂回落，跌幅不斷擴大，至午後最低的7,929點才喘定，尾市在低位窄幅橫行。

杜指收市報7,957點，跌122點或1.5%，全日最高8,162點，最低7,929點；標普500指數報832點，跌6點或0.8%；納指微跌1點，報1,515點。紐約證交所成交13.9億股。杜指期貨最新報7,925點，跌61點，比現貨低水32點。

昨天一眾網友提到一個價值投資的問題，值得一書。網友趙子龍謂：「如果8號仔私有化成功，真係經典，係一次財技既勝利，同樣係小股東嘅失敗。當股份基本因素改變，而股價大幅下跌，係應該走得快好世界，不要迷信甚麼價值投資，愈跌愈買，開始擔心小了。」

網友牆頭草回應謂：「趙將軍，對啊，呢次海嘯最大頓悟是：價值投資是大戶人家的玩意，真正價值你懂嗎?價值轉了你知嗎?」

8號仔真係一個經典，如果一個股民在2000年科網股高峰期以摸頂價28元買了8號仔，佢私有化價錢係4.5元，記住股份曾經5合1，即係5合1前的0.9元，28元變0.9元，引用一個電盈小股東嘅比喻，真係「鑽石都變成玻璃」。私有化方案昨日最終喺股東特別大會獲得通過，而家連報仇嘅機會都冇埋。

香港電訊當年係一隻大藍籌，好多退休基金都有投資佢，但落得如此下場，寧不令人扼腕三嘆。不過在金融海嘯之下，當年在香港電訊風光年代買落的股東並不孤單，世界上同類例子比比皆是，例如美國保險業龍頭AIG現時1.08美元，但1年高位已經是55美元; 按揭證券公司房利美仲衰，而家0.56美元，一年高位34美元; 曾經是全球最大銀行的花旗銀行現價3.46美元，一年高位28美元; 呢啲公司過去都係美國同業之最、世界之首，但一年之後，股價得番高位1.6%、2%，仲衰過電盈! 千祈唔好誤會我咁講係幫電盈講好說話，而係話好多美國大公司都衰到貼地。大公司和可靠性並不能劃上一個等號。

我在10年曾問一個外資投資銀行的頭頭，問佢見盡咁多間公司盤數，對公司一定有好深的瞭解，邊一間公司可以「合埋眼去投資」呢? 佢不假思索咁話匯控(00005)股價及相關新聞 ，佢話匯控管理良好，係唯一一間可以合埋眼去買而唔會輸錢的公司。10年過去，在環球金融海嘯下，匯控深度下跌，過去兩年買匯控一樣要輸大錢，可惜無機會再見到呢個投行大佬，問嚇佢對匯控的最新看法，但由於買匯控一樣要輸，相信佢都會改變「合埋眼去買匯控」呢個講法。或者佢會答話：「見到百年一遇的金融海嘯，你仲合埋眼去買?」

買電盈、買匯控，甚至買美國巨股都要輸錢，難免令人生起價值投資唔得的想法。趙子龍話「不要迷信甚麼價值投資，愈跌愈買」，牆頭草更謂：「價值投資是大戶人家的玩意，真正價值你懂嗎?價值轉了你知嗎?」質疑得也有道理。

我仍然相信價值投資法，但只是講若是「投資的我」，長線投資要睇公司的價值，主要是睇佢嘅賺錢能力，而唔好盲毛毛人買你又買。但對包括股神巴菲特自己都講的「愈跌愈買」之手法，我卻不太敢苟同。

買入一隻股後佢跌價１０％，即使唔會係炒賣，即使我唔止蝕，但一般都唔會愈跌愈買（除非一早定了按什麼價位分注入貨），跌多過２０％更加多數唔會再買，那時就要用放大鏡去睇嚇自己係唔係真係懂呢間公司的真正價值，要問公司的基本經營環境有無重大轉變，若有疑問，應該減持而唔係增持。

電盈的例子太明顯，2000年時盈科併購香港電訊，兩隻股各自炒到3,000億市值，簡直貴到離哂譜，即使一間公司市值3,000億，去番正常10多倍PE，電盈要年賺200幾億才算合理，電盈最賺錢的IDD專營權賣番俾香港政府，本地電話專營權又無肉食，點賺200幾億呀? 電盈的例子太明顯了，如果你願意研究公司價值，應該睇到。

匯控的例子含糊一點，但大家應該記得我講過一個事例，接近一年前，有個小富婆見匯控下跌，用126元買了它，後來插穿120元時佢好緊張咁問我點算，我叫佢定止蝕位，後來隻股又升番上126元樓上，佢又變得好情緒高漲，我當時俾佢最後的建議是以126元買入價作止蝕，唔跌穿摣嚇，再跌穿呢個位最好打靶。一年過去，我再遇到小富婆，原來佢無沽到，現在雖然口硬，但後悔之情溢於言表。匯控的險情雖然唔係咁清淅，但佢有三份一業務係美國的次按業務，明顯摣住個炸彈喺手，次按危機07年尾已開始爆，去年已露出少少危機端倪，所以我當時的建議是要佢定止蝕位，唔係愈跌愈買。後來匯控跌穿100元時，我對呢隻股嘅戒心再加重咗啲，佢跌穿呢啲大位後我更加無叫人買。

我地唔係大戶，大戶掌握的資訊比我地多得多，但我仍然堅持長線投資者要睇公司的價值，而諗嚇公司未來幾年盈利的變化，係睇價值最簡單的方法。基本上唔好愈跌愈買，而係一開始急跌就要重新審視公司的經營環境同價值有無重大改變。若果唔識睇間公司的經營環境有無大變，就睇嚇佢在世界各地同業的股價變化，也是一個有效參照，若美國鋁業跌到阿媽都唔認得，我地點可以期望中國鋁業(02600)股價及相關新聞 大升?同樣道理，摩根大通唔掂，亦唔好期望匯控好好境。最後想加一句，睇公司價值只是一個開始，並不是終結。

陸羽仁

http://www.hkheadline.com/blog/r ... rd=&searchtype=

Mr.Business

2009/2/6 上午 11:23:22  

陸羽仁覆網友

Catjim:資源股和航運股是跟住內地同類股份咁反彈，要睇吓內地股市呢一浪新春反彈去到邊。但港股非紅色類股份唔係咁有力跟，令股市有點唔生唔死之感。

Hero:而家股市升係意料之中，但我感覺剛好和你相反，反而覺得佢應該升高啲，但唔知點解唔係幾夠力水。

Samsonw：５５元買匯豐短炒，５７．２５元沽了一半，有少少利潤在手，可以睇吓，等美國參議院如通過救市方案炒一炒時，可以睇位食埋糊。業績公布時數字應該唔差，但唔知外資如何部署，短炒未必一定要等。

jerry_212：內地股市脫離唔到全球股市的基調，春節後阿爺繼續出招，內地股市彈得唔錯，但小心救市招數用老時，股市彈夠又向下調整。

Muse:０９年如有大跌市，應該投資者入貨的機會，但入完可能都要坐長啲時間。內銀，內房股係主要考慮的股份，資源股跌到好甘時，長線投資值價會顯現。

股巨基：電盈私有化對大股東有利，因為私有化後佢地用公司的現金派息俾自己，已經差唔多夠俾整筆每股４．５元俾小股東的資金，即係佢地空手入白刃執番間公司。另外炒差價的炒家得利。輸家當然係高價買入的小股東，已無機會翻身。

Alice:你揸啲股蝕價６成咁深，我都好難建議你沽，真係要沽啲就沽２８２３或２８２８或２６２８這些大股或指數股，沽完等佢插番低時揸番。

Bluepanda:大陸所謂電訊市場開放，唔係好似香港咁話開就開，９４１的前景如何，要小心觀察其他幾個競爭對手的表現，及９４１自己的增長率，如果見到９４１生意急促放慢，就要小心，但佢處於一個高增長市場，放開時政府又不斷操控，所以和電盈當時面對的處境不盡相同。

小潘：我會主動派利是俾我的直接下屬。下屬向我拜年我唔會覺得不禮貌，過年高高興興嘛，當然一些成年都唔見一面的「下屬」，搵一大隊人來恭喜，仲流露出搵你笨的神色，咁就唔係咁好，派利是一啲都唔緊要，俾人搵笨唔好嘛，所以關鍵係平時有無兩句，熟唔熟啫。

Mr.Business

注：此篇文章版权归香港頭條網所有。

金融High Tea——港股多得A股撐住
2009年2月6日

美國多家巨企季度業績差勁，加上奧巴馬救市計劃，仍然未有覑落，美股周三先升後跌，跌穿8,000點大關。內地昨日早市造好，港股恒指跟隨高開21點後持續上揚，最多升過428點，午後內地股市見頂回落，恒指收市報13,179點，升115點，恒指全日最高13,493點，最低13,018點；國指繼續跑贏大市，大漲214點或3%，收報7,456點；成交升至528億元；期指收報13,173，升143點，比現貨低水6點，成交80,962張。

隔夜美股收低，港股跟住低開，但滬深兩市一度現升勢，帶動港股曾大幅向上，後來IPO將重啟的傳聞在午後流傳，A股現回吐，滬綜指報收2,098點，微跌9.73點，深成指報收7,413點，跌64.21點，兩市總成交額1923億元人民幣。

大行想唱低地產股

從昨日走勢咁反覆睇，個市本來想跟外圍跌，只不過因為內地個市底好似轉強，先抽番高個市。陸羽仁留意到有大行近日唱淡地產股，仲提到話新地近日有意推出九龍站的天璽，呢個盤訂價同銷情，會左右新地股價，照語氣睇，似乎大行想趁開盤砌低幾隻大地產股，但遇覑內地不斷推出救市措施，連升幾日，好淡兩股力量爭持一番。

呢輪支撐大市向上的主要係國企中資股。其中以中資金融股最為顯著，「三保六行」全線向上，國壽（2628）股價及相關新聞升4%，平保（2318）股價及相關新聞升7%，財險（2328）股價及相關新聞升6%；建行（939）股價及相關新聞、工行（1398）股價及相關新聞及中行（3988）股價及相關新聞升1%到3%；交行（3328）股價及相關新聞、招行（3968）股價及相關新聞及中信銀行（998）股價及相關新聞則升2%至4%。

波羅的海乾貨指數第十二日上升至1,300點上方，航運及相關股份個別發展，招商局（144）股價及相關新聞、中遠控股（1919）股價及相關新聞及中海發展（1138）股價及相關新聞再升2%至5%。

思捷環球（330）股價及相關新聞公佈中期淨利十年來首次倒退，憂慮下半年度業務前景仍然困難，收市跌4.8%，報36.7元，成為恒指的跌市冠軍。過往思捷盈利受到業務好景同歐羅升值推升，猶如有兩個引擎推動，但現在歐洲經濟陷入衰退，歐羅兌美元急插，兩個引擎都開倒車，思捷公布最新業績倒退不足兩成，幾乎肯定未反映最差情況。過去集團盈利年年上升，令股份享有好高的估值，時移勢易，當高增長神話破滅後，估計亦會大幅下調。

早前，思捷用極優厚條件請了領匯的財務大員過檔，中環茶友話，點解思捷要用咁好條件請財務大員呢？是否公司預期將來有借貸資金需要，故此不惜支付高薪請人？抑或係集團一向慣用優厚條件，以保證聘用到最好人才呢？

富豪身家鬥蝕得少

褔布斯公佈最新的富豪榜，李嘉誠仍然穩守香港富豪榜第一位，但係金融海嘯打擊下，身家縮水近半至1,257億元，排第二位鮋係郭氏兄弟，有837億，前有「香港股神」之稱的李四叔，則排第三。全港富豪的身家比較去年的13,962億元，今年只剩6,396億元，縮水近半。過去富豪比身家，係鬥邊個賺得錢多，去年富豪比身家，係鬥邊個蝕得錢少，身家跌一半者，隨時排名已有進帳，可以飲得杯落。

八號仔私有化單№雖然過鰦關，但餘波未了，一班小股東向議員投訴，兩大黨係雷曼事件試過甜頭，今番食髓知味，已經爭住幫小股東出頭，加上電盈仲有一班基金股東，通過股壇長毛反對建議，所以私有化單№，仲未可以話一定無風無浪。

政黨幫電盈小股東出頭，準備入稟法院阻止，中環茶友話，牌面睇法院對這類商業爭議，多數傾向係董事局同股東大會擺平，未必願意插手，加上電盈有成隊大狀幫佢服務，小股東就算有議員幫手，告得贏的機會有限，但如果證監會出手，情況未必一樣，因為證監會係監管機構，熟知相關法例，亦擁有好大權力，如果證監出手阻攔，私有化阻力就會大增。當然，證監高層大部份都係律師出身，不會貿然或基於政治理由出手，最重要都係睇法律上有無站得住腳的證據，周三的股東大會投票，證監抬了票箱返去慢慢查，但支持議案的大戶，相信亦預鰦有呢一覑，所以有無下文要睇過至知。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

尋找價值（２）         

2009/2/6 上午 09:46:35
網誌分類: 經濟

美股昨日走勢反覆，先跌後升。歐洲三大股市全線下跌，加上杜指期貨低水，杜指早段走弱，最低跌過110點，至7,845點，之後反覆回升，上午10:50已收回失地，之後繼續攀升，至全日最高的8,108點才回順，午後升幅略為收窄。

杜指收市報8,036點，漲106點或1.3%，全日最高8,108點，最低7,845點；標普500指數報846點，升14點或1.6%；納指繼續跑贏大市，上揚31點或2.1%，報1,546點。紐約證交所交投活躍，成交上升至16.3億股。杜指期貨最新報8,010點，升16點，比現貨低水26點。美國預托證券(ADR)週四上揚, 匯控(00005)股價及相關新聞 和中移動（00941）分別較香港收高4%至61.65元和1.9%至73.64元。
杜指在美國參議院議決救市方案的前夕，在8000點上下浮沉。債券大王格羅斯話，美國政府如不推出以萬億美元計的巨型救市方案，美國經濟會陷入「微型蕭條」。格羅斯而家咁講雖然有替政府的救市方案造勢之嫌，但亦顯示美國經濟的危機的確唔細。

週四公佈的美國就業資料顯示，上周美國初次申請失業金人數增加3.5萬人，至62.6萬人，高過市場預期，且觸及26年高位；而續領失業救濟金人數增至479萬人的紀錄新高，顯示就業市場迅速惡化；12月工廠訂單大減，亦反映出美國經濟深陷衰退的景象。不過，昨日有多家公司公佈業績，成績理想，沖淡不景氣經濟數據帶來的負面影響。

零售商Target及沃爾瑪1月份銷售都優於市場預估，且市場猜測政府將暫停一項認列虧損的會計規則。兩隻零售股都有資金追捧，齊升3%。全球第二大的信用卡公司MasterCard盈利勝市場預期，而Fox-Pitt Kelton Cochran Caronia Waller 的分析員指高盛和大摩財政健康，將會盡快償還政府注資的100億美元。MasterCard、高盛和大摩股價大升14%、5.6%和5.4%，帶領金融股止跌回升。

路透社引述一名財政官員話財長蓋特納將於下週一公佈救銀行業的方案，消息人士話方案將會結合之前推出的7,000億「問題資產援助計劃」（TARP），和類似成立「壞銀行」購買壞資產的方法，以刺激銀行重新放貸。蓋特納在前往一個金融市場總統工作小組會議時話：「我們的議程係建立金融復甦計劃嘅框架，幫助信貸重新流動，以強化及協助國會正著手處理的經濟振興及再投資計劃。」消息令投資者再度寄望政府的拯救銀行行動，金融類股份卒先回升，帶動大市止跌回升。金融類板塊早段曾跌過4.7%，收市倒升4.1%。

電盈一役令我講起價值投資的問題，網友小仙女如此回應，「看完陸 sir 以上分析, 個心有的實, 我地是一般股民, 應最信是藍籌, 而這些品牌不是少股民可以買到, 相信一般人要儲很久的錢才可買到一手, 但連藍籌都會出現五花八門的問題, 同普通細股玩財技一樣,把小股民玩弄於掌中. 連骨都食理, 『鑽石都變成玻璃』。同買三五線股沒分別, 更加勿論是投資, 變了投機成份多於一切,經始一役, 我對藍籌, 股票都失了信心,但不投資股票, 又投資什麼可取代呢 ?

「陸 sir, 不如你講下,長線投資者要睇公司的價值，我地小股民, 怎去分析公司價值呢? 如滙控, 我買佢時, 佢公司價值應是好的, 但怎去衡量我地要同佢割席呢 ? 有時我地未必看到佢壞到入心, 就如今次 海嘯為例, 就算有錢人, 有分析師替佢地分析, 都一樣中招, 我地又可以怎去計算時間割愛呢 ? 又怎可以看到佢地個內心業績呢 ? 滙控一天未公報業績,我地都是估下估下佢會怎樣 ? 不好是必然,但會爛成怎樣呢 ? 就好像我地玩估神遊戲一樣. 估吓估吓。」

我對小仙女的開場白，其實十分同意，我上一篇文提到我十年前問一個外資大行投資銀行的大佬，香港有乜股可以合眼去投資，佢當時話只得一隻匯控，而家連匯控都衰埋，就記住第一個道理，香港無一間公司可以合埋眼放心去投資，你要投資，就要時時做功課，買入公司的股份，佢的價值一起變化，的確要同佢割蓆，唔接受呢一點，唔好投資個別股票，買指數基金就算啦。

網友MC回應時咁講，「陸sir - 關於價值投資﹐我又想發表少少愚見。在篩選投資對象時﹐除了檢視公司的盈利能力和增長潛力外﹐也一定要同時檢視公司管理層的誠信和辦事手法(當股東係生意伙伴vs當股東係骨水對象)。以電盈為例﹐失去市場專利固然令投資價值下降﹐但我覺得改變了的管理層才是令長線投資價值變成零的因素。

「好話唔好聽﹐從李仔仔打江山的模式看來﹐根本從來沒有踏實地成功經營的紀錄﹐反而炒高黎賣既紀錄就唔少。雖然科網年代時我仲好細個﹐連股票係乜都唔識﹐但眼見李生既做事方式﹐已經唔認同。當時仲同自己講『將來我一定唔會同呢種人拍檔做生意﹐一來唔做得長久﹐二來對建立的企業無忠誠﹐對人都會一樣………』李爸爸搞實業出身﹐長線投資長實的股東回報屬藍籌中的表表者。 論辦事方式﹐李爸爸踏實得多﹐成功經營的例子多好多。001 同 008 都在港上市﹐股民係有得揀噃。」

MC提出一個揀公司的重要考慮，就是管理層，這是計算公司價值以外的東西，其實鼓吹價值投資的股神巴菲特都有提過這一點。以電盈為例，香港電訊的大股東是英國大東電報局，佢把香港電訊沽出，賣俾李仔的盈科，這已帶出後多問題，第一，英國人管理大公司的手法較穩健保守，進取不足，但勝在穩陣，適合收息作退休用的一族。但換了一個年青華人老細去管，在當時已是一種重大不明朗因素。第二，大東在香港經營電訊業務百幾年，為什麼要賣盤，表面上可能有回歸的政治原因，但政治背後的還是經濟因素，又唔見匯豐、太古、怡和賣盤? 大東在港的經營方式式受專營權保護，但回歸後香港電訊逐步失去專營權保護的優勢，只餘大公司過萬人的臃腫劣勢，點夠人鬥? 巴菲特亦十分喜歡投資有專營權或類近專營權的公司，公司失去專營權時，自然是減持的時候。

我可以作一個大膽假設，英國大東賣出香港電訊，即使不是賣俾李仔，係買俾郭仔、鄭仔、黃仔，隻股一樣唔掂。不過賣俾身旁有一班財技高手的李仔，最後以私有化收場，小股東就輸得更慘烈一點了。所以公司轉大股東時，一定要細心思量，舊大股東若非財困，為何要轉讓; 新大股東的對待小股東的手法，和舊大股東又有無唔同。若果唔諗這些問題，以為藍籌一定安全，你咁投資風險極大。其他題容後再討論。

陸羽仁

http://www.hkheadline.com/blog/r ... rd=&searchtype=

Mr.Business

2009/2/9 上午 10:58:37  

陸羽仁覆網友

小仙女：指數基金的風險不會比個別股票大，指數基金基本上跟大市指數走勢，有分散風險的作用。指數基金的風險在其性質，如盈富基金的風險應相當細，因為基金按恒指組合買入正股。A50基金的風險較大，除了５０隻股票不完全等如A股指數外，由於外資在大陸買有限制，所以佢只係在盧森堡買入相關A股的窩輪，所以要承受發行窩輪的投資銀行的信貸風險。

Galileomak：你問２８２８恒生H股基金的風險，理論上佢做基金係代客持股，帳目同恒生盤數分開，銀行出問題唔等如基金有問題，若有員工違反基金章程做事，都係由發行機構負責。所以假設非常例外的情況銀行出問題，一來政府會救銀行（佢股東會受害），二來存戶同搵佢做資產管理人唔應該受害。所以買２８２８的主要風險是國企指數升跌，而唔係發行人風險。

Tsyi:想買九龍地鐵沿線屋村，西九四小龍都可以，但都係等吓先啦。

Loss_confidence：如果你係我下屬，日日都見，你無同我拜年，我都係俾利是你，但你無拜年都唔會覺得你無禮貌，因為過年還是有很多唔係好熟的「拜年人」，少你一個唔少噃。

Sun:你問電盈種票有何用，因為私有化要計兩條數，一條係非主要股東有７５％贊成（以持股量計），第二條是出席股東會半數以上非主要股東贊成（數人頭），所以若有人種票，主要針對後者，目的是唔好讓出席的小股東過半數否決私有化。

元華：中國建材反彈咗唔少，從一年低位１．４６元反彈咗好多倍，長線投資者都係忍吓手好。

Bdroom:電盈復牌後會跌，原因係有人驚證監介入或法院延遲批准。我估機會唔太大，但假如你３．５元揸咗大手貨，４元樓上放番一半貨出貨食咗糊都唔奇。

Hs:VIX等指標不是愈來愈多人看就會失去作用，而係佢地只係反映大市風險程度的指標，按理唔只代表波動的可能性，唔等如升跌的方向。

Mr.Business

注：此篇文章版权归香港頭條網所有。

金融High Tea——美國擺局　小心入局
2009年2月9日

美股周五亦再向上，市場相信一月升上7.6%高位的失業率，會逼使國會通過奧巴馬提出的救市大計，壞消息當好消息炒，杜指大升217點收市，升幅2.7%，升上8280點。

美股有好消息在後頭，美國參議院兩黨關鍵人物已就拯救經濟方案達成共識，民主黨和共和黨議員組成一個審議方案的跨黨派小組，周五達成協議，將方案規模削減到7800億美元左右；事緣眾議院通過8190億美元的救經濟方案後，各方層層加碼，將方案加到近8900億美元，參議院共和黨人認為花費太多，反對方案，最後跨黨派小組同意削減方案規模。若能掃除技術障礙，參議院有望在香港時間本周二晚至周三早上表決方案。

奧巴馬政府另一大動作是提出拯救銀行業的方案，最快會在本周公佈，消息傳出方案的焦點是訂出審查銀行財務健全與否的方法，以檢視各銀行的財務狀況，財政不健全的銀行會獲注資，然後再由政府決定銀行如何營運下去。

杜指自去年11月後在8000點至9000點間玩上落市，所以早前微穿8000點後又反彈，如拯救經濟方案和救銀行方案都在短期內通過或推出，將有助美股進一步反彈。上周內地公布利好數據令A股接連上升，亦見有資金流入買國企股，但美國市未啟動，所以港股上周早段都升唔起。如今美股啟動反彈浪，預料港股都有一輪反彈。

債券大王格羅斯（Bill Gross）上周話美國要動用過萬億美元去拯救經濟，才可以防止出現一個微型蕭條（微型蕭條當然大鑊過經濟衰退），表面上看他似乎在為奧巴馬政府的救市方案造勢，但他的一些說法令人關注。去年12月聯儲局推出5000億美元購買按揭證券的計劃，他的公司Pimco是這計劃的四間中標管理人公司之一。格羅斯話，政府的救市計劃意味覑要發大量國債，儲局要盡快大手買入國債，阻止債價下跌，以維持長息在低水平。儲局官員在1月28日已講他們預備好買長期國債。

救經濟救銀行陸續來

睇纒美國30年長期國債的價格和收益率，30年長債價格由去年11月中開始急升，顯示有大量資金買入長期國債，價格急升令收益率急跌（債券有「價升息跌」關係），由11月中的4.25厘，急跌到12月中的2.5厘。就是呢一浪美國國債急升，令獱重貨的外匯基金在去年最後個幾月大賺債價，只係呢一筆都賺鰦 800幾億，若無這筆意外之財，去年外匯基金投資一定唔止輸749億元咁少。但任總買美國長債並無技術，因為外匯基金大量投資長期放在低風險的美國國債，唔理佢升跌都照獱。

但30年長債急升在12月中到頂後就回軟，債息亦迅速回升，呈V形反彈，30年長債現價114美元，債息3.68厘，一直朝向起步位4.25厘進發，市場人士話，國債早前急升主要是資金流入避險，到風險緩和後，資金就倒流到高收益的公司債券市場。格羅斯的公司去年12月首次買入國債，但如今佢就話唔會再買國債，證明佢對債價有少少擔心。若聯儲局不入市買國債，在供應將會大增的前提下，長債價格會再急跌。

國債急回美國要挺

奧巴馬咁樣救市法，注定今年要大發國債借錢。去年10月，裝在《紐約時報》廣場的13位數的「國債數位鐘」已經提前「爆燈」，因為美國國債已超過10萬億美元，到達14位數。美國借債10萬億，每年單是利息支出便接近4000億美元，約等如美國政府財政收入的17%。

美國以往每年的國債發行量是5、6千億美元，現估計今年的財赤已高達1.2萬億，若再要加碼救銀行、救企業，好有機會超過2萬億美元赤字，要發國債來填數。高盛就估計今年截至9月30日止的年度，美國可能要發債2.5萬億美元，是以往發債量5倍，簡直是天文數字。

中國對美國貿易有順差，是美國國債的單一最大買家，現時持有6819億美元美國國債，溫總在歐洲對是否會增持美國國債態度含糊，但批評美國人消費過甚、美國金融業缺乏道德。不過點講都好，中國好難大量收縮買美債的數量，而家美國人擔心的是中國經濟放慢，賺錢少了，會因削弱其買美債的能力。即係唔怕你夠膽唔買，只怕你無能力買。況且如果美國一年多發2萬億美債，搵多三、四個中國都無力買晒咁大批國債。

不過中環大孖沙睇番美元近期走勢，就話美國已佈定個局等全世界「落疊」。美元匯價近期轉強，美元兌6隻主要貨幣的美元指數在12月中曾跌到78左右，如今已彈番上85.28，按走勢好似想挑戰88的高位。美國佬在去年9月炒到全世界都爆煲，股又跌、油又跌、商品又跌，最後連外匯都跌埋，只有美元升，就係那個美元大升的災難中輸死好多人，美元由9月的低位一路炒到11月中的高位，在12月回軟後，如今再上。

資金回流抽高美元

當時話9月中開始資金回流美國避險，但真正有避險作用的國債價格卻又在美元升到11月中升定才開始上升。與其說資金避險，不如說美國資金班師回朝，就是在這個資金回流美國的過程中，歐洲和亞洲的資產就跌到阿媽都唔認得。美國行將發行大量國債，按正路估計，市場根本食唔起2萬幾億美元國債，拍賣唔晒的國債就會由聯儲局去接，聯儲局開支票去接國債，等如在銀行體系投入大量基礎貨幣，大量印鈔是必然結局。在美元供應大增的前提下，普通人會預期美元匯價會大跌，但佢近日不但唔跌，反而仲上升，美資大行話資金避險，但風險咁高又唔見資金流入可作避險的國債市場？

小心年底美元再插

中環大孖沙信陰謀論，話在美國要大量發債大量集資的環境下，唔俾得美元跌，用盡所有方法，點都要推番美元上去，所以今年上半年發債高峰時，美國政府點都會盡力撐住美元。但到美國國債出貨出到七七八八時，就要萬分小心，無鰦人為因素，美匯不應長期處於高水平，大孖沙怕到時美元隨時又急回兩三成。

陸羽仁諗落又係，如果我借人錢，借完後話自己貨幣貶值三成，等如七折還水，都不知幾好；再者美國政府出招救市出到差唔多時，隊番低美匯，可以大力谷纒出口，若這件事在今年年底發生，美國隨時靠出口都可以帶番經濟有正增長。這個先升後回的格局，無論上或者落，都可以殺死人，你以為美元會跌，炒匯好快就輸到你俾人斬倉；況且美國一輪輪救市短期刺激過後，若真係又來一個美元匯價急升加資金班師回朝，小心歐亞股市又有得插；到你好信美匯頂得順，大力發債發行貨幣美元都唔死得時，佢就鈬料大跌，咁又血洗匯市。大孖沙話，今年的市場風高浪急，唔好笑美國佬抵死，佢死一定搵人陪，好多不能想像的事情，照樣會在金、股、匯市發生。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

尋找價值（３）
       
2009/2/9 上午 09:41:48
網誌分類: 經濟

上週五美國公布1月非農就業人口跌幅為1974年來最大，失業率攀升至7.6%，不過，投資者對將於稍後在參議院投票的刺激經濟方案寄予厚望，樂觀情緒未受壞數據的影響，美股連續兩天收高，杜指升勢淩厲，開市即穩步上升至接近8,300點才略為回順，之後在高位徘徊至收市。杜指及標普500指數均上升2.7%，杜指收報8,281點，漲218點；標普500指數報869點，升23點；納指上揚45點或2.9%，報1,592點。紐約證交所交投活躍，成交16.1億股，遠高於去年日平均的14.9億股。杜指期貨最新報8,254點，比現貨低水27點。

投資者期望美國政府的刺激經濟方案和銀行業拯救計畫將提振受困的經濟， 支撐銀行的資產負債表，且促進借貸。標準普爾金融類股指數上揚8.1%，銀行股指數BKX暴漲約12%，帶動美股上升。花旗集團和摩根大通漲逾11%及13%，而之前投資人擔心美國銀行可能被國有化，股價跌至1984年以來最低，美銀上週五大反彈，飆升逾26%至6.13美元，美國的銀行股好似香港的股仔咁被人炒上炒落。科技股表現突出，蘋果上揚3.4%，報99.72美元，而Blackberry手機生產商Research In Motion亦升4.2%，報59.17美元。

美國勞工部上週五公佈，美國1月非農就業人口減少59.8萬人，高於市場預計的52.5萬，減少幅度為1974年12月以來最大；1月份失業率為7.6%，高於預估的7.5%，係1992年9月以來最高，當時亦係7.6%。美國遇上百年一遇的金融海嘯，失業率朝向10%大關進發，且看總統奧巴馬的救市大計，能否拉得住飛升的失業率。

上週五晚間，美國國會參議院民主黨與共和黨主要議員的誇黨派小組，就奧巴馬提出的刺激經濟計畫的核心內容，達成了協議，主調是救市資金總額縮減至7,800億美元，較眾議院1月28日通過的8,190億美元的版本少了390億美元，亦遠少於參議院過去幾天來一直在辯論的9,370億美元的版本，民主黨人同意縮細救市計劃的規模，以換取共和黨關鍵幾票支持救市方案，外界目前尚不清楚哪些項目被縮減。

民主黨議員話，他們7,800億美元的方案主要是針對增加新開支和減稅措施達成協定。不過，白宮官員卻指出，如果加上參議員較早前為刺激房市和汽車銷售量所提供的稅務優惠，以及奧巴馬為每對雙薪夫婦提供的1000美元稅金回扣，整個經濟振興計畫的開支將達到8,270億美元。

據悉， 這項「瘦身版」的計畫最早會在美國時間本週二於參院表決通過，,參、眾兩院將協調兩院方案的內容，然後遞交總統簽署，奧巴馬希望能在2月16日簽署方案。而美國財長蓋特納可能於今晚公佈一攬子金融救援計畫的詳細方案，新方案首要考慮的可能係如何提供擔保銀行的問題資產。

週末看到一班電盈小股東去遊行，覺得有些人的境況的確很淒涼，靠電盈股票退休養老，最後得番雞碎咁多，仲要俾人私有化。呢個故事教訓我地，股海無情，唔好諗住信人，唔好靠人幫助，只能靠自己，要武裝起自己的知識，武裝起自己的分析能力，識得分辨危險，在關鍵時候自己救自己。

陸羽仁係價值投資者，但係唔信「愈跌愈買」，特別認為散戶要分散投資，唔好買咗一隻股份，佢愈跌你愈買得多，集中買死一隻股份，最後佢死你跟埋佢去。我們的網友分享了買電盈後的經驗，值得一看再看。

網友牛腩貓咪講他的「割捨秘笈」，佢話:「陸sir,我戰勝了八號仔電盈啦!哈!哈!哈! 我在2000年高位買八號仔，當時是 19.x 每手約2萬元，曾經升到 28，但我沒有沽出，因為我同自己講我是投資者，高低位同我沒有關係，它不是垃圾股! 將來我有股息、分紅和升值…….. 經過我不斷努力和讀書，接受各位前輩的教育，我.......深深地明白，投資、投機和賭博的分別，於是我在2008年中，同經紀大聲地說: 我要止蝕! 經紀話:不好意思，你有碎股，碎股賣出是比較低價呀…….我下定決心! 全部都是傻瓜，只有我才對，止蝕!不等啦! 等咗8年! 經紀話: 已成功沽出，價格是5.xx，時至今日, 私有化價格為每股4.5元，我比一群呆等的傻瓜，止蝕得更好!我戰勝了! 止蝕! 止蝕! 止蝕!  是家訓!」

牛腩貓咪的經驗告訴我們，勢色唔對就要考慮止蝕。止蝕完隻股再跌固然「開心」，佢升番上去也不用傷心，一隻可以累你輸大錢的股票，佢反彈完都再有機會令你輸得更甘，一次唔走，最後可能永遠都走唔到。以藍籌計，輸10%唔止蝕，輸到20%要認真考慮隻股的基本因素有無變，若果有變要止蝕。止蝕後若唔想揸現金，可以換馬至一隻指數股，可能會好啲，因為若果累你輸錢隻股票是跟大市跌，將來佢無事升番，指數股一樣升。若隻股本身比指數超跌，跌幅大過大市，可能佢本身出咗大問題，換馬至指數股會安全一啲。

網友myself有另一種經驗，佢話「8號仔，小弟都中左招，佢俾小弟既教訓係：1. 借陸sir之前既比喻，20樓跳下來會死人，5樓跳下來一樣會死人。小弟係最高位既28蚊，下跌70%後既8蚊買入，現價$0.9，28蚊買輸9成幾，8蚊買一樣輸9成！自此學到，股票下跌唔係買入o既唯一理由。

「2. 記得當時有個記者，問袁生電盈值唔值得買，佢答話如果佢有錢都會買，小弟冇做功課，唔了解當時既電盈，已經唔係以前既電盈，但袁生係管理層，冇理由唔知公司既情況，佢咁叻又係前港交所大佬，都話值得買，小弟冇理由唔跟，況且已經跌左咁多，自此對公司管理人所講既野，有好大戒心。

「3. 長線投資唔一定賺，電盈小弟揸咗8年，係最長線既一隻(哈哈~)

「4. 好彩o既係，當時小弟只係出社會做左幾年，可以輸既錢有限，當係交學費，越早學投資越好，因為可以俾你輸既錢少的，以後未做功課，唔識既野都係唔好去掂，第時老左，起碼唔會將份身家去買「迷你債券」啩。」

Myself似乎無斬，佢勝在買咗唔多，佢提到一個好重要的問題，就係5樓跳落來一樣跌死人，「股票下跌唔係買入佢唯一的理由」，而家匯控(00005)股價及相關新聞 下跌，我成日話「短炒唔妨，長揸小心」，亦是同一道理，匯控由20樓跌到7樓，彈番上8樓，要諗吓佢以後係直上唔再跌，還是有8樓再跌落去的風險。美國有太多巨型金融股，也是由8、9樓跌下來累死人，AIG如今跌到1美元邊，花旗3個幾，一年之前，有誰想到這個結局。

所以揸住一隻巨股，見佢由20樓插到8樓，唔好輕言愈跌愈買，要有戒心，要問自己，若佢再由8樓跌落2樓，自己承唔承受得起。在全球化的世界，經濟週期好短，災難迅速蔓延，要預咗應對以前未見過之事，所謂長揸的定義也要從新介定，用番價值投資法，升到好貴時不妨沽貨，因為股價已超逾合理價值；反之跌得好急時要先睇睇，若影響隻股價值的經營環境或其本身條件有重大變化時，應該減持而唔係增持，大跌市時只能買跌到好急但經營環境無重大變化的股票。

陸羽仁

http://www.hkheadline.com/blog/r ... rd=&searchtype=

Mr.Business

2009/2/10 上午 11:24:10

陸羽仁覆網友

逹摩：大市食偉哥，主要是跟住美股炒緊反彈。

Panda608，Basara:我估今次港股可能反彈近１５０００點就回頭，即使穿１５０００點都唔走得太遠，１５８００點應該見唔到啩。澳洲有機會再減息，美元正處反彈浪中，澳元有機再試０．６０美仙的低位。

花太：高手朋友睇住美股炒緊港股升彈，佢話等美國出埋救銀行方案炒高佢就食糊。

Bdroom:上周美股應該唔跌，因為又走到杜指８０００點的上落市低位，到底位又炒反彈。

Bluepanda:有些樓看到墳場，對物業價值有很大影響，如非特平，否則唔好買這類樓好啲。

Racheal:聯想要捱的美國市場，恐怕要捱長啲，要有些心理準備才長揸。越房１．８４元買，買入價略高，若有機會彈上此價，先離場候低補回，也是可行之策。

逸文：A股是否已入牛一，先要答佢會否脫離環球股市先入牛一，我覺得環球股市未脫熊市，大陸股市在這次環球性風暴中也能單獨造好，所以我認為大陸股市未到牛一，維持它要再試一試底的看法。

三心兩意：本地銀行都無大手放貸，係比去年１０月好啲，但完全唔叫做鬆手。

TsYi：香港消費未大跌，係一個滯後現象，都裁員潮深化後，消費就會惡化。

將軍澳樓供應太多，所以樓價會跑輸大市。

Angona:內銀股的好消息是阿爺放手讓它們貸款出街，借得出賺得多，但經濟轉壞，壞帳應上升。

Robert：你問美國發債同龐氏騙局有乜分別，我做美國人會咁答，美國發債以政府未來稅收作抵押，美國有大筆真正收入，和龐氏騙局主持無收入只靠借新債還舊債不同。我會答兩者有同有異，相異處上面講咗，但如果發債愈來愈多，政府未來稅收根本支持唔到，就愈來愈似龐氏騙局啦。

阿K:你同時揸略價外的認價期權和認沽期權, 係睇個市有大波動, 到個市走出一個方向時, 你就先平方向唔對那一邊, 是合理做法, 關鍵係估個市「有大波動」啱唔啱,若波動唔夠大,做對方向的期權收益,頂唔到輸的損失。問題不是平倉技巧,而是係唔係估中有大波動。

Mr.Business

注：此篇文章版权归香港頭條網所有。

金融High Tea——望住美國開大細
2009年2月10日

港股連續三天造好之後，恒指昨日走勢非常反覆，開市跟隨美股上升，高開211點，逼近13900點關口，其後受日股回吐拖累，升幅收窄，半日收報 13748點，恒指午後續跌，低見13562點，但之後再來一個小V形反彈，彈了近300點至接近全日最高位，尾市升幅略為收窄。

恒指收市報13769點，升114點或0.8%；期指收報13775點，升3點，比現貨高水6點，叫做守住唔見紅，成交41965張。國企指數漲56點或 0.7%，收報7754點；大市成交485億元。恒指已經係連續四天上升，係兩個月以來連漲天數的最長紀錄，主要係得益於內地A股持續高漲。

而家全世界股市都睇住美國救經濟和救銀行大計，由於參議院跨黨派小組已就救經濟大計達成共識，將計劃縮到7800億美元，所以焦點就落在仍未出台的救銀行計劃上。昨天傳出美國財長蓋特納未搞掂救銀行計劃，要延後一天到香港時間今天深夜才推出，令昨日香港交易時段，杜指期貨曾跌超過100點，拖住港股向下，不過到三點左右又有買盤推港股從低位上番。

救唔救到無人知

中環茶友話，而家全世界都睇住美國，睇佢開大定開細，等緊佢救銀行方案出台前後炒一炒，港股跌到咁上下又有鱓支持，似乎反彈勢未炒盡。

消息傳出美國政府和銀行界未傾掂點樣搞銀行的壞資產，最後可能先公佈搞得掂的部份，例如政府新一輪向有需要的銀行注資的計劃；聯儲局亦會擴大收購消費者及中小企的貸款，甚至將物業按揭貸款也包括在內，以激活有關貸款等等。

市場見到奧巴馬政府各種救市計劃都先炒兩炒，但究竟這些方案救唔救得起美國經濟，就真係無人知，諾貝爾經濟學獎得主克魯明（Paul Krugman）經常評彈華府的財金政策，佢話未來三年美國經濟的缺口係2.9萬億美元，如今救經濟方案只得7800億美元，當中大部份資源更是無效投放，呢個救市計劃根本搞唔掂咁話。

兩會開前放煙花

中環茶友話，唔理美國的救市方案掂又好唔掂又好，市場好短視，炒完先至講。近日香港市場的另一大動力是內地股市持續向上，茶友話內地各省就快開人大、政協會議，跟住2月底、3月初就召開全國政協和全國人大會議，阿爺有招都會在全國人大和政協兩會開會前盡出，頂住股市，放纒煙花，製造良好氣氛，以免被人大、政協代表「將軍」，所以亦唔好估計內地會一直救市救唔停，阿爺可能把主要力量係集中鰦在年頭1、2月出招。

國家統計局將於今日公佈1月份CPI和PPI數據。據知情的政府官員昨日透露，中國1月份生產者價格指數（PPI）較上年同期下降3%至4%，為連續第二個月下降，降幅將大於12月份的1.1%，同時也高於此前接受杜瓊斯通訊社調查的12位經濟學家預測的中值2.6%。

這位官員話，中國1月份消費者價格指數（CPI）較上年同期上升約1%，升幅低於12月份的1.2%，但較市場預期的0.6%為高。該官員又稱，1月份CPI升速放緩的幅度不是很大，原因係1月尾開始的農曆新年令食品價格上漲。若中國公布的PPI和CPI數字不致跌得太急，對股市應屬中性。

礇控（005）將於下月2日公布業績，其英國同業巴克萊銀行昨日公佈，截至08年12月底全年業績，稅前利潤61億英鎊，較07年下跌逾14%或10億英鎊。巴克萊話，預計09年的信貸市場損失影響會較去年的低。巴克萊公佈的消息唔錯，令人估計礇控公布條數亦唔會太差，不過問題是外資行如何解讀礇控業務，就係另一個問題。

高盛昨日出報告話馬鋼（323）頭寸佔比55%為最佳配置，將馬鋼股份評級從賣出上調至買進，將目標價從1.2港元上調至4港元。建議買馬鋼，同時沽鞍鋼（347）；又認為建築用鋼價格滯後，馬鋼在重型車輪市場佔了主導地位，所以睇好馬鋼。消息刺激股價上漲，馬鋼大升7.3%，報3.1元；而鞍鋼亦造好，報8.64元，升2.4%。大行的報告，成為股份升沉的指揮棒也。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

尋找價值（４）  
       
2009/2/10 上午 09:45:02
網誌分類: 經濟

美國財長蓋特納押後了政府刺激經濟計劃詳情的聲明演說至今晚，投資者採取觀望態度，美股昨日個別發展，杜指走勢反覆，在118點之間上上落落，這個波幅係這個月內最細的，杜指50天平均波幅為253點。杜指昨日早段先跌後升，午後杜指再度下跌，尾市再度收復失地，以微跌收場，結束了連續兩日的升勢，

杜指收市報8,271點，微跌10點或0.1%，標普500指數報870點，微升1點；而納指則原地踏步，報1,592點。紐約證交所成交縮減至12.6億股。杜指期貨最新報8,218點，比現貨低水54點。

    　市場等緊美國財長蓋特納宣布救銀行業的方案，佢現時最艱巨的工作就係要攪掂佢上一任未能解開的死結：銀行的毒資產造成的信貸緊縮（credit crunch）。據《華爾街日報》報導，蓋特納的救助計畫修訂方案包括四個主要內容：向銀行注入新股本；制定新計畫幫助陷入困境的貸款買樓者；擴大美國聯儲局提振消費者貸款的計劃；最後，制定一個機制讓銀行卸下有毒資產，據說蓋特納研究的主要方案是引入如對沖基金和私人投資公司等私人金融機構，成立一間有如「聚合器」的銀行，透過發行由聯邦存款保險局擔保的債券，吸收銀行有毒資產，以紓緩信貸狀況。但究竟這些包裝過的債券是否承擔在銀行的資產負債表內，佔多大的比重，則仍然係未知之素。

美股昨日呈拉鋸狀態，救銀行業的方案宣佈在即，金融類股份，尤其係銀行股，趁機炒上，美銀大升14%至6.89美元；而市傳救市計劃將惠及通用電氣，加上宣佈下半年季度股息保持每股31美仙不變，刺激股價亦大升14%，報12.64美元，係1980年以來最大的單日升幅。另一方面，可口可樂與百事可樂則遭大行調降評級，股價下跌, 分別下跌2.9%至42.31美元和1.5%至20.71美元。美股有升有跌，觀望氣氛濃厚。

這幾天一直講「價值投資」的問題，我睇今天要再順帶講吓止蝕，昨天提到網友牛腩貓咪割捨電盈(00008)股價及相關新聞 的例子，佢有如此回應: 「陸sir, 你將人地d  羞家事post出來! 割捨電盈8號仔，目的是要提醒自己，在"不知情"或投機的情況下，只要一次沒有止蝕，之前贏幾多都是沒有用的! 講真，(我買電盈)95%先去止蝕，已經是錯! 如果私有化成功，起碼贏了信心! 哈! 哈! 哈!」

    　我將牛腩貓咪割捨電盈的例子講出來，係想大家借他的例子上上課，他輸的95%，就好似去上培訓課程交的學費一樣，攞唔到政府持續進修基金的津貼，每一毫子都係自己俾的，所以我希望牛腩貓咪學到嘢，以後早啲發現危險，唔使等到跌95%才割捨。至於其他無買電盈的網友就更著數啦，唔使交學費都學到嘢，睇住其他人的慘痛經驗，千祈唔好笑，要記住唔好俾同類事件發生在自己身上。

    　至於牛腩貓咪講到其他觀點，一半啱，一半啱。佢話「只要一次沒有止蝕，之前贏幾多都是沒有用的!」這是鐵的道理。在牛市中唔止蝕住住能坐番轉頭，熊市一來，恒指跌到20000點仲未信係熊市，繼續坐，好易一舖清袋; 如果係借孖展炒股，或者買咗Accumulator(累股期權)，就唔止清袋，仲要嘔突，即係輸到變負數，欠落週身債。

舉一個例，你在07年1月在90元時買了港交所(00388)股價及相關新聞 ，2月跌到70幾元唔斬，到7月已升番上140元。在140元買，一個月後在07年8月跌到110元無斬，到10月兩個月後已升到250元，升咗百幾元，表面睇斬倉嗰個係傻仔，唔斬倉係大贏家。假設你一路買港交所都贏，在250元再加注買港交所，結果係點大家知，昨日收68.95元，之前贏幾多都無用，一舖輸清。如果有錢佬揸港交所Accumulator，每升5%賺少少就俾人踢走，繼續在高啲價位再開新合約，再升再踢走，最後在250元高位入籠，跌就無得走，仲要加倍接貴貨接到合約完為止，做這些衍生工具最大的風險，就係你想止蝕都無辦法。記住「投機的我」炒股唔止蝕，或「投資的我」買入的公司股票發生根本變化時無止蝕，就要面對一舖清袋的風險。

講完牛腩貓咪啱的一半，再講佢錯的一半，佢話「如果電盈私有化成功，起碼贏了信心!」佢咁講的原因，因為佢在5元多沽電盈，如今電盈私有化價係4.5元，私有化成功代表他揸落去最後沽出的價更低，所以證明他斬倉斬得對。我就話牛腩貓咪「唔化」，炒股一睇風險，二睇機會成本，炒隻股唔掂，要止蝕斬倉，係要控制風險，唔好浪費自己注碼的機會成本，唔可以用我過一年無死，去證明我這一年買人壽保險唔啱。揸住的股份急跌，如果我告訴你隻股死亡機會一半，生還無事機會一半，而家股價跌咗20%，應唔應斬倉呢?死人都斬啦。唔能夠用佢最後出現咗另一半無死的情況，來說明當時斬倉係錯。況且20幾元的電盈，200幾元的港交所，盲o既都睇到佢地最後大跌的機會高於一半，你250元買咗港交所，跌一成之後你斬咗，假設佢又彈到300元，都唔可以話你錯，因為隻股最後都逃唔過大跌的命運。

我建議定得出止蝕原則的網友，要睇得化啲，明白斬倉止蝕後隻股好可能會反彈，因為大跌後的股票根本就好大機會短線反彈，所以一斬倉就反彈好正常，要預咗佢發生，唔好心痛。

你可能會話，如果炒股要一成止蝕，咁我經常要止蝕噃。若然係咁，就要先問自己，自己的出入市技術係唔係好差呢? 點解次次買親都係一買就回? 係唔係次次都係後知後覺，見到好消息見哂報紙才入市，變咗人地好消息出貨的接貨機器都唔知呢? 在大牛市中，這些後知後覺的接貨機器都好易贏錢，但在熊市中，大走勢向下，反彈浪來得較短，做咗接貨機器唔識止蝕，就會一浪一浪輸錢。

在股海之中，一買一賣才成市場，有人賣股，要有人買股先至得，呢個道理好簡單，但陸羽仁都係要在股市打滾咗好耐先至明白，大戶炒夠要計數走人，唔搵人接貨點離場，但股票一直插唔停，大戶可能都未出齊貨，所以插到咁上下就會大反彈，可能係出貨的大戶反手造出來，股票大跌後反彈，就會惹出大批見過高位貪平接貨的散戶、甚至沽咗貨翻揸的散戶入場，有咁多老散接貨，大戶才能大力出貨。散戶信眼見的股價，就俾人睇住來食了，散戶在佢地認為好抵買的「半高位」不斷接貨。其實買完隻股開始急跌，這種環境只有一種保命之法，止蝕離場。做人要睇得化啲，止蝕之後隻股反彈又好，狂插又好，都唔關你事，笑看風雲啦。

陸羽仁

http://www.hkheadline.com/blog/r ... rd=&searchtype=

Mr.Business

2009/2/11 上午 11:15:57  

陸羽仁覆網友

上一次競猜中獎的估神應該是嵐嵐，並未聯絡我，請以私人回應把聯絡方法告訴我。

小潘:你呢次第一期的遊戲規則愈早愈到又愈準者中獎，定出兩個標準, 最後會有爭議，不如在死線前競猜以最接近者中獎，若有兩人同時估中，就以較早競猜者獲獎。

CCB:你問呢一浪港股玩未，老美守8000點的機會多大，蓋特納搞到咁差的確令人跌眼鏡，美股咁樣走唔多啱劇本，美股再尋底的機會幾大，但大戶若做咗好倉走唔到貨，不排除等大市插吓後又要頂番高先至派到貨。但紅色股航運股好可能早過大市玩完，有糊食住一部份無壞，若輸錢定位止蝕。

Tom hk:三大國有銀行中本質係建行好少少，但中行的外資禁售期過咗，沽壓輕啲，小心建行解封時又有一輪沽壓。

小鳥必必: 經紀叫你姪兒開無抬頭的支票，千祈咪制，否則唔係賣家攞票走路，係經紀走路，咁o既經紀就算唔係有心搵笨，也是極度無知，叫你姪兒換個經紀。而且而家咁市道，買家有水買樓，無必要先開票。

Starlight:2600等金屬股慢慢有長線價值, 但係最好等大市狂插時才買。

S2000:月供遇到跌市係好事。香港的企業除咗大家樂、大快活、做清盤的德勤及安永、以及街口賣炭嗰間雜貨舖，有邊間唔業績倒退呢?

Bread:地產經紀話樓價一定唔會插番去3000幾元一呎，你都好信? 佢唔怕咁講，因為跌穿4000元時，佢都不再存在，唔怕你找晦氣。若有急需租間樓住吓先，唔好急住買。

阿峰:你問「一個公司派息后，在它的除權除息日就要在它的原本股價上除去股息的數額，這樣一來的話，一個投資者在派息前後買入這個股票不是沒有分別嗎？或者說一個人在股權登記日前賣出持有股票，再在派息后買回，其實帳面利潤是相同的，假設股價沒有變化。那我就感到疑惑了，既然是利潤相同，爲什麽大家買股票的時候要考慮到派息因素？爲什麽公司把錢派出來以後，要在股價上把這個息給除掉？」

公司派息後市場將股價除息(是市場行為, 不是有人要除去固定的數額)，例如有公司股價1元,每股派息1角，它派走1角，股東真是把錢拿去了，這隻股的價值即時減少1角，所以除淨後公司股價即時會扣減派息額。你想像一下如今公司派息股價唔跌會點，好誇張咁講，如果公司派1元特別股息，佢1元股價又紋風不動，那麼股東落袋的錢從何而來?為何公司的現金大減股價又不跌呢?

真正好的公司，除息股價跌後，因為市場看好公司的未來盈利能力，股價好快又升番上原地(過去匯豐經常如此，甚至除息日都唔點跌)。長線投資者考慮公司的派息，因為佢地長揸唔放，不太在乎公司的股價升沉，但派息卻是他們真實落袋的收益。

布里斯本:你問2月9 日金融 High Tea 說美金有可能因泛濫而大幅貶值, 而港幣與之掛鉤, 那我們應做什麼以保持手頭現金之購買力, 甚至賺錢。黃金? 物業 ? 外幣 ? 還是股票 ?」

第一, 我只是說長線美元有大貶值的風險, 不是說短期內如此，短期美元走勢是升而不是跌。

第二，港元和美元掛鈎，港元跟美元跌，只要我們買外國貨不多，外出旅遊不多，又唔使送仔女出國讀書的話，受損不大，不一定要因此而轉變投資策略。

第三，港元跟美元跌，會令香港的資產變得便宜，對股市和樓市有點支持，或者到時有助資產市場復甦(記住唔係咁快會發生)。

第四，最後才講到買外匯，一般人炒匯輸多贏少，除非你經常有大量銀行存款，咁可以等外匯跌到殘時入少少，叫做分散吓風險。

Mr.Business

注：此篇文章版权归香港頭條網所有。

金融High Tea——倒水出街順勢炒
2009年2月11日

美國刺激經濟方案即將出爐，投資者普遍採取觀望態度，美股反覆持平，港股無甚方向，恒指高開18點後，走勢反覆，先跌後升，升至接近14000點關口已無力再上，掉頭回落，但下午恒指又重回上日收市位，尾市再抽高，恒指收市報13881點，再升111點。期指收報13837點，升62點，比現貨低水44 點，成交75137張。國企指數漲60點，收報7815點；大市成交縮減至421億元；截至昨日，恒指已連續第五天收高，累積升幅1105點或8.6%。

救市出籠 美股先插

美國財長蓋特納今晨公佈新一輪規模達兩萬億的拯救金融業方案，包括三大招數：同私人機構一齊向市場購入五千至一萬億美元不良資產，向銀行加碼注資，同埋擴大聯儲局之前推出鮋消費信貸融資計劃，但投資者似乎唔多受落，杜指鰠方案公佈後應聲急瀉近三百點，仲穿埋八千點大關。睇鈬美國真大鑊，愈救市個市愈跌。

外圍都唔係無壞消息，例如歐洲就有鱓腳軟軟，事關俄羅斯銀行要求政府介入，協調佢地和外資銀行談判4000億美元貸款的續期問題。俄羅斯銀行欠外債 1350億美元今年會到期，另有2650億美元在4年內到期，油價大跌令俄羅斯石油收入大減，企業無力還錢俾銀行，銀行就無力償還外債，所以想俄國政府幫手和外國銀行談判，延續借貸。

這是俄羅斯98年葉利欽總統時代爆發債務危機以來，另一次嚴重債務危機，由於借錢俾俄國的主要係歐洲銀行，市場怕佢懐被俄羅斯拖累出事，所以搞到歐羅匯價亦急跌，昨日兌美元由1.3急插到1.288。

茶友話，98年俄羅斯還唔到外債，搞到買賣俄羅斯債券的對沖基金「長期資本」倒閉，美國本來對亞洲金融風暴闊佬懶理，最後燒到美國的大基金，美國怕銀行出事，才出招營救，加快結束亞洲金融風暴。如今俄羅斯又爆債務危機，若不是環球股市炒緊美國救銀行業，各地股市早已插到七個一皮了。

美國總統奧巴馬為保振興經濟方案最後能得到國會通過，昨日特別在黃金時間開直播記者會，造勢逼國會議員通過方案。不過，市場更關心救銀行的計劃，主要係如何運用上屆政府提出的7000億美元銀行問題資產救助計劃剩下的3500億美元資金，但奧巴馬昨天已打開口牌，話若果只用3500億美元去救銀行並不足夠，可以再加碼。

渣打強過礇豐

茶友話，這是奧巴馬上台後的第一場大龍鳳，亦係佢班底搞唔搞得掂銀行業這個爛攤子的一大考驗，既然政府會倒水出街，各方資金不妨順勢一炒。

英國巴克萊銀行的業績好過預期，但美資大行高盛仍然唔睇好礇控（005），維持「確信沽售」評級，目標價維持49元，高盛睇好渣打（2888），認為佢受金融海嘯影響較少，但因渣打近期已急升，而美國問題資產救助計劃對礇控的支持力度可能會大過渣打，高盛預計短期買渣打沽礇控的套戥交易盈利空間有限，建議在本周一結束這種交易；礇控全日牛皮，於競價時段才被推高，微升0.8%，收報63元；渣打則大漲逾半成，突破100元大關，收報102.5元，再度成為唯一的紅底銀行股。其他銀行股亦造好，恒生（011）升0.4%，東亞（023）升0.6%，中銀（2388）則升2.1%。中移動（941）亦於競價時段造高，升0.9%，報76.45元，略為跑贏大市。

地產股公布業績期開始，恒隆地產（101）首家上陣，公布截至08年12月底止半年純利減少83%至12.2億元，主因是集團售出住宅單位減少；期內扣除投資物業重估收益及相關稅項後，基本純利減少68%至11.97億元。地產商根本賣唔到樓，所以賣樓收益難免急插。

恒隆地產大力投資內地起物業收租，叫做幫補纒，半年租金收入及溢利分別增15%及16%，至20.4億元及16.8億元，其中香港物業租金收入及溢利分別增9%及8%，至12.1億元及9.7億元；上海物業租金收入及溢利則分別增23%及30%。恒隆地產昨收16.38元，跌1.3%。大家都唔好期望其他發展商業績好靚仔，去年除長實（001）出到較多貨外，其他發展商都賣唔夠數。

陸羽仁

http://www.hkheadline.com/news/h ... %F7%BF%C4High%20Tea

Mr.Business

注：此篇文章版权归香港頭條網所有。

反高潮         

2009/2/11 上午 09:37:41
網誌分類: 經濟

美國奧巴馬政府昨日公布拯救銀行計劃，都可以話係反高潮，投資者的心情可以用「寄望越大，失望越大」來形容，財長蓋特納公佈萬眾期待的金融援救計畫，只有空殼大綱，具體內容欠奉，市場極其失望，以拋售股票來回應奧巴馬政府的大計。

杜指昨日走勢惡劣，由開市跌到收市，不斷尋底，好快已經跌穿8000點大關。杜指跌到最後的30分鐘才企穩，以接近全日的最低位收市，杜指收報7889點，大瀉382點或4.6%，全日最高8269點，最低7849點；標普500指數報827點，挫43點或4.9%；納指下滑69點或4.2%，報1524點。紐約證交所交投活躍，成交上升至17.6億股，創近期新高。杜指期貨最新報7905點，微升27點，比現貨高水16點。杜指咁易跌穿大位，奧巴馬政府一時三刻又解決唔到問題，美股後市可慮。

       杜指錄得12月1日以來最大單日跌幅，反映股市恐慌情緒的指標波動率指VIX(The Chicago Board Options Exchange Volatility Index)上漲6.9至46.77，係1月23日以來最高的，而2008年的平均值為36.25。

杜指30隻成份股全軍盡墨，全部要跌，而標普500指數成份股，亦只有9隻股票逆市上升。由於投資者等到「頸都長」，始終都唔知政府點樣拯救銀行業，金融類股票，尤其係銀行股自然成為拋售的主要目標。銀行股指數BKX下滑將近14%。美銀、花旗集團、摩根大通和美國運通分別大挫19.3%、15.2%、9.8%和10%。保險公司Principal Financial Group Inc. 更狂插近三成! 美國鋁業的長債評級被調降兩級至BBB-，股價下瀉10%至7.65美元。

美國政府救市無力，拖累紐約原油下跌，每桶最新報37.93美元，油股受挫，艾克森美孚(Exxon Mobil)收報76.14美元，下跌4.2%，而雪佛龍(Chevron)下跌4.4至71.12美元。

美股急瀉，港港在美國的預托證券(ADR) 亦跟隨大市下跌， 匯控(00005)股價及相關新聞 再度跌穿60元，收報59.71元，較香港收低5.2%；而中移動（00941）亦下跌逾3%，收74.07元。

        呢件慘劇係咁發生，大家一早預咗美國財長蓋特納星期一公布金融拯救計劃，佢拖咗一日，到昨日終於公布，但只得一個框架，佢話美國將會花費高達2萬億美元救金融機構。其中最關鍵部份係由政府和私人機構合組一個基金，動員1萬億美元去收購銀行的不良資產（Illiquid assets）; 另外政府又會用1萬億元用以恢復消費者和商業機構的信貸。同時，政府又會再向銀行注資，但同時會更嚴格監管受注資銀行的股息派發、併購和高層薪酬。

不過，蓋特納雖然講出1萬億、1萬億的大數，但具體細節欠奉，不知政府如何清理銀行體系中的不良資產，雖然話同私人機構合組基金，但顯然完全未和投資者傾掂數，市場對此深感失望。雖然蓋特納大聲疾呼「美國政府會做一切可能的事來解決問題(The administration will do everything we can to fix this)」，但空喊口號無用，紐約Invesco Ltd. 的投資分析員Diane Garnick話，「所有人對方案缺乏細節均感到失望，政府走出來說他們要投資者相信他們仍在努力中，這個答覆，我們前一天已經知道啦！」

        奧巴馬政府這個金童玉女班底，上任前令人期望十足，但出手搞最重要的金融問題時，一出閘就脫腳，鬧咗個大笑話，證明「講就易，做就難」，奧巴馬上任前，他所屬的民主黨彈到上任財長保爾森一文不值，話布殊政府搞唔掂金融危機，但民主黨總統上任接手，亦唔係話咁易就搞掂。

         而家個市唔止不滿蓋特納搞咁耐提唔出具體方案，仲擔心佢諗的方向唔掂。而家蓋特納思考的方向係搞間基金收購銀行的不良資產，為咗唔想話政府負擔哂，仲話呢個基金要公私合營，想有私人機構投資。但市場風險這樣高，搞個基金去收購不良資產，私人機構是否願意投資，可以想像，如果那些不良資產不是以極低廉價格收購，或者政府包哂底，令人投資的私人機構穩賺，又有誰願意參與呢? 再者，政府想收購銀行不良資產，如何作價也是頭痛問題，銀行不願低價賣出，政府不願高價買入，上手財長保爾森也想過收購不良資產，最後也是傾唔掂作價，唯有轉為直接入股銀行，保爾森長期在投行打滾，知道哂銀行要乜，都傾唔出方案，蓋特納又係唔係咁易傾得掂收購毒資的作價呢?

        市場擔心，最後傾唔掂，可能也只能如英國那樣，把有問題的銀行國有化，奧巴馬政府好唔想咁做，但拖拖拉拉反而誤事。

        奧巴馬政府搞出一個反高潮，唔啱大戶本來想炒高大市的劇本，股市難免風高浪急了。

陸羽仁

http://www.hkheadline.com/blog/r ... rd=&searchtype=

Mr.Business

2009/2/12 上午 10:32:06  

陸羽仁覆網友

牆頭草: 有句話叫只及一點，不及其餘，為文者只做過分析員，無做過投行香港MD，亞洲主席，唔知佢地o既壓力和誘因。

披著牛皮的熊: 要識多啲, 第一要相信自己可能係錯，唔好信哂自己。第二知自己之不足，要從他人/對手的角度考慮問題。第三，瘋狂吸收知識，看書看報看網都係好方法。

JL:油價破３０美元，可以候低買油股長揸，不用太急入市，因為油股價格除了看油價，還跟大市。中石油、中海油會比外國股好啲，但都要睇邊個跌得驚人。

貴金屬主要睇好黃金。

VV:睇好金價買黃金好過金股，金股有太多炒作因素在其中。

一草一木：英國經濟好弱，外債又高，英磅唔睇好，會積弱。但美元上半年再上新高的機會不少，但之後小心會慢慢轉弱，澳元應先試低位，然後慢慢反彈。

Geniegenie：你問長線月供邊隻大陸股基金好，我覺得２８２８恒生H股基金好啲，發行機構風險細，睇十年以上A股H股會拉平，所以供H股基金係長線投資中國的方法。

KK：有８號仔等私有化收４．５元啦。

Mr.Business

注：此篇文章版权归香港頭條網所有。

金融High Tea——唔飱劇本頂硬上
2009-02-12

美國財長蓋特納的金融業援助計劃無料到，令上日美股杜指大瀉382點收場，港股昨日在咁鮋環境下開局，恒指開市低開335點，之後跌幅擴大，下滑至13363點，下挫518點才喘定。其後在低位徘徊，午後跌幅逐漸收窄至下跌280點，尾市再度回落。

         恒指收市報13539點，大跌341點或2.5%，恒指全日最高13600點，最低13363點；國企指數收報7600點，下滑215點或2.8%；紅籌指數下挫83點或2.6%，收報3145點。大市成交399億元。期指收報13540點，跌297點，比現貨高水1點，成交71221張。

        美國金融股大瀉，本地金融股亦無運行。重磅股礇控（005）股價及相關新聞再度跌穿60元關口，收報59.95元，下跌4.8%；渣打（2888）股價及相關新聞亦下挫6.8%至100元樓下，收報95.5元。中資電信股亦全線下跌，中移動（941）股價及相關新聞收報74.5元，跌2.6%；聯通（762）股價及相關新聞和中電信（728）股價及相關新聞齊跌約3%。

        《
每日經濟新聞》報道，國家質量監督檢驗檢疫總局發信責令蒙牛（2319）股價及相關新聞，停止旗下一款高檔牛奶「特侖蘇」添加造骨乳蛋白（OsteoblastsMilkProtein，OMP）。報道指中國尚未就OMP或類似胰島素的增長因數作出明確規定，在得到相關的批准之前，蒙牛要停止在產品中添加這種物質。受報道影響，蒙牛股價一度大瀉22%至9元。收市報10.1元，跌幅收窄至 12.5%。

        新財長落筆打三更

        奧巴馬政府在掌聲中上任，估唔到一掂財金這個爛攤子就出事，搞出一個無乜內容的「廢帝方案」，話要由政府和私人機構合組一個基金，動用1萬億美元去收購銀行的不良資產，但係完全唔知點搞。花旗國金融業老友話，美股插得咁厲害，除鰦因為方案無料到之外，亦因為市場唔係太滿意奧巴馬話金融海嘯係由貪婪引起，令人擔心奧巴馬將來會向富人加稅，觸發拋售股票潮。佢話蓋特納的金融業援助方案嚴限受助金融業高層的人工及花紅，業內反應好大，高盛率先表態話想償還政府入股的100億美元資金，以避免受政府監管派花紅。

         奧巴馬政府搞出個大頭佛，看來也不在大戶劇本之內，佢地原本想等財長蓋特納出方案後炒一轉，點知無料到炒唔成。但美股跌成4.6%，亞洲股市昨日表現都唔太正常，日本無市，但早過香港開市的新加坡和澳洲股市，但都頂住無大跌，跌都係跌1點幾巴仙。香港在這種環境下開市，亦都跌唔多，中段插深少少，但下午又炒番上去，埋單跌341點，只跌2.5%，你話美股咁大跌市，港股本應插500、600點完全唔出奇，插穿埋13000點都唔係無道理，結果竟然頂到咁硬，可見都有大戶做鰦好友，唯有死頂。

        茶友話，睇表面美股走勢極差，港股亦無好消息，內地一月出口急跌，香港經濟亦唔靚仔，但在這個時候有人夠膽入市買番上去，睇怕都唔係散戶所為啦。

        上車容易落車難

        大市唔好，股市照炒，呢排鱓股仔本來已經郁郁纒，前日上市隻宏霸（802）股價及相關新聞更做出大龍鳳，隻股的老闆係風水奇人陳振聰，佢唔止口才好，搞上市公司都睇到人目迷五色，隻股係介紹上市，即係無公開招股，第一日開6個幾，收市已炒上 9.79元，昨日又炒一鑊，一度升206%，升到30元，後來略回到23元收市，都升鰦135%，成交唔算太大，昨日成交3198萬。股壇老雀話，家公司以介紹形式上市，無乜街貨，圍住鈬乾炒，好易炒起，昨日升鰦咁多，間№市值已經53億，的確歎為觀止。

        經紀張好耐無見到有隻股炒到咁勁，打電話來話，早知第一日6個幾就買啦，早知第二日就追啦，早知……總之就好多個早知。我同佢講，你做鰦二十幾年經紀，乜№神仙股未見過，過去半年餓得耐，見到№就想食，不過你食人定人食你，都要最後埋單結數唔再玩才知，我贈佢一句，「上車容易落車難呀細佬！」我依依哦哦話「鍾意隨時可以落車鎹」，我話你上鰦車見佢日日升，落鰦車都會上番，到人地派夠貨司機都走埋，架車變鰦無人駕駛時，恐怕你都未知，最後唔知點解無落車，又坐到尾站。人地來去如風，一開車就要搵番一兩年使費，記住你要買都唔好過夜呀！我講呢鱓說話阻人發達，講鰦都預鰦隻股再狂升，經紀張會打電話來媽我，不過同佢咁熟，唔講又對唔對得住自己良心呢？

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

出事股的特徵
2009年2月10日

上星期又有一家手上有過億元淨現金的上市公司突然宣佈清盤了，這一家便是有十五年歷史的汽車零件生產商北泰創業（2339）股價及相關新聞。出事前，最新的年報顯示集團手上仍有十二億元人民幣的淨現金，雖然它同時間又炒踎外匯及被合作夥伴追討賠償，但總數也只不過是五億元人民幣左右。照道理它應該是應付有如，毋須宣佈清盤的。因此，集團要行到清盤這一步，也不用多問了，那十二億元人民幣現金好可能已經出現問題。

　　今年接二連三發生這些事情，究竟一般投資者可以怎樣防備，Victoria嘗試從歷年來看那麼多例子中，總括一些出事股的特徵。

　　第一，小心一些銀行存款多，卻不願意派息或無故要大量借短債的公司。借短債除了利息成本高之外，還給予大行分析員一個藉口去調低公司股價預測目標。因此，除非一家公司突然出現短期周轉不靈，如不夠現金出人工或還錢給供應商，不然一般公司都不會無故大量借短債。另外，大家亦要小心一些明明現
金極多，但又無故集資的公司。以上兩類公司都是十分可疑的。

　　突轉會計師行有可疑

　　第二，我們可以從營業額跟存貨或應收帳的比重，來看它的帳目有沒有問題。如果存貨及應收帳佔營業額的比重異常的低，那麼投資者便應該細心研究為何會出現這種現象。看看公司是否有非常獨特的銷售模式及客戶對公司付款有甚麼特別的安排。第三，要小心一些帳目上完全不像同業的股票。例如，內地的水泥股一向都是負債極高、現金不多、但固定資產多的公司。假如你發現有一隻內地水泥股，其現金極多，無負債，而固定資產相比起營業額又不算大，那麼你便應該提防提防。

　　最後，投資者可以留意上市公司的核數會計師行。以風險程度計，僱用四大會計師行（德勤、安永、羅兵咸及畢馬威）的上市公司比僱用小型會計師行的風險低，最高風險的，一定是突然由四大會計師行轉往小型會計師行的上市公司。通常它們會以節省會計費用為轉核數師理由，但是對於一家上市公司來說，實際上可以幫到公司盈利有多少呢？我認為幫助是微乎其微的。

　　（王雅媛為持牌人士，並沒有持有以上股票）

　　王雅媛（Victoria）

http://www.hkheadline.com/finance/news_detail.asp?id=70785

Mr.Business

注：此篇文章版权归香港頭條網所有。

特洛伊木馬         

2009/2/12 上午 09:41:00
網誌分類: 經濟

昨日美國市場的焦點除了含糊不清的拯救金融業計劃外，亦關注參、眾兩院如何協調近8000億美元的挽救經濟方案，由於兩院各自通過不同版本，議員需要坐低再傾，美國股市初段走勢震盪，在不足100點間上落徘徊，上午曾反彈上全日最高的7983點，中午卻倒跌36點。到午後國會議員宣佈，參、眾兩院就整合救市方案終於達成協議，預料兩院會通過方案，股市重獲動力，在尾市反彈上揚。不過，由於原油價格大跌，油股受挫及大型科技公司報出季度虧損，打壓大市升勢。

         杜指收市報7940點，升51點或0.6%；標普500指數報834點，升7點；納指報1531點，升6點或0.4%。紐約證交所成交縮減至13.6億股。杜指期貨最新報7904點，升26點，比現貨低水36點。不過港股在美國的預托證券(ADR) 逆市下跌， 匯控(00005)股價及相關新聞 和中移動（00941）分別較香港收低逾1%至59.13元和73.58元。

美國的銀行股經過上日的大屠殺後，昨日反彈，成為推高大市的主要動力。道富SPDR金融指數基金繼上日下跌10%後，昨日反彈4.8%至9.32美元；花旗集團則反彈10.2%至3.69元，成為杜指成份股中的升市冠軍；而美銀則反彈9.2%至6.07美元。

能源部的一份報告顯示原油庫存大於預期，紐約原油跌跌穿每桶36美元，收報35.94美元。能源股受挫，艾克森美孚(Exxon Mobil)收報74.58美元，下跌2.1%，而雪佛龍(Chevron) 微升0.2%至71.26美元。紐約原油最新報每桶36.14美元，油價在今年已累計下跌了近兩成。BlackBerry手機生產商第四季度發出盈警，股價大瀉近15%至48.76美元。

美國國會參眾兩院經過長時間激烈的討價還價，終於就經濟刺激方案最終版本達成一致意見，為奧巴馬新政出台鋪平了道路。兩院同意方案最終總額為７８９０億美元，低過眾議院方案的８１９０億美元和參議院方案的８３８０億美元。　內容方面，７８９０億美元開支的３５％會用於減稅，剩下的６５％會用於增加政府投資。其中，每個美國納稅人將可望拿到４００美元的退稅，若以家庭計算，最高退稅可達８００美元。

按照相關程序，方案的最終版本還將遞交參、眾兩院表決、通過後送總統奧巴馬簽字才能成為法律。奧巴馬此前已多次敦促國會議員以大局為重，儘快放行這一經濟刺激方案。並稱該方案將為美國挽救和創造３００萬到４００萬個就業崗位，並可幫助美國經濟最終走出當前危機。

         救市方案可望通過，總算解決一大問題，餘下的最大難題是拯救金融業計劃，其實質內容如何仍然是一個謎。諾貝爾經濟學獎得主克魯明話財長蓋特納的拯救金融業計劃唔知想點，令佢想起一個舊笑話，你行過一個教父面前，佢有啲好嘢益你，但搞來搞去你都唔明佢想俾乜嘢你。克魯明話自己真係唔知蓋特納提出方案的意思，有一種解說令人相信呢個計劃唔係太差，但係又唔清楚呢種解說啱唔啱。

        克魯明話這個計劃或許可以理解為政府唔做某些事情，政府似乎唔會大規模地付出高價去買銀行的壞資產; 政府似乎唔會為銀行的壞資產提供全面擔保; 如果係咁，至少好過這幾個星期傳出來的版本。

        按克魯明的理解，方案大約包括幾方面，第一，大量擴展聯儲局的量化泵水政策。第二，公私合作成立基金購買銀行的壞資產，私人方面只屬小股東，所以不算大送禮，他更懷疑最後能否做得成，不過做唔成亦都無壞。第三，為銀行做壓力測試，唔通過的銀行會獲政府注資，實質上等如將間銀行國有化。克魯明話，雖然政府講得含含糊糊，或者係用一隻特洛伊木馬將合適政策送俾大家都講唔定。

        克魯明向來寸爆政府，佢呢種評論都算比較正面，等如話蓋特納的方案不是一錢不值，問題只是未有細節，講唔清楚而矣，大方向都可能OK。看來大家唯有等，等吓蓋特納聽到市場一片噓聲之後，會唔會快快手手搞出具體內容。

陸羽仁

http://www.hkheadline.com/blog/r ... rd=&searchtype=

Mr.Business

2009/2/13 上午 11:09:05  

陸羽仁覆網友

牆頭草：而家消息話阿爺想搵中國銀行去競投AIG的亞洲業務，我估同阿爺的混業經營理念有關，兼且中行慣於投資海外，但背上不少包袱，咁咪益吓佢囉，不過國壽都未必會死心架，隨時上訴。

Lovelygirl:中行若成功收購AIG亞洲業務，比較利好。國壽現價仍貴，平股比比皆是，內銀股如中行的確平啲，所以最好等埋業績再睇。

A股農曆年後不斷升，恐怕同就快開人大政協要搞好啲個市有關。

Catjim:不能排除國企指數還有穿底的可能，不過長線投資者等國企指數近５０００時，可以開始分注吸納。

羅傑斯講嘢比較誇，黃金好難跌到４００美元，又好難上２０００美元，但美國咁印銀紙，若然全球經濟唔散，三幾年長線通脹必來，若黃金回吐到近８００美元時，可以低吸揸長啲。

geniegenie:你想供大陸股基金，我估加埋各方面因素計２８２８恒生H股基金安全一啲，但走勢跟H股，唔跟足A股，但如果睇１０年，兩種股票走勢會趨同。

趙子龍：你話喺書局同美少女的對話：「佢問我叫乜名, 我咪同佢講, 叫我子龍啦！」嘩！好英呀！！

１８年輕新手：黑天鵝的作者中譯應叫納西姆．尼可拉斯．塔雷伯(Nassim Nicholas Taleb)。

小潘：我自己的裁員標準係用盡一切方法不裁員。

KFC:恒指成份股佔指數比重每日都一樣，但每日每隻股的股價都不一樣，所以每日每隻股影響指數的點數都不同。

此方：呢幾日細價股炒起同延長禁售價無關，因為只有董事禁售期，無莊家禁售期，細價股炒起係莊家一年一度想搵啲使用，所以就跌吓錢等你去執，跟住就扒埋你個荷包。

Rockerhill:唔好信中港美股decoupling（脫鈎）的言論，我唔信港股已在牛一。莊家股唔係牛一，係佢地想殺一啲相信大市已牛一的散戶。

火柴：澳洲係細經濟，要跟美國大隊，全世界唔好，佢唔會好，但它是以商品出口為主導的經濟，外債唔太多，所以唔係最衰嗰個。總括來說唔應該睇好澳元，但若長線睇淡美元，先等澳元跌到試低位時低吸，博美元衰時佢反彈而矣。想澳元再上高位，短期難矣。

一草一木：英國和美國不同之處，皆因美元是全球貨幣，流通價值高，所以承受得起較高的發鈔發債量，但英鎊唔係咁，發債太多，鎊價急跌，債市崩潰，會比美國快好多有債務危機。美元再上高位的指標是升穿美元指數的高位８９。

Catjim：羅傑斯見到美股跌到咁仲唱衰，會唔會一邊話沽一邊平番部份淡倉呀。

Vencent：二叔公行業的運作是有資金在手，用賤價作價要人抵押資產借錢，可能係資產市值的三、四成，你還唔到就殺你，用番市價八、九成出讓資產。好多大孖沙都係咁借錢俾上市公司老細，還唔到就食埋人間公司。美國唔可以用咁方法收購銀行毒資產，因為咁作價會好低，銀行業會暴露出幾萬億美元的巨虧。

凂文:宏利國壽各有風險，國壽價貴，宏利唔貴，但有國際金融股的風險, 唔係唔可以買,只宜小注。

Mr.Business

注：此篇文章版权归香港頭條網所有。

金融High Tea——喪炒股仔要留神
2009-02-13

市場對美國7,890億美元經濟刺激折衷方案反應冷淡，美股周三反彈乏力；內地周二公佈的1月份進出口貿易資料，反映經濟增長仍然疲弱，拖累內地股市下跌。港股繼續偏軟，恒指早市低開99點，之後跌幅擴大，勁跌365點至13174點才見支持，恒指下午後跌幅收窄至下跌約200點，其後再度反覆向下，在「競價時段」再被推低逾30點收市。

        恒指第二天下跌，收市報13228點，再跌310點或2.3%，受內地A股下跌拖累，國企指數跑輸大市，下滑232點，收報7368點。期指收報13128點，跌412點，比現貨低水100點，成交66676張。

        拖累大市的主力仍然係金融類股份，整體下跌了2.8%。重磅股礇控（005）股價及相關新聞走勢惡劣，跌穿59元，在「競價時段」再被質低至全日最低位收市，報58.5元，跌2.4%；渣打（2888）股價及相關新聞跌3.4%至92.3元；恒生（011）股價及相關新聞和中銀香港（2388）股價及相關新聞跌1.6%及2.2%；將於下周二率先揭開銀行界業績序幕的東亞（023）股價及相關新聞大跌6.6%至16.4元，係中遠太平洋（1199）股價及相關新聞以外，跌幅最大的藍籌股。

        「
三保六行」全線向下，國壽（2628）股價及相關新聞跌3%；平保（2318）股價及相關新聞否決富通（FORSY）出售資產的交易，匯盈的LouisTse表示，投票結果增加了富通破產的可能性，平保持有富通5%股權。平保昨日跌3.4%，報36元，財險（2328）股價及相關新聞則微跌0.3%。

         發展商賣樓停鰦一段時間，最近開始有面對現實，減價散貨跡象，繼新世界公佈海濱南岸有近百個單位無上會要重售，再賣會減價約兩成外，昨日華置亦宣佈會調低價錢出售灣仔一個新盤，而且先前已購入單位的買家，亦有得打番相同折扣，估計發展商為了套現，會陸續調整賣樓價錢。由於二手樓價在金融海嘯後已經回落，全新的樓盤推出訂價亦再無以前咁進取，所以貨尾減價已在市場預期之內，關鍵反而係減價之後，能否刺激到買家的購買欲，對地產股會有更大影響。

        大市變隔夜油炸鬼

         個大市好似隔夜油炸鬼，無晒火氣，雖然唔係話跳崖大插，但一級級咁落，下午彈完又再插，以低位收市，期指仲要低水成百點，走勢肉酸。經紀張話佢鱓散戶客雞飛狗走，剩下來的都變鰦期指淡友。猶記得早兩日經紀張把聲仲十分興奮，如今馬上變死狗。我笑佢話：「你睇得咁淡，證明散戶指標都全線睇淡，呢個真係唯一的利好因素啦，其餘都無乜№值得睇好。」

        大市無得炒，中小型股亂咁炒，壹傳媒（282）股價及相關新聞擬進軍台灣電視業，老闆黎智英請鰦馬英九總統的前幕僚金溥聰擔任電視籌劃行政總裁，話買唔成當地的電視台，就自己搞一間咁話。本來公司逆市投資勝敗難料，都好難講一定係好消息，但壹傳媒卻借勢狂炒，股價一度升1倍至1.75元，11點後升幅慢慢收窄，最後收報1.11元，仍升27.6%，追進者即刻坐艇。

        細股無厘頭炒起

        股壇老雀話，昨日早段散戶若見壹傳媒股價急升就追入，最後股價從高位跌鰦6毫幾子，唔見鰦36%，一走唔切就坐艇，講唔定炒家借好消息入場，炒高即派，快到一日就炒完，散戶高位買鰦輸一成唔打靶，又變長期投資。

        老雀話，壹傳媒都叫做有原因炒高，最近好多細股更加係無厘頭炒起，例如早前熱炒的香港資源（2882）股價及相關新聞昨日再跌19.7%，隻№上星期尾仲係0.57元，今個星期二已炒上高位1.63元，跟住急回，昨日跌到1.14元，隻№連蝕幾年錢，盤數幾樣衰，但隻股照樣炒，炒法來去如風，走慢半步都無命。

        不過講都無謂，都唔夠風水大師隻宏霸數碼（802）股價及相關新聞，上日炒到23元，昨日急回到16元，跌30%，我都話炒呢鱓股唔過得夜，過夜就隨時上身。不過老雀話咁短癮睇呢兩日成交派唔到幾多貨，不排除跌纒又炒纒，等你信佢彈力十足時才是最後派貨日。

         老雀話佢唔係特別講邊隻股，但係叫散戶炒股仔要留神，老散記憶好短暫，過去輸鰦幾多，好快又唔記得，如今一見那一隻股炒得高興，又會走埋去落注。不過鶽家唔係大牛市，市況唔就，股仔都唔炒得好耐，莊家或者炒高少少就馬上派貨，執番幾千萬就夠一年使費，你以為好似過去咁樣炒番幾個月，輸鰦唔捨得打靶，唔知鶽家可能短癮到炒幾日就完，你一獱耐少少就走唔切啦！

        陸羽仁

http://www.hkheadline.com/dailyn ... n_name=wtt&kw=4

Mr.Business

注：此篇文章版权归香港頭條網所有。

蜜月期
       
2009/2/13 上午 09:38:14
網誌分類: 經濟

投資者對剛通過的美國拯救經濟方案反應冷淡，美股昨日開市跟隨外圍下瀉，杜指開市即插水近200點，之後政府報出不錯的1月份零售數據和申領失業人數數據，杜指跌幅收窄至下跌87點，但回升乏力。杜指午後再度走弱，最低跌穿7700點。

後來路透社報導，奧巴馬政府正在研究一項方案，為陷入困境的業主提供抵押貸款還款補助，令疲弱的投資氣氛回復生機，杜指最後的一小時，造出V型反彈，跳升近240點，差不多收回所有失地。美股三大指數個別發展，杜指收市報7933點，微跌7點或0.1%，全日最高7939點，最低7694點；標普500指數報835點，倒升1點或0.2%；納指報1542點，倒升11點或0.7%。紐約證交所成交14.8億股。杜指期貨最新報7939點，升41點，比現貨高水6點。

以美股昨日低點7694點計，距離去年11月24日的近年低點7449點比較，只有245點，若美股今次不穿底，可以話係再跌幅度有限，不過在跌市中撈底甚考功夫，並要承受穿底時的陣痛。

現時全世界領袖上任後的密月期愈來愈短，以住無一年都有半年密月期，但南韓領袖李明博上任時仲話要有7%經濟增長，但好快就俾人發現係流料，所以上任兩個月民望就插水。台灣的馬英九上任口號係「馬上好」，仲吹水話台股會見12000點，佢上任頭一兩個星期台股的確由8000幾點炒上9000點樓上，但之後就不斷插水，而家跌到4500點，變成「馬上插」，馬英九的民望就跟住台灣加權平均指數下插，支持他當總統的人數由80幾%跌到20幾%。

所以唔好期望奧巴馬會改變世界，「改變」只是政客的口號，唔好盡信。不過佢上任預咗倒水搞拯經濟計劃和提出拯救銀行業的方案，股市若要大插，都應該等這些方案盡出、這些招數用老時，股市才會失卻支持。所以短線插得深會反彈一啲都唔奇，若我做美股淡友，都怕會被政府出招挾死。不過拉長啲講，等奧馬巴招數出盡後，新總統的密月期可能亦只有兩三個月咁大把。

昨日令美股最後一個小時V型反彈的是路透社的報導，佢話全美不動產協會指2008年第四季度美國單戶住宅現房售價同比下跌12.4%，創自2003年來最低水準。路透話美國政府正在研究一項計畫，拯救瀕臨崩潰的房地產市場，為那受困業主提供抵押貸款還款補貼，同埋減少佢地每月還款，務求還款額和收入成比例。新聞出街後，銀行股與房屋建築類股彈升，扳回逾一半的跌幅。應該咁去理解，美股跌幅已深，一有風吹草動，淡友馬上平倉，以防俾政府的救市措施挾死。

美國商務部公佈1月份零售數據，給市場有意外驚喜，結束了連續6個月的下跌，銷售業績較上月上升1%，遠高過市場預期的負0.3%，這是自2007年11月以來最高的升幅。扣除汽車銷售以後，零售總額上升0.9%。1月份的電子產品銷售上升2.6%、食物升2.1%，係兩年以來最大的升幅，餐飲業及成衣升0.8%及1.5%。但若以年度比較的話，零售整體下跌了9.7%。總的來說，美國消費連番急跌後，都出現少少反彈勢態。

另外，勞工部亦表示，上周首次申請失業救濟人數下降至62.3萬人，高過於市場預期為下降至61萬人。而上周持續領取失業救濟人數從前一周的478萬人增加至481萬人，創1967年開始統計該資料以來的新高，高過經濟學家的預期的480萬人，顯示企業持續大裁員時，失業率會不斷惡化。

正如我昨日所謂，美國財長蓋特納推咗隻特洛伊木馬出來，大家都唔知隻木馬肚內有乜，淡友不斷推低大市試底，但一見勢色唔對就散，未來一個星期做好做淡都要面對高風險也。

陸羽仁

http://www.hkheadline.com/blog/r ... rd=&searchtype=