【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——好友投降任人玩
2009年1月14日

美股持續偏軟，昨日亞太區股市下跌居多。恒指早段反覆，低開41點，隨即再下滑70點至13,860點，之後一度倒升近260點至全日最高的14,119 點，但市況再度回軟，跌至13,921點後在14,000點窄幅爭持至中午收市。午後內地傳出惡劣的貿易數據，A股下插，港股好鮋唔跟醜鮋跟足，恒指跳水 285點才回穩，之後繼續橫行尋底，在「競價時段」再被推低25點，跌逾300點至接近全日最低位收市。

恒指收市報13,668點，跌303點或2.2%；期指收報13,569點，全日跌451點，比現貨低水99點，成交76,381張。

國企指數繼續跑輸大市，下挫231點或3.2%，直插7,000點心理關口，收報7,081點，大市成交472億元。

穿大位兵敗如山倒

港股昨日初段扮晒反彈，又引鰦一班即日鮮博反彈者追貨，怎料來一記回馬槍，好友全軍覆沒，恒指跌足6日，無一日反彈收市，愈跌愈有，如今連12月24日的近期低位13855點都破埋，論走勢無險可守，好樣衰。

中環茶友話，今年頭幾日升得太靚，幾日升鰦千幾點，令不少散戶認為牛市已到，飛身追貨，當時大市上升反覆試15,800點，結果在15,500點樓上鎖住一大批人，大戶派夠晒貨，如今跌番2000點有多，夾住一大批好友，昨日一穿13,800點，部份好友見支持位失守，兵敗如山倒，棄械投降平好倉。

茶友話，大戶夾住好友散戶玩，現在有2000點在手，要食胡夠位食胡，狼鱓再插下去食深鱓又得，好友極其被動，被人夾到進退維谷，處於一個生殺由人的任人玩處境，隨時係等夾到大量好倉認輸平倉時就回頭。

經紀張的散戶客仔情況，就反映了好友的困境，當大市殺上時，個個散戶以為唔買走寶，好多人唔係追內銀股，就係追香港地產股，例如佢有幾個客追隻工行（1398）一個月高位4.5元，昨收3.41元，個別咁唔好彩摸頂買又唔識止蝕，已經唔見鰦24%。經紀張一早叫鱓客唔好追，無人聽佢講，如今衰鰦，又日日「打電話問功課」，日日問經紀張點算。經紀張都唔敢答，15,000點佢敢叫鱓客唔好買，而家連跌6日跌到13600幾點，佢唔敢叫人斬倉，怕隨時一斬完倉就彈，佢實俾人媽叉。經紀張都識講，而家個市跌多1000點又得，彈番1000點又得，邊個話得埋。

不過我話，呢一浪咁急跌落來穿晒位，將兩三個月反彈浪向上的走勢打破，上升軌穿鰦，即使反彈，未來唔大插偷笑，保得住一個上落市都唔錯啦。

經濟數據唔靚仔，內地公佈上月出口1,111億美元，下跌2.8%，為1999年4月以來的最大低幅，出口明顯萎縮；入口722億美元，大跌21.3%，由於入口跌得多過出口，所以有貿易順差有390億美元。內地專家估計1、2月出口跌得仲急，貿易盈餘未必維持得到。內地出口差，會拖住香港經濟向下。

大摩睇好美元

美元急彈，反映美元兌六種主要貨幣匯價的美元指數急升上83.43，美元指數在去年11月12日升上88.46高位後，反覆急回，在12月一度跌落 78.33的低位，昨日的反彈相當急。商品價格回落，金、銀、銅、鋁等價格全線下跌。黃金每盎斯最新報819美元，比上日收市跌36美元。金礦股紫金（2899）、招金（1818）跌3%、江銅（358）跌7%。油價反彈浪好短命，最近連跌5日，紐約原油報每桶36.44美元，較上日收市跌逾3%。油股全線下挫。中海油（883）跌3%、中石油（857）跌3.9%、中石化（386）跌3.8%；石油設備股中海油田（2883）跌5.6%。

美元升、商品跌，兩者有相關。摩根士丹利貨幣策略師Stephen L. Jen在倫敦發表佢對美元的最新看法，睇好美元，佢特別睇淡歐羅，佢話全球要對付兩種震盪，一種是資金流通性的震盪，一種是實體經濟衰退的震盪，他認為兩種震盪都對美元有利（流動性震盪加劇時資金到美國債市避險，實體經濟震盪美國行先一步），去年12月資金流通性震盪稍為紓緩，但實體經濟震盪在默默加深中，美元因而短期回落，但實體經濟的震盪將會加劇，美元相對亞洲貨幣（日圓除外）和拉丁美洲貨幣會再創新高；而全球經濟放緩對德國的影響很大，所以現時的歐羅匯價過高，十分脆弱，歐羅兌美元匯價昨日跌到1.329的近期低位，但佢估歐羅在未來幾個星期會跌番落1.2幾的水平。只有日圓匯價比較強硬，會升至 85圓。

陸羽仁

Mr.Business

注：此篇文章版权归香港頭條網所有。

角力         

2009/1/14 上午 09:39:16
網誌分類: 經濟

全球經濟下滑加劇世界各地股市遭拋售，亞洲、歐洲多個主要股市已連續幾天下跌，香港跌了六天，英國跌咗五日，美國杜指昨日亦連續第五個交易日下跌，不過已稍稍回穩，杜指低開之後在窄幅橫行，最高升過39點。12:30後杜指開始偏軟，走勢向下，但下跌下足100點已有支持，尾市強力反彈，但最後都未能完全收復失地，杜指收市報8,449點，跌25點或0.3%；標普500指數及納指結束連日來的跌勢，分別報871點，升2點及1,546點，上升8點。紐約證交所成交13億股。

美股面對壞消息不斷，昨日整體表現已算不錯，有先跌後彈的格局。拖低大市的主要動力來自美銀、通用電氣、波音以及聯合科技(United Technologies) ，分別下跌6.8%至10.65美元、5.6%至14.94美元、2.9%至42.46美元和3%至50.8美元。四隻股票合共推低了杜指42點。主要原因是市場對巨企的業績均抱悲觀態度，而大行亦紛紛作出對大公司業績不利的預期。

世界第三大鋁生產商美國鋁業公司公佈第四季度營業收入57億美元，同比減少19％，虧損11．9億美元，而上年同期為盈利6．32億美元，係六年以來首次錄得虧損。該公司認為主要原因是汽車、商業運輸、建築等主要用鋁行業需求銳減，令國際市場鋁價大幅下跌35％，導致業績滑坡。

美國鋁業公司總裁兼首席執行官克勞斯·克萊因菲爾德話，「鋁行業正處於一場史無前例的風暴中。鋁價從未如此快速地下跌。隨著需求減少，庫存正在增加，而價格逐步走低。」美鋁為扭轉經營頹勢，日前宣佈將在全球裁員1．35萬人，佔其員工總數的13％，同時會削減開支和產量。金鋁如此，其他金屬行業的境況亦類近，全球經濟衰退，鋁業、銅業、鋼材等行業都無一倖免。

全球金融危機將把另一家跨國公司拖入虧損境地，日本媒體昨日報導，日本消費電子巨頭新力(Sony) 因液晶電視等電器產品銷售慘淡，以及日圓不斷上升，業績嚴重受挫。預計2008年將出現14年來首次虧損，預計虧損約合1.2億美元。新力去年10月曾調低2008財年的業績預測，但當時仍表示可確保營業利潤有2000億日圓的盈餘。日本媒體報導話，根據新力第一季度的產品積壓程度，最終的虧損數字可能會更高。

全球巨企進入業績公布期，盈利大倒退變成常態，虧損亦不令人意外，問題是這個虧損週期何時完結，各方都寄希望予快將上任美國總統的奧巴馬，但他是否這麼容易就能把美國以至全球經濟起死回生呢?

美國聯儲局主席伯南克第一個跑出來吹淡風，佢在倫敦經濟學院發表演說時話，即將入主白宮的新管治層正研製推動經濟活動的財政政策，若有更強大措施穩定及強化金融體系，並不足夠令經濟長久復甦，他認為美國政府要向銀行購入或擔保不良資產，才可令經濟重上增長之途。伯南克的言論給市場帶來一些安撫，昨日帶動了美國金融股上漲。

       佢話奧巴馬提出的7750億美元救市措施，單單增加財政開支並不足夠。佢建議三種方法去吸納金融機構的壞資產，第一種是財政部直接購買壞資產，這也是保爾森救市計劃原本建議的方法，但後來計劃轉向直接入股金融機構，購買壞資產的計劃就沒有進行。第二個做法是買走有問題的金融機構的壞資產，政府的損失由銀行發出認股權或支付服務費填補，即是政府不付錢買壞資，變相擔保資產，倒過頭來由銀行付出代價填補政府可能的損失，這個方式政府的直接財政支出少好多，只是背上隱藏負債。三個方法是向壞銀行注資，政府可以向壞銀行買走壞資產，條件是收取壞銀行的現金和股票。

        總的來說，伯南克係建議清理掉金融機構的壞資產，醫好它們的病，讓他們重拾活力，重新上路。由伯南克的講話估計，金融海嘯比他原來估計更嚴重，金融機構還有大量壞資產，由於樓市和企業債券無力回天，金融機構持有這些債券或相關產品，浮來浮去也浮不到水面。由此可以總結，一日未有徹底解決方法，不宜太早睇好國際金融股，例如匯控，還有好大集資壓力。

        其實伯南克咁講嘢，有少少和奧巴馬暗中較勁的味道，因為把大家的不同看法擺到枱面上。奧巴馬擺明想叫候任白宮經濟顧問薩默斯明年接任聯儲局主席，如無意外伯南克做多一年就要收檔，但伯南克亦不認為奧巴馬團隊十分高明，奧巴馬的7750億美元救市計劃全是財政支出派錢兼搞基建，奧巴馬亦想動用保爾森7000億美元救市計劃尚未撥出的3500億美元，但用錢方向是援助業主和企業，隨時把錢用哂去擔保業主陷入斷供危機的按揭。但伯南克似乎認為奧巴馬的救市方向全方位討好大眾，唔理金融機構，遲早又會出事。伯南克和奧巴馬暗中角力，且看奧巴馬團隊如何回應。

陸羽仁

Mr.Business

2009/1/15 上午 07:38:11  

陸羽仁覆網友

睇見部份網友睇好俾大戶挾住，猛媽大摩的匯豐報告，贈大家幾句: 散戶同大戶賭錢，輸錢是必然的，贏錢是例外的，輸咗要止蝕，贏少少莫心雄，因為最終都要輸番俾佢。

Ray:現價做２８２８的ELI，年息２８厘，月息２厘有多，７０％接貨，利息高即係引伸波幅高，可能沽國指認沽期權收的期權金更多，或者可以沽更價外的，但收取近似的期權金。

本月彈番上１５０００點的機會唔係無，細啲，即使彈得上都好難企得穩啦。

匯豐穿６０元的機會相當大，雖然未必是一Ｑ到站。匯豐未見底，恒指好難見底，因為意味著國際金融股還在尋底，國際金融股是風眼中心，亦意味金融海嘯未見底。

Share(大好友)：聯想係跟住美國電腦股急挫的大勢，再加上佢自己都十分睇淡自己的前景，基金力沽，所以要展開一個較長的尋底旅程，現價不宜溝淡，因為加咗注若反彈走唔切又會鎖死較長時間。跌得深不排除會彈吓，若有大反彈先減持，候低揸番都得。再講，溝淡係好壞的習慣，唔順手時要認輸打靶，今次比你溝淡溝番轉頭，下一舖又溝，終於有一舖會溝哂全副身家。

WPS:叫你地唔好買金融巨股有原因，美國有辦你睇，強如高盛，摩根大通，美銀都跌到阿媽都唔認得，所以匯控，渣打有危機，佢地的基地香港、亞洲各國和英國的經濟都在急促惡化中，短線走勢十分不利。唔好覺得佢地平，美國大把平貨，摩根大通和美銀都唔貴噃。

超細蕃：你講得好啱，上証綜合指數靜態市盈率為14.56倍，市淨率為2.22倍，A股仍比世界其他股市貴，唔好成日話佢已到牛市，只會走上落市，在救市政策的影響完全消化掉後，佢有深跌的空間。

Mr.Business

注：此篇文章版权归香港頭條網所有。

金融High Tea——隊住礇控 壓低港股
2009年1月15日

港股昨日跟隨外圍反彈，恒指高開139點後偏好，下午一度升上14,019點，不過其後被插低，反覆回落至13,645點，收報13,704點，升幅收窄至36點；期指收13,707，升135點，比現貨高水3點，成交72,393張。國企指數升幅收窄至138點，報7,219點，大市成交662億元，當中包括中行（3988）股東配售上板涉約185億元。

港股昨天早段反彈勢頭不俗，但下午卻打回原形，拖低大市的主要動力來自重磅股礇控。另一隻重磅股中移動（941）則獲大行推薦，麥格里指出，中移在那些流動工人數量多的省份的收入增長雖然顯著放緩，但農村地區移動用戶卻有強勁增長，在滲透率低的中國農村市場佔有主導地位，抵消放緩的負面影響，受言論刺激，中移動最高曾見74.45元，尾市回落至72.8元，升0.8%。其他中資電信股方面，聯通（762）先升後跌2.4%，中電信（728）亦倒跌 0.8%；相關設備股則再被熱炒，中通服（552）升7.5%、中興（763）炒高9.4%。

澳門公佈去年全年遊客數字，依然有所上升，濠賭股繼續炒反彈，新濠（200）主席何猷龍料澳門賭業今年好轉，新濠升5.8%、銀娛（027）升9%、信德（242）升5%、澳博（880）升4%。

港股昨日叫做中止鰦六連跌，但反彈力度認真麻麻，主要係市場憂慮美英銀行業受累經濟不斷下跌，會再爆新一輪壞消息，需要為未來的呆壞帳再增加撥備，所以大市整體氣氛非常審慎。

昨日成日都係玩隻重磅股礇控（005），佢被摩根士丹利降目標價至52元，上日已經要插，昨日依舊烏雲蓋頂，不過開市後插到71個幾時，便在這個水平牛皮，但下午3點後就開始急插，低見69.70元，再創自美國911事件以來新低，收報70元，跌4.1%。恒生（011）跌4%，渣打（2888）雖然有董事局成員戴維斯加入英國政府內閣，都無法沖喜，股價依然照跌3.3%，中銀香港（2388） 及東亞（023） 則齊跌近1.3%。

一字記之曰：毒

中環茶友話，昨日鱓大戶都算玩№啦，上午由得你抽，中午收市後，內地市好帶動恒指在3點前炒番上14,000點的高位。但3點內地收市後，上證綜指升3.5%，大局已定，沽盤就鈬料，全力係咁掟隻礇控，大市一條線咁直插下去，最低差不多插鰦近400點才喘定。

茶友話，本來人升礇控唔升，已經拖住大市，到礇控帶頭插，本來升得好好地的中移動（941）、一眾紅色金融股和香港地產股都腳軟，跟住回頭，升幅大量收窄，大戶等3點後才發難，只可以用一個字來形容：毒。

又係鰟句，大戶做到咁，論走勢仍然係差到極，跌足六日，第七日彈得雞碎咁多，個市走勢弱雞。不過茶友話，大戶做到咁明顯，好友信心盡失，防線好弱，隨時轉 ɜ。佢地配合大摩個報告隊礇豐，不外乎兩招，第一招是明招造淡，暗招平倉，趁住大摩報告人人都話礇豐見52元時，將淡倉平掉，先食鋪三番。第二招更誇，擺明車馬炮咁去造爆棚，直踩礇豐落52元，食硬你呢鋪爆棚，睇死你無力還擊。

陸羽仁話兵不厭詐，大戶未必會硬上弓一直死去，不排除先食三番，俾大市彈一彈，再養大個傻仔，然後下舖先食你爆棚都講唔定。

中行先沽後獱

中行俾蘇格蘭皇家銀行減持，批股價1.68元至1.71元，套現184億，昨日隻中行不跌反升，收1.9元，升2.7%，大折讓沽貨唔跌，隨時有蠱惑，蘇格蘭銀行想沽貨咁揚，不排除有春江鴨捉到路，自己有中行也好，出街借貨也好，早兩日沽定先，然後去接蘇格蘭銀行的折讓貨平倉，食盡差價，所以咁大手貨沽出街後無乜人即接即沽，所以唔係咁睇好中行，而係一早食夠。

陸羽仁

Mr.Business

注：此篇文章版权归香港頭條網所有。

保守策略         

2009/1/15 上午 09:08:28
網誌分類: 經濟

歐洲三大股市齊齊大跌近半成。美國12月份零售大減，整體下跌2.7%，遠超市場預期的1.2%；市場憂慮銀行業的財務健康狀況；加上蘋果的老闆Steve Jobs因病長期休假和摩托羅拉宣佈裁員4,000人，嚴重打擊市場投資氣氛。杜指連續第六天下跌，開市不足90分鐘，便以三級跳式下跌近300點至全日最低位的8,141點才喘定。杜指之後在低位窄幅橫行，下午2:40跌幅略為收窄至近200點，但支持乏力，杜指再度下滑，尾市略為反彈。

             杜指收市報8,200點，下瀉248點或2.9%，係去年12月1日以來最大的單日跌幅。杜指全日最高8,446點，最低8,141點；標普500指數報843點，下挫29點或3.4%；納指下跌57點或3.7%，跌穿1,500點，收報1,490點。紐約證交所成交14.2億股。杜指期貨最新報8,132點，下跌27點，比現貨低水68點。

             美股昨天可以講係屍骸遍野，杜指30隻成份股全線下跌；標普500指數成份股有480隻下跌；納指100隻成份股則有92隻。大市跌市冠軍係花旗集團，因落實出售其證券部門花旗美邦 (Smith Barney) 予摩根史丹利，投資者普遍憂慮佢無法正常運轉與盈利受損，股價大瀉逾兩成三至4.53美元。另一拖低大市的動力則來自油股，艾克森美孚(Exxon Mobil)收報75.1美元，下跌3.6%，而雪佛龍(Chevron)下跌3%至69.69美元。兩隻股票推低杜指42點。美國存托憑證(ADR) 昨日亦大跌，滙豐控股下跌近8%至42.20美元；中移動亦跌2.2%至45.41美元。

             好多人問長線投資策略，全球最大債券基金公司太平洋資產管理（PIMCO）創辦人、有「債券大王」之稱的格羅斯(Bill Gross)的觀點，值得一書。佢在其公司PIMCO的網站發表文章，講到2009年的展望，他提到2008年美國變成「拯救的國家」，動用或擔保了合共萬億美元私人債務，防止美國經濟滑向大蕭條。真正的爭議在於美國將21世紀的美式資本主義，一下子突變到類似羅斯福總統的新政(干預經濟制止大蕭條)，到底有無用呢?

            格羅斯引述30年代的財長Andrew Mellon話，「裁掉員工，賣掉股票，趕跑農夫，將腐敗從這個制度踢走。」Andrew Mellon認為拯救企業等如在火上淋汽油，所以部份人反對拯救金融等企業，認為這是在美國和全球經濟增加萬億美元的新債，而原因竟然係因為「債太多」。

            佢話讚成拯救的人以30年代大蕭條和近年日本的大衰退為例子，怕政府不救企業，就會出現流動性陷阱(liquidity trap)，出現金融黑洞，令借貸人、儲蓄者、甚至消費者最後都會將錢收入床下底，經濟長期衰退，所以巨企一出事，一定要救。

            佢話呢個辯論永遠無法有結果，因為無人能重造歷史，證明如果當年做了什麼又會如何。而家只知一樣事實，就係即使美國和全球各國都有救市，但主要經濟體還是步入了衰退。(格羅斯去年10月似乎睇得樂觀一點，估計金融市場在短期內見底，如今比較不確定)

            格羅斯認為，過去25年，美國及七大工業國過份依賴資產增值來帶動經濟，發明多種金融產品，把一切都證券化，不明白這種做法會令經濟空洞化、自毁、最後會走向爆炸，例如龐氏騙局，按揭市場大把龐氏騙局，按揭機構容許貸款人只付極少量本金、每月供款連還息都唔夠，就把大筆資金借走，金融機構又把這些貸款證券化，也類似龐氏騙局。政府面對這個龐氏經濟，唯一的策略是放水救市。

            講咗咁耐，你估面對咁嘅局面，格羅斯會點投資?佢都唔理政府做嘢有無效，話，佢嘅基金睇嘢角度好簡單:「和政府做朋友」，將政府當作你的投資夥伴，明白到今年或者未來一兩年，政府的支票簿，將是市場最大和最主要的買家。估吓佢買乜，你可以搶先入市，例如有評級支持的按揭、銀行的優先股、銀行的高級債券，有Aaa評級的資產抵押證券如信用卡貸款、學生貸款、汽車貸款等。佢話奧巴馬政府好快就要面對向州和大城市提供數以十億美元計的資金，無人可以想像加州或紐約市破產啩，咁樣夾埋可能要1萬億美元，而家州和地方的債券相對於美國國國債正有著前所未有咁高的息差，買入呢啲地方債券，好過買得2.5厘10年期美國國債，因為國債已升到太貴。

            佢又話雖然美國政府唔會買追踪通脹的證券，但如果要谷起通脹是政府的目標，這些證券都會受惠，10年國債得2.5厘息，市場明擺著估會通縮，以國債現價計，債券持有人的通脹打和利率顯示，未來10年美國每年通縮1%，唔係無可能，但出現的機會不大。仲有一個策略，全球有好多地方都有高收益率的高質企業債券，一年有6厘息以上的債券唔少，亦可以投資。

對大戶而言，今年想有較穩健的投資，不妨炒炒格羅夫條橋，但對散戶而言，就買唔到佢講的產品，但有一種替代品，可以留意房地產基金（Reits），睇住這些股份去年１０月的低位，等大市插深啲近低位時，開始吸納，收吓高息，都係穩中求勝的投資。

陸羽仁

Mr.Business

注：此篇文章版权归香港頭條網所有。

金融High Tea——狂轟濫炸 屠殺好友
2009年1月16日

昨日係「好友屠殺日」，美股杜指上日急插248點至六個星期低位，亞太區股市跟隨全線下跌，而且跌幅驚人，大部份跌至一個月以來的低位、南韓更是今年首次跌到要停市五分鐘。港股自不能倖免，恒指早市低開569點後快速尋底，跌穿13,000點大關，最低曾跌至12,904，大跌801點，之後跌幅略為收窄，半日收報12,967點，仍跌737點。下午叫做轁纒氣，尾市一度反彈至13,301點。

恒指收市報13,243點，下瀉462點或3.4%；不過現貨收市期指又插，期指收報13,051點，跌656點，比現貨大幅低水192點，成交 80511張。國企指數雖然下跌，但繼續跑贏大市，收報7,042點，跌177點或2.5%。大市成交662億元，當中包括蘇皇配售中行（3988）股價及相關新聞股份上板的185億元。

期指再插 仲未埋尾

中環茶友睇住大戶做?話佢懐今次係打鰦場漂亮鮋勝仗（散戶當然好唔飱聽）。茶友用打仗睇形容，大戶利用「新年效應」，製造恍似「牛市」形勢作誘餌，引誘好友入市，好友食到少少甜頭全軍盡出，點知俾人殺番轉頭不特止，再來一個圍城。

茶友話，大戶將好友困鰠一個無險可守的小城裏面，狂攻猛打，可以講係為所欲為。借住礇控（005）股價及相關新聞的弱勢，大市連續六日狂「隊」之後，前日連去年12月24日的近期低位13,855點都殺穿埋，最後一度防線都被擊破，仲未投降鮋死硬派好友，已經被殺到崖邊，期指大戶食住2000點在手，隨時可以食胡。茶友話，依家睇鈬大戶唔止想食三番、係要食爆棚。

結果昨日大戶展開全面攻擊，期指一開就打到13,000點門口，好友火力強橫，好似最近以色列用巨型轟炸機針對加沙一樣，狂轟濫炸，屠殺好友，茶友話，好友可以講係全軍覆沒，佢見到好多散家期指好倉全部斬晒。

圍城攻破，好友死得八八九九，大戶殺多一兩日就可以收兵，但昨日尾市期指仲插，再跌多鱓都唔奇，大戶實行汁都撈埋。月尾時不排除跌得多會彈番，但綜觀外圍經濟環境，整體市道仍是以「淡勢」為主，大家切勿將反彈睇成轉勢。大戶呢一仗當然又係「環亞洲操作」，叻就叻在美國其實並無大事，但年頭亞洲市抽又抽得高過人，如今回又回得急過人，借住美國小波浪，在亞洲玩大波浪。

昨日拖低大市的主要動力是重磅股礇控和中移動（941）股價及相關新聞，夾住大股來隊。礇控受大摩削減目標價至52元，上日在美國預託證已急跌8%，昨日整日備受沽壓，最低跌至65.55元，係10年以來的新低，尾市略為回穩，但仍下跌5.7%至66元；中移動最多亦跌過半成至68.6元，但里昂睇好中移動，並維持中移動「跑贏大市」評級，目標價85元，尾市跌幅收窄，收市重回70元樓上，報70.4元，跌3.3%。

睇淡礇控 阿媽唔信

好多散戶唔順大摩唱淡礇控，一見礇控跌就撲埋去，有自稱「反買礇控派」的中環茶友，就叫散戶留神，佢話大行出報告或有動機，但唔好唔信大行枝笛走去頂頸，否則要吃眼前虧。呢個茶友過去經常叫人唔好買礇控，佢唱淡理由不是有甚麼過人眼光，能夠睇穿礇控盤數或前景，而係見到美國金融業瓦解，形成資金黑洞，先係中東股神、繼而係各國主權基金，先後都入股美國的銀行都變「填琑」，跟住輪到美國政府出手，入股金融機構都救到身水身汗，咁樣環境，點解仲要企埋去呢？所謂君子不立危牆下，美國金融業不但係牆倒，直情係地陷，梗係無理仲去買以美英為主要市場的跨國金融股！摩根大通同美銀都咁便宜，礇控都唔會好環境。

不過，呢個茶友有個慘痛經驗，就係發現身邊好多至愛親朋，包括母親大人都無聽佢講，偷偷去買大笨象，主要原因之係人是會累積經驗的動物，過去幾十年買礇控係「有買貴、無買錯」，每次係低位吸納礇控，都有可觀利潤，今次礇控由100元樓上開始回落，好多散戶都視為「低吸」良機，於是紛紛入疊，形成過去一年基金猛沽貨，散戶猛接貨的現象；加上散戶貪礇控派息高，話現價10.9厘息率好吸引。但茶友對阿媽的忠告，礇控係可以不斷跌、可以減派息、可以供股集資，今日的礇控同往日唔同，阿媽唔好唔信鏡呀！

陸羽仁

Mr.Business

注：此篇文章版权归香港頭條網所有。

保守策略（２）         

2009/1/16 上午 09:43:51
網誌分類: 經濟

亞洲及歐洲股市大跌，美股昨日早段跟隨外圍跌勢，杜指開市一小時內即下滑173點至8,000點上方邊緣，之後跌勢放緩，窄幅橫行。中午跌穿8,000點至全日以及今年最低的7,995點之後反彈，上衝逾290點才回順。尾市在8,200點上下爭持。杜指結束了連續6日的下跌，收市報8,212點，升12點或0.2%，全日最高8,286點，最低7,995點；標普500指數報844點，微升1點或0.1%；納指搶先反彈，漲22點或1.5%，報1,512點。紐約證交所成交上升至16.4億股。

    美股單日轉向，加上納指反彈，美股似有短期見底之象，在8000點至9000點之間炒上落的趨勢較明顯，港股本來亦在13800至15800點中間上落，但下破低位殺盡好友，不排,除大戶食夠時來一個回馬槍，炒炒反彈。

美國昨日有不少經濟數據出籠，勞工部公佈，12月生產者物價指數(PPI)較上月下降1.9%，扣除食品和能源的核心PPI較上月上漲0.2%，高過市場預估的0.1%；當周新領失業救濟金人數升至52.4萬，亦高過市場預期的50萬，比上一周修正後的47萬高逾11%，失業率有惡化跡象。

拖累大市的主要動力仍來自金融類股份，跌幅最大的係美銀、花旗集團和摩根大通，分別大瀉18.4%至8.32美元、15.5%至3.83美元和6.1%至24.34美元。美銀領跌，主要因為市場憂慮佢雖然已獲政府注資250億美元，但其財政狀況可能仍未能完成收購美林，要政府再磅水。

美國參議院以52對42票通過放行奧巴馬要求的問題資產救助計劃後半部分的3,500億美元(Troubled Asset Relief Program, 或TARP，即布殊政府的7000億救市大計，而家美國救市計劃太多，令人有點混淆)。對奧巴馬來說，這次投票是他入主白宮的首次立法上的考驗，尤其是民主黨參議員最近對他的大規模減稅計劃及委任潘內達(Leon Panetta) 為中情局局長，頗有微言。此外，市場對TARP計劃自推出以來的收效亦普遍存疑。美國眾議院日前以275票贊成、152票反對通過了有條件使用該筆資金，附加的條件包括財政部需將500億美元用於幫助陷入困境的抵押貸款者修改信貸協議，防止他們無法贖回自己的房產。奧巴馬政府已保證，新政府將把剩餘救市資金中的1000億美元用於房屋市場，其中包括幫助房主對抵押貸款協議進行修改的撥備。

    全球最大晶片生產商英特爾(Intel)週四公佈第四季業績，因經濟衰退削減需求和有約10億美元投資的撇賬，收入大跌兩成三，盈利2.34億美元，每股0.04美元，與2007年比較大跌九成。Intel話，因經濟不確定性和前瞻性有限，公司目前對09年首季營收前景不做預測，股價一度大跌逾2%至13美元，尾市止跌回升1.7%至13.29美元，收市後再升34美仙至13.63美元。

    昨日提到保守策略，引起網友提問，首先我要重申，這是保守策略，不是增長策略，源於阿Ray問我在熊市有乜保守投資可以有一定回報，我就借花敬佛，用格羅期對大局的分析來回應，格羅斯是債券大王，佢諗到的投資策略自然係買不同種類的債券，一般而言，債券比股票穩定，但回報較少，因為債券主要收息，股票可收息兼博資本增值(當然買低於面值的債券，佢到期時按面值贖回，都會有啲資本增值，但點解都同股票無得比)，但債券比股票安全少少，只要間公司唔執，或政府唔賴債，債券較少有資本損失。

    格羅斯建議買對抗通脹的債券，散戶無得買，所以我建議等低價買房地產基金，買房產基金，性質上等如買咗一個物業組合(和買物業公司不同)，主要回報靠收租和資產增值。

    我提三隻房產基金俾大家參考吓，第一隻是持有房委會商場和停車場的領匯(00823)股價及相關新聞 ，現價14元，一年高位20.2元，低位10.96元，現價息率5.7厘，市值帳面值比率0.989倍(每股帳面值即每股資產淨值，比率是1倍即股價和資產淨值一樣，低於1即股價對資產淨值有折讓)。領匯較安全，股價唔平唔貴，政治風險有啲，唔算太大，因為好市時想加租好難，淡市頂住政治壓力唔減租較易，領匯租金水平較低，租金收益下跌的風險有限。

    第二隻是冠君產業(02778)股價及相關新聞 ，現價1.93元，一年高價4.59元，低位1.31元，現價息率19.8厘，市帳率1.68倍，由市帳率高，息率亦高，顯示香港租貴，雖然租金有下跌空間，但以佢旗下朗豪坊計，租金不致跌得太急太快，但可能顯著下跌，要預咗息率跌。

    第三隻是越秀地產(00405)股價及相關新聞 ，現價1.93元，一年高位3.15元，低位1.16元，現價比低位反彈好多，現價息率13.3厘，市帳率0.51倍，越房的資產折讓最深，相信係市場預咗大陸房地產價格較波動。

    我o既建議係睇吓邊隻Reits跌得近一年低位，跌得好甘時就買吓，唔好期望有太多資產增值，但執笠風險唔係太大(領匯最安全)，但平價時買吓收吓息都唔錯噃，呢個都算保守策略。

陸羽仁

Mr.Business

2009/1/16 上午 11:25:06  

陸羽仁覆網友

Ray:你問做ELI用５０．７元入２８２８係唔係一個安全入市價，我思考方式唔係咁，想買貨，唔好用ELI，等大跌市時候機去買，乜價，到時判斷，可能比５０元平，可能比５０元貴，做ELI等如沽認購期權，一要沽得好價，第二唔想接貨，唔好比「接貨都無壞」呢個觀點誤導咗你。

２８２８比２８００風險大啲，但隨著匯控和本地地產股都有相當風險，２８００的風險在增加中。

想買２８００，要等匯控走勢明確啲好啲，美國、歐洲銀行股未跌定噃。

匯控見底的前提是歐、美金融市場的穩定，無論從業績和持有資產計，匯控在兩地的資產業務共佔三分二，是一間歐美銀行，如果美國和英國銀行最後無一間頂得順，最好嗰間都要國有化，你估匯控會點？

睇匯控第一要渡過急跌期，即係要穩定下來，第二是何時進入回升期，穩定下來要今年第三、四季，回升最快要明年了。

若匯控跌到５２元，要看紅色股有無大插，若無大插，股市應守得住去年個底，若全線，咁就PK啦。

除了領匯外，公用股都2，３，６都OK，但我鐘意Reits多啲，可能因為我喜歡買樓啩。

水適石穿：領匯的政治風險不致太高，Reits股價一樣波動，但無普通股票咁大。

牆頭草：我話的爆棚指１２０００點、１３０００點，大戶佢有三辣可以食，咁大市就要破底啦，可能５月到。

Bdroom:我對樓價的睇法同陸東相反，佢睇中小型跌得多過豪宅，我估豪宅跌幅多過中小型住宅，瑞銀有一班人一直睇好豪宅，恐怕揸咗重貨，自己有倉位就唔夠客觀啦，道理好簡單，升得多就跌得多架啦。

潘記：匯豐現價不宜買（博反彈短炒例外，一成止蝕幾時都可以博）。

Govia:匯控跌到５２元，如今係急跌，可以投機性買入短炒，但若買咗唔會沽長揸者都係咪搞。點解買股一定要買匯控呢？

Flyinthesky:港交所亦唔好買，唔好逆市而行呀，佢有反彈，無真升。

Hero:招行和國壽都跌得唔夠深，招行管理商業化好多，出完業績，招行的負面因素可以比較清楚睇到，國壽不一定看到。

Mr.Business

注：此篇文章版权归香港頭條網所有。

金融High Tea——礇豐掂唔過
2009年1月19日

港股上周五反彈乏力，收報13,255點，微升升12點。上周五的美股叫做好番鱓，杜指反彈68點，升幅0.8%，升番上8281點，不過美國金融業仍然充斥覑大量壞消息。

首先係美國財政部宣佈向美國銀行注資及擔保壞資產，美國銀行去年併購美林證券時，曾經風光一時，但當地金融業狀況繼續惡化；美銀亦都頂唔順，美林證券公佈第四季業績，虧損153.1億美元，是這家金融公司歷史上最大虧損。美國銀行第四季則虧損17.9億美元，是1991年以來首次報虧，由於美銀在今年初才完併購美林的交易，所以佢去年第四季業績並沒有將美林的巨額虧損併帳。

注資美銀 花旗拆檔

個仔美林輸咁多錢，做阿媽的美銀亦頂唔到，再向美國政府求助，財政部同意向美銀提供200億美元的新資本，獲得該銀行部份優先股，並為美銀1180億美元問題資產提供擔保，此舉旨在幫助美銀消化對美林併入的有毒資產，並防止金融危機受美銀的問題拖累而進一步深化。

美國銀行業的壞消息唔止一單，花旗銀行宣佈去年第四季虧損82.9億美元，這已經是花旗連續第五個季度虧損；比對07年同期虧損98億美元，現時虧損並無大減縮，07年底時市場以為花旗好快搞掂虧損，點知一年過後，還是繼續噴血。07年入股花旗的大孖沙，自然深受重創，花旗股價去年一年大跌77%，由於形勢急劇惡化，花旗合共接受了美國政府450億美元的援助貸款。

花旗虧損持續，要大動作應變，首先要加快賣仔行動，花旗早前公佈出售所羅門美邦證券予大摩花旗，而家再計劃出售CitiFinancial的消費借貸部門，以及日興資產管理公司。花旗實在頂唔順壞資產的蠶食，唔單止賣№，還計劃把自己一分為二，分為「好銀行」和「壞銀行」，「好銀行」叫花旗集團（Citicorp），保留原有花旗高質素和健康的資產，將有問題的資產和業務分拆出來，成為「壞銀行」，個名叫花旗控股（Citi Holdings），將持有該公司高風險資產。

分拆之後，「好銀行」花旗集團會愈來愈專注於傳統銀行吸納存款、借出貸款業務。花旗10年前所組建的「金融超市」就此宣告解體，在1998年時，雷德（John Reed）領導的花旗集團和威爾（Sandy Weill）領導的金融服務集團（Travelers Group）合併，組成了現在的花旗集團。當時合併後的花旗業務橫跨各金融領域，成為美國第一、世界第一的銀行集團。如今證明花旗成立金融超市後以冒進經營手法，已種下今天敗亡的禍根，花旗唯有還原基本步，向傳統銀行的方向回歸，規模都會大幅減縮。

散戶唔信 人沽我買

現時已公佈業績的美國巨型銀行中，只有摩根大通尚有盈利，該行去年第四季純銳減76%至7.02億美元，折合每股盈利7美分，雖然唔多，勝在還是正數。

你睇鰦咁耐，可能會問美國鱓銀行唔掂關我懐乜事。我話美國金融業救極都浮唔番上水面，絕對關香港事，你睇隻礇豐控股（005）股價及相關新聞就知。講起礇控呢隻香港人的愛股，散戶自然一肚氣，近日美資大行大摩首先唱淡礇控，定出52元的目標價，到上周五高盛都加把口唱淡，目標價仲定得低過大摩，只是49元，散戶聽到自然媽媽聲，唔信之餘，還來一個血肉長城，實行人沽我買，不斷入貨，不斷溝淡之前入的貴貨。

先睇纒大摩和高盛點講。摩根士丹利估計，礇控起碼需要注入200至300億美元的資本，最壞情況下甚至要透過供股集資200億英鎊才足夠，礇控09年度難免要大削派息50%。大摩相信礇控09年度盈利倒退程度比佢原本估計更嚴重，故將礇控08年至2010年度每股盈利預測，分別下調17%、39%及 32%，認為礇控最快要2011年度才可復甦，即係話礇控仲要衰多兩年。大摩維持對礇控「減持」的投資評級之餘，更將目標價由75元削至52元。

高盛睇得更淡，佢將礇控評級由「中性」降至「沽售」，納入「確信沽售」名單，並將其12個月目標價大幅調低36%，由77元降至49元，即相當於09年市帳率1倍。高盛甚至估計，礇控09年度業績可能出現歷來首次的虧損達15億美元，包括為美國礇豐融資作商譽撥備63億美元，並且不會派息。

美國同業 只剩零頭

高盛報告續指，受預期美國樓價將由高峰期急跌40%，以及當地失業率攀升影響，礇控至2010年會因為美國礇控融資業務錄得虧損198億美元，以及就集團總值7,880億美元的美國證券投資組合帳面虧損280億美元。高盛認為礇控可能需要集資170億美元，以將其一級資本充足比率增加至7%的合理水平。

好多散戶十分不滿美資行唱淡礇控，認為有外資大戶借礇控壞消息插低港股，呢鱓講法錯唔晒，港股1月以來升又升得比美股多，跌又跌得比美股勁，自然不排除有大戶玩№，但大戶借礇控的壞消息玩№，唔等如礇控的壞消息係假№！我係從經紀張的一番評論中發現問題，佢話︰「鱓鬼佬大戶好衰鎹，咁樣隊低大笨象鱓股價，想夾到我懐沽貨俾佢買平貨呀，無咁易！」我聽到呆鰦一呆，問佢「點解你覺得鬼佬大戶想買礇控呀?」經紀張反問「唔係想買礇控隊到佢咁低做乜?」我話「鬼佬大佬睇到環球金融巨企要插，就先推高大市引老散落疊，到散戶上晒賊車，礇豐就開始大插，大戶係沽期指賺錢，唔係低撈礇豐賺錢。散戶當然唔覺得礇豐應該跌，唔信鏡，仲要買多鱓，咁就俾人愈咬愈深鮁啦。」不過經紀張聽完都仍然唔係好信鏡。

我估唔少散戶都同經紀張有同樣感覺，所以不妨深入鱓講纒。散戶覺得礇豐無可能咁平，但世事何曾是絕對。大摩、高盛先後唱淡礇控，自有其理由，香港人覺得礇豐好好，但華爾街中人眼看佢鱓美國最好的銀行都跌到一仆一碌，礇豐又係唔係好得咁多呢？以前美國最大銀行花旗，如今每股3.5美元，一年高位28美元，得番八分一，跌到依家家公司總市值只有190億美元，真係得番個零頭（此市值未計算美國政府購入優先股可能換取普通股的效果）。美銀股價7.18美元，去年高位40美元，得番五分一多鱓，市值457億美元。而家美國最銀行摩根大通22.8美元一股，一年高位49美元，而家得番五份二多鱓，市值851億美元。倒過頭來睇礇控，一年高位126元，而家64元，仲有一半，市值7796港元，即係差不多1000億美元，比摩根大通更大，咪即係大過晒美國最大的銀行？

如果係工商銀行（1398）股價及相關新聞，仲可以話佢自己市場同美國完全無關係，唔使同美國的銀行比較，但礇豐有三分一業務在美國，仲係最大鑊的次按業務，其餘三分一業務又在愈來愈大鑊的歐洲，咁礇豐又點可以獨善其身呢？鬼佬睇到礇控的死穴，又點會唔唱淡礇控，又點會唔借礇控隊低香港大市呢？

美國的銀行出事後要政府大量入股或買入可換股的優先股，將現有股東的權益大幅攤薄，而且仲要注資完再注資，攤薄完再攤薄，所以股價才跌過不停， Stewart Capital Advisors LLC的首席投資官Malcolm Polley對彭博通訊社話，「依家買入美國的銀行普通股，就好似一個傻仔遊戲（Fool's Game），因為那些股票的股價不會增長，依家人人好似玩緊一個遊戲：到底那些銀行會縮到幾細呢？」到底礇豐又可否逃過美國的銀行的宿命？佢使唔使集資呢？若佢集資後都唔掂，搞到政府入股的一天，咁就無眼睇啦。

傻仔遊戲 愈玩愈縮

睇礇豐的基本因素亦唔係咁安全，高盛話預期美國樓價將由高峰期急跌40%，所以到2010年美國礇控融資業務錄得虧損198億美元。如果美國好似香港97 年金融風暴後咁樣，樓價跌7成，又會係乜局面呢？唔好咁誇張，跌5成好未，都可能比高盛的估計大鑊。我唔係話一定會咁，只係話有鱓風險。

所以我的結論係：今天的礇豐，唔等如過去的礇豐，美國的銀行業一日未穩定，美國的樓市一日未跌完，礇豐都未脫離危險期，唔好一見佢跌就話買。現時大市 13000點，未到長線投資者安全入市的水平，最好忍一忍。萬一你好多錢唔買股票唔舒服，一定要買，去買中移動（941）股價及相關新聞安全鱓，大市要升，中移動一樣會升，跌起上來，中移動會安全過買礇豐，因為中移動唔會爆煲，但買國際銀行股就唔講得咁口響了。

陸羽仁

Mr.Business

注：此篇文章版权归香港頭條網所有。

匯控有危         

2009/1/19 上午 09:35:57
網誌分類: 經濟

美股上週五繼續反彈，但走勢如坐過山車。上午先升後跌，中午跌至全日最低的8,100點邊緣後，回穩反彈，跌幅續漸收窄，午後止跌回升，最高升過128點，尾市略為回順。杜指收市報8,281點，升69點或0.8%。標普500指數報850點，升6點或0.8%；納指繼續跑贏大市，漲17點或1.2%，報1,529點。杜指期貨最新報8,243點，升81點，比現貨低水38點。

過去一周，美股表現疲弱，杜指共下跌了317點或3.7%；標普500指數挫4.5%，而納指則瀉2.7%，跑贏大市。拖低大市的主要元兇為金融類股份，整體下滑了16.5%，遠遠拋離第二位的工業股6.7%，排第三的是電訊類，下跌5.7%。表現最好的是保健類股份，微跌0.3%。

紐約NYMEX原油最新報每桶36.11美元，較上日收市跌0.4%；而其他商品包括黃金、銀、銅、白金等價格普遍上升。黃金升幅較為顯著，漲5.8%至每安士845.7美元。

美國週一係馬丁路德紀念日，休市一天，週二復市，正係奧巴馬正式就任的重大日子。

英國銀行業唔係好掂，英國政府部署緊大規模注資銀行。據英國《泰晤士報》和《每日電訊報》報導，由於首輪救市方案未能解決銀行的壞賬，導致銀行仍然不願貸款，英國財政部17日召集國內主要銀行負責人，商討新一輪救市方案。可能計畫在第二輪救市中出資2,000億英鎊（約合2948億美元）設立一個所謂的「壞賬銀行」，收購並集中接管銀行不良資產，待經濟狀況好轉後再出售這些資產。政府幫助銀行清走問題資產，有助銀行放心向企業貸款。另外，政府還計畫為銀行提供1,000億英鎊（1474億美元）貸款擔保，以鼓勵銀行向購房者和企業放貸。英國政府將於本週初段向公眾宣佈有關計劃。

英國銀行界人士說，財政部將與各家銀行正研究用什麼價格將哪些資產收入「壞賬銀行」，這一過程可能耗時數週。英國政府去年10月宣佈總額5,000億英鎊的首輪救市方案，重點為購買主要金融機構的優先股、為銀行間貸款提供擔保以及為銀行提供短期貸款。如果新方案獲批准，英國政府先後承諾和投入的救市資金總額將高達1萬億英鎊（1.47萬億美元）。但分析師認為，「壞賬銀行」計畫實施起來相當複雜，可能遭遇阻礙。這種方法類似美國財長保爾森提出的7,000億美元救市計畫的原始構想，實施起來困難重重，所以收購銀行不良資產並非最有效的救市方法。

　　睇番英國首相白高敦的做法，真係覺得世事何等諷刺。當日美國保爾森率先提出收購銀行壞資產，但未能阻止銀行股股價崩潰，到白高敦提出直接入股銀行，由於這個拯救方案容易執行，銀行股即時止跌，市場認為白高敦係救市英雄，提出直接入股的方案係靈丹妙藥，叻過保爾森，搞到保爾森灰頭土臉，急急轉軚把7000億美元救市大計首批撥款改為直接入股銀行。

    如今幾個月過去，白高敦又話要收購銀行的問題資產，即係又走番保爾森的舊路，原來白高敦開出的也是止痛藥，一時止吓咳，並未把大病醫好。而家各國的金融專家你又話我唔得，我又話你唔得，我就有少少懷疑問題太大鑊，其實唔知有無人得。

好似以薩默斯為代表的美國候任總統奧巴馬團隊，而家全面質疑保爾森用了救市基金第一期的3500億美元，並無效果，雖知這筆錢主要用來入股銀行，薩默斯係質疑救銀行有無用。奧巴馬團隊傾向救企業及救個人，政策重點係搞建設和派錢減稅。不過聯儲局主席伯南克已提出警告，若唔再救金融機構，後果十分嚴重。你一句，我一句，理論鬥理論，我有少少擔心不同派別的經濟專家提出的救市措施，未經實踐，大家都係靠估，遇上這趟百年不遇的金融海嘯，暫時未見到邊一劑藥一定得。希望好似當年香港醫沙士咁，混混亂亂中又控制到病情。

    講番英國啲銀行股，上周五好似食咗瀉藥咁，巴克萊銀行大跌25%，蘇格蘭皇家銀行大跌17%，可能係英國政府打算再救銀行的消息漏咗出街，市場人士聞風先沽。巴克萊在去年英國政府第一次注資救市中，拒絕接受政府入股，但如今股價插得最厲害，巴克萊銀行發表聲明，話自己08年盈利好過市場預期，股價跌25%並唔合理。當時巴克萊銀行在美國的預託證券一度再跌32%，出聲明後跌幅收窄到14%。

英國銀行股的跌幅，正反映政府可能入股的影響，也令人對匯豐擔心。假設呢一浪英國政府入資銀行，匯豐都唔使攞錢，但攞了錢的對手不但資本充足，英國政府仲逼它們做生意，要佢地借錢出街，此舉一定會大大侵蝕匯豐在英國市場的佔有率，人借你唔借，生意就被人搶清。

一直大罵匯控管理層的基金Knight Vinke，亦加入唱淡行列，話匯控資本不足，可能需要削減派息，以保存資本，Knight Vinke的行政總裁Eric Vinke話，佢地認同大摩分析，匯控計算一級資本的方法有誤導，集團的資本結構比佢自己宣布的脆弱，美國的匯豐融資已成為匯控的災難。匯控有嚴重的資金短缺，除了減派息外，將無可避免要供股集資，愈遲供股問題愈大。

Knight Vinke係匯控股東，無需要無端端唱衰佢，咁講一定有因由。所以若見到匯控反彈，都不宜飛身接貨啦。

陸羽仁

http://www.hkheadline.com/blog/r ... rd=&searchtype=

Mr.Business

2009/1/19 上午 11:47:50  

陸羽仁覆網友

Ray:保守組合一半等低價買Reits,另一半可以存款，港幣外幣各半，外幣等美元較大反彈、外幣跌價時才好買。

２００６年時講的增長組合，希望有１５％至２０％回報，當時講其中一個做法係淨揸沽匯豐，而家呢個辦法已經唔得，因為匯豐風險上升。今年的增長組合應該等大跌市時分段入市，即使未見底，但要食２０％反彈都唔係太難。唔係太讚成係現階段買入股票（短炒例外）。

gdumdull：你話「我有個朋友跟我說大摩打電話給他叫他買ELN, 盤口是2個月內#5要見$42, 不然可收30%利息回報, 如真見$42就要用現價接貨. 大家認為見$42機會有多大呢? 30%利息回報是多還是少?」

３０厘應是年息，月息２．５厘，以匯控６４元市價計，等如價外３４％的認沽期權，也要５％兩個月的期權金，若換咗恒指，即係話兩個月後到期８８４４點恒指認沽期權，都有６７０點期權金，表面睇匯控的認沽期權期權金好高，正反映隻嘢好高風險。

Jac O:大陸銀行近期減息都係存貸利息一齊減，所以對銀行應無收窄息差之影響。我對倫敦油市不熟，所以亦不知道和紐約油市差價擴闊的由來，會否因為價格波動太快的影響？

澳仁：匯控以英國作總部，要打救先搵英倫銀行打救，暫時未到這一步，行到這一步就大大鑊。

Bdroom:有些銀行無的最優惠利率比同行高０．２５厘，就咁做按揭比人蝕底，佢地唔減最優惠利率係因為影響更全面，所以就用「Hibor十１.x%（有上限）」作為按息，它們可能存款基礎較窄，這個收息法好處是它們拆借回來的錢加一個息差就借出街，減少自己承擔的風險，好多時散戶付的息亦較少（除非要付上限的時候）。

WPS:你見到大行增持匯控，可能只係為佢地發行做淡匯控的工具做對沖，並唔表示佢睇好呢隻股票。

S2000:我唔係匯控好友（好似好衰咁，好似人地落難就唔識佢），自從佢穿１００元之後就有戒心，匯豐風險上升，而家俾大家一個忠告，買匯豐係要定止蝕位。中資金融股雖然亦有風險，但比匯控細啲，不過建行也不要咁急買，睇定大市先啦。

若匯控要供股，恐怕都係折讓供股，到時睇吓股價點至算。

Rocky:你問投機工行若賺到一手，可否留底，若有意長線投資，將賺回來的一手長揸，亦都無壞。

FW:想長線買國壽和招行，建議等大市跌近低位時才開始入第一注。提出股票放在家，不如去中央結算開個戶口仲好，收息等都方便啲，又唔會唔見股票。

羅記：撈底可以分注，亦可以在政府大力干預加快短期見底時入市，兩個方法都得，但短炒記住定止蝕。

極之梯手：你想買金磚四國股票，我勸你小心，俄羅斯巴西的財力有問題，點解一定要買這四個國家，不如睇定邊個國家回應金融海嘯的方法有力啲，才決定點做，新興國家搞經濟手法未成熟，衰起上來可以好衰，例如俄羅斯，聽講佢要向中國借錢。

UFO:我話擔心五月破底，其實唔係講死一個月，而係話怕佢３、４、５月一路剷下去。

Any:內銀股似乎阿爺在買緊，特別係中行、工行和建行，招行唔知彈唔彈到咁高，或者在下邊都定個位止蝕。

Ming：基金經理轉左工，照計唔影響隻基金，關鍵係睇隻嘢自己得唔得。

逸文:匯控供股不一定跌，彈一彈都講唔定。

Mr.Business

注：此篇文章版权归香港頭條網所有。

金融High Tea——越洲飛彈追插大象
2009年1月20日

美股上周五連續第二日上升，周一馬丁路德金紀念日休市。內地股市造好，恒指全日走勢反覆，上午跟隨高開158點，衝上全日最高的13,519點後見頂回落，跌幅不斷擴大，下滑逾420點才企穩。午後恒指在金融類股份帶動，從低位反彈，止跌倒升完場。恒指收市報13,340點，升84點。內地股市造好，國企指數連續第三天跑贏大市，收報7,246點，漲99點。大市成交縮減至379億元；期指收報13,393，下跌141點，比現貨高水53點，成交 67,197張。

港股昨日上午一直插，下午可以炒番上，相信主要受歐洲股市刺激，英國展開第二輪救助銀行計劃，歐洲各地股市未開市期指已先炒起，帶動港股低位反彈。英國財政大臣戴理德宣佈第二階段救市計劃，增資1,000億英鎊（1,490億美元，約11,600億港元），去為金融市場包底，這是繼去年10月英國政府出資 2,500億英鎊救市後，白高敦政府第二次大規模救市行動。

礇控堅拒食皇家飯

英國中央銀行英倫銀行會發行國債，成立一個500億英鎊購買資產計劃，向金融機構購買問題資產，包括企業債券、商業票據和銀團貸款。換句話說，英國政府鼓勵銀行借貸，完成壞帳，政府會幫銀行收購。另外，英國政府又會將其持有的50億英鎊蘇格蘭皇家銀行優先股轉成普通股，令英國政府的持股量增至70%，至於港人最關心的礇控（005）股價及相關新聞，則堅拒食英國政府的「皇家飯」。

依家最氣頂鰟個人，就係行將落任的美國財長保爾森，佢當日提出的救市計劃重點就係買入銀行的問題資產，但英國首相後來提出要直接入股銀行，全世界大讚白高敦好№，保爾森流№，搞到保爾森都唯有跟「白高敦方案」，不過搞鰦幾個月，依家英國又行番保爾森當日建議條舊路，可見而家無方法，全世界政府都係病急亂投醫，乜藥都試。上周五英國銀行股跌到飛起，巴克萊銀行大插25%，昨日截稿時佢仲反彈緊，睇鈬英國出到1,000億英鎊，個市都會定一定躀。

股價愈低愈難集資

前礇豐亞太區主席艾爾敦好唔順大摩、高盛對礇豐的報告，話如果日後證明大行「看錯市」，投資大眾對這些機構再發出研究報告，應該會質疑他們的可信性。艾爾敦話礇豐資產負債表一向穩健和審慎，他質疑礇豐有集資需要的說法，但認為礇豐是近期銀行集資潮的犧牲者。

艾爾敦覺得礇豐係好№，話美國佬唔識貨，呢個觀點都係意料中事，亦好可能反映了礇豐現管理層的看法，佢懐覺得自己未係差到要大集資。不過有中環茶友話，礇控愈遲集資，愈錯過了集資的好時機，隻股個零月前仲有80幾、90元，個時集鰦資，依家舒服鱓，到人懐話英國銀行、美國銀行都唔掂，礇控都可以話自己有錢在手。但礇控的英國人管理較保守，當時無果斷集資，依家十分被動。

依家主要係美國大戶睇淡礇控，話礇控的美國業務唔掂，佢地睇死礇控要集資，昨日仍有大量越洋沽空盤係咁隊，昨日收62.3元，再跌3%，低位61.3元都見過，股價愈低，要集同一筆錢，要發的股票愈多，攤薄效應愈大，所以股價愈跌對礇控愈不利。

大家唔知有無留意，好多美國銀行股都係一路被人唱淡，一路被人沽空，唱唱纒就出事。礇控在英就繼續暴瀉，更跌破大摩早前訂出的52元目標價，一度見4.6鎊，折合約51.8港元，唔知今日香港又會否「血肉長城」再現？

阿爺見到外資起勢咁沽中資銀行股，頂唔住出來買貨，中國投資公司（中投）擺明入股中行（3988）股價及相關新聞、建行（939）股價及相關新聞和工行（1398）股價及相關新聞，又來一個華洋鬥法。昨日除了中行下跌2%外，其他中資銀行股普遍造好，建行升0.8%，工行升0.3%，交行（3328）股價及相關新聞、招行（3968）股價及相關新聞及中信銀行（998）股價及相關新聞升0.2%、2.3%及2.2%。

繼東航、南航兩大航空集團相繼獲國資委注資後，據《中國經營報》報道，國資委第二度央企注資計劃即將啟動，而電力央企將成為國資委注資的下一個受益者，據稱規模在100億元左右，注資對象包括華能、大唐、國電、華電、中電投等五家電力集團和國家電網和南方電網等兩家電網公司。不過，對於各電力集團的上市公司，國資委不會直接注資。受消息刺激，電力股顯著造好，華潤電力（836）股價及相關新聞升3.4%、華能國電（902）股價及相關新聞升2%、大唐（991）股價及相關新聞升5.4%，但華電國際（1071）股價及相關新聞 則逆市下跌2%。

陸羽仁

Mr.Business

注：此篇文章版权归香港頭條網所有。

中毒         

2009/1/20 上午 09:27:34
網誌分類: 經濟

   　 昨日係美國馬丁路德紀念日，美股休市。投資者質疑各地政府新一輪拯救金融業的刺激經濟計劃，對遏止全球經濟衰退是否有效，歐洲、巴西及加拿大股市都下跌。美股杜指期貨最新報8,155點，下跌88點，比現貨低水126點。美元走強，除了兌日圓外兌其他貨幣也上升，美元指數上升0.6%，報85.37點。

    　美國無市，英國爆鑊，英國政府急急作第二輪救市計劃的原委揭盅，原來英國政府已揸重貨的蘇格蘭皇家银行(RBS)去年蝕錢蝕到阿媽都唔認得，RBS公佈08年預計會錄得280億英磅（410億美元）的鉅額虧損，創出英國企業史上最大虧損紀錄，其中包佢在07年收購荷蘭銀行部分資産而導致的鉅額商譽減值(約200億英鎊)。

英國首相白高敦認為RBS的經營手法不負責任，表示忿怒，不過嬲還嬲，英國政府都要為RBS收拾殘局，宣布把持有的50億英鎊RBS優先股換成普通股，持股比率由58%提高至最多70%，RBS變成名符其實國家揸大股的國有銀行，由於英國政府把RBS的優先股變成普通股，RBS不用再付每年6億英鎊的優先股股息，政府指定要它把錢借出街。政府增持，原有股東的股份被大幅攤薄，RBS股價暴瀉，狂插67%，得番11.6便士，變咗低價毫子股。RBS當日收購荷銀一子錯，今天滿盤皆落索。

　 《英國電訊報》昨日一度傳出，英國的第二波救市方案，內容會包括注資入滙控，英國政府則為其壞帳提供擔保，若成事可消除供股不明朗因素，但這段消息只是流料，滙控在收市後否認有關傳聞，話無尋求英國政府注資，不過呢個澄清令甚在外圍股價跌得更急，在倫敦市匯控最低插過落51.2港元(460便士)，後來反彈，收市報55.8港元(501便士)，跌咗6.5%，大摩睇的52元目標價經已在倫敦到站。匯控昨日在香港收62.3元，倫敦價比香港價低10.4%，看來今日匯控在香港要繼續捱沽。

        匯控昨日繼續玩一個「市場睇淡自己睇好」的遊戲，發聲明話，「無向英國政府尋求注資，亦無預見任何情況需要作此舉。滙豐一直是世界資本最雄厚的銀行之一，亦決心維持此地位。集團會如期在三月二日公布○八年全年業績。」匯控的聲明似乎暗示，由而家到公布業績前無特別嘢需要做，咁即係不明朗期會維持至匯控出業績之時。

        現時各界關注的焦點是匯控的美國業務，特別是次按業務，大摩預測匯控最多要供股集資300億美元(約2340億港元)，主要係為美國貸款按市值減值，但匯控自己認為那些貸款是持有到到期日的項目，不用按市值去估值並減值，美國銀行亦唔係咁做。換言之，匯控在美國的確有大量次按貸款，但只要業主不斷供，佢就不撥備。會計上應該係匯控啱，但只要美國樓市繼續沉下去，斷供潮湧現時，匯控都幾大鑊，佢當年鯨吞美國的次按資產，進軍美國，就好似中毒咁，而家不斷發番出來。

有投資專家就講到樓市問題。英國政府擔保銀行「有毒」資產，並授權英倫銀行購買證券的無限權力，投資者普遍認為對遏止經濟衰退的成效不大，美國槓桿收購投資家威爾伯·羅斯（Wilbur Ross）在接受彭博電視訪問時就話，各國政府現在泵錢入銀行，希望穩定金融市場，係「捨本逐末」的就法。他認為造成經濟危機的最大主因係房地產出現危機，引發出金融或銀行危機。所以房地產價格唔能夠穩定下來，銀行危機唔會停止，經濟危機亦唔可以解決。所有政府都注資銀行，只係「治標」，不是「治本」的造法。

當問到奧巴馬政府將救市計劃(TARP)的剩餘資金用於拯救業主，減少斷供的情況，他認為係正確的做法，但問題係美國房地產市場已損失近5萬億美元的市值，而陷入負資產的家庭達到1,200 萬戶。以現在美國房屋平均價格計算約20萬美元，奧巴馬團隊提出的500到1,000億美元救助計劃，直接購入有問題的按揭，受助的房屋只有50萬個，資金明顯不足以扭轉這個劣勢。較正確的做法後利用資金資助一個保險計劃，保證業主的一半按揭，如果業主能夠自願將房價的賬面價降低至現價水平，房屋按揭就可以降低。那樣房屋的貶值損失就由政府、貸款人和業主分擔，就可以保證1,200萬戶問題家庭得到幫助。

總而言之，美國以至全球經濟都一身蟻，匯控跌得急不排除會彈吓，但佢身上有毒，反彈都唔使恨，都係唔好掂佢為妙。

陸羽仁

Mr.Business

2009/1/20 上午 10:41:46  

陸羽仁覆網友

YK，CCB等:你們月供匯豐，問應否停供，本來月供是好又買，跌又買，跌市時是買平貨的好機會，但睇外地銀行股的走勢，連匯豐都不能排除終極風險，最好的方法是分散投資，若資金較多者，唔好供死一隻匯豐，若只有三分一至五分一供匯豐，萬一出事都可控制損失。但只得一注資金者，若對匯豐不放心，建議換馬至供盈富基金，盈富有五分一係匯控，匯控好，盈富不會壞，匯控死，盈富死唔哂。

曹慢德:內地,經濟有硬著陸之險，消化完年頭一輪救市措施好消息後, 股市又要再試底，1500點有機見到。

Ray:進取策略係等大跌市分段入2800或2828，持貨至滿倉，靜反彈來臨。

元華:國產3G的開發投資應該主要由中移動阿媽來承受, 佢做國產3G的主要風險係隻嘢技術始終唔得, 唔夠對手的歐美制式3G爭。

MC:你問匯控股價下跌，跟大行的衍生工具的關係, 匯控下跌主要和外資狂沽空有關，風險增加，大行又發行大量看淡的衍生工具，大行發這些工具倒過來要買點正股對沖，短線反而成為一些購買力，但大行同時揸住外資大手沽空的越洋order，所以佢地要對沖都可以等沽空盤插低咗才買。

闇作之手: 買5仔唔係愛香港, 只係愛英國咋，佢以英國倫敦做總部架。

Bdroom:買樓撻訂就聽過，你做按揭想撻Plan我都係第一次聽,提早還款要罰息，唔好咁衝動,等到唔使罰息時轉Plan好少少。

Hero:中煤同國航好唔同，一隻受惠於煤價升, 一隻受惠於油價跌。我睇經濟衰退，未來一段時間能源價都未掂, 能源股跌到超級殘超級低時可以慢慢吸吓。航空股亦一樣,油價低,生意更低, 又係要等超級低的時候,忍吓先。

Catjim:經濟衰退，工業用金屬好唔掂，黃金好啲,佢的走勢只是和美元走相反。銅鋁股有機會重回10月低位,因為救完一輪會發覺需求仍然好低,就要再尋底。

宜家傢私:到熊三時有命有錢，唔使驚無股買。

KFC:多謝提供倫敦布蘭特期油資料。

Muse:渣打集咗資應該好過匯控,但英國銀行股會長期弱勢, 若有大反彈時不妨先沽一部份, 候低再買番。

羅記:我唔係大戶,只係見到大戶點做嘢啫。

Alfred:香港樓未跌夠, 只好買住，特別係豪宅最大鑊。要睇樓市調整得夠深才好考慮。忍。

牆頭草 (一切隨風):你段嘢真係要俾大家睇睇, 「記得有位網友十二月尾時話 五仔出左 $48 ELN, 陸叔都入了.唔記得係邊個, 要受小弟一拜.因當時五仔還是 $73-74, 我 short put 了五仔 at $65, 見到呢條料, 我己po左話要驚, 即平了重有小小執.  放到現在就大O樂.」 呢啲叫做「大戶開盤, 必有後著」,連專家都話筍，咁就俾佢咬住, 難免又痕又痛架啦。

Flyinthesky:富邦怕佢都要試吓低位，停近全年低位１．５元才入第一注吧。

Mr.Business

注：此篇文章版权归香港頭條網所有。

金融High Tea——群鱷圍剿大笨象
2009年1月21日

美國周一馬丁路德金紀念日，美股休市，但礇控（005）股價及相關新聞上日倫敦市大跌，港股昨日開市已烏雲蓋頂，恒指低開486點，跌穿13,000點，之後跌至12,816點才回穩。下午日本股市跌幅收窄，帶動恒指一度反彈至13,161點的高位，跌幅大大收窄至跌180點，但下午後段大市再掉頭回落，打回原形，恒指收市報12,959點，下挫380點。

礇控反彈無乜力

期指收報12,888點，跌505點，比現貨低水72點，成交71,067張。國企指數有明顯回吐，險收7,000點樓上，收市報7,006點，下滑240點；大市成交396億元。昨日大市一個山仔咁先彈後跌，走勢唔靚仔。

英國《每日電訊報》前一日話英國政府救市救埋礇控，事後證明無其事，不過阻唔到礇控當日在倫敦市插到55.8港元（501便士），最低插過落51.2港元（460便士），仲低過大摩睇的52元目標價。礇控昨日緊隨倫敦跌勢，開市價已下插逾8.5%至57元，早段曾一度反彈至59元，但不敵強大沽售壓力，收市再創10年低位，報57.5元，下跌7.7%，全日成交逾52億元，佔大市成交的一成三，係拖動大市下跌的主要動力。礇控昨日在倫敦市早段再跌，英鎊昨日大插，一日唔見鰦3%以上，倫敦市的礇控股價換成港紙仲跌多鱓。

英國銀行股跌到阿媽都唔認得，主要受蘇格蘭皇家銀行（RBS）所累，RBS公佈08年預計會錄得280億英鎊（410億美元）的巨額虧損，創出英國企業史上最大虧損紀錄，其中包括在07年收購荷蘭銀行部份資產導致的巨額商譽減值（約200億英鎊）。有時公司行錯一步，就會全軍覆沒，RBS股價上日插到 11.6便士，即係1.29港元，只係以前的零頭，市場見英國政府大手入股，RBS原有股東權益大幅攤薄，亦未知政府會唔會再注資再增持再攤薄，所以股價失控向下。

英國銀行股唔掂，渣打（2888）股價及相關新聞 亦無運行，大跌7.7%，報84.4元，較全年最高位下瀉近六成七，佢早一步供股集資叫做執番身彩。

見到美國的花旗和英國的RBS咁跌法，就知道這些銀行業百年老店，其實十分脆弱，因為銀行是一個高槓桿的行業，1元資本做8元、10元生意，所以才可以賺咁多錢，但銀行借錢俾人收取的抵押品（如樓宇），如果價值大幅下跌，銀行好易變負資產。

中環茶友話，好多人以為大銀行唔會執，其實只要政府一入股，股份權益大幅攤薄，股價就會大插水，對股東而言同執笠都唔差好遠，如果昨日礇控宣佈俾英國政府入股，恐怕唔係見52元，而係即日見40元都有之。鶽家講只係講礇控要供股集資，唔係講要英國政府救佢。

抵押品唔減值俾人唱

茶友話鶽家關注的焦點是礇控的美國業務，大摩等外資行預測礇控要再為美國貸款按市值大幅減值，但礇控自己認為那些貸款是持有到期日的項目，不用按市值去估值。過去銀行一直係咁做，好似香港97、98年樓價跌了七成，但只要貸款人依期供款，銀行不會理你的抵押品係深度負資產，亦唔會為這些抵押品撥備，這是慣常做法，不過如果將這些大幅減值的美國樓宇抵押品放在大光燈底下照纒，你又不難照出問題。美國樓市好快見底還好，若不斷向下，礇控極之濕滯。

茶友話，鶽家群鱷借住大行的報告圍攻礇控，呢隻大笨象俾人咬住，已處於弱勢，因為愈跌市場信心愈弱，愈難集資，礇控整天說沒有需要集資，只怕佢覺得有需要時，已經太遲。照正路鱷魚吞獵物，唔係一啖食晒，會咬幾咬、拋幾拋，然後才吞落肚，即係話跌到咁上下又會放纒口俾你轁纒氣，跌到咁上纒應該會彈番上60幾元喘幾口大氣，但唔好以為無事，班鱷魚轉眼又來，愈咬愈深，到礇控3月初公佈業績時，「大龍鳳」又出場。俾鱷魚咬住時唔好唔信鏡，最好壯士斷臂，咁就可以保住條命，佢懐話礇控唔掂時，礇控唔駁咀馬上集資，可能仲好鱓，鶽家就愈陷愈深。美國幾隻金融股都係一路俾人沽空一路俾人唱，唱唱纒就唱死鰦，真係諗起都打冷震。

我俾大家的忠告是大笨象反彈時，都要忍住手唔好買，我覺得礇控和大市都未跌完，即使你好深信牛市明天到來（我未信），真係要買，不如買恒指基金盈富基金（2800）股價及相關新聞，咁都等如買鰦五分一隻礇控，若礇控一帆風順，盈富唔會太差，萬一礇控跌落水底，盈富都死唔去。在百年一遇的金融海嘯，唔好望即刻發達，要適當控制風險也。

陸羽仁

Mr.Business

2009/1/21 上午 11:07:35  

陸羽仁覆網友

花太：你話好多人見匯控到價想上車長線投資（唔係講短炒博反彈），中間仲有好多老人家，我就話唔好啦，關鍵係風險，唔係話匯控一定會仆直，但佢都有一兩成機會仆低，如何可以控制呢一兩成的風險？方法有好多，最好就唔買。但若果你有一百元閒錢，買三幾元又如何，買咁少亦無壞，總之唔見咗都唔會太痛。倒過來說，你唔買最大的風險，就係過兩年佢無事升番上１４０元，想控制呢個風險，買盈富基金就得，佢有五分一係匯控，盈富亦會跌，但無政府入股大幅攤薄的風險，衰起上來可以守幾年等翻身，將來若到匯控１４０元時，盈富一樣有機會升兩三倍啦。

元華：答案同上，想買主力買盈富好過買匯控，若買匯控萬一佢大插你都唔入肉至好。

Ray:等熊二爆到盡才會出現熊三的死寂，而家我覺得美國的金融危機未爆到盡, 所以熊三未到, 希望下半年到吧。熊三會一般會維持幾個月至半年,但日本的熊三維持咗幾年。

匯控三月頭出業績。

Gigi:紐元可以定低啲價分段再買少少，如今危機再時，錢又回流美元，要預咗買入要捱價。

牛腩:散戶掌握的知識大少、資源太少、性格缺憾太多，所以散戶的命運註定可悲。血肉長城護5仔，恐怕只會變成B52型轟炸機的炮灰。

Mkm:最新的會計準則容許金融機構的長期投資暫不貼現，但要符合準則比較愎雜，唔知招行持有永隆的資產合唔合符要求。

Sun:同意你話無股票係唔使止蝕，金融股仲特別要止蝕。

Kaybeo:要市道港鐵地產業務唔得，但鐵路生意作為公營事業在跌市中有利，但咁計不如直接買電力公司好過。

火柴：近一年無Trdae就恭喜你啦。唔知Peter Lynch的One up on Wall Street你有無睇過呢？

曹慢德：想買國壽忍吓手先。

S2000:你問點解我愈講匯控愈不對勁，有兩個原因，一，金融業的基本因素的確愈來愈不對勁，見今天網誌經濟學家羅賓尼所講。第二，炒作資金睇到空間大力沽匯控，我驚有沽爆匯控的風險。

Muse:我叫大家忍手，係因為怕沽浪好快又到，到股市再見低位時，又不妨開始分段買吓貨。

Mr.Business

注：此篇文章版权归香港頭條網所有。

資不抵債         

2009/1/21 上午 09:38:14
網誌分類: 經濟

奧巴馬宣誓就職美國總統，但同日的美國股市也是1900年以來總統就職日表現最差的股市。美股高開低收走勢肉酸，杜指開市即下滑170點至8,111點，之後在約100點之間窄幅橫行，新總統的就職典禮開始前仍力守8,100點上方，奧巴馬的致辭雖然激動人心，但亦頂唔住投資者對金融市場前境的極端憂慮，在銀行股被瘋狂拋售下，杜指午後拾級而下，直跌至接近全日最低位收市。

杜指收市報7,949點，大跌332點或4%，全日最高8,292點，最低7,940點；標普500指數報805點，跌45點或5.3%；納指1,500點失守，報1,441點，下滑88點或5.8%。紐約證交所成交上升至17.2億股。收市後IBM公布業績，第四季每股盈利3.28美元，高過市場預測的3.03美元。IBM收市報81.98美元，跌3.5%，但收市後倒升3.3%，收報85.83美元。IBM業績好令杜指期貨反彈，最新報7972點，升26點。

拖低美國大市的主要元兇係全球最大機構資產管理公司(State Street Corp.) ，該公司上一季固定收益投資的未實現損失由前一季的33億美元擴大至63億美元；受到股債市大跌影響，純利較前年同期劇減71%至6500萬美元。State Street預估今年營收持平，遜於原先預估8至12%的增長。另外，分析師評估 State Street可能需要集資，State Street股價被瘋狂拋售，勁瀉59%，收報14.89美元，創1984年以來最大跌幅。

股神巴菲特持有的富國銀行（Wells Fargo）則被Friedman, Billings, Ramsey的 Paul Miller指有需要集資，亦可能會削減股息，股價大跌近24%至14.23美元。在兩隻巨頭的帶領下，其他銀行股亦跟隨急插，標普銀行指數(S&P Bank Index)下跌21%至75。藍籌股中的最傷的是美銀，有分析員預測美銀有需要集資800億美元資金，令股價勁插近三成至5.1美元。

美國銀行股咁跌法，匯豐當然唔會好境，佢在倫敦收485便士，折合52.5港元，在美國的預託證券亦收同樣價錢。比本港收市價57.5元，再插5元，即8.7%。

各方人等都睇淡銀行業，Manning & Napier Advisors Inc 的基金經理Greg Woodard話，「所有銀行最後都要集資，事情還未結朿，還有事要發生，我們不想在事情發生前買銀行股。」

杜指大跌332點，跌穿8,000點大關，創了歷屆新政府上台的第一天交易日的最大跌幅，亦破了去年11月24日的低位。與1月6日高位比較，已下跌了11.8%或1,066點。奧巴馬一上台就遇上銀行股股災，可以講係相當黑仔，又或者如我經常所講，這些預設事件，要炒就超前炒，到真正發生時，一定同市場期望的相反，我早前講過馬英九上台的例子，如今又添一個奧巴馬上台的例子，年初若不是預先炒奧巴馬上台的期望，就不會做出一個牛市已經來臨的假象，坑殺過份期望牛市到來的好友。股市就是這樣殘酷，充滿著瞞騙你感觀的事件。

美股昨日雖然勁跌，但市場對後市仍然睇淡，技術分析員Louise Yamada在發給客戶的信件中話:「大市仍未有明顯見底的跡象，而宏觀的經濟數據仍然在惡化中。」佢又話投資者過去借錢投資，令股票及商品價格得以攀升至近年的記錄性高位，在短期內，重返那些高位的機會「非常之低」。她預計杜指會跌破2002年及2003年的低位。當年科網股爆破後，杜指在2002年10月9日收報7,286點。

曾經成功預測去年金融海嘯的紐約大學教授羅賓尼(Nouriel Roubini)話，美國金融危機最後總體損失會高達3.6萬億美元，遠比去年估計的1萬億美元為高。如果3.6萬億美元的虧損數字正確，美國銀行業實際上已資不抵債，因為佢地只有1.4萬億資本，他形容「這是一個系統性銀行危機」。

香港人最關心匯控，如果羅賓尼的估計正確，匯控的問題是一腳踩進美國這個金融黑洞中，被佢拖咗落去，美國人自己知道自己搞出來的黑洞有幾大，所以美資大戶起勢咁沽匯控，匯控管理層未相信有咁大鑊，大家就開始對賭，誰對誰錯，未可逆料，兩大鬥法，你話行埋去風險高唔高呢?

陸羽仁

Mr.Business

2009/1/22 上午 10:54:23  

陸羽仁覆網友

Foxy:我係匯控淡友，我都希望自己睇錯，因為匯控唔掂，香港財富蒸發更快，香港更無運行，匯控亦不一定會爆鑊（只係有一兩成機會出事），相反例如阿爺突然話入股匯控，就有機會炒番上（不過匯控以倫敦為總部，不易發生呢件事）。你知我講長線投資的主旨係控制風險，唔係想撈到最平發大達，想發達唔好睇我講啲嘢，可以肯定唔可以令你賺１億。

慳妹：你話匯豐「以前佢叫 The Hong Kong & Shanghai Banking Corporation，後來加多個 Limited ，唔知係唔係嫌個名太長，索性改做 HSBC」，其實唔係咁，佢未上位時個名簡稱Hong Kong Bank，呢個名好似係香港的中央銀行，出外拓展業務時人地信心強啲。到匯豐上咗位後，對香港前途有戒心，遷冊倫敦，名正言順做番英國銀行（以前佢其實係英資的香港銀行），亦覺得Hong Kong　Bank個名無形無款，怕香港九七後唔掂，索性改埋名做HSBC，脫離香港，走向世界，先買英國米特蘭銀行，再買美國海豐銀行和Household，風光過一時，結果就種下今日的禍根。

Ray:你問我美國下一波要爆甚麼，我估都係銀行股再繼續爆，最後真係可能全部銀行股都要政府大幅入股收場。到呢啲股票隻隻１０美元樓下一股時，可能就差唔多了。

你問大跌市時是否買２８２８好過２８００，因為匯控未跌完，我覺得A股現價太高，中國快將公布的第４季GDP會好差，中國經濟有硬著陸之險，所以最後要看匯控跌得甘還是大陸股市跌得甘，唔可以咁快話一定係２８２８安全啲。

乜價位入其實睇大市，到大市到去年低位時可以入第一注。

你問匯控係唔係一定要供股，我認為只要國際金融股不斷插，美國樓市無回穩之象，匯控逃唔過要集資，渣打將間SIV執咗，匯控無咁做，又笨咗。加上國際對手不斷從政府集資，充實資本，匯控的財政狀況相對愈來愈弱。若供股難守４０元，所以千祈千祈唔好買４０幾元接貨的Accumulator，隨時又坑殺一大班人。

你問我如果係匯控管理層應何時供股，我好老土咁答你應該係幾個月前，最好早過渣打供股，否則渣打一宣布供股股價即升時，市場咁接受供股，匯控也應該跟（我當時都唔知點解渣打宣布供股會升，所以叫有渣打的朋友把供股權賣咗佢算數），匯控有心魔，唔想跟，咁就錯失良機。今天去講，如果彈番上６５元，即馬上宣布在６０元供股，方為上策，今天無資金需要，那知明天唔需要，咁o既時勢，集多啲錢放在公司裏安全啲。

Bdroom:你問供樓一個月供一次和兩星期供一次的分別，據我所知兩星期供一次其實供早咗，咁樣長遠會俾少啲利息。

水滴石穿、嫣嫣、Bread：盈富由道富管理，這樣做完全合法，我估你地係問風險，按道理代人管理的資產不屬於管理公司，若管理公司執咗，資產擁有人都可以追番，但美國法例其煩，不過盈富背後係政府搞，萬一有事都有政府同美國佬講數，風險應該不大啩（加個「啩」字因為過去呢一年見過太多過去未曾想過的事，我都唔敢太肯定）。

VV:你問「大市回到大約11000時，中長線入 中移動、中人壽、盈富、領匯、中電or煤氣，依個組合ok 嗎」，第一最好分段入，唔好一注撲入去，第二中電、煤氣係公用股，抗跌力強啲，增長力弱啲，等大跌市時買就唔需要買公用股。

Sun sun:有關不同按揭方案我答過你，可能你睇唔到，若三年內唔會賣，可能用渣打的首三年定息其後Hibor減X％的計劃好啲，但罰息較重，三年內賣樓會蝕底啲。

三心兩意：金融風暴第二波可能更大鑊，因為佢已擴散到全世界，而各國政府救市招數用老，而銀行業和美國樓市又無起色時，市場上雖有預期第二波會到來，但阻力較弱。所以我都怕第二波更大鑊。

同意陶冬對銀行業經營模式改變，難以保持盈利和派息的講法，但我怕未到基本因素反映前，銀行客戶扺押資產急促萎縮但銀行又集資無力，殺傷力更快更大。

當人人都指住你話「你無錢、你無錢」時，你就會變成真係無錢，因為無人信你。

Starlight:你叫我比較匯豐和渣打，渣打集資早啲，好過匯豐少少，但面對美國和歐洲銀行業的融化性下跌，我而家就唔買啦。

Black:第一代鉅富的接班人暫時未見到幾得，香港經濟動力偏重中國的出口、金融和旅遊業，唔可以話無火車頭，而係完全倚重外圍帶動，外圍衰時，香港不會好。

Mr.Business

注：此篇文章版权归香港頭條網所有。

金融High Tea——海嘯第二波勁過第一波
2009年1月22日

奧巴馬正式就職美國總統，「新希望」效應頂唔住投資者對金融股前景的憂慮，美股杜指上日在銀行股大瀉的帶動下高開低收，大挫332點，收市跌穿8,000 點大關。亞太區股市早段普遍低開，恒指跟隨低開425點，受內地A股回穩影響，跌幅慢慢收窄，反彈至12,763點後窄幅橫行，半日收報12,726點。午後跌勢再加劇，直跌至全日最低的12,439點，尾市回揚，跌幅稍為收窄，險守12,500點樓上。恒指昨日再挫376點或2.9%，收市報 12,584點，大市成交395億元。

受多家巨企發盈警拖累，國企指數明顯跑輸大市，收市報6,731點，下滑275點或3.9%。

歐美銀行股暴跌，投資者對金融類股份充滿戒心，重磅股礇控（005）股價及相關新聞 仍然係大戶拋售焦點，連跌八個交易日，昨日跌勢已較為緩和，收市再跌4.3%，報55元，礇控昨日仍是散戶鬥外資的格局，不過後來礇豐金融加入戰團，見佢掛滿牌買貨，唔知係唔係搵到鱓客來助拳。其他銀行股亦無運行，最傷的是渣打（2888）股價及相關新聞，繼上日大跌7.7%，昨日再挫6.6%，跌穿80元，報78.8元，逼近52周的最低位75元。中銀香港（2388）股價及相關新聞跌3.8%、東亞（023）股價及相關新聞跌4.5%、恒生（011）股價及相關新聞則微跌0.2%。

美國爆鑊 股神中招

早前英國銀行股爆完鑊後，前日到美國金融股爆鑊，跌得最甘的是全球最大機構資產管理公司道富環球投資（State Street Corp），該公司上一季固定收益投資的未變現虧損由前一季的33億美元擴大至63億美元，搞到股價大插59%，去年6月高盛還建議買入道富，如今一晚跌 6成，真係世事何曾是絕對。道富環球管理香港的盈富基金（2800）股價及相關新聞，所以佢同香港都有鱓關係。

前日美國另一隻大插的股份係股神巴菲特持有的富國銀行（Wells Fargo），分析員指富國銀行有需要集資及削減股息，股價大跌近24%，咁大家銀行一晚唔見四分之一市值，相當恐怖。巴菲特旗下的巴郡獱重富國銀行，呢一鋪都幾傷，去年10月股神話股市見底叫人入市，如今佢自己都聞到踎味，早兩日出來講美國正經歷「經濟珍珠港」，唔知幾時才炸完。

金管局任總公佈外匯基金投資業績，順便講纒今年投資展望。外匯基金在2008年錄得749億元的投資虧損，投資回報率為負5.6%，任總已經執番身彩，因為第四季資金流入美國國債，令國債價格狂升，金管局債券投資賺番886億，大大減少虧損數字，如果唔係蝕得更甘。

任總講今年投資環境的說法值得留意，佢話今年仍然好唔明朗，十分困難，全球金融體系仍動盪不穩，金融海嘯第二波似乎來緊，第二波的傳染性及震盪會比第一波更厲害，因為去年底新興市場基調仍好，但現時情況已不一樣，加上不少企業業績轉壞，見紅絕不出奇，估計在未來兩三個月將影響市場心理，引起震盪，大家要非常留意及小心。

明星買股 負面指標

即使大家唔滿意任總的投資表現，都唔好唔理佢講投資環境，佢係央行行長，在美國和人民銀行都有聯繫，佢話鶽家金融海嘯第二波鈬緊，傳染性勁過第一波，唔好當佢耳邊風。

中環茶友話睇娛樂版見不少明星追買礇控，好似陳豪和鄭嘉穎雖然買礇控蝕鰦錢，但二人勇者無懼，伺機趁低入貨，袁詠儀去年底以90幾元買入，近日見該股跌破 60元，還大膽買入溝貨，對大笨象仍然充滿信心。茶友話，明星善於演戲而唔係投資，佢懐飛身撲入，好可能係負面指標，錯誤示範。

可能有讀者問陸羽仁為何睇礇控睇得咁淡，我的真正意思是礇控不再是過去那隻十分安全的大藍籌，而係有一、兩成機會會爆大鑊的股票，佢唔死一鱓都唔出奇，但萬一出事就好大鑊，若你知道佢有一、兩成機會大插完再大插，細注定埋止蝕位玩纒無妨，但我最怕你之前用鰦半副身家去買，鶽家跌鰦一半，?埋另外半副身家去溝，咁就好高風險啦，個個人情況唔同，總之好自為之。

另外國壽（2628）股價及相關新聞發出自03年上市以來首個全年度盈警，預計2008財政年度純利將比上年下降50%以上，消息公布後股價下挫7.5%至20.3元收市；平保（2318）股價及相關新聞受累跌6.9%，財險（2328）股價及相關新聞更大跌逾一成至3.3元，睇鈬上市公司發盈警還陸續有來。

陸羽仁

Mr.Business

注：此篇文章版权归香港頭條網所有。

老師父         

2009/1/22 上午 09:32:47
網誌分類: 經濟

美股周三大幅反彈，挽回了昨日奧巴馬就職日急挫的大部分損失，金融股在昨日暴跌後強勁反彈，投資者期望新政府將推出新的經濟刺激計劃，IBM和金融服務公司Northern Trust的業績意外良好，都營造了反彈氣氛。杜指早上表現反覆，開市上升145點後，因候任財長蓋特納在參院委員會的聽證會上遭遇猛烈質詢後，杜指一度下跌，但11:00後，杜指再度走強，升幅不斷擴大，直升至全日最高位收市。

杜指收市報8,228點，大漲279點或3.5%，補番上日大跌332點的大部份跌幅；標普500指數報840點，升35點或4.4%；納指報1,507點，升66點或4.6%。紐約證交所成交上升至17.4億股。

道富銀行上日發盈警而股價大挫近六成後，其對手金融服務公司Northern Trust Corp昨日卻公佈淨收入增長逾一倍，Northern Trust股價漲了31%，亦舒緩了投資者對金融股的疑慮。

　　美國銀行(BAC)亦急升31%，監管部門的文件顯示該公司高層昨日大量購進美國銀行的股票，美銀首席執行官劉易斯(Ken Lewis)以每股5.75至6.06美元的價格買進20萬股股票，令市場覺得知情者也在買股，刺激銀行股全線上升，早前沽空了的淡倉盤回補，多隻銀行股股價都勁升20%以上，呢啲巨股一日跌20、30%，過一日又彈20%、30%，其波動及風險可想而知。匯控在美國預託證券收市報57.29元，比香港收市價55元，升了2.29元，升幅4.2%，看來匯控會有一輪反彈。

美股回升和候任財長蓋特納(Timothy Geithner)在國會的發言有關，佢在國會聽證會話，奧巴馬「將在未來幾周內來到國會，爲美國民衆勾劃出一份全面的計劃，幫助穩定金融系統的核心，從而使銀行有能力提供經濟復甦所必需的信貸。」 佢話奧巴馬的計劃將可解決信貸緊縮和房地産市場崩潰等問題。

　　蓋特納的發言激發股市反彈，因為這些講法令人聯想起想起1933年3月羅斯福在大蕭條時期上任總統後的情形。羅斯福在1933年就職日大漲15%，他上任後100天內，股市上漲了80%，好友正期待著歷史重演，唔知有無咁筍。

市場昨天把注意力完全集中在候任財長蓋特納身上，不太在意介絕他出場的前聯儲局主席沃爾克（Paul Volcker），沃爾克作為奧巴馬的白宮經濟顧問，他在國會聽證會介絕蓋特納出場時講到，美國正面臨「所有財政危機之母」（the mother of all financial crises），目前見不到美國的衰退有盡頭。

　　沃爾克不如他的繼任人格林爾斯潘那樣經常評論經濟，十分慎言，這是近期他首次評價這次經濟衰退，但話語極度悲觀，一句「所有財政危機之母」，聽落認真得人驚，他沒有再引申，我地可以估吓佢講話的含意，由於財政體制的核心在銀行業，但美國銀行業正面臨史上最嚴重的信貸緊縮及去槓桿化，可以話在核心中融解，所以他稱為「危機之母」。或許沃爾克咁講，只是為蓋特納的經濟政策背書，因為危機咁大，叫國會盡量支持奧巴馬政府的財政政策。不過以沃爾克對美國金融業的了解，講得出咁o既評價，都唔好當佢無料到。

　　沃克爾曾經係一個扭轉時代的猛人，佢係格林斯潘前一任的聯儲局主席，美國在60年代末、70年代初經歷詹森和尼克遜兩任總統極其寛鬆的貨幣政策，再加上石油危機，通脹失控，在70年代末美國通脹率在10%以上高踞不下，剛上任聯儲局主席沃爾克作了改寫歷史的決定，他為馴服通脹，大力收緊貨幣供應，將利率推高至20厘以上，由於落藥極重，令美國經濟即時出現衰退，失業率更急增至10%以上，當時被人媽到七彩，兩年後通脹最終消弭，經濟走出衰退。沃爾克事後回想任職聯儲局主席時所承受的壓力，笑住咁話：「我當時恨不得找個洞鑽進去，然後大哭一場！」

      我記得80年年初美國大加息，香港樓按利息加到20幾厘，加上香港遇上前途問題談判，政治信心脆弱，樓市崩潰，樓價跌咗9成幾(無寫錯，真係9成幾)，那段日子令人記憶尤新。

       沃爾克係老師父，佢曾經係一個打低通脹、令美國走出衰退的猛人，佢的繼任人格林斯潘早期都一樣嚴控貨幣供應，但到任期尾段，想博掌聲，加上911事件的衝擊，佢大力放鬆信貸，造成日後無可收拾的樓市和金融泡沫。

       現在不少國際金融界的猛人都睇到美國金融業面對重大險情，我們投資要以此為參考，股市短期走勢難測，跌得多必定會反彈，勿將反彈看成復甦。中期走勢仍然係危機四伏。

陸羽仁