【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

轉業務如轉手機
2009年1月6日

由於內地的燃氣使用比率一直都遠低於其他國家，所以市場一直都憧憬中央會持續推出政治，鼓勵使用比較清潔、安全及經濟的天然氣，令燃氣股的市盈率一直高企。對於Victoria來說，除非是一個行業的超級龍頭股，不然市盈率高於十倍的股票，現在我都是沒有多大的購買意欲；也因為這個原因，之前我一直都沒怎樣仔細地去看燃氣股。直至早前，留意到升幅榜中出現了一隻燃氣股——中國燃氣（384）股價及相關新聞，Victoria才開始多看一點這個行業的股票。

　　Victoria認為要於內地搞天然氣，最重要的便是要有強勁的背景，中油香港（135）股價及相關新聞便是一個好例子。其母公司是中石油（857）股價及相關新聞，以它於內地的財力及資源優勢，中油香港搞天然氣業務自然事半功倍，因此我認為中油香港是一隻值得長期留意的股票。另一隻我想說說的，就是同樣有強勁母公司，剛剛變身成功的華潤燃氣（1193）股價及相關新聞。它去年十一月才正式轉名，由華潤勵致轉至華潤燃氣，看一
看年報，發現這幾年，華潤燃氣改變業務的速度，跟時下年輕人轉換手機型號的速度沒有多大分別。

　　追蹤業績都有困難

　　集團於正式收購燃氣業務前，是經營設計、製造半導體及生產和銷售混凝土業務的。混凝土業務是○七年十二月才收購回來的，不夠一年時間，去年集團便把它出售了。而半導體業務則比較好，經營了一段較長的時間，直至去年才正式結束。在收購混凝土業務前，其實集團還有另一個業務，便是經營製造及銷售空調壓縮機。不過，於○七年八月左右，集團便把此業務出售了。

　　由○七年頭開始計起，兩年間集團便涉及了四種完全不同的業務，分別是空調壓縮機、混凝土、半導體及最新的天然氣業務。這公司給我的感覺，便如一個含覑金鑰匙出世的太子爺，大學畢業後，老父出資給他搞生意，一檔做得不好，便再搞另一檔，直至搞到有起色為止。

　　雖然華潤燃氣符合了我之前所說，有強勁母公司作後盾的條件，但是因為它的業務實在是轉得太快了，連追蹤它的業績都有點困難，更不要說是投資了！

　　王雅媛（Victoria）

　　（王雅媛為持牌人士，並沒有持有以上股票）

Mr.Business

注：此篇文章版权归香港頭條網所有。

金融High Tea——炒反彈 鋪鋪清
2009年1月6日

美股在09年首個交易日大漲258點，為歷史以來新年首個交易日升幅第二高。受美股報捷刺激，全球投資氣氛轉趨樂觀，亞太區股市普遍造好。恒指承接上日的強勁升勢，高開306點，衝上15,427點，之後窄幅橫行；下午由地產股帶動，升幅擴大，恒指收市報15,563點，大升520點，恒指09年首兩天已升了1,175點或8.2%；國企指數收市報8,677點，勁升363點或4.4%，大市成交回升至494億元。期指收報15,644點，升605點，比現貨高水81點，成交增至62,948張。

內地股市方面，受外圍市場普漲影響及溫家寶的雙十規劃令市場人氣有所提升，2009年首個交易日迎來開門紅，滬綜指最後報收1,880點，漲3%，深成指報收6,634點，漲2.3%，兩市成交額共計723億元人民幣，重磅國企股好似中移動（941）、中海油（883）及中石油（857）成為拉動大市上升主力。

溫總雙十帶動國企股

溫總日前在山東青島慰問幹部群眾時說，國務院正在制定兩大規劃：一是擴大內需的十條規劃，將去年出台的擴大內需的十條措施進一步具體和豐富；二是十個重要產業的調整和振興規劃，鋼鐵業和汽車業的規劃已經制定出來，其他規劃正在加緊制定，這些規劃既覑眼於解決當前的實際問題，又覑眼於產業的長遠發展，成熟一個，執行一個。市場傳言要振興的行業包括鋼鐵、汽車、造船、石化、輕工、紡織、有色金屬、裝備製造和電子資訊。

受溫總言論刺激，汽車股大受追捧，東風（489）、駿威（203）、華晨（1114）、吉利（175）及長城汽車（2333）急彈9.3%至19%！金屬及鋼鐵類股亦受惠明顯造好，江銅（358）升8.8%；紫金（2899）升4.8%，洛鉬（3993）升5.6%；馬鋼（323）及鞍鋼（347）升6.9%及5.5%，中港股市新年暫時沉浸於政府托市消息的愉快氣氛之中。

○九年接連兩個交易日大市炒番高，可以講你唔信佢又升，再唔信佢又升，昨日經紀張打電話來，話個市上星期升鰦五、六百點，但成交唔夠，今日好似無力囉。陸羽仁就話，炒反彈市睇成交，有時唔能夠一部通書睇到老，上個星期成交少，主要係假期關係，加上好多散戶短線變鰦淡友，好多人手頭無貨沽，所以雖然個市交投不多，但唔能夠咁快話個市無力，因為新年頭基金重開數簿炒作，無理由兩槍就射晒子彈，所以就算唔追貨，都唔好咁快沽空，果然去到下晝，外資買盤又入市，再將指數掃高，上晝沽鰦期指者，下晝輸多三百點，已經相當無癮。

全球經濟係過去一個星期無力變，但美股升上九千點，港股又重上萬五點，其他歐洲同亞洲股市都造好，可見反彈係全球股市普遍現象。中環茶友提醒，話留意到一個現象，就係踏入○九年，美國長債接連兩個交易日回落，究竟呢個係咪資金流向轉變現象，值得股民留意。

避險意識稍為降低

去年底，由於全球資產報跌，資金追求避險，大量躲入美債，結果令到美債出現零息，不過債券不同存款，存款收零息，本金係收到保障，但買債券收零息，一旦債息回升，債券跌價，本金就會輸錢，長債對利息尤其敏感，所以買美國長債，雖然不會血本無歸，但一樣有可能輸錢，新年過後，基金重訂投資策略，美債接連兩日下跌，是否代表基金經理覺得債券已經太貴，把部份資金由債券調回股市，成為一月反彈的藉口呢？

一月份大市有得炒奧巴馬上台的憧憬，又有得炒基金重新啟動投資，所以不排除月初會造好，但並不代表經濟問題一天都光晒。陸羽仁鰠網誌都提到，美國聯儲局成員、三藩市聯邦儲備銀行主席尤愛倫（Janet Yellen）發表演說，話美國經濟正經歷一次急促收縮，失業率註定要上升，經濟面臨嚴峻危險。在未來幾年，通脹率低於理想水平的機會很大，聯儲局可見將來要堅定地推高通脹，政府要用各種財政政策刺激去阻止衰退。所以無論點都好，全球股市現在仍然係極不穩定，就算熱錢避險意識略減，都只係短線炒賣居多，並非代表長線策略，假如形勢有變，市況可以急促波動，股民跟風短炒，最緊要係記住鋪鋪清，今次下注無論贏定輸，都要每注計數。

陸羽仁

Mr.Business

注：此篇文章版权归香港頭條網所有。

救市大計         

2009/1/6 上午 09:26:04
網誌分類: 經濟

雖然亞太區、歐洲股市普遍造好，油價續升，但美股週二未能承接升勢，杜指開市20分鐘已下滑117點，報8,918點，跌回9,000點下方。隨後即反彈上9,010點，在9,000點附近約70點間窄幅爭持。下午2:00，杜指嘗試突破昨日的收市位，未能成功後調頭大幅滑落143點正全日最低的8,892點才喘定; 尾市反彈，但始終未能跨越9,000點關口。

杜指收市報8,953點，下跌82點或0.9%，全日最高9,034點，最低8,892點；標普500指數報927點，跌4點或0.5%；納指微跌4點或0.3%，報1,628點。紐約證交所成交回升13.2億股。

在「新年新希望」效應下，美股09年首個交易日氣勢如虹，大漲258點，但樂觀氣氛沒能維持多久，就給疲弱的經濟數據打破，投資者又要面對現實。上月可說是汽車製造業的嚴冬，各大汽車公司除了Subaru有輕微的0.1%升幅外，其餘世界各地的公司銷售都下跌。其中以美國佳士拿汽車（Chrysler）最為慘烈，較去年同期大跌53%！而豐田汽車（Toyota Motor）、本田汽車（Honda Motor）、福特汽車和（Ford Motor）及通用汽車（General Motor）均齊齊下跌逾三成，美國、日本車廠齊齊衰，至於德國的汽車製造商Daimler也錄得23.5%的跌幅，而旗下的平治汽車(Mercedes) 亦下跌了32%。若以全年銷量計算的話，跌幅最大的是通用汽車，跌了23%，難怪差不多要執笠; 相反較好的是本田，亦跌了逾8%。

對美國汽車業來說，2008年銷售是自1992年以來最差的一年。據AutoPacific的分析員Stephanie Brinley話，汽車業在2010年可能更加惡劣。她認為「這不是油價問題，也不是信貸問題，而是消費者信心問題，而且更是全球性的。」

通用汽車12月份銷售雖然下跌31%，但卻好過市場預期的下跌41%。所以股價不跌反升1.6%報3.71美元，連帶褔特汽車也造好，報2.58美元，升4.9%。而豐田及本田則下跌1%及2%。

美國經濟咁差，但股市卻仍在近9000點上方徘徊，除了新年效應外，主要是市場對奧巴馬上任及其救市方案有憧憬。全世界都在救市，英國、德國接連出招，奧巴馬更為救市方案不斷加料，加入大幅減公司稅的內容，企圖換取共和黨議員支持。

《華爾街日報》報道，美國候任總統奧巴馬提出的7750億美元刺激經濟方案中，將包括向個人和企業提供高達約3100億美元(逾2.4萬億港元)的減稅，佔刺激方案4成左右，減稅幅度遠超兩黨國會議員的預期。有關消息成為昨日刺激全球股市上揚的動力。

奧巴馬3100億美元的減稅大計，希望能在2011年前「創造或保住」300萬個職位。救市大計中個人減稅部份要用1400億美元，可獲減免的對象包括年收入20萬美元(逾150萬港元)以下的個人，直接向個人減稅500美元或夫婦減稅1000美元的即時減稅。

不過奧巴馬方案最有新意的是企業減稅部份，企業這兩年如果有虧損，過去5年繳交的利得稅可獲退稅來抵扣虧損。另外新聘或續聘員工的企業，這些公司將可獲得一年的稅收減免。

共和黨議員一直強調，刺激經濟計畫應該更依賴大幅減稅而不是擴大政府支出，而奧巴馬卻聽從自己的經濟專家勸告，認為布殊政的減稅或退稅無長遠效果，應著眼於基建投資提供就業以刺激經濟。但人總得向現實低頭，奧巴馬若堅持己見，救市大計難望得到共和黨支持，所以唯有大量增加減稅的內容，減幅隨時誇張過布殊上任頭兩年的減稅額，以換取共和黨的支持。

不過共和黨人會否在通過計劃時再玩一玩奧巴馬，亦未可知。過去在共和黨執政的尾段，國會兩次通過救市方案時，共和黨人都相當獨立，在第一階段投票反對共和黨政府提出的方案，到政府再讓步時才表態支持。今次換了一個民主黨總統，即使救市大計包含減稅內容，首次投票時共和黨人也可以反對，逼使奧巴馬加入更多共和黨支持的主張，才投票支持都未為遲，如今是民主黨人執政，自然係你緊張過佢。

奧巴馬上任及推出救市方案，由於這是預設事件，所以利好因素會提前逐步反映，現時股市就是在炒對好消息的預期。到好消息實現時，股市反而會回吐，所以要看目前還在炒緊好消息時，美股可以炒上到乜嘢位了。

陸羽仁

Mr.Business

2009/1/7 上午 10:33:06  

陸羽仁覆網友

Ray:我估呢次升市主要炒奧巴馬上任推出的救市大計，應該到計劃推上國會就差唔多玩完，佢２０日上任，唔知炒唔炒得埋呢個月。但中線睇，要記住馬英九上任的教訓，個個話佢好，大戶派埋貨，上任後個市就插。

Bigfish:大魚老婆入咗熊仔，炒股一唔對路要斬啦。一個星期後個市點樣都唔好理啦。炒牛熊快到應該即日出人，對路坐一兩日，唔對路即閃。

一筆鈎銷：買淘大樓１７５萬，後來發覺漏水等問題嚴重，想撻訂，呢啲咁重大決定外人難俾意見，最後要自己諗，不過撻訂只賠８萬的話，只是４．６％，有得諗。（睇清楚合約，有啲係「必買必賣合約」，有啲係賠細訂可以走人的合約，要係後者才有得撻訂）。

Blacks:去槓桿化有好多方面，其一是次按等金融壞資產的清理，我估而家清咗一半左右，因樓市愈跌，呢啲資產愈爛。其二是銀行恐懼壞帳而減少借貸，呢一部份情況有舒緩，但若再出事，又會收番緊。所以好粗咁講，而家走咗一半咗走，關鍵要美國樓市跌定，經濟見底，惡性循環才可逆轉。

我覺得禽流感風險幾細。

輝NSX：恭喜搵到新工，可以重新開始，有工有現金流，感覺都唔同。

牛腩：有老人家入了深切治療部，當然有機會出來，不過更重要係老人家生活得舒服，唔單睇你的感覺，也要睇老人家的感覺，生老病死，人生難免。

Mr.Business

注：此篇文章版权归香港頭條網所有。

金融High Tea——外資警示資金撤退
2009年1月7日

美股2009年首個交易日氣勢如虹，但好景不常，周一杜指重回9,000點樓下，亞洲股市開市卻沒有跟跌，日股早段升100點以上，內地A股先跌後升，恒指卻高開49點後窄幅上落，惟12點過後急速下滑近160點，下午跌幅稍為收窄，在15,500點間呈橫行局面至收市。恒指連升三天之後，昨日收市報 15,509點，微跌53點或0.4%，大市成交增至539億元。期指收報15,534點，跌110點，比現貨高水25點，成交60,302張。內地A股表現強勁，上證綜指升3%，收1937點，但香港中資股卻未能受惠，國企指數收市報8,645點，跌32點或0.4%。

股市悶悶地，在高位徘徊，未來要睇纒美股炒奧巴馬上台可以炒到幾高，若果杜指炒上9000點樓上並企得穩，港股短期可以睇高鱓，若果美股炒唔上就要小心鱓。

銀行搶客炒地產股

重磅股中移動（941）及礇控（005）成為拖累大市的最大元兇。市場雖然傳出3G牌將於未來兩天發放，惟有關消息已連續炒作多日，投資者趁「開獎」前獲利已成慣技，中國移動成為沽售對象，最低曾見81.5元，跌逾4%，收市報83元，跌2.4%。聯通（762） 更下跌5.3%報10.28元。

德銀表示礇控投資及私人銀行業務收入將續跌，並預期會有更多的貸款損失。因此下調其2009及2010年每股盈利預測21%及26%，至1.54美元及 0.88美元，目標價由83元下調11.8%至73.2元，維持「持有」評級。礇控股價持續偏軟，收市報76.95元，跌0.7%。

昨日部份消息有利地產股，瑞信預期本港樓價仍有18%跌幅，但估計樓市將於年中見底。瑞信又指，地產股估值開始吸引，佢地將新地（016）納為發展商首選，目標價84.06元，反映其估值相對便宜及新盤銷售勢頭理想，新地連升4天，昨天收市升4.2%報73.25元。另外，建銀亞洲降新做按息低至3.25厘搶客，亦利好地產股，長實（001）升0.6%、恒地（012）升4.4%、信置（083）升5.3%，而新世界發展（017）則大升7.3%。但係陸羽仁覺得本地樓市未好得咁快，炒地產股反彈要守止蝕位先至好去玩。

齊估香港全年負數

各大行紛紛發表2009年經濟預測，睇鈬對香港經濟真係唔太睇好，高盛（亞洲）亞太經濟學家馮殷諾就提出資金有流走跡象，佢話雖然近日香港持續有資金流入，令銀行體系結餘連創新高，因為環球去槓桿化及拆倉潮，促使資金需要尋找相對較安全的貨幣作避險，所以走入香港避一避。佢認為，本港銀行體系的結餘不會再持續增加，近日息口有上升跡象，反映有部份資金開始流走。

馮殷諾話，由於環球經濟持續不景，預計本港09年全年經濟將會收縮3%，但2010年將可回復增長3.5%；本港失業率料持續惡化，預期09年及10年的失業率分別為6%及6.5%。另外他預計樓市仍未見底，本港樓價今年將會再跌15%至20%，明年則再跌10%。

高盛睇到資金有外流跡象，估計今年香港GDP負增長3%，樓市更要連跌兩年，都可謂睇得相當淡。另外瑞信亦唔睇好，瑞信亞洲區首席經濟分析員陶冬話，現時本港零售市道未有大問題出現，但若銀行不願借貸的情況持續，將會影響香港經濟，預計本港2009年及2010年的經濟將按年下跌2.2及2.1%，陶冬睇香港GDP要連跌兩年，比高盛睇得仲淡，若果陶冬預言成真，港股隨時要衰到明年。睇完兩間外資行對香港的經濟預告，個心冷鰦半截，因為兩家都估香港今年 GDP係負2.2%到3%，咁高鮋平均負數，即係話香港好可能衰足4季。

但佢懐對內地的經濟睇法接近，高盛馮殷諾話，內地雖然推出四萬億刺激經濟方案，以力保今年國民生產總值（GDP）達8%水平，由於預期內地樓市持續下跌，加上措施落實需時，故料內地今年GDP增長只有6%，2010年則可回升至9%水平。他預計，今年人民幣匯價將會維持在現水平，內地將不會以大幅貶值支持出口業。瑞信陶冬則睇高少少，話內地四萬億刺激經濟方案，可以保持經濟增長至少達到7至8%，並預期內地將於今年第二季將會推出穩定樓市及減稅政策，預計內地2010年經濟增長達8.5%水平。

兩大行都估內地未必咁易保到8%增長，換言之，中資股都好難大炒，今年頭半年都係炒纒上落市。

陸羽仁

Mr.Business

注：此篇文章版权归香港頭條網所有。

輸死人         

2009/1/7 上午 09:45:59
網誌分類: 經濟

歐洲三大股市造好，杜指跟隨，美國市場憧憬候任總統奧巴馬的7,750億美元刺激經濟方案和減稅政策會有助挽救經濟，杜指開市即衝破9,000點關口，上升111點至9,064點後，即打回原形，在11:00許再重拾升勢，至下午3:00升至全日最高的9,088點，然後略為回落。

杜指收市報9,015點，上升62點或0.7%；標普500指數報935點，升7點或0.8%；納指漲24點或1.5%，報1,652點。紐約證交所成交與上日差不多，共13.3億股。

美股昨日走勢反覆，上升動力主要來自市場獲悉奧巴馬已向幕僚透露救市總額達到7,750億美元，投資者憧憬計劃好快落實。加上救市計劃中包括了平均每人獲減約500美元的稅務優惠，推動狄士尼、惠普和花旗集團股價均上升逾3.4%。

推拖累大市的力量則來差勁的經濟數據。最新公佈的11月份工業訂單下跌4.6%，跌幅遠超預期的2.3%，繼10月份大跌6%後，再一個月急跌。另外聯儲局12月16日公開市場委員會的議息會議記錄公開，顯示儲局諸公擔心美國經濟會有嚴重危機走向衰退，他們預計第四季度經濟活動嚴重收縮，增長受壓，高失業率將持續到2010年。他們亦擔心會出現通縮，所以曾經討論過訂立通脹目標，以阻止市場產生通縮預期。

另外，全球最大的鋁生產商美國鋁業（Alcoa Inc.）宣佈裁減公司約13%的員工共13000人。美鋁同時減產75萬噸或公司總產能的18%，涉及產值9.5億美元。因為全球經濟衰退，汽車、電器及電網用的輕金屬需求不斷下滑，而鋁金屬價格亦較去年下跌36%。美鋁的行政總裁Klaus Kleinfeld 話，「這是非常時期，需要快速和果斷才能應付現時的經濟不景氣。」市場人士估計，若鋁業需求和價格再下跌，美鋁可能再有裁員減產計劃。

睇住美國大公司咁裁員法，失業率無可能唔高，美鋁裁13%人都怕止唔到血，而家美國大公司一係唔出手，一出手就裁10%以上人手，而且開完一刀唔夠又開一刀，所以候任白宮經濟顧問薩默斯話到今年年底，美國失業率會升到10%，真係好有機會實現，冬季會幾漫長。

嚴冬會死人，繼早前一個法藉基金阿頭因為投資在馬多夫的騙局而割脈自殺後，德國鉅富麥克勒(Adolf Merckle)在本週一晚跳火車軌自殺，被火車撞到散哂，他的家族公司欠下50億歐羅(67億美元)鉅債無法償還，當債權人打算拆散他的公司抵債時，他選擇結朿自己的生命。

Adolf Merckle曾是福布斯全球排名第94位的富豪，身家92億美元(717億港元)，照樣在呢次大風浪中沉船。佢家族經營水泥、藥業和機械生意，佢o既災難源於在2005年收購海德堡水泥公司(HeidelbergCement)，因為呢單收購，令佢家族公司欠下巨債，並將旗下股票按哂俾銀行，導致今日之災，這是一個過度擴張遇上經濟逆境的典型悲劇。

人黑起上來有條路，熊市買跌都要輸，佢旗下公司沽空大量 Wolfsburg公司(即Volkswagen旗下公司的股票)，賭Volkswagen會玩完，點知由於該公司股權太集中，出現經典的挾淡倉事件，股價被人挾住狂升，Adolf Merckle的公司賭輸了4億歐元，佢本來已經無乜水，諗住賭一舖博番，點知咁都輸埋，現金緊絀，就送了Adolf Merckle上絕路。

我在去年5月後已叫做生意的人小心風險，話呢個浪唔係人咁品，可以輸死好多人，而家睇佢仲會玩多一年或以上，記住生存係最重要，賺錢仲係其次，在一個通縮的世界，啲嘢會愈來愈平，購買力愈來愈高，唔輸已經係贏啦。

陸羽仁

Mr.Business

2009/1/8 下午 05:08:28  

陸羽仁再覆網友

此方：我唔係答得玄，係話經濟有排衰，邊間公司唔可以好快調整，會被大浪食落肚。

ccb：睇吓１４０００點穿唔穿，若向下擊穿並再向下行，反彈應己完結，否則在１４０００點至１６０００點玩上落市。

你問短揸工行，安全系數夠唔夠，我估你問錯問題，大市向下，當然唔夠安全系數，但短炒博反彈，唔係講安唔安全，係要守止蝕，一元博一元。

Siusiu:如果短揸間樓東亞、中銀的按揭抵啲，揸三年以上渣打個Plan好啲。

阿tom hk:李超人沽中行，係想攞吓彩囉。你想揸中移動等，短炒博反彈另計，長線投資未係時候。

Any:內銀股有一浪回調，招行當然也受影響。佢一個月高位１７．３６元，彈番去１５元以上唔係完全無機會，但要先睇大市守唔守得住１４０００點。

Mr.Business

注：此篇文章版权归香港頭條網所有。

金融High Tea——守唔住位 小心散貨
2009年1月8日

港股昨日承接美股升勢，恒指高開250點，但受美銀配售建行（939）股份遭打擊，恒指迅即向下調整，約10︰30已打回原形，恒指在15,500點窄幅橫行直至中午收市。下午3G發牌結果公佈，再觸發好消息出貨，恒指搵到個藉口下瀉，跌幅不斷擴大，連15,000點都插穿埋，「競價時段」再被推低32點，以全日最低位收市。

恒指高開低收，收市報14,987點，大跌522點或3.4%，期指在現貨收市後反彈，尾段收報15,064點，跌470點，比現貨高水76點，成交 72932張。紅籌國企表現更差，跑輸大市。國企指數收市報8,245點，下挫400點或4.6%。大市成交大增至900億元，其中280億來自建行此批股的成交，但扣除此批股份亦有600幾億成交，跌市成交都唔細也。

散戶追紅色股夾住

港股昨日碌得咁厲害，可謂出其不意斬你一刀，區內股市日股一開市就升，最後都要升1.7%收場，新加坡跌也只是跌1.7%，上海股市也只是跌0.7%，恒指要跌到3.4%，都算十分出位啦。過去香港出現呢鱓出位情況，美股跟住鰟晚會跟港股走架，今次又睇纒係唔係。

中環茶友話，昨日期指一開就開15,850點，開鰦個高位出來，引你班友去追，跟住回番落來，上午一大段時間在15,450點上下浮沉，呢段時間夠長，拖鰦班友博即日反彈者入市，然後再插，最低插到14,909點，高低差成941點，在高位已鎖死一班好友，大戶若然係即日夾好倉，都夠水位食胡，問題只係大戶係想食一番定係爆棚而已，被佢夾住者，真係任人舞。

茶友話，呢兩日升上高位時指數上落唔大，又開始有散戶入市追紅色股，佢有小小感覺係「散戶Feel」，大戶係唔係散鰦貨，永遠都要事後才能證實，但市場指數騙唔到人，最緊睇住大市守唔守得住大位，守得住大位就繼續跳舞，若15,000點守唔住再加急跌，就要小心啦。

昨日跌市的最合理解釋係美銀沽建行，美國銀行以大折讓12%、作價3.92元，配售建行56.2億股，共套現220億港元。美銀持有建行產生140億美元（約1092億港元）的帳面利潤，佢收購美林要用330億美金，所以要沽建行股票搵番鱓現水。美銀大手沽貨故要折讓12%去批股，建行股價昨日大幅下跌 8.8%至4.06元，成交金額280億元，相信部份接貨者即買即沽，賺取差價。

市場傳聞李超人基金都批緊41億港元的中國銀行（3988）股份出街，證券界估計，隨覑內銀股的禁售期解凍，大戶沽內銀股的行動陸續有來，這些股份隻隻頭上有一把懸劍，除時插下來，成為主要拋售對象，工行（1398）跌7.3%、中行（3988）跌3.2%；行（3328）、招行（3968）及中信銀行（998）分別跌4.5%、6%及7%。大市升到近16,000點，大戶紛紛出貨，咁格局真係唔係幾靚仔，邊個有力把大市推到17,000點、 18,000點任人出貨呢？

炒電訊股契弟走得摩

內地發3G牌又成為一個好消息出街的典型，炒作多時的3G發牌，昨日下午終於「開獎」。工業和資訊化部分別發放3張第三代移動通信（3G）牌照TD- SCDMA、 WCDMA及CDMA2000予中國移動（941）、聯通（762）和中電信（728）。中移動得TD-SCDMA為國內研發3G技術，有政府支持；而聯通和中電信獲發的歐美制式，歐洲的WCDMA為GSM網發展出來的 3G技術規範，全球漫遊能力最強，技術比較成熟；美國的CDMA2000則技術較為先進。政府估計3G發牌後，整個產業鏈將拉動1.8至2萬億元的社會投資，即係話接牌的電訊公司仲要慢慢投資建網。

如前所料，消息公佈後電訊相關類股份沽盤湧現。中資電訊股全總線下挫。中移動跌穿80元，報78.45元，下跌5.5%，成為拖低大市的最大動力，中移動下跌推低恒指逾150點；中電信及聯通亦捱沽，分別大跌5%至3.03元和10.6%至9.19元。經炒作多日的電訊設備股自然亦大幅插水，中通服（552）跌7%、中興（763）瀉8.5%、京信通信（2342）挫8%、中國無線（2369）更勁插12%。這一為大家上一課，炒股好難睇到最後一毫子，你炒股有甜頭希望等佢升到盡至走，咁就「契弟走得摩」啦！

陸羽仁

Mr.Business

注：此篇文章版权归香港頭條網所有。

安龍騙局         

2009/1/8 上午 09:37:42
網誌分類: 經濟

港股插完美股真係跟住插。美股受龍頭企業裁員和調降盈利預測，以及日益惡化的就業形勢打擊，杜指走勢惡劣，開市已跌穿9,000點大關，並於5分鐘內急插158點，之後略為反彈45點已支持乏力，杜指重拾跌勢，一直跌至全日最低的8,720點，接近收市才喘定。

杜指收市報8,770點，大跌245點或2.7%，為去年12月1日以來最大的低幅，09年的升幅亦差不多一鋪清袋。杜指全日最高8,997點，最低8,720點；標普500指數報907點，跌28點或3%；而納指表現最差，跑輸大市，下跌53點或3.2%，報1,599點。紐約證交所成交12.3億股。美股守唔住9000點，看來又會展開一浪向下調整。

「新年效應」隨著時間淡化，市場上壞消息此起彼落，投資者的樂觀情緒備受打擊，終於回歸現實。失業消 息續來，繼美國鋁業(Alcoa Inc.) 昨日宣佈裁員13,000人後，APD企業服務組織(ADP Employer Services) 報告顯示，佢地調查12月份美國職位縮減69.3萬，遠高於預期的49.3萬，為2001年有調查以來的新高，預計勞工部本週五公佈的失業數字會大升。再原油價格受能源部公佈每週庫存上升多過預期的消息影響，加上以色列誤炸加沙的聯合國學校有機會促使提早停火，油價大跌至每桶42.37美元，一日急跌12%，令油股顯著下挫。艾克森美孚和雪佛收報78.25美元，下跌2.6%和73.96美元，跌4.4%。

時代華納和英特爾兩大龍頭企業齊發盈警。時代華納第四季因營運成本大升，預警2008年會有虧損，股價大跌6.3%至10.29美元。美國晶片巨擘英特爾週三對第四季營收發出第二次預警，話個人電腦需求較佢擔心的還要疲弱。英特爾將其第四季營收預估調降至82億美元，11月時該公司已預警第四季收入約為90億美元，10月時曾預計營收為101-109億美元，即係話預測愈調愈低。

Solaris資產管理公司的分析師Tim Ghriskey話，英特爾明顯將進入企業盈利的悲慘期，它是業界領頭羊，它的跌幅將拉低整個行業。 英特爾股價收挫6.05%，觸發市場對科技公司的普遍憂慮，該行業其他公司股票也大幅跳水。費城半導體指數重挫4.9%。分析師話，經濟疲弱之際對個人電腦的需求放緩，不可避免將衝擊個人電腦、晶片和軟體廠商的獲利。他們估計消費者開始轉向購買更便宜的筆記本型電腦。

金融海嘯害死人的消息陸續有來，在德國鉅富麥克勒(Adolf Merckle)瞓火車軌自殺的同一日，波士頓地產拍賣商Steven L. Good在波士頓市郊自己的積架車內吞槍自殺，沒有留下遺書，估計也是不堪生意失敗而自殺。佢係波士頓地產商協會前主席，旗下公司是波士頓最大的拍賣行。Good死時52歲，子承父業，其家族公司過去50年經手做了90億美元的地產成交，咁大間拍賣行，面對一場金融海嘯，一樣頂唔順玩完，呢一浪有好多有錢佬中招也。

講起中招，都未夠印度的科技大王Ramalinga Raju咁誇，佢爆出繼馬多夫事件之後最大的金融醜聞，馬多夫搞的是龐氏騙局，佢搞o既係「安龍騙局」，大家都知安龍曾是全球第二大營業額的公司，後來爆出全部係假帳。呢個Ramalinga Raju的Satyam Computer Services Ltd，係印度其中一間最大資訊科技公司，佢昨日宣布辭去公司主席一職，並承認製造逾10億美元的假賬，公司的資產和盈利全部係假嘢，消息令印度股市發生大地震，SENSEX指數單日大瀉7.3%。

呢個Ramalinga Raju間公司個名叫Satyam，名字的意思係「真實」咁解，呢個故事教訓我地，逢係話自己老實的人，十個有九個都係古惑仔，真係老實人就唔使以「老實」兩字作招牌。

Ramalinga Raju上個月曾經想將私人持有的兩間公司買俾自己的上市公司Satyam Computer，真正的動機唔係想滾上市公司o既錢，而係透過這個安排把504億盧比(10.3億美元)假資金注入上市公司內填數，但股東反對這個收購私人公司行動，Satyam的假帳再遮掩唔到，終於爆煲。

紙包唔住火，Ramalinga Raju向印度交易所寫信自爆，話佢自己的公司Satyam的536億盧比現金和504億盧比銀行存款，其實並不存在。佢公司話經營的毛利率有24%咁高，其實只得3%，公司話營業額有270億盧比，其實只有210億盧比。呢個假局能夠頂得住，全賴老細Raju把自己的股票按俾銀行，借咗123億盧比現金來撐住，玩緊o既係「十個茶煲三個蓋」的遊戲。Raju話呢個假局出現咗好多年，佢就好似騎住一隻老虎咁樣，唔點識樣落地而唔會俾老虎食咗，可能印度人都有「騎虎難下」呢句成語。

Raju營運咁大間科技公司都爆煲，令印度科技業和企業管治聲譽受到重創，一間大公司盤數可以咁假，其他公司仲信唔信得過呢?

唔好淨識笑人，香港有咁o既公司一啲都唔出奇，佢地在好市的時候，唔會爆煲，漫長的熊市好易令做假的公司水落石出，各位老友執生啦。

陸羽仁

http://www.hkheadline.com/blog/r ... rd=&searchtype=

Mr.Business

2009/1/9 上午 11:02:12

陸羽仁覆網友

Ray:後市要看呢次反彈後若再跌，守唔守得住１４０００點個位，若守得住，不排除月中在近美國總統上台再彈一彈。守唔住１４０００點就差啲啦。

內銀股沽壓未完，鬼佬行持有股份解凍後，有好大誘因再沽。加上要出埋業績，睇吓有無壞消息未反映，所以買內銀股時機係等大市再插時，可能係年中。

論穩陣應是工行、建行穩啲，論增長招行好啲，但現價仍未吸引。

嫣嫣：長線投資招行維持到１０元時分段吸納的想法。

１８年輕新手：大戶有兩種劇本，第一種炒上落，１４０００點至１６０００點中間走，上上落落食波幅，第二種是破位向下，若穿１４０００點並走唔翻上去，就變咗在１２０００點至１４０００點間波動。金融市場穩番少少，未係大插嗰種味道。但話要大升，入咗牛市，我又未信，我成日覺得美股今年要創新低，到時唔知港股會點。

Chrislee:美債市爆煲的機會仍然唔係好大，但萬一爆煲的風險好大，而家的海嘯一百年未見過，還潛藏多大金融風險未知，你睇保爾森都搞到灰頭土臉就知。美債的危機在於供過於求，供應太多，其他主權國家想幫佢頂都唔夠錢。

彥清風：我都覺得給予鼓勵一欄唔太中肯，起碼要加番「普通」和「未夠好」。

Ah fool:我雙親已殁，是過來人，建議你要好好珍惜和媽媽相處的時間，身處外地都唔緊要，為阿媽裝部web cam，就可以天天見面。父母離去之後，才知過去和他們溝通不夠多，爸媽年青時怎樣，後悔知得太少，問得太少，現在只能在年長親友口裏打聽。你可以看看詹宏志有本書叫「人間一瞬」，對和爸爸之情有很好的描寫，作者和爸爸也極少溝通，爸爸過世後兒時的回憶湧現，令人神傷。

Flyinthesky:匯豐要集資，也要減派息，所以中線還有壓力，７４元買入，若升一升以上，可以游吓水。長線投資唔係唔得，要忍得下跌至得。若想再入，拉到７０元樓下安全少少，記住匯豐已不是過去買親都升的匯豐，係面對環球金融市場壓力的匯豐，唔係唔可以買，但心態會唔同。

一草一木：英磅減息０．５厘，在預期內，壞消息實現反而升。

達摩：港元唔會同美元脫鈎，但若美元下跌，若長期存港元，亦會損害購買力。

Mr.Business

注：此篇文章版权归香港頭條網所有。

金融High Tea——超人沽貨要醒水
2009年1月9日

港股插完再插，恆指昨日低開231點後繼續尋底，接近14,500點才找到初步支持，但反彈後再插，中午已跌穿14,500點，10天及20天移動平均線均告失守，下午繼續插至14,334點後低位爭持，尾市跌幅略為收窄。

恆指收市報14,416點，跌572點或3.8%，期指收報14,430，跌634點，比現貨高水14點，成交65,167張。國企指數再次跑輸大市，下挫485點或5.9%，報7,760點；大市成交555億元，跌市成交都唔細也。

昨日拖住大市急挫的是中資群英，帶頭的是中移動（941），跌3.1%，帶動港股跌64點，其餘一眾內銀股和石油股都係領跌火車頭。中環茶友話，論走勢港股相當唔靚仔，連續兩日急跌，將過年後的升幅一筆勾銷，港股升又升得急，跌又跌得急，在圖表上好似一個山仔咁，好快就跌近14000這個重要支持位，大市如果守得住此位，就可能仍然炒緊14,000點至16,000點的上落市，若穿埋14,000點跟住上唔番，小心又有一輪調整。不過佢話短程而言，照理跌兩三日都要先彈一彈躀。

散戶追貨入籠

最唔好的現象係有一班散戶入鰦老鼠籠，經紀張話，新年後大市急升，紅色股升得好好，愈來愈多散戶相信牛市已到，前日上午傳緊美銀批建行（939），但散戶一見工行(1398)回少少就去追，4.2元掃貨，經紀張想拉都拉唔住，到昨日收3.69元，已經唔見鰦12%，但佢懐唔單止唔斬，仲話跌到14000點加注，再跌到13000點再加注咁話，聽到經紀張心中發毛，呢鱓散戶依家心中相信牛市已到，所以講到咁豪，若果真係跌到13,000點時，散戶又會變死狗，又要去「打電話問功課」了。經紀張話，希望唔好俾佢自己把衰口講中。

敲三次門只好買

昨日中環午飯最多人談論的不是美銀沽建行，而係李超人都沽中行(3988)。李嘉誠基金以每股作價在1.98至2.03港元之間，配售20億股中行股份，佔持有股份40%，套現金額約40.6億港元，是次減持該基金帳面淨獲利最多達18億元。美銀沽220億元建行，唔及李超人沽貨套現40億咁惹人注目，美銀等錢使，有得沽就要沽，但李超人個基金會有水，依家沽貨，似乎唔多睇好後市。記得李超人上一浪沽航運股沽到個靚價，後來散戶都非常蹨心，悔恨無跟李超人出貨，今次李超人又鈬料，大家都打醒十二分精神留意。斷估若李超人認為牛市已到，就唔會今日走去沽貨啦。

千祈唔好以為李超人係「淡怪」，經常看淡，相反佢係「撈底王」，八十年代趁底買石油公司赫斯基，至今仍為人津津樂道。聞說佢對美國呢個浪有套理論，認為要買平№，有經紀第一次來敲你門叫你買№你唔好買，第二次來敲你門都唔好買，要等到第三次來敲你門至好買。當然咁講唔係真係要數三次，而係佢認為呢次金融海嘯會跌得好深，會一浪一浪咁跌，太早出手，就未能買到平貨，買得早仲要捱價。如今見到李超人仲係度沽中行，似乎可以肯定，第三次敲門的時機未到。

市場玩緊估領袖遊戲，估纒下一次係邊間內銀股俾人沽，目前蘇格蘭皇家銀行仍持有209億股中行股份，亦有沽售壓力；淡馬錫持有中行的104億股股份，亦已期滿解禁，相信中資銀行股的沽售潮，有排都未完。

內地發3G牌的負面角度慢慢浮現。交銀國際電訊行業分析師李志武話，內地電訊股面臨的挑戰大於機遇。因為電訊公司3G的投資仍會加大，3G收費又較2G為低，將影響盈利能力， 3G發展亦未必會如預期般理想。該行短期看好中移動，長期而言則以中電信（728）較佳，另建議「買入」中興（763）及A8（800）。

我就話3G對三大電訊股唔係好消息，只係對設備股係好消息，中移動獲國產３G，雖有阿爺政策支持，但無論從技術質量和未來手機選擇都大受限制，係一舊大豬頭骨，聯通（762）和中電信獲歐洲和美國的3G制式，技術條件和手機選擇都好鱓，但阿爺又擺明想扶持中移動的國產3G，國產3G唔掂，阿爺亦會拖住其他兩家公司的歐、美制式發展，一定唔會畀佢懐隊低國產3G，單係咁講已經係泥漿摔角，都未計3G推出隨時觸發價格大戰，所以內地電訊股會進入一段不明朗時期。

陸羽仁

Mr.Business

注：此篇文章版权归香港頭條網所有。

驚世財赤         

2009/1/9 上午 09:20:40
網誌分類: 經濟

週四歐洲股市續跌，美股表現反覆，三大指數個別發展，杜指全日在不足120點間窄幅上落。全球最大的零售商沃爾瑪(Walmart)因12月銷售欠佳，降低第四季每股收益預期，影響杜指早段下挫至全日最低的8,651點，下跌119點，之後跌幅收窄，在8,700點間爭持，尾市略為回升。

杜指連續第二天下跌，但跌幅輕微，收市報8,742點，跌27點或0.3%；標普500指數報909點，升3點或0.3%；而納指表現較佳，升18點或1.1%，報1,617點。紐約證交所成交有12億股。杜指在8500點的位置有強勁支持。

零售巨企包括Walmart，Macy及Gap在錄得40年以來最差的12月份季節銷售後，把盈利預期大幅調低，預示弱勢將持續至2009年。全球最大零售商Walmart將第四季度預測由原來的每股1.07美元降至最多94美仙。開鋪超過一年的銷售點在12月份銷售額只上升了1.7%，較分析員預期的2.7%低。不少零售商為吸引顧客，在節日期間降價至七成，令全年最重要的第四季度利潤大減。由於要清貨，減價情況將持續到今年。據Customer Growth Parthers LLC的總裁Craig Johnson話，消費者已習慣了大減價，再沒有人願意以正價購物，因此，零售業在第一季仍有利潤壓力。Walmart 受不利消息影響，下挫7.5%，報51.38美元，成為杜指下跌的最大原因。

至於推動美股向上的主要原因是有消息話，花旗集團同意支持遏止房屋貸款斷供的法案，有利房市。紐約原油繼上日大跌12.2%，昨續跌2.2%至每桶41.7美元，油價下跌有利鍊油股，帶動油股亦微升。艾克森美孚收報79.09美元，升0.8%，雪佛龍收74.24美元，升0.3%。

美國候任總統奧巴馬昨日早上發表演說，指刺激經濟計劃代價高昂，令國家增加赤字。但若無此舉，經濟衰退會持續多年。他又話，「單憑拯救計劃並不能解決所有引至危機的問題，必須緊急地穩定和修復財務體系，使用一切手段讓家庭及企業獲得信貸，令市場回復信心。若拖延的話，將有更多人失業，更多家庭損失積蓄。」

美國國會預算辦公室（CBO）7日公佈預算數據，美國聯邦政府2009財年預算赤字將達到創紀錄的1.2萬億美元，創下歷史最高紀錄，財政赤字佔整體經濟比例也將升至8%以上，而2010財年預算赤字則可能降至7030億美元。與2008財年的4,550億美元預算赤字相比，2009年財政赤字增長一倍有多，2010年也高踞不下，數字相當驚人。

而家金融海嘯危機深重，美國亦無乜新橋，主要係印銀紙大花錢注資救經濟，那邊廂金融業去槓桿化令市場資金大量減縮，各種資產大幅貶值，但這邊廂政府就把資金填塞入金融市場，補番個大洞，問題是資金流失得快，抑或是政府補得快，以及呢個政府擔沙塞海的遊戲幾時可以完。Action Economics的首席分析師Mike Englund說，金融危機還未見底，倘若美國政府再有新的經濟刺激方案出台，今年美國政府財政赤字有可能會擴大到1.2萬億到1.3萬億美元之間。

1年1萬多億美元的財赤，確實係天文數字，陸羽仁聽美國高官講過，2003年美國進軍伊拉克至今，累計共花了8000億美元軍費，但如今金融海嘯加劇，美國一年已經有超過1萬億財赤(當中亦包含軍費)，可見出兵伊拉克已經不再是美國財赤主因，大洒金錢救經濟帶來最多的財赤。而美國決策者為了拯救搖搖欲墜的金融系統和刺激經濟增長，累計制定23個援助方案，計及衍生效應，約為世界帶來額外的8.5萬億美元。這完全是一個政府鬥市場的格局。

美國政府狂印銀紙，財赤猛增，長遠會打擊美元匯價。管理約145億美元貨幣資產的FX Concepts Inc.主席John Taylor話，「美國政府自己正在沉重打擊美元，美元還會創出新低。」他預計美元兌日圓會在2009年跌至80圓的13年新低，美元兌歐元在今年可能會上漲，但將於2010年歐洲局面平伏後創下歷史新低。

美國銀行的全球外匯策略主管Robert Sinche也認為，美元註定要貶值，因為投資者已經開始關注相對利差、預算赤字和貿易平衡等傳統指標。隨著美國公司償還更多債務，實質使用美元的需求將會減弱，從而促使投資者按照上述傳統指標進行評判匯價，因此美元應該貶值。他預測美元兌歐元最早在今年3月底跌至1.44。持有美元者要格外留神了。

陸羽仁

Mr.Business

2009/1/12 上午 11:40:32  

陸羽仁覆網友

小潘：唔好再估大行係邊間，我唔講當然有我的理由。

牆頭草：我地有common friend唔係好奇，黑到買１０張accumulators輸哂１億身家，佢都幾黑啦。

New哥：美元供的保險唔係問題，問題若附帶投資計劃，最好睇睇佢係乜。

元華、indy:見到美國咁樣印銀紙，有啲心寒，買番少量外幣，分散吓風險都無壞，反正經濟要衰，全世界一齊衰，或者其他國家無美國咁狂印錢呢。

loss_confidence：無買第一天然食品，你執番身彩啦，國企唔係唔可以執，但咁環境下，阿爺應該唔會俾國企執。

人民幣似會唔升唔跌，阿爺唔俾升，美國唔俾佢跌，短線想保值可分散部份存款買澳紐幣或歐元。

慳妹：若美國國庫券都認購不足時，都幾濕滯。美國政府大量舉債印國庫券，最大買家係日本和中國，唔係佢地唔想買，係佢地都出口少咗賺少咗購買力低咗，好難買番舊年條數，供應增加，購買力減弱，本來都有啲供過於求的問題，要減價提息來吸客，又出現利息扯高的問題，一環扣一環，呢個世界真係問題太多啦。

Cashin：我話港元唔會同美元脫鈎，係講未來３、５年之事，呢屆特首任內都唔會，除非掛鈎帶來非常大的痛苦，例如超高通脹，否則特區政府唔會冒脫鈎之險，到人民幣自由兌換之時，就可能係港元脫鈎之日。

一筆鈎銷：若不撻訂，要有樓價再跌的心理準備，要守長啲，不過若能換得媽媽開心點，也很值得。

ah fool：失去的東西才會懂得珍惜，阿婆天天坐在家無人理，到佢過咗世成家人就會好Miss佢，何不在佢在生之年，多啲同佢傾吓偈，傾完你會發現對世界了解多咗。

Bdroom:你問錦江炒乜，我都唔知，佢炒得比較遲，可能係炒落後而矣，大陸經濟未得，酒店業亦有壓力，佢啲酒店低檔少少，可能好啲啲，但新落成酒店就要中招。

Muse:相對看好中移動，主要是佢無咁受經濟週期影響（相對銀行地產股），佢係指數股，大市插佢一定插，插得深會去到不合理水平，所以認為是長線投資的一個選擇。佢係巨股，和中興通訊這些中型股唔同，唔同級，不可比，當然大陸投資３G利好設備股。中移動係同匯豐、工行、國壽這些巨股比較。

Mr.Business

注：此篇文章版权归香港頭條網所有。

金融High Tea——經濟難局
2009年1月12日

港股踏入2009年急升後，陷入一個調整格局，到上周五連跌三天，把新一年的升幅跌番突。上周五恒指高開115點後回至14,381點，曾經一度彈上14,674點，不過反彈乏力，消耗購買力後下午再反覆跌至14,297點，收報14,377點，跌38點。

隨後的美股唔靚仔，失業率飆升到16年高位，12月損失52.4萬個職位，令去年成為1945年以來美國最多人炒魷魚的一年，市場憂累全球經濟衰退惡化，美股繼續跌，杜指跌143點，跌幅1.6%，跌到8599點，杜指頂位9000點攻唔破，閃上去守唔到又回落，又在8200點至9000點之間炒上落。

上周五陸羽仁和一個財經界高人午飯，席間談起今年股市走向，去年9月時呢個財經界高人開始睇淡，話12000點有機會見，結果應驗。如今和高人再談今年股市走勢，佢就無講得咁肯定啦。

高人先講街頭智慧，舊年即使去到9月雷曼爆煲時，市場都未係咁悲觀，因為經濟未全面轉差，當時恒指仲有19000點，當時話要見12000點，無人相信，大跌市就係鰠唔覺唔覺時發生。但依家經濟轉差後，通街都係淡友，咁鮋環境又比舊年安全少少。

未睇得通 未係時候

按咁鮋思維，又應唔應該人睇淡我睇好、飛身入市呢？高人話：「依家未睇得通，未係時候。」佢講的「未睇得通」，主要講未睇得通美國經濟，美國咁樣大印銀紙，大力放水，全面減息，按理係會令資金成本大減，谷出通脹，但美國金融體系「去槓桿化」的情況極其嚴重，到底係政府資金谷出來谷得快鱓，定係資金流失得快鱓呢？到底最後美國會出現通脹、滯脹、定係日本式的長期L形長期衰退呢？

經濟衰退，乜№都跌價，本來就會通縮。好啦，美國政府大力減息放水谷經濟，這也是過去前聯儲局主席格林斯潘的慣技，不過今次做得更大規模而已，利息減到咁低，正常情況會谷起人們投資和借貸消費的意欲，咁慢慢就會帶來通脹，甚至令經濟快速V形反彈，這是最理想的結局，如果係咁，股市亦隨時已經見底。

但高人怕的是低息谷唔起經濟，但谷出通脹，就出現經典的停滯膨脹（Stagflation），即經濟停滯，物價照升。不過，滯脹一年半載都唔算最慘，另一個極端係物價根本谷唔起，出現日本式的長期通縮，圖表上形成一個長尾的L形，衰足10幾年，經濟踢極都唔郁，咁就最大鑊。財經界高人話，依家未睇通美國經濟會走向何種形態，要看候任總統奧巴馬上任後的政策及市場反應。

美國會唔會爆發「日本夢魘」，一直係經濟學界的熱門話題。上月聯儲局把美國利息減到零厘時，專唱反調的諾貝爾獎得主克魯明（Paul Krugman）就在報紙網站寫文章，大彈聯儲局主席伯南克的零息政策，文章第一句係咁︰「這是零息政策。它終於到來。美國變成日本。」

零息政策 日本夢魘

克魯明爆料，話在2000年代初，在美國普林斯頓大學有幾個經濟學者巧合地都擔心日本的問題，他是其中一個，現在瑞典Riksbank的 Lars Svensson是另一個，第三個就是伯南克，克魯明質疑伯南克做鰦官之後，點解又走番日本零息政策的舊路。佢話日本的經濟泡沫在90年代初爆破後，把利息減到近乎零，就把日本帶入一個恐怖、甚至可以話神秘的「流動性陷阱」（liquidity trap）中，不能翻身。所謂流動性陷阱係指即使名義利率減到零，但由於通縮嚴重，實質利率仍然好高（實質利率=名義利率加通縮率），由於通縮預期嚴重，銀行唔敢借錢出街、投資者唔敢投資、消費者唔敢消費、市場完全失卻流動資金，令失業率再升，通縮問題再惡化，形成一個不斷向下滑的螺旋。克魯明認為，聯儲局只減息但係刺激唔起通脹預期，最後就會推美國走上日本之路。

從日本經驗來看，泡沫在90年代初爆破，政府反應較慢，到1999年才向銀行注資，初時銀行沒有因資本金充足率提高而恢復正常借貸出街，東京樓價持續下跌，要到注資銀行體系4年後，到2003年日本經濟才有復甦跡象。

財經界高人長期在金融市場打滾，講起日本式衰退也打冷震，佢話睇住日本股市由高峰的3萬幾點，反覆下跌到6000點，衰足10幾年，到今日都未康復。用呢條數去計，杜指高位14,000點，咁豈不是要跌到3000點、4000點先至收科？

高人話，呢次係百年一遇的金融海嘯，佢最睇唔通的係美國經濟究竟會好快無事，V形反彈，定係走向日本之結局。依家邊個好肯定地話俾你聽個市一定會好好定好衰，你都唔好信，要用自己隻眼去睇，睇纒美國個局點發展。

佢話呢鱓市好蝦人玩，乜№事都會發生，佢有個朋友去年想買AIG（美國國際集團），40美元無買，跌到20美元覺得好抵，忍住唔買，再跌到10美元真係忍唔住，鲻身入貨，後果大家都知，美國政府注資大量攤薄現有股份，仲要佢拆骨賣資產，AIG跌到1個幾美元，上周五收1.62美元，10美元咁「平」買一樣死。

巨富狂輸 百億湮滅

咁我問高人你話睇唔通，咁你自己有無買，佢話只敢細細注炒纒，無下大注，好似去年10月見到花旗跌到5美元，佢覺得太低，忍唔住細細注入貨，一入完即日就跌到3個幾美元，好彩就係那個周末，花旗和美國財政部講掂數，政府用優惠條款注資救花旗，股價馬上反彈，升到8個幾美元，高人馬上沽貨散水，後來股價都係鰠7美元上下浮沉，上周五報6.75美元。高人炒美股都只係細細注啄纒，無下大注。

若果美國救市真係得，股市已見底，依家無鲻身會唔會好蝕底？高人就咁講，若果真係咁好景，個市真係見底向上，你都唔怕無股買，即使恒指升到20,000 點，仍然有好多股票好平，股市向好時，係一浪浪炒，一個個行業咁炒，到時去追落後都未遲。所以佢鮋策略係先睇清楚美國經濟大勢再算。

近排美股在炒上落，港股也在14,000點到16,000點中間走來走去，在前景未明之前，市場聰明資金都係炒纒上落，然後慢慢走出一個方向。

高人審慎有理由，因為佢見到呢一浪太多人死鰦啦，從巨富到中富，無一倖免。佢有個朋友有1億身家，話多唔多，話少唔少，本來已經退休歎緊世界，但好衰唔衰做鰦10張Accumulator（累股期權票據），依家都仲收緊貨，唔止輸晒1億身家，仲輸到負數，欠人一身債，唔知點收科。

又有一個巨富，同一間美資大行做鰦結構產品，沽日圓買南韓圜（另一個傳聞係買澳元），大家都知過去一年日圓大升，南韓圜大跌，佢做鮋係10年合約，分10 年不斷咁接貨，你話大唔大鑊。一度傳出巨富輸得太甘，要同美資行打官司，最後雙方和解，解除合約，巨富賠20億美元結帳，即係輸成156億港元，美資行容許巨富分期還，所以佢都要保佑巨富家公司做生意賺到錢，派番高息俾巨富，等巨富可以還錢，難怪最近見到間美資行出報告唱好巨富家公司的股票。你諗纒巨富已有相當年紀，奮鬥一生都可能只係得幾百億身家，一鋪唔見一大截，百幾億灰飛湮滅，你話大唔大劑？

金融海嘯的走勢估佢唔到，可以?人命，而且愈有錢愈輸得多。到底依家係海嘯洪鋒已過，還是有巨浪未到，無人可以說得準，如果你好多閒錢在手，見到大市急插不妨買纒，到5年後應該會係好投資，但短期波動難免，長獱要忍得痛先至好入市。

陸羽仁

Mr.Business

注：此篇文章版权归香港頭條網所有。

馬上好？         

2009/1/12 上午 09:38:37
網誌分類: 經濟

美國勞工部上週五公佈驚人的失業數字，加上油價跌穿每桶41美元，杜指開市即下滑126點，之後全日在低位窄幅上落，後段跌幅略為收窄至下跌60點，但尾市缺乏支持，再度下跌至接近全日最低位收市。杜指收市報8,599點，跌143點或1.6%；標普500指數跌穿900點，報890點，跌19點或2.1%；而納指則跑輸大市，下跌45點或2.8%，報1,572點。紐約證交所成交11.6億股。

杜指期貨最新報8,520點，跌3點，比現貨低水79點。而紐約原油最新報每桶40.33美元，較上日收市跌1.2%。

過去一週，美國候任總統奧巴馬每日都就經濟情況公開講話，警告全國，如果政府不行動的話，經濟衰退將會更深化，時間亦會更長。他在昨天的ABC「本周」節目接受訪問時表示，要挽救美國經濟，將會需要對之前的承諾作出讓步和國人的個人犧牲。奧巴馬話：「我們需要現實些，不是所有在計劃中承諾的都會如我們希望的做得到，而我們每個人都需要付出。」

奧巴馬將於本月20日正式就任，他正逼令國會推行他日前提出達7,750億美元的增加政府開支和減稅的刺激經濟方案。雖然有些國會議員不同意方案的某些內容，但最近一些強差人意的經濟數據，卻幫了奧巴馬一把。隨著製造、建築、零售等行業大量裁員，美國勞工部最新公佈的去年全年共減少共260萬職位，職位數字跌幅係1945年以來最高；而失業率跳升至16年以來的新高7.2%。去年的標普500指數和杜指下跌了37%和33%，皆指向一幅悲觀圖畫，令人覺得政府要再做啲嘢。

奧巴馬又話，所有美國人在這個經濟危機中都會感受到「切膚之痛」，而他們會覺得透過努力可以把經濟推番上原來的軌道。他和其經濟顧問和國會成員商討後，預測他提出的這個「略」高于7,750億刺激方案，會製造高過之前預計高的400萬個職位，職位將集中在建造、製造和零售業。此外，到2010年底，GDP會上升3.7%，失業率則稍降至7%。

美國聯邦預算委員會(Congressional Budget Office)預估經濟衰退和拯救計劃的實施，令今年的財政赤字增至1.18萬億美元，而奧巴馬日前亦表示，未來幾年，赤字會相差無幾。有民主黨議員批評方案的減稅部份，共和黨方面亦有反對聲音，指方案的規模過大，令赤字過高。

另外，奧巴馬又對整個布殊政府的7000億美元救市計劃(TARP)的推行與監督表示失望，他指計劃未能幫助那些面被收樓的人，又話會重新策劃TARP計劃剩下來的3,500億美元如何運用，「可以讓國會以及國民重拾信心，知道所花的錢會明確的流向商業和家庭信貸，而不會無監督的給予銀行，最後又無人知道之後發生了什麼事情。」他要TARP的推行有一個更嚴格的指引和更高的透明度。

奧巴馬狠批布殊政府的救市計劃，除了因為交接期日近，唔使再俾面布殊之外，亦因為早兩日美國國會監察委員會出了一份報告，大彈財政部未有善用救市基金，獲拯救的金融機構使錢無透明度。議員計劃本週提出議案，要財政部對救市基金使用加以問責，又要預留1000億美元救樓市，以抒緩業主斷供，否則不會發放餘下的3500億美元。奧巴馬彈埋一份，以示同前朝劃清界線。

還有8日就到美國總統就職禮，估計美股插到咁上下，到近總統就職時又會炒吓反彈，炒吓對新總統的預期，不過亦要小心炒新總統概念會十分短癮。首先係經濟環境的確唔好，現時美國失業率已到7.2%，奧巴馬話如果國會唔批准他的救市大計，失業率好快到雙位數。但佢無講出口，即使批了他的救市方案，美國失業率也可能會到雙位數，因為他估計「到2010年底，GDP會提高3.7%，失業率則稍降至7%。」即係話兩年後經濟回復增長，失業率還是今天的水平，換言之，未來一年多失業率會先急升，後回落。由此可見奧巴馬的救市計劃也不是盤尼西林，可以藥到病除。

另外國會對奧巴馬的救市計劃的阻力會好大，兩黨議員若不在這棵聖誕樹上掛滿自己選民喜愛的禮物，絕不會讓計劃通過。而家國會狠批布殊政府濫用救市資金，正是給奧巴馬一個下馬威，向佢話「你唔好期望國會咁易通過你個方案」。結果一定會把方案愈搞愈大，而家話2009年美國聯邦赤字1.2萬億，恐怕呢個數未必落到樓，而且會持續幾年。咁樣倒水出街，後果難料。

美國新總統上任的最有利因素，係佢在經濟衰到貼地的時候上台，做得好少少就有進步，不過這種衰到貼地的狀況，都唔係咁易捱，亦唔係咁易「馬上好」o架。

陸羽仁

http://www.hkheadline.com/blog/r ... rd=&searchtype=

Mr.Business

2009/1/13 上午 10:59:58  

陸羽仁覆網友

Gigi:政客上台，最緊要上手跌得夠深，最好政治經濟齊齊跌得深，董伯伯下台前後就有咁狀況，所以唐英年接阿松做財爺，唔使點做嘢就好好境，否極泰來也。澳門回歸前也是一樣，萄國人臨走只顧著刮一筆，還治安都懶理，搞好治安又有三幾年太平盛世也。      

Ray:06年保守組合回報有8至10%，如今保守組合回報有3%至5%已經唔錯，唔好忘記有通縮也。如何建構保守組合，散戶和大戶唔同，大戶可以主要買公司債，散戶就只能以存港幣和外幣為主，或者呢一兩日網誌可以講吓。

小仙女:若果見到間公司不務正業，跌市走去亂買嘢，隨時有可能係去接自己友的貴貨，等如套公司錢走，呢啲公司只宜避之則吉也。

nevermind.band:金融海嘯燒到咁烈，當然係超出咗絕大部份外資大戶的劇本，否則佢地全線空倉(無人會咁顛)，咁最後業務唔會見紅。

可以咁講，每次大跌市都係一場淘汱賽，每間公司、每個人的帳面財富都會大量損失，但災難過後，如果你間公司KO咗對手，在市場的位置強咗，或者你手持股票的質素好咗(例如選股好咗、成本平咗、收息多咗)，你就係贏家，呢個就係股神話大浪沖埋沙灘，浪潮退去，睇吓自己有無著褲的道理。

你問錢同資產關係，話銀行用CDO唔止變咗錢，仲變多咗資產，金融資產係資產，所以錢及資產在泡沫澎脹時不斷衍生，在泡沫爆破時不斷縮水。

亨記:道指成份股金融股本是大戶，油股都漲到好大，但今時唔同住日，巨型零售股消費股佔好大比重，所以你眼前美國好差，但係杜指跌跌，主要是那些股份跌不多。

Jack:你話有間club叫人買渡假權益，上完去聽講座就有500元Sogo禮券，呢個世界邊有咁著數，似跌錢黨多啲。最少會藉要12萬，我建議你朋友搵隻reits買吓，好多都10厘息以上，一年都有1.2萬息收，自己鐘意去邊就去邊，都可以去80年(唔止40年)，唔好俾人滾咗啲錢啦。

阿Tom hk:你問心水股，真係俾網友估中，買2828(H股基金)啦，或者盈富基金2800都得，等佢地大跌跌到阿媽都唔認得時就去買啦。

Bdroom:華電國際發盈警，你不能簡單話佢係唔壞消息跟跌，要諗吓佢去年業績差，今年會點，明年會點，若出你想像的情況，股價會點。

939在3.6元買入，可以等佢反彈到4元樓上走走先，到跌低啲又買番。

Hero:國壽、平保、招行三選一，我會選招行，但要忍，睇吓佢公布業績時點處理高價買入的永隆，可否按新會計制列作長線投資。

陳永仁:你想短炒中行，博反彈上2元都有啲機會，記住一成止蝕。

Mr.Business

注：此篇文章版权归香港頭條網所有。

拖走連環船
2009年1月13日

如果大家有留意近日財經新聞，都應知道名人林建岳旗下的豐德麗（571）股價及相關新聞正被對沖基金Passport Capital狙擊。消息一出，其股價即時由五角升到現在差不多一元四角，足足升了三倍。Passport Capital現持有豐德麗兩成八股權，直逼大股東麗新發展（488）股價及相關新聞的三成六持股水平。Victoria相信事情將有機會以以下幾種路線發展。

　　第一條路線，Passport Capital於市場或場外繼續增持，當其持股水平超過三成二時，根據《收購守則》，它必須提出全面收購建議，買入豐德麗餘下股份。這做法將直接影響麗新發展於豐德麗大股東地位。

　　第二條路線，便是Passport Capital選擇將它手上股票賣給第三者，例如某某出名股壇狙擊手。只要事前狙擊手買了足夠股數，再加上Passport Capital手上的貨，他便可以馬上取代麗新發展成為豐德麗大股東。在這情況下，狙擊
手持股水平一定會超過三成二，從而觸發了全面收購建議。以上兩個情況都直接威脅了原有大股東麗新發展的地位，麗新發展是最不想看到的。

　　因此，第三個情況將有機會發生的，便是麗新發展從Passport Capital手上買回它兩成八的股票，以保其大股東的地位。如果這個情況發生，麗新發展便會擁有豐德麗超過六成的股票，那麼它便需要提出全面收購建議。

　　大家可以看到，不論事情怎樣發生，只要事情根據這三條路線去發展，都會導致同一個結果，那就是有人要提出全面收購建議。現在豐德麗每股現金達一元五角，每股資產淨值為四元五角。經過去年及今年的資產價格下跌，相信其資產淨值仍達三元五角。因此，如果全面收購真的發生，一元五角的豐德麗贏面是較大的。

　　Victoria認為，第三種情況是最有機會發生的，因為麗新發展於爭奪豐德麗的大股東地位戰中是許勝不許敗的，原因在於豐德麗跟麗新發展是互控的。豐德麗持有麗新發展三成六的股票，若Passport Capital或狙擊手成功取得豐德麗控制權，即是間接控制了麗新發展。而於這一次狙擊中，其實麗新發展才是最肥美的獵物，麗新發展總資產淨值為七十多億，即是每股資產淨值五角，但其現在股價仍是七仙左右，折讓達八成以上。因此，麗新系一旦給人家拖走了豐德麗這條船，麗新發展這條船也保不了多久，這便是所謂的「拖走連環船」。

　　但是這一局也不是全無風險的，只要最終豐德麗成功配股，攤薄Passport Capital的持股量。那麼，屆時以上我所說的三種發展路線便可能發生不了。

　　王雅媛（Victoria）

　　（王雅媛為持牌人士，並持有豐德麗股份）

Mr.Business

注：此篇文章版权归香港頭條網所有。

金融High Tea——殺近崖邊 好友腳軟
2009年1月13日

美股上周五因去年12月份失業率錄得16年以來的新高，杜指連續第三天下挫，港股昨日跟外圍低開，恒指開市後反覆下滑，早上近50天移動平均線 14,150點都失守埋，跌近14,000點大關前才喘定，午後14,000點大關迅速失守，尾市跌幅略為收窄，恒指收市報13,971點，跌406點或 2.8%，期指尾市隊番高少少，收報14,020點，叫做收鰠14000點樓上，跌241點，比現貨高水49點，成交70,543張。國企指數再次跑輸大市，下挫413點或5.3%，報7,311點；大市成交462億元。

恒指已是連續第五天下跌，連14,000點都穿埋，近日最低殺到13,895點，距離12月24日的低位13,855點，只差40點咁大把。中環茶友話，呢一浪回得又快又急，中間連全日反彈都無，睇圖論走勢都幾差，好快就把好友殺到崖邊，佢懐要防守的不止係上浪低位，亦係去年10月大跌市以來反彈浪的上升軌，好友你都咪話唔腳軟，如果連13,855點都插穿埋，咁就連上升軌都插穿，真係有機再試低位，所以好友食粥食飯睇纒守唔守到大位啦。

放自由行無咁早

國企指數連續兩天跑輸大市，跌幅超過5%，工商東亞的韓致立預計，H股指數下一支撐或在心理位7000點。市場不斷揣測何時再減息及調低存款準備金率，但阿爺上周仍未出招，加上內銀股被主要股東減持的消息困擾，中資金融及銀行股顯著走弱，「三保六行」全線向下，國壽（2628）跌3.6%、平保（2318）跌7%、財險（2328）跌6.3%；六行各跌3至6%。

市旺搵№炒，市淡搵№插，濠賭股就係一個例子，國家副主席習近平訪問澳門，連順口溜都講埋，留下「只要精神不滑坡，辦法總比困難多」十六字真言之外，任何利好澳門賭業的消息都無。上周炒作習近平訪澳炒得如火如荼的濠賭概念股，本來期望習副主席下來派纒糖，放鱓自由行到澳門，最後只係出纒口術，就大叫一聲散水。澳博（880） 、新濠（200） 、澳瑪娛樂（959） 及信德（242） 分別大跌10%以上；銀娛（027）更大瀉近兩成。高人話，炒阿爺放自由行唔使咁早，七月澳門選特首大選舉團的選委，近年中阿爺先至放水都未遲。

我之前已多次講過，跟炒概念股就如「刀鋒舐血」，千祈唔好鲻身，去博就要轉身快。昨日聽股壇叔父講，好多本地大戶資金仍然睇淡，唔大跌唔想入市長線投資，所以有錢只係短炒，兩三日走一轉，通常都係睇住大成交，炒纒概念，好多時睇纒內地有乜政策有乜消息，入去食一轉就走，有時快到上午入，下午走，資金流轉得快，所以不時有無厘頭升10幾巴仙的情況出現。

陸東都唔敢睇好

大口喉快來快閃，散戶跟風入市搵原因，隔鰦一日，睇完報紙，搵到「疑似」上升的原因，施施然入市，其實已遲了一兩日，佢懐唔知本地大戶咁短癮，到佢懐入市時大戶已走鰦，好多時散戶入齊時，大戶走得七七八八，其實只是一個散戶派對，所以有乜風吹草動，隻股亦散得好快，因為根本無人維持秩序，只是自由飛行。

一直係好友的瑞銀財富管理及證券顧問陸東，維持今年恒指20,000點預測，但認為農曆新年後會下試12,000至13,000點，但不會重返去年 10,676點的低位，佢仍然認為去年已經係熊市見鰦底。佢話企業盈利下跌，風險溢價高企，調整未完成前股市不會大升。陸東預料本港經濟在下半年或第三季見底，失業率升至6%，對樓價有負面影響，中小型樓宇跌幅大過豪宅，但不會重返沙士價。

陸東一向係大好友，依家連佢都話農曆年後要再試低位，咁好友陣營個勢又真係幾弱喎。

陸羽仁

Mr.Business

注：此篇文章版权归香港頭條網所有。

入股無運行         

2009/1/13 上午 09:33:26
網誌分類: 經濟

油價續瀉、市場唔睇好花旗出售所羅門美邦證券予大摩，加上網絡龍頭股亞馬遜和雅虎被調低評級，美股連續第四天下跌。杜指開市即反覆下滑，至中午12:00勉強守住8,500點。午後跌幅擴大，8,500點大關失守，最低曾見8,435點，跌164點。尾市跌幅略為收窄。

杜指收市報8,474點，跌125點或1.5%，全日最高8,603點，最低8,421點；標普500指數報870點，跌20點或2.3%；納指下跌33點或2.1%，報1,539點。紐約證交所成交13.1億股。

杜指在1月2日觸及最高的9,035點，較之去年11月20日大跌市低位7552點，已有20%的反彈幅度。到現在已跌去500點，累積升幅的三份一；而三大指數亦下破了50天移動平均線的重要關口，若再大插就小心反覆向下。不過杜指走勢圖暫時仍是一個上落市，自去年11月大跌後，踏入12月基本上開始一個上落市，杜指的低部大約在8300點，頂部稍高於9000點，雖然大市一舉跌穿埋8500點，但只要不穿8300點，就仍然似一個上落市。

不過市場上的確是壞消息陸續有來，本周開始美國公司公布季度業績，自然係無乜好嘢，美國鋁業第一個上陣，收市後公佈季度業績，錄得六年以來的首次虧損，佢在公佈業績前已跌定先，下跌6.9%至10.06美元；摩根大通將於週四開市前公佈第四季業績，但其CEO Jamie Dimon昨天出定口術，用「惡劣」來形容即將公佈的公司盈利情況，摩根大通收市下跌4.1%至24.91美元。

湯姆森路透（Thomson-Reuters）話，將公佈的第四季標普500盈利報告會下跌15.1%。其實，應該用崩潰來形容，因為分析家去年7月1日預測該季度盈利增長69%！

金融股係跌市的重災區，主要原因是市場並唔睇好花旗集團出售其最賺錢的所羅門美邦證券業務予摩根士丹利有利。花旗在政府入股後，被逼賣靚資產減債，大摩乘機食好嘢，支付花旗集團20至30億美元購買所羅門美邦的51%股權，還有權購買剩下的49%可於未來的3至5年。合併之後，大摩將擁有近2萬名經紀，成為全美最大的證券商。市場評論認為合併只對大摩有利，而花旗無著數。

花旗去年11月先至講過唔會賣美邦，如今反口，市場擔心花旗賣賣吓無乜幾多好嘢剩，惡評如潮，股價大瀉17%至5.6美元，前財長魯賓退任花旗高級顧問都揀啱時候，唔走恐怕俾人媽得更勁；而大摩係得益者只微跌1.4%至18.79美元。美國銀行亦受拖累，下瀉12%至11.43美元。

    而家已經睇得好清楚政府入股金融股的後果，自己財困唔掂要政府救者，入股後都係拆骨減債收縮業務收場，從貝爾斯發、房利美，房地美、AIG到花旗，政府放咗咁多錢入去，仲俾議員大彈無透明度，唯有大力做嘢，逼這些公司減縮業務，賣資產減債，咁o既市道，差的資產賣唔到價錢，結果賣得出手的都是好資產，債係減咗，間公司都變成半殘廢，政府入股之後真係無運行。雖然唔係好多網友炒美股，但有炒的都要留神，政府入股都只能係短炒博反彈，彈完就要閃，唔無俾間公司咁大名氣騙咗，佢已經唔係住日的公司，好似將來講美國銀行，梗係講最大o既摩根大通，唔係再講花旗。

商品價格普遍下跌，黃金最新價報每盎斯報824美元，比收市價下跌31美元。油價反彈浪好快收場，紐約原油大跌8%至每桶37.59美元，令油股受挫，艾克森美孚(Exxon Mobil)收報76.54美元，下跌1.3%，而雪佛龍(Chevron)下跌2.8%至70.82美元。比較今個月6日最高觸及的50.47美元，油價已下滑了26%。紐約原油續跌，最新報每桶37.19美元。

研究公司Broadpoint AmTech分析員Tim Boyd用「鬼影都無隻」來形容上周在賭城舉辦的電子消費品展的消費者入場人數，並降低亞馬遜評級至「中性」；Rob Sanderson則因廣告業務會持續下滑，調低雅虎的評級至「沽出」。衰起上來，真係行行都唔掂。

陸羽仁

Mr.Business

2009/1/14 上午 10:58:55  

陸羽仁覆網友

小潘，S2000：喺呢度估好似氣氛幾好，問題是S2000做得慘啲，建議大家估時用大宇淋紅油，等S2000容易啲睇，到S2000公布名單時，自己Check吓有無漏，有漏再叫佢補。

Eyan123:你問後海嘯時代係唔係「得能源，得天下」，係唔係入油股。三年之後或許如此，但海嘯中途能源股會跌到好慘，例如大行就大力唱淡中石油，睇佢都無運行。所以除咗月供之外，買能源股的入市時機好考工夫，若未跌夠去買，隨時再跌一半都唔奇。

Ray:升得急就多數回得急，連跌６日唔見咗２０００幾點，都算回得又急又快啩。

去年１０月恒指見咗底的機會，我估最多係５０％，就算那個是底，都好有機會來個雙底，就係要再試一試那個位。我都係比較擔心匯豐，佢仲係喺一個反覆向下的週期中，呢一排主要靠紅色股頂一頂上，但紅色股業績出時又唔知有乜事，內銀股在２月就公布業績。

New 哥：好友陸東都睇要先見１２０００至１３０００點，即係話好友都要先睇淡，避一避風頭，好友對樓市的睇法我都覺得太樂觀啦。好友睇１２０００至１３０００點，你就要懷疑第一季守唔守得住呢啲位。

Kathleen：講指數話佢「跌到阿媽都唔認得」，起碼要插到近去年１０月的低位。

你好想買，手上無貨，比低位高１０００點，２０００點開始買少少都得。

Any:你問招行反彈時可以在乜價位沽，招行一個月高位１７．３６元，低位１２．２４元，假設佢見咗低位，高低差５．１２元，若假設大市向下，反彈跌幅一半會見１４．８元，彈跌幅三分一會見１３．９３元，上述計算只作參考，視乎短期見底未，以及你對大市假設係唔係咁。

對美元睇法市場有好大分歧，若想送仔女出國，最好出現大摩Stephen Jen 所講的美元大升，到時就買番少少外幣分散一下風險，若美元再升無壞，因為後段學更平，但若美元升完就回，咁都可以減輕一下負擔。

Bdroom:收匯豐息收港元和美元基本一樣，只是睇吓收唔收英磅，英國經濟幾弱，短期看英磅未有作為。　

我幾個月前（好似係７月美國政府救兩房時）去美國話佢啲高級餐廳仲好爆，高級餐廳指數未反映大市，仲有排衰，如今已開始有高級餐要局部關閉，不過真係衰要好靜才算，搞到執番幾間大嘢先收場。

Lovelygirl:你問工行跌咗咁多日買唔買得過，你買完想新年後就沽，即係短炒，跌６日入市博反彈，用１０％止蝕博佢彈１０％或以上，都有得博，記住止蝕，衰起上來半日就到。

UFO:你問中國復甦那一類股份先彈，照正路應該係地產股和金融股，問題佢地要先見睇，特別是金融股怕未見底。

Catjim:呢一排的下跌未符合「大插」的條件，短炒博反彈OK，長線投資未夠便宜。

若想學投資，唔使報course，睇書就得，睇咗各名家的書，你都學到一半。但想學炒股又另計，但坊間開course的，又唔見得炒股好叻。

小熊帽：幾隻大陸地產股中，世茂在中間，風險和價錢都處於中間位，不過都係３．５元樓下至好買。