【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——不要希望馬上好
2008年12月4日

上日美股大幅反彈，恒指昨日跟隨外圍高開193點，上午早段最多曾升逾370點，11點後開始回吐，升幅收窄。恒指午後再跟A股走強，又一次升近高位，之後又慢慢碌番落去，恒指收市報13,588點，上升183點，升幅1.4%；期指收報13,545點，上升307點，低水43點，成交57,823張。國企指數收市報7,233點，上升230點或3.3%；大市成交縮減至380億元。

昨日港股好似隔夜油炸鬼，無厘火氣，炒極都炒唔起，上午由美股上升刺激，升完就回，下午內地傳聞有救市措施，所以食完飯下午開市港股又抽高，上證綜指最後報收1,965點，漲4%，但內地收市後港股又回，大市成交又細，成隻軟腳蟹咁款。

內地放水頂硬上

收市後果然有公布，中央確定9項促進金融經濟發展措施，話溫總理昨日主持召開國務院常務會議，部署促進經濟發展的措施，包括落實適度寬鬆的貨幣政策，促進貨幣信貸穩定增長；綜合運用存款準備金率、利率、匯率等多種手段，保持銀行體系流動性充分供應，追加政策性銀行今年度貸款規模1,000億元人民幣。

此外，決定加快建設多層次資本市場體系，穩定股票市場運行，推動期貨市場穩步發展，擴大債券發行規模。又話通過購併貸款、房地產信託投資基金、股權投資基金和規範發展民間融資等多種形式，拓寬企業融資渠道。

溫總的措施基本上都係鬆銀根救市，追加1000億銀行貸款可以幫補一下，但市場一直期待的政府設立入市的平準基金，卻仍未見蹤影。

而家內地或香港股民仍然期望政府救市，跟住股市「馬上好」，呢種期望有少少唔現實，台灣的小馬哥選舉時用了選他「台灣經濟馬上好」的口號，結果後悔到而家，因為遇上世界性的金融海嘯，亞洲各地的經濟都「馬上不好」，台灣自然唔例外。內地即使真正設立平準基金，短期A股當然會炒一炒，但多數唔能夠馬上見番個牛市。

財經界大孖沙都唔預經濟會咁快好，摩根士丹利亞太區主席羅奇預計，全球經濟明年有較大機會陷入衰退，要到2010年才會逐漸復甦，至於亞洲地區經濟亦未必可以比歐美地區較早恢復，由於區內經濟主要由輸往西方國家的出口帶動，所以亦很難早於歐美復甦。

有胡唔食 罪大惡極

礇控（005）股價及相關新聞執行董事兼亞太區主席鄭海泉亦話，預計明年上半年經濟更差，因為金融海嘯帶來的財富損失效應，仍未在歐美經濟反映，未來失業率將進一步上升，打擊當地消費動力。希望明年下半年經濟可回穩，但很難預測經濟在谷底徘徊的時間，一兩年亦不足為奇。礇控預計明年本港經濟增長1%，較市場預期的負增長樂觀，佢又話礇控暫無供股集資需要。

羅奇和鄭海泉的睇法都較淡，經濟要一年以上才復甦，如果佢懐睇得飱，即使股市走快經濟半年，可能都仲要等半年以上才見底。

中國投資公司董事長樓繼偉昨日出席研討會時，就好坦白咁話，歐美政府的政策確定性不足，一兩個星期可以大改，加上政府入股了很多經營不佳的金融機構，又可能搶走了經營良好機構的生意，所以中投沒有信心入市買美股。

中投去年用50億美元入股大摩，如今唔見鰦77%，又用30億美元買百事通，又唔見鰦85%，心情自然唔好；中投手持2000億美元，出師不利，採取「贏就谷，輸就縮」的招數，絕對合理。人同此心，心同此理，中投買美股輸錢，新加坡及中東好多主權基金買仲多，輸得仲甘，你估佢懐又有無信心入市呢？呢班大水喉唔敢入市，縮窒縮窒，我懐都唔好咁快話美股見鰦底啦。

大市唔得炒纒消息，內地傳聞報道內地3G年底發牌，並會提升網絡建設需求，中資電信及相關設備股再起炒風。京信通信（2342）股價及相關新聞、晨訊（2000）股價及相關新聞和中國無線（2369）股價及相關新聞分別飆升28.9%、36.8%及41.4%。禾雀亂飛，散戶跟炒唔緊要，記住「有胡唔食，罪大惡極」呀。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

停滯通縮         

2008/12/4 上午 09:22:22
網誌分類: 經濟

         美股保持近日大幅波動走勢。受私企就業職位和服務行業指數大幅下跌影響，杜指開市即下挫至全日最低點，下跌逾180 點，跌至最低時的8,234點；之後受網上零售業業績理想和房屋按揭申請數字急升刺激，零售商、銀行及房屋建造業股份受追捧，杜指止跌回升，在上下300 點間好淡爭持，杜指在最後一小時抽上近180點，以接近全日最高位收市。杜指收市報8,592點，上漲173點，升2.1%；標普500報871點，上升 22點或2.6%；納指升43點或2.9%，報1,492點。紐約證交所成交15.5億股。

供應管理協會(Institute for Supply Management)公佈，11月份美國服務業指數下降至37.3，跌幅創1997年以來新高；勞工部報告第三季度美國勞工生產率則略高於此前公佈的數據；而ADP國家就業指數報告11月份美國企業共減少25萬個崗位，降幅是7年以來最高。受不利數據影響，市場憂慮需求下降，原油及期貨商品價格下跌，紐約商品交易所2月份交貨的黃金期貨價格每盎司下跌12.80美元或1.6%，收報770.50美元；原油期貨結算價下跌17美分報每桶46.79美元。相關股份挨沽，全美最大鋁金屬生產商，美國鋁業(Alcoa Inc.) 下挫4.8%至9.29美元，成為杜指最大跌幅股份。

債券大王、全球最大的債券基金Pacific Investment Management Co.負責人Bill Gross接受訪問時說，聯儲局承諾購買5,000億美元按揭債務後，按揭息率下降，維持在4.5至5厘之間。而按揭銀行家協會（Mortgage Bankers Association）則表示，自聯儲局公佈計劃以後，30年期的固定按揭息率下降至5.47厘，這是三年以的新低。按揭申請上周飆升112%，創歷史新高。消息推動銀行及房屋建造商的股票上升。

美國股市近期的表現，可以用「極端波動」來形容，杜指這兩個月平均的上下波幅達到517 點，10月份更超超過600點。比較起來，杜指昨日波幅衹有390點，衹能算是「較輕微」了。這個現象，Dana Investment Advisors的Joseph Veranth有這樣的解釋，投資者對後市意見分岐，「有一部份人認為股市已見底，而一部份人則仍恐懼後市會下跌。」所以你買我沽，扯上扯落。

　市場見美股反彈，交易大廳又開始瀰漫著美股已見頂的樂觀空氣，不過陸羽仁擔心災難沒有這麼容易就過去，不妨俾的悲觀論調大家睇睇。紐約大學教授羅賓尼（Nouriel Roubini）因為準確預測今次金融海嘯而名噪一時，佢啱啱喺《金融時報》發表一篇名為「如何防止恐怖的『停滯通縮』」（How to avoid the horrors of ‘stag-deflation’），提出明年經濟的恐怖預期，值得大家留意，唔信都要睇吓。

　　羅賓尼話，美國及全球經濟正面臨一個嚴重的停滯通縮風險，是衰退和通縮的混合體。全球衰退引發通縮歷程，公司減價，員工減薪，投資減少令商品價格急跌，令通脹急降，當降到１％的時候，通縮危機開始出現。

　　佢話，通縮非常危險，因為會帶來流動性陷阱、通縮陷阱和債務通縮陷阱。首先是銀行唔願借貸的流動性陷阱，聯儲局唯有減息，將名義利率減到１厘，明年可以減到０厘。但由於通縮出現，物價增長係負數，實質利率係名義利率加通脹／通縮，所以通縮時即使名義利率降到零，實質利率仍然好高；如此就會令消費和投資卻步，物價再跌，收入和職位再下跌（通縮陷阱）；在這種環境下，借貸成本愈來愈重，你今天借１００元，明天實質上要還更多，債務的實質價值會上升（債務通縮陷阱），不止令人唔敢借錢投資、也會令更多借貸人還錢艱難，最後破產收場，金融機構蝕錢更多，借貸更難。

　　中央銀行為了解決危機，唯有大力減息兼放水，這些措施用盡時，唯有入市買國債、買按揭證券、買商業票據，政府瘋狂入市，目前美國已慢慢走入這個地步。傳統上，中央銀行只是最後借貸人，但而家銀行唔肯借錢出街，中央銀行就變成第一、甚至係唯一借貸人。而消費者消費大減以及投資者唔敢投資時，政府好易變成第一消費、投資者，令政府財赤狂升。

　　佢估計整體信貸損失高達２萬億美元（之前市場大多估計是１萬億美元，金融機構總體己撇帳６０００多億美元），除非政府要鬥快填充金融機構流失的資本，否則馬上爆煲。但即使美國政府夠快手把銀行債務放入自己的帳簿內，阻止它們爆煲，美國未來兩年財赤會高達１萬億美元，美國財政部和聯儲局已把大量的信貸風險攬上身，但美國政府亦會出現信用危機。

　　講咗咁耐，你可能想知羅賓尼的預測，佢估未來幾個月，宏觀經濟及企業的壞消息會比估計壞好多，信貸緊縮又會再惡化，因為大量的對沖基金或其他的槓桿投資者會被逼出售資產，令價格再跌，金融機構會再爆，部份新興市場會出現全面金融危機，總之無件好消息。

　　羅賓尼話，危機並未過去，２００９年會是通縮和破產的一年，在全球衰退中充滿著苦痛。若全球政府能快速、合作、以非常進取的政策行事，才可令經濟在２０１０年恢復，避過漫長的停滯和通縮。

　　目前已有不少睇經濟的猛人，預計最好的情況都要衰埋明年，你信又好唔信又好，記住唔好咁快瞓身睇好。

陸羽仁

http://www.hkheadline.com/blog/r ... rd=&searchtype=

Mr.Business

2008/12/4 上午 11:00:39   

陸羽仁覆網友

筋肉人：油價大勢仍然睇淡，當然超跌又會反彈，到油組減產時又會彈吓，但小心彈完又回，中海油亦如此。

靚豬：你供好多不同新興市場和能源基金，建議先集中供中國基金，感覺上中國比其他新興國家應對金融海嘯易啲（原因之一是金融未開放，貨幣不易受衝擊）。明年３、４季等經濟大勢較定才開始供翻能源商品基金。

Dee:你問長線買週期股好還是增長股好，我覺得增長股好一啲，散戶較易揀，但港交所不算是週期股，它不是一個成熟經濟的交易所，佢主要俾人睇好香港食到大陸水，所以也是增長股。若係月供，長供大陸銀行股係一個選擇。或是明年候低才分段買。

碧鳯：新書出版未有期，因為完全未寫，年尾又好忙。我兩本舊書也唔知邊度有得買，唔知網友有無提供。你一批IPO股票，如今仍要蝕價，若果本來諗住長線，又唔等錢使，亦唔好出出入入，不如長揸。

Bdroom:高位買了中海油，想游吓水減低成本，回落到６元可沽，可以一路推高止蝕位等回吐出貨。

Bluepanda:澳洲仍有減息空間，但最近呢次減息澳元又守得幾好，美元反彈走勢開始現出老態，若想買可以在插向６０美仙時分段增持。

VV：人仔一個月利息唔會太多，若怕佢跌，取消定期都無壞。你話將來入貨匯豐和恒生點選，匯豐價平啲，但風險比恒生大啲，等恒生出多啲壞消息跌深啲時可以考慮，一啲都唔使急，因為我覺得佢係好股，但股價仍貴。

你問可唔可以在１２０００至１４０００點炒波動，港股係一個三角型咁收窄波幅，１２月假多，特別是十幾號過後會靜啲，可以炒吓上落，但小心大市可能突破波幅，就會好急朝一個方向走，所以炒波幅記住嚴守止蝕。

PLA:這兩個月貨幣市場走向雖亂，但主題的確是避險，如果你唔睇利息減無可減的日圓，美元基本強勢，而強勢的基礎之一是佢跌得早，反映咗減息和經濟差風險，其他貨幣未反映，所以美元升，其他幣跌，但而家各國陸續減息，風險正在兌現。美元強勢的基礎之二是基金續回，四圍沽貨匯錢回美國，所以令美元抽升，佢地一沽少啲美元就回吐。總的來說，若澳，紐再大減一次息都唔跌，可以開始入貨，我維持中線看淡美元的觀點。

Mr.Business

注：此篇文章版权归香港頭條網所有。

金融High Tea——忘記昨天股價吧！
2008年12月5日

美股上日持續第二天反彈，加上內地股市在國務院出招後造好，恒指跟外圍高開268點後，即上衝至全日最高點，曾上升近300點，升到13,883點的高位，之後升幅漸收窄，到11時半開始走弱，跌勢加劇。下午開市，再跟美股期貨下插，最低下滑至13,460點才喘定，尾市略彈，收市報13,509點，跌 78點或0.6%。期指收報13,520點，倒跌25點，比現貨高水11點，成交60,600張。

國企指數微跌5點，報7,227點，大市成交399億元。依家市場炒作一種股票，炒一兩日就完，早前炒起的電力股、建材股，昨日已經急回，炒高鰦散戶唔食胡隨時中伏。

昨日大市繼續軟腳蟹走勢，跟外圍高開後無力上，頂住大市的主要是紅色股，例如重磅股中移動（941）股價及相關新聞成為保缳大市唔跌咁多的最大原動力，摩根士丹利繼續做中移動好友，給予中移動目標價80元，評級為「增持」。中移動逆市上升，報73.2元，升幅1.6%，遠遠跑贏大市，佢最高見74.95元，一度升過4%，下午已經回鰦。

礇控歐洲有鑊未爆

相對之下，礇控（005）股價及相關新聞走勢就幾唔似樣，摩根大通表示礇控屬下礇豐融資在歐洲的經營業務環境持續惡化，可能會削減派息或實行股息再投資政策，會侵蝕今年以來跑贏大市的表現，故將礇控目標價由82元下調至72元，重申「減持」評級。礇控以全日最低位收市，收報78.55元，下跌2.2%，拖累大市向下。

有一個中環茶友係礇控淡友，成日叫朋友唔好成日諗住買大笨象，佢話大笨象過去係好股，英國人管理「相對」審慎，記住只係相對美國人而言，所以爆起鑊來無咁大鑊，唔一定無鑊，加上礇控近十年靠併購壯大，成為巨企後還能每年維持雙位數增長，就係併購歐洲和美國業務的結果，但「出得來行，預鰦要還」，當日賺鰦錢，如今隨時嘔突，礇控美國按揭業務餘毒未清，又到歐洲陷入衰退，佢歐洲業務遲早要撥備，所以唔好期望佢好快好。

茶友話，中投董事長樓繼偉昨日話，歐美銀行做得唔好就要政府入股，入鰦股就?到最高評級，又倒過頭來搶番無要政府入股的金融機構生意，礇豐正面對這種困局，生意會十分難做。佢話好多股民成日諗番礇控140幾元的日子，佢叫大家清醒纒，礇控唔係咁易回番到那些股價，先要忘記昨日的高價，然後正視今日去買金融股的風險。

改壞名銀行執笠

有一個笑話可以同大家分享，美國紐約有間新開的細商業銀行主要服務新移民，本來做得好好地，但最近都執埋，佢主要係改壞名，因為佢改自己叫做「美利堅合眾國銀行」（Bank of United States），聽起上來個名好似美國中央銀行，以前呢個名好掂，特別對美國新移民更殺食，但客戶對鰟名愈大的銀行愈無信心，紛紛離佢而去，搞到佢瓜鰦，呢個笑話係一件真事，由此可見美國市場人心幾弱。

紐約大學教授羅賓尼（Nouriel Roubini）以預測今次金融海嘯而聞名，我昨日在《頭條網》的網誌提到佢講的「停滯通縮」（stag-deflation），佢話即使聯儲局減息減到零，加上通縮的負數，實質利率仍然好高；另外你今日借鰦錢，因為通縮等如明日要還更多錢，這就叫債務通縮陷阱，令更多借貸人無力還錢，破產收場，金融機構蝕錢更多，信貸再緊縮。

羅賓尼係淡友，話2009年是通縮和破產的一年。最好的情況是全球政府能快速、合作、非常果斷行事，才可令經濟在2010年恢復，避過漫長的停滯和通縮。

你睇各國減息減得幾狼，就知風險幾高，紐西蘭儲備銀行早一日宣佈下調基準利率1.5厘，從6.5%下調至5%，已是紐西蘭央行今年第四次減息。瑞典央行仲勁，將指標利率大幅調低1.75厘，降至2厘，以免生產及就業下滑。以往中央銀行減0.5厘息已經係大手筆，依家一日減1.5厘、減1.75厘，都好似無事一樣，大家似乎被金融海嘯沖到麻木鰦囉，紐元昨日造0.5342美元，鰠低位無再大插。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

停滯通縮（２）
         
2008/12/5 上午 09:32:32
網誌分類: 經濟

美股上衝乏力，大幅反幅兩日後又回落，投資者昨日早段採取觀望態度，美股走勢明顯沒有方向，杜指在140點之間窄幅橫行上落，下午2:30杜指還微升12點。但尾段沽盤湧現，原油暴跌，加上市場憂慮即將公佈的失業數字會高達15年新高的6.8%，以及汽車製造業即使得到援助仍將未能存活，帶來沉重沽壓，杜指在一個小時內插水式下瀉近350點至全日最低的8,259點，尾段反彈約117點。

杜指收市報8,376點，下跌215點或2.5%；標普500指數報845點，下跌26點或2.9%；納指下跌47點或3.1%，報1,446點。杜指全日最高8,632點，最低8,259點，全日波幅373點。紐約證交所成交縮減至14.7億股。

美國勞工部公佈上周申領失業救濟總人數突破400萬，至409萬，創1982年以來新高。而美國供應管理協會（Institute for Supply Management ）的工廠指數下跌至1982年的新低，10月份工廠訂單跌至8年以來新低，本地及海外市場的需求銳減，顯示由房地產開始的危機，已漫延到生產及服務業。聯儲局主席伯南克亦公開警告房屋斷供收樓的速度太快，政府要想辦法救助業主，但布殊政府行將交接，已無意推出救業主的方案。

美國市場的焦點仍是汽車製造業，瀕臨崩潰邊緣的通用汽車和佳士拿正考慮接受美國國會提議的「預先安排破產」，作為獲取美國政府救助的條件。市場人士指出，這是一種高保險的破產方案。通用(GM)再度向美國國會求救，話急切需要共80億美元援助以應付這兩個月的困境。GM的行政總裁華戈納（Rick Wagoner）在參議院銀行委員會(Senate Banking Committee) 認衰，話「GM今天來到這裡的原因是因為犯了錯誤，超出控制的力量已將GM推到死亡邊緣」。

福特汽車就較為樂觀，表示衹需政府90億美元援助，就可以渡過危機，到2011年就可以轉虧為盈。市場普遍認為政府會通過救援汽車製造業的方案，但憂慮即使有政府的援助，汽車製造業亦未必唔死，而它們的倒閉，將給經濟帶來難以想像的打擊。汽車股捱沽，GM勁跌逾16%，報4.11美元，福特汽車收市報2.66美元，下挫6.7%。

油價亦插，紐約原油收市跌穿每桶44美元，報43.67美元，下挫6.7%，是2005年1月25日以來新低。油組輪任主席、阿爾及利亞能源和礦業部長哈利勒週三話，油價走勢取決於國際市場供求形勢、庫存水準、全球經濟增長前景等因素，油價「沒有底部可言」，油價有可能跌到一個非常低的水平。他又表示，石油市場顯然存在供應過剩問題。美林的商品策略分析員賓茨(Francisco Blanch)更在一份報告中說，若全球性經濟衰落引至原油需求縮減，若全面波及中國的話，明年油價有可能會下跌至每桶25美元。能源及油股跟隨油價下瀉，標普500的四十隻能源類股份全部下跌，雪佛龍（Chervon）及艾克森美孚(Exxon Mobil) 分別下挫4%至71.76美元及跌3.4%至76.27美元。

昨日講到紐約大學教授羅賓尼（Nouriel Roubini）「停滯通縮論」，今日可以再補兩筆。羅賓尼話政府會做大量事情制止通縮，當傳統的減息救市方法唔見效時，政府會做非傳統的事情，例如向金融機構提供大量資金，以阻止信貸緊縮和和利息高企。又可以直接出錢去為銀行存戶、投資者和貸款人贖身。若咁都唔掂時，銀行同業短息和政府的目標利率息差仍大，又或者搞得掂短息(銀行同業拆息)但搞唔掂長息(按揭利息、商業票據利息和消費者信貸利息)，政府唯有採取更「瘋狂」的措施，例如長期維持零利息，並透過大手購入政府債券放水，並直接買入商業票據、按揭和按揭支持證券(mortgage-backed securities MBS)及其他資產支持的證券。羅賓尼話，聯儲局早已做緊拉低短息的工作，現時正在過橋去做他認為「瘋狂」的舉動，直接買入按揭支持證券。

    　或許羅賓尼講「瘋狂」兩字並無貶義，並不表示他不讚成這些舉措，但講得叫做瘋狂，難免有超常後果，美國為所有壞帳包底的做法，估計會令未來2年美國將出現1萬億美元(7萬8千億港元)財政赤字，羅賓尼認為美國政府有信用破產的危機。

    　比較一下中國及美國的情況，就知美國危險好多，大陸現時受金融海嘯的主要實質影響是出口急跌，但這一部份可以由政府支出或政府刺激內需來填補。中國未來兩年推4萬億救市方案，其實政府只是直接出資1萬億，政府支出大增，明年中國的財赤和國債皆會創新高，預計要有5000億人民幣財政赤字和要發行5000億國債來找數，但中國這幾年經濟好好，有1.9億美元(即13萬億人民幣)外匯儲備，足可頂得順5000億的赤字。大陸財赤高企，但貿易仍有盈餘，錢還是流入而非流出，只是政府向自己人民借錢使而矣，不是欠外債向外國借錢。再加上人民幣並不是自由兌換，即使老外唔睇好人民幣匯價，想去隊佢都無乜方法，中國金融系統封閉，但在災難蔓延時，封閉有封閉的好處。

但美國唔同，財赤、貿易同時高企，發行國債其實主要靠貿易夥伴國(日本和中國)購買，等如借外債支持本國花錢，若出現羅賓尼所講的美國信用破產，直接出現的後果是美元急跌，美債價格急跌，債券收益率急升，再扯高美元利息，其災難後果難以想像，若出現這種狀況，就無乜方法可救。

美國遇上百年不遇的危機，當然不要以為一定會出現上述的最壞的美國信用破產狀況，但假設出現的機會只有一、兩成，此種風險卻絕對不可輕視。我並不是說不可投資，只是說投資時要適當地防避風險而矣，慎擇股票也是避險之法。

陸羽仁

http://www.hkheadline.com/blog/r ... rd=&searchtype=

Mr.Business

2008/12/5 上午 10:33:25  

陸羽仁覆網友

天朗:各國減息，貨幣無大插(英鎊差少少,同經濟有關)，美元升勢現出老態，即使反彈走勢未完，要上破新高有難度，美元指數高位89，可能係頂位，現在86左右，睇淡美元主要風險係明年1月奧巴馬上台時，唔知會唔會來一次最後一抽。買外匯可以等佢地逢低儲貨。

Muse:若渣打供股後有碎股，可以問吓經紀，睇吓可唔可以買多少少碎股儲夠一手。

KYM:你話買股又驚唔買又驚，個市大跌完炒吓反彈，要買都唔無呢啲日子買啦,或者咁講，等佢大插時咪買少少責吓倉囉，長線投資者見升得多只能做吓塘邊鶴。

努力中:你話「有見你的提意,將資金集中供中國基金, 商品下年第3,4季才繼續供. 我即刻改了我投資組合.」我只係提供一種分析，可能係啱，可能係錯，我有少少怕你地「即刻」跟足我所講去做，建議聽完我講做吓功課，小心分析再決定。

你問我長期睇淡美元，美元弱商品會升，其實在資金膨脹的牛市是如此，在資金萎縮的熊市不一定如此，未來商品升跌主要看全球的經濟衰退何時完結，到衰退有望完結時，商品才會重回牛市。

金曹兄：早去早回啊。

Bdroom:按揭定年期供，即係話加息照供多啲好啲。關鍵係你有多啲錢時，究竟係還多啲按揭定係攞錢去消費或投資，當然唔好消費咁多啦，若投資往績比唔上按揭利息，有錢就還多啲按揭。

銀行有加新造按揭利息的傾向，匯豐中銀加了，快快手揀未加新造按息的銀行做按揭好啲，聯儲局議息即使減息，即使香港銀行跟住減最優惠利息，你造咗按揭都會跟減（加會跟加），簡單講同你而家做按揭無關係，快手做好啲。

潘記：美國推崇就是超級食肉獸的文化，而且唔跟佢佢會話你唔開放，落後，但呢一浪一睇，單係佢地做啲９５％，甚至１００％按揭，而香港在１９９２年開始只做７０％，就知道花旗國的先進金融工程其實都好化學。

Mr.Business

2008/12/8 上午 11:26:21  

陸羽仁覆網友

Ray:你問冠君房地產，比資產值的確有深度折讓，但樓價再插，不能排除這些股份再有較深下插，但作為一種派息之選，的確可以考慮，因為租金的跌幅會比樓價（股價少），但要忍得佢股價插先至好。（Myself:但上周五到今天升幅已巨，要買都要忍手，小心升完又回）

你問好唔好將「垃圾股」（我估你係指三、四線股）全部轉作冠君房產，由於垃圾股跌到殘又會供股併股，跌幅可能大過冠君房產，所以這也是一個穩健收息策略，等市道明顯入牛市時，才換回那些垃圾股吧。

股市升得高，風險未消除，坐住大錢的確買吓債券安全啲。

Chrislee:你話唔信油價跌穿３５美元，有時跌起上來唔到你唔信。正如我早前所講，油價快速由牛轉熊，升得過份，跌得亦過份。油組可能會較大幅減產，但減完產油價抽下，完成反彈又會再插，油價牛咗兩年，進入熊市４個月就跌定似乎快咗啲。

你想買杜指跌，杜指波幅大，牛熊證幾易俾人一Q就到位打靶。

闇作之手：呢個羅賓尼講的「瘋狂舉動」，美國政府已經做得八八九九，係一個側面咁睇，政府已經做哂經濟學者可以想像到的猛招，當然規模可以大一百倍，但副作用都係大一百倍。

Eyan123：中國同美國玩嘢的動機幾明顯，在中美開會前推低人民幣少少，開會時又挺吓，人仔的政策性風險好大，起碼好難期望佢再上，雖然未必會回得好急，加上中國經濟冷卻得好快，所以短期內亦無貶值變通脹的危險。

小潘：深交所搞Reits，除非炒得好熱，否則對香港上市的Reits無乜作用，仲有少少搶食的可能。

Bdroom:我早前話月供開中信泰富可以停供，因為月供好可能係一個１０、２０年的長線計劃，要選都唔使選佢，好多其他目標。但我話跌到２元多可以買吓（而家有排未到），係想講佢資產有咁多，呢個平價可以執吓，捱得過呢一浪，過一兩年後可能有強勁反彈，到時又可以沽咗佢換馬去較穩定的股份。但唔係２個幾的平價，點解要揀佢呢？所以乜嘢都有個價，衰衰地啲股份夠平都可以買。

Catjim、逸文:阿爺正在出招中，A股強番少少，但估計熊三未完，到阿爺出盡招，明年第一季仲有得回吓。

Dickkwo:當然唔可以話杜指一定穿７０００點，但佢要跌起上來幾驚嚇，唔係話跌多一兩千點，而係集中係幾類股份（如金融股），對全球金融市場影響好大。

Moses:樓市係小小陽春，所以多人睇樓，將軍澳樓較新，但未來供應較多，樓價有壓力，港島樓安全少少，都係等明年第二季跌深啲才買，現時租住樓先不錯。

Mr.Business

注：此篇文章版权归香港頭條網所有。

金融High Tea——小小陽春
2008年12月8日

恒指上周五收13,846點，升336點，市場憧憬快將召開的中央經濟工作會議會有救市措施，紅色股普遍大反彈，內房股仲彈得特別勁。美股亦反覆向好，上周五早段一度急跌，尾段因保險股大反彈而急抽，杜指最後升259點，升幅3.1%，收報8635點，短線在8000點到9000點中間遊走。股市氣氛好轉，市面人心都好似定番少少，開始有人問，個市係唔係見鰦底呢？

我估要講到「見鰦底」，一定要講番跌市之源美股和美國經濟見底未，我就請教過幾個財經界高人，答案都係話睇唔通美國個市，因為以前都未見過咁樣鮋跌市，美國又快要換政府，唔夠料分析美國經濟何時見底，但皆認為潛在風險很大。真係高的高人話睇唔通，反而一般人就講得好肯定，有人死口咬定已見底，亦有人深信跌幾年都未完，因此可見，講得愈肯定的人就愈無料也，佢地係盲信，唔係分析。

有個中環茶友都係炒樓高手，佢話股市近期睇落幾好，問我點睇。我話短期炒纒反彈，暫時唔敢話股市會大好，因為唔具備大好的條件。

樓市反彈來去快

佢問我點解，我反問佢樓市近期都彈纒，都有番鱓成交，發展商又推番少少新盤，咁樓市係唔係見鰦底呢？茶友就話樓市明顯未見底啦，呢鱓大跌市通常係咁，先出現驚嚇性事件，樓市驟然急插，初頭一兩個月甚至無乜成交，因為買家嚇到走清，賣家初時又不願減價，無買無賣唔成市，因為樓市每一宗都係大交易，買家賣家都相對審慎，唔似買賣股票咁易做決定，所以大跌市之初好易無晒成交。但過一兩個月後，個市定番鱓，開始又出現番成交，因為賣家現實鰦，肯減纒價，而不少用家或投資者可能錯過鰦上一個升浪，本來都後悔緊，一見樓市跌兩三成，就覺得已經好抵，跑番出來買，就造成一個小陽春的現象，個市成交旺番，市場突然和暖鰦，賣家肯減價都出到纒貨。

茶友話佢在97年都係獱到成手貨，當年10月股災，大跌市驚嚇過後一兩個月，樓市又好番鱓，佢就在98年1月時出清手上存貨，出貨時樓價只係比高位跌鰦兩三成左右，由於佢不是在最高位入貨，所以埋單計數只係輸一成幾離場，但係佢出完貨之後，在98年2、3月開始股市彈完又再插，樓市亦無運行，再度陷入深插中，茶友執番身彩，如果佢唔在反彈時走貨，最後要輸五、六成，輸多好多。

茶友覺得，如今正重演當年的情況，大跌後先出現一個小反彈市。豪宅之前升得顛，今次都會跌得顛，而家比高位跌三、四成左右的跌幅，恐怕未足以反映呢一場世紀金融海嘯的殺傷力。佢話樓市無炒家唔會升，而家好多炒家手上責鰦重貨，想出都出唔切，個個變鰦「沙漠梟雄」──缺水；加上好多有錢人輸 Accumulator（累收股票期權）輸到阿媽都唔認得，已經令樓市失去大量購買力；再加上銀行係百業之母，銀行的借貸手法對樓市的影響極大，而家銀行的基本態度係唔願放水，對按揭貸款十分手緊，估價估唔足，利息收得高，買家唔一定?到銀行足額按揭，所以即使用家想入市，都唔係咁易。最近樓市飱飱話叫做定番少少，地產發展商可以貼市價出纒貨，但礇豐又馬上提高新做樓宇按揭利息，中銀即刻照跟，樓市呢個小小陽春可能好短暫，唔知捱唔捱得過新年。

銀行收遮無水炒

佢話而家樓市出貨力大，買貨力細，中線唔可以睇好，明顯係一個反彈市，唔係見底市。佢講開加多兩錢肉緊，話銀行咁樣獱緊水喉唔放，唔好話樓市，各行各業都唔掂咁話。

我聽完佢講，反問佢點解佢對樓市對經濟睇得咁淡，對股市又好似蠢蠢欲動咁呢？茶友都好老實，佢話買樓幾短線都好，都係大錢碼的賭注，出入唔係咁容易，唔係想走就走得到，所以唔睇大趨勢炒樓，風險極高。但股市不同，股市流動性大，今日買可以即日沽，只要順住市價出貨一定沽得到，佢問個市只係想走一轉，搵番少少使用食聖誕大餐咋。佢有10注現金，都只係打算?1注出來炒纒股，唔係諗住長線投資，亦唔係諗住賭身家。

呢個老友講起97年開始的金融風暴，陸羽仁又向當年有參加打大鱷的政界高人求教，問纒佢香港今個跌市和97風暴有何異同。政界高人話當年主要係幾個超級對沖基金和外資大行搞№，如今已經沒有當年那樣可以呼風喚雨的超級對沖基金，而外資大行自己亦一身蟻，暫時唔係好得閒來搞香港；但香港的情況的確唔靚仔， 08年的財赤明年3月結數時，可能有700、800億樓上，照目前走勢，政府唔會減開支，09年度財赤隨時過1000億，財赤高企未見盡頭，可能又引人來狙擊港元。讀者們可以能會問，西方國家個個大開水喉救市，赤字更高，但香港實行貨幣發行局制度，匯價和美元掛鹇，只能窄幅波動，赤字太高時就有被人狂隊的理由。

一唔對路馬上閃

高人話，我們當然希望美國個市早點穩定下來，但若美資大行企穩陣腳時，隨時又興起襲港的念頭，認真唔係幾盞鬼。

香港既受外圍風險拖累，又有本地幣值風險，樓市唔得，經濟唔得，真係講唔出乜№利好因素，除非話美股已經見底（睇落又唔太似），否則中線都係炒落容易過炒上，不過短線小氣候炒纒反彈又唔奇。散戶跟炒可以，唔好信到十足，唔好贏到少少更加確認自己的想法係飱，鲻身搏命。

散戶傳統的買股票方法是自己預測市況，或者聽人講去預測市況，然後按預測的方向全力施為。有時大市好易預測，例如持續一兩年的大牛市，大方向反幅向上，只要死買死獱，就會贏錢。大熊市走勢就難測好多，急插急彈，以美國這種成熟市場計，而家一日都有300、400點的上下波幅，過住簡直難以想像。股市波幅大，走勢難測，跌得深可以急促掉頭，彈得急又可以忽然終止，炒作的風險極大。

上述的中環茶友話想短炒食聖誕餐，相信也是好多短炒股民的願望，他的問題已隱藏了答案，如果只是用10分1現金來短炒，贏輸都唔太傷身，當然可以炒纒，佢唔係炒大市見底，而係和樓市一樣，炒緊一個「小小陽春」，既然有兩個小小字，就係指佢係急而短的，未必係深而長。炒呢鱓小小陽春，最緊要反應快，知道自己炒緊反彈只係順勢食一轉，諗多兩日不如唔好買，因為資金在不同類型股份中急轉，今日炒電力股，明日炒內房股，第三日又唔知炒乜，資金隨時炒一兩日就走鰦，你唔夠佢快，獱鰦升過唔識食胡，好易又變長獱股東。記住唔好盲信某一觀念，例如話基金年底必定粉飾窗櫥，年底例升之類，可以超前升超前派貨。要炒唔係唔得，記住自己目標係短炒唔係長獱，一唔對路就閃，等多一日都咪制。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

缺水         

2008/12/8 上午 09:36:23
網誌分類: 經濟

美股上週五以戲劇化的先跌後升結束。美國勞工部公佈11月份非農業新增失業數字錄得自1974年以來最大的53.3萬人，全年有關職位累積跌幅超過190萬。杜指早段急瀉至全日最低的8119點才喘定，下跌257點。但油價大跌至逼近每桶40美元，推動了大型零售商的股價大升，杜指於上午約10:30開始止跌回升，升幅不斷擴大。午後市場傳出保險公司Hartford宣佈調升全年每股收益預期的影響，金融股全線走強。杜指越升越有，一口氣從低位反彈逾560點至接近全日最高點收市。

杜指收報8,635點，上漲259點或3.1%，全日最高8,686點，最低8,119點，波幅567點；標普500報876點，上升31點或3.7%；納指表現最標青，上揚64點或4.4%，報1,509點。紐約證交所成交16.2億股。

紐約原油週五收報每桶40.81美元，下跌6.6%，整週下跌達25%，跌勢好急，是2004年12月10日以來的最低價。在全球需求疲軟的大背景下，不少石油業內人士和交易員現在都認為，油價可能進一步下跌至每桶40美元以下。美林公司商品策略師布蘭奇表示，他預計一旦油價跌破50美元，佔全球原油產量四成以上石油出口國組(OPEC)成員國之間會「顯著加強」減產挺價的合作，他們將更加堅定在12月17日的會議上大幅減產的決心。如果全球經濟衰退蔓延至中國，那麼油價可能短暫跌破25美元，非油組成員的產油國屆時可能需要大幅減產。而油組「老大」沙特則一直表示，每桶75美元的油價是「合理價格」。

滙豐控股（005）昨宣布成立50億美元「環球中小企貸款資金」，其中香港佔40億港元（約5億美元），英國佔115億港元(14.7億美元) 。滙豐銀行工商業務部環球聯席主管梁高美懿話，每宗貸款額度並無上限，至於息率會按不同客戶的情況而定。若貸款資金不足，可向總部再申請增撥。

        梁高美懿話，獲分配最高貸款配額的地區是英國和香港，貸款比例主要根據各地借貸總額規模，滙控在英國貸款總額為香港的三至四倍，因此英國獲分配的貸款額高於香港。

梁高美懿稱，貸款即日開始已接受申請，並會優先提供予成功申請政府的中小企信貸保證計畫，及中小企特別信貸計畫的申請人，並會研究貸款予無參加信貸保證計畫的企業。而新貸款並無行業限制，內地設廠的港商可受惠，而從事服務業，主要營業地點在香港的，也可以申請。新貸款主要給予本地中小企作營運資金及機器貸款，協助條件健全客戶度過經濟下挫引致的短期困境。

匯豐搞這50億中小企貸款是好事，因為全球中小企的確缺水，在銀行「落雨收遮」的手法影響下，中小企的生存有很大問題，匯豐願意帶頭搞吓嘢，值得一讚。

不過以匯豐的貸款規模，呢50億美元中小企貸款就真係比較細，以佢放水最多的英國為例，放14.7億美元，但最近的數字顯示，現在匯豐英國客戶的未償還貸款總額約3800億美元，新增貨中小企貸款只佔當地總貸款0.39%，1%都未夠，相信可以幫到的中企小相當有限。

又睇吓佢幫的對象，以香港為例，佢最想借俾那些已成功申請政府中小企信貸保證計劃的企業，如果無理解錯，政府已擔保了那些企業部份貸款，匯豐再錦上添花，輸起上來都有政府責住個底，銀行所輸的數字有限。

所以匯豐呢個計劃，宣傳味道好濃，在外間質疑她「落雨收遮」之時，搞個中小企貸款計劃出來，就可以塞住你把口。不過宣傳唔緊要，好似廣東有企業資助失業無錢回鄉的民工回鄉，出幾十萬津貼每人200元人民幣俾佢地買火車飛回家，無論如何是好事，勿以企業行為有宣傳效果而否定之。

不過倒過來說，也不要以為匯豐推出這些中小企貸款計劃，就可以幫到好多中小企，我估唔掂的中小企大多數會繼續唔掂，香港市場仍然缺水。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

估歌仔遊戲
2008年12月9日

昨天大市成交急升，Victoria沒選擇沽貨，反而再加注碼於一些有信心的股票。

　　成交量大除了是因為指數急升之外，我想背後可能還有一個更深遠的意思，便是愈來愈多人認為大市有機會已經見底，所以「不理三七二十一」買些股票來壓一壓個倉。在未來的日子，如果美國股市不再傳出任何驚人的壞消息，將會有愈來愈多人發現，原來股市已經在不知不覺間見了底，屆時有價值的股票將會出現一段長時間的大漲小回，直至升回一個比較合理的價錢。

　　有人說現在不是買股票的好時候，因為經濟前景還是不明朗；有人則說現在絕對是投資股票的好時候，因為趁混亂及有壞消息，可以低吸股票。究竟誰是對？誰是錯？我覺得這問題是沒有絕對的答案，要視乎你是甚麼人。

　　現在的情況，便如TVB「超級無敵獎門人」中估歌仔遊戲一樣，如果你的音樂感是超強的，那麼那個外國人才唱了幾句，你已經可以比別人早一步，估到答案；但如果自問音樂
感不強，要等到首歌來時（即是大家都知道答案時），才可以估到答案的，那麼你跟別人鬥的便是你跑的速度，只要你跑得比別人快，早一步去到咪前，你便贏。

　　所以，認為趁混亂及有壞消息時，可以低吸股票的人，一定要有在事情明朗化前，已經可以猜到之後發展的能力。而比這能力更重要的是，他們要有知道自己估錯了的反省，當知道估錯了時，他們願意止蝕離場。如果你自問沒有這個能力，你要於市場贏錢，便只可以於甚麼都明朗化的一刻，去靠速度取勝。例如，當大家都知道一隻股票是值五元，只要低於五元時，你比別人早一步搶入，而又可以於五元前早一步沽出，那麼你可以贏錢。但這樣的機會又有幾多呢？

　　「今天百麗找你了沒有？」

　　前幾年好景的時候，很多公司為了更快擴充而不斷收購同類公司。比如中國建材（3323）股價及相關新聞去年便不停收購水泥公司、勝獅貨櫃（716）股價及相關新聞前幾年便不停收購生產貨櫃等等。大家熟悉的百麗（1880）股價及相關新聞也屬於其中一份子，去年內地鞋廠之間都流傳覑一句話，就是「今天百麗來找了你沒有」。可以看出，百麗的收購策略是多進取。經濟好時，經營不太好的公司都可以混過去，但當經濟一轉差，缺乏競爭力的它們便會馬上現形，變得不再賺錢，從而拖累業績。所以，Victoria一向對於收購對手而壯大自己的公司，存有非常大的戒心。

　　王雅媛（Victoria）

　　王雅媛為持牌人士，並沒有持有以上股票

http://www.hkheadline.com/finance/news_detail.asp?id=66351

Mr.Business

注：此篇文章版权归香港頭條網所有。

金融High Tea——升到你唔信
2008年12月9日

美股上周五反彈，奧巴馬周末預示美國政府將有更大救市行動出台，加上中央經濟工作會議昨日召開，皆利好港股氣氛，恒指高開481點後，升幅不斷擴大，上午最高已一度升逾1,100點，中午收市報14,887點，大漲1,041點，恒指重上50天移動平均線。午後升幅略為收窄，恒指略回至14,750點，尾市受美國杜指期貨大升190點刺激，在競價時段抽上至全日最高位收市，恒指收報15,044點，大漲1,198點或8.7%。期指收報15,078，大升 1,208點，比現貨高水34點，成交88,424張。

國企指數大升709點或9.5%，報8,137點；紅籌指數收報3,326點，上揚248點或8.1%。大市成交大增至639億元，有番少少熱鬧氣氛。

重磅股方面，礇控（005）股價及相關新聞隨大市上升5.04%，報85.5元，略為跑輸大市的8.7%升幅；中移動（941）股價及相關新聞仍是大市上升的主要動力，收市升7.8%，報81.4元；重上80元樓上。大市上升兼成交大番，港交所（00388）股價及相關新聞就狂升16.3%，為表現最好的藍籌股之一。

夾到淡友變好友

昨日基本上是跌得愈殘的股份升得愈勁，例如航空股，國航（753）股價及相關新聞升19.9%；之前插得好甘的航運股亦勁彈，中國遠洋（1919）股價及相關新聞升20%、中海集運（2866）股價及相關新聞升20.2%、中海發展（1138）股價及相關新聞升17.3%；內房股以瑞房（272）股價及相關新聞彈得最多，升24.7%、中國海外（688）股價及相關新聞升14.8%。

中環茶友話，股市就係咁樣充滿覑驚喜，呢個賭場日日開，無咁易俾老散估中，當大家都睇淡時，就係夾上的時候。你在12,000點、13,000點開鰦淡倉，呢排本來已經俾人夾住，又痕又痛，但係又唔想打靶，成日以為過兩日個市就大插，讓你反敗為勝，現實卻事與願違，昨日就大升近1200點，造淡的散戶身受重傷，好快就要打靶。或者仲有一批淡友唔信鏡，仲想死捱，所以個市再夾上去一鱓都唔奇，要升到你唔信為止，到時夾到淡友平晒倉，變埋好友，佢地變為相信牛市第一期已經來臨，大戶夾到散戶做佢對手，個市才會掉頭回落。

茶友仲好「寸」咁話，一日升1200點唔易，雖然再升上去唔奇，但升得咁急反而難維持，因為恒指現價距離去年10月高位32,000點，差17,000 點，如果日日升1200點，升14個交易日就再創新高了。不過呢鱓一日升（或跌）1200點的日子實在令人印象太深刻，搞得一兩次，好易就扭轉人的態度。

茶友話，論中長線的經濟因素，大市「無乜理由升」，但炒股從來唔講理由，好似昨日港股一直比其他亞太股強，又有乜理由？韓股昨日升7.5%、日股升 5.2%、新加坡更只升0.9%，但港股卻大升8.7%，若果話香港炒內地開中央經濟工作會議，但上海A股亦只升3.6%，牌面睇炒港股的老外睇得好過內地人喎。

救市消息刺激有限

他認為外資大戶似乎部署鰦要炒一轉，借住今個星期大陸開會，搶先炒高，到阿爺開完會出來公佈好消息，一般人會認為未有好消息都升到咁高，有埋好消息要見2 萬點啦，就有較多人入市，那時就是大戶派貨的好時機，佢就見好消息出貨啦。茶友認為慢升的市可以玩耐鱓，升得太急要小心高位好快出現。

經濟機遇委員會昨天召開第二次會議，特首在會後公佈政府連串救市方案，話明年將會出現負增長，為1998年以來的首次經濟倒退，明年將會係「艱辛年」，呼籲香港市民要做好心理準備。政府會推出1,000億元信貸資助計劃，協助大中小企業的融資。信貸額度將由前時提出的100萬元大幅提高至600萬；第二是提高就業機會，透過加快批核多個基建工程如童軍總部及保良局等，創造55,000個職位，另外，政府亦會增加招聘逾7,000個公務員職位，預計明年能開設共逾6萬個職位空缺。

政府的措施可以幫纒一部份中小企，但弱一點的企業難免會被淘汰，政府政策對股市無大刺激，似乎只對建造股較有利。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

大灑金錢  
       
2008/12/9 上午 09:17:47
網誌分類: 經濟

   環球股市大反彈利好美股，加上投資者期待著候任總統奧巴馬的基建救方案，又憧憬政府會通過打救三大汽車巨頭的短暫方案，資金大舉入市，美股顯著造好，創4周以來的新高。杜指開即上衝近270點，之後在8,900點之間窄幅橫行，下午3:30更一度升至全日最高的9,026點，突破9,000點關口，上升391點，尾段略為回軟90點收市。

杜指收市報8,934點，上漲299點或3.5%，全日最高9,026點，最低8,637點，波幅389點；標普500報910點，上升34點或3.8%；納指上揚62點或4.1%，報1,572點。紐約證交所成交大升至17.4億股。

市場憧憬奧巴馬的經濟復蘇計畫將推動金屬材料的需求，商品價格反彈，銅價急升逾9%，而油價亦大幅反彈，最高升至44.16美元，逼近5天移動平均線，收市報每桶43.71美元，上升2.9美元或7.1%。與此同時，美國普通汽油每加侖亦下跌22美仙至1.75美元，據倫德伯格(Lundberg) 統計，這是接近5年以來的新低。雪佛龍（Chervon）及艾克森美孚(Exxon Mobil) 分別上升4.9 %至78.09美元和3.9%至79.6美元。

標普500原材料生產指數大升7.7%，為推動大市最大的原動力。美國鋁業（Alcoa Inc.）和自由港麥克莫蘭銅金公司（Freeport－McMoRan Copper & Gold Inc）股價分別飆升逾17%至9.58美元及19%至20.01美元。美國鋼鐵（ US Steel）更狂升 24.4%至35.79美元。預計港股今日早段呢啲金銀銅鐵股都會炒一轉。

民主黨議員Barney Frank接受CNBC訪問時表示，布殊總統和國會就汽車生產商的拯救方案的商談已取得進展，預計拯救資金將達150億美元。協議會於本周在國會通過。消息刺激通用汽車及福特汽車股價分別大升20.8%不至4.93美元和24.3%至3.38美元。

如果說美股升上9000點還有甚麼實質因素刺激，應該數數奧巴馬最近透露他上任後將會實行的基建救市計劃，他把重點放在學校、公路和綠色能源，市場估計利好鋼鐵、建造、工程及建造設備等行業的股票，所以刺激這些股票上升，甚至商品市場也扯高，抽高埋澳元匯價。

奧巴馬上周六在民主黨全國廣播中話，自從經濟進入衰退以來，美國已累積失去約200萬個工作機會，現在許多人擔心職位不保，小孩學費無著落。所以短期而言，當務之急是製造就業機會，他上任後要創造250萬個職位。他提出的經濟振興計劃，主要包括五個方面：大規模改造聯邦政府辦公樓，使之更加節能；大力投資公路和橋梁建設；大規模重建學校校舍，安裝節能系統，創造「21世紀的學校」；在美國各地推廣寬頻網絡應用，讓每個孩子都有機會使用互聯網；更新醫院等設施，確保這些地方能夠運用「前沿科技」。

奧巴馬沒有披露這一計劃可能涉及的資金總額，不少國會議員估計，這一計劃所需的資金將超過5000億美元。而一些經濟學家更估計，政府可能需要支出1萬億美元才能有效刺激經濟，增加就業機會。

奧巴馬的振興經濟方法，是沿用經濟學家凱恩斯建議的方法，在私人經濟不濟時，大力加大政府投資，補充需求之不足，即使把公路掘爛再重舖，也可以製造GDP，製造就業。不過此方法的副作用，就是政府財政赤字大幅上升，若經濟不能順利回升，令政府收入增加，政府收入少支出急升，長貧難顧，最後就唔知點收科。

奧巴馬在接受國家廣播公司電視網(NBC)《會晤新聞界》(Meet the Press)節目專訪時，亦承認赤字難捱，奧巴馬感嘆，他將繼承一個預算赤字超過1萬億美元的政府。他以醫院接到一個病入膏肓的病人為例，首先就是緊急為這個病人輸血，先穩定他的生命，然後再協助他恢復健康。因此，短期內他無法去憂慮赤字問題，而必須先讓美國經濟穩定。而他即將推出的經濟振興計劃，就是要讓美國經濟動起來。

共和黨執政的傳統是大灑金錢，窮兵贖武，預算赤字高企。而奧巴馬所屬民主黨的傳統是精兵簡政，消滅赤字，強化美元。但奧巴馬上任面對如斯困境，佢已沒有選擇，焗住使錢，花錢後救唔救得起這個垂危的病人，也只能望天打卦了。

         其實香港也一樣，搞十大基建，或者大灑1000億救中小企，亦是沿用增加政府開支救經濟的方法。或者可以咁問，各地政府大力谷錢出來救經濟，究竟是政府花錢花得快，還是金錢消失得快呢?商品升跌，甚至股市、樓市升跌，都要看這個問題的答案。

陸羽仁

http://www.hkheadline.com/blog/r ... rd=&searchtype=

Mr.Business

2008/12/9 上午 11:11:27  

陸羽仁覆網友

Mwt:你話美國人已改消費模式，但單憑這點不能作經濟分析，因為美國人是超短期記憶的動物，今天無錢要改食午餐肉，明天一有錢就身痕去鋸扒。中國的內需的確有限，可以幫補一下，要撐起經濟的確要很長時間。

Roger T:港股呢個賭場，有時比澳門的監管更少，主要係管細容易管大難。買咗熊方向唔對，唔理分析後市係點，唔斬哂都要斬一部份，炒作第一規律：執行止蝕，控制風險。

Elsa: 買咗熊唔對路，止蝕先啦。牛熊證係高風險炒作，無得守，１０日後跌２０００點都唔關你事。

Sun:好多時就算要買基金，都係買指收基金就算，唔使俾咁多管理費。

SiuSiu:上兩個星期止蝕了股票，見佢升想買番，我就勸你咪制啦，有時人黑起上來係咁，到你買番之後，升少少你又唔會走，跟住又坐艇，又變咗枝燈架啦。乜都唔好做，做番一排觀眾就最好啦。

一丁：熊市的確是一浪低於一浪，上浪反彈浪頂是１５０００點，如呢次反彈穿浪頂向上，回落又守於１５０００點樓上，一級級咁上，的確有可能是牛一，問題是這種走勢會否出現。

盜生：要三年後取回現金，以月供股票來講，可能略短，股市或許未走完一個由低至高的週期，由於有用錢需要，可能停市月供，等大市狂插時分段入市好啲。

黑毛綿羊：維持熊二反彈的看法。我會覺得穿得１５０００點，應該試一試１６０００點，讓所有人都信才回頭。大戶１２月整個月如何部署，要看他們如何行事才知，但簡單道理是慢升玩得耐啲，急升，短癮啲。

三心兩意：大市對壞消息沒有反應，的確可以是一種見底跡象，但今年５月一度出現過這種現象，結果就發現是一種假象，股市更於５月時由牛轉熊。

你話彈到２００００點，若回落到４０００點，到時買貨仍比現在貴。

這個講法當然有點道理，但熊市末段的下跌亦令人心驚，好多股跌幅遠比指數大，你地或者未見過，所以無我咁驚。所以我o既策略係唔怕買貴少少，首先唔想買錯。買錯睇隻股無緊一半，可能會忍唔住在低位投降。

UFO:你彈藥唔多，無得同人博命，建議都係等吓大插近低位先至買，國壽、工行、招行三隻都唔錯，若睇長少少，建議招行比重大啲。

Whatzupnow:大股東增持，係佢私人買，公司回購，係用公司錢買，回購完股份會註銷，總股數會減少，所有股東的持股比例會相應上升。回購和增持對股價有無支持，主要看數量大唔大，若數量唔大，只有心理作用。

美國政府救花旗收取的代價少過AIG，保佢３０００億美元壞資產，只收多７０億美元股票和一批高行使價窩輪，所以我話魯賓攞到筍盤，對現有股東的潛在攤薄效應無咁大。

２８２７和２８２３都類似指數基金。翔龍似普通基金。

Tonton:我諗唔可以話升穿１５０００點真係牛一，而牛一又在６個月後經濟會好轉，推得太遠啦，現實係你擔心份工係啱架。

Any:入咗招行短炒,現價低5%為止賺位,到位止賺,再升5%,又推高止賺位5%,餘此類推,食到佢盡。

Mr.Business

注：此篇文章版权归香港頭條網所有。

金融High Tea——食快餐 坐經濟位的日子
2008年12月10日

美股上日隨環球股市冒升而造好，恒指經過前天的大幅飆升近1,200點，港股昨日低開13點後，隨即下滑185點，反覆爭持，約11點後跟隨內地A股回落；午後跌勢持續，最低跌至14,717點才喘定。恒指尾市輕微反彈，以接近全日最低位收市，收市收報14,753點，下跌292點或1.9%。國企指數跌136點或1.8%，報8002點；恒指全日最高15,205點，最低14,717點，大市成交569億元。期指收報14,755點，跌323點，比現貨高水2點，成交73,664張。中環茶友話，上日恒指暴升1,200點後，昨日回吐近300點，仍在合理調整範圍，可能要睇纒今天內地的中央經濟工作會議有無新料，才可以睇到港股有無燃料再試高位。

特首曾蔭權昨天在經濟機遇委員會第二次會議後表示，香港經濟明天才進入「嚴冬期」，呼籲市民要做好捱苦日子的心理準備，並公佈紓緩中小企資金緊張和創造就業的救市方案，但市場對消息未有明顯反應，觀察港股近日表現，反而內地股波幅更為明顯。

礇豐話有減息空間

重磅股中移動（941）股價及相關新聞在連日造好後，今日出現較明顯的回吐壓力，收市報78元，下跌4.2%，成為拖動大市向下的主力股份；礇控（005）股價及相關新聞則較硬淨，只下跌1.8%，報84元，略微跑贏大市。礇豐亞太區行政總裁霍嘉治話，目前本港銀行同業拆息回落，香港存在減息空間。好多有樓一族希望銀行快手減息，以減輕供樓之負擔也。

金融海嘯，經濟唔好，自然大把行業受損，也有少數得益者。有報道話美國人窮鰦，被逼食多鰦午餐肉，令美國明尼蘇達州的午餐肉製造商霍梅爾（Hormel）食品公司應接不暇，最近開始每星期7日、每日24小時輪班制日夜趕工不斷生產。唔講唔知，原來午餐肉這種好多香港人喜愛的食品，係30年代美國經濟大蕭條的產物，美國佬食唔起牛扒就食午餐肉作代替品。

本地經濟唔好，好多行業都唔掂，唯有快餐業生意唔會減少，雖然快餐店最貴的40多元一客的「貴價餐」銷量會略差（或者兩個夾份食一個貴餐），但有更多人以食快餐取代上茶樓，所以快餐店客多補番條數。本地快餐業一哥大家樂（341）股價及相關新聞昨午公佈中期業績，半年純利2.01億元，較07年同期的1.75億元增長14.6%，派中期息每股0.15元，另派特別股息0.15元，合共0.3元。該股昨日上午曾跌2.4%至12.88元，但業績理想兼派特別息，大家樂午後拾回失地，結果收報13.2元，無升跌。係人都知經濟唔好快餐業好境，所以大家樂股價相當硬淨，現價市盈率17倍，並不便宜，勝在派息慷慨，有4.9厘息率。

大家樂有水，唔單止唔會裁員，下半年度仲會開多13間分店，請多1000人，截至12月6日止，該集團於香港有153間分店。主席陳裕光話，由於預期未來地產市場將會回落，集團將會花1至1.5億元，購買3至4間新舖位，令集團自置舖位數目由27間增至30間。

航空公司未衰完

你話做快餐幾好，各行各業愁生意唔好之時，就係佢好生意的時候。大家又可以睇睇另一個極端：航空公司。國泰航空（293）股價及相關新聞常務總裁史樂山於內部員工通訊話，上星期國泰整體收入較預期目標少14%，頭等及商務艙收益更急跌30%，頭等及商務艙載客率更只有43%，該業務收入佔集團總收入的比重，亦由去年的38%下跌至今年的29%。不過經濟客艙的業務表現理想，上星期載客率達83%。貨運業務方面，上星期貨運收益按年跌25%，原因是珠三角、長三角內更多工廠結業及大規模裁員，令市場需求減少。

航空公司客運做經濟客位無乜錢賺，主要係食商務客位和頭等客位，但如今這些好肉的客位只得43%客量，直接削弱航空公司的盈利。過去投資銀行家係幫襯頭等位商務位的常客，如今這班友大半失蹤了，另外很多公司省得就省，開電話會議取代真人開會，高層要飛亦要屈就坐經濟位。有航空公司高層話，商務客位生意係經濟的寒暑表，商務客位客人一日未回頭，經濟都唔慌好。另外據聞國泰都買鰦唔少飛機，將會陸續運到，貨到一找數後，公司又增加大筆折舊開支，而且現在飛機增加客人減少，國泰仲有排捱。

國泰現價8.09元，今年低位6.97元，記得佢13、14元時，我話佢2003年沙士價只有7個幾，叫大家千祈唔好買住，話佢要見沙士價。現時我估佢可能衰過沙士，今次要捱的時間更長，較壞的情況是成個2009年都未好，所以可能要再穿一穿6.97元呢個低位。

在吃快餐、坐經濟客位的日子，快餐股貴，航空股平，若是相反理論，當然要搵好位買航空股而唔係快餐股，但長線投資者切忌心急，我怕買航空股買得太快，之後捱價都捱得好慘也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

通脹急滑  
       
2008/12/10 上午 09:34:19
網誌分類: 經濟

美股經過兩日大升近600點後，出現急促高整。金融、零售及運輸類股仍然受到經濟悲觀因素影響領跌，美國國會正在審議的汽車業紓困方案，為市場增添不確定因素，杜指開市即插166點，之後一度受科技股上漲帶動，回升135點，但後繼乏力，大市在11:45am重拾跌勢，反覆向下，跌至全日最低位的8,652點，最多跌過282點，尾市略為反彈。

杜指收市報8,691點，下跌243點或2.7%；標普500報889點，下跌21點或2.3%；納指下跌24點或1.6%，報1,547點。杜指全日最高8,934點，全日最低8,652點，紐約證交所成交縮減至14.4億股。

今浪美股反彈到9000點止步，上日一度彈上9000點樓上，但最後收市不能守於其上，昨日回吐又急，顯示9000點仍是美股反彈的重大阻力位。

美國多家巨企受全經濟衰退打擊，齊發利淡消息。其中包括聯邦快遞（FedEx），即使燃料費用已大幅降低，以及最大的競爭對手DHL Express已撤出美國市場，速遞生意仍然大幅下滑，聯邦快遞發出盈利警告，並降低2008年盈利預測15%，股價大瀉 14.5%至63.65美元，成為杜指下挫的催化劑。紐約原油價格下跌1.64美元或3.8%至每桶42.07美元。埃克森美孚(ExxonMobil)及雪佛龍(Chevron)下跌 1.8%至78.2美元和3.2%至75.56美元。

      美國經濟差搞到報紙破產，在廣告收入大幅滑落與網路媒體興起的影響下，有161年歷史、擁有8家報紙、23家電視台與綜效資產的媒體巨擘論壇公司（Tribune Company），因營收急劇滑落，又背負130億美元債務，昨日提出破產申請、並尋求法庭批准達1.25億美元貸款以應付破產期間的營運。 而旗下的職棒大聯盟球隊「芝加哥小熊」與主場雷格裏運動場（Wrigley Field），則不在申請破產保護之列。該公司將會積極為小熊隊尋找買主。

       總部設於芝加哥的論壇公司擁有的8家報紙，其中包括洛杉磯時報（Los AngelesTimes ）、芝加哥論壇報（Chicago Tribune）、巴爾的摩太陽報（Baltimore Sun）、奧蘭多衛報（Orlando Sentinel）、哈特福日報（Hartford Courant）。以營業額計算，論壇公司是全美第二大報業集團，以發行量而言，則是全美第三大。論壇公司流通資金不足，付不出今年到期的10億美元利息，還欠有6月應付的5億1200萬美元債務，而步入破產之途。看來美國公司執笠還陸續有來。

中國將於今天公布11月經濟數據，大陸高人話我知，最大鑊的是消費物價指數(CPI)，11月的CPI跌到2.4%，比10月的4%進一步大幅回落，顯示中國經濟降溫的速度極之快，再急跌就要通縮，相信這些數字對大陸股市都有點壓力。

中國通脹自5月開始回落，今次將是連續第7個月回落，而且漲幅急劇，高人話，由於經濟下滑導致需求放緩，出口減慢，以及貨幣供應量下降，所以CPI快速回落。其實阿爺在上月公布10月統計數字前夕，已經探測到經濟急降溫，所以搶在上月公布數字之前一周，就宣布了4萬億救市計劃，後來更大幅降息，國務院又出9招救市，相信正召開的經濟工作會議也有後續招數。由於經濟滑落速度很快，所以政府救市的力度要同樣加快，才能保住明年有8%的經濟增長。

中國上半年還在為高通脹苦惱，想不到半年過去，馬上要180度轉彎，要為滑向通縮擔憂，不過如今阿爺出招既急且快，應該可以頂得順啩。

陸羽仁

http://www.hkheadline.com/blog/r ... rd=&searchtype=

Mr.Business

2008/12/10 上午 10:47:04  

陸羽仁覆網友

北京人：你問沽清手上蟹貨後，想等「明年低位入市報仇 (係邊度跌低就要係邊度爬翻起身！)， 心水想買工行、中交建或中海外發展(這是banker建議的)，意下如何？怎樣分配？」

我建議首先唔好諗「復仇」，一有復仇心態，諗嘢唔泠靜，輸咗的錢已成過去，唯一要記住的是經驗，問清楚點解輸，如果輸在衍生工具，就以後都唔好買那些工具。

每一個交易都係新交易，既然輸過大錢，就要更小心，唔平千祈唔好買，等佢插到阿媽都唔認得時才去分段買。工行、中交建和中海發展都係唔錯的股份，但一定要超平才買，輸完唔好再輸，寧願無買，唔好貴買。萬一錯過咗牛市第一期都無壞，到個市牛市第二、三期好好炒時，有錢大把股可以日日買。

小仙女:你話試過好多次一高追就回，跟住要止蝕。唔係你特別，剛好相反，你和一般散戶的思維一樣，就俾股價引到你落叠，到老散上齊車，跟住個市就散架啦。

Gigi:我自己公幹除非好長程否則過去都唔坐商務位。我的老友的公司好多都唔建議員工出埠，要出外短程真係會Downgrade去經濟位。

潘記：重汽我無具體研究，唔知佢現金多唔多，有無啲債會因為股價跌得多而出問題，但一般咁講公司不斷回購，係想支持股價，應該唔係怕股權攤薄，因為公司回購後股份會註銷，所有股東的股比同時成比例地微增，大股東唔可以藉此抗攤薄（同大股東增持唔同）。如果公司好多現水，就無大問題。

Tonton:美國最關鍵的指數係GDP，但新屋銷售、失業率都有重大指示，樓市一日未好，就業市場未好，經濟唔會好。

Whatzupnow:我手上無運輸工具佔石油消耗量，可以自行上網找找。但使用石油的大戶，一定是石化業和海陸空運行業，佢地會因油價下跌受惠，但當中很多會因經濟衰退而受損（運輸業本身就是經濟盛衰的指標）。

明年１２月期油５４美元一桶，多過價的是風險溢價，因為買期貨只要５％按金，買入者是賭油價走向。你話可以買入原油現貨儲一年可以賺１１％，但要全數付現金，要好大資本去做。

各國大印銀紙救市，一係救唔到，一係救到之後好易有惡性通脹，事實的確如此。

白金行情唔我唔熟，但若你是大客，外國銀行會有差價平的方法去買賣，但細客就未必有啦。

一丁：港股反彈未完，所以咪唔跟美股插囉，但不可以單憑咁就話牛一已到。我做生意o既，都好想牛一快的來，但計一計生意條數，又唔覺得香港咁快有牛一噃，好似樓市，似十足反彈，唔似見咗底。

牛腩：科斯托蘭尼一個阿伯，炒咗幾十年，見過世界大戰，呢啲人的經驗我地有排都未學到。

Bdroom:中信泰富減了澳紙Accumulator，到和佢買鐵礦所需金錢的地步，雖然無咁大個倉，但澳紙升跌對佢短期盈利仍有一定影響，升對佢有利。

Mr.Business

2008/12/11 上午 11:45:14  

陸羽仁覆網友

Ray:我話個市會升到大家都唔信的Level，搵夠人接貨才回落，我自己唔信的Level是１６０００點，唔知散戶們唔信的level係幾多，搵唔夠人架車又未必會回頭。你睇大陸的經濟數字，真係「硬著陸」o既數字，總之基本因素差到極，炒股要執生呀。

Catjim:你問吓你老婆係短炒定長揸，短炒每一天都可以入市，記住１０％止蝕就得啦。長揸我就唔建議呢啲位去追啦。若果有幸抽到１６０００點樓上，不妨出吓貨噃。

Bdroom:我信那一份劇本係再推高破位，等散戶蜂擁追入。但大陸的經濟數字太驚嚇，我怕呢個「見底」的故仔唔係講得太耐，我係佢就快快手挾上去派貨走人啦。

S2000:我信你牛一多過個市牛一好多。

潘記：大陸要保８，因為已經好多年無低過８％的增長，如長期遠低於８％，假設為４％，將出現大量經濟社會問題，例如高失業率，就好易亂架啦。

Any:你內地朋友想將人民幣換成港幣買股票，叫佢記住１０％止蝕噃。有國航反彈到３元樓上可以先減啲貨。

估佢唔到：你問睇油價會升買也股好，理論上係買中海油，但首先問油價會唔會大升，第二中海油股價亦受大市影響，若大市回落佢都唔係咁棧。

三心兩意：首先要問經濟係唔係可以救到，救到的意思是很快見底回升，回到正常的增長軌道。怕惡性通脹係一兩年後的事，要等經濟好番先會出現，唔使咁快擔心，唔好而家因為怕惡性通縮來，就要逼自己投資，先驚惡性通縮先啦，通縮時現金為王呀。

Zizou.Z：減唔減磅要自己決定，但你話想搵大市升只係熊二反彈的證據，你自己都講，唔知係唔係「壞消息盡出」，呢點我可以講，壞消息未盡出，仲陸續有來。

MKM:你做生意就知，老美客極度難搞，生意好難做，仲有排捱。

Mr.Business

注：此篇文章版权归香港頭條網所有。

金融High Tea——散戶未信 反彈未完
2008年12月11日

港股又鈬夾淡倉，美股上日大跌242點，但以日本為首的亞太區股市昨日唔跟美股調整，香港恒指高開190點，之後在15,000點窄幅爭持，到11點半開始發力向上，下午愈升愈有，升幅不斷擴大，升至全日最高位收市，恒指收報15,578點，大升825點或5.6%。期指收報15,620點，上升865 點，比現貨高水42點。國企及紅籌指數升幅凌厲，國企指數最多曾升7%，尾市略為回軟，報8,507點，勁升506點或6.3%；紅籌指數收市報 3,441點，漲205點，升幅同樣是6.3%，跑贏藍籌股，大市成交619億元。

支持升市的最大動力來自兩大重磅股中移動（941）股價及相關新聞 及礇控（005）股價及相關新聞。評級機構惠譽稱中移動在內地電訊市場處領導地位，今年首3季中移動用戶按年增加24.7%，其高質素及龐大網絡已覆蓋內地97%人口地區，基於內地移動電話滲透率仍低至47.3%，相信中移動的競爭優勢，可於未來3年繼續錄得強勁增長。中移動以全日最高位收市報82.25元，升5.4%；礇控亦漲4.4% 報87.7元。中移動及礇控共推動恒指上升逾200點。

唔信鏡好易死

中環茶友話，股市係沿住「你唔信佢又升」呢個主題炒上，昨日的升市見證了大戶的實力和環亞洲的部署，美股上日跌242點，如果任由開市插低，隨時插 500、600點都有，所以佢地由日股開始已經抽高，先為亞洲定一個升市的基調，你話講理由，又真係講唔出乜№理由，唔通話新力睇淡明年生意要訂出龐大的裁員計劃係好消息咩，不過升市亦唔使講理由。

茶友話，港股開市後，做鰦淡倉的散戶見美股跌港股唔跟住跌，火上心頭，話「有無搞錯」，唔信鏡去追沽。但大戶點會推高大市俾你沽，等你沽完就跌呀？事實正好相反，大戶在開市頭個幾鐘等散戶沽到夠、沽到飽，頂住個市升少少，等無晒沽壓之後，才一舉推上去，而且全日愈升愈有，根本沒有重大回吐，可見佢地力量幾大。

他認為，早前大把散戶在12,000點、13,000點開鰦期指淡倉，又或者買鰦熊證，見升到14,000點唔認輸，沽多兩錢；升到15,000點又唔信鏡，再沽多兩錢，查實唔信鏡好易死；若大市再升，升到16000點或者更高，淡友散仔輸到阿媽都唔認得時，最後就會信，被逼入市平淡倉（等如獱入大量好倉），大戶搵到對手，可以施施然平好倉食胡，甚至反手造埋淡，散戶邊夠佢玩，這就是散戶經常做「明燈」的原因，基本上佢地被大戶睇住來食。

依家唔好問大市會升到邊，正如我早兩日講，「會升到你唔信」的水位，因為到那些水位散戶才會投降。我聽完茶友講大戶手法，一個電話打去問經紀張，問纒佢散戶點反應，佢話好多人在13,000點沽清貨，依家唔識反應，仲係好靜，佢估升到16,000點樓上，沽鰦貨的散戶見個市係咁升，會忍唔住入番市。我心諗，散戶未信，升市未完，再升多鱓，散戶會開始信牛市一期已到，會信內地救市馬上得，會信奧巴馬接任總統美股見鰦底，投資者睇到大市咁好，忍唔住入市，好快會後悔，大戶搞咁多№就係等散戶入籠鎹（當然短炒一日兩日轉身又另計）。

中央為放水定調

若唔理股市升跌，睇番經濟基本因素，就真係幾驚嚇，例如大陸公布11月份PPI（工業品出廠價格）同比上漲2%，遠低於市場預期的4.4%增長， PPI在今年8月高峰期升10.1%，而對上一個月10月份PPI漲幅仍有6.6%，11月可以插到2%，可以話係跳崖下跌，聞說快將公布的CPI（消費物價指數）同樣急插，內地經濟唔救就馬上進入冰河時期，明年通縮危機隱現。

中央經濟工作會議昨日結束，會後透露會議定明，必須把保持經濟平穩較快發展作為明年經濟工作首要任務。會議提出，明年要較大幅度增加公共支出，保障重點領域和重點建設支出，支援地震災區災後恢復重建，實行結構性減稅，優化財政支出結構，繼續加大對農民、服務業、中小企業等方面的支援力度，加保就業，加大對低收入家庭的補貼和救助力度。

表面看中央工作會議沿用早前定出放水救市的思路，大增公共開支，希望可以頂住經濟唔跌，香港明年食粥定食飯要睇內地啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

冰河時期
       
2008/12/11 上午 09:20:48
網誌分類: 經濟

美股昨日走勢反覆，市場缺乏明顯方向，全日在不足240點之間窄幅爭持，大市早段受原油及商品上升的影響，能源及金屬類股份顯著上升，加上布殊總統和民主黨就援助瀕臨倒閉的美國三大汽車製造業巨頭方案，已達成共識，並最遲於本周交予國會投票通過，發展漸露曙光，利好市場投資氣氛。杜指早段造好，中午最高升至8,879點，上升188點。之後受共和黨參議院議員發表反對拯救汽車業方案，令市場添加不明朗因素，沽盤湧現，杜指調頭回落至全日最低的8646點才喘定，共下跌逾230點。杜指在2:30pm後重拾升勢，止跌回升，反彈逾115點收市。

杜指收市報8,761點，上漲70點或0.8%；標普500報899點，上升11點或1.2%；納指上揚18點或1.2%，報1,565點。杜指全日最高8,879點，最低8,646點，波幅233點。紐約證交所成交縮減至13億股。

市場預計OPEC（原油出口國組織）會進一步減產，期貨價格顯示原油明年春季將會維持在每桶50美元水準。原油價格昨日上升，曾一度升至每桶46美元樓上，收市略為回軟，紐約原油收市報每桶43.52美元，上升3.5%。能源類股份成為推動大市上升最大動力。汽油生產商Chesapeake Energy，大漲22.8%至17.77美元，成為標普500指數的升市冠軍！ExxonMobil及Chevron上升 2.4%至80.07美元和3.8%至78.44美元；而煤碳生產商Peabody Energy亦大升18%至25.73美元。相信香港上市的煤炭股和油股仲有得炒吓。

黃金在美國市亦收報每安士808.8美元，重上800美元樓上。美國鋁業（Alcoa Inc.）上升6.6%至10.18美元，升幅為杜指之冠；美國鋼鐵（ US Steel）上揚7.6%至37.64美元。

內地經濟冷凍之快，令人擔憂，昨天先公布１１月的PPI（工業品出廠價格）急降至只有2%，遠低於市場預期的4.4%，顯示產品出廠價急跌。11月出口數字跌2.2%，是7年來首次下跌，但進口跌17.9%，跌幅更大，令11月貿易順差達400.9億美元，再創新高。匯豐預計明年第一季大陸出口可能會大跌19%，拖累香港出口出現負增長。匯豐又預計明年第一季中國會有通縮，所以將明年全年中國CPI(居民消費物價指數)由升2.5%，調低到微升0.2%。

  內地經濟在第四季急促跳入冰河時期，更驚嚇的數字還在後頭，內地權威經濟學家對陸羽仁話，工業增加值受外需不足導致訂單下降以及生產成本上升的影響，正在急降，按工業增加值推算，10月時工業增加值為8%，11月的GDP增長已跌到5%，11月的增加值急跌到5%，以此推算11月的GDP增長只有3%! 在內地的尺度看，這是十分嚇人的低增長，若11月只有3%，即使12月GDP增長因中央推出1000億救市資金而略升，整個第四季的GDP增長都不會超過4%，大幅低於第三季的9%增長，這也是中國極低的季度增長。

    權威經濟學家話，如果大陸今年第四季的GDP增長只有4%，明年首季的GDP增長很可能低於4%，試想中國希望明年保八，即GDP增長有8%，第一季4%不到，可知保八難度十分大，這是一條簡單的數學題，假設第一季為4%，第二季開始復甦急升至7%，第三、四季要有10.5%，才能保住全年有8%平均增長(上述數字只是數學推論)。在環球經濟前景未明的形勢下，大陸要拉動經濟明年第二季開始急促回升，到第三、四季有如此高增長，難度之高，可想而見。

    　過去一直推動中國經濟增長有三頭馬車: 外部需求、國內投資和國內消費三者中，由於環球經濟衰退，外部需求這個引擎近乎「熄火」，國內投資正相應急降，唯一剩下的引擎就是國內消費，所以中央要放水增內需抗通縮。阿爺深知第四季經濟急跌，所以在上月急急推出4萬億人民幣的救市措施，頂一頂先。昨日結朿的中央經濟工作會議，亦定出明年經濟工作的主要目標為保增長。基本做法是減息、減存款準備金、鬆銀根放水; 政府大力增加基建投資; 並用種種政策刺激內需，希望藉內需增長填補出口衰退之不足。

    內地冷凍速度驚人，好似昨天還是酷暑難耐，今天已進入冰河時期，香港亦難免受影響，大家炒股要執生，唔係唔可以炒，係要轉身夠快。

陸羽仁

http://www.hkheadline.com/blog/r ... rd=&searchtype=

Mr.Business

2008/12/12 上午 11:50:57  

陸羽仁覆網友

Ray：有蟹貨恒基和國泰想沽，建議若大市再上１６０００點樓上先沽一部份。另一方面，大市插緊，如大市穿１４０００點都可以離場。

你問我若大戶想快快手挾高走，乜嘢叫做「快快手」，第一種可能是短期再抽高，引散戶盲追就走，第二種可能係挾到期指結算，順住結算走（我估這種可能性較大），第三種可能是等埋１月２０日奧巴馬上台炒一炒才走，但我恐怕唔易捱得咁耐，如果係咁要炒到好高，但風險亦相當大，因為俾太多時候人地高位出貨。（大市因為美國參議院唔過救汽車業方案而大插，希望佢唔係咁快已經散咗水）

另覆Gigi，美元有少少見頂之象，但未確認，聯儲局下周議息，市場在炒美國減息０．７５厘，要等埋減息美元會唔會淡。美元指數８３點幾，已破大位，但呢個位１０月造過，若論走勢，跌到８１，就連長期上升軌支持位都穿埋，應可確認向下，但要看美國減息後美元會唔會好番，因為減０．７５厘後就無得再減。若減完息沽定後美元再向下，就可確認跌勢。

新股損手：若長線投資者買唔過，若短炒買貨記住１０％止蝕。

三心兩意：中國統計數字差，唔可以當好消息，因為若GDP真係太差，唔係咁易救。

若大市真係再升，好多人會改變看法。

Catjim:千億錢湧港，可能泊住存吓錢先，不一定係炒股。