【专题讨论】转载香港頭條網陸羽仁, 王雅媛的文章

Mr.Business

2008/11/25 上午 09:48:55  

陸羽仁覆網友

Jetfrey，S2000，小冒:渣打供股對公司係好事，對股東短期內是壞事，因為低價供股對股價有壓力。渣打供股價定咁低，係確保有銀行肯包銷，一定供股成功，當然佢會先問吓最大股東淡馬鍚供唔供。渣打管理層唔想俾英國政府注資，唔想被政府管死。

供股令股份供應大增，若唔供權益難免被攤薄，當然可以透過出售供股權補償。一般而言，股東仍是焗跟焗供，你們真正要問的問題是８０多元的渣打企唔企得住，照計供股令渣打充實了一級資本後，資本充足比率上番近８％，短期財政危機解決，唯一擔心明年英國經濟再惡化，渣打有重注的南韓台灣等地又唔好，未來業績仍有相當壓力，所以可以先供股，博佢消化壞消息後有一輪反彈，若股價過一段升回１００元以上時，可以將供來那部份減持，換馬到大陸銀行股，以分散投資。

花太：０４年買的匯豐到而家要蝕，按理如果唔等錢使，都係收「以股代息」唔好收現金息，因為收現息轉眼就使哂，收股票有長線複式增長的效應，但如果你係大戶，收好多股息又另計，可以將股息去買內銀股，如建行、招行，睇１０年增長應會好過匯控。

Tgl_vl：金曹講的國航分析完全同意，等佢跌番到１．５元然後開始慢慢分注買都未遲，唔使急喎。

Daidai:國壽在內地銷售的「投連險」應是買保險加買基金的產品，例如「裕豐投連險」來，就有不同的類型，例如「平衡增長型」、「精選價值型」或「進取股票型」等。相關報道見連結：

http://cnstock.xinhuanet.com/08j ... content_3811646.htm

碧鳯:你想我寫一啲由投資ABC講起的文章，或者可以係下一本書的題材，唔知你有無睇過我上兩本書,都可以參考吓。

木蘭：你早前問過我問題，我最近才看到。你話想加按樓買股票，始終這是一個借貸買股的行為，要三思，若要進行，都只宜買一些高息兼較穩陣的股票，要買都等到大市再穿１０６００點的底才買吧。

Investor123:你話你自己每年都在阿里巴巴落廣告，想分段買，阿里巴巴是科技股，跌咗好多，仲可以跌好多，跌多一半都唔奇。要買不能重注，用閒錢，將個位放位啲，分段買，買完急彈又沽番部份出去，賺吓價，儲啲子彈低啲又買過。

Mr.Business

2008/11/26 上午 11:38:43  

陸羽仁覆網友

poirot:我估你問為何納指期貨比杜指和標普期貨貼水，我估你睇到的是在非現貨交易時段(即亞洲市時)的成交價,成交較疏，和上日收市價的差別較大。

小安子:貓咪輸好多8號仔,所以聽到8字都慶,佢咁記得下次唔會再犯, 係好事, 好多人輸完就忘記哂。

Torreskk:我話失業對本地股較不利,因為失業影響消費和投資，對本地消費投資市場不利，但如果你買中移動，咁香港失業就同佢無關。

你問好多人話明年一二季更差，會唔會相反思維，先平穩再插過，我估唔會咁樣去相反思維，若是相反思維應該相信而家已見咗底。我認為今年１２月銀行年結前，佢地仍會好手緊，股市短期好難一片晴空。

Bdroom:所謂在熊市中買股，若快速反彈可在高位減持，在低１０至２０％買番，我係指大約跌回買入價買番（假設升咗１０至２０％），如果插得急，甚至可以低過前買入價才買，關鍵係要在大插時買番，用賺價來拉低手上持貨成本。

Iwin:揸咗人民要捱一段，今年年頭我已講，大陸俾人民幣升值２０％，已是政策容忍極限，之後再去買風險增高，未來半年大陸亦唔想人民幣升，若經濟唔掂，不排除再推低人民幣匯價幫一幫出口。但若你唔等錢使，本來也是長揸，拿回錢也是放在香港銀行，咁又未必要沽，因為講三、五年長線，人民幣都好難太弱，長線會慢慢走強，因為美元一弱時，要人民幣升值的壓力會上升，大陸點都會應酬吓。

一草一木：高息貨幣短期走勢仍弱，因為有減息風險，特別是歐洲經濟未跌夠，短線仲有得跌，若只是微蝕唔怕放咗佢，若蝕得多唯有坐吓，因為中線到這些經濟體減定息之後，美元又好難咁強啦。

Daidai:你想我講美國數據，我會盡量講吓，因怕其他網友覺得太悶，所以若無大意外通常略過不提。

MC:你問我點解覺得大市有機會回落到近１萬點水平，主要因為美股未跌定，仲係一級級向下的走勢，怕美國救市救到技窮，美股未定，港股跟佢尾會跌得多過佢。

S2000:若長揸匯控者都係收以股代息好啲，因為你收現金息，雞碎咁多，一定唔會攞去買匯控或其他股，都係會食埋佢，不如收股繼續投資。我自己一直收以股代息。若覺得匯控長線唔掂，應該沽咗佢，唔係選收現金股息。

熱門小馬：國企的管理層的確未得，但美國好得的管理層又唔係一樣搞出財技叠財技，累股東輸清錢？大陸管理層能力未夠，為害相對仲細啲。再加上國企衰咗有阿爺收拾殘局，都叫做好少少。十年後大陸巨企，高過去年高價，一啲都唔奇，但亦有可能有少部份被淘汰，所以買股宜略分散。

阿Tom hk：你話南航好平，買少少得唔得，若果真係閒錢，買入唔睇佢股價３年，我覺得得o既，大注就咪啦，因為會跌得更低。

木蘭：穩陣又高息，通常不是高增長股，４０５係其中一隻，但佢可以跌到１元，夠高息，但唔太穩陣。中移動相對穩啲，但唔夠高息。恒生幾高息，但股價還有下跌空間。

Sunny213:加按樓買匯豐，唔係唔得，但要考慮風險，第一匯豐可能減派息，供樓差額要頂得順。第二匯豐唔係唔會跌，佢供吓股就可能跌，要忍得住。

Mr.Business

注：此篇文章版权归香港頭條網所有。

金融High Tea——美國銀行排大隊伸手
2008-11-26

美股連續第二日大幅造好，刺激亞太區股市上揚，恒指跟隨高開554點，之後繼續保持升勢，上午中段，衝破13,000點，至最高的13,090點，大漲 633點。恒指之後掉頭回落，未能企穩13,000點，下午升幅繼續收窄，回落至全日最低的12,767點，尾市略彈，後抽逾110點，恒指收市報 12,878點，上升420點，升幅3.4%；國企指數收市報6,658點，上漲281點，升幅4.4%；紅籌指數收市報2,777點，上升53點或 1.9%。全日大市成交412億。恒生指數期貨收市報12,786點，上升301點，低水93點。成交115,055張。

        龍頭股礇控（005）股價及相關新聞主席葛霖承認，正考慮買入花旗集團部份合適資產，但花旗集團首席財務官GaryCrittenden表示，已無需要出售資產以提升資本。礇控兩周前資本仍然充足，但不排除集資可能，據說礇控一級資本充足比率達8.9%，除非進行收購，否則無集資需要。礇控收市報76.5元，上升2.3%。渣打（2888）股價及相關新聞宣佈供股復牌後升2.6%，我話如果佢升近100元，渣打股東不如咪鬼供，沽鰦佢先算，等遲鱓低位買番，點講供股都會令股票供應增加，中線有鱓壓力。

        美國政府亂晒章

        美國救花旗後市場初步反應正面，慢慢負面批評續至，主要話政府今次救花旗全面承擔其3060億美元有毒資產，一改過去入股金融機構的模式，其他銀行見到，會排住隊來，要求同樣以「花旗先例」救助。現時市場認為比較缺水的有進行了大收購的富國銀行及美國銀行，以及想轉做銀行的摩根士丹利。如果美國政府來者不拒，隨時要擔保過萬億美元的有毒資產，咁大條數，美國政府唔易捱。

        市場批評布殊政府救市救到亂了章法，連候任總統奧巴馬都忍唔住開口，話布殊政府的救市方向有少少混淆。

         中環茶友話，唔好以為救完花旗就一片晴空，佢怕美國救市的效果愈來愈短，7月時救完兩房仲可以定番個幾月，到9月救AIG唔救雷曼已經定唔到1個月，如今救花旗恐怕只有幾日穩定效果。所以大市唔係一片好景，佢亦唔係太同意摩根大通話港股見底之說。佢話美國都未跌定，港股又點會咁快見底呀？

         本地銀行經營前景惡化，香港金管局總裁任志剛在北京預警，現時經濟危機為「百年一見」，銀行經營環境的惡劣為他自任職金管局即15年來最差，提醒各界要做好心理準備，香港今年或有銀行「見紅」，他希望香港銀行在完善的管理工作下，即使見紅，數目也不會太大。

        根據金管局的資料，香港銀行的經營狀況自第三季以來，明顯轉壞。任總指踏入第四季，投資環境更會急轉直下，金管局預期，銀行要進一步作減值撥備及錄得投資虧損，經營成本及貸款虧損撥備增加，會對盈利構成壓力，預料銀行的貸款質素可能下降。

        德銀睇好恒生

        德銀預期，至2009及2010年香港銀行面對的挑戰將逐步上升，收入增長及淨息差受壓，近期資產質素明顯較差，相信中小企不良貸款比率開始上升。但德銀認為銀行股現價市盈率及市帳率便宜，股價已反映大部份負面消息。

        德銀在本地銀行股首選恒生（011）股價及相關新聞，認為前景較理想位置佔優，相信持續跑贏同業，評級為「買入」，目標價127元，恒生昨日上升8%；德銀評礇控為「持有」，目標價83元；中銀（2388）股價及相關新聞為「中性」，目標價8.6元，認為估值並不昂貴，但收入及淨息差受壓，以及資產質素逐步轉壞，短期盈利受威脅。東亞（023）股價及相關新聞下半年定存利率高企及淨差息遇壓，短期盈利面對太多頂頭風，相對大型銀行，資產質素問題更壞。給予「沽售」評級，目標價10.8元。

        另外，美股連續兩日大升，美元回軟，紐約期油急升近一成及黃金、銀、銅等商品價格止跌回升。相關類股份亦顯著造好。中海油（883）股價及相關新聞、中石油（857）股價及相關新聞及中石化（386）股價及相關新聞分別上升6.6%、4.9%及4.2%；金礦股升幅尤為明顯，紫金（2899）股價及相關新聞上揚6.1%、招金（1818）股價及相關新聞則漲7.2%；其他礦產資源股則個別發展，江銅（358）股價及相關新聞升2.3%、洛鉬（3993）股價及相關新聞漲5.1%、湖南有色（2626）股價及相關新聞大升6.8%；首長國際（697）股價及相關新聞逆市下挫7.5%，馬鋼（323）股價及相關新聞先升後跌4.8%，鞍鋼（347）股價及相關新聞則小升1.6%。不過若金銀銅鐵係炒美國市回穩，就小心穩得兩三日又有回馬槍也。

        陸羽仁

http://www.hkheadline.com/dailyn ... j%B6%A4%A6%F9%A4%E2

Mr.Business

注：此篇文章版权归香港頭條網所有。

包打天下         

2008/11/26 上午 09:43:42
網誌分類: 經濟

美國聯儲局再度豪擲8,000美元拯救住宅、個人及小企業貸款市場，刺激美股開市延續前兩天升勢，杜指急升至全日最高的8,607點，上漲164點，但其後如惠普等多家大型科技企業均發利淡消息而挨沽，杜指調頭回落，反覆向下，跌幅續漸擴大，下滑至8,300點邊緣，全日最低倒跌162點，股市上上落落，峰迴路轉，午後重拾升軌，尾市在8,450點間爭持，全日在升跌之間爭持20次，收市幸保不失，小升收場。

杜指收市報8,479點，微升36點，升幅0.4%；標普500報857點，升6點或0.7%；納指則微跌7點或0.5%，報1,465點。紐約證交所成交大增至近18.7億股。

杜指從低位7449點反彈到昨天高位8607點，只比前日的高點8599點略高8點，造出一個小雙頂，顯示第二次衝到這個高位又有大量沽盤湧現，令指數調頭，恐怕8607點已是美股這一個反彈浪的短期高位，美股插得快也彈得快，全部在兩三日內完成。

今次聯儲局的8000億美元救市大計，並唔係舊計劃，而是新計劃，是繼承擔3060億美元風險救花旗集團之後，美國政府的升級救市行動。聯儲局宣佈了總計高達8,000億美元的最新救市方案，主要由兩部分組成，第一部份是聯儲局將會動用6000億美元回購政府相關公司發行或由政府擔保的債券，包括購入房利美(Fannie Mae)，房地美(Freddie Mac) 和聯邦房屋貸款銀行(Federal Home Loan Banks)總值1,000億美元的直接債務，以及兩房和吉利美(Ginnie Mae)三家公司價值5,000億美元的抵押貸款證券(mortgage-backed securities)。此舉旨在增加兩房等機構自己發行的債券或由它們打包發行的按揭證券的流通性，即係無人買那些債券就由政府買，等如政府直接做莊。

第二部份是動用2000億美元，由聯儲局設立新的資產抵押證券貸款工具(Term Asset-Backed Securities Loan Facility，TALF)，增加信用卡、汽車、學生等各類型貸款證券的流通。過去金融機構借出這些貸款後，就會打包成抵押貸款支持證券(其性質是債券)出售，如今這些抵押證券無人吼，倒過來令金融機構不敢借錢出街，要借就要收高息，將來金融機構以信用卡、汽車或學生貸款包裝出來的抵押證券，如獲得AAA的評級，買入這些證券的人，可以利用新機制，將那些證券拿去向政府抵押去借政府國債(即是變相借錢)，即係話政府包保這些證券可以變現，唔使驚買入後大跌價兼無人買搞到一身蟻，這也是一個間接方法，等政府為這些抵押證券做莊。

聯儲局官員說，這是它們首次通過這拆借機制，接受以抵押貸款支持證券作抵押品，借國債出街。美聯儲定於27日起每週通過拍賣方式向金融機構拆借這筆巨額國債。上述兩項措施的實施都將持續數個季度至2009年12月31日。另外，在聲明中，那些計劃參與TALF的金融機構，必須願意遵循或者已經遵循聯儲局在今年10月所制定的高級管理人員薪酬約束條例。

市場認為，聯儲局之所以選擇此時再次推出大規模的救市措施,主要是為了防止美國金融體系的全面崩潰及阻止經濟進一步衰退。現時，信貸緊縮的範圍不斷擴大，家庭貸款已陷入停滯的環境，房貸亦唔郁得。聯儲局過去1年將目標利率由4.25厘減到1厘，但同期美國房貸利率仲加了，去年是5.95厘，現時是5.98厘，主要因為按揭證券公司把房貸打包出街都無人想要，唯有高息引客，房貸利率因此高踞不下。在昨日聯儲局救市的消息公布後，房利美和房地美的5年期債券比國庫券高的息差，馬上跌0.34厘，跌到1.02厘息差。

又例如由學生貸款打包成的債券利息，現在比同期倫敦銀行同業拆息高3厘，而今年1月時只是高0.6厘，同樣也是無人吼要俾貴息，新政策出現後，估計利息會回落。

另外，根據救市計劃，美國財政部將向聯儲局提供價值200億美元的「信貸保護」(即係話聯儲局因借貸而蝕錢就由這200億去補)，而這些資金將來自於美國政府此前公佈的7000億美元救市計劃，這也意味著財長保爾森要再度擴大救市計劃的範圍。

不過亦有人擔心美國這樣「包打天下」，將來會有後遺症，Miller Tabak債券市場策略師克雷申奇(Tony Crescenzi)表示，「如果聯儲局與財政部在支撐美國的金融系統，那麼誰在支撐美國？但投資者當前把這一問題放在一邊。」我就認為，美國水浸眼眉，將來係點都唔理得咁多了。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——結算近大夾淡倉
2008-11-27

美國政府推出8,000億美元借錢買債券救市措施，美股無乜力再升，恒指昨日卻繼續造好，高開111點後反覆向上，半日已抽升439點，下午略為回落後再頂番上去，恒指以全日最高位收市，收報13,369點，大升491點，升幅3.8%。恒生指數期貨收市報13,285點，上升499點，低水84點。國企指數收市報6,934點，上漲276點，升幅4.2%；大市成交417億。

        港股昨日表現相當強勁，雖然話美國聯儲局大力放水，但早一晚美股杜指只升36點，升幅0.4%，比港股早開市的日股亦跌，但港股一開市就升，而且愈升愈有，仲帶了部份亞洲股市上，如果話香港升市係因為聯儲局放水，無理由香港威過美股、日股，如果話香港因為內地大幅減息而偷步升，但內地上證綜指也只是微升0.5%，今次減息似乎又保密得好好喎。

        「勁假時段」亂晒籠

        中環茶友話，近排好多散戶都睇淡，期指都沽鰦唔少啦，所以大戶就借住明日期指結算，趁機大夾淡倉，殺到明日就將淡友全部挾死啦。咁飱內地在昨日港股收市後公佈大幅減息，大戶更如有神助，今日應該會發力頂高等期指結算啦。

        茶友又話，大戶隊高礇控（005）股價及相關新聞，就頂住指數上鰦114點，另外又大力炒高地產股。你睇昨日收市前競價時段，礇控又被嘜高1元，以81元收市，大升5.9%，真係做到出晒面，難怪經紀們都叫競價時段做「勁假時段」，加上前日大摩MSCI指數換馬，又在競價時段搞到一堆股份狂升急跌，例如隻中大印刷（055）股價及相關新聞被踢出MSCI指數，前日急插31.1%，主要在競價時段跌，昨日又急升番32.3%，識得玩呢鱓指數換馬兼在「勁假時段」造馬的大戶，相信都賺到笑，唔知交易所諸公知唔知民意已經怨聲載道呢？

         人民銀行在收市後突然出手大幅減息，刺激內地經濟，人民銀行宣佈，從今日（11月27日）開始，下調金融機構一年期人民幣存貸款基準利率各1.08厘，係 11年以來最大的減幅，令一年期存款利息減到2.52厘，貸款利息5.58厘。另外，人行又宣佈從08年12月5日起，下調工商銀行（1398）股價及相關新聞、農業銀行、中國銀行（3988）股價及相關新聞、建設銀行（0939）股價及相關新聞、交通銀行（3328）股價及相關新聞、郵政儲蓄銀行等大型存款類金融機構的人民幣存款準備金率1個百分點，並下調中小型存款類金融機構人民幣存款準備金率2個百分點。

        未減完息人仔有壓力

         內地今次出手咁重，令市場有少少意外，除鰦話因應上次國務院的要求外，相信內地經濟情況都幾嚴峻，一直有傳聞話按現時走勢，若果阿爺唔加快做№，第4季 GDP可能跌到6%；世界銀行剛剛將中國明年GDP增長，由9.2%調低到7.5%，所以中國要全力出招，力保明年有8%的增長。內地專家估計，人行將來可能要再減息1.08厘。若然係咁，一年存款利息會減至1.44厘，相信人民幣匯價還有點向下走的空間。

        阿爺出重招，對股市有短期效應，內地股市而家1897點，可能會炒一炒，對香港H股也有利。

        銀行股中以渣打（2888）股價及相關新聞表現最靚仔，里昂維持渣打「買入」，以反映供股集資提高資本屬正面，目標價削至104元；高盛則降渣打目標價至89元。渣打建議以每股45.11元，91供 30股，明天除淨，該股繼昨天反覆重上90元兼成交倍增，最高見103元，收市報99.8元，大升10.5%。如果渣打除淨後又再彈番上現價，個供股權隨時每份值50元樓上，若然係咁，股東真係唔使客氣，先沽供股權套現較為上算。

        地產股普遍造好，升幅明顯，長實（001）股價及相關新聞升5.3%，將推出新盤的新地（016）股價及相關新聞升8.6%、恒地（012）股價及相關新聞升6.9%、新世界發展（017）股價及相關新聞升5.2%、信置（083）股價及相關新聞升8.2%、恒隆（101）股價及相關新聞升4.8%；而收租股九倉（004）股價及相關新聞獲高盛納入該行亞太區「確信買入」名單，認為目前股價折讓60%，比率過高且不合理，維持其目標價24港元，九倉股價大升12.9%、太古A（019）股價及相關新聞升4.5%。樓價未跌完，但市勢定一定有番少少成交，地產股先行反彈，但嚴冬未過，似乎未到春暖花開的日子。

        陸羽仁

http://www.hkheadline.com/dailyn ... A4j%A7%A8%B2H%AD%DC

Mr.Business

注：此篇文章版权归香港頭條網所有。

熊市反彈
         
2008/11/27 上午 09:28:25
網誌分類: 經濟

美股連續第四天造好，送俾全世界一個不錯的感恩節大禮。由於政府公佈的經濟數據比預期差，美股昨日大幅低開，杜指開市即下滑至8,311點，較上日跌168點。不過，油價回升、科技與汽車股的走強、加上奧巴馬在連續第三天的記者會上宣佈成立經濟復興委員會（Economic Recovery Board）挽救積弱的經濟，委任前聯儲局主席保羅沃爾克(Paul Volcker)為該會領導，大市在各種利好消息影響下止跌回升，下午越升越有，杜指由低而高倒升416點，至全日最高位收市。

杜指收市報8,727點，升247點，升幅2.9%；標普500報888點，上升30點或3.5%，指數四天連續攀升，創了自1933年以來連續升幅的最高記錄；納指則漲67點或4.6%，報1,532點。紐約證交所成交逾14億股。

杜指再上破那次反彈浪的高位，比７４４９點的低位反彈了１２７８點，反彈了呢一浪跌幅的５８％，若要反彈跌幅的６７％，就要升上８９２５點，由此觀之，杜指升了４日雖然距９０００點之位不遠，但要升穿９０００點兼穩守其上，難度不低。

講數據美國的數據差到極，美國商務部公佈因全球經濟放緩，國內外的需求急降，十月份美國耐用品訂單下降了6.2%，降幅創兩年新高。經濟學家此前的預期為下降2.5%，實際數字遠低於預期。上月消費者開支則下降了1%，創自2001年9月以來最大降幅。

失業數字略佳，上周首次申請失業救濟人數下降，但四周平均人數創25年新高。另外，十月份新屋銷量下降了5.3%，經季節調整後按年率計算達到43.3萬套，為1991年以來最低水準。因失業增加、收入下降以及家庭財富蒸發，十月份消費下降了1%，為2001年以來的最大跌幅。零售商正憂慮，佔全年銷售額三份之一的旺季──11月及12月銷售情況將會很差。

股市的好消息是油價反彈推高油股和候任總統奧巴馬公布的經濟鴻圖。中國和歐盟相繼宣佈了力度巨大的救市方案，中國勁減存貸利率1.08厘至5.58厘，這是11年以來的最大減幅。而歐盟委員會在布魯塞爾通過了大規模一攬子經濟刺激計畫,規模將達到2000億歐元（2590億美元），佔歐盟區GDP的1.5%。其中歐盟成員國將承擔各自GDP比例的1.2%，剩餘的0.3%由歐盟基金承擔。

中國和歐盟的救市措施加上俄羅斯聲言會減少原油產量，令油價反彈，紐約1月期油合約上漲3.67美元，收於54.44美元，漲幅為7.2%。油股Chevron及ExxonMobil分別上揚4.4%至79.93美元及 3.7%至80.89美元。

    奧巴馬則委任高齡的前聯儲局主席沃爾克出任新設的經濟復興委員會主席，差不多把街外非共和黨系的經濟猛人盡收新政府內。美國各界對於奧巴馬連續三天在記者發報會公布經濟班子，反應不一。NBC新聞的政治總監Chuck Todd便表示，奧巴馬在傳媒的高頻率現身說法，無疑是在玩政治遊戲，雖然短期內可以刺激人民的信心，但會產生效率遞減效應(Marginal Diminishing Return) ，尤其是市場「衹聞樓梯響」，又見唔到實際的行動，對奧巴馬日後的管治帶來不好的影響。

    講真，而家唔止奧巴馬的宣布慢慢出現疲勞，美國市場人士和國會議員對連番的救市措施，都出現「救市疲勞」，私下問幾時救得完。美元的反彈強勢亦開始有少少疲態，反映美元兌6大貨幣的美元指數昨日雖然反彈了0.8%，回到85.67，但論走勢有少少轉弱跡象，未來要守住83呢個近期低位，若跌穿此位，小心美元轉勢。

        Bank of  New York Mellon的高級策略師霍克(Michael Folk)話，美元這幾個月的強勢，只是美元熊市的反彈，美元前景並未改觀，近期出現聯儲局出8000億美元救市及奧馬巴公布經濟班底等好消息，令投資市場稍為舒緩，就減慢了投資者沽出非美元的投資組合，拖慢了資金回流美國的速度，馬上影響了美元匯價。

     態市的反彈有時似模似樣，不要以為牛市已經來臨。

陸羽仁

http://www.hkheadline.com/blog/r ... rd=&searchtype=

Mr.Business

2008/11/28 上午 10:54:37  

陸羽仁覆網友

Robert:持有渣打, 一係供股, 一係把供股權賣掉, 如何處理就要看你點睇未來半年渣打的股價走勢。

Bran:過去每次大跌市大加大救市後，股市都會反彈１至２個月，但９月大跌後一直彈唔起，仲快速向下。或者今次各地政府出完咁重力，股市有較像樣的反彈都唔奇，但我自己唔敢太樂觀，更唔敢預測牛市已到。

樓市大跌後企番穩有番啲成交，亦係正常反彈，但彈完小心明年農歷年後要再插。

潘記：你問買樓選定息按揭有無著數，而家利息唔太低，選定息要多付保險費，再加上香港定息定一兩年定得唔長，唔係幾著數。另外買樓唔使太心急，樓市略反彈後，明年還要再尋底。

Sun:你問渣打大供股為何大升，一般三四線公司供股，在供股交錢前會炒高，引你去供，供完就跌到突。先假設渣打唔會做呢啲嘢，大供股股價要先，或許反映市場好受，認為供股後充實了資金，渣打可以安全著陸。但我無咁樂觀，主要係英國及渣打業務較集中的亞洲地區似未跌完。渣打故事未完，睇三幾個月才知結果，講如果匯豐同樣做有何效果，不如睇睇渣打結局如何好啲。

你說得對，如果兩年後仍未重返大牛市，香港明年２００９年底已可能有大赤字，隨時有１０００億，２０１０年不能再忍受這樣高的赤字，到時就要開源節流了，不過我估政府都唔諗得咁長遠。

Connie:你有３５０萬現金，想在０９或１０年買兩層樓，一層自住一層收租，另外５０萬買盈富，由１２０００點開始，分五注買下去。我覺得你的計劃大體，上不錯，明年一季度以後，樓價應要再向下試底，那時開始睇樓，出低價如沙士價去試價，先買自住樓。買盈富無意見，但長線可能買H股２８２８好啲，也是用同一方法分段買。

如能冒大少少風險，你買第二間１５０萬元的收租樓，在香港無乜好選擇，可以選大陸大城市如北京、廣州、深圳市中心地鐵上蓋樓，長線可以跑贏香港，記住要平，可能避開新盤好啲（因為二手可能較平），但隔山買牛，收租較煩。

Starlight:現價買中移動、建行、工行略貴，等吓吧。

中年股壇初哥：你有美元想換回港元，近日是好時機，因為外資流入，港元經常升近強方保證（即上限），可以趁金管局注港元入銀行體系那些日子換。

Fatfat1389:美國的情況瞬息萬變，近期可能倒閉的有車廠、航空公司，我估新政府會救車廠，航空公司就未必救了。另外商業銀行還有煲要爆，未有咁快完。

Muse:渣打有三手，可以先沽一手，等如把供股那一手沽掉，候低買回或候低再換內銀股。

FW:你９７年買新界藍籌屋村，租了出去，想買港島東區樓長線自住。買樓自住我唔反對，唔好買太貴太豪就OK，記住自住樓部份是消費（因無租金收入）。

想樓好定買股好，看你的自制能力，一般人買樓好，減少無謂進出。

長線供紅色大股可能好過供匯豐，因為中國處於高增長區，食住呢個增長２０年就OK。

Mr.Business

2008/11/27 上午 11:11:17  

陸羽仁覆網友

Dickkwo:美國救市８０００億美元，聯儲局的流動資全部「印出來」，即係開支票出市場，但佢話用８０００億只會蝕其中幾百億，其餘唔使蝕喎。上市公司要Mark to market，但聯儲儲局盤數唔使Mark to market，若要Mark to market，唔講救債市那８０００億，只計接下花旗的那個３０６０億美元爛帳盤，一Mark to market可以馬上唔見１００００億美元。

不過美國佬救市救到眼紅，都唔理得咁多啦。

Chrislee：美國不計後果去救市，我又唔覺得美股到咗底，亦唔覺得美元到咗底。

MC:美元走勢見今天網誌，短期反覆，中長線看淡。

Bdroom:我唔建議人買新界樓，亦唔建議人買新樓，因為香港樓市大陸化，新樓有Marketing，隨時比同區１０年樓齡的屋村樓貴兩成以上，買新樓５年變舊樓，所以我唔係太鐘意買新樓，市區地鐵隨近大型屋邨１０年或以上樓，取價較相宜，合自住和投資，講炒未必係最好。香港經濟成熟化，物業地區差異拉大，新界樓隔條隧道，長線投資價值又差啲啲，唔近鐵站再差啲啲。

Andy:大陸股市在２０００點樓上可以趁高沽番少少出街，反彈完應會再尋底。

小小魚：你希望我在新書加大字體，我怕其他讀者以為我想騙錢喎！我都傾向較一些顯淺理論，例如炒股要止蝕，鈍劍無鋒，大巧不工，我教你數浪無用架，較你唔對路要走人實際一點。

GIGI:你話澳門仲人山人海，唔知你話本地人定係旅客消費，因為聽講賭場好慘，因為賭客減少，供過於求，間間都唔夠做。股市真係可能未見底。

Twohitsix:你持有自然美，復牌價低於私有化價好正常，因為反映緊私有化不成功的風險，佢私有化係數票，唔係數人頭。佢應該在港投票。

若私有化失敗，都唔好增持，因為股價有好多原因可以跌，如果老細真係想私有化，再插低啲你地就會讚成。

Tonton，逸文:你問今次反彈升穿上次的１５０００點，是否意味熊市已完？首先要睇呢件事會唔會發生，第二升穿之後企唔企得穩。當然如果各國政府真係咁有力，邏輯上可以唔再跌直挾番上去，不過出現這種情況的機會幾細。

各國有型之手可否縮短熊市，真係無人知，呢次熊市來勢之猛史無前例，而各國救市力度亦史無前例，直覺覺得美國個黑洞仲好大，即使最後救得掂，中間仲好多波折。

Tonton手上無貨１１０００點入少少貨都可以。逸文問宏利，佢會跟環球大市，之前我一直怕保險股，怕佢地啲投資風險，但如今已經跌唔少，等下一浪打到來時，大市回深啲時可以吸第一注，約在港股再試底時。記住唔好急，大市仲有排跌。

YY太：呢個係世紀一遇的危機，買股切忌冒進，採取唔賤買唔的方法，唔係跌市，係恐慌大插時才開始買，不要急，唔好怕買唔到，買完彈得太急，又沽番啲出去遊吓水，慢慢儲貨。

Jeffrey:渣打今日除權，但供股權等吓才可以買賣，唔賣唔會自動供股，記住搵番自己個經紀話你想供股，叫佢幫你安排，你唔賣供股權又唔知去供股，即係自動放棄，極之蝕底。唔想供記住賣供股權。

S２０００：收匯豐現金股息如果唔係食哂，放去供招行和國壽，都係好安排，跑二十年，應該招行、國壽跑贏。

Brian:中鐵可以定番５元作止賺位，跌穿走人。若上升就推高止賺位。

阿K:你問對沖，有現貨買熊證對沖，沽咗熊證，不再有對沖，只是用熊證所賺減低成本，連現貨都沽埋後，當然唔係對沖，無持貨仲對沖乜？沽貨本身唔係對沖。

買put做對沖，你問現價好還是價外好，在價期權相當貴，價外期權如１５００點價外，這１５００點就無保障，而家買put做對沖好貴，主要對沖大跌風險，當中遇到大跌要食糊，每月月頭做一張價外２０００點PUT，唔係唔得，記住食糊，坐得耐時間值代價好大，長坐好易輸，以食糊所得沖低持貨成本。

沽小期指對沖無咁大時間值成本，但想沽３張小期指對沖現貨，唔係月頭沽，而係等反彈到高位時候沽，大跌時也要食糊。

Mr.Business

注：此篇文章版权归香港頭條網所有。

金融High Tea——股民患上救市疲累症
2008年11月28日

內地大幅減息減存款準備金率、美股昨天大升，加上今日期指結算，三管齊下，淡倉被夾個不亦樂乎。恒指昨早高開532點，升至全日最高的13,931點，挑戰14,000點關口不果，指數掉頭回落，下午恒指跟隨內地A股回落，拾級而下，升幅不斷收窄，由最高直插近600點，最低倒跌36點。尾市後抽218 點。恒指收市報13,552點，上升183點；國企指數收市報7,121點，上漲187 點，升幅2.7%，全日大市成交只係502億。現貨月期指以13,717點結算。期指收報13,580，升319點，比現貨高水28點，成交81,399 張。

美國今晚為感恩節假期，股市休市，港股失去外圍方向，好大機會自由浮動一番。市場昨日焦點係內地大手減息，但睇番成個月走勢，好清楚係典型夾淡倉行動，通常大戶係缺乏方向的市況下，會任由大市係下旬插低，趁呢個機會轉手造好，跟住到月尾就托高結算，昨日大戶夾倉真係一元都賺到盡，最明顯係上晝托高鰦指數，到下晝收夠籌，臨尾一個鐘就放軟晒手腳，全日結算個價就「塌塌軲」，幾乎一點都無浪費。按正常情況，下個月月頭應該又係自由浮動時段，由於無鰦大戶有型之手，個市反彈力度就受到考驗腬！

夾高結算典型走勢

對於大市中期走勢有證券分析師表示，全球經濟已經歷了最困難的時刻，目前正處於緩慢回穩階段，除非還有大公司倒閉，港股將步入技術調整反彈期，跌破 10,670點的可能性不大。摩根大通在周二舉行的2009年亞洲及新興市場選股策略記者會上，其董事總經理兼亞洲及新興市場首席股票策略師Adrian Mowat估計，香港股市走勢「已經見底」，建議增持中資類股票。

內地大幅減息，內房股繼前天偷步上揚後，昨早再度借勢炒上。龍頭股中海外（688）股價及相關新聞 大升7.58%、華潤置地（1109）股價及相關新聞升5.32%、遠洋地產（3377）股價及相關新聞升5.3%、雅居樂（3383）股價及相關新聞升7.2%、世房（813）股價及相關新聞升9.7%、富力（2777）股價及相關新聞及合生創展（754）股價及相關新聞勁升12%和14%。不過，評級機構穆迪昨日發表報告指出，預期相關地產商將面臨嚴峻考驗，並給予內地房地產商在未來12至18個月評級展望為「負面」。

內地管理層由關注經濟過熱轉為擔心增長放緩，大力放寬信貸去催谷市場熱度，對備受銀根壓力的內房股係好消息，但中環茶友笑言，市場現在患上救市疲累症，當bailout成為今年最熱門詞語後，投資者對挽救或振興經濟措施已懶得作出反應。

從客觀效果鈬講，政府措施通常都要一段時間先發揮作用，而且通常係政府做降溫，效率會比刺激高好多，內地近幾年的房地產熱，誘因之一是全球大量熱錢湧入，谷高內地資產價格，現在熱錢減退，就算政府放水，但少了外資催動的購買力，樓房地產市道是否好似食完特效藥咁話好就好，真係認真難講。

最新業績未反映放緩

同一時間，公司公佈出來的業績，開始反映放緩影響，莎莎（178）股價及相關新聞昨日公佈半年業績，生意下滑約百分之三。

上半年本港市道仲係唔錯，當時做生意最主要係應付成本上漲問題，包括租金同人工，但九月份雷曼倒閉，跟住十月爆發全球性股災，港股出現巨大跌幅，消費跟住先放緩，換言之，美國金融海嘯的沖擊，並未係九月份的結算日前反映出來，亦即係話現在好多股份經過大跌，市盈率數字變得都好吸引，但數據都係歷史，不能代表金融海嘯後的情況，估計生意低潮會未來半年陸續浮現出來。

好似莎莎公佈半年純利跌3%，已經係相當之醒，不過真正考驗係下半年，因為大部份零售商要捱高峰期的成本，包括上調鰦的租金同人工，同時又要捱低潮期的生意，以零售業一般只有幾個巴仙利潤，好易就蝕大本，莎莎今年並無大肆擴張，加上手頭現金充足，故此可以派發特別息，成為支持股價的因素，所以在公佈前兩日，股價開始由低位反彈。可以相信，零售股中，並非間間好似莎莎咁手頭大把錢，可以借派高息來支持股價，如果公司因為過度擴張影響業績同現金流，純利倒退兼減少派息，股價可以跌到好殘，所以零售股雖然有聖誕大平賣，但是否執得過，都真係要戴眼識股先好買。

現代美容（919）股價及相關新聞宣佈，曾裕因健康理由辭任公司行政總裁、執行董事、董事會主席、薪酬委員會主席及提名委員會主席，以及薪酬委員會成員及提名委員會成員之職，由2008年 11月26日起生效，任執行董事及副主席李守義，曾裕因為私人投資，早前傳出同投資銀行有爭拗，今次公司人事變動，多少又會觸動市場神經。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

原油熊市         

2008/11/28 上午 09:29:09
網誌分類: 經濟

昨日感恩節，美國金融市場休市一天，無美股可以睇，在期指結算挾高的港股，在大戶放軟手腳後，暫時可以游吓自由式，隨市場力量飄浮。

借美股休市的空檔，我想講講油價。這一次金融海嘯殺人之處，主要是乜都跌，股票跌極唔停，以油價為首的商品曾經大升但最後則暴跌，曾經因急升的外幣亦美元大反彈而爆煲，無一種投資產品可以做避難所，令大量投資者中招，好多對沖基金沒頂。

油價關乎民生，其走勢值得關注，近原油價格在每桶50美元關口上躥下跳，在假前紐約期油收53.87美元一桶，而11月21日曾經造出48.25美元的低價。油價在今年7月造出了147美元的歷史高價後，至今跌近7成，油價急促爆煲，滑入熊市，當中的反彈快而短，跌勢勁而急，現價已跌到06年頭的水平，過去兩年油價平穩上升，但過去5個月卻急跌而落，好似一個懸崖咁滑波，若再跌到40美元大關，已是03年的價位，油價急升令人意外，但下插得咁急，亦同樣出人意表。

油價急插不僅普通投資者心中無譜，國際投行對未來油價走勢亦眾說紛紜，摩根大通最低睇35美元，而高盛則認為，明年底油價將重返100美元之上。

淡友主要是摩根大通和德意志銀行。摩通認為，如果OPEC（石油輸出國組織）不進行大規模減產，原油價格可能會跌至每桶35美元，摩通商品研究主管伊格爾斯預計，全球經濟的暗淡前景可能會導致明年出現自上世紀80年代以來的首次原油需求萎縮，OPEC必須削減300萬桶日產量，才能填補原油需求的下降黑洞。

摩根大通日前將2009年油價預期從10月份的74.75美元一桶降至69美元一桶，預計2009年全球原油需求將縮減至每日52.7萬桶，而且這也是依賴中國需求增長相對樂觀的預期。摩根大通認為，OPEC有減產以抑制油價下跌這一劑萬靈藥，但如果該組織因種種原因未能大幅減產，就將依賴於其他產油國降低產量。而非OPEC石油輸出國和國際石油公司，如埃克森美孚等，能夠承受的油價則要低得多，大約為35美元一桶，所以油價可能跌至這個水平。

德意志銀行則認為，金融危機造成各國對原油需求下降，更高效的煉廠投產，生產成本下降，2009年油價最低可能降至每桶40美元。

而好友則包括一向睇好油價的高盛和商品大王羅傑斯（Jim Rogers）等。高盛曾預測油價上150美元，到油價升近150美元時，高盛更調高預測至200美元，不過200美元這個天價始終未有出現，高盛認為，過去一個月內全球範圍內推出的一系列經濟刺激方案，將帶動油價上漲，而OPEC減產可提振油價，中國市場的需求亦支持油價，所以佢估計油價可望在2009年年底反彈至每桶102美元水準。

大好友羅傑斯雖然成功預測商品在99年開始由熊市轉入牛市，而佢本人亦因為買重商品而獲鉅利，但呢一次商品急促墮入熊市，羅傑斯亦跌眼鏡，不過佢不改好友本色，如今仍堅持油價還要「牛」幾年，如今只是調整 (從高位跌價70%的調整也未免過大了)。佢話，由於未來經濟局勢不明，投資者紛紛回收現金進而不計成本地斬倉，大量商品沽盤在市場中以幾何級數放大並引發了更大恐慌，導致油價過度下跌，短期巨挫無關原油基本因素，未來市場供求關係依然如故，原油牛市還會持續數年。他強調，原油及其他基礎商品供給在下降，需求上卻在上升，從長期看價格肯定上漲。

     我自己則認為，油價升會升過籠，跌亦會跌過籠，跌穿40美元一啲都唔奇，而若要講基本因素，油價復甦要睇環球經濟衰退何時過去，而過去之後是急彈還是慢慢康復，都會影響油價，所以我認為高盛話明年底要見100美元似乎過份樂觀了，假設明年年底是經濟復甦的初階段，油價在40至60美元間上落，是合理的水平，要承托100美元的油價，美國經濟要回復正常增長，中國增長要進入10%以上的過熱狀態，不是明年可以達到。當然，美元走勢會影響油價，若美元驚人急滑，以美元報價的原因就會急升，但這是例外，不應是常態。

    明年油價若維持在較低水平，通脹有望保持在低水平，經濟發展較弱地區甚至有機會通縮，各國面對的問題一下子由經濟過熱變成經濟過冷，市民的銀紙會更見使。還有就是採油成本較高的油公司有排捱，以中海油(00883)股價及相關新聞 為例，其首席執行官傅成玉話，誰都不知道油價將跌至何水準，但多數人表示在40美元左右，在國有石油公司計畫的新的深海開採項目中，達到盈虧平衡的最低油價約為每桶60美元，最高約為90美元，現時油價佢賣油要蝕。由於可見，中海油的採油成本遠高於國際同行的30多美元陸上採油成本，所以若油價持續低企，對中海油的壓力不低。

陸羽仁

http://www.hkheadline.com/blog/r ... rd=&searchtype=

Mr.Business

2008/12/1 上午 11:15:16

陸羽仁覆網友

Piker:油價睇走勢唔係咁好，對中海油不利，三隻石油石化股中，中石化主力下油銷售，油價下跌對其有利，加上中國推油品改革，建議油價８０美元以下成品油跟市價，即係話８０美元以下時，中石化不再承擔油價風險，國際油價升，佢可以照加價，若估未來油價難望穿８０美元，可以等大市回落時吸納中石化。

水晶宮主：你問花旗獲救A５０係唔係可以安全地供，經過雷曼事件後，我唔攼講乜嘢係安全，只能夠話A５０的對手風險下降咗，若其投資佔你總量一兩成，萬一佢死咗你都唔傷心，咁就無壞o既，否則不如轉去供其他較穩陣的H股或A股基金。

Chrislee:你問油價３５美元時是否入貨時機，當然油價跌得急而深時，可以入市博反彈，但要明白炒作的風險。

Bdroom:在一個未成熟的物業市場，好易亂炒，特別是牛氣沖天時，一線地區太貴，就輪住炒二、三線地區。但最近呢個浪，你會見到無人炒新界樓，除了新樓亂開價亂賣外（例如新界House 賣８０００元一呎，隔幾條街二手仲賣緊４０００元一呎），其餘有得炒主要係港島樓及西九新區，特別係山頂樓（個別區炒收購）。大部份地區炒作少，樓價升幅也有限。

嵐岸的情況不熟，但要比較佢同同區附近樓盤的差價，差價大制唔過。我話唔太建議買新樓或半新樓，主要係佢地和同區樓有較大差價，五年過後，呢個差價可能會拉平。

潘記：第一城美孚太舊，地區略遠，但太古城OK噃，地點一流，你老咗層樓５０歲，我估佢樓價一樣咁硬淨。

我話開定張支票，當賣家開價３００萬，按當時市價２８０萬可以成交，你估樓價隨時再跌多一成，會跌到２５０萬，你就開１２．５萬的支票俾經紀，簽好哂指定作某單位的按女，證明你係實客，願意出２５０萬那個單位，經紀一定會死命游說賣家，佢一同意就可以做成生意，唔怕你縮。但出到支票，自然係一個低價，若唔夠低，你一出票就俾人食架啦。

Lovelygirl:供開金磚四國基金，或可集中供中國基金，已供的基金放在一旁守幾年吧。

Catjim:港股短線一級級上，似是一個大跌後的一個大反彈，可以維持一兩個月，所以未必會短旗內急插，除非美國短線定一定都做唔到。再穿１０６７６點的機會仍有存在，在熊市反彈中，彈得愈高，下一波下行的可能反而增多，若果佢牛牛皮皮唔上唔落好悶，反而會慢慢步入安全階段。

美國推８０００億救市，未必救到信用卡，主要看失業和樓市，若失業持續升，樓市跌唔停，美國信用卡市場好危。

中長線而言，中石油和中海油當然有其投資價值，但油價弱，特別對中海油不利，所以想長線投資，也最好等佢深度下跌至算。反而再生能源和環保熱，不是問題焦點，經濟衰退才是焦點。

影子一號：各國央行話減息，最受惠是最缺水或負債高的公司，但他們住住是最高風險者，其次是做這種生意的銀行。

S2000:有人話見底，信住佢３成，就用信３成的方法去處理，因為信十足就要瞓身入市，我就覺得風險略高啦。

YY太:想買澳紐幣，要睇兩樣，一是美元見頂回落勢成，要睇美元指數，目前未到此地步，二要睇當地減定息未，如果佢地一厘一厘咁減，都幾驚嚇。

Mr.Business

注：此篇文章版权归香港頭條網所有。

金融High Tea——做有錢佬唔做抹車仔
2008年12月1日

星期五本來是一周之尾，到5、6點更是放假賀爾蒙勁升之時，平時無乜人搵我，但上星期卻是電話不停響，訴說一個又一個金融海嘯的故事。

第一個古仔係有銀行界老友來電，話有間內地地產公司好慘情。內地地產公司水緊人盡皆知，問題係緊到乜№程度而已。朋友話呢家公司過去兩年新上市有水太冒進，在內地買鰦大量地皮，在各省市遍地開花，一場風暴到來，埋單計貼現價唔見鰦200億，咁大個黑洞，唔知點去填。間公司早前有一筆3億美元（23.4億港元）債到期，銀行唔想續借，公司唯有出高息引銀行，結果要俾20厘高息，內地公司問高利貸借錢出到30、40厘唔出奇，但問銀行借都要俾咁高息，可見銀行信貸之緊，間公司單係這個債一年就要俾4.68億港元利息，你話點頂，睇鈬佢都係事急馬行田，借住貴債續纒命先，將來唔諗得咁多。

內房公司20厘續債

呢個故事教訓我懐，內房股跌到幾殘都好，你想去撈底時，首先要問纒佢會唔會執笠先。

第二個古仔係有會計師老友話俾我聽，本地銀行收緊信貸的情況有增無減，那間內房公司盤數唔靚，收佢20厘年息一鱓都唔奇，銀行最後肯續借，可能唔係貪高息，只係佢地唔續家公司鮋債，佢馬上會爆煲，銀行又要撇一大筆數，所以就高息續借，等個鑊遲鱓爆。

呢個會計師老友又聽到另一個個案，佢話本地最大的銀行借錢俾本地最大的集團，過去利息只要Libor（倫敦銀行同業拆息）加28點子（即0.28厘），而家同一家銀行借俾同一個集團，一個5年期銀團貸款要收Libor加170點子（1.7厘）利息，即係一加就加鰦1.42厘利息，間大銀行咁加息法，唔係因為借錢的本地最大集團信用轉壞，而係因為佢根本唔想借咁多錢出街，所以「高息趕客」。

有個華資大孖沙形容，過去大銀行收100元存款，借80元、90元出街，如今只借30、40元出街，佢收高鱓利息，一減一加條數鰠番度，銀行借少鰦出街，風險少鰦，但利息高鰦無賺少到錢。另外本地大銀行借鰦唔少錢俾廠家，廠家唔掂，就變成銀行的壞帳，壞帳多就減少了銀行的資本，若想維持以住的資本充足比率（8元淨資本最多做100元生意），就只能減少借出街的錢，所以借貸客戶覺得銀行唔想做生意，事實的確如此。

唔斬倉有執笠之險

第三個古仔係跟住又有一個做生意的老友打電話來，佢話手上有2、3億存貨，若在現時斬倉買出街，半年後個市無事，可能賣平鰦20%、30%，唔見6000幾、7000萬，但個市的確好差，唔賣又怕往後銀行閂水喉，咁樣就好唔掂，佢個心十五十六，獱唔定主意。

我問佢如果出現較壞的情況，例如金融海嘯搞多半年一年，銀行會唔會閂佢水喉，老友話呢個係佢真正的擔心，銀行在10月加鰦佢息，又Call鰦佢還番兩成錢，暫時狀況OK，但係佢好擔心情況再差鱓，手頭上鱓貨再跌價兩三成，銀行來一個全面Call loan（收債），要佢馬上全部還錢，咁佢就聽執笠都得。

我聽完就分析俾佢聽，假設金融海嘯衰多半年一年的機會有50%，另外海嘯已經見鰦底的機會有50%（其實我唔覺得見鰦底的機會咁高），若鰟老友而家唔斬倉套現，衰落去銀行就會斬佢貸款，成家公司就會玩完，佢鱓錢放晒鰠盤生意度，跟住就一無所有。若是另一個狀況，大市已經見底，佢唔斬倉一兩個月後無事，佢而家無賤價沽貨，身家會多6000、7000萬。我對老友話，你自己要揀，想博大市無事博多7000萬，但博唔到就有一無所有的風險。

我話見過一個中年抹車阿叔，佢話自己曾經在內地做廠，請幾千工人，但賺鰦錢就唔管公司鱓事，俾個拍檔滾晒佢鱓錢，最後一無所有，無做№兩年吃老本，最後出來抹車。我問那個做生意的朋友，你而家都係有錢佬，斬倉避險唔見7000萬，都仲係有錢佬，不過係身家縮鰦水鮋有錢佬（今時今日有邊個有錢佬身家無縮水？）如果唔斬倉博一舖，博唔到就由有錢佬變成抹車仔，博唔博你自己諗，我仲加一句，如果一個月後個月大升唔好走來媽我。個朋友回應話，聽完我講諗通晒，做生意亦唔係純粹靠博，博得來要識控制風險，特別係那些可能會沒頂的風險，一定要避。

樓市略彈之後再插

呢個老友做生意的抉擇如炒股一樣，你炒一隻股，成日諗住佢再升一倍就發達，但個市唔對辦，走向相反方向，跌到10%你要諗止唔止蝕，如果你係大有錢佬， ?10萬元出來炒股，唔止蝕跌到1萬都唔覺得傷，咁就斬唔斬都無所謂。若果10萬元就係你全副身家，你已經50幾、60歲，再無乜搵錢能力，咁有乜唔對辦就只能斬纜了，在輸少少和一無所有兩者中去揀，當然係輸少少就算啦。但係散戶通常都無諗清楚，無作理性抉擇，矇查查就賭到尾。

從這幾個古仔，可以有一個總結，在投資市場軲晒、銀行大力收水的前提下，如今做生意的確極度艱難，由此可以想像，呢隻黑天鵝唔係話咁快會走。

好多人問我買得樓未，當中有部份係自住用家。我睇房地產大跌都有一個規律，小跌市一跌到底，但大跌市通常先出現驚嚇事件，如97年金融風暴開始時在10月先有股災，樓市急插，但其實11月無乜成交，因為當時太驚嚇，買家都唔敢郁手，賣家亦未願減價，所以市場根本無法成交。但過得一兩個月，股市喘定，物業價略回穩，就會湧出一批用家或有實力的投資者，這些人可能在上一浪無買樓好後悔，見樓價比高位跌了兩三成，覺得好抵，或者買來自用，怕唔買錯過了買唔到，或者投資者買來放租，話收4、5厘租可以頂到樓按，咁個市道又會活躍番，就算唔係小陽春，都好過大跌之初完全食白果。

如果呢個係一個大跌市，就會反彈一輪，吸乾市場上大量的購買力，等呢批實力客買得七七八八時，再來一個插水，呢一跌先至厲害，因為購買力已消耗掉，再跌就無乜承接，加上第一批撈底客都要輸兩三成，以後再想撈的人也會審慎好多。98年第二季樓市再插，就是這種反彈後的急插，後來股市在政府入市後見底，但樓市有排都未見底。

我對想買樓者的建議是一鱓都唔使急，等佢彈完，明年3、4月才去睇樓，然後慢慢開個低價，?定支票顯示自己是有誠意的買家，唔係只睇唔買的搞鬼客，但要買樓唔係低價唔好落疊，起碼要係沙士價先好買。買樓和買股不同，買股可以分5注，分半年一年買都得，但普通人無咁多錢買幾間樓，買樓只是一炮過，自然要更加小心，更加審慎啦。

亦有好多朋友見股市升鰦幾日，問我個市係唔係已經由熊轉牛。股市見底會快過經濟見底，但照目前睇又真係未似見鰦底。美股上周五再彈，升鰦102點，升幅 1.2%，升到8829點，朝9000點進發，但你問我股市係唔係已經由熊轉牛，我話再彈纒都唔奇，大戶都要炒纒波幅，一味向下無乜肉食，但你話由熊轉牛，我又未覺得咁快。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

擴內需         

2008/12/1 上午 09:40:28
網誌分類: 經濟

美股感恩節之後繼續造好，上週五扭轉跌勢回升，已是連續第五天上升。上周五美股只有半日市，杜指早段輕微下跌約50點後即止跌回升，接近全日最高點收市。杜指收市報8,829點，上漲102點，升幅1.2%，較上周升近一成，結束了連續3周的頹勢；標普500報896點，上升9點，升幅1%；納指上揚3點或0.2%，報1,536點。紐約證交所成交7.9億股。

工業類股份升2.7%，跑贏大市。其中以汽車股升勢最淩厲，有報告指通用汽車（GM）將關閉廠房和出讓Saturn, Pontiac, and Saab等品牌以削減運作成本，市場憧憬汽車業將贏得政府的救市援助，GM上升9%至5.24美元；福特汽車則飛升兩成半至2.69美元，其他汽車製造商股價亦大幅造好，整個板塊大升19%。

金融類股份以花旗最標青，巴克萊銀行分析員指政府注資相信可以減輕其風險，並預見花旗集團將有200億美元的正常盈利，股票備受追捧，花旗集團勁升18%。

本周四（12月4日）歐洲央行將於布魯塞爾召開月度貨幣政策決策會議，目前歐元區經濟形勢顯著惡化和通脹壓力持續緩解，外界普遍預期歐洲央行這次會大幅減息。

港股短期走勢睇美股，杜指正在延續反彈中，看來有機會上試９０００點，問題是否能穩守其上，現時美股沒有實質好消息，但股市有力反彈，相信是跌到咁上下，美國政府救花旗和再放８０００億救債市，刺激撈底客入場。

若睇明年經濟，唔能夠唔睇大陸，阿爺上周大幅減息１．０８厘，但對股市的刺激有限，上證綜指先升後回，未能穩守２０００點以上，不過股市往往如此，升的時候政府出招宏調也拉不住升勢，跌的時候政府放水也拉不住跌勢。

阿爺快將召開經濟工作會勢，胡總公開喊話，話明年首要的經濟工作是保持經濟平穩較快增長，為明年中央經濟政策定調。去年今日中央的首要工作是宏觀調控，防止過熱；今年入秋開始改為「一保一控」，一方面繼續控制通脹，另一方面開始要力保增長。但隨著外圍環璄急促惡化，相信中國經濟增長在第４季跌得很快，所以阿爺馬上轉調要力保增，宏觀調控再也不提，中央急急推出４萬億救市，又大手減息減存款準備金，可見形勢惡劣，中央未等這個重頭戲中央經濟工作會議召開，已經搶先開波做嘢。

這次金融海嘯對中國經濟的衝擊，會比０３年的沙士和１９９８年的金融風暴大。關鍵是因為中國經濟發展對投資與外貿的依賴極高，中國經濟發展的外貿依存度爲60％以上，而美、日等發達國家僅爲25％；中國經濟增長的 40％來源於投資拉動，內部需求拉動所佔的比例僅略高於三分之一，而美國等發達國家的國民消費佔GDP的比重則爲70％左右。即係話美國經濟重點係國民消費，而中國經濟的重點係出口和投資（外國直接投資加國家投資）。

1998年亞洲金融危機暴發時，中國由於金融體系完全未對外開放，本來已未受風暴衝擊，９８年中國實施房屋改革，將以前由國家單位包底的房屋福利制度改變，推出大量購買力入市場，亦形成一定的內部需求。到２０００年中國入世，更大大刺激了出口。到２００３年暴發沙士，中國外貿已經猛增，亦因中國入世而帶動大量錢金直接投資中國，底子本已增強，沙士只是一場疫症，為時短暫，亦未傷中國之元氣。但今次金融海嘯，歐美市場大幅放緩，中國經濟發展依賴６０％的外貿，將會大幅放慢，而中國經濟增長４０％由投資拉動，亦因人民幣升值放慢和股市急挫而大幅降溫，所以中國企業正面臨產能過剩的問題。

中國而家為抗衰退，開出的主要藥方是增加國家投資，推動內需，增加國家投資是補充外國直接投資的不足，並以投資帶動經濟增長，甚至講得直接一點，唔夠的GDP增長數字，就由中央補到夠。擴大內需就是增加內地本地消費需求，補充出口放慢帶來的黑洞，但唔知補唔補得切，例如最近加大力度推出的家電下鄉計劃，就由中央直接津貼農民買家電。

中央經濟工作會議的一大焦點是擴大內需，各方人馬都在估中央還有什麼勁招可出，摩根大通大中華區首席經濟學家龔方雄就估，中央經濟工作會議後可能出台的措施包括：更多實質的開支用於社會基礎建設，以鼓勵老百姓減少過度儲蓄和增加消費，包括加速醫療體系改革，增加退休金開支，以及為低收入家庭提供醫療和退休保險計劃等。

而中國內需最大的範籌是房地產和汽車市場，現時外界差度中國有何救樓市措施，例如會否放寛國民買第二間樓的限制。

長線投資者睇明年香港經濟可否較快復甦，一定要睇住大陸出乜嘢政策，同時留心政策的效果，如果中國保得住８％的增長，在全球放慢的前題下，這已是不錯的增長速度，香港在中國前沿，衰極也有個譜。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。


債券比股票佳？
2008年12月2日

近日跟於投行工作的朋友聚餐，因為他知道我對合生創展（754）股價及相關新聞有興趣，所以他建議我於二手市場，買入合生創展的可換股債券。此債券為一○年初到期，面值已經跌到只有三十五元左右。當債券到期時，債券持有人將可拿回一百零六元，即是一年半後，回報約三倍，非常吸引；股票方面，合生創展現在股價三元五角，其每股資產淨值為十五元左右。若有一天，若其股價最多升回至每股資產淨值水平，回報亦可達四倍。

　　此可換股債券和股票有甚麼不同？第一，買債券有時間框架，比買股票少了一個不確定性；第二，「大吉利是」說句，如果公司真的是要倒閉，於清盤次序中，債券持有人位置比股東為好。不過，現在有一個技術上的問題，便是於投行買債券有其最低消費。

　　之前寫了一篇文章，關於買入恒生H股指數（2828）股價及相關新聞作為長線投資，有朋友問究竟長線是多久？其實於同每一個市場，長線投資的時間框架都會不同。在香港，經濟體系易受外在因素影
響，故找可以長線投資十年或二十年的香港股票是非常難的。

　　長線投資非易事

　　另外，現實中很多公司的成功都是因為它們所處的行業，正在經歷上升周期而已。Victoria近日發現一個現象，在深圳東門的一條街上，竟有六家以上，樣貌非常相似售賣運動服的公司。這種情況非常接近我剛才說的，因為這幾年整個運動服務板塊都非常好景，令到一些可能本身不是經營太好的公司，都可以連環賺錢，但其實沒有察覺到原來行業景氣一轉，陪跑的隨時可以出局。

　　王雅媛（Victoria）

　　王雅媛為持牌人士，並沒有持有以上股票。

http://www.hkheadline.com/finance/news_detail.asp?id=65792

Mr.Business

注：此篇文章版权归香港頭條網所有。

金融High Tea——慢半拍 跟人炒 易扮蟹
2008年12月2日

美股上周五續升，亞洲股市個別發展，恒指12月第一個交易日低開113點，下跌至全日最低位13,659點，比上日下跌近230點，之後和內地A股一起回升，突破14,000點後升幅擴大，最高升至14,254點，下午見高後回順，恒指在收市前競價時段去番14,108點收市，上升221點，升幅 1.6%。不過現貨收市後期指插低，收報13,870點，跌118點，低水高達238點，成交74,255張。國企指數收市報7,392點，上升184 點，升幅2.7%，大市成交439億元。

亞洲股市在月頭走勢較散，有好有淡，日股跌1.4%、新加坡股市跌2.4%，上海股市則升1.3%，升幅和港股接近。

阿爺派錢救家電業

美股杜指衝向9000點，這是重要心理關口，若能升穿並守於其上，將有助港股再上試反彈高位。但若果美股企唔住高位，港股就要先調整一下。

中環茶友話，炒作資金懶理大市，炒概念已可以走一轉，好似家電股就食正內需概念炒上，內地公佈國家加強「家電下鄉」政策，對農民購買家器如電視機、雪櫃和手機等提供補貼，由原來的三省一市擴大到十四個省市，明年二月全面實施，對農民購買彩電、冰箱、手機及洗衣機等四類產品，按產品銷售價格的13%由政府給予農民買家提供財政補貼。政府亦對補貼產品設定了最高限價，彩電不超過2,000元、冰箱不超過2,500元、洗衣機不超過2,000元、手機不超過 1,000元。估計涉及電器4.8億部、累計拉動消費達9,200億元人民幣，政策等如由阿爺派錢救一救本身已打到殘的家電業，亦符合谷內需的大政策。

這個消息上周五都爆鰦出街，但有關股份未大郁，昨日正式公佈就馬上借機炒上，海爾（1169）股價及相關新聞及TCL（1070）股價及相關新聞分別狂飆56%及57%！創維（751）股價及相關新聞及威靈控股（382）股價及相關新聞亦大漲24%及14%。大炒內地政府派錢谷家電消費的概念。

陸羽仁做「醩仔」鰟陣時，好鍾意睇報紙諗幾諗才入市，但好多時都扮蟹收場，假設我當年睇到呢條「家電下鄉」的消息，見到9200億元呢個銀碼，會覺得家電股好有概念，就打個電話俾經紀落盤，希望執番佢3、5成（第一日都升5成幾，覺得再升5成都唔係好難），買完隻股通常仲會升少少，但係又未到心目中的價位，但等兩等隻股已碌番落去，唔止蝕隨時又變作長線投資。

炒家或者手上已有貨，一見好消息就馬上隊隻股上去，到消息見報係人都知時，就引出更大班傻仔落疊，炒家即刻派貨出街，往後隻股自由飛行，一耗盡購買力就失重下墮。散仔炒股慢半拍，跟人炒，易扮蟹，好似呢次家電股的好消息，有分析員就話，由於內地家電行業競爭激烈，電器銷售利潤非常微薄，政府的補貼對企業的盈利幫助只是好過無，刺激過後，股價將很快打回原形。

人仔有貶值壓力

法巴宣佈佢鮋心儀股份名單，在9個市場挑選出28隻可以跑贏大市的大型企業股份， 7家本港上市公司榜上有名，包括龍頭股礇控（005）股價及相關新聞、招行（3968）股價及相關新聞、神華（1088）股價及相關新聞、財險（2328）股價及相關新聞、太古A（019）股價及相關新聞、騰訊（700）股價及相關新聞及康師傅（322）股價及相關新聞，話呢鱓股份可視作長期投資，不過，由於金融風暴負面因素仍未全部浮現，現時仍未係購買時機。即係話有目標股份都唔使太急買，不過名單可以參考。

該行亞洲區研究部執行董事 John Hetherington預測，恒指及國指明年目標價分別約為18,000點及8,700點。過鰦半場風暴，證券界都回歸現實，即使睇好明年，目標價都只係18,000點，唔再動不動講20,000點樓上的目標矣。

人民幣匯價繼續回，昨日兌美元收報6.8848，跌0.73%，創了最大單日跌幅，你知人民幣匯價雖然話和一攬子貨幣掛鹇，由阿爺話事，睇個樣想放人民幣匯價下去，現時一年期人民幣遠期合約造7.225，已穿7算，顯示市場估人民幣未來一年仲可能有近5%跌幅。

阿爺當日把人民幣升值兩成以上，係受美國佬所逼，情非得已，人民幣如此急促升值，雖然略舒緩進口通脹，但對出口打擊極大。如今美元已從低位大幅反彈，阿爺絕對有意願讓人民幣再貶值多一些，以助出口，救救內地經濟，所以存鰦好多人仔的讀者要執生啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

尋底         

2008/12/2 上午 09:16:34
網誌分類: 經濟

美股連續反彈５日後終大插，扗指昨日一開市就急插300幾點，中段橫行向下，尾段再插，三大指數均跌至全日低位收市，形勢惡劣。杜指收市報8,149點，大瀉680點，跌幅7.7%，將這幾天累積上升的1,277點，抹去超過一半；標普500報816點，下挫80點，跌幅8.9%，跌幅多過杜指；納指下滑138點或9%，報1,398點。紐約證交所成交增加至16.3億股，跌市成交大，唔係好現象，顯示出貨都出得幾急也。

藍籌股創重創，杜指30隻成份股全部下跌，麥記(McDonald)的股價表現最好，但亦下挫4%。標普500中衹有兩隻股票逆市上升，Autonation Inc.微升0.1%，而被陶氏化工（Dow Chemical）收購的Rohm & Haas 則上升4.2%。整體表現最弱的是金融類股份，美銀( Bank of America) 、美國運通、摩根大通均下瀉超過一成半，花旗集團更大跌22.2%，成為杜指的跌市冠軍！證明之前的大升只是超跌反彈，一有風吹草動，揸貨者馬上獲利回吐，走夾唔抖。

石油出口國組織(OPEC)未能在開羅會議上達成減產決定，經濟衰退預期加深，令紐約期油收市大跌9.5%，跌穿50美元關口，報每桶49.28美元。油股受挫，艾克森美孚(ExxonMobil)下挫7.3% 至74.31美元；Chevron亦下滑 8.9% 至72.02美元。兩隻股份已合共推低杜指共64 點。

美股今次大插的技術原因係呢一輪反彈去勢已盡，無新利好消息刺激就調頭向下，而大跌的經濟原因是投資者憂慮美國以至全球衰退，怕消費者尋求信貸會愈來愈難，靠消費推動的美國經濟舉步維艱。

美國的全國經濟研究局(National Bureau of Economic Research)話美國其實在去年12月已正式步入衰退，此組織向來是認定經濟週期的權威組織，佢呢個講法加深了市場的擔憂。

而聯儲局主席伯南克亦認同國經濟仍面臨巨大壓力，佢出席德薩斯州一個經濟會議中話，美第三季度國內生產總值(GDP)折合成年率下降0.5%，經濟活動在9月份以後一直處於滑坡態勢，從每週首次申請失業救濟人數可以看到，11月份就業市場形勢進一步惡化。就業市場和信貸市場狀況持續惡化，無可避免會令第四季度消費者支出將再度大幅下滑。

市場預計聯儲局為防止經濟衰退程度加深以及避免出現持久衰退，將在12月15日至16日召開的會議上再度減息。但伯南克話，由於減息空間有限，聯儲局將購買國庫券和由政府資助企業所發行的證券等方式，向市場注資以刺激經濟。

聯儲局如要在市場買國庫券，就要開出支票，如此就會增加市場的資金，這也是最傳統的放水方式，美國現時目標利率只有1厘，再減的空間不多，伯南克似乎預咗再減埋息經濟都未掂，開始要以再泵水救經濟。受伯南克的講話影響，10年期國庫券價格急升，收益率下跌至2.72%，以月計算，為1955年以來新低。

金市方面，受經濟預期差及原油暴跌等因素影響，紐約商品交易所2月份交貨的黃金期貨價格每盎司大跌42．20美元,收報776．80美元，下跌5．2％。

匯價方面，美元、日元再度雙雙走強，兌毆羅升至1.26邊緣；日元兌美元亦升至93.25日元。昨日係美股插、商品跌、美元日圓升，證明早前的相反走勢，即美股升、商品彈，只是一種超跌反彈走勢，唔係轉勢。

    美股杜指今浪高位是上周五造出的8831點，未能衝上9000點，如今一跌已跌到8149點，近乎8000點邊，看來又要慢慢展開一浪尋底。

陸羽仁

http://www.hkheadline.com/blog/r ... rd=&searchtype=

Mr.Business

2008/12/2 上午 10:24:56

陸羽仁覆網友

小潘：老友賴你教佢唔買樓去炒股，累佢輸錢，無計，散戶係咁，輸咗賴人，我教大家一招，輸咗首先要認自己錯，唔理邊個教你，你唔信就唔會輸，個市有人睇好有人睇淡，一定有一個中，問題你跟邊個，點解要跟。輸得多，多數係方法錯，唔係方向錯，輸咗先認錯，然後自我檢討，改善方法，希望下次無再犯同樣錯誤，輸咗賴人，會永遠錯落去。

重汽回購係唔想個價跌，未必會私有化，但若大市跌，佢都頂唔住。

小仙女：你間公司關門無計，建議唔好補四日假，收錢好過，等如番多四日工，出多四日糧，未來快快手搵工，騎牛搵馬，要信「只要努力，總有出頭」。

Sun:往後記住高位沽樓，千祈唔好太快套樓換股，因為一般人有錢身痕，住住未等到真正大跌浪，就急急入市買股，有時輸得仲多，因為樓會長揸，股你買入再跌一半你會頂唔順走咗，所以高位沽貨，只宜坐死現金較長時間，慢慢再算。

政府增開支搞基建尚可，特別是大型基建多有長線經濟效益，但地區工程之類就只能創造就業，無乜長線效益，派錢派消費券更只屬一時之快，睇長點燒完煙花納稅人必要找數，這只屬政客討好選民之小技，信佢就傻，除非你屬唔使納稅一族。

Sexyphone：所謂V型反彈是指跌得急彈得，L型反彈即係跌完無乜反彈，在低位橫行，呢個形容詞多數用來形容經濟，而唔係股市。

Philip:４．２元買了中石化，睇你短炒定長揸，短炒現價可走，回得咁急唯有鎖定利潤，再升都無計。長揸可以買入價為止蝕，唔穿就睇吓。

YY太：若買人仔為買樓，除非３個月內會買，否則建議先換回，若人仔是市場定價，應該回得更急，因為係半官價，才慢慢跌。北京CBD寫字樓跌得唔夠多，但單別舊一點的豪宅都有較深跌幅。香港樓睇２０年不及北京樓，但若短線睇３、５年，搵一啲插得好甘的好區樓，跌完反彈會幾好，記住要「超低價」至好買，唔係就慢慢來吧。

Bluepanda:你話看３、５年人仔可否看高一線，咁講係啱，但要假設你筆錢３、５年都唔會用，假如你中段見個市跌得太多，想換回港紙買股票，就要承受跌幅。人債以人仔作價，換回港紙一樣有匯兌損失。

Bdroom:我話無人炒新界樓，係話佢地波幅會少啲，升唔多，跌亦唔會跌太多，若你不重視物業的投資價值，咁就唔拘，若你買自住樓都重視投資價值，就最好揀市區樓。我睇樓價有可能回到沙士價，現時豪宅未到，弱樓已接近。

Twinky12:你問世伯買入市，講增長招行好啲，但工行，建行可能平穩啲，不過而家未係入市時候，叫世伯等吓啦，如果佢係長線客，要俾啲耐性架。

盜生：你供金磚四國基金，當中俄羅斯靠油，巴西亦靠商品，如果你信羅傑斯，認為商品牛市未死，可以照供，我怕世界經濟衰退會先來一個商品熊市，等一、兩年才再有牛市，咁俄、巴兩個經濟的壓力就相當大，若信商品有一兩年熊市，可以先轉供中國基金，睇清楚商品走勢再算。

個市跌成咁，後生仔供進取型強積金都唔使轉啦，如今轉太遲啦。

Mr.Business

注：此篇文章版权归香港頭條網所有。

金融High Tea——冬江水冷鴨先沽
2008年12月3日

恒指跟隨美股急挫低開736點，跌至13,345點後，反彈上13,514點，之後就窄幅上落，收報13,405點，挫702點，玩鰦成日都鰠接近開市時的跌幅；期指收報13,238，跌632點，比現貨低水167點；國企指數挫389點，報7002點，大市成交只得385億元。

昨日恒指現貨尾段仲頂住，但現貨收市後期指插，一插插鰦近200點，期指又炒低水167點收場。中環茶友話，上日期指尾段急插，搞到大低水238點，當時都覺得唔對路，最後睇埋美股，一開市杜指就插300幾點，所以上日尾段沽期指班友，真係預知美股會插，睇鈬都係外資大戶，玩美股亦都係佢懐啦。

茶友話，呢班人唔係春江鴨，係冬江鴨，預知美股會插，所以插定期指。唔好以為佢懐想造低期指，而家只係月頭，唔需要太大力造期指個價，佢懐只係大手沽期沽到大低水，大戶鰠尾市才出手，令散戶連反應的機會都無埋。

成交愈來愈縮

昨日大市成交只有385億，連400億都唔夠，我在半年前已同經紀張預言，話個市會愈來愈靜，最後得番200、300億成交，經紀張當時唔信，依家慢慢變成現實。其實條數都好易計，在32,000點時，大市好易成交過1000億，因為股價大，平均係依家2.3倍，如今除了窩輪每份價錢和當日相若外，股票價格縮晒水，自然成交額會細，然後再加上散戶愈炒愈無癮，愈炒愈人少，就令成交細上加細。

即使在熊市中，大戶都唔係玩直插，直插每日跌1000點，13個交易日恒指就跌到零，長期盤據香港的外資大戶，係炒波浪，雖然在熊市中波浪大方向還是向下，跌到咁上下就會彈，大戶插又食你，彈又食你，左一巴右一巴先至食得盡。不過呢鱓市散戶輸錢愈來愈多時，就難免有愈玩愈人少的局面，自然會好靜。

銀行股下跌，礇豐上調新造按息0.5厘至0.75厘，礇控（005）股價及相關新聞尾段在競價時段插至79元收市，挫6.4%，如果你睇埋按揭的市場佔有率，就知道礇豐為何要加按息。據經絡按揭轉介公司研究部及土地註冊處最新資料顯示， 11月份本港現樓物業之按揭市場佔有率，以礇豐最高，達28%，創05年1月有紀錄以來的銀行單月新高；居第2位的中銀香港（2388）股價及相關新聞由10月的19.4%佔有率，輕微上升至19.6%，兩家銀行11月的按揭生意量佔整體市場的47.6%，差不多做鰦一半生意。渣打銀行繼續佔第3位，市場佔有率為7.7%。東亞銀行（023）股價及相關新聞就升3級至第4位，市佔率擴大至5.2%。從11月數字睇，其他銀行唔係幾敢做按揭，只有礇豐及中銀敢較大手做。

大銀行做夠就加息

礇豐做鰦咁多按揭生意，今年都收夠籌啦，所以新做按揭就加息，睇纒其他銀行跟唔跟，其他銀行跟，就大家齊齊收多鱓息，其他銀行唔跟，礇豐做少鱓都唔拘，結果中銀昨日都跟礇豐調高按息0.5厘，兩大都加，其他銀行唔加都無，因為佢懐都無大條水喉去借咁多錢出街。總的來說，借貸市場未完會回復正常，銀行基本上仍在收緊借貸，所以市民要借錢亦只有捱貴息。

中央計劃擴大「家電下鄉」計劃，從事製造家電的股份經過昨天急升後個別發展，海爾電器（1169）股價及相關新聞續升11.5%，但部份股份已開始腳軟，例如創維數碼（751）股價及相關新聞跌7%、TCL多媒體（1070）股價及相關新聞跌6%。呢鱓股份已出現我昨日所講的殺人陷阱，例如創維，最高搶過上0.55元，升過10%，但收市倒跌回0.465元的水平，即係慢半拍高追無止蝕就唔見鰦15%！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

波動         

2008/12/3 上午 09:24:28
網誌分類: 經濟

美股如今似香港的三、四線股，杜指繼本周一大跌680點，創出自1896年問世以來的第四大單日跌幅後，昨日又大幅反彈270點，彈番上日跌幅近四成。

通用電氣在經濟困境中維持派股息1.24美元，加上聯儲局延長了緊急融資機制至明年4月底，有助穩定銀行業，不少投資者趁低吸納，杜指上午早段大幅反彈上8,400樓上，之後調頭回落至全日最低的8,144點，跌穿上日收市位8149點，形成一個小雙底。下午市場憧憬汽車製造業受政府援助有望，杜指重拾反彈力度，在延長交易時段上衝至全日最高點收市。杜指收市報8,419點，上漲270點，升幅3.3%，杜指全日最高8,437點，全日最低8,144點，暫時穩守8,000點關口；標普500報849點，上升33點，升幅4%；納指上揚52點或3.7%，報1,450點。紐約證交所成交16億股。

杜指30隻成份股除了3M和可口可樂逆市下跌外，其他股份全面上升，其中以通用電器（GE）和金融股表示最為突出。GE維持派息，大升13.6%，報17.61美元，成杜指升市冠軍；而美國銀行及花旗集團則齊齊大漲近一成二，報14.37美元及7.22美元。

石油出口國組織(OPEC)減產將延後至本月中，油股創新低，紐約NYMEX原油曾一度觸及每桶47.36美元，創05年5月20日以來的最低價位，是7月時最高位147美元的零頭，收市報每桶48.29美元。但能源股仍然強勁反彈，雪佛龍（Chervon）及艾克森美孚(Exxon Mobil) 分別上揚4.9%報75.54美元及4.4%,報77.61美元。

對美國汽車製造商而言, 昨天是一個重要日子。美國三大汽車巨頭向國會提交重組計畫，尋求美國政府援助，解救破產危機。三巨頭的計劃主要包括企業重組、關閉廠房、裁減員工和縮細分銷網絡，而要求的援助金額接近280億美元，高於較早前提出的250億。通用汽車要求180億美元的援助，較之前提出的多60億。

福特汽車公司希望獲得最多90億美元的政府貸款，並承諾將在2011年實現收支平衡甚至有盈利。福特汽車預計2009年不會出現「資金流動性危機」，因此不會因競爭者或更嚴峻的經濟滑坡而破產。同時，CEO艾倫穆拉利(Alan Mulally)表示，如果福特汽車能獲得這筆貸款，他將把自己的年薪降至1美元。有趣的是，三巨頭的CEO為表示求助誠意，刻意改變上次乘坐私人飛機赴會超豪表現，改乘達8小時的汽車赴約，起碼是扮到比較平民化。

眾議院議長貝洛西在金議後表示，讓汽車製造商破產「不會是政府的選擇」。市場憧憬政府將救助汽車業。雖然通用汽車、福特以及Toyota在11月份銷售都錄得41%、31%及34%的驚人跌幅，但幾間美國汽車公司的股價在憧憬中反彈。

我開始唔想日日講美股，但美股的波幅又的確引人入勝，以反映美股波幅的VIX指數為例( the Chicago Board Options Exchange Volatility Index)，昨收43.8，雖然已從高位略回，反映投資者估計美股的日波幅高達2.8%，美股指數有如此高波幅，要追溯至1932年。

面對這種百年一遇的金融海嘯，千祈唔好話自己一定估到股市點樣走，不過股市仍處於高波動期，正如Fifth Third Asset Management的基金經理維以特( Scott Richter)話，我們仍然處於波動期，可能要多3個月至半年，股市才真正見底，因為經濟恢復期會很長。

陸羽仁

[ 本帖最后由 Mr.Business 于 3-12-2008 09:46 AM 编辑 ]

Mr.Business

2008/12/3 上午 11:11:29  

陸羽仁覆網友

輝NSX：你嗰行做IT係高危行業，不過東家唔打打西家，努力搵工吧，先上車騎牛搵馬好啲。牆頭草的建議是過來人的至理名言。

Trader:好多大戶都係睇住散戶做對家嚟Trade，唔係齋睇方向，都睇埋對手。

YY太：大陸主觀想人民幣回番啲，幫補吓出口，但美國又唔會俾佢回太多，不過人仔匯價短期都難睇好。

Mike:人仔中短期一年半年走勢睇淡，三五年長期睇好，大陸會先俾人仔匯價回軟救一救出口，若明年經濟結果有９％增長，出口好好，佢又無理由唔令人仔強番啲。在這個分析下，要睇吓你啲錢有何用途，若完全無用途，也不一定要全數轉走，但如有用途，就要小心唔轉要吃眼前虧。部份換點其他外幣，當做分散風險亦可。

小潘：我記得近三十年香港樓按息最高２０幾厘，那時是８０年代初，沃爾克做聯儲局主席時（而家奧巴馬搵番佢做經濟顧問），大力加息抗通脹，香港又遇上前途危機，兩者加埋令樓價跌咗九成以上。不過呢個咁極端的經驗，同而家比差好遠，無乜參考價值。

叉燒仔：因為工作關係要買新樓，頭５年想放租，新城市廣場和駿景園都ｏｋ，新城市雖然舊的，但估計出租更易，可以係首選。

Connie：預測經濟見底，失業率固然是傳統指標，但亦有些無咁傳統的指標，經濟見底時商務活動首先會增加番，顯示商人開始重新投資，留意一下投資的數據，甚至航空公司講佢地商務客位的銷情，都有啟示，這些跡象可能比失業率調頭早一兩個月出現。

Gigi:澳元減息無大跌，顯示市場認為佢咁做有助經濟，亦係一個側面反映美元升勢都差唔多，但仲係中高位上落，未來高息貨幣走勢係美元相反，若美元指數跌穿大位時，可以追揸高息貨幣。

股市見底會快過樓市，因為股市容易出入，到股市確認見底上升時，股市可能已升了兩三成，那時買樓未為遲，因為投入投資市場資金仍少，沒有太多流向樓市。

２８２３的風險主要不是管理人的風險，佢係基金，管理人倒閉應可以追得番，佢的問題是要追貼５０隻目標A股的股價，但外資買A股限制多多，佢就買盧森堡上市的A股窩輪來追踪正股股價，若窩輪發行人倒閉，A５０就要蒙受損失。

債券升跌主要睇利率，由於債券固定了票面利率，街外加息，債券票面息無得加，債券就會跌價，反之就要升價。而家係低息期，加上好多避險資金要放入國債，國庫債券已升價升到好高，長線投資者唔係買債券的時候，係沽債券的時候。（上述主要講國債，公司債市好亂籠）

小潘，逸文：一直叫你都唔好買宏利，就係怕佢開始要蝕錢，宏利唔知集一次資夠唔夠，亦未知佢撇夠未，唔好而家買，寧願證實佢無事時，高５０元去買。

Twohitsix:我唔係覺得美股８０００點個底好強，只不過昨日無破啫，美股仍是高波動中。

此方：人仔插水唔係美國搞事，佢地唔想人仔跌，只想人仔升值。

望升石：你打算將新錢供中國基金，其實最簡單係供香港的H股基金，跟指數管理費平啲，而且追貼指數表現。

Catjim:歐美保險股再爆鑊的機會不低，因為佢地投資咗乜嘢結構產品無人知，相信全部都未撇到足。內地保險股相對好啲，１５元的國壽唔算貴，但未算平，咁o既市好多紅色股跌到殘，佢未算殘。

人仔貶值可以反映／促使資金外流，可以係紅色股下跌的借口。

我認為熊三都未入，股市仲咁波動，熊三的波幅會減低。你睇美股仲好似坐緊過山車咁。美股未定，港股都好難定。