【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

賭大了的過程
2008年10月28日

從來輸大錢的都是有信心的股票，似乎這句話用於這次中信泰富事件上，非常合適。如果是一般的二、三線股，Victoria想很多投資者於股價跌了二成的時候，可能已經止蝕了。但是偏偏那只是大藍籌中信泰富（267）股價及相關新聞，誰又會想到它竟然會「不務正業」，走去炒外匯，導致股價從高位計起，跌了超過九成。

中信泰富帳面損失，與其投資項目本身的體積相比，注碼絕對是下得太大了。我想中信泰富注碼下大了，可能是經歷了以下這個過程。如一個賭恒生指數期貨的人，恒指急跌，跌到一萬八千點時，他認為非常接近底部，所以他在那個水平出擊，買期指，博反彈。誰知道恒指再急跌多一千點。因為一萬八千點是底部，這個想法對他來說是非常堅定的，所以即使恒指再跌多一千點，他都只會認為那是接近底部的波幅，所以絕對不會在一萬七千點平倉認輸。而這個想法亦導致他在一萬七千點，更大手地去買期指。因為只要恒指一反彈，如反彈到一萬七千五百點，他便不用輸，還可以多贏五百點。當然最後的結果便是事與願違，恒指續跌，跌至現在的一萬點，而他因為中途加了注碼，所以輸得更加大。我想為何中信泰富最後會賭得這麼大，可能也是經歷了這個過程。

主席增持的可能原因

自中信泰富事件後，近日投行都努力出報告指出誰最會有機會成為下一個「中信泰富」。里昂證券根據公開財務資訊列舉出二十七家涉及金融衍生產品或外匯存款的港股上市公司，其中一間Victoria最為留意的是九龍建業（034）股價及相關新聞。上星期五九龍建業停牌，似乎是打算公佈有關它手上投資衍生工具的資訊。半年前集團主席在十七元左右開始頻頻增持，買的數量絕對不少，一天可以用上過千萬元去買。最後主席用了近億元去增持，平均價大概十五元左右。上星期九龍建業股價竟然跌到只有二元六角，市值只得三十億元，單是主席半年前買的貨已經輸了八成。

主席增持除了是他認為公司抵買之外，其實還可以有不同的原因，其中一個比較常見的原因便是為了支持公司股價，不讓股價跌下來。上市公司主席拿手上的股票去銀行按，再借錢是很普遍的事情。尤其是對於一些市值比較小的公司，因為主席的大部份身家便是他手上的股票，但是他又不可以沽出套現。唯一的方法便是拿手上的股票去向銀行借錢，然後再推行其他私人的投資。但當股價下跌時，銀行有可能要追Margin，為了避免追Margin，主席只好出來支持公司股價。

王雅媛為持牌人士，並沒有持有以上股票

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——提款提出大股災
2008年10月28日

港股愈跌愈急，跌到出股災，恒指低開245點，開始時還反彈上12,737點，其後不斷急插，下午跌至慘不忍睹的水平，曾下跌至10,676點，高低差幅 2,051點，收市叫做彈番少少，收11,015點，跌1,602點，跌幅高達12.7%。期指收報11,148點，跌1,352點，比現貨高水133 點，成交133,426張。國企指數跌812點或14%，收報4,990點，大市成交568億元。

鲻身撈貨日日輸

個市愈跌愈急，昨日又跌1,600點，在12,000點跌1,600點，和在32,000點跌1,600點完全唔同，在32,000點跌咁多只係5%，但昨日跌同一個點數跌幅卻高達12%，一日跌咁多，彈又彈唔起，跌勢真係嚇人。好似隻礇控（005）股價及相關新聞，昨日又跌13元，跌到75元，跌幅14.8%，呢個又正好係大摩早前唱淡礇控的目標價，礇豐都咁跌，你話死唔死。

中環茶友話，早一兩個星期鲻身撈貨者全線死亡，大市跌勢非一般，而且一直跌唔識彈，將一筆又一筆的資金吸入黑洞。表面上看信貸市場好似鬆鰦，倫敦銀行同業三個月美元的拆息由4.8厘減到3.5厘，但銀行業人士話，其實這只是表面現象，實際上市場的借貸成交極少，即係有價無市，現實上資金仍極緊張，試想在資金緊張的情況下，銀行自然也不願借錢出街，所以信貸極緊，水緊股市無運行。

你睇礇控都咁跌法，就知沽盤根本不問價沽貨，只求套現，我唔係話礇控好抵，只係話一日跌近15%咁多好誇張。中環茶友話，環球股市愈跌，各式各樣基金都要沽貨套現，很多地方股市流動性不如香港，所以香港沽得特別厲害，鱓錢係咁不問價沽。香港貨幣被聯繫匯率套死，難有獨立貨幣政策，又唔可以隨意發鈔，所以救市工具有限，你睇南韓昨日減息0.75厘救市，股市都升番0.8%，香港就無乜招可救。

依家股市跌跌纒，好多股票都跌都變晒形，有些已經回到2003年的沙士價，但我就唔敢叫大家放膽執，倒過頭來說，過去幾天，邊個敢沽，每天都賺錢，即係話執貨者日日輸。

礇控主席特別顧問兼世銀前總經濟師斯特恩預期，歐美經濟於未來兩至三年仍會處於困難時期，料各國政府除注資銀行，令銀根放鬆，並會同時採用加大基建以刺激經濟。

好多朋友喜歡礇控來長獱，但如果專家話歐美經濟未來兩三年都困難，礇控在歐美有大量業務，即係話未來一兩年仍然唔係咁好景，礇控而家市盈率5.8倍，息率 9.6厘，如果佢維持到盈利和派息，呢個價當然可以闔埋眼買，問題係佢多數維持唔到，所以唔好當有9.6厘息派咁買礇控。

任總口術難有大效

另一隻巨股中移動亦跌到變形，昨日跌6.4%，跌到53.8元。摩根大通發表報告，認為中移動現價已充份反映下調估值因素，調高中移動投資評級由「減持」升至「中性」， 維持目標價75港元，預期09年市盈率7.9倍及年息率接近6%。另外，摩根大通表示聯通（762）股價及相關新聞因合併後有50%為非增長性的固網業務， 兼且估值昂貴，09年市盈率16倍，將投資評級，由「中性」降至「減持」。中電信（728）股價及相關新聞 則維持「中性」的投資評級。聯通及中電信分別急挫10.3%和14.2%，中移動可能因為評級較佳，所以跌6.4%已經算少。

油股和礦物資源股亦是跌市重災區，雖然產油國達成減產協議，但支持油價成效不大，市場預期油價會跌至每桶50美元，不過石油、石化股都唔理油價，上中下游股份都勁跌，中石油（857）股價及相關新聞、中石化（386）股價及相關新聞、中海油（883）股價及相關新聞分別急挫15%、16.4%和13%，最受油價影響的中海油反而跌得最少。中鋁（2600）股價及相關新聞仍續下瀉12.5%；謠傳神華（1088）股價及相關新聞有機會和中煤合併，但成為超級煤企，但消息對神華毫無助益，股價插水23.5%！

金管局任總昨日話銀行為防要為雷曼迷債撥備，收緊信貸，呼籲銀行不要「落雨收遮」，以一刀切方式拒絕企業借貸，希望銀行能抱覑同舟共濟的精神，攜手共渡難關。任總咁講唔知有無銀行配合，你睇歐美亞洲各國出咁大力去銀行體系放水都唔掂，都唔係任總可以講得掂，阿爺出手放水或者就有鱓效果啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

控制風險         

2008/10/28 上午 09:32:56
網誌分類: 經濟

　　亞洲股市暴挫，但美國和歐洲市表現無咁差，美國市早段跟隨外圍下跌，杜指低開逾130點，美國財政部第二輪的1,250億美元注資行動展開，帶動大市反覆回升至全日最高點的8,599點，大市一度上升220點。但杜指在午後2時許調頭回落，在上周收市的8,400點好淡爭持，走勢反覆，上下波動超過20次，臨近尾市的最後的半小時，好友防線失守，直插超過200點，杜指收市報8,176點，下挫203點，跌幅2.4%；標普500報849點，下跌28點，跌幅3.2%；納指報1506點，下滑46點報3%。大市成交超過13億股。

芝加哥期權交易所波動指數(The Chicago Board Options Exchange Volatility Index) ，上漲1.2%至80.06點的歷史性第二最高記錄。該指數俗稱恐慌指數，是衡量股市恐慌情緒的指標。可見現時投資者就有如驚弓之鳥，已到達不理智的狀態。不過美國投資者不理智只跌200點，港股投資者不理智就跌1600點，真係同人不同命。

投資者預期全球性經濟衰會減低燃料與金屬需求的打擊下，商品生產及原油類股份成為拋售對象，杜指30隻成份股祇有3隻上升，其餘全部下跌，最大的贏家為全美第二大的電訊公司Verizon Communications Inc., ，因業績優於預期，受投資者追捧，股價升逾一成。Verizon 以281億美元收購Alltel Corp. 之後，會成為全美最大的電訊公司。

油價一如陸羽仁所料，穿110美元大關後走入熊市，近期跌之不停，原本預佢反彈都彈唔起，連油組決定減產都反彈乏力，紐約原油收市報每桶63.22美元，下跌至2007年5月以來的新低，在倫敦市更一度跌穿60美元大關，全球市值最大油田服務公司Schlumberger Ltd，股價應聲急挫8.9%。瑞銀則以鋼鐵業營利環境惡化為由，將美國鋼鐵公司(U.S. Steel Corp.) 評級由買入改為出賣出，美鋼股價大跌超過11%。

        美股表現略優於亞洲，好多個投資家都話美股超賣，但呢種股市好蝦人買，你段段入市都可能被套住。全球股市都暴挫，48個已發展及新興市場摩根士丹利資本國際指數(MSCI) 在2008年都錄得虧損，一周以來便有22個市場再被蒸發了超過一半的市值。俄羅斯、中國、希臘、愛爾蘭、秘魯和奧地利股市大幅下挫了逾六成，而美股亦下滑了四成。

       網友 bdroom 問起，「陸 sir, 你話宜家要買都分段買，買完要預佢再跌。一，若咁樣(再跌再買)分段去買咪即係等如溝淡?溝淡係惡習喎; 二，明知(都係用"預咗"會好啲，因為無野係一定嘅)會再跌，又點解要去買呢?唔係好明。陸 sir 可否解釋吓?」

       或者我講得唔係好明，要劃公仔劃出腸。近排港股在17100點反彈高位回落，我經常講未見底唔好買住，到期跌到好甘，我會講如果真係要買都只宜買少少，分段買。我這句話主要針對buy and hold的投資者而講，大家都知，我一直覺得金融海嘯的大浪未全面衝擊香港的實體經濟，我地明年仲有排捱，長揸者唔使咁急買，明年股票可能平過今年。但我一路講個市一路跌，跌到15000點如何? 跌到13000點如何? 跌到11000點如何? 仲唔夠，跌到9000點又如何? 甚至8000點又點? 你咁問下去，我會答跌到8000點我一定買。即使經濟未反映，如果股市超前下跌，總會有跌到有價值的時候，可以買吓。

       問心那句，大市跌穿12000點，我開始覺得個別優質大股有點吸引，所以跌得深之後，我開始會答，長線投資者要買可以買少少，但不要一注買哂，分段逐少買，而且要預咗會跌。Bdroom問，點解預咗跌還要買? 我話而家買少少係因為股價開始較便宜，有少少興趣買番啲，特別是在高位清哂貨的朋友，更可以買番啲貨責吓袋。Bdroom的問題潛台詞是為何不在最低位才買，我o既答案係無人知邊個係最低位，我亦唔知，但在「目前」買，你一定買到，不會錯過，但不一定是最低位。個市一日可跌12%，買早一日都可能貴咗10%。你預咗會跌，有啲警誡心，唔會一注博命買，唔會借錢去買，咁咪比較安全囉。

       Bdroom問再跌再買咪等如溝淡? 我話有計劃分段去買，同溝淡唔同，假設我有30萬元分三注買匯控(00005)股價及相關新聞 ，75元買一注，65元買一注，55元買一注，買齊三注平均成本65元。但溝淡係你有30萬去買匯控，一舖在75元買哂，買完再跌唔忿氣，在65元時同阿媽借30萬再買，跌到55元時覺得「無可能」跌到咁，再同銀行借30萬買，總共買哂90萬元，遠超原來預算的30萬，隻股升最好，再急跌你好慘。

若果你係長線投資者，買優質大股，在大跌市買一般買完唔會沽。但若果隻股將來基本因素變哂，又作別論。假設、只是假設，佢唔掂，要英國政府注資入股，英國政府持股50%，原有股東權益攤薄一半，而政府又要求佢大量出售業務減債，隻股前景變哂型，好業務買清，剩下豬頭骨，經營前景好差，又假設那時是50元，你分析公司投資價值大減，可以在50元斬纜。你買30萬咁輸，同買90萬咁輸，輸法大有不同。一來輸錢的數量不同，二來輸錢時不斷加注，是輸紅了眼，看待事物是用主觀願望取代客觀分析，有時好基本的東西都看不到，可能應斬也沒有斬。

股市風高浪急，風險極大，有時情願賺少啲，都要控制風險。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——查空倉鱷魚即閃
2008年10月29日

港股昨日就戲劇性啦，連跌5日後昨日終於大幅反彈，可以用「跌到你唔信，又彈到你唔信」鈬形容！恒指上日狂插1,602點，恒指昨日高開138點，向 12,000點進發，但其後一度下跌到全日最低位的11,134點。到上午11點半開始上升，急升過千點，下午市況繼續向上，在全日最高位收市，恒指收市報12,596點，大升1,584點，升幅14.4%，幾乎完全收復上日的失地。期指收市報12,446點，升1,298點，低水150點。國企指數一度升超過一成半，尾市升幅收窄報5,683點，升693點，升幅13.9%；大市成交661億。港股由上日全球跌市冠軍，變做升市冠軍，波動之大，可想而知。

論誇張都係礇控（005）股價及相關新聞，早一日跌15%，昨日反彈20%，由上日收市價75元彈番上90元，特別係最後收市前競價時段「嘜」上90元收市，和早兩日在競價時段被「嘜」低收市的走勢相反。另一重磅股中移動（941）股價及相關新聞亦勁彈12.5%，收番60.5元。礇控帶動恒指382點升幅，中移動帶動恒指升175點，兩隻股加埋已佔大市的三分一升幅。

證監巡場 大戶知驚

昨日除了話日圓開始回軟有利股市外，市場傳聞兩件事，第一件是港股直通車，第二件是香港將禁止沽空。有猛人向陸羽仁爆料，前一件是流料，後一單空穴來風，未必無因。原來港府一早已把禁止沽空作為備用方案，放在䒷面，猛人話只要政府一決定，只需15分鐘就可以禁止沽空，但覺得沽空情況未係咁烈，唔想咁快出招住。

政府唔出招都可以虛張聲勢，猛人話昨天早上證監會就派人去查一查各大證券行的沽空情況。政府咁大動作，大行亦心領神會，擔心政府隨時禁止沽空，所以沽空鰦的淡友就急急平倉，鱷魚都避番兩日先。

猛人話，雖然黑色星期一大跌日沽空只佔成交8%，但礇控的沽空比例不低，咁大隻股可以一日插15%，到昨日又可以一日彈20%，雖然主要動力來自對沖基金出貨，但亦有大戶跟尾沽空，呢兩日若非有大沽空之後大平倉，呢鱓大股無理由咁波動。

外資大行長線睇淡

中環茶友話，早前有美資大行?一隻恒指認沽期權出街，行使價是12,000點，沽家可以年息（期權金）25厘，為期一年，即是一年內對手可以在 12,000點沽貨俾佢，亦即係話有人睇淡恒指要深插至12,000點之下好多，你話人地外資睇得幾淡。茶友對呢鱓認沽期權的出現好有戒心，去年底 27,000點、28,000點時，就有一隻一年期18,000點行使價的恒指認沽期權掟出街，又係20幾厘息，當時有米的貴客人人話筍盤，覺得一年後恒指無可能咁低，結果接貨者就中重錘。所以早前推12,000點行使價的認沽期權，對中長期後市都係凶兆。

茶友話，港府不會馬上禁止沽空，所以阻嚇力有限，但睇大戶在競價時段「嘜」高礇控，動向未明，唔知會唔會反手做。風高浪急，大家執生。

美國聯儲局連續兩天議息，市場憧憬美國將會減息半厘，加上各國央行都會利用減息改善市場投資氣氛，香港及中資金融股都有明顯的反彈。中國銀行（3988）股價及相關新聞及建設銀行（939）股價及相關新聞都有逾兩成以上的升幅，特別是被大行唱好的建行升23%，工商銀行（1398）股價及相關新聞及交通銀行（3328）股價及相關新聞則升逾一成半，保險股叫做升幅較弱。

藍籌股中國泰（293）股價及相關新聞大漲30.1%、富士康（2038）股價及相關新聞勁彈29.4%，呢鱓明顯就係沽空鰦的補倉盤啦。逆市下跌的大輸家則是中資內房股，雖有溫總最近出籠的救市措施，但市場預期全球經濟放緩，打擊房屋銷售，內房股備受沽壓，富力（2777）股價及相關新聞跌13%、碧桂園（2007）股價及相關新聞跌11%、中海外（688）股價及相關新聞跌8%、華潤置地（1109）股價及相關新聞跌7%，世房（813）股價及相關新聞硬淨鱓無起跌。另外，九龍建業（034）股價及相關新聞則因Accumulator，虧損近30億元，股價急插42%！成為反彈市大輸家。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

反彈浪         

2008/10/29 上午 09:06:13
網誌分類: 經濟

港股大反彈完，輪到美國大反彈。美國市場預期聯儲局減息、加上受聯儲局期開始購買商業票據有望解封冰凍已久的資金市場，杜指出現23 年以來最大的低位反彈，美股早段反覆向上，升幅續漸擴大，在下午二時升勢開始加劇，急升超過740點，尾段更急抽而上，衝破9,000點關口，至接近全日最高位收市。杜指收報9,065點，大升889點，升幅10.9%，點數計是有史以來第二大單日升幅；標普500報941點，漲92點，升幅10.8%；納指報1,649點，猛漲144點，漲幅9.5%。

紐約證券交易所成交超過17億股，大部份發生在最後的兩小時，顯示升到咁上下，市場人士開始相信大市好轉，撲入去追貨。

　  昨日有報導日本央行正考慮降息，拖累日圓兌美元暴挫逾5%，在美國市曾穿100日圓的低位，最後略反彈到98.03日圓收市，跌5.3%，是1974年1月以來最大單日跌幅，日圓急回亦緩和了近期日圓大幅上揚衝擊全球市場的憂慮。

美國市場對降息的期望愈發濃厚，投資者進一步預計美聯儲局減息將有助振興企業盈利，加上聯儲局在市場向多家公司購入商業票據，進一步鬆動市場的資金，帶動美股在尾市發難急升。

在各類股份中，美國鋁業受惠工業用金屬價格回升，繼昨天下挫至歷來最低市盈率記錄後，昨日絕地反彈，大幅飆升19%！成為杜指升幅冠軍。電信企業股亦跑贏大市，,Verizon Communications繼上日大升一成後，昨日再彈升14%，美國電報電話亦急升逾13%。受歐洲第二大的石油公司BP Plc 公佈位於墨西哥灣油田Thunder House的第二油井開始投產，季度盈利創紀錄超過預期的刺激，大型油股成為杜指的大贏家，艾克森美孚和雪佛龍都激升超過13%。波音同其最大的工會達成臨時協定，取消罷工，剎止了每日估計造成1億美元收入損失，股價跳升逾15%。

美國財政部繼注資1250 億美元予9家主要銀行，包括美國銀行、美林公司、紐約梅隆銀行、花旗集團、高盛、摩根大通、摩根士丹利、道富銀行和富國銀行後，第二批的1250億美元亦已計劃注入市場，對像是那些規模雖小、但對金融環境穩定至關重要的地區性銀行，包括第一資本投資國際集團（Capital One Financial）以及太陽信託銀行（Sun Trust Banks）。待協定通過後，資金會很快進入到地區銀行系統。經連日來的資金解凍措施，三個月美元的倫敦銀行同業拆息（Libor）連續第12日下跌至 3.47%,  利好銀行金融類股份，標普500銀行金融類股票跑贏大市，上升12%。美國銀行大升12%，花旗銀行更猛漲15%。

另外，通用汽車亦尋求美國財政部注資100 億美元，併購佳士拿車廠，這個世紀併購若然成功，新的通用、佳士拿公司要裁減數以千計員工，聞說賠償方案亦甚搞嘢，被裁的中低層員工最高可獲7.5萬美元現金及2.5萬元購車券，公司想食埋員工最後一筆，叫番佢地買通用、佳士拿的汽車，而被人裁仲去買車，也的確是美國人才會咁做。

    有喜亦有悲，全球最大的家電生產商--惠而浦表示將裁員7%,並因需求疲弱而下調今年業績預測，股價重挫8.3%。

在昨日全球股市反彈大浪中最厲害的要數德國的大眾汽車(Volkswagen AG), 隨著保時捷Porsche SE入股的計劃，大眾汽車將超越石油公司艾克森美孚(Exxon Mobil Corp.) ，成為全球市值最大的公司，刺激股價繼上日飆升147%之後，昨日再大漲95%。德國DAX指數30隻成份股有19隻下跌，衹有11隻上升，但指數在大眾汽車的推動下大升11%。

全球股市處於一個反彈浪中，港股早前跌得好急，反彈亦應該同樣地急，反彈的第一個高位，可能在反彈開始的三日內出現，追貨的朋友要小心，若短炒就要嚴守止賺、止蝕位啦。

陸羽仁

http://www.hkheadline.com/blog/r ... rd=&searchtype=

Mr.Business

2008/10/29 上午 11:03:14  

陸羽仁覆網友

111, twohitsix:我講的12000點行使價的認沽期權，講得唔太清楚，其實它以一張票據形式出現，派年息25厘，內附一個認沽期權，購入這張期權者，收取利息後，就要在一年後以12000點接期指，買入這張票據等如沽出「認沽期權」，若一年後期指在12000點樓下，票據買家就要接貨。

票據的沽家自然係睇淡港股，才願意付高溢會買入「認沽期權」，只要佢睇啱，恒指唔使等到明年底才跌，假設恒指在合約期內跌到8000、9000點，票據沽家揸同等數量的期指就可食糊。

牆頭草:恒指過去已有幾次係杜指的領先指數，不過係插那邊，相信鬼佬們係睇住杜指期貨玩港股，或者咁講，就係佢地同步炒。

Ray:我唔係話澳元兇險過紐元，紐元較細，亦係高息，走勢和澳元近似，所以風險和澳元同樣咁高。

Sandy:你話有工行、中行、中石油，全部輸到一半，想長揸，唔知佢地值唔值得長線持有，這幾隻股都係大股，第一唔會執，長揸都Ok  o既。

Tsangling:香港研究緊禁唔禁的係「借貨沽空」，即係唔俾借貨去沽。

Hero:你引用文章講到歐洲的問題，確實存在，而且歐洲國家較散，財力不一，雖有歐盟，總不如美國這樣一個統一國家。簡單點說，歐洲樓市及經濟跌浪未完，所以歐資行咁緊張，股價插得咁急，自有原因。

三心兩意:散戶死揸不沽者大有人在，這其實也是Buy and hold的理念，佢一世唔沽，只要公司不執笠，又有派息，散戶就坐住收息。

我說這個跌浪是超前跌，是因為佢跌得比較深，但我仍然覺得星期一的點數，未必是這個熊市之底。股市若反彈得多，揸重者不妨減持一些蝕得較少的股票，減減磅留點彈藥，或者將來有平貨執，亦未可知。

你問我點解在5月時沽貨，係因為年頭大跌時買入的貨只是trading position, 揸中線博美股見底, 美股後來升唔上去調頭落, 穿位止賺走咗。我比較守自己的買貨原則, 有時會賺少啲, 但係安全啲。

Mapleleaf:你問我加拿大的金融股, 我唔係專家, 所以唔識答, 但我覺得環球金融股風險未過, 保險股好似好穩, 但它們持有的資產有大貶值之險, Sunlife ( Canada)的情況我唔太清楚, 但美國保險股持有大量商業物業, 怕大貶值, 所以被人狂沽。今天的息率, 明天不可保持。所以若要買, 要分段, 小注, 仲有機會跌深啲。

吹B:你建議網誌文章轉為較分析性, 係好建議, 我在美國市大上大落時, 會多講市況, 到市況靜啲時, 會開始較分析性的內容。

Stephen, 思考:現時買ETF要研究吓對手風險。另外若是全球性衰退, 恐怕金價都唔會好。若睇五年, 買入優質股無眼睇長揸好啲。

Jeffrey, s2000:渣打大跌反映歐洲銀行的風險, 唔好過份樂觀。我唔係覺得佢會跌深啲, 而係有少少怕佢有啲我睇唔到的風險。我知佢十分水緊, 令我有啲擔心。

FW:月供在跌市加碼, 睇長線,係可取做法。

Lavander:工行最大, 建行做多啲樓按, 若中長線對大陸樓市仍樂觀, 可選建行。

下世紀再嬉戲: 你講到那本已停刊的財經週刊, 我也有看, 自己的確有過空想去辦財經刊物, 和散戶共同研究以基本及技術分析, 理性地去投資, 但正識太忙, 只是空想, 或者要等退休後才會做。

迪迪仔: 非槓桿化的黑洞, 尚未填好。

Flyintheshy:月供得太多時不如供2828。內房股的確幾殘, 但怕有個別頂唔順, 要買慢慢買, 分散買。

Mr.Business

注：此篇文章版权归香港頭條網所有。

金融High Tea——舞上舞落玩到謝
2008年10月30日

美股杜指上日大升889點，但恒指只是高開211點，稍微回落後即進一步上升，突破13,000點大關，早市中段升至全日最高的13,307點，最高大升逾700點。受內地股市回吐影響，恒指掉頭下跌，跌幅逐步擴大，中午前13,000點再次失守，下午更一度倒跌至全日最低的12,334點，尾市略彈，在 12,500點間爭持，在最後的競價時段回升超過100點，恒指收市報12,702點，升105點，升幅0.8%；期指收市報12,706點，升260 點，高水4點，大市成交593億。國企指數收市報5,787點，升104點，升幅1.8%，好過恒指。

外圍股市除了日股因為日圓急跌而大升7.7%以外，其他亞洲股市都無乜力，上證綜指更跌2.9%。以港股為例，已超前反映了美股的升市。

鱷魚少波動大

不過唔好睇大市只升105點，但全日最高13,307點，最低12,334點，上下波動超過1000點以上，如果炒即日鮮走錯邊，可以輸幾轉。由於美股升 889點咁多，所以股民先對股市有較高期望，上午升穿13000點時，升幅逐步擴大到升700幾點，都可以話幾樣像，好多散戶以為昨日又要升1500點，撲入追貨，結果大市急回，即刻挾住。

到下午返來又開市跟日股先彈一彈，又引第二批散戶去追，好快又回馬槍急插，最衰時轉升為跌，好友想唔打靶都唔得，到尾市好友打晒靶又企番定。

有中環茶友話，呢個市鱷魚無最旺時咁多，但幾條鱷舞上舞落波動更大，睇住散戶食，玩到你謝，散戶順住感覺走，就俾人玩死，左打你一巴，右又打你一巴。今日期指結算，風浪更急。

昨日大市唔得，同龍頭股礇控（005）股價及相關新聞有關，大笨象經過上天的狂升後，獲利回吐盤湧現，收市報86.15元，跌4.3%，一開市就跌，最低見過82.4元，最後叫做彈番少少收場；中移動（941）股價及相關新聞硬淨鱓，收市報60.15元，微跌0.6%。

炒踎傳言無王管

近日石油石化股大插，和媒體報道有關，有報道話「12家中資公司持澳元資產虧損超過千億，三大石油集團遭巨額損失」，市場傳得好亂，引發巨大震動。油公司紛紛發通告澄清，闢謠後石油類股份全面報升，中海油（883）股價及相關新聞大升11%，中海油田（2883）股價及相關新聞大升10.4%，中石油（857）股價及相關新聞升6%，中石化（386）股價及相關新聞升5%。

近日油股受壓和這些炒踎損手傳聞有關，可見中信泰富（267）股價及相關新聞爆煲的效應有多大，最奇怪係公司炒踎的消息，一日爆一單，一日又爆一單，係中信泰富之後差不多一個星期，仍然有上市公司宣佈話中了招，點解上市公司公佈時間可快可慢，港交所呢方面政策係點，似乎無人講得清楚，咁搞法亦令到傳言可以發揮推低股價的效果。

早前油價急升，航空公司逼住用衍生工具做對沖，到能源和商品回落就有損失，國航（753）股價及相關新聞及東航（670）股價及相關新聞公佈了第三季度業績，受原油價格波動影響，國航虧損19.4億元，其中持有的油料衍生工具損失9.61億元；東航更差，虧損23.3億元，其中航油期權虧損2.71億元。國航跌3%；東航跌1.3%。

內地商務部發出預報，國際金融風暴引發經濟衰退憂慮，指內地銅、鐵需求疲軟，價格繼續大幅回落。上周（10月20日至26日）內地銅價格較前周大幅下跌 16.7%，連續九周下挫，鐵礦石平均價格較前周下跌9.8%。目前部份礦山已經停產，部份鋼廠也因減產縮減了採購量，內地鐵礦石需求不振，由於全球經濟前景不容樂觀，國內外銅、鐵市跌勢難改，預計短期價格將維持低迷格局。

江西銅（358）股價及相關新聞 收市跌4.6%；雖然前景不佳，但鞍鋼（347）股價及相關新聞獲大股東增持，對股價起支持作用。內地焦點是增加基建，或會對鞍鋼有利。鞍鋼大升13.9%；連帶馬鋼（323）股價及相關新聞亦上升近5%。

由於上海預計第四季度樓價將會下跌，雖然中央出了10招打救內地樓市，但內房股表現仍然差強人意！內房股方面，中海外（688）股價及相關新聞跌3%，華潤置地（1109）股價及相關新聞跌5%，世房（813）股價及相關新聞升3%，碧桂園（2007）股價及相關新聞跌2%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

減息         

2008/10/30 上午 09:30:59
網誌分類: 經濟

中美一齊出招救市，美國聯儲局決定減息０．５厘，把目標利率減到１厘。美股尾段由升轉跌，杜指在最後12 分鐘急挫超過300點至全日最低位收市，收報報8,991點，跌74點，跌幅0.8%；聯儲局亦宣布會向巴西、麥西哥、南韓和新加坡央行，每國提供３００億美元的調期安排給它們，以舒緩在當地對美元的緊張需求，這也是美國首次把提供美元兌換資金的安排給主要工業國以外的國家。

在美國減息前夕，中國人民銀行配合美國減息的行動，宣布把存貸利０率同時降低０．２７厘，亦是一個月內第二次減息。正在俄羅斯訪問的總理溫家寶亦講到支持香港的說話，話香港正面臨金融海嘯衝擊帶來的嚴冬，中央政府絕不會不管，而是會鼎力相助。溫總並宣布「五招」力撐香港，包括和香港共同研究對抗金融風險的預案、擴大自由行範圍、加快基建、扶助香港中小企，以及保障內地食品廉價優質以助港抗通脹。

先講美國減息，美國聯儲局一如經濟學家所料，所有理事一致同意減息0.5厘，以阻止美國經濟進入二戰後以來最嚴重的衰退時期。上次減息是在10月8日，當日全球多國齊齊減息0.5厘，所以一個內美國已合共減息１厘。

聯儲局的聲明話：「經濟增長仍舊面臨下行風險。最近以來聯儲局的政策舉措，包括今天的降息決定、各大央行聯手降息、破例的流動性措施以及政府爲加強金融系統而採取的措施，都應該長遠起到改善信貸狀況和促進經濟恢復溫和增長的作用。」聯儲局顯然認為通脹不再有上升風險，現時最大的風險是經濟衰退。美國商務部將在今晚公布第三季數字，市場估計會倒退０．５％，而且負增長起碼會持續一兩季。

美聯儲前理事、現任哥倫比亞大學教授米什金(Frederic Mishkin)話：「聯儲局在向市場提供流動性的問題上，已經十分激進。」市場相信雖然美息已減至１厘，但若情況惡化，聯儲局還可以再減最多０．５厘，但美國再減息的空間已極之有限。

    美國減息後，美元偏軟，跌到一星期低位，今早兌歐元造1.2949美元，兌日圓造97.48圓。

    美股昨日走勢可以講係峰迴路轉，承接上日狂升近900點的大好形勢，加上美國公佈上周抵押貸款伸請量增16.8%，較前周的負16.6%大幅好轉；9月耐用品訂單增0.8%，亦好於預測的減1.1%; 美股早段市況反覆，稍微向上，公布減息後曾抽上，不過到最後一小時，美股卻表演一幕驚心動魄的「笨豬跳」。金融類股份曾在聯儲局公佈會議結果後即時飆升約 3%，推動杜指急升上全日最高位的9,363點，但尾段卻急插，相信係因為有報導話通用電氣對未來經濟前景看淡，市場擔心企業盈利狀況惡化，杜指在最後 12分鐘急挫超過300點，至全日最低點收市，有分析家認為這是從未見過的最瘋狂現象，杜指收市報8,991點，跌74點，跌幅1%；標普500報930 點，跌10點，跌幅1%；納指報1,657點，微升8點，漲0.5%。

影響尾段大市的是道瓊斯新聞報導，通用電氣行政總裁Jeff Immelt對下屬表示，儘管明年收入將下滑10至15%，但希望公司利潤能夠與今年持平。投資者紛紛沽貨獲利，通用電氣股價在最後幾分鐘下挫4%，終場收低1.5%。拖累大市的主要股份還有保健股莊生(Johnson&Johnson)，因摩根大通下調其評級，收市大跌4.1%。至目前為止，標普500公司第三季度報告，平均盈利下跌17%，已是連續第五個季度下跌，是繼網股爆煲後最長的盈利下降週期。

美國減息，美元回軟，有利亞洲股反彈，日股早段升3.4%，相信港股會在利好氣氛下開市。

陸羽仁

http://www.hkheadline.com/blog/r ... rd=&searchtype=

Mr.Business

2008/10/30 上午 11:54:45

陸羽仁覆網友

Ray:今浪反彈應該都有５０％機會上番１５０００點，長線投資者在高位減持部份股份，都係一個可行策略，目標係在低位揸番，希望可以低１０至２０％買番，拉低成本。回補時看大市跌得急唔急，如果跌唔急，慢慢跌，可以拖長半年慢慢買，但如跌得好急，插穿哂大位，例如好快穿１００００萬，就要快啲回補。

恒基和國泰現價其實都幾殘，但若想彈高先沽後補回，現價彈１５％才好去沽。

WA:想買國航和世房，一年低位開始分段買都可以，世房雖然本質不俗，但所有內房股都有週轉風險，不宜瞓身。

Tonton:熊市第三期一般都橫行幾個月至半年，唔怕佢橫行，橫行時可能已比低位彈高少少。怕佢未插夠，因為一未知美國停未，二怕美國停了亞洲都仲會插，三怕若不是買大藍籌，指數不尋底略弱的股份仍會再尋底。

Bdroom:熊市未完，唔好心急追貨，都係等佢再插時分段慢慢買好啲，同時觀察下一浪插又會唔破呢一浪的底部。

JL:人民幣短線平穩，甚至有少少向下，阿爺唔想人民幣升不利出口，但美元長遠唔似會好強，所以人民幣唔似弱得去邊，跌得多又俾鬼佬嘈。現時吸納應以賺息差為主，短期未可對匯價有太高期望。

一草一木：美元回軟後，到英國和澳洲減息時那些貨幣又會再試低啲，等跌深少少再買未遲。日圓若插穿１００圓後，可以開始吸納，因為佢最多減０．５厘息，之後減無可減。　

Kowloon tv:０９年樓價仍向下，特別是豪宅未跌完。

Foxy:航空公司的油料衍生工具虧損似正常對沖，油價一路急升，唯有買入認購期油的工具來對沖，以控制油價再升的損失，等如在高位鎖定部份油價，但跟住油價急跌，自然就有衍生工具損失。

三心兩意：信貸市場未鬆，明天頭條日報的專欄會講。

Catjim:美息減無可減，全球衰退，所以現時運行緊一浪較高息貨幣的跌浪，到跌到咁上下，等如先後到咗位，大家都不再減息時，美元過度供應的影響浮現，就會回落。

賣１２０００點認沽票據出街的大戶，加埋派息理論上約９０００點才打和，但實際上跌穿１００００點時，都唔使到９０００點，當時的認沽期權價已大升，佢平倉都賺到笑啦。

１５元的２６２８好少少，但我仍有少少怕佢地的投資唔知穩唔穩陣。

曹慢德：你定的第一注買入價相當低，如９４１要４０元，即使佢見４０元，你都唔易買齊，建議若分注可以定番高少少第一注的入價，或者再插近１００００點時入第一注。

Kathleen:我對本地銀行睇得淡的，因為部份未跌得夠多，而且本地壞消息未盡出。對內銀股睇得好啲，係估計阿爺有力保８％，內地經濟不至大插，內銀股的真正風險是內地樓市若大插，佢地壞帳會急升，會否如此是５５波。

Mr.Business

注：此篇文章版权归香港頭條網所有。

金融High Tea——夾淡倉同樣狂
2008年10月31日

股市跌得狂，彈得同樣狂，美國減息0.5厘，日圓走弱，日本、南韓等外圍股市急升帶動，港股高開578點，然後拾級而上，升幅逐漸擴大，恒指重上10天移動平均線。下午愈升愈有，恒指最後以全日最高點收市，收報14,329點，大升1,627點，勁升12.8%。下月期指收14,150點，低水179點，大市成交751億。國企指數收市報6,764點，升977點，升幅17%。

恒指42隻成份股中，除中銀香港（2388）股價及相關新聞和裕元國際（551）股價及相關新聞逆市下跌1%外，其他股市均有明顯漲幅。龍頭股礇控（005）股價及相關新聞及中移動（941）股價及相關新聞仍然係升市的主要推動力，礇控重回90元樓上，收市報95.4元，升9.25元，升幅達10%。中移動更厲害，收市報68.1元，大升13%。

今次港股大反彈和外圍同步，但只有港股和韓國股市有雙位數字升幅，港股係冠軍，排第二的首爾綜合指數收盤暴漲12%，創下史上最大單日升幅。日股受日圓走軟和日央行降息傳聞提振，日經指數收盤亦大漲10%。反而內地減息0.27厘，但股市反應相對平淡，上證綜指收報1,763點，只漲2.6%。

一到結算就玩№

中環茶友話，港股在期指結算日爆升，表現冠絕區內股市，你話無期指結算因素都無人信。黑色星期一插到咁深，星期二政府一話查沽空盤就急彈，大戶反手造好，順便食埋呢一浸反彈，殺到結算。

港股上一浪高位在10月14日的17,141點，低位是呢個星期一的10,676點，半個月跌鰦6,465點，但三日已經反彈鰦3,654點。正常反彈跌幅一半，就應該去到13,908點，若然彈勁鱓去到跌幅67%，就應該去到15,007點，現價已升穿13,908點，距離反彈67％的水平，仲有677 點，反彈走勢開始有點盡啦，長線投資者不宜追貨，反而若在低位撈鰦貨短炒者，唔怕見高位出番少少貨食纒胡。

你可能會問，點解唔可以彈得更高，甚至上穿上一浪高位17,141點呢？呢個世界股市可以一日跌1,600點，又一日升1,600點，的確乜都有可能。但正路鱓講，如果升穿上浪高位17,141點，個市應該轉勢，由淡轉番好，但你睇纒外圍和本地經濟環境，又到時候轉勢未呢？

美國減息香港無得減，銀行話同業拆息仍然高企，暫無減息空間，有銀行更提高新做按揭利率。環球資金市場的確仍然緊張，你睇紐約隔夜息相對於倫敦三個月美元貸款利率，去年正常時兩地息差只是0.27厘，但10月10日高峰期息差高達4.02厘，依家真係跌鰦，但仍高達2.5厘，仍然好高。又睇纒美國30年按揭利率，今年1月係6.07厘，今年聯儲局減鰦三次息，只是呢個月都減鰦合共1厘，但按揭利率仍然係6.04厘，無乜下跌。資金緊張，拆息高企，借貸利率未跌得到。

升一兩成其實唔多

不過大環境唔好，在大反彈市升一兩成的股份比比皆是。中國今日在本月第二度減低人民幣存貸款基準利率0.27厘，國企、紅籌股大幅反彈，跑贏大市，中資金融類股份顯著全面暴漲。

中石化（386）股價及相關新聞公佈業績雖然不理想，即使有117億元人民幣的補貼，煉油業務仍虧損182億元人民幣，但盈利較預期好，並預測第四季虧轉盈，花旗、高盛均評級升為「買入」，令股票備受追捧，收市升近17%。其他油股升幅更厲害，中石油（857）股價及相關新聞升20%、中海油（883）股價及相關新聞升22%、中海油田（2883）股價及相關新聞 因盈利增長強勁，更大漲二成半。

不過茶友話，睇到呢鱓升一兩成的數字，不要過份興奮，如今彈幅最大的股份，就係插得最深的股份，好似平保，一個月高位52元，依家狂彈了也只是31.1 元，仍比高位跌了40%，你見彈20%以為好多，只因佢跌鰦勁多，股價基數細了，才好似升好多，你諗纒在一個月高位買了10萬元平保，早幾日插得最深時得番4.3萬，而家叫做升番，也只得6萬，仲係入晒肉。

廣告時間：大市回落，不再是日日大賺食鮑魚的日子，最飱練纒基本功，買股前詳細研究股份基本資料，可以買份《星島日報》，加75元換本《股票投資指南》，成舊磚頭咁厚，以後唔使買完隻股連佢做乜生意、往績如何都矇查查。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

衰幾耐？  
       
2008/10/31 上午 09:34:50
網誌分類: 經濟

昨日全球股市大升，到美股開市的焦點就在經濟增長數字，雖然美國商務部公佈第三季國民生產總值(GDP) 收縮0.3%，是自2001年第三季度以來的最大跌幅，但下跌程度低於市場預期的0.5%，投資者對全球央行降息將有助緩衝全球經濟下滑感到樂觀，杜指高開即上衝全日最高點9,266點，隨後拾級而落至中午的全日最低的8,977點。之後再度反覆回升，重回上午水位，最後杜指收市報9,181點，上升 190點，升幅2.1%；標普500報930點，漲24點，升幅2.6%；納指收報1,699點，上揚41點，漲2.5%。

個股方面，分析師認為科技業將是經濟復甦中得益最大的行業之一，蘋果電腦上揚6.2%，英特爾則勁升8.2%。

萬眾期待的美國第三季經濟數據出籠，下降0.3%，稍好於預期。去年第四季度，美國經濟按年率計算下降0.2%，但後來沒有連跌兩個季度，所以按定義美國未陷入衰退。今年第一、二季，美國經濟分別增長0.9%和2.8%，如今到第三季再跌。

美國經濟第三季度按年率計算下降的主要原因是，約佔國內生産總值三分之二的個人消費開支下降3.1%，爲28年來的最大降幅，也是自1991年年底以來首次下降。消費者用於購買汽車、家具、家用電器、服裝和其他商品的開支都有所減少。此外，住房投資以及設備和軟體投資下降，進口亦下降；但聯邦政府開支、出口、庫存投資、企業用於辦公樓和廠房等方面的非住房結構性投資以及州和地方政府開支卻有增加。

數字顯示美國的弱美元政策收效，出口增加，進口減少，減低了美國經濟下滑的速度，試想如果不是美元弱勢，美國第三季經濟隨時已要跌2%以上。

    　經濟學者估計美國第四季GDP會跌得更多，這樣這正式跌入連跌兩季的傳統定義經濟衰退之中，問題係會跌幾耐。Decision Economics首席分析師Allen Sinai話，美國經濟將會陷入長期的深度衰退，經濟的低迷期，會一直持續至2009年的下半年。如果美國經濟繼續惡化，聯儲局可能被逼在12月再減息 0.5厘。　

    　而三藩市儲備銀行總裁公開表示，最近數據顯示美國經濟正「深陷困境」，而政府應該考慮新方案幫助業主和遏止物業斷供的情況。美國正研究推出一新招救房市，美國聯邦存款保險公司（the Federal Deposit Insurance Corp.）和美國財政部正計劃向有問題的房屋按揭提供5000億美元政府擔保，以減慢銀行的收樓潮，令銀行有更大意願和業主重組貸款。

　　美國有很多物業按揭是採取頭兩三年低息、之後大幅提高利息的供款方式，美國房市急跌後，當物業進入高息供款期時，很多業主會斷供，2007年高價買入的物業的業主，預計到2009年就會大量斷供。

　　美國政府近期注鉅資進入銀行體系，但都無法阻止業主斷供及銀行收樓。聯邦存保公司主席貝雅（Sheila Bair）話，協助數以百萬計業主重組房屋貸款的計劃，要有很大規模，才有足夠影響，她未有公開透露研究中的計劃詳情。但傳媒爆料話，方案是由美國政府爲業主的按揭擔保，但銀行要同意讓業主把按揭貸款重組，調低利息至少５年，到達一個業主能負擔的水平，將加息期延長到５年之後。計劃的目標是産生可持續效果，讓業主可以續供按揭，大量減少斷供。

　　美國政府擔保房貸之後，若業主最後仍然斷供，政府就要向銀行賠償樓價損失，估計政府提供5000億美元按揭保險，最後總共要賠償500億美元給銀行，這筆錢要由納稅人支付，最後就形成7000億美元救市方案的部份開支。

熟悉美國金融情況的知情人士話，這個5000億美元擔保按揭的方案若能成事，將是美國最有效挽救樓市的措施，若樓市能保住不再急墮，將有利美國經濟較快尋底。

現時全球股市的炒作方向已由金融風暴轉向經濟衰退，若市場相信美國政府的措施有效，經濟衰退期較短，美國經濟可以較快回復正增長，股市就可以穩定下來，否則仍然是反覆向下的格局。

陸羽仁

http://www.hkheadline.com/blog/r ... rd=&searchtype=

Mr.Business

2008/10/31 上午 10:57:18  

陸羽仁覆網友

牛腩貓咪等：想換《股票投資指南》，買份星島日報搵個印花加７５蚊去換就得啦。至於牛腩話想用７５０蚊買本《股票投機指南》，我都寫得出，但學投資十個中有五個學得識，但學投機十個只有一個得，怕整咗本《股票投機指南》出來，十個買咗睇完去炒，會死咗九個喎。唔係本指南唔得，係學員克服唔到人性的弱點。

１８新手：香港人在股市樓市暴跌中會回歸現實，努力工作，咁樣也不是一件壞事。

Ray:美國減完息，你問好唔好沽出高息貨幣博佢地再跌，關鍵係美元回軟係呢次升浪的調整還是轉勢。請你打開美元指數幅圖，佢上到近８８的的高位後急回，回得較急，跌咗８４，有點破位向下格，建議等佢去番８５先至好沽外幣，否則可能錯過了一個美元轉勢的可能。想睇圖可以睇下邊條link。

http://charts3.barchart.com/chart.asp?sym=$DXY&data=A&jav=adv&vol=Y&divd=Y&evnt=adv&grid=Y&code=BSTK&org=stk&fix=

今次反彈第一個浪頂昨日已見，唔知有無第二浪可破呢個浪頂。咁大o既跌浪，如能穩定下來，又會展開一兩個月的反彈，但見了浪頂後就炒上落，走波幅。

估計熊市第三期明年初會到。前題是美國不會有一個持一、兩年的衰退。

渣沽：你問係唔係一定要有熊三，有時大跌市的後段好短，熊三似有若無，例如美股８７年大跌，到８９年就再上新高，８７年股市大跌都無乜影響到實體經濟。但今次係百年不遇的風暴，我就覺得對實體經濟影響好大，只能期望熊三短啲，你估佢無熊三咁快會升，唔好咁樂觀啦。

Wa:對沖基金倒閉前會大量出貨，之前大跌與此有關，未來風波平靜後，少咗人炒，股市會靜啲。

日向：你問我對近日勁升的感覺，之前勁插，而家反彈會一樣快一樣急，係咁架啦，無乜感覺。

S2000:你炒建行博反彈，第二注２．５元唔敢入，走又走得太快，唔出奇，若到入到埋第三注更腳軟，但走得快咗半日就有少少遺憾。下次又可以喺３元開始。

月供２８００都得，都有息派。強積金轉哂恒指都得，要預咗佢再跌唔好心痛。

Fatfat1389:美國的黃金儲備和國債不成比例，美國在７０年代初廢除金本位制，即係發鈔不用黃金支持，可以無限發鈔，無限發債，以信用擴張來達致現代的繁榮，簡單啲講，就係國家都先使未來錢。

Muse:問好唔將渣打轉內銀股，長線建行和招行較好，不過兩股都有缺點，建行按揭壞帳可能較多，招行較貴，如果月供無所謂，就咁買俾啲耐性等壞消息盡出時才買，不過如果一換一，將渣打換佢地，又可以噃。

Bread:早前叫你咪買樓住，而家係唔係好開心呢？遲啲可能會跌深啲，而家２５０至２７０萬的樓，有機會２２０萬左右買到，１９０就唔知會唔會咁低。可以揸住張票，話有２００萬樓叫經紀call你。

Persie：你話「今年身家蒸發了7位數, 好灰好灰.  看見股市溶化式下跌, 實在痛苦得難以承受.  我亦經歷過負資產事件. 人生不如意的時間是比較多!」如果你是長線投資者，睇開啲，只要隻股間公司唔執，仲有息派，暫停睇佢啲股價兩年，就無事架啦，要學吓特首，「股價於我如浮雲」。

Wst: 中鐵９．７元買，無止蝕，我唔識建議，唯有長揸。交完學費下次在旺市時買股，要記得守止蝕。

投資者：未入第二注中移動，若是長線投資者，要俾啲耐性等吓啦。

Fatkie:指數基金會跟佢買入的成份股派息，但買窩輪的２８２３似乎無息派（有無網友知道真實答案請指正）。２８００年息約２、３厘。

２８００盈富是買恒指成份股，港股比重較多，２８２８是買國指成份股，全是紅色股，我估十年後國指跑贏恒指，所以話超長線的可選２８２８。唔想揀股買２８２８都得，但你講的５、９４１、１３９８和２６２８都是不俗股份，個別現價略貴，可以等低啲才買，指數股也可以候低啲才分段入。

Spade Ace:反彈第一浪頂似乎見咗，唔知第二浪有幾高。有蝕一半的中海油，睇你心態如何，一般我會見投資者都會話無計要死坐，不過見你個名有啲賭性，或者現價沽一半，若再上高位沽埋另一半，博佢跌２０％以下先至補番貨。

Mr.Business

注：此篇文章版权归香港頭條網所有。

金融High Tea——股災重溫
2008年11月3日

港股在10月度過了一個驚魂股災月，歷史上的股災好多都在10月發生，例如87年的股災、97年的金融風暴等等，記得去年人人怕10月有災，點知10月唔跌，11月開始急回；今年人人見之前已經跌咁多，無人話10月有災，點知10月就來一個大災。

恒指由9月尾的18016點，跌到上周五收市價13,968點，一個月埋單跌了4,048點，呢個上周五收價已從10月27日的低位10,676點大幅反彈了3,292點，但仍然唔見鰦22%咁多，認真得人驚。

上周五港股跌361點，跌幅2.5%，而美股亦繼續反彈，杜指升1.6%，升上9325點。美股呢個月埋單唔見鰦17%，略優於港股，不過都重傷啦。

百年一遇超越平均

記得個多月前，有一次去健身玩跑步機時，一路跑一路睇電視報道，有家美資大行話，美國跌市平均跌1年左右，由去年10月高位跌到今年9月，就跌足1年，佢估美股好快會見底，港股亦好快會見底咁話。我當時一邊跑步一邊諗，股災跌1年係平均數，所謂平均跌幾多，即係有時跌得多，有時跌得少，拉勻出來的結果，但今次金融海嘯係百年一遇的金融危機，點解呢家美資行會估個市只跌平均下跌的時間，而唔係跌較長的時間呢？咁大危機只搵鱓一般股災平均數據來參考，似乎搵錯參考基數。

我估依家大家都關心港股見底未，或許可以睇纒現代較巨型股災的下跌情況，73年股災係最好的例子。香港的現代股市在60年代末才起步，但到72年中下段開始暴升，72年12月恒指仍是700多點，但牛市尾段升幅最驚人，到73年3月9日升上1,774點的高位，即是短短4個月指數升了1倍幾，這就是香港老股民常常講的「千七點」的時代。

不過升得癲也跌得癲，跌市由發現合和的假股票開始，在短短一個月內已跌了800多點，恒指跌番落900多點的水平，災情相當嚴重。到73年10月更遇上全球性的石油危機，埃及和磘利亞聯手突擊以色列，為第4次中東戰爭揭開序幕，美國因為支持以色列，被阿拉伯國家為首的石油輸出國組織報復，聯手對西方國家實施石油禁運，油價暴升，全球股市就跌入深谷中。

73股災跌足兩年

港股在73年的跌浪中雖有反彈，但彈完又再插，恒指終於在74年12月10日插到低位150點，恒指從高位跌了92%，跌市持續了1年零9個月，下跌的時間和深度都十分驚人。不過大家可以咁睇，73年香港股市初起步，未見過大場面，所以牛市時股份全部亂咁炒，這是典型的第三世界股市，升得癲才會跌得咁狂，相信現代股市都好難跌92%，咁講又飱，或者又睇纒73年美國的跌市。

73年港股的大牛市，都有國際背景，但當年資訊不發達，香港普通股民根本唔知美國發生乜事。美國總統尼克遜在1971年取消美國的金本位制，從此美國發鈔不再需要有黃金儲備支持，此舉目的是徹底解脫美國發鈔限制，可以無限量發鈔和借債，以擴張性的貨幣和財政政策，催谷繁榮。尼克遜這一招果然收效，但谷出繁榮的同時，因為貨幣供應量大大增加，亦谷出泡沫，美股一枝箭咁升，杜指大升了年幾，終於1973年1月到頂，從1051點高點開始回落。

美股在73年1月開始跌，港股還喪炒了兩個月到73年3月，當年大家唔識，以為假股票累死股市，我就有少少懷疑，港股當時亦係慢慢跟外圍，美股回落後，對外圍有了解的鬼佬知道環球股市大勢開始唔掂，就進一步推高港股派貨畀散戶接。

美股隨後一直跌，到73年10月開始遇上石油危機，更雪上加霜，急插而下，直至1974年12月杜指跌至577點的階段性低點，跌幅高達45%，美股到底的時間就和港股同步了。

持續一年負增長

美股在這個現代漫長跌市中，跌了接近兩年，指數損失近半，以一個成熟經濟的股市計，確屬重傷。香港股市當年的92%驚人跌幅，主要因為當時仍時一個第三世界式的股市，現代香港股市應該不會跌到那種田地啦。

又睇睇在美國股市下跌的同時，美國經濟發生乜事。在1973年一季度，美國本地生產總值（GDP）增長達到10.6%，是一個驚人高點，難怪股市在同期1 月衝上高位，隨後GDP開始下降，到1973年三季第一次出現負數，但第四季又回復正數，到1974年再跌入負數，74年第一季、三季、四季以及1975 年一季均出現負增長。

今次美股牛市的終結亦和70年代時一樣，GDP增長和美股同步見頂。美國2007年第三季經濟增長衝上4.9%的高位，杜指亦在同期7月首次衝上 14000點的高位，後來見頂回落，次按危機浮現，令聯儲局在9月開始減息，刺激美股10月再上14,000點，造出一個雙頂，結束這個牛市。

73年時美國經濟開始負增長的季度後，又在73年第4季回復正增長，然後才再跌入負數。今次美國GDP在去年第四季錄得負0.2%的減縮後，也在今年第一、二季再錄得正增長，然後才在第三季再跌入負0.3%減縮。73年第二段的負增長維持了一年加一季，如果今次美國經濟連續負增長一年以上，都要衰到明年第三季，以今次美國的跌勢，維持連續幾季甚至一年負增長不足為奇。

股市走前三個月

股市比經濟走前三個月到六個月，70年代美國的跌市在74年12月見底，但經濟在75年第一季仍是負數，所以股市走前了三個月插到底。所以假設美國經濟要跌到明年年中以後，股市到明年初仍可能有得插。

你可能會問，到底美國經濟在70年代差還是現在差，當年是泡沫爆煲再遇上石油危機，所以才爆出這種大鑊，在70年代的衰退中，美國通脹率（CPI）從 1972年末開始上升，到1974年末高達12.3%，因為油價不因經濟衰退下跌，因為禁運的國際政治因素高居不下，美國當時是陷入不受控停滯膨脹中。從這個角度，今次衰退令油價急回，美國的通脹率急跌，所以美國經濟只受衰退打擊，無受通脹和衰退雙重打擊，可以全力減息救經濟。不過今次金融業的核心溶解，也是70年代所沒有，大鑊一個又一個排隊上，美國住宅樓急插緊，但商業樓又開始跌，獱重商廈物業的保險公司危危乎；次按未爆晒，又到信用卡還款爆鑊，諗起都令人頭痛，在這個百年一遇的金融危機中，雖然話現代經濟在擴張性貨幣政策下恢復得更快，但今次衰退會唔會短過73年好多，亦真係無把握。

我估港股大體上脫離唔到美股的大勢，但金融風暴由美國吹向歐洲、亞洲，本地公司的爆煲潮今年底明年初會上高潮，仍不排除美股稍定，但港股企唔定，短期雖會反彈，只怕反彈過後，又再滑向低位。這種市況，暫時未宜鲻身也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

信用卡危機         

2008/11/3 上午 09:06:09
網誌分類: 經濟

       今天在《頭條日報》講到1973 年的股災，這是現代較長一次股災，有些時候，美國股市的下跌相當短暫，例如1987年大跌後，在1989年美股已從上高位，又例如2002年911事件令美股一度急瀉，最後亦快速恢復，關鍵是股市大跌有無對實體經濟產生影響，若無影響股市會較快恢復正常，而美國實體經濟的核心環節就是消費，很不幸這次金融海嘯已對美國消費帶來顯著影響，由此可以判定，股市不能太快康復。

美國主要零售商如Home Depot Inc., Sears Holdings Corp. 等今年的節日消售預計會減少8%。消費減少除了因為消費者收入減少外，更大問題是借貸緊縮，美國人好得意，有人肯借錢俾佢地，佢地就會使，但在金融海嘯信貸緊縮下，有接近四份之一的美國消費者說銀行將其信用咭信貸額減半，而很多人申請新咭亦被拒。

在信用卡借貸收縮下，大額消費顯著減少，根據上周的一項調查，受訪的10,000 名美國消費者話，除開禮券之外，其餘超過三份之二的消費都是使用信用咭支付的，銀行一控制信用卡貸款，消費者想花錢都無水。踏入11月，零售業正進入佔全年收入達35%的銷售旺季，但需求卻被壓制。紐約顧問公司AlixPartners LLP總裁David Bassuk話，銀行就是缺乏資金，而資金緊絀壓抑信用卡貸款令零售商損失生意和顧客，在零售旺季更顯嚴峻。

其實上星期美國商務部公布的GDP數字已見端倪，佔美國經濟的最大部份的消費開支，在九月份下滑，是自1968年以來最大的跌幅，是美國第三季度GDP收縮0.3%的主要原因。

你可能能唔知美國人如何靠信用卡借貸渡日，自1999 年以來，美國信用咭欠債增加了75%，但同期，扣除通脹的實質工資增長卻衹有4%，即係話過去10年的消費增長主要是借回來的，並不是由經濟增長工資上升所帶動。而聯儲局10月公佈，8月份信用咭欠債降低了，這是自1998年1月以來第一次下降，在信貸緊縮下，接著的月份信用卡借貸還會下降。

　  信用卡是美國人生活及美國經濟的重要組成部分。根據聯儲局最新資料顯示，美國人的信用卡債務高達9000億美元，有借貸的美國人人均持卡數量達7張之多。據評級機構穆迪統計，今年8月份全美信用卡拖欠額上升6．8％，比去年同期上漲48％。信用卡壞帳大升，又成為銀行一大包袱，成為銀行業績的炸彈，銀行唯有收緊信用卡借貸防止風險擴散。

信用卡借貸的死結難解，銀行和消費者又想政府救贖。代表美國100 家大銀行和金融公司的金融服務圓桌會議日前與美國消費者聯合會組成特別聯盟，向美國政府提議，要求政府支持免除信用卡用戶的部分債務。金融服務圓桌會議的高級副主席斯科特·塔爾博特話，這一試驗性計劃涉及5萬信用卡負債人，具體的債務免除份額將視信用卡用戶的個人財務狀況而定，最高可達所欠債務的40％。

    經濟環境惡劣，但美股亦在反彈氣氛中，今早亞股造好，希望大家不要將反彈錯認成復甦，未來還有一段日子要捱呀。

陸羽仁　

http://www.hkheadline.com/blog/r ... rd=&searchtype=

Mr.Business

2008/11/3 上午 10:40:30  

陸羽仁覆網友

Twohitsix:美國政府為銀行包底後, 所謂信用卡危機是舒緩了, 因為即使銀行撇帳大升, 都不會資不抵債, 唔夠資產可以叫政府再入股, 不過這件事若發生時, 對股市仍有震撼性。

Ray:對沖基金倒閉潮仍繼續, 未美國有無下一浪大插, 若再有大插未必咁快完。

KFC:你話唔睇好美元, 想將美元結算的基金換馬去非美元結算的基金, 我理解大基金會同時提供美元和非美元結算, 但這樣根本不能迴避匯價風險, 關鍵係基金投資在什麼地區, 個基金全部買美股, 即使用歐元結算, 佢只係換個匯價計俾你, 你一樣會輸價。若不看好美元, 要買其他外匯, 甚至投資在買非美元區股票或債券的基金。

草帽小子:你問點解反彈係反彈50% 或67%? 其實這是睇走勢圖的講法, 前題係假設大市有一個下行的走勢, 一浪比一浪低, 你想像一張股市走勢圖, 上浪高位是17100點, 若反彈番上17100點, 這根本不是一浪低於一浪的走勢, 若反彈是跌幅的一半, 或最多只是67%, 這一級的浪頂比上一級的低, 還是在一個較完美的下行走勢圖。

Catjim:咁勁插完一穩定就先勁彈, 走勢好正常。熊三會靜啲, 咁大插又大彈未似熊三。講牛一似乎早咗啲。

恒指跌破一萬的可能性的確存在。在大反彈的日子無需吸納。

大陸存貸利率都同時減, 息差收窄不多, 弄不好企業等錢使時, 貸款息率唔減都照借。

三心兩意:反彈無比跌市快, 你睇恒指圖就知, 根本係一個V型, 升跌速度相當。

陳永仁: 恒指彈高啲唔奇, 但不要期望過高。傳統智慧話美國大選前後股市會升, 和選前執政黨頂住個市和選後的樂觀氣氛有關 但今年的情況不傳統, 過去好少在大選前一個月大插, 但今次出現了, 可見執政黨即使想造高個市, 都無能為力。

Soho:10月和11月的確是accumulator的接貨高峰, 因為去年10月股市見頂, 好多一年期的Accumulator當時做落, 如今一年後到, 但之後仲有, 但數量無咁多。

Lavander:中信泰富短線可炒難投資, 想投資博澳元再大跌, 佢跌到2、3元時就唔怕投資吓。

Yuki:聯儲局提供給南韓等國的調期是上星期的新聞, 意即美國調美元給他們, 讓他們有美元資金注入當地金融體系。

我講高賣低買中銀香港, 是年幾前的事, 那時大市開始急升, 有些朋友較保守, 所以建議一個相對風險少於買紅色股的建議給他們。現在這個建議完全唔啱用, 因為本地銀行經營狀況惡化, 我怕佢地未跌定, 要買等跌定後買入長揸, 也不是高沽低揸出出入入。

中國經濟不一定和中國股市同步, 2005年前中國經濟好好, 股市持續在900點、1000點唔郁, 所以我在當時叫人買2823, 當然, 大陸經濟保持到增長, 你睇五年中長線, 股市跌咗會升番。

你問reits 的風險如集資需要, 配股或供股需要, 或低價私有化等, 我同意這些風險全部存在, 更實在的風險是租金收入下跌。但買reits如買樓, 還是有折讓的樓, 有部份網友愛收息, 所以reits係一個較高息之選。但原股東公司若只出賤價求私有化, 也不易通過。

我怕股市未見底, 當然如果股市再急跌, 插穿埋1萬, 引埋阿爺出手支持港股, 咁港股提早到底亦未可知。

講內銀行我比較注意招行, 如果佢跌穿招股價, 都可以開始分段買吓長揸, 而家係弱股先穿招股價(以同期招股計)。所謂跌到沙士價, 當時未上市的股票好難講, 用交行來比其他內銀股亦唔太合適。

曹慢德:其實工行和建行都幾接近, 工行更大, 建行較多按揭生意, 睇完業績建行好少少,派息也是一個考慮。

Mr.Business

2008/11/4 上午 09:56:55

陸羽仁覆網友

Clarie:你問月供２８２３安唔安全，在雷曼未倒閉之前，我都會大大聲話安全，但雷曼倒閉令「對手風險」上升，我都唔夠膽咁大聲講，因為２８２３係買A股窩輪，無人包窩輪發行商不會倒閉。２８２８係好好的替代品，因為２８２８係H股指數基金，H股長線價格和A股同步（SJ話永隆有得供２８２８）。若２８２８無得供，就供２８００盈富，港股紅色成份日增，遲早變半隻，甚至四分三隻紅色指數股。

Benno:你講的美元匯價分析係一個好的開始，實際關係更複雜。美國基本上希望美元強，因為美元強，美債有人要，佢先至可以不斷印銀紙，以擴張性財政政策支持一個成熟經濟的增長。但某些時候佢想美元弱啲，例如去年底今年初，佢自知衰退將臨，極之大鑊，就大減息，既可刺激經濟，亦可壓低美元匯價，既幫助出口，亦不怕有入口通脹，因為佢步向通縮。

未來的真正問題係到美國想美元強番時，美元強唔強得起，例如現在的匯價，能否長期維持呢？

Ray:你問信用卡壞帳對匯控影響，我相信唔太大，因為信用卡壞帳最大問題的地區是美國，記憶中匯控的美國業務主要係按揭生意，信用卡相關業務不大。

你問恒指會唔會有６０％機會去到１６０００點，我估有一定機會，但無６０％咁高，主要變數係美股在美國大選後不知會否大升。

你話等彈到１５０００至１７０００點時將強積金的港股投資轉回較保險投資，等佢跌低啲再轉回，咁講理論上係啱，但第一要時間捉得準，第二要記得轉回，好多人轉走咗就無轉番去股票基金，因為要轉回去偏偏就係感覺最危險的時候。我比你笨好多，我啲強積金郁都無郁，因為自覺唔得閒轉來轉去，怕轉走咗無理唔記得咗轉番轉頭。

Casillas:大市似在熊市二期的反覆急跌中，急跌又急彈。

Bread:你話睇中藍灣半島呎價４３００元，我話要買樓起碼要沙士價才好買，我唔記得南灣半島沙士價幾多，恐怕是３５００元左右吧，你去查一查。

Yuki:我理解係美國佬係用調期安排借美元俾外國政府，最後當然要收番美元，不是收當地貨幣，美國佬睇自己貨幣睇得好大，唔會收外國（特別是非G7國家）貨幣。

Angona:正如我今日在頭條專欄所講，中國放開管銀行放貸的行政手段，對銀行盈利利好，但效果會滯後出現，特別股市的反應更滯後。

Lovelygirl:大陸阿公資金未有明顯出動，有啲「散」水買吓唔奇。港股之升是短期超跌之反彈，彈幾高無人知，但似反彈多過轉勢。

匯豐夠膽維持派息，水頭有相當，未來未知對美國再撥備多少，對歐洲唔知使唔使撥備。佢賣Accumulator應該係做代理，唔係佢自己發行，這不是關鍵因素，最主要看撥備。

Mr.Business

注：此篇文章版权归香港頭條網所有。

婚姻與Accumulator
2008年11月4日

近日看雜誌，原來不少富豪及上市公司都有購買Accumulator，究竟Accumulator有甚麼吸引力？為何可以令到那麼多人上當呢？一樣產品要做到銷量好，我認為只得銷售員厲害是不夠的，還要再加上客戶本身對產品的需求。而Accumulator巧妙之處便是經過包裝之後，還保留覑客戶對產品某一部份的需求，而又利用一些小便宜去分散客戶對產品風險的關注度。

大市去年狂升，很多股票的價格都升到歷史高位。大眾的心態便是現價當然不會買，但只要價格稍為回落，便會買入長獱。以去年的港交所（388）股價及相關新聞為例，絕對是港股直通車概念之下的長獱之選；但是二百多元才去買，未必有點太貴了，不如等到跌穿二百元以下才買。這是很多投資者當時的心聲。而投資銀行的人便針對這種心態，推出了Accumulator這個產品。它不但會等到二百元以下才幫你買，如果港交所在合約到期時都不跌穿二百元，他們還會給你一個高息。

很多投資者都混亂了一件事情，便是雖然你心裏真的是想於二百元買港交所，但你並不是想「每一天」都買。還有原本你的計劃可能是，如果港交所股價再跌，如跌到一百八十元，你是會反手沽的。但是買了Accumulator後，你不只一百八十元沒有得沽，還要繼續買。

其實生活中有不少東西都如Accumulator，婚姻可能算是一種吧。當你決定跟一個人結婚時，原因可能是你發現平日跟她或他約會時很開心。但是你可能沒有想過原來結婚之後，「每一天」都要跟她或他生活，感覺可能不是「每天愛你多一些」，是「每天憎你多一些」呢！那婚姻不是跟買Accumulator沒有分別嗎？一樣是忽略了「每一天」這個陷阱。這個有趣的比喻我也是聽來的，Victoria還沒有經驗。但我知道，買了Accumulator，還可以再買Decumulator來補救某一部份的損失，但婚姻可沒那麼容易Decumulate了。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——阿爺解內銀股金剛圈
2008年11月4日

隨覑恐怖10月的過去，投資者緊張情緒稍稍紓緩，亞太區股市在11月首個交易日，普遍走高，香港恒生指數在外圍股市上升帶動下，高開467點，上午早段曾一度大升920點，重上20天移動平均線，在挑戰15,000點不果後，升幅逐漸收窄，下午跌勢明顯，跌至接近全日最低點收市，恒指收市報14,344 點，升375點，升幅2.7%。現貨收市後期指再落深鱓，收報14,186點，升256點，低水158點。國企指數收市報6,806點，升195點，升幅 3%，全日大市成交521億。

大市主要由龍頭股中移動（941）股價及相關新聞帶領，收市報70.8元，升4.4%；礇控（005）股價及相關新聞則微升0.5%，報92.5元。礇控在收市後公佈維持第三季派息1.4元，恒生都派番1.1元，淡市頂住不減派息，叫做有所交代啦。

中環茶友話，昨天大市走勢都唔係幾靚仔，先高後低，由上午最高見14,889點，一度升鰦920點，插番落來，最後只升375點，期指又低水158點，睇鈬15,000點呢個大位阻力都幾大。近期最好先守住14,000點，才可以持續反彈之勢。

成面血企番起身

茶友話，呢鱓反彈市好蝦人炒，彈得好急，怕佢好快就見鰦反彈高位，但短期內好多股5%、10%咁升，又會令人覺得幾好景，開始話最衰上星期一無買啦，呢種後悔心態會引人追貨，不過追得遲小心摸中個小浪頂啦。

經紀張話就唉聲嘆氣話自己係過來人，佢在上月中大市16,000點時，覺得回到差唔多啦，見隻平安保險（2318）股價及相關新聞跌到40元，呢個位係上兩個浪下跌的低位，佢以為係見「三底」，就撲入去接貨，結果大家都知，到黑色星期一最低見過23.5元，那時經紀張差唔多輸鰦一半，死忍無俾人震番出來，到呢幾日大市急彈後，隻№到昨天只係收32.8元，仲唔見18%。經紀張牙痛咁聲，話20樓跌落來固然無得剩，佢5樓跌落來都係得番半條人命，依家斷手斷腳叫做成面血企番起身咋，相信好多過早撈貨的散戶都有同一命運，總之買股就要小心啦。

昨日之底，係今日之頂，反彈都唔易去番以前的支持大位，短炒買早鰦，隻股穿位向下，上唔番去會好傷，我叫經紀張定位止蝕，見隻№升可以睇纒，一唔對路唯有走人，輸少當贏嘛。

阿爺不斷出招救市，終於肯放開內地銀行頭頂的金剛圈，人民銀行新聞發言人李超日前在接受新華社記者採訪時首次透露，為靈活有效應付國際金融危機帶來的影響，保持中國經濟平穩較快增長，央行目前已不再約束商業銀行的信貸規模。

呢個信貸規模係早前阿爺嚴控內地銀行放貸的主要手段。去年加息、加銀行存款準備金都唔能夠遏止熱錢流動時，阿爺就出行政手段，在今年年初，一改往年按總規模調控商業銀行信貸的方式，採取了按季度調控商業銀行放貸規模，即係每家銀行每一季都有一個貸款限額，到數就不能再借，限到死一死。今次係央行首次放開呢個金剛圈，雖然話金融海嘯已令企業信貸需求轉弱，但放寬措施後，內地銀行經營的靈活性就大鰦。

炒三通食夠要走

央行這一招等如傳出銀根會放鬆的訊息，市場預計2009年的貨幣政策環境會比2008年更加寬鬆。受利好消息帶動，內銀股曾經狂抽，但下午升幅回順，工商銀行（1398）股價及相關新聞曾經急升10.2%，最後只升5%；招商銀行（3968）股價及相關新聞亦曾大升9.6%，最後只升3.3%，其他如建設銀行（939）股價及相關新聞升2.7%、交通銀行（3328）股價及相關新聞升1.8%。倒是細碼的內銀股如中信銀行（998）股價及相關新聞就狂升16.5%。

中環茶友話，在大市暴升時，中央收水一時阻不到升勢，效果要過一陣才出現。而家情況反轉，在大市急挫時，中央放鬆宏調一時也阻不了跌勢，股份彈完還有壓力，放水的效果，要較長線才可反映出來。

台灣股市在大陸海協會會長陳雲林訪台之際造好，投資者憧憬兩岸將就運輸和金融等方面談判達成具體協議，台灣加權指數收盤漲124點，或2.6%，而香港三通概念股再度被狂炒，亦有不錯表現，富邦（636）股價及相關新聞最誇張，飛漲81%，閩港控股（181）股價及相關新聞狂飆68%、東航（670）股價及相關新聞漲11%、閩信（222）股價及相關新聞升12%、廈門港務（3378）股價及相關新聞升14%。概念呢家№，炒完就要散啦，唔好呆守概念股等開飯呀。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

選舉市         

2008/11/4 上午 08:57:35
網誌分類: 經濟

美股在總統大選前夕，市況反覆，杜指全日在約150點間窄幅上落，承接亞洲及歐洲股市升勢，杜指開市早段即上衝至全日最高倉9,411點，然後調頭回落，在9,325點好淡爭持，杜指收市報9,320點，微跌5點或0.1%；標普500報966點，下跌2點或0.3%；納指則微升5點，收報1,726點，漲幅0.3%。大市成交縮減，紐約證交所成交衹有約10億股，為8月底以來最低的交易日，一派牛皮待變的味道。

美國製造業的數字極之差勁，由於銀行因避險而不願意貸款，加上海外經濟放緩打擊出口，美國製造業在10月份極速收縮，步伐之快為26年以來之最，

美國供應管理協會（The Institute for Supply Management）的製造業指數從9月份的43.5下跌至10月份的38.9，較市場預期差，而50是擴張與收縮的分水嶺，如今不是收縮，係嚴重收縮。不過商務部則解話，說9月份的建設開支有季節性因素，10個9月中，有8個是下跌的。

昨日的製造業報告相信會對公共開支增長帶來壓力，亦加重減息和減稅的要求，穆迪投資的首席經濟師朗欺基(John Lonski) 在接受彭博訪問時說，製造業無容置疑正處於嚴重衰退，我們肯定需要更多的減息和財政刺激。此外，數字還反映出美國的歐洲及亞洲出口訂單正在放緩，這是美國供應管理學會有統計的二十年以來的首次。

供應管理協會的報告公佈後，預示衰退危機加劇，紐約原油下跌5.8%，報每桶63.91美元，高盛亦將全球第二大的油田服務供應商Halliburton公司的評級由「買入」下調至「中性」，令其股價下滑7. 2%，並帶領標能源公司股價下跌。

美股對製造業負面數字無大反應，皆因總統選舉即將投票，美股短期後在觀望選舉結果，成為一個「選舉市」。選前民調平均數顯示，民主黨候選人奧巴瑪領先共和黨候選人麥凱恩7個百分點，自10月開始，奧巴瑪的領先度介乎5至8個百分點，這個領先程度，預示奧巴瑪有頗大機會勝出。而民調亦顯示美國選民認為今屆選舉的主要議題是經濟，他們希望選出一個新總統，終結共和黨總統喬治布殊8年統治帶來的經濟災難，這一種心理無疑亦對民主黨候選人的奧巴瑪有利。

在上月進行的一場以經濟危機為主題的辯論中，奧巴馬和麥凱恩都表達了對救市的看法。麥凱恩提出了一個3000億美元的救助計劃，幫助財務陷入困境的業主保住房屋，他說若上任後會下令財政部長立即購買美國的不良住房抵押貸款，然後按照這些住房的新價值，和業主重新協商貸款條款，將之重組爲更容易承擔的房屋貸款。

奧巴馬則提出一項1900億美元計劃，涵蓋稅收調整、基礎建設開支和面向汽車製造商的貸款擔保，包括向石油公司徵暴利稅，向增聘員工的僱主退稅，又取消布殊對富有人家的減稅優惠，向大部份工人永久減稅; 另外向州政府提供250億美元援助，又幫苦苦掙扎的屋主和把房屋收樓期限延長90天等措施。

    表面看，兩個候選人提出的建議都流於浮面，似宣傳工具多啲，麥凱恩的方案近似現政府的救市方向，主要想拉業主票。而奧巴馬的計劃就面看低下階層，主要想拉草根票。

    我有點怕這些政治市，特別是估中無獎的政治市，因為目前奧巴馬是大熱，估中佢當總統賠率好低，而佢的競選口號係「改變」(Change)，表面上食正經濟唔好選民求變的心態，但想變乜大家唔知。民主黨人傾向向商界開刀，加商人稅，派福利扶助基層，手法有點反商業，所以若奧巴馬上台，興奮過後，難保股市無負面反應，就算唔係即刻跌，都可能係一個先升後回的格局。在這種估中無獎的環境，美股的大炒家要做一點和群眾情緒相反的事，讓盲目的美國散戶，一網成擒。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——大好友也減持
2008年11月5日

市場觀望今晚美國總統大選，加上大市已累積一定的升幅，港股有鱓回吐壓力，恒指低開7點後隨即下滑，失守14,000點關口，上午早段最多跌近500點，其後受內地銀行股的上升帶動，重上14,000點樓上，最高漲近200點。恒指尾市回穩，收市報14,384點，升39點，升幅0.3%；期指收市報 14,400點，升214點，高水16點。國企指數收市報6,861點，上升55點或0.8%；紅籌指數收市報3,036點，微升2點。全日大市成交縮減至453億。

外圍股市欠缺方向，短期後市等美國選完總統再定行止。澳洲央行宣佈，面對消費和商業活動有惡化跡象，決定減息0.75厘至5.25厘，這是澳洲央行近一個月內第二次減息，夾埋大減1.75厘，都算大手筆，澳洲股市微跌，澳元在亞洲市略反彈，造0.68美仙，不過澳洲尚有減息空間，澳元短線未能看好。

內銀股被看好

港股先跌後升，內地銀行股表現最好，源於法巴證券認為信貸緊縮股市下跌，令內地銀行股估值回落至吸引水準，內銀股亦較地區的銀行更具防守性。法巴將內地銀行行業評級由「減持」升至「中性」，將建行（939）股價及相關新聞及交行（3328）股價及相關新聞評級由「減持」升至「持有」，目標價分別為3.36元及4.81元。中行（3988）股價及相關新聞由「持有」下調至「減持」，目標價2.01元。招行（3968）股價及相關新聞 為「買入」目標價14.87元；工行（1398）股價及相關新聞「持有」，目標價3.25元。股價方面，招行漲7.1%、建行升4.7%、工行升2.2%、交通升1.8%、而中信銀行（998）股價及相關新聞 繼昨日大升16.5%後，再漲13.9%，借住內地寬鬆銀根，細銀行好好炒。

中環最惹人談論的話題係恒基（012）股價及相關新聞李四叔減持國壽（2628）股價及相關新聞，引起多種猜測。據港交所資料顯示，李四叔申報於10月30日，減持3,182萬股中國人壽，每股平均價19.387元，套現約6.17億元，持股量由5.15%減至4.72%。國壽昨日收報20.75元，跌1.2%，成交23億元。

減持國壽 買入東亞

不過，四叔在減持國壽的同時，亦斥二千萬買入東亞銀行（023）股價及相關新聞股份，似正在換馬。

先講減持的數量，李四叔減持3182萬股國壽後，持股比例跌到5%以下，按例不用再申報，即係話你以後見唔到四叔公佈佢減持國壽，唔等如佢仍然獱到實一實，因為再減持也不用申報，佢有無獱大家都唔知啦。

國壽在上周一黑色星期一最低見過15.3元的低位，李四叔等佢反彈四日先至沽，表面睇佢都覺得彈到差唔多，而且佢手上咁多貨，唔使睇得咁盡，再彈高鱓咪沽多鱓囉。回想國壽股價，的確有人面桃花之感，只好講一年高位，佢一個月高位亦有28.1元，跌到低位唔見鰦46％，認真得人驚，所以李四叔趁反彈沽鱓貨減纒磅，都相當正常。

買股長獱會中招

李四叔在國壽IPO已入了部份貨，國壽上市價3.59元，記憶所及後來在10幾元時李四叔又再增持，所以平均持貨成本相當便宜，19.3元出貨當然仍有錢賺。李四叔想沽貨，當然搵有錢賺的股票來沽，佢部份股票買得平，如國壽、平保（2318）股價及相關新聞，部份買得貴，如碧桂園（2007）股價及相關新聞在上市時接貨，上市價5.38元，現價1.31元，勁跌76%，呢鱓貨就無辦法沽，唯有坐纒。

記得在國壽在去年初升到25、26元時，李四叔話升多一倍都得，陸羽仁當時已經講，炒到升一倍就得，但要國壽維持在50元以上的價位，論基本因素好難做到。結果國壽在去年10月真係見過52元，所以唔好話四叔唔中，佢都中過，但這種價位只是曇花一現，唔沽就笨，因為國壽的基本因素，根本支持唔到佢長期企鰠呢種超高價。這也是另一個例子，證明buy and hold（買股長獱）唔係時時有效，你高位買長獱固然會死，低位買升時無沽也會打回原形，有時見到股票升得太顛，都係沽纒貨好鱓。

李四叔沽貨仲有一個啟示，早前佢係睇好個市，認為今年要見23,000點，話21,000點時都可以買，但如今佢在低位見反彈就出貨，呢個行動證明佢呢個江湖上最大的好友都睇淡。

正如中環茶友講，大戶出貨，愈出愈高都有之，因為佢貨多要趁氣氛好鱓才分批出，所以大市反彈或許未完，但中線就唔好太樂觀了，可能好多好友都如李四叔一樣，等高位減纒貨。

陸羽仁

http://www.hkheadline.com/news/h ... mp;section_name=wtt