【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——《 施政 》唔勁 反彈壽終
2008年10月16日

港股連續兩日反彈後開始腳軟，恒指昨日跟美股少幅低開224點，報16609點，早段觀望曾特首《施政報告》有無料到，一度低見16270點，特首在11 點開始講報告，股市略為反彈，半日收報16341點，跌491點；下午橫行至三時就開始插，跌幅逐步擴大至接近全日最低位收市，收報15,998點，大跌 834點或5%，跌穿16,000點大關。期指收報15,940，跌1,139點，比現貨低水58點，成交87,341張。國企指數報7,894點，跌 541點，全日成交522億港元。

中環茶友話，港府早一日全數擔保存款，但港股昨日開市唔升，形勢已經不妙，特首未讀《施政報告》，港股已跌過562點，獲利回吐味道好強，但好友仍在等《施政報告》有無利好經濟消息，後來特首讀報告講到不會賤價賣地，大市當時亦曾彈過100幾點，但利好經濟的消息唔夠多唔夠具體，特首只係話會設立一個特別委員會研討金融海嘯，比較空泛鰦少少。

調整浪起先尋底

茶友話，大市反彈了兩日，好友本來想等埋《施政報告》出，若有勁№出場，就推住大市衝破前日高位17,141點都唔奇，但最後《施政報告》講經濟講得比較稀水，好友無乜藉口可炒，見到勢色不對，就馬上退場，呢一浪反彈宣佈壽終。下晝歐洲開市，歐洲佬沽埋一份，講幾講就跌穿埋16,000點，期指仲要跌 1139點咁多，相信大市要先調整一下，回補番大反彈上升的裂口。

大市彈得急，本應回得急亦好正常，不過無情情無重大壞消息咁快又回到穿埋16,000點大關，又快到少少出人意料，可見市底人心極弱，一唔對路馬上出貨，希望後市守得住15,000點，唔好又再試底。

市淡的時候乜消息都向壞的一方解讀，政府為所有存款包底，又被講成不利大型銀行，重磅股礇控（005）股價及相關新聞報111.7元，跌2.8%；渣打（2888）股價及相關新聞報171元，下跌1.7%；恒生（011）股價及相關新聞報114.2元，下滑3%；中銀香港（2388）股價及相關新聞報12.38元，下挫3.4%。照計不利大銀行應該有利中小型銀行，但佢地一樣跌，創興（1111）股價及相關新聞回吐5％、永亨（302）股價及相關新聞跌2%。

其實政府為所有存款包底，對大細銀行都係好消息，起碼短期內免去被擠提之憂，將其中一項重大風險因素剔除。從電視訪問存戶所見，好多猶有餘悸，話仍然會放錢在大銀行，所以話新政策是否對大銀行不利，真係要先睇纒存戶會唔會一窩蜂轉錢去大銀行。

銀行股真正面對的問題，可能係生意會大幅收縮，但佢地具體受多大打擊，可能無咁易睇到，但金融海嘯對港交所（388）股價及相關新聞呢類股份的打擊就較易估到，佢主要靠大市成交和新上市公司的收益，港交所昨日跌4.6%，收88.25元，市盈率15.2倍，表面睇唔係好貴，但想深一層，佢舊年盈利62億，以呢個盈利計出15.2倍的市盈率，你估佢今年可唔可以保持去年32000點咁鮋大牛市盈利呢？如果今年保持唔到去年盈利，明年又會唔會再跌呢？上市公司若盈利會持續下跌時，15倍的市盈率唔係貴，而係超貴，超貴的股票唔係一定唔會升，佢遲纒再反彈到16倍、17倍市盈率都得，但我奉勸大家千祈咪去買。

長周期股唔好掂

依家驚完金融機構崩潰後，又開始驚經濟衰退，大家要知道有種股票叫周期股，它們的走勢和經濟周期特別密切，例如航運股，就係一種長周期股。摩根士丹利發表研究報告，調低2009至2010年內地集裝箱吞吐量增長預測4.8及1.1個百分點，同時調低及中遠太平洋（1199）股價及相關新聞 及招商局（144）股價及相關新聞該兩年盈利預測，兩股分別急跌8.2%及7.6%。

唔好以為航運股好快就渡過難關，佢懐會受到雙重打擊，因為佢地唔止受經濟周期影響，仲要受行業過度膨脹影響，過去兩年航運業太好景，運費大升，吸引鰦船公司大量投資新船，未來是大量新船陸續下水高峰期，供應大增，生意大減，可以話出世遇饑荒，你都咪話唔大鑊。大家可能唔知，航運業遇到長周期逆轉時，船公司可能頂唔順，七十年代末、八十年代初航運業就爆出這種大鑊，船王包玉剛醒目收購鰦九倉上岸做生意，另一個船王董浩雲走唔切，最後間公司要債務重組。

所以散戶見到呢鱓長周期股要小心，最好唔好掂，唔係好易上身，有排都未見曙光。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

又試底         

2008/10/16 上午 08:55:26
網誌分類: 經濟

美股回吐的速度和幅度比想像中更厲害，美國和歐洲國家大規模聯手救市，顯然未能完全打消投資者對經濟衰退的憂慮，由於美國零售額數字低於預期，美股借勢急挫，杜指收市報8,576點，跌了735點，跌幅7.9%，為歷來第二大的單日跌幅，結朿了短命的第一浪反彈。

美國商務部公報，九月份零售額較八月份下降了1.2%，遠遠多過市場預期的0.7%，跌幅3年來最高，且連續第３個月下降，上月零售額是自2002年10月以來首次下降了1.0%，亦遠超市場預期，顯示美國經濟很可能即將步入衰退，甚至已經陷入衰退。

美股仍處於不穩定狀態，睇吓美股VIX指數就知，呢個股票市場波動性指數（CBOE VOLATILITY INDEX）叫做華爾街恐懼指數，反映了買期權對沖的成本，成本愈高顯示市場愈波動，VIX指數昨日跳升26%至69.25，是三個月以來的最大升幅，顯示恐慌心理廣泛彌漫市場。

美股昨日在不良氣氛下開市，亞洲市除日本外普遍下跌，到歐洲市時三大股市已大跌，美股就由頭衰到尾，一開市大插，中段反覆向下，尾段最後一個鐘更勁插收場，杜指收市報8,576點，跌了735點，跌幅7.9%；標普500指數跌幅更大，收報908點，下跌90點，跌幅9.%；納指報1628點，下跌151點，跌幅8. 5%。杜指30隻成份股中，除了可口可樂外，全軍盡墨。

　　美股這一跌，馬上把過去三日大反彈的升幅耗盡，記得上周五美股試低位時，杜指在日中交易低見7882點，但收市彈番上8451點，昨日杜指收市報8,576點，距離上周五收市低位只是差125點，真是彈指即破，美股隨時又試底，走勢有點危危乎。

昨日美股的跌勢都幾全面，商務部的公布令零售業類股份成為跌市的焦點，零售龍頭沃爾瑪Wal-Mart Stores Inc. 大跌8.1%，是自年2000年4月以來的最大跌幅， Macy's Inc. 更勁插18%，Target Corp. 下滑10%，全美最大電子連鎖店Best Buy Co. 急挫9.2%。另外，屬週期性消費產品的紙品製造業亦不能倖免。International Paper Co. 急挫 19%，Domtar Corp. 下跌14%，Temple-Inland Inc. 更暴跌32%，跌幅驚人！.

在衰退陰影下，能源、商品都無運行，原油期貨下跌了4.2%，至每桶75美元，創一年來新低，原油走勢有哂個「熊」樣。受此影響，能源類股份大幅下滑，標普 500能源指數勁插16%。個別股價方面：龍頭巨股艾克森美孚大跌14%, Chevron Corp. 下挫 12%、ConocoPhillips亦跌 14%。

摩根大通警告鋼鐵的需求和價格將會受全球金融危機拖累，並將浦項制鐵公司(POSCO) 股份評級下調，POSCO及AK Steel Holding Corp. 大跌21%，相關股票備受沽壓， U.S. Steel Corp. 及Steel Dynamics Inc. 齊跌18%、 Nucor Corp. 下挫20%， AK Steel Holding Corp. 亦下瀉21% 。

  　港股昨日走前一步率先下插，但美股咁o既走勢，港股一定唔靚仔，15000點大關唔係咁易守得住。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——人心怯 工廠執 搵食難
2008年10月17日

美股杜指上日暴跌735點，大跌7.9%，日本、韓國等地股市開市即大幅下挫，港股恒指亦不能獨善其身，以插水式低位14,902點開市，大跌1,096 點，一開就跌穿15,000點關口，之後反覆下插，中午收市前直插至全日最低位14,578點，曾下跌逾1,400點，尾市後抽逾650點，重返 15,000點樓上，以全日最高點15,231點收市，大跌768點或4.8%。現貨收市後期指回吐，收市報14,975點，跌965點，低水255點。國企指數跌幅最大，報7,363點，跌531點或6.7%。大市成交643億元。

港股後市要睇美股，杜指上日一個急跌，已把過去三日大反彈的升幅耗盡，記得上周五美股大插時收市低位是8,451點，但上日杜指收市報8,576點，距離上周五收市位只是差125點，美國市場人心虛怯，回落得好急好快，往後美股守唔守得住8,000點大關，將左右全球股市後向。

拆息顯著回落

中環茶友話，昨日股市插到低位14,578點，比上星期五的日中低位14,398點，還差180點，但昨日無插穿上次的低位，無創新低，跌到咁上下，就有買盤出來買貨。不過若在上星期五撈鰦貨，升上去無走，昨日又插番落來，真係會嚇到出一身冷汗，呢個市如此波動，買貨實在係高風險也。

雖然美股再插近低位，但各地央行出招後，信貸市場似乎開始穩定下來，倫敦銀行同業拆息回落，昨日三個月美元拆息再跌5點子，跌到4.5厘，連續四日下跌，是6月以來最長的連續下跌日子；隔夜美元拆息跌20個點子，跌到1.94厘，是2004年11月以來的低位，顯示各國央行瘋狂無限額放水後，先把隔夜拆息推向低位。銀行同業拆息回落，信貸市場逐步回復正常，恐慌情緒下降，有助股市回穩。

金融海嘯令經濟環境持續惡化。南韓股市昨日跌了9.4%，是七年以來最大的單日跌幅，也是當地歷來第三大跌市。除股市之外，韓圜兌美元匯價也貶值了9.7%。是自亞洲金融風暴以來最大幅貶值。

韓圜由今年初至今，兌美元的匯價已經貶值了32%，南韓銀行和政府償還外幣債務成本，都隨之提高，恐怕成為第二個冰島。

昨日又有公司出事，玩具生產商合俊集團（2700）股價及相關新聞在東莞的三間玩具廠結業，影響6000多名員工，大批工人在廠外聚集，追討欠薪。合俊前日已經開始停牌，停牌前報0.099元，停牌前市值跌到4550萬元。

合俊06年9月上市，集資6600萬元，07年中炒過上2.38元的高位，去年10在股市潮流興礦業，合俊更宣佈涉足銀礦業，開始有鱓不務正業，到今年3 月股價開始插水，到半年結時已披露半年虧損2億元；合俊依賴美國市場，出口生意欠佳，成本大增，最後只有走上執笠之一途，成為金融海嘯後內地首家受影響倒閉的大型玩具企業。

追沽「經濟衰退」概念

睇見合俊咁樣玩完，你就知而家做廠幾難，估計爆煲事件陸續有來，所以見到工業股急跌時，唔係要買多鱓去溝淡，而係要走鬼。另外廠佬係香港豪宅的主要買家，過去廠佬一年賺幾千萬，好多人會買豪宅，又住又炒，如今廠家客已絕跡，再加上I-bank客又唔見，大陸客又失蹤，真係唔知邊度搵人買2、3萬銀一呎的豪宅。

不過昨日地產股唔算跌得勁，下午普遍收窄跌幅，長實（001）股價及相關新聞跌5%、恒地（012）股價及相關新聞跌7%、新地（016）股價及相關新聞跌4%；政府叫港鐵（066）股價及相關新聞唔好推地皮，港鐵延遲推出日出康城第4期土地，但股價反應唔大，只係軟2.6%；物業代理美聯（1200）股價及相關新聞先跌後彈8.5%，收2.7元，如果代理業真係如美聯對手中原老闆施永青講會進入冰河時期，地產代理公司隨時要輸錢，美聯現價市值19.7億元，又認真唔係平，有貨趁反彈走人好啦。

依家行行搵食艱難，個市開始插「經濟衰退」概念，講到邊類行業受衰退影響就插邊類。雖然油價續挫屢創新低，但航空股也難獨善其身，股價跟隨大市下挫，國航（753）股價及相關新聞發盈警料首3季將錄得虧損，摩通降其目標價至3.8元，股價急插12.8%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

救債保商         

2008/10/17 上午 09:29:56
網誌分類: 經濟

  　美股昨日又坐過山車，杜指由最低跌380點變到最後升401點收場，睇住美股全日升跌，好似睇完一場驚慄片。

美股前日勁插700幾點後，昨開市有買盤撈底，股市輕微反彈。後來花旗銀行表示其壞賬可能上升至歷史新高，政府公佈九月份工業生產總值下跌2.8%，杜指迅速調頭回落，到上午11點幾下挫380點或4.6%，至全日最低位8198點，8000點大關近在咫尺，但其後在油價大幅回落，加上Wal-Mart、麥當奴股價急升帶動，市況轉趨回穩，逐步反彈，上升至在8500點至8600點之間爭持。

到尾段傳出美國第二大的債券保險商Ambac金融集團及其他債券保險商將會向財政部提交拯救債保商的方案會，剌激金融股急速反彈，杜指在近3時由8600點急抽升穿9000點大關，最後以8979點收市，大升401點，升幅4.7%；標普500報946點，上漲39點，升幅4.3%；納指升5.5%至1718點。

金融業仍是市場焦點，債保商Ambac 行政總裁金倫（Michael Callen）話，他們正聯同其他債券保險商草擬一個方案，想叫財政部間接收購它們有問題的資產，由於他們擔保了銀行持有的債務抵押證券，若政府向銀行購入那些證券，債保商就可以和銀行協議取消那些擔保，就等如清理了債保商的壞資產。

債保商度緊救自己的方案，市場咁大反應，皆因債保商唔掂，債市死哂，拖累美國的地方政府發唔到債，佢地靠借債支持運作，發債失敗就令它們出現財政危機，有一個爆煲的危險，多個州縣已因為缺水要求聯邦政府緊急救援，例如加州州長阿諾舒華辛力加早前向財長保爾森發電郵，表示加州政府數周內要向華府尋求70億美元緊急貸款，特別是在月底前向州內逾千個校區支付30億美元，否則學校首先要關門。除了加州外，新墨西哥州早前已被逼放棄發行5億美元債券，麻省5億美元債券發行計劃亦中途受挫，而緬因州已因為無法發債而開始擱置修路計劃，缺水的州縣不計其數。

唔知大家記唔記得，過去美國有個橙郡曾經破產，已搞出一場金場風暴，如果美國大量州縣破產，後果不可想像，持有州縣債券的機構又要大量撇帳，所以搞掂債保商盤數，有助讓州縣正常發債，避免州縣爆煲。

油價的走勢亦激動人心，進入熊市後，油價反彈無力，仍在不斷尋底，美國政府公佈原油儲存量增加比預期高兩倍，紐約11月原油價格每桶又急跌4.69美元或8.3%至69.85美元，跌穿每桶70美元關口，是13個月以來的最低，價格最低曾見每桶68.57美元。油價急跌油股捱沽，但最大油公司埃克森美孚在巴布亞新幾內亞總值110億美元的工程即將完成，是重大利好消息，剌激股價大升11.4%，成為杜指股份中的升幅大贏家。

油價急跌對航空公司有利，航空業的票價提升的速度落後油價，做成嚴重虧損，總部位於侯斯頓，美國第四大的大陸航空(Continental Airlines Inc.) 及全球最大的廉價客運航空公司西南航空公司(Southwest Airlines) ，分別錄得2.36億美元和1.2億美元的龐大虧蝕，西南航空公司還是自1991年以來首次虧本的。但受惠於油價大幅回落，股價上揚，大陸航空急彈22.7%, 而西南航空亦大漲8%。

鋼鐵類股份亦有可觀的反彈，由於美國銀行表示Steel Dynamics Inc. 的市值足以抗衡經濟衰退，股票備受追捧，股價急跳23%，創12年來最高升幅。全美最大的Nucor Corp. 表示第三季盈利升近一倍，股價急彈16%。其他鋼鐵股亦有不錯進賬， AK Steel Holding Corp. 漲10%，而 U.S. Steel Corp. 亦上升 8.2 %。

預料港股亦會跟美股反彈，而家的股市狂升急跌，大上大落，大家炒股要緊守止蝕止賺位，保命要緊呀。

陸羽仁

http://www.hkheadline.com/blog/r ... rd=&searchtype=

Mr.Business

2008/10/17 上午 10:51:35  

陸羽仁覆網友

揸沽：你問新聞為何仍然講「投資者對經濟衰退的憂慮」，因為經濟衰退有個定義，連續兩季負增長才叫衰退，美國一季負增長未有，即使人人都覺得會來，也只是「憂慮」，你也可以話係極度憂慮。

成成：你問３０元買的國壽有危險嗎？３０元的國壽等如２０倍市盈率，當然唔可以話無危險啦。

Ray:你問美元係反彈還是轉勢，我覺得係反彈，特別係兌歐元等經濟問題後爆、還有較大減息空間的地區，可以維持短期的強勢，但以５年長程看，美元持續弱勢，第一是大量發鈔，第二是長期低息，第三是貿易逆差難改，美元未有大轉勢的條件。

我是匯控淡友，覺得佢調整未完，明年歐洲撥備會上升，明年１００元大關睇怕守唔住。近期的確有基金沽匯控，我懷疑早前有避險資金泊入買匯豐，但而家就回流歐美大銀行，匯控無力亦影響了第一浪恒指反彈的升幅，沽完匯控會搵到近期底部，先來一段反彈，所以買佢宜短炒，非長揸。

Torreskk:你問國航及航空業，油價下跌本對航空業有利，但經濟衰退會影響需求，國航發盈警股價向下碌，我覺得佢仲要尋底，但等佢跌得深啲，反而係長線吸納的時候。

油價下跌，扯住煤價，煤炭股仍有風險。

Tsanglung:政府會大力收緊土地供應，勒住港鐵和市建局唔好再推地出街，但係又唔敢咁大聲講，怕俾民粹派嘈佢官商勾結，但地產商會知道政府全面唔推地，若唔係太手緊，就唔想太低價賣樓，此舉可以減慢樓市跌勢，但減少８００呎以下中小型樓的跌幅，但豪宅價太離譜，仲有排衰。

潘記：接受存款公司都有政府包底，有５厘息做得過喎，當然要小心在２０１０年政府包底到期前就要走啦。

Eric:美國風暴吹向歐洲亞洲，照計對這兩個地區的衝擊逐步浮現，反彈後又可能插。南韓出事唔係其他國家救唔救的問題，而係唔係咁易救到，佢經常帳赤字好大，亦為一個沽佢的缺口。

想投資外匯可能等一等，等美元反彈勢走完開始回頭時才去買好啲。

Mama mia:你一年前供韓國基金，本來月供看長線，不用停供。但我長線看好中國基金，相信而家中國基金都跌咗好多，轉去月供中國基金亦無壞。日本基金都可以照供，但長線睇１０年、８年日本增長亦不如中國。

Catjim:如果你供樓唔斷供，銀行唔會因為樓價跌要你還清啲錢，咁樣做佢會有大量撇帳，佢唔掂過你。

美國住宅樓市至少要１年才見底。商業樓剛起步跌。美國政府直接入市買樓的機會唔大，佢不斷放水作用仲大。

你問在各國推出救市措施後，熊市會否提早在年底結朿，我估無咁快啩，要打擊吓實體經濟，先至會完。

S2000:你問渣打，金融風暴一浪浪到，沖到亞洲後，在亞洲投資甚多的渣打短期唔睇好，忍一忍手先。

三心兩意：港股昨日跌市的確好正常，唔驚慌，可能已經跌到慣。

Daidai:美國通脹回得好快，滯脹威脅解除，下一步又可能會通縮了，恐怕經濟好快衰退時，香港也會通縮，明年初會見啦。

Flyinthesky:４０５手頭現金較緊張，有債在１２月１９日到期，相信係佢股價下插的原因，但照計越房做買樓收租生意，風險較低，願意俾貴少少息，應該可以借到錢。但成本上升可能會影響其派息。

股海淘金：而家政府叫銀行現金贖回「迷債」，只是按其抵押資產的市值贖回，佢地不會全數賠錢，唔使擔心銀行因而要集資。

阿tom hk：市區四人家庭二手樓，都係搵地鐵沿線大型屋村好啲，等吓啦，樓價跌吓，３０００幾元一呎都有機會買到。

我無養馬，因為我既無賭馬，而且養馬大多是賠本生意，制唔過。

Mr.Business

注：此篇文章版权归香港頭條網所有。

金融High Tea——落雨收遮 企業吊頸
2008年10月20日

港股上周五走勢認真肉酸，雖然當日在美股杜指大升401點下開場，但恒指上升乏力，下午反覆回落，在收市前競價時段更插水，以全日低位14,554點收市，跌676點，若以收市位計，已插穿10月10日收市的14796點收市低位，只差當日日中低位14,398點未破。

上周五美股大幅波動，上落28次，消費信心低落和差勁的房屋數據，蓋過股神巴菲特話現時可以入市的建議，最後美股杜指跌127點，跌幅1.4%，跌落8852點，算是急升之後的回吐。

巴菲特在《紐約時報》撰文話，現在買緊美股，他有一個簡單邏輯指導他買股，在別人貪婪時恐懼，在別人恐懼時貪婪，現時好肯定大部份人都極為恐懼，所以他入市。股神咁建議，信不信由你。

如果睇本地經濟，的確幾令人恐懼，依家最大鑊係本地銀行開始「落雨收遮」，急急收緊信貸。幾個在本地做生意的中環茶友不約而同咁話，最近銀行紛紛大幅加息，大有不想做生意的感覺。茶友甲話，公司在十幾家銀行有備用信貸，過去每一兩個月總有些信貸額到期，銀行都會自動續期，但呢個月有信貸額到期後，銀行竟然要大幅加息100個點子（即1厘），由原先的息率香港銀行同業拆息加60點子，加到拆息加160點子，一下子加1厘，而且不止一間銀行係咁，幾個茶友夾纒料，發覺好幾間銀行都係咁，而且不但是細銀行，大銀行都一樣「落雨收遮」。

另一個茶友乙話，呢次銀行收緊信貸的情況，比98年金融風暴時厲害好多，當時公司有十幾條信貸額，結果當中有十間銀行離場不再借錢，那些多數係日本銀行，呢批銀行臨近97大舉進軍香港，一見金融風暴就馬上散檔，撤離香港，但當時其他借錢俾佢公司的大銀行郁都無郁，既無收回信貸額，亦無加息，所以今次大銀行的做法極不尋常。

大幅加息意圖趕客

我估大銀行咁樣加息法，其實係不想做生意的格局，想將街外借貸數字降低，就用加息來趕客，客戶唔鍾意就走，若果等錢使就唔該畀多鱓利息。你可能馬上有一個問題，點解銀行要趕客呢？我估係同呢鱓銀行的阿媽有關，香港大銀行的總部在歐洲，金融海嘯吹到歐洲，呢鱓銀行在歐洲的總部可能都要大幅撇帳，撇帳後資本減少，就要有相應行動，銀行有1元資本，可以借10元出街，若銀行撇掉1元資本，就要減少10元借貸，以維持資本充足比率。所以阿媽要撇帳時，唔止阿媽自己，在香港個阿仔都要減少借錢出街，這就是信貸緊縮的過程。

大銀行一方面加貸款利息唔想做生意，另一方面亦有歐資大銀行直接在香港為阿媽吸存款，提出的息率比安信兄弟提出三個月大額定期的5厘息仲要高，可見歐洲大銀行其實仲係缺水，連存款都唔夠，由此可知英國首相白高敦出招後，英國銀行業仲未風平浪靜。

總而言之，銀行水緊，在現時信貸緊張的時候去收債，好似我班中環茶友的大公司就無乜問題，他們的公司大把水，見到銀行收債只係當睇戲咁睇，但試想如果係中小型公司，又或者借貸比率好高的大中型公司，銀行咁「收遮」，會唔會收到死人呢又？

近期已經有幾家公司頂唔順執鰦，一間係經營成衣連鎖的U-Right佑威（0627）股價及相關新聞死亡在前，開玩具廠的合俊集團（2700）股價及相關新聞倒閉在後，上周五連老牌電器零售商泰林電器都死埋，它們的關鍵死因還有待查證，但銀行在這個緊張時刻收緊信貸，肯定也是這些公司死因之一。正因如此，你會發覺好多高投資、高借貸的工業股都被人沽到阿媽都唔認得，因為那些公司縱然本質不俗，但只要過度擴張，一遇到形勢逆轉，外頭生意放慢，本來已影響資金回籠，再加上貸款到期銀行又要收債，都會逼到企業幾頭痛。

高負債股 避之則吉

例如紙業股股王評級玖龍紙業（2689）股價及相關新聞就係一例，最近股價急跌，跌到咁上下評級機構標準普爾仲發表報告，將玖紙長期企業信貸評級的「BBB－-」級別，以及它一筆3億美元的高級無抵押票據發行的評級，列入負面觀察名單，即係話隨時會降級。另一評級機構惠譽亦將玖紙的3億美元票據降至「BB+」，這是垃圾級別的「非投資評級」。

標普的報告話，玖紙的資本開支高於預期，加上行業市況疲弱，降低盈利能力，有機會令負債上升。集團截至6月份，經營現金流對總負債比率由去年6月36%降至今年15%。負債對EBITDA（除稅項及折舊前現金收入）比率由2.4倍升至5.5倍，負債比率上升，信貸保障情況惡化，預計財政狀況在本年度持續緊張。

股神買№ 預鰦要守

在這種形勢下，玖紙的股價跌到無影，去年高位23.7元，近期反覆急插，跌到上周五收市的1.12元，連高位的零頭都無，但在這種惡劣的信貸環境中，高負債的公司大跌又好正常。

銀行呢種大力收緊信貸的行為，唔係一兩日就會完，佢懐會先收縮一「浸」，將總借貸規模收縮到和資本額相適應的地步，英國的銀行由於無必要都唔想畀英國政府入股，以免將來發花紅都被政府管到死，所以若資本減縮了，就情願縮借貸，做少鱓生意捱過嚴冬。向銀行借鰦錢者，要求神拜佛望銀行這個縮資縮借貸的循環快鱓完，講得衰鱓，如果銀行一季一季咁輸錢，資本減完再減，佢鱓借貸額可以縮完再縮，唔係三、五日就完，驚佢三、五個月都未完，所以企業吊頸唔止吊一次，要預備嚴冬可能較漫長。

近程鱓講，面對咁鮋信貸環境，本地公司會出現爆煲潮，睇股市都唔好睇得太好，好多時都係有反彈，無真升。雖然股神巴菲特話佢買緊№，但按過去的往績，股神開始買№，隨時買早鰦半年，你若要入市，真係要好守得至好，而且心理質素要好，可以捱得佢再跌，其中一招就係預鰦要守三、五年，要買都係逐少入市，因為股神話佢會愈跌愈買，你要跟佢，都唔好幾飛子彈一次過射清呀。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

信一半         

2008/10/20 上午 09:26:38
網誌分類: 經濟

　　世界經濟大亂，本地企業執笠，各地政府都紛紛出招。中國國務院開完會後，

溫總理話要從十個方面扶助經濟，包括：補貼農業、扶持中小企業、保持進出口、加大投資力度、控制價格、推進節能減排、財政增收節支、加強金融監管、保障生產安全及支持居民購房等十個方面。大老細開到口，中國證監會亦配合出手，為紓緩國內上市公司的「大小非」股份解禁問題（即上市公司大股東的非流通股變流通股），中證監終於出台讓「大小非」股東可以扺押股份融資，例如發行可換股債券集資，以減低他們拋售股份的壓力。

除了中國外，南韓和荷蘭亦出招，南韓動用１３００億美元救市，其中１０００億美元為銀行業借的外債作擔保，叫大家唔使怕南韓銀行無錢還外債；其餘３００億提供予當地銀行週轉。

　　而荷蘭政府就向當地最大的金融機構ING集團注資１００億歐元（即１３４億美元）ING在上周五首次公布季度虧損後股價大跌，荷蘭政府馬上出手。

不過各地政府出招，可能唔夠股神巴菲特講話咁有號召力，佢上周五在美國《紐約時報》發表題為「買美國，我也買了」（Buy American. I am）」的文章，他在文中宣布，他已經通過個人賬戶開始購買美國股票，而在以前，其個人賬戶只投資政府債券。佢話如果股價繼續下跌，不排除將賬戶內的資本全部轉移到美股。

股神話，不論美國還是全球，目前金融世界一片混亂，近期失業率將上升，商業行為將停滯，各種壞消息將繼續充斥在報端。「所以，我買了股票。因為一個簡單的原則始終指導著我的行為：在別人貪婪的時候恐懼，在別人恐懼的時候貪婪。」

股神話，「現在最肯定的一點是，恐懼正在蔓延，甚至令久經沙場的投資者流泠汗。目前投資者格外謹慎看待高負債和競爭力薄弱的企業。但我認為，針對許多健康發展公司的恐懼，是沒有意義的。大多數大型公司將在5年、10年或20年之後，會再創造新的盈利紀錄。」

不過巴菲特強調，他無法預計股市的短期走勢，也不清楚股價在一個月或一年之後上漲或下跌，「但股市極有可能在投資者信心恢復或經濟復蘇前上揚，因為『等到知更鳥報春時，春天已經結束了』。」

眾多投資者在這次金融海嘯中損失慘重，但巴菲特勸誡說，如今那些將投資兌換成現金的人的確感到安全，但事實上，「他們選擇了一種可怕的長期財產，不僅不會產生收益，還一定會貶值」。而政府若要緩解當前的危機，應當採取的政策也許是推高通脹，從而加快現金的貶值速度。巴菲特預計，在未來十年，股票的收益肯定超過現金，甚至是大幅超過。

巴菲特認為，從長期看，股市將會好轉。在漫長的20世紀，美國曾參加過兩次世界大戰、多場代價高昂的軍事衝突，經歷過大蕭條、數次經濟衰退和金融恐慌、石油危機、流感疫情，甚至總統下台。而杜指在此期間卻從66點飆升至11497點。

　　巴菲特是世界首富，佢依賴的投資原則：「在別人貪婪的時候恐懼，在別人恐懼的時候貪婪。」自有過人之長。

如果你想選擇唔信巴菲特，我為大家提供不同的理由。例如曼哈頓學院金融教授蓋斯特就話：「今時的情況與以往大不相同，因為我們從未清晰瞭解每次經濟危機的成因，而這一次，我們首度發現，原來是金融系統的問題導致了市場的低迷。」呢個理由係今次係特殊風暴，不同以住。不過呢次金融海嘯顯然無第二次世界大戰或大蕭條咁大鑊，所以講長線，股神又好易反駁這種「獨特論」。

另一個唔信股神的原因，就是巴菲特也有失敗損手的投資案例。例如巴菲特去年十月份到訪韓國時，表示看好韓國市場發展前景，並入股韓國浦項製鐵公司。韓國浦項製鐵公司股價由去年十月份約67萬韓圜水平，到昨日收市價41.55萬韓圜，跌幅近40%。韓國綜合指數亦由去年十月2000點水平，到昨日收1419點，至今回落也有30%。

另外人所熟知的巴菲特投資旗艦巴郡。他在1965年購入當時從事紡織業務的巴郡，然而面對海外紡織業者的競爭，最後要倒閉收場。另外，巴菲特在1989年投資3.58億美元，購入美國航空公司優先股。誰料入股後，航空業陷入低潮。雖然最終幸運地在1998年成功脫手。又話者佢幾年前看淡美元，大量投資外匯，最後損手離場。但無論巴菲特個別投資犯幾多錯誤，佢始終係世界首富，所以又唔可以從佢個別錯誤否定佢喎。

我選擇信一半唔信一半，信的理由唔使講，唔信的理由係「時機」，股神話入市，通常會早了３個月至半年，例如７４年石油危機時，佢在１１月１日在《福布斯》的訪問中叫人買美股，當時杜指是６６５點，但一個月後，杜指再跌至５７７點，然後才見底。又例如７９年８月６日，佢又在《福布斯》叫人入市，當時杜指８６４點，今次等得仲耐，跌得仲深，要８月個月後杜指至７６３點才見底。

而家美國股市已經大插，特別係金融股，例如佢入股的高盛或有金融業成份的通用電器，都跌到好殘，美國跌完到歐洲、亞洲跌，亞洲股票亦未跌到美國金融股咁殘的地步。所以如果佢講美股有時差，用來睇香港股，時差可能再要大一些。無論如何，若果真係有龍頭大股跌到極殘價，又唔怕小注買吓，但要預咗可能買早咗捱多半年一年才見底至好。

陸羽仁

http://www.hkheadline.com/blog/r ... rd=&searchtype=

Mr.Business

2008/10/20 上午 10:21:36  

陸羽仁覆網友

Blacks:玖紙問題今日頭條日報專欄有講，咁重債有少少難捱。

阿里巴巴等佢跌到１５幾倍市盈率以下時可以買吓，長線投資吓科技股。阿里巴巴長線業務看好，它的問題是太貴，行業成本上漲等問題不致太大，當然經濟轉差對佢生意亦有一定影響。

走私白銀係因為要走稅，唔係因為白銀特別有投資價值。

呀太：你問我為何早前講招行有機會１０元樓下買到，我再早啲講過中移動有機會見６０元，當時亦好多人話我淡，其實個市發展比我估的仲淡，例如呢一浪回調，我估佢唔會創新低，點知一轉眼又見新低。招行第三季業績急促放緩，還是在一個盈利升幅大降的形勢中，佢股價要反覆向下，直至大市回穩，以及佢回復強勁業績為止。

Bluepanda:４０５的廣州服裝市場應該不會無人租，市淡減啲租都OK，反而融資市場咁緊，佢要借錢有啲壓力，或者要捱高息，會影響可分派盈利。

三心兩意：你問公司利潤倒１０至２０％，市盈率應是多少倍，唔同公司，唔同行業PE好唔同，難以一概而論，但高度簡化咁去講，港股平均市盈率係９倍，盈利跌２０％，若股價不變，市盈率又變番１１倍，若市場唔睇好對下一年的盈利前景，認為會再跌，股價又會跌番２０％，甚至更多。若公司負債高，怕間公司唔掂，借唔到錢，急插都唔定。

中資銀行收遮情況沒有歐資銀行那麼嚴重，但銀行借貸是一個市場，資金供應大量減少後，僅餘唔走的資金不夠市場分，唯一的後果是息價大升，你話情況壞唔壞呢？手上現金多的公司無所謂，負債高的公司就好痛啦。

Eric:最壞的情況是有大量倒閉、大量裁員、大量減薪的新聞密集出現，現時未係最壞。

世界各央行大力放水，係在對抗信貸收縮，有啲效果，但未能令市場放鬆，或者需要一啲時間。現時外國銀行同業市場短期借貸已鬆了，但三個月等中期借貸仍然緊張，銀行自己問人借貸的成本大升，亦係佢地call loan或少做生意的原因，少做少蝕。

Muse:你手上有２３０元買入的渣打，想趁反彈沽貨避險，問乜位減持好。建議若彈兩成，先行減持，候低再入。

殺手，Flyinthesky等：若而家實行最低工資，實際的效果就係減少低薪職位，以減少的職位數量填補增加的開支。

我啲加拿大朋友講，點解你地咁笨爭最低工資，佢做會計，話會計行業最低工資就變成最高工資，大量工作就以最低時薪加一仙，僱主仲話益咗你。

Jaiunited，S2000:以３、５年長線計，一定係揸股票好過現金，千祈唔好長揸現金，我亦唔贊成買所謂保本的投資，因為回報好低。你問建行、工行，現價計確有再跌風險，若唔怕跌睇好長買來收息，或者咁，分三注，現價買一注先。國壽可以等等。

建行、工行長線好過中行，但建行短線因側重按揭業務，受壓較大。

內房股仲有壓力，因為我覺得內地樓市未調整完，救完可以再跌。但內房股世茂好過瑞房，萬一真係死起上來，阿爺都救內地巨型民企先。

Yuki:你問韓國會否爆煲，冰島破產因為其銀行業大幅向外擴張，但韓國經濟走日本模式，主要仍是工業產品出口為主，金融無擴張，風險無冰島咁大，主要問題是經常帳赤字太高，但南韓人好勁，勒緊褲頭兩三年應該OK。

小潘:而家睇大陸銀行業績,要小心睇佢最後一季的數字,市場亦估佢未來的前景,唔好以為市場有錯價,巨型銀行都跌咁多,信行作為中小型銀行下跌一啲都唔奇。

中國今年經濟增長9%以上,唔等如明年可以,現時中央正全力研究明年「保8爭9」的方案,睇吓點樣可以有9%增長, 主要方案係大增基建投資,以投資推經濟,鐵跌建設股最受惠。

Mr.Business

注：此篇文章版权归香港頭條網所有。

金融海嘯中的大贏家
2008年10月21日

最近常在報紙看到「裁員」消息，金融業僱員飯碗可能成為重災區。上個禮拜聽說內地有一些證券行開始裁員。Victoria有很多朋友畢業後在上海加入證券行，於是問其中一個朋友其工作情況，她告訴我，公司倒是沒開始裁員，但在業績愈來愈難做到的情況下，她公司以層出不窮的方法去減成本，包括削娛樂費等。例如，去年公司下午茶不是麥當勞就是Pizza Hut，今年變成茶葉蛋。不過這比直接減工資好。

現在做「白武士」非易事

Victoria之前看到篇報道，說有內地證券行索性先斬後奏，發薪水那天，有同事去查詢帳戶，發現薪水竟比上個月少了大概兩成，以為是人事部門出錯了，直到發薪水之後一周，公司才發了正式的降薪通知。雖然證券業務不好，但因為有企業陸續倒閉，所以我認為在收購合併部門工作的朋友一定十分忙碌。誰不知原來又不是！

另有一個朋友表示，無錯近日是有不少公司倒閉，但是因為銀行不願借錢出來，所以現在當「白武士」都不是那麼容易。聽完這句後，我開始對泰林在找「白武士」收購一事，變得更悲觀了。似乎我們有希望可以三折去掃電器了！

上星期，Victoria行商場，看見花旗信用卡的推廣，便走過去申請了，之後她們的工作人員便向我推銷她們的銀行戶口。一開始，我都沒有多大興趣，因為本身對銀行服務沒有太大的需要，但是當說到她們銀行定期存款利率時，我吃了一驚。以一百萬元計，她們一個月的年利率竟可以做到四厘八九，比一些雷曼迷你債券更高。既然一個月的定期存款利率都可以去到四厘八九，我自然會想到，那麼做一年不是更高，隨時有五厘到六厘？但事實又不是，一年的卻只是四厘左右。這樣看來，似乎她們認為銀行同業拆息只會高企一段短時間，所以對於一年的存款，不願給太高的息。

做一個月定期有覑數

相比起花旗，我用開的恒生銀行（011）股價及相關新聞一點都沒有資金緊絀的問題。以相同金額來計，恒生一個月的定期存款利率竟只有零點七五厘，分別之大是近年來少見的。

說到銀行，這次金融海嘯中，我認為最「威水」的是前永隆銀行（096）股價及相關新聞的大股東伍氏家族。在海嘯來臨之際，成功高價沽出了永隆銀行，套現差不多二百億元。而我們看近日的一些本地銀行股，都跌到面目全非。永亨銀行（302）股價及相關新聞跌到只有一百五十億元市值左右，而大新銀行（2356）股價及相關新聞更跌到只有四十五億元市值左右。以市價計，二百億元足以買起一間永亨銀行，再加一間大新銀行了！

王雅媛為持牌人士，並沒有持有以上股票

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——累股票據輸死人
2008年10月21日

港股連創新低後終於反彈，恒指高開138點後，反覆造好，內地提前公佈經濟數字，增長和通脹齊齊放慢，令人憧憬內地進一步救市措施快將出籠，加上美股期貨又造好，刺激港股反彈，升幅不斷擴大，下午初段港股升幅加闊，一度升上最高的15,473點，隨後升幅收窄，尾市又上，恒指收市報15,323點，大漲 769點，或5.3%，收復上周五創新低的跌幅。期指收報15,270點，升800點，比現貨低水53點，國企指數走勢與恒指類若，收市報7441點，反彈434點，或6.2%，升幅更勝恒指。

內地公佈的經濟數字相當疲弱，國家統計局公佈中國今年前三季度內地生產總值（GDP）同比增長了9.9%，比上年同期回落2.3個百分點。如果單計第三季 GDP只有9%，比今年第二季度的10.1%顯著回落，是2003年第二季度即沙士以來的最低增幅。通脹率同時放緩，9月份CPI（消費物價指數）同比上漲4.6%，比上月的4.9%，回落0.3個百分點，這是今年以來連續第5個月回落。內地經濟咁顯著放緩，令到阿爺可以全面放鬆宏調，改為放水挺經濟就飱啦，所以內地股市睇到數據咁差亦轉跌為升，上證綜指最後收滬綜指最終報收1,974點，升2.3%。

數據愈差愈會救

外圍亦繼續反彈，明日下午時美股杜指期貨升200點以上。本地藍籌股昨日差不多全線向好，除了思捷（330）股價及相關新聞逆市下挫3.9%及中信泰富（267）股價及相關新聞停牌外，所有的藍籌股均有不錯的升幅。其中以中移動（941）股價及相關新聞最勁，大升7.6%，升到71.1元，單係一隻股已帶動恒指升131點。另外地產股的升勢最為凌厲，信和（083）股價及相關新聞升10.7%、和黃（013）股價及相關新聞升10%，而中國海外（688）股價及相關新聞更飆升12%。反而近日弱勢的礇控（005）股價及相關新聞就繼續慢慢行，收報107元，只升1.7%。

一舖輸鰦半隻藍籌

以行業計內房股彈得好勁，市場憧憬內地將有救市措施出籠，加上溫總理在國務院常務會議時強調「加大保障性住房建設規模，降低住房交易稅費，支援居民購房」，內房股普遍大幅反彈，碧桂園（2007）股價及相關新聞升20%後升幅收窄至10%；華潤置地（1109）股價及相關新聞升13%；世房（813）股價及相關新聞升11%，遠洋地產（3377）股價及相關新聞升12%。

講完股價升，都要講纒股價跌鮋股，昨日停鰦牌的中信泰富（267）股價及相關新聞，今日復牌恐怕都有大災難，中信泰富昨日發出一個超級盈警，集團為了減低西澳洲鐵礦項目面對的貨幣風險，簽訂若干槓桿式外匯買賣合約而引致重大虧損，現時已知損失約8億元，但按合約集團須接貨之最高總金額為94.4億澳元及1.6億歐羅，按目前公平市價計，集團會蒙受147億元帳面虧損！

中信泰富停牌前收14.52元，市值318.4億，即係話潛在虧損係公司市值46%，賭一舖就輸鰦半隻藍籌股。呢鱓咁鮋大風浪，一般公司頂唔順，因為債主見你輸咁多，馬上臨門追債，公司好易周轉不靈，但中信泰富好彩有阿媽照，母公司中信集團已安排一筆15億美元的備用信貸，畀中信泰富頂住檔先。

就目前中信泰富公佈的情況，令佢輸得咁甘的主要是和澳元或歐羅掛鹇的累匯票據（Accumulator），有鱓同時掛兩隻，邊隻低接邊隻，部份年期長達三年。澳元從7月時的高位0.97美仙跌到現在的0.69美仙，唔見鰦29%，中信泰富的主要合約的澳紙行價係0.87美仙，接貨價距離現價已輸 11.5%，佢合約又巨年期又長，日日要接貨，過鰦某一個價位又起碼打孖上，咁按市值計唔見147億都好正常啦。

你可以話，呢147億虧損只是按澳元現時匯價計公平市值計出來，若果將來澳元升番，中信泰富可能無輸咁多。但好口臭咁去講，衰開有條路，萬一澳紙兌美元再跌多兩三成，跌到澳紙利息減無可減先至停，中信泰富都大大鑊啦，依家爆到咁大，平倉又平唔到，中信泰富唯有硬食。

Accumulator等衍生產品風險極大，但表面上睇又唔覺，結果令好多有錢人輸錢，很可能亦有好多上市公司輸錢，相信爆大鑊不止中信泰富一個，等出業績時還有得爆，呢鱓炸彈真係嚇死人，所以未到明年睇埋公司業績，都唔好話邊隻股肯定無事。另外以後見到任何表面睇「好覑數」、「好高息」的投資產品，都係少掂為炒，光棍佬教仔，便宜莫貪呀！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

新刺激方案         

2008/10/21 上午 09:19:46
網誌分類: 經濟

銀行同業拆息大幅回落，加上聯儲局主席伯南克建議美國推出第二輪刺激經濟措施，令美股大幅上升，杜指高開衝穿9000 點後一度有少少回軟, 但在11時許在低位開始回升，接著大市不斷向上，升至全日最高點9265點收市，大升413點，升幅4.7%，30隻杜指成份股全面報捷。標普500指數收市報985點，上升45點，升幅4.8%。納斯達克綜合指數上升59點,至1770點，升幅3.43%。

美國總統布殊話，市場情緒由早前「近乎恐慌」的狀態放鬆下來，顯示政府的救市措施開始收效。美元三個月倫敦銀行同業拆息(Libor) 由上周五的4.42厘降至4.06厘，反映投資者信心漸漸增強。部份經濟數據也利好，美國10月領先指標公佈增長0.3%，遠遠好於預期的負0.1%，而每週首次申請失業救濟人數亦下降。

石油價格受全球經濟放緩影響，需求疲弱，加上從安哥拉到墨西哥灣等世界各地都有新油田開始運營，油價正面臨自1993 年以來最大的危機，石油輸出國組織OPEC急急救亡，計劃於本周五五在維也納召開產量制定會議，主席·克利勒(Chakib Khelil)稱，歐佩克成員國可能將原油日均產量最高下調200萬桶。原油期貨受減產消息刺激，上漲1.73美元，至每桶73.58美元。

彭博的一個第三季度證券分析員估計盈利調查，預測本周公佈的139家標普500指數企業，包括蘋果、麥當努、Caterpillar等，估計第三季業績將會下降11%；但原油股第三及四季業績卻大幅增長則為45%及14%，消息刺激油股造好，帶領美國大市全日上升。全球第二大的油供應商Halliburton Co. 上升6.4%，而Exxon及Chevron急彈10.2%及11.6%，成為升市火車頭。響應股神的入市言論，電力公司Exelon (EXC) 趁低收購，提議以62億美元收購NRG Energy (NRG)，擬打造美國第一大電力公司，NRG Energy股價飛升29.3%。

不過真正利好美股的是聯儲局主席伯南克提到的新刺激計劃。伯南克出席美國眾議院預算委員會時表示，信貸收縮的打擊深入家庭，美國人借錢會愈來愈難，這樣就會延長經濟下滑，所以需要有新增的財政刺激方案。

伯南克心中的刺激計劃，是指一些令借貸人、生意人、房屋買家和消費者都較易借錢的措施，這些行動對刺激經濟和製造就業特別有效。他又提到具體方法可以是給予借貸人加按的財政援助，支持按揭證券公司房利美各房地美的資金，擔保貸款，直接借貸，甚至借貸可以有稅務寬減等等。伯南克不願透露他建議刺激方案的規模，但認為要夠大才有效。

美國國會在今年２月通過一個以退稅為主的１６８０億美元刺激經濟計劃，伯南克的建議是希望有第二類輪的計劃，讓第一輪計劃的效果消退後，又有下一輪計劃接上。

伯南克和布殊政府對於應否有第二輪刺激方案，似有分歧，白宮新聞秘書Dana Perino 上周四話，上個月政府曾討論第二輪刺激經濟方案，但白宮並不同意建議中的措施可以「為經濟注入活力」。但昨日伯南克公開鼓吹第二輪刺激經濟方案後，同一個白宮新聞秘書就表示政府對刺激經濟計劃持「開放態度」，又話會認真考慮。

白宮的保留態度可能源於刺激經濟計劃會增加赤字，但又未必有效。伯南克亦被共和黨議員質疑，這種由民主黨人提出的刺激經濟計劃，會把預算赤字吹大到１萬億美元，等如把錢掟出錢，會幫到一季的經濟，但不會增加就業。伯南克就回應話，在這種緊急時期，龐大的預算赤字並非不恰當，特別是稅收可能減少，更難避免赤字。

大國、小國政府無一例外，都忙著大搞救市計劃。印度減息１厘救市；奧地利國民議會昨日出台一項總額達1000億歐元的一攬子銀行救助計畫；塞爾維亞政府將居民存款擔保額大幅度提高、臨時取消利息稅，取消證券交易所得的資本收益稅、提高燃料和香煙的稅收第；冰島政府話，國際貨幣基金組織準備牽頭北歐多個國家以及日本的中央銀行,向冰島提供60億美元資金,挽救冰島近乎崩潰的銀行系統。隨著各國政府不斷向銀行體系注資，投資者預期拆息會在未來兩星期繼續回落。咁o既形勢，全球股市應該可以炒吓反彈。

最後也要一提，匯控（００００５）提出以６０多億港元收購印尼第三大商業銀行，將有助匯控快速增加印尼市場的佔有率。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

慧眼看世界——泰林的啟示
2008年10月21日

有六十二年歷史的電器連鎖店泰林要執笠，心裏只有可惜，沒有驚奇。傳媒常將泰林倒閉說成是金融海嘯的影響，其實這裏沒有直接的因果關係，金融海嘯只是催命符，泰林本身長期有內傷才是致命的原因。

由於工作關係，我對本港電器零售生態也有認識。零售收益雖與經濟環境有直接關係，但只要有適當的市場策略和定位，問題還可以解決。泰林死於租金貴，人才投資不足，以及「死貨」堆積影響資金流轉。

除非有自置物業，否則不能避免貴租所帶來的壓力。面對毛利率下降，增加生意好像就是唯一出路。為了加大市場份額，逼覑也要擴張營業網絡，令開支愈來愈多。

貨品能否賣出，取決於價錢和款式外，更重要的是員工的銷售技巧和售後服務。年資愈長的員工，面對日新月異的影音產品，愈加需要培訓。泰林較早前曾向同業挖角，希望提升戰鬥力，然而改革要上下一心，單靠外來專家只會增加人事矛盾。

由於滯銷的產品會成為「死貨」，影響企業資金流。「死貨」不清，就會影響公司入新貨能力。如果營業員只為最易推銷的產品賣力，佣金唯上，沒有想辦法將「死貨」賣出，企業手頭資金只會愈來愈緊，當金融海嘯一來，公司便招架不住。

所以增強資金流和人才管理的能力，是企業對抗逆境的上策！

張慧慈

http://www.hkheadline.com/news/h ... mp;section_name=wtt

Mr.Business

2008/10/21 上午 11:21:32  

陸羽仁覆網友

此方：你問中信泰富有無投資價值，我認跌一半時有炒作價值，博佢彈，彈咗就走。講投資要講穩定性，唔講管理，只講中信泰富揸住澳元的accumulator的潛在風險，澳元升佢升，澳元跌佢跌，如果澳元勁跌就無眼睇，你自己會唔會炒澳紙槓桿外匯，如果唔會，都唔好買中信泰富。

Wfkk，Philip, Lalama等:你地自己或屋企人揸咗中信泰富，問好唔好斬咗佢，我真係唔係好識建議，屋企人多數指老人家，你叫佢斬，萬一澳紙唔再跌升番，中信泰富又會升番啲，但若澳元再插，風險極高。無方法中之方法，趁反彈減一半或減清，換入其他優質股長揸好過。無眼睇。

小魚：若供緊中信泰富可以停供，此股手持的accumulator風險太高，失去投資價值。手上貨若平手都可以沽之，換馬去其他較穩陣的大股吧。

小潘：呢啲accumulator滾咗好多叻人，愈叻愈貪愈以為穩陣過炒股炒匯愈中招。個人係咁，公司亦係咁。

匯豐咁買嘢，應該反映佢有水，近期唔似有好大撇帳。至於遠期，就大家都係靠估啦。

逸文：你話原定１８０００點開始買，每１０００點買一次，但買到１４０００點開始頂唔順。原因是不單是點數，而是買得太早，大市根本未跌完，所以後段的跌幅超預期，跌到你頂唔順，若１８０００點入，頂籠預佢跌到１６０００點就應該見底。但事實發展超乎自己預算，就表示開始時估錯了，到１６０００點唔見底最好停手。即使你唔停手買到平貨，但方法錯了，都唔係一個好經驗。

若過經常買早了，下次想入時，停三兩日，等佢插深的再買。

文迪仔：你話有１００萬現金，買股好定等跌深啲買樓好，買樓睇吓有無使用需要，若有使用需要等明年跌深啲可以考慮，若只論投資，也可以等幾個月，等跌深啲買優質股，但股市未跌完，唔好一注咁買入去。

Whywhy:你２．３６元買IT，而家得番０．５８元，我亦唔識建議，再跌當然難免，但唔死捱得過又會好啲。或者等國航或聯想這些股份跌穿２元時，沽隻IT換去這些大股，因為大股跌到那些價位亦好殘，佢地出事國家會救，零售股出事無人會救。希望將來若IT無事你沽咗唔好怪我，記住自己若果沽貨，係想控制佢地萬一執笠的風險，佢結果無執，唔等如佢當日風險唔高也。

等待：你話在１６．５元買了玖龍紙業，問我點算，雖然而家講已經過時，但仍要講，０７年尾的玖紙太太貴，我當時在頭條專欄也講過，佢太貴，雖然我都估唔到佢會跌到１元，但遇上熊市跌番上市價一啲都唔奇，以後若要買貴股，一定要定位止蝕。而家無嘢可以做，都跌到咁，唯有死守。

三心兩意：市盈率無固定，若本來係高增長的內銀股，盈利增長跌到個位數，市盈率跌到２０倍以下，氣氛差時甚至跌近１０倍都唔奇。

金管局的市場操作的目的不外乎是增加市場的流動資金，壓低拆息。

Jaiunited：同意對所謂股神犯錯的分析，佢除了買巴郡真係睇外，其他主要係睇早咗。

講月供２８２８好過２８００少少，長線中國經濟增速較快，股市會同步，所以長供H股基金好啲。

其他要供行業的銀行股可供工行、招行，保險股國壽，電訊中移動（我唔覺聯通可挑戰到中移動，若開放競爭，價格下降，中移動唔得時，聯通亦唔會得），都可以。但若揀了２８２８，已洆盖各行業，唔使煩去揀股。中國經濟年增長９％，買股長線超過９％回報機會不低。

１１１： 你問中材係唔係高速成長股，熊市高速成長股會遭秧，小心，走勢向下，怕未跌夠。

YY太：你弟弟想從元朗換樓到荃灣愉景新城，跌市換貴啲樓（trade up），方向啱，先沽後買唔係唔得，但後買亦唔好拖得太遲，最好一年內完成，一路攞住張票開個８折價都得。

達爾：拆息高企是短期跌市之因，無水導致公司唔掂，無錢炒股，無錢買樓。拆息回落，後市可靠穩。

Muse:買澳元收息，小心蝕匯價，可留意佢減期價停止時才買好啲。

Catjim:恒指破萬四的機會唔細，但未必係短期，可能抖抖氣等明年初吧。中國經濟下滑得幾嚴重，９％增長已是０３年第二季沙士時的數字，但大陸會大搞基建頂住個市。

你問下個牛市中國銀行可否呼風喚雨，炒到飛起，講下個牛市太早啦，中國的銀行管理也未得。買股最好稍等。

陳永仁：一個國家經常帳赤字高企，即係話流動現金流出多過流入，市場信心一失，匯價即係插，資金再流去，因為怕你無錢還外債。國民唔儲蓄，國家一味發債，即係有大量貿赤、財赤，長遠對匯價很不利。

你想買基建股，但龍工和中鐵及中鐵建唔同級數，不可比，唔係替代品。

Torresk：鋼鐵股老總話前所未見需求咁低，所以未必到底，到業績反映哂利淡消息，最好蝕埋錢，就可能見底啦。

Shy:月供２８２８，想問係唔係一定要供匯控，２６２８／１６／和８５７同５仔的分別係佢地係好唔同的公司，如果伙分唔清，買大陸嘢供２８２８，買香港嘢供２８００，唔好自己諗啦。

Mr.Business

注：此篇文章版权归香港頭條網所有。

金融High Tea——中信炒踎外匯累街坊
2008年10月22日

美股杜指上日大升413點，好友對港股充滿期望，但恒指開市已無乜力水，只是高開294點，升近2%，見15,617點後反覆回軟，下午轉為倒跌，低見 14,884點，尾市略為反彈，重回15,000點關口，恒指收市報15,041點，跌282點，跌幅1.8%。期指收市報15,170點，下跌100 點，高水129點。國企指數倒跌174點，收報7,267點。大市成交506億元。

市場焦點盡在昨日復牌的中信泰富 （267）股價及相關新聞 ，因投資累收外匯票據（Accumulator）蝕155億，被外界狂質公司管理不善及拖延公佈等問題，在昨天早上未開市的競價時段，股價已跌一半穿7 元，開市之後吸引一班撈底散戶入場，股價好快反彈至9元，只係跌38%，但這個出貨黃金機會一閃即逝，基金瘋狂出貨，股價跟覑反覆狂插至低位6.47元，最後以6.52元收市，大跌8元，跌幅達55%之巨，成交13.7億元，市值一夜間蒸發175億元。同系大昌行（1828）股價及相關新聞 亦受大股東中信泰富拖累，收市報0.87元，急挫20%。

芬佬買股窒一窒

昨日港股表現特弱，區內日股升3.3%，港股無得升不特止，跌幅亦比新加坡和內地股市多。表面看是受巨股中移動（941）股價及相關新聞影響，公佈首三季業績，成績令人失望，每戶收入和每戶通話時間同時減少，市場普遍看淡，股價受壓，收市報67.55元，下挫5%。單是中移動帶動港股唔見鰦93點排第一，排第二的黑仔就係中信泰富，帶動港股唔見鰦38點。

中環茶友個個都話中信泰富累街坊，因為整單咁杰撻撻鮋大鑊出來，彭博通訊社都當作頭條新聞咁出，剛剛排在美股升400點的新聞之後，舉世聞名，芬佬本來對港股的購買欲已不強，而家再去買港股更怕俾客仔質詢，所以少買為妙，再等一會，所以搞到港股不升反跌成為冠軍。

經紀張媽聲四起，話政府逼他買強積金，他的強積金有買盈富基金（2800）股價及相關新聞，中信泰富係藍籌股，即係唔覺意就做鰦中信泰富間接股東，中信泰富賭外匯輸身家，他都間接唔見鰦錢咁話。我就話有賭Accumulator的公司唔少，輸錢的應該很多，但要一輸輸鰦半家公司去的確唔多，累埋有買盈富的市民輸錢，又的確抵鬧。陸羽仁早前講笑咁話怕有鱓公司內有「金融三聚氰胺」，未跌得夠，但亦估唔到中信泰富可以輸咁多。

好多朋友獱鰦中信泰富，問我點算，我唔係好識答，跌鰦咁多或者會彈，但由於他獱重他睇淡澳洲元的Accumulator，不斷要接澳紙，若澳紙大升，他會無事，實際上輸的錢遠比現時計的155億元少，但若果澳紙再跌得甘鱓，佢仲大鑊，所以獱佢等如大賭澳紙，一隻藍籌股搞到咁田地，真係無眼睇。若果好怕風險，可能等他反彈時減持一部份，換入一些同樣跌得好甘的龍頭國企股穩陣鱓。

獱住中信等如炒澳紙

陸羽仁發覺自己撈唔掂轉行做纒分析員都得，早排我成日講本地銀行股唔掂，終於有證券行出報告唱淡，瑞信認為本地銀行存款增長不多、融資成本上升、以及手續費收入疲弱，將香港銀行明年盈利預測下調12%至32%，銀行股份備受沽壓。礇控（005）股價及相關新聞 斥逾6億美元購印尼工商銀行，股價先升後跌0.09%；恒生（011）股價及相關新聞跌2.3%、東亞（023）股價及相關新聞挫2.4%，但渣打（2888）股價及相關新聞 及中銀香港（2388）股價及相關新聞則無升跌。

能源股表現較好，瑞信發表報告，話神華（1088）股價及相關新聞涉現貨及出口煤市場較少，對現貨煤價不明朗的敏感度較低，具防守性，將評級由「中性」升至「跑贏大市」，但目標價由35元下調至25元，加上公佈業績勝過預期的消息刺激，神華收市報15.8元，上升5.3%，整個能源類股份亦因神華上升受逓，跑贏大市。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

金融回穩         

2008/10/22 上午 09:21:34
網誌分類: 經濟

      昨日外圍的金融形勢是銀行同業拆息繼續回落，美元急升，油金齊跌，但股市就在彈升後回吐。

       銀行同業市場的緊張情況進一步放鬆, 三個月美元的倫敦銀行同業拆息（Libor）已回落到3.83%，係近期嘅新低，信貸市場有進一步解凍的跡象。

　　美元昨日再大幅向上，美元兌６種主要貨幣的美元指數再升1.1%, 升到83.99的高位, 美元兌歐元的走勢尤其淩厲, 升上19個月的高位, 因為市場估計歐洲央行的減息幅度會多於美元, 歐元兌美元今早造1.30美元, 但無息可減的日圓就企硬, 今早造100.3圓。

美元走強的另一個因素是美國聯儲局話會協助購買6000億美元的貨幣市場基金資產。貨幣市場基金本來是穩陣投資, 但雷曼倒閉令部份貨幣市場基金大蝕, 成為14年首次有這類基金損失本金, 令整個市場停頓, 美國政府入市打救, 如今正逐步落實拯救計劃, 消息亦對美元匯價注入強心針。

美元急升令油價下滑, 商品急回, 紐約油價下跌3%至每桶72.18美元, 看來油組減產也只會令油價反彈, 而不是大升。金價急跌至768美元一安士, 跌幅2.7%。

　　以美國為主體的金融市場有回穩跡象, 但美股在上兩日連番急彈後, 昨日卻因投資者憂慮上市公司盈利前景，美股三大指數同告下挫。杜指整天在上日收市的9265點與9000點大關中間爭持，指數如過山車般上下翻動。杜指低開約100點，馬上反彈挑戰上日收市關口，但無功而回，指數在上午10時許回軟，且跌幅擴大，下滑至9000點邊緣，見全日低位9004點。下午1時，指數再度反彈，約下午2:45直衝至全日最高位9285點，但尾段再度失守急插，回落至低位收市。 杜指收市報9034點，下挫232點，跌幅2．5％，標普500收報955點，下跌30，跌幅3.1%；納指報1697點，下跌73點，跌幅4．14％為三者中最大。

      科技股急挫是拖累美股節節向下的元兇股份, 標普500中的科技股份整體下挫5.6%，受紐約油價急跌影響，能源類股份亦下滑4.3%。上市公司的財務佈告成為市場近期的焦點。超過139家公司會在這周公佈第三季度盈利成績表，包括昨天公布的蘋果和今天公布的麥當勞。據彭博統計，昨天已公佈的107家指數股的盈利數字，利潤平均下跌了27%, 預示經濟情況令人擔憂，大大掩蓋了市場拆息回落、資金解凍的利好消息。

      較受投資者關注的幾家公佈盈利報告的公司包括：美國運通(American Express) ，雖然盈利較去年同期下降24%至每股73美仙，但降幅遠少於分析師預期的59美仙，最終收市大升9%！在收市後公布業績的蘋果電腦由於銷售Macintosh電腦及iPhone的情況理想，第三季度盈利急升26%，第四季盈利會達到11.4億美元，業績公布後股價在延長交易時段收報102.07美元，由原來下跌7.1%變成倒升5.3%。

      但科技股的壞消息更多, 排在IBM、HP及Dell之後的全球第四大的網絡伺服器製造商Sun Microsystems (JAVA)開盤前價位已重挫10%, 第三季度虧損超出了分析師預期, 顯示公司客戶因市場資金緊縮，削減電腦方面的開支。收市報4.77美元，勁插17.5%, 全年計已下跌超過80%。

      全球金融市場走勢開始慢慢穩定下來, 短期內再急跌的機會減低, 但由於經濟基調好差, 未來各地股市炒完反彈之後, 馬上又要面對經濟衰退的影響。

      最後都要講講阿根廷股市大瀉11%, 阿根廷總統 Cristina Fernandez提議將國內私人退休金體系國有化。其中包括10隻基金共涉及293億美元。阿根廷全國共有360萬人每月供款給退休基金，而提款的退休人士則有45萬人，比較去年9月份，基金價格下滑了2.23%。市場視此舉為打擊投資市場，股價大幅下瀉，而債券價亦急跌, 令到收益率大升至23厘, 咁搞仲邊度有人想買股票呢 。各國都要控制投資市場以自保, 不過控制過籠時又有反效果。

陸羽仁

http://www.hkheadline.com/blog/r ... rd=&searchtype=

Mr.Business

2008/10/22 上午 10:44:26  

陸羽仁,覆網友

Blacks: 幫中信泰富做accumulator的聽聞係花旗同匯豐, 但相信還有街外對手。買Accumuator你睇中對手升5%就踼走後, 你睇錯就要double up 上，我早就講過呢啲咁唔對等的遊戲玩唔過。如果係1對1，睇中可以坐到尾, 睇錯亦係輸一份, 咁仲叫做公平少少，輸得心甘命抵啩。

牆頭草，達摩: 我講吓笑啫, 我點做得分析員, 個間行寫神華值101元時, 我喺頭條日報都寫過文笑佢。 但有時分析員人在江湖，證券行要做生意，大牛市時難免要瘋狂唱好，你信佢你就傻啦。

Casillas: 中信泰富咁款可以炒, 唔好去投資, 想炒等佢跌好甘時膽正命平者就可以去博吓反彈, 同炒澳元差唔多, 記往一成止蝕。想投資有好多好公司都跌到好殘, 唔使買佢噃, 間公司住後有「管理層折讓」,長線會落後大市。

小安子等: 你地問起 A50基金, 佢的確唔係直接買A股, 因為種種技術考慮, 佢係買花旗在盧森堡發行的 A股窩輪, 來追踪那50隻股的走勢, 過去我地唔會視「花旗」為風險, 但雷曼事件後, 對手風險大增, 所以怕對手風險的朋友, 月供就唔好選這一隻, 可能恒生H股ETF2828會安全啲。

Wawa, Govia:中信銀行和中信泰富關係極細, 大家的母公司都是北京中信集團，但兩間公司好似大家庭不同阿媽生的仔女，根本不相住來。中信泰富主要由榮太子管理，佢自己亦持有大量股份，變成半間私人公司，北京中信管唔到佢，所以唔使因為中信泰富事件沽中信銀行。

Flyinthesky:跌落12000點唔係無機會，就算唔跌落12000點，非主要成份股可能仲要插。你問工行好或建行好，兩隻各有特色，建行做按揭多，按理較受影響，若有壞消息插得深啲時可考慮，在呢兩隻中，邊隻勁插就揀嗰隻。

Tweety:你話睇咗我個網誌講熊市，在5月放哂大部份股票，咁就恭喜你啦。還有中國翔龍基金，若唔等錢使唯有死揸佢三五年，有機會見家鄉。紐幣亦係，短線再減息再弱化，但睇兩三年美元無條件長期咁硬，唔等錢使可以守。

非非飛:你想借錢買匯豐，我就唔鼓勵人借錢買股，首先問一個問題，係唔係賺梗呢? 如果唔係賺梗，做乜要冒風險?

S2000:若你在3.3元買了一注建行，第二三注要定在3元樓下，而且唔好一注買哂，時間上拖長少少好啲。

Yy太: 我其實等緊建行出壞消息，例如樓市下滑，按揭大減，令佢收入倒退之類，那時才有平貨可執。

有時唔能夠為細佬換樓太著急，鬼佬有講:一個人的美食，是另一個人的毒藥，佢喜觀住元朗又無法噃。

及川奈央:地鐵除了是公用事業外，主要賣兩樣，第一是兩鐵合併的協同效應，第二是房地產，樓價跌本來已影響佢，而家佢話唔賣地，係影響咗兩三年後的賣樓收入，怕佢還有得跌，唔好買住。

Singwah:你高位入了建行及中材，想未來恒指再跌在低位加貨，若恒指跌到12000點、13000點，的確係長線投資者買貨時機，係唔係加建行和中材就到時再睇啦。

Bluepanda:炒作一定要止蝕，若股市貴時以為自己投資都要止蝕，一般跌10%就要斬了，但長線投資者在股市低迷時買股，嚴選不會執笠的龍頭大股，不一定要止蝕，反而是分注買入是可以盡量減少買完即跌的機會。

叉燒仔: 中國的確唔想人民幣太強影響出口，若計短線你有人民幣想轉回港紙都無大壞，但睇好長線如10年那種時間，人民幣還會再升。

籠中鳥:我無揸外匯，自從早年朋友代投資外匯令我虧損後，不再揸外匯，銀行有餘錢無投資時，會存定期或買短債收息。

any:華能發盈警，現在沽已略遲，到佢出業績時，仲有得插吓，但屆時插到好深就出現買貨機會啦。

Kit:黃金淡勢已成，小心在全球信貸緊縮中，黃金亦步入熊市，所以追貨追唔過，唔好信黃金會再上1000美元。

Mr.Business

注：此篇文章版权归香港頭條網所有。

金融High Tea——就係無水咁簡單
2008年10月23日

港股昨可以用不忍卒睹四字來形容，美股上日因大公司業績倒退而回落200多點，恒指低開超過160點，初時跌得不算厲害，早段更曾向上衝逾280點，大市倒升120點，但觸及全日最高的15,161點後，掉頭回落，半日已急跌430點；下午開市，受日本股市狂瀉6.8%的影響，加上美股期指跌過百點，大市插水下墜至全日最低位14,038點，恒指跌超過1,000點，險守14,000點大關，尾市叫做反彈纒，反覆回升至14266點收市，跌775 點收場，跌幅5.2%，又創新低，已經是近期第三次穿低位。

期指低位更插穿14,000點，低見13,986點，最後收14,106點，下跌1064點，低水160點，國企指數收報6,700點，跌566點或7.8%，大市成交540億元。

資金回流美國

恒生指數成份股除港鐵（066）股價及相關新聞逆市微升1%以外，所有股份全部下跌。礇控（005）股價及相關新聞報103.8元，挫2.9%，已經唔叫做跌得多；中移動（941）股價及相關新聞繼昨天大跌5%後，今日再挫5.3%報63.95元。

中環茶友話，雖然港股創了新低，但昨日都未算插得太狠，日股都跌鰦631點，跌幅6.8%，港股的5.2%跌幅已好過日股，至少唔可以話有大戶大力隊低港股，因為要隊可以隊得更低。

經紀張話美股都仲有9000點，但港股卻要再創新低，個市無理由跌咁多。我就講，股市升跌都唔講理由，依家港股、甚至亞洲股明顯無水來買№，跌市原因就係無水咁簡單。

你睇美國的宏觀情況並非咁壞，美國聯儲局話會協助貨幣市場基金，購買6,000億美元資產，消息令美元走強，反映美元兌6種主要貨幣的美元指數上日再創新高，美元只係兌無可能再減息的日圓較弱。銀行同業市場的緊張情況亦進一步放鬆，三個月美元的倫敦銀行同業拆息（Libor）上日已回落到3.83%，係近期新低，信貸市場有進一步解凍的跡象。

不過千萬不要以為美國市場回穩，就一定對亞洲有利，依家美元咁強，係一個側面反映資金正回流美國，除了話美國基金在海外出貨應付贖回之外，亦有人信美國有康復之象，所以把錢泊入美國。當水源從亞洲歐洲回流美國時，這些地方股市缺水，自然唔靚仔。

若果只睇圖表，港股走勢一浪低一浪，極不靚仔，除非有大戶想調轉頭玩，否則正路仍然係一級級咁落。

中信通函手尾長

跌得最甘鮋仍然係市場焦點中信泰富（267）股價及相關新聞，繼昨日大挫逾55%後跌幅停不了，開市插到5.6元，但後來一度反彈上6.3元，升番到接近上日收市的6.52元水平，但後來證監會聲明調查中信泰富，佢股價再急挫，最後收市再暴跌25%，收4.85元。中信泰富宣佈會出售旗下大昌行（1828）股價及相關新聞套現，受賣盤消息刺激，令股價急升，最後升幅收窄至48.3%，收1.29元，估唔到中信泰富中招，最後益了旗下大昌行的股東。中信泰富累街坊的影響延續，瑞安房地產（272）股價及相關新聞中期報告曾披露一度持有交叉貨幣利率掉期合約，觸發市場的憂慮，股價再挫25.1%。

中信泰富單№相當手尾長，依家又發現中信泰富管理層在9月7日發現事件，但公司在9月16日發的股東通函又話無導致公司重要虧損的事項要披露。老老實實，如果在佢出通函之後買鰦中信泰富股票的股東，就一定要向簽那份通函的中信管理層索償啦，主席榮太子個位都唔係咁易坐鮁。

昨日好多股份都大插，但建材及基建股又插得特別勁，中國經濟放緩，阿爺好可能要加強基建來頂住經濟，起鐵路係首選，所以早前鐵路建設股的股價都相對硬淨，無其他紅色股跌咁多，但昨日就傳最愛買這類股份的韓國資金撤退而突然急插，例如中鐵建（1186）股價及相關新聞就跌19%、中鐵（390）股價及相關新聞更跌21%，由於沽壓不低，加上兩隻股相對貴，小心還要再下滑。另外建材股中國建材（3323）股價及相關新聞插19%，安徽海螺（914）股價及相關新聞9個月多賺34%，但股價挫9%；中材（1893）股價及相關新聞亦跌6%、中交建（1800）股價及相關新聞跌6%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

跌市         

2008/10/23 上午 12:10:41
網誌分類: 經濟

      全球在衰退陰影下，各地股市皆急挫，美股杜指大跌５１４點，跌幅５．７％，跌至８５１９點，而標普５００指數更跌６．１％，跌至８９６點，已是２００３年以來的新低；納指好少少，只跌４．８％，主要係蘋果電腦頂住。美元繼續大幅走強，商品、油價繼續急跌，借貸市場進一步回穩。

　　聯儲局投放５４００億美元資金入資本市場基金之後，企業短債的利率再急跌，以高評級企業３０日期商業據利率計，再大跌１．４６個百分點，跌到１．９２厘，是歷史上最大的單日跌幅。市場人士話，美國政府已經包起商業票據市場，利率無理由唔跌。

　　美元急升，是自２００６年１１月以來首次兌歐元造出１．２８這些水位，升穿１．３０大關。英鎊跌至５年低位，市場估計歐洲央行會大幅減息以刺激經濟，影響歐幣匯價。

　　不過股市投資者對衰退的憂累蓋過借貸市場的舒緩，昨日美股早段都只係跌３００點左右，到３點後，不止唔彈，仲要急挫，主要原因是美國議會的小組公布一封電郵，顯示評級機構穆迪和標普的員工，私下懷疑那些按揭支持證券的價值，銀行已為６６００億美元按揭投資有關的資產撇帳，這些電郵令人懷疑銀行撇得夠唔夠。各種股票都大跌，艾克森美孚跌９．７％，Freeport-McMoRan Copper & Gold Inc.跌１８％，能源和礦業已肯定進入熊市。在美股大跌下，看來港股１４０００點大關可以應聲而破。

美元匯價急升，美股企唔穩，基金資金回流應付續回，多數泊入美債市避險。網友阿Ray問起，美元轉強對美國有無利？對香港有無利？我認為美元強對港股不利，可以再詳細講講。

首先講吓美元呢一浪轉強的遠因近因，我一直認為，美元在７月後快速轉強，和油價急跌是一個銀幣的兩個面。油價由去年８月的９０美元起步，那時是美國次按開始爆煲之時，美國在９月開始減息週期，以減息去救市。然後油價像一條直線地向上推，到今年７月推上１４７美元的高位，期間有美資大行不斷唱好，唱油價值１５０美元、甚至２００美元。

大陸政府內部流行一個陰謀論，話美國見次按問題日益嚴重，是有意推跌美元，推高油價，將問題出口。高油價會引起高通脹，但美國步向經濟衰退，高油價推高物價正好沖銷美國物價本應下降的影響，而弱美元更大量增加美國出口，阻慢衰退。而且把油價炒到天咁高，還有一個副作用，就是令到中國這些新興國家，經濟急升溫，並要面對急升的惡性通脹，結果這些地區的政府只能大力緊縮貨幣供應，令資產泡沫爆得比美國更快。

這是一個大家攬住一齊死的策略，甚至可以令對手死得比自己更快，到美國自己的股市大跌、公司極其脆弱時，這些新興地區的大公司因為股市潰圍，亦同樣沒有財力去搶購美國資產。你千萬不要以為美國好歡迎外國投資，直至今天，美國都沒有讓任何一間金融巨企落入外國政府之手，你入吓股做細股東供吓會唔緊要，但係唔會俾你控制這些巨企。

到７月的時候，到美國宣布入股房利美和房地美，相信美國政府那時都以為美股已見底了。亦是在同一個時候，美元就神奇反彈，原油等商品卻急促回落，然後美元一直強勢至今，當中美股再大插，連爆AIG及雷曼事件，美股跌到變型，但無改美元強勢。或者可以咁講，美國已成功把災難輸出到歐洲及亞洲，由於美國衰在前，跌得深啲，而歐洲亞洲衰在後，跌得時間未夠深，所以有追跌的可能，令歐幣、亞幣更弱。另外，近期大量基金都面對贖回潮，而美資公司亦賣資產套現強化自己的資產負債表，全部都要換美元調番美國，亦支持了美元的匯價。

朝住呢個方向答阿Ray的問題，美元轉強對美國有利。表面看，美元轉強影嚮美國出口，但實際上，美元下跌卻對穩定美國金融市場有利。早前美元大跌時，買美國資產可能又輸匯價又輸資產價，但美元強勢時，買入資產唔跌已賺匯價，當世界各地都覺得美國國債安全，把錢泊入去時，美國金融體制就可以穩定下來。至於其他地區因為匯價大跌出問題，咁就你死你事啦。

睇番香港，港元雖然匯價跟美元，但投資氣氛郤跟亞洲，所以港元跟美元升，客觀上雖然有助減少輸入性通脹，但卻不利出口，在實質經濟方面的影響已經唔著數。再者亞洲區多隻貨幣大跌，會影覺整個區的投資氣氛，加上港幣跟美元強，從匯價來說，令香港的投資不特別吸引。

阿爺出招救樓市，主要針對９００呎以下細碼樓，將按揭成數由七成增到八成，又減交易費用，唔知頂唔頂得住大陸個市，不過相信阿爺的救市招數，還陸續有來。但阿爺救市遇上美股跌市，短期效用大極有限了。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 23-10-2008 09:08 AM 编辑 ]

Mr.Business

注：此篇文章版权归香港頭條網所有。

金融High Tea——去槓桿化帶來劇痛
2008年10月24日

美股前晚因為阿根廷爆出債務危機，以及艾克森股價下跌急挫，臨收市前睇住指數「跣」落去，都幾得人驚。在華爾街再上演驚嚇場面後，恒指低開671點，最低跌過800點至13,403後反彈，收報13,760點，跌幅收窄至506點；國企指數跌297點，收報6,403點，大市成交564億元。期指收報 13,770，成交90,093張。

指數再創今年新低，兩隻紅底銀行股中，礇控（005）股價及相關新聞曾失守百元大關，低見99.1元，收報100.6元跌3%；恒生（011）股價及相關新聞則收報98.05元，跌2.5%。其他大價股中移動（941）股價及相關新聞一度跌至60元之下，收報61.5元跌3.8%；港交所（388）股價及相關新聞穿80元，收報77.5元跌4%。其他股份方面，中信泰富（267）股價及相關新聞外匯損手後，里昂證券列舉27間高危企業，涉及的中國高速傳動（658）股價及相關新聞大跌30%。

中國內需股失血倒下

中環茶友話，金融海嘯浪頭，有捲向新興市場跡象，美股下挫，亞洲股市全面失守，尤其匯價波動的南韓，上午出現急跌，香港上晝主要係被日韓幾個市場拖跌，到了下晝日韓暫時喘穩，香港跌幅亦略為收窄。

茶友認為，美國挽救金融機構是否大功告成，仍然充滿疑問，救完兩房同投行，跟住最驚係保險公司，以及票據市場，華爾街現在討論的話題，係應否為所有債務抵押工具（CDO）包底，若然包底的話，涉及又是另一筆天文數字的款項，若然不包底的話，就要面對企業無法透過發債籌集資金的危機。美國企業過去由向銀行借錢，漸漸變成以發行票據集資，一旦票據市場停頓，好多公司都會因為缺水倒下。

美國下一個金融難題暫未爆煲，市場焦點稍為轉移去了新興市場，南韓因為外債偏高觸發股匯暴跌，其他人口大國好似巴基斯坦、阿根廷都出現財政危機，國家陷入破產邊緣，茶友話，發展中國家的危機，源自發展中國家的熱錢撤出，對沖基金不再借錢，利用金融槓桿擴大投資炒賣，集體平倉造成「去槓桿化」效應，目前這些地區好明顯正係承受緊先進國家金融體系「去槓桿化」的痛楚。

在平錢時代，以美國為首的先進國家透過對沖基金、私募基金大舉流入發展中國家，造就了「金磚四國」以至其他新興體系的繁榮，但美國金融體系面臨收縮，金融機構不再玩用一元炒十元資產的高槓桿遊戲，基金為了還錢給投資者，於是在發展中國家抽資，令到這些地區匯價崩潰，經濟好快由過熱變成失溫。金磚四國中，巴西、印度這些以西方金融體系為師的市場，暫時最受影響，俄國之後，跟住到中國。

由於擔心熱錢流出令經濟降溫，早前被視為基金避風塘的基建和建材股，借住有公司沾手外匯交易出現拋售，中國建材（3323）股價及相關新聞再挫17%、中材（1893）股價及相關新聞跌8%、中鐵（390）股價及相關新聞澄清再沒持結構存款，但股價續挫7%，成為重災區域，估計未來其他股價依然有番咁上下的大陸內需股，會逐隻被ṃ。

炒內房股反彈要訂止蝕

中國究竟頂得幾耐，係一個有趣問題。目前內地擁有過萬億美元外匯，是全球眼中的「大款」，但在「管理層」眼中，中國面對出口急速放緩，內銷市場又暫時無法替代出口做火車頭的難題，所以見到環球經濟轉弱，管理層亦不敢怠慢，連成為打壓重點的樓市，都成為出招拯救的範疇，周三宣佈多項放寬置業稅務措施，這些招數雖然好溫和，但姿態上卻令人感到政策開始轉向，所以內房股在昨日跌市中，表現較其他類型股份好得多。中海外（688）股價及相關新聞升8%、SOHO中國（410）股價及相關新聞升10%；瑞房（00272）股價及相關新聞澄清交叉貨幣利率掉期已終止，但仍持有利率掉期，股價反彈14%，但未收回之前一日急跌的失地。

內地管理層出手托樓市，短期能否收效呢？中環茶友話，內地過去幾年的房地產熱潮，同外資湧入有密切關係，社會科學院曾經有過統計，今年內地出口增長放緩，但貿盈繼續高速增長，反映有不少外匯是流入投機升值的資金，這些熱錢部份流入物業市場，成為推高樓價的誘因。

如果社科院的說法無錯，內地樓價失去了熱錢承托，內地用家又能否支持呢？所以好多人覺得內房股由高位回落，幅度已經好吸引，但炒內房股反彈，仍然要記住設立止蝕位，因為股票表現，好多時未必可以立即反映長期政策的影響，在熊市裏面炒反彈，無論甚麼理由，都要留低一個止蝕位。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

狂熊         

2008/10/24 上午 08:59:50
網誌分類: 經濟

美國經濟雖然未見好轉，美國勞工部公佈首次申領失業救濟金人數增加了1.5萬個，但美股經過連續兩天的暴跌，昨日終於可以抖一抖。原油價格從16個月低位反彈回升，石油類股份跟隨油價急彈，加上有企業公佈業績優於預期，帶動大市早段大幅上揚，至全日最高位8,796點，隨即調頭回落至全最低的8,244點，波幅超過500點！後段美市喘定，止跌回升，尾市更急抽近300點，杜指全日收報8.691點，上升172點，升幅2.% ；標普500指數報908點，上升11點，升幅1.3%；納指則下跌12點，跌幅0.7%，報1,604點。

昨日有45家標準普爾500指數成分公司公佈業績，受惠於乳膠及塑膠價格上升，陶氏化學 上一季度盈利增長6%,勝過市場預期，股價急彈10.5%。隨原油價格回穩，市場憧憬OPEC開會減產可能遏止油價跌勢，石油類股份成為升市火車頭，Exxon Mobil及Chevron Corp. 均急彈超過8%，分別上升9%及8.2%。再加上波音飛機升8.4%，AT&T升6.2%，以及全球最大的生物科技公司Amgen Inc因利潤急增5倍，而勁升12%,帶領杜指尾市上抽升。

而拖累大市升勢的元兇仍是金融風暴的焦點—金融類股份。美國最大證券行高盛需要轉型，表示會裁減全球3200個員工，接近公司一成的職位，股價下滑5.3%，成為拖低整個板塊的兇手；而跌幅最驚人的要算抵押貸款保險公司(MGIC Investment Corp)，狂插超過34%！

另外值得一提的是前聯儲局主席格林斯潘終於認衰，他在國會的監督及政府改革會議上接受議員的質詢時表示，這個金融危機是百年一遇，吞噬整個金融市場，並且承認他奉行的不受約束的自由市場主意有瑕疵。面對外界指責他的放任政策導致房屋市場和金融衍生工具市場過分擴張，造成今日結果，他亦承認犯下部份錯誤，反對對衍生工具市場立法規管。不過，他認為聯儲局未能預測到經濟軌跡，是科學上不精確的問題，「如果預測有60%正確的話，我們已算是做得很好，因為我們祇錯了40%！預測永遠不能做到100%準確。」放任金融界濫發衍生工具，佢錯了這40%，都要負重大責任噃。

近日不少朋友同我哭股喪，即使一些較穩陣唔係好大炒的朋友都中招，問我點解。我答謂呢次跌市殺傷力非同凡嚮，我叫佢地記住，唔好用牛市中經驗來睇熊市。大家應該記得，去年大牛市之時，每遇到大調整時，跌得較深時，我都會叫大家雨天購物，唔怕忍痛買吓嘢，捱得過調整之後，必有斬獲。不過若果你用同一個心態去處理今天的跌市，就真係死得人多啦。

　　在呢一浪跌下來時，第一波跌落１５２００點單日轉向之時，好多朋友問我好唔好買嘢，我當時話自己無膽去接刀，因為漫天飛刀飛落來，的確太恐怖。後來第二次插向低位，再有朋友問我，我都話呢啲市唔好搵命博啦，要買只能用「賭博的我」的心態，當賭錢只能落小注。

　　當時有網友笑我話點解又搞出一個「賭博的我」，我認為市況極其波動，上落極大，買股只能抱賭博心態，小注怡情。一般人有１０萬元儲蓄，攞去買股可以全數投入，但同一個人去到馬會投注站，就唔會放哂成副身家去買一場馬。當時我認為後市是升是跌的風險如賭一場馬咁高時，就叫大家即使要賭，都唔好搵命去博。

　　我亦好驚叫大家唔好咁博，萬一個市大反彈，大家買得少會怪我。正如我在賭枱旁邊，見到一個人買大，一個人買細，我叫佢地唔好賭啦，長賭必輸，結果開出來其中一個中咗，中嗰個就會鬧，最衰都係你啦，又叫我唔好賭，唔係我買大啲就贏多啲。

　　又番番去「投資的我」和「投機的我」之分析，以目前的情況，「投資的我」未係時候全面瞓身入場，因為本地大市主調仍向下，你真係要買，都只宜少注，不宜一下子用盡彈藥。好多朋友問我價位，我的回答是時間，論價位有啲股都開始跌到殘，但大市未跌夠時間，我都唔知最後會跌到幾深，亦答唔到你乜價位係「安全」，或者咁講，在大熊市中，無價位安全。

　　「投機的我」亦要小心。在正常的市況，牛市應長期造好，一跌就揸。熊市可炒上落，因為市況多數會反覆向下，波動較大，可以食兩邊。但今次熊市來勢洶洶，急插後反彈唔多，跟住又插，炒反彈一走唔切就會死，或者呢隻熊太厲害，就如一隻狂牛那樣，是一隻狂熊，短期內要炒都係炒淡為主，見高就沽，定位止蝕。記緊投機不宜太狼，保住條命，長炒長有。

陸羽仁

http://www.hkheadline.com/blog/r ... rd=&searchtype=