【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融海嘯         

2008/9/5 上午 09:34:09
網誌分類: 經濟

  　美股在反彈高位企咗咁耐，終於出現一次急跌，在失業率高升的數字影響下，杜指急挫３４４點，跌幅３％，跌到１１１８８點。標普５００指數在跌穿１２６１點的１個月低位後，亦急跌３％，跌到１２３６點收市。

　　杜指同樣跌穿１月前在８月４日造出的日中低位１１２２１點，下一個最重的關口是７月２８日的低位１１１２５點，這個水平是這次反彈浪的低點，美股跌得多可能會反彈一下，若彈完再跌穿埋１１１２５點這個重要關口，就確認呢次反彈浪告終，美股又要展開反覆尋底之旅。

　　在美股昨日開市之前，美國勞工部公布的失業數字，已經令美股期貨大跌，勞工部公布８月第三個星期美國失業人數３４３萬，是２００３年１１月以來最高，而上周首次申領失業救濟金的人數增加１．５萬人至４４．４萬人，失業數字大升，令人相信美國經濟會急促滑向衰退。美國勞工部今日將會再公布職位數，市場估計８月職位會減少７．５萬個。

　　市場非常擔心今日將公布的職位數字會好差，經濟急促放慢會進一步影響需求，建造機械公司Caterpillar股價大跌５．６％，波音公司跌４．６％，聯合科技跌３．８％。

油價、金價和銅價繼續插，美元兌歐元和高息貨幣繼續升，只是兌日圓回落。油價在紐約市跌１．４６美元，跌幅１．３％，跌到１０７．８９美元一桶，油價已從高位１４７．２７美元回落了２７％，從炒作角度，無論以後油價升跌，炒油者都已經中了重招。油價和商品價格大跌，令相關股份進一止急挫。歐元兌美元在紐約市跌落了１．４３３４的水平，已經連跌六日，在今早亞洲市更見１．４２６９，但日圓就企在１０７．０５圓水平。

本來美元升、油價跌，對包括美股在內的美元資產都有點支持，但美股咁樣都頂唔順，就出現一個樣樣投資產品齊齊衰的局面，債券投資者Bill Gross形容為「金融海嘯」。佢在自己公司Newport Beach的網頁上話，證券公司和對沖基金正大量地沽出資產，令到債券、物業、股票、商品價格都一齊插水，如果不加制止，會令一團小小的螢火，變成森林大火，將一個小小的資產熊市，變成破壞力極強的金融海嘯。若想要制止資產和債務以創歷史的速度持續清算，唯有靠美國財政部開庫，美國政府要用她的錢去制止金融大風暴。

Bill Gross的「金融海嘯」形容詞令投資者更心驚，金融股跌４％以上。且不論他叫美國再放錢救市的藥方啱唔啱，但他形而家金融市場的情況卻十分精準，而家投資者根本係乜都沽，大量沽出資產套回現金，以前股市跌資金會流入商品市場，而家沽完商品仲沽埋股票，可能投資者先把錢放在外太空，等呢場金融海嘯過後才返回地球，投資信心已近崩潰。

股市講得太多，奉勸做生意的朋友也要小心，持盈保泰為尚，唔好借咁多錢，唔好儲太多存貨，在經濟下滑之時，有現金好重要，若借貸過度，蝕錢都要清貨減債。我近日對做生意朋友的口頭襌就係：「恐怕災難不是完結，而是正在開始。」美國次按風暴的經濟衝擊，開始殺到亞洲，香港經濟勢受拖累，未來都幾大鑊，美國第二季經濟還是正增長，到佢負增長時，市場感覺更差，就有第二波衝到香港。小心小心。

陸羽仁

http://www.hkheadline.com/blog/r ... rd=&searchtype=

Mr.Business

2008/9/8 上午 11:24:15  

陸羽仁覆網友

Auramancer：美國政府注資兩房，不單會大量攤薄現有股東股權，還逼兩房大量減縮規模，兩間公司將來會同過去好唔同，即是一種救兩房發行的債券、但係唔救兩房股東的方案，而家市場估兩房股份還要比上周五收市價跌７、８成。

Hwml:高位做咗歐元定期問點算，歐元區經濟基礎唔好，在１．６０高位時，已經有人話歐元比合理價高咗兩成，所以非常腳軟，但美國又話要減息，美元長線亦唔睇得太好，唯有忍吓先啦，睇吓美元彈完會否回番再算。

Piker: 你有１．４２買入的歐元，情況有啲唔同，若是炒作盤跌到買入價要止蝕，長揸另計。美元長期走勢見利息、經濟和赤字走勢，若美國仲話經濟差要再減息，美元亦無條件不斷升，你問未來１年有乜外幣值得投資，問題係點解要投資外幣？因為外幣可能如澳元、紐元開始減息，未必已見底，買入要預佢地再跌。

達爾：美國財政部以這種保管方式接管兩房，關鍵在可以源源注資保護兩房發行的按揭債券。若樓市進一步下跌，理論上財政部可以無限支持，由於美國政府發行貨幣並無任何支持，所以理論上那些債券客觀上等同美國國債的信用，亦有資金由國債轉向利息較高的兩房債券。問題若是美國不斷因救市發行貨幣，美元長線有壓力，所以長線不能一味看好美元，看淡商品。

Starlight:你想買９４１，９３９或１３９８作長線投資，內銀股有可能要為地產借貸撇帳，暫時唔好掂住，中移動好啲，但尚有一定下跌空間，可以稍等，未必要太心急入市。

Yy太：假如我係你，有英磅在手，就唔會再買，因為這樣等同溝淡。英國遇上６０年不遇的經濟困難（佢首相咁講），救樓市方法又不為市場接受，經濟仲有排衰，睇嚟會結朿近１０年的榮境，你問我佢差啲定美國差啲，我又講唔清，所以唔睇好美國時，亦唔睇好英國，美國跌得早過英國，英國要追跌，所以美元唔係真強，彈完會回，但英磅亦唔睇好，佢跌得係可能彈吓，小心彈完又再低位徘徊。

雲淡風清：你問「accumulator年頭已經爆煲啦，點解四月份仲有富豪散戶買？唔通錢多到買野唔睇價錢牌？唔明。」呢個世界寶藥黨、跌錢黨日日去騙人，都騙到人。

達摩：做生意有壓力係正常o既，早人一步感到壓力，早作部署，就容易經風抵雨啦。

Bluepanda:我唔知陸東點解睇得咁好，我都希望佢啱，但香港實體經濟都開始有壓力，好難睇得太好。

叉燒仔：若真係想減持，等個市再彈高少少，減啲貨都唔拘，實體經風浪剛剛開始。

Mr.Business

注：此篇文章版权归香港頭條網所有。

金融High Tea——碧斯對羅奇
2008年9月8日

9月以黑盤開局，港指由上月尾的21,261點，跌到上周五收報19,933點，單是上周五已跌了456點，由9月至今唔見了1,300點，跌穿20,000點大關，跌到令人心寒。

美股上周四大跌344點後，上周五叫做企番穩，早段因為就業數字不理想，杜指一度跌到11,037點，險守11,000大關，後段因為市場估計證券行雷曼兄弟將可以籌集到足夠資金，加上對沖基金負責人碧斯估計美股接近短期見底，言論刺激杜指反彈，結果升32點收市，微升0.3%，升至11220點。若論走勢，美股上周五的日中低位已插跌穿了7月中開始反彈浪底部11,125點（7月28日的日中低位），論走勢真係唔靚，反彈後有機向下試底。

講美國壞消息真係唔少，美國在8月損失的職位多於預期，令失業率升到5年高位6.1%，8月職位減少8.4萬個，而6.1%的失業率加5.6%的通脹率，令兩者相加的痛苦指數（Misery Index）升至11.7%，是1991年以來的17年高位，美國人又無№做，物價又加，你話佢懐的生活易唔易捱？美國步入衰退的跡象愈來愈明顯。

「兩房」推入手術室

這邊廂經濟形勢轉壞，那邊廂兩大按揭證券公司房利美和房貸美又要推入手術室急救（昨傳美國會在亞洲開市前宣佈接管「兩房」）。美國財長保爾森上周六和聯儲局主席伯南克、兩房負責人、以及聯邦房屋財政局一齊開會，研究由美國財政部注資救兩房的方案。

兩房去年蝕149億美元，他們持有或擔保近5萬億美元按揭，美國樓市咁跌法，他們獱住的按揭要大幅減值，今年要蝕天文數字。醜婦終需要見家翁，現在已經到鰦美國政府唔注資就救唔到的地步；傳聞中的拯救方案是美國政府至少直接控制其中一間房貸公司，同時轉換兩間公司的領導人，在政府注資後，兩房股東現時持有的普通股雖然不會全面蒸發，但其價值會被政府注資換取的大量新股所攤薄，但兩房的優先股受影響較少。由於美國保險公司和銀行持有大量兩房的優先股和債券，保住這些資產，可以防止兩房的問題擴散到銀行和保險公司裏去。由於聯邦房屋財政局將會在月底公布檢討兩房資本的報告，係人都估到報告會很驚嚇性，所以美國政府一定要在報告公開前搞掂兩房注資問題，防止災難擴散。

債券基金管理公司Newport Beach的負責人 Bill Gross就話，佢聽聞美國政府注資入兩房之後，世界最大的債券基金Pacific Investment Management Co會投資入兩房。這顯然是保爾森安排的措施，他來自高盛，當然知道要找大基金牽頭投資，以證明拯救方案得到市場接受。

碧斯睇好 快有反彈

消息出街後，兩房股價在美國收市後的場外交易急跌，房利美股價上周五在美國收市時本來升鰦9.7%至7.04美元，後來傳出政府急救緊，在美國收市後一個鐘頭的場外交易價急跌32%，跌到4.79美元，估計在兩房前景完全明朗之前，股價仍會劇烈波動，股價可能急插，但政府又會全力去放消息托市。

美股後市是升是跌，看法兩極，前摩根士丹利全球策略師、對沖基金Traxis Partners LLC負責人碧斯，上周五開始睇好美市，話美股已經接近見底，起碼接近一個短期的底部，接覑可能有一次大力反彈（a powerful rally）。他說現在不是世界末日，有可能油價跌得更低，會推動一下消費，投資者可以等油價再跌得深鱓，甚至中央銀行再減息時，才入市買股票。但碧斯認為美國樓市還會下跌，起碼要等6至9個月後才會好轉。

羅奇睇淡 衰退開始

碧斯講話有一定份量，在今年3月美國聯儲局入市救證券行貝爾斯登時，他曾預測杜指可以反彈1,000點，結果杜指在之後兩個月彈了1,100點；但碧斯在5月時曾預測美股今年會再創高位，卻沒有應驗，他管理的對沖基金Traxis至8月底跌了10%，略勝指數。

碧斯的樂觀言論有助上周五的美股反彈，有趣的是，碧斯的看法和當年與他齊名的大摩羅奇南轅北轍。在碧斯講話前三日，現任摩根士丹利亞太區主席的羅奇話，全球經濟衰退只是剛剛開始，美國正走入衰退軌道。想當年碧斯和羅奇兩個拍檔曾準確預測美國經濟在2001年會走入衰退，今天卻好像一個睇好，一個睇淡。

羅奇話，信貸緊縮的效果還未全面感受到，最後不止信貸市場自我感染，還有很多事情將會發生。或者信貸危機已經過去了三分之二，但它對美國實體經濟和全球經濟的影響，只是剛剛開始。我們現時處於美國和全球商業下滑周期的起步階段，美國第二季經濟增長好過預期，但失業率急升及樓價下跌正抑制消費開支，消費者會走進「泡沫後的驚恐」中，這樣就會損害歐洲和亞洲對美國的出口，亦影響全球經濟擴張，中國的出口數字已證明此點，未來會擴散到其他亞洲國家。

羅奇較少直接測市，但他睇宏觀經濟有一手，今年初還有好多人話歐洲和日本可以和美國脫鹇（decouple），話歐、日可以從美國次按危機中免疫，他們的股市也未必跟美股（都有好多人用同樣邏輯講大陸股市，這些人不知炒股鱓熱錢其實係世界性的，同一批錢到處游走炒作），但羅奇在年初已指出，美國經濟轉壞後，歐洲和日本的經濟擴張勢必放緩，所以佢地好難和美國脫鹇。羅奇在今年4月又講，全球經濟會差過那一批「脫鹇派」所講的情況好多。

投機客博政府救市

另外兩個曾得諾貝爾獎的經濟學者Myron Scholes和 Joseph Stiglitz 都和羅奇一樣，同樣對經濟悲觀，同時認為信貸危機會為全球經濟帶來更多痛楚， Scholes 估計有一個全球性經濟衰退，而Stiglitz 就認為全球經濟放慢會有「社會損失」，即係有更多人會失業。

講番呢個碧斯鬥羅奇的有趣對比，兩人同門出身，如今一個睇好，一個睇淡，唔知邊個飱。陸羽仁性格保守一點，加上自己做生意開始感受到經濟急促放慢的壓力，所以信羅奇多鱓，覺得「投資的我」要睇多鱓羅奇的分析；但碧斯的講法並非全無參考價值，佢搞對沖基金，對沖基金最怕政府干預市場，因為會造成不可測的波動，今年3月聯儲局入市救貝爾斯登時，碧斯就成功預測美股反彈，睇番美股當時的走勢，杜指本來要大插，但在政府救貝爾斯登後先彈1100點，然後再向下大插尋底，可見政府救市有短效益。如今兩房又推入急症室，而碧斯間舊公司摩根士丹利係美國財政部拯兩房的財務顧問，睇怕碧斯都收到少少風，加上美股又就快跌穿低位，碧斯可能又在博貝爾斯登事件重演，等美股再插深鱓，到政府救兩房政策出籠時，美股又可能短線見底反彈，所以等股市在月中再下跌，跌到好離譜時，「投機的我」信碧斯者可以博纒反彈，記住博反彈不是搏命，明知是炒，輸一成止蝕極之重要。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

救兩房         

2008/9/8 上午 09:37:00
網誌分類: 經濟

美國政府宣佈，從即日起接管陷入困境的美國兩大按揭公司房利美和房地美，市場認為美國政府出手後可以穩定投資信心，消息令美國杜指場外期貨升２００多點，資金亦從日圓區流出，部份可能流向兩房債券，令日圓下跌。

受美國房地産市場泡沫破裂衝擊，房利美和房地美目前陷入全面危機。在過去一年，兩大機構的損失已超過140億美元。美國財政部長保爾森表示，房利美和房地美的問題令金融市場面臨系統性風險，接管這兩大機構是當前保護市場和納稅人的最佳手段。

根據接管方案，美國財政部將向房利美和房地美注資，並收購相關優先股，兩房目前的監管部門——美國聯邦住房金融管理局將出面接管兩家公司，兩房的行政總裁被限令離職，政府相關監管機構接管兩大機構的日常業務，同時任命新領導人。

美國財政部會投入１０億美元，認購兩房的高級優先股及認股證，若認股證全數行使，會令美國財政部最終持有７９．９％兩房股權，財政部的投資會收取１０％股息。財政部將在公開市場收購兩房發行的房貸抵押證券，又會和個別持有大量兩房債券或股權的銀行磋商如何安排。財政部又會通過美聯儲紐約分區銀行向兩房提供特別信貸額度。

美國政府拯救兩房的其中一個條件是兩房大力收縮業務，到２００９年１２月３１日，兩房持有的按揭債券不能超過８５００億美元，以後每年減少１０％，直至持有量下降至２５００億美元。現時兩房雄霸美國按揭債券市場，前聯儲局主席格林斯潘曾建議把兩房分柝為５至１０間公司，美國政府逼兩房降低資產，亦等如逼令它們把市場佔有率降低，令市場更分散。前路易斯安那儲備銀行主席William Poole 話，美國政府救兩房，可以避免按揭市場散哂，財政部的資金會注入兩房一段長時間。

　　美國財長保爾森爲了敲定具體救援方案，在上周五和周六特別約見了包括美國衆議院金融服務委員會主席巴尼-弗蘭克在內的國會要員、聯儲局主席伯南克、兩黨總統候選人以及兩房高級管理人員，結果在週末弄出共識，敲定兩房的接管方案。

兩房是美國政府支持的兩家從事住房抵押貸款融資的機構，被認爲是「大到不能倒」的企業。目前美國12萬億美元的住房抵押貸款中，有42%來自這兩家機構。自從７月兩房出事後，市場一直憂心仲仲，未知事件最後如何解決，如今財政部正式接管兩房，可以消除一些疑慮，亦會令美國房屋按揭的利息略降。

上周五對沖基金負人碧斯預測短期美股會反彈，應該是睇準兩房的拯救方案快將出籠，他在３月美國政府出拯救證券行貝爾斯登時，亦曾成功預測美股反彈；不過炒反彈者都要小心，唔好去得太盡、睇得太高。油組見油價下跌，今個月開會又話減產，商品市場和金融市場還是充滿不穩定因素，小心駛得萬年船。

陸羽仁

http://www.hkheadline.com/blog/r ... rd=&searchtype=

Mr.Business

2008/9/9 上午 11:06:42  

陸羽仁覆網友

Diskie:你問「最近,一連串o既上市公司發佈它們0既中期業績報告,但當我閱讀報告時,想學習去了解它們0既財政狀況 (學習去了解分析整盤數的利潤同經費開支) ,裡面有好幾個不同o既利潤,有d係投資收益,有d係公司營運收益.還有d更複雜的利潤,完全唔明,所以想請教一吓睇乜最重要。」

關鍵係公司核心業務的營運收益，你要換一個角度，假設自己營運呢盤生意，要從帳上去了解佢核心業務賺唔賺錢，投資收益只屬次要，除非投資是呢間公司的主業。而家好多會計帳上的收益，建議睇埋公司的現金流量表，睇吓佢現金係淨流入還是淨流出。

Pla:你講到昨日匯市大波動，舉凡政府有重大入市舉措，匯市都郁得好厲害。美國財政部救兩房的直接效果，係穩定兩房債券的價值，必促使資金短期流入兩房債券或同類資產，此舉會令錢短期流向美元區。美國印銀紙救市會長遠會損害美元價值，但短線會保住美元資產的質素，所以短線美元係升唔係跌，美元指數升穿８０唔奇，佢已經破哂位，升市莫估頂，長線看淡美元的匯市炒家，唔會在美元升的時候沽，而係等佢回時才追沽，然後定好止蝕位，估錯止蝕，再等下次機會。

經過上次貝爾斯登事件之後，美股都可能無３月後那種升幅了。睇完一次升完再跌，入市者食夠就走啦。

Hkman:恒鼎被基金洗倉，其走勢和其他礦業股和煤股一樣，呢一排商品價跌，礦業股股災，你問幾時靠穩，應該要等到美元轉弱，商品回升之時。

Auramancer：講到公司賺錢又唔派息的問題，先唔講低雞股，而係真正的增長股，可以咁講，在牛市時，市場喜歡增長股，唔派息唔所謂，有憧憬一樣升。但在熊市中，市場愛穩定，愛收息，所以會去買公用股，reits股，先睇大市方向，再行揀股。

Stephen:兩房係有超級大鑊，政府唔救，若兩房破產，數以萬億美元計的兩房債券唔好話跌好多，跌一兩成都係幾千億美元的黑洞，足夠炸散美國金融機構。

Tom大少：你話兩房債變成國債，會唔會谷高債息，第一是兩房債有風險因素，因為美國政府有頂唔順的可能性，係唔可話唔還國債，但可以話我頂唔順唔再收購兩房債券。但短期一定有資金從國債走向兩房債券，令兩房債券收益率下跌，國庫券收益率上升。

Mr.Business

注：此篇文章版权归香港頭條網所有。

世界性龍頭企業應有的警覺性
2008年9月9日

有甚麼一天可以升一百七十倍？在甚麼情況下，你一萬元的貨可以變成一百七十萬元？上星期三，因可口可樂提出以較停牌前高出約兩倍的價錢，去收購礇源果汁（1886）[股價及相關新聞] ，市場終於讓我見識到了這個想也沒有想過的事情。消息於開市前約一個小時公佈，礇源果汁股價一開便是十元九角四仙，飆升百分之一百六十三點三。礇源果汁一向成交量都不是很大，故其認股證的數量亦不多，市場上只有五隻認股證可供選擇，全部都是Call，即是買升的。成交量比較大的便是礇豐發行的認股證 1337，當天便由前一天收市價二仙半升至四元二角，股價足足升了一百七十倍。這個收購是由兩間不同的財務顧問負責的，分別是荷銀融資及高盛，代表可口可樂及礇源果汁。這類收購或合併，只要是涉及人手，消息便不免會洩漏出去。那天Victoria便看過五隻認股證的成交量，發現很多隻之前一直都是沒有成交的，最近的成交量可能要追溯到七月。但是，相反礇源果汁的成交量卻於停牌前一天急劇上升。Victoria想唯一的解釋便是雖然消息有走漏之嫌，可是內容及確定性來得一點都不清晰，所以收到消息者只敢買正股，而不敢買認股證。

收購不一定要用合理價

相信現在很多人心中的疑問，便是為何可口可樂會用一個接近六十倍市盈率的價錢，去收購礇源果汁？礇源○七年純利為六億四千萬人民幣，其中兩億元是來自首次公開發售股份認購款項的利息收入，而約一億三千萬元是來自可換股債券換股權公平值的變動。扣除了這兩個非經常盈利，集團核心盈利大概只是三億元人民幣，除以十四億股，每股盈利即是零點二一四元人民幣。可口可樂提出的收購價為每股十二元二角，市盈率達五十七倍。用那麼高的價錢去收購礇源果汁，可口可樂無非是看中了後者於中國百分百果汁及中濃度果蔬汁超過四成的市場佔有率。但是現在股市氣氛那麼差，萬物皆便宜，每股十二元二角的礇源果汁似乎是去年好市時的合理價，而不是現在的合理價。另外，收購亦不一定要用合理價，如果巴菲特每次都是用合理價去買股票，我想他都不會成為世界首富吧？

可口可樂急起上來

所以我的看法是可口可樂實在是很急進，在非碳酸飲料市場擴充她的版圖，來彌補日益飽和的碳酸飲料市場。根據一份內地報告，○八年上半年果蔬汁類飲料的銷售額，較去年同比增長達逾三成二，遠高於碳酸類飲料逾一成八的增幅。○四年可口可樂的股價是五十美元，到了今天，它還是五十美元左右。相反，它的競爭對手百事，○四年股價才四十多美元，現在其股價還可以企於七十美元附近。於碳酸飲料市場中，可口可樂已經做不到「一支獨大」的局面，更給百事處處緊逼，故只好向非碳酸飲料市場覑手。但是非碳酸飲料市場一早已經給康師傅（322）[股價及相關新聞] 和統一中國（220）[股價及相關新聞] 主導了。再加上很多國內的企業已經靜靜在起革命，如王老吉般，他在○三年的紅罐王老吉的銷售額才六億元，但到了○七年銷量已經達到八十億元，四年內升了十三倍多。雖然比起可口可樂，它們於盈利及財務狀況上都是差了一大截。但可口可樂看得出它們的增長並不是蓋的。在危機還沒有成形前，已經開始懂得急起上來，這便是一間世界性龍頭企業應有的警覺性。

（王雅媛為持牌人士，並沒有持有以上股票）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——美國施手術 亞洲股先升
2008年9月9日

美國政府在周日宣佈接管按揭證券公司房利美及房貸美，刺激亞太區股市全線急升，恒指大幅高開908點，最高見20,841點後在高位徘徊，收市前競價時段礇控（005）[股價及相關新聞] 再被扯高，結果恒指在高位20,794點收市，升860點，升幅4.3%。期指收報20,726點，更大升1,033點，是近期罕見的過1,000點升市，收市價比現貨低水68點，成交78,680張。國企指數亦升440點，收報11,136點，大市成交684億元。

大陸市插向2000大關

大市升勢平均，兩大權重股礇控和中移動（941）[股價及相關新聞] 貢獻最多，單是礇控帶動大市升182點，中移動則帶動大市升100點。

亞洲股市普遍急升，唯獨內地股市下插，繼上周五失守2001年牛市頂部2,245點後，昨日中國股市再次迎來黑色星期一，指數大幅跳水、破位下行，上證綜指跌穿2,200點整數關口後，再創自2006年12月以來的21個月新低，而恒指大漲800幾點，對A股市場未起到絲毫刺激作用。上證綜指收報 2,143點，跌59點，跌2.7%，好快就殺向2,000點大關。

港股有時跟內地，有時唔跟，今次跟外圍好消息，一鱓都無理內地股市的壞消息。有熟悉外國情況的高人問陸羽仁有無留意，好幾次美國財政部做大手術都出現同一情況，都係在星期六、星期日出手，趕住在亞洲股市開市前公佈，然後包括港股和日股在內的亞洲股市都大升，然後歐洲股市跟升，再到美國開市，美股係在全世界股市都好歡迎美國救市政策的氣氛底下開市，自然好易有良好反應。

高人話，美國財長保爾森係前高盛主席，熟悉環球市場操作，深明政府救市要市場有好氣氛，才易頂住跌勢，而亞洲股市的體積比美股細得多，所以專門揀在亞洲開市前公佈，然後有人就一舉炒起亞洲股市，搞纒氣氛，除了這次之外，今年3月美國聯儲局借錢俾摩根大通收購貝爾斯登，也是以同一模式操作。所以呢條公式已經好清楚，美國一做手術，亞洲股市就來一個大合唱，話手術成功。

大合唱話手術成功

高人笑笑口話，如果手術次次真係咁成功，按道理就唔駛不斷做手術，不過好多時市場只看短線，都唔諗得咁長遠。今年3月美國財政部救市之後，的確阻止了美股短期跌勢，美股當時微穿12,000點就反彈，仲在5月初上到13,000點高位，不過跟住就大幅回落，在7月跌到11,000點，所以美國政府的救市措施其實阻止不了股市下跌，但推遲了下跌。高人話呢一浪又睇纒美股可以彈到幾高，睇纒會唔會升穿11,780點的反彈浪高位。

美國財政部今趟入股房利美和房貸美兩家公司，認購兩房的高級優先股及認股證，若認股證全數行使，會令美國財政部最終持有79.9%兩房股權，財政部將在公開市場收購兩房發行的房貸抵押證券。美國政府拯救兩房的其中一個條件是兩房大力收縮業務，最後兩房持有的按揭債券不能超過2,500億美元，細過而家10 份之一。現時兩房雄霸美國按揭債券市場，美國政府逼兩房大幅降低資產，亦等如逼令它們把市場佔有率降低，令市場更分散。總括而言，美國政府係無限量泵水支持兩房已發行的債券，包括次級債券也不用削債，但佢係救債券唔救股票，兩房股票持有人的股權除了被大幅攤薄之外，公司被逼令大幅縮細，將來都不再是過去那兩家巨無霸了，股票價值自然大跌。

美股財政部救兩房，頂住兩房的債券，可令持有兩房債券的銀行或保險公司不用再大幅撇帳，估計美國按揭利息也可以降低約半厘，但美國的信貸緊縮危機也不見得可以馬上解決，所以亦好難話美股已經見鰦底。

昨日不少大股都升4、5%，但都係利豐（494）[股價及相關新聞] 升得最犀利，新加坡投資公司淡馬錫斥39億元，按每股23.09元的作價，入股利豐4.6%，令佢股價急升10.9%，收報25元；大摩發表報告話，利豐批股集資可增加日後進行併購的機會，而集資所得的39億元，亦足以應付收購需要，並可望將負債比率，由今年中的59.5%，減低至14%水平。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

幾時救得完？         

2008/9/9 上午 09:46:16
網誌分類: 經濟

  　　美國官員做嘢的確有一手，這次拯救兩大按揭證券公司，等如要接起一個總值５萬億美元（兩房合共持有或保證的房屋貸款總值）的巨型燙手山芋，雖然相當吃力，結果仍然做得好靚，起碼杜指昨晚最終大升２８９點，升幅２．６％，升到１１５１０點，叫做有所交待。

　　美股能夠大升，十分重要，因為這種就「顯示」市場接受政府這個拯救計劃，這樣就給支持計劃的議員一定的彈藥，讓他們較易捍衛撥款在國會通過。我睇美國財長保爾森接受電視訪問時解話的焦點，就係他如何以納稅人的利益作首要考慮，保證政府注入資金用得其所，最後可以收回。

　　美股大升，金融股最受惠，升的股票不用講了，講吓乜嘢股票跌。第一批最無厘頭，就係所謂對沖基金愛股，高盛有一個４９隻股票的名單，顯示那些是對沖基金持有最多的股份，例如互聯網搜尋公司Google Inc，昨日就跌５．５％，又例如製造BlackBerry手機的 Research-in-Motion Inc，昨日就跌了４％。對沖基金沽空了金融股，買入這些科技股，美國財政部救兩房挾高了金融股，對沖基金唯有沽出有利潤的科技股，為急升的金融股空倉盤平倉。

　　亦都唔係隻隻金融股都升，美國最大按揭銀行Washington Mutual昨日開市曾大升２０％，後來公布行政總裁Kerry Killinger不能停止有關樓按的虧損，而要將他撤換，結果股價倒跌３．５％收場。美國第四大證券行雷曼兄弟更大鑊，昨日狂跌１３％，跌到１４．１５美元，美林分析員Moszkowski 把雷曼第３季虧損的估計，由每股０．６５美元，大增到每股６．５美元，估計佢要作大規模撇帳。部份金融股可以咁跌法，可知市場信心何其脆弱。

　　不過講跌，當然就唔夠兩房股票跌得咁勁，由於美國政府的方案只救兩房債券唔救股票，令兩房股票權益大量攤薄，加上兩房將來會大縮水，所以股票唔值錢，結果房利美股票昨日大跌９０％到０．７３美元，而房地美就跌８３％到０．８８美元，兩房都變成仙士股，美林更把房利美目標價降至０．５美元，房地美降到０．２５美元，即係話仲有得跌。

　　兩房股價大跌，持有它們普通股和優先股的公司就遭秧，例如第二大按揭銀行Sovereign Bancorp Inc.６月時公布持有共值６億美元以上的兩房股票，昨日股價就跌６．６％。細間少少的公司揸兩房股票跌得仲勁，如Gateway Financial Holdings Inc就急跌２５％。

　　睇完美國政府表演，泠靜下來，就要問究竟災難完未？我睇兩房盤數暴露出來的問題，就覺得美國個鑊唔係咁簡單，美國股民半年前買兩房股票，仲係３０幾、４０美元，如今跌到得番零頭，而且兩房仲衰過貝爾斯登，因為貝爾斯登大跌後，揸佢１０年仲或者有機會翻身，但兩房已被美國政府強令壓縮業務，即係救番都變咗以前二十分一的細公司，股價亦都係「老鼠尾生瘡──大極有限」，你話股東幾慘，但半年前兩房係美國政府支持的巨型按揭公司，當時點都估唔到佢地最後差唔多要執笠。

　　美國財政部救兩房時，亦「順便」有消息人士放料出街，話根據政府委任的財務顧問摩根士丹利話，兩房的會計帳目雖然合法，但卻令它們（特別是房地美）誇大了資產。用普通人明白的語言，即係話兩房作大資產，讓人們以為它們資可抵債，大家應該記得，７月初兩房開始爆鑊時，它們不斷強調自己財務健全，如今證明係搵笨之言。

　　而達拉斯儲備銀行主席、聯儲局公開市場委員會成員Richard Fisher話，在財政部接管兩房前，聯備局的調查員已認為兩房的資產相對負債而言已屬太低。Richard Fisher的說法令人質疑美國政府為何不早點披露有關消息，早作行動。

　　聯儲局成員這個講法，明顯和兩房的聯邦監管機構聯邦房屋財政局口徑不一，因為房屋局總監James Lockhart在７月２３日還說兩房按法例要求有足夠資本，頂多只能說監管條例太寛鬆而矣。記者向財長保爾森追問此事，佢話自己當時無講過兩房資本充足，只係話「監管機構話兩房資本充足」，政府只是在派人入兩間公司調查後，才知它們資本不足夠。在７月２３日仍買入兩房股票的投資者，如今自然大發雷霆，會向政府追究，已有參議員發動國會開聽證會調查此事。

　　兩房可以誇大帳目，美國政府可以等到有解決方案後才披露問題，推而廣之，其他美國金融機構，是否同樣可以出了問題仍側側膞唔認呢？美國金融黑洞，又是否比想像中還要大？美國政府這樣不斷救市，要救到幾時先至救得完呢？

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——褲穿窿 貼膠紙 當無事
2008年9月10日

港股上日急升800點後，昨日回吐，開市低開355點，跌至20300點後，反彈上20,543點，收報20,491點，跌303點；期指收報 20,422點，跌304點，比現貨低水69點，成交59,385張。國企指數亦跌311點，報10,825點，大市成交479億元。

美股杜指上日升290點，但整個亞洲開市都有回吐，礇控（005）[股價及相關新聞] 先跌後升，因為獲得越南中央銀行批准，於當地設立全資擁有的註冊銀行（渣打亦同獲批准），礇控股價最後升0.3%。中移動（941）[股價及相關新聞] 無特別消息，股價就跌2.2%。中環茶友話，港股好似被人推高完然後放開手那樣，失重向下，但又未算有好大沽壓。

平倉盤湧出亂幾日

茶友睇美股應該可以繼續彈纒，美國政府公布拯救兩大按揭證券公司房利美和房貸美後，美國三十年期按揭息率回落0.25厘，預計有機會再落多0.5厘，去番近5.5厘的水平（仲比香港貴好多）。拯救兩房的消息亦在早一兩日令匯市大波動，美元再上高位。茶友話，好多對沖基金做了各式各樣的空倉，例如沽空美國金融股，因為消息出來令這些資產價格反彈，對沖基金被逼班水平倉，所以初時特別亂，平倉盤又令那些資產升得更高，要等三幾日才可以讓平倉盤靜下來。

茶友們暫時都不敢太睇好美國經已見底，特別是今年3月已有一鋪「狼來了」，當見美國政府3月救完市，到5月杜指升上高位，以為無事，點知又來一鑊。他形容美國好似覑條褲個褲浪位穿鰦個窿，但無辦法車番好條褲，唯有貼膠紙上去頂住先，跟覑就當無事隨街行，依家怕佢行幾條街塊膠紙頂唔順，又再穿過窿。

美國政府救完投資銀行，再救按揭證券公司，而家汽車公司都想政府借錢救一救。美國三大汽車公司通用、福特和佳士拿話等緊政府借500億美元俾佢地救急，以解除它們的破產危機。美國政府連汽車公司都要救埋，的確好離奇，而家建議貸款可以用支持它們研究更多節能汽車的名義貸出，實質就係俾佢地周轉救急（咁公然講大話都得？）由於美國總統選舉期近，分析員估計汽車公司貸款的建議會得到密芝根州、俄亥俄州、賓夕凡尼亞州等幾個能左右選舉大局的州份支持（擺明買票）。

美國政府不斷出手救市，就被商品大王羅傑斯笑，話美國共產過共產主義，認為美國政府印鈔救市，無法阻止泡沫爆破。羅傑斯一向睇淡美元和美國金融股，美國政府救市阻佢搵食，自然唔妥政府。不過他都提出好有意義的問題，美國政府不斷介入市場，究竟長遠有無用？

不講美國，講纒內地，市場不斷期望內地政府救市，慢慢有等唔切的感覺。高盛發表研究報告，表示內地出口疲弱，房地產價格不斷調整，銀行於09年的不良貸款比率（NPL）可能增加，因此將各內銀股2009及2010年兩年的盈利分別下調7至8%，並降低內銀股的評級及目標價。

內銀內房齊睇淡

高盛最睇淡交通銀行（3328）[股價及相關新聞] ，將其評級由買入下調至沽出，目標價則下調13%至7.38元。高盛最看好工行（1398）[股價及相關新聞] ，維持其買入評級，目標價更大幅上調15%至5.86元，以反映工行2010年的淨息差有改善空間。高盛又將中行（3988）[股價及相關新聞] 、建行（939）[股價及相關新聞] 及中信銀行（998）[股價及相關新聞] 評級由買入下調至中性，12個月目標價分別是3.57元、6.39元及4.2元；交行被高盛唱淡後，股價挫4.3%，收8.54元，中信銀行亦插4.4%、招行（3968）[股價及相關新聞] 則跌2.3%；建行、工行跌幅收窄至1.6%及1%，中行仲勁，先跌後升0.9%。

內房股亦爆鑊，龍頭地產公司萬科在多個城市劈價促銷，準業主抗議要求退樓，看來地產商難免有全國劈價潮，遠洋地產（3377）[股價及相關新聞] 跌9.2%、富力（2777）[股價及相關新聞] 跌8.5%、世房（813）[股價及相關新聞] 跌7.6%、碧桂園（2007）[股價及相關新聞] 跌6.6%，綠城中國（3900）[股價及相關新聞] 半年多賺32%，股價亦要跌6.6%，雅居樂（3383）[股價及相關新聞] 跌6.5%、中海外（00688）[股價及相關新聞] 跌3.2%，聲稱不減價仲要加價的 SOHO中國（410）[股價及相關新聞] 升0.5%。瑞信就發表研究報告，預計內地樓價將會進一步下滑，因為中國政府短期內不大可能直接放寬相關的宏調政策，新盤銷量亦較預期差。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

人心惶惶         

2008/9/10 上午 07:51:29
網誌分類: 經濟

      美股在政救兩房之後只升咗一日，到昨日就大跌，第四大證券行雷曼兄弟搵人入股失利，股價暴跌，加上油價跌令油股急滑，扯住股市向下，杜指跌280點，跌到11230點。

       標普500指數跌43點，跌到1224點，比杜指仲差少少，更近7月15日的低位，大有試新低之勢，將上日救市的升勢完全洗去，如果在消化救市好消息後這麼快就穿低位，後市都幾差。

       美國股市可以用人心惶惶來形容，雷曼本來和韓國發展銀行洽談入股，但昨日有消息話洽談破裂，市場擔心出現另一件貝爾斯登事件，加上看見兩房股價可以跌到得番個零頭，所以一有風吹草動就人人沽貨，搞到雷曼股價大插水。

       雷曼一日內跌了6.36美元，跌到7.79美元，一日唔見咗近一半，是94年上市以來最大跌幅，已出現恐慌拋售，走向一個執笠價。有分析員再調高雷曼第三季虧損，由原來估每股6.33美元，增至每股7.39美元，每股虧損就快估得高於股價。

       油價趺3.08美元一桶，趺到103.26美元，因為沙地官員的言論，令人相信油組會維持原油產量，油價就大大回軟，而能源股就好似食瀉藥咁大跌，能源指數跌6.4%，能源股好像跌極唔會千停一樣。

       中環茶友話，本來能源股跌，其他股份應該會好一點，但而好像你又跌，我又跌，不同種類股份一起跌，他相信對冲基金損了手，正大手出貨，再加市場人心極為不穩，一股跌，其他也跟跌，開始有點人踩人的感覺。

       在咁情況下，港股仍是走弱居多，美股若在救市後都守唔住，若向下試底，港股很難獨善其身，小心美股出第三季業績時，又有一輪衝擊。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——船頭驚鬼船尾驚賊
2008年9月11日

美國救兩房的效應話咁快消散，杜指早一晚大跌，恒指隨美股低開379點，跌至19,951後一度反彈上20,283，下午中段過後再跌至19,955，收報19,999點，跌491點；國企指數跌333點，報10,491點，大市成交653億元；期指收報19,920，跌502點，比現貨低水79點，成交 84,215張。

美股前晚大跌，港股被插可以話係意料之內，大市低開插穿兩萬點，之後又反彈番上去，好多分析員見到個市有支持，都估兩萬點可以守住，經紀張食晏時打電話來問點睇，陸羽仁就話，指數能否守住兩萬點不敢講，但睇到好多中資股表現都幾麻麻，市況似乎好極有限。

去到下晝，真係見到有越洲飛彈射過鈬，目標係內房股、資源股同地產股，新地（016）[股價及相關新聞] 跌5.2%；恒隆地產（101）[股價及相關新聞] 跌4.4%；信置（083）[股價及相關新聞] 跌5.56%；恒地（012）[股價及相關新聞] 年底推內地7樓盤，跌3.3%。花旗發表研究報告，表示看淡本地樓市，認為樓價有機會大幅回調，預計未來12個月，樓價將較3月份的水平下跌10%。外資證券行花旗指出，8月份樓市銷售額，較去年同期下降六成，金額僅為去年10月高峰期的兩成，證明市民的信心，與業主及地產發展商的價格預期，存在重大差距，令成交額下跌，估計業主及地產發展商日後不得不降價，以吸引準業主購買，令樓價被拖低。

地產股跌得多，但內地資源股仲傷，煤炭股神華（1088）[股價及相關新聞] 跌5.4%，中煤（1898）[股價及相關新聞] 跌5.6%，兗煤（1171）[股價及相關新聞] 重挫7.8%，金價急挫，紫金（2899）[股價及相關新聞] 及招金（1818）[股價及相關新聞] 跌近9%；其他礦產股亦重創，江銅（358）[股價及相關新聞] 跌8%；首長國際（697）[股價及相關新聞] 跌9%，成個中資股板塊，只能用死傷枕藉形容，所以雖然指數未創新低，但好多股民身家已跌到去新低。

對沖基金繼續沽貨

港股一彈就散，等如美國救「兩房」只刺激鰦一日，美國政府一講完話救「兩房」，大家都仲未抖順條氣，跟住即刻又到雷曼話爆煲，雷曼股價跌到去七個幾美金一股，可以用「執笠價」去形容，反映市場非虛怯，「兩房」有阿公照住，但大家又驚雷曼出事，之前政府已經出手幫貝爾斯登包底，跟住又是否要哽埋雷曼呢？呢種憂慮亦是典型的熊市心態，即係對壞消息有反應，對好消息無反應，總之船頭驚鬼船尾驚賊。

中環茶友話，無論美股同港股，係低位仲係腳軟軟，主要原因係好多對沖基金都仲係沽緊貨，如果有留意外圍市況，幾隻今年表現硬淨的強勢股如google、生產黑莓的RIM，最近股價都跌得好厲害，理由係持有這些股份的基金喪沽套現，同樣情況亦發生在港股身上，好多基金為了應付贖回，不斷拋售手頭的港股組合，目前情況係資金進入不斷收縮的循環，基金賣股應付贖回造成股價下跌、股價下跌引發客戶贖回，若企得高一點去睇，不但股市如此，商品市場、黃金市場都一樣，資產價格普遍下跌，令全球流竄資金大規模收縮，基金不斷套現應付，猶如不斷失血，究竟幾時個市跌到客戶連贖回興趣都無，停止套現無人知，呢個市係個好難知幾時會見底的原因。

通脹恐懼被衰退取代

昨日中國國家統計局表示，從五月份起，中國的消費物價指數（CPI）持續回落，8月份中國CPI僅漲4.9%，這是自去年7月份以來，CPI同比漲幅首次回落到5%以內。統計局官員說，當前一方面要看到宏觀調控的成效，另一方面也要增強風險意識和憂患意識，繼續把「一保一控」放在總攬經濟全局的地位。

雖然內地通脹持續放緩，但市場焦點開始由通脹轉移到經濟放緩的威脅，美國情況仲嚴重，油價由一百四十幾美元一桶，跌了達近三成，去到一百零五美元，但美股依然無當好消息，昨日油組決定減產，不過，分析家話題仲係究竟油價會不會跌穿一百美元一桶，足見對通脹的恐懼，已經被衰退的恐懼取代。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

心理質素         

2008/9/11 上午 08:58:07
網誌分類: 經濟

美股大跌後穩住，能源股回升，加上聯邦快遞的業績理想，帶領杜指反彈，一度升近１１３７９點的高位，但尾市又出現壞消息，第４大證券行雷曼兄弟被評級機構穆迪放入觀察名單，金融股再挫，杜指升幅收窄，收報１１２６８點，升３８點，升幅０．３％。

雷曼見分析員不斷調低其業績預測，怕愈講市場情緒愈不穩，提早一星期公布季度業績，第３季蝕３９億美元，每股虧損５．９２美元，差過市場平均預期的虧損３．４３美元，雷曼計在第３季裁員 １５００人節省開支，以及準備變買手中有價值的資產管理部門。但市場擔心雷曼行動得唔夠快，令佢滑入執笠危機中，而穆迪話要將雷曼放入觀察名單，亦令佢在最後一個鐘頭交易時再插，結果雷曼跌６．９％，跌到７．２５美元。其他金融股亦大插，例如美林就跌５．９％。

另外紐西蘭央行宣布減息０．５厘，到７．５厘，大過市場預期，紐西蘭央行估計衰退已經到臨，是９８年以後首次衰退，所以唔使擔心通脹，反而要大手減息對抗衰退，央行估到２０１０年通脹可以回落到３％的水平。紐西蘭大幅減息後，紐元跌到２２年以來的低位，股市則上升。紐元仍弱勢，可能要等佢減定息先可以企穩。

恒基主席李四叔早前的股市點評惹起好多股民評論，可以講講。早兩日李四叔出來話自己「唔開心，無心機」，因為佢本來估恒指會見２３０００點，怎知忽然跌穿２００００萬，佢嘆道看淡的人睇錯市無人會話，但看好的睇錯就好麻煩，現時人人看淡，你一起看淡無人會鬧你，因此年底看２３０００點的講法不敢再講，以免被人鬧。他更表示無眼睇，剛去北海道旅遊散心一星期。

李四叔出現一個散戶典型的現象，就係不想接受股市和自己估計不符的現實，所以出現「無眼睇」的反應。其實股市難測，１０次睇中７次已經好叻，無可能次次中，但投資是否成功，關鍵不是睇中時如何順勢而行，而是睇錯時如何自處，好多散戶第一個反應是唔認錯，不但不止蝕，還要加注，加到無錢再加，股價還是朝自己估計相反的方向走時，就出現第二個反應，就係無眼睇。無眼睇最大的遺害是錯失合理回應的機會，例如跌了１０％無減持，但跌到２０％、３０％時本來還有減持機會，但你唔去睇，唔做嘢，就任由股價滑到令你好傷的境地。

李四叔還有一個說法，早前他說９月可以在股市轉守為攻。而家大市續跌，李四叔自然無得攻，但佢現在話９月股市無力，新曆９月不成，希望農曆９月可以復甦，到時可以博一博，估計年底前會好些。這是散戶另一種毛病，就係堅持自己錯誤的看法，一錯再錯。既然原本估計９月股市會好轉的假設無兌現，點解農曆９月個市又一定會升呢？

我唔係估緊農曆９月個市會點，而係講緊一種炒股手法及良好的心理質素。落注估下個月股市會升，結果個月唔升仲跌，一般散戶會「希望」遲啲會中，希望自己唔係估錯，以為方向係啱，以為只係睇得早咗少少，所以遲啲會啱番。炒股不能以「希望」主導自己的行為，不能以情緒取代理性。若果落注估９月會升，去到一半見個市唔升仲要跌，就要認輸止蝕，唔係希望遲啲啱番，有時錯開有條跌，一錯可以再錯。

股市中的高手，重視遵守下注原則，多過一次的輸贏，遵守原則而輸，好過不遵守原則而贏，不遵守原則而贏，贏的是運氣，運氣唔係次次有，咁玩法最後一舖錯到底就清袋。遵守原則而輸，買１０次中６、７次，只要輸時輸得少，贏時贏得多，夾埋就可大勝。以四叔的例子，估９月大升無出現，就唔好再希望農曆９月會升，睇定啲再去估都未遲。

不過李四叔有一個講法好啱，佢話佢雖然睇好，但個市跌緊，「寧買當頭起，莫買當頭跌」，這是炒股名言，即係話炒股要順勢，即使股市升或跌到不合理，佢可以更不合理，你以為股票已經跌到好殘，佢仲可以再殘好多。升緊的時候難估頂，正如而家跌緊的時候難估底一樣，要想逆勢而做，風險好大。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——邊隻有肉食邊隻
2008年9月12日

跌！跌！跌！港股今個星期勁彈一日，跟住跌足三日，終於跌穿了去年「大奇蹟日」的最低位。恒指今早低開144點後反覆向下，下午創今年新低19,220 點，在競價時段「嘜」高些少，收報19,388點，跌幅略收窄至611點；國企指數跌439點，報10,052點，大市成交695.9億元。期指收報 19,342，跌578點，比現貨低水46點，成交92,777張。

港股開市前，隔晚美股初段升得幾好，但收市升幅又縮番得幾十點，估計港股今日都有沽壓，但無諗到會跌得咁「甘」，昨日跌市其中一個藉口係內地將徵收10% 中資H股股息稅，令巨型H股紛紛下跌，內地收取股息稅不是新消息，成為推低大市藉口，再次證明人心虛怯，投資者偏向揀壞消息作出反應，早前國企公佈業績，好多原本無派開息的公司宣佈有息派，本來是想提振股價，點知派息無人理，收股息稅就成為沽貨藉口，相信好多國企管理層諗都無諗過市場會有這個反應。

「見錢」股份被狂質

內地A股更如黃台之瓜，深滬兩市雙雙再創調整新低，投資者對於內地經濟滑坡的憂慮加劇，加上中國央行暗示不會放寬宏調，令金融、地產及金屬等藍籌板塊遭受沉重沽壓，滬綜指不久失守2,100關，午後創出2,070點的新低，深市也再度下穿7,000點低至6852點，最終雙雙以大幅下挫收報。滬綜指報收 2,078點，跌3.3%；深成指報收6876點，跌2.7%，兩市成交額共計395億人民幣。

內地股市帶動香港國企指數亦急挫，跌幅好大部份集中鰠中資股身上，而且出現邊隻有肉食邊隻的現象，過去幾年升得多，累積升幅大的股份，紛紛成為拋售對象，好似中移動（941）[股價及相關新聞] 跌5.3%，拖累中資電訊股成為重災區，聯通（762）[股價及相關新聞] 、中電信（728）[股價及相關新聞] 跌5%，鰠早兩年累積升幅仲係好大鮋神華（1088）[股價及相關新聞] 跌6%，兗煤（1171）[股價及相關新聞] 挫7.5%，金礦股仲慘，紫金（2899）[股價及相關新聞] 跌個不停再挫10%、江銅（358）[股價及相關新聞] 跌8%。

出現有肉股份被人猛拋呢個現象，其中一個可能係基金沽貨，根本不再理基本因素好壞，總之手上股份邊隻帳面利潤高，沽出來「見錢」，就沽邊隻出現來套現，咁搞法令到昨日個市有少少恐慌性拋售的氣氛，照正路波個市咁跌法，已經有超賣現象，應該會出現技術性反彈，關鍵係如果基金繼續沽出手頭有錢賺的股份，以恒指仲有一萬九千點計，倉底貨仲有幾多真係好難講，好似昨日除了中資股，地產股也成為掟貨對象，實行沽盤逐瓣開。

中環茶友中，有名大戶散戶，他同陸羽仁講，早前買紫金博反彈，7.4元入貨，心諗呢個價已經跌鰦高位價錢的五成，點知入貨之後股價再沉，到鰦5元邊忍痛止蝕，計落已經輸鰦三成，但昨日睇番紫金已經去到三個幾，5元接他止蝕沽盤的買家，如果持有到現在，又已經輸了四成。

五樓一百樓 同樣跌死人

茶友用自己蝕錢的經驗總結，如果用高位計，現時紫金跌了八成，如果跌了一半時撈底，現時都跌了五、六成，所以鰠熊市中，真係段段跌幅都可以跌死人，打個比喻，買中跌價股，就好似高樓跌落鈬，一百樓固然係跌到散，五十樓都一樣死，甚至五樓都可以跌死人，所以執平貨真係好講技巧，若然係炒反彈，就更加不能不做止蝕。

大市跌到一萬九千點邊緣，同早前兩萬一千點比，聽落相差好似不遠，但如果按幅度計，大市又已經調整了一成，不少熱門股份調整幅度甚至超過，係熊市買股，今日低價，變成明高價，真係令人愈買愈心驚。

熊市咁得人驚，咁是否全不買股，答案又未必，雖然熊市買股，睇住股價不斷滑落好恐怖，但最重要係所買之股質素係點，買入價是否合理，如果係好股，買入價合理，有朝一日終於可以賺錢，股票跌起上鈬，幾錢買入都可以輸死人，但當股票上升，買得平同買得貴分別就好大，買得平回本快，跟住就有錢賺，賺完仲可以走第二轉，買得貴就要死守，守到天光牛市可能又再完結，所以跌市可以買股，但買之前第一要問自己有無實力守；第二係不妨保守，只係細細注買，買入之後勢色不對就要停手，甚至止蝕，總之時刻保持購買力，猶如係打獵點都要留番兩粒子彈，咁先保證不會被大熊吞落肚。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

又要救         

2008/9/12 上午 09:32:47
網誌分類: 經濟

美股昨日又坐過山車，杜指一直下插，見過１１０９８點，跌過１．７％，但最後半個鐘頭傳出美國銀行收購第四大證券行雷曼兄弟的消息，金融股大幅反彈，結果杜指倒升１６４點，升１．５％，升到１１４３３點，洗去１７０點的跌幅，都可謂戲劇性。而標普５００指數走勢差過杜指，標普收報１２４９點，但早段的下跌令它一度插到１２１１點，穿７月１５日大跌日的收市價１２１４點，未穿當日低位１２００點，不過走勢都幾唔靚仔，而杜指昨日低位１１０９８點，和７月１５日的收市價１０９６２點尚有距離。

昨日美股上落幅度驚人，按揭銀行Washington Mutual早段曾大跌２５％，市場估計佢第３季要撇備４５億美元，需要大集資填數，但尾段隨金融股反彈，結果倒升２２％。

不過雷曼股價仍然大鑊，早段跌過４８％，尾段反彈後仍要跌４２％收場，單日跌了３．０３美元，收報４．２２美元，今年股價唔見咗９２％，已經去到執笠價，市場似乎認為它會是貝爾斯登的翻版，即使被人收購，都係賤價收購，現有股東隨時得番啲渣。雷曼現價總市值只是２９億美元（２２６億港元），比一些美國地區證券行仲細好多。雷曼兄弟股價再跌吓，就o黎細過我地睇香港報紙廣告成日叫人借錢的「XX兄弟」啦。

今次雷曼爆煲由業績公布開始，佢第３季蝕３９億美元，每股虧損５．９２美元，係佢１５８年歷史以來最大季度虧損，業績一出，華爾街分析員紛紛調低雷曼評級，認為雷曼自稱的應變方法如出售資產和取消派息只屬「虛招」，更擔心評級機構會調低其投資級別，所以紛紛唱淡。

穆迪等評級機構表示將雷曼放入監察名單，正密切注視雷曼的情況，市場認為若其現時的單A評級被調低，甚至調低幾級，情況會好災難性。因為若雷曼的投資級別被調低兩級，佢要攞多４４億美元作為衍生合約的抵押品，而調低級別亦代表借貸成本大升，融資更困難。加上好多金融交易都要看對手的信貨評級才會交易，若雷曼評級被大幅調低，好多生意也做不成。

熟悉情況的人話雷曼的狀況本來無貝爾斯登當時咁壞，雷曼現時仍是很多對沖基金的重要交易商，佢主要出現信心問題，評級機會Fitch Ratings的分析員Eileen Fahey話，佢地都把雷曼放入監察名單，但市場炒作雷曼衰敗，主要不是因為佢流動性不足，而是證券市場的信心問題，睇住佢股價咁樣急插，擔心佢根本無辦法籌到足夠資金去填充資產。

盛傳美國財政府部和聯儲局正和雷曼緊密磋商，協助佢尋求買家，而美國銀行係其中一個最可能的收購者，傳聞今次美國政府將不會出錢支持收購，只會促成其事，最快會在下週一亞洲股市開市前，公布雷曼的收購方案。

美國財政部剛救完房利美和房地美，跟著又要協助救雷曼，真係救到唔停得手，雖然市場好期望救埋呢間就見底，但事實又係唔咪咁呢？好似Washington Mutual呢種急插股，係唔係又排在雷曼之後，會步入困境呢？正如我早前所講，次按愈爆愈深，美國金融經歷「去槓桿化」的過程，好多環節都開始頂唔順，美國政府左貼一塊膠紙，又貼一塊膠紙，又可唔可以頂住呢個大浪呢？如果Fitch Ratings的講法係對，雷曼本來唔係資金不足，但出現信心問題就搞瓜咗佢，咁仲大鑊，美國市場信心咁弱，金融機構逐間插，咁咪好易出事？

股市反彈，大家亦唔好太樂觀，如今是在這一浪下跌的風眼中，未必一時三刻馬上跌完。

陸羽仁

http://www.hkheadline.com/blog/r ... rd=&searchtype=

Mr.Business

2008/9/16 上午 10:37:33  

陸羽仁覆網友

花太、均兒、泡沫咖啡、９月的Ki、Roots等：你們問如果AIG 執咗，在它那處買的保險、投資性保險會點、基金或強積金會點。我估買強積金應會安全，因為法例規定要獨立運作，應不受影響。而透過佢買基金亦應安全，因為佢只係代客買賣，很多基金很多都是獨立經營（甚至AIG自己運作的基金亦應獨立運作，和AIG的帳目分開），一般情況下不會出問題。在香港AIA買保險一般情況下亦應該無問題，因為香港的AIA雖然係美國AIG的子公司，但在香港獨立領牌，按理要獨立運作，美國母公司出事，唔等如香港子公司出事，只要香港公司財政健全，就唔應該影響到香港保險客戶。

不過話得說回來，上述說法係假定AIA跟足規則行事，例如香港錢不會支援母公司，但如果香港公司無跟足規則做，就好大鑊。

真正有問題的應是帶有投資性的保險，我不是專家，唔知這些帶有投資性質的保險如何運作，但估計不是直接以客戶名義去投資，而是投在AIG某些基金，甚至是一個大Pool咁運作，回報可能受好大影響（當然若完全是獨立投資，不受公司帳目影響，也沒有投高風險資產的話，也可能沒有影響）。我對於這種投資也不懂建議，因為若你太恐慌性去沽，中途退出損失很大，但不沽就要冒險。

Flyinthesky:雷曼跌到得０．２１美元一股，市值１．４億美元，真係細過借錢俾人嗰間「XX兄弟」，唔係講笑。

達摩：雖然無通宵睇美股，但亦睇到好夜。

三心兩意、達爾：雷曼進入破產程序，按理手上持有的股票也不會不問價沽，而是會由破產管理人慢慢處理。

美國政府不救，相信係因為無重大系統風險，就不能入市去救。金融風暴會在好多公司出事後，跌到殘才完結，我近期一直叫投資者唔好買貨，係因為而家仲在風眼中，仲爆緊，無咁快完。

美國政府唔救的原因見網誌，但財長保爾森已經好叻，如果一年前問，雷曼、貝爾斯登都爆煲時，美股值幾多點，好多人會估７０００點，８０００點，但而家仲有１１０００點，保爾森做到優於預估，但美國政府干預得愈多，愈會拖慢跌勢，亦會令衰退拖長，如今讓一兩間爆煲，加快跌勢，又反而會略縮短下跌的時間。

Christine: 你問好唔好沽６．７元入的中交建，你仲有錢賺，未來沽都無壞，但在大跌日沽又比較唔抵，等一等大市反彈再考慮吧。利福在１３．８２元和１０．２元入，大市較差，等反彈將後買一批止蝕好啲，沽完等幾個月插低啲先入番。至於１２．８元入的A５０基金，你揸１０年一定無壞，但短線又唔太好，自己諗諗。

Kmac：雷曼玩完，令人驚覺債券投資也不太安全，你話唔知自己投資的小債券的發行公司會唔會被雷曼拖累，亦是真實擔憂。

VV:講到「終極一跌」，似乎未講到係「終極」，但呢一個跌浪的短期浪底，可能快到，捱過短線先炒炒反彈。

Mr.Business

注：此篇文章版权归香港頭條網所有。

擠出來的洗倉理由
2008年9月16日

基金洗倉一詞近日非常流行，用到「洗」這個字，代表基金不沽到一股不剩，是不會停手的。基金洗完倉後，剩下來的便是現金。

現在恒指一萬九千多點，先假設一萬五千點是個低無可低的水平。一萬九千跌到一萬五千點，即是跌兩成。如果你是一個基金經理，你會是現在走去把自己的倉洗得乾乾淨淨，還是趁大市每次急跌，便開始逐少逐少買貨？

在你答這個問題之前，你一定要知道究竟你的基金現金股票比例是多少。如果你此刻是超高獱貨率的，你一定是選擇把自己的倉洗得乾乾淨淨，因為如果恒指真是跌兩成，你會輸得很慘。

那麼如果你的基金只是兩成股票，八成現金，你會否因為害怕大市有可能再跌兩成，而把自己的倉洗得乾乾淨淨？我想他們應該不會吧。

所以我們可以假設現在沽貨的都是那些質素挺差的基金，大市跌到了這一刻，才開始洗倉，增加現金比例。

大市有個傳統智慧，便是差的投資者都是高位追貨，而低位沽貨的。現在似乎在經歷這個過程。所以除了那些估值還是高的股票外，其他已經跌到五或六倍市盈率的股票，如濰柴動力（2338）[股價及相關新聞] 、廣州廣船（317）[股價及相關新聞] 。如果再被洗倉，股價兩天內連跌百分之八至十以上的話，我會趁驚慌買入些作倉底貨，開始增加股票的比率。

地產股的洗倉理由

近日有跡象被洗倉的是本地地產股，尤其是龍頭新鴻基地產（016）[股價及相關新聞] 。新地股價已經連續幾天創新低。洗倉除了是因為要套現，基金經理還需要有一個理由，否則給投資者問到啞口無言。那麼這次是甚麼理由呢？

本地地產股被沽的理由是，分析員提出由於近年來香港成功勾出的地愈來愈少，很多香港地產商手上已經沒有土地儲備或者建好準備出售的房屋。

以新鴻基地產為例，因為補地速度比不上售樓速度，導致其地產發展業務比率愈來愈少，出租部份盈利貢獻愈來愈重。部份分析員開始認為新鴻基不應該再以地產股折讓率來計算股價，而是應該用出租股的折讓率來計算股價。

出租股，如華人置業（127）[股價及相關新聞] 及希慎興業（014）[股價及相關新聞] 等，其股價都是跟其NAV有大概五成折讓，比起新鴻基平常折讓率多了兩成折讓。現在市場普遍認為新鴻基地產NAV為一百六十元左右，如果要折讓五成，股價便是八十元。這個便是近日本地地產股或新鴻基地產下跌的原因。

似乎這個想法是有點牽強，但是只要是看淡的原因，原來跌市時，市場自然會把它合理化。

（王雅媛為持牌人士，並沒有持有以上股票）

王雅媛（Victoia）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——提款機與跳樓機
2008年9月16日

美國政府救完兩房，都未定神，又話到雷曼爆煲，雷曼兄弟申請破產，而美國第四大投資銀行美林證券也遭美國銀行收購。

今次美國政府拒絕攬上身，結果星期一亞洲開市前，雷曼拯救方案未能出籠，令到亞股散過蛋散，香港放中秋補假無市，但台股低開後跌勢不斷加劇，加權股價指數終於暴跌258點，跌幅達4.09%，收市報6052點，創下2005年11月中以來新低，其他新加坡、澳洲股市全面下跌，歐洲股市三大指數均急跌逾 4%。

全球股市響晒警鐘，內地昨日急急宣佈下調一年期人民幣貸款基準利率0.27個百分點，其他期限檔次貸款基準利率按照短期多調、長期少調的原則作相應調整；存款基準利率保持不變，中國減完息，跟住就睇美國幾時跟住減。

兩個月前美股因為按揭證券公司房利美和房貸美出事，插向低位，杜指在7月15日見過10,827點的低位。兩個月過去，美股雖曾回落，但不止未穿低位，連 11000點都插唔穿，唔知呢一浪證券行雷曼兄弟爆煲風波，又會拖住美股去到乜№位。反觀恒指，7月15日的低位還在21000點樓上，現在連去年8月中「大奇跡日」19380點的低位都穿過。不過港股唔算最差，內地股仲差，上證綜指在7月15日仲有近2800點，現在卻已大插到2000點關口浮沉。所以觀乎這兩個月的走勢，美股最好，港股幾差，內地股最差，港股出現較罕見和美股脫鹇的現象。

表面觀之，這和資金流向有關，美元在7月中之後來一個大反彈，反映美元兌6種主要貨幣的美元指數由7月15日的低位71.3，一度大升到80以上，最近略為回落。美元大升，油價和商品急跌，會壓低通脹，本來對經濟有利，但美元轉強會令資金回流向美國，變成對美國有利，對非美元區不利。奇就奇在美元兌歐羅和英磅同樣大升，但對當地股市的影響卻不大，以英國《金融時報》指數為例，最近兩個月和美股走勢相若，不似亞洲股市跌得那麼厲害，所以呢一浪係美國股市企住，亞洲股市大插。

奧運開始 外資狂沽

有股市高人話，美國經濟咁差，但股市唔係跌得咁多，大陸經濟放緩鰦都仲係相當好，但股市卻跌到七個一皮，股市升跌，關鍵未必係睇經濟，主要睇有無錢炒；錢從股市、甚至從一個區域流走時，股市想唔跌都難。

或者用內地股市的例子，可以睇得更清楚，內地股市雖然並未全面開放，但係正式、非正式流入炒作的資金不少。奧運之前，上證綜指由2900點慢慢回落到 2700點左右，當時市場氣氛是期待阿爺出手救市，把股市推番上3000點樓上，搞一個開開心心的奧運，內地股民有此期望，外資點會唔知，只係等時機出貨，相信如果阿爺出手救市，外資就會來一個高位出貨。

上次阿爺在4月時減印花稅救市，上證綜指由3100點反彈到3700多點就回，外資一等反彈就沽，他們沽完之後，A股再來一次大尋底，連3000點關口都輕易失守。

鎖死兩萬億資金

高人話，內地股市在跌穿3000點時，阿爺無自己出手救市，但在7月發動了大批內地基金入市，結果有2萬億元人民幣內地資金在2700點、2800點左右入市，套牢在那些水平。阿爺總結了4月救市的經驗，唔想中國股市再做外資提款機，唔想見到股市一跌就救，救完升20%，外資沽貨離場，股市又插，插低了又叫阿爺去救，再救外資又出貨賺錢，特別係奧運這種人人都沽阿爺一定會救市的大日子，阿爺結果忍住無救市。到8月8日，奧運開幕，股市大插，阿爺即時調查，發覺當天有90億成交是由特殊的個人戶口做出，成交額大，估計這些就是外資的熱錢，見到阿爺不救市就撤退。

阿爺其實早有救市招數在手，例如印花稅可以改為單邊徵收，只在沽貨時收印花稅，不在買貨時收稅；又或者可以放寬國企股回購股票的規定，讓公司可以自由回購股票，這些措施出台會有一定效果。但阿爺唔想外資賺錢，所以在股市不是插得太恐怖時，不想出手，等佢跌殘鱓再算，只要不是出現太恐慌性的情況，還可以忍一忍，等一等。結果中國股市無變成外資提款機，但係就變鰦跳樓機。

中國股市未有期指，缺乏沽空工具，所以股市由6000點跌落來，大部份人輸錢，在2500點時有一個統計，96%買股票會輸錢，其餘2%不賺不賠，另外有 2%賺錢；如今股市跌到近2000點，恐怕有98%股民要輸錢。極少數人贏錢的人，是在900點至2000點時買了股票，在2000點樓上沒有加注，才會贏錢。由此可見，在波動大的股市，長獱不放，不斷加注，亦唔係咁易贏錢。

不過講未來走勢，股市升跌要睇供求，睇纒錢多鱓定股票多鱓，內地股市有鱓缺血問題，阿爺太早叫基金入市，2萬億在2700點、2800點鎖死了，後來即使股市插得更低，都無好多錢可以入市；近期大市跌近2000點時，亦有部份外資開始透過QFII（合資格境外投資者機構）入市，不過數量不算太多。但睇番供應那邊，由於「大小非」（大型和小型非流通股）還在不斷解凍，即使有減持限制，數量還是很大。所以內地股市還是有貨多錢少的問題。

美股反彈配合大選

內地股市佔GDP的比例只有1、2%，不如外國股市佔的比例那麼高，股市下跌對經濟的影響不致太大，即係話只要唔係恐慌性急跌，政府仲忍得纒，如果外資慢慢買番高少少，政府更唔會救。但如果穿2000點，加上急插，阿爺講唔定等低鱓忍住會出手。

拉闊少少睇，呢兩個月美股炒上落市，但亞洲股就急插，內地股市插得特別厲害，配合晒那個美元反彈、人民幣不再升值的古仔。香港夾在中間，雖然港元和美元掛鹇，但港股一分為二，礇控（005）[股價及相關新聞] 跌得無咁犀利，但紅色股卻被人洗倉，又係資金外流的格局。

有個政界高人提醒我一件事，港股、內地股插，美股唔係插咁多，可能和美國11月總統大選有關。美股和美元自7月中大插之後反彈，雖然近期仍有不少金融風波，如「兩房」爆煲，雷曼出事，但美股都未有驚人大跌穿底，由於美元強勁的因素，美國似乎都頂得纒，感覺唔係好差。

今年7月之前，民主黨黑人候選人奧巴馬異軍突起，聲勢如日中天，相對地執政共和黨72歲候選人麥凱恩暮氣沉沉，勢頭極弱。但近期美元反彈，油價回落，令美國人覺得經濟有好轉跡象，麥凱恩又出奇招找來年輕阿拉斯加女州長佩林做副總統搭檔，聲勢神奇反彈；你睇立刻有公司出佩林娃娃公仔，表面看是生意人有觸覺，說穿了是早已計劃好的造勢活動，既然政治可以規劃，點解經濟唔可以規劃呢？

熱錢回流 港股缺血

政界高人提出一個陰謀論，共和黨內有財金高手，明知美國次按危機深重，政府財政赤字和貿易赤字嚴重，美元息低，一切因素都不利匯價，有利油價，若想在總統選舉前做番好少少個感覺，難度極高。所以索性反其道而行，今年上半年先行篤爆美元，唱好油價，唱到過龍，話油價會見150美元一桶，甚至200美元一桶，等油價炒到顛晒上147美元，等美元插到殘一殘，然後搵人在高位大力儲定原油淡倉，然後借7月中美國宣佈入市救兩房之後，一舉插低油價，油價一跌，由於沿線有大量好倉積累，跌起上來接連穿位後，就逼到那些好倉不問價沽貨平倉，令油價一瀉如注；原油一瀉，美元就彈，結果就做成全球商品的插水潮。唔升得瘋狂，就唔會跌到爆煲，所以原油被人有意識地煲到超高位才爆，而且時機飱飱好，就對正美國總統選選步入高潮時。共和黨是執政政府，它的財金高手即使見經濟形勢不妙，仍然會使盡混身解數，試圖左右選舉大局。

共和黨呢一招，仲搵埋亞洲做配角，美元急升，會迫使資金回流，你中國過去咁威，又話內地股市會「脫鹇」，不受美國次按影響咁講，又睇纒你係唔係咁堅。大量外資熱錢盤踞內地股市，然後慢慢外流，到美元7月上升時，外資開頭沽少少逼你救市，你愈救佢就愈派貨，想高位出局，不過阿爺唔救，外資放在內地的注碼未能高位出手。不過都唔緊要，他們可以在香港力沽，所以紅色股無論基本因素好唔好都要大跌，係一副洗倉出逃的格局。資金班師回朝，亦有利頂住美國個市，所以即使亞洲股市跌到阿媽都唔認得，但美股一跌就彈，未破低位。美國主政者要頂住美國個市，但唔會益你，仲要係你個股市抽水去救自己，內地股市都死得抵鱓，因為美元升值壓抑了人民幣匯價，但港元和美元掛鹇，匯價跟美元升，按道理毋須因匯價沽港股，但資金要外流，佢懐要沽你的時候，你都吹佢唔脹。

如果上述理論正確，港股隨時面臨資金流走潮，恐怕在11月前亦唔會平息，熱錢回流護主，絕對是利淡因素，過完11月之後，港美股市的走勢才會拉番近鱓。如果最後睇到共和黨麥凱恩當選埋，咁就更要佩服美國佬的本事，我懐香港股民，都有間接捐錢幫他助選鮁。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

雷曼爆煲         

2008/9/16 上午 09:03:09
網誌分類: 經濟

美國第４大證券行雷曼兄弟申請破產保護令，正式進入破產程序，消息令全球金融市場大亂，美股杜指跌５０４點，跌幅４．４％，跌到１０９１７點，但仍守住未跌穿７月１５日的低位１０８２７點。

美股昨日開市是走勢怪異，當時全球股市已因雷曼事件而大跌，部份歐洲股市已急跌４％以上，但美股開市時其實跌得唔多，只跌４０、５０點，無理由開市跌咁少，有點人為托住嚟開市的味道。結果全日反覆下插，最後跌到５０４點收市，是２００１年９１１事件以來最大單日跌幅。不過美國財長保爾森就話，面對這種危機，美股的跌幅比想像中的少，仲讚美股有抗跌力。保爾森更話，美國政府不會為最大保險公司AIG提供過渡性融資。

美股大插，金融股是重災區，首當其衝的當然是雷曼，股價大跌９４％，跌到０．２１美元的執笠價，相信一年前誰人話雷曼會執笠，都會被人當痴線，想不到今天變成事實，正如前聯儲局主席格林斯潘所講，這是一場百年一遇的金融風暴。而家另外兩間金融機構是市場關注焦點，一間是美國最大的保險公司AIG，另一間是美國最大的按揭銀行 Washington Mutual，AIG流動資金緊絀，需要集資２００億美元，另外又要賣２００億美元資產，昨天提不出融資計劃，就被市場狂沽，股價大跌６１％，一天跌了７．３８美元，股價剩番４．７６美元，又走向執笠價。而Washington Mutual昨天也跌了２７％，跌到２美元。呢啲２美元、４美元的價錢，只是這些公司以前股價的零頭，如今跌到得番零頭，可知市場睇得幾淡。

雷曼破產，佢對手美林證券都知日子難捱，急急賣盤，昨日同意以５００億美元賣俾美國銀行，美林公布賣盤後，股價一度升３３％，但最後回軟，結果只升０．１％，叫做頂住唔跌。但買咗佢o既美國銀行就被評級機構標準普爾降級，標普將美銀的評級由AA降為AA-，並將這項評級列入觀察，可能進一步調降，以「反映出在當前動盪市場環境下併構美林的風險」。美銀股價跌到２６．５５美元。

不過其他金融股都唔好境，美國最大銀行花旗股價跌１５％，跌到１５．２４美元，而家無一間機構敢話自己一定唔會執。強如最大投資銀行高盛也跌１２％，跌到１３５．５美元，呢啲股價在金融股中已算超高。而摩根士丹利就跌１４％，跌至３２．１９美元。

雷曼風波觸發連串影響，歐美中央銀行皆在市場投入資金，以舒緩信貸緊張，例如美國聯儲局就話，在雷曼破產造成混亂的情況下，聯儲局已同意為金融市場挹注７００億美元資金。聯儲局今日開始議息，本來市場一直估佢會維持利率不變，而家愈來愈多人靠估話聯儲局可能會減息。消息令美元下挫，特別是日圓成為資金避難所，日圓今早升至１０４．２５圓的近期高位。

今次雷曼風暴的特別之處，是美國政府並無出資拯救雷曼，美國財政部上周叫各買家和雷曼傾，連英國的巴克萊銀行都叫了來，但無論是花旗抑或美國銀行，最係都是因為美國政府無擔保雷曼的債項而打退堂鼓，而美銀最後轉買美林。到底美國政府是無能力再出資，還是覺得無需要再出資？前者的理據是美國咁多金融機構可能出事，美國政府根本不能救得那麼多。而後者的理據是美國只是印銀紙救公司，無話唔夠錢，雷曼和兩房不同，因為兩房唔掂，美國金融市場有系統性風險，所以唔救唔得；即使和貝爾斯登比較，貝爾斯登出事時，市場未有心理準備有金融機構執笠，未必頂得順，所以政府被逼要出資擔保貝爾斯登的債項。今次市場已有心理準備，所以不救雷曼，市場應該可以頂得順，你看保爾森話股市跌得比佢預計少，就知他認為美股未到低位，美元仍強，所以有一定的抗跌力。

美股大跌，日股今朝早段跌５８０點，跌幅４．８％，港股也難逃大插。未來好淡因素交緾，阿爺見雷曼出事，急急出招減息和減存款準備金，放鬆銀根救市；但美國未爆完煲，無人保證AIG和Washington Mutual不會執埋，美股後市仍有壓力。不過過長線投資者有貨在手，就無必要在這些大插的日子沽貨，因為股市插得幾插可以反彈，要沽都唔使同人逼也。

陸羽仁

http://www.hkheadline.com/blog/r ... rd=&searchtype=

Mr.Business

2008/9/17 上午 11:03:20

陸羽仁覆網友

Ray:你問港股在過去兩個熊市跌超過５０％，所以今次係唔係有超過５０％機會見１６０００點？直接點答：係，１８０００點都見過，１６０００點也不出奇了（不過亦可能先彈番１０００多點先）。但真正問題不是１６０００點，而是熊市似乎仍有排未完，見完低位也未必會好快上番。關鍵係美股，摩根大通早前用過去１０幾年香港熊市的幅度，話跌多四個月就完，問題是這一場是百年一遇的金融危機，第一當然可能破最長熊市紀錄，第二是若是百年一遇危機，對美國實體經濟的打擊未全面反映出來，仲有大龍鳯要出場，信用咭消費如何？優質樓按如何？美國唔掂，香港經濟又怎樣？美國財長保爾森已經好叻，佢都覺得好難頂，頂到明年初政權交接就唔撈，可能佢交完班到那時美股仲要再試一試底，小心熊市的長度可以殺人，不止其深度。

Bdroom:你問我話要彈強勢股彈先，點解重汽昨日又跌過１０幾％，又倒升１０％，昨日係大波動市，股票愈細隻，理論上波動可以愈大，講波動一定係細隻的波動大，重汽波動一定大過中移動。我講「強勢股彈先」，係指一種中期趨勢，例如資金回流時，買乜股先，一定先買好股，然後追落後，買次一級，次兩級的股份。

Kat kat:你話買咗雷曼的Minibond點算，首先要查清楚那些債券的資料，到底雷曼是代理人，仍或發行機構，若只是代理，未必有問題；若是雷曼自己發行的債券，咁就大鑊啦。我建議你除可以去查吓搵屋企人攞番佢買債券的文件睇清楚。

Iehmok:你話想入AIG的股票，在政府拯救方案未明前去買，如賭大細那樣，若政府入股攤薄得多的話，股票可以跌到好低。

818:想從證券行取回股票，首先要去中央結算開個戶口，然後叫證券行轉過去即可。收費不貴。

三心兩意：破產保護令是美國進行破產的程序，當然開始破產程序也可以重組，如有人入股，或主要債權人願意削債，都可能救得番，特別公司實物資產多，重組成功的機會較大，雷曼係證券行，基本上是人的生意，講信用，一進入破產程序程，若不在短期內有人收購，好快就玩完。

你問匯豐不倒閉，倒閉的證券行、甚至銀行，都係同按揭或按揭證券業務有好大關係，佢地自己揸住大批這類型資產，所以出事。一般商業銀行好啲，在美國沒有業務的銀行更佳。

高盛第３季仍有盈利，話自己無事，連被銀行併購亦無需要。

牆頭草：真係要沽港交所當然有方法，可以買期權，可以借貨沽空，所以我話「無得沽」，係誇張講法，只係想講你同任何對手交易，都要諗吓佢安唔安全。講開又講，你買期權，由港交所保證，但港交所又係唔係百分百安全呢喂？

Kathleen:你有港交所４０００股想沽，通常大跌後十日八日都會反彈到短期高位，到時睇位沽吓，唔沽哂都沽番一半出街好啲。沽多２０００股，剩番的２０００股都係賺番來。

Diskie:你話中移動高位跌了５５％，多過恒指，現價似乎可買來作長線投資，你問點解我話佢可能跌到６０元？你唔好睇６０元呢個價咁認真，我只係用一個價錢來舉例，話俾大家聽個市未跌完，升時可以升到無譜，跌時就係個古仔的反轉版，你要買，就要預佢再跌。正如我話睇十年咁長，２０００點買上證綜指無壞，十年內佢會升上１００００點，但短線少少，佢可能要跌多一年，中間不斷見低位，你過早買會好痛，忍得痛的長線投資者咪可以逐少買。

匯控跌得少啲，比中移動更危險少少，跌得少即係再有跌的空間。

麟：你想買內銀股放入倉底，長線睇招行和工行可以諗，但現價、特別係招行未夠吸引。

Bread:你買了巴克萊的中東和金磚四國基金，理論上即使銀行執咗，佢管理的基金獨立運作，不會就咁執。反而環球咁跌法，金磚四國及中東基金可能有排未跌完，你擔心呢樣實際啲。

明年樓市好可能繼續跌，跌幾多睇吓乜樓，狂升咗的豪宅有好多水位可跌。

Tom大少：內地股民的確有１億，股市唔好會影響消費，但股市Size未夠大，如要大陸明年要砌高GDP數字，保持９至１０％增長，重點又的確唔係股市。

大熊貓：而家已進入結構性熊市，大戶都係順個市做，不過當然可以揀地區插多啲。美國理論上唔會無水救市，佢只係印銀紙去救，不過咁樣會造成通脹和貨幣貶值。

Torreskk:航空業進入週期衰退中，油價跌有利，但經濟衰退令空運需求大減，一樣死，有國航唔想捱幾年，可以等反彈先沽，然後等幾個月，等航空業壞消息盡出時再考慮。我話AIG倒閉有「系統性風險」，即係話佢執笠美國金融業可能會崩潰。

Mr.Business

注：此篇文章版权归香港頭條網所有。

金融High Tea——仲有邊間信得過？
2008年9月17日

在美國第4大證券行雷曼兄弟申請破產的影響下，港股經歷黑色星期二，美股杜指上日大插504點，恒指昨早大幅低開1,027點，然後急跌至18,019 點，插向18,000點大關不破，下午一度反彈上18,539點，之後再度回軟，最後收報18,300點，急挫1,052點，創今年新低。期指收報 18,233點，跌1,072點，比現貨低水67點，成交增至101,258張。國企指數亦急跌738點，收報9,236點，大市成交增至884億元。

中環最多人講的話題，係「點解咁大間公司都照執？」潛台詞係今後仲有乜№公司一定信得過呢？雷曼兄弟執笠執得咁快，不要說普通人，就是金融界的行家都大出意外。雷曼7、8年前一度撤離香港，後來見香港和內地股市冒升，重回香港兼大力投資，最近半年還在挖角請人，大展拳腳，怎知母公司頂唔順，美國政府又不想像救貝爾斯登那樣救雷曼，結果雷曼就執笠收場。

AIG唔救唔得

普通散戶主要關心雷曼發的窩輪可能變成廢紙，其實除了窩輪投資者外，還有好多人中招，例如你透過銀行買鰦份股票掛鹇票據（ELN），平時根本無留意哪一個機構係發行人，如果係雷曼，都可能變廢紙。不過調轉頭講，如果你同雷曼做鰦份Accumulator（累股票據），你輸緊錢，就唔好以為唔使再還，雷曼的破產管理人一樣會追到你瘦，你欠佢就照追，佢欠你就無得追。

中環茶友話，第一波衝擊已發生；有唔少金融機構獱住雷曼發的債券或投資產品，本來頂住唔撇帳，如今都要被逼減值，往後在佢懐鮋業績要反映出來，這是第二波衝擊；連雷曼咁大間公司都執得，亦都無乜邊間全球大行可以信得過（阿爺照住的內地銀行可能仲安全鱓），交易對手風險大增，所以銀行有錢都唔敢借出街，肯借亦要收取極高的風險溢價，有錢人亦未必敢去投資，這樣就會令信貸緊張進一步惡化，銀根都唔使慌會鬆啦。

前美國聯儲局主席格林斯潘形容那一場係「百年一遇的金融風暴」，自然唔會咁快玩完，雷曼爆完，跟住又到美國最大保險公司美國國際集團（AIG）同最大按揭銀行華盛頓互惠銀行（Washington Mutual）亦快要爆鑊。

評級機構標普昨日將美國國際的長期評級連降三級至「A-」，話集團的應付增加抵押品的能力下降，以及住宅按揭的虧損令人憂慮，所以降低佢評級。而穆迪把美國國際的高級無抵押債券降低兩級至A2。評級機構降級後，令美國國際要馬上多提供130億美元的交易對手抵押品，這樣令AIG快速陷入險境，若無人入股，最快在今天（周三）就要宣佈申請破產保護，即刻爆煲。

金融高人話，若美國政府肯出手擔保雷曼的債務，巴克萊銀行或美國銀行會肯收購雷曼，但美國政府唔肯借錢，結果無人肯入股，雷曼就瓜鰦。但美國國際咁巨型，佢唔同雷曼，佢爆煲會出現系統風險，所以美國政府唔可以畀美國國際死，一定要拍心口出資支持收購。聞說有巨型證券行、私募基金和主權基金合組財團，正和美國國際洽談收購，若想這一兩日內咁快就成事，收購者連查數都無機會就要簽字，睇怕美國財政部出手支持都走唔到雞啦。

唔信窩輪港交所中招

港股由7月24日的反彈高位23,369點跌下來，跌到昨日低位18,019點，總共跌鰦5350點，跌幅23%，唔夠兩個月跌咁多，都咪話唔驚人。有人話昨天跌1,052點，係港股「終極一跌」，我話美國有排都未衰完，現在講「終極」，會唔會早鰦鱓呀？不過昨日早市散戶差唔多一面倒沽期指，睇淡後市，咁又好易俾人陰。港股短期跌鰦咁多，如果美國救到AIG免於破產，或者港股會先行炒炒反彈，殺埋班散戶淡友再算。不過外圍環境非常波動，就算插深鱓亦都唔奇，總之記住只係反彈，唔好期望太高。

港交所（388）[股價及相關新聞] 暫停雷曼子公司交易權，跌4.3%，收89元，我同中環茶友講，熊市有排未完，靠股市成交賺錢的港交所一定無運行。昨日搞單雷曼事件，雖然市場上雷曼發行的窩輪唔係咁多，街貨只有2,000多萬元，但散戶咁樣畀你嚇一嚇，都唔知邊間發行商可靠，會唔會以後對炒輪更有戒心，散戶炒少鰦輪，每日成交實會再縮，港交所就大鑊，所以趁反彈時真係可以沽纒港交所啦。點知個茶友就反駁話，你用乜№沽港交所，買沽輪呀？買錯隻執笠輪又點算？真係想沽都無得沽呀。

陸羽仁

http://www.hkheadline.com/news/h ... mp;section_name=wtt