【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——反彈容易 上升困難
2008年8月28日

大市繼續反彈，恒指昨以全日高位21,464點收市，升408點；國企指數升374點，收報11,780點，大市成交609.8億元。期指收報21,411點，升325點，比現貨低水53點，成交108,246張。

內地股市繼續尋底，但拋售力量似乎減弱中，滬綜指報收2,342點，跌0.3%，深成指報收7,827點，跌0.8%，兩市成交額共計473億元人民幣，比昨日同期略有萎縮，內地股市開始牛皮待變，如果美市無大礙，應有利港股在結算前繼續反彈。

期指轉倉繼續，港股繼續造好，個市借住中移動（941）[股價及相關新聞] 業績理想推高，午市升幅擴大。陸羽仁前兩日話大戶會趁結算食胡，照睇大戶繼續再推高些少亦不足為奇，反正個市一輪狂插，技術上炒反彈易過造淡，加上奧運後市場注意力去番內地經濟如何保住增長的主調，短線先炒高一浸，走完短線再定去向完全無壞。

托住中移再夾高

中移動月初被人狂質，股價跌穿一百元後繼續插水，距離大行唱淡目標價九十元相當接近，好多散戶都心思思入貨。中移動公佈上半年業績，上半年用戶增長勢頭持續強勁，加上內地所得稅調整的正面影響，錄得純利548億人民幣，較去年同期增長45%，EBITDA為人民幣1,044億元，上升16%，EBITDA 利潤率53%，股東應佔利潤率27.9%，整體表現較市場預期為佳，惟平均每月每戶營運支出降9.9%；平均每分鐘營運支出降20%，但係大市氣氛好轉下，業績被理解為好消息，股價升3.5%；聯通（762）[股價及相關新聞] 先跌後升0.6%，中電信（728）[股價及相關新聞] 升3.5%。

見到中移動反彈，好多老散又覺得先前無趁低入貨走鰦雞，中環茶友話，低撈有無走鰦雞，要食完胡先知，呢樣№好睇個人條件，除了睇市要準，入貨價位要靚，出貨價位亦要靚，仲要揀股揀得好，三樣做齊先有肉食，好似中移動咁，雖然早前因為行業改組方案被大行借勢狂踩，但短期業績基本面無變，符合了好股抵買的條件，但就算係咁，相信好多散戶都係好早就出鰦手，現在都仲未有肉食。

茶友話，之前大行唱淡係從未來發展睇，無話短期業績會大跌，中移動今次業績好，可以話預期之內，昨日托番高，只不過係大戶有需要，於是借故炒上鎹，所以不排除股價仲會彈高少少，但能否把握到靚價沽貨，就要考功夫腬。

目前為止，大市升勢仲係似熊市反彈，多過係牛市重臨，係反彈市中，散戶毋須為無低撈後悔，因為指數彈高之後機會又回落，如果手頭有貨，仲可以靜候大市升到「高位」套現，然後低位再買，總之無論「先買後賣」、抑或「先賣後買」，都一樣可以短炒獲利，關鍵係你手頭錢多定貨多，如果係貨多，就算抵買都要忍手，寧願用先賣後買炒上落，好過不斷加注；相反，如果你錢多過貨，當然就可以趁大跌入貨，博反彈即走。

企業盈利有壓力

陸羽仁講過，熊市不是投資的時候，皆因大市易跌難升，經常受壞消息影響，好似昨日有段消息，話受到建築成本上漲影響，政府要追加工程費用。陸羽仁同建築行業的老友傾起，大家手頭工程不是咁多，主要係做纒政府基建，成本上升主要係輸入通脹造成，好似鋼鐵、海沙材料都大幅加價，連鰠內地運預製組件來港，成本都急增，私人地產商好多現時都土地有限，要買地補充儲備不易，無論公私營地皮價錢都無跟住經濟跌番，但建築成本上升，地產商無得薄利多銷，若然樓價不再上升，盈利增長就多極有限，所以股價短線波動容易，要出現長期升勢，暫時未睇到有甚麼誘因。

銀行情況亦一樣，由於拆息上升，幾個銀行大班近日頻頻打開口牌，想唱高番按息，但昨日數字公佈，礇豐在按揭市場佔有率回升，主要是「暗劈」息價，即係牌價維持或上調，但埋䒷傾好客有得減，點解拆息升但按息加唔到呢？主要係銀行希望多數生意，但樓宇交投近日減少，客戶對按揭需求不加反減，係塘水滾塘水下，唯有增加條件吸引好客，好似礇豐等大銀行客戶基礎大，本身有資金拆出市場，拆息加按息無加，只係左袋同右袋問題，其他銀行如果資金成本上升、貸款收入無增加，生意額又減少，就不易交到條數俾小股東矣。

現在香港好多行業都面對這個情況，員工薪酬、原材料或多或少都漲價，但因為競爭大不易加價，係通脹下企業都成為受害者，如果油價、商品價錢不出現一個中長期的調整，股市都係反彈容易、上升困難。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

熊之點滴（３）         

2008/8/28 上午 08:07:57
網誌分類: 經濟

　　美股第二日反彈，7月耐用品訂單意外地上升1.3%,比估計的零增長為高，刺激股市向上；油價再升2美元，令能源股上升；其他按揭金融公司成功發債，亦令分析員估計房利美和房地美盈利會增加，杜指升89點，升至11502點，升幅0.8%，繼續反彈走勢。

　　昨日講到熊市不宜投資，可能惹起「價值投資者」的質疑，話只要睇啱股票價值，何懼愈跌愈買。

　「愈跌愈買」的講法，源於股神巴菲特，話佢計啱股價的內在價值，如果發覺股價比內在價值有明顯折讓，就可入貨，入貨後如果再跌，佢會愈跌愈買。

　　又舉中移動（００９４１）做例子，唔好講內在價值咁複雜，講番簡單一些的數字。中移動現價市盈率１６倍，息率２．２厘，以過往在牛市的標準，這種數字簡直係抵買，我地又應該點樣睇１6倍市盈率的中移動呢？

　　中移動剛公布中期純利308億元人民幣，升51%，超過市場預期，問題是中移動能否全年保持這種高盈利增長，若能維持，故然抵買。睇市盈率有兩點要留意，第一是市場評價有主觀成份，第二是中移動能否維持現有的盈利增長，兩點亦互有相關。市場可以接受到幾多倍市盈率，係一個主觀感覺，以較誇張的大陸市場為例，６０００點時，好多股票的市盈率去到５０幾、６０倍。如今跌到２０００幾點，公司市盈率就回到２０幾倍。有些盈利較穩健的公司，可能在６０００點時和在２０００幾點時盈利情況都無改變，但市場接受到o既股價就有天壤之別，這就是市場的主觀成份。「市場先生」有時出好貴價錢買一隻股票，有時出好平價錢買同一隻股票。

　　可能公司本身能否維持盈利增長更加重要，以中移動為例，市場俾１６倍市盈率買一隻股票，表面看投資要１6年咁長時間先至收得番，主要是假設呢間公司是高增長股，盈利每年會顯著增長，未來幾年盈利升得幾升，會拉番低市盈率，令投資不要１6年咁長就收得番。問題的關鍵是公司盈利在經濟放緩時，能否維持高速增長呢？若盈利一倒退，呢個「高增長」的故事就破壞哂，即係市盈率因盈利下降而上升（盈利下降，股價唔變，市盈率就會上升），唔止１6年才可收回投資，所以遇到盈利下跌，市場失望時，股價會馬上下跌。故然中移動中期盈利理想，股價有一定支持，剩下的問題就只係睇大市走向喇。

　　我估一般散戶唔係咁易計到股份的內在價值，亦唔係咁易具體估計到公司未來幾年的盈利，但大體上都可以睇到邊類股份危險啲，第一類是盈利可能受投資市場影響者，例如保險股，佢地好多收益來自投資，A股大跌，令它們投資收益大減，甚至投資部份要蝕入肉，所以我有點怕這類股份。第二類是股價仍然太貴的好股，例如早前未急跌前的中移動，又例如現時的招商銀行（０３９６８）。

　　總括而言，若「投資的我」並不十分熟悉投資那隻股票的盈利情況，特別是無把握它在股市大跌、經濟增長放緩時能否保時盈利增長，就好難話「愈跌愈買」，只能等熊市跌得較深時，等那些股份跌到殘、跌到爛賤時，才慢慢入市去買。在熊市中，寧願買貴，唔好買得太早。見到股市反彈，亦唔好心急去追。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——升也中移 跌也中移
2008年8月29日

港股反彈幾日後，結算又再「蛇」低，美股三大指數上升，恒指高開82點，見21,547點後拾級向下，下午低見20,857點，收報20,972點，跌 492點；國企指數跌283點，報11,497點，大市成交增至667億元。現貨月期指以21,131點結算，9月期指收報20,940點，跌423點，比現貨低水32點，成交77,958張。

八月份港股經過基金一輪轟炸後，進入大戶舞上舞落隨心所欲的境界，前日恒指借住推高中移動（941）[股價及相關新聞] ，單日彈升四百幾點，昨日又一Q清袋，大戶平淡倉食胡，價位認真之靚。跟住九月份係點，其中一個機會係月初先來一陣自由浮動，大戶跟住個市去郁，到了月中開始先有較明顯方向。

昨日話好 今日唱衰

大戶左右港股，大玩陰陽手，前日谷高指數，全力掃高隻中移動，昨日推低，又敢膽郁番隻中移動，中移動受惠企業所得稅調整，令半年業績勝預期，但大戶又話業績顯示EBITDA下跌，出貨狂質，股價曾重挫8%，收市挫6%，勉強守住80元水平；聯通（762）[股價及相關新聞] 挫7.3%、網通（906）[股價及相關新聞] 瀉7.7%、中電信（728）[股價及相關新聞] 半年少賺8%，跌4%。中環茶友話，散戶見到大戶咁玩法，你話仲有無信心同勇氣和大戶對撼，咁做擺到明係要顯示自己話晒事，以便用最小的資金達到最大的市場效果。大戶趁中移動公佈業績炒上，陸羽仁已經話大行唱衰中移動，主要係借行業重組，遠景轉差做理由，同短期賺錢多少無關，果然昨日跟手就沽番低，而且跌到去90元邊緣，手法都相當兇狠，散戶低位兜鰦貨，無趁反彈沽貨，現在帳面利潤又消失鰦，充份體驗富貴如浮雲的道理。

港府昨日公佈，同內地取得天然氣同核電供應的備忘錄，消息傳來等如中電（002）[股價及相關新聞] 未必需要再在港內興建液化天然氣站，此舉可以取得乾淨能源之餘，亦降低了成本，對民生同營商環境有正面作用，中港兩地政府當然可以得分，但對中電而言，若然無得起液化天然氣站，等如失去一項重大投資，對股價會有相當負面影響，未來中電必需要係同政府談判上，希望爭取提高收益，以及加強其他投資收益，先至可以維持利潤。

呢兩日市場注意力主要集中大價藍籌，二線股人氣大減，不過，好多股民都留意上個星期大插插的蒙能，連續幾個交易日出現V形大反彈，剛好呢個時候有報道話城中知名的傳奇風水佬炒蒙能（276）[股價及相關新聞] 被斬倉，前前後後輸了以億元計巨資，益增呢隻股份的話題性。

蒙能淘金 血的教訓

蒙能前身係一隻科網股，變身資源概念股後長升長有，最高峰時成為千億巨企，上個星期插番落鈬亦蒸發過九百幾億市值，好多人身家係呢役中無了一大截。陸羽仁曾經同炒過呢隻神仙股賺過千萬的本地大戶傾偈，當時他揭開蒙能升極都有之秘，係有辦法搵到一班基金經理陸續接貨捧場，這個高難度動作最厲害之處，是基金經理?貨後，有人願意用再高的價錢敲門?番轉頭，咁樣就到班基金好安心咁持有，就算股價可以愈舞愈高，沽貨壓力都可以大減。

大戶自言，自己炒這類神仙股都好精，原則有兩個，一係絕不大貪，見到飱水位就入貨，覺得賺到差唔多就沽貨，不會理仲升幾多；二係絕不加注，如是者走得幾轉，每次執番三、幾百箇，計計埋埋就贏過千萬，但賺完他都要講句，「呢鱓係辛苦錢鈬鮁」。

陸羽仁聽見大戶炒得咁謹慎，開頭都有鱓奇怪，心諗「使唔使咁驚青呀！」不過現在睇番傳奇風水師被斬倉的古仔，都係炒衍生工具事，由此可見，蒙能奇蹟狂升同基金坐貨不走，背後都同財技有關，基金大行坐住大批股份，令市場貨源減少，但不代表他們沒有沽貨套現，只不過他們係用迂迴手法，借用發行衍生工具給富豪級大戶進行對賭，呢一招高處係炒股若在市場散貨，掟兩掟隻股個價就散晒，但用衍生工具沽貨，可以托到個價天咁高，然後簽一張合約，就係場外過晒俾對賭的客仔，之後先鈬招一Q清袋，呢種玩法投資銀行在暗時，不但係市場上的散仔在明，就算係富豪客仔都係被人睇住鈬食，聽講過去幾個月的大跌市，好多有錢人就係咁中招，亦有股壇名嘴輪到面青青，係市場打滾幾十年的股壇大戶豈有不知個中凶險，所以明知鱷口偷金，就梗係嚴守紀律，以免濺血收場啦！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

熊之點滴（４）         

2008/8/29 上午 07:48:19
網誌分類: 經濟

    　　美股第三日大反彈，第二季經濟增長優於市場預期，令製造業及金融業股大升，杜指急漲212點，升幅1.9%,升至11715點的高位，但未升穿此浪高點11780點。港股在昨日期指結算日回吐，昨晚美股急彈，唔知港股今日跟到幾多。

     　　美國第二季經濟增長3.3%，高於市場預計的2.7% ，而第一季的增長是1.9%。第二季增長主要由岀口帶動，貿易差額減至3376億美元，單計貿易令經濟增3.1%，扣去此因素第二季只增長0.2%，第一季只增長0.1%。

    　　美國失業人數342萬，上周新申領失業救濟人數仍在42.5萬的高位，經濟學家預計，下半年美國內需將會再放慢，經濟將跌入傳統的衰退中。

熊市不宜投資，適宜投機。我咁講並唔係鼓勵人投機，只係講對股市的基本觀察。

一般而言，牛市的週期較長，升兩三年唔出奇，頭段升幅較平穩，尾段升得急之後，才會急促波動。但踏入熊市後，波動會好大，在熊市一期和熊市二期，大市急插急彈，上落波幅好大，反覆向下，投機者就趁著這些波動搵食，插得深時博反彈，彈得多時又博佢再向下插。

擅長炒作的中環茶友話，若以炒作而論，熊市易炒過牛市。炒作有風險，在牛市炒上時，若最後遇上股災時，可以一日跌３０％，做咗好倉未必咁易走得切。但在熊市炒跌時，就唔會遇到一日升３０％的大挾倉，挾升３、５％已經好多，造淡倉的炒家唔對路仲有得走。

熊市炒作另一個好處是週期短，一個月一浪下跌，跌到咁上下下個月又回到次級反彈浪，彈到咁上又回歸基本走勢向下。炒家捕捉這些週期，若要求不高，只去食一個走勢７成左右，都唔係太難補捉得到。

有炒作這些熊市短浪經驗的中環茶友話，熊市炒波幅戒之在貪，特別是反彈的次級走勢，唔可以要求太高，例如今年５月的反彈，大市彈到２４０００點他就走了，結果升近２６０００點，最後２０００點食唔到，但他一啲都唔覺得可惜，因為彈到咁高出乎了他意料之外，想食埋尾段的反彈，風險好高也。

你可能會話，我無乜興趣投機，所以陸羽仁話熊市適合投機，可能並不是你杯茶，不過世事有時有微炒的關係，炒作又和投資有關。茶友話，正路計熊市由二期轉入三期後，股市會愈來愈靜，成交愈來愈少，無論下跌或反彈的幅度都會收窄，股市會變得好悶，炒波幅會愈來愈難，其實這些死寂的日子，往往就是股市否極泰來的日子，牛市會俏俏開始。

所以即使係唔炒作的投資者，都可以留意住熊市的波動，到波幅愈收愈窄時，投資的機會慢慢會出現。那些時候上下波動都減少，「投資的我」即使不慎買錯，股票繼續跌，都唔再會以一日幾個巴仙的速度大插，心理上較易承受，

陸羽仁

http://www.hkheadline.com/blog/r ... rd=&searchtype=

不正不正

版主,做么时光网的楼不见了?删除了吗?

Mr.Business

2008/9/1 上午 09:55:54

陸羽仁覆網友

三心兩意：我所謂a股待變，有兩重意思，第一重係阿爺的確有放鬆宏調的措施搞緊，若推出對內地股市有短期刺激，但小心彈完再跌。第二重係跟全球股市和經濟，在經濟放緩，美股入熊的大勢下，a股都唔可能話見咗底啦。

GIGI:你問「陸老師你話長線投資者係熊市應等跌定橫行後慢慢買,咁係唔係鎖定目標後,唔洗理跌到咩價位,見佢打橫行就可開始買?」

係要鎖定目標，但既要睇價位，也要睇公司盈利，亦要看大市，看前兩者是看pe，看公司盈利在經濟放緩時跌成點，論pe抵唔抵，看大市是判斷大市是否開始跌到定，橫行，好靜，係主要指標，而家仍在大上大落，未到橫行。

chris_lam：你問碧桂園的「股份調期」係乜，碧桂園想發可換股債集資，美林為佢發債，以人民幣計值，以美元償付的5年期可換股債券，發行地在新加坡交易所，年利率為 2.5%。據約定，這批可換股債券在2008年4月3日至2013年2月15日的5年時間內，可以轉換成碧桂園的普通股票，換股價為每股股票9.05港元，市場擔心換股價太高，所以碧桂園最後接受了一個“股份掉期”特別條款，以吸引投資者。根據協議：可轉股債券的持有人一方面可以享受債券換成股票後的高成長性，同時又有“股份掉期協議”來鎖定股市波動風險，即係話股價下跌時，碧桂園要賠錢俾債券持有人。

所以若碧桂園股價持續低迷，就要不斷賠錢俾可換股債券持有人。

kfc:價值投資者如果識睇股份價值，長線投資，隻股又穩陣又有息收，的確可以唔止蝕，但你首先要問自己對隻股票認識有幾多，通常上司公司可否保持過去的派息係一個重要標準。

Mr.Business

注：此篇文章版权归香港頭條網所有。

金融High Tea——科斯托蘭尼的循環
2008年9月1日

八月份股市淡友大勝，上個星期臨近結算，大戶舞住隻中移動，令指數日升日跌，散戶得個睇字，如果手痕痕見高就追、一跌就沽，隨時就「輸鋪甘」，學似陸羽仁所講，現在係投機可以、投資免問。

九月個市係點，有人本來估會造好番少少，但美股上周跌番百七點收市，對氣氛點都有影響，而且最近港股走勢好奇怪，日升日跌，既跟唔足內地，亦跟唔足美國，估計月初有可能會自由浮動。

行情升升跌跌，睇到人眼花繚亂，點樣分析當今的市況，的確需要搵鱓理論幫幫忙。近日再睇番德國大投機家科斯托蘭尼的股市循環理論，我記得以前都講過，而家不妨再講纒，俾大家參考參考。

順逆有時依勢而行

太陽之下無新事，用科斯托蘭尼的話去講，「股市存在其永恒不變目標，一如潮汐漲落，持投人有時順勢，有時逆勢操作，而有時只須靜靜地等待。」

科斯托蘭尼認為，每個周期性的循環都由三個階段組成，第一是修正階段，第二個調整階段，第三是過熱階段，牛市和熊市亦復如此。套入升市和跌市去講，大家比較易明。在升市之初，由於上一階段股市已經毫無理性地跌到很低，股市在升市的修正階段，但被拉到某種意義上的較合理水平，所以稱為修正階段。到第二個階段，即調整階段，由於不利因素漸漸改善，股市每天都向上調整，開始現出升勢。升到咁上下，就出現第三個階段，就是所謂過熱階段，這時股市差不多每小時都在上漲，股票行情和情緒互相推升，最後的迴光反照令股市歇斯底里地暴升，完全反映了公眾的非理性亢奮。

循環升到頂部，就開始出現跌市的循環，開始時是修正階段，像一個牛市的回調，令股價稍為回到較合理的水平，第二個階段是調整階段，不利因素如利息上升，經濟衰退，悲觀情緒湧現，股市反幅下跌，甚至急跌。最後是過熱階段，股市行情如秋天的落葉，無論好股壞股也在慌亂中被拋出，跌勢會持續，直至一件令人休克的好消息打破這個魔圈，或者市場在發洩式沽售後慢慢趨向平靜。下一個升市的周期，又靜靜地開始。《一個投機者的告白之金錢遊戲，頁182》

科斯托蘭尼認為股市有兩種人，一種是不動如山的堅定者，另一種是風吹草動的膽小鬼。膽小鬼無錢、無耐性、無思想，不用腦行事，形之於情緒，別人買他買，別人賣他賣。堅定者當然是有錢、有耐性、有思想。股市有90％是膽少鬼，有10％是堅定者。

陸羽仁狗尾續貂，係科斯托蘭尼的想法背後加多兩句，就係膽小鬼無錢，並非係天生如此，又或者命運之神歧視他們，而係性格使然，正因為他們有勝驕敗躁的特徵，先至令到他們無法累積財富，所以大家不必因為無錢，就自認係膽小鬼，因為只要你能夠擺脫這類人的性格弱點，就可以成為市場中少數的堅定者，跟住仲會擺脫埋無錢的「缺點」銏！

唔似已過了跌市熱點

在跌市之中，在最後的過熱階段，就如升市一樣，會跌到好過份，令好股也大平賣，那時股票就會由大多數膽少者的手中，轉入堅定者手中，例如有壞消息時，大市也不跌，就證明大市已做好向前循環的新準備。

直覺告訴我，現時的股市未到科斯托蘭尼所講跌市的過熱階段，以國泰（293）[股價及相關新聞] 為例，航空業人士話未來經營情況慘過2003年沙士時，因為高油價、低需求的時代可能持續一、兩年，而沙士時只是半年無乜生意，好快就回復正常，你睇03年國泰跌到7元多，睇番現價，就知國泰未跌到過熱階段。

再睇埋基本分析，金融機構的次按撇帳估計有1萬億美元，而家合共撇了5040億美元，即係仲有一半路未行完；再加上美國信貸市場仍然緊縮，估計今年年底會和去年一樣，銀行資金會更緊張，所以最恐慌的情況，恐怕仍未過去，到這些可怕的情形出現時，才會把膽少鬼的貨震埋出來，讓堅持者吃掉。

「弗地」「美妮」要有了斷

九月份大市其中一個炸彈，係兩間按證公司「弗地」（Feddie Mac）同「美妮」（Fennie Mae）下場係點，照早前消息，兩間房證公司點收科，應該要係呢一頭半個月解決。華爾街專家分析，話兩間公司股票係零值，最大機會係由政府用某種形式接管，如果最後兩間公司國有化，市場會否借意又插落鈬，會對市場氣氛有好大影響。

假如兩房由阿公收歸國有，跟住下個問題，就係以後樓市買家去邊度撲水。陸羽仁早前同位銀行大姐大飯局，講到兩房隨時執笠，她說，當日美國政府搞兩房，為樓市注入動力，後來兩房做得太成功，於是當局開始控制，結果資金需求流入私人市場，私人市場爭食肥肉，借錢條件不斷放鬆，最後仲發明了次按債券，金融機構把償還能力有問題的按揭，同其他債券捆綁起來轉售，最終搞出次按呢個大頭佛，現在次按先爆煲，跟住到兩房亦出事。

大姐大話，如果回轉頭睇，究竟當日壯大兩房主導按揭市場有無出錯？她認為如果無政策壓抑兩房做生意，至少他們在審批貸款上做得會比較嚴謹，樓市個泡無吹得咁大，亦未必把次按包裝成其他投資工具，變成金融市場的計時炸彈。

不過，她亦承認「巿早知、無乞兒」，係金融市場係無得用倒後鏡去做決定，無論兩房處理有無做錯，當前問題係一旦兩房變成國有公司，會不會令到樓市水喉進一步收緊之虞。

美國樓市被視為經濟壞消息之母，分析家最擔心係樓市無法止瀉，會令放緩擴散到就業同消費層面，咁就認真弊傢伙，但現在樓市最慘係五行欠水，過去樓價不斷上升，吸引炒家入市，良好循環不斷令資金投入，現在情況則逆轉，樓價下跌，炒家不是離場就係輸到掉鎖匙，跟住係次按爆煲，金融機構無辦法再以平錢為置業人士融資，係衍生工具市場同債市萎縮下，銀行手頭資產貶值，好多銀行資本捉襟見肘，根本無力放貸，樓市第二條水喉都乾埋，當兩房正式收檔，將來政府仲會不會再扮演資金供應者角色呢？如果繼續扮，就有可能惹來重蹈昔日錯誤的指責；若然不再扮演，咁樓市水源買少見少，情況令人更加擔憂。

樓市水乾，仲有一個副作用，就係可能觸發大量地區銀行倒閉潮，需知美國有大批地區銀行仔，它們無力做其他生意，最易做又好利錢的，就係借錢俾人買樓，當然這些銀行做街坊生意，無做次按咁牙煙，但如果樓市再下滑，部份銀行可能又會出事，屆時金融市場又會添一批亡魂。

美國樓市隻鑊應爆未爆，睇完成手內幕資料的聯儲局主席伯南克當然知道形勢，所以他今個月開議息會議時，刻意強調利息不會掉頭向上，實行預先鋪定安全墊，減低炸彈一旦爆炸時，衝擊力會造成重大傷亡，究竟阿伯的防震措施是否足夠抵銷爆鑊殺傷力，多少亦要睇當時市場氣氛同其他地區的環境，因為一個銀幣總有兩面，樓市再傳壞消息，有人會話今次死多二錢重，但亦可以話又多一隻鑊已經爆鰦。

退稅效應扭曲增長數據

上個星期美股炒上，其中一個理由公佈出來的增長數據，較市場預期好，但不要忘記的是，早兩個月前美國消費者陸續收到政府的退稅支票，美國人習慣有錢就使，尤其係水緊鰦咁耐，所以政府派錢刺激經濟，作用立竿見影，相信同退稅效應有好大關係，好多分析家都問緊，當消費者手頭退稅的錢用得七七八八，美國消費市場會否開始退潮，甚至觸發衰退呢？

布殊在年中大手派錢退稅，同共和黨要應付年底選舉好大關係，係布殊任內美國政府赤字狂增，經濟備受衰退威脅，而且衰幾耐無人知，加上通脹高企，選民心情肯定唔靚，所以布殊一定要諗計頂住個市，派錢退稅係最直接的方法，問題係食完藥興奮一陣後，究竟美國經濟明年係可以走過低谷，抑或係再衰落去，呢樣№好受新任總統的中東政策影響。

一般估計，如果民主黨的奧巴馬上台，必定會同伊拉克撤兵，美元有機會甩了中東包袱，經濟有機會好番，如果麥凱恩勝出，由於油公司同軍火商一向對共和黨有好大影響力，美國在伊拉克撤出的時間可能會拖慢。

美選舉政治因素難睇

本來，大家都估計今次大選，民主黨有九成機會可以重掌政權，點知奧巴馬同希拉莉爭奪出線太過激烈，嚴重影響黨內團結，加上今次係首次有黑人候選人角逐白宮主人身份，令大選結果可預測性減低，最近民主黨顯示麥凱恩支持率竟然趕過奧巴馬，究竟這是因為奧巴馬未正式發力？抑或係真正反映即將進行的選舉勢均力敵呢？有人話，係奧運期間俄國出兵格魯吉亞，美俄關係空前關張，有人甚至認為是古巴飛彈危機以來最嚴峻局面，這個發展會對曾經打過仗，對戰爭有豐富經驗的麥凱恩有利，究竟呢個分析有幾準，亦係未來大市難測的因素。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

熊之點滴（５）  
       
2008/9/1 上午 09:39:54
網誌分類: 經濟

　美股上周中段急升，到周五回落，在戴爾電腦業績不理想等消息影響下，杜指急跌１７１點，收報１１５４３點，美股又一次衝高回落，１１７８０點的頂部堅不可破，暫時還是在上落波動。

颶風 Gustav吹到美國海岸，採油作業全部停產，油價回升，１０月期油今早在澳洲市升１．５２美元，升１．３％，升到１１６．９８美元一桶。美元亦回軟，兌日圓跌番到一周低位，今早在東京市造１０８．２１圓，比上周紐約收市價１０８．８圓回軟。歐元兌美元亦由紐約市的１．４６７３，跌到１．４６９７。整而言，美元呢一浪回升兌歐元最強，早前歐元升得過份，而家歐洲面對減息救經濟的壓力，所以歐元未能止瀉。

　　講番股市，美股在美元仍強的走勢下，仍在反彈浪高位附近波動，但港股卻已遠離這一浪在７月底造出的浪頂２３３６９點，後來在上周四期指結算日又造出一個小浪頂２１５４６點，恐怕又成為一個小浪高位，短期內難以上破，形成這個反彈浪完美的一級級向下走勢。港股比美股更早從反彈浪頂回落，主要因為以中移動（００９４１）為首的紅色股走勢極弱，上周反彈也是炒中移動業績，一到上周四出業績時，就玩好消息出貨，等你以為上周四是期指結算日大戶會炒埋呢一日，點知佢早一日已出咗貨，等你以為結算日有得升，就俾人抽水啦。

　　連續幾日講熊市，主要想為大家再淋吓冷水，令大家對熊市多點體認，知道熊市無咁快完，牛市無咁快會來。熊市有不同的下跌型態，有不同的成因，你想估佢幾快會完，就要明白佢下跌的型態和成因。

　　今日先講跌市的型態。最典型的熊市型態是以急插式下跌開始，我地會叫嗰啲跌市做股災，股市一日跌３０％，盲o 既都知道係熊市，近年美國最典型的股災是１９８７年１０月的跌市，而香港最典型的股災係１９９７年１０月的金融風暴跌市。８７年美國股拖累港股亦大跌，當時的財政司翟克誠在半夜３點俾聯交所主席李福兆叫醒，話要停市４天，李福兆話要停市是希望港股可避過美國股市，翟克誠未瞓醒就同意咗，結果港股停完市開番，仲大鑊，將累積幾日的跌幅一次過反映，美股大插完大反彈，反彈完再插，港股睇完人地場戲的悲劇結局才開市，就連反彈都無得彈，因為明知係悲劇結局，就無人咁蠢去撈底，停市令香股跌得更慘，跌到香港一個華資大戶賭輸期指輸到想唔找數，要港府逼佢找數；後來港府亦全面整頓聯交所，李福兆難逃牢獄之災。

　　美國在８７年出現一日跌３０％的股災後，美國政府就成立救市小組，防止股災式跌市再出現，結果過去２１年美國股市真係有大跌，好少出現股災，而２００１年９１１事件差唔多要出股災，都俾美國政府成功大放水扭轉跌市。香港無咁好彩，８７年之後１０年，到９７年又出現股災，呢次股災源於亞洲金融風暴，但香港係主要衝擊對象，大炒家在股市和匯市雙途進攻，想同時衝低股市和港元匯價，特區政府新丁上場，就要接受嚴格考驗，頂到港元匯價就頂唔到股市，恒指在９７年１０月１７０００點，直插到１００００點，開始時又係一日跌１０００點、２０００點咁樣下插，跌到９８年初牛皮一輪，到年中又插落５８００點，最後政府睇通個局，入市干預股市收場。

　　若熊市以股災式下插開始，熊市好快確認，股民想唔接受都唔得。但若熊市以慢跌開始，熊市遲遲未確認，到確認了亦有好多人唔信，溫水煑蛙，殺傷力亦可以好大。以美股為例，若股市直線下插，死得人多，對金融體系衝擊尤大，隨時頂唔順，因為大銀行快速崩潰，就會出現金融巨災。所以美國政府有救市小組，出術頂吓股市，令股市跌吓又彈，股吓又彈，無出現股災式下跌，好處是把痛楚減輕，好似一個人捱打，１日被人連打１０鑊，可能頂唔頂死咗，但１０鑊分開１０日去打，可能又易頂好多，不過卻把痛苦延長了。政府已經俾機會你走，你夠醒目早發現，跌得幾跌就減倉，就可以把痛苦實質地減少，正如你俾人打兩三日，打了兩三鑊就閃咗，就好好多，你坐係度俾人打夠１０鑊，可能唔死，但都會好慘。

　　好多網友期望終極一跌會來臨，其實有個假設，認為股市跌完終極一跌就見咗底，但我有少少擔心呢種溫水煑蛙式跌市，其實無乜終極一跌，港股已經到咗一級級落的地步，跌２０００點、３０００點，又彈番你１０００幾點，上上落落，彈完再跌，有排都未跌完，當然跌得深時，波幅點數會減少，但都會繼續這種退三步進一步半的型態，還有相當一段時間要捱落去。

陸羽仁

http://www.hkheadline.com/blog/r ... rd=&searchtype=

Mr.Business

2008/9/2 上午 10:38:31

陸羽仁覆網友

Gigi: 你問越秀房地產盈利和可供分派收益為何有咁大差距，因為盈利有部份係非現金收入，例如因為人民幣升值而令投資物業增值，都會產生盈利，但這些並非現金收入，不能分配，所以主要睇可分派收入，今年上半年可供分配收入全數派息，每股有０．１２３４元，比去年同期的０．１１０７元高，意味實際租金收入增加（業績報告內有詳細介紹不同物業的租金收入）。現價２．５４元，半年息率是４．８６厘，若下半年保持上半年派息，全年息率９．７１厘，收息相當唔錯。

每股資產淨值３．８６元，有形資產淨值３．６９元，現價２．５４元，比有形資產淨值有３１％折讓，即係買樓有６９折。你問點解，個市跌，基金要減貨套現（或者睇廣州商廈樓價會跌，或者睇淡越房揸重貨的廣州白馬大廈服裝批發市場的租務前景之類），基金沽貨就會令股價跌，就係咁簡單，惠理基金公布咗減貨到５％以下，跟住再沽就唔使公布，未來仍有沽壓。

長線如果揸１０年，就跳開短線唔睇，有７厘、８厘息收就OK，主要睇１０年後廣州商廈值幾多錢，會唔會比現價平，若果睇升值，見股價跌可以慢慢買吓。

熊市買指數基金，最好略等到股市跌到靜哂，波動無咁大時，會安全一些，現時波動仍高。

CSL：你問「在最近的０５年開始的牛市(假設是牛一吧)入貨，都要飽受現時熊市的驚恐及折磨。那麼要做一個堅定者，長線投資者，豈非要在上一次牛一入市，現在才能’韌韌’腳? 」

係呀，若果只買不沽，假設大市５年１０年計係大波動反覆向上，中間都會經過好多波浪，長線投資者首先要避免在股市熱絡時入市，其次在升得顛時都唔怕沽一部份出街。

Mr.Business

注：此篇文章版权归香港頭條網所有。

喜歡停牌現象
2008年9月2日

一百五十億、一百八十億、三百三十億、八百七十億，不知道大家估不估到這些數字代表甚麼？它們是由○四年至○七年港股每日平均的成交額，四年內每日平均成交額升了差不多整整六倍，而港交所（388）[股價及相關新聞] 也在這段期間，股價也由十多元升到最高的二百五十元左右。

如果你跟我說你○四年時，已經看出成交額可以以倍數上，故不停買入港交所長獱，那你真的是一個非常厲害的投資者。

另一方面，大家又估不估到二○○八年直到七月為止，港股每日平均的成交量是多少？原來都是有八百多億元的。所以假如你覺得現在的大市已經靜得可怕，我想更靜更可怕的還沒有出現。港交所股價可以由最高二百五十元跌至現在不夠一百元，那麼每日平均成交額跌一半，跌回四百多億左右都不是甚麼奇怪的事情。

內房難現一股獨大

Victoria發現有一些人很喜歡跟別人炫耀，他們從很早之前已經買入甚麼股票，長獱到這一刻，股票升了好幾十倍。其實很多時他們所指的都是手上的一兩手實貨。而因為實貨的關係，所以才懶得把它們沽掉，這樣放覑放覑，股票便升了好幾十倍。長實（001）[股價及相關新聞] 一九七二年上市，上市時只有三十五萬方呎出租樓宇，且大半是工業大廈，每年租金收入僅三百九十萬元；此外有七個地盤在興建中，其中四個地盤為全資擁有。現實中，究竟有多少不認識李嘉誠先生的人，自那時起便開始不停地買入長實？我想是不多的。

另外，有一個有趣的數據可以提供給大家，根據彭博社的資料，原來新鴻基地產（016）[股價及相關新聞] 是此刻全球市值最大的房地產公司。這樣看來，房地產是一個區域性十分強的行業，因為即使大如美國，也出現不了一間超級龍頭房地產。故未來內地房地產行業，相信出現群雄割據的機會絕對比出現一統天下的機會大。

去年和今年相繼有聯洲國際（048）[股價及相關新聞] 和宜進利（304）[股價及相關新聞] 停牌，相信大家一看見手上的二三線股停牌，心裏都未免會寒一寒，害怕自己的股票有機會步它們兩隻的後塵。但大家有沒有想過原來大市曾有一段時間，投資者是非常喜歡自己的股票停牌的，那便是去年炒細價股時。

去年有一個現象，便是每逢一些細價股停牌後，再復牌，股票都會開高，然後再炒上去。還記得去年我也收到不少朋友的電話，跟我說哪一隻股票下午便會停牌，叫我要快一點買進。現在回想起這個情況，都忍不住笑了出來。

我想這個「喜歡停牌」的現象，不知道要甚麼時候才再會發生。人是很善忘的，現在用筆墨把它記下來，希望日後可以加深自己的印象。多年後，如果這樣的情況再發生，便可以提醒自己，瘋狂的市況之後將會是一輪人踩人的行情。

（王雅媛為持牌人士，並沒有持有以上股票。）

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——等阿爺等到我心痛
2008年9月2日

九月又開局，港股承接美股上日跌勢，恒指低開263點後腳軟乏力，下午見20,844點後喘定，收報20,906點，跌355點。期指收報20,874 點，跌386點，跌1.7%，比現貨低水32點，成交57300張。國企指數跌225點，報11,438點，大市成交只411億元，創17個月新低。

內地市場期望來個「紅九月」，但九月的第一個交易日卻是一個「黑色星期一」，早段權重股已集體被插；深圳市率先跌穿前期低點，於午後創出自去年1月份以來的新低7659點，上海、深圳兩市最終雙雙大幅下挫，上證綜指報收2325點，跌3%，深成指報收7685點，跌4%，兩市成交額共計只有433億人民幣。

中環茶友話，睇番港股得411億咁少成交，就鈬見番3字頭的成交數字，就知道大市有幾靜，大市向淡已經少人炒股，再加上月頭期指活動少，大戶唔郁手，更令成交少上加少，大市基本上只係自由浮動，見美股跌、內地股跌就跟跌。

成交縮港交所無運行

經紀張話，上星期三港股彈上21,400點時，都仲有鱓散戶買纒貨，但上周四開始倒頭插時，又令一班散戶坐艇，上星期五和昨天無散戶打電話畀佢，可知大市幾靜。我早前已經叫經紀張預鰦過每日成交200億、300億的日子，點知話咁快就要到。咁靜鮋市當然令人想起港交所（388）[股價及相關新聞] ，佢昨日只係跌2%，剛剛守住100元大關，若然港股咁樣靜下去，港交所又點頂得住現價17.3倍市盈率呢？

香港和內地散戶心都淡埋，內地跌市唔係因為美股跌，係因為又過了一個失望的周末，因為阿爺無公佈任何救市措施。熟悉內地情況的茶友話，內地股民奧運後等阿爺救市等唔到，高唱「等你等到我心痛」，嬲起上來唯有沽貨贈興，搞到股市又插。佢估阿爺最後都要出放鬆宏調的措施，但深怕這些措施對股市的刺激作用又如泥牛入海，所以要等到個市跌深鱓才出手，以增加心理效果。

在這種市況又唔係人人都睇淡，都有大行睇好，美資大行高盛發表報告，預計H股在9月份將上漲，佢認為市場預期政府的宏調政策將逐步由緊縮轉向放鬆，再加上股票下跌後吸引力增加，皆可能推動H股向上。高盛預計國企指數近期波動區間在12,000點到13,500點間（即是比現價有約一成上升空間）而強勁支持位在10,600點，這個水平對應2008年國企股每股盈利只有零增長、2009年每股盈利下降25%。

9月的股市走勢弔詭，雖然內地股市暫時差勁，但預期放鬆宏調消息公佈時，對紅色股有一定刺激作用（亦是高盛睇好的原因）；但美股在反彈浪的高位徘徊，主要因為美元回勇的支持，但美股自7月15日的低位後反彈至今超過1個半月，反彈市「愈來愈老」，彈彈纒無力再上就要落，要小心留意美股走勢，若杜指跌穿 11,250點就覑黃燈，若連11,150點此橫行區底位都跌穿埋時，就覑紅燈，要再試底。

淡友等出埋消息再插

好友就望阿爺出政策望到頸都長，淡友亦係等緊同一樣№，因為此因素兌現後，若紅色股彈完後無力再上，連最主要的短期利好因素都消耗埋，咁淡友造淡風險就更低了。

出口股繼續插，利豐（494）[股價及相關新聞] 跌3.5%，思捷（330）[股價及相關新聞] 再挫6%，收61.1元；有讀者問思捷跌鰦咁多可唔可以撈底？思捷主席兼行政總裁高漢思上星期一話：「集團正面對他加盟逾10年以來最嚴峻的經濟環境」，令股價在上周四裂口低開70元，失重向下急墮，穿晒大位，股價無險可守，係基金清貨格局，散戶莫吃眼前虧，寧買當頭起，莫買當頭跌，都唔知股價下方係邊，在熊市點可以亂撈貨呀？

其他股份業績有少少唔對辦都跌，哈動（1133）[股價及相關新聞] 半年少賺9%，股價挫8.7%；南車時代（3898）[股價及相關新聞] 購半導體供貨商，股價跌1.5%。海外公司業績亦有影響，戴爾電腦（DELL）業績不如預期，又指全球企業正在削減科技開支，就拖累聯想（992）[股價及相關新聞] 挫6.4%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

韓圜有災  
       
2008/9/2 上午 09:18:45
網誌分類: 經濟

　 美國勞動節假期無市，但國際金融市場卻風起雲湧，颶風Gustav登陸美國後減弱，離岸鑽油設施估計沒有受到重大損害，令油價急跌，１０月期油一度跌穿１１０美元一桶，結果昨日跌了４．０８美元，今日在亞洲市早段造１１１．４美元一桶。

油價下跌令美元再抽升，歐元兌美元今早跌到１．４５５７美元，是２月１４日以來的高位；英磅兌美元亦跌至１．７８６３美元，是０６年４月以來的低位。澳元兌美元跌到８４．６９美仙，是去年９月以來低位，市場估計澳洲今日會將目標利率減０．２５厘至７厘。

唯獨是日圓叫做頂得吓，佢由昨日的１０８．１４圓，升上今早的１０７．８９圓，日圓上升相信和首相福田康夫昨天請辭有關，福田做了一年就要執包袱，主要因為經濟唔好民望下跌。

昨日港股跌３００幾點（１．６％）唔算好多，南韓就中重鎚，外資睇淡南韓圜而撤資，南韓股匯昨日大挫，韓圜兌美元一度跌百分之３．２％，跌穿１美元兌１１００圜的大關，跌到近４年新低位，韓圜上月已跌了７．６％，如今是跌完再跌；南韓股市昨日更大跌百分之４．１％，韓股今年至今已跌了２５％，國際投資者今年以來勁拋售韓股達新高紀錄的２２０億美元，其他亞洲貨幣也受影響全綫下跌。

　　外資撤走的表面原因是經濟放緩和物價高企，但不能排除正有資金狙擊韓圜，其實今年以來韓圜一直走弱，即使美元弱勢時已經如此，如今美元反彈，韓圜更弱；匯價轉弱，更加深韓國的輸入性通脹，原來已有的問題進一步惡化。

南韓政府面對股匯齊插的局面，一方面提出刺激經濟和股市計劃，另一方面入市干預匯價。南韓政府為重振經濟，昨日公布未來五年減稅逾１９０億美元，並叫退休基金入市買股票，不過這些措施睇落有少少治標唔治本。南韓政府和財金官員昨日緊急開會，副財長Kim Dong Soo話，市場擔心南韓９月有金融風暴，顯然是誇大了，韓國政府會密切注視市場情況，會有堅定措施，去反制韓圜的過度下跌，叫投資者唔好過度反應咁話。

按陸羽仁的經驗，當一個國家的財金官員要不斷解釋本國貨幣無問題時，就係那種貨幣出問題的時候，而那些國家的本能反應除咗出吓口術之外，就係入市干預匯價。南韓央行為支持韓圜，近期已不斷入市拋美元買韓圜，令南韓截至７月底的４個月內，外匯儲備減少１６７億美元，至２４７５億美元，即係外儲減少了６．３％，但都未見顯著成效。

不過市場睇死南韓央行干預匯市的能力有限，外間流傳該國的外匯儲備中有多達５００億美元資產是美國的房利美、房地美和其他機構的債券，這些債券價格下跌，流通性減弱，將削弱南韓套現去穩定韓圜的力量。包括Pictet和Aberdeen在內的基金均表示，南韓無力控制通脹，７月通脹率達百分之５．６％，為接近十年新高，勢將加深該國經濟困境，預期韓圜匯價會繼續下滑。

昨日韓圜和韓股大跌，但港股相對平靜，市場一般相信，亞洲金融風暴不會重臨，這種論調主要有幾個理據，第一，好像９７年時那種巨型對沖基金減少了，現時市面大多體積較細的對沖基金，對一個國家貨幣的衝擊力有限。第二，亞洲國家經過那次風暴，防範心加強了，最絕一招是如馬來西亞那實施外匯管制，限制資金進出，增加了狙擊者的風險。第三，亞洲過去幾年不如９０年代金融風暴前那樣成為投資熱點，無升咁急，自然無咁多泡沫，跌起上來亦無跌得咁多。第四，現時世界金融市場單是炒商品已炒到不亦樂乎，國際大炒家無乜需要炒一個國家的貨幣。

不過陸羽仁對這些觀點半信半疑，韓國經濟唔係特別差，通脹率和經濟增長率在亞洲區內是只一般水平，但韓圜跌得特別厲害，明顯因為有人插佢，韓國經濟唔大唔細，資金自由進出，匯價自由浮動，若俾人睇死佢嗰２０００幾億美元外匯儲備流動性不高，即係防御能力有限，插韓圜搵快錢一啲都唔奇，加上韓圜咁跌法，令通脹更厲害，進一步危及實體經濟，又再增加匯價下跌的理由，政府的措施似乎唔係有好多止跌能力。

我記得９７年７月泰銖出事，香港金管局借錢俾泰國救市，當時市場普遍反應係泰國衰唔關香港事，結果金融風暴好快就燒到香港。今次南韓出事唔好當唔關自己事，要密切留意佢發展，若韓圜出現災難性下跌，其他亞洲地區好難獨善其身。

陸羽仁

http://www.hkheadline.com/blog/r ... rd=&searchtype=

Mr.Business

2008/9/3 上午 11:53:40

陸羽仁覆網友

Candy Sin:你想用６０萬買股票，不知如何投資最好，熊市未完，大市還有得跌，若一注買下去，捱價機會甚大。建議把６０萬拆成１０份，每到股市大插時，可以用一份錢買少少，唔使急，買完預咗佢再跌。

你想買或月供股票，可分成兩類，第一類係增長類，等跌到殘時買紅色股，唔想揀股就買２８２３或２８２７或２８２８，前兩隻是A股基金，後者是H股基金，長線也差不多。第二類是收息類，可以買匯控，可以買越秀房地產，匯控息率５．８厘，越房息率９．５厘，這些股份短期都有一定下跌風險，但長線應該ok。要月供在兩類股份中各選一吧。

Roots:匯源咁o既價近１２元可以沽啦，收購也不一定可以完成，收到收購價９成以上都算係咁。

Andy:江銅２０元入貨，現價１１．５４元，商股唔係反彈完咗，係未彈得起，現價好殘，未止蝕唯有等吓，等美元回番，商品升番啲去番１３元、１４元才止蝕一半吧。

Torreskk:你問建行人仔債券到期時，人仔匯價會否低過現在，理論上當然有此可能，但要睇人仔長線匯價，要估佢長線經濟，若維持每年８％以上增長，人仔又唔以跌得去邊。

Chasiu:你早幾個月買咗２８２３，２８１３，１７３及２８４０，買完再跌，你問愈跌愈買好，還是先止蝕好。

首睇大勢，全球股市先後進入熊市，美國唔好，其他好難好番，而家亞洲國家情況正在轉壞中，要等一段時間才見底。你啲股份特別係韓股基金２８１３麻煩一點。建議一，若不減持，也暫時不要加貨，怕你加得太快，愈跌愈傷。等熊市發展得深啲再買啦。建議二，部份貨減啲無壞，例如韓股基金，減咗有機會低２０％買到，若果睇錯，沽完個市大升，到時亦有好多貨可以追。

Mr.Business

注：此篇文章版权归香港頭條網所有。

金融High Tea——四叔飽晒 個市升番
2008年9月3日

港股昨天來一個V形反彈，恒指先高開51點，升上21,067點後慢慢下跌，下午插至20,596點後來個急彈，升至21,042點高位收市，升136 點，高低位相差近500點。現貨收市後期指再抽，收報21,160點，升287點，比現貨高水118點，成交75,460張。國企指數倒升14點，報 11,453點，大市成交493億元。

昨日大市反彈應該和油價急跌有關，日股收市時仍跌1.8%，令港股午後再插，但颶風古斯托夫登陸美國後迅速減弱，油公司估計可以很快恢復在墨西哥灣採油，油價早市已插了一段，下午再急插，期油跌到105美元一桶，最高跌10美元，跌到5個月的低位，油價急跌令美元再彈，昨日港股收市前後，杜指期貨由早前跌 22點，反彈到升77點，亦帶住港股止跌回升。

油價急插股市回穩

下午港股開始由低位抽上時，出市經紀開頭唔知升乜，見到恒地（012）[股價及相關新聞] 主席李兆基出席旗下美麗華酒店（071）[股價及相關新聞] 股東會後講№，就問係唔係四叔開口唱高鰦個市。李四叔昨日既評大市，又評碧桂園（2007）[股價及相關新聞] ，佢話目前恒指跌至21,000點，已經相當吸引，雖然港股因美國「兩房」陰影及內地宏調因素影響下回落，但由於內地經濟增長依然強勁，因此預計下半年恒指可重上23,000點。而美股在下半年會上番12,000點至13,000點咁話。

不過四叔說到碧桂園（2007）[股價及相關新聞] 就無晒表情，佢現時持貨量很多，已經「飽晒」及「蝕得很慘」，因此不會加碼吸納碧桂園。

無論李四叔睇市準唔準，他肯向傳媒交代的精神的確值得一讚，好多人買股輸鰦，會無眼睇，當無事發生。但李四叔當日推介過碧桂園，今日仍然願意話俾大家聽他都「蝕得很慘」，即係同大家一齊坐艇，無計。可能因為四叔話買碧桂園買到「飽晒」，暗示隻股短期難望好轉，令碧桂園股東無晒表情，昨日股價再跌3.2%，收3.39元，若散戶摸頂在14.18元入碧桂園，計落都好傷。

李四叔睇後偏向樂觀，信唔信見仁見智，大家投資要自己用腦，最緊要量力而為，李四叔係大富豪，買股票時機唔飱，可以坐貨長獱，普通散戶若借錢買股，唔好話再大跌，震一震都震死你。

可能咁飱得咁橋，四叔話完自己買股買到飽晒，又話睇23,000點，個市就反彈，連四叔自己隻龍頭股恒基地產亦升上47.7元，升鰦2%。

國貨航空股勁彈

不過中環茶友話，大市從低位反彈，理由可能簡單到無大戶要在月頭插低恒指，外資大戶怕做鰦淡倉俾阿爺出招救市夾死，所以重招按兵不動，既然無大沽壓，個市就隨大圍波動，油價咁跌，股市都會好番少少。

你睇石油、石化和航空就知，油價急挫，中海油（883）[股價及相關新聞] 急跌5.2%，有部份煉油業務中石油（857）[股價及相關新聞] 升0.7%，主要做煉油的中石化（386）[股價及相關新聞] 更升3.2%。航空股亦受惠，國泰航空（293）[股價及相關新聞] 升3.5%、國航（753）[股價及相關新聞] 大升8.7%、南航（1055）[股價及相關新聞] 升9.5%、東航（670）[股價及相關新聞] 升7.5%。

依家鱓股份一遇到基金減持，好易失重下墜，鄧普頓資產管理申報於8月27日，減持中國鋁業784萬股，每股平均價7.158元，持股量由14.1%降至13.9%。該股昨日收報6.9元，跌2.8%，成交2.1億元。早前宣佈半年少賺9%的哈動（1133）[股價及相關新聞] ，又俾基金沽貨，昨日再挫8.9%，收8.1元。

依家世界各國政府紛紛救市，為挽救正下滑中的樓市，英國政府財政部宣佈，樓價17.5萬英鎊的樓宇成交，將免收印花稅，以上措施將從9月3日起實施，為期一年，以免因經濟大幅放緩，衝擊住屋市場。英國樓市咁樣，英鎊都好難強啦，昨日就跌到1.7847美元的低位。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

商品股爆煲         

2008/9/3 上午 09:36:10
網誌分類: 經濟

　　港股玩跌完倒升，美股就玩升完倒跌，美股杜指昨日早段在油價跌美元升的氣氛下，曾大升２４７點，不過隨後就一直向下滑，杜指最後跌２６點收場，跌幅０．２％，收報１１５１６點。

　　美股的巨大升幅消失於無形，主要因為油價大跌，令能源股和商品股急插，蓋過了航空股和消費股的升幅，颶風古斯托夫破壞力不如預期，油價急插，１０月期油在紐約市一度插到１０５美元一桶，收１０９．７１美元，跌５．７５美元，是今年４月以來最低。CRB 商品指數跌３．４％，跌到３７８，現時商品市場談論的是商品在７月是長期見頂還是短期見頂，即使是短期見頂，即係商品牛市未完，但呢一浪大調整，還有一段要走。能源、商品下跌，美元向上，反映美元兌６隻主要貨幣的美元指數亦升上７８．０６，再上近期近高，炒美元反彈浪見頂者止蝕離場，要等美元彈高點先至再去博了。

能源商品股亦大插，標普５００指數中的能源股大跌４．６％，是一個月以來最大跌幅，由５月以來已跌了２１％。例如全世界第三大鋁商美國鋁業昨日股價跌５．２％，美國最大石油商艾克森石油跌３．４％，美國最大煤商Peabody Energy 急跌１２％，本來是標普５００指數今年第二佳表現股份的Massey Energy亦急跌１０％。

　　商品股急跌有因。管理３０億美元基金的South Bend首席投資官Ralph Shive話，市場中人本來在炒颶風古斯托夫好似過去的颶風卡特里娜一樣，會造成巨大損害，這樣久跌的油價就會大反彈，結果古斯托夫這個風無料到，炒家就唯有急急平倉，出現人踩人的情況，估計能源股和商品股還要再調整一段時候。

　　能源、商品股大跌搞到對沖基金都唔掂，Ospraie Management LLC 期下最大Ospraie基金宣布關門結算，因為這隻８月時還有２８億美元資產的對沖基金在８月跌了２６．７％，而今年累計跌了３８．６％，跌到關門的界線，唯有停止運作，沽貨結算，將餘款還俾投資者。Ospraie基金主要買能源、礦產及資源類股份，這些股票在８月開始勁跌，Ospraie因而受重創。

　　Ospraie Management LLC整間公司多隻基金在今年３月時合共管理高達９０億美元資產，在 Ospraie基金關門後，該公司現在管理的資產下降到４０億美元。

　　睇到Ospraie 基金結業，你就會明白香港上市的能源、礦產股為何跌得咁緊要，這些股票去年大升，主要是大量基金借能源和商品上升去狂炒這些股份，炒到過哂籠，而家能源、商品即使只是牛市中的大調整，商品未爆煲，但過去炒到起哂泡的商品股先爆煲。能源股、商品股跌到打靶位，炒這類股份的基金走唔切，最後頂唔順亦唯有不問價出貨。但股份跌之不停，沽完再跌，就搞到勁炒這些股份的對沖基金倒閉。

不過你唔使同這些對沖基金經理擔心，套用股神巴菲特的講法，這批「２－２０的傢伙」，佢好搵過你，佢地管理一個基金，一年收２％管理費，以Ospraie Management年初時合共管９０億美元資產計，２％管理費已經有１．８億美元。賺到錢還有２０％分紅，所以佢地一定搵命博，賺得兩三年，年年分你２０％，每年收幾億美金，收得兩三年都上岸。所以對沖基金經理o既心態一定「有前無後，打死罷就」。市場有這批人，先至炒得顛，亦因為有這批人，就把波幅大量擴大。

　　能源、商品股下挫，搞到對沖基金爆煲，可以想像，香港同類股份亦無運行，即使幕後有莊家，佢地要頂一隻市值１億的股份容易，但去頂一隻市值幾十億、１００億的股份好難，吓吓攞真金白銀出來頂，頂得幾頂就頂唔順，頂唔到又一隻爆煲，大家有這些股份在手，就真係要執生呀。另外見佢大跌後反彈，都唔好去撈，呢啲係博命錢，唔係咁易賺，你要預咗投入去o既錢可能輸清，先至好落注。

陸羽仁

http://www.hkheadline.com/blog/r ... rd=&searchtype=

Mr.Business

2008/9/4 上午 10:22:44  網友在此的回應

陸羽仁覆網友

Mkm:招行講明話發次級債券，前５年的５．７％利率和後５年的８．７％，是指年息，唔係指全期利息。

Christine:你在１３．１元及１０．２元買了利福，租金高企，消費下滑，對零售業不利，建議趁反彈先沽後買那批利福，近１０元上下可以沽出止蝕，博佢再升高啲到１１元樓上連第一批都沽埋。

A50基金１２．８元買，等大陸公布放寛宏調措施，大陸股市抽上，最好乘勢先離場。沽完應該有機會候低再買。

上述兩個答案都係中短線的答案，你如果話想揸A50 基金１０年，唔沽亦都唔妨，A股跌到１５００點就係可以不斷買入的水平，若睇１０年，２３００點又好，１５００點又好，長線上望都有光明前景。

下世紀再嬉戲：紅色股連大跌，部份原因的確和accumulator的平倉盤有關，accumulator有半年期，一年期，兩年期，高位時不少做了兩年期，要到明年才到期，你話幾慘。開了accumulator出街的大戶，唔食你你盡就傻啦，佢不斷借貨沽現貨，accumulator就不斷收錢，你話幾爽。

S2000:可樂要全面收購匯源，然後私有化，係睇好生意，唔係睇好股價，所以在街外買少少無用。

中移動基本因素無變，係人的觀念變咗，而家講的負面因素一早存在，例如未來３G接手後的潛在投資，但牛市無人講，熊市就大講特講，但你要知道，咁即係話即使佢基本因素唔差，但佢仲有得跌。國壽未大插，呢個就正正係我驚國壽的原因，按道理A股咁差，國壽更受正面衝擊，未插唔等如唔會插。

你問熊市乜位買４０５比較安全，我話熊市買股票無一個位安全，任何位買入都可能會再跌，但如果你係長線投資者，應該去睇第一佢本業的安全性，有的公司生意可以跌到蝕錢，佢收租租金應該跌兩三成都止到血，買佢等如買廣州商場商廈；第二要睇睇佢派息，而家係１００％派出可分派收入，明年開始派９０％，但派息即使下降，降兩三成又應該差唔多，所以可以分段去買，買入預咗佢會再跌，主要看息率做人，現價９厘幾，收息唔失禮，等低啲買當然亦都得，但唔好一注買哂。

基金係在熊市買收息股，在牛市買增長股，但亦有基金怕贖回把無跌咁多的收息股沽出。

Diskie：你在$19.26 買了 1000 股 中國交通建設 (01800)[股價及相關新聞] [股價及相關新聞] , 本想中,長期投資。雖然已事過境遷，但你當時個價錢等如中交建４４．４倍PE(真係唔係幾好意頭)，咁高PE買的股票，好難長線投資，以後在大牛市買股，不要輕言長線投資。我自己都有咁經驗，在牛市中高位買基金揸足７、８年，升番上去，也只是原地踏步。

個市唔好，分析員用現實點的角度去睇股票，就會不斷出報告調低目標價，現價距離你買入價太遠，無乜好建議，唯有建議你長揸。

VC：你問$6.5 買的匯源果汁應否趁今次高開沽貨，現價和可樂收購價１２．２元約有一成多啲差價，呢一成多差價反映咗交易不能完成的風險，由於匯源三個主要股東已經接受，目前最怕係大陸因為反壟斷不通過交易，你係穩陣派可以在市場先沽或沽一半，想博高少少就等收購，不能完成的風險有一兩成吧，不算太高。

熊懶根:和電出賣了最好的印度電訊資產，當年盈利大升，那個PE不能作準，而家只剩豬頭骨業務。

Flyinthesky:大陸經濟基調唔係咁差，但你唔好忘記，兩三年前大陸經濟一樣好，股市也只是１０００點，那時是過低，跌到２０００點估值合理，但唔能夠排除佢跌低啲，並牛皮一段時間，等有熱錢炒作才再開動，過去兩年呢一波大升，和外資炒人民幣升值有關，有錢炒，佢可以早過美股復甦，無錢炒，美股升佢未升都唔奇，唔係咁易估。美股是成熟市場，走勢可測性高少少。

Mr.Business

注：此篇文章版权归香港頭條網所有。

金融High Tea——股價永無反映價值
2008年9月4日

港股前天玩鰦一日V形反彈後，無以為繼，昨日轉頭玩插水，恒指低開77點，然後成日未好過，由20,965點反覆下跌至20,527點，收報20,585 點，跌457點；期指收報20,544點，跌616點，比現貨低水41點，成交81,935張。國企指數跌376點，報11,076點，大市成交561億元。

昨日開市前已可預計港股向下，因為前一日美股來個先升後跌，將杜指的247點升幅洗掉，因為油價和商品價格大跌，令有關股份急插，拖低杜指要倒跌收場，港股在咁鮋環境下開市，自然有壓力。不過結果港股跌到成為亞洲區冠軍，又似乎激鰦鱓。昨日日股仲升0.6%，新加坡跌1.9%，內地上證綜指收2276點，跌1.2%，港股就以跌2.2%做鰦下跌冠軍。

港股回吐又做冠軍

昨日市場流傳的下跌原因，又不外乎係商品股爆煲，又或者炒商品及礦務股的對沖基金Ospraie基金關門等消息，但這些因素不獨影響香港，唔知點解香港特別跌得甘，中環茶友話，前一天無厘頭地反彈上21000點樓上，昨日跌番落來先至合理嘛。

油價、商品大跌，外圍金銀銅鐵股都係咁跌，香港同類股份自然要跟，金屬股起勢插，中鋁（2600）[股價及相關新聞] 股價挫6.4%；江銅（358）[股價及相關新聞] 跌6.5%；首長國際（697）[股價及相關新聞] 雖半年賺逾一倍，續挫10.7%；馬鋼（323）[股價及相關新聞] 跌6.7%，重鋼（1053）[股價及相關新聞] 跌5.8%；鞍鋼（347）[股價及相關新聞] 跌6.8%。煤股亦唔掂，恆鼎（1393）[股價及相關新聞] 半年多賺2.7倍，但股價重挫10.2%；神華（1088）[股價及相關新聞] 跌4.6%；中煤（1898）[股價及相關新聞] 跌5.4%；兗煤（1171）[股價及相關新聞] 跌4.9%。油價大跌，中海油（883）[股價及相關新聞] 亦跌6%。

問題係應該跌的股份會跌，應升的股份卻不升，油價回落，國泰航空（293）[股價及相關新聞] 只升0.6%，內地航空股更下跌，話人民幣回吐影響它們盈利，國航（753）[股價及相關新聞] 跌3.4%、南航（1055）[股價及相關新聞] 跌1.9%、東航（670）[股價及相關新聞] 跌2.9%。不過同一隻航空股，內地雖然都係跌市，但仍然有得升，例如國航A股昨日就升2%，只能理解為外資基金在港沽貨。

昨日並非無好消息，股神巴菲特旗下巴郡獱大股的可口可樂，提出以179億元，全面收購礇源果汁（1886）[股價及相關新聞] ，等如以每股現金12.2元收購，收購價較礇源停牌前收市價4.14元有195%溢價。

追果汁股即時瀨№

礇源股東真係好似發鰦場夢一樣，我都識個散戶在去年2月抽新股買入礇源，招股價6元，第一日上市已經升到9.98元，佢無賣，因為想長線投資，到7月升到 12.2元高位，佢又無賣，結果就遇上跌市，今年最低在上月插到3.51元，而家突然話可口可樂用12.2元，即係去年的最高價位收購，佢只能以「O晒嘴」來回應。

我話可口可樂的大股東係股神巴菲特間投資公司巴郡，可樂出手買內地№，如果尊重呢位大股東，事前都會向股神打打招呼，股神同意才去馬，若是如此，即係話一向重視內在價值的股神，都同意可樂出呢個價錢買礇源。12.2元這個收購價，係預測市盈率40倍，以現時的市況睇當然是天價，但若睇長遠鱓又作別論，特別係可樂可以借礇源快速擴大自己在中國市場的佔有率，當然又值得俾少少溢價。

巴菲特最近話佢想買一間中國公司但失敗了，如今他持有主要股權的可樂又出手買礇源，點解呢鱓大投資者覺得可以買的東西，市場上卻無人吼呢？例如可樂可以用12.2元買礇源，過去呢個月任何人都可以在4元買到佢，卻又無人吼呢？

陸羽仁只能咁講，股票的市價，永遠不會反映股票合理的價值，有時市價貴了，有時市價平了，你識得揀，夠幸運，永遠有平貨在等你。不過唔好信其他飲品股一樣會咁被人收購，昨日市場憧憬其他果汁或飲品股有機會出現併購消息，昨早一度大幅炒高，例如安德利果汁（8259）[股價及相關新聞] ，最高升至0.71元，大升31%，不過跟住就急回，收0.58元，只升7%，跟風炒作，即時中招。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

熊之點滴（６）
       
2008/9/4 上午 09:18:14
網誌分類: 經濟

美股無大上落，杜指升１５點，升幅０．１％，升到１１５３２點，美元強勁支持美股。油價無大上落，１０月期油紐約收１０９．４９美元一桶，微升０．１４美元。

美國經濟前景明顯唔好，問題是股市如何回應，美國第二大互惠基金Vanguard Group Inc.的負責人John Bogle話，美國經濟困難的前景是非常、非常、非常清楚地擺在前面，但很難預估美股如何去迎接或者去消化這種困難的形勢。

美國聯儲局公布經濟調查報告「褐皮書」，話上月大部份美國地區的商業活動放緩，同時所有１２個聯邦儲備銀行地區都話因為商品價格上升，有加價壓力，不過由於出現總體招聘放緩的趨勢，令工資增幅溫和。由於金融危機和樓市疲弱，消費疲軟。

褐皮書展示一幅滯脹的圖畫，經濟停滯，物價上升，人民兩頭受壓，又搵唔到錢，又受到加價的生活壓力。聯儲局兩個星期後開會議息，雖然聯儲局會議紀錄顯示上次已經有三個聯儲備銀行的主席建議加息遏抑通脹，但估計聯儲局９月議息多數會維推利率不變，直到１２月。

早兩日講分析熊市除咗睇佢下跌的形態外，亦要睇佢o 既成因，今次由美國爆煲觸發的全球熊市，有深層的經濟原因，所以唔係咁易過去。有時大跌市是純政治性，例如２００１年美國９１１事件觸發的美國跌市，或者１９８９年中國六四事件觸發的香港跌市，政治性的跌市通常會較短暫，觸發跌市的政治問題解決後，股市好快又會重上升軌。有時跌市是純粹金融性的，股市炒過籠就要調整，但調整雖急，若未影響實體經濟，又會恢復得好快，１９８７年美國的股災，就因為升得太顛，最後因電腦程式買賣觸發跌市，但股市暴跌對實體經濟衝擊不是太大，結果一年多之後，到１９８９年美股又再上高位。

但今浪美股的熊市，卻是由實體經濟出問題開始，表面看股市面對最大的問題是次按危機和油價急升的壓力，但要理出一個源頭，應該是美國樓市下滑開始，美國樓市自１９９４年開始上升，升了１３年，升出一個大泡泡，到２００７年才開始下滑，本來樓市下滑已經大鑊，更由於美國人發明了大量有次級按揭成份的債券，樓市一爆，就觸發債市爆煲，債市爆煲，就令信貸緊縮；美國政府為了救市，就再大力放水大力減息救市，令本來已疲弱的美元急跌，再觸發商品和油價的大升浪，這個升浪當然有中國和印度的需求襯托，但真正觸發因是美元的弱勢，令全球的炒作資金轉去炒油炒商品；油價和商品價格大升，再推高全球通脹，結果就在需求減弱，通脹急升後，引發一次全球性的衰退。

這種跌市涉及最深層的經濟基本因素，各種因素盤根錯節，唔係咁易拆解得到。今年５月時，一度展現一個復甦的假象，當時美國的信貸市場開始有放鬆跡象，當時估算如果美國樓市在今年１２月左右到底，信貸緊縮開始舒緩，跌市可能較快地過去。但結果事與願違，到７月美國兩大按揭證券公司房利美和房地美再爆鑊，金融危機進一步深化，同時歐洲和亞洲亦開始被美國拖垮，出現滯脹之象，紛紛步向衰退，由於好多美國大公司依賴歐、亞，特別係亞洲市場支撐盈利，到亞洲一衰，再拖美國公司盈利，他們唯有以裁員節支來回應，就會加大調整的深度。如今看來，這次全球性的衰退，還有一段路要走。

對股市而言，牛市會長啲，熊市會短啲，熊市維持一年都好多，維持兩年只是少數，以美股為例，自１９６２年開始，以波幅無咁大的現代股市計，美股共經歷１１次熊市，平均維持３２２日，即係近１１個月，跌幅２９％，其中最長的是１９７３年跌市（也是石油危機），自７３年１月跌至７４年１２月，共跌了６９４日，跌近兩年，跌幅４５％。

而家我地聽到好多說法，話美國出現自１９２９年最大的樓市跌市，英國又話６０年以來面對最大的經濟危機，我們不能期望今個熊市係一個短期跌市，若以７３年的跌市時間計，今次熊市應該從去年杜指在年１０月9 日１４１６４點的高位回落起計，跌一年就跌到今年１０月，跌一年半就跌到明年３月，跌兩年就跌到明年９月。我講起呢啲時間，有個中環茶友嘩一聲，話唔係跌咁長呀嘛？我話買股要作最好的預備，最壞的打算，人人都希望熊市今天結朿，但客觀啲去講，要預咗佢仲有排捱。熊市要轉勢，亦要從美國開始。

陸羽仁

http://www.hkheadline.com/blog/r ... rd=&searchtype=

Mr.Business

2008/9/5 上午 10:39:01  

陸羽仁覆網友

Wawa:你啲好多股票離入貨價太遠，我唔識點建議你，唔等錢使唯有守佢幾年，唯一中海集運２．６５元入貨，若反彈上２元左右，可先減持，航運股下降週期可以好長。

紐元若不是買槓桿外匯可以守吓，一則收吓高息，二則美元咁彈法，加上美國經濟底弱，不會無止境反彈，有機會上番。

S2000:正如下世紀再嬉戲所講，可以接一大批貨斬倉，但好多人頂唔順咁做。但你真係無水去接貨時，經紀行都會逼你斬倉，再追你差價。

Govia:中交建未沽清，唯有守一守先。中央救唔救市唔知，但搞緊放寛宏調的措施，若出台紅色股或會彈一彈，面對美國的海嘯，唔好對中央的措施有太大期望，反而係俾短線客一個出貨機會。

牆頭草：你話揸澳元收息的心理其實好啱，揸港元無息收，即使揸澳元揸早咗，現價蝕少少匯價，但若揸一兩年，首先收咗息，而且兩年內澳元都好多機會上番你的買入價，美元唔係底子強，係對手跟住自己弱，美元回升大量高息貨幣倉要被逼拆倉，再推升美元，但長線幣值反映經濟，又睇唔到美元可以大升特升。

三心兩意：A 股還在大上大落階段，未到熊三，熊三股市波動好細，成交更少。熊市未走得夠深，會一段一段殺撈底客，要問一隻股佢跌夠未，有些強股現價再跌２０％、３０％唔奇，散戶心態是還以為大市好快見底，有少少似李四叔上一次講跌到２１０００點無得再跌，今次講話今年會上２３０００點，其實仍係一個睇好心態，我擔心其實熊三有排未到。

如果只有兩粒子彈，又係長線而唔係博反彈，唔使咁快買中移動，坐定定睇番兩三個月大龍鳯先啦。

基金洗倉係應付客戶贖回，但出重手插股份觸發大跌的或者係另一類人。

Indy:任總接受訪問當然有動機，就係側側身話俾大家聽外匯基金第三季回報都唔靚仔，等大家有心理準備。

Mr.Business

注：此篇文章版权归香港頭條網所有。

金融High Tea——強股輪住打靶
2008年9月5日

港股陰陰跌又創新低，恒指低開40點後，一度彈上20,621點，但其後就反覆下跌至20,357點，收報20,389點，跌195點，跌近去年8月中跌市的低位；現貨收市後期指再插，收報20,240點，跌303點，比現貨低水149點，成交73,097張。國企指數跌151點，報10,924點，大市成交564億元。

內地股市亦無厘生氣，上證綜指收報2,277點，微升0.03%，但上海和深圳兩市成交額共計389億元人民幣，靜到好可憐。

不過港股就一鱓都唔靜，殺氣甚濃，早排殺完隻中移動（941）[股價及相關新聞] ，昨日輪到隻中交建（1800）[股價及相關新聞] 爆鑊，該股遭多間大行唱淡，股價前日插4.8%，昨日再急挫13.7%，收報10.78元，最低仲見過10.28元，中交建股東獱住咁大隻股以為毋須太驚，點知兩日夾埋唔見鰦近兩成，真係幾誇張。中交建咁跌法，拖累其他基建股急跌，中鐵建（1186）[股價及相關新聞] 跌5.9%，中鐵（390）[股價及相關新聞] 跌5.3%。

Accumulator股死得人多

大行報告睇淡中交建，如德銀發表報告， 調低中交建的投資評級，由「買入」降至「持有」，目標價由20.5元降至13.7元，德銀下調中交建設預期2008年、2009年及2010年的每股盈利預測分別16%、 16.6%及19%， 至每股盈利0.49元、0.63元及0.73元人民幣， 以反映原材料加價等因素。德銀預期，中交建設等基建股未來可續受惠於營運收入增長，但成本上升令毛利改善空間減低，料今年上半年持續性業務盈利30億人民幣，按年升46%。

大行報告多數係見好市唱好，見淡市唱淡，唱淡本來不奇，但只係有負面報告就咁洗倉式下跌，就有少少過份，而且紅色巨股一隻隻咁暴跌，真係殺人無數。表面睇，進入熊市，跌完弱股，就開始跌到強股，因為強股股價較貴，好似中交建跌到而家市盈率仍然有24.7倍，再跌一鱓都唔奇，即使以德銀預測的08年盈利計，現價預測市盈率都有19.7倍，仍然不算平，插起上來仲有空間。

不過除了表面因素外，還有衍生工具的因素。這些紅色巨股上市時急升，有大量衍生工具如Accumulator（累股票據）在高位造落，好似中交建以4.6 元上市，去年11月高位見過25.4元，股價在去年初10幾、20元開鰦大量Accumulator，吸引鰦大批大散戶接鰦貨，有些合約長至兩年，大散戶在升市時持有Accumulator以折扣收貨收得好過癮，但跌落來要天天接貴貨就十分慘情，好似中交建，開鰦Accumulator出街的機構，自然覺得跌唔夠多，搵到機會就狂插佢，插得深，執得多。可憐接貨者若財力唔夠，無法持貨，唯有即買即沽，日日輸錢，亦加深了相關股票的沽壓。

我有個朋友今年4月先至造鰦張中移動的Accumulator合約，在120元接貨，做完仲升鰦一浸，升到130幾元，後來好景不常，中移動好似食瀉藥咁，出完業績又被人插，隻股昨日插到84元，你諗纒在市價84元時，日日要買120元中移動的滋味，大家記住有水都唔好再做Accumulator。

果汁啤酒輪流亂炒

我懐都唔知市場上所有已發行Accumulator合約的全期貨值總量，我估閒閒地都以千億計，發行機構而家咬住來食，自然想隊到相關股份有咁殘得咁殘，天天坐係度收錢，相信唔等這些衍生工具合約到期得七七八八，呢鱓股份好難好景，散戶和大機構對賭，邊個贏邊個輸唔使講都知。

我同中環茶友講起，雖然大市唔會一條直線咁跌，跌得多會反彈，但現時輪住一隻隻大股，一個個行業咁插，的確幾得人驚。強股跌得唔夠多，隨時會中招，內地金融股唔安全，內銀股有地產壞帳，保險股有投資虧損；香港地產股亦唔穩陣，最近幾個月無新樓賣得成，租金市場又有下插之象，總之捕風捉影，獱住股票有排驚。

可口可樂斥巨資收購礇源果汁（1866）[股價及相關新聞] ，這種重大併購消息，本來係有利大市的好消息，但市弱就只炒個別股份，唔炒大市。礇源收購將要接受內地反壟斷審查，礇源跌7.7%，收10.1元，呢個價錢比可樂提出的12.2元收購價，有兩成水位，就反映緊收購唔能夠完成的風險。前日借礇源消息炒完果汁股，昨日轉炒金威啤酒（124）[股價及相關新聞] ，隻股一度大升53%，升到1.3元，最後收1.05元，升22%，有心人借消息炒作，隨時玩一兩日就出埋貨，散戶跟風要極度小心，夠膽炒都要嚴守一成止蝕，唔咪好易坐艇。

陸羽仁

http://www.hkheadline.com/news/h ... mp;section_name=wtt