【专题讨论】转载香港頭條網陸羽仁, 王雅媛的文章

Mr.Business

2008/1/25 上午 10:57:25

陸羽仁覆網友

Ray:你問我恒指會反彈幾多，我就唔識答，只能話在炒反彈中，大戶呢個月倉位應已轉咗好倉，我覺得這一段大市好多人為操控因素，睇基本因素，分析指數合理價唔太有用，經紀張亦問過我這個問題，我話，等我打電話到美國問吓幾間大行佢地想香港期指呢個月幾多點結算先答你。　　

陸東話「先跌，後升，再跌」，我唔知佢背後假設，我話主要看美股能否穩定下來，若美國頂得吓，港股係先跌後升格局，若美股頂唔順，次按一兩個月又爆，那樣就係反覆向下。另外睇相佬估股市，我一般都唔會參考。

基於上述大市分析，匯豐會唔會再試８０、９０元的新低位，一要看大市，二要看佢會唔會要大幅撥備。另答網友Tom，若匯豐要大撥備，減派息亦唔奇，到時股價會再插，五五波啦。

股惑仔：我估大戶呢個月做期指好倉多啲。信六成好啦，可能錯。

Yuki:港股短線炒反彈向上多啲。

Chris：你問昨天開市９４１的競價盤為何波動咁大，每逢美股大升，都有一班人在開市搵食，所以競價盤會好波動。

Cyrus Ho:你問如何看利率期貨看減息機會，我估係由價格走勢用條式推出來，具體點計我唔知，我睇到已是人地計出來的結果。

Gigi:你話用閒錢買股，在大波動市都瞓唔安，食唔落，我本想寫篇網誌講吓，先講兩句，每個人EQ唔同，愛風險的性格不同，個市咁波動，若不愛風險的人，會好難受，建議再減少波動股票投資，如越秀房產基金（４０５）那些牛皮股就啱你嘞。

Iwanttoknow:在高風險時轉換組合到較大較安全的股票，絕對係合理行為。

小魚毛：蟹貨多，自由少，想買國壽，只宜小注。大市始終風高浪急，有風險。

Wall:止蝕了中信銀行，宜換馬到較不受宏調影響的紅色股。大市咁波動咁飄，好多止賺止蝕位也無沒執行，以止蝕計，若在高位買貨，一早應執行，但在大波動市，若要止賺，較易被震走，建議有賺後，亦守買入價低一成的止蝕價，俾多少少空間隻股波動。

Yy太：你個經紀講窩輪的話基本上啱，若你本身唔識窩輪，我都唔想教識你，早前提到窩輪，主要是早前大跌市網友話買貨時，主要風險係股災，所以我話可以買少少沽輪對沖股災大跌的風險。其他對沖方法，包括高位減持部份投機獲利貨，定止賺止蝕位，分注投資等等。

Elsa:個市好波動，你入貨價２６０００至２７０００點，未算太高，等吓啦。

Suki:你３２．５元買咗理文造紙，佢急跌時應止蝕，看似基金在急跌時洗了倉，要等一排。不同意溝貨，等吓反彈再算。
過路人：文采一流。

Mr.Business

刚刚发现陸羽仁在香港頭條網的专栏<金融High Tea>，所以也将这里转载(从03/09/2007到现在的文章）。

Mr.Business

注：此篇文章版权归作者陸羽仁和香港頭條網所有。

金融High Tea——大泡沫時代來臨

2007年9月3日

港股上周五在美國總統布殊出手救市的傳言中急升，直撲24,000點大關再創新高，結果薯仔總統出來救市，而且聯儲局主席伯南克也出來加把口，齊齊托市。

薯仔公佈新措施，讓聯邦房屋管理局為拖欠還款90日的業主，提供貸款擔保，免他們斷供被收樓，以及可以較優惠的息率進行再融資，並建議國會修訂稅務條例，減免被收樓業主的稅務負擔。

聯儲局主席伯南克亦扯住薯仔總統條貓尾，行出來出口術救市，伯仔強調，會在有需要時採取行動，減少樓市惡化或對消費支出和經濟增長構成的打擊，暗示會減息。薯仔、伯仔合演一場救樓市的好戲，投資者憧憬新措施能穩住市場，美股當日開市隨即抽上，最後杜指升119點收場。

美國大鑊拖住不爆

由美國總統出手救樓市，近幾十年罕見，亦顯示美國樓市危機極其嚴重，事實上係壞消息。美國救市可謂無所不用其極，早前美國證監會已經放水，容許金融機構彈性處理帳冊以外的次按資產，讓他們可以繼續再借錢，為那些不能還款的業主重組債務，最近美國的參議員Charles Schumer更寫信畀四大核數師樓，「提醒」它們美證監容許這種寬鬆處理。睇完美國政壇這些救市措施，真係覺得好好笑，平日誇口監管水平一流的地方，危機出現時就只是用隻眼開隻眼閉的方式救市。不過救還救，樓市唔易救，香港最有樓市爆煲經驗，爆起上來，政府出盡九招，停晒賣地，都要等幾年先醫番好。美國的招數更有頭痛醫頭的味道，主要想減慢那些次按業主掟鎖匙走路的速度，好難醫好樓市。

但從炒股的角度看，美國政府全力救市當然是好消息。美國是全球的「萬水之源」，美國政府話要救樓市，美國聯儲局暗示有息減，又出政策又放水去救市，應該止得纒咳，而且一劑唔得可以出兩劑、三劑、四劑，點都頂得纒，而且大水湧入金融市場，灌水浮球，又會暫時將次按市場的欺詐問題掩蓋下去，拖慢次按爆煲的速度，或者可以將危機拖到明年，大家暫時當無事再炒過。

短期好消息盡出

我早前已講過，港股受兩大力量左右，美國次按是大鑊，形勢嚴峻，中國北水自由行屬大好，亦是來勢洶洶，一好一壞因素交織，陸羽仁傾向睇好。現時加埋美國政府全力發功，應可把問題再埋入地毯底慢慢搞，所以減低了港股另一憂慮，中線前景可以再更睇好一些。不過陸羽仁永遠相信「福兮禍所倚，禍兮福所伏」，今次美國政府救市的好消息都出埋，港股可能再衝一段，但短線好消息盡出，恐怕升完之後在月頭要先回一回。

港股真正利好因素是北水自由行，上次講過，今次仍想再講。上次講的是基本分析，今次想講對投資炒作的影響，陸羽仁認為阿爺放北水來港，會令香港的投資市場泡沫化。

上次講過今次阿爺試點放水，主要是一個「藏匯於民」的政策，國家有13,000億美元外匯儲備，而且還因為貿易盈餘而快速增長，人民幣不斷升值，國家不想獱住咁多外匯不斷蝕匯價，所以想放開讓人民換匯到外地投資，並長遠實現人民幣自由兌換。

外匯放出去，第一步放來香港買股，除了益香港之外，還有為內地股市降溫的考慮。不知大家有無留意，自從今年5月30日阿爺突然加股票印花稅為股市降溫後，內地股市從當時低位上證綜指3600點一直升到上周五收5167點，中間都未有大調整，一直升個不停。原來那次財政部加股票印花稅搞出事，有人走去衝擊財政部，網民在網上大罵特罵，責怪財政部出爾反爾，當時上證綜指高位從高位4335點跌到3600點，後來迫到政府要出口術救市。自此之後，阿爺都不再想用這些非常手段為股市降溫，怕再俾人罵；內地股民都好精，吃透了「管理層」不會再出辣招，所以放心炒作，上證綜指亦由加印花稅後的低位大升43%。

內地股市升極唔停，明顯出現泡沫，不太健康，阿爺唔可以出重手調控，放北水自由行，就是想從根源渠道解決股市過熱的問題。為何內地股票可以炒到50、60 倍PE（市盈率），主要是游資太多，投資機會太少，供求失衡，股價就大幅炒上。如果開放內地資金出外投資，投資機會增加，選擇多了，理論上炒A股都唔會咁狼，特別是香港的H股和內地A股根本就是完全同一種貨，不過兩地有不同價錢，A股升得太多，北水來香港炒纒H股追落後都好合理，客觀上就間接增加了股票的供應，有助穩定內地股票的價格。

內地降溫 香港升溫

不過一個銅錢有兩面，內地股市降溫的一面，就等如香港股市升溫的另一面，從香港的角度，內地是把股市的泡沫出口到香港。這是一個快樂難題（happy problem），股民當然想個市有泡，正如社保基金主席項懷誠都講過，好似啤酒咁，一鱓泡都無，無乜味道，但又怕佢成杯都係泡，結果只飲到泡飲唔到酒。

內地人見到A股係咁升，自然炒個不亦樂乎，大多數股民目前無意轉炒港股，暫時唔覺得北水自由行有效，所以消息公佈後內地股市只跌了半日，跌唔夠一日。但你知我傾向從決策者和大戶的角度思考，如果北水自由行初時無效，阿爺咪搞到佢有效囉，天津不夠，全國放開，只炒港股不夠，咪放埋炒其他資產，其他地區囉。所以目前政策拖遲推出，表面看是內地證監會和銀監會打架，搶奪政策控制權，但最後阿爺要做，一聲令下，就無得再打架，立即出台；我睇得陰謀鱓，或者阿爺見個消息咁好，想拖長好消息的效應，香港11月區議會選舉，或者阿爺想不斷放出好消息，等股市炒到11月也說不定（只是靠估，你信五成就好啦！）

泡沫殺到 莫急離場

反正北水自由行其中一個目的要出口泡沫，所以泡沫自然會殺入股市，慢慢殺到樓市也說不定（長遠會容許投資股票以外，甚至其他地區的資產），香港人好自為之。我早幾日已經講過，依家股票愈來愈貴，以H股為例，30、40倍市盈率（PE）者比比皆是，雖知這種市況，公司好易有很多投資收益（例如保險公司），盈利已被吹大，若港股再炒到內地咁有50、60倍市盈率，話佢無泡沫你都唔好信。

我們要迎接這個大泡沫時代的來臨，大戶炒家見阿爺擺出鰟咁樣陣式，短期兩三個月內一定會順勢而炒，推高才派貨，不會在現階和阿爺對覑幹，因為大戶目前隊低個市，遇上阿爺進一步放水，隨時俾阿爺夾死，所以會順勢而做，先向好走一程，我們要預鰦未來股市會大風大浪。

我等老散，若見股市咁凶險，沽清唔炒，兩三個月後會相當後悔，但如果唔知大泡沫市的風險，鲻身借到盡去炒，一兩年後會更後悔。泡沫市是最開心、又是最凶險的股市，我對投資者有少少建議。

貴買好股亦是炒股

第一，有貨在手者，即使見回吐也不用急急清貨，有貨要坐纒（有靚樓都唔好沽住），股市高處未算高，未來會有更多人調高港股的預測，持貨等下一個浪到，然後定止賺位都未遲，依家清貨，你可能想等跌市，但等幾個月跌市未到，股市又大升，24,000點你沽，25,000點你唔入市，26,000點熱火朝天時你就會再入市，最後會死得好慘。

第二，早前已清貨者，入唔入市好就要自己執生，但若你見調整入市買股，千祈唔好當投資，可能不少人有些好股名單，話可以長獱，例如中移動（941）[股價及相關新聞] 、例如國壽（2628）[股價及相關新聞] ，我就話這些股即使好好，你現價入，都係貴買好股，要有一個炒作心態，乜№叫做炒作心態，就係有防避風險之心，唔定止賺位唔緊要，最緊要定止蝕位，你等佢調整入，一入完唔好彩，就跌10%，你要打靶，唔好扮晒股神巴菲特，話好股要愈跌愈買，跌穿250日平均線就更加要狂買，依家次次跌完都大升，到最後一跌時，就唔係咁樣一回事，好股都可以跌到得番一半價錢，甚至更低。記住依家買股係炒股，炒股要止蝕，睇錯鰦止蝕完可以候機再買，又是一條好漢。

記住要有避險之心，享受大泡沫時代吧！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——直通窒步 北水照買
2007年9月4日

「港股直通車」到站前窒步，恒指低開後，最多跌過373點，其後跌幅逐步收窄，收市跌80點，報23,904點，大市成交844億元。期指收報23,933點，更倒升79點，比現貨高水29點，成交47,048張。國指跌幅收窄至41點，報14,297點。

港股直通車窒步的消息，由內地雜誌《財經》引爆，話過去兩周港股急速上漲，促使決策層驚覺，無限額放行境內資金，對市場有巨大影響，要對「港股直通車」的風險和操作方式重新評估咁話。

消息一出，大炒A、H股折讓的股份亦有回吐，例如「折讓三寶」中鋁（2600）[股價及相關新聞] 跌2.1%、江銅（358）[股價及相關新聞] 跌1.9%及大唐（991）[股價及相關新聞] 跌1.3%，不過昨日跌市有800幾億成交，而且跌幅收窄，國企指數只跌41點，有買盤入市，相信亦係偷步的北水，內地有錢人似乎唔相信呢一轉「港股直通車」會出軌。

兩個部門大鬥法

內地盛傳中國銀監會和證監會有爭持，銀監會一直認為開放外匯出口投資，主要通過銀行體系，只屬銀監會的監管範圍，但證監會認為跨境買股，證監會都要管，兩個系統打交，自然會利用自己的友好媒體放放料。

股民擔心這個「港股自由行」政策傾傾纒會泡湯，但陸羽仁暫時唔太擔心，因為如果真正如此，港股跌番2,000點都有份，到時會怨聲載道，相信阿爺都唔想自己搞到香港個市咁波動。至於話阿爺見香港股市在消息公佈後炒高，怕放內地股民出來買港股會高位接貨，我就覺得有少少過份擔心，佢地唔出來，留在國內買更貴的A股，風險咪更大。

據熟悉內地銀行界情況的朋友話，中行（3988）[股價及相關新聞] 籌備這件事已一段很長時間，內地炒慣股的大戶，中行老早叫他們開了戶，一公佈港股直通車的消息，這些人已經等覑來港，後來政策一直拖延實施，估計大約有三分之一的資金已經暗中搶先流入，飲頭啖湯，所以公開的北水未到，私下的北水早已到了，趁住回吐吸貨。

一般而言，大市在月頭都會轁轁，但今個月遇上美國薯仔總統公佈救市方案，又有港股自由行隱而未發，所以月初都算幾波動，由於引述波幅高，期權價亦不正常地高。睇纒過一兩日會唔會靜番少少，外資大戶通常等到月中才開始發功。

大市方向未明，個別股份有消息繼續炒，好似東航（670）[股價及相關新聞] 終於落實引新航及淡馬錫控股入股，股價最多翻一番創7.5元，收市仍升75.1%，報6.53元；國航（753）[股價及相關新聞] 創9.99元新高後倒跌1.65%，收9.54元，南航（1055）[股價及相關新聞] 創10.9元新高後升幅收窄至2.32%，收10.16元。東航去年勁蝕，一直係弱勢股，今次借新加坡資金入股，弱勢當強股，起勢追落後。

雷曼推介建行工行

部份讀者愛中資銀行股，雷曼發表的報告可以參考，雷曼分別調高幾家中資銀行目標價，當中以工商銀行（1398）[股價及相關新聞] 及建設銀行（939）[股價及相關新聞] 為首選。雷曼將工行H股目標價，由5.65元上調至6.11元，維持「跑贏大市」評級，同時，調高其07、08、09年盈利預測，分別上調7.2%、 6.4%及5.7%；該行認為，工行是其中一家擁有最佳分銷網絡及存款經營的中資銀行，相信可進一步提高其淨息差收益，以及來自資本市場的非利息收入。

雷曼指建行今年上半年增長勢頭強勁，相信可持續至年底，故將其目標價由6.51元上調至7.22港元，維持「跑贏大市」評級。陸羽仁本來看好建行有大量按揭業務，不過建行早前炒回歸A股，升到過籠，所以現價計值博率和工行不相伯仲。

另外，雷曼上調交通銀行（3328）[股價及相關新聞] 目標價，由8.28元升至8.6元，維持「與大市同步」評級，但認為現價已大致反映價值。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——買碧桂園定買新地好
2007年9月5日

港股升抵新高，開始遇上阻力，恒指一度升至24,127點歷史新高，但下午再回軟，收報23,886點，倒跌18點；國指創14,575點新高後升幅收窄，收報14,338點，升42點，大市成交922億元。期指收報23,800，倒跌136點，比現貨低水86點，成交47,247張。

個股方面，建行（939）[股價及相關新聞] 發A股在即，股價創6.82元新高後升幅收窄，收6.65元升2%；港交所（388）[股價及相關新聞] 股價亦創149.9元新高，收報146.6元，只係屹高鰦兩個價位。

大市進入自由浮動區

上月恒指急升，大市係高位結算兼轉倉，炒反彈食得應的大戶，已經飽飽，所以月初傾向放手，讓個市自由浮動。從港元匯價同交投有成九百億元睇，個市買意仲係偏強，但因為無鰦大戶朝指定方向炒作，當買意稍歇，個市就腳仔軟，所以尾市回番。

市場友話，九月個市通常偏淡，加上資金自由行一直只聞樓梯響，既然北水無咁快南下，就算資金想買貨，暫時都唔使咁急高搶，所以個市係高位先轁轁，亦都十分正常。

中環茶友昨日的話題，係中資股升個不停，好多公司紛紛晉身巨企，好似被恒基李四叔品題的碧桂園（2007）[股價及相關新聞] ，八月股災過後開始發力，升上13.6元的歷史新高，以發行股份163億股計，市值達到2224億元，等如李四叔隻恒基（012）[股價及相關新聞] 市值1,070億的兩倍，同全港最大上市公司新地（016）[股價及相關新聞] 2,664億市值相去不遠，如果用計數機計一計，假如新地股價唔郁，碧桂園股價只要升到去15.3元，兩者市值就可以看齊，唔知係咪呢個原因，所以新地昨日股價都有追捧，收市報107.7元，升了2.7元。

碧桂園同新地、恒基這些老牌地產股點比，茶友間講起就口水花噴噴，有人話二千年科網狂潮期間，電盈（008）[股價及相關新聞] 市值去過五千億元，等如兩間和黃（013）[股價及相關新聞] 或三間恒生（011）[股價及相關新聞] 的市值，但最後公司盈利同資產，先係決定股價的因素，概念同憧憬只能夠短期推高股價，投資者要保持清醒頭腦，先可以係投機狂潮下保持理性。

內地企業勇字當頭

但另一位茶友話，現在買股不能不買中資股，而且最好係上內地睇完先買，因為上內地睇過，就會驚訝內地發展速度的驚人，而且內地人做生意，同香港人好唔同，他們視野習慣睇大市場，只要找到一個成功方程式，就全面進軍，在全國遍地開花，港商發達發得耐，太過知道風險是甚麼一回事，往往有金執都一邊執一邊望，結果咪輸俾人囉。你睇纒香港的大學出富豪，數來數去最叻鰟個咪係膽正命正兼無錢的何鴻燊，皆因香港大學生個個讀飽書，十居其九寧願揀做高官或專業人士，創業精神已經遜色，而且眼光受社會環境影響，變得非常短淺，但內地發展無耐，企業家個個都有種食唔飽的飢餓感，承擔風險的胃納高好多，復旦大學就出鰦復星集團（656）[股價及相關新聞] 幾個有錢佬，四十幾歲人講緊有近百億身家，證明內地人做生意勇意當頭，博起上來緊要過香港人。

碧桂園同新地的比較，其實已經唔係新鮮，好似工行（1398）[股價及相關新聞] 上市，市值好快就超過礇豐（005）[股價及相關新聞] ，將中資股同傳統藍籌比，等如係蘋果同橙，不能直接比較，因為買新地肯定係風險低，回報自然係慢一點，碧桂園其他內房股風險肯定高過本地藍籌，買得落去梗係想博，你話如果要博，不如博得盡鱓，陸羽仁唔會阻止，坦白講，個市現在去到兩萬四千點，若然以前無買股，現在先去追貨，當然唔係講同隻股做人世，最緊要係投資者知道自己正在做的事，將來萬一輸錢，又話自己無知就得腬。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——高位食胡賺多浸
2007年9月6日

美股造好，但港股創新高後一度倒跌，尾市又再回升，收報24,069點，升183點；國指創14,606點新高後倒跌至14,123點，收報14,286 點，跌52點，大市成交891億元。期指收報24,050，升250點，比現貨再低水19點，成交61,124張。

認新股有機會賺餐茶

單論大市走勢，昨日都幾醜樣，最好升近四百幾點，但跟住又可以倒跌，若然炒期指同窩輪，一上一落己足夠震走散戶，不過落到去低位，又有買盤吸納，令指數企番係兩萬四千點附近。事後解釋係內地經濟數據強勁，溫總暗示宏調或會加大力度，成為沽售藉口，但真正理由應該係大市累積升幅太多，內資自由行暫時只聞樓梯響，買盤入貨自然放慢手，低位入貨的大戶又趁月初食一輪胡，炒AH折讓股處於整固，中鋁（2600）[股價及相關新聞] 跌3.57%、大唐發電（991）[股價及相關新聞] 跌2.6%、江銅（358）[股價及相關新聞] 倒跌2.2%。瑞銀宣佈減持了千幾萬股大唐，相信外資就算不是看淡國企股前景，但見自由行政策有排至落實，都會沽點貨出來游水，炒炒短線賺錢。

點解陸羽仁話溫總加強宏調只係跌市藉口，因為如果怕宏調，內房股應該首當其衝，但昨日有消息的內房股表現不俗，保利香港（119）[股價及相關新聞] 斥14.3億元購母公司深圳土地及物業，破頂再升6.92%；半新股方興（817）[股價及相關新聞] 超額配股權獲悉數行使，勁升13%創新高，可見資金都係輪流炒。

新股市場開始熱鬧，明早首日掛牌的內地電解鋁電容器生產商德普科技，昨日暗盤成交價為1.39元，較招股價1.3元高6.92%，最高見1.45元，以目前市況賺餐茶應該唔難。

地鐵股價進入安全期

藍籌股昨日較矚目的股份係地鐵（066）[股價及相關新聞] ，股價升破二十元大關，兩鐵合併前，地鐵可以話處於安全期。今次合併，港交所（388）[股價及相關新聞] 理事同獨立股評人David Webb曾經走過出來，呼籲小股東反對合併。中環茶友話，呢位股壇長毛過去曾被視為小股東代表，但經過長期觀察，好明顯他是代表基金利益多過一般投資者，好似今次兩鐵合併，若然失敗肯定股價會下挫，過去他對於好多私有化計劃，都代表基金走出來搞局。

今次合併，地鐵根本係大贏家，將來新公司不但壟斷鐵路服務，而且仲可以取得加價自主權，根據通脹參考數據加減票價，可見將來通脹回升，呢點根本對地鐵有利，而且地鐵的土地儲備本來已經見底，現在政府送多幾個地盤俾新公司，等如係送錢入地鐵股東個袋。講真，若然兩鐵不合併，地鐵就算不面對九鐵爭客，自己盤生意都係「死蠱蠱」，焗住去海外爭合約，但係英國、澳洲投標，未中標已花一大筆準備費用，唔好得過爭食雞肋幾多，股壇長毛話合併方案唔吸引，根本就係要價太盡，有可能貪字變個貧。

幾個月之前，王氏港建（532）[股價及相關新聞] 大股東提出以1.65元間接私有化，股壇長毛吸納一批股份後提出反對，結果王氏港建昨日只有1.45元，比私有化作價低一成以上。無可否認1.65元的價錢不能夠全面反映王氏股價，但小股資者不同基金，基金本大，手頭有錢就要買股，所以遇覑大股東要私有化，死都要企硬收十足，小投資者本小，最好係快買快賣，反正市場上仲有好多股份值得投資，至於今次反對地鐵合併就更加「無厘頭」，茶友批死若然合併失敗，地鐵股價肯定無運行，所以如果信股壇長毛者，手頭有地鐵就應該沽貨。不過，照計地鐵股東應該唔會聽他支笛，開大機會應該較高，所以有貨在手者，可以再睇多陣。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——愈降溫 愈炒上
2007年9月7日

美股受到二手樓急劇放緩影響，急挫百幾點，但港股低開211點後跌幅逐步收窄，下午一度倒升，收報24,050點，跌19點；國指報14,423點，升 136點，大市成交794億元。期指收報24,071點，倒升21點，比現貨高水21點，成交55,087張，通常大戶若然要推低大市，月初個十日應該比較容易，從今個星期大市都係跌完回穩，走勢睇落都幾硬淨。

藍籌股中，港交所（388）[股價及相關新聞] 升2.07%創新高；地鐵（066）[股價及相關新聞] 10月9日開股東會表決兩鐵合併，股價再升7.04%亦創新高，成交又打入十大，相關窩輪全部飛升，本來地鐵仍係藍籌中的弱勢兼蝸牛，窩輪引伸波幅低，現在開始炒熱，有可能已觸發對沖買盤推高股價，令昨日股價在大成交下攀升。

中證監想抑H揚A

內地股市消息滿天飛，昨日銀監會宣佈再調高存款準備金，一般估計八月份通脹可能再升，令領導人不斷放風，話要加強宏調。另外，中國證監會主席尚福林表示，中國股指期貨的準備工作已經完成，待條件成熟就可上市，券商提供股指期貨的模擬交易正進行得如火如荼，外界認為兩個月後有機會出台。

期指推出提供了一個沽空途徑，究竟內地大戶會先推高股市再在期指沽空，抑或等期指一出即係出手做淡，相信要睇當時氣氛，但期指出台日子一訂實，大市氣氛就會變得緊張，所以暫時大部份關於內地股市的消息都係偏淡，昨日深滬股市未有反應，上海綜指再創新高，巨股平保重新再炒上百元之上，國壽、工行繼續造好，但照睇中央的降溫措施，仲會陸續有來，不斷加重狂牛肩上的沙包。

內地證監會近日有抑H揚A的姿態，昨日高層出來講，話兩地股份存在差價，未來都會存在一段時間。本來有消息話中央不想已來港紅籌發A股會拖慢，今年應該都做唔到，但最近國企紅籌的消息又開始多番，有部份已經在內地掛牌公司，實行發A股收購，亦傳出建行會集資五百幾億元，有動作的中遠洋（1919）[股價及相關新聞] 、中海油田（2883）[股價及相關新聞] 、上海電氣（2727）[股價及相關新聞] 都持續強勢。雖然話現在已近年尾，大部份想發A股的紅籌應該都會做唔切，但消息咁樣傳出來，部份短炒熱錢又可能會轉為湧向紅籌。

雞股個別有異動

大型股份，特別係中資股走勢無之前咁急上急落，走短線水位收窄，個別莊家股又開始活動。茶友話，早排個市雖然回升，但莊家股、雞股大部份無郁，理由不是莊家無水，而係巨股波幅都已經變成好似股仔，老散又點使買股仔，莊家見到咁鮋環境，知道係咁樣環境下，郁來都係㎡氣，不如慳番啖氣好過，於是索性放手，任由手上的雞股自由浮動。

茶友話，中資股最搶鏡的日子，連礇控（005）[股價及相關新聞] 交投都打唔到入十大，幾百億市值的巨企今日升兩成，明日又升兩成，散戶走出炒窩輪，刺激過去澳門，但中資股郁完一大輪，進入了休息期，呢點可以從礇控交投上番第三位睇得到，礇控股價差不多百四元，昨日收市跌了六角，同之前中資股的波幅比，簡直係大悶場，這個大環境對莊家開始有利，走出來耍番兩度功夫仔，至少都可以搶到多少注意力，所以可以見到有部份股仔又開始有番交投，部份仲開始稍為炒上去，現時股仔只係局部炒作，如果巨企同中資股繼續靜，不排除會有股仔陸續發圍都唔定。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——海嘯前夕 大海執金
2007年9月10日

港股在上周五唔係點跌得落，恒指收23,982點，微跌67點。不過美國周五公佈就業數據非常唔靚仔，上月職位減少4000個，和市場預期增加10萬個相差很遠，是2003年以來首次職位下跌，消息一出，美股大跌，杜指急挫250點收場，市場開始憂慮次按風波令美國經濟衰退，經濟差令減息預期大增，兩年期美國國庫債券息率跌到2005年以來的低水平。美國就業數據差令美元進一步走弱，兌日圓曾見113，黃金曾見703美元。

上星期次按餘波已有山雨欲來之勢，令歐美銀根抽緊，銀行同業拆息扯高，連帶把香港的拆息也抽高，對股市本有壓力。市場大戶話，外資想沽，製造較深的調整，但偷渡來港的北水卻一直買貨，大市沽極都沽唔落，你睇上周五無重大消息影響股市，都有1091億成交，就知道買賣雙方有對手。今浪美股急跌，唔知可唔可以插番低港股矣。

美國為全球送上的次按危機，源於美國樓市下跌，今次不是狼來了，是真跌，所以正確認識美國樓市危機的性質，絕對有助我們部署未來一年的投資策略。

有一個熟悉環球樓市的猛人，以海嘯前夕來形容美國的樓市，他說現時好似那次南亞海嘯那樣，巨浪湧來之前，海水不是上漲，反而係後退，海水退到離海岸線好遠的地方，海脇外露，平日見唔到的水底生物都見到晒，魚呀、蜆呀、蟹呀，到處都有，所以引到好多人跑落海脇執魚，不知道海水急促退潮後，跟覑海嘯就殺到，大水淹沒整個城市。

金融地產急裁員

美國樓價如今是自1929年大蕭條以來，首次各州全線下跌，以前的跌市只係東西兩岸炒得勁的地方跌，不會全線跌。猛人話，有些豪宅比高位跌鰦一半，仍然無人問津，樓市又好，股市又好，價錢回調，平貨湧現，就好似大海嘯前水退露出的魚蝦蟹一樣，引人去執。

美國樓市唔掂，次按爆煲，美國的房地產業和金融業已提早進入寒冬，好多相關公司內部按動警報器，開展「盈利保障計劃」，講得白鱓，即係能節省就節省，提早部署應付嚴冬，走鰦人唔請番，未使的錢盡量唔使，原本要飛去開的環球商務會議由電話會議取代，總之預計未來收入有好大問題，要大力節省開支填數。至於投資銀行就更大鑊，第二季盈利數字仍然好靚，遲少少10月以後公佈的第三季數字就會急跌，投資銀行炒人潮又殺到埋身，華爾街已經感覺到熱度。

在這環境下，美國就業職位急跌好正常，衝擊波擴散開去，消費亦受影響，美國唔應該再擔心通脹，要擔心的反而係通縮，在這環境下，聯儲局主席伯南克都無乜選擇，唯有減息，而且不是減一次，係要接連減幾次才可以頂得纒。

黃金進入上升周期

美國經濟走弱，不能不減息的大局，是美元轉弱的雙重誘因，市場睇通睇透，上星期尾匯市和金市已經大亂，美元兌主要貨幣急跌，美匯指標（US Dollar Index，美元兌主要貨幣的綜合指標）跌到三十年的低位，跌穿80（見附圖），美元已到三十年最弱的歷史低位，由85年高峰的160樓上，到現時谷底的 80，而且還作勢穿位向下。

黃金就起勢咁升，在上周五美國市升穿700美元，一周之內差不多升了40美元，黃金抽上，觸發了斬倉盤，升勢更急。黃金是無息貨幣，市場不信美元，但歐洲亦受次按影響，日本經濟亦唔太好，歐羅、日圓都買唔過，資金急促轉移至黃金，若美元減息後再走弱，黃金回完氣仲有得升。

講番美國，早前格林斯潘話美國經濟有三分一機會衰退，暗示美國要減息，當時現任聯儲局主席伯南克不以為然，話美國經濟無事，等如話不用減息。如今美國樓市和次按係咁爆，伯仔已經被格老睇死，焗住要減息。美國樓市如今的病變，主要由格老一手造成，他在9&#8231;11後連續減息，減到聯邦基金利厘僅得1厘，不但浮起災難後的美國經濟，還谷起一個大泡泡，樓市炒到飛起。然後格老加息17次，共加了4.25厘，令聯邦基金利率回到5.25厘，之前低息時買樓者就開始要捱貴息，而且美國按揭好多是起初低息，2、3年後才跟番市場利息，所以按揭炸彈就慢慢爆發。

格老任內美國經濟盡享泡沫繁榮，他自己贏盡掌聲，離任前把利息加上高位，等如把將爆未爆的炸彈交給伯南克，人地佈好個局，連叫你減息那句都講埋出街，伯南克就好似傻瓜一樣，步步被人睇死。

陸羽仁和中環茶友研究減息有無效，大都認為減息有少少紓緩作用，但不能根本解決問題。9月18日伯南克減息，或者0.25厘都唔夠，一減要減0.5厘，而且一次唔夠，還可再減。環球金融市場眼前問題是信貸緊縮，主要是信心問題，金融機構有錢都唔敢借出去，銀行同業拆息立即扯高，聯儲局大力減息兼放水，擺出大力放鬆銀根的姿態，有助紓緩信心危機。不過美國樓市的大鑊，似乎好難搞得掂，猛人就估，聯儲局減減纒息，美國樓市或許會定一定，幾個月後又會反覆下跌，海嘯要來，好難阻得了。

中小銀行蝕息差

讀者面對這種大海嘯，是否要立即清貨離場呢？似乎未必，金融市場這種海嘯前退潮有金執的局面，或許可以維持三幾個月，你太心急清貨，「不幸地」遲纒股市在減息聲中抽高，你又會好蹨心，要走都用定止賺位的方法，例如唔跌穿22,000點唔離場。

但你亦要明白，美國樓市和次按危機，隨時還有海嘯在後頭，可能在今年底或明年初又殺到（如果唔係更早殺到的話），所以你行落去執金，記住抬高頭望住前面，睇纒個幾層樓的大浪幾時到。如今港股面對好怪的局面，美國次按問題利淡，北水自由行利好，所以短線等大市回吐後，還可看高一線。但中線就唔好咁睇好，千祈唔好信美國唔掂中國無事的分析，因為美國若因樓市回落陷入衰退，中國出口都會好大鑊，中國內需市場暫時未係好成熟，經濟仍需出口帶動，美國出事後，第二波就會衝到中國經濟。這種市況已不像過去兩年的長升市，合埋眼買股都可以發達，這是狂升暴跌的股市，升時升到你唔信，跌起上也會好嚇人。

微觀去看，買股也要趨吉避凶。美元弱勢已成，中線都唔睇好，美國經濟好還可以炒油股，經濟唔好只有金股可以炒（或者直接買金），等金價回番到670美元左右，又係吸納時機。金融市場波動，銀行股不太好景，聽銀行業巨子講，本地銀行中，只有礇豐和恒生有錢，其餘中型、小型銀行都缺水，要在銀行同業市場拆借，近日拆息咁高，這些銀行貸款息口低過自己拆借的利息，要蝕息差，所以中小型銀行都會較弱。如果銀行頂唔順要加息，咁樣地產股都會中埋招，小心小心。

網誌論港交所變官股

最後一提，是港府上周五斥資24億買入1572萬股港交所，成本價155.4元，大手買盤搞到港交所單日狂升10元，升上158元高位收市。8月17日港股尋底日，港交所曾見100元，股民當日無買，如今見半個月升近6成，大呼走寶。政府入股的目標其實係政治性，想防範港交所不要被外資收購，否則好難同內地交易所合作，港府唔係有內幕消息，覺得港交所好抵去追貨。陸羽仁寫了一篇網誌詳釋港府入市因由，有興趣可以上頭條網一看。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——港交所高追搵命博
2007年9月11日

九一一前夕，美英當然有少少緊張，加上美股上星期五跌到七個一皮，好多人都估昨日港股會低開，有人估會跌400、500點，有人估至少會跌200、300點，結果大市果然徇眾要求開市即大跌，不過跟住在低位又有承接，特別係港交所（388）[股價及相關新聞] 狂升帶頭抽高大市，午市跌幅已變窄到不足一百點。下午一度倒升，收報23,999點，升17點，同開市時最低跌過399點計，來回又超過400點；國指報 14,410點，跌幅收窄至79點，大市成交1,015億元。期指收報24,006點，倒升63點，比現貨高水7點，成交58,652張。

港股不理美國樓市放緩同新增職位回落的壞消息回升，成個市焦點放係港交所變官股呢單新聞之上，港交所開市即升，最高見197元，收190.1元，狂升32.1元，升幅達20.3%，單係港交所已令恒指上升167點，實在是單天保至尊。

沽空盤對沖盤狂補倉

港交所一隻市值2033億元的大藍籌，單日升20%確實驚人，昨日雖說有投資者睇到港府入市追貨，但真正令股價升到咁急，應該係早前沽空鰦的止蝕盤和窩輪盤發行商的對沖盤，例如一開市就以170元成鰦103萬股，就好似補倉盤，因為如果係投資者，買貨唔會買到咁急。而家市面有102隻港交所輪，其中90隻係認購輪，今趟港交所咁急升法，輪商好傷，所有認購輪全部變晒價內，輪商要大手吸貨對沖風險，以符合內部要求，所以搶貨搶得好急，將股價急促推高。

陸羽仁話港交所現在變成一隻巨型概念股，早前不少睇好者都係睇200元，論投資價值已經到晒價，在補倉盤買完之後，照道理要回一回，問題是往後還有無古仔可炒，首先係政府會否繼續增持，由於政府自己買貨按例不用公佈，但佢為增透明度選擇公佈，並且在上周五一超過5%後，即大手入貨獱夠5.88％，從行為顯示是一種趕尾班車入到夠的形式，短期再買的機會不大。所以要睇有無人大手入貨，就要睇有無外資繼續搶入，炒纒概念，甚至增加持股和政府爭纒控制權。

政府短期唔似再買

外資持有港交所，賺錢係一個目的，派利益代言人入董事局，制訂對自己有利政策係另一個目的，所以見到政府買股，立即打開口牌，質疑此舉破壞港交所「獨立性」。按理政府入市推高了股價，股東無理由反對，但外資代言人繼續反對，大罵政府，都幾奇炒。

外資和政府鬥法，未知最後會點出招，不過小投資者最關心是港交所變官股，對股價好定壞，表面看應該係好，但港交所升得太驚人，固然可以再炒上，但回吐機會幾高，而家追入有搵命博的味道，陸羽仁一般唔會建議人買窩輪，但假設你一定要買港交所（陸羽仁就唔會買喇），不如計番同樣比例去買港交所窩輪，但要預鰦會輸清，但要博亦有得博。

不過，講到炒股，股民一時都好醒，好似港交所股價貴，好多人就走去買間接持有港交所的二、三線，昨日隻景福（280）[股價及相關新聞] 股價急升四成，有人計過數，景福由於有經營證券業務，故此手頭有一批港交所股份，這批股份在上個星期，價值等如每股景福佔五毫子，以上周收市價0.99元計，即係有半隻係港交所市值，而且該股市盈率只有十倍樓下，平過港交所一截，故此昨日一開市就有人追貨，結果全日以高位1.44元收市，幾乎過去兩個交易日入貨都有錢賺。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——豬肉貴 股票貴 泡沫大
2007年9月12日

港股昨日先升後回，恒指平開後一度升上24,157點，11點左右開始回軟，下午隨內地股市倒跌至23,753點，尾市跌幅收窄，收報23,952點，跌 47點；國指報14,333點，倒跌77點，大市成交913億元。期指收報23,890點，跌116點，比現貨低水62點，成交55,361張。

上午股市由升轉跌時，經紀張打電話來，問係唔係陳四萬出來參選，拖低股市。陸羽仁講笑話，阿爺唔會一見陳四萬出來選就關水喉，將來搞得太寸就話唔定矣，港股回軟應和內地公布高通脹有關。

結果下午內地股市跌得深的，開始拖低港股，內地股市周二回落，上海綜指全日收報5116點，勁跌4.5%，深成指數報17,129點，亦跌4.4%。大陸股市跌咁多，港股都算跌得少了。

中環茶友話，這一輪港股都不太跟外圍，好像昨日日股升0.7%，香港就跟大陸跌，多少都和北水買賣的方向有關，但千萬不要以為北水可以主導大局，而家剛入月中，大戶通常在每月頭十幾日都係讓股市游自由式，但月中過後，到下星期，外資大戶一發功，就會朝他們預想的方向發展。

不斷加息難控通脹

內地公佈，上月中國居民消費價格總水平（CPI）按年上升6.5%，主要由食品價格按年上升18.2%帶動，如果計肉食仲誇張，升鰦49％，嘩，升咁多，真係唔易頂，若不是內地經濟咁好，人民搵到錢，對物價上漲有少少容忍度，真係會爆大鑊。

摩根士丹利大中華區首席經濟師王慶指出，內地通脹並未達致失控，因為8月通脹加劇反映周期性因素，而非持續性因素；另外，勞工生產力上升亦可吸納通脹影響，王慶並預期人民銀行將於今年內再上調利率兩次。

內地如今主要以加息和加銀行存款準備金來吸走流動資金，控制通脹，但經濟增長過猛，通脹有少少不受控的感覺。歷史告訴我們，經濟過熱，通脹高企，熱錢湧現，必然出現資產泡沫，特別是內地利息較低，民間游資又多，以加息調控經濟的效果有限，好似內地股市，昨日跌4.5%好似好多，但好多人估佢跌一兩日又彈，唔跌得耐。

經濟過熱，通脹不受控，結果不是泡沫爆破，就逼到政府出行政手段宏觀調控，總之要睇住通脹來炒股。

早前狂炒的港交所（388）[股價及相關新聞] 昨日回吐，一度回吐7.9%，低見175.1元，尾市跌幅收窄至2.7%，收報184.9元，高低波幅有10.4元。早前補倉盤搶完貨後，股價回軟好正常，問題是有幾多基金願意在這種價位追貨，將決定港交所的後市走向。

金融商品股熱炒

美元腳軟，黃金和商品價格高企，呢兩日大市上落不大，但商品股就炒到飛起，紫金（2899）[股價及相關新聞] 及招金（1818）[股價及相關新聞] 一同再次破頂，分別漲4.525%及3.4%，發盈警的靈寶（3330）[股價及相關新聞] 亦反彈6.96%；招金上市後牛皮半年，有心人一直收貨，聞說上周有大戶忍唔住悶沽貨，貨入強手，先借金價上升炒一轉。炒注資憧憬的湖南有色（2626）[股價及相關新聞] 早兩日升得好勁，昨日先升後回1.8%，看來商品股還未炒完。

早前喪升兼夾倉的中鋁（2600）[股價及相關新聞] ，獲高盛睇好，收市報20.35元，升5.6%。高盛指中國鋁業的H股雖然在過去一個月大漲，但在6大利好因素支持下，該行仍看好中國鋁業的前景，將其 12個月的目標價由每股18.5元調高逾51.4%至28元，評級為「買入」。不過鄧普頓基金卻借高盛調高評級減持股份，唔知有無大戶沽貨愈沽愈高的效應呢？

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——偷步大炒減息
2007年9月13日

港股上半月一直在24,000點上下徘徊，昨日終於打破悶局，破位上衝，恒指上午高開243點後企定，下午進一步升上至24,329點創新高，收報 24,310點，升358點；國指報14,450點，升117點，大市成交975億元。期指報24,328點，升438點，比現貨高水28點，成交 56,319張。

港股早前一直有北水流入炒作，但前日內地公佈通脹高企，內地股市急跌4.5%後，北水都窒一窒，而內地股市昨日亦由跌轉升，上海綜指收復5,100點關口，全日收報5,172點，漲1.2%，國企股亦跟隨內地股市反彈做番好。

不過港股昨日大升，主要是炒美國減息，美股杜指早一晚升180點，主要是市場預期聯儲局下周二會減息，而且一減就減半厘，唔係四分一厘。所以港股昨日是老爺股翻生，平時較少炒的本地地產股，昨日大幅上升，市場炒作美國減息半厘利好樓市。

地產股炒起創新高

新地（016）[股價及相關新聞] 升得最勁，大升7.7元，收116.7元，升幅7%，創了新高，長實（001）[股價及相關新聞] 亦升3.9%，收119元，恒地（012）[股價及相關新聞] 升4.8%，信置（083）[股價及相關新聞] 升3.6%，恒隆地產（101）[股價及相關新聞] 升6.5%，新世界（017）[股價及相關新聞] 升2.5%，九倉（004）[股價及相關新聞] 漲4.5%。

好耐無見過地產股升得咁高興，中環茶友話減息後樓市唔知有無得升纒，我就話假設美國減半厘，香港拆息高企，市場資金緊張，是否跟減半厘都有疑問，至於樓市得唔得更言之尚早，不過股市從來都係超前，不要講太遠，未減息前股市大炒一轉，到好消息出現時大市抖一抖都講唔定，尤其如果調低幅度不是半厘而係四分一厘，個市就等跌都得腬。

下周二美國聯儲局議息可謂萬眾期待，幾間美資巨型投資銀行如高盛和雷曼兄弟，都延遲到18日至20日才公佈業績，即係話等埋聯儲局減幾多息，先至最後決定業績報告點落筆，雖然它們早前季度條數好靚，但最後次按爆鑊的事態不能不講，如果伯南克識做，減息減夠半厘，並暗示未來可以再減，投行的業績報告都可以寫得樂觀少少。

中鋁唱好聲中批股

美元弱過藥煲，未來又會大幅減息，匯價有再軟危機，歐洲和日本經濟又唔多掂，歐羅和日圓升極有個譜，結果獨旺黃金，金價應了陸羽仁本周初的預言，係咁抽上，昨晚報711.5美元，紫金（2899）[股價及相關新聞] 及招金（1818）[股價及相關新聞] 又破頂，分別漲2.3%及1.9%，發盈警的靈寶（3330）[股價及相關新聞] 先升後回2.4%。油價企在高位，中石油（857）[股價及相關新聞] 升1.6%，中石化（386）[股價及相關新聞] 無起跌；中海油田（2883）[股價及相關新聞] 首發不逾8.2億A股，9月20日公開招股，H股漲4.2%。

講開金屬股要講兩句中鋁（2600）[股價及相關新聞] ，昨日市場美國鋁業把手上持有的中鋁批出，有7億股，作價較昨日收市價20.4元，有一成折讓，總值約128億，大過近期全數新股集額，好快已去晒貨。早前剛有大行唱好中鋁長線目標28元，昨日又經手批出大手股份，雖說研究部門和銷售部門有「中國牆」，不過跟住大行報告買貨的老散，見咁價錢批咁大手貨，高價買股吃了眼前虧，多數會媽媽聲也。

內地房產股好多新聞，花旗首次話買合景泰富（1813）[股價及相關新聞] 目標價15.39元，股價創12.36元新高，收11.86元升6.9%；深控（604）[股價及相關新聞] 半年多賺8.1倍至7億元，破頂升7.9%；富力地產（2777）[股價及相關新聞] 以呎價1,740元人民幣奪得白雲地皮，創廣州新紀錄，升1.3%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——大戶出貨愈沽愈高
2007年9月14日

美股略略轁氣，內地股市又反彈，港股就再創新高，恒指昨天早上開市不久升上24,552點創新高，不過跟住好似漏氣皮球一樣，開始向下，一度倒跌至 24,215點，不過下午再回升至24,541點，收報24,537點，升227點，好近高位收市，大市成交1,092億元，成交唔細。期指收報 24,518，升190點，比現貨低水19點，成交53,170張。國指報14,440點，跌幅收窄至11點。

昨日大市雖然唔算好戲劇性，但過鰦半日大家都估大市都係向下居多，但估唔到又炒上，內地股市造好，繼續炒減息，都成為炒作藉口。

內地股市造好，上海綜合指數全日收報5273點，上漲101點或2%，深成指報17959點，漲3.2%，大陸股市真係跌唔到兩日，大前日大跌一天，前日牛牛懐，昨日就大反彈，唔當阿爺可能加息等措施係大件事。

搖搖板輪流向上

中環茶友話，美國股市和內地股市好似搖搖板一樣，輪流向上，一個升完到另一個升，港股仲威水，跟升唔跟跌，美國大跌香港只跌少少，內地股市大跌又跌少少，但兩地股市大反彈時，香港就借勢上。若論走勢，港股強到極，睇鈬到下周二聯儲局議息時，港股隨時已炒上25,000點。

港股牛得咁厲害，有點泡湧出來，長線投資者似乎都有少少擔心，美國鋁業盡沽手上7億股中鋁（2600）[股價及相關新聞] ，股神巴菲特又減持0.44%中石油（857）[股價及相關新聞] ，持股量減至9.72％，睇鈬這些長線投資者都想獲利離場。中石油受惠於油價上升，只是微跌0.4%，收報11.32元；但中鋁卻因美國鋁業售股折讓深，股價大挫8.5%，收報18.66元；兩股成為國指下跌的元兇，否則國指應會上升。

美國鋁業沽貨點諗唔知，但巴菲特買股向來是長獱，一直獱到股份基本因素改變，到底股神為何趁油價升又沽中石油呢？其中一個原因係睇油價見頂，皆因美國次按問題嚴重，若影響經濟，長線影響石油需求。又或者睇淡大陸和港股，認為中石油已見頂，透支了好多年的升幅。

不過有句俗話「大戶沽貨愈沽愈高」，股神減持，不等如中石油股價即刻會大跌，因為股神的巴郡持倉好大，好難一手沽清，所以都係等到市旺時，才分段沽貨離場，市唔旺根本沽唔郁，所以就算股神睇得準，中石油有利淡因素，股價都可能再高升才回落。不過陸羽仁是穩陣派，叫大家記住股神開始沽貨，即係話自稱自己是投資者的人，若非自認睇股叻過股神，就唔好在這個價位買入中石油長獱了，短炒當然另計。

高盛睇港交所213元

炒美國減息，地產股和地產代理股最受惠，美聯集團（1200）[股價及相關新聞] 破頂急升12.7%，收7.17元，創埋新高，市值52億，黃主席就真係飲得杯落。一眾地產股皆升，比較落後的九倉（004）[股價及相關新聞] 漲6.94%創新高，其餘長實（001）[股價及相關新聞] 、恆地（012）[股價及相關新聞] 、新地（016）[股價及相關新聞] 、信置（083）[股價及相關新聞] 及恒隆地產（101）[股價及相關新聞] 皆造了高位，升2.3%至4.2%不等。

新地公佈截至2006年6月底止全年業績，純利212億元，較對上一年度升6.9%，期內每股盈利8.52元，末期息1.6元，營業額309億元，較對上一年度的255.億元升21%。全年投資物業的重估盈餘為97.78億元，不包括投資物業公平價值之變動之溢利為115億元，升9.8%；每股基礎盈利為4.61元，較上年度增加 6.2%。

政府入市拉高各界對港交所（388）[股價及相關新聞] 的期望，高盛發表研究報告，將港交所的目標價，由135元大幅調高至213元，升幅達58%，並維持「買入」評級，建議出現回落時增持。高盛指，目標價相當於08年預期市盈率34倍（其實相當貴），主因來自收益預測的上調，又認為交易所的情況比較特別，因為可以獨一無二地將強勁的成交額等因素結合在一起。港交所反覆微升0.2%，收185元，看來可以在現水平逐步企穩。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——在泡沫中求生
2007年9月17日

中國人民銀行上周五宣佈，從9月15日開始同步調升銀行存貸利率0.27個百分點，一年期貸款利率為7.29%，存款利率為3.87%。這是央行今年的第五次加息，與上次加息只相隔了24天，創下央行加息間距最短的歷史紀錄，主要回應剛公佈內地8月通脹數字高達6.5%的過熱現象。

反觀大洋彼岸的美國，聯儲局本周二將議息，外界估計將會減息0.5厘，放水救市。美國的次按風波蔓延到英國，搞到專攻按揭的銀行Northern Rock擠提，英鎊下瀉，雖然格林斯潘大唱反調，預期美國通脹明年升到4.5%（聯儲局目標通脹率只是2%），暗示聯儲局主席伯南克好難減息；但從美股杜指周五跌過百點後反彈至升17點收市，顯示減息預期極高。看來中國和美國中央銀行正在做相反的事情，一個加息，一個減息。

中央銀行如國家經濟的大水喉，市場水太多時，就把水喉關細，減少放水，防止經濟過熱爆煲。市場水太少時，就把水喉開大，放水入市場，防止經濟衰退。央行加息，等如加水費，增加用水成本，就會有關細水喉的效果，中國正在做這種事。央行減息，等如減水費，用水的成本低，就有開大水喉的效果，美國亦預備這樣做。

中國超熱加息效少

內地通脹的壓力不是大，而是非常大，八月通脹率6.5%（單計肉價年增長49%），若以一到八月計通脹率是3.9%，通脹率高過存款利率叫做實質「負利率」，即係話存錢入銀行，計及物價上升的因素仍然係負數，存錢好蝕底，所以逼人拿錢出來投資，央行話加息是想實際利率由負轉正，但加完息後存款只有 3.87%，仲未追上通脹的3.9%，若計及通脹近期猛增，全年通脹還在向上，實質負利率更甚，要加多幾次息才追得上。

在中國這種急促發展的經濟，加息關水喉的力度有限，因為經濟增長快，投資市場熱，內地人只要能夠借到錢，例如去炒地皮，轉一轉手升幾成，不要說7.29厘的借貸利率，只要借到錢，20厘、30厘都願意借。所以利用加息控制過熱經濟，力度有限，唯有加息加到好過份時，才會有少少效果。又或者行番舊路，用行政手段限制銀行貸款。

泡沫吹大無人再提

估計今天內地股市對加息不會有太大反應，跌一天已經算畀面，隨時回一回又向上。內地股市的泡沫會愈吹愈大，不知大家有無留意，在內地股市3000幾點時，有不少人討論內地股市有無泡沫，包括量子基金創辦人羅傑斯（Jim Rogers），也講過內地股市有泡沫，惹來內地股民連番臭罵。到內地股市升穿5000點之後，大家對暴升的股市習以為常，覺得它是泡沫的人更覺得它是泡沫，但他們也知道，在暴升的股市，再講泡沫不受歡迎，所以少講兩句，大家心照。

內地股市升穿4000點後，亦進入新階段，過去阿爺比較積極調控股市指數，對大股「點穴」，勸喻基金不要炒大股炒得太過份，以免指數升得太高；到最後加印花稅以圖大力制止炒風，不過那個行動幾失敗，行得太急，搞到股民衝擊財政部，令阿爺要托番起個市，自此阿爺更不敢出行政辣招管制股市，甚至不再對大股點穴，基金如猛虎出柙，狂買大股，造成指數放量上衝。由於這一轉主要炒大股而不是細股，買大股的基金最受惠，造成良性循環，吸更多錢入基金。股市升到這些階段，更不是加一點息能控制得了。股市老手預計，內地股市咁炒法，最後一係在阿爺過度調控下爆破，甚至在完全失控的高位自行爆破，爆破前還有驚人一炒。

內地加息，美國減息，還有一個副作用，會令熱錢加快流入內地，在人民幣升值的預期下，兩地利息走勢背馳，熱錢流入內地，即使不去炒作，光是賺息差和賺匯價也不壞。在此種壓力下，內地應會加快搞「港股直通車」，希望透過此一渠道洩一洩洪，減輕壓力。

這幾個因素加起來，會為港股帶來更多泡沫。美國減息頂住經濟，港息長線跟美息走，即使短期因銀行同業拆息高企減唔到息，但平靜下來還有減息空間，今年香港通脹有機會升至3%，減息後隨時出現負利率，會刺激資金流向股市。但內地加息後為防熱錢更快流入，要加速向香港洩洪，把泡沫輸出香港，令港股熱上加熱。

散戶受傷未敢入市

陸羽仁在23,000幾點時，叫大家要習慣買貴股的日子，內地股票40倍、50倍市盈率的局面，可能會在香港出現，講得兩講，港股好快就炒到近25,000點，股市熱度急升。

我經常講，股市唔熱唔爆，到全部股票都狂升、散戶亂咁買股的時候，就算唔爆，都會大幅調整，這就係我所講的「散戶指數」。我以打電話畀經紀張作為其中一個指標，如果佢個電話好難打得入，而且他接到我這個貴人的電話，都不停咁接其他電話，咁就即係話散戶指數好熱，離爆煲不遠。

目前雖然指數近25,000點，但係散戶仲未係好熱，主要原因係佢懐在上月大跌後驚魂未定，未敢追貨，見到紅籌國企係咁升，又唔敢入市，所以買貨者係偷渡來港的北水居多，而不是本地散戶資金。至於散戶至愛的三、四線細價股，雖然部份已經開始炒作，但大部份未郁，好多散戶買鰦未走，仍然扮緊蟹，所以熱情不至太高漲。

散戶好衰，股價平時無膽買，股價好貴時卻夠膽追，早前22,000點、23,000點時，你搵把槍指住散戶，佢都唔敢入市，到升至25,000點、26,000點，特別是他們愛炒的雞股都升到飛起時，散戶又變得膽生毛，飛身撲上。

高買高賣享受泡沫

你可能唔係好明白，點解我成日話「散戶唔癲，股市唔爆」，你要知道股市交易係有對手的，沒有對手沒有成交，那些只是帳面財富。外資大戶在炒作大市，最後不是炒高讓帳面身家上升，開心一下，而是要把手上的貨清掉，反手做埋淡，才有實質利潤入袋。若大市不狂升，泡沫唔夠多，大戶倉位咁大，搵鬼接貨？無人接貨，佢懐炒高後股市跌番落來，只會得個桔，所以佢懐會炒到好熱，炒到股市雞犬皆升，炒到大家無防備心，炒到最頑固的投資者都入市，就差唔多要跌，因為大戶已引到對手入場，引到散戶高位接佢沽出的股票和期指，呢鱓行為叫做「派貨」，大戶派夠貨，只要佢懐用手指尾推一推，個市就會應聲倒地。

在美國減息，內地加息，外國熱錢流入中國，內地要推錢到香港的大環境下，會造就香港股市的大泡沫，隨時升到你唔信，1973年港股1月時只有900點，到兩個月之後，同年3月已升到1700點，兩個月升近一倍，股市要爆之前，會先來一個喪升，升得愈喪，爆得愈大。如果唔係咁升到咁喪，下跌或許只是調整，仍然是大戶製造的波浪。但升得好喪時，跌幅就會好驚人。

無論如何，在泡沫市中求生有一套方法，有貨者首先就不要太快清貨，清貨太快，就難忍誘惑再入市。我有個朋友97年7月清貨離場，到9月「見個市無事忍唔住入番市」，這就是太早離場的噩夢，所以有貨者見大市不斷創新高，不妨坐纒貨，真係想沽，就定一個止賺位，例如現價低10%，不到不沽，股份再上，就不斷推高止賺位，食盡升幅。

若無貨或貨少者，在近25,000點的大市，已經唔易搵到平價的好股，可作長線投資，買股多數要以「投機的我」心態去看待，不要下下話自己係「投資的我」，想獱長線，以港交所（388）[股價及相關新聞] 為例，現價187元，現時每天都有近1000億成交，港交所明年預測市盈率都近40倍，炒到一鑊泡，若大市跌番到300、400億成交，你估港交所值幾多錢，我唔係叫大家唔買股，而係話俾大家聽，依家係炒股，高買高賣，享受泡沫。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——歐洲炸彈借勢散
2007年9月18日

中國人民銀行加息屬預期之內，內地股市不跌反升２％，不過英國北石銀行（Northern Rock）擠提危機未解決，北石股價在英國股市早段更大跌３０％，拖累歐洲股市下跌，港股亦受影響，恆指創24,977點新高後倒跌，下午低見 24,545點，收報24,599點，跌２９８點，大市成交811億元，成交唔算大；期指收報24,470點，挫429點，比現貨低水129點，應該有唔少即日好倉盤博炒減息中鰦招，尾市打靶。

昨日和中環茶友講起，港股要跌真係有好多理由，首先係炒減息炒到近２５０００點，回吐唔出奇。而香港賣地前炒地產股，到賣地日例跌。再加上英國北石銀行擠提，英國金融體系受壓，亦都唔係少№。

你睇在英國有好大業務的匯豐（０００５），雖然係北石的潛在買家，但股價一樣無運行，昨天下午開市後再插，擺明係歐洲盤一鲻醒又掟過來沽大笨象，結果收１３７．９元，又唔見９毫子，跌０．７％，港股亦借勢散。

美國減息難醫樓市

歐洲股市早段跌超過１％，影響港股氣氛，其實北石呢單№都幾弊，因為北石本身無大問題，唔止佢一間英國銀行搶按揭來做，但到金融市場水乾時，北石在銀行同業市場借唔到錢，非常缺水，傳鰦出街，就出現擠提，結果要英倫銀行注水救命，要拆骨賣盤收場，所以美國呢場次按風暴吹出來，累死好多有關無關人等。中環茶友就問，如果北石無乜特別原因死亡，咁其他細少少的英國銀行係唔係都好易出事呢？諗落都令人驚驚懐。

見大家驚開，都不妨再嚇一嚇你地，好多讀者問美國減息可唔可以救到樓市，我估好難救得到，減息只能減痛，只能拖慢死亡，好難起死回生。可能見格林斯潘出來講通脹危險講得咁厲害，市場又開始多鰦人估聯儲局主席伯南克今次只能減息０．２５厘，減唔到０．５厘。美國按揭利率本來只係６厘，但次按風暴搞大後，銀行收緊對到期按揭的續按政策，即使是條件好的客戶，也要加到９厘才續按，條件差的客戶直情唔做，你話減０．２５厘息，即係話按揭利率由９厘減到８．７５厘，真係杯水車薪，叫做改善纒信心，令部份入息頂得順的業主有個希望，續按博樓價反彈，但不能根本解決次按問題。不過話得說回來，環球金融市場現時最大的問題也是信心問題，如果市場回復信心，有錢的銀行放番鱓錢入市場，咁就不會再出現北石這種問題。

大陸銀行難寄厚望

所以講番港股，昨日借歐洲沽盤和賣地之勢散下來，按牌面減息後仲有得回，不過股市永遠有令人意外之處，計基本因素，港股唔值創新，有外資大戶和偷渡北水的炒作因素，不能因外圍而看得太淡，回吐後應該仍有炒作。

大埔白石角第1期B地皮成交價為45.5億元，高底價47.73%，呎價6,368元，由信置（００８３）、南豐集團、嘉華國際(0173)[股價及相關新聞] 等合作投得，信置(0083-HK)挫4.6%，而長實(0001)[股價及相關新聞] 跌得更勁，挫6.２%，新地(0016)[股價及相關新聞] 亦跌４．５％，恆隆地產(0101)[股價及相關新聞] 則跌5.4%。地產股借買地和減息炒起，未到減息已急回，巨股炒到好似細股咁。

大陸市繼續亂炒，加息後不跌反升，不過銀行股繼續無運行，只有快上A股的建行（０９３９）走勢靚仔鱓，其餘好其隻都是高位呆滯，創唔到新高，上海的財經報章罕有咁提及有人大代表批評經濟過熱，有點為未來重手宏調開路的味道，若不斷加息，等如逼大陸銀行做少鱓生意，所以要炒都要避開大陸銀行股。

陸羽仁早前睇好黃金，金價高企，金股炒起，已收乾貨的招金礦業(1818)[股價及相關新聞] 昨日飆升16.8%創新高，炒作手法狼死；紫金(2899)[股價及相關新聞] 漲8.9%，靈寶(3330)[股價及相關新聞] 純利大跌亦照升4.6%；個別細價股亦搶閘開車，北方興業(0736)[股價及相關新聞] 升28.9%，時惠環球(0996)[股價及相關新聞] 漲36.８%，不過細價股暫未到全線炒起的日子。

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——有錢人為擺錢頭痕
2007年9月19日

美國議息前夕，全球股市偏軟，大家睇唔定聯邦儲備局主席伯南克點樣出招，寧願觀望一下。在缺乏買盤下，各地股市紛紛回軟，但恒指最低曾跌至24,369 點，下午中段過後反彈，收市跌22點，報24,576點；國指仲倒升57點，收報14,733，大市成交805億元。期指收報24,581，反彈111 點，比現貨高水5點。

聯儲局昨日開會，究竟會唔會減息？減息又減幾多？減息後大市會不會趁好消息出貨？好多問題都係投資者心目中浮現，最搞鬼係前聯儲局主席格林斯潘為鰦賣書，呢兩日又走出來指點江山，話伯南克不要減息，最好仲加息銏，係格老咁樣搞局下，阿伯心裏肯定罵聲四起，但同時又無佢符。

北岩擠提場面嚇人

陸羽仁同茶友歎茶，大家各抒己見，茶友甲話，上個星期港股升到「巴巴聲」，尤其地產股升得好勁，好明顯係偷步炒減息。今個星期一開市，指數創新高之後就回跌，擺明係大戶沽貨回吐，今日若然不減息，個市肯定跌到一仆一碌，如果減半厘息，市場一樣驚美國經濟暗傷好嚴重，都係難逃大跌命運，最正路係減四分一厘，但如果幅度係咁，市場都無驚喜，上個星期指數創新高後，基金紛紛配股抽水，係咁氣氛下，個市繼續出現獲利回吐都唔奇，所以有錢在手者，大有機會減息之後執平貨腬！

茶友乙就有唔同睇法，話港股市底好強，外圍偏軟，港股跌唔落去，外圍喘定，港股就抽了上去，湧纒湧纒就連創新高，本來他昨日中午想入貨，買點證券概念股好似光控（165）[股價及相關新聞] 、申銀（218）[股價及相關新聞] ，但睇電視見到英國間北岩（Northern Rock）銀行擠提，班存戶講明唔信英國政府，可見今次信心危機都好唔簡單，所以都窒一窒唔敢入市，點知三點之後買盤又出現，結果最後指數只係跌22點，國企指數仲倒升番銏，照睇現時真係好多錢等買№，自己昨日無入貨，可能又錯過鰦機會。

兩個茶友一個偏淡、一個偏好，你問陸羽仁，陸羽仁都覺得現在外圍氣氛確係幾嚇人，問題係無論點驚都好，大戶都要找地方停泊資金；美國若然減息，美元匯價自然腳仔軟，但今舖次按問題，歐洲好似仲傷過美國，歐羅同英鎊都仲企係高位，在這個價錢又係好難買得落手，有錢人今時今日為擺錢頭痕，左秤右秤後，資金唯有流入石油、黃金等保值資產之上。

美元外幣通通買唔落手

在這種環境下，大市方向固然重要，但揀股更加重要，若然揀股揀得唔好，就算看準大市都無錢賺，現在有國際業務的銀行股又或者以歐美為市場的公司，除非有特別好的消息，否則都會跑得比較慢。

港股同次按風暴關係比較間接，故此受影響較輕微，如果美國不減息或減息半厘，大市波幅必大，最好就係減四分一厘，同時會後聲明保持再減彈性，保留市場的憧憬，咁樣對大市最為有利。如果減幅一如預期，就算今日個市出現好消息出貨，相信跌得咁上下，又會有錢出來接貨，手頭資金充裕的投資者，有機會不妨買點金礦股、資源股。昨日招金礦業（1818）[股價及相關新聞] 創24元新高後收22.95元升3.9%；紫金（2899）[股價及相關新聞] 創新高後倒跌九仙，靈寶黃金（3330）[股價及相關新聞] 升3.5%；湖南有色（2626）[股價及相關新聞] 飆7.9%，有貨在手者毋須急沽。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——大時代唔炒唔舒服
2007年9月20日

陸羽仁一早叫大家習慣在泡沫中生存，內地放水，美國減息，都會吹大香港的泡泡。昨日美國聯儲局大放水，減息0.5厘，出乎市場預期之外，美股杜指大升 335點，港股亦升到傻，刺激恒指高開934點，後來回一回，到下午又再升，收報25,554點，升978點。期指報25,687點，升1,106點，比現貨高水133點，成交76,068張，即日博回吐的淡倉尾市全部要斬。大市成交1,387億元，又破紀錄；國指創15,346新高，收報15,255，升522點。

過千點的升市，的確係大時代，聯儲局大力減息，等如開動印鈔機，大量放水入市場。美國聯儲局減息0.5厘，而且係聯邦基金利率（銀行同業隔夜拆借的利率）和貼現率（銀行向央行借錢的利率）同時減，特別值得注意的是聯儲局8月18日已將貼現率下調0.5厘至5.75厘，今次再減0.5厘至5.25厘，即係話一個月內減了1厘貼現率，銀行無水，可以向聯儲局低息借錢應急，這是一劑重藥。

瘋狂放水 焗人去賭

今次美資大行佈一個局，焗伯南克大幅減息，幾間美資大行延遲公佈季度業績，等埋聯儲局議息後才宣佈業績，由於這是上季業績，盈利數字無問題，真正問題是大行要不要大幅為手上包銷了的商業票據減值，如果聯儲局不減息，大行包銷鰦這個月到期的大批票據，就要硬啃，都相當大鑊；如果聯儲局大幅減息，大行就可以唔為票據撥備。

在聯儲局議息前幾日美股先炒高，若果伯南克決定唔減息，或者減得唔夠力，幾間大行宣佈要大幅撥備，恐怕股市要大跌，市場要大起恐慌，所以伯南克唔想個市散，唯有焗住大手減息，要有咁大力得咁大力。

之前大家怕伯南克唔敢做，但他結果做了，市場自然大聲叫好，這場等如大放水為做錯商業決定的大行找數（早前伯南克講過唔會咁做），結果暫時舞照跳，繼續炒。大行8月、9月條數好唔掂，佢懐識計數，知道會挾到伯南克減息，美股都有得炒，何況無受咁多次按影響的亞洲股，所以外資大戶對港股已成竹在胸。

伯南克呢次大手筆減息，美國《華爾街日報》大讚，話伯南克做出果敢決定，但英國雖然鬧緊銀行擠提，但《金融時報》仍然彈佢鼓勵投機，要付出代價。「投機的我」會歡迎伯南克決定，因為短線股市會炒起，但「投資的我」會好小心，因為伯南克大減息，或者10月會再減0.25厘，可以頂一頂樓市，紓緩一下借貸市場，但美國樓市好難醫，投資者難長線睇好大市。

誰說香港無賭場，股市就是最大的賭場。我懐買股，除非係好長铫唔郁的投資者，否則都係賭，賭就要認，想炒要企定，咁鮋大時代股市，升得多唔排除會回，但往後隨時升到你唔信。

大銀行夾細銀行

昨日有個投資幾保守的老友來電，話又減息，放錢在銀行又縮水，追唔上通縮，問我買乜股好，我話若果你炒開股賺開錢，有少少盈利責底，不妨炒纒；過去無炒，而家上車，就算大市真如李四叔咁話會升到三萬點，都只係有3000幾點水位，我怕你要食好驚風散&#60621;！聽完老友呢個電話，覺得咁鮋市焗人賭錢，當唔落水鮋散戶落埋場，炒一兩個月睇怕要散Band啦。我都講過海嘯前可以執蜆，如今看來，的蜆又肥又大，的確好吸引人，不過大家執蜆之時，記住要小心海嘯。

美國減息後，礇豐、恒生、中銀宣佈減息0.25厘，其他銀行未跟，聽聞礇豐、恒生大把水，其他銀行無乜水，所以礇豐、恒生減少少息刺激纒樓市，大量按揭生意湧出來，無水的銀行唔敢太勇去接，就由減息的銀行食晒。不過樓市雖然會活番鱓，但好難太睇好，有錢都去炒股啦，炒樓無炒股咁快，樓市無炒家，只有用家，又點會大升呢？

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——講理性無錢途
2007年9月21日

港股高處未算高，恒指、國指再上高位，恒指一度升至25,774點新高，回吐又跌唔落去，收報25,701點，升147點；國指亦勢如破竹，曾創 15,586點新高，收報15,552點，升297點，大市成交1,189億元。期指收報25,668，跌19點，比現貨低水33點，成交53,271 張。

港股癲，內地股市更癲，在建行A股上市前夕，昨日再創歷史新高，上海綜合指數曾見5482點新高，全日收報5470點，升1.4%。

陸羽仁覺得，李四叔開金口話恒指睇三萬點後，港股會再升溫，散戶之前心唔夠雄，唔敢追，有四叔講年底見28,000點，農曆年見30,000點呢兩個目標係前面，又見到大市果然不斷升，就會慢慢放心追貨。

中環茶友話，有部份外資本來炒完減息想沽纒貨，但沽唔落去，改行做番好，皆因北水購買力好強，大家都期望國慶前後「港股直通車」可以開通，所以炒完減息再炒A、H股差價，搞到國企股係咁喪升。

外資沽貨沽唔落

我問經紀張，鱓客近況如何，佢話散戶一係唔敢買，一係走去沽，有的由22,500點一直沽到而家，輸咁多仲未捨得收手。我叫經紀張，佢鰟淡友客舉手投降時，記得通知我，到呢鱓長淡友都被逼轉為睇好時，就係氣氛好到極時，也是大戶派貨的時候，到時沽貨就差唔多矣。

經紀張又講，咁鮋升市，佢鱓客戶都好少贏大錢，贏得最多鰟個係傻鮋，人人唔敢買時佢就起勢買，心口有個勇字，經紀張慨歎，咁鮋市「講理性，無錢搵」。

陸羽仁唔想誤導鰦大家，不要以為我教人非理性狂炒，我係話俾大家聽一個現實，股市升完可以再升，喪完可以更喪，你要知自己在炒股，唔好信股神的指數目標，可能唔到，可能過籠，但大家要按紀律行事，止賺止蝕。在北水正式來港，10月聯儲局或者會再減0.25厘息，不排除還有一浪炒上，所以雖然好多人話87 年、97年10月都有股災，怕今年10月又有股災，我就話唔好估10月有無災，你個個以為佢有災，佢可能偏偏唔來，過一兩個月你覺得無事，佢無聲無息就爆。總之唔使估幾時有災，睇住自己個組合，指數太高，賺錢太多時，不妨定好個止賺位，到位出貨，唔到位就一直推高止賺位吧，再唔放心可以減纒磅，但唔好一注沽清，既然話有派對，留番雞碎咁少貨，都叫做參與過呀。

百億批股掃清

公司趁旺市集資，北京控股配售1億新股，配股價每股介乎36.55-38.1元，集資最多38.1億元；配股價較停牌前39.3元，折讓價3%至7%；高盛、雷曼及麥格理任是次配售安排行。 嘉里（683）[股價及相關新聞] 又批6000萬股，批股價折讓4%至7%，籌36億。聽聞兩隻股都去清，另外國美亦批股。

陸羽仁早排已話睇好金礦同資源股，其中貨源歸邊之招金（1818）[股價及相關新聞] 破頂升15.81%，靈寶黃金（3330）[股價及相關新聞] 跟隨漲8.62%；江西銅業（358）[股價及相關新聞] 追落後，漲6.88%；湖南有色（2626）[股價及相關新聞] 升8.64%，美元下跌刺激原料續漲，中石油（857）[股價及相關新聞] 升3.51%，中海油田（2883）[股價及相關新聞] 呢類基金鍾情的石油設備股，都可以看高一線。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——美元大貶值時代來臨
2007年9月24日

美國聯儲局大手筆減息0.5厘後，全球股市亢奮，美股持續走強，上周五杜指再升53點，收13,830點，距離14,000點的高位只是一步之遙，究竟往後美股是重新上路，高處未算高，還是見高回落，形成一個致命的雙頂走勢，值得大家研究研究。

究竟伯南克今次大手筆減息是否高招？10月聯儲局會否再減息0.25厘？將是環球金融市場的焦點。聯儲局早前大減息後，市場第一個反應是環球股市抽高，並稍紓信貸市場緊張，但接覑美元就下跌，各主要貨幣、黃金、油價都飆升，弱美元的效果顯現。

美國唔係想美元弱，但美國減息，加上經濟有衰退危機，兩罪俱發，美元難免弱勢，如果聯儲備局下月再減息，美元更弱。

伯南克的兩難題

伯南克陷入一個兩難題中，如果再減息，美元更弱，石油和入口貨更貴，美國的通脹會上升，在經濟好時有通脹，可以加息壓抑，但在經濟唔好時有通滯，叫做滯脹，利息唔可以加，唯有焗住捱通脹。若伯南克唔想美元更弱，唔再減息，但只減一次息，又搞唔搞得掂樓市和次按引發信貸緊縮危機？如果咁易搞掂，都唔使一開始就勁減半厘息啦，所以按理第一次做得咁大力，照計都需要減第二次。若聯儲局因為怕美元弱唔再減息，恐怕信貸市場略為紓緩後，又會再度緊縮。

伯南克面對的困境，前任聯儲局主席格林斯潘自然睇得清楚，他剛有新書上市，就起勢咁評論，抨擊布殊政府經濟政策，話佢以政治利益為主要考慮，無控制政府赤字增長。格老在伯南克決定是否減息前，仲陰陰地咁話，如果未來幾年聯儲局要將通脹率控制在1%至2%之間（2%或以下是聯儲局的目標通脹率），利率就只能提高至兩位數字，即係話美國要大幅加息唔係減息（減息前利息是5.75厘，若增至雙位數至少是10厘）。在伯南克無聽佢支笛照樣減息之後，格老又話美國經濟衰退的機會高於過往他估計的三分之一。

支持減息的大摩亞洲區主席羅奇「篤」番格林斯潘一下，話在次按問題上，各地的中央銀行在過去五、六年無做好工作，忽略次按產品大量行銷可能產生的問題，表現不負責任，往往只是談理論，沒有實踐，聯儲局更是留心通脹威脅，無理會次按問題。羅奇咁講等如彈格老，你當年無管好次按，依家出事你又來指指點點。不過羅奇幫口之餘，亦預期未來九至十個月美國經濟衰退的機會率有四至五成，並不樂觀。

格老唱衰 羅奇幫口

被格老起勢咁篤的伯南克，反而對美國經濟的情況睇得較樂觀，他出席美國國會聽證會時，話聯儲局是採取「迅速」和「暫時性」的措施，因為到明年三月以後，這些措施就會「妨礙生產」。市場認為伯南克暗示到明年三月次按危機便會解決，所以要減息就早減，拖遲減息到明年三月才行動，反而會刺激通脹。

伯南克暗示這個「明年三月解決次按危機」的時間，和早前大摩公佈業績時首席財務官Colm Kelleher講的時間好&#9827;合，Kelleher話如今信貸市場仲衰過98年對沖基金長期資本倒閉時的情況，他估信貸緊縮的問題會持續一兩季。 Kelleher講兩季，同樣話到明年三月信貸市場就會好番。

再減息美元更弱

伯南克面對再減息或不減息的困惑，估計他再減息的機會較大，因為伯南克主要驚次按問題令信貸緊縮，帶來衰退，所以無理通脹，搶先減息，希望醫好信貸緊縮的危機，到明年三月之後舞照跳，照咁鮋思維，再落一劑藥，減多0.25厘息的機會不低，他情願忍受美元貶值的痛楚。聯儲局一項調查認為，儘管美國減息半厘加劇美元跌勢，但相信不會引發通脹飆升，因為出口到美國的公司都傾向在本身貨幣升值時，減價出售貨品。即係話聯儲局唔信減息會帶來太高通脹。

按這條思路想下去，美元的大弱勢已成，若聯儲局再減息，進一步拉闊美元兌主要貨幣的息差，美國經濟已經唔係好過人，仲要減息，資金一定從美元流走。若果聯儲局不再減息，信貸市場的緊縮又是否咁易搞掂呢？樓市又是否咁易搞掂呢？不再減息，次按和樓市危機又會再爆，美國經濟唔掂，美元一樣會衰。這是一條左又死右又之路。

環球最大的貨幣投資者是各國央行和石油出口國，若人人都看淡美元，見你這個周身唔妥的債仔借人錢仲要減利息，當然唔想再借錢畀你，怕你將來更唔妥，他們有錢都唔投向美元資產，美國都幾大鑊，光是美國國債無人問津，債價跌利息又會升，你話死唔死！所以美國經濟已經搞成一團亂麻，唔係咁易理得掂。

作為投資者，正面對覑一個美元大貶值時代的來臨，會進一步催生其他地區的資產泡沫，同時亦隱藏覑美國經濟大海嘯的風險。

陸羽仁有個老友，搵埋唔少，但投資性格保守，最近突然打電話來，問我有乜№股好買。我講笑咁答佢，港交所（388）[股價及相關新聞] 50元時你唔買，A50基金（2823）[股價及相關新聞] 50元時你又唔買，依家兩隻都200幾元，你才走去買№，唔係躀？炒開股有利潤在手仲話鎹，你唔好搞啦躀！老友唉聲嘆氣，話銀行又減息，通脹又升，實質負利率，存錢在銀行蝕水。

陸羽仁認為，如果保守鰦幾年的朋友，就唔好因為減息要變得進取，在這個泡沫充斥的市場，你早唔入依家才來入市買股票，怕到一上車就到尾站。

不過好多朋友其實一路有炒作，不過中間落了車，依家手痕想炒作，除了炒股之外，黃金、澳元、紐元都有短炒價值。

高息貨幣可短炒

有老友就有短炒澳元獲利的經驗，他的兒子在澳洲留學，所以特別留意澳元匯價，在8月中次按危機鬧得最兇時，搞套息交易借日圓獱澳元的對沖基金瘋狂拆倉，澳元匯價大跌，老友注意到這個情況，在澳元兌港元匯價6.13時買入70萬澳元（等值429萬港元），後來風波平復，澳元反彈，上番6.55時出貨平倉，結果獲利32萬港元。出貨後澳元再升，上周六價為6.747，我對這個老友講，你在澳元走到中段就出貨平倉，唔沽好易賺多一倍。

美元弱勢已成，雖然好多貨幣都距離歷史高位不遠，好似好貴，陸羽仁一直睇好的無息貨幣黃金，亦已升穿730美元，不過美元尚有條件再跌，黃金或這些高息貨幣尚有上升空間。美元近期跌鰦咁多，或許有機會彈一彈，等佢一彈就買入黃金或高息貨幣，短炒一轉，博執番佢3、5%，幫補纒減息都好呀。

話番轉頭，依家講一年不過10％的回報，好似少得好可憐，唔夠買隻股票一天的上落，好似港交所上周五可以在一日再大升23.5元，升到219.2元。不過大家要知道，這是變態，並非常態，股市升到變態時，太理性搵唔到錢，因為隻隻股都炒到非理性；但你顛埋一份，睇少低回報的投資，忘情炒股，又似乎忽略鰦，低回報和低風險也是同義詞。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——消耗性上升得人驚
2007年9月25日

陸羽仁好多大場面都見過，不過見到最近股市係咁升，真係有鱓驚驚懐，恒指昨日高開158點後，好似食鰦藥咁不斷升，下午再創26,635點新高，收報 26,551點，升708點，升幅2.7％；國指仲誇張，創16,443點新高，收報16,406點，升713點，升幅4.5％，大市成交1,400億元；期指收報26,495，升663點，比現貨低水56點。

你可能會話陸羽仁大驚小怪，升鰟708點，又唔係升過1000點，好出奇咩？出奇位在於港股連升多日後再狂升，港股由上周三（9月19日）開始，從 24500點起步裂口上升，圖表上形成一支支大陽燭係咁升，至今4個交易日已升了2000點，如果從上月期指結算時23500點起計，單月已升了3000 點，是近年罕見，咪話唔誇張。

千億巨股當細股炒

大家都知道陸羽仁係好友，經常講「高處未算高」，但見到升到咁急的市況，有貨在手亦感到心底發毛，認為升得太急唔係好現象。老實講，恒指現價26500 點，陸羽仁本來認為最快要等到11月，頂多10月才到，估唔到9月就到，上升時間大大壓縮，就形成一支箭向上的狀況，呢鱓就叫做「消耗性上升」，升市尾段升勢轉急，短時間可以抽高好多，但大升完之後，就是大調整、甚至是大跌市了。

陸羽仁和中環茶友傾開，認為外資大戶呢個月月頭曾經試過沽纒貨，製造人為波浪，但偷渡來港的北水係咁買，外資沽唔到大市落去，佢地唔係人咁品，跟住就反手推上，一推就推鰦2000幾點。港股直通車就快到，外資大戶會唔會順勢先行一步推高大市，等北水正式到港後，就派貨俾大陸錢去接貨呢？你知大戶倉位大，最頭痛唔知點樣出貨，既然港股直通車未正式開通都有咁多水湧來，到正式通車就真係派貨的好對象喎。咁樣大鬥大的局面，散戶就唔好咁搏命啦，記住高位陪人追貨，將來可能會好後悔，股市或者喪升再喪升，仲會升多1000點、2000點都講唔定，但要跌亦跌得好快，你要照纒鏡睇纒有無資格去賺，至好入貨。

你睇好多大股都升得好驚人，例如港交所（0388）[股價及相關新聞] ，昨日創過248.4元新高，下午升幅略為收窄，收238.4元，仍然大升8.8%，一隻市值2549億元的股票，就好似細股咁炒法，借住政府入市的消息，一個月不到就炒高成100元。又例如石油股，借住中國證監會昨日審核中石油首發A股申請，H股（857）[股價及相關新聞] 大漲10.3%創新高，收14.3元，當早前股神巴菲特沽股票的消息無到；中海油（0883）[股價及相關新聞] 亦漲8.2%創新高，中石化（0386）[股價及相關新聞] 算升得少了，亦漲5.5%創新高；中海油田（2883）[股價及相關新聞] A股招股價13.48元，H股漲8.7%。建行A股明日上市，H股（939）[股價及相關新聞] 昨日升2.55％創新高，收7.64元，由於巨股好似細股咁炒，細股無人吼，普遍受壓。

大孖沙要錢唔要公仔紙

港股創新高，「大孖沙」開始鈬料，除了股神巴菲特趁中石油話發A股炒上滲貨外，信和昨晚都傳出批股，準備集資幾十億元。茶友話，信和最近在大陸買了不少地皮，既然大家都要股不要錢，作為管理層，無理由不印點股票出來益街坊，反正美國佬可以開印刷機印美金，上市公司一樣可以開印刷機印股票換銀紙，有了銀紙就可以買資產，所以現在雖然地價高企，但計落印公仔紙?錢買地一樣有覑數，上個星期嘉里已經出鰦手，昨日又到信和，估計個市如果再升，好快就會有其他公司出來抽水，至於邊家公司最有機會，第一類係股價急升兼新高者，第二類係股價高過資產淨值者；若然加埋最近在大陸猛買地皮者，就有齊三大「抽水症候群」，相信好快會郁手。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归作者陸羽仁和香港頭條網所有。

金融High Tea——飛龍在天 順勢進退
2007年9月27日

假前中秋節恒指回吐121點，港股有點跌唔落去之感，今天是期指結算日，看來都會在高位結算，這個月港股如食了藥咁大升，逼得很多人改變對港股的預測。至於內地股市，受收緊樓按的宏調消息影響繼續下跌，滬綜指報收5338點，跌1.6%，深成指收報17992點，跌1.9%，兩市成交額共1599億人民幣，較昨日下跌逾兩成。內地近日開放已經在港掛牌的巨型紅籌發A股，再加QDII不斷批出，似乎未等港股直通車，已開始收到吸水之效。

陸羽仁係好友，但近期升勢之急，有鱓升到好友都驚的地步。假期前和經紀張傾起，經紀張身在市場，通常比陸羽仁衝動，見好睇好，見淡睇淡，今次他倒過來笑陸羽仁，話連你這個好友都驚，反而係好消息，恐怕港股都要有最後一升，殺埋過早轉&#604;的好友&#60621;。

經紀張呢句話有鱓道理，港股氣勢如虹，走勢極牛，一跌就彈；從短線看，這是大牛市之象，過早睇淡，一手沽清股票，心情會極之痛苦。初則閂埋房門蹨心等跌，等一個月唔跌，等到第二個月已經頂唔順，忍唔住變番睇好，撲入去再買番。大市升得過癲，跌下來是早晚的事，如何防止過早看淡，也是一門藝術。

過早睇淡要受靶

有個老友在8月17日大跌市港交所（388）[股價及相關新聞] 每股100元時，大手掃入，本來這是極聰明動作，他買入後不夠兩星期，港交所已經歷港股的Deep V反彈，上番140元的水平，老友見港交所咁快就回復「原狀」，無事發生，自己的投資半個月增值四成，開心到不得了，一手沽之，盡清手上的港交所。之後的故事大家都知，政府入市之後，港交所股價如飲狂藥，被人瘋狂炒高，如今已是232.6元，比老友的出貨價高了差不多100元，沽貨只賺4成，捱到今日賺近 1.4倍，老友猛蹨鎚仔，我笑佢話，你賺鰦幾十萬，本應好開心至係，點解好似仲魀過無去撈底的人？

股市分析員也面對同樣問題，如果過早睇淡，叫人清貨，點知叫完無耐，個市起勢咁升，過幾日升1000點，老闆仲忍住你，又過幾日，個市再升1000點，老闆已經頂唔順，問你點解早前要講得咁盡？又再過幾日，個市又升1000點喎，老闆話夾埋升鰦3000點囉喎，我唔理你，點都要你講番鱓好№出來，否則我懐做包銷新股或幫大公司批股時，自己都睇淡，點叫鱓客去接貨？頸唔硬得過張刀，咁樣就會逼到分析員轉&#604;。

呢個故事教訓我懐，過早睇淡有風險，沽貨也不要一注沽清。你應該記得，陸羽仁教過你，在這種大升市，想沽也最好用止賺位沽貨（例如以現價低一成為止賺位，以收市價計），唔跌到止賺位不沽，隻股一路升，就一直推高止賺位，咁樣在急升市就可以食得盡鱓。另外就係分段沽貨，點都剩番少少貨，感受纒氣氛嘛。

中秋節和中環茶友啖月餅打牙骹，陸羽仁用《易經》乾卦中的「飛龍在天」，來形容如今的股市，這種股市已盡入極盛之狀態，飛得幾飛，就會飛到天涯海角了。

好多人鍾意問點數，問恒指最高位是那個位？他們想買，又驚股災，亦會問若有跌市，究竟是大調整還是股災？我就會話，指數固然重要，但要睇鰟勢，升勢或跌勢都要睇，股市抽得急，若升到現在近27000點已到頂，距離上浪高位只有3000多點，現時跌落來反而好鱓，可能只是大調整，未必咁快成災，跌完又可以再升過。如果急抽後再急抽，好快抽上30000點，甚至更高，呢條飛龍就會耗盡真元，高空急墮。

下個月港股直通車可能會開通，如果真係外資玩№，炒高派貨，在10月會見高回落，呢條龍還可能有少少後勁。如果北水到來，大市不跌反大升，直衝30000點，咁大家就更加要小心，外資大戶把大市推到咁高的地步，就要食一個狂跌的大餐了。

陸羽仁

http://www.hkheadline.com/news/h ... mp;section_name=wtt