【专题讨论】转载香港曹仁超---投资者日记-熊二反彈進入浪B調整

四伯爽

再次陷入水深火熱期

資本主義制度鼓勵競爭，因此令市場充滿活力同時又極唔穩定，充滿咗驚險及戲劇性改變，往往令一般人措手不及；嗰D boom & bust及創造中嘅破壞，既可令人發達亦可令人破產。呢次反彈一如我老曹估計，由3月9日開始並已出現連續三周上升，估計今個月份內仍可上升，但唔係牛市開始。請利用阿里士多德嘅「滲透分析法」去獲利，即係由小部分大升股份逐步擴散到較多股份加入上升行列潮。

A股回跌 港股反彈完

3 月9日至31日標普五百指數上升18%，係1982年以來升幅最大嘅十六個交易天。成個3月份標普五百指數升8.5%，係2002年10月以來升幅最大嘅一個月。到底係熊市二期第二次反彈，定係牛市一期開始？1994年長期資金管理公司出事，事後證明係投資股票嘅好時機；今年3月花旗、美銀和滙 X（005）等跌幅咁大，3月9日係另一次入市嘅好時機；加上4月1日傳出美國財務會計準則委員會（FASB）喺美國X會要求下，變相改為「mark- to-model」，令2009年度金融股面對資產負債表壓力可減少。呢個決定令銀行股盤數好睇D，但唔代表問題已解決；短期可刺激銀行股價上升，但中長期一D作用都冇。如經濟短期復甦反令人擔心未來出現「Double Dip」，因為經此一役，銀行業已大不如前。諾貝爾經濟學獎得主斯蒂格利茨認為，家吓政府挽救銀行計劃係要納稅人付出代價！總結係win-win- lose遊戲，即銀行及投資者贏，但納稅人輸。政府為有毒資產提供92％貸款；投資者與政府再各出4％。贏咗大家佔一半（50％）利潤；輸咗96％由政府負擔（如毒資產價值跌至零）。

喺有毒資產計劃刺激下，3月27日恒指已見14257點，升幅達25.67%完成浪A，進入調整浪B，然後再開始浪C。浪A曾升穿50天線阻力，至於未來浪C能否接近200天線阻力區（16000點）？木宰羊。恒X經過1月7日至3月9日由15763點回落到 11344點後，响政府再膨脹（Reflationary policies）政策下，股市由3月9日又回升，呢次表現最出色嘅股市係內地A股，成為「領先」股市及帶動本港大部分國企紅籌股上升。請留意A股，如果 A股止升回跌，代表港股反彈快完成。熊X二期反彈快且急，由惡性拋售完成所引發，往往可喺短期帶嚟50％至100％利潤。上周末G20結果證明新興市場逐漸強大，「世界新秩序」建立緊；G20批准動用1.1萬億美元去對抗世界衰退，短期可刺激新興市場股市進一步上升。

Kenneth Mertz係Forward Banking and Finance Fund經理，建議大家吸納中小型銀行股。拉斯維加斯金沙CEO喺3月27日至30日共購入二千三百萬股金沙；金沙股價由一年前83美元回落到3月9日 1.38美元，上周已重返4美元，由低位計升幅超過280%，證明熊市二期充滿Double your money嘅機會。美林證券認為，必和必拓（全球最大礦務公司）喺3月份發行63億美元債券嘅目的係收購鉀鹼類或石油類資產，認為資源股喺今年第二季極之吸引。去年12月當油價跌穿每桶40美元時，相信已超賣；到3月底油價重見55美元先出現獲利回吐，我老曹認為，4月份每次油價低於50美元可吸納石油股，直到油價重返60美元之上獲利回吐。支持呢個睇法背後係期油價格曲線出現陡峭的交易延期費（contango）；由3月份開始建議各位收集石油股作中線投資用。本周開始係美股業績公布期，未來個別股份受業績公布而作調整；所有市場皆擺脫唔到循環，你能掌握各行各業嘅盛衰循環周期嗎?!例如呢次資源股上升周期。

工業股回升

物價上升（CPI）我地叫做通脹；相反，樓價上升及股價上升我地叫牛市，下跌便叫熊市。但有時候出現物價上升同時樓價和股價下跌，呢段日子我地叫做水深火熱期。1973至1974年曾出現過一次。家吓大部分港人唔係忘記咗，就係因為太後生而冇經歷過。同樣情況喺今年又再出現，去年12月至家吓銅價已上升 40%、油價升50%及CRB指數已升14%，代表未來物價又再次進入上升周期。連商品貨幣亦再次進入上升軌，我地再次進入水深火熱期。值得注意係上周起工業股有止跌回升迹象。

聯儲局把利率降至0.25厘後，美元已冇再減息空間，美國喺三星期前推出量化寬鬆貨幣政策，美國政府及聯儲局嘅挽救計劃金額已接近12.8萬億美元（接近美國2008年GDP 14.2萬億美元水平），其中包括1萬億美元畀Public Private Investment Programs去幫助美資銀行內嘅呆壞賬，恢復美國最大十二間銀行重新貸款能力；另5000億美元畀FDIC去擔保Term Asset Backed Lending Facility嘅2萬億美元債務及所有喺美資銀行內嘅存款。呢個情況為股市提供「Trading」環境而唔係2003年「買入後可持有四年」嘅低位。 Double your money in this trading season（趁低買入，例如恒指接近11000點；趁高賣出，例如每次恒指接近200天移動平均線）。Monetary Inflation由今年3月份開始，年底前美國負債將超過60萬億美元，由於美元係世界儲備貨幣，令美國新增嘅美元被各國央行吸收；加上信貸收縮所產生嘅通縮壓力，令未來世界經濟陷入水深火熱中，變相把美元滙價壓低及資金直接注入經濟體系；根據普通貨幣理論，呢種做法可令通脹率回升及企業又再借錢投資，經濟可重新繁榮起來。過去三周令美元兌歐羅回落6.3％，例如歐洲央行亦開始量化寬鬆政策，可能真係重燃全球通脹壓力；不過，歐洲央行拒絕咁做，只宣布減息0.25厘；反而中國人行卻較美國早一步咁做，呢個係近月全球原材料價格上升嘅理由。

Fitch Ratings公司3月31日認為今年全球GDP下降2.7%，但明年GDP恢復上升，因為受近日貨幣政策刺激所致。同1929年唔同係當年股市大跌後政府抽緊銀根；加上金本位制誇大咗環球通縮壓力。呢次全球政府喺股市大跌後皆放寬銀根，雖然美國今年GDP 可能回落3.4%（係和平時期最大跌幅），但金磚四國今年GDP仍可上升3.2%；德國同日本將面對OECD國家中GDP最大跌幅，估計可達3.7%及 6.7%，今年首季日圓回落8.3%，日本銀行嘅「短觀報告」公布3月份大生產商情緒指數係-58（去年12月-24）較1975年5月-57更低，日本情況對東南亞國家有一定影響。但唔排除A股市場响去年10月見底及美股响今年3月見底嘅可能性。

貨幣「三分天下」

3 月9日起嘅反彈市同去年11月嗰次唔同，呢次周期性及增長股表現較防守性股出色，有D「見底」味道，但客觀形勢仍未配合，例如OECD國家失業率仍在上升及環球化趨勢在退潮中（保護主義抬頭）。所以3月9日係熊市反彈嘅機會大於牛市一期。上一次環球化趨勢由1870年開始，到1914年結束共四十四年。3 月30日中國同阿根廷達成協議，日後可以人民幣結算貿易，呢個係第五個國家同意以「人民幣」結算貿易（其他係南韓、馬來西亞、印尼及白俄羅斯），中國政府開始把人民幣國際化，並喺G20中爭取領導權。國際金融界認為，世界銀行請咗一位中國人（本報前撰稿人林毅夫）做首席經濟學家後，IMF將邀請另一位中國人出任首席經濟學家，令中國喺國際貨幣體系上嘅影響力逐漸上升。最近人行行長周小川建議成立一個超主權儲備貨幣，雖然美國總統奧巴馬立即回應話冇必要。呢次係中國政府首次喺國際舞台上挑戰美元地位。分析界估計，八年後貨幣將出現「三分天下」局面，即美元區、歐羅區及人民幣區。呢個國際貨幣體系改造符合世界上大多數人嘅利益。截至今年1月止，全球資本市場及房地產損失80萬億至100萬億美元，造成未來三至五年內全球金融體內流動性嚴重失衡。如果人民幣可迅速成為國際儲備，正好填補上述嘅不足，形成現代版「特洛伊木馬」式國際金融互動，畀美國有時間修補自身經濟。當然美國政府係唔會輕易畀人民幣成為國際第三種儲備貨幣，未來八年美國、歐羅及人民幣之間嘅互動與整合，將繼續引發國際間金融動盪。

未來八年人民幣將逐步進入國際市場，例如達成大型貨幣互換協議，以人民幣發行國際債券或作為外國央行儲備貨幣等。未來三至五年中國必須開放資本項目結售滙及八年後完全開放，才能把人民幣推上國際貨幣地位，同時令上海成為國際金融中心。

近期中國政府一連串行動可睇到佢地決心令人民幣登上國際貨幣舞台：A New World Order正在建立中，美元一如1900年嘅英鎊，地位正下跌中。上海响中央支持下，開始建立國際金融中心地位，並以中國人固有嘅量入為出為消費觀念。按「風險可控、成本可算、資訊充分披露」為原則，展開國際金融產品新一頁，令上海成為國際「有源之水、有本之木」，以抗衡西方經濟過去脫離實體，以及強調虛擬經濟所帶來嘅災難（即家吓面對去槓桿化）。中國政府提出上海作為國際金融中心嘅目的係响歐美自顧不暇時提供另一融資渠道，化金融海嘯之危為機，並已獲全國人大常委會支持；中國開始改造全球舊金融秩序，建立新嘅金融體系平台，發揮中國對全球金融影響力。對中國人嚟講既係機遇亦係使命。呢次周小川講話係有備而發；上海遲早成為新資本主義制度下嘅國際金融中心。新華網3月31日公布「中國證監會首次公開發行股票並在創業版上市管理暫行辦法」响5月1日實施。即 5月1日起內地開始接受創業版IPO（香港創業版並唔成功）。

國際金融中心不斷改變，例如1800年嘅阿姆斯特丹、然後到布魯塞爾、倫敦甚至蘇黎世（第二次世界大戰期間）；戰後嘅法蘭克福和紐約；石油危機後嘅東京；1990年後加入香港同新加坡。上海成為另一國際金融中心一D都唔奇，歷史話畀我地知，所有國際金融中心地位好少能維持超過二百年（家吓以倫敦最長，但英鎊地位自1931年起走下坡亦令紐約嘅地位上升；美元地位自1971年起走下坡，令東京地位曾一度冒起）。

湯遜路透調查上周分析員對標普五百指數喺今年首季純利估計係下降35.6%（上周34.9%）；最差係耐用性消費品（負102%）、原材料（負58%）、能源（負36%）、工業（負28%）、電訊服務（負22%）、科技（負21%）及健康護理（負3%）。以今年估計純利計，現水平P/E十三點六倍，即仍處熊市二期P/E。

四伯爽

牛市暫欠條件誕生

4 月13日，週一。滬深A股續升，中國計畫再提供100億美元畀投資基金，以及向亞太區鄰近國家提供150億美元信貸（主要系十個東盟國成員），貸款期由三至五年，用作對抗金融海嘯；另向柬埔寨、老撾及緬甸提供1.7億元人民幣援助（包括三十噸米）。睇嚟中國已決心做第三世界國家嘅頭頭矣。

日股則微跌，雖然4月10日宣佈56.8萬億日圓刺激方案，但3月份生產價格指數仍下跌2.2%，系2002年5月以來最大跌幅。原油、鋼鐵、銅、小麥等成本較去年3月回落49.3%；估計3月份日本核心CPI將下跌，日本經濟已無法擺脫通縮。日圓兌澳元跌至六個月內新低，成72.5兌1澳元，系去年10月 14日以來最低。

反彈完成後跌幅更大

油價響新加坡成51.56美元，後市油價估計響47至53美元之間上落；IEA估計，今年全球石油需求將減少2.8%（因全球GDP下降1.4%）。

歐洲央行估計4月份仍有減息空間，有可能減息0.25厘；OECD估計歐羅區經濟今年可能收縮4.1%。

全球經濟喺政府挽救下，只由「Bad」轉為「Less bad」，但並冇好轉。

去年11月份嗰次港股反彈以二線股為主，今年3月9日呢次反彈以金融、商品股為主，相信系另一次「go-round」（氹氹轉）。美國VIX由去年10月89.55，回落到依家較合理水準如40，即人們已冇去年10月嗰時咁恐慌。

根據1973至75年嘅經驗，我老曹喺1974年7月入市後先發現，反彈完成後跌幅更大。熊市二期嘅特點系耐唔耐便產生令人樂觀嘅感覺，相信呢次亦唔例外。過去十八個月唔少利淡新聞已出，令恒指響去年10月27日見10676點，唔少港股亦喺呢段日子見底，只有受美國拖累嘅匯控（005）才在今年3月9日才見底，當天恒指見11344點，相信乃熊市二期中嘅第二個底；通常熊市二期有三至六個底。分析家估計，去年美股純利下降20%，今年再下降 30%，2010年純利才止跌回升。理論上，牛市要到2010年才會出現（因屆時企業純利才止跌回升）。紐約大學魯賓尼（Nouriel Roubini）話，從宏觀經濟角度睇，3月9日開始嘅上升只系熊市反彈，標普五百指數去年9月至今年3月形成下降楔形，理論上呢次反彈市最高可重見 2009年1月高位才完成。1929至1932年超級大熊市中有六次反彈；反彈市最小升幅21％、最大升幅48％。由2007年10月開始嘅熊市，反彈次數相信亦唔少。

有關熊市系咪已喺去年10月（美股則系今年3月）結束？近日爭拗十分激烈。現實世界系美國失業率8.5%，為1983年以來最高；由2007年10月至今已有三十家商業銀行倒閉；超過15%美國人生活響貧窮線之下。另有三百七十萬美國人只獲part time工作而不被列入失業，不然美國失業率已達15.6%（去年3月如把兼職亦列入失業，失業率只有9.3%）。1990年後日本經濟從未脫離衰退，擔心相同情況亦喺美國出現，因此牛市難以響上述情況下誕生。我老曹認為後市仍將窄幅上落。請好好享受呢次反彈市，唔好太早相信牛市重臨。著名分析員Rick Ackerman認為，「No capitulation, no bottom」。你信唔信投資者響虧損50萬億美元後，熊市咁快便完成?!

美失業情況急劇惡化

白宮經濟顧問Lawrence Summers上週四響華盛頓經濟會上發言：3月份失業率8.5%，為1983年11月以來最高。展望未來十二個月仍將進一步惡化，估計今年下半年情況較上半年差，明年情況亦唔見得可以好轉。去年12月起美國經濟迅速滑落，至今已失去四百四十萬個職位，估計未來仍有一千三百二十萬個職位消失。呢次衰退情況有可能較1974年更嚴重【圖】，平均每個月失去六十五萬個職位，或今年年內可失去七百八十萬個職位。從客觀因素睇，牛市唔可能響咁情況下誕生，即熊市仍有一大段日子要走，3月9日只出現熊市二期嘅第二次反彈。今時今日投資策略：當人人恐懼時入貨，當人人樂觀時出貨。未來日子只系冇咁壞（Less bad）而非轉好（Good）。上週四道指升250點或3.14%，即3月9日至今道指已升25%，呢次反彈市帶來嘅回報率已不俗，擔心投資者本周開始又再唱歌同跳舞。散戶有時都幾無知也。

研究指出，大部分投資者（甚至超級富豪）損失嘅金錢理由系佢地忘記早已訂下嘅守則（包括我老曹在內），理由系受客觀環境影響。請不要被眼前嘅好景蒙蔽自己嘅長線睇法，唔好太早便忘記3月9日前嘅恐懼感。危機發生時往往太快，但複元卻極慢。如你忽然之間忽視大方向而將自己辛苦賺返嚟嘅錢攞去博，無人可阻止你。須知道政府嘅一切財政及金融政策，只影響美國GDP四分一，其餘四分三仍由美國私人消費決定。上週四富國銀行業績良好嘅消息，可支撐股市上升幾耐？金融海嘯有如雙刃劍，令大部分投資者響2007至08年跌市中損失慘重，往往令人從夢中紮醒；亦造就去年11月起嘅熊市二期反彈，每次又可帶來可觀利潤。今年3月9日呢次亦唔例外。

利用資源升價獲利

中國進入另一次「大躍進」時代，全力向海外收購資源（花旗集團Markus Rosgen及Elaine Chu認為，呢D機會每二十到二十五年才出現一次。上一次系七十年代由日本發動，為期十年，1980年才結束。呢一次由2001年起，估計可維持超過十年）。1980年代日本政府嘅杠杆比率達到60％，家嚇中國只有30％。2007至08年因商品價格太高而出現調整，2009年又再開始上升。最受惠地區應系非洲、南美洲及其他資源豐富嘅國家，各位可利用2009年另一次資源價格上升潮去獲利。類似1930年代後期引發嘅「bond-commodity- credit-equity recovery sequence」已出現，即因債券息率太低而令商品獲大量信貸，引發資源價上升。三十年代曾發生嘅事，估計可以喺2009年重演。

湯森路透調查分析員對今年第一季標普五百純利估計系下跌37.8%（4月1日估計跌36%），即預測純利仍在下降中。第二季純利估計下降32.5%（4月1日估計下降31.7%）；未來十二個月估計P/E系十三點八倍。

美國經濟仍面對四大困難：

一、負債通縮。因企業之間互不信任而產生負債減少。

二、削減成本通縮。企業因利潤減少而努力削減成本，因而引發通縮。

三、銀行信貸收縮所引發通縮。銀行唔肯借錢出街，因擔心呆壞賬問題。

四、一般人擔心失業而增加儲蓄並減少消費，因此引發通縮。

金融海嘯證明，呢個世界並冇股聖，更加冇股神。希臘智慧告訴我地：如要成功，首先認識自己。所謂向上天禱告，其實系加強自己嘅意志力，因為真正決定天堂與地獄者系自己。

4 月3日美國FASB同意銀行資產負債表可採用Mark-to-Model會計法，即我地齊齊做「Pretender」；大家假裝銀行冇事、假裝樓市泡沫未出現、假裝……。但通用汽車十年期債券每美元市價跌到只有8至10美仙（不足十分一市值），上述市價反映通用汽車可能破產。通用汽車1971年喺美國市場佔有率60％，依家已不足20％。過去容許美國汽車工會（United Auto Workers）一再苛索，而令通用汽車失去價格競爭力，任由外國汽車集團以低廉勞工成本侵佔市場佔有率。到家嚇情況，通用汽車除咗申請破產外已別無他法。如果任由通用汽車破產，美國將再增加一百萬人失業，令3月份失業率8.5％（1983年以來最高）進一步上升。因通用汽車破產而連帶影響其他行業，估計將有超過二百萬人失業。政府響1975年通過Corporate Average Fuel Economy（CAFE）標準後，通用汽車仍生產耗油量大汽車。到2007年CAFE標準進一步收緊，令通用汽車生產耗油量大汽車嘅成本進一步上升……。雖然通用汽車所產汽車安全性超過其他外國汽車集團，令「Buick」品牌汽車響中國市場大受歡迎，但喺美國由於受CAFE限制，反而無法暢銷。睇嚟通用汽車必須透過重組才能翻生。而佳士拿可能出售畀義大利快意車廠，未來美國汽車集團可能只剩下福特，令美國汽車業從此進入生產慳油車嘅時代，阻止油價響可見將來狂升。換言之，類似2008年式油價狂升期應唔會再出現。

有人認為，韓戰將整個世界一分為二，越戰結束後又將整個世界縫合起來。至於2007年11月次按危機嘅威力，有如引發第三次世界大戰，全球唔少人畢生財富從此被毀掉！第二次世界大戰結束後，共產主義、社會主義抬頭，唔少國家迅速赤化（包括中國）或社會主義化。轉捩點系1978年鄧小平提出改革開放政策，令全球又再採用資本主義制度。1980年響列根領導下嘅政府，以新自由經濟主義作為主流，直到2007年8月次按危機後，世界思潮又大逆轉……。資本主義能夠帶來經濟繁榮，理由有賴投資者肯冒險，而社會又肯提供有效工具，例如銀行等，透過借貸提供杠杆，令企業家可用1000萬元資本，經營年營業額1億元以上嘅企業。CDO嘅出現，更可只用1000萬元本金從事最多5億元生意（杠杆比率五十倍）。2007年8月開始去杠杆化，令嗰D願意承擔風險者亦失去工具，連銀行提供嘅杠杆（1元股本做12元生意）都受威脅。

過去聯儲局嘅責任系每當經濟過熱時便將「Punch bowl」攞走，讓參加派對嘅人恢復冷靜。但格蛇上臺後做法剛剛相反，每當經濟平靜下來，格老便向Punch bowl大量加添Rum酒令經濟又再次熱起來。呢個方法由1987年股災後沿用到今天仍然系咁。全人類喺酒精刺激下狂舞，2007年10月過後，唔少人因此不省人事。格蛇任內成就了美國史上最長嘅繁榮期，亦系美國經濟史上最瘋狂嘅投機日子。其實到2000年美國經濟已後勁不繼，但格蛇不惜提供四年負利率（利率低於CPI增長率）去製造2003至07年最後一次經濟繁榮，刺激樓價及股市升到半天高。隨之而來系美國大城市樓價由2006年夏季到08年12月已回落27.20％，睇嚟仍會進一步下跌，股票投資者面對股市40％跌幅亦苦不堪言；到咗呢個地步，美國經濟已經系神仙難救。依家已經唔系爭論美國會否出現日式經濟衰退嘅時刻，因美元利率回落到0.25厘，同日圓實施零利率政策分別已唔大。美國金融系統已支離破碎，雖然喺政府支持下並冇崩潰但已僵化。銀行股股東已變得神經質，一如1990年至今日本經濟並冇崩潰，通縮亦喺「可控制」範圍內，只系大部分日本人嘅生活質素隨住資產價格下跌而逐步下降，2008 年起美國正步日本後塵。日本政府宣佈動用1000億美元刺激經濟，而過去十七年日本政府已不斷刺激經濟。如果有效，1993年日本經濟已復蘇，何需等到 2009年4月？

新資本主義標準正在形成

2007 年11月起“The Old Rules of Money No Longer Work！，可惜大部分投資者喺最唔適當時刻，做最唔適當嘅事。唔少人仍未清楚美國巨大財赤、信貸萎縮及金融海嘯所帶來嘅衝擊，仍相信自1900年開始嘅美國黃金歲月可繼續。其實第一個預警早響2000年科網股泡沫爆破已發出，美國唔再系財富創造者，反而成為財富破壞者；相反以中國為首嘅東方人價值觀正在抬頭，如儲蓄、節儉及負責任（例如唔可以長期入不敷支）。投資獲利應同企業共同成長而唔系透過炒賣。新嘅資本主義標準在建立中，遲早取代過去式嘅經濟理論。作為港人嘅優點系既瞭解美式資本主義，同時亦明白中國人嘅價值觀；新嘅資本主義理論形成後，將逐步取代八十年代興起嘅利伯維爾場經濟理論。 London School of Economics嘅Richard Layard認為，五、六十年代喺英國及美國實施嘅制度，令人快樂、社會較公平、人們較溫文和社會較環保。資本市場正從犯錯嘅資本家手中把資本取走，還畀做對嘅資本家，而唔喺嗰批花紅追求者（過去我老曹一直反對高級職員花紅同企業營業額或純利掛鈎，因此舉令公司高級職員忙住追求眼前利益而出賣股東長期利益）。

多謝新星公司張讀者2萬元、信報研究部主任莊先生5000元、九龍觀塘Sunny Chan、將軍澳蘇讀者及澳門一讀者各1000元，連同《論性》一書版稅34萬多元，合共37萬多元，將于下周帶去北京，親手交畀農家女學校校長。在此再多謝各讀者嘅捐款及購買書本，支持呢次善舉。

四伯爽

投資同愛情都不能盲目

4 月19日，周日。貝南奇認為美國借貸市場崩潰對樓價及個人財富影響系長期性嘅，政府將利率降至0.25厘及計畫購入1.25萬億美元按揭系有紓緩作用，但無法改變大方向。美國去年第四季不履行按揭率上升7.88%，系1972年來最高。去年樓價回落8.2％，加上股市回落令美國人財富減少11.2萬億美元。各位唔好期望牛市會喺2009年，甚至2010年上半年出現牛市（即美股50天移動平均線高於200天線機會唔高），但唔代表冇錢搵，例如去年11月同12月嘅反彈及今年3月同4月嘅急速反彈。由去年10月開始之後嘅十八至二十四個月，股票市場內充滿Double Your money嘅機會。各位可在每次上落市中賺取100％或以上利潤。

呢次反彈市中，金融股升幅十分了不起，例如美國銀行、富國銀行、 UBS、匯控（005）等由3月9日至今平均升幅達120%（匯控升幅仍大大落後其他銀行股）。金錢遊戲嘅規則進入「Picking the right stocks and knowing when to sell」期。Trading已取代投資，成為主流。

不要做「癡心漢子」

每當聽到投資者喺電盈（008）或匯控（005）身上蒙受巨大虧損，實在令我老曹感到沮喪；佢地所犯嘅錯誤唔止買錯股份咁簡單，更同時系因為唔肯止蝕。 2000年科網股泡沫爆破後至今，仍死守電盈不離不棄；2007年9月次按債券危機爆發後明知會影響匯控響美國嘅Household業務，仍然繼續持有。投資者對「大名」（big names）嘅迷信，一如美國人對AIG、雷曼兄弟等。此心態一日唔改變，便一日不能成為出色投資者。泡沫爆破後會點？港人唔系唔知道，遠一D如1997 年第三季本港樓市泡沫，近一D如2000年科網股泡沫，依家則面對2007年10月次按債券危機……每一次泡沫爆破後，仍見到唔少傻瓜摣住Ｄ高價買入嘅泡沫股不離不棄，而上演「愛情大悲劇」。請記住，喺泡沫爆破前，冇人會為你響鐘，如你一次又一次甘心做「癡心漢子」，便多多錢都唔夠輸。

改革開放初期，中國為到底姓「社」還是姓「資」，曾引起廣泛爭論。1992年鄧小平提出「不搞爭論只爭取時間幹」，因為一搞爭論便把時間都爭掉了，什麼都幹不成。不爭論反而可大膽地嘗試，錯了就改……無謂爭論、空洞嘅爭論只系浪費時間。反觀香港呢十幾年來經濟發展，就在爭論中將時間都爭掉了。2008年 12月18日響十一屆三中全會中，胡主席再提出「不動搖、不懈怠、不折騰」戰略。乜嘢系「折騰」？北方方言乃指「搵嚟搞」。簡單D講：唔好搞群眾運動，所有矛盾透過協商去解決或通過法律去解決；「不折騰」就系「不搞群眾運動」。今天睇見泰國政治搞到一團糟，例如紅衣党執政時，黃衣黨就搞群眾運動，令機場無法運作；今年黃衣黨執政，紅衣黨又搞群眾運動……再咁搞落去，泰國旅遊業前景系點？泰國經濟前景系點？港人亦應該學習瞭解「不折騰」嘅思想。

OPEC 連續第八個月削減石油需求預測，因最大石油消費國（美國）經濟在迅速惡化，第二大需求國日本情況亦不容樂觀，只有中國對石油需求仍保持增長。OPEC今年石油出口淨收入較去年減少51％，只有4760億美元，因此喺5月28日會議中可能進一步減產。不過《財富》仍建議各位吸納石油股，指今年油價上升 11.5%，見50美元，相信喺50美元完成整固後，未來油價將向上【圖】。因為OPEC已為油價訂下目標價，即2009年年底前見60美元一桶，並喺 2010年令油價響60至70美元之間上落。

石油供應不足料再現

OPEC家嚇供應全球40%石油，六次減產共四百二十萬桶，占總產量12%，依家已完成減產能80%。過去十二個月石油鑽探活動減少43%（其中墨西哥灣減幅最大，達80%）；OPEC亦公佈三十五個新項目延期到2013年才動工。

IEA估計，2030年石油需求一億零六百萬桶，要達上述需求，未來二十一年必須投資26.3萬億美元，照依家情況，另一次石油供應不足將於2015年出現。

Cambridge Energy Research Associate最近警告大家，到2014年全球產量只有一億零一百四十萬桶，較去年減少七百六十萬桶。因此或遲或早油價將再次因供不應求而上升。另一因素系美國石油股指數只有六倍P/E（雖然2008年系石油股純利高峰期），標普五百指數P/E卻系十二倍，即今年石油股純利即使下跌50％，亦唔會令股價進一步回落。T. Rowe Price旗下基金已投資29億美元響艾克森美孚身上（P/E八倍）。栢克萊則睇好雪佛龍，JP摩根估計該公司從伊拉克及巴西獲得新供應來源而P/E只有六倍。其實，響本港上市嘅中資石油股亦十分吸引。

EIA估計，美國今年天然氣需求下降7.4％。由於美元下降0.3％，估計今年每百萬立方英尺平均價4.24美元，2010年為5.83美元。

雖然環球需求下降影響中國出口，但中國東部固定資產投資今年首兩個月上升15.4%、中部升34.3%、西部升46.7％。來自中國經濟增長正擴散到香港，引發3月9日開始嘅反彈市，例如江西銅業（358）升幅十分可人，並漸漸擴散到其他資源股同能源股；再加上銀行股補淡倉潮，令3月同4月港股表現十分出色。

Carry Trade捲土重來

G20 國峰會之後，各國相繼出臺新一輪經濟刺激方案，其中又以日本及中國最受矚目。日本嘅方案推出後，日經平均指數卻回落；反之，中國人民幣國際化已邁出重要一步，與中國貿易今後可以人民幣結算。依家中國已同亞洲、歐洲、南美、東南亞等國家簽署咗6500億人民幣互換協議，中國向呢D國家輸出人民幣，作為日後支付畀中國貿易之用。家嚇中國已系全球第一大外匯儲備國、第二大出口國、第三大經濟實體。人民幣國際化分「三步走」：一、實現人民幣作為國際計價結算、各國外匯儲備及在外匯市場交易。二、令中國外匯儲備增長放緩，未來中國出口以美元計價減少，以人民幣結算上升，令人民幣喺世界範圍內流通。三、境外人民幣債權、債務問題，除人民幣在境外流通量增加外，亦形成人民幣境外借貸市場。美國《政治週報》網站認為，一場世界經濟大戰已經開始，對手系中、美兩國，目標系爭奪世界經濟嘅主導權。依家美國仍系世界最大經濟實體，喺金融海嘯後實力受嚴重削弱，霸主地位已岌岌可危；反之，中國則趁機鞏固自己正在崛起嘅經濟實體地位，成為金融海嘯中最大贏家。最近中國就手上1萬億美元美國國債系咪安全提出質疑，已動搖咗美元地位，美國總統奧巴馬立即出面捍衛美元匯價……誰主導、誰被動？已十分清晰。近期投資界恢復Carry Trade，令巴西、匈牙利、印尼、南非、紐元及澳元由3月20日至4月10日呢段期間兌日圓上升8％或以上，為1999年以來最大升幅。高盛證券、 Insight Investment Management、Fischer Francis Trees & Watts等大行，恢復向客戶分析Carry Trade，令資金回流新興市場及商品市場。借日圓、借美元（同業拆息只有1.13厘）買巴西雷亞爾（有10.51厘息）如匯價不變，實賺9.38厘。過去三十年（1980年至今）Carry Trade每年平均回報達21％，只系喺2008年下半年至今Carry Trade投資者才損失慘重，2009年3月份起Carry Trade又漸漸恢復吸引力。

今年第一季中國GDP增長率只有6.1％，而去年7月1日至12日，人民幣只上升0.4％，最近成6.825兌1美元。OECD估計2009年中國GDP上升6.3％、美國收縮4％、日本收縮 6.6％。中國GDP保持增長，有賴固定資產投資。滬深A股今年升幅已達39％。問題在於如果美國經濟無法復蘇，中國經濟可以好得去邊 ?! VIX正在迅速回落，代表投資者由去年10月嘅恐懼漸漸走向貪念，上述情況仲可以維持幾耐?!沃爾瑪CEO仍未睇到衰退盡頭，湯森路透則報導美國樓按斷供情況在惡化中。

中國第一季外匯儲備只升77億美元，為八年內升幅最細（去年同期上升1539億美元）。1月份減少326億美元、2月份減少14億美元、3月份上升470億美元。香港德銀分析員Jun Ma估計，今年中國外匯儲備只上升1000億美元（去年4178億美元）。中國對美國國債興趣大減，資金用作向海外購買資源或資源股。商品價格自今年1月起恢復上升，最大推動力量來自中國，後市展望仍有上升空間。但美國嘅消費文化已被徹底破壞，令美國經濟復蘇唔可能響2009年甚至2010年出現，因美國人再花唔起100美元食一個餐或花5000美元度假。

2001年1月開始，格蛇嘅「Rebubble」嘗試證明成功。響美國房地產泡沫化環境下，抵銷2000年科網股泡沫爆破嘅影響。2007年9月貝南奇亦嘗試「再泡沫化」，將利率減至0.25厘，但無法製造另一個較地產泡沫更大嘅泡沫。有如戀愛失敗後嘅女性仍有勇氣嘗試第二次戀愛，如第二次再失敗，便好難再令此女士全情投入第三次戀愛道理一樣。

反彈市恐下月結束

理論上，每次股市大升後都系出貨期，請約束你嘅熱情，理智D處理問題。股市已上升六周，反彈市好少超過三個月（十二星期），即依家反彈市已完成一半或以上升幅，美國經濟唔可能出現V形反彈，預計系U形，即短期仍系上落市。4月份調查結果，相信未來九十天經濟將改善者占40％（3月份占70％），惡化者占 20％（3月份占7％），認為未來九十天股市仍上升者占23％（3月份占67％），回落者占32％（3月份占70％）。恐怕呢次反彈市喺5月份結束。

投資有如談戀愛，既充滿浪漫，亦有不守諾言、踐踏自尊，甚至以一塌糊塗離婚收場。既系理性分析，同時須用心去感受，此乃點解成功嘅投資同美好嘅婚姻一樣咁少。如果你投資策略好普通，結果自然亦普通，能夠成就億萬家財一如刻骨銘心嘅愛情，一定系可歌可泣。投資更似戀愛嘅地方後充滿欺騙，投資市場內嘅騙子較愛情騙子更多。初相識嘅情侶必須互探對方虛實後，才決定系咪繼續放感情落去，如一見鍾情只有感情冇理性，極可能以悲劇收場，最後需要律師或社會福利署出面調停。投資關乎你日後財富，戀愛更影響你一生一世，兩者都不能盲目，既要用心，亦要用腦才有美好結果。坦白講一夜情通常唔長久，我老曹喜歡細水長流式愛情；投資亦一樣，必須從中、長線角度去睇問題。

美股VIX自去年11月開始一直回落，在今年首季形成下降三角形，即短期展望美股仍有上升力量。4月份FASB決定美國金融股資產負債表可Mark to Model，令銀行股響4月份大升。G20峰會後股市進一步上升，但2007至08年美股共失去11萬億美元市值（超過50%市值），奧巴馬上台後再回落 20%，上述客觀形勢好容易孕育熊市反彈。

2008年3月17日金價見1023.5美元後出現七個月調整，跌幅32%，最低為2008年 10月24日嘅682.41美元，主要拋售來自對沖基金，佢地擔心嚴重經濟衰退可能引發通縮……。2008年10月後因投資者對全球金融系統失去信心，喺 flight to quality 驅使下，金價響今年2月20日再見1006.29美元，短短四個月升幅達47%。隨住各國政府刺激經濟計畫出臺，投資者信心重建，黃金一度跌140美元（或14%）。技術上睇，金價250天線（856美元）有支援，如能守穩，後市金價可再次睇好。Jeff Clark建議每次金價喺870美元以下、823美元之上都系吸納水準。喺現今客觀環境，小量持有實金有一定需要。金融危機2007年11月開始，2008年10月達最高潮；其後各國政府出手努力挽救（或修補）金融海嘯造成嘅災害，包括利用財政政策及金融政策對抗環球衰退，形成各國政府負債占當地GDP比率大升。短期而言似乎已成功阻止通縮惡化，但無法令經濟恢復高增長。因為2007至08年全球投資者失去大量財富；個別投資者響呢場金融海嘯中虧損約40%財富，而令銀行失去20%借貸能力（因美國樓價回落30%）。因此估計呢次衰退期唔會短，各位唔好忘記道指或恒指由1997年至今過去十多年回報率系「零」（或負增長）；反之過去十年金價升幅卻不俗。龜兔競走，最後贏家系龜唔系兔！

江湖

这是我今年的生日礼物
香港空运过来的

P/S：谢谢你

champion87

空運費幾錢

江湖

三本书包邮 = 十亿
决无造假

四伯爽

進軍新興市場講Timing

4 月26日，周日。今年第一季標普五百純利估計下跌37.4%（較上周估計下跌37.8%略減），第二季純利估計跌幅32.6%（4月1日估計跌幅 31.7%）。今年標普五百預測P/E十四倍（上周估計為十三點八倍），即分析界相信企業純利下跌週期亦進入穩定期。道氏理論專家羅素認為，技術分析必須有客觀因素支持。雖然截至今年3月9日道指跌幅約50%，但P/E仍然偏高；熊市三期P/E一般都在八倍左右（最少低於十倍），息率則為5至6厘。值得注意嘅系，標普五百指數已形成上升楔形，MACD則出現三浪背馳，另一次調整極可能響5月份出現【圖】。

底特律現象全球化？

美國自1900年起至今衰退期平均只有十四點四個月；戰後兩次超過十四點四個月嘅衰退期為1973－74年及1981－82年。唔少人認為2009年3月道指已見底（因下跌已超過十四點四個月），但戰後嘅最大趨勢令我地呢一代十分「恰皮」嘅形勢改變。呢次改變唔系微軟擊倒IBM，又或蘋果回朝奪取微軟嘅市場佔有率，而系整個價值觀嘅改變（Values-shift）。過去十八個月全球財富失去40%至45%，包括樓價下跌、股市崩潰及OECD國家有四分一人口步入五十五歲至六十四歲嘅退休期，最大改變系1946年至1964年出生嘅美國嬰兒潮到2006年開始踏入退休年齡，佢地總共占美國人口四分一，系美國境內最大嘅消費群，造成2007年起全球資產價格回落潮。「Downsizing America」已經響2007年開始！呢次收縮期系綿綿不絕而非週期性。

家嚇美國消費占GDP 70%，相信未來只占65%，然後60%……。例如Circuit City已申請破產，星巴克為生存而戰，Macy在減少百貨店嘅數目……。失業率上升，華爾街已裁員25%至35%，今年首季汽車零售減少37%至 50%，連大學慈善基金亦收縮咗25%至30%。美國人工資扣除通脹率自2000年起在下降中，美國人稅務負擔則在上升。

經過大跌後（例如2007年11月至2009年3月），美股出現大反彈十分正常，但千祈唔好將反彈市講成「牛市」。美國光輝歲月已於2000年結束，艱辛歲月2007年 11月開始。至於會否因經濟走下坡引發治安問題而令社會不穩，即美國底特律（汽車城）嘅現象變成全國化？木宰羊。

歷史告訴我們，每次重大事件發生後，總有些國家會衰敗，另有些國家抓住歷史機遇而崛起。例如十四世紀歐洲文藝復興、十八世紀英國工業革命、第一次世界大戰及第二次世界大戰後嘅美國崛起、1973年石油危機後嘅德國、日本。呢次金融海嘯後，誰衰退、誰崛起？

2007 年夏季開始嘅美國信貸壓碎（credit crunch），已令聯邦基金利率跌至0.25厘，同時令美國股價跌至「替代成本」嘅55%（耶魯大學教授James Tobin估計），為1980年代股市上升以來最低，1974年12月曾一度跌至替代成本的70%。「牛市」短期內系無法出現，在1930年代通縮期，股市反彈幅度可達62%到132%；2009年3月9日開始嘅美股熊市二期第一次反彈（香港系熊市二期第二次反彈），估計升幅唔會細。Julian Robertson（在2000年互聯網高峰期結束老虎基金）決定今年3月複業，吸納物件之一系能源股Occidental Petroleum。油價由2007年7月至2008年7月上升接近一倍，由74美元升至147美元，同期美元兌歐羅回落16%。最近油價由2月中35美元之下升至最近50美元之上，升幅42%，鑽油活動較去年同期下降43%，有理由相信今年年底前油價可見60美元，短期石油股有一定吸引力。

千祈唔好被中期調整而影響你長期睇法。要知道2003年至2007年透過信貸膨脹而製造出來嘅最後一個信貸泡沫已爆破，2007年11月起遊戲規則系逢低買、逢高沽。

1933 年羅斯福上臺後，推出新經濟政策令經濟復蘇，1937年佢計畫加稅去減少財政赤字，經濟立即回落。美國經濟真正繁榮期要到1949年第二次世界大戰後美國貨橫掃全球才正式開始。1990年後日本亦有類似情況，即每次推出刺激經濟方案便令經濟暫時穩定下來，每次政府欲加稅去減少財赤，經濟又滑下來。2009 年3月美股在刺激經濟方案下總算穩定下來，但未來日子千萬不可加息或加稅，不然另一次跌市隨時開始。

2009年首季美國利率已降至 0.25厘，同1998年日本嘅零利率政策接近；日本透過政府推出一連串挽救行動，結果只令日本經濟唔生唔死。美國政府負債占GDP比率由1989年 50%上升到2008年70%；日本政府負債占GDP比率由1989年68%上升到2008年173%。政府負債一旦相當於GDP 100%以上，當地經濟便無法復蘇；2009年美國政府負債亦開始向GDP 100%靠近，各位要小心。

美股市值由2007年10月嘅 19.1萬億美元回落到2009年2月嘅9.2萬億美元，共失去10萬億美元；東京股市由2007年6月嘅578萬億日圓下降至2009年2月嘅244萬億日圓；全球股市由63萬億美元回落到2009年3月嘅28萬億美元，下跌56%（或35萬億美元）。美國物業2006年至今失去3.5萬億美元。家嚇美國物業市值仍相當於2008年美國GDP 130%（1985至1999年只相等於GDP 100%至120%；2006年相等於GDP 170%）。換言之，依家美國樓價仍處偏高水準。低利率雖然可阻止樓價及股市進一步回落，但亦同時阻止GDP增長率進一步上升，變成低增長區；結果PEG 下降，令股市最終抬唔起頭；擔心美國正漸漸步入上述景況。2006年美國有2萬億美元「現鈔」，同時有50萬億美元「信貸」；2007年9月開始去杠杆化（Deleveraging），引致資產價格大幅跌價及信貸收縮，雖然現鈔供應略為上升，但通縮力量超過通貨膨脹。簡單公式MV=PQ可解釋上述現象。 M（貨幣供應）乘V（貨幣流速）等於P（價格升降）乘Q（產品供應量），雖然政府增加M供應，但V卻下降，結果出現P跌價而非升值，除非產品供應量亦下降。

無謂癡癡等另一次牛市重臨

美國3月份新屋動工下跌10.8%，係1940年代至今第二低。利用樓價上升作為提款機（ATM）嘅時代已响2007年結束，令經濟復甦唔可能在2009年甚至2010年出現，因美國消費文化正在改變中。Big money became fast money，人人希望「Buy on dip, sell on rip」，例如恒生指數2008年10月、道指2009年3月完成大拋售後，進入漫長熊市二期。在各國政府大量提供刺激方案後，經濟進入「半杯水」時代，即Not too good and not too bad。香港更因中國政府大力刺激內地經濟，而令香港變相受惠；美國亦因7870億美元刺激方案而令經濟由3月起反彈，連大淡友麥嘉華亦估計標普五百指數可由3月上升到7月；至今已上升29%，估計仍可上升16%，即5、6月份股市繼續睇好。Steve Leuthold乃2008年大淡友，因拋空而賺大錢，自今年3月9日起亦改行睇好，並估計標普五百指數今年年底見1100點，即後市仍可再升30%。佢認為2009年3月9日股價嘅吸引力，係佢從事證券投資四十五年來僅次於1974年；佢認為現水平應投資大價股而非二線股。各位請繼續享受呢次大反彈，記住在惡劣經濟環境下一樣有賺大錢機會，無謂癡癡地等另一次牛市重臨。經過2008年11及12月反彈及2009年3、4月反彈市後，各位唔知學曉在熊市中 Double your money嘅技巧未？

由2007年美國次按債券危機發展成為2008年金融海嘯，席捲全球並伸延到實體經濟領域，包括中國出口受阻。中國嘅好處係由華爾街包裝出嚟嘅金融衍生產品在內地仍未流行，相對其他國家中國受毒債影響最細。雖然係咁，面對金融危機壓力，西方不但減少對中國投資，甚至拋售在中國嘅資產以自救，形成中國經濟增長步伐也放慢。中央在3月份兩會上提出「三個穩定」：經濟穩定、金融穩定、資本市場穩定，即中國將以「穩定」政策去應付全球金融危機。由1998年到2007年，中國出口呢架發動機在兩倍於GDP增長率下操作，早已過熱；去年開始冷卻。人民幣在去年兌美元升值9.5%，兌歐羅升幅更大，再加上歐美經濟進入衰退期，出口導向型的「大躍進」去年起停頓下來，今年中國經濟進入軟着陸期。過去服務業在中國一直滯後，今年開始啟動，能否成為中國經濟「新發動機」，帶動另一繁榮期出現？

內房股宜減持

海爾地產董事長兼首席執行官盧鏗响北京嘅「中國房地產變革之路先鋒論壇」中指出，目前開發商土地存量面積乘以容積率等於二十四億方米，今年年底空置商品房面積可能達四億至五億方米，即整個房地產業嘅存貨資產約4萬億元人民幣。內地房地產一天未復甦，中國經濟「保八」有困難。2007年年底萬科董事會主席王石提出房價「拐點論」，曾引起業內極為尖銳嘅質疑與空前激烈爭論，隨後綠地、金地等亦加入減價行列，成為內地樓價下降第一波。去年年初因工程款項及銀行貸款到期，資金壓力與日俱增，開發商被迫降價出售令資金回籠，成為樓價下降第二波。今年3月中央兩會態度明確，短期唔會有新政策，眾多仍在觀望嘅地產商亦加入降價行列，包括瑞安及長和系都在調整重慶南濱路項目，兩岸江景房價更跌破6000元人民幣一方米。在上海，黃金城道商舖和御翠園商業別墅亦降價求售。在全國都在爭論樓市係咪回暖之際，港資房企今年3月在國內卻率先降價拋售。內房股3月份起反彈幅度唔細，2月份內房股市價平均數較資產淨值價低47%，4月份只低21%（歷史性平均低26%），相信內房股反彈好快完成。3月份內地房地產成交回升，但唔代表企業純利回升，唔少內房股減價賣樓令邊際利潤大跌，因此我老曹建議減持內房股。中國房地產必須為2007－08年泡沫付出代價。從目前地產發展商存貨量加上政府推出嘅經濟房政策睇，估計中國需要一段好長日子才能恢復住房供求平衡。預言中國樓市復甦仍言之過早，相信只係另一場小陽春，同時各位應小心「倒春寒」！

日資百貨成與敗的啟示

1970 年代好多外國企業預計香港經濟將日趨繁榮，中產階級人數湧現，於是便在香港大力發展業務，例如日本嘅伊勢丹、西田百貨、松坂屋、崇光百貨、八佰伴等，和記企業亦首先引入「家鄉雞」……。大量購物中心1970年代開始在香港湧現，擺滿高檔商品。今天回望，1970年代進軍香港嘅企業，無一能生存至今（今天的崇光百貨已非昔日嘅日資企業）；反之，後期才進入香港嘅日資百貨公司如永旺百貨（984）至今發展良好，並已進軍中國市場！最搞笑係「家鄉雞」近年再由太古（019）引入，至今發展良好。點解同樣係「家鄉雞」，和記企業在1970年代引入唔成功，太古近年引入卻成功？理由係企業對成長嘅預估往往超過經濟發展嘅「實際曲線」。1970年代我老曹月薪不外3000元（當年已屬高薪人士也），但走入去當年日資所開嘅百貨公司，嗰D高檔商品郁不郁一千幾百元一件，相當於我老曹月薪二分一，點樣負擔得起？只能夠Window shopping矣。香港中產階級冒起係1980年代後期嘅事，今天一千幾百元一件商品，大部分中產階級皆可負擔。

唔少日資百貨公司因太早進入香港市場而守唔住紛紛退出，反之遲來嘅吉之島剛好趕上香港中產階級冒起的洪流而日益壯大。點樣評估消費市場的成長速度，而唔會操之過急或太慢，本身就係一項挑戰。中國人口十三億，總有一天會成為全球最大消費市場（甚至超過美國同歐洲加起來），但呢個市場成長走勢卻相當複雜（較1970年代香港更複雜），既有內在因素，亦有外來因素，又有政府法規及政策，並非單單只睇政府推動內需，便以為可看好內地消費股同房地產股，不然便犯了1970年代日資企業在港所犯嘅相同錯誤。進軍新興市場，Timing就是一切！
觀察《福布斯》四百位全球最富有人士名單，係一份樂趣。1980年的名單大部分係製造業、石油業，只有三十六位來自金融界；但到咗2008年，四百位中竟有一百位來自金融界及投資界，可見過去二十八年金融業冒起嘅情況。 2009年金融業會否一如1980年嘅製造業或石油業，進入見頂期？

另一方面，四百位中只有七十四位（18.5%）財富來自承繼，五十六位（佔14%）係承繼後再發揚光大；二百七十位（67.5%）係自創；自創者平均財富有39億美元，遠超過承繼者。出身名校佔九十三位（23.2%），其餘都非來自一流大學。證明咗學歷同創富無關，甚至同上一代係咪富有亦關係唔大。你唔發達唔係讀書少，亦唔係因為你冇一個富爸爸，而係因為你冇自強不息！
在股票市場贏錢，唔係因為你係大戶，而係因為你嘅智慧高。智慧非天生，而係來自研究同分析，成功控制感情，唔跟大隊，做到勝不驕、敗不餒。每次勝利後，以最快時間忘記它；每次失敗後，必檢討自己錯在哪裏，以後唔再犯相同錯誤。記住進取不忘穩健，但穩健唔代表停滯不前。

四伯爽

肯定唔好Buy in May

5月3日，周日。1996年金融業只佔英國GDP 5.5％，2007年已高達10.8％。今天英國所有金融項目已唔再火熱，從業員唔係失去花紅就係失去收入。2008年英國政府財赤佔GDP 12％，睇落倫敦前景都幾麻煩。2007年嘅倫敦會否正如1990年嘅東京？

貨幣流速減慢打擊傳統智慧

所有讀過中學嘅朋友都應識得阿基米德（Archimedes）。呢位古希臘科學家有句名言：給我一支夠長嘅槓桿及一個支點，我可以移動整個世界！八十年代開始，英、美政府畀金融界所需要嘅槓桿及足夠支持，令整個金融產業不斷上升、上升，直到2007年10月泡沫爆破為止。嗰D令人可憎嘅投資（例如雷曼債券）紛紛出事，但今天仍有唔少人希望好似2007年前嘅日子重現，憧憬股市狂升，可以咩？美國過去六個月M2增長率達年率14％，已接近過去嘅最高增長率，但貨幣流速去年第四季只有一點七七倍，估計今年將跌至一點六七倍，因資產價格下跌及失業率上升。由於貨幣流轉速度下降，雖然去年第四季L上升15.7％，但去年第四季GDP卻下降6.3％，剛過去嘅今年第一季GDP回落6.1％，代表情況繼續惡化。貝南奇向美國銀行體系大量注資，相信可阻止三十年代式通縮出現，但卻不能阻止貨幣流動速度減慢，令傳統智慧（增加貨幣供應會令CPI上升）失效。兩季GDP負增長已代表衰退，呢次不但連續三季GDP負增長，最近兩季跌幅更係近五十年內少見；不過，美國第一季消費仍升2.2％（去年第四季下降4.9％），唔少人認為係黎明前嘅黑暗，令美股由3月9日回升，真係咩？願主祝福美國！八十年代開始美國變成淨負債國（即海外投資價值唔及美國海外負債），九十年代開始美國消費增長率一直高出收入增長率。2000年起大部分日子美國人再冇儲蓄。1982至2007年10月前嘅每次衰退，政府都透過刺激計劃令經濟復甦，結果美國負債不斷上升。呢一次刺激方案一旦無效，後市點睇？

美國財長蓋特納上周五响G7發表演說指出，唔好再期望美國消費者帶動全球經濟增長。IMF响今年4月出版嘅《世界經濟展望報告》中指出，今年全球經濟活動收縮1.3％（1月份仍相信有0.5％增長），而舊年仍增長3.75％；並估計美國經濟今年第三季才見底；未來樓價仍須回落18％，喺2010年才見底。作為普通人嘅痛苦係，今天所有生活必需品價格都在上升（例如超市貨品）；反之，非生活必需品卻在跌價（例如去旅行）。

美國國會預算局估計，美國政府負債喺四個財政年度後（即2013年）將上升到佔GDP 72％，為1950年（戰後）以來最高。高負債比率不但未能刺激經濟繁榮，反而成為日後經濟上升嘅阻力。日本政府負債比率由十九年前（1990年）相等於 GDP 50％升到依家嘅170％，反令日經平均指數喺十九年內下跌77％，雖然家吓日本政府債券息率只有1.5厘。美國政府喺1930到1941年負債由相等於 GDP 16％上升到50％，1941年美國債券息率亦只有1.95厘，但經濟仍無法復甦，直到1942年美國政府宣布參加第二次世界大戰為止，同期標普五百由 1929到1941年下跌62％。換言之，政府增加負債不但不能刺激經濟繁榮，反而阻礙其出現（因為政府佔用咗資源，令私人機構無法獲足夠資源發展）。良好意願唔一定產生良好後果，希望亦唔等於事實。中國五十年代嘅「大耀進」，結局係慘淡收場；美國經濟能否在政府大力干預下繁榮起來？恐怕剛剛相反。有幾多次經濟大災難係由政治家嘅「理想」所造成？1930年美國胡佛總統、1990年日本、1997年香港白眉董……，美國總統奧巴馬上台，亦有太多「理想」。

石油股或呈補償性上升

兩星期前我老曹响上海開研討會（收費嘅，唔係免費也），有一千四百人參加，令我老曹十分詫異，估唔到我老曹喺上海亦有咁多粉絲。被參加者問及去年5月我老曹提出嘅“Sell in May and walk away”事後證明正確，今年係咪仍然生效？我老曹答應返港後才回答上述問題，因當時手上並冇資料。我地不妨參考道指走勢【圖】，道指至今仍在去年9月所形成嘅下降通道內活動，技術上睇，3月份開始嘅上升只係一次後抽，即使指數能升穿此下降通道上阻力（8100點附近），另一阻力區即由去年5月形成嘅下降軌阻力响8700點之間，仍然唔易打破。追隨趨勢而唔預測走勢，乃我老曹嘅性格。上海粉絲提問︰2009年5月應否出售及離開？雖然依家未有肯定答案，但 2009年5月肯定唔係入貨月，適量減持乃我老曹嘅忠告。至於個別股份喺熊市二期往往出現個別發展。响熊二中請記住：“It is a Market of Stocks, Not a Stock Market.”。簡單D講，5月份股市係尋頂月，但個別股份可以例外。

過去五個月油價由 35美元一桶回升至50美元一桶，但全球石油股升幅仍未明顯。2008年12月至今油價上升48％，但今年4月底Amex Oil Index 同2008年12月1日接近，上述係比較奇怪嘅事。英國石油公司分析員Christof Ruhl認為，上述情況反映投資界相信油價上升只因OPEC減產造成而非需求上升，咁先至會出現油價上升而油股唔升嘅現象。不過，如油價進一步上升（例如由50美元升上60美元），必然刺激石油股作出「補償性上升」，即可見將來石油股升幅有機會大於油價。根據IEA 2008年報道，全球四分一石油來自二十個大油田，大部分產油已超過五十年，並進入衰退期；另一百多個油田提供全球產油50％，未來石油供應愈來愈依賴細油田。自油價由147美元一桶回落後，探油業一落千丈，响咁嘅情況下，2012年起石油供應出現另一短缺期已可預卜。今年1月至今，中國已靜悄悄地增加戰略性存油一千七百二十萬桶！分析家估計，今年年底油價可見60至70美元一桶。Make Profits in a bad Economy（喺惡劣經濟環境下，一樣可以賺錢），主要睇你有冇眼光同勇氣。IEA估計，2010年起全球對石油需求將恢復發展，到2013年起石油供應量將進入零增長……。

隨住利率大跌，今年2月份美國樓價穩定下來，3月份略為反彈，4月份數據未公布，睇嚟只係小陽春。過去一年美國樓價大跌19％後，2月份樓價輕微反彈並唔出奇，隨住美國失業率進一步上升，擔心新一輪樓價下跌潮下半年又再出現，因為有毒資產問題已改變美國人嘅消費習慣。上述改變連「九．一一慘劇」亦做唔到，更加唔好話1987年股災甚至1974年石油危機。呢次改變有如1990年日本，令房地產唔再係銀行提款卡，反而係財富破壞者（呢方面港人自1997年第三季到2003年第三季嗰段日子已有充分體驗）。經濟學家Gary Shilling接受《商業周刊》訪問時認為，未來以十年計，美國皆面對低通脹，令美國物業冇乜投資價值！美國經濟對消費市場依賴度極高，我老曹睇唔到喺消費市場萎縮下，股票牛市點樣誕生？紐約證券交易所Euronext CEO Duncan Niederaurer質疑美股上升嘅能力。標普五百指數由3月9日至今已反彈28％，仲能夠上升幾多？從3月同4月成交額睇，唔似牛市開始，只似熊市反彈。It is a trader's market, not an investor's market！

1978年起，中國經濟由一個唔自由嘅計劃經濟體系走向自由市場機制，引發過去三十年中國經濟繁榮，未來只要堅持改革開放政策，長期趨勢仍極之樂觀。2007年10月開始美國經濟卻由一個自由經濟體制走向政府干預體制，响呢個大方向下，美國股市牛市點樣誕生?!家吓美國失業率達8.5％，今年第一季GDP收縮6.1％，最終會否由衰退演變成蕭條，抑或一如日本經濟衰退沒完沒了？我老曹相信後者嘅機會大一D。因為美國政府今時今日嘅做法一如九十年代日本政府，即由政府大量吸納有毒資產。上述做法只能減慢GDP收縮速度，但不能改變經濟衰退方向。

A股見底但唔係V形反彈

比較上樂觀係內地A股市場已有見底訊號，但未搵到理由支持經濟復甦（Signs of a Bottom, But not yet a Recovery）。A股50天移動平均線已高出250天線，代表熊市早喺2008年10月結束，但全球環境如此惡劣嘅情況下，又如何令復甦出現？因此可能出現「見底未復甦」走勢──即喺低水位徘徊。股市唔會因出現黃金交叉而大升；簡單D講係出現W形走勢，而唔係V形反彈。理由係除滬深A股外，只有好少國家股市同時出現黃金交叉。

另一理由係「中國製造」已行唔通矣，過去粗放型經濟增長模式到2007年已結束，企業早已開始打價格戰，甚至從中勝出，亦只有微利可言。中國經濟點樣由「中國製造」走向「中國品牌」？路仍十分遙遠。

4 月7日《中國時報》報道，北京已答應未來三年投資1250億美元興建診所及醫院，令90％中國人獲得醫療保障！同時宣布為三百至四百種藥物定價，令藥商只能透過薄利多銷去賺錢而非提價。上述計劃令每個中國人獲得嘅國家醫療補貼由每年12美元上升到18美元（升50％）；類似措施2001年亦喺泰國推出，結果令泰國人消費習慣改變，令泰國股市响2002、03年上升143％。類似情況係咪喺中國境內重演？

2008年中國人儲蓄率接近50％（南韓20％），如中國人降低儲蓄率，中國經濟立即可進入繁榮期。

上周我老曹回中國推介內地版《論勢》（由於北京及上海市場反應良好，令廣州及深圳唔少書局無法獲得供應。各位如欲在深圳買內地版《論勢》一書，請於5月7日以後）。內地傳媒將我老曹神化咗，乜嘢「草根大亨」、「香港股神」……。我老曹再次強調，我老曹只係一個極之極之普通嘅投資者，任何人如照我老曹嘅方法去做，都可賺到1億港元財富！

一、每月儲蓄1000元、出雙糧嗰個月存3000元。上述要求唔算高，對嗎？

二、運用本金，每年响股市、房地產、黃金或外滙市場賺取20％回報，要求亦唔算高吧。

三、耐性。跟着上述做法維持四十年，從二十歲開始，到六十歲便成功。

公式如下：1.4萬元（1＋20％）乘40次方，本利和係1.0281億元。你可以、我可以，任何人都可以。點解香港今天仍只有咁少人擁有1億元（或以上）？理由係：甲、投資冇策略可言；加上唔肯止損，好快便令本金失去。二、冇耐性做足四十年。換言之，賺取1億元並唔難，難就難在你肯唔肯認清形勢、謹慎理財及唔感情用事。

趨勢信徒不預測未來

投資者對股票嘅評估方法，曾出現幾次大變化。1958年前美國人投資股票，最主要理由係收取股息，因此當公司宣布增加派息或減少派息，對股價影響好大。香港喺1970年前亦一樣，即由股息率決定股票價值。自1971年美元取消金本位，貨幣制度出現改變，導致股市嘅遊戲規則同估計評價改變。市盈率（O）取代股息率，成為評估公司價值嘅工具，引發1971至73年3月香港股市暴漲期。經過1971至73年狂升及1973至74年暴跌後，彼得．林奇嘅PEG理論成為今後分析界主流，即市盈率（O）高低應由企業利潤增長率去管制。純利增長率愈高嘅公司可支持高O；反之如純利升幅只有單位數，O亦只有單位數。PEG理論1975年起成為評估股份嘅主流，亦造成股市出現狂升及暴跌嘅主因，因增長率（G）每年變化好大。

作為「趨勢」信徒同「走勢」信徒最大分別，係走勢派往往預測後市，其中最有代表性如波浪理論，而唔相信後市可預測性甚低。走勢分析者心態係「以過去預測未來」。唔少大學所做研究證明，走勢時準時唔準。“Technical analysis almost indistinguishable from a pseudoscience, whose predictions are either worthless or, at best, so barely discernably better than chance as to be unexploitable because of transaction costs.”趨勢同走勢最大分別係唔預測後市，而係追隨趨勢（Be a trend follower, not a trend prediction），即趨勢形成後才加入，趨勢結束便離開，千萬不可嘗試outthink別人。2008年畢非德所犯錯誤就係希望outthink別人。欲學趨勢，必先訓練自己擁有平常心，承認自己不較別人聰明，明白世事無常及達致無我境界。

四伯爽

反彈就快見高潮

5月10日，周日。上周股市表現如雨後春筍，大量利好言論又再湧現，包括：一、經濟唔再壞落去；二、刺激經濟方案開始生效；三、股市快升穿年線（250天移動平均線）。人們已忘記3月9日嘅悲觀情緒。

2000年科網股泡沫爆破後，需要三年時間才復元；呢次CDO問題咁快便搞掂?!2008年10月嗰次反彈維持四十九個交易天，呢次反彈如果亦係四十九個交易天，高潮便喺5月20日。歷史上最長嘅反彈市喺1930年美股，曾維持六十五個交易天。

劣股升幅更勝良股

3月份美國消費者信貸減少111億美元，因失業率上升及銀行收緊信貸；由2007年高峰至今，美國消費者共失去2.55萬億美元信貸，較估計中大三倍。响咁嘅情況下，經濟可以復甦咩?!

《黑天鵝》作者Nassim Nicholas Taleb認為，2007年10月開始嘅環球經濟危機較1930年代更嚴重，因為家吓全球經濟更緊密地連在一起。紐約大學教授魯賓尼認為，政府估計第三季及第四季復甦未免太樂觀矣。經濟收縮速度在最近兩季的確放緩，但相信今年及明年GDP仍然係負增長。Taleb教授認為，依家最大威脅係通縮，政府不斷注資，可暫緩通縮壓力，但已令金價、銅價及油價响今年內回升。中國政府刺激方案可避免經濟陷入衰退，但中國經濟過分依賴美國同歐洲，最終仍然難以幸免。

3月9日開始嘅反彈，至今為止基礎良好嘅股份平均升幅32％，基礎極差嘅股份平均升幅68％！上述情況已清楚告訴大家，呢次係熊市二期嘅大反彈，而唔係牛市一期。上升理由係炒家入市，唔係投資者入市。上述數字應可回答大家邊個喺5月份入貨?!

VIX 指數由今年1月嘅57點回落到5月初嘅34點，代表散戶由恐慌轉為樂觀。如VIX回升到40點，代表反彈市玩完。各位仲記得去年10月貝南奇估計美國衰退會响聖誕節後結束嗎？結果係美股今年1月6日起又再回落。呢次佢保守D估計衰退喺今年第三季結束，結果又會點？世上冇人擁有預測能力。各位請記住，Easy Money時代已結束，今天已變成Easy come, easy go。

佛學精神係接受無常，因為無常就係現實，現實經常變幻，非人的主觀願望可改變，亦不應企圖改變，更加不應企圖知道未來係如何改變，一切順應而行——人類唯一可做係放開自己思想接受現實，接受未來係不可預測（同「論勢」精神相似）。

點解地產出現boom & bust？奧地利經濟學派認為係政府將利率降至正常水平之下，上述喺Irving Fisher响1933年出版嘅Debt-Deflation Theory of Great Depressions已有說明。1920年代因利率低於通脹，最終引發1930年代資產負債表通縮；1980年代日本及90年代日式經濟又再印證上述理論；1990至1997年嘅香港地產及1997年至2003年香港又再證明。Friedrich Hayek教授爭拗上述情況正喺美國重演，即2003至2007年利率低於正常水平，引發2008年資產負債表通縮。2008年開始嘅金融危機係由資產價格泡沫爆破引發，由Great Moderation變成Great Unraveling，最終係Great Recession（因自律方面失控到無法解決困擾，最終引發衰退）。史丹福大學John Taylor教授亦認為，呢次泡沫爆破嘅遠因係由2001年聯儲局降低利率開始，相信2008年開始嘅資產負債表通縮將維持一段幾長日子。消費者對產品唔再感到飢渴，因為佢地已經冇蚊年消費，令今年第一季世界貿易量下降31％，成為世界經濟嘅致命傷。喺恒生指數接近或略破250天移動平均線嘅今天，大家請保持冷靜。

利用保歷加通道制訂策略

大摩亞洲區首席分析員羅奇認為，响中國政府刺激下，A股由去年10月開始急升，相信今年5月亦應見頂回落，因為2007年唔係1997年，更加唔係2000 年。中國政府唔可能將第三產業由佔中國GDP 36％，一下子提升到50％。我老曹相信，A股走勢係W形而非V形，即去年10月到今年5月完成上升後又再回落，然後又再上升。各位可利用大部分人樂觀出貨，以及利用大部分人悲觀入貨，將股票市場變成閣下嘅提款機（ATM）。請利用保歷加通道（Boillinger Bands）協助自己制定買賣策略；保歷加通道喺上落市最有用。如能加入W％R（Williams percentage range）及陰陽燭便更好。相信企業純利周期今年見底，而股市走在經濟之前，因此唔排除去年10月及今年3月指數見底，但見底唔代表之後一定係繁榮。

本港銀行3月份貸款減少1.7％（較一年前減少3.6％），而今年首季係2000年3月以來最大嘅單季跌幅（減少3.6％）；其中又以貿易及財務跌幅最大，達15％；地產及建築跌幅最細，只有1％。3月份零售業少7.7％（減少9.3％）；存款上升1.6％（較一年前減少0.6％），未見有經濟復甦訊號。

中移動（941）購入台灣第三大流動電話公司遠傳電信12％股權，令台灣股市今年出現過去十八年內最大升幅。台股指數已由去年11月21日3955點升上最近嘅6400點，升幅62％，唔少人估計年底可見7500點甚至9000點……。三通力量真係咁大，令跌咗十八年嘅台股重返牛市?!上周由溫家寶主持嘅國務院常務會議已原則上通過《關於支持福建省加快建設海峽兩岸經濟區之若干意見》。此區與台灣僅一水之隔，北承長三角洲，南繼珠三角洲；加上福建省和台灣人血緣相親，一旦大力發展，必可吸引台灣資金大量流入，成為繼珠三角、長三角後另一沿海經濟帶，促進兩岸互利共贏，提高經濟發展水平。所謂海西經濟區，包括浙江南部、廣東北部及江西部分，包括建福省九市、浙江溫州、麗水、衢州；江西上饒、鷹潭、撫州、贛州，以及廣東梅州、潮州及汕頭。

台股熊市結束言之尚早

上述《意見》通過，將令中國海峽兩岸經濟帶形成，實力將不斷增強，與台灣經濟優勢互補，為經濟繁榮提供寬廣發展空間。喺香港上市嘅海西區有關股份上周已起動，估計閩台之間嘅物流、石化、現代農業、LCD、LED等科技產業轉移及台資企業借殼上市，將帶來新景象。不過，因此而認為台灣十八年熊市結束，似乎太早咗D。4月份台灣出口減少34％，係連續第八個月回落，主因係美國、日本及歐洲經濟不景，令台灣高科技產品出口呆滯，只有向中國大陸出口才上升5％。未來台灣產品能否透過出口大陸而復甦?!依家內地LCD平面電視機顯示屏需求十分大（台灣响呢方面已係全球第三大出口地區）。中國開放海西經濟區，可令台灣高科技產業移向內地，但到時能否帶動台灣服務業上升則係疑問。

2000年及2007年開始嘅兩次衰退，都係因泡沫爆破。2000年嗰次透過大量增加貨幣供應而解決了，呢次又能否成功?!估計2009年美國財赤相等於GDP 12％，加上金價已重返900美元之上，前景有D令人擔心（英國財赤已達GDP 12％，但經濟仍乏起色）。分析家指出，今年美國企業純利較去年平均回落35％。

响熊市中有唔少反彈市，情況有D似玩過山車。你不但需要有健康嘅心臟，同時要有冒險精神，例如响人人睇淡嘅3月9日入貨，喺人人睇好嘅5月份又再減持；與响2008年11月入貨、喺2009年1月沽貨一樣。在熊市二期中必有一次（或以上）接近或略破250天移動平均線，即恒指17500點附近極有可能係呢次反彈嘅極限。Follow the Smart Money而唔係Big Money，因為大戶亦常常睇錯市。請注意，美國長債由去年12月起一直回落（太多賣家），令長期利率上升，雖然美國聯儲局2月份曾入市吸納。歷史不斷喺我地眼前重演，例如1990年日本房地產、1997年第三季開始嘅香港、2006年下半年起嘅美國，但我地往往視而不見。聖路易聯儲銀行主席James Bullard上周估計，失業率好快會見9％，並希望喺可見將來唔會超過1982年嘅最高峰10.8％。佢十分擔心類似1990年代嘅日式通縮响美國出現，而聯儲局已再冇彈藥對付通縮呢頭怪獸；前路顛簸可以肯定。國會財政預算局估計，2011年政府負債相等於GDP 54％，而畢非德估計可達80％（即到達冇經濟繁榮嘅水平）。

見底唔代表可以睇好

畢非德話，最惡劣嘅經濟情況已經過去，呢點我老曹亦同意，但見底並唔代表可以睇好。去年畢非德旗下公司投資減值160億美元，包括响愛爾蘭兩間銀行投資虧損 89％（因為佢希望撈底）及2008年8月油價高峰期吸入ConocoPhillips。證明聖人都有錯，何況畢非德？我地應學習佢嘅智慧，而非盲從佢。畢非德並認為，美國房地產及零售業仍未見復甦訊號。

另一知名人士羅傑斯响去年睇淡花旗係啱嘅。佢認為，美國經濟衰退期可能長達七至八年。不過，佢去年睇淡美元證明係錯，至於睇好農產品亦錯得好交關（尤其係糖）；羅傑斯去年購入咗加拿大Agcapita Farmland及巴西Agrifirma。我老曹都係信我阿媽多D：佢認為務農嘅人世世窮！記得1973年農產品價漲價時，亦有朋友跑去澳洲買農莊，結果蝕本十幾年才打和出番嚟。今年3月9日羅傑斯喺新加坡嘅投資論壇上公開睇淡美股，起碼短期係錯。佢話自己唔係timer，而且係因為聯儲局入市買長債才令跌市延遲出現（any excuse is better than none）！請將你嘅水晶球拋入垃圾桶，承認人類係冇預測能力吧！

雪茄伏係奧巴馬其中一位經濟顧問，佢認為2月份開始嘅政府7870億美元刺激方案，已成功阻止美國經濟進一步下滑，唔需要另一方案。雪茄伏相信，經濟由今年第二季起可穩定下來，但同時認為唔少工種例如汽車製造業及金融服務業可能一去不返。即使經濟復甦，呢方面嘅就業情況亦唔會改善，情況有如1981－82年失業率一度上升至10.8％才回落，但唔少耐用品生產業工種卻一去不返（同1981年6月比較，約14％耐用品工種從此消失）。嗰D四十歲或以上失業人士即使減薪20％，仍無法搵到原先從事嘅工作，因為1981年起美國工業進入downsizing期。同樣情況2000年喺科網行業出現，受害者係嗰D從事電腦軟件嘅人才，唔少工種亦永久失去。2008年起汽車製造業及金融服務業面對同樣問題。

CBS集團主席Sumner Redstone認為美股牛市今年3月已開始。Amway創辦人之一Rich DeVos認為，今時今日應了解「Power of Positivity」（正面力量）。惠譽估計，今年全球GDP萎縮2.7％，少數例外係金磚四國，估計仍升3.2％。

湯森路透5月4日調查顯示，分析員估計今年第一季標普五百純利跌35.1％（4月1日跌36％），即分析員進一步修正睇淡。5月1日止已有三百二十六間公司公布業績，66％較估計中好，9％符預期，只有25％較估計差。

日本銀行估計，日本今年GDP萎縮3.1％，明年將恢復增長。

John F. Wasik認為，美國住宅樓價進入「迷失世代」。因為美國就業職位每月失去六十萬。接受聯儲局調查嘅銀行有45％表示已收緊樓按，而去年12月有一千九百萬間房屋空置。經過四十年美國消費不斷上升後，2008年起進入消費萎縮期，因為1965至76年出生嘅人口只有四千四百萬，加上手上財富唔及1946到 64年嗰批嬰兒潮多，當嬰兒潮進入賣樓期，而X世代進入買樓期，強弱就好明顯。上述情況喺2007年已開始，相信將一直維持落去……。

投資組合策略員David Tice喺2007年10月係少數認為股市見頂嘅分析員之一，上周佢喺彭博電視發出警告，認為美國股市喺未來可回落54％，理由係長達二十五年嘅牛市早已結束。呢次熊市並非另一次Garden - Variety Inventory式衰退，而係綿綿不絕嘅衰退，即呢次衰退沒完沒了。响倫敦嘅Bill Bonner認為呢次熊市中，每次當人們開始樂觀時，股市便再開始回落。呢次亦唔例外。

智者千慮，必有一失；愚者千慮，必有一得。最聰明嘅人都有睇錯市嘅一天；最愚蠢嘅人亦起碼有一次係睇啱嘅。因此應追隨趨勢，而非預測後市。

■ 多謝昌利證券公司1萬元、易方達實業管理公司1萬元、Shum讀者2000元、Liu讀者2000元、來自深圳李讀者2000元及陳讀者500元。當數目達到10萬元，便會一次過滙到北京農家女戶口，再由佢地寄出正式收據畀各位以徵信。呢次回北京參觀農家女技術學院，可以講十分感動，依家有一百二十二位農家女因各位嘅慷慨，而改變了她們一生命運（例如學得一技旁身，便可在城市搵到工作）。我老曹內地版《論勢》已連續兩星期獲北京十大暢銷書第七位，書本亦陸續運到其他城市。

四伯爽

奧巴馬反彈隨時玩完

5 月17日，周日。我老曹係逆市思維者，亦係經濟周期信徒。美國經過二十六年瘋狂借貸後出現CDO危機；加上戰後嬰兒潮進入退休年齡，相信2007年10月起係美股逆轉期，投資期結束，買賣期開始。自今年3月9日迄今股市大升51％後，5月11日開始又係另一次資產配置（Asset Allocation）嘅日子，即減少高風險項目，轉投低風險項目例如外幣存款、黃金；股票進入減持期。趨勢仍未清晰，但睇睇那些金絲雀（响礦坑中最先死亡係金絲雀）已開始死亡，升市Ａ股帶頭，跌市納指先行。5月11日起應採用保守先行嘅策略，主因係美國消費者病了。去年11月起股市進入均衡點—即好淡因素各佔一半；當投資者強調利好因素時，股市可上升45％；當投資者對利淡因素恐慌時，股市又可回落30％。5月11日起嗰D從3月9日開始入貨嘅 trader又獲利回吐。

散戶喜歡高追低沽

大部分投資者皆喜歡做群眾嘅一分子，而唔肯遠離群眾。唔少人响3月初沽貨，响5月又入貨。佢地習慣响股市短期見底前沽貨，以及股市短期見頂前入貨。

油價由2月份32美元一桶升至60美元，升幅85％。雖然油價重返60美元一桶，但IEA估計，2009年需求減少二百六十萬桶一天，降幅創紀錄，為 2007年以來新低。以上述估計睇，油價反彈應完成。糖已升至三年高位，小麥更出現新高位，錫亦出現六個月內新高。標普高盛商品指數今年至今已上升 20％。原材料價格大升而工業產品價格唔升，進一步壓縮生產商嘅利潤（如果仍然有嘅話）。分析員指出，近期商品價格上升並非因需求上升，而係資金流向造成，與對沖基金、大機構投資者將資金投入商品市場炒起有關，理由係奧巴馬上台後嘅言論一直不利美元滙價！中國响過去六個月一直喺國際市場大買原材料，但中國出口一直好唔起來。如經濟一直無法好起來，擔心過去六個月嘅原材料漲價好快告一段落，因為至今為止所謂「經濟復蘇」仍然係投資界一廂情願嘅諗法，缺乏有力嘅數據支持。美國工業生產連跌六個月，已跌至1998年以來最低；ISM指數連跌七個月；工廠使用率係1967年以來最低。

格蛇認為美國樓價見底，但以S&P ／ Case-Shiller住房指數1997至2006年美國樓價共上升三倍，依家只調整26％，相信仍未足夠。1966至1976年滯脹引致1978至 1982年嘅高利率時代，然後進入利率回落期及信貸膨脹期；到2006至2009年信貸膨脹期結束，利率回落期完成。十年期債券息率已見3.36厘（或穿 200天移動平均線），代表美元再次進入利率上升期！貝爾斯登事件後，美國進入資產負債表收縮期（政府除外），一旦美債唔再吃香，將連政府資產負債表亦面臨收縮。根據RealtyTrac數字，4月份被接管住宅量三十四萬二千間（即每三百七十四個家庭有一個冇屋住），2007年8月至今只接管咗一百三十萬間，未來情況恐怕冇咁理想。

銅價已回落10％，油價亦由60美元跌至57美元，係咪熊市反彈完成?!由去年11月開始嘅「奧巴馬反彈」隨時結束，因為股市上升，經濟卻在惡化，上述情況唔可能長存。

3 月份美國因增加石油入口而令貿赤擴大。油價一如事前估計，上周已見60美元一桶，同時令石油股股價大升。我老曹3月份推介江西銅業（358）之後，4月份則建議大家買石油股，應該又賺到唔少（邊個話熊市中冇賺錢機會？）。但各位唔好忘記，2007年10月至今美國人喺物業市場及股票市場虧損最高潮達20萬億至23萬億美元，依家手上財富淨值已少於30萬億美元，2009年佢地再唔係2007年10月前咁富有。

中國4月份工業生產上升7.3％（3月份升8.3％），較事前估計上升8.6％為弱；零售升14.8％（3月份升14.7％），較估計中上升14.5％強；4月出口減少22.6％。中國經濟情況亦未許樂觀。

2008 年諾貝爾經濟學獎得主、美國普林斯頓大學教授克魯明上周喺北京表示，美國儲蓄率將繼續上升至佔總收入8％左右，未來美國消費需求會放緩。世界唔可能回到 2007年10月危機爆發前嗰種模式——美國人透過加按房屋透支現金過活，未來嘅錢大部分來自中國內地、日本、台灣、香港等亞洲地區。自危機爆發後，美國人儲蓄率由0％上升到4％，相信會繼續上升到佔總收入8％，係美國過去嘅歷史水平。响儲蓄率上升嘅大前提下，美國消費需求放緩乃必然之事。

克魯明認為，未來三年係中國經濟嘅關鍵時刻，能否由出口拉動型經濟轉為內需拉動型，將決定末來中國經濟情況。但有一點可以肯定，中國已唔可能再依賴出口去拉動下一次經濟復蘇也。

至於低息嘅威力？美國曾出現兩次低利率期，上一次係1930年代大蕭條期，另一次就係2009年。相信今次唔會重演1930年代大蕭條，但似乎進入1990 年代日本嘅情況，即唔會進一步下滑，但復蘇卻有困難。今年第一季日本GDP下滑16％（2008年第四季下滑12.1％），係戰後最差，主因係日本出口貨滯銷，令出口下滑26.8％。日本首相已提出15.4萬億日圓刺激方案（1600億美元），希望刺激本土消費信心。

1982年8月開始嘅全球信貸膨脹期到2007年10月結束。整個世界金融業進入去槓桿化時段，傳統嘅投資技巧例如價值投資法、買入後長期持有已不管用。喺漫長嘅去槓桿化過程中，股市只有進入極度偏低才可入市吸納，股價一旦重返正常水平便獲利回吐。我老曹喺2008年11月及2009年3月主張入市，响2009年1月6日及5 月20日前則建議獲利回吐。CDO危機有如「情花毒」，耐唔耐便發作一次，每次皆依賴政府注資挽救才能脫險境。一旦股市回升，好快又再次進入流動性陷阱（Liquidity Trap）；由於利好消息及利淡消息同時存在，分別只喺幾時利用嗰D消息作為炒上炒落嘅理由。今天美國家庭負債相等於GDP 96％（1982年係47％），2009年無論歐洲或美國銀行卻須繼續為手上資產進一步撥備，因不履行還款協議比率仍在上升。

2008／09 年度美國上半年稅收較對上年度減少14％，而開支卻急升，政府正急於發行2萬億美元債券（相當於GDP 15％）。今天美國政府負債嘅百分比漸漸接近90年代日本政府嘅水平，即日式衰退喺美國重演機會十分大。佳士拿已申請第十一章；通用汽車獲注資135億美元後如無法扭轉局勢，6月1日可能面對相同命運。到時美國可能只留下福特汽車（2009年第一季虧損18億美元，仍有210億美元現金，有能力生存多一年）。如佳士拿及通用汽車破產，福特有條件恢復獲利。長達三十年（1978年開始）嘅環球化（Globalization）進程亦進入結束篇，2008年貨櫃船載貨量減少20％，去年4月開始嘅美元上升周期到今年2月亦結束。美債（三十年期）息率接近5厘，而自1994年起美債（三十年期）息率從未超過5 厘。標普五百指數由3月9日至5月15日回升37％，上述升幅係建基於假設美國樓價進入穩定期。上周標普五百指數已進入阻力區，銀行股指數亦完成大反彈，只有金屬股指數及石油股指數仲有一DD上升空間（但距離阻力區亦不遠矣）。
金價有機會上望1000美元

1999年5月7日英國財政部宣布出售黃金儲備後，澳洲、瑞士、荷蘭等國家亦將黃金推出市場，令金價自2001年跌至252美元後一路上升，更一度打破1000美元，因新興國家央行紛紛購買黃金，尤其係中國同俄羅斯。

過去十年歐洲銀行共售出三千八百噸黃金，收回560億美元，賬面損失達400億美元。中國2003年至今共購入四百五十四噸，六年內上升一倍，成為世界上第五大黃金儲備國，不過只佔外滙儲備1.6％（世界平均水平10.5％），相信仍會繼續購買。喺美元弱勢下，金價有機會上望1000美元。

過去八星期約有58億美元流入亞洲地區（2007年11月有2428億美元流走），係近十三個月以來最大資金流入，引發港股自今年3月9日起有45％升幅，甚至細價股及中價股亦加入上升行列，其中又以中國ETF受惠最大。3月18日聯儲局宣布將動用3000億美元買長期國債，但三十年期國債指數卻由3月18 日至今回落，可能重見去年11月低點（112.5）。

湯森路透向投資界調查今年第一季標普五百純利預測：上周係負36.3％（對上一周係負35.1％），即繼續向下調。

價值股嘅最大缺點就係喺熊市開始不久，便會有人認為十分「抵買」而吸納，甚至畢非德亦受唔住引誘而入市吸納價值股，結果損失不菲。2007年10月開始，美國嘅價值投資法信徒响2008年無論喺乜嘢價位吸入AIG、通用電氣、花旗銀行或其他股份作長期持有，2009年皆損失慘重，因為股票市場由2007年 10月開始從「投資者」市場進入「買賣者」市場。嚴格D講，由2007年10月起股票市場再冇長線投資對象，只提供短線買賣機會。唔同行業有如十五隻吊桶，七上八落。例如今年3月9日有線電視台嘅股市評論員青姐流淚時，你有冇入貨？最近有人高唱恒指睇20000點，你又點做？所謂經濟復蘇論，早喺去年5 月已開始有人講，至今已講咗一周年……。作為趨勢投資者，永遠唔會猜測何時見頂及何時見底，因為佢地早已知道：人類係冇預測能力嘅。

應鎖定部分利潤

1930 年道指亦曾出現過52％幅度嘅反彈，但到1932年美股才見底，總跌幅達89％。熊市中大部分時間反彈幅度可由19％至39％【圖】，最高可達67％，各位請唔好將反彈市說成熊市結束。2007年10月至2008年10月係股市Liquidation期，拋售股票係為咗套現，此乃熊市一期。2008年11 月起進入評估股票價值期，形成個別股份有升有降。嗰D喺2008年10月前被保留下來嘅現金，都响呢段時間入市。唔少人因相信牛市已開始，而將所有資金投入股市；不過，實質經濟仍在惡化中。股市又再次進入阻力區，股票吸引力迅速下降，大部分原材料價格已完成反彈，相信好快又再次回落。我老曹認為，投資者喺 5月20日前最好鎖定部分利潤。

兩星期前我老曹接受milk雜誌訪問（代表年輕一代嘅雜誌），該雜誌記者認為我地呢一代（戰後嬰兒一代）佔去香港一切美好嘅東西，而令佢地X一代對未來期望變得暗淡及灰心。如此充滿怨氣嘅結論都幾有趣。我地不妨睇睇南韓嘅年輕一代，佢地充滿創意；再睇番香港年輕一代，唔少卻變成電車男或御宅女。我老曹請香港 X一代年輕人開拓你們嘅新天地，只有創意才可改變未來，而非抱怨。何況今天阻礙年輕一代上位嘅唔係我地呢一代（戰後嬰兒），而係中國人嘅家族觀念。

香港企業最基本單位係「家族企業」。中國人經營嘅企業，凡事以「家」為重，家長喺企業中地位接近不可挑戰，經常以家規、家法取代企業管理；加上親疏有別嘅人際關係，即家人關係、熟人關係及生人關係三大規範；家人待遇最好、熟人次之、生人更次之。往往將家族利益凌駕於企業利益之上。响咁情況下，非家族成員又點會忠心於企業？唔少企業所有重要職位幾乎全由家族成員佔據，令真正有用嘅人才好難進入內部核心階層，形成人治企業。大家喺企業內重感情、親情、人情，輕正義、公理、原則。所以中國企業大部分都大不了，因為冇健全制度，亦不太講法制，所謂股東會、董事會、監事會，喺人治下根本上無法發生作用，往往變成個人主導（即主席話事）；再加上「子承父業」乃必然趨勢，影響企業與員工關係，繼而降低員工嘅積極性。當創業一代漸由核心層退出來由第二代接手，問題便浮現。 1997年香港經濟停滯不前，家族企業係最大原因，而唔係我地呢一代（戰後嬰兒）阻住Ｘ一代上位。事實上，係中國人嘅家族觀念令Ｘ一代無法憑實力獲得重用而怨聲載道。

■多謝順德綿遠堂2萬元、明利鋼材有限公司1萬元、周小姐1000元、鄧安淇女士1000元及其他讀者各數百元（唔少已係每月捐款）、香港大學畢業同學會2000多元。當銀碼合共10萬元時，將一併代為滙畀北京農家女技術訓練學校。

Mr.Business

profile

    原名曹志明，1948年上海出生，年幼時家道中落，中學畢業後沒上大學，投身社會工作，在紗廠當學徒，及後轉投證券行業，並任職《明報》，一九七三年與林山木創辦《信報財經新聞》，現為《信報》董事及專欄作家，其專欄《投資者日記》以獨到的眼光及幽默筆觸分析香港股市以至政經形勢，深受歡迎。

    曹仁超的投資經驗非常豐富，見證香港股市各大小起跌，而且戰績彪炳(其戰績跑贏恆生指數)，被視為香港的「股海明燈」，是香港其中一位最權威的投資評論家。名句「有智慧不如趁勢」深入股民之心，出版著作包括《論勢》、《論戰》和《論性》。



M：你在1948年出生，又是一個BABY BOOMER(戰後嬰兒潮)的受訪者了。

C：以中國人來說，我差不多算是最早的BABY BOOMER。在四八、四九年左右，國共內戰已到尾聲，爺爺支持共產黨，將資金搬回上海，而那時候我老竇(爸爸)在香港做生意，她到上海娶了我媽媽便回香港，我在上海出生的。五○年左右，大陸「抗美援朝」，而當時我們家族主要做煙草代理生意，抗美援朝將我們由「愛國份子」變成「黑五類」；加上當時聯合國宣佈對中國禁運，煙草到港後未能運去內地，再死兩錢！

此舉對我們是雙重打擊，爺爺覺得勢色唔對，便叫媽媽帶我到香港避難三個月，於是我在三歲來香港，那才第一次見到爸爸，也不懂叫「老竇」。老竇為了氹我叫他，帶我到告羅士打大酒店(即現在的LANDMARK置地廣場)聽演奏食西餅，那時代食西餅是很「得人驚」的事情，還有食呂宋芒、上山頂…幾乎所有香港最高級的享受，都由老竇帶我去試過。他最初以為我只在香港留三個月，所以花了很多錢氹我，第一年大約花了五千港紙，大約是現在五十萬元購買力吧。後來發現我們回不了大陸，加上生意一落千丈，老竇開始酗酒，後來爆血管，再之後便過身了。我懂事時，家裡便開始變得貧窮，你可以想像我的六十年代，什麼穿膠花、油公仔、剪線頭、跟車送可樂等我都做過。

M：這種貧窮背景對你有很大影響呢。

C：坦白講，我小時不知道自己貧窮的，身邊所有小朋友都一樣，我常以為「冇飯食」先算窮，我有飯開又怎叫做窮呢？其實老竇留下小量積蓄給我們，媽媽亦很小心運用，所以我從未試過冇飯開，真正貧窮的日子不算很長。

M：那麼你從那時開始有窮的感覺？

C：現在回看，是因為太多朋友話我窮，我才知道自己窮。我認為問題在六三年老竇過身之後，他的朋友一而再地告訴我，其實我很窮。以前我常到茶樓飲茶，去食西餅，但現在不能，為什麼呢？我發現別人家裡有雪櫃、電視機，為什麼我家冇呢？因為冇錢，爸爸的朋友告訴我，因為我死老竇，很窮。窮的感覺是他們告訴我的， I WAS TOLD。最令我感受到的，是別人對窮人的歧視眼光，甚至不准許自己的女兒和我玩，怕她愛上我這個窮鬼。

M：那時代找工作容易嗎？

C：也不容易的，可以講，每個時代都有其艱難。在六十年代，找一份工作要有舖頭擔保，人浮於事，找工作並不容易，不是想做就有工作的。我在六七年中學畢業，暴動之後更難找工作，那時有工廠便做，冇就去穿膠花釘珠仔，住板間房、有飯食便行。反而我覺得現在要找工作的話一定找到，不過你們較揀擇而已。(M：以前你們的目標是搵食，現在我們的目標是發達嘛！)對啊！我曾經寫過：我們那時是搵食艱難、發達容易；現在社會是搵食容易、發達艱難。

M：現在越來越多人醉心投機，我不認為那是投資，而越來越少人工作生產，你認為這樣的社會沒有問題嗎？

C：我認為社會是圓形的，例如美國戰後四九年大衰退，有工做便很開心了；到五十年代開始興旺；到六十年代美國進入所謂繁榮期，有飯食有屋住，有安定的工作，連汽車都有，但看不到前路，所以到六十年代後期出現胡士托、頹廢派、吸毒問題等，直到八十年代初期，是美國迷失的二十年。(M：那香港的情況呢？)香港的五、六十甚至七十年代類似美國戰後，是貧窮時期，大陸不斷有廉價勞工湧入搶飯碗，老闆絕不會加你人工，窮人永遠是窮人，只有寄望下一代受教育，能夠成為香港的中產階級改善生活；(M：現在的香港類似美國的七、八十年代？)對，香港在八、九十年代至現在經歷了三十年的繁榮期，我們受過教育、有學問，而班鬼子佬(外國人)一步步撤離香港，我們對上沒有CEILING，我們REPLACE了他們的位置兼夾享受了香港的全盛時期，我們由貧窮階級進入中產階級，叻一點的更能發達！

M：那我們這一代後生的又如何？

C：但問題是，當這班人坐上中產階級的位置之後，後來的一批如何上位呢？現在你們上來，已經有我們百幾萬中產階級坐晒位，我們不會讓你們上來的！這情況類似七十年代的美國，而到八十年代後期上位的都不是中產階級，講的是INNOVATION、互聯網，二千年講的是INTERNET世代、X GENERATION。不過香港沒有X GENERATION，香港社群只得幾百萬人，如何建立互聯網呢？美國有數以億計的人口，因此能建立互聯網。

M：對啊！有年輕人投訴上一代霸著位置不讓年輕人上位呢！

C：點解我要讓個位出來？！對不對？我這個位置月入十幾萬，坐得好舒服，點解要我走啫？！我不單只不走，更專登不讓你上來！因為我沒有責任讓你上來的，這個位坐得我好舒服嘛！

M：你們那代人掌握了成功的方程式，上了位後便不斷重複流水作業，結果令到很多產業發展停滯不前呢。

C：對啊！日本也一樣！九○年代到現在都是，上一代霸著位置，死都唔改，硬係不讓你上來，所以有「望窗一族」，不過我見到日本開始有所改變了。(M：我又看不到香港年輕人凝聚了什麼力量出來呢。)所以我常說東方人有「奴性」問題，上一代人阻著，為何不反抗呢？另找商機呢？美國新一代找到互聯網、SOFT WARE、3-G、BIO-TECH等我們不懂的產業，打低美國既有的中產。當然，這班人又重複我們所做的，霸著位置，壟斷，不讓後來的上位，KILL YOU WHEN YOU ARE BABY！互聯網開始出現霸主時代，類似美國六、七十年代，我相信下一代又要用十多二十年時間去抗爭了。

M：如果我們這一代人沒有或者未能去抗爭，你會否認為是因為我們渣斗？

C：對！為何我們可以隊冧班鬼子佬取代他們，而你們不隊冧我們呢？(M：渣斗之處在那裡？)唔敢隊冧我地囉！我在七二、七三年已經在《明報》寫文章：「鬼子佬滾回老家去！」因為將來是我們的，JARDINE？WHO ARE YOU？WHEELOCK？WHAT'S YOUR NAME？HUTCHISON？乞人憎呀！我在七十年代已經預言三行時代結束，十大地產商時代來臨，我們要做HERCULES(神話中的大力士)，只要讓我們雙腳著地，連地球都能抬得起！所以我們兩腳著「地」，利用香港的房地產，就可以隊冧班鬼子佬！那年代讀大學的精英，畢業時便曉得「GOOD MORNING！SIR！」、「YOUR MOST OBEDIENT！SIR！」，六十年代大部份精英最大理想是守規矩做公務員，但最後被我們這班反斗星打低晒！我們這班不服從的，有錢便買地、冇錢的買地產股，最後成為贏家，身家比他們多得很呢！我們憑著香港的房地產撈了一大筆，叻的就像李嘉誠，而這遊戲自七十年代玩到一九九七年，然後再冇新的地產企業出現，亦不能再以房地產創造明天了。

M：你所講的利用房地產的HERCULES，不單只隊冧班鬼子佬，仲隊冧埋我們這班下一代喎！因為你們碌卡碌埋我們那張啊！

C：不是你們，是四代人。第一，我們冇樓的上一代；第二，我們這一代冇樓的；第三，下一代冇樓的；還有大陸出來冇樓的。所以有四代人做我們的奴隸嘛！我們一代人搵了你們四代人的錢嘛！(M：呀~Orz…)做乜你們這代人咁蠢，仲被我們呃！一出身便整個龜殼你孭，爬下爬下，你做乜孭個龜殼呢？(M：呀 ~Orz…)「孭個龜殼做蝸牛」是我們SET出來的RULES嘛！點解一定要遵守我們的RULES呢？

M：即是說我們自小接受你們的教育，要尊師重道、便宜莫貪、沒有不勞而獲、要守規矩，然後一出社會便上了你們的當呢。

C：對啊！要不是哪裡來四代人養我們一代呢？有些學校提倡什麼知識博大、性格優雅，講出來堂而皇之，但對出來社會做事可能沒什麼幫助。我可以教你的，不是你的人格會否優雅，而是「如何在不犯法的情況之下發財」，這其實是大學應該提供的教育，但這些都不能公開，說出來便會被責罵為「衰人」。欺負弱小，我每日都做：回家食飯，食魚、牛、豬…這個世界永遠都是有智慧的動物食冇智慧的，「死蠢」就當然被人吃掉，但是，這些都不能寫進我的投資日記嘛。(M：你們那一代人講一套做一套，還教我們做隻死蠢的豬呢！我們徹底地被整了！)作為農莊的主人，WHY SHOULD I TEACH THE PIG TO SING？冇理由教隻豬去唱歌㗎！只要你們聽教聽話、乖乖地做豬仔，那我就有豬肉吃了！對不對？聰明的人要THINK OUSIDE THE BOX嘛！要超越上一代，就不要一味聽教聽話，永遠成為上一代的COPY。

M：今時今日在香港可以不買樓不買股票嗎？

C：你也可以去上海玩嘛~到了大陸的時候，你在社會上層，九七年後在大陸面對的環境，就類似我們在七十年代面對著你們。這個世界一定會有上層與下層，你在上層便成為既得利益者，唔好運在下層的話，你便是被剝削那班。這世上無論什麼制度都有剝削者和被剝削者，我們這一代人是剝削者，而你們是被剝削者嘛！就算是我比你勤力工作，我的財富最多比你多一個開，何解現在我的身家比你多十個、一百個開呢？因為我在剝削你嘛！你不知道嗎？我八元買匯豐銀行股票然後一百六十元賣給了你嘛！我們這一代人的成就建基於你們身上嘛！

M：你對年輕人有什麼建議呢？

C：年輕人不反叛就冇資格做年輕人，我主張年輕人反叛的，但要知道這世界不是你玩晒，所以要PLAY ACCORDING TO THE LAW，要在法律框框裡面造反，最多被人家話不道德，但要做法律容許之下的事，即是做一個「合法而不道德的人」！你們有兩個方法。第一，就好像我們在六十、七十年代覺得唔服氣，「點解要去GOOD MORNING！SIR！」？於是我們就去玩一瓣鬼子佬不懂的，去炒地皮，最後會德豐(WHEELOCK)、和記(HUTCHISON)、怡和 (JARDINE)都輸了。你們為何不去玩一瓣我們不懂的？沒理由去葡京搵何鴻燊玩嘛！每一代人都要找突破點去隊冧上一代，你們這一代人連找破綻都不去想不去做，又如何突破呢？我們很多人的死穴是「恐共」，我們身光頸靚，不夠膽去大陸玩，而你們身無分文就應該去闖，這是第二個方法─將我們成功的方法拿去另一地方玩。今時今日的香港人一定要學懂兩件事：第一，ASSET ALLOCATION，資產配置；其次是STOCK PICKING，即揀股票。

M：我們在香港一定冇得玩嗎？

C：你們在香港一定唔夠我們玩，第一，遊戲規則是我們SET的；第二，我們在香港搵老襯搵了幾十年，財雄勢大；還有，「喂~阿曾、阿任，點睇呀？搞搞佢啦~整個勾地政策啦~」阿曾與我們是同一輩的，大家碌地沙玩大，我一個講唔掂，十個如何，我們是一群人，不單只這一群，連官都是自己人，都是同一代，都有共同語言的嘛！WE ACT THE SAME，WE THINK THE SAME！有默契的，我們信奉同樣的價值，「嘩~冒牌BEATLES來港！」便一窩蜂湧去聽了，我們都是聽THE BEATLES長大的一代嘛。

M：房地產一日在你們手中，一日都仍然由你們話事呢。

C：沒錯，房地產不跌，你們又如何上位呢？你們賺埋賺埋的錢只得三個選擇：第一個選擇─買樓，一炮過，供一世，條命賣給我們；第二個選擇─租樓，凌遲，每個月割一塊肉；第三個選擇─瞓街。你們跑不掉的，甫進入這個系統，就不斷被我們吸水，我們是SUCKER，大概由十個傻佬供養我們一個，所以我們必定很肥的，所以我們飲得起十多萬一瓶的紅酒，因為PAID BY YOU，NOT PAID BY US嘛！香港被我們DOMINATE，不單只房地產，是所有的都被我們控制了。

M：你們這班人的價值觀是「錢就是一切」，你覺得這是正確的。

C：炒樓炒股票有什麼問題呢？(M：全港市民都炒樓炒股票也沒有問題？)你們不炒樓炒股票，誰來接我們的貴價貨呢？我們的貨大部份在七、八十年代建立，在九十年代派給你們嘛！所以見你們在九七年接樓的時候，我覺得你們是傻佬，我們從每呎一百元炒至一萬元，炒了一百個開還接貨？！就算每呎四千元去接貨都是傻佬，每呎四千元都賺你四十個開！我太太說，我什麼都沒有，只是有錢；而你們什麼都有，只是沒有錢！我一直相信「錢就是一切」，但這一兩年開始覺得不是了。 (M：為什麼呢？)有時都唔知賺咁多做乜，以我太太的理論講：第一粒鑽石就話嚇親我；第二粒鑽石，略有驚喜；第三粒，你應酬我嗎？第四粒，我覺得討厭；到第五粒鑽石，喂，搞搞新意思吧。現在班有錢已經多錢到癲癲地亂花錢了。(M：那就不要賺太多，漏一兩粒鑽石可給我們吧！)幹嗎要給你？而且這可不是我一個人決定，是一組人的決定。

《milk》雜誌 #406 2009年4月30日



二打六按: <我這一代香港人>作者陳冠中認為高樓價是殖民地政府+地產商促成的. 而一代一代的因循令商業活動只向"樓"及"炒作"發展. 曹sir郤坦言這一切一切都是上一代的既得利益者故意的.

真的很想知道陸sir點睇.

http://www.hkheadline.com/blog/r ... 30364&id=182970

Mr.Business

回應

twohitsix   2009/5/23 下午 01:37:32

rocky 兄

陳冠中一開卷已直言；"1997年未計印花稅，賣地收入佔政府總收入23%。反諷的是，一半人口住的公屋，加上公共設施，公立醫院，公費教育和公務員，不靠賣地和房稅徵來的錢，我們又怎能享有這麼窄的稅基交那麼少的所得稅和利得稅？" 餓你唔死，比足基本保障既錢係邊度來？不思進取者不足論矣，更嚴重既問題係比較精英既一群(如淑莊克勤之流)都看不到問題的所在，或者看到了但選擇置之不理。

其實留心既話，曹sir指既"將我們成功的方法拿去另一地方玩"，同陸sir教大戶ray去認識大陸發展商，指的豈不是同一樣野？問題係你要玩呢個遊戲無財不行。

rocky兄，諗到發達既地方，還需要真係去。千里之行，始於足下。我覺得我地呢代香港人比上一代缺乏既野係執行力。想到，就要千方百計去試去做。鄭金玲之所以被中傷，無非廢青妒忌她的執行力以及執行力帶來的成功而矣。可能好多人諗到賣帽，就係佢一個execute，成功左。出左名，當然就有更多資源學野迎接下一階段了。

以我地既生活同學習環境+盜版，無可能好似美國人咁係自己間屋個車房創業的了。我認為北上是一個相對容易d既方法。例如睇到周刊話，台灣有大陸水照住，福建呢個城市更加食正呢條水，對二手名貴車既需求超大。普通人睇到就想去做，但係停係個想字。肯去試既人，或者可以賺到錢。聰明既人，去試，但係會聯想到賣二手汽車零件，維修，開洗車屋等等其他衍生出來既需求。

我自己既生存技能同大部份人好唔同，算係不愁衣食的了。但我希望我既一代唔好比大陸同輩淘汰。可惜大部份人都想學短線走精面搵快錢，見到字多d既文章就唔想睇...唉...

共勉之

XXXXX

Rocky(超脫勝負，只求真理)  2009/5/23 上午 02:55:36

1. 我們那時是搵食艱難、發達容易；現在社會是搵食容易、發達艱難。>> 最令我個腦轉緊既係呢句。黃毅力既書，好強調自己點去將自己定位；宜家0係香港，肯做肯捱，點都餓唔食；但係唔知點解社會愈黎愈充滿怨氣，咩野都淨係識上街嘈。年青一代0係抱怨上一代的同時，有冇諗過0係邊一代發展到一個餓你唔死既環境？不思進取既0係邊一代？

2. 想發達既出路：基本上曹sir講左啦 - 上海，不過心目中還有其他兩個可能性(不過我唔太熟識國內環境) - 福建/天津，兩個沿海地區，一個近台灣一個近北京，有佢地既戰略優勢

3. 佢講既好合理，點解佢要讓位？有能力既，自然唔洗佢讓位都可以搶到佢個位；下下諗住等人讓位既我地呢一代，只會愈黎愈無競爭力。

4. 其實唔知我地呢代唔知行緊呢條 rule，甚至上一代好多人都唔知。身邊唔少長輩，都會認為 "你呢代後生既咩咩咩唔掂呀，我地呢代點點點都捱過啦"。呢d說話係好唔合理的。第一，時間際遇唔同；第二，新一代機會一定比上一代少左；第三，競爭多左。所以一個句講晒，我好細過已經成日唔聽阿爸阿媽之笛。

5. 有關炒股炒樓果d討論，從經濟學睇返，只不過係 demand supply 既問題。有 market 有 demand 有 supply 先會有價。

6. 鑽石的例子，令我諗起陸sir 的鱷口偷金。宜家有錢果d，一手拎幾百粒鑽石拎唔晒會跌落地。想偷雞，要眼明手快咁0係粒鑽石未落地前執左佢跟住快快腳走。地下果d…唔好執啦，人地就係睇准你咁樣一腳踩落去，你攞唔到鑽石仲要冇左隻手啦。

總體黎講，我作為 80年代出世既人，會提住自己：

1. 要努力+腦力 (努力先可以跑贏自己果代，有腦力先有機會跑贏埋上一代)，同埋要有自己主見同方向。

2. 諗清楚自己既定位同人生目標。如果只係簡簡單單想生活開心安定，0係香港跟住規則玩，唔難做到。不過，如果你係咁選擇，唔該唔抱怨上一代，揀呢條路既係你自己(改改貓貓句野：搵到食係可能的，發達艱難係必然的)。如果想發達，與其用時間去抱怨，不如用d時間諗下點樣發達：一係玩宜家既 rule 玩得熟，一係去其他地方建立自己既 rule。(有好多錢，其實不重要；不過點都要有返咁上下錢)

(老實講，我已經蠢左24年，係近一兩年先算開下竅，明白自己咩景況，亦都唔敢講有冇本錢殺出一條血路，只能講佢順其自然順應天命，反正只能盡自己力去做)

Mr.Business

曹仁超 投資 守則
==============曹仁超 投資 守則=====================

  要投資成功幾大守則要記住-

  　　一、寧買當頭起，莫買當頭跌。最佳入貨訊號係投資對象上升10－15％後。例如金價2001年4月 2日見二百五十五元九角美元，上升10－15％即見二百八十一元五角至二百九十四元三角，係最佳買入訊號，上述訊號去年1月已出現，即2002年起對黃金態度係逢低吸，直到有一天金價回落10－15％才平倉（依家最高見三百五十四美元，即止蝕位&#63168;三百零一美元！）。

  　　二、睇實、睇實再睇實。任何投資項目買入後必須睇實，股票如此，物業如此、債券亦如此。股票必須每周檢討其方向是否改變；債券必須每月檢討方向有冇改變；物業亦必須每季檢討方向，千萬不可買入後放十年八載便以為天降財富。天下間冇咁便宜的事，一旦方向改變立即離開。

  　　三、去年同新城電台搞「曹仁超投資智慧」，介紹KISS理論（Keep It Simple, Stupid !），任何投資自己無法理解者最好唔參與。其實發達可以好簡單！KISS另一解釋係Keep It Safe, Smartguy !（安全第一，醒目仔）！許多人一味努力賺錢，而唔知道唔蝕錢更重要！成功與失敗不在閣下賺得快而在乎閣下留低幾多！97年時千萬富翁隨街走，一項冇科學根據嘅統計指出，當時等巴士長龍中有百分之七十二點五係千萬富翁（住緊&#63240; 層樓已值近千萬矣），但今時今日千萬富翁漸成稀有品種……。點解會咁？因為太多人留「佢」唔住，一味死博爛博而唔懂得持盈保泰，97年唔少千萬富翁今天淪為負資產一族。

  　　四、困難日子唔代表冇銀搵。例如8x9年x六x四x事件後已證明乃入市最佳時機；97年8月本港樓市出問題，都係投資英、美、澳洲等地物業最佳時機；甚至2002年投資外匯及黃金者一樣獲可觀利潤。賺錢如發掘寶藏，必須有藏寶圖、刻苦及鍥而不舍的精神，然後找到定位，一舉而成功（但分分鐘失效）。

  　　五、唔好問和尚借梳。有Ｄ所謂投資專家，自己都係負資產人士，又點可以教識你發達之道？大部分證券行內從業員職責唔係為你賺錢，而係為自己賺取傭金。因此唔好向經紀諮詢投資意見，只可利用經紀代你完成買賣，因為佢地唔係受訓做投資顧問，佢地嘅責任只係代客買賣股票。學嘢應請教投資已成功的人士，而非自己投資失敗而改行做投資專家的人士（對唔住！又得罪人）；股票市場可以賺錢理由皆因別人犯錯！股票市場永遠係少數人賺大多數人蝕的地方。
  ----------

  在投資之前有冇問問自己：

  　　一、該公司係咪一間穩健及有聲譽的公司？它是否擁有良好及有效率的管理層？

  　　二、該公司生產什麽或提供什麽服務？在可見將來，社會對該產品或服務需求怎樣？

  　　三、該公司從事的行業是否面對過分激烈競爭？它是否處於有利地位？

  　　四、公司策略制訂者是否有遠見及進取？同時有冇過分擴充，令財政出現困難？

  　　五、有冇細看公司資產負債表，核數師的評語如何（依家應該加上&#63240;個核數師是否誠信可靠）？

  　　六、公司過去有冇良好純利紀錄及合理派息政策，如有段日子唔派息，有冇好好解釋理由？理由是否充分？

  　　七、公司中長期貸款及短期貸款有冇超過安全極限？該公司股價&#63168;過去有冇大幅波動或無法解釋的波幅？
  -----
  其實投資好簡單，挑選優質股買入，直到股價上升一倍或以上才考慮獲利回吐，再用止蝕盤保護，以防自己分析錯誤，如此一來虧損被局限在15％之內；至於利潤，不妨讓它往前跑，通常獲利100％是最起碼要求，不少情況下利潤可達200％或以上。

  --------
  發達容易搵食更艱難

  　　我老曹相信差唔多任何人都可發達，發達並唔需要特別天才、家庭背景甚至學歷。我老曹曾經寫過「發達容易，搵食艱難」，即發達較搵食容易，但點解社會上咁少人發達？理由係95%&#63251;人響發達過程中犯錯，事關佢地唔記得開門七件事：

  　　甲、誤信貼士。太多人唔做功課，睇報紙大標題買股票，如果D專家咁叻，點解佢地自己未發達？如果你停留響聽貼士水平，我老曹保證你冇發達！

  　　乙、識乜唔重要，認識邊個才重要。請多點交朋友，我老曹係指可互相扶持的朋友，而非豬朋狗友。如果你同猴子在一起，你的思想行為遲早同猴子接近。

  　　丙、做事要專心。唔少人以為別人發達係勤力，其實剛相反，世上最勤力的人通常從事低收入工作，富人工作時間並唔長但專心，一旦投入工作往往可廢寢忘餐，直到工作完成或上軌道後交畀屬下員工為止。

  　　丁、誤信錢搵錢，以為自己窮係上一代冇蚊年剩落。事實上，唔少人富有的理由便是上一代貧窮，佢地立心脫離窮籍，結果錢愈賺愈多，最後富甲一方。佢地&#63251; 致富之道係一旦機會來臨便利用槓桿原理（不懂借錢的人唔會發達，亂借錢的人很快破產），因此佢&#63251;財富唔只由一百萬元變成二百萬元，而係由一千萬元變成一億元。換言之，看準機會響一段時間（例如十年）內令財富高速增長，然後及時減債便可以印印腳矣。

  　　戊、大富由天、小富由儉，呢個世界冇天時地利人和，你唔可能成為蓋茨、畢非德或李實發，呢類人一千萬人中少於兩個，真係一命二運三風水……。對一般人而言，一千萬元應該十分吸引，如你肯花三十年時間去達到上述數字，人人可以做到，並非白日夢。

  　　己、好多人話「財富係一項負擔」，呢句話係講畀窮人聽&#63251;，唔好信。財富絕對唔係一項負擔，你可以交畀私人銀行負責或請專人負責。財富的好處係令你財政獨立，唔使為幾萬銀折腰，可從心所欲地去做自己喜歡的事。

  　　庚、富有的人視賺錢為一種興趣而非一項苦差，一如我老曹每天寫呢個專欄三十年不變，有人問辛唔辛苦？答案係有時冇材料都幾辛苦，除此之外都係樂趣，希望讀者透過我老曹提供的財務意見改善自己理財方法；同時，在為讀者搜尋資料過程中，我老曹亦搵到投資機會。任何視賺錢為苦差者一定唔會發達。

  在此順便重溫我老曹的「投資哲學」-

  A、不要趁低買入，因為你唔知幾時才係最低，寧買當頭起，莫買當頭跌；
  B、永遠記住行使止蝕，防止小損失變成大損失；
  C、買賣前先做功課；
  D、財富係透過逐小逐小累積起來的，唔好期望一朝發達；
  E、冇必勝投資但有必勝投資策略。

有D投資戒條連我老曹自己亦可能忘記，在此同各位重溫。

  　　一、無論情況如何緊記溝上唔溝落。

  　　二、股票市場係賺錢地方，因此絕對要跟紅頂白而非鋤強扶弱，幾時都應吸納強勢股，沽出弱勢股。

  　　三、持有蝕本股不放有兩大損失：A、股價上嘅損失；B、失去將資金投資其他項目嘅損失。因此絕對要止蝕。

  　　四、股市唔係低價買入高價賣出嘅地方（冇人做得到），應該高價買入更高價賣出，因此宜高追不宜趁低買入。

  　　五、牛市中錯失獲利機會冇有怕，因為下一浪更高；熊市中寧可賺少D，亦不應太遲離市。

  　　六、股市表現可能同自己想法背馳好耐，所以淡市莫估底，旺市莫估頂。

  　　七、第一次出現裂口上升時不妨買入；如出現裂口回落係時候離開。

  　　八、旺市時不妨膽大D，因為形勢在我；淡市時少玩，因為氹仔浸死人。

  　　九、投資成功先了解基本因素，再利用技術分析決定買賣時機，只識技術分析唔了解基本因素者，只係花拳繡腿（睇得但唔打得）。

  　　十、升市將盡小心「單日轉向」或「單周轉向」走勢，通常幾有用。最簡單的技術分析最有用，太複雜的技術分析只係用嚟嚇初學者。

  　　十一、了解群眾心理亦十分有用，因群眾常常睇錯市。

  　　十二、止蝕唔止賺，通常賣出之後股價才大升，我地少賺50%或以上。獲利回吐易，止蝕賣出難，只有克服上述心理，才能在股市立足。

  -----------

  寧願蝕息不可蝕價

  　　股聖畢非德旗下巴郡哈撒韋透露去年度手上現金高達三百六十億美元（2002年年底只有一百三十億美元），響現今低利率情況下，點解保留咁多茄殊在手？投資涉及兩問題：一B賺息（例如存款有利息、買樓有租收、買股票有股息、買債券有債息）；二、賺價（外匯有波動、樓價有升降、股價有上落、債券價格可升可跌）。一般人過分強調賺息，因為仍需要利息收入去改善生活素質；有錢人卻強調賺價，因為佢地嘅收入已唔再需要收息。令你富有嘅係賺價，唔係賺息；令你貪窮嘅亦係蝕價，唔係蝕息。1997年8月買樓收租至今，結果七年租金收入抵不上樓價回落；反之，過去三年摣金冇息收，但卻可賺價。雖然黃金冇利息，但金價上升60％，跑贏過去三年樓價！

  　　股份亦一樣，高息股通常唔係增長股，而且隨時面對派息減少甚至唔派息；增長股從來唔可能派高息，因為資金有更佳用途。合理股息應響三厘半之下，一旦高於三厘半，已再唔係增長股。有時客觀情況係面對蝕息或蝕價嘅問題，畢非德教曉我地寧可蝕息，不可蝕價。
  --------
  各位應緊記以下八大格言：
  一、訂立守則管制自己行為（例如止蝕沽盤）；
  二、不要只見高回報率，忽略高風險所在；
  三、未買先賣（未買入任何投資前，先計計自己可以輸幾多）；
  四、不可承擔超過自己能力的投資（例如有三十萬元炒一百萬元貨）；
  五、不可感情支配理智（面對損失之時因輸唔起而感情用事）；
  六、不可自己冇主見而誤聽別人意見（忘記真主意、假商量守則）；
  七、不可冇為自己行為負責的性格；
  八、切勿忘記以上七大格言。

  　　如果你真係希望透過投資股票而發一筆小財，請坐下來拿出紙和筆，回憶一下過去股票投資蝕本嘅每一個理由，當年為何決定吸入某股及最後為何事與願違，如我地唔從自己失敗中學習便永遠唔會成功。如失敗後你便忘記，亦永遠不能從過去失敗中獲得教訓，你又點可以較你的鄰居或你的同學富有？每個人都會作出愚蠢嘅決定，甚至股聖畢非德響1991年致股東信中亦承認自己過去曾作出唔少錯誤決定而賺少許多，便是他知錯能改，逃過2000至2003年科網股災。

  　　投資往往三七分（即三次成功七次失敗）。成功投資者係嗰D將三次成功回報盡量擴大，例如賺取30-50％回報，以及將失敗損失盡量減少（例如止於10％）。除咗騙子，冇人每次都成功，通常面對失敗機會高達70％，如唔好好處理自己的失敗項目，遲早一敗塗地。

  　　我老曹投資哲學唔係打贏大市（beat the market），而係透過投資達到按年增值的利益。投資策略唔係追求高回報，而係永遠安全第一。

  -------------

  　　成功投資者同失敗投資者分別唔大，只有三點分別：

  　　一、止蝕唔止賺。人性不願承認自己做錯，以為不賣不蝕，如你無法打破呢關，仲係唔不投資好。

  　　二、資產分配。常用方法係一百減年齡，即二十歲80％資金買股票，八十歲20％資金買股票。其次係千萬不可將所有錢用於買一隻股票，分散投資幾時都重要。

  　　三、除非你從事地產生意或者極之富有，不然千萬不可擁有一個以上住宅單位。普通家庭如能力可以負擔，擁有自住物業供樓開支係家庭收入25-50％無可厚非，其餘都係投資博取資本升值；如冇資本升值機會者都唔好買。過去幾多香港普通家庭回國買度假屋係十分不智的決定，通常每年度假只有兩、三個星期，應否為每年只用兩、三個星期而擁有一間度假屋？而且度假地方應每次都唔同，冇理由每次都去同一地方度假。度假屋屬於極之富有人家的享受，普通家庭不宜擁有度假屋，因為只會綁死資金。普通家庭應投資股票、基金、外幣或債券（睇適當時刻而定），而非購買第二個住宅作度假之用。

  　　上述三點已係老生常談，但仍然有唔少人常犯。

  炒樓炒股力不到不為財

  　　馬克斯認為，響股票市場賺錢係犯罪及欺詐嘅行為，係資本家剝削貧窮嘅成果，佢認為財富嘅產生係透過勞動階級流汗甚至有時流血的成果，結果共產主義制度發展初期必定關掉股票市場，然後清算資本家！但蘇聯及中國嘅實驗證明，只有勞工階級冇資本家嘅經濟係無法繁榮起來。1997 年7月1日前香港人以為炒炒樓、炒炒股票，財富便可不勞而獲，唔相信「力不到不為財」。所有財富背後都有汗漬，甚至炒樓炒股票都必須做足功課，才有機會成功，如不做功課，注定遲早失敗。甚至你從上一代繼承財富，都係前人辛勞的成果。投資回報率來自正確決定上，而非單單因為你有錢投資。

  　　換言之，財富的產生既要勞亦要資，缺一不可。有勞無資的共產主義制度不行，有資便妄想不勞而獲亦不可行。香港經歷過七年上落市，港人終於明白到炒樓、炒股票並非不勞而獲，而係涉及高深學問，力不到不為財。

  　　所有成功嘅CEO每周工作超過五十九小時或每天工作十小時（周日休息），甚至或每天工作十二小時（周六、周日休息）；每天只願工作八小時者喺現今激烈競爭嘅商業社會中只能做低級工作，如果你不願每周工作五十九小時，便無法有成就。

～～～～～～～～～～～～～～｀

Mr.Business

（編者按：感謝陳冠中先生惠賜大作。陳先生身為香港著名作家、學者、出版家，為尋求文化和身份認同，在台海三地奔走多年。他這篇文章真實地記錄了一代人的成就與失誤，其中有著大陸中國都已經久違了的理想主義。陳先生令人信服地證明了，一個地區、一個民族，其品性其發展之大者莫過於教育。"千載以下，猶令人歎息"。刊發陳先生大文，或者讀者有所會心。）

　

我是上世紀52年在上海出生的，四歲到香港，小時候上學，祖籍欄填的是浙江鄞縣，即寧波。我在家裏跟父母說上海話其實是寧波話，跟傭人說番禺腔粵語，到上幼稚園則學到香港粵語。我把香港粵語當作母語，因為最流利，而且自信的認為發音是百份百准的，如果不准是別人不准，不是我不准。就這樣，身份認同的問題也解決了。

我後來才知道，我是屬於香港的"嬰兒潮"，指的是1949年後出生的一代。香港人口在二戰結束那年是五十萬，到1953年已達兩百五十萬，光1949年增加了近八十萬人。隨後十來年，出生人口也到了高峰，像舊式的可樂瓶一樣，開始還是窄窄的，後來就膨脹了。

   

可想我這代很多人對童年時期的貧窮還有些記憶，家長和家庭的目標，印在我們腦子裏的，似乎就是勤儉，安定下來，改善生活，賺錢，賺錢，賺錢。

我們的上一代當然也有一直在香港的，但很大的一群是來自廣東的、來自上海和大陸其他地方的，是在認同大陸某個地域而不是香港的背景下走出來的。

南來的知識份子更有一種文化上的國族想像，逃至殖民邊城，不免有"花果飄零"之歎。

然而，從我這代開始，變了，就是，中國大陸對我們來說只是一個帶點恐怖、大致上受隔離的陌生鄰區，而我們也沒有寄人籬下的感覺，沒有每天仇大苦深想著香港是個殖民地，我們只是平凡的長大著，把香港看作一個城市，我們的城市。

這裏我得及時聲明我是在發表對同代人的個人意見，並不是代表同代人說話，說不定有人一生出來就懂得愛國反殖。我在下文想說明的其中一點恰恰就是愛國和民主一樣，對我們來說都是後天慢慢建構出來的。

我們的中小學歷史教科書是不介紹中國二十世紀當代史的。儘管中文報紙上有報導大陸的消息，我這代在成長期往往在意識中是把當代中國大致排斥掉的。

我這代一個最大的共同平臺，就是我們的中小學，不管是政府還是教會或私人辦的。唯一例外是"左派"學校的學生，在人數上是極少數。

我們的學校當時是怎樣的學校呢？是一條以考試為目標的生產線。我們這代人一個很大的特點，就是考完試後就會把學過的內容給丟了，這對香港整代成功人士有很大的影響：他們可以很快很聰明地學很多東西，但轉變也很快，過後即丟，而且學什麼、做什麼是無所謂的，只要按遊戲規則，把分數拿到。

在中學裏面，我覺得唯一不全是為了考試的學科，除了教會學校的聖經課，就是中文中史課。我們的中文老師可能也是我們唯一接觸到中國大傳統的渠道，關於中國文化，甚至做人德行，都可能是從中文課上獲得的。現在我這代中人，對文化歷史時政有些理想主義想法的人，很可能都是中文課的好學生，或讀過武俠小說，否則說不定連小小的種子都沒有了。

可惜中文課在香港英文學校裏是比較邊緣的東西，有些根本就不理這門課。

1964年，我這代進入青春期，那年，披頭士樂隊訪問香港。

我那比我大一歲的姊姊和同班同學去電影院看了十次披頭士的電影"一夜狂歡"。

我們跟父母搞了些代溝，稍留長了頭髮，穿牛仔褲，彈吉他。因為我們曾手拉手唱過英語反戰歌，我以為不用問大家都是接受平等及參與性的民主，我要到了1980年代中才覺悟到沒有必然關連。

1973年，香港股市在狂升後出現"股災"。

我這代的青春期，就由英美時髦文化開始，到全民上了投資一課後畢業。與同期同代大陸人太不一樣，我們可說是"什麼都沒有發生"的一代。

當然，中間經過1966和1967的兩次街頭抗爭插曲。第一次帶頭反天星小輪加價的是青年人，對未成年的我們有點不甚了了的輕微吸引。第二次衝突大多了，是文革的溢界，逼著站在港英一邊的明智大多數和他們的子女，隨後的許多年對中國大陸更有戒心 -- 把大陸視為他者，相對於"我們"香港。除此外，以我觀察，六七年事件對我這代大多數人的心靈和知識結構並沒有留下顯著痕跡。

這時候登場的是香港隨後三十年的基調：繁榮與安定壓倒一切。

這時候香港政府調整了管治手法，建公屋，倡廉政。

這時候我這一代也陸續進入人力市場。

連人口結構都偏幫我這一代：我們前面沒人。

就是說，嬰兒潮一代進入香港社會做事時，在許多膨脹中和冒升中的行業，他們往往是第一批受好教育的華人員工，直接領導是外國人或資本家。我們不愁找不到工作，我們晉升特別快，許多低下層家庭出身的子女憑教育一下子改變了自己的社會階層，我們之中不乏人30來歲就當外企第二把手。

似乎不論家庭或學校、文化或社會，都恰好替我一代做了這樣的經濟導向的準備，去迎接隨後四分一世紀的香港經濟高速發展期。

我們這批人不知道自己的運氣好到什麼地步，其實並不是因為我們怎麼聰明，而是因為有一個歷史的大環境在後面成就著我們。香港是最早進入二戰後建立的世界貿易體系的一個地區，在日本之後便輪到我們了，比臺灣早，臺灣還搞了一陣進口替代，我們一進就進去了，轉口、貿易、輕工業加工代工，享盡了二戰後長繁榮週期的先進者的便宜。另外，大陸的鎖國(卻沒有停止以低廉貨物如副食品供給香港)也為我們帶來意外的好處，這一切加起來，換來香港當時的優勢。我這批人開始以為自己有多厲害、多靈活、多有才華了。我們不管哪個行業都是很快就學會了，賺到了，認為自己了不起了，又轉去做更賺錢的。

我並不是說我們不曾用了力氣，我想強調的是：

這一代是名符其實的香港人，成功所在，也是我們現在的問題所在。香港的好與壞我們都要負上絕大責任。

我們是受過教育的一代，可訓練性高，能做點事，講點工作倫理，掌握了某些專業的局部遊戲規則，比周邊地區先富裕起來，卻以為自已特別能幹。

我們從小知道用最小的投資得最優化的回報，而回報的量化，在學校是分數，在社會是錢。這成了我們的習性。

在出道的1970和1980年代，我們在經濟上嘗到甜頭，這成了路徑依賴，導至我們的賺錢板斧、知識結構、國際觀都是局部的、選擇性的，還以為自已見多識廣。

我們整個成長期教育最終讓我們記住的就是那麼一種教育：沒什麼原則性的考慮、理想的包袱、歷史的壓力，不追求完美或眼界很大很宏偉很長遠的東西。這已經成為整個社會的一種思想心態：我們自以為擅隨機應變，什麼都能學能做，用最有效的方法，在最短時間內過關交貨，以求那怕不是最大也是最快的回報。

我在香港拍過一部美國電影，美國的設計師要做一個佈景臺子，叫香港的道具師幫他做，他每天來問做好沒有，香港道具師都回答他，不要緊，到時一定會做好的，等到開拍那天，果然那張臺子及時被搬進來了，表面上看起來還是不錯，但仔細一看，臺子的後面是沒有油的，因為後面是拍不到的，而且只能放著不能碰，一碰就塌，，美國的道具師不明白，為什麼我早就請你們做個臺子，要到最後一刻才交貨，並只有前沒後；香港的道具師也裝不明白，你要我們做個道具，不是及時交貨了嗎，而且是幾秒鐘鏡頭一晃就過去的那種，為什麼要做得太全呢，在鏡頭裏看效果是不錯的，況且不收貨的話也沒時間改了。這是我們的CAN DO精神、港式精明和效率。

我這代這種心理，早在成長期就有了，到我們出道後更是主流價值，不是現在年輕人才這樣，現在年輕人都是我們這代教出來的。

說1970年代是"火紅的年代"、我這代是理想主義一代，喂，老鬼們，不要自我陶醉了。

正如太多我這代人自以為了不起，其實比不上我們的上一代，只是運氣比較好。同樣，火紅的一代也只是後來膨脹了的神話，嚴格來說，都是失敗者。

首先，火紅並不是我那代的主流特質，實際參與的人就算在大學裏也只是很小的一群：我在1971年進香港大學，在我所住的宿舍裏前後三年百多名宿生中，我知道的參加過"保衛釣魚臺"運動最大一次示威的才只有3個 -- 有個別的宿舍比例確是較高。

當時大學生的左翼小圈子裏有兩派，一個是毛派，也叫"國粹派"；另外是更小的圈，是左派中對當時的毛和文革有批判的一派，叫"社會派"。在大學外，有幾個無政府主義者，和幾堆跟當時僅存的港澳老託派聯絡上的年輕激進派，這些圈子也很小，雖然戲劇效果較大。教育、教會和後起的社工界、法律界、新聞界也有個別關心公義的人士和組織。像我這樣鬆散參加過校園民主、民生(反加價、反貪污)、民族 (中文成法定語文、保釣)等活動的人則稍多一點。港澳工委在香港的有組織"左派"(不包括親北京工會會員)人數當然又多一點。但總的來說在主流社會裏是少數，說起來遠不如1989年、2003年上街人數 -- 那才是火紅的年份。

待四人幫倒臺，不少毛派學生馬上進入商界，到美國銀行等商業機構做事，一點障礙都沒有。1979年改革開放後，他們又是第一批去大陸做生意的人。到底是香港教育出來的精英。

可以看到，毛派的深層執著不是毛主義，而是國族，可提煉出來給今天的是愛國。其他零星異端左派當年的主張也幸好沒有實現，然而他們的基本關注是公義，可滋養今天的民主訴求。這就是火紅一代的遺產。

火紅年代的影響很有限，所以在1980年代，民主和愛國都未竟全功。如果嬰兒潮一代人當時空群而出要求民主如2003年的五十萬人上街，基本法都怕要改寫，事實是大部份我這代經濟動物根本沒有去爭取，而少數已成既得利益的同代人，竟有反對普選等普世價值的。同時，我這代人仍普遍保留了之前對大陸的畏和疑，而1989年的天安門鎮壓更嚴重拖慢了港人學習愛國的進程。

不在公共領域集體爭權益，只作私下安排，也是本代人特點：1980至1990年代中出現往加拿大和澳洲的移民潮。對部份南來的老一代是再出走，對嬰兒潮一代是留學以外第一次有規模的離散，大部份是因為九七要回歸而移民，故不是經濟移民，而是替家庭買一份政治風險保險。有部份的家庭，將太太和子女送去彼邦，丈夫仍在港工作，成"太空人"，因為香港的工作更能賺錢，兼想要兩個世界的最好。真正斷了香港後路者，他們的位置也很快為留港的原下屬補上。許多成年人移民後的香港身份認同並沒有動搖，身在彼邦心在港。對我這代來說，在亞洲金融風暴前，從財富和機會成本計算上，移民加澳應屬失利。眼見香港持續發達和大陸的變化，九七前後回流香港的也不少。當然也有決心溶入彼邦，選擇另一種生活方式和價值觀的。總的來說，移民潮勢頭雖強，最終只是移民個人和彼邦的新經驗，過後竟沒有在香港留下重大烙印，沒有妨礙過去二十年香港主流的發展，而九七效應更曾一度加強這主流：賺快錢。

一直以來，就香港大學來說，主流所嚮往的，除了當醫生外，是在香港政府裏當官。文官有兩種，政務官和行政官，都要大學資格；而那些所謂最精英的政務官，他們的英語要好，大概頭腦也要比較靈，這類官員總處於職位變動中，今年可能管經濟，明年說不定派去搞工務，換來換去，當久了自以為什麼都懂，其實是按既定規章制度程式辦事，換句話說只懂當官僚。說到底，他(她)們也只是香港教育出來的精英，我們又如何能對他們有著他們認知程度以上的期待？

到1970年代中，主流精英除了各種專業如律師、建築師、工程師、會計師、教師外，還多了一種選擇：進入商界，特別是外企。1973年港大社會科學院應屆畢業生就有幾十人同被數家美資銀行招攬。我們走進了香港的盛世-- 嬰兒潮代的鍍金年代。

我們帶著這樣的教育和價值觀，自然很適合去企業打工，卻同時想去創業和投機。我這代開始了香港人這種奇妙彈性組合。我們當管理人，不像西方和日本上世紀中想像的那套刻板的白領中產組織人，而是十分機動的。我們自以為有專業精神懂得依遊戲規則辦事，但如果能過關也隨時可以不守規。我們好學習，甚至加班拚博，不太是為了忠誠完美，而是為表現加薪，或說有上進心。我們隨時轉工易主換業。我們是不錯的企業管理人，卻同時在外面跟朋友搞生意。

我這代人到底是在相對安穩的社會長大的，不算很壞，我們有做慈善的習俗(當然是在保持安全距離的情況下捐點余錢)，在不影響正業的情況下願意做點公務 (尤其當公務直接間接有助正業) ，表現出大致上守信(理解到這種社會資本長遠來說減輕自己的交易成本)，也會照顧家人親友(擴大版的家庭功利主義)，不過，底子裏是比較自利和計算的，如以前在學校考試，最終是自己得分過關。是的，我們愛錢。

所以出道十年八年後，我們想像力就被綁架了，很甘心的受勾引，從賺辛苦錢，進化到想同時賺更多更容易的錢：股票、地產、財技。我們初是羡慕，後是不安份，懷疑自己的賺錢能力比同代其他人落後了，最終一起陷入了一個向地產股票傾斜的局。而那幾個行業，從1970年代初開始，一直節節上升，只有在1974、 1984、1987、1989﹑1995等年，有個短暫股災或樓價回落什麼的，很快又更猛的往上沖。至此，我這代有了這樣的全民共識：明天一定會比今天更好，因為今天確比昨天好；樓價是不會跌只會升的，打一生工賺的還不如買一個單位的樓。誰能不相信呢？我們的上半生就是在這樣的情況下過來的。至此我們整代的精英都強化了本來已有的投機習性，一心想發容易財。

我的牙醫邊替我整牙邊打電話問股票價。多少做工業的人把工業停掉﹐用廠地讓自己轉項去做房產，我們的偶像改成地產商或做股票玩財技的人，而我這代很多人搭上了順風車而確實得利。

1980年代也是新古典經濟學復興的列根戴卓爾年代，這學說背後的意識形態很符合我這代人的個人發財願望，我們知道了世界上沒有免費午餐、政府好心做壞事、產權不清出現公地的悲劇、尋租行為增加交易成本等啟迪民智的觀念。公司化、解規管漸成政策。資本市場進入更多人的意識。我屢次在聚會上聽到黑社會大佬在談PE (市盈率)、IPO(首次公眾認股)。好象是天賜給我這代香港人一個方便法門，原來自利就是對社會最大的貢獻。

不過，當學說變成信仰咒語後，就出現外部效應，不利於社會進階和凝聚。

1980年代我們的一些作為，決定了今日香港的局面。

不用多說的是中英聯合聲明、一國兩制、基本法，這些1980年代開始訂下的規範性的綱領。

1980年代大陸開放，我們的工業就搬到珠三角去了，誰都不能用工業空洞化的理由勸別人留港，或提出什麼工業政策。既然是賺錢機會嘛，那就去吧，本來已經有點到頭的輕工業，也不用煩升級再投資，那些陳舊的設備都被運進大陸，找到廉價的勞動力，重賺了一筆，並即時利及香港。工廠搬走(像當初上海人南來開紡織廠的用地)，正好改做房地產。可這樣一來，整個香港在1980年代開始等於是自動放棄了製造業。

1983年的9月，因為中英談判的前途未蔔，港元對美金的匯率變成一比九塊五毛五，人心惶惶，香港政府斷然放棄港幣自由浮動，改跟美金掛勾，當時也是非常有效的決策：民心很快被穩定了下來，外資也安心，知道他們投進香港的熱錢隨時可以定價換回美金。

可是也因此香港政府只得放棄了自主的貨幣政策，從此跟著經濟體質差異很大的美國走，這個1980年代的決定一直綁住了香港調控通脹通縮的一隻手，幾任政府都不敢解套。

舉個著名案例，在九七回歸前，那時美國恰恰因為墨西哥危機，在減利息，減得非常低，香港也只能跟著把利息降得非常低，但香港當時的房地產是過熱的 (投機者期待回歸效應、大陸很多單位希望在香港開個"視窗公司"等等原因)，應提利率才是，卻變了降息火上加油。

後果是把已經是泡沫的房價再往高吹，毀了香港的價格競爭力，誘導了我這代中產者高價入市後變負資產。

香港1980年代以來關鍵都在房地產。中英協議規定每年限量批地50頃，這方面政府是赤裸裸干預市場而不是放任。1984年至1997年六月，樓價升了 14倍，推到一個和港人收入遠不相稱的地步﹐把全民財富集中在不神聖的三位一體(房產、地產股和按貸銀行)，進一步鼓動了港人走精面賺快錢，增加了政府收入，扭曲了政府決策。

世界上比較上路的政府，很少故意搞地產過熱，玄妙的是香港歷任政府竟甘於彙同發展商和銀行扮演地產熱錢化的主謀共犯，而沾沾自喜的我這代有恆產者豈能不成從犯？

香港用於城市建設的土地少於20%﹐英國殖民者留了超過80%給山和樹﹐香港的土地真的不足嗎，還是利用這個迷思來政策性的逐步把地價推高？(答案：後者。)

1997那年﹐香港賣地收入占政府總收入23%﹐還未算印花稅。

反諷的是，一半人口住的公屋，加上公共設施﹑公立醫院﹐公費教育和公務員﹐不靠賣地和房稅征來的錢，我們又怎能享有這麼窄的稅基交那麼少的所得稅和利得稅？

這就是香港經濟的移形換影大法：香港政府既似是積極不干預的放任小政府，又是對社會能力強勢投入的大政府，像是有兩個回異的經濟學家 -- 弗利民和阿瑪塔耶森 -- 同時在指導香港經濟，而從制度政策看，看到的卻是一隻依重地產並以干預來偏護地產金融財團的有形的手。一切美好，全靠地產，直到它變了怪獸。

這個舉世無雙的香港本色是值得大書特書的，不知道是天才的劇本，還是自然渾成：土地是皇家的，政府做莊家，以限量供地造成稀有令房價長期上揚，吸引香港人紛紛問銀行貸款買房，世代相傳了地產必升的神話，港人有餘錢就繼續買房，或投在當時七大地產公司主導的股市，讓有恆產者與地產商、股市、銀行利益與共，至於買不起恆產的人，政府建公屋低價讓大家住，同時靠賣地增政府收入，保持低平窄稅，法治開放，聯繫匯率，繁榮安定，進一步吸引全世界包括中國的直接投資、避難逃資、投機熱錢湧入香港，房價股市越發猛升，大家發財，順便造就了我城幾十年的富貴與浮華、我這一代人的燦爛與飛揚，思之令人感傷，然後不禁啞然失笑，簡直是一個近乎完美的天仙局，誰還理會製造業空洞化、資源投在非生產性的建設、競爭力消失、房價比新加坡高三倍、大陸在改變、地緣優勢在磨滅、熱錢靠不住？突然日轉星移，好日子不再。

場面撐久了，我這代人沒見過別的世面，還以為這就是本該如此的永恆。一個亞洲金融風暴，問題都出來了，可是已積重難返。

今天香港的問題，都和1997前我們自已設的套有關。

譬如，我們的基本法裏﹐規定公務員的薪水不能低於九七前﹐就算經濟不景﹐他們的薪水也不能大調﹐以此來保護當時公務員的信心。

又譬如，我們自以為平衡的預算很重要，故在基本法裏對此有期待。這點讓董建華擔心﹐從1998年到現在﹐香港每年都有赤字。

有些人說董建華上臺後改掉了許多東西﹐其實現在香港更多是九七前的繼承﹐而不是九七的決裂﹕並不是說英國人走了﹐我們不用他們的政策﹐不受他們的影響了。重大的局面都是九七之前已經布好﹐而不是九七後才有的﹐我們只是把九七前的問題更劣質化更外露罷了。

我們的公務員以前聽命於英國外交部和女皇任命的殖民長官﹐現在也是採取和上面完全一致的態度﹐他們無所謂﹐只要老闆叫他們做什麼﹐他們把它做好就是了﹐現在做事是沒以前輕鬆了，但他們除了自保自惠外是不擔當的﹐敢為老闆在外面說幾句話護主，就叫很有膽色了。

董建華政府的認受性來自北京和財團主導的一小撮人，自然向北京治港官僚及財團傾斜，現在香港高級的官員，我同代的聰明人，也就不會去擋住北京治港官僚及財團對政府的暗箱操作。不過財團和主權國官僚的影響向來很大，1997後只是延續，倒是特區行政長官的自主性似更弱於受命倫敦的港督，遂惡化了"打籠通資本主義"的局。

1997年的香港是非常繁榮的﹐給了好的開始，財團和官僚結合的新政府以為自已掌握到過去香港成功的要素，很懂香港﹐非常自信，其實他們由工商專業從政，或由官僚扮政治人﹐對香港的認識是局部的、選擇性的、甚至自我誤導的。

本來，回歸後的政治安排有點像中國當代史上名聲不好的訓政，不過訓政也是一個機會，大權在握，是可以趁頭幾年解決一些香港固有問題及部署應對外部劇變，可惜董建華運氣和能力俱不好，無法用上訓政給他的機緣。

現在看起來﹐從外部來說﹐大陸的改革開放，初則對香港有利，再下來既一定有互補互利的雙贏情況﹐甚至是大陸領著香港飛的共榮，但也會讓香港體驗到"讓你的鄰居做乞丐" 這句話﹐地區與地區間的激烈競爭是必然的﹐究竟，香港以前的獨佔性的地緣優勢是沒有了。所以說外部的情況是喜憂參雜的。

從內部來說﹐香港很殊勝﹐稅低﹐效率高﹐法治尚存﹐廉政未泯，言論還自由。我自己去了大陸臺灣後也有這個感覺﹕在香港辦事多方便！我們沒有別的社會的城鄉、族群、宗教等重大衝突。當然﹐這些內部的優勢也是1997前就已經有的﹐甚至可說是我這代出道前已鋪墊的 -- 其中廉政是成就在我這代的。我一代人的問題是太自滿於自己的優點卻看不到內部的盲點，更落後於急劇變化的外部形勢。

我相信香港不會像揚州、威尼斯般，由區域樞鈕都會一落千丈只剩下旅遊。不過看到英美一些工業城市一衰落就是幾十年﹐也有可能香港轉型需要漫長的一段時間。

我知道還是有人以為政府少說話少計畫，香港經濟就自然會好，這是我這代既得利益者的一廂情願。2004年市道轉旺，大家憋了很久，期待重溫舊夢。可惜時代不一樣，一個更嚴峻的變局已成形，我們不可能回到往日 -- 何況以前香港政府也從來不是我們以為的那種不干預。

往前走，我們要解掉一些1980年代以來自已設的套。我們要來一個"邊緣向主流的反撲……

http://myblog.hk/pccon.php?id=83&nid=2183&s=all

kteng7739

一口气买了9本曹佬的作品。
他的作品不时的重复
"sell at May, and walk away"

Mr.Business

去哪里买？

kteng7739

恒指最大阻力區20000點

5 月31日，周日。5月份美國消費信心為去年9月以來最高，見68.7（4月34.9），首次重返50點之上，因大部分人認為最惡劣日子已過去。真係咩？小心迴光反照。英國5月份消費信心係一年內最高，未受H1N1影響。不過，日本CPI喺4月份出現第二個月下跌，估計一直下跌至2010年3月，因需求下降。日本經濟重陷通縮，主因係企業純利下降，員工面臨減薪；日本銀行估計，2008／09年核心通脹率為負1.5％，2009／10年為負1％。

滙豐銀行認為，通縮係家吓全球經濟嘅最大威脅，因工資下跌引發價格回落，加上今年油價較去年平均便宜50％。油價去年12月見32美元後，至今已上升 100％，主因係美元弱勢。5月8日美滙指數跌穿200天線83水平，引發呢次Tangible & Intangible資產上升潮。

港股相對便宜令反彈較好力

唔少人相信衰退已結束、經濟繁榮期再臨，但願如此。亦有人相信去年11月起新興市場可以同美國分道揚鏢（decouple），可以嗎？雖然1990年到 2007年日經平均指數曾經同全球股市分道揚鑣。美國人儲蓄率已由2007年嘅負數到去年佔GDP 4%，估計今年升至GDP 6％。响咁嘅環境下，新興市場表現會點？

金價去年3月17日見1023美元，並喺今年2月24日見989.75美元後形成雙頂，回落到4月20日870美元，七星期內回落12%，然後喺5月29日見980美元。如能升穿此阻力位可見1150美元，反之係咁先。

3 月9日開始嘅恒指大反彈較估計中好力，理由係港股相較其他地區股市便宜。估計今年本港上市企業純利只會減少5％（唔計物業重估），加上聯滙因素令熱錢流入，擴大咗港股升幅（但若日後流出又可擴大港股跌幅）。中國刺激經濟方案亦幫咗一把，令唔少股份喺短短三個月內升幅超過100％，證明咗喺熊市中獲利一倍嘅機會十分多，响牛市反而唔易賺大錢。不過，恒指P/E已漸漸接近平均水平（十五倍），唔似3月9日當時P/E低於十倍，喺APAC地區港股仍算便宜。响恒指18000點以上入市，未來風險愈來愈大。

標普五百指數由2007年10月高峰到今年3月9日下跌58%，至今回升24%，係 1993年以來最短時間內最大升幅。1993年係牛市嘅開始，2009年3月9日至今只係熊市反彈，因為2007年10月股市相對1929年9月更加偏高，後者下跌90%，而前者只回落58%。呢次反彈市出現，係建基於美國銀行系統證明仍安全及經濟停止下滑，而短期利率接近零、長期利率上升，為銀行提供賺取息差利潤嘅好環境。

1997年7月1日香港主權回歸日，如閣下投資股票、房地產、黃金及定期存款，結果分別係點？以恒生指數計至今上升超過10％，房地產除豪宅外虧損30％，金價上升190%，存款（平均5厘計）上升79.5％。過去十二年呢場龜兔競走中，贏家係黃金，第二係定期存款，股市接近打和，物業揸家則係大輸家。證明由1997年7月起，股票同物業只可作trading之用，已失去投資價值！

經濟展望：2009年第二季起中國經濟進入穩定期，美國及歐洲便木宰羊。油價仍有上升空間，只係未來升幅已經有限；金屬價格進入整固期；農產品方面仍有升值空間。5月份股市買盤主力來自淡友冚倉盤（short covering），主因係4月豬流感期間唔少人空咗倉，完成冚倉後順勢推高Ｄ；但VIX指數已重返去年8月水平，6月宜小心。值得注意嘅係，十年期債券息率與二年期債券息率差係2003年以來最大，闊達2.63厘（2003年係2.74厘）。點解有錢人寧可收0.25厘息，都唔肯揸3.75厘嘅十年期債券？主要係擔心「第二波」就快出現，例如6月份通用汽車破產需政府注資500億美元去交換70％股權……。响政府瘋狂注資挽救大企業環境下，美債可能有排跌。

2008至09年過去十二個月，中國只購入美國新發行國債嘅六分之一，較兩年前為少；今年4月開始購買量進一步下跌。今年1月起中國政府動用唔少資金購入原材料，令原材料價格响過去一段日子飛升。今後中國政府會點樣做？5月份起中國政府已唔再吸納銅，令銅價自4月14日起牛皮。

油價見75美元亦冇乜大不了

美元喺3月4日起轉弱，漸漸接近去年12月17日低點，即1.44美元兌1歐羅；上述係3月4日起原材料漲價嘅另一理由，不過升市已近尾聲。中國家吓持有嘅美元資產超過1.2萬億美元，已超過日本。去年6月底到今年2月只增加美國國債2100億美元，其中更以短期國債為主。今年4月28日美國國會眾議院撥款委員會主席馬克．柯克喺出席美國華人組織「百人會」時話，睇嚟中國已靜悄悄而又不失禮地收回發畀美國嘅「信用卡」矣！估計今年美國財赤1.75萬億美元，超過GDP 12%，因主體經濟陷入衰退。美國財政部今年必須發行最少2萬億美元國債，呢個規模係前所未有（2003至07年平均每年發行5647億美元）。即使美國人儲蓄率由去年1.8%上升到今年8%，亦只能吸收6600億美元國債。一旦中國唔支持，美國長債息率必升！上述係今年下半年美國經濟嘅最大風險。

今年商品價格上升唔少，令資源股升完可以再升。石油喺5月份出現自1999年以來最大單月升幅，白銀出現1987年以來最大單月上升，白糖亦升至十個月內高價，仲有大豆、可口等；連波羅的海乾貨輪指數5月亦上升96％，唔少人認為通脹重臨（一般人所指嘅通脹係CPI指數，例如麥當勞漢堡包，1959年喺美國賣57美仙，今天4.29美元，上升653％或每年上升13％；如未來五十年每年仍上升13％，2059年漢堡包應該賣32美元一個！）。CPI上升除咗原材料（商品價格）上升外，好大程度受消費者購買力影響。過去五十年麥當勞漢堡包漲價，唔代表未來五十年可以同樣速度上揚，因美國人收入近年已停止上升；過去五個月商品價格上升，未必會令未來通脹率上升。以油價為例，由去年8月嘅147美元回落到同年年底33美元，今年油價上升只係一次反彈，即使回升到 75美元一桶亦冇乜大不了。何況3月至5月商品價格上升動力來自美元弱勢，美元弱勢令十年期債券息率由2厘升至3.75厘，令三十年固定貸款利率跳上 5.45厘（2月份以來最高），不利美國房地產前景。大摩認為，年底前美滙將再回落10％，如上述預測正確，意味商品價格將再升，美債則進一步受壓，可能引發另一場金融風暴。去年美國喺負利率環境下，CPI 升幅亦只有2.8％，因為去年GDP跌5.7％（今年首季跌6.3％），估計今年第三季美國CPI只能較第二季升3.5％。油價一旦高出75美元，將連 OPEC亦冇能力再令油價上升，因為今年石油消耗量正在減少而非增加。

5月份道指升4.1％（過去三個月共升20.4％，係1998年11月以來表現最好嘅三個月），由3月9日起計則上升29.8％，為2007年10月以來最大升幅。

至於恒指能否挑戰最大阻力區，即去年3月18日嘅20572點及8月21日嘅20350點？恒指喺去年9月跌穿20350點（三次到底而破），引發大拋售，而呢次反彈市嘅最大阻力區就响呢個水平【圖】。

1960 年代美國經濟由戰後一直保持繁榮。經濟學家在問：Is the business cycle obsolete? 隨之而來係十六年滯脹，其中又以1974年及82年最慘烈，兩者都因石油危機而產生。1980年代隨住經濟環球化出現，OECD國家製造業外移，新興工業國內嘅工廠互相競爭訂單，結果令工業產品無法漲價，OECD國家境內服務業員工收入則大升，因而引發消費熱潮，吸納新興國家出口產品，直到原材料不勝負荷，引發2008年石油危機（油價曾見147美元一桶）。今天唔少人卻相信2007年10月開始嘅CDO危機可以喺今年3月結束，真係咩？

今次衰退一如1990年代日本

日本自1990年起大部分日子都係衰退。日本經濟由1953至81年迅速由農業走向工業，1980年代開始GDP進入低增長期：日圓升值、樓價上升、日經平均指數大升，令日本進入泡沫經濟。1990年日經平均指數總市值超過當年美股（美國人口係日本嘅兩倍，GDP亦係日本兩倍）；邊個相信東京皇室所擁有嘅土地市值竟超過整個加州？1990年日經平均指數P/E七十倍，十九年後日本係點？泡沫爆破之後，日本銀行減息至零，政府提供大量刺激經濟方案，卻令日本政府由1991年財政盈餘高達GDP 2.9％到今天年年財赤，政府負超過GDP 160％。

石油危機2008年8月出現，2008年美國經濟情況卻較1990年代日本更差，但人們卻認為美國唔會係另一個日本。戰後美國經濟繁榮建基於「需求推動」（demand-side economic），政府不斷刺激消費需求推動經濟增長，因此引發通脹。1980年代開始改為「供應推動」（supply-side economic），即不斷增加供應量去刺激需求，推動經濟增長。到咗2007年，美國經濟面對供應過剩嘅危機，即使將利率降至零，亦只能產生短期消費上升；反之，金融危機卻向全球擴散。擔心2007年11月起呢次衰退一如1990年代日本，係沒完沒了。

(新的帮忙顶上来)

kteng7739

超級市場通脹

6 月7日，周日。3月份蓋特納接任美國財長，推出量化寬鬆貨幣政策（去年10月英國已採用）及取消 mark-to-market 會計制度，令美股由3月起狂升，亦令5月份公布銀行業績靚咗好多。到6月初，紐約股票交易所有90%上市股票價都喺50天移動平均線之上，代表短期股市仍有力向上，但唔代表牛市重臨，投資者反而應該步步為營。至今恒指最高係6月3日18967點，係時候放止損沽盤矣，例如訂喺17000點水平。响升市中係冇人喜歡聽忠告嘅，一旦巨浪冚埋嚟，嗰D走勢派嘅言論同分析便有如用沙建成嘅堡壘。事實係：冇人可事前知道頂喺邊度。

商品價格只係技術大反彈

今年首季標普五百估計純利下跌35.6％（與上周一樣），依家當中四百九十二間已公布業績，66％較估計中好、9％和估計相同，其餘低於估計。以2009年估計純利計，標普五百P/E十五點一倍；第二季純利估計下跌36.1％（1月份估計跌11.3％，4月1日估計跌31.7％）；客觀形勢仍在惡化。今年3 月9日開始股市回升，係因為極度超賣，而非企業純利開始回升。據彭博資料，去年8月至10月有700億美元由MSCI 遠東（唔包括日本）股市流出，今年4月中開始又見上述資金回流，並以5月份為最。上述700億美元回流，支持5月份 MSCI 遠東指數上升，至今已升50％，6月又點？要睇有冇新資金流入而定。各位要明白，去年8月至10月資金流出令 MSCI 指數跌60％，至今 MSCI 指數仍未重返去年8月水平。CRB 路透／Jefferies 指數5月份上升14％，係三十四年來最大升幅，又或1974年7月以來最大升幅，代表2008年年底過分超賣，家吓重返正常。銅價今年升65％、油價升 54％、大豆22％，全球股市上升超過30％、金價升12％（成為大落後者）。除黃金外，其他商品亦係一次技術大反彈。

6月1日通用汽車宣布破產，因負債1728億美元，資產只有823美元。百年老店如缺乏效率，一樣可以破產，亦證明咗就算長期持有一百年，一樣可以損失慘重。作為投資者，一旦發現投資方向唔正確，唯一可做嘅事就係止蝕，而非死守。賺大錢唔係來自 Work Hard 而係 Work Smart。2007年11月美國出現金融危機時，曾產生七個黑洞──一、房利美；二、房貸美；三、雷曼兄弟及其他投資銀行；四、華互銀行；五、AIG；六、花旗集團及其他銀行；七、通用汽車。當通用汽車宣布破產後，上述七大黑洞起碼已處理了，美國會否從此進入復蘇期？睇落又未必。今日美國開始進入「十年生聚、十年教訓」期，有如大病一場之後，雖然已離開 ICU返回普通病房，但仍然係病壞一個。

美國全國經濟研究所商業同期測定委員會負責人 Robert Hall 認為，由2007年12月開始嘅衰退喺今年3月進入低谷（Trough），今天仍太早去決定呢個低谷到底係浪底，抑或係一個漫長衰退期嘅短暫反彈。估計美國今年第二季GDP只會下跌1.9%，較去年第四季及今年第一季溫和，但唔代表衰退已經過去。

量化寬鬆貨幣政策穩定咗經濟，令美國今年第二季GDP唔再大幅下滑，令債務通縮風險受到控制，至於經濟能否復蘇又係另一回事。呢次由量化寬鬆貨幣政策帶嚟嘅經濟平靜期可維持幾耐？無法事前估計。有人認為，當十年期債券息率上升到4厘以上便完成，但亦有待事後證明。換言之，量化寬鬆貨幣政策並冇解決CDO危機，只係令債務通縮風險暫停，同時令美滙指數跌至七個月內新低。如上述辦法真係可行，日本就唔會出現長達十三年（1990至2003年）嘅衰退啦。

股市幻象建基於美元危機論

過去二十六年，西方國家政府同人民皆習慣利率及通脹率齊齊回落；2007年8月出現CDO危機後，西方國家政府以財赤去對付信貸壓碎，可以成功嗎?!西方國家經濟能否逃過1990年代日式經濟嘅慘況?!未來十八個月美國政府須發行5萬億美元新債，未來十年美國政府每年支付利息超過8000億美元（如長債息率喺5厘左右），呢種情況可維持幾耐？3月9日至今道指已升42%，標普五百升33%，恒指升60%……。3月9日青姐流淚了，股市上升了；今天人人都在笑，認為牛市重臨了，我老曹在此只有祝君好運。道氏理論大師 Richard Russell 認為，依家仍係熊市二期，你同意嗎？世上冇另一個人夠 Richard Russell 咁老資格去演譯道氏理論（我老曹嘅道氏理論亦由佢所教也）。

中國製造業訂單自今年3月起止跌回升。5月份採購經理指數係53.1（4月53.3），已重返50點之上，即進入擴張期；生產指數57.4（4月56.9）、新訂單指數56.6（4月54.6）、出口訂單指數49.1（3月47.5），有理由相信中國製造業正進入反彈期。但由於外圍環境仍差，未知呢次反彈可維持幾耐，但已引發新一輪炒賣工業股潮。

內地新股上市經過八個月停頓後，6月至8月共有三十三隻IPO集資130億元人民幣，估計將令A股進入調整期（但跌幅應該唔大）。

許多時投資者只見到佢地所希望見到嘅，而非真實狀況，此乃經濟不斷惡化情況下恒生指數卻由3月9日起急升嘅理由。對前景嘅期望令恒生指數响今年6月3日升到 2007年12月以來最高。換言之，今天股市上升只反映投資者對未來嘅期望，而非真實情況。股市出現嘅幻象，係建基於美元危機論。由3月起到6月初美元滙價不斷回落，推動商品價格上升及「再膨脹論」，刺激新興市場股市上升。美元由去年7月走強，到今年3月結束；呢次美元滙價回落，到底係調整還是另一次美元危機?!如今年下半年美國經濟繼續下滑，小心美元到6月份又再次漲起來。如有美元危機，中國將係最大虧損者，中國為阻止人民幣太快升值，不得不大量購入美元，結果進一步泥足深陷，此乃中國希望人民幣成為國際流通貨幣嘅理由。如中國响呢方面跑得太快，可引發美債泡沫爆破，呢個市場市值65萬億美元，較美股嘅市值仲要大！

高盛估計，今年3月起美元將進入漸進式貶值期，一直到2011年才完成整個貶值過程。標普認為，美元雖進入漸進式貶值，但貶值幅度同速度都唔會大。6月1日美國財長蓋特納向中國政府保證強勢美元（5月份美元兌加元貶值14％、兌歐羅貶10％、兌澳元貶11％、兌日圓貶7％）；美國銀行與美林則認為美國政府採用量化寬鬆貨幣政策，引發通脹疑慮，令資金由過去防禦性債券市場撤退轉向新興股票市場，係美元3月至5月急劇走弱嘅理由，隨住油價大幅飆升，進而引發全球通脹憂慮；小心美元貶值潮有可能响6月份結束。

依家我地面對嘅只係「超級市場通脹」，因為基本消費要求例如食物、日用品並冇減少，供應商仍可透過加價維持利潤，然而一切非基本需求都在跌價，因消費者已負擔唔起非基本用品，因為愈來愈多人失業，又或喺 2007至08年投資上損失慘重。至於原材料今年漲價亦只係大跌後嘅反彈，唔代表另一次漲價潮開始，因為全球經濟在萎縮中，企業純利亦在下降，全球銀行業更在收縮中。

投資者應學習喺牛市中賺錢、响熊市中發達（喺牛市，股價上升速度十分慢；而熊市反彈，郁吓都上升100%）。相信未來日子將有愈來愈多人有興趣捉熊腳。

中國未來經濟繫海歸派手上

經過2007年11月起嘅 CDO 危機後，希望大家從中學到教訓：一、熟悉陷阱（Familiarity Trap）。即去年投資滙控（005）而損失慘重者所犯嘅錯誤，自以為對滙控好熟悉，其實卻係唔識。二、近視（Money Myopia）。因銀行息口咁低，而購買雷曼債券、精明債券、股票掛鈎債券、外滙掛鈎債券等，只為收取可觀利息回報，而忽略風險。三、投資慣性。例如 1982年起我老曹每月一金幣計劃；2007年11月後仍有唔少人按月將部分資金用作買基金，結果愈買愈低。呢類按月投資法，我老曹一早已叫投資者放棄，估唔到至今仲有咁多人採用。四、鐵達尼號候群症──以為架船咁堅，點會沉？因而忽略所有危險訊號。經一事長一智，希望各位日後唔好再犯上述錯誤。

美國由1966年至今，製造業佔 GDP 由20％下降至2008年12％（香港則由1980年佔 GDP 28％下降到2008年只佔4％）。上述情況亦喺中國開始！我地必須接受中國由出口導向型經濟轉由內需帶動經濟復蘇，即呢次中國復蘇將好痛苦而漫長，例如行三步退兩步，再唔似過去三十年咁可以一口氣上升。

中國1978年實施改革開放政策後，產生好多億萬富豪，大部分文化程度唔高，但十分注重下一代嘅教育，唔少高中已送子女到國外讀書，到海外留學。呢批第二代嘅知識水平達國際級，視野遠遠超過父輩。佢地回歸後，正逐步成為企業嘅第二代掌門人。

須知道創業難、守業更難，呢批海歸派從父輩接掌企業權力後，有部分十分重視團隊意識，溝通能力強，加上知識面廣兼有國際視野，可以把家族企業發展成上市企業。但亦有D海歸派由於缺乏領導經驗及威信，實施從海外學番嚟嘅管理技巧時，面對來自家族嘅阻力，無法一展所長，唔少變成游手好閒，只求吃喝玩樂亦大有人在。未來三十年中國經濟會走上哪條路？將由呢班海歸派能否成功接管家族企業決定。

kteng7739

股市遊戲規則已變

6 月14日，周日。6月3日恒指見18967點後，市場傾向炒賣中、小企股，股市6月12日一度見19161.97、成交額較6月3日低，技術表現開始轉弱。今次嘅反彈市較去年11月嗰次強，我老曹承認，美元滙價由6月份開始止跌回升，令金價最近回落，令人擔心資源價格上升接近尾聲。

5月份中國入口原材料數量已唔及4月份（較去年同期仍上升）。睇嚟中國購買原材料嘅高潮已過，各位亦應該為手上嘅資源股訂下「止蝕位」，今次股市表現較事前估計中強，各位可利用止蝕不止賺嘅策略，逐步把止蝕位推高，家吓止蝕位訂喺17250點（即較19161點低10%）便可放紙鳶（即跟利潤往前跑）。股市表現再次證明世上無先知及任何時刻應嚴守紀律，一切按制定嘅策略辦事。

奧巴馬救經濟未見效

今年1月奧巴馬上台時，美國經濟正面臨崩潰，佢急急批准多項挽救經濟計劃，金額更超過1萬億美元。喺1萬億美元刺激計劃下，美股亦要到3月6日才能止跌回升；但失業率仍由1月份嘅7.1％，上升到前周嘅9.4％，估計到2010年可見10.3％。上述嘅1萬億美元中，3000億美元係用嚟創造就業，似乎未見功效；至於為每架新車提供5000美元稅務補貼亦唔見有效（通用汽車仍要破產）；增加10％房屋信貸擔保，功效亦有限。除股市上升外，美國實質經濟未見好轉，例如5月份零售數字亦只升0.5％。

上世紀三十年代聯儲局同樣減息，但貨幣供應仍回落；2007年9月起聯儲局一再減息亦發現無效。去年10月起，首先係英國，然後係中國，最後大部分國家都向金融系統直接注資，結果只令「資產」升值，例如油價由32美元升上73美元、銅價升 80％及恒生指數升73%，呢個情況可維持幾耐？又或者喺現水平你話畀我老曹知，咩嘢投資可持有六個月仍然令你安心？今年甚至明年，企業純利展望又點？我老曹無意游說你睇淡，但要知道自己喺度做緊乜？以P/E計，現水平已進入偏高區，值唔值得再冒險或是留番D被別人賺？

今年第一季美國人嘅財富減少1.3萬億美元（去年第四季減少4.9萬億美元），係連續七季下跌。估計第二季略為回升，但美國人愈嚟愈窮已係大趨勢，只係速度問題（例如快一D或慢一D）。2007年第二季美國人擁有13.8萬億美元財富將係高峰了。

上周十年期債券利率一度升至4厘以上、兩年期亦升至1.41厘。代表過去五個月十年期債券利率上升2厘，情況幾令人擔心。2008／09年度財赤將達GDP 12％，美國正面對貨幣政策與財政開支之間嘅矛盾；如大量發債支付財赤，將抵銷3月份量化寬鬆貨幣政策帶嚟嘅好處，令3月9日開始上升嘅股市進入完結篇。如十年長債利率長期保持喺4厘之上（即較年初上升100％），擔心美國商業樓受唔住咁大壓力。加州唔少商業大廈空置率已達15％，喺利率上升壓力下，恐怕美國商業樓價進入大調整期。

1978年中國政府實施改革開放政策；加上電腦科技普及和通訊成本大降，引發經濟進一步環球化；中國廉價勞工成本和蘇聯嘅廉價石油；加上嚟自世界各地嘅廉價資源，引發1982至2007年美國股市上升期。但到咗去年，無論中國勞工、俄羅斯石油及嚟自世界各地嘅資源都唔再平，令環球化經濟進入衰退潮。去年開始嘅衰退應該唔係「正常衰退」，喺美國財赤高達GDP 13%環境下，邊度嚟正常衰退？喺衰退進行中嘅大反彈，又往往好驚人。

好難信通縮出現

美元係咪止跌回升？德國已向PIGS（即葡萄牙、愛爾蘭、希臘及西班牙）施壓，要求佢地嚴守歐羅所訂守則！睇嚟歐羅滙價升幅已差唔多。如美元滙價止跌回升，全球投資形勢又迅速改變，但貝南奇係研究三十年代美國經濟方面嘅專才，佢或者有方法避過亦唔奇。大部分投資者都喺「通脹期」長大，尤其係1971年美元脫離金本位制後嗰三十六年；要佢地相信通縮已出現，就好似1970年我老曹喺《明報晚報》寫文章叫當年D港人相信通脹來臨一樣咁難。今年唔少人仍預測惡性通脹重臨（hyperinflation），而唔相信賤物鬥窮人嘅年代由去年開始，連《金融時報》亦話「Get ready for inflation」（為通脹重臨而做好準備），忘記咗大量財富早喺去年已消失；忘記咗美國銀行開始修補資產負債表；美國人開始減少消費及增加儲蓄，上周儲蓄率已升至5.7％嘅十四年內新高。家吓美國企業成本70％係薪金，喺失業率不斷上升中，薪金又點大升？即未來美國通脹率（CPI）升幅係有限，能源及原材料價格雖然自今年1月回升，但對美國CPI影響好有限，對中國可能大一D。

6月3日恒指見18967點後，股市進入打乒乓波時期。由於每周有五至十個數據公布，令股市出現忽上忽落嘅走勢。

根據路透嘅調查，分析員對標普五百第二季純利估計改為負35.7％（上周負36.1％），主因係指數剔除通用汽車及花旗銀行；第三季純利估計係負21.9％（4月1日估計係負22.4％），情況係有D改善。

1929 年11月道指亦曾經由198.07上升到1930年4月294.07，喺短短十三星期內上升48.2％。道指今年3月6日到6月11日同樣上升十三個星期，升幅37.2％，兩者表現何其相似？至於恒指方面，亦由3月9日11344點上升至6月12日19161點，十三個星期上升68.9％。後市會唔會好似1930年5月美股咁樣一直跌至1932年？日經平均指數自1990年見頂後，喺過去近二十年出現十次大反彈【表】。最小升幅30.3%，最大升幅 62.9%；最少上升日子二十二個交易天，最長更達七百零九個交易天（兩年多），超過四次反彈幅度皆大過50%；每次投資者皆相信日本經濟繁榮期重臨，但至今仲係失望收場。2007年11月後，美股走勢會否相似？因為自2007年11月起，美國金融市場進入收縮期。經過1981至2007年信貸擴張期後，去年開始進入信貸收縮期；無論股票或物業都出現跌價情況，好似1990年起，日本每當跌勢太急或政府出手干預時，股市才出現技術性反彈，完成反彈後又再回落。歷史話畀我地知，經歷過2007年11月到去年10月嘅大跌市後，出現六個月或更長反彈期並唔出奇。

Buy and Hold玩完

市場上通常有三種資金：一、醒目資金追隨趨勢；二、愚蠢資金逆市而行；三、大量資金隨波逐流。愚蠢資金不但最遲先參加派對，同時係穿着上季流行嘅時裝；成功永無終結，但失敗就有，因為當一項投資成功後，另一項投資又等候你去挑戰；反之，一次投資失敗之後，你已冇本錢再玩另一次。呢個係點解社會上成功者少、失敗者多嘅理由。

Robert Shiller話，美國樓價由2006年最高價至今已回落32％，展望未來仍然係睇跌。汽油價喺四十一天內上升61％見每加侖2.62美元，美國消費者已開始抗拒呢個價位。2007年11月至去年10月嘅跌市，徹底粉碎咗Buy and Hold信念。投資者明白到，只有喺經濟高增長期，例如1967至1997年本港房地產，先可以做Buy and Hold；由1997年第三季開始投資本港房地產已變成Buy and Hope。至於投資滙控（005），喺2007年10月前仍有唔少人迷信滙控係可以長期Buy and Hold。今年3月9日，當滙控跌至30元時，投資者都憤怒！佢地睇唔到1981至2007年美國股市上升理由係因利率回落、經濟環球化及金融槓桿化。家吓三大趨勢者已改變，後市只能博熊市反彈。因為金融業已進入去槓桿化；經濟已走向反環球化。去年12月至今，債券市場回落19.65％，係1977年以來最大跌幅，擔心債券亦出現熊市；當債券市場最初回落20％之時，股市通常上升；一旦回落幅度超過20％後，便可以拖垮股市。

喺牛市中you make money；喺熊市中you make a fortune！各位已領教過去年11月至今年1月嘅反彈，以及今年3日9日至6月12日嘅反彈，只要Keep your powder dry，唔怕冇機會！歷史話畀我地知，潮汐漲退從來唔係風平浪靜。2008/09年（9月結）美國財赤估計達到1.85萬億美元，接近美國GDP 10%。展望未來五年，情況無法改善，未來美國每年GDP嘅5%至6%將用作支付利息，除非美國人改變消費習慣，重返六十年代、七十年代消費水平。咁樣做可引發環球性經濟退衰（即所謂金融海嘯第二波）。近日中國政府改持短債，令美元利率出現大傾斜（即長債利率高出短債利率很多），令人懷疑去年11月至今年 6月呢八個月股市上升係咪颱風中嘅風眼（喺美國係今年3月至6月，只有四個月）。從ARM Reset情況睇（可調整利率按揭債務俗稱ARM），上一次ARM大量到期日係2007年年中，第二次大量到期日係2010年5月，到時大量ARM利率須調整。今年3月由政府干預所帶嚟嘅短暫紓緩期，可唔可以根治借貸市場嘅老毛病？6月份VIX指數已係去年5月以來最低，代表投資者樂觀情緒又再高漲，股市已進入超買區、道指已重返200天線之上（喺熊市中，一旦道指重返200天線之上係短期賣出訊號）。2001年「九一一」事件後因政府狂減利率而製造出來嘅美國樓宇泡沫，喺2006年爆破，引發2007年8月CDO危機；到2007年9月政府又再狂減利率去製造債市泡沫。今年1月起，資金正在離開債券市場，令金價、油價及銅價皆上升。Whitney Tilson（TS Partners嘅行政總裁）估計，全球銀行喺未來日子仍要為呆壞賬撥備1.3萬億美元，即家吓各大銀行仍未完成壞賬清理。美國政府未來一年財政年稅收 1.9億萬美元、開支3.6萬億美元，仍需大量發債去應付開支。市場經常對前景作估計，可惜大部分事前估計喺事後證明都係錯嘅，因為人只能做事後孔明。

家吓美國負債已相等於GDP 375％，好快進入經濟活動收入唔足夠支付負債利息。今年起每月美國政府須借入360億美元去應付開支。借錢係一項先甜後苦嘅遊戲，家吓美國嘅美資銀行已冇嘅貸款能力（因銀行資本已大幅萎縮，不能進一步增加貸款）。未來美國經濟喺冇信貸膨脹支持下，何來牛市?!

Bloody L形經濟

1980 至1982年美國經濟曾出現「double-dip」，香港1981至1984年亦出現W形衰退。W形衰退又可分為懶惰W形及充滿活力W形。美國嗰個係懶惰W形，因1982年8月股市低點較1980年4月更低；相反，香港嗰個係充滿活力W形，因1984年7月低點冇1982年12月嗰個低點低。1982年起，美國經濟雖然復蘇，但仍係懶洋洋；香港自1984年下半年開始嘅港股出現勁升。美國1980至1982年嘅W形衰退由雪茄伏一手造成，佢利用高利率去打擊高通脹，到1982年成功控制通脹率後，經濟重新繁榮起來。香港1981至84年嗰個W形因收回主權引起恐懼，亦因主權問題解決，令1984年7月起復蘇。

今年呢個衰退係由金融危機造成，情況同1990年日本嗰個好似，擔心出現英國倫敦人所講嘅Bloody L形經濟，即經濟進入長期低增長。Bloody L較double-dip更差，因金融危機改變了遊戲規則，令唔明朗長期化。新規則係你贏我輸，再唔係長期實賺。但至今只有極少人相信遊戲規則已改變。唔信The golden age of wealth creation到2007年進入完結篇嘅人佔大多數。股市已變成由好多斷片（fragment）組成；今後贏輸由幾時入市及幾時離市去決定，再唔係長期持有了。

點解我老曹一再認為呢次係熊市二期反彈而唔係牛市？一、成個金融系統缺乏流動性，理由係去槓桿化；二、企業只有紙咁薄嘅利潤，令企業缺乏投資欲望；三、全球今年第一季貿易量係大幅下降唔係上升，代表呢次股市上升係建基喺「生意淡薄，不離賭博」而唔係反映經濟在好轉中。每次反彈市最終以貓狗股大升去結束，呢次亦唔例外。因大部分人仍懷念2007年10月前嘅好日子，呢個係熊市二期上升動力；佢地唔信Climactic capitulation理論（熊市嘅腳係由拋售高潮所造成）。

6月22日下午嚟自世界各地嘅黃金專家將齊齊論金。今天一瓶Chateau D' Yquem售價已達12萬元，而且經常缺貨，但好少人願意畀500元善款去聽一個良好嘅投資意見。呢個係點解咁多人喺蘇格蘭皇家銀行身上蝕咗89%或喺萊斯TSB銀行身上蝕咗77%嘅理由。投資者幾時先學識一個良好嘅投資意見係值萬金嘅道理！投資者另一錯失係經常患上投資失憶症，忘記過去所犯錯誤，眼光只放喺今天、明天或大後天大市走勢，而唔係長遠角度睇問題。

Mr.Business

曹仁超的看法值得大家参考。