转贴分享
娱乐新闻 2013年05月20日
放低17年前恩怨
江華關心鄧萃雯病情:我祝福佢 江華噚晚到北角出席《魔術師的寶貝》首映,佢喺戲中扮演魔術師,4部戲先後喺新加坡同香港取景。近日不少小生回流TVB拍劇,之前江華話明唔再拍劇,問佢同無綫是否仍然有合約?佢就話一直同無綫簽部頭約。記者提議佢返去「救亡」,江華即說: 「唔好喇,我冇本事。」
之前鄧萃雯向《金枝慾孽貳》編審周旭明開火,指摘拍劇期間冇劇本、飛紙仔情況嚴重……咦,江華同雯女都曾經……問江華當年喺無綫拍劇嗰陣有否飛紙仔?佢就話: 「飛紙仔就唔怕……」但江華真係好醒,知道記者想問關於同佢曾傳緋聞嘅雯女單嘢。17年前,江華同雯女喺亞視拍《我和春天有個約會》時傳出緋聞,當時江華已經係有婦之夫…結果鬧出三人隔空罵戰,哄動全城。
都過咗17年喇,江華噚晚就話喇: 「我有睇過吓新聞,雯女情況可以理解,因為焦點去晒佢度。第一輯時如妃咁厲害同收得,第二輯一定有咁嘅情況,壓力比較大。」
江華續說: 「凡事兩面睇,應該去佢嘅層面了解。依家你一言你一語,做人要換個位思想,用第二個角度睇。」至於會否向雯女了解一下? 江華直言同雯女已經冇聯絡,但如果有機會,亦唔介意。
有傳雯女不堪壓力,抑鬱症復發,江華亦認為會存在呢個可能性,佢話: 「要放開同好朋友傾吓,佢有信仰好啲,我祝福佢,相信外面(言論)係冇惡意。」
江華祝福雯女。(蘋果日報)
早前(左)彭紀諺同鍾嘉欣傳出緋聞。
江華係新戲扮演魔術師。
本帖最后由 qunlikw 于 23-5-2013 12:18 AM 编辑
|