【专题讨论】转载香港頭條網陸羽仁, 王雅媛的文章

Mr.Business

2008/6/25 上午 10:04:52

陸羽仁覆網友

小潘：美國開戰高危期在７月中到８月中，就係奧運開幕前，一開戰，可能有國家唔參加，例如伊朗，唔知以色列會唔會照出席，但即使人齊，恐襲機會也大增。好危。唔使等奧運唔搞，一開戰，股市都會大波動。若手上已有貨，忍吓無妨。

Ray:近日港股、美股走勢好弱，有些不好訊號，若手頭上已有一定貨量，宜等埋結算後，睇定啲才決定何時入市。

Pancake:紅色股成片片咁急跌，的確令人感覺不良。

Kenlai，B Cheng:上海樓價仍相當貴。

Catc:恒份股一直在改革中，減少最大股比重。

Danny:美國對伊朗開戰的機會不低，現時入市的確面對這種風險。

爛賭小妹：如果油價長期維持在１３０、１４０美元的水平，糧價只會升唔會跌，全球通脹高企，慢慢就會出現滯脹，金價應仍會處於高位。

Jack:福田係工業股，全部面對成本上升，通脹，勞動法，美國需求差的問題，仲要衰一排，甚至淘汱一批，要小心研究個別公司的競爭力。

Idoglofe:真係有錢的人，戴冒牌錶人都當佢真，若果錢唔多，派２００元利是都無用。當然，老闆俾夥記打心口是例外。

S2000:中鐵建係唔錯，但咁o既市咁換法都無用噃。

Yuki:我話港股係調整市的基礎是一，大陸經濟可以軟著陸，二，美國不會大衰退，目前兩個假設暫時無變。但如果你問係唔係熊市，其實問題股市跌期會唔會跌，咁又唔同，美國股市弱，又話開戰，風險正在升溫，小心。

我話咁些股份「現價好低」，只係話佢地跌到近一年低價，第一係可以再跌，第二是否抵買，要看個別股。

大戶唔似開番好倉，似未平淡倉，似乎唔係睇聯儲局，係睇緊打仗風險。

高手見美股結算後唔彈，開始輕輕手加番淡倉，對後市在觀察中。

Bdroom:最好不加注錦江，等個市插時買番啲龍頭巨股長揸。

Mr.Business

注：此篇文章版权归香港頭條網所有。

金融High Tea——新股托到膊頭側
2008年6月25日

港股陷入腳軟軟局面，恒指昨日低開18點，跌至22,511點，下午先抽上22,722點後再跌，在收市前競價時段造至全日低位22,456點收市，跌 258點。期指收報22,463點，跌197點，比現貨高水7點，成交93,185張。內地股市反彈，上證綜指收報2,803點，漲1.5%，但國企指數照跌217點，收報12,018點，大市成交只有591.7億元。

昨日外圍並非太差，日本股市只係微跌0.06%，亞洲區股市如新加坡也只是跌0.6%，但港股在內地股市反彈的前提下，還要跌1.1%，香港市底好弱，或者是受恒生（011）[股價及相關新聞] 調升樓按息率0.25厘影響。在美國議息前夕，恒生是首間帶頭加按息的大銀行，按恒生的最優惠利率5.25厘計算，最低按揭利率為P-2.75厘，即實際按揭息率2.5厘。

樓市炒家減磅

恒生副主席兼行政總裁柯清輝話，雖然拆息最近回落，不過與較早前比較，息口依然高企，所以要加按息，認為按息仍然有上升的壓力。

銀行加按息，加上中原地產罕有地唱淡樓價，預期下半年樓價將橫行，搞到同業美聯（1200）[股價及相關新聞] 股價急挫11.5%，收報5.31元。地產股亦因恒生加按息下跌，長實（001）[股價及相關新聞] 軟1.2%、新地（016）[股價及相關新聞] 股價跌1.7%、信置（083）[股價及相關新聞] 跌2.7%、新世界發展（007）[股價及相關新聞] 跌1.8%、恒地（012）[股價及相關新聞] 則升0.5%。

老實講，按息即使再加0.5厘，亦未算好貴，由於租金上升，都仲係供平過租，所以買樓自住仍有覑數，但炒作就另計。股市唔好，再加上息口趨升，樓市好難炒，聽聞好多手上獱住幾間樓的炒家，近日開始減磅，不敢再獱咁多貨。

指數雖然唔係跌好多，但幾類紅色股都大跌，金銀銅鐵股繼續係災區，洛鉬（3993）[股價及相關新聞] 創上市新低，再挫5.9%。中鋁（2600）[股價及相關新聞] 發盈警後遭多間大行看淡，大削目標價，股價續挫5.9%；金價回落令紫金（2899）[股價及相關新聞] 跌3.4%、招金（1818）[股價及相關新聞] 跌3.7%、江銅（358）[股價及相關新聞] 跌1.8%、重鋼（1053）[股價及相關新聞] 及鞍鋼（347）[股價及相關新聞] 跌3%及0.9%。

紅色中型股跌幅甚巨，好多都跌近一年低位，連帶新股上市都中招，有個富婆朋友最近重錘借孖展認購晨鳴紙業（1812）[股價及相關新聞] ，依家牙痛咁聲，事關個市唔好，新股招股反應較淡，機構縮飛，更多股份分俾散戶，富婆借錢認股，估唔到接到咁多貨，佢唔肯講幾多錢，但頗有「要搬錢找數」的味道。當日晨鳴一上就穿招股價，富婆打電話來問我點算，我話新股破底好大鑊，唔走晒都走一半先啦。我以為佢沽鰦一半，點知佢昨日又打來，問番我同一條問題，我先知佢無沽過，晨鳴昨日收報6.63元，再插7.4%。以招股價9元計，累計唔見鰦26%，仲未計佢借孖展認購的利息成本。

莫借孖展認新股

據港交所資料顯示，晨鳴紙業獨家保薦人國泰君安申報，分別於晨鳴上市頭三日即6月18日至6月20日，於場內分別增持2,550萬股、1,280萬股及 700萬股，共4,530萬股晨鳴股份，每股平均價7.76、7.33及7.41元，即係話國泰君安合共斥資3億多去接貨，以佢的接貨量計，分別佔第一日成交29%，第二日成交33%和第三日成交的58%，可見在跌市做保薦人唔係咁易，接貨接到膊頭都側埋，未知國泰君安三日後有無再接貨。

按道理保薦人係咁接貨，應可穩定股價，但新股跌得太多會觸發基金掟貨，保薦人願唔願意接咁多。

呢排炒新股絕對唔易，除了晨鳴外，重慶機電（2772）[股價及相關新聞] 昨收0.86元，比招股價累跌33.8%；小肥羊（968）[股價及相關新聞] 初時頂得纒，之後都插，昨收2.56元，比招股價亦累跌19.5%；只是A8電媒（800）[股價及相關新聞] 較佳，昨收1.81元，比招股價1.9元只是微跌4.7%。

現時認購新股，大有「唔跌都要去還神」的感覺，散戶想玩都只宜細注，千萬不要大手借孖展去認，因為好可能認到比你想像中多很多的股份，你認過龍，其他認新股的散戶都係咁，人人都要掟貨，股價自然大插。所以睇飱新股時，可能唔好去認，等佢上完插完之後，等股價呆晒先去低吸都未遲。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

論價值（６）         

2008/6/25 上午 09:23:14
網誌分類: 經濟

　　美國消費信心由５月的５８．１，急跌至６月的５０．４，低於市場預期，而４月２０個城市的樓價比去年同期跌１５．３％，是有紀錄以來的最多。美股受到消費信心數字影響，加上UPS話急升的燃料價格會影響盈利，美股早段急跌，後來反彈，道指收報１１８０７點，跌３４點，跌０．３％，跌到３個月以來的收市低位。

　　八號風球股市唔開，可以講吓股票價值。好多朋友話，散戶唔識睇股票，甚至股市的真正價值，平情而論，對一般散戶來說，這個問題的確唔易解決，股神巴菲特提供了一套方法，就係計算公司的內在價值，若果公司現價比內在價值有好大折讓時，為之抵買，可以入市，愈跌愈買。

　　至於內在價值點計，就係未來公司可以經營無限咁長時間的現金流的貼現值，無讀過財務的朋友，好難去計，不過原理大約係咁，一間公司今年估佢賺１億，估佢下年賺１．２億，再下一年賺１，５億，餘此類推，一路估下去，然之後把這個估值總和加上複利收益，再變成貼現值，變的方法是用無風險的利率去把未來盈利總和打折扣，例如美國長債利率係５厘，這就是無風險利率，就用５厘去複式打折，就可以計出貼現到今天的價值，這就是公司的內在價值。

　　未讀過財務的網友，可能睇唔明所謂內在價值點計，我舉一個例子，巴菲特年青時派報紙賺到一筆小錢，後來用呢筆小錢買了一部舊波子機，佢就利用波子機賺錢，巴菲特發現波子機店有一個理髮師沙琪幫人理髮，後來他去沙琪自己的理髮店，發覺店內並無波子機，少年股神靈機一觸，同沙琪講，我把波子機放在你的店內，分兩成收入俾你，沙琪同意，巴菲特的寄生波子機生意就開業了，佢在第一天經營就發現，這部只用３５美元買回來的舊波子機，竟然一天可以賺１０美元，分完２美元俾理髮師沙琪後，佢仲有８美元落袋，真係好生意！

　　假設你看見巴菲特這個絕妙的波子機生意，想把它買走，你估巴菲特會點樣開價，佢會計波子機生意一天賺８美元，一年開足３６５日，一年賺２９２０美元，波子機雖舊，估計仲可以玩１０年，１０年合共賺２９２００美元，但你可以把賺來的錢投資到無風險的債券，年息８％（巴菲特年青的年代比較高息），１０年後盈利加利息共有４４５１６美元。如果這是波子機生意未來的總收益，１０年未來值４４５１６美元，１０年期，利率８％，用計數機都可以計到貼現值是２０６１９美元。這就是波子機生意的內在價值，你用這個價錢向巴菲特收購，就是合理價錢。（見Mary Buffett 及David Clark合著的《Buffettology》）當然，巴菲特自己買嘢時，要市價低於內在價值，即係話若果巴菲特倒過來要買這個波子機生意，就要顯著低於２０６１９美元，巴菲特才會買。

　　睇完呢個微型生意的例子，你會明白一些原則：

　　第一，    巴菲特計算公司內在價值的關鍵，係公司未來的賺錢能力，佢要估公司未來的經營期可以賺幾多錢，當中自然有啲假設，波子機生意就簡單，真實的大公司會幾複雜，例如要假設公司合併重組後，生意可以擴大幾多，盈利可以增長幾多，在初階段盈利每年增幅多少，業務成熟後又增加多少。你唔識計數，都要明白佢的基本概念，睇住公司未來的盈利。

　　第二，    這種推算有靠估成份，靠估自然會估錯。推算要做假設，基本的假設有經濟增長率，通脹率，利率，具體的假設有公司的盈利成長率等。以波子機生意為例，會唔會有競爭對手出現，令生意減少呢？又可唔可以用同一模式擴展生意，買多幾部波子機開檔呢？

　　第三，    估唔到咁足，就要靠個信字，所以巴菲特好睇公司管理層，要有能力，唔欺騙股東，佢才會有信心。

　　簡單地講，要計一盤生意的價值，殊不容易，但證券行的分析報告，基本上就係做緊公司來來盈利的估計，不過散戶好似唔係好信大行的報告，背後又有乜原因呢？

陸羽仁

http://www.hkheadline.com/blog/r ... rd=&searchtype=

Mr.Business

2008/6/26 上午 10:38:00

陸羽仁覆網友

Wacko, Cashin, 輝NSX：正如Wacko所講，我提供的只是粗略計數，一年算３６５日，Wacko的詳細推算演示好好，有興趣的網友可以參考。

Myself, Indy,　牛腩：大行報告的問題，不足為外人道，你們都講中好多，大行有其利益問題，散戶亦有偏見。

Epearl:內在價值是intrinsic value, 內涵值是用於保險公司的。

Gary Ho:好多公司的盈利可測性的確好低，不是這些公司沒有內在價值，而是我們不能確定其內在價值。大股如安龍，都可以一日內倒閉，對公司未來盈利的評估，只能不斷觀察其表現去更新。

羊生：折現率多數用當所謂「無風險利率」，例如３０年美國長債收益率。

Angora:你有好多國壽，想換一部份中移動，是可取做法，國壽有好多投資收益，A股市場這樣差，對投資收益有大影響。

Brian:港股近期表現暫未能睇好，原因見今天頭條日報專欄。

Kenlai:內地租金收益不太穩定，而且樓愈大愈貴，收益愈不穩定，愈難租出，不過租金回報率仍然是一個好指標。

B Cheng:大陸地產商是想賣樓套現，但賣唔到咁多，５月銷售高峰時賣樓不理想，大大影響地產商套現能力。我睇大陸地產股是長線（和其他網友短線的看法不大一樣），等佢大插，插到你唔信時才買，等佢地插番２００６年的起步價，咁要求可能買唔到，但會較安全。

小潘：銀行高息吸存款，可能同拆息抽高，資金較緊有關，而拆息抽高，根本就可能是資金外流的指標。

Bdroom:高友朋友雖然話長線，但佢買華能的手法，散戶好難學，佢一見有好消息，隻股抽上６個幾，佢就走咗一半，見佢回到低位又買，已經走了一兩轉，最近宣布加電費時，佢又沽了一半，而家未買番。但咁樣游水法，非專業人士好學做到。

平凡人：A５０有超過１０％溢價時，根本就出現套戥的機會，即是沽A50,用Qfii額度買嗰50隻A股。所以高溢價難長期維持，但湧入A50是炒A股短期反彈，若A股升得少，熱潮一退，A５０溢價收窄，就會跌，但若A股大反彈，超過溢價好多，A５０就仍有升幅。

大陸仔：代理人公司只是代持股人，不是真正股東。那些H股的真正大股東是國企，但不能說阿爺一定可以操控推高股價。

了塵願：在這種跌市中，好難買阿里巴巴這種股票，因為佢仲有４０幾倍PE，要跌起來仲可以跌，合理價好難計，要買不如買中移動等龍頭大股好啲，跌起來仲有個譜。

Sovia:想長供招行，能供匯豐加招行好啲，平衡一啲。

Fish:大戶做好倉做淡倉好難睇，要睇市場的發展去判斷，例如看大市應升是否無升（散戶個個入市博反彈，但期指唔升，就估都邊個做淡倉）。

Torreskk:打仗黃金可能抽一抽，但小心好快就回，黃金大走勢弱，金股買唔落手。手上的貨看長線還是短線，長線投資不一定要走。

達爾：散戶難判斷公司內在價值，也要去判斷，判斷公司好唔好境，搵錢易唔易，睇大方向，都有幫助。

Yuki:美股道指期貨每季結算，這次結算期是美國時間上周五，上周四已是道指期貨的最後交易日，但結算價是以上周五成份股開市的競價為結算價，所以上周五的股價受道指期指結算影響。詳細計算方法請看以下網站http://www.cbot.com/cbot/pub/cont_detail/1,3206,1556+8709,00.html

你問利息唔係加好多，為何地產股跌，香港市弱，股票易跌難升，銀行一開始加按息，就借勢插。看盈富基金的成交，基金未沽完。

Mr.Business

注：此篇文章版权归香港頭條網所有。

金融High Tea——淡倉唔清 大市唔好
2008年6月26日

「風神」吹到，港股只有半日市，受內地股市反彈刺激，恒指昨午開市高開289點，升上22,828點後，最多回吐至22,568點，最後以22,635點收市，升179點。期指收報22,650點，升187點，比現貨高水15點，成交77,717張，7月期指成交增加至50,174張。內地股市反彈，國企指數升178點，收報12,196點，半日市成交有379億元。

港股反彈力度不足，內地股市昨日價量齊升，反彈有力，上證綜指企穩2,900點樓上，高見2,910點，隨後在上方高位整理，最後以高位收市，上證綜指報收2,905點，漲101點，升幅3.6%，上海、深圳兩市成交額共有1,039億元人民幣，比上日放大近四成，反彈市亦有成交量，內地後市應還有力再彈高鱓。

外資大戶開淡倉

香港股市跟唔到內地股市的反彈幅度，表面上看和美股積弱有關，美股還在低位，未有像樣反彈，走勢甚弱，港股跟美國呢個大佬，自然無啖好食。

不過，中環茶友觀察到異樣，話時近月尾，本地期指開始轉倉，他觀察到有外資大戶轉淡倉落下一個月，甚至仲有大戶開新淡倉。由於轉倉活動未完，未知外資大戶是否一面倒造淡，但現時的狀況都令人關注。佢話主流的外資大戶淡倉一日唔清，都不要望大市好，小心最後一跌未到。

本來5、6月跌鰦，好多人都期望5窮、6絕、7翻身，希望7月個市好番，但個市陰陰跌又彈唔起，的確有鱓唔對路，睇埋呢個禮拜尾期指結算，以及下周初半年結，都睇到鱓路數。

中環茶友擔心7月個市有大風浪，或許唔止係經濟，甚至同政治有關。今日睇單新聞都幾搞笑，法國總統薩爾科齊同佢個靚女老婆布魯妮訪問以色列，臨走由以色列總統佩雷斯在以色列機場送行，在停機坪握手講拜拜時，突然傳來一聲槍響，令人以為有人想刺殺薩爾科齊，一眾特工撲晒出來保護薩爾科齊上機，後來才知道是機場警缳吞槍自殺，但一場風波可見，以、法兩國的保安人員極度敏感。大家有無問纒，法國總統去以色列訪問，主要又講乜№話題呢？同以色列可能同美國一齊打伊朗有無關係？若美國和以色列對伊朗動武，法國好可能會支持，因為歐洲地理上更近伊朗，感覺的威脅更大。

茶友好陰謀咁睇，話中國8月搞奧運，本來打算搞到滿堂吉慶，想挺下個市都唔奇，但美國若要和伊朗開打，佢就睬你都傻，照打可也，甚至不是真正動手，只是不斷將戰爭危機升級，都會惹起金融市場大動盪，外資大戶見到有此機會，順手沽纒港股，一鱓都唔奇。

港交所中「摩咒」未好過

港交所（388）[股價及相關新聞] 昨日逆市再跌2.3%，收115元。摩根士丹利周一出報告點評港交所，話港交所的收益主要源於大市成本，原本預期港股今年日均成交有950億元，但係近日交投江河日下，過去一個禮拜每日平均成交只有500多億元，若今年餘下日子，日均成交維持約650億元，港交所合理價會低過100元。大摩認為，發生上述情況機會率可達七成，因此給予港交所評級為「減持」，更具體預言在未來十五日，港交所股價會大跌。

大摩的分析其實幾合理，咁鮋成交量的確頂唔到港交所的股價，問題係點解大摩會具體到去估未來15日港交所會大跌？

大摩報告發表後第一個交易日，港交所昨日果然遭大手沽售，單日下挫5.3元，出報告至今已累跌6.5%。好多大散戶持有港交所累股票據（Accumulator），目前苦不堪言，日日接貨唯有掟出街，港交所股價短期難翻身，日日接貨真係要搬錢贖身。

睇住紅色股的股價，以及大行不斷出報告唱淡各類型股票，直覺感到外資大行繼續睇淡港股，大家要有繼續受靶的心理準備了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

論價值（７）         

2008/6/26 上午 09:29:33
網誌分類: 經濟

美國聯儲局決定維持利率不變，美股靠穩，美國燃油庫存上升，油價回落。先講聯儲局的決定，聯儲局的公布話影響經濟增長的風險已經減退（risks to economic growth have diminished），亦關注通脹風險，但無任何指示幾時會加息。

聯儲局唔加息的決定並非完全一致，聯儲局公開市場委員會成員、達拉斯儲備銀行的代表投票支持加息，最終儲局決定唔加。儲局聲明無指向何時加息，令市場判斷８月儲局會議決定加息的機會減退，美國利率期貨的走勢顯示，在聯儲局會前，有４８％的市場人士認為８月會加息，但會後已跌到３３％，表示加息的預期減退。

聯儲局的消息對股市利好，因為一則儲局否定了衰退風險，衰退與否是影響股市的主因，另外儲局亦無加息指向，因為加息對投資市場不利，無加息指向等如利好。美股早段表現唔錯，美市下午一度升過約１００點，但尾市調頭回落，主要是高盛的報告大幅調低波音公司的盈利預測，搞到波音股價大跌６．９％，拖低美股。結果道指收報１１８１１點，升４點，升幅０．１％，但標普５００指數好少少，收１３２１點，升０．６％。

美國議息結果對匯市的影響中性，美元匯價無大變動，在亞洲市美元兌日圓造１０７．９圓，歐元兌美元造１．５６６７，黃金一安士８８５美元。原油上升皆因美國上周庫存比預期高，油市擔心高油價影響消費，８月期油在亞洲市造１３４．４３美元昨日在美國市大跌２．４５美元，跌至１３４．５５美元，跌幅１．８％。

昨天講到散戶唔識計數，又無公司詳細消息，好難做具體計出公司的價值評估，跟住提及參考證券行的報告的問題。你唔好睇少證券行報告的威力，好似高盛昨日在美國出報告話波音唔掂，話高油價和經濟衰弱都對波音有影響，將之由「中性」降為「沽售」，並放到確信沽售名單中，波音股價一日跌了６．９％，是２００２年以來最大跌幅，亦帶動了道指急回。一份報告，就有牽動大市的威力。

其實要合理評斷一隻股份的內在價值，仲相對容易，但判定買賣股票的時機，卻遠為困難。一間公司的股價遠低於內在價值時，唔等如佢馬上會升。反之，你判定一隻股份的股價遠高於內在值，亦唔等如會跌。市場如失控的小狗，永遠唔會同主人同步前行，佢唔係發顛咁向前跑，就係呆咗咁墮後。

股神巴菲特研究一輪，吼啱一隻股票，認為佢o既市價遠低於合理的內在價值時，入市買之，唔等如隻股會馬上升。巴菲特就話過，佢試過買入股票短期表現唔理想，拖累組合表現，基金客戶又天天打來問，簡直想躱在枱底唔出來。當然，當年股神名氣無咁大，買完間公司唔會因為佢入股而升，而家佢話入股一間公司，隻股馬上抽高１０％、２０％，咁就容易好多啦。

反之，在股市升到顛時，你話股價超過合理價，沽之，沽完唔係馬上會跌，可能升好多才跌，你睇股神大約在１０元左右沽中石油（００８５７），隻股最高仲升到２０．２５元，升多咗１倍，而家跌番落來仲有１０．４４元。

去年股市升穿３００００點時，大型指數股唔算太離譜，非成份股的紅色股升得仲顛，但當日好多證券行無出聲，只是不斷調高目標價，但調高後的目標價可能仲比市價低幾成，都無乜經紀行叫人沽貨，道理很簡單，證券行唔係唔識計數，甚至出的報告都有把條數計埋俾你，但佢唔敢作出沽貨結論，怕一叫完你沽，股市再大升，佢媽都俾人媽死。

仲加多一樣，股市３００００點，上市、批股、併購的活動好多，大證券行就係做這些生意，梗係唔會倒自己米，若出報告叫人沽貨，又點樣做生意推新股上市呢？

散戶唔係幾信證券行的報告，多數唔係話佢唔識計數，係話佢有證券行的動機，升到顛時唔會叫人沽，跌時才出報告加一腳。我o既建議好簡單，證券行的報告可以睇，特別係對公司的盈利預測，通常有參考價值，但係睇到佢地o既建議，話沽或者話買，就要自己過濾吓囉。

陸羽仁

http://www.hkheadline.com/blog/r ... rd=&searchtype=

Mr.Business

2008/6/27 上午 11:35:58

陸羽仁覆網友

Ray:你問我確信熊市來未，你知我用長線睇法（短線睇法熊咗幾次啦），論走勢要一浪浪向下，但睇經濟可能更重要，要睇美國經濟係復元還是爆煲。而家美股先穿低位，要睇吓佢低成點，港股走得慢啲，特別係匯豐遠未到低位，擔心呢一浪港股要試番低位，若果唔大穿就好啲，若大穿就確認熊市來了。若熊市到來，經濟和股市同步，都會一浪浪試低位。我估而家最主要看油價，若油價長期在如今的高位，想唔熊都難。

Yuki:我估早幾日外資大戶仲開新倉沽期指，無最後一插，無咁易收手噃。

長線基金現金多，到市勢平靜時，佢地會買番貨，不過唔係而家囉。

Bottom唔易睇，若錢多貨少，而家慢慢買吓貨都得，但７月似乎會大插吓，千萬不要大注。

Ton ton:若資金有限，等吓先，７月中似有鑊鑤。

型英帥靚正：買咗I kill you later，好難平倉，一路要接，極慘。

Sun:你提供的錦江資料好有用，若佢實際上不如其他廉價酒店，好難作長線投資對象。

William:你問有無有升值潛力又派高息的港股，買匯豐啦，不過唔好咁急買，唔插匯豐，未到最後一插。

Johnny:有錢無貨想買貨，可以等中移動和匯豐勁插時才買，忍一忍手等十日八日先。

肥肚笑佛：你錯解咗油價和油公司關係，一般講油股，係指做上游業務即開採石油的公司，如中海油，油價上升對佢有利，但阿爺抽暴利稅分薄了利潤；而下游業務即煉油同做成品油零售，由於阿爺限住唔俾加價，油價向上，對佢地極不利，如中石化。而中石油聲稱上下游業務平衡，油價升亦傾向不利，因為採油抽稅重，買油唔俾力。如果油價升到爆，對中石化最有利。唔爆佢最慘。

達摩：油價要爆，似乎都要打一打仗谷爆佢。

奶油多：ELI千萬唔好和高升股掛鈎，接咗貨幾年都補唔番。

Christine:股市差，通脹高，對零售業有壞影，對百貨業唔好。

火柴：手上無股票，咪坐吓等大插，或者等打仗，等插低先至去執囉。

Root:如只得一注，不容有失，想買９４１，博佢９０元啦，高一點買唔係唔得，買要預咗佢跌。

Bdroom:電力股會跟大市跌，７元買的招金，以７元為止蝕位，若黃金大升，隻股大反彈，宜定止賺位。

三心兩意：散戶未死心，想入貨，即係話散戶指數未夠衰，即係有一插噃！

外資順手有搞港股。港股跌得未夠美股多，要小心尚有下跌水位。

S2000:Soho老細評彈得人地，佢自己會好少少啩。

天佑平常心：若是熊三，經紀會轉行，我有個老友經紀王，一到熊市就轉行，等佢轉行半年後買股，會執到大錢，等一兩年個市好番佢又回來做經紀，幾過癮。

大笨羊：有澳紙、紐紙，紐西蘭經濟差要減息，最好趁美元回落，換走啲紐紙。

無端端：港交所１２０元入重貨，建議你換吓馬，分散啲都好啲啦。

Mr.Business

注：此篇文章版权归香港頭條網所有。

金融High Tea——外資大戶沽紅色股
2008年6月27日

港股持續弱勢，彈都彈唔起，恒指高開後最多升250點，見22,885點，然後逐步回順，下午更倒跌至22,441點，收報22,455點，近低位收市，跌 179點。現貨月期指收報22,426點，跌224點，比現貨低水29點，成交91,438張，7月期指收報22,456點，成交57,978張。國企指數亦先升後跌100點，收報12,095點，大市成交594.6億元。

今日期指結算，照近期大市走勢，都係低位結算居多，跌勢似乎未完。記得呢一浪反彈在5月7日上高位26,377點，之前在5月下旬開始回順，跌穿25,000點係好淡分界線，穿25,000點之後又企唔番上去，大市轉淡。

記得在5月底陸羽仁講過，有外資行力沽紅色股，如今1個月過去，我特登去索纒料，紅色股都跌鰦唔少，睇纒外資行平倉未，結果發現佢懐不但未平倉，呢兩日仲加注再沽，重點空襲對象係「六行三保」的內地金融股。

外資大戶食夠會走，如今未走，等如覺得食你3,000點跌幅未夠，仲要食多鱓先至夠喉，後市當然係風高浪急了。

六行三保空襲對象

陸羽仁見老外沽「六行三保」，心諗點解係佢懐想起法巴早前的報告，提到國壽（2628）[股價及相關新聞] 係盈警高危股。法巴在本周初發表報告指出，不少早前派發首季業績的H股，盈利均現倒退，國壽、中石化（386）[股價及相關新聞] 與發電股的季度盈利，更跌超過五成，可是現時市場對中石化全年盈利預測的共識，卻依然是估計公司尚有百分之四的盈利增長，對國壽及電力股的全年盈利預測，也只倒退介乎百分之九至兩成七，充份反映市面上大部份人仍然過份樂觀。

法巴提到幾隻股，外界早已看淡中石化，但對國壽不致太負面，近日內地A股在第二季咁跌法，國壽的投資收益勢將受到嚴重影響，全年盈利似難寄予厚望，如果真係出盈警，股價又真係會插水。

至於內銀股，又出甚麼問題呢？阿爺宏調控制銀行借錢出街，今年銀行的貸款總量不能多過去年，但阿爺限量不限息，銀行就提高借貸利息，以補借貨額不能增長之不足，又可維持利潤。不過內地房地產業出現的問題，會否波及銀行業，開始令人擔心，SOHO中國（410）[股價及相關新聞] 主席潘石屹在三個月前預言內地房產業有「百日劇變」，期限將近，最近他繼續爆料，稱內地房地產企業正出現大規模拖欠土地出讓金（即買地價格）的現象，下一步就將可能威脅到銀行。

潘石屹所說的「百日劇變」，指2006年下半年、2007年瘋狂拿地的那些房地產企業，把所有的錢和銀行貸款拿去作為買地的首期付款，由於這些企業拿到的土地到2008年上半年還不具備售樓的條件，想大減價賣樓都未有得賣，這些房產公司就面臨很大的資金壓力。

潘石屹透露，目前房地產面對情況主要是資金太緊張，這種情況已經發生了，不是一、兩塊土地發生這樣的情況，而是已經形成大規模的拖欠。所以，下一步他擔心會爆發房地產行業的信用危機。土地欠款之後，若發展商仍無法解決問題，最後就會拖欠銀行貸款。

潘石屹自己也是內地發展商，自然深明內房股面對的問題，若他所說的炸彈不幸引爆了，借很多錢給發展商的銀行，就要面對大規模的撇帳，這也是「六行」撇清舊壞帳上市之後，首次要面對的壞帳風潮。我們首先不要假定內房股拖欠銀行潮一定會爆發，但考慮買內房股時，不能不把它視為風險因素之一。總之在外資重重沽壓下，紅色股暫時都難睇好也。

大市雖然淡，但個別股份仍有炒作，如泰山石化（1192）[股價及相關新聞] 重組專注發展倉儲碼頭業務，且旗下石化倉支持香港商品交易所現貨交收，食正商品交易所成立的概念，刺激股價急升30.5%，收0.385元，但炒這些概念股要記住，概念一炒完好易散，定好止蝕位／止賺位，才好去炒。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

大插插         

2008/6/27 上午 09:44:04
網誌分類: 經濟

　　美股大跌，油價急升，北韓拆毁核反應堆冷卻塔，國際局勢正在急促變化中。美股昨日勁跌，道指急挫３５８點，跌幅３％，跌到１１４５３點，是２００６年９月以來的新低位，亦跌穿了３月中的低位，論走勢差到極。　　

　　高盛對呢一浪跌勢好有貢獻，佢建議沽售美國最大的汽車製造商通用汽車，令通用股價出現３年來最大跌幅。高盛又話全美最大銀行花旗銀行第二季可能有超過８０億美元撇帳，要減少派息，將花旗評級由「吸引」降為中性，並加入確信沽售名單，令花旗股價急跌１．１８美元，跌幅６．３％，跌到１７．６７美元，是９８年以來的低位，整個銀行業指數都拉到１０年新低。

高盛亦估計美國第三大證券商美林第二季要虧損，由原先估計０８年全年股有８美仙盈利，改為每股虧損３．５５美元，美林股價跌２．４１美元，至３３．０５美元。高盛今次一次過唱衰美國最大的汽車製造商、最大的銀行、和繼佢自己和大摩之外第三大證商，有報告都一齊出，真係好似驚美股唔死咁話。

　　彭博訪問咗個芬佬，佢係Key 私人銀行的投資策略部主管Bruce McCain, 佢話「好多投資者都唔敢落水，因為見到鯊魚仲係水中游，而家估計的銀行撇帳潮差過任何人能估計的。」

　　道指本月已跌９．４％，是自１９３０年大蕭條以來最差的６月，當年跌了１８％，標普５００指數成份股公司第一季盈利平均跌１８％，彭博統計分析員估計企業本季盈利會跌８．９％。

　　美股、油價和美元都唔知邊樣觸發邊樣，都係朝壞方向發展，油價急升，８月期油大升４．３％，升上１４０美元的歷史高位，因為利比亞話會減產。而在油價急升時美元亦急回，在美國市跌到１０６．６２日圓，在亞洲市美元略彈，早上造１０６．８７日圓，歐元兌美元亦升到１．５７４５美元（亞洲市早上報價）的水平，歐元和日圓都處於６月中美元大反彈以來的高位。

　　油市反覆上高位，除了利比亞減產之外，也和中東局勢緊張有關，北韓見勢色唔對，也加快拆除核設施，今日會炸毁核反應堆泠卻塔，北韓此舉明顯取悅到美國，布殊馬上宣布計劃把北韓從恐怖主義國家名單中剔除，並局部解除對北韓的經濟制裁。北韓可能睇到美國隨時向伊朗動武，所以快閃，以免誤傷無辜。

　　陸羽仁早前講過，話美國有猶太大戶大力揸石油，沽美股，炒油價影響經濟之餘，亦炒戰爭風險。近期也見到外資大戶在香港沽期指，沽盈富基金和沽紅色股，佢地沽得你，就預咗你再跌，港股前景，的確有山雨欲來風滿樓之嘆。

陸羽仁

http://www.hkheadline.com/blog/r ... rd=&searchtype=

Mr.Business

2008/6/30 上午 09:20:48

陸羽仁覆網友

Ray:你問係唔係銀行股跌埋才見底，我話有咁風險，若是人為插，最好插銀行股，但外資而家似乎沽紅色股多啲，未沽到銀行股。想買地產股，若想等好價忍一忍到月中，若唔怕捱才好現在小注開始入。

金融猛人也估不到美國不再有金融機構出事，美股竟然可以輕易試底。道指下一關睇吓守唔守到１１０００點。

海靈心：油價是全球市場，不是美國不向沙地買油，油價就會跌。

Hs:大陸一般講股市都係講上證綜指的指數。

均兒：話大戶用A50做市，唔係太似。

Pancake:賣咗平保，等佢插深啲可以買番，若想買９４１，１００元可入第一注，要打之後入價拉低。

Any:光證發A股，增加了新股供應，所以內地股市跌。

Yuki:美國政府未出手，出手其中一個方式是大力打擊炒期油活動。全球市走牛走熊，唔易有一個大股市係例外。

你問若最後一跌未到，為何有錢無貨者可以入第一注，我話貨好少者，未必可以等最低，買少少貨責吓倉而矣。

爛賭小妹：油價升到２００、３００美元時，世界經濟會大衰退，需求減少，油價會落。

１１１：匯豐若再穿１１０元，可以入吓。港交所風險就大啲啦。

Willian:你匯豐好抑或中移動好，中移動增長快啲，匯豐平啲，各有好處，要等佢插低啲先啦。

Mr.Business

注：此篇文章版权归香港頭條網所有。

金融High Tea——股神也施壓？
2008年6月30日

上周五期指結算，恒指隨美股大幅低開555點，見21,773點後跌幅收窄，下午一度反彈上22,201點，尾市回順收報22,042點，挫413點，跌幅1.8%；現貨月期指以21,990點結算，7月期指收報22,010點，跌445點，比現貨低水32點。內地股在美股大跌和光大證券、南車申請發新集資過百億的消息影響下，股市插水，上證綜指周五收報2,748點，跌5.3%，國企指數受拖累跌281點，收報11,814點。

美股相當弱，杜指上周四跌300幾點後，上周五無反彈，仲要跌多106點，跌幅0.9%，跌到11346點，單以6月份表現計，自1930年美國大蕭條以來最差，杜指1個月內跌了10%。美國芬佬（即基金經理）話，美國已在熊市邊緣，杜指再跌多0,1%，就踏入熊市。

油價升上142美元，股市自然充斥覑衰退的陰影，加上美國第一大證券行高盛發出多個報告唱衰美國各大公司，在周四同時調低美國第一大銀行花旗銀行、第一大汽車製造商通用汽車、第三大證券行美林的評級。高盛這樣狂吹淡風，實屬少見。

睇好睇淡 政治判斷

對這個現象，中環茶友分裂成兩派看法，睇淡派話今次美國經濟無得救了，大衰退即將來臨，政府減息救唔到市，未來又見通脹，就變成滯脹，美股低處未算低。技術上美股進入熊市後，杜指要一直探底，1萬點也守唔住，大家覑定救生衣等插水好了。

但睇好派卻另有演繹，話美國第一季經濟增長剛剛向上修訂為1%，連一季負增長都未出現，未有連續兩季負增長，那能算衰退呢？過去美股每逢大跌時，財長保爾森就領導各種救市行動，今次卻出奇地未見有動靜。中東戰雲密佈，美國和以色列隨時打伊朗，今次美國跌市由第一大行高盛出口術唱出來，會不會是美國先行為股市放氣，讓股市跌定先，減低股市急插風險，等短期內戰爭一開打，到時股市就掉頭反彈呢？這會不會是一個將美股推低、將油價炒爆，設計一個置諸死地而後生之局呢？

在這種牛熊分界的市道，股民要作的竟然是政治判斷，我早前已聽過兩個經濟界猛人有相異看法，一個極度看淡，認為美國大減息救唔到經濟，未來起碼要衰幾年，但另一個就話美國爛船都有三斤釘，現時世界上未有一個經濟體可以挑戰美國，她受次按的重傷後出盡渾身解數救市，應該可以救番掂，而家牌面是聯儲局主席伯南克左右大局，實際上是出身於高盛的財長保爾森獱大旗，保爾森做過高盛主席，深明金融市場運作，最後應該可以拆番掂個局。兩種看法，究竟誰對誰錯呢？

香港人好仰慕的股神巴菲特，似乎做鰦淡友，佢在本月25日聯儲局議息前後接受訪問，股神在議息前指出，美國經濟正處於衰退期，而且情況正在不斷惡化。他又講，美國通貨膨脹壓力不斷加大，應該引起重視。

股神叫伯仔收檔

後來巴菲特的講法更唔客氣，暗示聯邦儲備局主席伯南克應為美國面臨的滯脹危機負責，佢話：「如果我是伯南克，我將會請辭。」

股神話，其投資旗艦巴郡旗下公司的數據顯示，「美國經濟進一步轉弱，所有關於建造業及消費的情緒，亦表現疲弱」。另一方面，目前美國通脹正在上升，鋼鐵與石油價格的升勢尤其凌厲，聯儲局應關注通脹問題，他警告說，聯儲局不應向外界傳出任何將控制通脹作為次要政策目標的信號。否則會推高消費者的通脹預期，令情況更壞。

對於飛漲的油價，巴菲特也有自己看法。最近幾星期內，至少有9份限制油價炒作的議案提交到美國國會，針對包括大基金參與的炒作石油活動。但巴菲特卻認為，造成油價高漲的原因是供需關係，而非市場投機活動，股神話：「自我成年後，直到最近一、兩年，我們一直能夠享受到大量超額度的石油供給，但現在整個世界已不再擁有超額的生產能力，油價因而高漲。」

催美加息 強化美元

巴菲特這個美國首富叫聯儲局長收檔，等如投資界對伯南克投下一張不信任票，表面觀之，股神已變成大淡友，極度唔睇好美國經濟，認為聯儲局和美國政府無能，經濟巨浪還在後頭。

不過亦有中環茶友作陰謀分析，話股神咁講有其動機，巴菲特評論聯儲局的利息政策，明顯指示出一個方向，就係鰟句：「聯儲局不應向外界傳達出任何將控制通脹作為次要政策目標的信號」。他叫聯儲局將通脹當作首要目標，就係叫伯南克傳出加息訊號，此訊號一出，美元會走強，美元資產就會受惠。

中環茶友話，股神都係一個大芬佬，他的巴郡係一隻在股市買賣的基金，近半年表現認真麻麻，由於主營業務保險業的利潤連續兩個季度下跌，巴郡股價大幅下挫。茶友話巴郡股價下挫的另一個原因是美元弱，外國投資者眼見美元一級級咁跌，買美國資產只係蝕匯價每年都一成、一成咁蝕，巴郡過往正常一年增長20%，都俾美元匯價下跌食鰦一半增長，今年投資表現唔好，20%增長已經無望，加埋匯價的潛在跌幅，外國投資者買巴郡隨時要蝕錢，就會覺得你股神幾叻都好，我都係走避纒先，等美國經濟和美元有轉強訊息時，再來投資巴郡都未遲。

股神打開口牌，話伯南克「唔關心通脹」，等如話，你救唔到經濟都救番好美元，美元強番，只要巴郡表現跑贏經濟就OK。茶友話，股神怕歐羅加息快過美元，歐羅一加息走勢又向上，資金再從美元資產流走，他都幾煩。

買股要忍 止蝕要狠

中環茶友再補充一點，投資市場巨擘講經濟時通常好忌講得太壞，以免影響人心，但股神係收買佬，專執平貨，他說「目前次按市場存在一些投資機會」，但股神在呢一浪未能成功落重注，只是通過巴郡旗下負責房屋建築的子公司Clayton Homes進行了部份投資，以及通過巴郡旗下的保險公司間接投了一點資金在次按市場；但他提出想整間吃掉美國最大鰟兩間樓按再保險商的建議，卻不為對手接納。股神暫時未食到大茶飯，自然唔怕唱衰纒個市，唱得愈衰，平貨愈多。

無論邊種理論飱都好，中環茶友都有一個共識：風浪未完。美股已見今年新低，但港股在22000點的水平，和今年低位20500點還有一定的差距，表面睇是好事，好像港股強過美股，但也可能是壞事，表示港股還有下跌空間，上個星期，在美國的礇豐認沽期權淡倉大量增加，有人認為是外資大戶出手推低大笨象的先兆，所以未來港股仲係兵凶戰危。

7月無論是政治還是經濟，都是大波動的日子，美國如要打伊朗，好可能會在這個月動干戈，呢個月唔郁手，出兵的動會就大降；若政治上唔打仗，經濟上就要郁手，無理由任由股市大插，美國政府應要再出手救市，不過出完招救唔救到亦未知，要看市場反應。

巨人打交，散戶最好行埋一邊避纒風頭先，等巨人出手後，形勢會明朗少少，到時再行埋去都唔遲。記住買股要忍，止蝕要狠，若是「投機的我」短炒博反彈買貨之後，唔單止唔彈仲要跌10%到止蝕位，就唔好客氣，要引刀成一快了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

論價值（８）         

2008/6/30 上午 08:53:47
網誌分類: 經濟

　　美股道指上周五再跌１０６點，跌到１１３４６點，期油升上１４２．９美元一桶，令油股上升，美股初段走勢向可，但尾段就進一步腳軟，大跌後不單無力彈，仲要再插。

美股呢次插落來，並不如３月那次大災難式下跌，那次證券行貝爾斯登差不多要倒閉，聯儲局急救，配合摩根大通收購，美股就係咁企番穩。但今次下跌並無這些金融災難事故，大行唱唱吓股市就插咗落來，表面睇似無名腫毒，但從外資在港大手沽貨的行動反映，它們都係有備而來。

　　在這種市況，有人問好唔好買貨，有人問要不要斬纜全線離場。美股從高位跌了近２０％，企近牛熊分界線，若進一步滑落又會觸發沽浪，若是極短炒，短期內都係炒跌易少少。至於長線投資者，唔係唔可以等機會落注，但都要做好面對跌市的心理準備，所以都係最好還原基本步，睇番公司的價值才去投資。

　　上次講過股神巴菲特點樣計數，去計一間公司的內在價值，要在公司股價相對內在價值有明顯折讓才去投資。好似佢早前出價收購美國的債保公司，只收購人地啲好生意，出價低到極，就係想用極高的折讓價買好的生意，食大茶飯。

　　我今日想講股神買股的一個概念，是從企業前景的角度去投資，佢並唔係買股，係買一盤生意。在巴菲特的觀念中，普通股民聽從經紀的建議，今日買隻股，期望佢明天就升，但巴菲特認為這種想法不切實際，佢買股係超長線，買股就係想做公司的股東，若果係好公司，佢做１００％股東都唔拘，而且係超長線，股價升２５％佢都唔走，直到佢覺得基本因素變咗才會走。所以巴菲特買股，要諗兩個問題，第一，從企業前景出發，呢間公司係唔係可以長期投資的好公司，第二，現價是否夠平，股價比公司的內在價值有好高的折讓。

　　既然股神喜歡買平貨，佢自然會在市況好靜，甚至市況有危險時去買股，咁樣同而家的情況有少少類似。以股神看企業前景的角度，佢會代入公司管理層的角度去思考，去諗公司生意的前景，以佢想收購的債券保險公司為例，債保公司股價跌到殘，但股神並唔係想買哂佢地成盤生意，只係想買較安全的城市官方機構債券保險那部份，而非次按債券保險那部份，換句話講，股神對次按債券保險那部份係唔係咁安全，無十足信心，但城市官方機構債保就無大風險，而家因為次按令債市唔掂，唔理好債還是壞債，價格都大跌，但股神相信次按危機總會過去，過去之後債市就回復正常，那時的城市官方機構債券保險，又變成好像無風險那樣的生意，呢盤生意絕對有得做，所以而家去收購，係黃金機會。不過股神盤數算得太盡，暫時都未有大型債保公司願意接受。

　　引用股神睇一盤生的觀念，而家「投資的我」想買股，有幾重思考，第一，從想買入的公司生意角度出發，加上近期高油價、高通脹的因素，若大市持續跌，到底那盤生意是否可持續，受衝擊有多大？舉一個例，中移動（００９４１）現價１０４．４元，PE２２．５倍，現價仍有點貴，中移動０７年盈利８７０億元人民幣，增長３２％，０６年增長２３．３％，０５年增長２８．３％，雖然０８年未必能維持０７年的３２％盈利增長率，但即使是宏調加高通脹，中移動維持一定的盈利增長，應該不難，以投資一盤生意來講，前景應該可以。現價仍略貴，若跌多啲PE拉到２０倍以下，係唔係有得諗？第二，如果諗唔清楚，不如暫不投資。第三，升市時追落後，跌市時買大股。我見好多網友仲問一些二、三線的股票，在上升時，升勢會一波一波咁擴散，所以買完大股，會追二、三線的落後股，但在跌市時，龍頭大股都跌到比較平，「投資的我」就無謂再買那些股票了。當然「投機的我」另計，二、三線股票上落波幅較龍頭股大，你博大霧就是另一回事了。

陸羽仁

http://www.hkheadline.com/blog/r ... rd=&searchtype=

Mr.Business

2008/7/2 上午 11:20:45

陸羽仁覆網友

各位講到在網誌吹水的問題，有少少爭論，我個人唔反對網友吹水，特別在無市時或股市好淡靜時，好似朋友一樣，吹吓水，有益無壞。特別個市咁差，股民心情唔好，吹吓水或者可以減吓壓。

但有朋友反對吹水，主要有兩個原因，第一是要一次過翻看留言內容時，時間較長，第二是看我的回應時，要搵番發言者的問題較難。在頭條網未有技術解決方案之前，我建議係咁，針對前一個問題，請反對吹水的朋友忍一忍，唔喜歡睇的內容skip之可也。針對後一個問題，我在回答時盡量重覆網友的提問，盡量讓大家不要追查問題。另外，若有好希望我答的問題，怕我看不到，可以在開市日早上重貼，咁我多數會睇到。

希望大家互諒互讓，在網上相識，也是朋友一場，無謂咁勞氣。

Ray:你問係唔係月中見底，我唔知係唔係，只係見大戶淡倉未平，美股又咁弱，直覺覺得仲有鑊未爆，所以話要等等。

你問買匯豐乜價好，正如我今日網誌所講，睇你抱乜心態去買，如果長線揸又唔使同人交待，逐少買都得o架。

你問是否渣打安全過匯豐，渣打無美國次按業務，會好少少，但渣打的亞洲業務，部份地區都開始有少少燶味，亦非全無風險。

至於美元反彈係唔係完咗，如果超短線咁睇就係，今個月若歐洲央行加息，歐元會再升，美元仍有得跌，但美元的真正反彈，要等佢第一次加息才開始，無咁快掛，除非加息時美國經濟已深度衰退，否則加息開始後美元會再強啲。

CCB:月供的股票，在跌市中輸錢唔奇，月供股票千祈唔好在跌市時停咗唔供。至於好唔好換馬，例如中交建換招行，港鐵換信置，就要睇吓你換入的是否值得持有５年１０年的股票，招行都ok o既。

和黃在跌市就唔好沽住啦，新股宏華唔對路反而應該一早沽啦。

Mkm:想買國航，最好等下一浪油價大升，國航再大插時才郁手。

Gigi:多謝分享北京見聞，中國處理四川地震，在國內國外贏得不少好評。我覺真正愛國者，應該支持國家向好的方面發展。

Yuki:如果你組合只有１５％貨，其餘都是現金，剩下的指數股不用在現價斬，假設大市仲跌多１０％，甚至更多，一年半載都可以升番上去，所以當長線揸吓指數股亦無壞。但你其他股票我就好難講，因為你話２３２００點時買，但那些股票已跌了３０、４０％，似乎跌得幾多，因為唔知乜股，也判斷唔到唔斬會唔會再大跌，或者跌咗升唔升得番上去。

你問我熊市係唔係一定要沽股票，其實都唔一定，假設你的組合只有１５％股票，全部係匯豐，大市進入熊市，匯豐再插，都唔一定要沽，反正佢一年有４、５厘息，咪收吓息囉。揸滙豐唯有當佢美國業務證明還有重大危險會爆時，才需要沽。你估熊市出咗貨，到跌到好呆時又未必想買番，可能轉吓眼個市又好番。

期指月頭高水唔作得準，月中打得才見真章。

大陸雖然跌得好甘，但尚未到熊三，我估熊三要見１５００點。

你問美國政府何時出手，我估佢見到有系統性危機時就會逼住出手。

太古雖是收租股，但租金有見頂之象，亦受累於國泰，所以股價唔好有因由。

聯想本業業績一路交到功課，唯一擔心是美國市場生意會否下滑，但佢股價下跌時公亦出力回購頂住個價，有少少美國公司風範，可以趁吸納。

海靈心：你問油價點會跌，我話上帝要你滅亡，必先令你瘋狂，等佢升到２００元，甚至３００元時，世界大亂，想唔爆都難。

大陸仔：你話部份股如招行和中石油仲未係好平，都啱，就搵啲跌得平啲o既好股去買吧。

S2000:有港股預託證券後，在香港可以買外國股，但你話買微軟，幾年前有六隻美股可以在香港買賣，好似包括微軟，但無人買，成交好少。

Bdroom:你問華X發展商啲樓買唔買得過，佢啲樓出現嚴重品牌問題，買咗預咗要落後大市好多，用買居屋的心態去買先至好，只為住，不為投資價值，我就唔係咁推介啦。

安仔１５：月供無問題，繼續供，大跌跌落來，千祈唔好等供，股災都要繼續，你就靠便宜時買貨拉低平均成本。

Twohitsix:你問１６元買的中交建好唔好沽，首先要問買的時候心態係乜，如果短炒，一穿１０％止蝕位即打靶，若是打算長線，隻股佔你組合１０％，佔比例唔算太多，可以守吓。

Siusiu:你想沽３９０及１８００，換入招行或國壽，問好唔好不問價沽，若要不問價沽，宜直接換馬，不宜沽完等跌，否則未必會買番貨。

老老實實：你想買金，短炒OK，長揸小心美國開始加息時，黃金跌浪開始。你啲渣打２２６．４入，和現價差唔多，渣打一年低位２００元，雖然不排除會再跌，但空間唔太大，可以揸吓。

Mr.Business

注：此篇文章版权归香港頭條網所有。

金融High Tea——A股再跌 股民傷心
2008年7月2日

七‧一香港休市，前晚美股持平，但昨日內地股市再度急跌，滬綜指更失守2,700點關口，創近年半以來的新低位，加上歐洲開市偏軟，相信會令今日港股開市氣氛再受打壓。

通脹壓力的陰霾未散，加上新股發行計劃獲監管層批准，投資者心理壓力增大，拖累深滬股市早市逐級下挫，午市跌幅進一步擴大，滬綜指收市報2,651點，跌 3%，期間一度創年半新低至2,644點，深成指報9,096點，下跌2.9%，兩市成交額共計653.3億人民幣，走勢相當疲弱，銀行股跌勢更大，招行（3968）[股價及相關新聞] A股臨近收市更跌停板，報二十一元零八仙人民幣，建行、工行及交行A股皆跌逾百分之三，內地股民認真心傷兼心驚。

○八年上半年過去，全球股市埋單計數，美國下跌一成幾，跌幅主要在六月份出現，由於同高位比累計調整幅度超過兩成，技術上被視為熊市，但同其他市場比較，好似香港跌兩成幾、內地跌五成幾，美股跌幅已算輕微。華爾街係全球最大股市，係好多大行同基金的大本營，一旦後欄失火，資金第一時間梗係返回老家救駕，雖然今次跌市風眼係美國次按觸發的信貸危機，美股反而係跌幅最小的市場之一，就是因為這個原因。

通脹埋身 股債齊碌

繼信貸危機後，現時美國基金經理對前景依然睇唔通，擔心下一浪會由高通脹引發衰退，屆時殺傷力會比第一浪大，所以雖然股市、債市跌了好多，但仍然有基金經理寧願增持現金，準備迎接更壞情況。

究竟更壞情況會否出現？目前無人說得準，基金保留現金在手，只係從值博率考慮，認為個市上升同下跌，機會都係五五波，現在入市撈貨，有機會贏錢，亦有機會輸錢，認為一動不如一靜。

美國基金經理高呼現金是王，同早前中環茶友所講「出海釣泥鐈」的心態如出一轍，在基金經理心目中，無論股市或債市，現在不是風大浪大，就是暗湧處處，呢個時候要冒險入市，必需要有理想回報，情形一如冒住風雨出海，當然不是想釣泥鐈，而係想釣石斑，但釣石斑要有耐性，最緊要係保持實力，等候最有利時機。

目前油價推高通脹，帶來的風險正在急升，好似南韓公佈6月份消費者物價指數，按年升5.5%，接近10年高位，升幅亦較市場預期高，南韓近日因為重新輸入牛肉問題，令到總統李明博頭都大，若然通脹惡化，當地政治危機亦會加深。通脹日益嚴峻，不但股市難安寢，連債市都危危乎，今年上半年，好多投資經理都損了手，好難向客戶交代，下半年自然反應，係再減低冒險意願，在風險胃納減少下，短期股市當然好難大升。

跌市中，股民近日其中一隻焦點股，係大笨象礇控（005）[股價及相關新聞] ，過去每逢跌市，礇控股價滑落，必然有好多老散走鈬問陸羽仁，好不好買大笨象長線投資，陸羽仁答案係唔怕坐，博收息你咪買纒囉，過去半年，如果低位撈大笨象，除完息之外，現在都仲有小小錢賺。不過，最近外圍好似好多不利於大笨象的消息傳出鈬，好多老散又問應唔應該沽貨，反而話想趁低買貨者，好似無以前咁多。

美英樓市滑落累街坊

陸羽仁同中環茶友講起呢個現象，茶友話都有留意到好多過去幾年成日唱「有買貴、無買錯」的股評人，都轉轉懐ɜ，無再點提起大笨象，相信原因係礇豐近年陷入大牛皮，而且大家開始明白到，睇礇控不能只睇香港股民鍾唔鍾意，最重要係睇外資大戶買唔買，所以要比較，就要同其他國際金融股比，最近幾年次按擴散到西方大部份金融市場，令到好多大型跨國金融機構陷入水深火熱，要不斷抽水救火，如果不是有中東同亞洲的主權基金不斷泵水，相信早已有幾間大銀行要「喊冷」，係貨比貨之下，礇控雖然做得唔差，而且保持到派息，但股價唔大跌已經好叻仔，又點期望股價可以猛升呢？所以買礇控，主要係貪呢隻股太子食唔壞，當係長期收息。

茶友又話，最近全球股市弱勢，起因係擔心美國樓市下跌，拖累經濟，所以銀行股又係首當其衝。第二季港股跌幅有成五千點，藍籌之中礇控抗跌力算係較強，但要留意係最新消息，礇控早前賣出的英國總部，買家可能無辦法完成交易，若然真係咁樣，就會影響到大笨象今年入帳條數，最重要係消息反映英國樓市下滑情況惡化，令人擔心銀行呆壞帳增加，最近在美國買賣的礇控認沽期權成交急增，多少可能同呢樣№有關，所以股民要留意住市況變化。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有

論價值（９）         

2008/7/2 上午 01:55:43
網誌分類: 經濟

　　美股昨晚玩過山車，道指兩度試１１２００點的低位，跌多過１５０點，但最後一個Deep V咁上番，收報１１３８２點，倒升３２點，有少少想試底咁o既感覺。

　　個市腳非常腳軟，平時炒開股的朋友，輸到想斬纜，平時唔炒開的朋友，開始想入市，到底呢種股市，應該買股還是沽股呢？

上周和一個做生意的朋友吃飯，佢太太趁空檔問我而家好唔好買股，我知道呢位「乜太」係穩陣之人，平時好少炒股，過去一年會專門開股票戶口買了一轉港交所（００３８８），買入後等股價急升就沽了，而家問我好唔好買匯豐（００００５）？佢由一個好簡單的問題開始，問我買股係唔係睇市盈率呢？

　　我知「乜太」咁問，係覺得匯豐PE低，想買匯豐，我話PE的確係一個有用的參考資料，特別係大股，比較難人為咁將盈利造大，所以睇佢地啲市盈率較有參考價值（因為４、５線股的盈利有水份，即使市盈率低都未必反映真實情況）。匯豐現價１２０．９元，PE只係９．４倍，息率有５．８厘，數字真係幾靚；另一隻龍頭大股中移動（００９４１）現價１０４．８元，PE就高好多，有２１．１倍，息率２％（其實中移動都開始有合理息率），兩隻比較，當然係匯豐價錢平啲。

　　「乜太」話佢唔係好信大陸股，成日覺得佢地啲帳目有啲水份。我話要將紅色巨股的管理水平和匯豐比較，當然無得比，但紅色巨股如中移動有近乎壟斷的市場份額，在內地有４億個手提電話用戶，呢個壟斷地位，再加上過住盈利高速增長，若能保持增長速度，就在一定程度上彌補了管理上的不足。

　　「乜太」好有求學精神，問如果市盈率並不是衡量股份可唔可以買的主要標準，咁又有乜標準呢？我就用番早兩日講到股神巴菲特點睇一盤生意的方式，話可以睇公司的內在價值，睇吓公司股價相對於內在價值有無較大折讓；至於如何計算公司的內在價值，就係睇吓公司未來的盈利總和的折現值，我又舉了股神做波子機生意的例子。

　　在這些場合講如何計算公司的內在價值，我都唔預期「乜太」會明，我就咁講，假設你要計未來１０年匯豐的純利，如果佢一年維持到１０至２０％盈利增長，９．４倍PE，點計都係抵買。問題係佢能否保持一年１０至２０％盈利增長？甚至點保證佢盈利唔會大跌？這樣首先要問未來一兩年世界經濟會否大衰退？第二，可能係更重要的問題係匯豐的美國業務會唔會再爆大鑊，把匯豐拖下泥潭。匯豐已為次按業務撥備１００幾億美元，究意是撥到差唔多，還是要再撥多幾百億美元，會係兩個好唔同的故事，匯豐跌現價９．４倍PE，就係反映緊次按業務的風險。我叫「乜太」首先作一個判斷，估吓匯豐的次按業務會唔會再爆杰嘢，就可以判斷匯豐抵唔抵買。

　　「乜太」話佢相信匯豐次按業務即使還要撥備，應該唔會融化性下跌，佢咁講等如已作了結論，認為匯豐可以係投資對象。我話跟住落去的問題只係幾時買。我見「乜太」係穩陣派，我嚇吓佢先，話你買完匯豐佢可能會再大跌，弄不好搞出個熊市，匯豐見番７０元、８０元，可能要守幾年噃？「乜太」話唔怕，佢有長揸的心理準備。我就咁講，既然你唔驚熊市，手上又無股票，唔怕買吓，就分三注，現價買一注，跌到１１０買多一注，跌到１００元買埋第三注。分注買夠貨，如果再跌，都唔好再買，即使經濟衰退，匯豐衰兩三年，只要佢o既次按業務唔會融化性下跌，匯豐跌一、兩年，又會上番你o既買入價樓上，你都收咗兩年息了。

　　講開匯豐，可以順便講吓一啲概念，網友CCB話匯豐太貴，想買中銀香港（０２３８８），我估CCB搞錯咗少少概念，匯豐１２０．９元一股，唔等如佢貴過中銀香港２０．６５元一股，股份平貴，係相對於佢o既賺錢能力，計賺錢能力，最合理當然係計佢內在價值，但簡單點睇市盈率和派息率都睇到少少，匯豐市盈率９．４倍，息率５．８厘，相對於中銀香港市盈率１４．１倍，息率４．４厘，當然係中銀香港貴過匯豐，以市盈率中銀香港計仲貴好多。匯豐之所以平過中銀香港咁多，因為中銀香港業務集中在香港，比較穩陣，而匯豐有三分一業務在美國，那些業務唔止殘廢，仲怕佢燒上匯豐身上，所以匯豐股價先至會咁平。

　　以「乜太」這種隱陣派為例，佢唔喺跌市唔買股，雖難保買完唔會再插，但最後要守番上去亦唔難，做這種「投資的我」，唔會高位買股，見低位可以慢慢吸，買股方法笨笨地，但輸錢機會較細，長線較易贏錢。

陸羽仁

http://www.hkheadline.com/blog/r ... rd=&searchtype=

Mr.Business

2008/7/3 下午 12:09:19

陸羽仁覆網友

小潘、阿K等：見到美國熊市都唔使太驚，熊市反而係長線投資者買好股的時候。月供唔怕開始，千祈唔好停供。

Dr 168 ,George Fisher，BB:匯豐真係有二、三成機會跌到７０、８０元，要預咗至好買，買咗當買間樓收租。

Mkm:買國航預咗佢再插，我睇若跌到２個幾，都係籮底橙價，買入唔理佢放１０年，必有所獲。

Panpan:中交新股買入，若貨唔多，跌到而家可以揸吓。

達摩：將無跌咁多的俄羅斯和拉美基金，換入美股、港股，都係一個策略。

股壇新秀：計內在價值計核心業務現金流會準啲，但一般人計純利都可以。無「內在股價」，睇股價比內在價值有無大折讓，若有大折讓就抵買。

Muse:安踏若穿上市價可以走避一吓。

Pancake:大市唔好，藥業股一樣受影響。

Soho:廣船淡市供股，股民唔鐘意，股價自然插，咁大折讓供股，唔供記住要沽咗個供股權，唔係好蝕底。

努力運財童子Ki:你講那隻新股老闆喜炒作，可以認小小，但只宜小注。

Bdroom:買樓發展商好重要。控股公司即主要持有子公司股份的公司，本身少直接業務。

Kowloon TV:賣樓低４％，一年成交期，除精有笨，買家多數係炒家，一年後樓市升了，佢會成交，樓市跌了，佢放棄訂金，你好難追佢成交。

此方：高手上月見美股三權結算後唔升，追持淡倉，而家坐緊。

三心兩意：歐洲加息後，歐元可能又見短期頂。

水滴石穿：港股應跌不跌，表面看似反彈，但小心彈完又插。

Moses:換樓兩間樓差價７０萬，可以等樓市跌深啲，差價收窄到５０萬元左右才換。

Yuki:大基金還是不斷沽貨，呢次股市係慢跌，未大插，更兇險。想買貨不宜大注，等遲少少安全啲。沽了二線貨，等兩個星期再換大股不遲。思捷歐洲業務可能受市道影響，業務公布前未必有得炒。

你講的通脹掛鈎基金，我唔太了解，所以答唔到你。

老老實實：炒油價升可買中海油，但要嚴守１０％止蝕。

Catc:本來平保好似安全過國壽,因為傳聞佢係 a股淡友,但最近大陸市又傳出對佢不利消息,所以兩隻都唔太安全。

Twohitsix:搵唔到你問我乜?

Mr.Business

注：此篇文章版权归香港頭條網所有

金融High Tea——國指再 插 保險瀕危
2008年7月3日

美股早一晚坐過山車V形反彈，最後微升收場，亦無助港股的走勢，恒指昨日低開317點後，跌至21,695點，後隨內地股市彈高至21,900點樓上，下午內地股市升幅放緩，港股再跌至21,556點，尾市略為反彈，收報21,704點，跌397點。期指收報21,775點，跌345點，比現貨高水71 點，成交87,568張。國企指數則跌300點，報11,608點，大市成交762億元。

收市之後，按揭生意佔市場第三位的礇豐宣佈，調高新做樓宇按揭利率0.25厘，礇豐加埋按息，對地產股再添壓力。

股市唔好，經紀張昨日拍晒烏蠅，電話都唔響纒，好多謝我打電話俾佢咁話。從經紀張的客戶情緒反映，散戶開始死心，或許呢個係股市唯一的利好因素。

預知要插金融股

在高油價、高通脹，公司自己發盈警或證券行調低評級，都可以引爆股價插水危機，新一輪的主角是國泰航空（293）[股價及相關新聞] 發盈警，指主要受累於航空油料價格高昂，2008年的全年業績（包括上半年業績）估計會令人失望。國泰指，今年上半年支付的航空油料平均價格較去年同期高出60%，航空油料最近現貨價格較07年支付的平均價格高出93%，不過，鑒於航油價格波動，以及燃油附加費能夠抵消多少航油成本上升仍不明朗，所以未能準確估計油價高昂對今年全年業績的影響。

國泰03年沙士時發過盈警，當年盈利跌6成，股價一度跌到7元多的低位。今年就唔知盈利跌幾多啦，國泰盈警一出，午後股價即插，最後跌5.9%，收13.98元。一眾航空股亦跟住跌，國航（753）[股價及相關新聞] 跌3.7%，跌到3.7元的低位，南航（1055）[股價及相關新聞] 及東航（670）[股價及相關新聞] 亦分別跌4.8%及4.1%。

中銀國際亦發表報告，將國航目標價格由6.92元下調至3.72元，評級則由優於大市降至與大市同步，主因是調低該公司每股盈利預測，由每股0.367元人民幣下調至0.248元人民幣。國際油價一直在高位徘徊，中銀估計內地航空燃油今年仍要面對進一步上升的壓力，未來仍有約20%上漲空間。再加上四川地震等因素影響，令國航今年頭5個月的收入低於預期，對盈利有壓力。

除鰦飛機股表演墮海花式之外，保險股亦唔保險，頗有瀕危味道，內地平安保險A股跌停板，香港平保H股（2318）[股價及相關新聞] 亦大大受壓，收市插7.8%，收53.55元，平保跟住A股咁急跌，直衝向3月18日做過的日中低位48.55元。

口術救市 有效半天

大家應該記得，我上月下旬講過外資大戶加碼沽紅色股，特別係金融股，睇鈬大戶真係有水晶球，計劃好呢類股份要插。

內地繼續出口術救市，新華社7月1日晚發表文章，以《關於中國股市的通信》為題，針對近期股市的焦點問題發表了一篇「新華視點」，內容分析中國股市升跌原因，認為「當前我國經濟發展總體向好的基本面沒有改變，形勢比預料的要好。在這一情況下，股市完全可以實現穩定健康發展。」

文章內容沒有太多的新意，但16年前，當時內地股市又經歷了狂升暴跌，新華社同樣以《關於股市的通信》為題，發表了一篇關於股市的文章，隨後中國證監會成立，股市亦慢慢穩定下來。所以大陸民眾就認為新華社如今發表類似文章，也是想穩定中國股市。不過阿爺出口術救市只有半日效力，中國股市昨日升了半天就腳軟，上證綜指最後只是微升0.13點，報收2,651點。

外資力炒的A50基金（2823）[股價及相關新聞] 亦有少少冷卻跡象，昨收13.54元，跌了6%，同樣追蹤內地另一指數的標智滬深300（2827）[股價及相關新聞] 過去無炒得咁熱，昨日只是微跌0.7%而已，跌幅遠比A50少，顯示A50急跌係縮溢價多鱓，現時A50的資產淨值有12.62元，股價有7.3%的溢價，但比高峰時超過12%溢價，已經明顯回順。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

熊出沒注意         

2008/7/3 上午 09:28:02
網誌分類: 經濟

　　油價急升令美股再插，道指大跌１６６點，跌幅１．５％，跌至１１２１５點，按美國市場通用標準，美股正式踏入熊市。

　　油價高漲令汽車股、航空股受累，美國最大汽車製造商通用汽車插得最勁，美林將其評級由「買入」改至「差於大市」，因為有破產之險。通用汽車股價昨日跌１．７７美元，大跌１５％，跌至９．９８美元，是自１９５４年９月以來最低的價位。美林話通用汽車遇上１５年以來最差的汽車市場，可能要集資１５０億美元解困。

美股去年１０月９日走上１４１６４點的高位，通用股價從那時至今跌了７４％。而花旗、AIG、美國銀行等金融大股的股價亦從去年１０月至今跌了５０％，因為次按爆煲，已令金融機構撥備了４０００億美元。

按美國股市的傳統計算方式，從高位下跌２０％，就算進入熊市，以道指在年１０月9日１４１６４點的高位計，跌至１１３１２點就踏入熊市，昨日已正式進入這種市況。自１９６２年開始，以波幅無咁大的現代股市計，美股共經歷１１次熊市，平均維持３２２日，跌幅２９％，其中最長的是１９７３年跌市（也是石油危機，就是香港第一次大跌市），自７３年１月跌至７４年１２月，共跌了６９４日，跌幅４５％。１９７３年美股爆煲前，香港股市正經歷第一次大牛市，恒指升到１７００點，爆煲後最低位只有１００多點，當時港股跌了９成！

　　話美股進入熊市，散戶馬上會有一堆問題，我不妨虛擬一下，自問自答。第一個問題係呢個熊市假設係唔係真呢？或者佢只係再跌多一兩個月的短命熊市又如何？我的策略是信市場，唔好信自己，美股而家個勢的確係滑落去，股市個頂和個底都好難估，一般睇市都係順勢睇，直至佢個勢改變為止。

舉一個例，我去加拿大多倫多公幹，走的時候朋友開車送我走，在機場沿路搵國泰航空的入口，朋友甲一早話知道是那裏，仲話１００％肯定，結果駛埋去發覺係錯o既，然後朋友乙又話佢知，不過佢學精咗，只係話７０％肯定，結果愈駛愈埋愈發覺唔係。朋友丙又話知，離遠指住一個入口，但只係話多於５０％機會，愈駛得近，發覺愈似，機會增加到７０％、８０％，最後駛到入口前，發覺係１００％證明是國泰的入口。呢個例子說明，不要太信自己事前的判斷，要不斷吸收市場的訊息，去確定或否認自己的看法。以美股為例，早前的反彈很像樣，我俾自己的指標係若回落至１２５００點時，唔好急穿，否則可能轉勢，後來發覺美股急挫跌穿１２５００點後，無乜支持，反彈又無力，就確認美股走勢明顯轉淡，如今出現美股傳統的熊市訊號，就更加不能睇好了。

第二個問題是即使美國係熊市，香港和大陸未必係熊市啩？我就話唔好信呢種脫鈎理論，大陸和其他新興國家，亦仰賴對美出口，其經濟未強到可以脫離美國運行，況且今次美股大跌係源於高油價引發高通脹的恐懼，全世界都受累，唔好信中國和香港股市可以獨善其身。而且過去港股基本上是美股同步，只是波幅略大，近年的例外是去年８月大陸話開放港股直通車，港股大幅攀升，才偏離了美股走勢，其餘大多數的時候，港股和美股同步前進或後退。所以如果美股踏入熊市，港股都可能要進入熊市。

　　第三個問題係若港股有機會跟美股入熊市，咁股民有乜策略呢？陸羽仁認為，既然有機會係熊市，就要有熊市的策略，以美股計，熊市平均跌２９％，跌３２２日，即係按平均計，美股要跌到１００５６點，要跌至今年９月，若長過平均，跌幅和下跌時間會更多。港股大體會跟美股，除非油價快速回落，或者大陸通脹快速放緩，否則都係跟大圍居多，即係仲有得跌，下一個位睇２００００點。港股去年初在２００００點左右起步，３月的低位在日中見過１９３８０點，跌穿２００００點係好淡分界，若跌穿埋呢個大位，港股都要見熊了。

　　所以股票的買賣策略，應該以「仲未跌完」做假設，直到情況改變為止。有人可能會問應唔應該斬哂啲貨，我都係那一句，要睇你自己的情況，要有再跌的心理準備，若成手貨，無乜現金，新入o既貨，跌幅較少者就最好斬緊一啲，留番少少現金好啲，那怕是大市今天已見低，明天就回升，你都難去享受，因為你身子太弱。若是好多現金，貨好少，要看你揸乜貨，如果係龍頭大股，不一定要清貨，但雞貨就最好定位止蝕啦。

　　倒過來若踏入熊市可唔可以買貨呢？我估主要睇你股多還是錢多，熊市係「投資的我」慢慢買股的好時機，若果手上無乜貨，好多錢，也不一定唔可以買，但千萬不要急，因為睇嚟仲有得跌吓。買股要買龍頭大股，要知道佢會唔會執笠，會唔盈利大縮然後升唔番上去，通用汽車有執笠的危險，所以股價會跌到１９５４年以來的低位；電盈（００００８）的盈利縮咗升唔番上去，所以會從２８元跌到１元（５合１前的價錢）。從會唔會執笠呢個度，紅色巨股有國家照，會安全少少，你９５元買了中移動，假設熊市來，佢跌到６０元，但至少唔會執，佢o既盈利衰極也有個譜，三兩年後上番９５元的機會都不少，跌市買這種股票就穩陣少少。

陸羽仁

Mr.Business

2008/7/4 上午 11:02:37

陸羽仁覆網友

twohitsix：你買１８００是透過「沽1800 $16 的put來接貨，五月中沽出時正股為大約$17.5，沽出$16put是看到三月中最差時也只是穿$15.8左右。說真的，當時只是認為$16是一個可攻可守的價位，反倒沒細想是投資還是投機。」沽Put等如做ELI，都要諗清楚自己係投資定投機，若真係想接貨，是投資，若只想賺Put的期權金（或ELI）賺息，是投機，若投機一定要止蝕，唔理１４．８元的１８００係唔係「超低價」，接完貨要搵位走。你話２８元買的招行可以止蝕，１４．８元買的中交建就唔止蝕，這的確是你的心魔，你信自己的分析，我從來唔依賴自己的分析，一唔對路，若是投機的必定止蝕。正如你所講"股價其來自有因"，即在沒有特別消息的情況下，不尋常的沽壓出現時，投機者都係及早走貨為妙。若是投資者，就真係睇你對那個行業那隻股票有幾多認識，同埋諗住揸幾長了。

我認為中交建的持續沽壓，好可能是因為佢升得太多，現價PE還是２９倍，雖然生意表面看仍很好，但大市不好，基金要搵嘢沽應付贖回，佢比招股價仍有一倍多升幅，最好沽佢套現。例如招行，而家２１倍PE，都有咁大沽壓，亦是同樣道理，芬佬會話，此股雖好，但仍然好貴，跌市怕佢仲有得跌呀。但如果IPO買中交建的朋友，又如牆頭草所講，價位有得守，唔使沽。

Wawa:３．９８元買咗東風，無止蝕，若再彈上去，近你原本止蝕價３．５８元時，應先止蝕，大陸油價未升完，汽車股壓力未完。

投資者：你問好唔好沽煤氣入中移動，煤氣係公用股，跌幅相對無咁大，所以等大市跌到殘時，將煤氣換入中移動都可以。

Why，Simon仔:青啤只係超跌反彈，弱勢未改。你已有一注５．５元的國航，問好唔好入多注，油價咁升，對航空業係絕大困境，內地航油未反映國際價，但遲早要再加，而家只係中石油、中石化津貼緊國航，以國際航空公司計，油價回番１００美元，航空業都要到２０１０年才復甦，國航係好股，唔會執，但咁o既格局，要預咗長期作戰才好去買，若能等佢再跌，２個幾買到國航，揸佢５年、１０年，應有好回報，但短期走勢仍係好差。

Simon仔你雖說傷亡慘重，但仲有４成現金未入市，以新仔遇到跌市來講，已經算唔錯。

陳永仁：２２０元入咗一注渣打，問繼續入，還是放咗先，若是炒家就放咗先，個市似未跌完，若是投資者就拉低個入價，２００元入一注，１８０元入多一注，長揸，佢從１７０元、１８０元起到，跌到起步價都差唔多啦。

大家樂２０倍PE，而家乜都貴，對飲食零售有壓力，PE唔平，我就唔覺得太有投資價值。

小潘：點解希慎企穩，因為佢之前無乜升，跌市就成為避難所，大家估佢無升，亦唔會大跌。４０５越秀房產跌幾仙唔算跌，你問點解無蟹貨都會跌，咁o既市，乜貨都會跌，基金可能都要沽啲貨應付贖回。

你問月供三選一，招行，國壽，中海油，先剔走中海油，若是十年的長線，我會揀招行，但短程佢可能會再跌，能夠月供，唔等如直接買也。

Panpan:你妹妹月供緊國壽，平均價３２元，問點算，係唔係停供或供到「等錢用為止」，月供最著數就係淡市時照供，唔好而家停，而且月供至少供３年、５年，若太急等錢使，淡市時要停供兼沽股，咁就失去月供的意義。

蝕到喊，Yuki:你問而家係熊二定熊三，你地應該先問，呢次係一次長期的熊市，抑或短期熊市，因為長期的熊市才能好清楚分到熊市的一期期。油價係咁升，的確不能排除出現較長期的熊市，而家先要判斷，美國幾時開始加息，美國有無能力推番美元上去，壓番低油價，若你判斷美國有能力咁做，呢個美國熊市唔會太長，若美國無力推高美元，壓低油價，熊市會幾漫長，我希望教大家思考，不是代你地思考。

Yuki問大陸市若升會否帶起港股，港股由外資主導，佢地未插完，大陸股市好難全面帶起港股，反而係港股及外圍拖住大陸股。

你似乎係有錢唔知買乜，若不貼市，不要炒PUT或做熊證，跟唔貼輸死未天光。都係平價買好股啦，匯豐息率５．９厘，中移動都有２厘，等佢插吓時分注買啲，收吓息都唔錯。９４１雖然PE仍高達２２．１倍，的確有下跌空間，但其壟斷地位的確值啲溢價。

Bdroom:你問買樓自住算投資還是投機，自住樓算投資，投資樓同股不同，樓你有個使用需要，若你唔買樓一定要租樓，月供那部份一定要俾，只要買入價不貴（４０００元市區私人屋村樓），長揸都OK。因為除非你估樓市會大跌，否則你等幾年，租人樓，不如自己供幾年。不過以短線計，樓市正在回頭，買樓自住者，都最好等等，或者開個低價，博有跌樓貨。

Mos:近G8開會時，美國或者又會出口術插吓油價，或者唱高番美元少少。

Any:９０２和２７２７低位入，高位無沽，現在又跌回買入價，想再入，我估定番個低啲的位，例如現價低１０％以上，才入穩陣啲。

Mr.Business

注：此篇文章版权归香港頭條網所有。

金融High Tea——熊聲熊氣嚇親人
2008年7月4日

昨晚美股急跌，恒指低開315點後反彈上，形成越位陷阱，下午外資盤又殺到，指數再挫至21,163，收報21,242點，勁跌461點；國企指數跌得仲傷，收市無鰦469點，報11,139點，大市成交758億元；期指收報21,267，跌507點，比現貨高水25點，成交84,336張。

港股被兩面夾擊，美股上個交易日再跌百幾點，昨日內地股市急挫至一年半新低後反彈，惟「三保」全線向下，國壽（2628）[股價及相關新聞] 及財險（2328）[股價及相關新聞] 跌3.6%及6.3%，市傳平保（2318）[股價及相關新聞] 遭國家稅務總局進行稅務檢查，雖然平保澄清檢查只是一次常規性，但股價再瀉8.6%，在重磅金融股失守下，港股跌勢慘情。

其他藍籌方面，港交所（388）[股價及相關新聞] 10月推黃金期貨，但無助股價，數市再挫4.6%，好多撈貨散戶輸到入肉，港交所為外資發衍生工具大開方便之門，去年好多投資銀行推出的累股交易（Accumlater）都係用港交所掛鹇，大戶借商品交易所成立，可能挑戰港交所在金融產品市場的壟斷地位，借意在跌市中搏命質貨，搞到港交所後欄失火，就算急急公佈話開期金買賣，但都止唔到咳，以為有好消息去入貨者仲中埋招口添。

港交所股價唔掂，同新股上市難玩亦有關係，今年新股無復抽親都賺，據市場消息指，明天首日掛牌的山水水泥，現時暗盤成交價為2.8元，與招股價持平，惟成交淡靜，而澳博控股將以招股價下限3.08元定價。

借貨沽空成本急升

全球股市連日下跌，市場話題係熊市是否已經降臨，如果用下跌兩成代表熊市誕生，美股已正式進入熊市，根據美股在1962年以來十一次熊市經驗，指數仲有大約千多點潛在跌幅，所以現在好多走勢專家都變得淡聲淡氣。（熊市分析詳見頭條網誌）

中環茶友話，熊風所及，近日聽講借貨沽空的利息大幅上升，咁樣代表甚麼呢？一個理解係好多人都睇淡後市，心諗我有貨不如自己沽，點解要借貨畀你沽咁笨先？由於肯借或可以借出的貨少，想借貨的人多，於是借貨利息就上升，通常咁樣顯示累積淡倉比較多，而未來沽售壓力會因為借貨難減少，當去到某個觸發點，可能就會出現夾倉。

茶友亦觀察到，昨日股民恐慌性拋售氣氛幾濃厚，通常類似情形維持多一、兩日，個市出現尖底下跌，跟住就會反彈，但今次情況比較特別，係跌市主要受油價急升引發，但油價點走隨鰦經濟因素，仲受中東局勢緊張有關。

中東過去兩個星期氣氛日益緊張，伊朗打開口牌，話如果美國或以色列動武的話，必然觸發油價急升，咁講令人覺得伊朗意識到戰火威脅已燒埋眼眉；另一邊廂，美國總統布殊就話，會尋求外交途徑解決伊朗發展核武，但不會排除郁手，殊仔話會用外交解決，不過如果用到就已經用鰦啦，所以大家又係覺得開火機會逼近，所以昨日期油在外圍繼續搶上。

美市跌定等選舉

油價推軲大市，但陸羽仁留意到，美國佬態度好怪，一直到而家都無真正郁過手救市，同上次由聯儲局用公帑挽救貝爾斯登好唔同，有人話會唔會布殊仔臨別秋波，最後猛益油商呢？呢個估計雖然唔可以排除，但不要忘記的是，美國仲有幾個月就大選，布殊雖然無得連任，但共和黨點都要為自己個黨著想，雖然好多人都話布殊任內在伊拉克搞到一鑊粥，加上經濟臨尾香，民主黨好大機會可以上番台，但講到底今次代表民主黨的奧巴馬係黑人，雖然他極有個人魅力，但係首次有黑人候選人角逐總統，除了白人投票意向外，其他有色人種族矞特別係西班牙矞會點，係完全缺乏往績參考的因素，所以雖然外界看低一铫，但共和黨無理由放軟手軟，所以一個合理估計，係現在等個市跌纒，到選舉期近再谷，希望埋門一腳可以食胡。

如果照這個分析，美國在七、八月無論金市、油市、股市，都自由浮動纒先，之後無論打唔打伊朗，都會加息谷高美金，吸番鱓熱錢流入美元資產，等經濟出現反彈，然後進行總統選舉，等麥凱恩可以係較有利環境下同奧巴馬砌過。究竟呢個劇本有幾多成會變真，投資者可以自己判斷，但如果無睇錯，呢幾個月入市真係要食定暈浪丸先得。

陸羽仁

http://www.hkheadline.com/news/h ... mp;section_name=wtt