【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

十三億人的購買力
2008年6月17日

小肥羊（968）[股價及相關新聞] 終於成功上市，卻生不逢時，生在股市大跌時，即使上市估值不貴，仍然升不起來。這次借錢申請小肥羊的人不少，這些人久久沒出擊，誰知道一出擊便觸礁，相信未來的新股行情會繼續冷淡。而這批借錢申請小肥羊的人都應該是短期炒家，如果小肥羊股價於短時間內炒不起來，他們便會紛紛沽貨，屆時便有機會買到一些平貨。

長獱巨企有成功感

這種內地優質品牌的企業吸引到Victoria的一個朋友，他喜歡每一隻都買入一點點，然後再提現貨出來，放埋一邊，打算獱十年或以上。他說，想看看這些品牌可以帶領企業走得多遠，如果有一間在未來可以做到好像可口可樂那樣成功，他便可以榮幸地跟別人說他是伴覑這企業長大的。

但買入這樣的企業之前，它們一定要符合朋友的一個條件，便是估值要夠平。他很明白好公司不一定是好股票，比如阿里巴巴（1688）[股價及相關新聞] 是一間好公司，發展空間無限，但市盈率一百倍的阿里巴巴明顯不是一隻好股票。所以在他的收藏中是沒有蒙牛乳業（2319）[股價及相關新聞] 、李寧（2331）[股價及相關新聞] 等等這些長期造高市盈率的股票。而令他感到遺憾的便是當初百盛（3368）[股價及相關新聞] 上市，他為了價格上的亞成而沒有買入，當時百盛的估值是非常合理的，事後百盛的股價於兩年內升了八倍有多。

波司登半年賺2億

說回小肥羊，Victoria也很喜歡這家公司。在我的心目中，它便是美味的代號。因為這種想法，令我每一次去到深圳或其他內地城市時，都要光顧一下小肥羊。

不要小看這種無形資產，可口可樂便是靠覑它成為了世界上其中一間最賺錢的公司。可口可樂的廣告，使我們腦海中有覑一個概念，就是可口可樂等於快樂、可口可樂等於紓解壓力。之後，這個味道變成一個品牌，從可口可樂的瓶，到可口可樂的商標。如果假以時日小肥羊能夠把自己定位為代表中國的美味，那麼它的品牌便更有價值了。

近日看了不少不同公司的年報，發現中國的消費力真是驚人。相信看得多年報的人，都有一個概念，便是對於很多非金融公司來說，全年要賺兩億其實並不容易。看過波司登（3998）[股價及相關新聞] 的年報後，發現了一些有趣的數據，原來波司登於夏季半年（○七年度四月初至九月尾）的純利已達兩億七千萬元人民幣，全年純利應可達七億元左右，這是非常驚人的。所以真的不要低估了中國的市場，十三億人的消費力是何其巨大。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——A股仲要尋底
2008年6月17日

港股受美股杜指上周五大升160點刺激，高開222點後，反覆升上23,233點，升幅多達640點，期指更升700點以上，但下午升幅收窄，收報 23,030點，升437點。期指收報23,038點，升592點，比現貨高水8點，成交75,439張。國企指數升345點，報12,558點，大市成交只得567億元，少得可憐。

千祈唔好以為大市升400幾點，個市好旺，其實只睇成交就知，大市好靜，經紀張悶到喊，話散戶電話都唔打俾來，拍晒烏蠅。中環茶友話，得500幾億成交，你就知大戶未做№，只係美股好似定番，吸引實盤入市，但無炒風個市好易升完就回，估計大市要到呢個星期尾才會走出方向。

內地股民等阿爺急救

美國市好似定番，內地市就反彈無乜力，都拖住港股後腿，雖然中國證監會話研究長線開放讓外資進入中國資本市場，但此種消息似吹水消息多鱓，內地股市昨日早段又大幅跳水，上海和深圳兩市雙雙創出新低，但隨後在金融、石化、地產等幾大權重板塊走強的帶動下，滬指快速探底反彈，一度收復2,900點，高見 2,917點；午後升幅放緩，由中石油和中石化雙雄頂住大市，收市時僅錄得小量升幅，上證綜指收報2,874點，漲5點或0.18%，而規模較少的深圳股市由於缺乏大股支持，昨日仍然跌1.1%，收報9,825點。

內地證券界高人話，雖然上證綜指昨日結束了連續八日下跌，輕微反彈，但大市氣氛極弱，而且股市回升是由指數大股托起大市，有點管理層叫基金托市的味道，他估計若中央短期內無實質救市措施出台，A股仲要尋底，上證綜指有機會見2,500點。

內地現時有一段在手機流傳的笑話，借地震比喻股市，內容如下：「今天已是1億多股民埋在廢墟中第2天，離72小時的黃金救援期所剩時間不多了，大多數股民已經沒有生命跡象，還有少數股民有微弱的呼救聲，令管理層感動的是，廢墟地下還斷斷續續傳出股民的微弱聲音，『心若在夢就在，大不了從頭再來！』股民的家屬都焦急的圍在各交易所門前，急切的盼望政府的救援隊伍到來！」

唔好以為內地股民好鍾意講笑，呢段「笑話」反映上證綜指跌穿3,000點後，股民心急期望政府救市，見救市措施未到，就作「笑話」渲洩不滿，聞說上述短訊極之流行。上次內地股市跌穿3,000點時，新上任的副總理王岐山減印花稅救市，股民大呼他是「人民的好總理」，但越南風暴令中國大收銀根，股市無情下跌，對王岐山又添壓力，他不但要考慮救唔救市，又要考慮出完招有無效。

高盛睇好內地經濟

雖然內地股民極之心淡，出現少少恐慌性拋售，其實外資對內地經濟和股市都唔係睇得咁淡。高盛發表研究報告，話根據經驗，奧運主辦國家的樓市和股市，在舉辦奧運前後的幾年都會向好，而不是如市場揣測般，中國經濟可能在舉辦奧運後倒退。內地經濟今年的挑戰，是如何在不壓抑本土需求的情況下，令通脹降溫，但高盛估計內地宏觀經濟今年能夠維持穩定，估計未來幾年，內地經濟每年可錄得9至10%增長。

高盛的口徑，令人覺得外資眼中的內地經濟，不是一片災情，如果未來幾年內地經濟都有9至10位的高增長，現時的A股已經沽到落22倍PE的水平，再沽深鱓時，外資又會覺得A股吸引了。

另外，摩根士丹利大中華區首席經濟師王慶在研究報告中指出，相信未來數周至7月中旬，內地有機會調整成品油價格，如零售價格上漲10%，將導致CPI上升0.3至0.4個百分點。

如果食品價格同時下降1至1.5個百分點的話，成品油價格上漲對CPI造成的衝擊將受到抵銷。油品股表現硬朗，中石油（857）[股價及相關新聞] 股價昨升2.7%、中石化（386）[股價及相關新聞] 亦升3.4%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

論價值（３）         

2008/6/17 上午 09:39:34
網誌分類: 經濟

昨日上演一幕油價驚魂，原油在美國市早段受美元及北海油田火警影響供應等消息刺激下，一度升上１３９．８９美元一桶，創了歷史新高，但後段受到沙地將會增產的消息打壓，油價又調頭急落，去番１３４．２６美元，原油期權明天到期結算，或是油價大波動的原因之一，但無論如何，油價在高位掙扎，似現疲態。

　　美股則個別發展，美國第四大證券行雷曼兄弟公布的壞消息唔係太壞，第二季虧損２８億美元，每股唔見５．１４美元，但已在市場預期之內，雷曼股價昨升１．３９美元，升到２７．２美元，連帶快將在本週公布業績的一眾證券股都升。但紐約生產數據差過預期，令市場擔心經濟下滑影響企業盈利，部份大股如通用電器下跌，結果道指跌３８點，跌０．３％，跌到１２２６９點，但標普５００指數就微升０．１１點。

　　網友均兒早兩日留言講到財務自由及她買股的感嘆，值得討論一吓。佢咁講：「陸SIR：見到GIGI問//其實點先算係有財務自由?我一直有疑惑,錢要多到可以唔洗做（才叫財務自由）?//」

　　「均兒我同樣有類似疑問：我想問股市到底有多少價值？如果想投資，係唔係只能在股市才能找到有價值的投資？如果想財務自由，係唔係在股市可以快啲能夠達到財務自由?????」

　　「我最近頻頻奔波，這反而令我開濶視線，令自己反思下，成日瞓身股市係唔係值得，到底股市可以令什麼人賺到錢？？？在這BLOG裡的朋友不妨多想想！我覺得股市是個大大古惑，成日騙唔識的散戶入甕。也令很多人不知不覺得了股市效應症，股市跌時，脾氣狂懆，我覺得我就係得了這種病。」

　　「講個故仔，我有個鄉里，以前住我隔壁單位，因為我們住的居屋係有一條大走廊，因此關係好熟。他做地盤工，以前常聽到他兩公婆為寄錢返鄉下而鬥嘴，男方要寄錢返鄉下，女方也要寄，男方寄幾多，女方也要寄幾多，女方常埋怨男方唔顧家，將辛苦身水身汗賺來的錢寄返鄉下。而家我們又同住一新屋邨，親眼見他們做地盤工做出頭，他這個連簽名都唔識簽，只會畫隻龜的地盤工，這兩年搞了間建築工程公司，依家工人成百人，剛拿到兩單五百幾萬的工程。夜晚出去消費萬幾、二萬元好平常，前晚吃燒烤埋單一萬四仟元，去大陸橫琴消費，一人一個十五，六歲脆卜卜女仔陪枱。佢話如果唔咁樣消費，亦都拿唔到工程來做，消費也可消出頭。你們想得到嗎？依家我都想打佢工咯！想泊個好碼頭，金錢萬歲!錢比體面有價值!　另一個人亦同係鄉里，開咗間清潔公司，買部清潔車幫地盤清潔流動廁所，每月賺錢沒人知，我用掃錢來形容，可能沒人信。佢可一次過買五、六佰萬的樓，二百幾萬部奔馳，呵！」

　　「睇這來陸SIR BLOG玩的人，個個都是高學歷高職位人士，但股市俾你們多少成功？？？世界之大，巴菲特只有一個，要學巴菲特那樣成功，要先交幾多學費？？？大家不妨再深入考慮下，哪裡才能找到價值？股市？做生意？什麼樣的人生才有價值。」

   　均兒後來留言再講「我而家就開始明白了，股市舊年來個十年一遇大升市，跟住來個十年一遇大股災，跟住再捱十年價值股票，跟住再見到股票捱到返家鄉了，急急沽咗出去，再眼光光睇住捱咗十年的股票大升，自己無份，重複又重複，重複又重複。唧唧復唧唧,木蘭當戶織，不聞機杼聲，唯聞女歎息，問女何所思，問女何所憶。」

陸羽仁睇完均兒這個留言，感慨良多，慨嘆股市的確是難玩之地，散戶唔易贏到錢。或者都係從財務自由講起，要財務自由，起碼要退休後生活無休，唔好講得太複雜，但起碼要幾百萬少不了，最好仲有持續穩定投資賺錢的能力，否則幾百萬你明日都可能會輸哂。

要有財務自由，第一要識儲蓄，儲蓄才有本金，有本金才可以做生意，才可以投資，你餐搵餐食餐餐清，碌爆咭使突哂，根本無儲蓄，好難投資，永無自由。順帶講句，無儲蓄的人因為本金太少，拿僅有的錢去炒股，愈少錢愈傾向去賭，因為太少錢慢慢投資都無用，不如博一舖，但咁賭法又係多多都唔夠輸。

好啦，你儲到本金，準備投資，到底做生意好定係買樓買股好，我好難答到你，均兒見到兩個鄉里搞生意賺大錢，我都見到好多做生意成功的人，但失敗者更多，做生意要成功，通常由自己做嗰行熟嗰行開始，打開工，摸清門路，慢慢才出來自己搞生意，成功機會較大。你貿貿然搵一行唔熟的生意去做，亦好易輸清。我有個醫生朋友，有一天去茶餐廳食嘢，覺得人地做得好差，忽發奇想，自己搞一間茶餐廳，結果在深水埗租咗間大舖，花２００萬去裝修同買架生，搞一間高檔茶餐廳，開業後生意奇淡，喺嗰區根本只適合做低成本、好低檔的茶餐廳，佢嗰間茶餐廳搞到咁高檔，根本無客（佢係醫生當然鐘意高檔嘢，佢就係俾自己的偏見矇蔽咗），做咗三個月維唔到皮，炒咗啲伙記，仲要自己落去看檔，結果做咗大半年就頂唔順執埋，２００萬唔夠一年就輸清。

所以識得做生意，當然係做生意好，做得成功時，仲可以將公司上市，印「公仔紙」（股票）俾人買，當然好過買人地啲公仔紙啦。

不過唔係人人識搞生意，唔做生意，想投資唯有買股、買樓，均兒對股市毫無好感，但我覺得佢的病因都幾簡單，幾典型，散戶在高位買股，坐艇幾年，到家鄉就沽，跌就有份，升就無份，如此這般出出入入，我恐怕佢睇唔到一個最基本的因素，就係到底點樣分辦股票的價值呢？睇唔到股票的價值，睇唔到５年、１０年係啲股票值幾多錢，人買我買，通常就係最熱時最貴時買，咁就好易接火棒了。

陸羽仁

http://www.hkheadline.com/blog/r ... rd=&searchtype=

Mr.Business

2008/6/18 上午 11:26:13

陸羽仁覆網友

平凡人：唔好信命運，買股唔得唔好認命，我認為做任何事都要靠努力加EQ，IQ反而係次要，努力和EQ都係可以後天控制和培養的，所以人人皆可成功。若你買股唔得，有無反省失敗原因，還是唔用腦不斷重覆失敗的方法？

大陸仔、均兒及其他朋友：你們買股失敗，其中一個原因係在大市熱絡時買股，你話２３０００點買股安全，定係２６０００點、甚至３００００點買股安全？雖然短期而言大市還可能下跌，但現在買股，肯定比今年下半年某一天股市比較熱的時候買安全，好多人買股輸錢，就係人買我買，在最熱的時候才買。

大陸仔想揀招行和國壽做膽，長期買，雖然我覺得招行和國壽唔算好抵，但這兩間、特別係招行的基本因素較好，可以係長期之膽，只在跌市之時跌到咁上下才買，高位炒得熱可以沽一半，等回落又買番，長期咁做，必有所獲。

Yuki及熱門小馬：你地話網上少人回應，我都覺得係一個觀察股市泠唔泠的指標。你問無人買股票的定義，現時成交咁少，都算無乜人買股票，按冷門市買股的原則，長線投資者可以開始買，或者定個心水價，慢慢吸，呢啲就係我所講的「釣泥鯭」，唔係你去追佢，係佢來追你。

Yuki:不是光看２８００或２８２３的成交，就話成交多係大戶買或大戶沽，要配合當時情況，２８００有大沽盤時，港股正在急跌，亞洲其他股市又唔好，幾似基金沽貨應付客戶贖回。近日外資開始睇好大陸股市跌過籠，但A股再跌，所以買貨的可能係外資大戶，沽貨的似散戶。

S2000:周生生仲向緊吓，最好日日睇，睇到佢回頭時才吸，現價買唔係唔得，買咗可能要捱吓價。

Dannyli:每季入一隻股，若在大跌的季度，最簡單係入指數股，呢一季可以入A50基金，因為大陸股市跌得好甘。想先買建行後轉匯豐，或者有本錢的話，兩隻可一齊買，都有少少機會跑贏指數。

益力多：有關在港島區細樓換大樓，基本上，細換大應該在跌市之後，或在大市較淡時換，而家有啲尶尬。加按賺息差唔係好方法，租出細樓轉租大樓係一個方法，但亦幫人供樓，或者呢個係無辦法之中的辦法，等樓價升得顛啲時，才沽出細樓。若收入較豐裕，現時換樓都唔拘，反正都係自住，但要預咗樓市有盛衰，升５年後，可能跌番３年。

Bdroom:止賺可以分段，我覺得大市升得顛時，會先一半，餘下要沽定止賺位，再升把止賺位一級級推上，回跌到位才沽。

股票愈細，走勢圖愈不可靠，好可能係人為，所以美股走勢最可靠，港股月尾人為人因素好多，細股幅圖更可能全部人為加工。

Rayray:你講的價值，其實只係股票的每股資產淨值，只是看股票價值的其中一個角度，當然，紫金股價相對於淨值有咁大溢價，即係股價有水份，要盈利有好高增長，才能維持股價。

Catc:樓按最好揀可以自由提前部份還款的計劃，有多餘錢又無好投資時，可以多還款減息。

型英帥靚正：H股股價反映國際投資者的估值，H股貴過A股時，意味A股跌過籠。

安仔－１５：考試合格恭喜哂。

Gigi:你睇埋今日的網誌，就知我會建議你男友想開餐館，要三思而後行。

Twohitsix:油價將會繼續波動，下月可以做今個月同樣動作。

小肥魚：絕對同意要投資自己的競爭力。

[ 本帖最后由 Mr.Business 于 18-6-2008 11:56 AM 编辑 ]

Mr.Business

注：此篇文章版权归香港頭條網所有。

金融High Tea——鰠海邊釣泥鐈
2008年6月18日

內地股市昨日再跌，但港股開始企穩，下午恒指低見22,872點後回升，收報23,057點，升28點。國企指數亦升9點，收報12,568點，大市成交僅得482億元。期指在現貨收市後造上，收報23,154點，升116點，比現貨高水96點，成交60,437張。

商品市場繼續波動，但商品股價則有點跟唔上，國際期油創新高後倒跌，中海油（883）[股價及相關新聞] 只升0.6%，擁煉油業務中石油（857）[股價及相關新聞] 及中石化（386）[股價及相關新聞] 同告微升；國際金價急升，金礦股紫金（2899）[股價及相關新聞] 亦只升0.6%、招金（1818）[股價及相關新聞] 更跌1.8%。曾經炒三通的國航（753）[股價及相關新聞] 因四川地震影響，5月載客量急跌10%，股價跌3.2%，其他內地航空股亦受壓，南航（1055）[股價及相關新聞] 跌3.46%、，東航（670）[股價及相關新聞] 跌4.97%；國泰（293）[股價及相關新聞] 亦跌1.41%。

內地股市再創一年多來的新低，上證指數收出創紀錄的十連跌，令市場氣氛再受打擊，下午在金融、石化、地產等權重股拖累下，大盤出現了新一輪的殺跌，兩市雙雙創出年內新低，滬指跌破2800報收2794點，跌2.7%，深成指在地產股拖累下，跌幅更為慘重，報收9429點，跌4%，兩市成交額共計690人民幣。

市況麻麻難見石斑

外國無景，香港已經算係企得穩，中環茶友話係現在買得未，茶友甲話，經過一輪慘跌，好多股票價錢雖然未算極低，但都已經有多少吸引力，好似隻A50（2823）[股價及相關新聞] 跌到現水平，溢價無再收窄，似乎有外資開始收集，係唔係可以諗得過，甚至可以短炒一下相關窩輪呢？

作風一向保守之茶友乙，聽到之後就打鰦個出海釣泥鐈的譬喻，話現時好多股份，若然用中長線去睇，價錢都唔可以話貴，若然滿手子彈，買纒博反彈無壞，但他暫時仲係睇多過買，皆因現時無論美國同內地市場，都係滿佈暗湧。美國面對通脹上升，息口有機會轉向，資金正係調整緊投資方向；內地經濟睇落比美國強，增長力度亦較大，不過。內地既要應付地震的災後重建，又要預防物價失控，要處理的事情不會比美國少。全球兩大經濟體系，暫時都係陰霾密佈，天氣唔多好，股市睇唔到大升條件，咁樣環境好難望炒股可以賺大錢。

佢又話，係股海打滾，同去海邊釣魚一樣，都係計風險同回報，如果係海邊釣纒魚，無乜危險，就算只係釣到泥鐈都無所謂，但如果打晒風，滿天黑雲，仲要駛隻船出海，咁梗係唔想釣泥鐈，而係想釣石斑，但係咁樣天氣，好難有石斑出沒，但如果冒住風浪出海釣泥鐈，咁樣值唔值得，就要睇你係咪藝高人膽大腬。

投資方法要因應性格

茶友乙話，買股票同出海一樣，都係要睇天做人，天氣好時就要勇鱓，天氣差時就要小心鱓，好似舊年個市風和日麗，有機會賺錢就要去得盡鱓，鰟時日日出海都唔使驚，因為十次出海九次都有斬獲，但偏偏好多人係呢鱓市況，好快就收手唔敢玩，錯過鰦市場最美好的日子，但好市食唔飽，淡市好快就心思思想出動搵食，但天氣唔好，搵食自然艱難，係呢個時候，與其出海博釣石斑，不如係海邊琑纒泥鐈。

聽完茶友乙一番偉論，陸羽仁就話，投資係無一條方程式鮋，最緊要係揀適合自己性格，有人性格比較灑脫，做№比較勇，咪適合多鱓出海冒險，有人性格比較穩陣，反應比較慢，就適合謀定後動囉。如果講番現時市況好無買股，個市話晒都有相當大的累積跌幅，技術上開始有支持，若然有銀在手，見到個市淡淡懐，都可以入番多少貨，釣住泥鐈先，畢竟天有不測之風雲，你唔係海邊，又點快人一步，知道幾時滿天陰霾，會變成晴空萬里，適合出海呢？

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

論價值（４）         

2008/6/18 上午 09:50:57
網誌分類: 經濟

　　美股三日來首次下跌，道指開市早段上升，美國第一大證券行高盛公布第２季業績，純利２１億美元，比去年同期跌７％，高盛業績不俗本來令人憧憬美國金融業最壞的情況已過，但高盛自己出報告唱衰同行，估計銀行業要再集資６５０億美元新資本去彌補虧損，加上房屋銷售和工業生產都差過預期，道指結果跌１０８點，跌０．９％，跌到１２１６０點。

　　昨日講做生意，惹起大家講述很多不同的例子，這些活生生的例子，就是最好的教訓。

網友BB講的是第一個典型，叫做「靠人實PK」。BB咁話：「看陸 sir 這個 blog , 真是好好, 可看到不同的觀點. 令自己可想多方面的思考, 我以前都開過間菜館. 為什麼會開?  因為當時剛離婚, 心情不好, 想藉著做些事, 去忘記過去. 結果. 找了一個做開潮州菜的朋友, 拍檔, 佢管飲食方面. 我管財務, 應沒問題, 問佢有沒有把握自己做, 佢拍心口,講就天下無敵, 我朋友以前打工, 個人都幾好, 盡責, 才找佢做拍檔,我佔八成. 佢佔二成. 但, 第一天開張, 佢己升了做老闆, 佢就話, 原來做老闆咁過癮, 我聽完都 知什麼事, 人會變,月會圓, 真是對的, 佢己沒心機打理生意, 每天遲來早走, 回去就是駡伙記,水鬼升城隍, 個個都憎佢, 每天都是請人, 生意又不好, 那時候想起, 不熟不做, 靠人的生意不要做, 唉, 結果. 做了一年, 關門大吉, 虧了百多萬,結論是, 做生意,不熟不做, 靠人自己不懂不做, 小股不要做, 否則,做大了給人食理, 跟風的生意不要做, 總之,. 做生意就似買股票, 要做功課, 自己可承受多少風險和資金才可做。」

BB因為一個和做生意無關的理由開始做生意，挑了一個自己無特長的行業去做，結果唯有靠人，我話做生意要靠人實PK，力不到不為財，做生意要出好大的努力，要比打工大１０倍的努力，事事親力親為，再加上超凡的EQ，才會做得好。

好多人想做生意的第一個念頭係打工打到悶，覺得人工加得唔多，朝九晚七好呆，老闆好契弟，所以渴望做老闆，過吓指人做嘢的日子，可以唔定時返工，佢地唔知道好多老闆表面風光，佢最痛苦o既事就係要定期出糧俾一大班夥記，而做夥記最開o既事係無論生意好壞都定期有糧出。你一做咗老闆，無錯係好自由，但即刻無咗穩定收入，仲好可能要貼錢，而且好快就會發覺，唔止夥記，連拍檔都指佢唔郁，重要o既事唯有自己做哂，所有事情要跟到尾。而且人地放假Happy，好多老闆放假仲要開工，無得靠人做。

　　網友小潘講的是另一個典型，叫做「拍檔跣鑊甘」，小潘話：「我有不少朋友，成日都大想頭，自己搞檔野出來，唔想打工，以為做生意實發，誰知眼見朋友做完一間摺一間，以家都打返工算啦。我阿爸舊時都係大陸開酒樓，高峰期都有近百員工，十分風光，可惜佢拍檔原來係大奸狗，呃晒佢錢之餘，仲要欠下一身屁股債。」

　　「有了這些前車，我而家開始搞生意都會十分小心，先從網測試市場反應，唔得都唔駛入肉。而且做生意真係要慢慢黎，唔可以一步登天。其實，我覺得好多人搞生意既人都係過份自信，成日認為人地做得唔好，自己搞一定好過人。點知，好多人都如陸sir呢位茶餐廳朋友，落得閉門大吉下場。搞生意同買股票一樣都應該有謙卑之心。」

小潘爸爸呢個故事，十分普遍，我有個老友的爸爸，和人一齊做生意，佢拍檔話為了方便開支票，叫老友爸爸簽定一本支票薄，點知呢個拍檔非常好賭，輸光就用老友爸爸預先簽好的支票簿，開票提走哂公司啲錢，公司應該找o既數就開空頭支票去頂，最後仲逃之夭夭，老友爸爸因而孭上成身債，好彩生意仲OK，結果都要還幾年才還清呢條債。

最後想講一個典型係「識講唔識做」，彈人好容易，自己做好難，而家潮流典「彈人文化」，個個人都變專家，乜都嗡得兩咀，左彈右彈，彈政府無能，彈商家無良，彈老闆無料，入到餐廳彈食物唔好，行出街彈條路唔平，落大雨彈條街水浸．．．．．．．（下刪５００字），彈得人多，唔知點解，自我形象會提升，就會覺得自己好叻，所以就諗到自己做生意，開服裝店、花店、開餐廳，都好似係創業的捷徑。問題係人開你又開，啲客個個好似你咁俺尖，點解佢要來幫襯你，以大學Marketing101課程的口吻問你，你盤生意有乜unique selling point（獨特賣點）呀？換句話講，你盤生意o既價值係邊度呀？

好多人都係識講唔識做，呢個毛病有兩個層次，以餐廳為例，第一個層次係根本唔識大批量地做出高水平的食物，第二個層次係不懂經營，根本唔知做餐廳賺錢之道，唔懂控制成本，可能食物水平OK，但點做都賺唔到錢。

即使你在以上兩大問題都側側身過到關，做嘢有專業水準，識得控制成本，還要面對競爭，你開一間四川勁辣菜館做得唔好時，人人睇住你笑，但如果你做得好，生意好，街頭和街尾就馬上開多兩間川菜館來頂你，想創業的人前仆後繼，有橋即抄，而且佢地新創業唔怕蝕，價錢平你兩成，你又頂唔頂得順呢？

網友epearl講得好啱，佢話根據統計，95%的生意都是賠錢的，只有5%繼續生存。你要創業，就要諗自己有無呢５％成功者的條件，其中最關鍵係超凡的努力和EQ。我自己好喜歡創業，滿腦子好多不現實的創業思維，所以講咁多負面嘢絕對唔係想嚇到你地唔敢創業，但的確不是人人都適合搞生意，若你不是創業材料，但你明白搞生意之難後，就明白老闆有幾大壓力，明白佢點解咁變態，你諒解佢多啲，自己打工都會成功啲。

陸羽仁

http://www.hkheadline.com/blog/r ... rd=&searchtype=

Mr.Business

2008/6/19 上午 10:54:05

陸羽仁覆網友

牆頭草：多謝推介有關渣把的交章，很有趣，湖人和塞爾特人係２０多年的宿敵，但呢一次塞爾特人轉勢，好似睇股那樣，恐怕湖人會轉為弱勢啦。

飛貓：做production house撐得好辛苦，努力。但也要想想自己相對同行，有乜獨特賣點。

天佑平常心：只要肯努力，用超乎常人的努力，我確信人人都有機會成功。

大牛：你話你老闆「識用人」，單係呢點，已經好重要。佢在其他方面，如搵客或有過人之長，你未有看到。

Richard:你講的機械式入市法，金曹的答案好好，引用如下：

Richard，//散户可否以一個機械式的方法在HSI下跌36%開始分段入貨，當指數上升100%後分段出貨。這樣做的好處是能夠免受當時的氣氛影響，因為在跳市中總有大量不利消息，在升市中又有太多好消息令散户進退失據。//

如果唔係太貪心又唔太驚慌，加上有耐性等機會的話，您的方法可行。恆指最近10年平均市盈率係16.2倍，標準差係3.8倍。即係話在今年2008年以12.4倍PE（即20608）入市買入盈富基金、中線一年持有、有95%機會可以贏錢，照樣，今年在20倍PE沽貨（即33240），亦有95%機會在接近16.2倍PE（即26924） 補回。

Clmama:中日開發東海油田，按理應由中海油做，但阿爺一日未講清楚，一日都唔知係唔係放在中海油上市公司之內。

S2000:渣打大插可以買吓，買入預咗佢再插。

中年股壇初哥：有廣州珠江新城的樓，如預咗長揸，租金低一點都應該租出去，但最好搵穩陣一點的大公司約，最怕租平，最緊要有得收。

已有香港、中國投資，想分散，其中一個可以考慮的市場係美國，佢跌得比較殘，若信美國佬唔死，有敲冷價值。

大陸仔：招行PE的確仍然好貴，但外資最睇好佢啲管理，係商業銀行運作，不似其他三大行係國有銀行運作，所以願意俾溢價。

濰柴在３２元似乎尋得支持，可候回吐吸納。

大陸市不成熟，睇嚟彈完會再回，仍在等待阿爺比較重手救市。

H股高過A股股價，不等如H股抵買，只表示這些股份的A股比較便宜（和它們上A時的氣氛有關），但這種A股比較便宜的現象，也只有在A股很旺時才會修正，淡市就繼續目前模樣。

Yuki:美元反彈未完，但升得太多會回吐，如我早前回應牆頭草時所講，美元兌日圓有機會穿埋１０７，見１０６幾。

無研究過你講那隻基金的資料，建議你詳細了解吓佢持貨的詳情，就有個印象他如何可以有高增長。

你問我話可能見２２０００點，為何在２３０００點就開始買，買股唔好望一注撈到底，近底時開始分段買，確保買到一點貨，雖然不是買最平。買完再跌，見低又買少少。

今次若無跌咁低，又唔易一彈彈５０００點，彈３０００、４０００點都幾好啦。

高手在今日開始平淡倉，在明天前會清哂淡倉，唔等到美股期貨結算。

小潘：煤氣係公用股，跌市又硬啲，佢成日派紅股，所以候低買，揸長線都唔錯。

Torreskk:你已有國壽，長期投資分批買９４１吧，等大陸股市跌到２５００４點時亦可以買，揸佢十年，必有所獲。

Porsche:大陸俾加油價，對國航可能不利，因為航油亦係壓住唔俾加，今年只加了９％，但會唔會放開就唔知，航油加價國航會插，或許等佢插低就係吸納時機。

Danny:你問題好多，亦係大問題，只能揀啲答。美股期貨是２０號結算，但原油期貨已於１７日結算。你問吓有炒原油期權的twohitsix 就知。美股大戶做咗淡倉，所以插美股，唔係想引發全球小股災，佢地無乜插日股、港股、新加坡股，主力不在亞洲。

布殊在油價急升時話要改例容許開採近岸石油，既壓油價，又助麥凱恩。美國若對伊動武，將有政治目的，時間難測，其中一個考慮是對選舉的影響。

大陸股市跌到近２５００點才出手救的機會大些。

Winnie:有A50守吓啦。

Mr.Business

注：此篇文章版权归香港頭條網所有。

金融High Tea——人愈逼愈唔安全
2008年6月19日

港股昨日見番少少人氣，恒指高開56點後，回頭跌至22,947點，然後因內地股市大反彈而反覆回升，下午高見23,492點，收報23,325點，升 267點。期指尾市插番低，回至23,152點收市，倒跌2點，比高位回落300點，期指亦比現貨大低水173點，成交74,869張。國企指數升261 點，報12,829點，大市成交升番上712億元，叫做大番少少。

中環茶友話，本月20日是美股期指結算，聽聞呢個月有猶太大戶做足淡倉，美股唔過期指結算都好難有像樣反彈，好似星期二美國第一大證券行高盛公佈第2季業績，純利21億美元（約163.8億港元），比去年同期跌7%。高盛業績算唔錯，本來令人憧憬美國金融業最壞的情況已過，但高盛同時出報告，估計美國金融業要再集資650億美元（約5070億港元）去彌補虧損，嚇到市場腳軟，杜指結果跌108點收場。總之，結算前要預鰦突然有鱓唔知乜№壞消息，口術也好，真№也好，都會拖住美股。

2萬3點平過2萬6點

茶友話，今個星期難望港股大升，但前日收市美股跌成百點、內地股開市又跌，港股開市都唔係點插得落，和美股跌市背馳，係利好訊號，顯示23,000點呢個位都有唔少實盤買貨支持。昨日下午港股跟內地升，尾市又回番鱓，暫時未係好大力彈得起，這也未必係壞事，好讓散戶趁個市回少少又尋纒寶，搵鱓好股買纒。

陸羽仁都認同呢個觀點，係23,000點買股，即使買完佢再跌，都安全過鰠26,000點買股，呢個道理好似講阿媽係女人咁樣，但係好多人唔明。人性好怪，係要人逼迫搶住買先至覺得安全，近排少人買股，散戶就有錢都唔想買住。陸羽仁話，要明白人愈逼愈唔安全，而家股市無乜人氣，一鱓都唔逼人，就係相對安全的時候。散戶要防範買貴股，大市愈熱，就愈易買鰦貴股。

內地股市這一陣子跌到阿媽都唔認得，昨日先叫做絕地反彈，上證綜指周初跌破2,800點關口，創出「十連陰」的跌市後，滬深兩市昨日全面反撲，上證綜指報收2,941點，漲146點，升幅5.2%，深成指報收9,903點，漲473點或5%，兩市成交額共計1,059億元人民幣，比上日放大逾五成。

昨日內地股市係在傳聞阿爺救市的聲音中反彈，中國證監會屬下機構發問卷問股民對救市的意見，下午市場就流傳國務院在2點半召開針對金融市場的專題會議，所以股市應聲炒起。而國家發改委副主任張小強表示，會慎重對待成品油價格調整問題，其價格和國際接軌方向不會改變，調整關鍵是選擇適當時機。

中石油、中石化是內地權重股，聽到官員咁講，即刻發力狂升，中石化A股尾盤升至10%漲停板，收報13.01元人民幣，中石油A股漲5.6%，報收16.09元人民幣。內地官員咁唱，都有少少唱好石油石化股頂住A股的味道。

內地股市唔知有無力彈上去，因為若無救市政策出台，彈兩彈好易又回，但上證綜指跌穿3,000點以後，外資開始睇好A股快見底，你睇A50基金（2823）[股價及相關新聞] 就知，佢收報15.48元，升4.2%，成交高達26.5億，外資無廣闊渠道買A股，A50基金係佢慣用的買賣內地股市的工具，其實A50基金單位資產淨值只有14.35元，股價比淨值有8%的高溢價，A50基金的大成交，高溢價，顯示外資積極參與。

人民幣升到政策頂

中美第四次戰略經濟對話這兩日在美國舉行。中國國務院副總理王岐山率團與美國財長保爾森開會，美國關注人民幣匯價和貿易逆差，中國關心的是能源合作。會前會後中國都送大禮，明的禮物是中國向美國採購136億美元（約1062億港元）的定單，暗的禮物是頂高人民幣的匯價，昨日中國外匯交易中心人民幣兌美元今日在詢價系統兌美元收報6.8821元人民幣，已升穿6.9的水平。

人民幣兌美元自開放匯價以來，已上升超過20%，據高人所講，這是中國容忍升幅的上限，近日美元反彈，但人民幣匯價不但沒有回落，還要再升，可能只是開會送給美國的禮物，小心開完會人民幣匯價會回吐。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

論價值（５）         

2008/6/19 上午 09:53:55
網誌分類: 經濟

  　美股繼續插，FedEx和摩根士丹利的業績唔理想，令美股蒙上陰影，道指大跌１３１點，跌幅１．１％，跌到１２０２９點，係三個月以來的低位。

　　美國第二大證券行大摩就無同行高盛咁掂，大摩持續經營業務盈利跌到１０．３億美元，即每股０．９５美仙，比去年同期盈利２３．６億美元，或每股２．２４美元，每股盈利大跌５７．５％，美國證券行好似只有高盛一間繼續搵到大錢，其他都幾傷。

　　美股呢個星期五期指結算，做咗淡倉的大戶繼續插，又加挺油價，唔過埋今個星期，美股難望好景，呢個星期港股亦自生自滅啦。投資者最好望佢插深啲，插深啲有平貨可執。

　　昨日講到創業，不少網友都有佢地創業的辛酸史，如YY太、松花蛋、草帽小子等， 係無創過業的後來者最好的借鏡，例如松花蛋咁講：「陸SIR話創業的努力要比打工多10倍，EQ要超高。我自己就深有體會，原來係大公司打工，做到透明天花板（GLASS CEILING），再上一級可能要等10年，即係話未來10年的事業已經睇得到，好無癮。所以心思思想創業，諗住係番自己熟個行，又有熟悉的客戶支援，自己盤生意會好順利。」

「但實情係：出咗嚟至知會面對很多困難，係打工時無想過的。個D熟悉的客戶只會喺你仲係大公司時會幫你（亦都係幫他自己），要喺呢D時候先至知道邊個係真心幫你的朋友，同埋瞭解到任何事情都只可以靠自己，唔可以靠人地。創業的初期，事事要親力親為，最怕無生意，到有生意就怕資金唔夠，到生意做成又怕收唔到錢；一單生意做完又驚朝不保夕，唔知明天仲有無？總之壓力大得不得了，EQ少D都唔掂。」

「過了幾年，生意穩定了，信心大了，再回頭睇睇，就覺得打工時遇到D問題實在唔算做問題。抱住呢種心態再黎買股票，就覺得易好多，贏唔到大戶，都起碼贏咗大部分的散戶。」

松花蛋這個故事可以告訴在大公司打工者，他們出來創業，唔好以為啲客一定會跟你走，人在大公司做到某個位，就有權力，權大的人，有人會來巴結你，奉承你，話你叻，但你走出去創業，又是另一回事，因為之前有的權力，只是 Position power（職位權力），你一離開咗個位，呢啲權就無啦，係你無權時，就好容易睇到乜嘢係酒肉朋友，乜嘢係真正朋友，呢個世界真正朋友的數量通常都比較少。

但我今日想講o既係創過業的人去買股票，按道理又會好啲，這又去到一個根本問題，你買一隻股票長線投資，等如做佢長期股東，你一定要識睇佢盤生意掂唔掂，呢個才是一間公司真正價值所在，一切數字都只係幫你睇這盤生意，但你不能只睇數字，不睇生意本身。

　　香港網友都去過大家樂食快餐，但我問你大家樂的股票買唔買得過，又係另一個問題。無做過生意o既人可能睇吓PE，睇吓近期股價走勢，甚至睇吓報紙雜誌推介，就馬上決定下注。做過生意的人，會睇多好多嘢，首先睇吓佢生意好唔好，即使生意好，又好唔好得過舊年呢，好唔過舊年，盈利好難增長噃。再睇吓同行的競爭，究竟係多咗定少咗，如果同行愈開愈多，亦會分薄生意。

　　睇完生意又睇吓成本，人工、舖租加幾多呢？失業率跌通脹高，人工好難唔加；舖頭租金又加幾多？呢個時局，租約一到租金又狂升。還有食品成本又加，米又貴，肉又貴，菜又貴，睇吓佢個餐牌，的確係加咗價，但加價頂到食材的直接成本，又頂唔頂到舖租呢？

　　做過生意的人，腦海裏面好易睇到一盤生意的收入和成本兩大項，腦袋轉一吓，就有一個感覺，到底呢盤生意係好做咗，還是難做咗。數字雖然唔係好準，但那個感覺好重要，有些公司的業績到某一個時候就到頂，善於分析其生意的人士開始睇淡，暗暗沽貨，但業績表面睇仲好好，於是就出現PE回落的現象，通常好公司的PE開始回落（撇除大市的因素），就可能係公司盈利見頂回落的時候。

無做過生意的人，對上市公司的生意難有感覺。對生意無感覺，就好難判斷公司的價值。做生意捱過苦的人，應有這種能力。

後記：祝各位創業朋友可以捱到出頭天，打出一盤穩定的生意。

陸羽仁

http://www.hkheadline.com/blog/r ... rd=&searchtype=

Mr.Business

2008/6/20 上午 11:18:25

陸羽仁覆網友

牆頭草，yy 太：做上司，做老闆，係好孤獨。我好後生已經做人上司，亦和牆頭草一樣，好孤寒，人地預我請食飯，我好唔慣。後來見到一個打工皇帝，好乞人憎，中午想請同事食飯，個個搵藉口走，就知道下屬不喜歡同上司食飯，肯俾你請已經算好俾面，以後請人食飯就請得好爽啦。

Ray:渣打可以分注入，分兩注，現價一注，２１４元一注。

Yuki:我通常叫人分三注入，三注同銀碼數量，通常第三注比第一注低１０％，背後原理係咁，通常跌到咁上下要入貨時，以為係底，其實遠未到，廢事一買就跌１０％，要考慮止唔止蝕，就改為分注，入齊三注，已經係你本來想買的價位低１０％，入得平啲，安全啲。仲有一個有趣心理，平時買完股望佢升，分注買完望佢跌，買完股跌價都覺得開心，你話幾好。分注入在股價見底時可能入唔齊，當然尾注可以在反彈時追貨，但入唔齊亦唔緊要，買股至緊要贏，唔使吓吓買盡。

你問為不在升番上２３０００點樓上才買，這也是一個方法，但要比較貼市，普通散戶唔貼市，都係在大跌時叫經紀慢慢買容易點。

均兒：如果買A股想長渣，揸得三幾年以上，就不如買H股，又平啲，又唔使俾利息稅。

鋒仔、松花蛋：內地樓價跌緊，內房股嚴冬未過，內地樓價正在下跌中，我成日覺得要執番一兩個有名氣的地產商先至見底。

大陸仔：你估珠江新城有無可能跌到１００００元一方呢？

你的口訣好好，分注買入，一成止蝕。

海靈心：大陸自然災害多，其中一樣是黃河水患，而長江建壩亦唔知會唔會增加泛濫之險，近年世界天氣反常，其實美國的風災、水災、旱災都多，不過美國有錢啲，成災時對人民影響少啲，希望國家早日富強，增加抗災能力。

Jackson:一人創業成功，做乜生意，有乜成功經驗可以同大家分享吓。

Root:中石油、中石化仲可以揸吓。

Wawa:石化股可以揸吓，加油價對汽車股不利，小心。

Mkm:人民幣唔似再會大升值。

Bdroom:內地散戶基金齊沽，不過基金俾阿勒住，唔俾佢沽得咁狼。

Fish:炒作者順勢而炒，長線者等跌到殘逆勢而買。

型英帥靚正：２８２７比２８２３抵啲啲，８２０的確平啲，但佢無人炒，上下波幅都細啲，只宜長揸。

Gigi:美元減定息後，若經濟回穩，長線會轉勢，短機升到突回吐緊。有商品基金沽了一半，想沽另一半，沽埋無壞，高難度點就可以定止賺位，比現價低１０％為止賺，跌到那個位沽貨，唔跌再向上，一直推高止賺位，回吐時沽貨。

小潘：你問點解唔加油價暴利稅，要加油價。因為成品油價和原油倒鈎，國營鍊油企業輸錢，等如國家補貼，油價愈升，補貼愈多，慢慢多到好惡頂，而且汽油和商用柴油有一定的加價承受力，在控制到對通脹和民生影響時，應該加價。加價會減少用油，有助推低全球油價。

Any:你問中移動和國航邊隻好啲，短期一定係中移動穩陣啲，佢可能已見底，國航或者會跌到花旗講的目標價３．４元，一般買隻股見佢跌成咁，實頂唔順，不過如果真係見呢啲價，到時買吓，預咗揸佢５年，會有收穫。

Andy:中央開始俾加電費，電股可以睇番好少少，你阿媽啲大唐咁高入，守吓先啦。

B Cheng:你已有中石油，可等中石化回吐後，入小小中石化。

[ 本帖最后由 Mr.Business 于 20-6-2008 12:10 PM 编辑 ]

Mr.Business

注：此篇文章版权归香港頭條網所有。

金融High Tea——賤物鬥窮人
2008年6月20日

港股隨美股和內地股市下插，恒指昨早低開477點後，持續跌勢，中段反彈乏力，下午內地股市跌幅擴大，港股在低位徘徊，全日收報22,797點，跌528點或2.3%。現貨月期指報22,812點，跌340點，比現貨高水15點，成交64,562張。

內地股市急跌近7%，國企指數挫397點或3.1%，報12,431點，大市全日成交只有590億元。

股市下跌，搞到散戶無晒心機，睇電視見到一個阿伯股民話，「個個要錢唔要貨係咁沽」，散戶睇得咁淡，這就是股市最主要的好消息。

中環茶友話，美股走勢一如所料，在本星期五結算前繼續插，美股唔掂，內地股市又唔好，港股跌500點唔算跌得多啦。你睇跌市成交只有590億，即係話唔係好多人好急沽貨，否則成交應該更大，跌幅應該更多。大市中線睇離底不遠，但短線隨時會再插，唔好以為個市實彈。

想最低買唔係咁易

陸羽仁話跌穿23,000點可以開始慢慢吸貨，擇肥而入，有讀者問我既然覺得大市有機會跌近22,000點，點解要咁早買？我答佢話，股市的頂部和底部都好難捕捉，你想最高位才沽，通常沽唔到，你想最低位才買，也不易買到底位，大市穿23,000點後，個別股票開始進入射程，例如中移動（941）[股價及相關新聞] ，可以開始下注，昨收107元，誰知道佢呢浪的低位是105元定係95元？總之你買鰦之後，相信今年有機會見番130元樓上，起碼有20%以上的潛在升幅，都有一定的值博率了，最好分注買，買完預鰦佢再跌。

經紀張鱓客都係「個個要錢唔要貨」，佢話個別客即使想買，但已經做晒蟹，想買都無錢，正一係「賤物鬥窮人」，我就話呢個困局源於散戶多數係鰠大市旺到死鰟時才買股，就算買飱好股，都係貴貨，所以等個個人心死時買貨，就可以買到平貨。

JP摩根叫增持內地股

內地股市出現恐慌性拋售，前日在救市傳聞中急彈，昨日見無料到就重挫，唔止跌番上日升幅，仲要跌到突，上證綜指收報2,748點，跌192點或6.5%，深成指報收9,161點，跌741點或7.49%，兩市成交額共計928億元人民幣，比上日升市時萎縮逾一成。

上海和深圳兩市有多過900家公司跌停板，巨股中石化A股跌3.4%，報收12.57元人民幣，中石油A股跌5.7%，報收15.17元人民幣，跌幅少於大市，都已有少少暗托的味道。

A50基金（2823）[股價及相關新聞] 昨收14.92元，跌幅3.6%，追唔到內地市場的跌幅，有17億元成交，比上日26億成交略減，A50每股資產淨值13.33元，現價溢價高達12%，顯示大量外資買A50基金，估內地市沽過龍，才會造成這種高溢價。記住，外資只係冷靜一點，無咁情緒化，所以會趁低吸而唔係狂沽，但並唔等如外資可以左右內地股市，上次內地股市跌近3,000點時，外資也是大買A50基金，但A股要等個多星期後才反彈。

咁高溢即係唔係幾抵買，但A50是買A股最流通和最方便的工具，無計，高溢價仍然好多人唔理溢價照買。我話等A股跌到2,500點時，就係開始買A股基金的時候。上證綜指2,500點時，PE大概18倍，以內地這種新興市場，叫做跌回合理水平，呢鱓價錢開始買，預佢跌低鱓再吸，獱佢10年、8年，食住中國經濟的增長，短炒長獱都有數計。

JP摩根亦把內地股票評級調高到增持，話近期市場調整了，人民幣恢復升值，通脹開始下降，內地的政策可能由對抗通脹回到經濟增長。

嘉華國際（173）[股價及相關新聞] 主席呂志和講№幾老實，昨日佢評論樓市，話現時依然是用家入市的時機，但並不宜炒作投機樓市。雖然有銀行調高按揭息率，但由於本港息口仍處於低水平，對置業者仍然有利，但目前通脹高企，息口再下調的機會不大。陸羽仁聽完老人家咁講，都好同意下半年息口有機向上，炒樓風險增加也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

油價風雲         

2008/6/20 上午 09:28:01
網誌分類: 經濟

   　中國昨天晚上宣布加油價，汽油加１６．７％，柴油加１８．１％，航油加２５．２％，同時調高電費，凍結發電用煤價格。消息震動油市，油價急跌近５美元一桶，今早報１３１．７７美元。

　　美股亦受惠，雖然生產數據不理想，但持續申領失業救濟人數下跌，加上油價急挫，令運輸股和消費股回升，美股回穩，三日來首次反彈，道指收市升３４點，升０．３％，升至１２０６３點樓上，估計明天美國期指結算，美股都係壓在約１２０００點上下的水位。

　　中國一加油價，世界都震動，皆因她已是美國之後，全球第二大用油國，據經濟發展合作組織的數字，估計３０個已發展國家今年平均每日用油４８７１萬桶，下跌２４萬桶，但這個數字不包括中國這些發展中國家。單計中國估計今年每日用油８０２萬桶，上升４４萬桶。印度、馬來西亞、印尼和台灣等有油價補貼的國家近期先後加油價。早前召開的八國會議都有要求中國加油價，相信剛結朿的中美經濟對話亦有討論到這個問題。沙地阿拉伯國王阿卜道拉號召石油出口國和用油國在本月２２日開會商討高油價的問題，中國在會前先加油價，也算是對美國及沙地國王的一個禮物。

陸羽仁在約一個月前已經講過，由於國際油價急升，但內地控制零售油價不加價，鍊油的國企愈蝕愈多，所以計劃加成品油的油價，同時補貼農村及運輸用油，結果真係咁做。國家發展和改革委員會昨晚宣佈，自今天起將汽油每噸提高１０００元人民幣（下同），由零售平均價５９８０元，加到６９８０元，升幅１６．７％，柴油也是每噸加價１０００元，升幅１８．１％，航空煤油價格每噸提高１５００元，等如加價２５．２％。

阿爺加油價的同時，亦嚴防對居民生活的影響，控制加價連鎖反應，採取以下多項配套措施：(一)對種糧農民、漁業、林業實行財政補貼。其中，對種糧農民在今年已增加的農資綜合直接補貼的基礎上，每畝再增加5元補貼；(二)對城市公交、農村道路客運實行財政補貼，運輸價格不提高；(三)從7月份起，城市低收入人口每人每月增加補助15元，農村增加10元；(四)增加對計程車財政補貼，並不允許加價；(五)鐵路客運價格不作調整。

　　近期煤價急升，而電價又唔准加，令五大發電企業經營困難，今年1至5月份，華能、大唐、國電、華電、中電投等中央五大發電集團公司中，除華能集團略有盈利外，其餘四個集團公司都出現了嚴重虧損，發電企業虧損面達到80%以上，部分發電企業出現資金周轉困難、難以維持簡單再生産的局面，令供應愈來愈緊張。發改委決定，自7月1日起，將全國銷售電價平均每千瓦時提高2.5分錢。液化氣、天然氣價格不加，對城鄉居民用電和農業、化肥生産用電價格不作調整，四川、陝西、甘肅三省受地震災害影響嚴重的電價格也不作調整。

　　發改委還指出，目前煤炭價格水平較高，爲防止煤、電價格輪番上漲，自即日起至2008年12月31日，對全國發電用煤實施臨時價格干預措施。在臨時價格干預期間，全國煤炭生産企業供發電用煤的出礦價，不得超過2008年6月19日實際結算價格。

內地呢次加油價、加電價、凍結發電用煤價，對中石油和中石化等有下遊業務的公司有利，對華能、大唐等電廠有利，對煤股不利，對航空股、鐵路股不利。

高人話，今次只是內地第一次有油價，加電價，還可能有第二次或更多，所以對上述的股份的影響未完，受累的股份，可能有多於一浪的衝擊，買入要小心。

例如航空股，花旗就發表研究報告，指內地航空業前景嚴峻，分別下調國航(00753)[股價及相關新聞] 及南航(01055)[股價及相關新聞] 目標價，國航目標價由4.2元下調至3.4元，南航則由3.45元降至3.2元，並維持賣出評級。不過，該行卻維持東航(00670)[股價及相關新聞] 持有評級及目標價3.8元。如果怕一買就跌，就要先忍手，等內地加多啲油價才出手，當然你唔怕短期跌價，又作別論。

陸羽仁

http://www.hkheadline.com/blog/r ... rd=&searchtype=

Mr.Business

2008/6/23 上午 11:23:49

陸羽仁覆網友

Yuki:三注分注買入是按買入股數計，唔係計金額，唔好意思，我講得唔太清楚，惹起你誤解。假設買中移動，你要分３注，１０５元買１０００股，１００元買１０００股，９５元買１０００股，三注買齊共有３０００股，平均價１００元。

你講的對沖基金提供美元買入９０％保本的保障，往績回報１５％至２０％，有１０年住績，表面看條件不錯，主要風險是倒閉風險，住績愈長，發生的機會相應降低，但對沖基金的投資手法不太公開，有一定的系統風險，以此基金為例，不宜瞓身。若瞓身買股神的巴郡安全啲，入場銀碼好大，回報約２０％，住績好勁呀。

我自己認為最簡單的投資方法是在大跌市買入指數基金，長揸，升到好顛時或者沽一半。唔使太用腦，但要好長線。

講美元，我講o既係中期趨勢，但睇你問多啲，你係問緊一兩個星期短期走勢，那就如我早前答網友話，美元對上一個星期升得太急，還在回落中，若本周聯儲局議息後無乜特別長線會加息的訊號，美元會回深啲，兌日圓應會見番１０６幾。

大陸仔：而家大陸限咗發電用煤加價，對煤股不利，其實巨型煤股股價不前，一直就怕有這種事發生，油價煤價不斷急升，油公司徴暴利稅，煤股就限價，政策風險仍在，住後會否放大限價的範圍？唔跌的煤股，特別係A股，可能有炒作因素。

Jack O:自己做小老闆，最緊要慳同勤兩隻字，努力。

你投資的股份各有原因，但個別原因不一定對，例如油價升，慳油揸去高速，所以買深高速，但油價升壓抑車輛總體需求，對車股、公路股的長遠增長有影響。

又例如８２０，買入原因係有折讓，這頂多是附加原因，要買８２０，應是長線睇好A股，此股不宜短炒，波幅較少。

建議控制一下投資股票的總量，不要多於５、６隻，否則睇唔掂，整合一吓，將弱股沽走。你問９４１，２６２８和１８００，以Pe計先把１８００剔走，相對太貴。９４１和２６２８比，２６２８更受投資市場影響，買邊隻要估未來一年大陸股市等投資市場的回報，睇好者買２６２８好啲，看淡者買９４１穩陣點。

B Cheng 及輝NSX：對大陸地產市有兩種矛盾意見，一種如我早前所講，要有地產商爆煲才見底，另一種樂觀少少，覺得唔跌得太多。取其中庸，就不能估大陸地產股一定已到底，若想買，小注怡情，預佢再跌，亦無不可。

海靈心：大陸的教育問題，和資源及國力有關，今日比２０年前，內地小孩受教育的機會多了，希望國家再富強著，孩子受教育的機會更多。

Clarie:A50指數的製作機構ishare有個網站，每天會公布兩次A５０的資產淨產，可作參考計溢價。

Suz:我不知道有免費網站可以提供期權的Delta值，唔知其他網友有無資料提供。

Ki:零售股受通脹影響，成本大升，特別係租金更加得驚人，但好多行業生意唔係升咁多，唔可以加咁多價，做遊客生意者也見回落，例如錶行發覺大陸豪客減少，可能和大陸股市低迷有關，所以想買零售股要非常小心。

Nice:想買388,要預咗佢再跌,咁o既市對佢特別不利。

老老實實：暫時睇港股跌番落３月低位２０５００點的機會仲未係好大，但個別股票都近咯。

Tonton:２３０００點下入第一注的看法無變，但其餘注碼要忍吓，等低啲才入啦。

Bdroom:外資買A50 唔係幫大陸, 而係睇死你跌到好甘時又會出招去救市。

Mr.Business

注：此篇文章版权归香港頭條網所有。

金融High Tea——國際起波濤 內地要力挺
2008年6月23日

美國期指上周五結算，當天港股好像預知美股唔掂那樣，單日轉向，當天開市本因內地加成品油價而一直向上，一度急升614點見23,412點，但下午反覆跌至全日低位22,745點收市，先升後倒跌52點。期指收報2,2710，倒跌102點，比現貨低水35點，成交94,199張，期指比正常成交多了2萬幾張交易。

港股唔掂，預示了當晚美股插低結算，當日美國報章和以色列電台都報道以色列曾有大規模演習空襲伊朗，油價急升，股市大挫，杜指大跌220點，跌幅1.8%，跌至11842點，跌近3個月以來的低位。

猶太大戶 狂炒打仗

陸羽仁早個幾月前都講過，油價供需大致平衡，但升穿100美元一桶後不斷被炒高，就係有人暗暗炒戰爭風險，炒美國和以色列會向伊朗開戰。早個幾星期我亦講過，美國的猶太大戶獱重期油，沽空美股，所以美股仲有得插。如今看來，這兩件事亦有關連，以色列是猶太人國家，美國的有錢人和金融大戶，又多是猶太人，你話他們支唔支持美國和以色列打伊朗？支持之餘，又會唔會鰠油市、股市搵纒水？

以色列演習轟炸伊朗，有關消息在美股期指結算日爆出街，都算十分搞鬼，《紐約時報》和《國際先驅論壇報》引述美官員話，以色列空軍本月初曾舉行大規模軍事演習，看起來是為了發展以軍的遠距離打擊能力，展現以色列對伊朗核項目的針對程度，共100多架以色列空軍F-16、F-15戰鬥機參加了演習，演習是在 6月初在地中海東部和希臘上空進行。演習還涉及以軍直升機，這些直升機可以用來營救被擊落的飛行員。美國官員稱，以軍加油機飛行距離超過了1440公里，這相當於以色列距伊朗納坦玆濃縮鈾工廠的距離。

熟悉美國情況的高人話，以色列軍演應確有其事，問題是美國官員把以軍的演習機密放料出街，自然有試水溫、看反應的意思。高人分析，美國和以色列很有動機向伊朗開戰，採取90年代初美國對伊拉克首次作戰的方式，主要以空襲為主，摧眦伊朗的核設施及重要軍事設備，但不佔領德黑蘭，目的是搗毀伊朗軍事實力，把伊朗的發展推遲10年、8年，並削弱現政府勢力，催谷伊朗溫和派上台。

布殊要博 戰意升溫

高人話，美國牛仔總統布殊很有動機聯合以色列對伊朗開戰，他任內民望低迷，對伊拉克作戰未竟全功，又快將離任，11月美國總統選舉布殊所屬的共和黨勝望很低，若他決定對伊朗開戰，可以一博。若戰爭成功，會挽回自己的民望，又可催谷共和黨的選情。但那邊廂民主黨也會支持開戰，因為絕大多數富有猶太人是民主黨的金主，這批人當然支持以色列，況且民主黨認為自己做梗白宮主人，唔怕共和黨聲望反彈，更巴不得在民主黨奧巴馬上台前，先由布殊清理掉伊朗這個炸彈，好讓奧巴馬有一個乾淨開始。

高人估計，若美國要開打，應在8月15日之前，因為這種戰爭打半個月就打完，之後留番兩、三個月善後，才到選舉，太近選舉就好難開戰，以目前的形勢，開戰的機會不低。

若一打起來，短期油價會急升，金價會急升，因為開戰會影響整個中東地區的原油供應，股市亦會急挫，但要小心一到戰情穩定後，油價、金價會急回，股市會急彈，90年代初的美伊戰爭就出現這種情況，現代純空襲式的戰爭，開始得快，結束得亦快。所以未來一個月，股市將會大波動，十分難炒。

金融巨案 鼠倉出逃

美股難炒，內地股市亦唔易炒，內地股市一沉難起，插穿3000點的所謂「政策底」，除了因為內地收緊銀根外，亦和一單金融巨案有關。陸羽仁覺得近日內地股市沽得有點不尋常，在周末時搵內地高人探問，一問就問出一件大事，國家開發銀行副行長、前中國證監會副主席王益，在本月8日端午節後被「雙規」（即在規定時間、規完地點內交代犯罪事實，等如被軟禁審問），愈查愈大鑊，查出一大堆金融高官來，包括不同的中央金融監管機構的第一號或第二號人物、地方大員和巨型國企老總，「王益案」勢將成為胡錦濤出任總書記以來的最大金融案件。

「王益案」源於今年4月涌金集團董事長魏東跳樓自殺一案，當時紀委調查多間上市公司的上市程序，懷疑有人出蠱惑，涉案的魏東跳樓自殺，但這事並沒有阻止到監管機構的調查，愈摸愈高，終於摸出副部長級的王益這個大目標，在追查王益案時，又拉出一大批高官。由於案中涉及眾多上市公司，又有大型證券行牽涉其中，高人話估計與過千億有關、甚至無關的「老鼠倉」聞風先閃，沽貨出逃，結果過去一星期股市就有很多不問價出貨的沽貨潮，成為跌市的推波助瀾因素。他認為「王益案」正查到高峰，這個星期還有不少古惑錢怕被調查要沽貨，內地股市仍有壓力。

中央大會 轉向挺奧

高人話對內地股市不宜看得過淡，再跌試2500點、甚至更低雖然並不為奇，但那時是吸納而非拋貨的時候。6月上旬中央開了一個大會，外界可能沒有留意，這次由中共中央和國務院聯合召開的會議，召集了所有中央部委和地方省市黨政高層一齊到北京開會，會後公布的消息比較「行貨」，話會上強調要增加風險意識和憂患意識，形容中國經濟基本上仍存在平穩較快發展，未因特大震災而改變，社會經濟發展面臨的不穩定因素增加，會議強調要做好宏觀調控，做好糧油肉食等基本生活必需品供應及抑制物價，促進資本市場健康發展及防範金融風險，辦好奧運會，抗震救災，以及維護藏區穩定云云。

老老實實，睇完呢次大會後公佈的消息，也看不出一個所以然，難怪傳媒也沒有留心報道。但高人話阿爺搵晒中央及地方的部長及地方大員一齊開大會，自然有重要訊息傳達，其中一個主題係如何在四川震災之後辦好奧運，如今距離奧運只有一個多月，阿爺要開始總動員去全力辦奧。

大小非減持要抽稅

睇當日的會議公告，又話抑制物價，又話防範風險，好似對股市很不利，似乎中央已把防風險放到高於經濟增長和維護股市的位置上。但高人話，要看大會對股市和經濟有何影響，要看中央的實際行動，才會理出一個頭緒，那次大會之後，中央加過1個百分點的銀行存款準備金率，又調高了油價，前者收緊銀根對股市不利，後者谷高佔指數比重極大的石化股，對股市有利。

高人話，加油價加電價是大動作，管理層都照做，之前唯一目標是嚴控通脹，但奧運在即，夏季用電高峰快到，若果不加油價電價，未來缺油缺電，對奧運、對經濟發展的影響很大，若企業因缺電而大面積停產，會造成經濟急促下滑及失業急升，這個風險也不能低估。中央雖然會繼續控制銀根，控制熱錢流入，但開始要照顧經濟發展，要提振全國情緒，辦好奧運，所以不再以極強硬手法控制通脹，甚至接受今年將有較高通脹率的現實，6月上旬那次大會，應是中央轉向的開始。

中央這種思維對股市有利，管理層亦想將股市推番高鱓去迎奧運，但內地股市是否咁易扶得起，卻是另一問題，怕只怕「非不為也，實不能也」。

不過中央若等股市跌深少少時出「組合拳」，兩三招齊出，應有一定效果。高人爆料，目前研議中的救市招數，最可能出台的是「大小非」減持抽稅和融資融券方案。非流通股（即所謂「大非」和「小非」）分批變成流通股並可減持，是股市最大壓力所在，若落實「大小非」減持時要付20幾、30％的利得稅，將大大壓抑持股人的沽貨欲望，對股市有利。「融資融券」即是我們所講的「孖展」借貸，容許股民借孖展炒股，亦有利股市。

未來一個多月，股市實在風高浪急，外圍股市有戰爭風險，隨時暴跌狂彈，而內地股市又是一個急插待救的局面，各變動因素不知何時發生，股民要小心為上，炒升炒跌都有大風險也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

油價風雲（２）         

2008/6/23 上午 09:29:21
網誌分類: 經濟

呢個週末有啲新聞幾過癮，中國證監會主席尚福林星期日都開黨委會議，除咗講咗一輪八古之外，仲話中國股市要嚴防謠言，到底有乜謠言令尚主席緊張到星期日都開會聲討？端的是耐人尋味。

產油國和用油國在沙地開大會，產油國、用油國同埋油公司都坐在一起，可能「三缺一」的只係油市的炒家，會議的結論係要加強石油期貨市場的透明度，要揭開石油炒家底牌咁話，八大國的代表話下次召開八國會議後，還要再開產油國和用油國的大會。

產油國和用油國之間本有重大分歧，最大用油國美國由於不同意油價高升是弱美元所致，聲言完全由於供求失衡，所以認為阻止油價再升的方法，一是如中國印度等新興用油大國減少補貼抬高油價壓抑需求，一是產油國增產。

不過石油出口國組織的主席Chakib Khelil會後就話，高油價皆因炒作、地緣政治（主要指有關伊朗問題的中東局勢）以及弱美元，而不是供應不足，他更指沙地阿拉伯增產的舉動「不合邏輯」。

但國際油價又的確因為沙地的「不合邏輯」舉動而回調，世界最大的石油出口國沙地在會後承諾下月開始每日再增產２０萬桶石油，並表示如有需要可以再加，她在早前已答應增產３０萬桶一日，如今是第二次增產，這個消息加上尼日利亞的叛軍建議暫時停止襲擊外國油管和油輪，令８月期油最多跌０．８％，跌至１３４．３１美元，今早在新加坡油市，做１３４．９美元，仍比上周五的１３５．３６美元回落，當日油價升了２．７６美元，升了２．１％。

油市對沙地增產而非大會建議增強期油市場透明度有反應，就知那個建議沒有大用。美國和石油輸出國組織對油價上升的成因有這樣大的分歧，表面上看開這些會難有成果，但這些會議是國際施壓的場所，若無美國同意甚至主催，這些大會好難開得成，我估美國的用意是借這些大會不斷施壓，要石油出口國增產，要中國和印度等新興用油國加油價，若加上美國自己估計美國停止加息後美元慢慢會轉強，幾種力量加起來，希望能令油價慢慢回落。

美國暫時指唔掂油組，但她指得掂最大石油生產國沙地，所以即使沙地唔想，也要乖乖聽令增產。其實無論美元幾弱，無論新興國家用油有增長，只要石油輸出國同意不斷增產，油價都好難炒得起。不過從石油出口國的角度，而家泵一桶油，成本和５年前唔差好遠，但當時賣２０美元一桶，而家賣１３４美元，有咁著數o既事，自然想佢繼續，點會自己增產隊低油價。

　　美國玩施壓，暫時未見有重大效果，但牛仔總統和以色列似似地想對伊朗動武，中東戰爭理論上可以令油價大升，但處於咁高位的油價如果再升，升到１５０美元，甚至２００美元，個泡沫大得咁緊要，又的確好難唔爆。如今油價真係好似大炸彈一樣，既造成全球高通脹，佢o既爆破又會幾恐怖。

　　美股週五跌２２０點，日股今日早段跌２５０點，跌幅１．８％，大陸A股開市初段跌幅也接近，股市真有點風高浪急的味道，炒作要特別小心。

陸羽仁

http://www.hkheadline.com/blog/r ... 12303&id=117461

Mr.Business

欧佩克主席反对 通过增产原油平抑油价 2008/06/22 19:53:38
●南洋网

沙地22日讯－石油输出国组织（欧佩克）轮值主席、阿尔及利亚能源和矿业部长哈利勒22日在此间的新闻发布会上表示，他反对通过增产原油来平抑油价。

哈利勒是22日在沙特阿拉伯吉达举行国际石油会议之前作这一表示的。他说，目前的油价水平与市场供求基本面因素脱节，原油市场并不存在供给（短缺）问题。他认为投机活动对原油市场产生了影响，此外他还指出，美元贬值对原油价格上涨有较大影响，并呼吁各方关注美元汇率的“不确定性”。

面对国际市场油价高企的局面，美国等石油消费国已多次呼吁欧佩克成员国通过增加原油产量来平抑油价，但是欧佩克方面也多次发表看法说，国际原油市场不存在供给问题。鉴于欧佩克成员国的原油产量占世界总产量的40％，欧佩克方面有关国际市场的看法和原油生产的举措均受到各方的密切关注，同时对油价走势也有一定影响。

在沙特阿拉伯的提议下，世界主要石油生产和消费国将于22日在吉达举行国际石油会议，讨论日益严重的高油价问题及应对策略。

http://www.nanyang.com/index.php?ch=7&pg=11&ac=855391

Mr.Business

2008/6/24 上午 10:50:45

陸羽仁覆網友

三心兩意：若原油的炒作泡沫爆破，相信不止跌到７０至８０美元。大市有跌不下去的感覺，因為搶在美股前回落了。

海靈心：油國無錯，自由市場，他們的確有高價賣油的自由，若論對錯，可能是搞到美元咁弱的老美錯了，錯誤始在進軍伊拉克，也錯在發明了搵人笨的次按。但以現實計，油價咁高，糧價咁高，每天都有人餓死，基於人道主義，我都希望油價會爆，希望我這種偏見，不會造成對油價長線走勢分析的偏差。

１１１：你咁高買洛鉬，高位跌下來時無止蝕，佢又大跌價，我都唔知道可以點建議你，唯有建議你守吓。

Bdroom:你買錦江分３元、２元、１元咁大差距分注，並非普通手法，似乎又唔預會止蝕。不過你問錦江和中國製藥，正如好多網友問一些二線股一樣，而家個市比較，如中移動這些行業龍頭一線股都係咁跌，要揀可以揀一線股，唔使搵二、三線股。

Yuki:想買A股，超短線多數人買２８２３，佢溢價高因為好多外資買，又有輪，所以上落波動較大，若反彈亦反映得較快。若中線小小，買２８２７好啲，因為佢溢價無咁高，但炒味同時無咁濃。長線就買８２０，佢溢價低，但股價較呆，只合長線，而且未必跟指數走。

利福下跌，恐怕係面對緊我今日網誌講的零售業壓力，收購聯洲對佢刺激有限。信德跌近全年低位，除了話澳博上市唔係咁順，亦同澳門賭業大勢轉差有關，有少少擔心佢核心業務盈利去年已到頂（如有關連公司上市的特殊收益例外）。

長城及東風真係跌得幾低，但油價可能再加，等再加再壓吓價，會唔會仲有平貨，正如國航都有此現象，現價好低，但要買要預佢會再跌。

煤股壞消息出盡未？可以限得電煤加價，但唔會又有其他限制？煤業賺得多會惹來開刀。

大陸仔：長期投資可以留意電訊、銀行兩大行業，例如中移動就係可以留意的股份，地產及能源都可留意，但不少股份處於高位滑落中（如煤股），未跌定，唔好太快入場。

Ki:瑞房老闆不斷增持，目的是俾人有信心，但內房股似乎仲有得跌吓。

Muse:錦江和盛高無止蝕，但跌咗咁多，沽又唔係，唯有守吓。

Mr.Business

注：此篇文章版权归香港頭條網所有。

越南股=遇難股
2008年6月24日

近日細看不少越南股，很多早前下跌不少，嘗試找一些無辜被牽連的公司，如業務大部份以出口為主，收外幣而付越南盾的，或在越南擁有不多資產的，看了一遍，似乎沒有一隻是跌得無辜。

歷史上因熱錢湧入而導致經濟崩潰的新興國家，多不勝數，還記得之前有一國家，收入靠出口某一農產品，如蔗糖，那幾年蔗糖價格飆升，那國收入水漲船高。再加上領導人認為蔗糖價格長升長有，故大力去搞基建。

熱錢流出 通脹嚴重

經濟好時，當然沒問題，但一旦經濟轉壞或熱錢流出，這些國家根本沒有那麼多錢去繼續推行大型基建項目。最後蔗糖價格急跌，收入大不如前，唯有印銀紙去支撐，導致嚴重通脹，貨幣貶值。

說回越南股，首先，最為人熟悉的是陸氏集團（366）[股價及相關新聞] ，這隻股是○七年炒越南概念時的明星股，一年升十多倍。集團於越南擁有一幢像中環IFC的甲級寫字樓──西貢世貿中心，一年可收一億港元左右。此中心收入全以美元計，故盈利不受越南盾貶值影響。另一業務為水泥，近幾年剛起步，再加上現在越南出現信心危機，直接影響水泥銷售。再看清楚，其實集團每年大部份盈利是由投資物業重估而來。所以，如果不是公司這麼積極回購，其股價一定跌穿現水平。

第二隻的越南股，是製造加工出口的越南製造（422）[股價及相關新聞] ，從事生產及銷售速克達及國民車機車，即是綿羊仔。單看名字還以為集團以出口為主，再看下去，原來集團超過九成的生意都是來自越南。集團生意不俗，財務狀況非常健康，集團每股現金有一元港幣左右，但相信都是以越南盾存在銀行，在越南盾大幅貶值，負債高公司比現金高公司更有賣點。故越南資產大幅貶值下，集團股價跌得有理。

市場亂衝撞資金多

第三隻為越南控股（139）[股價及相關新聞] ，它更神奇，光聽名字還以為其資產或業務一定全在越南。誰知道它現時投資於越南的資金只有百多萬港元。除此之外，它於越南較主要的部份便是剛剛拿了當地 Circle K便利店之獨家權利。諷刺一點去看，越南經濟不好，隨時便利店得益。但於Circle K 「十劃都未有一撇」，此股票沒有博反彈的價值。

市場上亂衝亂撞的資金多的是，所以沒足夠理由反彈並不代表有關股票不會反彈，不然就不會有「技術性反彈」一詞。但在沒有充分理由下，給你幸運地博反彈賺了錢，最終只會害了你自己。

王雅媛(Victoria)

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——獱住水晶球炒港股
2008年6月24日

美股杜指上周五急挫220點，恒指低開339點，見22,385後，下午一度反彈上22,830點，收報22,714點，跌30點。期指收報 22,660，跌50點，比現貨低水54點，成交83,410張。國企指數跌107點，報12,236點，大市成交597億元。

昨日重磅股中移動（941）[股價及相關新聞] 維持升勢，頂住大市，中移動收107.6元，升1%，但礇豐（005）[股價及相關新聞] 則跌0.56%。大市成交不夠600億，又真係幾悶。

經紀張打電話來，話有個客上星期五見個市單日轉向，由升變跌，收市前撲入去買認沽輪。後來見上周五晚美股大跌，心諗今次發啦，等到星期一開市就跌番700 點、800點，中番舖大。點知昨日開市只跌200、300點，已經唔係開胃，鰟個客心諗，跌咁少，老大唔沽貨平倉，點知個市一步步爬番上來，下午時最高時仲升過150點，鰟個客在期指倒升100點時急急止蝕平倉，偷雞唔到蝕獱米，媽聲四起，話美股200幾點港股都無大跌，唔知搞乜。

小心左一巴右一巴

中環茶友拆局，話散戶唔夠大戶玩，上周五美國期指結算，獱重淡倉的大戶預鰦要插低美股，不排除他們事先來沽纒亞洲股票，食纒「甜品」。當日港股因為內地加油價跟內地市急抽，最高升超過600點，跟住俾人一級級咁沽番落來，大戶係獱住美股水晶球沽港股。

後來美股果真大跌，昨日一開市散戶自然跟沽，見到港股開市跌得唔多，更覺得天賜良機，大力追沽，大量沽盤造成足夠深度，等大戶可以獱番貨平淡倉。中環茶友話，散戶覺得無理由的事情，以「預知美股走勢」呢個角度去睇，港股只係超前跟美股走勢，無理由的事就變得有理由，上星期由高位回吐那666點，就已經透支了美股插低結算的拉力，咁睇就易明少少。一句話，老散好難玩，好易左一巴，右一巴。

內地股市未改弱勢，由於周末未有救市政策出台，加上外圍美股又重挫，周一中國股市逐步下跌，上證綜指報收2,760點，跌71點或2.5%，上海、深圳兩市成交額共計只有647億人民幣，比上周五大幅萎縮近五成，其成交淡靜情況，和香港股市可謂難兄難弟。

內地發改委上周宣佈允許加油價，加電價，受惠股開始回吐，最大得益者中石化（386）[股價及相關新聞] 跌2.4%，中石油（857）[股價及相關新聞] 則微跌0.2%。發改委允許電廠每度電將加價0.025元人民幣，但電力股升完一日，到昨日亦全線報跌，華潤電力（836）[股價及相關新聞] 跌6.3%、華能（902）[股價及相關新聞] 跌3.6%、大唐發電（991）[股價及相關新聞] 跌4.6%、華電國際（1071）[股價及相關新聞] 跌2.5%。

金屬股逐隻爆

政策受損者也不見得好到去邊，發改委宣佈凍結發電用煤的價格，煤炭股受壓，神華（1088）[股價及相關新聞] 跌1.5%、中煤（1898）[股價及相關新聞] 跌2.6%、兗煤（1171）[股價及相關新聞] 跌2.9%。內地股民講笑咁話，電力股和和煤炭股實現了「煤電聯動」，聯在一起向下動。

金屬股開始體現成本上升和價格不前的壓力，呢一浪輪住爆出業績倒退消息或被大行唱淡。中國鋁業（2600）[股價及相關新聞] 上周五發出盈利預警，料08年上半年純利將會按年倒退50%以上，昨日股價下跌5.7%，跌至9.73元，連10元都跌穿，中鋁去年10月曾大炒至高位26.35元，摸頂唔識走，唔見63%。大行紛紛發表報告看淡中鋁盈利前景，並降低其目標價介乎8至10.6元。

另外，摩根士丹利發表研究報告，將洛陽鉬業（3993）[股價及相關新聞] 的評級，由中性調低至減持，目標價更由10元大削40%至6元，理由是銷量增長不及預期。報告指出，洛鉬管理層已確認，公司今年的銷量不如早前所指那樣強勁，加上開支急增，估計上半年度業績會令市場失望。洛鉬收市報7.1元，急跌8.3%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

消費滑落
         
2008/6/24 上午 09:27:40
網誌分類: 經濟

美股唔上唔落，金融股在銀行收益低於預期影響下，紛紛下跌到５年低位，但油價上升令油股向上，道指微跌０．３３點，跌到１１８４２點，反映科技股的納指跌２０點，跌幅０．９％。

看到網友平凡人講起「深圳人的臉真的很胖！！！」引用來大家研究吓，佢話：「我在深圳坐出租車的時候，喜歡與司機聊天。其實，我到任何城市都喜歡跟出租車司機聊天，因爲，他們可以給我關於這個城市的一些信息。我常問司機：爲何深圳的馬路上那麽多貴價的車？（我的潛台詞是，這１０多年來，其實深圳的經濟已經走下坡路，江時代政策傾斜上海，浙江，江蘇，２００７年 ，“好像”蘇州的GDP已經超越深圳）。胡溫時代，重點是在天津，唉．．．．．看來廣東都沒運行阿，更何況深圳這個沒有爹娘認的兒子。難聽點說，現在有點降級到野種。出租車司機答：『深圳人的臉都是胖的。』」

「這幾天深圳的溫度到達34－35度。簡直是熱浪逼人。晚上的室内也起碼有30－31度。因此，今晚我就又做一個調查。（就如2005年晚上我多次從羅湖坐出租車到南山經深南大道，就是深圳從東到西的交通大動脈之一，原途所見的樓盤，只有30%的亮燈率。因此我跟深圳的人說，深圳樓盤必垮，因爲是炒出來的）。我在深圳住的樓盤位于南山，高峰期15000－18000/平方米。現在是8000－9000/平方米。」

「樓盤内基本是有電梯的8層小矮樓。8層以上是複式層。樓盤内的車：基本上每家每戶是1－2部車。因此，小區内車位非常緊張，先到先霸位那種情况。

車類：100万左右的10%，40万左右的20%，20万左右的45%，10万左右的5%。

哇！！！如果在香港簡直是豪宅區啊！！！可是，室内30-31度的天氣，在陽台看看各家各戶開窗率，竟然達到85%以上。我的媽呀！難道他們都是從非洲或中東創業賺錢回來的嗎？不怕熱嗎？」

　　陸羽仁看完平凡人的觀察，雖然不能確定深圳人不開冷氣是否一定是為了省點電費，但買靚車擺擺闊也是人之常情。我到一個地方也喜歡向出租車司機探探行情，上海的司機告訴我，過年時上海一個普通人過年封２００、３００塊錢一封的「利是」十分平常，因為上海人愛門面，聽到這句話，的確令我這個封２０元利是的香港人感到汗顏。我唔希望令人覺得我有藉貫歧視，香港也有打腫面孔充胖子的人，但愈多人暴發的地方，充得也愈厲害（香港慘在好令難令人暴發了）。

大陸高檔消費減縮的情況，在香港也感受得到。例如大陸旅客的消費就沒有過去那樣闊，有一隻名錶過去從來唔夠買，錶行想攞貨都攞唔到，但最近就谷貨到錶行去，顯示佢o既限量版名錶由唔夠賣變有貨剩。豪宅市場也呆呆地，仲有大陸客睇樓，但已經唔係見貨就掃咁o既場面。上海的一級百貨店銷售亦有下滑跡象，同店銷售減少。大陸的高檔消費的確在放緩中。

加油價後，好多內地汽車公司都話無影響，部份車廠話自己的銷售對象係高收入階層。單是加油價，的確不似會對汽車銷售有大影響，問題是大陸高檔消費在放緩中，早前四川地震後中央又話政府要嚴控開支撥款救災，主要控制公家買車，有了這些不利因素後，再來一個加油價，對車廠就係雪上加霜了。大陸高檔消費放緩，和宏調令股市、樓市下挫有好大關係，股、樓齊鳴時，步步高升時，炒樓炒股者身家水漲船高，即使只是帳面財富，也感覺良好，消費心情大佳，自然見嘢就買，獎勵吓自己和身邊人。如今大陸股市從高位跌了五成幾，豪宅隨時也跌了一半，闊客身家唔見一大截，有錢都無心機買嘢。

我話睇公司價值，關鍵睇佢o既盈利能力，如今大陸高檔消費有放緩跡象，勢將影響有關行業的盈利，睇住績PE的作用唔大，要從新估算公司盈利，估計公司在新形勢力盈利會跌多少，跌一年跌定未，可唔可以跌一年之後又重上升軌，以新的PE來計算股價的合理值，散戶未必識計這條數，但每當證券行重估公司盈利，調低公司評級，又或者公司發盈警時，公司股價都會有一輪滑落，反彈吓掙扎吓，然後再跌至低位發吓呆，要買最好等佢跌定，反彈埋，再到發呆時才慢慢買，才會買到平貨。

陸羽仁

http://www.hkheadline.com/blog/r ... rd=&searchtype=