【专题讨论】转载香港頭條網陸羽仁, 王雅媛的文章

Mr.Business

2008/6/6 上午 11:42:13

陸羽仁覆網友

Ray:查實陸羽仁真人比林嘉華老好多，又醜好多，頭條Kelly亂咁講，唔好信。陸羽仁和林嘉華的相似度係１０％，大家都係中年男人。

華能若短炒，定番６．５元為止蝕，若唔跌再向上，先試７．２元。國泰睇大市，油價及生意皆不利，唯有有望就係望大市在７、８月升一升。

美元反彈未完，兌日圓正走上一個台階，在１０５圓樓上炒。起碼等到６月底聯儲局議息前後，睇吓美元點彈。

長友：注碼少，又長線，最好等大市大跌時才入貨。

Yy太：正路買電股短炒，以入價低一成止蝕，假如升咗上去，可以將止蝕位移高到入貨價，你細膽的話，現在可以用入貨價作止蝕位。

Muse:渣打２３０元入咗一注，２６５元入第二注都可以。

中海油高位沽了大半，貨尾宜守１２．６元買入價，一穿就要沽，唔穿再睇睇。

SK:問乜叫做贏就谷，意指贏錢時不但不應太快走，還在機會合適時加注，惠理６．５元入，起碼唔使太快走，定番７元再止賺位，加唔加注，要睇公司基本因素，問吓自己有無信心，分析完有信心才加，加亦不一定要加一倍，加３０％、５０％都得，總之贏錢股票唔需要太快沽，係比輸錢股溝淡好好多。

S2000:長江製衣昨日上什搞出１０幾元一股的錯價交易，經紀入錯機，經紀行要先負責，好多公司都會追番自己經紀數。

Bdroom:所謂煤電聯動，即係容許電價跟煤價加，但過去無聯動，所以電廠蝕錢，若聯動都係電廠受益，煤廠不會受害。而家問題係山東根本唔俾煤廠加價，仲要佢增產。中煤１８元入，應守一成止蝕，若反彈番上止蝕位，應先止蝕，之後即使再升都唔關你事。

Any:你啲國航和華能仲有錢賺，唔使止蝕，若太驚可以用買入價作止蝕價，但我認為若你是長線投資者，揸吓都唔妨，油價難以長期在這個高水平維持。

Wenthlyn:中信銀行６元買，仲可以等吓。

Wawa:你情況唔同，５．２８元買中信銀行，現在有賺，可以用番買入價作止賺。唔回到那些水平就揸吓先。

東風３．８９元入，建議守一成止蝕，怕阿爺那一天突然話加油價，汽車股又會插一插。若升上去就唔妨睇位食糊。

Yuki:Ambac and MBIC兩間債保公司被調低評級，美股無大反應，但不要忘記道指已跌到１２４００點的水平，本應要彈，所以不能作為壞消息不跌的指標。

達爾：油價升到１３５至１５０元的機會不低。若美國進入加息期，要睇經濟數據，若經濟不錯，股市無大反應，若經濟差都要加息防通脹，美股就會插。

小潘：問中國建築上a股有乜影響，隻嘢近日走勢幾弱，炒完重建散咗貨，要呆吓消化吓才會再炒。

心急人：國航可能再試低啲，因為航油只加價９％，未來仲有上升壓力，大摩又出報告唱淡，買入要預咗守耐啲，現價入了一注，第二注定４．７元入，第三注４．２元入，定低啲，安全啲。

[ 本帖最后由 Mr.Business 于 6-6-2008 12:13 PM 编辑 ]

Mr.Business

注：此篇文章版权归香港頭條網所有。

金融High Tea——內地油價遲早加
2008年6月6日

港股走勢飄忽，恒指昨早高開28點後，一度跌119點，跌至24,004點，後來回升上24,322點，收報24,255點，升132點。期指收報 24,230點，升327點，比現貨低水25點，成交65,948張。國企指數則跌31點，報13,355點，大市成交只有637億元。

中環茶友話，呢兩日股市忽上忽落，相信月頭無乜大戶有動作，所以成交咁細，股市就游纒自由式，隨覑消息上上落落。

美國聯儲局主席伯南克話美國有通脹危險，令人相信聯儲局呢個月尾議息時唔會再減息，年底更有可能加息，本地銀行更暗示香港可能會較美國提早加息，但地產股無太大反應，個別發展。

亞洲央行齊加息

香港幾平靜，但其他亞洲國家一鱓都唔平靜，菲律賓和印尼央行同時宣佈加息，佢地主要受油價及食品價格急升之累，通脹高企，要加息推高幣值，對抗通脹。菲律賓央行宣佈，將基準利率上調0.25厘至5.25厘，是該國兩年來首度加息。菲律賓央行預期，當地08年通脹率平均為7.0%至9.0%。

印尼調高燃油價格，因為政府無法長期支持巨額補貼，亦希望藉提高油價減少需求，而印尼央行亦宣佈，調高指標利率0.25厘至8.5厘，以壓抑通脹。印尼央行預期，燃油價格提高後，當地通脹將於未來數月升溫，年底或達12.5%；印尼5月份通脹已達10.4%。

雷曼兄弟亞洲的首席經濟師Robert Subbaraman話，如今是繼10年前亞洲金融風暴以來，亞洲央行的最大考驗，因經濟放慢，但通脹又急升，它們要加息來對抗通脹，但此舉又對經濟不利。

除了亞洲之外，巴西、土耳其和羅馬尼亞央行都在近期加息，巴西央行更加息0.5厘，令利息加到12.25厘，巴西咁驚人鮋高息，當地經濟都好惡搞。

睇完亞洲多國動輒8%、10%的通脹，先知道我地已經相對幸福，雖然跟美國減息，但通脹問題卻不如人地嚴峻，香港4月的通脹率係5%，在咁低息鮋環境下仍然「只有」5%通脹，相對之下算係咁。雖然我地覺得食品價格升得好犀利，但阿爺應該已全力壓價，令我地享受到比其他國家較低的通脹。不過全球通脹係咁升，香港通脹仲有好大上升壓力。

至於阿爺，今個月中將公佈5月份通脹率，而估計會由4月的8.5%，回落到8%以下。亞洲多國已逼切加油價，因為政府無能力補貼咁多，內地加油價亦係遲早問題。

等油價急升吼中石化

熟悉內地情況的高人話，阿爺都傾向加番少少成品油價格，唔想零售油價和原油價格太脫節，但佢想等到通脹略為紓緩時才做，以免因為加油價推高通脹，若加油價，主要受影響的是獱私家車的中上階層，不過佢地俾得起，仲可以壓抑一纒用油需求，雖然不利汽車工業，不過都無辦法了，所以汽車股繼續受壓。不過阿爺可能會津貼番農村用油，因為好多農民用拖拉機耕作，政府唔想佢地負擔太重。

原油價回落到122美元一桶，受油價影響最大的中石化（386）[股價及相關新聞] 昨日大反彈4.4%，升上8.02元。不過遲纒若油價再上高位，升穿140美元、甚至去到150美元時，估計中石化又會插，到時不妨分段買纒中石化，博阿爺在今年下旬步其他亞洲國家後塵加油價，到時中石化就會受惠。

有形之手殺到鋼材股，中央限制救災鋼材的價格，鞍鋼（347）[股價及相關新聞] 、馬鋼（323）[股價及相關新聞] 及重鋼（1053）[股價及相關新聞] 跌3.26%至5.53%。連帶建材股亦普遍下跌，中國建材（3323）[股價及相關新聞] 跌6.1%、安徽海螺（914）[股價及相關新聞] 跌3.5%；早前大炒的災後重建概念股，而家又怕阿爺限制佢地發國難財。證明炒概念股，食夠就要走也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

築底         

2008/6/6 上午 09:50:38
網誌分類: 經濟

今天早上見到美股反彈２１４點，有朋友講起，乜美股咁兒戲o架，講幾句嘢，出少少數據，又話升２００幾點？我的反應是：「跌得多咪升囉，股市係咁上上落落啦，唔係人哋點搵錢，美股一日可以升１．７％，但全年升跌可能只有１０％，但中間就有好多起起跌跌啦。」

先睇吓啲表面嘢，美股上升的觸發因是石油股和零售股帶動。油價跌到１２２美元之後，昨日因美元回軟而急促反彈，升５．５美元，升番上１２７．８美元一桶。油股急彈，標普５００能源指數因而上升４．４％。

沃爾瑪及 Costco Wholesale Corp的銷售係證券分析員預期的高位，令零售股全線做好。美國勞工部公布上周新申領失業救濟人數減少１．８萬人，減至３５．７萬人，是過去一個月以來最低。美國明天公布的５月失業數字，將有更多啟示。彭博調查的經濟學者預計，美國５月就業職位會減少６萬個，失業率會由對上月份的５％，升到５月的５．１％。基金經理認為，若失業數字好過預期，就顯示經濟已趨穩定，而非不斷下滑。

在油股和零售股的刺激下，道指升１．７％，升到１２６０４點，打破過去４日的跌市。道指呢一浪尋底，由３月大跌後的反彈浪高位１３１００點跌下來，前一日試穿１２４００點，從高位回落了近５．５％，以一個中期調整來說，幅度已有相當，可能離底不遠，調整了咁多反彈吓唔奇，一彈就彈２１４點，插得急，反彈力度亦較大。

美股後向可以咁睇，１２４００點支持力唔錯，如今彈緊，當然可以再彈高，但亦不排除彈完再回，再試１２４００點，呢啲叫築底，如果再回調時不再大力插穿１２４００點，尋底就成功，呢一浪回調的底部就在這些點數。

油價亦是影響美股的一個因素，油價插得太急時，油股亦急跌，美股也會回。油價暫時未改向上之勢，但各國的回應行為都走向控制原油需求的方面。正如我在頭條日報專欄所講，亞洲各國紛紛調高零售燃油的價錢，由於多國過去都有津貼油品，但原油價格連番急升，一年升了９４％，亞洲國家開始頂唔順，被逼加價，印度本周已加油價，印尼昨天亦加價，台灣亦傾緊加價。

加零售油價自然會加劇通脹，亞洲國家的對應手段是約埋一齊加油價，又約埋一齊加息，加息會推高匯價及增加資金成本，有約束通脹的作用，不過就不利經濟增長。

仲有一條消息同油價有關，八大工業國計劃要求中國和印度一起，控制能源使用，因為日本相信若無這兩個經濟高增長的國家參與，全球節能的努力無法成功。八國在５月２６日開會承諾到２０５０年會減少５０％的廢氣排放，但認為要拉中、印兩國加入。國際壓力要求中國節能，亞洲多國包括印度已加了零售油價，中國加油價的日子看來也為期不遠了。

若包括印度、中國在內的亞洲各國加油價，顯然會減少油品需求，長遠會對油價有壓力，看來回應高油價的反作用力，已慢慢在形成中。

後記：下周一端午節網誌休業一天，下周二見。

陸羽仁

http://www.hkheadline.com/blog/r ... rd=&searchtype=

Mr.Business

2008/6/10 上午 11:03:17

陸羽仁覆網友

Scotfold, 小肥魚：越南和其他亞洲國家，開始面對類似亞洲金融風暴的衝擊，即係經濟吹大後有爆泡之危，但唯一唔同係當年美國無事，隔岸觀火，推波助瀾，但今趟美國的鑊都好大，有事佢帶頭撲火，撲唔撲到唔知，但起碼唔會推波助瀾，叫世銀和國基會來勒你，等你死快啲。

小肥魚千祈唔好去撈越南概念股，佢地本來己係假嘢，而家越南爆，佢地爆得更杰，即使有反彈都唔好去博，因為呢啲股一係唔死，一死隨時跌８、９成。

Alan Y:越南股市唔係一日跌，係今年至今累計跌６成幾。

小潘：馬來西亞衰多一樣，政局不穩，上任總理唔乃奇現任總理，要玩到佢下台為止，民眾抗議好易越搞越大。馬幣匯價有下插之險，要忍手唔好而家搬錢去買樓。

泓富和越秀房託比，我會買越房，假定你係一個投資１０年的長線投資者，假定買完之後股災，兩隻都跌５０％，越房處於中國大陸經濟高增長區，長線上番買入價的機會較大，速度較快。短炒另計。

S2000:印度、越南下跌，對渣打有負面影響，唔好定目標價，唔好太快去買，最好等證券行報告出埋，唱衰之後，等佢跌定啲才再買。

CCB:國航等佢跌深啲，等佢穿５元才分段吸，唔使咁急。地鐵盈利有壓力，因為通脹高，佢又唔可以加價，地產又受制於大市，應該已見高位。買公用股買煤氣好啲，買地產股等長實新地跌深啲再算。

中交建之前有大戶圍住來炒，懷疑散了貨，所以股價走勢幾弱，斬倉都唔係壞事，或者斬一半，然後等一等，等低位買入H股指數，分散風險，我怕佢跑輸指數。

白穗禮：３０．８元買入國壽，問沽唔沽好，我話先要問自己短線或長線，長線不一定要沽，短線跌到１０％即斬。

Bdroom:加息吹吹吓，美元強番，中線仍有利股市。

股海淘金：震倉和急插唔易分（本來有好多技術因素可以分），但簡單點講，你唔好去分，炒股跌夠１０％要走，若次次買入都被人跌１０％震走，之後又彈番，就係你買入時機不夠好，下次改善買入時機，通常係買慢啲，忍吓手，唔係好低唔買。

志強：孖展認１５萬重機，照計唔會俾哂你，但會認到比想像多的股份，下次在大市唔靚仔時，唔好用大孖展認股，可以一舖輸死你（當認著一隻更雞的股票時）。

Wawa：你５．２８元入中信銀行入，我叫你在買入價止賺，即係話跌到５．２８元時打靶。

Twohitsix：你買了原油期權，同時買了認購的Spread和認沽的spread，策略可以，因為油市在大波動中，波動時買期權，平靜時沽期權，是較好的策略。

Mr.Business

注：此篇文章版权归香港頭條網所有。

生活智慧
2008年6月10日

CFA考試終於在剛過去的星期天完結了，在會場裏看見很多本身學科不是金融或者現在職業跟金融沒有直接關係的朋友。他們都希望可以藉覑這個考試從而轉到金融行業裏面，可以想像香港金融業的競爭將會愈來愈激烈。從好的一方面去想，便是此行業的水平將會愈來愈高。不好的地方便是行業不平衡，所有最叻的人都為了賺錢去了金融業，金融業便愈賺愈多，其他行業的薪金水平卻只能停留在某一位置，這樣的社會分歧只會愈來愈多。

社會分歧愈來愈大？

內地很多東西的物價已經達到了香港的水平，有人問為何內地還不發行一千元面額的大鈔。Victoria認為這與內地貧富懸殊問題仍然嚴重有關。

如果你是農民，生活中的交易最多用的只是十元、二十元的話，一千元對於你來說，根本是遙不可及的一個銀碼。生活於這種環境下，沒有外面的資訊，你不會想太多，只要每個月夠吃，便已經很滿足。但是如果中央發行一千元面值的大鈔，你便會知道原來外面的生活是比他們富庶得多。

當人開始領略到原來自己有多貧窮，但又沒有方法改變時，他們便會覺得不公平。這樣的社會便會容易出現分歧。試想想內地有多少農民，正如溫總曾經說過：「無論多麼小的問題，只要乘上十三億，就是很大的問題。」所以不發一千元面值的大鈔是有它更深一層的考慮。

本地零售依然強勁

一連三天的假期，Victoria都在外面吃飯，差不多每一間食店都要排隊。沒有現金時，去有銀通服務銀行提錢，又是差不多每一家銀行都給人提乾了。根據《師奶股神》的選股生活智慧，可以想像本地的零售行情依然強勁。Victoria是一個戴錶之人，但卻對手錶沒有甚麼研究。近日留意到了一隻本地手錶股，便是先施錶行（444）[股價及相關新聞] 。早前這家豪華錶零售商公佈○七年業績，因瑞士法郎升值，利潤受到匯兌虧損八千零五十萬港元的影響，純利大跌至三千四百萬元。如果不包括匯兌損失，其實集團的增長是非常厲害，銷售額增長了五成六，稅前盈利更增長七成二，至一億二千二百萬元。以一億二千二百元來計，集團現市盈率為四倍左右。

先施錶行銷售理想

瑞士法郎於四月暫時見頂，Victoria不敢說它不會繼續升，但只要集團願意做一些對沖，虧損已經可以不用那會慘。集團的應付貿易帳款帳齡是超長的，說明了集團是向母公司拿貨，甚麼時候付帳根本不是一個問題。而另一個更值得投機的重點是去年宜進利（304）[股價及相關新聞] 收購了先施錶行的母公司，宜進利是一家長期可以做高市盈率的公司，自然有它本身的理由。

現在宜進利手上拿覑一隻塑造性那麼高的股票，它又怎麼可能會錯過？

王雅媛

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——油災
2008年6月10日

油價上周五一日升10.75美元，升到138.54美元，美股應聲狂瀉，杜指上周五急跌428點。受美股下跌拖累，亞洲股市普遍下跌。日經平均指數收市報 14181點，下跌308點，跌幅2.13%。新加坡海峽時報指數收報3,084點，跌幅近2%。截至今晨十二時半，杜指報12,304點，升94點。雖然美股回穩，但以上周五的格局計，油價急升，都有少少災味。

美股回穩災味仍有

美股當日急跌，原先主要是失業數據差帶動，美國公佈5月失業率高達5.5%，遠高於市場估計的5.1%，這是22年以來最大的失業率升幅，消息一出美元急回，兌6隻主要貨幣的美匯指數當日跌0.9%，美元回落刺激油價彈升。

另一個令油價急升的因素是戰爭風險，以色列運輸部長Shaul Mofaz對媒體話，如果伊朗不放棄核發展計劃，以色列會襲擊伊朗。Shaul Mofaz是以色列總理角逐者之一，講話有一定份量。他喊話之後，美國國務院回應低調，並無發言澄清，更令人覺得以色列的確有意攻打伊朗。陸羽仁過去講過，油價早兩三個月開始陰陰升，其實是有人密密吸，暗中在反映戰爭風險，現在以色列高官講到出口，更令大量早前在油價急回至122美元時造了淡倉博油價跌的炒友，急急平倉。

戰爭風險推高油價

淡倉止蝕盤湧現，才造出上周五最大的油價單日升幅，最多升了11.33美元，曾高見139.12美元，油價在98年只是10.72美元一桶，上周五的一日升幅，已高過10年前油價的總值！油價升得咁急，又倒過來影響股市，搞到美股急插。美林證券估計，油價每升10美元，美國經濟增長將會減少0.5個百分點，美股就係在高失業和高油價雙高打擊下，大幅下插。美國第二大證券行摩根士丹利估計，油價在一個月內會升上150美元，大摩以航運數字推算，亞洲正從中東買入破紀錄數量的原油，除了美元疲弱之外，亞洲需求亦會推高油價。

大炒家索羅斯早前警告，油價有泡沫，若油價急跌，會引起金融市場混亂，令美股和環球股市大跌。陸羽仁就話，若油價不爆，仲係咁不斷上衝，環球股市爆得仲快。因為油價急升、糧價急升，令世界各地通脹失控向上，政府過去補貼油價，如今也無力補貼，被逼加油價，但加油價又令通脹進一步升溫，唯有用加息等手段控制通脹，結果令經濟急促冷卻（或出現停滯膨脹），外國資金逃跑，刺穿股市泡沫。

越南爆災影響亞洲

這種災難開始在亞洲出現，印度上周加了10%油價，國內抗議不絕；馬來西亞加油價40%，罵聲更烈，群眾上街要求首相巴達維下台。不過論危機卻以越南最大，上月通脹率高達25.2%，到達失控地步，越南已爆發金融危機，今年至今股市已急跌65%，顯然是一個股災，若越南不是社會主義國家，沒有外匯管制的話，資金早已失控性逃亡，情況更加一發不可收拾。越南若不能夠控制通脹的話，其股市將會跌之不完。

越南爆災之後，不止香港一眾越南概念股急跌，亞洲各新興市場的貨幣連日下跌，外資開始玩競猜「誰是下一個越南」的遊戲，在大摩出身的獨立經濟研究員謝國忠就估，印度會步越南後塵，爆出金融風暴，因為印度如中國一樣，對成品油實施價格管制，印度煉油企業每星期虧損10億美元，一年蝕520億美元，油價愈高，蝕得愈多，一旦印度頂唔順要大幅加油價，將令通脹急增，接覑就被逼實施緊縮政策，熱錢一走，對印度打擊很大。

印度的財政年度在3月底結束，上年度的經濟增長是9%，是2005年度以來最慢，印度財長估計本年度增長將會進一步放慢至8.5%，印度通脹率為7.9%，這樣搞下去，又會陷入一個高通脹、低增長的時代。

加準備金再凍熱錢

香港通脹率5.4%，在亞洲內已屬偏低，但千萬不要以為亞洲其他地方爆災，與香港無關，同區國家爆災爆得厲害，資金從亞洲出逃，整個地區都受影響。97年亞洲金融風暴都係泰國先出事，香港早期好似不受影響咁，慢慢才燒到香港，我唔係話今次香港一定有事，但我懐睇亞洲其他國家的事，不要好似事不關己那樣，要小心留意亞洲有幾大鑊，睇纒外資點睇，研究纒會唔會燒到香港。

當然，我都首先要睇中國和美國。中國繼續落藥宏調，人民銀行在端午節前夕，突然宣佈上調存款準備金率1個百分點，升到17.5%的歷史高位，即是銀行收 100元存款，要保留17.5元不能借出街，等如變相抽走市場的資金。今次調高存款準備金分本月15日和25日兩次執行，每次調高0.5個百分點，這是今年第5度上調存款準備金，亦是去年12月以來，再次一加就加1個百分點，平時多數只調高0.5個百分點。市場估計今次調高存款準備金，會把銀行體系內 4000億熱錢凍結。

內地加存款準備金，通常有針對性，一般貼近公佈通脹數字時採取行動，而5月的通脹數字會在月中公佈，今次提早咁多加存款準備金，而且一加就加1個百分點，動作都幾大，一般估計有兩個原因，第一是通脹數字唔靚仔，雖然外界估計5月通脹數字會顯著回落，若回落幅度未如預期，可能都要事先落藥。第二是亞洲地區的金融比較動盪，中國為防風險，先行出力凍結資金，跑在風浪前頭。

在中國連番凍資後，銀行股表面最受壓力，其實真正受衝擊最大的是內房股，因為央行加存款準備金，等如銀行可以貸出街的資金減少，據銀行界高人話，內地銀行的回應是加貸款利息補數，即係貸款減少，高息貼夠，借貸人只要借到錢，高高息都肯付，阿爺亦不介意銀行貸款提高利息，因為此舉和中央想控制銀根的方向相符，所以資金充足的大銀行，受加存款準備金的影響較少，只是規模較細的銀行資金不足，受的影響較大，但同樣可以加番貸款人利息補數。真正受影響的是借貸高的內房股，因為樓市好呆，賣樓不易，但搵銀行貸款搵朝唔得晚，隨時閂水喉，借到都要捱貴息，而且資金條鏈一斷，公司有倒閉危機，所以內地地產商自己講，呢次係淘汰賽，話唔埋會有地產公司關門。

調整未完先行忍手

內地為防通脹，控制價格不手軟，瑞信董事總經理陳昌華就估計，內地食品價或已見頂，下一輪通脹將由工資增長和原材料價格上漲所推動，他認為下一輪格價管制的對象好有機會係化肥。獱住化肥股的讀者要小心，雖然化肥股早前已急插，但價格管制殺到時，又有一浪向下。

現時環球股市走勢，頗有風雨欲來的味道，美股杜指跌穿12,400點後反彈，但築底失敗，轉眼又急插至12,200點，跌勢未止，跌得咁急短期或有反彈，但小心彈完再跌。內地股市在宏調聲中反覆向下，不排除又要試番3,000點的政策底。亞洲股市好亂，若有一兩個股市爆出急跌之災，又會影響整個地區。

睇宏觀，最大病因是油價，若油價還不斷試高位，呢一場油災，勢將影響環球經濟，政治亦會大亂，在咁鮋背景下，股市好難睇好，唔急跌都偷笑。美股大跌，內地宏調，港股亦會跟住插，但散戶撈底也不要撈得太快，睇鈬個市還會跌一段，無咁快會跌完。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

口術         

2008/6/10 上午 09:32:39
網誌分類: 經濟

上周五油價大升１０美元和美股大跌４００點，惹起美國政府注意，開始出口術救市。

先睇美股，麥當奴的銷售上升，加上油品股上漲，刺激美股早段升過１２０點，但第四大證券行雷曼兄弟宣布第２季有２８億美元虧損（２１８．４億港元），同時集資６０億美元（４６８億港元），由於佢賣出的普通股和優先股比上周五收市價有１３％折讓，令雷曼股價大跌８％，拖低金融股。

再加上紐約儲備銀行主席Timothy Geithner話全球有「非常大而實質的」價格上漲；而達拉斯儲備銀行主席Richard Fisher話決策者慢慢要理解加息的可能性。這些言論令人覺得聯儲局在下半年會加息。利率期貨交易顯示，早前只有２６％的市場人士相信聯儲局在９月中會加息，由昨天則急增至４９％。美股視加息為壞消息，道指一度倒跌１０幾點，最後反彈，道指升７０點收場，升幅０．６％，收報１２２８０點，叫做有少少反彈。

你拉闊少少去睇，就知道兩個儲局成員齊齊出來講美國有可能加息，應該係一個有計劃的合唱。更關鍵的人物係美國財長保爾森，佢接受CNBC訪問，話佢不排除任何支持美元的政策手段，包括入市干預支持美元匯價。

保爾森話，「我永不會將干預匯市、或任何政策，從選擇中剔除．．．．．我不能猜測我們會做或不會做甚麼。」佢又話美國長遠經濟基本因素比起世界其他工業國，甚有優勢，這將會在美元匯價反映出來。保爾森將在本月１４日到日本參加８國會議，在會前咁喊話，更令人聯想８國集團會唔做為弱美元做啲嘢。

布殊任內未曾干預匯市，美國政府上一次入市支持美元要追溯到１９９５年，而克林頓總統任內就曾在２０００年參與多國入市支持歐元的行動。在保爾森講話後，美元應聲彈起，兌歐元升０．９％，升至１．５６３４，兌日圓亦升１．２％，升到１０６．２２，叫做頂番起美元匯價。

不要以為這些官員講話係隨意行動，佢地係出緊口術救市，上星期油價咁急升，美股又大跌４００點以上，已有災味，美國財金官員要急急出來救災。油價急升的近因係美國失業數據唔好令美元急回，觸發油價大升，所以美元弱係油升股跌的主因，要壓住油價頂住股市，亦要從頂高美元做起。

保爾森接受CNBC訪問，隨時係臨急安排，吹吓「干頂匯市」之風，又叫埋兩個儲局理事出來，暗示吓下半年可以加息，又係支持美元匯價的消息。這還不止，仲要叫沙地阿拉伯一齊出來出口術，沙地能源部長納伊米出來講，話油價己升得不合理，暗示會增產。大家都知沙地係美國的馬仔，布殊隨時一個電話打過去，叫沙地派人出來吹吹油價淡風，沙地受美國軍事保護，唔願意講都要講。

美國官員搞到身水身汗，叫做頂番高美元匯價，推番低油價，紐約期油在美國市跌番４．１９美元，但在亞洲市又彈番高近１美元。

港股昨日無市，日股昨日跌３００點，跌幅２．１％，收１４１８１點，今早跟美股反彈，彈番６４點。港股難免一插，匯豐在美國預託證券跌３％，跌到１２８．２８元，中移動在美國則跌３．９％，跌到１１０．９６元。

美股仍處弱勢，美國官員大力救亡，行動頗快，未知能否止住跌勢，港股短期仍積弱，上半個月要反覆尋底。

陸羽仁

http://www.hkheadline.com/blog/r ... rd=&searchtype=

Mr.Business

2008/6/11 上午 11:01:05

陸羽仁覆網友

YY太及Catc等：你地問到樓市，利息中線向上，對樓市感覺唔好，但通脹令租金上升，對樓市有利，樓市升咗５年，小心升到第６、７年就回，所以長線投資者唔好買貴樓，即係邊個６萬元一呎買了山頂樓必定後悔。但有番５年以上樓齡齡的二手樓價錢尚在中高位，１０年以上樓齡在中間位，不排除會再升，因為土地緊缺，經濟唔死就會升。我對自住用家最難講，如Catc你俾１．２萬元租，你買樓自住只係付了首期，以後供樓等如俾而矣，若住２０年，就等如只俾三成，另外七成有人幫你俾（即係你那筆已出之物的租金），即使樓價打回原型，跌番２０％，超長線計都係除笨有精。Yy太你細樓買唔樓，主要看他是否需要租樓住。

但如果買大樓，炒豪宅，就要小心，若唔係自住，樓市一回，又要幾年才見家鄉。

長實大力沽樓，因為佢老細睇淡股市，睇好油價，怕大市回佢今年都賣唔到樓，所以爽手去貨。

Piker:地產股睇半年一年應該都應該ok，睇得長就睇難講了。要買買龍頭如新地長實好啲。抗跌力強少少，但升無升得咁多。

Ray:投資的我見大市穿２３０００點，可以分段入市。投機的我唔係淨係睇點數（除非見到狂插到２１０００點），要睇住走勢和外圍（美國及中國），另外一個因素係時間，好多人入市太快，一跌就追入，未夠時間大市跌夠，買完都會大跌，通常跌開有條路，俾啲時間佢跌，到１７、１８日打後又會好啲，到時才決定追唔追。

三心兩意：你得一注錢，問我乜叫跌深啲，只得一注宜保守一點，只能把入價定低啲，例如恒指到２２５００點才買。

金融猛人觀察緊保爾森和伯南克的動作，就是我這一兩天寫的東西，睇吓佢地有無力扭轉美元弱勢，若然成功，是一個轉勢市，若不成功，油價失控，可以係災難，佢相信有７成機會３月那一跌已是美股之底。

小潘：匯豐應不會見１００元咁低啩，要出現咁情況，就要美國佬救市失敗先至得，你定１００元入，會幾安全，但買到貨的機會低於５０％。

Gigi:４０５俾阿媽持，股價下跌，我反而認為是入市機會，最好等佢跌甘啲先至入，越房是reits，潛力和風險睇得較清楚，從越秀的角度，將房託資產沽走，投入房地產，會高有幾倍的回報，這也是一眾地產公司沽reits出來賣的基本原因，照計不特別可慮，但不排除越房會跌得深啲。

Bdroom:我話油股跟油價，金股跟大市多啲，主要因為我講的油股是巨股，如中海油，佢無乜人為操控因素，會跟油價貼啲。但金股較細隻，個別炒作味好濃，好多時借勢炒，有時借金價，有時借大市，有時借上A消息，所以唔係完全跟貼金價。

Henry:香港係資本主義社會，機會好多，唔好怨貧富懸殊，要先問自己夠唔夠博，你有無身兼兩三份工，番工有無博盡做，你好似做老師，如果夠博，可能博到長工，博到升職都講唔定，至緊要肯俾上司搵笨，咁就易啲出頭。博盡做咗十年，一事無成，先至怪你要食有小強的飯盒，而人地就「咁好彩」食鮑魚啦。

Wuwu:１１５元入的中移動，１１．５８中石油，捱吓都有機會見家鄉。

Chuchu:１８．９８元入中煤，現價斬倉太遲，唯有等吓。

S2000:你又話揸渣打１０年，一見佢跌就咁嘈，你入價唔高，應該可以守吓。

Siu Fai:買熱門嘢有風險，當時買印度基金也一樣，但佢而家發發地燒，而家沽又可能沽了低位，等吓啦。新地１２７元，又係嗰句，守吓啦。

[ 本帖最后由 Mr.Business 于 11-6-2008 01:48 PM 编辑 ]

Mr.Business

注：此篇文章版权归香港頭條網所有。

金融High Tea——一係唔跌 一跌會過龍
2008年6月11日

美股早一晚喘定，但港股仍然急跌，恒指大幅低開713點，見23,741點後，無力企定，反覆下插，下午低見23,343點，最後以近全日低位收市，收報 23,376點，急挫1,027點。在現貨收市後，期指再插，收報23,221點，重挫1,216點，比現貨低水155點，成交74,572張。內地股市大跌，國企指數亦急瀉723點，收報12,790點，大市成交822億元。

大市低開700點，最後跌逾1,000點收場，期指更跌夠1,200點，正如陸羽仁昨日估計，呢鱓市無咁快跌完，撈底唔好心急，如果昨日一開市見跌咁多就撈，去獱期指，就馬上唔見鰦400幾、500點。

上周五油價大升美股大跌後，美國政府已聞到災味，全力救災，齊出口術，財長保爾森接受CNBC訪問，話不排除任何支持美元的政策手段，包括入市干預支持美元匯價。再加上紐約儲備銀行主席Timothy Geithner話全球有「非常大而實質的」價格上漲；而達拉斯儲備銀行主席Richard Fisher又話決策者慢慢要理解加息的可能性，皆令人覺得美國可能加息。這些言論主要為鰦頂高美元，結果上一晚美元反彈鰦近1%，油價亦插番低4美元。而美股杜指早一日亦反彈番70點，叫做穩定番少少。

23,000點唔易守

中環茶友話，今次跌市可能同3月有鱓異曲同工，美國跌到咁上下就頂住，但香港就跌得好甘。陸羽仁月頭都講過，有跡象外資大手沽紅色股，既然老外沽鰦貨，他們自然會踩多兩腳，踩到你深鱓才施施然買番，23,000點關口唔易守。

所以我叫大家莫心急撈貨，小心彈一彈又插，起碼要等佢跌深鱓才好開始分段買，因為今趟美股因為油價大升而急跌，亞洲各國深受高油價的壓力，有點災味。多國入市干頂匯價，泰國央行證實再入市干預泰銖跌勢，並稱如果泰銖繼續反覆，當局會再次入市保持泰銖匯價穩定。該行總裁助理SuchadaKirakul更表示，多達4個海外投機者曾試圖押注泰銖下跌。泰國官員咁講，即係話有大炒家在炒泰銖貶值。

另外，市傳印度央行曾於昨日干預匯市，在42.92盧比附近沽出美元，以阻止盧比下跌，市場人士指外國投資者拋售印度股票，調資離開，拖累盧比下跌。

在亞洲金融局勢未定下，港股仍然是易跌難升，股市一係唔跌，一係跌過龍，正如德國股神科斯托蘭尼所講，股市如一隻失控小狗，主人拖住行，牠不是走得太快，就是走得太慢，永無和主人同步前行。如今港股這隻小狗要掉頭走，唔走一段不會番轉頭。港股昨日跌鰦過千點，不排除會彈一彈，但彈完要再尋底，唔會咁快當無事發生。順便講句，越南概念股跌得好甘，但千祈咪去撈，因為好多股無乜基本因素支持，會跌個不停。

越南概念唔好撈

另一個拖住港股的因素係內地股市，內地股市承接周一亞洲股市的跌勢，在端午節後復市急挫，上證綜指報收3,072點，跌257點或7.7%，有過千隻股跌停板。上次內地股市跌穿3000點時，減印花稅救市，但內地市反彈後，又試跌近3000點呢個「政策底」，未知守唔守得住了。

當大家留意內地會唔會加油價時，發改委副主任張國寶話，暫緩成品油價格改革，有利穩定社會及經濟，中石油（857）[股價及相關新聞] 及中石化（386）[股價及相關新聞] 難望短期內上調成品油出廠價，股價急挫5.46%及5.94%；中石化旗下的上石化（338）[股價及相關新聞] 及儀徵化纖（1033）[股價及相關新聞] 跌9.9%及10.2%。

跌市中弱股跌得多，中移動（941）[股價及相關新聞] 跌3.9%已經算硬，另外三大電訊股仲傷，聯通（762）[股價及相關新聞] 跌8.3%、網通（906）[股價及相關新聞] 挫9.6%、中電信（728）[股價及相關新聞] 跌5.2%。早前追入電訊股者，若果見好消息出貨仲唔識走，而家又有排扮蟹了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

口術（２）         

2008/6/11 上午 09:32:56
網誌分類: 經濟

美國佬繼續表演口術救市，仲有相當成效，美元急彈，兌歐元升上１．５４，兌日圓升上１０７．４，油價急回到１３１美元，而金價就大跌到８７１美元。

人人都知油價大升的基礎因素係弱美元，喺美國減緊息救經濟的時候，講乜都無用，市場都唔知美國幾時減完息，見佢經濟又弱，自然不斷沽美元。好啦，到美國減完息之際，就有條件開始做嘢。陸羽仁見今次美國財金官員咁大行動唱好美元，有理由相信這是有部署的行動，美國高官在上週五突然見到油價大升美股急跌，咁就提早開場啦。

昨日輪到聯儲局主席伯南克出場，佢出席波士頓儲備局會議時話，「經過上一兩個月之後，美國經濟大幅倒退的風險減退。聯儲局公開市場委員會會強硬對抗長線通脹增長的預期。」

聯儲局副主席 Donald Kohn及達拉斯儲備銀行主席 Richard Fisher今日稍後將會講話，市場上預期他們會追隨伯南克的口徑，將注意力放在通脹之上。市場人士認為，伯南克等聯儲局官員把通脹看成主要議題，將改變整個地貌，市場將會把注意力放在何時加息之上。

美國財長保爾森繼續吹他的「干預論」，話美國無排除干預匯市。由於美國即將和中國展開戰略經濟會議，保爾森再向中國施壓，要求中國把人民幣升值，以及開放油價，佢話人民幣自０５年７月，升值差不多二成，但仍然未夠，中國未為人民幣匯率全面開放做準備。佢又話，由於中國控制油價，所以柴油持續短缺，中國應該放開對油價的管制，佢話美國在７０年代曾干預油市，結果令鍊油投資減少，國家終於受害。保爾森叫中國這個用油大國加油價，若中國言聽計從，將令石油需求明顯減少，有利油價回落。

在伯南克和保爾森出完口術之後，美國加息預期大增，而家講講吓仲講到呢個月聯儲局議息都有可能加息，利率期貨交易顯示，一個星期前無人估計呢個月會加息，一日前只有６％人相信呢個月會加息０．２５厘，到昨日已有１８％人相信呢個月會加息，雖然１８％唔算好多，但證明保爾森和伯南克出口術十分湊效。而相信９月加息的人，更由５８％，急升到７９％。

油價亦大波動，在紐約市的早段，期油價格曾因國際能源局的數據急升上１３８美元，但伯南克講話後，美元急彈，油價馬上回，期油一度跌近１３０美元，比高位回落７美元，在美國市收報１３１．３１美元，跌３．０４美元。

美股在油價回落及可能加息的情況下好淡爭持，道指在伯南克講話後，因為市場憂慮加息，跌過７３點，後來因為可口可樂被投資機構調高評級，市場氣氛好轉，刺激道指向上，最多升８８點，尾市又回，收報１２２８９點，升９點。

美國現時在一個轉角市，美國佬盡量減息，刺激經濟，頂住次按危機，任由美元下滑，因為弱美元亦有助出口，佢地盡量想將減息期拖長，因為佢地唔怕受通脹影響，就透過弱美元刺激通脹，等如將痛苦出口。但美元太弱，油價狂升，已成為全球高油價高通脹的根源，又調轉頭影響美股，所以美國佬出口術唱番好美元，相信暫時不會加息，但下半年都可能要加，若美國經濟穩定下來，美息又開始上升，美元就可能見底反彈，炒其他外幣的風險大增。相信美國在月中８國集團高峰會或有動作支持美元或推低油價，油價可能離頂不遠。

今次亞洲多國金融出事，根源是高通脹和高油價，和上次９７年的亞洲金融風暴不同，上次美國睇亞洲出事時，隔岸觀火，睇住你死；今次美國和亞洲面對相同處境，因為高油價及通脹轉眼又會燒到美國，搞到佢都要出力撲火，亞洲力量咁細，根本無力影響油價和全球通脹，但美國有機會搞番掂美元，推番低油價，所以今次未必會演出上次那樣的亞洲金融風暴。

港股較弱勢，相信彈完仲有得跌吓，若你信美國佬有能力搞番強美元，咁港股再大跌就係買貨的時候，等吓佢插穿２３０００點，就不妨買吓貨啦。

陸羽仁

http://www.hkheadline.com/blog/r ... rd=&searchtype=

Mr.Business

2008/6/12 上午 11:25:05

陸羽仁覆網友

小潘，牛腩、達爾、tom 大少、Dr 168等：環球形勢的確嚴峻，你睇我今日頭條日報專欄都講，阿爺都嚴陣以待，唔理得股市跌。你問我有無可能大熊市到來，我話只要美國等大國應付得唔好，絕對有可能。

美國唔係無招，關鍵是出招整番強美元，加息、削赤、國際干頂匯市都係方法，但過去美國佬自己唔制，其他國家逼唔到佢，你想吓如果八國聯軍一齊話入市支持美元，你又估會點，問題係美國肯唔肯，你話美國經濟好差，對唔住喎，第一季仲係正增長，仲威到要向上修訂，大家記唔記得，衰退的定義係連續兩季負增長，佢一季負增長都未有，又何來衰退？美國點解有正增長，因為弱美元增加了出口，又減少了入口，所以佢老大都等美元弱耐啲，等佢賺多啲，來頂次按那筆數。佢唔理糧價升會餓死人架。但油價升到佢都頂唔順，或者歐洲壓力好大時，或許就逼到佢出手了。

如果美國加全世界出完手都救唔到美元，就有大熊市，否則只係玩吓熊仔，搵大家笨，叫全球幫佢找數啫。你睇美股最多跌咗幾多，香港又跌咗幾多？

小潘：若只得一注，中線兩三年可能滙豐好啲，但最好等大市跌深啲才入。

Torreskh:５元入的中電信，最好等反彈少少先止蝕，因為中電信炒完電訊業重組無哂概念，跌後唔再大插都只會橫行，沽完佢套回現金，候低再入招行。

Siu siu:有中鐵和中交建，入價較高，短期難見家鄉，想換馬到A50、國壽或中移動，或者趁反彈先沽其中一隻，分散吓風險，等吓大陸股市會唔會去到２７００點，到時才買吧。

Suki:追入A50略嫌太快，我怕佢未跌完，或等反彈到買入價先沽，候大陸市插深點再買。

阿草：中海油想沽，等大市彈一彈時才沽吧，想轉入A50，也不用太急，可以等佢跌深少少。

Yuki:盈富基金當日出現大手成交，市傳有基金大手出貨所致。想買A50候低少少，最好分注，例如分２７００點，２５００點入。

想買高息貨幣要小心，美元即使未升，或已見底，紐元有減息可能，只宜逢高沽之，不是買入的時機。日圓如早前所講，有機會移高到１０５至１１５的區間炒作。

聯儲局月底唔減息，可能再唱加息之調，美元唔似會跌。月底基金粉飾效應可能只有５００點左右，問題是先要跌到乜位，最後才升番啲。

高手本來同時沽好倉和沽倉的spread,在美股跌４００點之後，已全線轉淡，未食糊。

Bdroom:你問我話「美股如急跌穿２６０００點，２４０００點，要走鬼」，同「跌得愈急愈快見底」，兩者好似有矛盾，其實無矛盾，而家正正出咁情況，美股插落來好急，你在穿１２４００點時唔走佬，愈時唔見多５００點，佢跌穿埋１２０００點一啲都唔奇。但佢咁急跌，又好難跌一兩個月，若唔係大股災，可能跌半個月就見短期底，唔同陰陰跌咁會拖好耐。但急跌市最後一跌會好快好深，你撈得太快可能中重鎚。

刀劍笑：似呂奇唔多好，佢老來主要拍三級片，等我叫網管幫我整整容先。

Wawa:你錯過咗中信銀行５．２８元的止賺位，但我見你中石油、中石化蟹貨太多，若彈一彈不妨先止蝕信行，博佢低啲先要買番，買唔番都唔緊要，你太多蟹貨，升市對你仲有利，關鍵係減少跌市的損失，同埋保留子彈。

Kfc:你想在跌市建立組合，我認為入市手法比研究行業比重重要，唔好太急，唔好一注買哂，分唔到比重就買指數基金亦可，但要避開內房股。

Alan Y:現時只是１２號，呢個月仲有得跌，想入市都唔好大大注。

Space Ace:七月頭才去日本，唔使咁急換，日圓唔似會大升。

新手Roro:想在２７．５元入國壽，要等吓，有錢最好分兩注入。

譚太：想月供港鐵，佢可能高位已見，受通脹壓力，車費又不能加，未必能跑贏恒指。

花太:有滙豐可以唔理大市,一直收以股代息。

Mr.Business

注：此篇文章版权归香港頭條網所有。

金融High Tea——內地防風暴迫出跌市
2008年6月12日

港股在大跌日後反彈乏力，雖然美國官員出口術後令美元急彈，油價下跌，美股初步穩住，但恒指未有上升，昨日低開87點，跌至23,178點後，反彈上 23,486點，但下午內地股市再插，港股回軟，收報23,328點，跌48點。期指在尾市幾分鐘急插，收報23,215點，跌6點，比現貨低水113 點，成交62,049張。

聯儲局主席伯南克話，「經過上一兩個月之後，美國經濟大幅倒退的風險減退。聯儲局公開市場委員會會強硬對抗長線通脹增長的預期。」伯南克一講，市場預期美國在9月加息的機會大升，美元進一步反彈，油價回番，叫做暫時撲低鰦油價急升的大火。

不過美國定鰦，另一邊廂又起火，內地股市在上日暴跌後繼續走弱，上證綜指一度跌破3,000點，最後收3,024點，跌48點，跌幅1.6%，深圳成份股指報收10,458點，跌307點或2.9%，兩市成交額共計827.23億人民幣，比昨日同期萎縮一成。權重股如中石油、中石化A股繼續插，另外受宏調和油價影響的股份都再插，房地產板塊繼續大幅做空，航空、汽車等交通運輸板塊亦跌幅深重。

防範風險成為要務

見到內地股市又跌到3,000點，呢個叫做「政策底」和「技術底」，到底呢個點數係唔係守得好硬？我特別搵到熟悉大陸股市的高人問纒，發覺有鱓隱憂。高人話呢一浪急跌由人民銀行上周末公佈加存款準備金1%所引發，市場完全預唔到會在月中公佈通脹率前加存款準備金，而且一加就加一個百分點，又遇上美股大跌市，所以就觸發暴跌，和港股互相拉扯向下，成為區內跌得最多的股市。

高人話，阿爺突然出手大加存款準備金，主要看到越南有金融風暴的風險，越南有匯價管制，越南上月底提高了匯價波幅，也只是在正負2%之間走動，但越南盾的一年期不交收合約已貶值35%，股市暴跌，息口大幅飆升，整個經濟陷入混亂，連帶泰國等地區都出現波動。

越南出事，主要原因是外資先前吹得當地前景天上有、地下無，大批資金湧入，形成經濟過熱，成為典型新興經濟的發熱病，當通脹無法收拾，央行加息，外資齊齊撤出，成個經濟跌鰦落地，出現災難式的收縮，呢個情況在九七年金融風暴發生過，在南美洲國家一樣耳熟能詳，但今次特色係，由越南流出的資金，有部份相信流鰦入中國內地，令到內地擔心會受到熱錢忽入忽出的衝擊。

熱錢湧入內地，聽講已經發生鰦，但這些游資只係停泊在銀行體系之內，並未用來買股買樓，高人話，內地「管理層」上個星期決定分兩次調高準備金一個百分點，作用就係用來「索水」，既然熱錢泊鰦入銀行體系，阿爺有見及此，立即祭出加存款準備金的招數，先索走這大筆游資，加一個百分點準備金，已經等如索走四千億元，結果就令到股市即時受消息影響跌鰦落鈬。

「鐵底」都要受考驗

越南出事，即時影響係改變了內地管理層的優先次序，現在把防範通脹、防範金融風險放在第一位，至於股市想不想保住呢？答案當然係想，但係當前形勢，已經逼住要先理掂通脹同金融風暴的威脅，情形好似打博擊，本來用緊雙手對付一個敵人，突然間殺多了一件猛料敵人出來，阿爺變鰦腹背受敵，開始有鱓狼狽。

高人話，係非常情況下，管理層已經同基金透風，叫基金不要沽貨，估計基金大致都會聽話，問題係散戶會不會基金唔沽我去沽，若然基金沽貨，管理層都制止唔到，依家比較令人擔心的，是內地散戶人心有小小浮動，係處問緊阿爺仲有甚麼招數，可以頂住個市，如果散戶信心再落，就可能出現一輪拋售。

上海A股3,000點的「鐵底」昨日失而復得，呢個重要關口支持力好強，好多人原先認為守住係「無問題」，現在變數係突然間多了越南危機的考慮，削弱了阿爺政策上靈活應戰的能力，所以「鐵底」穿唔穿，真係唔可以講定，好睇往後公布的通脹數字和散戶會唔會沽貨。

係前景充滿不穩定因素下，投資者食少多「覺鲻」，大市成交奀吱吱，只有消息股好似獲提全購的中信國金（183）[股價及相關新聞] 急漲8%，叫做比較搶眼。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

淡風         

2008/6/12 上午 09:47:10
網誌分類: 經濟

老美的口術止咗兩日咳，但頂咗兩日美元又跌，油價回頭急升，美股又面對通脹及加息的壓力，再插２００點，呢吓又要睇老美有無實招出場了。

美股道指上周五跌４００點以上，在美國官員眼中，這種跌幅離股災不遠，所以過去兩日出盡口術頂住美元推低油價，用的方式是吹出美國會加息控制通脹。不過這樣又惹起一個環球加息的憂慮，事實上印度昨日也突然宣布加息對抗通脹。

在這種氣氛下，美元又回吐，加上美國油品庫存遠比估計低，期油價格又急彈５美元，上番１３６美元一桶的高位，美股一開市就插，特別是受加息和油價影響的銀行股和交通股跌得最厲害。

聯儲局講經濟狀況的「褐皮書」話，美國經濟在４、５月基本疲弱，消費減少，而部份行業的生產者就把高成本轉嫁俾消費者，映照出一幅經濟衰弱的圖畫。在這種氣氛下，美股無運行，道指差不多以全日低位收市，收報１２０８３點，大跌２０５點，跌幅１．７％。

昨日美股走勢，顯示美國官員的口術未能止住油價的升勢，而股市又因擔心加息而下滑，基本上未能止血，相信美國官員又會急謀救市良方，其中一個焦點係月中召開的８國集團峰會，要看能否有支持美元匯價，或者係對抗油價上升的國際行動，可以為環球油價急升、股市下滑止一止血。

　　而家的問題不止是美股跌，而係在高油價影響下，環球出現高通脹，各國被逼要用加息來對抗通脹，咁就吹出一種淡風，據彭博做的一個環球用戶調查，發覺從美國到歐洲到日本的投資者，愈來愈多人相信，由於商品急升侵蝕盈利，逼各地央行加息，未來六個月股市會下跌；只有巴西的投資者仍然相信未來半年股市會升，但樂觀者亦在減少中。彭博這個調查是在６月２日至６日做的，而６日剛是美股大跌４００點的日子。

　　彭博這個全球專業信用指數由５月的２２．７，跌到６月的２１，顯示世界各地的投資者都愈覺悲觀，指數低於５０已顯示負面氣氛。而歐洲三個主要國家的投資者都認為美元兌歐元的跌浪將會終止，因為美國聯儲局將會加息對抗通脹。

　　世界金融吹淡風，美國政府要同時和高油價及滯脹鬥法，倒底佢地行動有效啲，還是滯脹來得快啲，無人知。在這種市道，投資宜審慎，想買都不要太急，太快。港股勢將插穿２３０００點，向２２０００點進發，成手蟹貨者，千祈唔好走去撈，你地已經無本錢買。成手現金者，買貨也不宜急，見大跌，細細注，因為我覺得呢個跌市咁o既走勢，無咁快會完也。而家最緊要有現金，有錢唔驚將來無貨買也。

陸羽仁

http://www.hkheadline.com/blog/r ... rd=&searchtype=

Mr.Business

2008/6/13 上午 10:19:04

Elsa: 你用阿媽買匯豐啲錢去買熊仔，制唔過，睇你昨晚驚成咁，個天暫時幫緊你，美股升完回番；沽啦，唔沽哂都沽一半。

十幾萬買熊仔，有無預過輸一晚輸清？假設，只係假設，八大國決定聯手干預美元匯價，美元狂彈，油價跌３０美元，港股一開市升千幾點，可以一瞓醒隻熊就打靶，升完回番升幅一半，都唔關你事。即使呢件事發生機會只有５％，若果發生，你又頂唔頂得順呀？

陸羽仁

Mr.Business

注：此篇文章版权归香港頭條網所有。

金融High Tea——加息潮成金剛箍
2008年6月13日

美股尋底未完，杜指早一晚跌200點，拖累恒指大幅低開507點，後來內地股市再插，港股又試低位，最低跌633點，跌至22,695點後爭持，下午醞釀反彈，最後彈番上23,023點收市，跌幅收窄至303點。期指收報23,106點，跌109點，比現貨高水82點，成交75,905張。國企指數跌幅亦收窄至180點，報12,523點，大市成交774億元。

早一晚外圍風起雲湧，印度突然宣佈加息0.25厘，在金磚四國中，印度、越南、俄羅斯都加鰦息，內地則大加存款準備金率，對抗通脹。

香港銀行同業拆息抽高，恒生副董事長柯清輝話本地銀行有加息壓力；花旗指加息機會增加，預測本地樓市長達7個月的牛市已結束，地產股全線下跌。

地產股聞加息腳軟

加息消息對銀行股亦唔係咁有利，預期佢地鱓按揭生意都唔係咁旺。雖然高盛建議換馬至礇控（005）[股價及相關新聞] ，但礇豐跟美國銀行股走勢，仍跌1.8%；同被高盛唱好的渣打（2888）[股價及相關新聞] 更急跌4.7%，可能市場有少少擔心佢鱓亞洲業務，而中銀香港（2388）[股價及相關新聞] 則跌1.1%，恒生（011）[股價及相關新聞] 較硬淨，軟0.4%。

中環茶友話，咁鮋氣氛唔利好大市，因為內地股市唔係幾得，本地股又有加息陰影，加息預示樓市有壓力，就如金剛箍一樣，對股市有潛在壓力，影響股市中線表現，若本地銀行好快加息，港股的本年期望要調番低少少。

不過茶友話，港股在本周初從24,400點插下來，3日累計跌近1400點，跌得好急，昨日尾市跌幅收窄，有少少作勢想彈，若美股鰟勢OK，不排除港股先會彈一彈。不過茶友話而家月中都未過，本月個市仲有排玩，小心彈完再插，唔好太心急追貨，若一注入市，小心大市回頭時又被套住。

反彈勿急追貨

內地股市未跌完，國家統計局昨日上午公佈5月份通脹數字，CPI同比增幅為7.7%，比上月的8.5%回落，基本符合市場預期。但CPI的下降未給市場帶來任何刺激，內地股市持續下挫，已經連跌七天，市場弱勢依舊。上證綜指下午觸及2,900點支撐位，尾市略反彈，收2,957點，跌66點或2.2%，正式收於3000點樓下。

內地高人話，A股跌得太急，也可能彈一彈，但大市好弱，阿爺救市招數有限，股指期貨（即期指）差唔多可以出台，但在這種市況推出會擴大市場風險，融資債券（即孖展借貸）可能係較易推出的措施，或者進一步限制「大小非」沽貨（即大型和小型非流通股減持），但阿爺即使有心救市，都可能會先讓大市跌深一點才出招，以增加成功機會，所以慎防反彈後再探底，追貨太急好易中招。

高人話，阿爺把嚴防金融風險放在救市之前，亦是大市弱勢的原因，香港人可能無留意，越共總書記農德孟在5月30日訪問北京，和中共總書記胡錦濤會晤，雖然新聞無報農德孟訪華原因，但堅料話農德孟向胡總通報了越南金融風暴及外資流走的情況，並要求中國在資金上支持越南渡過難關。阿爺幫助越南之餘，亦警惕到風暴開始在亞洲蔓延，馬上出招防險。

至於具體領域，阿爺繼續有放有收，山東省政府准許電力股在夏季用電高峰將工業用電價調升70%，但居民與農業用電價格則保持不變，主要從事山東省發電的華電國際（1071）[股價及相關新聞] 升3.5%，其他電力股都有反彈。但發改委要求各地有關部門保證地震災區重建急需的鋼材、水泥、玻璃、木材、磚瓦砂石等物資供應，抑制價格不合理上漲，建材股就中招，中材（1893）[股價及相關新聞] 跌4.4%、中國建材（3323）[股價及相關新聞] 跌3.2%。

新股亦有喜有愁，小肥羊（968）[股價及相關新聞] 首日掛牌，升至3.40元後回順，收3.18元與招股價持平，借錢認購要輸錢。另一隻掛牌的A8電媒（800）[股價及相關新聞] 則造好，升至2.58元，較招股價1.9元，高出35.8%，算做近期有表現的新股。跌市之中，唔好借咁多錢認新股，要小心風險。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

美元反攻         

2008/6/13 上午 09:15:53
網誌分類: 經濟

    　美股昨晚又玩過山車，道指早段在消費數據理想、美元向上，油價回落５美元等消息刺激後，一度升過１８５點，跟住就反覆向下去，下午一度回落到近上日收市位，尾市彈番起少少，道指收市升５７點，收報１２１４１點，升幅０．５％，美股仍處於一個不穩定的尋底階段，而油價後來亦在尼日利亞油田工潮聲中，反彈上去，５美元的跌幅消失無踪，升回原型。

美國退稅支票５月送出，５月零售銷售數字比市場預期多，令到沃爾瑪等消費股上升。摩根士根利發表報告叫人吸納金融股，亦令一眾同行受惠，股價連跌５日後反彈。

美國官員出咗一輪口術，油價仍處於１３６美元，大上大落，仍在高位掙扎向上，但美元已露出一定的強勢，反彈到一個小浪的臨界點，我有個師奶朋友早前買了和日圓掛鈎的ELI（外匯掛鈎票據），行使價１０３日圓，票據年息１０厘，３個月收２．５厘息，下月到期，佢問我點睇日圓，我祝佢好運。我話下月日圓匯價維持在現價１０７．９圓一的都唔奇，弱過１０７．９圓的機會，可能比強的機會大。若以１０７．９圓計，佢要輸４．６％匯價，賺咗２．５厘「息」都補唔番，我計一輪數，師奶朋友好似唔係好明，只係反覆問我好唔好揸日圓收息，佢好似以為揸日圓長期有１０厘息收，搞唔清楚嗰的只係ELI的「利息」，其實那些「利息」，只係佢沽咗一個三個月在１０３價位的認沽期權收取的期權金。

講番日圓，現價１０７．９圓，美元兌日圓已經升番到一個臨界位，若升破此位，就會走番今年１至２月的１０５至１０８圓的密集區頂部，照計美元升到密集區，應該在此區位上落吓，無咁快升穿，但如果咁厲害一次過升穿此密集區，預計會觸發較大量的日圓好倉盤止蝕，就會去番去年８至１０月的交易區域，那時日圓是在１０７至１１７圓之間炒作。

美元兌歐元和日圓一樣，同樣去到一個轉弱的臨界位，現價１．５４，按理應在這些位置上落消化，但同樣道埋，若美元一舉升穿此位，將會去番去年１１月到今年２月的交易區間１．４５至１．５。歐元講緊加息，預計兌美元會比日圓硬少少。

美元兌其他高息貨幣的走勢近似，以紐元為例，由於紐國央行話經濟弱可能要減息，紐幣走勢更弱，現價０．７４９９，若跌穿此位，小心去番舊年１０月前大位０．７２以下。

美元在加息的預期下，有可能進一步反彈，進入一個幾個月的中期趨勢。美元兌各主要貨貨都升近臨界點，不爆發還可，一爆會再衝出一浪行情，外匯投資者或炒家，最好定位止蝕。未到位可以守吓，一到位就要打靶。

你可能會問，點解美元兌主要貨幣已轉強，但推唔低油價，到底兩者有無關係？網友望升石亦問：「前兩日, 美財長保爾森公開講話, 油價高企係由供求導致, 並非投機炒賣所致。點解佢要咁講呢? 上星期唔係話要徹查炒賣行為架咩?仲以為咁樣d油會炒得無咁勁, 點知回咗五蚊之後彈返十蚊。」

雖然好多人話係中國印度的需求令油價大升，但多方數字也顯示全球石油供應大致平衡，油價急升的底因是美元轉弱，以美元計價交易的商品就大幅上升來彌補，慢慢就引發全球商品炒風，所以油價大升，和美元下滑絕對有關。對此美國財長保爾森心知肚明，但佢從來都無承認美國過去一年行緊弱美元政策，唔認美國透過減息隊低美元匯價來救自己，所以在佢口中油價上升有一百個理由，總之唔關美元弱事。佢查唔到有對沖基金炒油，咪唔講炒賣導致油價升，又講番供求，總之呢啲政客o既說詞，你信一成都嫌多啦。

唔好信政客講乜，要睇政客做乜，保爾森見油價急升令美股大瀉有災味，第一時間講不排除干預美元匯價，又叫聯儲局班人出來吹話會加息，就係想挺美元遏油價上升。但原油相對於日圓、歐元，更加強勢，所以更難跌，跌完又急彈，再跌又再急彈，相信要確認美元真正衝破臨界點，進入更明顯的反彈週期時，油價才會回落。若然美元反彈力度不夠，衝不破兌各主要貨幣的臨界點，就更加約束不到油價。在未來一個月，油價、匯價、股價，仍然會大動蕩。美股掂唔掂，關鍵都係要看保爾森的功夫，睇佢導演呢幕美元反攻，成唔成功。

廣告時段：頭條老總來電，請陸羽仁代為宣傳一下，星島新聞集團製作了四川地震悼念集，發起慈善義賣。為籌得更多善款，更獲藝人方力申、成龍、李克勤、容祖兒、陳奕迅和黎明於悼念集上親筆簽名作慈善拍賣，歡迎網友於6月12日至16日期間出價競投。網址係http://www.hkheadline.com/special/ebid/index.asp

陸羽仁

http://www.hkheadline.com/blog/r ... rd=&searchtype=

Mr.Business

2008/6/16 上午 11:14:54

陸羽仁覆網友

牆頭草：美元抽得太急，G8又無勁招，按道理應該先回一回，現價追唔係唔得，但要冒較大風險。以日圓為例，等美元回到穿１０７，在１０６幾買安全啲（止蝕例外）。另外，美國要唱番起美元，美元有轉勢之像，按理美元應回一回，回完再上，持有其他外幣者等美元回吐時，若要蝕錢，都係止蝕一部份減吓倉為上算。

花姐：補祝生日快樂，買股如意。

花C9:人生不如意事十常八九，今日雖然落雨，但希望在明天，下次唔開心時千祈唔好買股。

Panda608:港股彈完唔插恐怕都要呆吓，睇吓大陸仲會唔會大插。

均兒：做生意也有成敗，在新興經濟國家做生意較易成功。散戶唔識炒亂炒股，又的確係失敗者多。

Twohitsix:油是最強的商品，聚了大量炒量，所以美元彈佢都掙扎唔想回頭，要睇美元是否形成真正的反彈勢，若成勢，油價應會回頭。

Flyinthesky:你講嗰三類台股，似乎金融保險類較好，其實最好應該係旅遊、零售同地產，但你講的三類都唔係，另外建築類亦應受樓市上升帶動。

S2000:渣打走勢好得意，跌市時通常都會大插，呢一浪懷疑已見咗底，可等回吐時吸納。

潘記：香港會唔會早過美國加息，要看資金有無流走，拆息扯高就係表徵，若拆息高企，不排除香港銀行會早過美國加息，但一般機會唔太大，通常會先加新造按揭利率。加息不利樓市，但香港地缺，只要美國、大陸、港股無災，樓市未必會好衰。

達爾：招行收永隆價錢貴，的確令其基本因素轉差，但貴價收購買回時間，招行基礎唔夠大，收購係必要之惡，要看它整合收購公司的工夫，但總的計仍然看好招行。

KFC:我估中央係會出手救A股，但會等跌深啲，２５００點應是可能救市的點數。限制「大小非」減持，推出股票孖展（融券融資）都係可能方法。

Bdroom:所謂分段吸納的分注定價，通常以中間注作為合理價格，因為那個價錢是三注買齊的平均價，若以１１５元，１０５元，９５元買中移動，中間價為１０５元。大市愈波動，分注定價會拉開啲，因為好可能一買完第一注就急跌未完。

Yuki:利福識計算，佢收得聯洲，應該係睇中聯洲盤生意尚有價值。

最佳損友：想在大陸股市大跌時買指數基金，要看你長定短，超長線買２８２８，因為佢係H股，H股較A股有折讓，會在超長期拉平，中短線買２８２３或２８２８，A50流通量好少少，外資買慣佢，但滬深３００更跟到內地股市走勢，各有所長，差不多。

Fuji:你持有中交建、光大控股和港交所，只有中交建仍有賺，揸到今日，又不妨揸吓去，因為股市都跌咗唔少，無理由跌到而家才放。光大控股最有價值資產係光大證券而不是光大銀行，A股市道好時，光證好值錢，而家差好多。

嘉華係後進地產股，投地積極，但地產大市受制於息口，不似一面倒向好，所以對此股不宜定太高目標，當然跌得多時買，佢隨大市彈，都可能有不俗回報。

Wst:中鐵１０．０８元買，此股基本因素不俗，但新上市時有人圍了貨來炒，炒到無譜，你係貴買好股，有排坐，都要等長啲才會見家鄉。

Bluepanda:我好怕聽到個「溝」字，你已有中移動，有錢不如買吓２８２８或者２６２８啦。

肥肚笑佛：１５元入中石油，而家去斬又似乎低咗啲，先坐吓啦。

謝非君：好同意如各行各業的網友都把自己所在的、或熟悉的行業經營情況報告出來，大家可以知道多很多股票的基本因素。

Sam:想長揸，問買中國銀行好唔好，若真係長線，可以考慮。

Mr.Business

注：此篇文章版权归香港頭條網所有。

金融High Tea——美國甩難 世界有災
2008年6月16日

港股上周五繼續腳軟，恒指陰陰跌，收報22,592點，期指報22,446點，跌660點，比現貨低水146點，大市成交只有591億元，沽壓未算太大，一副反覆尋底的格局。內地股市唔靚仔，係拖住港股的另一個原因。不過周五的美股卻大幅反彈，油價下跌兩美元，加上美國5月核心通脹只升0.2%，符合市場預期，通脹溫和，消除聯儲局好快要加息控制通脹的憂慮，美股彈升，杜指大升165點，升幅1.4%，升到12,307點。

狂出口術 唱高美元

周末八大國開會，會後聲明雖然無話干頂匯市，但顯然將焦點由次按轉到高通脹去，聲明話環球經濟面對「頂頭風」，經濟增長面臨風險，高升的商品價格是一種嚴峻挑戰。據說G8會議沒有講過干預匯市，但會後美國財長保爾森話強美元係美國的國家利益，法國財長Christine Lagarde以及俄國財長Alexei Kudrin都附和，話好高興聽到美國咁講。

美國官員上星期的表演的確出神入化，單是出口術講纒№，已把美元托高，拉住油價，阻止油價失控上升拖軲美股。對上一個星期五油價一升10美元，美股跌400點，股市插得太急，美國政府怕跌出股災，馬上出口術救市。

美國政府深明原油無止境上升，關鍵在美元太弱，所以救市的焦點在推升美元，美國財長保爾森接受CNBC訪問，話不排除干預匯市支持美元，而聯儲局主席伯南克又話，經濟風險已消退，其他儲局官員更話要注意通脹風險，暗示不排除加息控制通脹。美國高官出口術的指向，都係話美國政府要支持美元匯價，不排除今年會加息，市場聽到後馬上有反應，美元連番彈升。全球匯市的氣氛在一星期內轉ɜ，睇好美元的情緒大增，亦有炒作G8開會將會聯手干預匯市的因素，外匯界人士話，雖然G8無談干預匯市，但大會轉向關注商品價格，美、法、俄三國財長會後又有支持美元的言論，對美元匯價都有點支持力。

保爾森在G8會後又再講，美國經濟的基本因素優越，將會在美元匯價反映出來。表面聽落，保爾森講說話相當吹水，只像在推高美元匯價，但如果你細察美國的經濟狀況，可能會體會到這句話有幾分道理。陸羽仁開始相信，過去一年美國透過大減息、大放水的弱美元政策，救起自己的經濟，但卻把高通脹的災難出口到全世界，係一個「美國甩難，世界有災」的格局。

先睇數字，數字唔會騙人，美國上周五晚公佈通脹數字極之輕微，5月通脹0.6%，叫做去年11月以來最大升幅，其實一鱓都唔多；扣除能源和食品的所謂核心通脹更只升0.2%，即係扣埋急升的油價和食品價格，通脹似有若無。美國受次按危險影響本來會通縮，佢就整弱美元搞到全球高通脹，一減一加對美國就飱飱好，其他國家就熱到爆。

格老改口 三月見底

你估聯儲局主席伯南克和其他儲局要員上周初出來講話時，知唔知美國5月通脹個數？唔知實數都估到大數啦，美國的通脹如此低，根本無需要短期內加息控制通脹，他們講定先，只係吹纒加息風，托纒美元匯價。

人人話美國好大鑊，經濟會衰退，但衰退的定義係連續兩季經濟負增長，美國今年第一季經濟仲有正增長，早前仲威水到要向上修訂第一季的增長數字。第二季的通脹數字咁低，加埋退稅刺激消費，經濟有正增長一鱓都唔奇（GDP係計實質增長，即名義增長扣減通脹率，通脹率低，有正增長的機會更大），隨時你話美國衰退，其實佢一季負增長都無。

前聯儲局主席格林斯潘講過美國有「超過50%機會衰退」，如今格老開始改口，佢而家話美國金融市場自3月開始，出現「顯著復甦」。格老退休後，經常和新任儲局主席伯南克唱反調，但這次言論卻罕有地和伯南克♣合，因為伯南克上周亦都講，大型衰退的危機已減退。

格老更提到一個量度美國金融危機的標尺，佢話當倫敦銀行同業拆息（London Interbank Offered Rate）和美國的隔夜調期息率（Overnight Index Swap Rate）的息差少於去年8月時的25個基點時，風暴就完全過去了。（每一基點等如0.01厘，25基點等如0.25厘）。今年4月時，兩個利率的息差高達90基點，現時已跌到69基點，格老話息差好難跌回25基點的低水平，因為去年8月時市場過度輕視風險因素。但兩個利率的息差收窄可以說明，風暴正在消退中，而不是在加深中。格老認為關鍵仍是美國樓市，要樓市穩定下來，金融市場才能完全康復，他估計在年底會出現。

若你相信格老、保爾森和伯南克，意味覑美國金融市場最壞的情況，就是今年3月，而最壞情況已經過去。美股杜指在3月見過11,500點，換言之美股今次再調整，亦很難穿這個低位。中環茶友話，本月20日係美國期指結算，呢個月美國累積了唔少淡倉，結算後美股應會好轉。

你可能會問，美國唔似爆大鑊，點解亞洲以至世界又好似有災呢？陸羽仁認為，美國見自己可能衰退，就狂減息、狂放水，搞到美元急跌，油價、商品大升，向全世界輸出超高通脹災難，就可以獨善其身，講得唔好聽，美國人使大鰦搞出次按風波，驚自己急跌，就吹出一個全球性的泡泡，等大家來幫她找數，越南的例子最典型。

越南出事 熱錢流走

越南股市隨覑越南加入世界貿易組織和熱錢湧入，急促吹大，到今年有轉弱跡象，到5月開始急插，跌至5月27日已連跌17個交易日，此後3天，越南交易所更是罕見地停市，理由是「交易系統突然出現技術故障」，真相顯然是越南政府以為停市可以制止股市急挫。越南可能不知到香港在87年亦曾停市3天，結果也不能制止股市下挫，復市後跌得更甘，越南的情況也一樣，在5月30日復市後再插，一直跌到上周，胡志明指數跌至370點，差不多已跌到05年股市起步上升時的 307點。

越南出的問題，和10年前亞洲國家面對的金融危機類似，當時區內通脹上升、資金外流，導致多國幣值急跌。越南多項經濟指標亮起紅燈，遭三大評級機構降級， 5月通脹率飆升至25.2%的驚人高位，越南政府唯有大幅加息對抗通脹，利率由8厘加到12厘，再在上周加到14厘，高通脹加高息令市場大幅睇淡越南匯價。

越南金融危機的底因是入世後熱錢大量流入，在泡沫下政府使大鰦，貿易赤字和財政赤字大增，基本是一個借貸型經濟，熱錢一流走，即刻缺水「塘底突」，唔知點找外債條數，估計越南今年貿易逆差達到250億美元，再加上20億美元的短期外債，短期缺口共270億美元，但越南在2007年底只得200億美元的外匯儲備，外儲唔夠還外債，若加上資金再外流等因素，越南資金缺口有300至500億美元。成也FDI（外資直接投資），敗也FDI，越南開放至今，有400 億美元 FDI，這批熱錢一走，匯價和股市樓市都會大跌。

港股危中有機

越南共產黨總書記農德孟剛剛於6月2日結束對中國的訪問，與國家主席胡錦濤進行了會談。高人話越南秘密向中國借錢救急，中國傾向支持。中國有1萬7000 億美元外匯儲備，借300億美元俾越南救急，應該無問題。估計越南出事後，有排養傷，將會拖慢經濟發展8至10年。

越南經濟細，比較易救，若中國或印度出事就好難救，經濟有無問題的主要表徵係通脹，中國5月通脹稍為回落至7.7%，印度係8.7%，7%、8%通脹並非小數，若再急升就有災，所以中國要千方百計防通脹，暫唔理得股市跌。

港股中線係危中有機，危是亞洲之危，特別要保佑內地的通脹可以軟覑陸；機是美股之機，若美國經濟已見底，之後慢慢復甦，就不怕災難從美國這個全球經濟核心中爆發。若美國不會太快加息，港股都會在22,000點至27,000點中間行走，港股彈完可能仍要軟纒，等插低鱓就可以分注買貨。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

峰會玄機         

2008/6/16 上午 09:29:47
網誌分類: 經濟

　　八大國的G８峰會，上周末在日本大板召開，會後聲明把矛頭指向商品價格，指油價、糧價上升帶來通脹，是環球經濟增長的「頂頭風」，不過會議無提及美元匯價問題，到底這個八國聲明，又是否美國期望的結果？

八國集團由過去關注次按導致的信貸緊縮，改為關注通脹，的確是一個大轉向，這個轉向有兩個意義，一是次按危機開始消退，二是通脹危機正在升溫。正如我在頭條日報專欄引述前聯儲局主席格林斯潘所講，美國利息相對於倫敦銀行同業拆息的差價，正在下跌，意味風險溢價在下降中，雖然不能說美國金融業已經脫險，卻是離脫險不遠。

　　但通脹危機在升溫，油價在６月６日炒上１３９．１２美元一桶的高位，高升的油價和糧價，正大幅侵蝕消費者的購買力，越南是全球第一個國家因此引爆金融風暴，八大國把集點轉到通脹之上，也是一個合理對焦。

　　問題是八大國對高油價沒有提出什麼解決方法，只是沿傳統的口徑，叫產油國增產，和叫用油國、特別是新興國家減少用油。產油國不見得會大力增產，如今只有和美國關係良好的沙地表態話會增產；至於減少用油，八大國叫新興國家減少燃油補貼，亞洲多國最近被逼減少補貼加油價，立刻惹來大量示威，政治不穩，她們大加油價的空間亦十分有限。

　　為何八大國不直接指出美元匯價下跌是油價和商品價格急升的原因？因為美國反對。美元自２００２年起至今，跌了３０％，部份國家認定美元下跌係油價上升的元兇，法國財長Christine Lagarde 及俄羅斯財長Alexei Kudrin 話投資者買入原油和糧食，作為弱美元的對沖，但美國財長保爾森否認這種說法，佢話油價的升幅，遠超了美元的跌幅。意大利財長Giulio Tremonti更認為油價急升有炒作因素，但保爾森和英國財相Darling 就堅持油價上升是供需因素所致，因為新興國家有大量需求，推升油價。你睇只有美國忠實盟友英國認同保爾森的講法，就知道美國的說法有多大說服力了。既然八大國無法就油價急升源於弱美元達成共識，自然無統一立場支持強美元了。

　　這正好達到美國的目標，目前還用不著八大國聲明捍衛美元咁大動作，保爾森在會期間唱吓「強美元」論調，已得到深受通脹困擾的法國財長Christine Lagarde 及俄羅斯財長Alexei Kudrin等人支持，這樣雖然不如八國聯合聲明咁有力，但也達到一定的效果。在八國開會前，匯市期望八國聲明支持強美元，所以美元一直向上，結果並非如此，但保爾森和法俄財長支持強美元的論調，已有一定效果，今早亞洲市美元匯價無大變，兌歐元略回到１．５３９，兌日圓還企在１０８．３８的高位，黃金每安士８７２美元，亦無變動。

　　美國不會一招去盡，一定會慢慢玩，美元弱，利息低，有利美國復甦，但美元太弱令油價升得太快，亦對美國不利，所以到咁上下減定息之後，就唱吓將來會加息，唱到美元強番少少，抑制油價升幅，咁樣就對美國最有利，減息期可以延得幾耐得幾耐，佢自己的通脹並不高，至於其他國家捱高脹，佢就唔理得你咁多了。

陸羽仁

http://www.hkheadline.com/blog/r ... rd=&searchtype=

Mr.Business

2008/6/17 上午 10:53:06

陸羽仁覆網友

Yuki:有關１２１２買聯洲，金曹的答案好啱，大細劉好識計數，佢又有自己分銷網，食埋聯洲代的品牌，計自己俾佢o既生意，咁低買都唔會輸。

當日沽盈富的應該是基金，通常基金撤走後，大市炒盤在月底或下月就到，炒反彈。

今次２８２３成交未大增，我估跌近２５００點時，外資的買盤又會到。

點買國航，睇你點睇油價和內地經濟，若認為油價不能長期維持高位，大陸經濟能軟著陸，可以等國航跌近一年低位４．８元時分注買吓，預咗守２、３年。

至於一拖３８走勢極弱，似有大芬出貨，等跌定啲好啲。

S2000:你問晨嗚穿招股價好唔好買，我唔喜歡買穿招股價的新股，唔知佢探底探幾多，反而睇住佢，等佢上番招股價之上，企定吓才去去掂。貴買好過扮蟹。

輝Nsx:港股正常係一個反覆向上的股市，去年在港股自由行影響下反常升得太多，回復正常後，有大股如９４１，升３０％，可以沽一半，其餘一半定止賺位，一路推高，沽清等大市回落，低位買番。

Soho:航運有週期，造船業也受影響，但聽聞呢一兩年造船造唔切，所以廣船可以中短炒，短期回近２０．５５元可以買吓，坐三個月半年，但長揸睇唔通。港機高位一直回，走勢好弱，現價還有１７佔PE，市場怕佢高增長已過，恐怕反彈都唔會太有力。

陳永仁：針織業行業前景我唔太清楚，但睇數字申洲Pe６．３倍，寶姿２９倍，二選一選申洲，但成交幾疏，出入不易，買入要預長揸。

肥肚笑佛：油價升，做上游業務的中海油會升，但上下游業務平衡的中石油和主要做下游成品油零售的中石化會跌。

叮噹：你有咁多交建股，要再買都唔好買已有的，分散去１８００好啲，分散去其他行業更好。

Flyinthesky:次次跌市都有資金外流，唔好睇得太差。

Fish:４０５收息ok，你問點會派息下跌，如佢租金收入下跌，或利息成本大升，就會減少派息，若講３、５年，中國租金都在上升軌中。

Twohitsix:你問德昌，０８年３月年度業績１．３億美元，以一間併購公司來講，１９％盈利增長沒有驚喜，可見歐美經濟放緩，對佢毛利有一定壓力，暫時投資價值一般，唔好唔壞，要面對歐美市道下跌影響。

Iehmfok：我睇機都睇到永安股息收益率１２．２％，應該去年業績後派了高息，但不能期望長期係咁派。

最佳損友：保薦人都係大行強勁啲，高盛、大摩、美林、摩根、瑞銀較強橫。