【专题讨论】转载香港頭條網陸羽仁, 王雅媛的文章

Mr.Business

2008/5/21 上午 11:46:19

陸羽仁覆網友

Ray:李四叔同外資大行好熟，或者佢聽到鬼佬沽貨炒調整，咪出來講吓攞吓彩囉。佢話２２０００點，唔係話而家會跌番落２２０００點，而係話佢年頭２２０００點時叫過大家買嘢。

BB：你啲滙豐係買得貴咗，但散戶就係咁，貴就敢買，跌到平反而唔敢買，投資家彼得林治講過，「買股叻的人，是真正的「反其道而行者」（Contrarian），他們不是人買佢沽，而是等市場冷靜後，買一些無人理的股票，特別是令華爾街中人打呵欠的股票。」這一點可以細味。

Indy:亞洲水泥市前競價盤亂咁開高價而矣。

Twohitsix:我同大家一樣，都係讀緊書，或者叻小小，讀緊大學而矣。我尚在學習中。不過我可以近觀大戶如何殘殺散戶，知多少少扮吓代表。

S2000:市場似唔好受第一太平買同系的東西，呢兩日急插，有機會試吓４．７元、４．８元下兩個月低位，成為弱勢股，如果你有買開，插得深時分注玩吓，要預咗再插。

嫣嫣：你彈S2000都講得幾搞笑。可以介紹你去寫寸o既笑話。

Yuki:五月淡靜啲，期指成交少啲唔奇，但大戶卻照炒照搵水。

Mr.Business

注：此篇文章版权归香港頭條網所有。

金融High Tea——港股扯住大陸回
2008年5月21日

港股連日牛皮後急插，恒指低開50點後反覆下跌，11點後跌勢轉急，下午最低曾跌至25,042點，跌700點，尾段略彈，收報25,169點，跌573 點，跌幅2.2%。期指收報25,096點，跌575點，比現貨低水73點，成交76925張。國企指數亦跌394點，收報13,974點，大市成交 828億元。

內地股市急挫，上證綜指收報3,443點，跌161點或4.5%，如果只看收市價，好易得出一個結論，就係內地股市急跌拖累港股，如果你有留意成日股市走勢，你又會發覺件事似乎唔係咁。因為昨日上午港股開始急插，跌400點、500點時，市場中人都唔知乜事，唯一諗得起的睇淡原因係李四叔話5、6月股市「宜守不宜攻」，心諗今次李四叔唔係靈得咁緊要躀？

當時抬起個頭環顧外圍股市，都係跌少少，唔係咁大件事，陸羽仁當時仲同經紀張講，今次港股幾威水，跌又跌得早過人，我地跌完，搞到外圍都跌多鱓，不過即使外圍跟跌，幅度都唔算大，上證綜指中午收市只係跌1.2%，而食完飯返來，睇番東京股市全日收市價，都只係微跌0.8%。

睇25,000點守唔守到

不過下午內地股市愈跌愈急，3,500點好快插穿埋，跌超過4%以上，港股亦跟住試底，低位險守25,000點大關，尾市反彈都唔係好大力。

昨日中移動（941）[股價及相關新聞] 已插2.9%，跌到130.9元，單係佢一隻已經帶動恒指跌102點，反而礇豐（005）[股價及相關新聞] 只係微跌0.6%。

中環茶友話，港股走勢飄忽而凶險，外圍無事，港股先插，唔知鬼佬玩邊科，佢玩震倉又得，玩真跌又得，任佢舞，散戶做№要非常小心。內地股市在地震後頂鰦一排，隨時俾鬼佬睇到空檔，插港股拖低內地市食一轉，由於內地股市早前應回吐未回吐，依家地震差唔多過，支持力開始弱，插你食番10%，好易到位。四叔或者都睇到這些鬼佬動作，所以咪出來講纒。

茶友話，風高浪急，唔理大戶係玩震倉還是真插，散戶見大市插穿25,000點，就要非常小心，若落鰦去收市前都上唔番，小心一級級向下；反之，若唔穿25,000點，大市仍然未死得住。

亞洲水泥一追即鎖死

講起小心近排熱炒的災後重建股回吐，昨日立刻大幅下滑，中國建材（3323）[股價及相關新聞] 跌8.1%、中材（1893）[股價及相關新聞] 跌4.4％。但今天首日掛牌亞洲水泥（743）[股價及相關新聞] 卻成為近日罕見的大升新股，開市開8元，已經係高位，較招價股大升61.6%，之後就回，最低見6.55元，收6.83元，仍升38%。呢隻股如果你認鰦新股自然笑呵呵，但如果高位追入就即刻中伏，因為一開市高追鰦就走唔到。

亞洲水泥在淡市招股，反應較差，公開招股部份只有超額3.3倍認購，結果以近下限價4.95元定價，申請新股1手中籤率50%，咁樣形勢，不排除股份已集中在強手之中，加上地震後又炒水泥股，所以未上市前暗盤價已經話炒到升50%以上。

新股貨入強手，慢慢炒又得，即刻派貨又得，睇番亞洲水泥昨日成交已有1.95億股，佔總新股數的52%，即係話有一半貨已沽鰦，小心大戶出了貨，所以無論你任何價位買，都要定好止蝕位。

炒股都係炒預期，到好消息兌現時就回吐，台灣的總統馬英九昨日正式上任，早前炒了幾轉的台灣及「三通」概念股普遍回吐，富邦銀行（636）[股價及相關新聞] 跌4.3%、閩港控股（181）[股價及相關新聞] 跌6.6%、閩信集團（222）[股價及相關新聞] 跌4.18%、廈門港務（3378）[股價及相關新聞] 跌5.6%，有時這些三通概念股炒到亂鰦龍，真係唔知三通對佢懐鱓業績有幾大好處，或者我問呢個問題都問得比較低能，幕後人借概念炒高，你同佢講基本因素，你就真係傻仔啦，順住來炒，食夠就走，才是炒概念股保命之道也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

彈得多要調整         

2008/5/21 上午 09:34:49
網誌分類: 經濟

美股道指大跌１９９點，跌到１２８２８點，跌幅１．５％，險守１２８００點，昨日美股一開市就插，好快跌穿１３０００點，成日都在低位，幾次反彈亦上唔番１２８５０點樓上，走勢唔靚。

美股急跌表面原因混雜，美國勞工部公布除了能源和食品以外的生產物價指數，４月增加０．４％，是經濟師估計的一倍，加劇通脹憂慮，而油價升上１２９．６美元的創紀錄高價，亦增加了企業盈利前景的擔憂。

另外，Oppenheimer & Co. 的分析師 Meredith Whitney估計銀行直到２００９年會增加１７００億美元（１．３萬億港元）撥備，令金融股下跌。而AIG計劃再籌集多點資，亦令它跌到１９９８年以來的低位。

美股下跌的原因有點雜亂，評論員莫衷一是，或許更可能的原因是反彈得太多，就要調整一吓，道指從３月低位１１５００點，彈到上穿１３１００點，重上４個月的高位，從低位反彈了１４％，到本周一再上衝１３１００點不破，形成一個小雙頂，調整吓一啲都唔奇，美股即使在今年有機試番上１４０００點，都唔會一條氣咁向上升，否則下半年唔知有乜嘢可以做，中間會有不少上落。照目前的走勢，回試１２６００點的機會不低，但只要１２５００點不要大幅插穿，就不會破壞了上升的大勢。

美元亦順住美股個勢調整，美元跌番到１個月的低位，市場開始又炒作歐洲央行會維持高息，短期內不會減息，因為一個德國政府金融顧問話金融風暴完結時，歐洲央行會加息而非減息，美元兌歐元在美國市跌１％，跌到每歐元兌１．５６５８點。美元兌日圓亦跌至１０３．７圓。

一時間美元又好似反彈完結弱番哂，但原因卻是金融風暴完結，歐元唔使減息，仲可能加息，如果呢個前題啱，金融風暴完結，咁美股就唔應該跌啦。我唔係話美股唔應該跌，而係話呢啲解釋信住一半好啦，下跌總有原因，美元和美股一樣，反彈得急，又要調整一下。

講番港股，正如我在頭條日報專欄所講，昨日不是港股跟住大陸A股插，係港股帶住A股插，這種行為多數是外資所為，加埋美股走勢去睇就似樣啦，外資根本預知美股要調整，所以咪偷步插吓港股和A股，賺番啲使費。

若果此理論正確，如果美股調整得深啲，港股都要跟吓，若港股穿２５０００點後若不能快速回補，恐怕就要再試底，但若守到２５０００點，後市可以睇好少少，當大市試低啲時，反而係長線投資者補番少少貨的機會。

陸羽仁

http://www.hkheadline.com/blog/r ... rd=&searchtype=

Mr.Business

注：此篇文章版权归香港頭條網所有。

金融High Tea——獱鯩市散戶夾到標血
2008年5月22日

港股失驚無神又整個V形反彈歎纒，美股杜指上日大跌199點，恒指低開341點，見24,820後開始插唔落去，逐步反彈，下午再抽，最高回升至 25,498點，收報25,460點，升291點，高低波幅641點。期指收報25,425點，倒升329點，比現貨低水35點，成交71,351張。國企指數倒升160點，收報14,134點，大市成交792億元。內地股市亦大反彈，上證綜指大漲逾百點，收3,544點，漲2.9%。

港股前一日跌572點，好友散戶期望美股上升幫一幫手，點知美股大插199點，他們坐住「絕望號列車」等開市，內地股市又再跌，見到港股跌300幾點開市，雖然穿埋25,000點，已經唔算跌得多，馬上叩頭謝恩，多謝大市俾個機會佢地去斬倉，所以好友全部在開市早段閃晒，即使獱鰦期指好倉過夜博反彈者，見到美股咁鮋形勢，都速速打靶。

頂住礇豐抽番上

當時經紀張問我點睇，講講纒跌幅收窄到200幾點，當時內地股市都跌2%以上，我話港股跌得少，最奇怪的是礇豐（005）[股價及相關新聞] 走勢，礇豐昨日除息，以調整後價錢計，最低無跌低過133元，跌幅0.3%左右，跌得算少，因為美國Oppenheimer & Co. 的分析師 Meredith Whitney估計銀行直至2009年會增加1700億美元（1.3萬億港元）撥備，消息令美國金融股顯著下跌，同樣受次按撥備影響，無理由礇豐股價咁硬，如果礇豐大跌其他股無跌咁多，尚算正常，礇豐唔點跌其他股跌得仲多，就唔多正常，結論係礇豐有強勁買盤，唔止除息後買盤咁簡單，礇豐唔跌，就托住大市。

結果言中，上午後段大市已彈，下午開市更同A股一樣轉跌為升，下午頭45分鐘一直咁扯上去，升勢好急，淡友想打靶都未打得切，已經倒升番300、400點。

中環茶友話，呢鱓市況，唔可以話正常，大戶根本好似獱鯩一樣，前日大力沽，股市急插，到昨日開市穿埋25,000點，好友散戶全線投降，而本來已經睇淡的散戶，在昨早開市當然追沽，跟住下午挾番轉頭，又玩驚奇，連早上追沽的淡友都殺埋，呢兩日忽上忽落，好多炒期指的散戶都被人夾到標血。

下星期四期指結算，仲有一個星期，呢種市任大戶玩，要上又得，要落又得，任得佢舞，散戶矇查查隨覑自己感覺去炒，做多錯多，大戶會造出各種升穿高位、跌破低位的技術指標會誤導你，夾瓜你。

以大股計，昨日油股石化股升得不錯，國際期油創新高升近每桶130美元，中海油（883）[股價及相關新聞] 升5.9%；昨午傳中央增加補貼，中石油（857）[股價及相關新聞] 、中石化（386）[股價及相關新聞] 亦倒升2.2%及4.3%，A股更利用這些消息炒到飛起。

義賣《鱷口偷金》

廣告：陸羽仁為盡綿力協助四川大地震災民，計劃義賣拙作《鱷口偷金》一書，收益全數轉送香港紅十字會，作四川救災之用。義買活動由今日開始至下周一（22 日至26日），分兩部份，第一部份有150本《鱷口偷金》，由我親筆簽名，由今天起放到中環星島中心出售，每本捐助500元起，愈多愈好。中環星島中心地址：中環環球大廈商場2樓249號舖，開放時間由星期一至星期六上午10時至黃昏6時開放，讀者可自行到星島中心認購，賣完即止。

第二部份有50本網上拍賣，書內除了陸羽仁親筆簽名外，會寫上投資金句，並於上款寫上成功投得的讀者名字。方法是到頭條網拍賣平台上出價競投（網址： www.hkheadline.com），捐款額高者得，每本捐助額由1000元起，愈高愈好。拍賣時間亦由今日開始至下周一止。先感謝各方朋友支持善舉，幫得幾多得幾多。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

炒波幅（４）         

2008/5/21 下午 11:06:59
網誌分類: 經濟

美股跌完再急跌，昨日因為聯儲局公布早前議息會議紀錄，顯示聯儲局不會再減息，加上油價再急升，令人擔心通脹上升，影響經濟增長，道指再急跌２２７點，跌幅１．８％，收報１２６０１點，險守１２６００點大關，看來港股又要先捱一捱沽了。

我早兩日講到，「你想炒股賺錢，就要照吓鏡，睇吓自己有無咁o既智慧和EQ，唔係去打贏大戶，而係跟佢車邊，殘殺其他散戶，食番少少餸頭餸尾。」

呢句說話引起不少迴嚮，經紀張炒股三十年，都算有啲斬獲，佢話自己贏錢時經常講，「睇吓我幾掂，連大戶都砌低呀！」直至到睇完我篇文，先知道自己贏錢時，只係砌低散戶，唔係砌低大戶。

我笑經紀張，「你玩咗幾十年都唔知？當局者迷啦。你邊可以砌低大戶呀，你睇美國排頭位的大行，季季賺大錢，直至最近才衰在自己製作兼推銷的次按證券手上；你睇美國排頭位的對沖基金，亦係年年執大水，大戶絕大部份時間贏大錢，要輸都係散戶輸，有一個散戶贏，就有更多散戶輸。你入賭場賭錢，咁好彩贏錢走，唔係賭場輸俾你，係其他散客輸俾你，賭場經營幾十年，你賭一舖可以好好彩贏到佢，賭１００舖賭場已經差唔多贏梗，宏觀啲講，賭場一定係最後勝利者，你偶然賭幾舖贏吓，都係贏到隔籬嗰個賭客啫。」

散戶入場炒股，第一個心態就應該知自已渺小，知道對手巨大，但偏偏好多散戶唔知，將自己放到好大，以為自己經常睇得啱。著名投資人彼得林治(Peter Lynch)在《One Up on Wall Street》一書中，亦講到股市投資者常犯毛病，就係相信自己對股票的直覺，覺得自己有感知股票升跌的秘技，他們有時會強烈覺得某隻股票會升，但事實正好相反，買入之後無幾耐隻股就跌。這並不是因為股民特別愚蠢，而是因為他們感知那些令股市升跌的訊息時，已經太遲，那些訊息已充份、甚至過份擴散，到他們按訊息買入時，已是水尾，甚至是相反走勢的開始（P.81）。

網友mocha早兩日問的一個問題，亦反映了投資者的自我過大，佢問：「陸 Sir：網龍 8288 公佈零八年第一季業績，收益明顯比對上兩季下跌，所以股價應聲下跌，但跟據其業績報告，網龍將於五月低納入 MSCI 中國指數成份股，而且，今年第二季將會陸續有多款新 game 推出巿場，預計帶來滿意收益。」

「現在，我所考慮既問題是：

1. 季度業績報告只是輕輕一句說五月低會納入 MSCI 中國指數成份股，可信性有幾多呢？

2. 由於早前我對網龍滿有信心，可惜，呢一季出現不理想業績，不過仍處於盈利階段，令我相當矛盾，若然沽貨離場，便等如承認睇錯巿，唔能夠過自己心魔一關。

3. 還是，我應該學習股神巴菲特一樣，價值投資，因為我仍深信中國網絡遊戲巿場仍有無限增長潛力。」

我對網龍無深入研究，我唔知網龍得唔得，只想講講Mocha的心態一定唔得。佢嗰句「若然沽貨離場，便等如承認自己錯誤，唔能夠過自己心魔一關。」我真係要勸Mocha一句，如果唔想沽貨離場的原因係唔想承認錯誤，你以後都唔好買股啦，買股以自己為中心，死十次都未夠，不如月供盈富基金算啦。你呢種唔認錯的心態，一葉障目，一塊樹葉就遮住你睇全世界，要戒。

陸羽仁認為，自己的觀點，睇啱時有價值，睇錯時一啲價值都無，假設自己七成睇啱，三成睇錯，睇啱時堅持，要賺多啲，睇錯時半點都不用堅持，轉得快，好世界，要即刻認錯，要即刻斬，甚至反手做，咁就輸可以輸得少，贏得多輸得少，最後加加埋埋就會贏。人的Ego（自我）一個仙都唔值，唔值得堅持。

但在現實生活裏，問誰能做到？結果大多數人只係「輸就谷，贏就縮」，輸時堅持己見，錯上加錯，見跌溝淡，接到成手貨。贏時就騰騰雞雞，因為平時唔係贏咁多，唔敢去贏，只想保持這個寶貴的勝出經驗，四圍同人分享，所以贏少少就離場，錯過食大茶飯的機會。

好多散戶想在股市炒炒吓搵食，但現實上，先輸方法，再輸對手，三輸EQ，無大戶的EQ，點扯住大戶的衫尾搵食呀？

陸羽仁

http://www.hkheadline.com/blog/r ... rd=&searchtype=

Mr.Business

2008/5/23 上午 12:40:19

陸羽仁覆網友

網友們慷慨解囊，熱烈捐獻，陸羽仁先代四川災民深表謝意。好多網友捐１０００元以上，對打工仔來講，這並不是少數目，但助人自己更開心，大家一定會得到百倍的心靈回報。

Twohitsix:我舉的血淋淋例子陸續有來，大家坐穩。

Kenlai:想搵公司股數，請找公司年報，在損益表內每股盈利一欄的附註，就會講出公司的股數，問題是包了H股和A股，要找準確的市值，要分開A股H股計，我通常只是搵總股數乘H股股價，搵一個大約的總市值，另外彭博網站的市值應兼計AH股，但唔知準唔準。

Mkm:忍痛沽了垃圾股，係件好事，可以瞓番覺好啲。

S2000:一太買了遇上公司大回購，博吓去上番高啲，可以用購入價為止蝕，再睇吓。

股海淘金：期金也好，槓桿外匯也好，極難炒，以後少賭為妙。

達摩：易經我又啱，覺得陽極則陰的理論好有道理，你o既震卦係唔係隨口嗡架？

Wfkk:油價仲上緊，中海油不妨再放吓飛機，以現價低１０％為止賺，到位沽貨，再升１０％，又按比例推高止賺位。

Mr.Business

注：此篇文章版权归香港頭條網所有

金融High Tea——油價狂炒 油股惡玩
2008年5月23日

美股衝上萬三點後腳仔軟軟，兩日跌成四、五百點，在美股回軟下，恒指跟隨美股低開476點，低見24,700後反彈上25,058，收報25,043點，跌417點，算係企番穩兩萬五。國企指數跌313點，收報13,821點，大市成交811億元。期指彈收報24,958點，跌472點，比現貨低水85 點，成交77,735張。

內地股市早盤受美股大跌及發改委否認油氣價格將放開的消息影響，大幅低開後滬指一度急跌；幸好午後中石油和中石化再度快速上升，最終滬綜指報收3,485點，跌1.7%，深成指報收12,366點，跌2.3%，兩市成交額共計1,424億元人民幣。

美股萬三關點都要跌

美股成為全球跌市震央，表面睇，華爾街這一輪拋風係因為油價不斷上升，令人擔心通脹上升，甚至出現滯脹，但中環茶友認為，深層的真正原因，又係大戶玩№，皆因杜指升穿萬三點，已經同歷史高位相差無幾，標普指數仲創鰦新高，若然繼續炒上，試問有幾多水位可以升呢？所以就算無油價飆升因素，相信美股一樣會借其他原因調整，不過，油價升勢如狼似虎，俾出市場拋售的理由充份鱓，調整於是就鈬得急鱓勁鱓鎹。

講番油價，最近美國話減少購買儲備石油，但油價仍然係咁升，有熟悉美國政情的猛人話，最近國會吹風吹到四圍係，話布殊落台前，美國會同以色列聯手空襲伊朗，油價急升好大理由係炒呢個戰爭溢價，有人奇怪，如果要炸伊朗，點解要打開口牌，一個解釋係伊朗根本無能力反抗，就算話明要砌你，咁你又奈得我美國何咩？亦有人認為呢個係殊仔落台前，再送一個大禮畀支持他的油商，政治呢樣№，從來無所謂真相，因為就算任何事就算計劃好，都分分鐘會變，殊仔可能真係想打伊朗，但一日飛機未出動，一日個市都有得炒。

猛人話，油價因為中東因素不明朗，故此升個不停，但若然美國同以色列真係出手，空襲一打完，油價就有大跌可能。布殊臨落台前仲搞咁大動作，背後有兩個動機，從個人鈬睇，自己任內打伊拉克未竟全功，留低一個大包袱不特止，下任總統上場仲可能撤兵，屆時呢場仗隨時爛尾，經濟上又整個次按風暴出鈬，留係歷史上的成績認真麻麻。若然臨尾搞掂伊朗，都叫做?番多少分，反正用飛機去炸伊朗，幾乎係有贏無輸，絕對制得過。從美國立場，自從打伊拉克差錯腳，中東油國有跡象不再聽足美國支笛，發惡打伊朗有揚名立威的作用，向中東班油佬展示一下實力，讓呢班大帝明白美國手瓜仍然係好硬！係咁氣氛下，班油鱷炒起油價，自然係得心應手啦！

聽住猛人咁講，中環茶友話，早前有老友沽中石油（857）[股價及相關新聞] 換中海油（883）[股價及相關新聞] 的古仔，睇番今個月中海油因為集中開採業務，股價大幅上升，早前的決定可以稱為完美的換馬行動，美中不足係沽得太快，手頭的中海油已沽三分之二，仲有三分一股份在手，現在就要睇住油價點走，決定是否賺埋錢，既然油價升得急，最好的方法係上移止賺位，以高位回落一成作為食胡價。

美夢成空 煉油股無運行

油價升，但油股其實都幾難炒，前日內地傳會開放油價，中石油、中石化股價一度急升，發改委否認國內成品油價格上調的傳言，油價一連四日創新高，石化股沽低大市，加價夢成空，中石化（386）[股價及相關新聞] 跌愈3%，中石油也跌1.58%，中海油跌0.63%。獨係係中油香港（135）[股價及相關新聞] 一連兩日放量走高，升7%。中環茶友話，前日市場傳出話放寬油價，聽落都覺得可能性好微，內地通脹高居不下，中央連四川地震都未必會放鬆宏調，又點會開放油價不管呢？所以你話中央加多點補貼機會存在，開放油價真係聽落都好難入信。

中環茶友話，中央對於煉油公司受油價高企影響並非全無關注，但「管理層」亦都有個看法，認為無理由煉油公司遇到油價升就加價，把油價全部轉嫁消費者。至於航空股好似國泰（293）[股價及相關新聞] 亦跌2%、國航（753）[股價及相關新聞] 跌3.8%、南航（1055）[股價及相關新聞] 、東航（670）[股價及相關新聞] 都跌近5%。

跟住係報告一下陸羽仁為盡綿力協助四川大地震災民，義賣拙作《鱷口偷金》一書，義賣活動昨開始，第一部份有150本親筆簽名《鱷口偷金》，每本捐助500 元起，報館回報初步反應良好。中環星島中心地址：中環環球大廈商場2樓249號舖，開放時間由星期一至星期六上午10時至黃昏6時。

第二部份有50本在網上拍賣，（網址：www.hkheadline.com），捐款額高者得，每本捐助額由1000元起，愈高愈好，兩個方法都咁好，這裏先多謝讀者捐錢支持。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有

炒波幅（５）         

2008/5/23 上午 12:57:57
網誌分類: 經濟

美股大跌兩日後定番啲，道指全日三次試１２６００點大關，但都守得住，收市報１２６２５點，微升升２４點，升幅０．２％，在外圍穩定番啲的情勢下，港股亦應該企番穩少少。

股民性好炒炒吓，想在股市的上落波動中賺錢，不知不覺間做了大戶的對手，和強手對壘而不自知，仲被對手不斷咁玩，不斷咁考驗自己的EQ。

網友twohitsix早前講到自己投資的「升學」經驗，「當我還是(投資)BB班既時候，我信朋友講既貼士，科網熱時身在美國，買JDSU, YAHOO, 結果---衰哂。」

「當我讀幼稚園既時候，睇報紙D專家講MACD, RSI, 四浪背馳，十二轉勢，好PRO. 跟買---衰哂。」

「當我讀小學既時候，自己睇MACD,自己睇RSI，炒保歷加通道，結果RSI 20買，跟手變 8 (你冇睇錯，係RSI 8!)，又係衰哂。」

「當我讀中學既時候，炒期權，收時間值，沽CALL沽PUT，6000點上下波幅都有得贏，加埋對沖，唔駛死啦，結果...死係GAP UP/GAP DOWN。」

「而家讀大學，睇陸SIR BLOG，先知少數人操縱世界，當我的對手係獅子老虎，我只係隻一拍就散o既老鼠。不過我呢隻老鼠食過肉，有兇性，而家識得咬其他老鼠。重有，我以為我讀緊大學，原來我只係咗升一級...而家最多係小學五年級。」

陸羽仁睇完twohitsix呢段反省，感慨良多，一般初級老散，睇吓報紙、電視，抄低冧巴，聽吓經紀推介，就形成自己對大市或個別股票的看法，瞓身入市，堅持自己的看法，為自己信念奮戰，結果大部份戰死沙場，這一批就是股市的幼稚園生。

好啦，大家炒股炒耐咗，慢慢發現做幼稚園生好易死，就像提高自己的水平，好多人想去升小學，唔想再單憑感覺，開始好似twohitsix那樣，想搵番啲技術分析工具來幫助自己。

我經常講，市場上的投機家多數想搵一件比別人優勝的測市工具，打敗市場，這也是散戶的夢想。不過我諗一般的技術分析工具，肯定無咁o既功效，你信技術工具信到十足，完全用哂市面流行的技術工具指導自己出入市，我估十個有七、八個都唔掂，唔掂的原因亦都好簡單，好似美國股市咁大o既市場，相對無咁易操控，技術分析的作用會大好多，但香港的市場太細，好易被外資大鱷操控，大鱷睇住某些流行的技術指標，造些假訊號，好易就騙到散戶落叠。

陸羽仁有個朋友，在某外資大行做基層員工，有一個坐盤炒作部門的老細行過見佢睇住個大市走勢圖，研究技術指標，老細哈哈大笑，話「唔好信呢啲技術指標啦，香港個市咁細，港股個圖係我地劃出來o架！」朋友話外資大戶在月頭已諗好港股「應該」點走，部署好期指的倉位，然後就按個圖去做，升幾多要回，計好回到乜嘢深度，才可以嚇到散戶腳軟，然後又點樣炒番上去，月尾期指結算時又執水。

大戶做的事情，住住是對股民EQ的最大考驗，你順住個圖去玩，經常會買中一段，當你滿心歡喜時，好快又走向逆境，大市住住打穿重大的止蝕位，插到你頂唔順，（或升到你頂唔順），逼散戶止蝕，當你地舉手投降後，大戶才施施在低位吸番貨，慢慢炒番上去。你可能話我捱吓應該得，但大戶玩期指，倉位大，又數到倉，知道散戶做緊乜，就等如賭場可以開埋你隻底牌來睇，然後不斷咁大你，嚇到你棄牌投降為止，根本就係睇住嚟食，所以散戶好難有咁高EQ，頂得住咁嚴峻的挑戰。

較好的策略是期望自己能站到大戶那一邊，當人人都覺得要買時，自己唔好買，相反無人敢買時，自己就去買。舉個例，好多人話跌穿２５０日平均線就係牛熊分界線，跌穿就要清貨咁話，你喺香港咁做，十次有九次都係在低位出哂貨，因為好多時大戶就係專登插穿２５０日線，等大市出現恐慌，散戶不問價出貨時，佢地才施施然入市掃平貨。所以我話你買股之後唔對路，跌到止蝕位，跌到５０日線、１００日線就要快快斬，然後等跌市，到跌穿２５０日線時，就升而可以投機性吸納了。倒過來說，升市的道理也是如此，點解回吐前通常出現雙頂？因為第二次上高位時，好似會升穿高位，似破位向上，會吸引好多散戶追貨，就係大戶出貨的最好時機。

網友可能會問，陸羽仁你都會講到一些技術位，點解你自己唔信又去講？老老實實，我睇呢啲技術指標，會附加一副有色眼鏡去睇，諗吓大戶造出這些指標，到底有何用處，然後觀察市況，去驗證先前的假設啱唔啱。

你學咗技術指標，讀完小學，依住教科書講o既嘢去瞓身入市，雖然好過幼稚園生，但一樣會死。我有時覺得，讀大學讀完財經學位，睇市未必有用，反而讀心理學可能會啱用啲，大戶就係捉散戶心理，散戶亦都明，問題係唔知點解，明知係咁，但卻偏偏躲不過。

陸羽仁

http://www.hkheadline.com/blog/r ... rd=&searchtype=

Mr.Business

2008/5/26 上午 11:52:21

陸羽仁覆網友

《鱷口偷金》義賣將於今日完結，未買的網友請多多支持，在跌市中賺錢的網友當然應該輸點血做吓善事，另外輸咗錢的朋友做善事，亦有可能好快轉運。在此先謝眾網友的一片善心。

牛腩貓咪：你作的古仔講散戶「買錯當投資」，真是好句。

Coolgirl:港股穿２５０００點，美股穿１２５００點，未有像樣反彈，意思係「未跌完」，短炒不能看好，長線投資可以等吓好位才入，但若有長線投資股票在手，未有跡象股市要大冧，若入貨價不高，可以揸吓先。

現時期指在現貨收市後１５分鐘的走勢，好多係大戶挾死即日鮮的散戶對手，和明天的走勢無大關，總之大戶將尾段走勢推向對自己有利的一方，即可以逼到即日鮮對手平倉。

Indy:亞泥的例子已說明，在競價時段好多人亂開價，博散戶以市價接盤，我叫這種行為做「扑傻瓜」，將來會更多。

Any:中移動未來有很多不確定因素，真正要睇一年後聯通網通集團和中移動有無得爭，以及流動電話有無價格戰，中移動３G佔唔佔到先機；這幾個因素未明，市場只是靠估，若中移動再插得深啲，不排除會有一彈，但長線投資者要明白風險所在。

你投機買１６５和９０２等，可能等呢一浪插得深少少才入好啲。

Philip:中移動不用停牌，因為佢只係母公司併鐵通，無影響中移動，佢無大變動，所以不用停牌，其他公司要停，因為要搞清楚收購項目和合併的具體作價。

KFC:新地繼續打交，短線續睇淡，基金沽新地揸長實的行動未完，但新地跌得多，又隨時出招自救，例如宣佈某個價位下回購之類，所以新地股價充滿變數，短期向淡多啲。

Bdroom:我話一太「有買開」可以在４．７元、４．８元買，唔係叫有貨者溝淡，而係問問題的朋友似經常買賣一太，對此股認識較多，我只係叫佢呢啲價位可以入市炒吓。

Fish:長線投資者一年得三幾次好機會入市，入市後跌１０％又點，睇你對隻股有幾多認識，如係大藍籌，股價有盈利支持，暴跌後買入，再跌不一定要止蝕。　

平凡人：你對財經評論人員的分析很「到」，他們的確有你講的問題。

Piker:你問一年利率走勢點睇債券，美國一年後有機會加番息，若有加息趨向，債價會向下，恐怕債價現在近頂，不宜買入。

Starfish:恐怕大市未來反彈後會再試深少少，想買２６２８和２８２３要等佢跌深少少。

水滴石穿：買了法興的基金，你怕佢執，若正常情況下，銀行執不影響旗下基金，因為是獨立戶口分開管理。
若買２０年、３０年，一個平衡組合，你又不太年長，可以３０％買美股，７０％買新興市場，以中國和印度為主，年輕可以多搏。年近退休時，應減少對新興市場的投資。新興市場升時，不需降低其比例，若覺得炒得太顛，可以減持一部份（不多於一半）。Rafi的計法睇多的基本因素，可能比一般比睇市值的好少少。

Mr.Business

注：此篇文章版权归香港頭條網所有

金融High Tea——麻雀飛了 獵豹未郁
2008年5月26日

港股上周五正式擊穿25,000點收市，恒指高開見25,128點後反覆向下，收報24,714點，跌329點。期指收報24,609點，跌349點，比現貨低水105點，港股短期形成弱勢。

若睇兩大股走勢，礇豐（005）[股價及相關新聞] 只是微跌0.3%，但中移動（941）[股價及相關新聞] 就跌得好厲害，內地正式啟動電訊業重組，鐵通併入中移動母公司中移動集團，市場憂慮中移動獨大的優勢受威脅，中移動急跌3.8%，聯通（762）[股價及相關新聞] 、網通（906）[股價及相關新聞] 、中電信（728）[股價及相關新聞] 停牌前分別急升11.86%、12.47%及6.98%。

中環茶友話，即使中移動下跌有其行業因素，但市場對中國電訊業重組的觀感會持續一段時間，相信短期中移動也是走弱居多，中移動是指數大股，其弱勢會構成恒指的壓力。

小心美股彈完再調

美股同樣繼續走向調整態勢，杜指上周五再大跌145點，跌幅1.2%，收報12,479點，連12,500點都插穿埋。美股周五下跌主要係樓市不振和能源成本上升的憂慮。美國4月二手樓銷售以年率計跌1%，跌幅多過預期，而未售房的供應創新高，而今年4月樓價比去年同期跌8%，係第二大跌幅，幾個數字顯示持續27個月的樓市下滑尚未結束。

美股呢次調整都來得幾快幾深，要睇杜指插穿12,500點的後向，一個星期跌4%，跌得過速不排除有反彈，但恐怕反彈完仍會處於調整態勢，加上今晚美國假期休市，暫時都唔可以期望美股反彈帶番起港股。中環茶友話，港股短期反反覆覆向下居多，不排除要先試24,000點關口，然後進一個呆滯狀況，直到下個月尾基金半年結時，大市才會好番少少。

見到港股這種市況，就想起成功炒家Mark Weinstein講起麻雀和獵豹的比喻，他向《Market Wizards》（或譯市場魔法師）的作者Jack D. Schwager講起，由1980年開始，他未曾有一個月輸過錢，他甚至沒有輸錢的星期，只有輸錢的個別日子，即係話他即使那個星期有一、兩日輸鰦錢，最後都可以贏番，令到成個星期都有賺。

麻雀膽小 只食一段

Mark Weinstein可以有咁高的贏錢比例，原因係佢「對市場有真正的恐懼」，知道最成功的炒家就是對市場最畏懼的人，他對市場如此畏懼，逼到他要求自己入市時有高準繩度，而且無論幾小心都好，睇市都無可能永遠飱，所以入市後一唔對路就閃。

Mark Weinstein講起自己在屋企炒作時，有空會到花園餵麻雀，當他拋麵包畀麻雀食時，發覺麻雀每次只咬一啖，跟覑馬上飛開，食完又飛番轉頭食一啖，來來回回好多次，每次只係食少少，麻雀可能要來回100次，才食到白鴿一次食咁大塊的麵包，所以麻雀食№安全好多，你好難射到麻雀，因為麻雀實在太快了。 Mark Weinstein就是用這個方法去短炒，好多時只是即日鮮，他自言「當我確定標準普爾指數升緊，我不會等到底才買，買入後亦會在到頂之前就沽，我只係食中間一段，因為那時大市的動力最佳，就等如麻雀食№那樣。」（《Market Wizards》p.338）

獵豹謹慎 百發百中

不過Mark Weinstein亦會坐盤做中長線交易，那時就會如獵豹，雖然獵豹是地球上跑得最快的動物，在短途賽中，牠可以跑贏任何動物，但獵豹仍然會等待完全確定的時機才出手，牠可以在灌木叢中坐一個星期，只等待最佳時機才出手。牠的目標是幼羚羊，但不是任何一隻幼羚羊，而係有病或跛腳那一隻幼羚羊，牠要確定自己完全無機會失去獵物，才會撲出來攻擊，這就是專業交易的縮影。

好多股民無耐心等候合適時機才入市，不會等大市環境提供最好入市機會之前，在森林還是黑麻麻的時候，就忍唔住走入去。Mark Weinstein卻如獵豹那樣，好有耐性，不急於交易。

很多散戶分唔開自己幾時做緊「投機的我」，幾時做緊「投資的我」，搞到亂晒，用投機的方法去投資，用投資的方法去投機，方法錯置，自然好濕滯。你睇 Mark Weinstein這類大炒家，甚至好多其他大炒家，不要以為他們只係短炒，其實長短交易皆做，既短炒，又坐盤，但兩種交易方法大大不同，短炒時如麻雀，快進快出，食夠最好味的一段，起碼平鰦部份倉先，以鎖定利潤，一唔對路就閃，對短線市場的反覆充滿戒心。

等油價200元買航空股

但大炒手要坐大盤時，就要格外謹慎，中長線投資最大的保險，就係買入價要夠平，要買貨就等跌殘時，等如吼中跛腳小羚羊，才飛撲出手，買入價夠平，就可以確保萬無一失。他舉金市為例，他會等升過龍或跌過龍的市況才入市，他坐盤用槓桿買入，買入後預鰦再跌，要預夠俾人追兩次孖展的錢才入市，若有這些預備，等飱升得夠深或跌得夠深時入市，除非經濟出現重大變動，否則好難輸錢。

套用Mark Weinstein的麻雀和獵豹例子，假設你係一個好友，可以咁樣睇，若作為炒短線睇好大市的麻雀，大市多次上衝26,000點不破，又穿埋25,000 點，雖然排除再跌深一點會反彈，但係短期弱勢已成，係調整市或牛皮市居多，對好友不利，麻雀仔要飛開轁一轁為尚，要等度過5、6月，大市有番鱓氣氛時，再搵食都未遲。

若作為睇好的獵豹，現時亦未到搵食時機，好多股升鰦上來之後，依家在回吐當中，跌又未跌得夠深，太快追入恐怕要捱一段，等大市反覆調整到24,000點左右，可能有較好的入市機會，所以暫時唔好郁住。

周末和中環茶友講到油價，依家130美元一桶，高盛唱到200美元，依家油價超貴，但短線似升多過似跌，油價既有地緣政治風險，又有大量炒作因素，愈挾愈高絕唔出奇，但油價炒味太濃，若急促炒上150美元，甚至200美元，就真係升到過份，由於油價的供求並無重大失衡，只是因為預期因素而一步步推高價格，失得急，跌得勁，若果真係上到那些顛位，油價爆煲亦指日可待，散戶既唔好參與炒期油這種高危動作，那時更可以買纒同油價走勢相反的航空股，計劃坐佢3、5 年，背後的理念係唔信油價可以在150至200美元這種高位，可以維持幾年，當無人願買航空股時，就係「投資的我」入貨的時候，依家再等等，睇住油價向上，就有更佳入市價位出現。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有

電訊變局         

2008/5/26 上午 09:59:22
網誌分類: 經濟

美股道指上周五再跌１４５點，跌幅１．２％，連１２５００點都穿埋，今早日股開市都唔靚仔，日經指數早段跌２５７點，跌幅１．８％。港股今日明顯受壓，特別係受大陸電訊業重組影響的中移動，有可能會進一步拖低大市。

國家工業和資訊化部、發改委和財政部聯合發佈通告，進一步披露電訊業重組詳情，將國內五大電信運營商合併爲三家，照此計劃，國內電信市場將形成中國移動、中國電信和中國聯通三足鼎立的新格局。

上述各部委在通告中表示，此次電信改革旨在形成適度、健康的市場競爭格局，防止壟斷和過度競爭及重復建設。官方公佈的重組計劃，就是陸羽仁早前講過的「五合三」方案，過去只經營固網的中國電信收購中國聯通的CDMA網的資産和用戶，首次涉足流動電話業務，中國衛通的基礎電信業務並入中國電信。中國聯通則與中國網通合併，而過去經營固網的網通亦透過與聯通合併及取得３G牌照，踏足流動電話市場。而現時的流動電話霸主中移動的母公司中移動集團，將會收購鐵通。

除了運營商內部的調整，3G牌照的歸屬也一直備受關注。三大部委在通告中指出，將在電信重組後發放3張3G牌照，支援形成3家擁有全國性網路資源、實力與規模相對接近、具有全業務經營能力和較強競爭力的運營商。

要明白收購的影響，首先要明白現時中國電訊業的格局，現時是中移動一家獨大，主要因為它壟斷了前景最好的移動電話業務，它使用的是GSM歐洲制式，是世界上最流行的形式，電話機款式多，價錢較便宜，競爭力極強。過去中移動的競爭對手是聯通的CDMA，這種美國制式的電話，全球使用不廣泛，令電話機選擇較少，據說機種選擇只是GSM的１０份之１，而且價錢較貴，令聯通的CDMA生意唔生唔死，聯通搞GSM又搞得比較遲，對中移動缺乏競爭。

而固網市場就由網通和中國電信一南一北地分割，由於大陸電訊業是跳躍式發展，好多地區移動電話和固網同時發展，有些家庭未有固網電話已有移動電話，令固網市場成為一塊豬頭骨，食之無味，棄之可惜，兩間公司前景大受限制，唯有力爭寬頻市場，令這個市場爭到頭崩額裂，舖網成本大，生意利錢不高。

由於出現中移動一公司獨大的局面，其他電訊公司無法競爭，所以阿爺就借３G出台的機會，重組電訊業。將現有５間公司合組為３大集團，最後３大集團都可以有３G經營牌照，希望在新平台之上競爭。

三大集團各有所得。首先是聯通和網通，聯通賣走經營不好的CDMA業務，套取現金做３G，它將會獲得最好的歐洲製式３G牌照，這種製式將會有最多話機選擇，有一定的競爭優勢，唯一的牽制是阿爺要先發展內地制式的３G業務，所以聯通和網通的３G推出時間最快也要明年，在這個組合中，最有利的網通，它是由固網公司，一下子跳到經營歐洲制式的３G。

中國電信也是由固網商一下子跳到流動電話業務，它是先做CDMA，再做３G，雖然話CDMA係豬頭骨業務，但中國電信有錢但沒有做流動電話業務經驗，先實習一下也不壞，但未來它獲得的3G牌很可能是美式，這一點在３G競爭上較弱，但中國電信錢較多，打通一條流動電話業務給它，長遠就有生機。

中移動表面上受損最大，因為一下子多了兩個較強的移動電話對手，在３G平台上競爭，中移動的３G是國產制式，技術上不太成熟，但阿爺先讓中移動的國產３G出台，讓它有半年至１年的優勢，先搶市場。

目前大陸電訊業重組，短期內是一個亂局，對三大集團的實質影響未明，長遠來說，中移動應該仍有機會維持一哥地位，其他兩大集團仍不易挑戰其地位，但未來內地電訊市場的收費會受壓，壟斷性收益肯定會減少了。

陸羽仁

http://www.hkheadline.com/blog/r ... rd=&searchtype=

Mr.Business

2008/5/27 上午 11:30:19

陸羽仁覆網友

昨日截止競投前競爭激烈，多謝網友們踴躍行善，網友Blackjack出價最高，捐款１００００元，多謝多謝。

益力多問起出價超過１０００元但又不入圍的朋友如何處理，我和頭條網的朋友商量過，會再接觸競投失敗的網友，如他們願意繼續捐贈，會賣書給他們。截止目前為止，初步統計籌得善款１４萬元以上，再次多謝網友支持。

Kanlai:你話Fisher是以「閒聊」了解公司，問我用乜方法，我也是用這個方法，每和一個人閒話，你總會了解到什麼，也不一定要和公司的大老闆傾，例如你和一個建築工人傾偈，問吓佢建築行頭如何，就知道建築業掂唔掂，甚至建築公司掂唔掂，當然睇一間公司，要睇佢最大個瓣生意，呢能夠睇到管理公司無乜錢搵，就話地產發展公司唔掂。

Ray:買恒基和新世界分三注，可在現價或跌深少少入第一注，將它們３月低位定做第三注，所以恒地在５２．５元買第二注，５０元買第三注，新世界１６．５元買第二注，１５元買第三注，我估今次調整唔會落番３月低位，但入貨價定低啲永遠無壞，只怕無錢，唔怕無貨買。

亮仔：多謝提供資料，電訊業重組又的沒有太新的東西，請你在內地多收風，以後多來交流。

So:新地兄弟未鬥完，股價在反彈中，投機炒吓可以，投資者難睇清幾兄弟惡鬥互揭臭史的風險因素有幾大。

Stefinition:阿媽俾２萬元係，月供可以，新仔炒波幅多多唔夠輸，開頭贏了，以後輸得更甘，睇吓書，研究吓，小注試下，試過才知炒作不易。

Ktyi:你２２歲大把青春，買一個組合，滙豐和恒生H股基金（２８２８）可以做膽，長期買，但３０歲買樓，就要學懂平價買好股之技，等好股跌到殘時買，慢慢研究啦。

Any:你八成現金，入貨價又唔太貴，唔使沽貨，望佢跌得甘啲，俾機會你入貨仲好。你要大叫跌！跌！跌！

迪迪仔：買２００萬樓收租，而家升到２２０萬，都係再放租好啲，現租金年回報４．３厘，樓價不太貴，若樓升到２６０萬元時，租金一樣，回報跌番到３．７厘時，可以考慮脫手。

Bdroom:買窩輪如買期權，羅傑斯話，買期權九成輸（相信窩輪都一樣），係送你做窮鬼的最好方法。但期權沽家要贏，要好專業，做合理對沖，你買ELI及Accumulator,贏時會被人踢走，衰過一般期權沽家，輸時你又無對沖，硬食，所以咁傷。

睡魔托世：想讀大學，讀金融或經濟，都有助提高投資的分析力。想學炒作，睇吓Reminiscences of a Stock Operator(「股市作手回憶錄」)吧。

Hau:７２８上星期買，小心好消息出貨，一回就最好先沽一半，再升可坐，回吐要走。

Mr.Business

注：此篇文章版权归香港頭條網所有

啖啖肉理論
2008年5月27日

油價屢創新高，加上美國步入颱風季節，油價易升難跌。但原來除了油價狂升外，還有一樣原料近日升得誇張，那便是維他命C原料。

Victoria近日返回上海，留意到雖然A股市場疲弱，但有兩隻股票大大跑贏大市，便是華北制藥及東北制藥。在四月二十三日至五月十四日，短短十三個交易日內分別飆升了百分之七十四及百分之六十九。

維他命C原料價倍漲

看看原因，原來維他命C原料藥價格，由年初國內供貨價僅為六十元人民幣每公斤，升至五月十九日的一百二十五元人民幣，漲了一倍多。如果不是上星期回去了上海，Victoria想自己也沒有那麼快得到這個資訊，分析內地的公司還是身處內地最有優勢，因為資訊永遠是來得最快的。

近日跟朋友討論股票，某朋友提出了一個「啖啖肉理論」。何為「啖啖肉理論」，其實於經濟學上這被稱為「營運槓桿效應」，只是朋友用一個比較形象化的方法去解釋。

當企業銷售量很小時，收入不足以彌補變動成本和固定成本，企業處於虧損狀態；但隨覑業務量的不斷增加，單位產品所負擔的固定成本不斷下降，單位產品盈利能力上升。

當銷售量超過盈虧平衡點後，企業經營有利潤，此時，由於固定成本不變，產品售價每升一元，那一元對公司來說都是「啖啖肉」。

銷量勁升 公司賺大錢

以維他命C原料藥價格為例，製藥是固定成本超重的行業，相信單是環保設備已經要投資過億元，如果不是上市公司，怎麼可能拿得出那麼多錢？

香港上市的製藥公司只有一間有生產維他命C原料藥，那便是中國製藥（1093）[股價及相關新聞] 。當維他命C每公斤售價二點八美元時，集團維他命C部份出現虧損，顯見二點八美元是低於成本。相反地，價格升至四點六美元便出現盈利，可猜想維他命C的成本價是介乎二點八至四點六美元中間。只要維他命C的價格是高於成本價，於固定成本不變的情況下，價格每升一元，那一元便是集團的「啖啖肉」。

中國製藥季績可期

剛才說過現時維他命C原料藥價格已經升至一百二十五元人民幣每公斤，即是大概十七美元每公斤。所以有理由相信○八年對於中國製藥來說是賺大錢的一年。

中國製藥（1093）[股價及相關新聞] 公佈首季業績在即，屆時便可以有一幅更清楚的圖片，但有一點要留意，便是一般製藥企業向上游定貨的定單約七成都是長期的，所以維他命C價格急升有可能不會即時反映於第一季業績。但如果維他命C價格持續於這個高位徘徊，第二及第三季業績更值得期待。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有

金融High Tea——向下移動 要買真平貨
2008年5月27日

港股在調整市遇上電訊業重組出台，搞到指數成份股中移動（941）[股價及相關新聞] 大跌，港股雪上加霜，恒指一開就低開480點，曾一度反彈上24,332點，令跌幅減至382點，但下午又再軟，最低曾跌至24,100點，收市跌近全日低位24,127點，跌587點。由昨日開始大市延長交易10分鐘至4點10分才收市，期指就延長15分鐘至4點半才收市，期指首日延長交易活躍，尾市抽番高鱓，收報24,259點，跌350點，比現貨高水132點，成交78,350張。國企指數亦挫415點，收報13,221點，大市成交767億元，跌市又唔算大成交。

內地股市受四川餘震及美股弱勢影響，上證綜指一開市就跌穿3,400點大關，收3,364點，跌108點，跌幅3.1%。

中環茶友話，大市跌得急，反彈纒唔出奇，但短期反覆走弱居多，投資者唔好太心急入市掃貨。昨日藍籌股最威鰟隻竟然係新地（016）[股價及相關新聞] ，係少數帶動恒指向上的股份，帶起恒指向上14點，新地兄弟打大交，大佬阿水哥上周申請正式禁制令失敗，昨日向上訴庭上訴都輸埋，制止唔到兩個細佬加新地董事局掃佢出局，局面稍定，新地股價之前跌突鰦，昨日逆市升1.8%，收125.7元。新地兄弟打交沒完沒了，唔知下一步爆乜醜聞，雖然跌得多反彈纒唔奇，投資者都唔使咁急去撈底。

高盛唱淡 基金洗倉

至於跌得最甘的中移動，昨日大跌10.2元，收報114.9元，大跌8.2%，市值一日唔見2.000億，單係佢已經令恒指跌了267點，佔恒指跌幅45%，咪話唔恐怖，經紀話中移動已經變鰦「向下移動」。

國家工業和資訊化部、發改委和財政部聯合發佈通告，進一步披露電訊業重組詳情，將國內五大電信運營商合併三家，國內電訊市場將形成中移動、新中國電信和新聯通網通三足鼎立的格局，將會發出3個3G牌照，讓3大集團競爭。

中移動跌得咁甘，見到不少大行掛牌大手出貨，有基金洗倉的味道。高盛係其中一個主要唱淡者，佢將中移動的評級從中性下調至賣出，將該股加入到「確信賣出」的名單，目標價從135元下調至105元。中移動當前股價和高盛目標價還有近10元的差價。

高盛表示，政府發佈的電訊業重組公告中包含四項出乎意料的政策意圖，對中移動非常不利，包括：政府將在一定時期內採取非對稱監管措施；鼓勵移動通訊運營商相互開放網間漫遊業務，漫遊結算等價格由政府制定；重組完成後將發放三個3G牌照；加大對自主創新的支援力度，國有資產管理部門將自主創新作為考核電信運營企業的重要指標。高盛指，上述風險並未完全反映在市場對中國移動股價的預期上，所以要調低中移動的評級。

陸羽仁卻認為，官方公佈的電訊業重組方案，沒有太多出人意表的東西，大方向的確對中移動不利，現時內地最賺錢的電訊業務是流動電話業務，由中移動一家公司獨大，聯通的CDMA流動電話無得爭。重組後執過位，三家新集團都可以搞流動電話，三個都可以做3G，中移動做國產3G，技術水平較差，手機機種較少，但阿爺會扶持自主創新科技，又俾中移動先於對手搞3G近一年的時間。而新聯通網通雖然可以做歐洲制式3G，但時間上落後，未知3G之戰鹿死誰手。（電訊業重組分析亦見我在昨天《頭條網》的網誌介紹）

競價交易咪落市價盤

中移動現時佔盡優勢，將來前景出現不確定因素，我認為主要不是高盛講的因素，而是流動電話業務競爭加劇之後，可能出現價格戰，加上中移動的國產3G切入市場有多成功，這些事情可能要一年才看端倪。

中移動現價P/E24倍，若不能維持高增長，這個P/E並不便宜，集團前景存在變數，能否順利過渡看管理能力，若計埋風險因素，高盛講的105元又唔係無道理。好多朋友一見中移動跌，就立刻問好唔好買，我話佢插得急，短期不排除會反彈，但等纒可能吼到平貨，想投機性買入，可以等一等。

昨日開始延長10分鐘競價交易，等到4點10分才收市，現在10點開市前已有競價時段。好多散戶唔知競價係乜，呢鱓係鬼佬要求，減少交易限制，可以盡量完成交易咁話，正常交易掛牌有限價，不能超出20格，但在競價交易時段，有人願意買，有人願意沽就可以成交，買賣不限價。舉個好誇張例子，如果你有1億股中移動，想收市前沽晒佢，落個「市價盤」，即係話任人出乜價買都沽，咁隻股都可以插得好快，理論上咁大沽盤可以跌到70、80元都得，股價變動的「彈性」大了，呢鱓競價時段唔係俾散戶玩，股價可能會扭曲，總知散戶買貨又好，沽貨又好，唔好落不定價的市價盤，以沽貨為例，你落市價盤去平倉，可能有人放個低 30%的買盤等扑傻瓜都講唔定，小心。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有

炒波幅（６）         

2008/5/27 上午 09:25:51
網誌分類: 經濟

散戶去賭錢，去炒股，永遠都在想一些必勝術，但你可能不知道，這些必勝術已經經過千千萬萬人研究過，答案是單個個人去賭場賭錢，係沒有必勝術，必贏的是機率佔優的賭場，然後會贏的也是玩機率的賭博集團，賭博集團係在機率缺陷下，仍然能在賭場（及馬場）嬴錢。

網友Kanas112去澳門，佢平時無賭錢，首次賭就嘗試找一些「方法」，他玩骰寶，用的方法是留意過去３、４舖沒有開的結果，然後去買，例如過去４舖開細，就買大，一舖唔中，加注再買，買到贏為止，他認為自己有機率優勢，因為開了４舖細之後，連開５舖、甚至６舖細的機率已經很小。

網友Wacko指出，這是典型的賭徒謬誤，以為每一舖的機率是有相關的。無錯，你未賭之前問，連開５舖細的機會率有多大？假設一舖開細的機率為０．５（實際上加埋開全骰真正買中率會略低於０．５），五舖都開細的合共機率是０．０３１２５，即係一百次只有３．１２５次會出現咁結果。但現實上每一舖是獨立的，無論你在連開４舖細之後買細，或者連開４舖細之後買大，機率同樣是０．５，不會話當時買大的機率，優勝過平時的機率。

Kanas112話用７００元贏了５０００元，很高興，真正令他贏的是輸時加注手法，但這個手法可以令人一般地贏，但最後輸一舖就輸身家。我聽過一個例子，有個富豪和朋友「鋤大D」，每輸一舖加注雙倍，由於是私人賭局，可以無限加注，點知佢連輸了２０幾舖，輸到過千萬，佢決定放棄，因為再賭落去，真係咁黑輸多１０舖８舖，佢可以成副身家一晚輸哂，賭博之害就是如此。記住最爛賭之人，都唔會覺得自己亂賭，都覺得自己有套方法，問題係嗰套方法唔得而矣。

Kanas112，信我啦，你講那個方法我研究過，唔係幾得。在我細細個時，阿媽過年和我們小朋友玩啤牌「三公」（平日不准賭錢，過年例外），我阿媽就係用呢種手法，大烚細，佢輸咗就加注，結果贏哂我地幾個小朋友，不過我大個後就知道呢種手法唔得。你贏一次錢，信咗佢得，愈賭愈多，不能自拔，最後一舖輸獲甘。

去賭場賭，證實咗得的賭法是用記牌方式賭２１點，一個集團有７、８個人，大部份是記牌員，有１、２個下注的狙擊手，例如６個人分開６張枱記牌，他們有一套方法，記下出大牌的數目，例如出一隻大牌就加幾多分，出一隻細牌又減幾多分，當餘數大到某一個水平時，就知道大牌出得七七八八，出現機率有利時刻，記牌員會暗中通知狙擊手到那張賭枱去賭，咁賭法都會有贏有輸，但由於機率佔優，長賭必贏，在機率佔優時，賭得愈大，贏得愈多。所以賭場一發現有賭博集團在運作，就馬上把他們記入黑名單，不讓他們再入場。

炒股講方法，錯誤的方法，唔會帶你到正確的目的地，散戶炒炒吓，好多時也用了似是而非的方法，上述講賭輸加注的方法，就等如買股輸咗加注溝淡，加注後博佢升番，就可以脫身，問題是溝咗一次得，就次次去溝，終於有一次溝著隻永不超生的雞股，一舖輸身家。

我有時聽收音機，聽到一些７０、８０歲阿婆話自己買咗啲熱門股，隻股炒完插咗落去，問主持人名咀點算，名咀就叫佢不妨溝吓，或者個主持人覺得隻股衰一排會再炒過，但係我心諗，你叫阿婆去溝，阿婆光陰有限，會唔會等唔到隻嘢升呢？況且大家見過曾經是大藍籌的電盈（００００８）永不超生，就知道無乜股溝貨一定唔會死。

正確方法是買股唔順手時，要減持而非增持，贏錢時加注，輸錢時減注，係最簡單的道理，炒股也好，賭錢也好，要講方法，可惜散戶大多數掌握唔到正確的方法。

陸羽仁

http://www.hkheadline.com/blog/r ... rd=&searchtype=

Mr.Business

2008/5/28 上午 10:25:27

陸羽仁覆網友

見到網友KowloonTV話可以唔要書都照捐錢，我嚮應吓佢，捐多２萬元出來，讓善款數字增到１６萬以上，再次多謝各位慷慨解囊，捐多捐少無所謂，都係一點心意。

Twohitsix：點解你咁叻咁易搵番我啲舊回應出來覆人？

Ray:你問一些超大股，如盈富基金（即香港的指數），唔順手時，只要唔係超買，係唔係可以增持。你將順唔順手和股市係唔係跌過籠兩個問題撈埋咗，我注意到你唔鐘意高位追揸，鐘意低撈，但有時撈貨時未見底，撈完再跌，例如今年初在２４０００點，２３０００點水位買貨，買完再跌，如果唔順手就走，就會在２１０００點走咗，所以你倒轉來問，買盈富係唔係應該在唔順手時加注。

我會咁講，你係大戶，懂得分基本因素，炒作無論如何要在唔順手時減注，但投資看基本因素，如果你分析２１０００點港股極度超賣，可以買，就同順手或唔順手無關了。識得計股份基本價值的十分一人，最好按按基本價值投資，但投機是例外。

如果李兆基講５、６月牛皮，８月升，你的長線投資未來兩三個月每日平均咁入，都係一個平均投資法。

你問若中移動若跌到１０５元，股市睇幾點，我估要試２３５００點。

你問如果中移動失去優勢，PE是否只值１５至１７倍，我覺得差唔多，真正的問題是中移動是否會失去優勢，我話短線要先跌，長線要睇睇，佢有六、七機會保持優勢，怕只怕國產３G太唔掂，或價格戰太厲害，一打價格戰，中移動市佔率大，就直入底線。

小丑魚：股市係一個鱷魚潭，不斷有大量的大魚小魚游入去送死，但只有極少量的大鱷生存得好好。美國散戶高位透過買芬買港股，低位要贖回，做o既事情和香港散戶亦一樣。

Kanas112:你今次好彩連輸５舖就贏番，現實上連輸十舖一啲都唔奇。下次不一定咁好彩，事實上賭場鼓勵散戶用計住績的方法來賭，登埋住績出來，就係咁作用，因為賭場知道呢個方法唔得，唔怕你計。

S2000:買金保值睇十年,可能不如買盈富基金保值。小心美元年底開始加息,見底反彈。

Bdroom:散戶若能力EQ不足,賭衍生工具無論升市跌市都係輸多過贏。

Yuki:大市短期似向下,你問我為何還建議阿Ray,佢係分段吸納的低撈一族,不追求最低價,佢問的都是跌得較深之股, 打開入貨價,分段入,可以確保入到一點貨,平均價不會太高。當然,如果我認為未來有股災,就會叫佢忍手。

Indy:穩價期是公司新上市後包銷商可以協助穩定價格的一段時期,包銷商可能可以有額外報酬,具體安排就說不清了。

Hau:若你投書成功,應有頭條網人員聯絡你。

Mr.Business

注：此篇文章版权归香港頭條網所有。

金融High Tea——睇住油價炒到爆
2008年5月28日

恒指昨日高開112點後，下午升至24,441點後回軟，反彈乏力，收報24,282點，升155點；期指收報24,178點，跌81點，比現貨低水104點，成交89,455張。國企指數上升109點，收報13,330點，大市成交縮減至545億元。

中移動（941）[股價及相關新聞] 經前天重挫後，股價開高，最高曾上過116.6元，但散戶一追就死，基金沽貨未完，結果收報114.7元，微跌0.2%收場。

內地股市一樣咁靜，上證綜指少漲收場，收報3,375點，升10點，升幅0.3%，上海和深圳兩個股市成交額合共只得837億元人民幣，比對上一日萎縮近兩成。

中環茶友睇見大市成交得500幾億，話相當唔開胃，連內地都咁靜，如果美股無像樣反彈，港股都係牛皮向淡居多。他說港股短期跌鰦超過2,000點，應該先有較好反彈，才再試底，不過外圍雖無重大利淡消息，但油價升上133美元一桶，慢慢對企業盈利帶來隱憂，因為油價上鰦100美元一桶無耐，企業尚未完全消化高油價的壓力，又再上高位，公司想將部份油價成本轉嫁俾顧客都轉唔切，油價再咁急升，企業都幾難捱，成為股市的隱患。

泡沫特徵有齊晒

茶友話大炒家索羅斯講油價值得留意，索羅斯接受英國《每日電訊報》訪問時表示，現時油市已開始出現泡沫，美元疲弱、中東的供應減少及中國需求上升，均刺激油價向上，但投機者炒作才是油價節節急升的元兇。索羅斯認為，在熱錢流入刺激下，油價以拋物線上揚，有齊泡沫化特徵，若英美頂唔順高企的油價，齊齊出現衰退，油價泡沫將會爆破。

茶友問，索羅斯最叻係乜？當然係炒作啦。索羅斯都話油價投機炒作，並有齊泡沫化的特徵，都算係權威分析了。當一個大炒家發現一種商品有泡沫時，你估佢會諗乜？第一係順住來炒，第二炒相反炒佢爆煲，相信油價急升完再急升之後，會開始累積相反勢力，炒佢爆煲。從國計民生的角度，油價爆煲回落，全球性的高通脹和高糧價都會一併紓緩，實在是好事也。

當然油價爆煲不會明天就出現，因為泡沫大升市後段呈拋物線向上，油價隨時升上150美元，甚至200美元，可以係一個月內發生的事，但油價愈升得急愈好，升得愈急，又無像樣回調消化，在圖表上見到一條直線咁向上抽，就會爆得好快。

高油價受惠者如中海油（883）[股價及相關新聞] ，早前造過16.24元的高位，近期回落後，昨日又跟住油價彈，升3.7%，升番上14.96元，獱住中海油就要睇油價，若油價回落破大位，就要跳車，否則就坐纒順風車。

新地風波炒輪無肉

航空公司自然是油價急升受損者，但飛本地的航空公司獲民航處通過增收燃油附加費，昨日股價反彈，國泰（293）[股價及相關新聞] 升0.8%，國航（753）[股價及相關新聞] 升0.6%，南航（1055）[股價及相關新聞] 升1.1%，東航（670）[股價及相關新聞] 升1.2%。

新地（016）[股價及相關新聞] 事件昨日攤牌，公司召開董事會，除了郭炳湘外，全部16位董事一致通過免去大佬郭炳湘的主席及行政總裁職位，任命郭老太郭鄺肖卿暫時出掌主席一職，而兩個細佬郭炳江及郭炳聯則出任聯席行政總裁。大佬郭炳湘仍然不滿，話今後會以非執行董事的身分，繼續監察新地運作，維護全體股東最大利益云云。未知大佬阿水哥會出乜№招，所以不敢話新地風波已經落幕，昨日新地股價繼續反彈，收報126.8元，升0.9%。

有茶友話兩星期前新地事件曝光時，若撲入去炒窩輪，都無乜好多肉食，他假設5月13日風波見報當日以開市價買隻新地認沽輪，鎖定某一隻輪來睇價，如今只賺 19％咁大把，中段仲跌過，食晒驚風散，正股到如今都跌鰦8.6%，隻輪又話4、5倍槓桿，但就只係跌得咁「多」。若在同日買新地認購輪，又鎖定一隻來睇價，如今就唔見鰦55%，買輪買錯就跌得甘，買中贏又贏得有限，真係相當蝦人玩也。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

炒波幅（７）         

2008/5/28 上午 09:23:43
網誌分類: 經濟
　
油價回落及消費股向上，令美股反彈，道指升６８點，升幅０．６％，升至１２５４８點。美股之前回得太勁，到昨日公布５月消費信心指數跌到５７．２時，雖然高於市場預期，並且是自１９９２年以來的低位，但消費股不跌反升。油價亦因為市場憂慮高油價令消耗減縮而出現４月以來最大單日跌幅，７月期油跌至１２８．３美元一桶，急跌４美元，而期油在上周四曾上１３５．０９美元的新高。油價下跌亦對美股有支持。

有時看著網友的回應，都有點感慨，有源源不絕的新仔湧入股市，一個批輸了，又來一批。網友小丑魚問，市場有１００、幾十個大戶，邊有咁多散戶俾佢食。我也要說明，大戶不一定贏錢，都有大基金炒燶，不過老散的死亡率委實比大戶高得多，你唔使擔心唔夠散戶，散戶多的是，我認識一些超級大散戶係上市公司老闆，佢地做生意、做廠賺好多錢，但係賭期指可以億億聲咁輸，你又信唔信？

至於一般散戶，更多如牛毛，睇吓網友回應就知，佢地以為炒吓波幅好易賺錢，你睇吓啲股票、黃金、外匯、原油，可以係咁升喎，買咗咪好發？佢地只睇到升o既一面，睇唔到波動的一面，睇唔到跌的一面。

瀨嘢例子好多，隨手搵到一兩個，網友ktyi咁話：「小弟係股場新手一名，去年股市大熱先投身股海(火海...？)仲要玩輪。初時真係大賺咗一筆．仲以為搵$咁易咁過癮，一路係咁玩(賭)輪，之後經年頭大插插，卒之倒蝕咗幾萬.....係度睇陸sir睇大家睇得多了，獲益良多，發現自己就係典型老散，唔識收手，其實一d都唔係投機的料子，所以都係做番投資的人算了。」（陸羽仁按：賭錢贏開，無人識得收手）

網友股海淘金則是炒期金中伏，佢去年在大跌市低位撈咗中石油（００８５７），低位賺咗一筆，「之後以為自己好叻,學人炒期金...升跌一點780港幣...揸左2張...在黃金升到1005美元/盎司時買升...然後...美國一話減息，黃金就插到984美元/盎司...唉...果時成個人灰哂...依家諗番...其實當時金價見頂已經傳到全市都係...實在係冇理由仲買升既...係小弟身上再一次驗證,人棄我取原則...」（陸羽仁按：摸頂追貨唔緊要，最緊要識斬，唔斬仲大鑊）

網友肯講出自己輸錢經驗，肯檢討，已經係成功第一步，衰唔緊要o既，唔好衰第二次，更加唔好以同一個方式衰第三次，第四次．．．．

呢頭見好多半新老散講瀨嘢經驗，嗰頭又見好多新仔撲入股場學炒嘢，想炒波幅咁話（我寫咗咁多篇炒波幅，話俾大家聽波幅唔易炒，唔知點解新仔仲要樂此不疲，問我點炒）。網友Stefinition話阿媽俾２萬元佢，等佢試吓投資，佢想一年有１０％、２０％回報，除了月供之外，想炒吓中海油（００８８３）波幅咁話。

新仔睡魔托世又話：「陸sir,如果我決定向短炒進攻,咁我如何係茫茫股海選股呢???還是期貨嚟得比較直接呢 ???請陸sir給我一些提示吧~~~~~」

你睇你睇，新仔連期貨係乜都未識，就話想炒啦，點算？！

昨日網友sosgroup咁話：「陸羽仁講物野呀！投資不是賭博， 賭博每一局的勝負機會是不變的， 上一局的勝負和下一局無關。 而投資卻是不停的鐘擺。 短期波動是在趨勢或平均線上的鐘擺， 而長期升跌是有基本面與增長期望間鐘擺。你以為每天開市都是一局全新的賭博嗎?還有賭博每一局都有開始完結, 投資卻沒有. 你可以即日鮮, 亦可以等十年. 幾時完結一局是由投資者自己決定.」

Sosgroup又話：「贏錢時加注，輸錢時減注，不是最簡單的道理，也不是正確的道理。最簡單最正確的道理是：平價時加注，貴價時減注，隻股跌左輸錢時, 唔係應該先看看由何跌? 是基本因素改變? 還是市場情緒? 如果基本因素樂觀而價值便宜的話, 應該加注而不是減注。以大藍籌的電盈（００００８）永不超生的例來否定溝貨, 是學術界的必讀case. 但是有幾多人看過電盈20元的時候 PE幾多? PB幾多? ROE幾多? 借貸比率幾多? 總之股價跌了, 可以是買入的機會, 要看看那股票的基本因素而定, 而非看你之前有沒有貨。」

原則上，我對sosgroup講的話，同意得不能再同意了，這就是巴菲特的價值投資法，以現金流折現的方法，計出一隻股份的現值，然後睇股價，若比折現價有好大折讓，視為抵買，買完之後再跌，愈跌愈買，隻股總有一日升番上來，反映它的真正價值。

問題是，現實裏有幾多散戶懂得計一隻股票的真正價值？唔懂計真正價值，又如何分平、貴呢？我恐怕看我網誌的朋友，十個之中，有九個不懂分辦一隻股票的真正價值，很簡單一個問題，在中國人壽（０２６２８）今個月高位３５．６元買它，便宜嗎？恐怕好多人答唔到。

例如新仔睡魔托世「決定向短炒進攻」，計劃買期貨，你教佢股票跌可以看基本價值，唔一定要沽，買都得，理論上你呢個講法係啱，不過教科書咗少少，對一眾盲摸摸o既股民來講唔係好實用囉，睡魔托世揸咗期指，覺得論基本因素港股值３００００點，結果大市繼續插，佢輸到仆，補唔到倉俾人打埋靶，咁又點計呢？

又舉例說，一個黑社會大佬教一個新入行的古惑仔去劈友，佢會講「唔對路就閃啦！」你話咁講唔科學，應該話：「去到現場，分析吓企喺你對面個對手的實力，睇吓佢好打啲定你好打啲，分析吓我地人多定佢地人多，分析吓佢地士氣高定我定士氣高，然後決定用乜策略。」可惜個古惑仔根本無能力分析，咁搞法俾人劈死十次都未天光。

有時見新仔魚貫咁入股場，一批批咁俾人屠宰，講嘢都唔可以太理性，只能勸得幾多得幾多啦。做股評人，要從良心出發，要從大量對股市認好少的散戶的主觀角度出發，講啲幫到佢地o既話，一啲都唔容易。

陸羽仁　

http://www.hkheadline.com/blog/r ... rd=&searchtype=

Mr.Business

2008/5/29 上午 10:48:12

陸羽仁覆網友

Ray:想大手買貨既睇點數，亦睇時機，覺得６月上旬仲有得回吓，等一等，睇睇６月上半月係點，如果我話俾你聽２３５００點可以開始買，恐怕在「時間」這一點上誤導咗你，若６月２、３日已跌到２３５００點，我會就會忍手，等佢跌得時間長點，都好大機會再跌深一點，才入。

美元在６月底美國議息前後，可能有一彈，當開始有多啲人如滙豐咁話美國要在今年年底前加息，美元就有機會彈。

Henry:散戶要戰勝心魔，是一生的努力。

S2000:恭喜你搵到工，番工唔好成日掛住炒股。你問３３１１會否如１４２咁反彈，我估無咁戲劇性啩。但跌得幾深，彈吓唔奇。

周生生升跌有秩序，最好等佢回頭開始彈時，才追入都未遲。

股海淘金：你問對沖基金點對沖，佢地原先係投資一些和股市走勢相反的東西，讓買了傳統基金的人，買它們可以對沖股市下跌的風險，但而家已變哂，對沖基金等如作風險投資的代名詞。私暮基金較多做一些拆骨投資，以高槓桿買入一些有拆骨重組概念的公司，花一兩年執靚佢或拆散佢賣。

想做經紀肯博肯捱就得，底薪底，但四點半就放工，你捱得晚上打多半份工都得。

Loklok:投唔到書想照捐錢，可以找頭條網李小姐：27982664, 27982323。先謝。

Pancake:１６５炒起是炒緊大陸搞股指期貨，炒證券股概念。

Yuki:６月頭有無大波動，要看今天結算有無大升跌，若今天無大升跌，若今天無大郁動，月頭過咗頭一兩日多數會靜一段時間。

你問油價調整完未，我估上咗１３０美元這些高價後，油價會極波動，走勢上仍是反覆抽上，直至爆煲為止。

Bdroom:你問靜市散戶可以炒乜賺錢，應該咁諗，散戶若想炒作，應在升市時沽番啲貨出街，在靜市時有彈藥慢慢買貨，買完靜待下次波動向上來臨。

Johnny:炒上電策略不錯，等平啲才買會好啲。

Dominique:你１８．５元買２８２３，入價略貴，正路大陸股市在３２００點至４０００點間走動，若推出股指期貨就會旺番啲，可以守一守，都不有機會上番你的入價。

Ozozman:無方向時離場係好策略。葉漢四宜八忌，部份和賭股票的手法有啲類似。

Catc:你租樓代價成１２ｋ，負擔不少，花點首期，用租樓錢去供樓，可以找到５００、６００呎的市區屋村單位。你問而家買好定等回軟好，如果你仲係阿爸阿媽處住，買樓又要付首期，又要月供，但你已租樓住，只付一筆，都係早買早著，或者會買貴咗都唔定，但長線都有著數，租樓自住等如同人供樓，何不自己供？居屋唔係咁好，質素差，長線升值能力較弱，只宜長住不沽。

Rayray:隻股係炒作股，最近彈過３個浪你都無走，而家在下降軌中，唯有等下個再炒上１元樓上才睇位減持吧。

Mr.Business

注：此篇文章版权归香港頭條網所有。

金融High Tea——美資散貨壓住紅色股
2008年5月29日

恒指在期指結算前夕徘徊上落，低開70點後，在24,339點至24,179點之間窄幅走動，收報24,250點，跌33點；國企指數升45點，收報 13,375點，大市成交602億元。期指收報24,233點，升58點，比現貨低水17點，成交85,455張，6月期指收報24175點，升66點，比現貨低水75點，成交55,282張。

內地股市抽升，因為中國證監會副主席范福春在上海表示，股指期貨經過兩年的精心籌備，各項工作基本已經就緒，消息刺激了期貨概念股昨午之後狂飆，同時推動了權重成份股的買盤，市場人氣回升，上證綜指報收3,459點，升83點，升幅2.5%，上海和深圳兩個股市成交額共計1,061億元人民幣，比前日放大逾兩成半。

中環茶友話，期指結算前夕，恒指卻只有600億成交，市場十分淡靜，呢個月尾段內地電訊業重組消息公佈，中移動（941）[股價及相關新聞] 急跌，拖住指數向下，淡友唔使出力已達標，所以提早放軟手腳。

中移動再探底

茶友更提醒，昨日A股因為股指期貨的消息急抽，香港的紅色股卻無得大炒，主要係有美資大行密密手出貨，主要沽紅色大股，沽貨壓力令紅色股升唔起。美資行未沽完貨，後市難免要看淡一線，恐怕調整未完。

中移動的走勢和早兩日估的一樣，未跌完，昨日再跌1.6%，收報112.9元，看來110元都未必守得住，難道真係走向高盛的目標價105元？睇纒中移動的買家和沽家掛牌陣式，早兩日外資行沽盤排到密晒，如今沽盤已無咁集中係鬼佬證券行掛的牌，估計基金情緒式的減持應該高潮已過，如今中移動股價好似大地震過後，仍有餘震，而且還要看大市走向。至於買盤也有大盤，懷疑有內地盤入貨，內地投資者在中移動大跌時吸纒貨，當然係炒未來中移動重返A股那一浪，富貴險中求也。不過呢件事唔會太快出現，散戶買貨要捱得到眼前跌浪，所以要買都最好分注買，見低才吸。

昨日剛講到油價遲早炒到爆煲，油價馬上先來插一插水，國際期油早一晚在美國市出現4月以來最大單日跌幅，7月期油跌至128.3美元一桶，急跌4美元，期油在上周四曾上135.09美元的新高。油價跌拖埋金價跌，早一日金價在美國市已跌近900美元一盎司，一下子跌鰦10幾美元，昨日在亞洲市連900美元大關都穿埋，見892美元，黃金亦跌得好急。

油價急回令油股下跌，航空股升，中海油（883）[股價及相關新聞] 急挫5.1%，上下游業務平衡的中石油（857）[股價及相關新聞] 升0.2%、中石化（386）[股價及相關新聞] 升0.7%；航空股國泰（293）[股價及相關新聞] 升3.1%、國航（753）[股價及相關新聞] 升2.6%、南航（1055）[股價及相關新聞] 升2.6%、東航（670）[股價及相關新聞] 升0.9%。

料中國通脹將放緩

油價急升，糧價急升，已經搞到世界大亂，歐洲多國漁民罷工，要求國家補貼油費，否則不出海捕魚。

大家唔好話內地8.5%的通脹勁，越南5月的通脹率比去年同期大漲25%，主要原因是糧食價格暴漲。食物與飲料價格的年增率超過42%，基本糧食稻米與其他穀物價格的漲幅超過68%。

越南25%的通脹率，極之嚇人，弄不好是動亂的基礎，試想人工無可能加25%，越南盾的購買力大降，民不聊生。越南高通脹除了因為世界性原因，亦由於加入WTO後，外資湧入引發超高通脹，現時政府的政策是提高幣值，減低貨品輸入性通脹。

反而內地通脹有少少放緩跡象，摩根士丹利發表報告指出，四川省大地震不會改變中國通脹減緩趨勢，預料2008年5月份消費價格指數（CPI）升幅將減緩至 7.6%至8%。2008年5月至今與4月份平均水平比較，中國蔬菜價格下跌19.5%，肉類價格微跌0.3%，雞蛋與穀類和食用油價格則分別上升 2.5%及0.3%。

報告說，雖然中國主要食品供應地四川受到地震破壞，短期內食品價格會有上升壓力，但暫時性的震盪不會改變中國CPI增長減緩的趨勢，如果今年不再發生大型災害，中國本土供給持續改善及國際價格穩定，將使中國通脹逐漸紓緩。

全球高通脹將侵蝕企業的盈利，炒股一定要睇住中國和香港的通脹率。

陸羽仁

http://www.hkheadline.com/news/h ... mp;section_name=wtt