《分享》理财文章系列！

建能

嗨 Uncle，

我很同情你的契女婿和契女，确实，即使有很多钱也没用。

肌肉萎缩病(Muscular Dystrophies)是遗传的，很难医...不知道那几个孩子怎样...

产后忧郁症(Post-natal Depression)，如果经过不断的医疗和辅导，还有希望...

chinchai

Hi,  Kawan,

        PETER 在 墨尔本有两间房屋, 在 ADELAIDE 有两间房屋, 在 PERTH 有一间房屋.

  在 QUEEN LAND有两间房屋, 全部是独立洋房, 供收租. 为了避税, 有些还在供期阶段......

  我曾经建议他, 提早退休, 乘着澳洲地产很 HOT, 澳币高昂, 套现兼套利, 全情投入家庭与孩子.

  更何况退休后, 自己当老板, 当起地产代理, 自由自在, 孩子教育又免费, 剩下不卖的房子, 可收租.

  俩夫妻有病, 过些清淡 优闲的生活, 快乐似神仙, 搬回 ADELAIDE 老家, 生活费又低,  不是很好吗 ?

    P/S 前两年我已向他们建议, perter一家人, 华人新年来我家...

TREX

經歷教訓的我們 - （转载）

作者：曹仁超
来源：网上

一. 最好做你所懂，少沾手似懂非懂的項目
二. 許多時直覺較所謂美言更可信
三. 最好的投資往往是那些你錯過的投資項目

只要你上Amazon.com，有關投資題目已三千三百七十七項，每一項都有許多投資有關的書，根本上是沒有可能看得盡，亦沒有可能認識所有，如果你認為看完三兩本投資的書便認為自己懂得投資，我可以告訴你必定會損手爛腳！投資的書要讀，但千萬不可知少少扮代表。

如何達致成功的書太多，似乎很少人講如何接受失敗！最典型的例子便是飛機的發明。在來特兄弟1903年12月17日成功令飛機成功起飛之前，唔少數學家、天文學家、大企業董事都嘗試過，但都不成功。美國政府為實現此夢想，曾支付Langley博士五萬美元(當年係十分大數目)，連同全國最佳的工程師Charles Manley設計了一架飛機，1903年10月8日在全國記者眼前試驗，可惜此飛機仍飛不起，結果全國批評Langle博士係傻瓜，佢亦因此宣佈放棄。反之，兩個未受教育，資金不足的萊特兄弟將別人試飛失敗的原因記錄下來，並以製造單車學回來的技巧令飛機成功起飛！點解博士唔得土佬反而成功？因為博士名氣太大，一開始便只許成功不許失敗，結果一次失敗連再嘗試的勇氣也沒有，反之，萊特兄弟沒有名氣也沒有心理負擔，並將別人所有失敗理由從自己設計的飛機中剔除，結果成為世界上第一個成功將機器飛越Kitty Hawk沙灘的人，成為「飛機之父」！

沒有人一開始便成功的，其實失敗是成功的養分！小時候學踩單車，今天同學中有一半識踏單車另一半唔識，分別係有人跌倒了爬起來再試過，結果學曉了；反之，有人跌倒了從此唔踩，便一世唔識踏單車。

失敗並不可恥，只有無法接受自己失敗的人，才是永遠的失敗者！請記住：每一個成功人士背後可能有無數次的失敗，但他們沒有放棄，愛因斯坦讀書之時，他的數學教師認為這個小子思想一塌糊塗，永遠都學不曉數！點解你未成功？因為你怕失敗。失敗帶來經驗，經驗改善你的技能，令你日後使小犯錯。當你的技巧達到純熟的階段，成功自然會出現！

成功有理由失敗搵藉口

朋友們！你失敗嗎？有什麼大不了？下次做好些。年紀大？如果1979年列根都咁諗，佢一定成不成總統。冇錢？萊特兄弟以修理單車起家，結果發明了飛機。冇機會？你日日在家裹看電視，財神想搵你都唔知點可以去搵到你。成功的人理由只有一個，他們唔怕失敗；失敗的人理由多多，因為他們永遠搵到藉口。

TREX

決定你係窮人抑或富人有十大標準 - （转载）

作者：曹仁超
来源：网上

曹仁超的專欄時有金句良言值得跟大家分享。以下是二○○五年二月十九日＜信報：投資者日記＞中的節錄：

摩根大通投資銀行研究所得，超級富豪家族後人都揮金如土，例如希爾頓酒店後人帕里斯希爾頓晌衣服花費極之驚人。其次係高通脹下不擅投資，加上西方政府所抽重稅，以及打官司和被欺詐，都係令巨富後人保唔住家財理由。富不過三代全球適用。

決定你係窮人抑或富人有十大標準。

一、 自我認知。窮人好少諗如何去賺錢及點樣才能賺到錢好聽D係「安貧樂道」，唔好聽係「不思進取」。反之，富人天生強烈賺錢欲，會想盡一切辦法去致富。

二、 休閒。窮人認為 「食少多睡覺」，寧願花時間睇《大長今》，仲要加入《大長今》熱去吃韓菜。富人冇興趣睇肥皂劇只會動腦筋《大長今》熱中賺一筆。

三、 交際。窮人喜歡同窮人做朋友，心理上排斥有錢朋友，唔係有錢朋友睇唔起佢，而係自卑心作怪，結果只研究邊度有廉價套餐，邊間百貨公司大減價……。反之，富人交際往往 研究股市點睇、匯市點睇、樓市點睇、邊處有錢搵。結果窮人只知道度有廉價套餐邊處大減價，富人卻知道邊度有錢搵。

四、 學習。窮人學手藝，以便一技旁身天下通行;富人學投資懂得錢搵錢。

五、 時間。窮人的時間唔值錢，可以跑遍港九新界去買廉價貨慳番幾十蚊，但浪費了一整天時間。富人的閑．閑在身體，例如打高爾夫球其實係傾緊生意．腦袋冇一刻停過；窮人的閑，閑在思想，忙著去麻將桌上摸幾把或研究馬經。

六、 金錢態度。窮人經濟觀係節省，勤與儉，慳得一萬就係一萬，甚至投資亦離不開「雞生蛋」理論。例如我老曹曲2002年叫人買金，唔少人回答有冇息收，佢地估唔到金價三年升值50%(由二百八十美元升至四百二十美元)，而斤斤計較雞會否生蛋。幾多股份雖然冇息派，但一年股價上升100%，窮人一 聽到冇息派已冇興趣。

七、 激情與感情。窮人只有感情，聽完新馬師曾唱《萬惡淫為首》便流淚兼捐錢，感情太豐富兼有代入感，好易受感動。反之富人卻不易受感動．例如1989年六四事件居然認為滿街鮮血係入市時機。

八、 自信與自卑。窮人自卑，有些錢便穿名牌戴名錶駕名車才能增加自信，十分介意人地點睇自己。富人自信而不自卑。李實發係典型例子，藍色西裝十年如一日，戴精工表，飲自己公司屈臣氏售賣的廉價紅酒……。以前郭得勝又係另一例子，永遠坐日本車，因為慳油……。呢份自信令佢地光景不佳時唔悲觀，在繁榮期亦只謹慎樂觀;反之，窮人係繁榮期亂花錢，係衰退期呼天搶地。

九、 習慣。有個富人見自己親戚太窮，送一隻牛給他。窮人滿心歡喜，但想到牛要食草．結果將牛賣掉．買些雞來養希望生蛋，結果幾天殺一隻雞來食，一年後富人去探望他，他依然故我仍然係窮人一名:窮人的習慣今朝有酒今朝醉。原來富人自己年輕時亦冇錢，辛辛苦苦儲錢買隻牛．然後到處帶隻牛去食草及取奶賣，賺到錢便買羊生羊仔賣錢．然後開農場，最後變得富有。富人以為送隻牛給親戚可令其發達，但唔明白窮親戚未養成儲蓄與投資習慣，每年送佢一隻牛亦無法脫貧。

十、 上網。窮人上網搵娛樂，富人上網搵投資機會。結果窮人愈上網愈窮，富人愈上網愈窮富。


改變金錢觀念勝過留低家財

為何富不過三代?因富人只把財富留給親人，而非改變佢地對錢的觀念。一如上述富人向窮親戚贈牛．而非教佢養牛。給窮人一條魚今餐佢有飯食，教曉佢捉魚佢便有謀生技能，培養佢管理漁場技巧佢便可以發達。貧與富最大分別在此！

唔少人認為唔夠時間用，解決方法好簡單．就係將電視機關掉。1998年研究結果，一般人每天有5%時間浪費的電視機前，睇電視結果係將10%收入花費是無謂的事上(買自己唔需要的東西)。睇電視已成為現代人最大浪費，包括時間與金錢。減少睇電視後，一般人感到人生快樂多15%，如把睇電視時間改為睇書，你會感到人生快樂多30%。換言之，如何從不滿足不快樂轉為滿足同快樂?方法好簡單，少睇電視多睇書便可以有一個快樂人生。令人快樂的書係咩書?原來係有關浪漫的小說，57%女性喜歡浪漫，43%男性喜歡浪漫，睇浪漫小說令人身心愉快。古典音樂及鮮花有助浪漫氣氛，情人節令人感到浪漫的唔係鑽石，而係鮮花加古典音樂。

TREX

為子女過份安排有如計劃經濟 - （转载）

作者：曹仁超
來源: <信報> “投資者日記” (9-2-04)


最近讀到信報曹仁超文章，覺得語重心長，值得跟大家分享，猶其是為人父母的，更應細味其道理。茲抄下部份節錄:

唔少人努力工作但一事無成，最大理由係欠缺目標，結果白忙。事實上，好多?你唔使去理佢，日子一耐便會消失，因為根本上不重要；但有些事如不及時處理﹝例如止蝕﹞，可以累你一生。好多人所為忙，只是安排時間不好，例如花十五分鐘在無謂電子郵件上、十五分鐘在辦公室內行來行去、十五分鐘?度發牛豆、十五分鐘睇餐牌，上述已浪費一小時。換言之，最忙的人只要每天仍可節省一小時出來處理「真正重要」事項，諗諗自己的目標然後再努力，才唔會?退休之年一事無成。

成功與否在乎行動而非態度，一旦制訂目標，便勇往向前，每天做1%，一年後分別便達365%，七年後係2555%，分別可達二十五倍！成功帶來信心，信心令你更努力向目標走，七年之後回頭一望，便發現自己同其他人分別有幾大。請改變你的工作方法，制訂人生目標，奮勇向前，不要做白日夢。營商環境困難嗎？別人何嘗唔係面對同樣環境？為了生存必須為產品增值，提供更佳服務態度，呢1%改變可能係企業成功與失敗的地方。

當我們有第一個啤啤?時候，做父母?往往希望比佢地最好的 ……，每天車來車往讓子女學乜學物，為佢地?活動作出密密麻麻?安排，有第二個孩子之時亦如此，其實以上種種做法，根據專家意見，父母係用「愛」的名義，摧毀緊自己子女的前途。佢地為子女生存、為子女感到快樂，子女令佢地難過或有成功的榮虛感。唔少父母在子女出生第一天便計劃佢進入邊間學校，每天放學參加乜?運動，周末學習乜?音樂、舞蹈，永遠無休甚至犧牲自己的時間和金錢，以為如此可以培養子女成才，結果點樣？子女偷偷睇電視、形成自我中心、態度粗魯、不尊重別人。其實，父母為子女安排太多，結果有如「計劃經濟」，最好的計劃帶來最壞的結果。

兒童時代係為將來作準備，而非表現父母的愛心關心，最好只參加一種(而非多種)課外活動，同時千萬唔好過份投入，除非你係希望自己子女成為運動員、音樂家或舞蹈家，如果係咁，請放棄學業，否則只可作一項運動或遊戲而非表現突出。給兒童多些時間做自己喜歡的事﹝甚至你認為係無聊?事﹞，因為「你」唔係佢最好?朋友，亦唔可能成為佢真正?朋友。給佢地認識自己的朋友、玩自己的遊戲，請勿介入佢地?世界﹝除非太危險﹞。為令佢地合群，包括合作清潔家居唔係自己做晒，這樣做令佢地真正感受到自己係家庭一份子，家居清潔佢地有份出力，日後家庭有事，佢地會立即盡責。每周給些零用錢給佢地自己處理，從小教佢地理財之道，教佢地賺錢，把50%儲蓄起來作為日後投資或作慈善用途。限制睇電視﹝例如每天不得超過一小時，周未最多兩小時﹞，不准玩電子遊戲機。注意佢地?行為及多點和佢地談話，關心佢地結交?朋友、佢地?學業及佢地?興趣，令佢地感到你係支持佢地，而非壓迫佢地?表現。

課餘活動應適可而止，最好只參加一種，如參加太多課餘活動，只是父母自己的虛榮心怍怪，但對自己的子女所造成的長期傷害卻極之驚人。

希望各位不但投資成功、身體健康及有一個美滿家庭。所有美滿家庭大同小異，便是父母善於理財，注重身體健康，關心而非迫子女學乜學物學個不停。不幸家庭許多事發生，係因為包括不善理財或不注重身體健康，或與子女關係惡劣。希望各讀者都冇上述問題。