【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——夾完結算難免反覆
2008年4月30日

昨日是期指結算日，恒指低開4點後，低見25,633點，但10點半後已經開始向上，升上26,039點，下午開市插鰦一下後又彈，徘徊收報25,914 點，升248點。內地股市偏好，國企指數跟升101點，報14,298點，大市成交887億元。5月期指收報25,760，升218點，比現貨低水154 點，成交63,497張。

中環茶友話，期指上月結算時收23,018點，升鰦2,900點，升幅唔少，佢月頭時估計今個月升穿25,000點結算都唔錯，怎料昨日連26,000點都穿埋，大市去勢好勁。

茶友話，大市升穿25,000點後，已經呈現一種向上走勢，中線未來幾個月可以睇好，大市走勢反覆向上，但短期升得多難免反覆，有回吐壓力，愈係急抽愈唔好追，小心你一追過兩日大市就回吐。

內地炒中石油業績

若睇中長線，就要留意美國減息後美元的走勢，依家好多人開始估美國減定息後，美元有一浪像樣反彈，若然如此，對美股有支持，杜指有機會上番13,000點樓上，再炒一轉。茶友話，睇美國市緊要過睇內地市，因為股市獱莊者大多數係外資大戶，佢懐睇住美股走勢，將波幅放大來炒亞洲市，若美股反覆向上，港股大勢會跟。

中石油（857）[股價及相關新聞] 公佈08年第一季業績，純利289億元人民幣，倒退31.5%，業績麻麻地，大行對中石油看法分歧，但有少少中性偏淡，指出內地可能上調暴利稅起徵點，增加中石油收入，維持中石油中性評級，目標價8.75至10元。

例如瑞信稱，雖然油價上漲了68%，令中石油收入增長了41.9%，不過純利反而倒退31.5%，反映出中石油不能完全因油價上升受惠。瑞信認為，若內地上調暴利稅起徵點，令該股受消息刺激而上升，該行認為是沽貨的最佳時機，中石油資本性開支增加及股價偏高，因此，瑞信維持該股的中性評級，目標價10元。

摩根大通更預計，由於成本高企，使中石油不足以抵銷煉油虧損，虧損甚至有可能擴大，因而下調中石油今年每股盈利。因此，摩通維持該股中性評級，目標價8.75元。中石油收報11.7元，升0.9%。

雖然外資對中石油業績唔係咁睇好，但內地卻認為是好消息，可能是內地證券界本來估中石油業績估得太差，公佈業績後，A股市場認為中石油的利淡消息基本出盡，打消了早前的憂慮，令中石油A股低開後快速拉高，全天走勢平穩，對穩定內地股市起到了重要作用，最後上證綜指報收3,523點，漲48點，升幅 1.4%。

上完A股 紫金無力

炒H股上A真係要轉身好快，而且未正式掛牌多數已玩完，好似紫金（2899）[股價及相關新聞] 月初傳出上A股，一舉炒上8.97元的高位，但炒友好快就派鰦貨，到上周五正式上A，隻股A股升9成，你去炒H股就中伏，根本無人炒。而A股狂升完第一日後，今個星期連續兩日跌停板，現報11.28元人民幣。而紫金H股昨收7.23元，跌0.41%，隻股好似無晒力咁，唯一好處係昨日乾鰦一輪後，尾市叫做跌幅收窄番。

紫金回落，除了有A股因素外，亦有金價偏軟的影響，金價在早前衝破一千美元後，獲利回吐阻力好大，之後似乎失去動力，原因一來係美國減息周期可能見底，炒友有小小驚美金反彈，不利金價；二來係國基會等機構話會趁好價賣金，大家驚央行都跟住出手，令黃金供應增加，所以部份資金轉而炒其他農產品，繼小麥、大米後，最近輪到粟米價錢又飆升，資料顯示資金在過去一年流入農產品市場持續上升，可能因為咁樣，令到金礦股都有小小腳軟，所以炒資源股，轉身真係要快，唔可以一本通書睇到老。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

old rich 的優勢         

2008/4/30 上午 08:54:04
網誌分類: 經濟

美股在議息前夕微跌，道指跌３９點，收報１２８３１點，美股這一轉在１２８０００點上下牛皮，尋求突破，唔知減息後向南走還是向北走呢？美元走勢好硬，搞到外幣普遍疲弱，油價金價下跌，睇嚟匯市及商品市場在炒美元減息週期完結，要睇埋聯儲局議息後的聲明，或有方向，若美元轉強，將有利美股再向上反彈。

早兩日elainejeffy問起我好唔好賣咗自己間自住樓等跌市，我建議佢唔好咁做，引起一番討論，我想將個話題從買樓擴闊到投資。網友BB講到買樓放租遇上租霸的苦處，佢話自己全盛時期有八間樓，後來一場沙士，租客不是搬走就是無交租，做業主的慘事一籮籮。

我不能不同意BB的意見，管理出租物業的確好麻煩，陸羽仁自己都有經驗，有家族的商舖租客一走了之，去法庭搞了大半年才可以收番間舖，租客欠租的經驗當然少不了，所以我同意出租物業，不如買股票乾手淨腳，但我亦有兩個註腳，第一，如果只是講自住物業，就根本不存在放租的問題。第二，買樓收租雖然麻煩，但買咗樓一般都唔會咁快沽，例如你０３年買咗間樓，即使中間遇上租霸，有一段時間收唔到租，但你都可能未沽，到而家仍然揸住。但假如你在０３年買了１元多２元一股的中石油（００８５７），你估你又揸唔揸到現在呢？陸羽仁有個死黨自命係「長揸派」，佢買了６元一股的國壽（０２６２８），但升咗一倍時就放咗。所以買樓係比較容易揸長啲，減少一般人炒炒吓進進出出的欲望。

網友YY太睇完我篇文，自己寫了一篇叫Old rich（過去富有人家）的網誌，頗能講出我的意思，請不要介意我引述一下，佢話「陸sir , 這2篇"沽樓" 是十分好之分析, 如果有年輕人, 20多歲看了, 記住, 對將來的他好有幫助,因為他會經歷多幾個股及樓的低潮. 我地40多了. 見多一個半個循環把握不到, 就快要收檔, 用保本方案, 等退休了。」

YY太話佢在2006年後聽了好多個30多歲的專業人士，於2003年買了2至3層樓投資, 或是買了中石油， 新鴻基地產（０００１６）等優質股，到 2007年大賺的真人真事，細問一下，他們的背景都十分相像，都是父母是生意人，自小住半山或九龍塘，上大學及出國留學，他們都是得家人指點,經濟有循環，人棄我取，樓是有需求，閒錢不用怕去買吓，他們不約而同有Old rich的父母，他們是上一代的生意人，教導子女一些投資理財的經驗，令下一代一生受用不盡。.

YY太話，一般散戶的父母好多是也一生的老散，高買低沽，盲目工作儲錢，高買再低沽，不能給子女財金教育的優勢。散戶沒有身經百戰的富父母，可以分享財金經驗，但好幸運而家他們可以上blog，陸sir可幫好多人走出這個父子的循環，接觸到一班有優勢的較富有人家的理財思維，可以令我們更進一步。有陸sir，這兩篇文，正是一個好好的教材，一生受用。

陸羽仁先多謝YY太的謬讚，但她的確講出我的心意，好多年青人有錢唔係使哂就係賭哂，一年去四次日本，買各種電玩，經常餐搵餐食餐餐清，仲要借好多咭數，甚至講要借咭數去「投資」一舖博盡，散戶咁樣搞法，想唔窮都幾難，只期望睇吓報紙俾佢一個冧巴，由一毫子一股升到１０元，送幾百萬俾佢駛，助佢一朝脫貧，我只能勸一句：「醒吓啦！」股市各種本地鱷、老外鱷，就係佈吓大小陷阱，專捉想一朝發達的老散，你死十個當五雙o架咋。

我叫大家買一間自住樓，或者唔好太輕易賣出自己的自住樓，唔係話我好睇好香港的樓市，而係認為揸住間樓個個月要供，咁樣係最好焗年青人儲錢的方法，另外亦唔係太想你沽樓突然有大筆現金，經驗未夠就全數投入股海，過兩三年才發覺自己得番個桔，根住鬧政府無幫你。

所謂Old rich的教導，其實簡單到一句話講哂：「低價買入長揸」，即係買股買樓盡量唔好出出入入，長揸睇十年八戴，就係咁簡單。陸羽仁為愛妻操盤，買股作長線投資，在去年８月、今年１月、今年３月大跌的日子，都有入市，有錢分開慢慢買，只在最恐慌時買，基本上只買不沽，亦叫佢唔好去睇股價，買完可能跌多５０００點、１萬點都得，邊個敢包唔會出現熊２、熊３、熊４、甚至熊９的市道，我只知道若老婆聽我講，揸住這些股票１０年，當有可觀回報。你問我建唔建議佢沽，我話若個市升到好顛時，都可以沽番部份貨出街，集啲資等低位有子彈吸貨，但唔沽亦無壞。

陸羽仁個阿媽實際上唔係好Rich，但心態幾old rich，佢第一樣教我要儲錢，第二樣教我要長線投資，唔好炒吓吓，這些觀念我自細已入哂腦，後來大個才發覺，好多有錢人都係咁樣錢搵錢，所以就走出來反覆同大家講吓。各位網友若能保持只在低位吸納，買入好股作長線投資，升少少唔係咁易就走，升到好顛時才沽一部份，咁樣就唔買樓去買股都得，但我只能講句：「問誰能做到？」

另外寄語YY太，一般家庭的孩子，雖無爸媽教理財，但出身環境艱苦，較有外向的海洋性格，鬥心較強，我見到好多事業成功人士，都是較窮苦家庭出身的孩子，這是爸媽無意中給他們的另類天賦，相比之下，old rich之家的孩子易有中等成就，但他們自細不愁衣食，未捱過苦，性格唔夠堅強，長大後較難成為最強者，可能上天也是公平的，有一得必有一失嘛。

(明天勞動節假期，網誌休息一天，５．２迎火炬日再見。）
陸羽仁

http://www.hkheadline.com/blog/r ... rd=&searchtype=

Mr.Business

2008/5/2 上午 11:19:06

陸羽仁覆網友

教後生仔有正確的投資態度，係我寫這個網誌的一大原因，看見這麼多年青人炒來炒去最後都係成為大鱷點心，試問又於心何忍呢？

YY太：我自己細個時唔算窮，但都執過紙皮，買咗攞點零用錢，亦見到好多其他小朋友執紙皮幫補生計，佢地都樂觀向上。執紙皮唔係問題，窮亦唔係問題，最緊要有奮發向上心，就有機會走出貧窮的宿命。

Lui168:為人父母要教自己仔女不怕困難，自己走出自己的路，不然他們細個被菲傭印傭好好照顧，大過出來做嘢，俾老闆話兩句就想返屋企搵阿媽，你話點算好？

小倩：你有朋友想投資美國收租物業，有５．５厘至６．２厘，這種回報不俗，但要注意經濟唔好租金也會下調，會拉低回報，另外美國樓價可能要再跌一跌才見底，可以等年底跌深少少再入市安全啲。

Yuki:你問我有無同我愛妻在高位時賣股，大市升穿３００００點時我叫過佢賣，佢話唔賣，唔鐘意出出入入，我就由得佢啦。但我自己認為，即使是長線投資者，在大市升得「好顛」時，可以沽貨，例如減持一半，低位買番，長線可以大大提高回報，但沽咗要記得買番。

你問高手朋友點，佢在早兩個月分高低位同時沽期權，當時睇緊一個２１０００點到２４０００點的上落市，後來到上月大市升穿２４０００點時，佢話睇到方向，就變成一個好倉，以紅色大股及國企指數為主，其中部份錢就投向跌得好甘發盈警的電力股，話可以揸長啲，等國家有較明確補貼電力行業的政策出台時，就會趁好消息出貨。　

你問我較成熟及EQ高啲，係先天定後天。我估應該叫做後天為主，我自細鐘意儲蓄投資，唔特別喜歡賭錢投機；另外從錯誤中學習好重要，例如後生時炒匯輸過錢，以為就好耐無再炒，直至搵到錯誤的原因前，唔好再重覆錯誤的方法。

永隆延遲賣盤，我估吊起來賣居多，工行似乎志在必得，要打入香港市場，各大銀行已嚴陣以待。

思捷走勢的確好轉，低位一級一級移高，形成向上走勢，要看它能否突破１００元這個大阻力位，並守於其上，若成功就可以重拾升勢。

你問澳元，正如網誌所言，美元正有反彈浪，目前不宜沾手高息貨幣。

小仙女：想買基金，我覺得簡單點可能買H股基金，守３、５年都OK。

Piker:想買入印度基金，我估印度同中國一樣，都受通脹之苦，印度未必好得過中國，因為印度平常的經濟增長數字比中國低一點。若印度股市得，中國股市都得。

Ucc71045:唔識揀股，買指數基金係最好的方法。

Tommy仔：現時買樓自住可以，但不要買太貴的樓，買市區大型屋村二手盤，呎價５０００元以下，４０００元更佳，就較有防守力。

Maruko:想細樓換大樓，本來在淡市做最好，因為換大樓是加注，而家我覺得豪宅幾貴，若換大樓意思是換豪宅，我就唔敢鼓勵你做，若換大樓都是千呎以下的單位，都係即買即賣為宜，不能說樓市全無風險也。另外要自問工作穩定，才有能力長線承擔較大的供款。

Bdroom:你問居屋乜嘢時間補地價，若一年之內無打算沽，唔好先補地價，居屋建築質素較差，政府最大的補貼是地價，若你在居屋住一世都唔沽，政府就蝕足一世地價差額的利息給你，若以４０年計，條數好驚人，所以唔好無端端去補地價，若要沽就要沽短期樓價升定跌，若沽佢會大升才先補價。

阿K：你話每次都在大跌市時沽貨，這包含兩種錯誤，第一高位回吐時無止蝕，第二是在大跌市時太恐懼,，以後要避免這兩種錯誤。有１０萬元想入貨，可以等月中回吐時買，但要記住，你已經在升市的中間位入貨，不能睇得太盡，若上高位要沽貨或定止賺。

Roots:定了止賺位，若一開市就破位跌穿，都要按計劃等到１０點半、１１點跌定或略反彈時止賺或止蝕。

Christine:美元這一浪反彈若有力，油價會回深啲，國航可以揸長少少等彈高啲再算。

Mr.Business

注：此篇文章版权归香港頭條網所有。

金融High Tea——減完息 等回吐
2008年5月2日

今日香港奧運傳聖火，陸羽仁要返工唔覑得紅衫，都貼一個隨《頭條日報》送的紅色貼紙，講句「中國加油」。

港股在五一假前走勢無乜力水，內地股市在五一假前狂抽，上證綜指升了4.8%，升上3,693點水平，日中仲上過3,700點樓上，但港股周三當日如隔夜油炸鬼一樣，無晒火氣，完全炒唔起，結果恒指收25,755點，跌158點，跌幅0.6%。期指尾市叫做彈番起少少，收25,735點，只跌25點。

中環茶友話，星期三的市況亦是好例子，如果大戶想大市升，內地A股咁升法，港股點都要應酬升番3幾百點至飱路數，但期指大戶頂完結算，話咁快就閃埋一邊，個市又游自由式，見內地升都無跟住升也。

A股大升造氣氛

茶友更警告，內地股市在假前升得咁急，表面上是預炒放假博有好消息，實際上可能只是造好氣氛讓股民開心放假。他認為內地股市政治味重，現時樣樣貴，通脹高，內地市民已經唔開心，為政者不能夠讓股民都咁沮喪，所以好可能係阿爺發功在假前叫大基金入貨，炒高個市。若然係咁，小心內地放完呢次縮短了的五一假，到下星期復市後，A股可能會回吐，所以即使見到A50基金（2823）[股價及相關新聞] 再升，追貨都要小心。

講番美國減息，聯儲局一如所料決定減息0.25厘，將標準借貸利率減到2厘，至於連減7次息後減息周期係唔係完結，就有不同解讀。儲局減息聲明話「貨幣政策大幅放鬆，加上多項增加信貸市場流通性的措施，有助推動經濟溫和增長。」儲局聲明亦提到「過去幾個月通脹預期已經升溫」，這些話語都有點暗示減息已減到差不多。

美股在周三上半段聯儲局公佈議息結果前，杜指曾大升178點，一度升穿13,000點大關，因為美國首季經濟仍有0.6%增長，優於市場預期，而通用汽車公佈首季虧損亦少於市場預期，美股一度抽升，但議息結果公佈後就急回，最後杜指微跌11點，收報12,820點，由於聯儲局未有一個減息及衰退都快見底的表態，市場的解讀是美國衰退的日子可能比想像中長。

減息後動向未有共識

債市的動向亦顯示美國未必能停止減息，美國債價上升，特別是短債升得較多，減息當日兩年期債券價格上升令收益率下跌0.1%到2.26厘。債價上升有可能是避險資金流入債市，亦可能是資金相信會再減息，所以炒纒短債。以債券期貨的成交價推算，聯儲局議息後，有22%的交易員相信儲局在6月25日的下次會議，會再減息0.25厘，在聯儲局宣佈議息結果前，只有13%交易員相信6月會再減息，可見再減息預期上升了。

中環茶友話，美國減息香港不會跟減，對地產股無刺激，若美股在昨晚（周四晚）亦升唔起，內地今日又無市，港股走勢會偏弱，5月頭又係一個反覆回吐的格局，要到5月下旬才會再有炒作之勢。

不過茶友話，散戶好似都好審慎，今日奧運火炬接力，好多散戶話「接火炬就得，唔好接火棒」，唔係太有意願去追貨，若大戶玩回吐，不排除會蠱惑一點，先抽一抽引你追再回吐都唔奇，即使見到個市抽上，都不要太勇追貨。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

美元反彈浪         

2008/5/2 上午 09:28:07
網誌分類: 經濟
　　　　　
美元再開展一輪反彈，令到石油、黃金及各類商品價格急回，亦刺激美股向上，在科技股和銀行股帶動下，道指升１８９點，升幅１．５％，升到１３０１０點，升穿１３０００點的水位，是今年１月以來的高位。反映科技股的納斯特克指數亦大升２．８％，升上２４８０點。

美國勞工部昨日公布上週首申領失業救濟金的人數，升至３８００００，高於市場預期，但美股卻因為美元反彈而向上，比較落後的金融股和科技股最被看好，英特爾升４．６％，美國第一大銀行花旗集團升４．２％，美國第三大證券行美林升５．１％，這些大股動輒升４、５％，大追落後。

美元急劇反彈，在今早亞洲市歐元兌美元匯價為１．５４６４美元，而美元兌日圓則造１０４．６３圓，美元兌歐元的匯價升上５週的高位。奇就奇在早一日聯儲局議息之後，匯市無大反應，由於聯儲局的聲明比較含糊，市場對美元是否會減息還是意見分歧，債券期貨的交易甚至顯示６月底再減息的機會上升，但一日之後，匯市又好像突然瞓醒一樣，對美國衰退的憂慮開始減少，估計美國減息的週期或會停止，資金又突然湧入去買美元。

匯市這種遲一日的反應，的確奇特，中環茶友話，估計有兩個原因，第一，聯儲局的聲明較模糊，唔知佢係唔係想停止減息，但聯儲局咁多個理事，總有人可以向他們探到料，假設儲局諸公傾向唔再減息，消息慢慢泌出街，就有好多人在匯市追美元。第二，美國連續七次減息，無論如何都近尾聲，最多俾佢在６月底減多一次，都應該要停，而美國首季經濟和企業表現都唔算差得驚人，更令人憧憬最壞的情況已經過去，所以美元始終要反覆向上。

美元一彈，各種商品都急插，油價急跌至１１２美元一桶，金價更跌至８５１美元一安士，從高位１０３０美元跌到而家，３個月已跌了１７％，跌幅驚人。由於過去借美元沽空炒外幣和商品的錢太易賺，每一段都累積了大量倉位，所以美元一反彈，這些殺倉盤都會好勁，所以一係唔跌，跌起上來會好得人驚，若有揸外匯和商品的朋友要執生，最好定好止蝕，希望佢唔到止蝕位，但一到必須嚴格執行去斬倉，不能讓虧損擴大，否則可以蝕你好多錢。

我估美元這一個反彈浪未完，這一浪要完結或有一個顯著回吐，係要等好消息真正出現時，假如６月２５日聯儲局議息時決定不再減息，顯示減息週期完結，此消息出現時，美元必再勁升，那時才是美元好友借好消息出貨的時候。

美元上升係美股上升的真正基礎，因為美元回升除了對美息的預期外，亦反映市場不再憂累美國經濟大衰退，市場對美元回復信心時，美股亦顯得吸引，因為外資調錢入美國買美股，即使股價升，如果匯價跌，外國投資者都得不償失，但美元若有像樣反彈，美股又向好，買美股便有賺價和賺匯水的雙重好處。估計今次道指有望挑戰一下１３５００點的水平。

若然假設美股會反覆向上，港股亦會跟這個大方向，中線也是反覆向上格，雖說近２６０００點向上空間不似太大，但大勢仍然係反覆向上，要逆市而炒做淡友，難度幾高，雖然我估計月頭港股仍然會搵位回吐，但不要期望回吐的幅度太深。可先觀察今天港股跟美股彈幾多，就知道大戶想一路向上炒，還是月頭放軟手腳，中段過後再推上了。

陸羽仁

http://www.hkheadline.com/blog/r ... rd=&searchtype=

Mr.Business

008/5/5 上午 10:55:38

陸羽仁覆網友

網友週末在這裏談天說地，談政說經，我絕不介意，不過唔知點解，議論政治時大家的火氣特大，建議網友們心平氣和地討論，不同意見交流切磋，唔需要吓吓好似想打咁。

達摩：你問條問題好似我個女問我的「IQ題」，佢問我「乜嘢問題係呢個世界最難答的問題？」我唔敢答你o既問題，怕個答案太低能，貽笑大方。

大家講起佛偈，我也來加把咀。禪宗五祖弘忍有兩大弟子，一個叫神秀，一個叫慧能，一天弘忍自知快要死了﹐把弟子們召來，說要指定一個繼承人，條件是要寫出一首最好的「偈」，把禪宗的教義總結起來。神秀馬上作咗首詩，謂「身是菩提樹，心如明鏡台，時常勤拂拭，莫使染塵埃。」神秀自以為是得意之作。點知彗能聽後，作一詩應之：「菩提本無樹，明鏡亦非台，本來無一物，何處染塵埃。」督爆師兄神秀作詩華美，但悟道太少。後來神秀創北宗，慧能創南宗，結果南宗發提光大，五祖弘忍也屬意由慧能接捧，慧能就成為禪宗六祖。

若明白慧能詩中意境，再看股票的價錢，看透股價之虛妄，或有助我們改善炒股之性格，變成口語就係咁：「唔好信自己眼睇到的股價，佢永遠唔會係合理價。」

均兒：你提供ABC餐，話自己食了A餐，在２４０００點入貨，有貨當然可以坐吓，我估大市係反覆向上。短期內要等到B餐出現，跌到２３０００點機會唔太大，有貨可以坐，但現價追貨唔算太平，買入要定位止蝕。

水滴石穿：共和黨想延續減免股息稅方案，但民主黨唔制，若民主黨人上台，唔係減稅，仲可能加稅，更加會裁減軍事開支，佢地的政策係平衡預算，長線對經濟和美元有利，所以唔可以話稅法一改，０９年美股就要大跌，若民主黨上台美元轉強，美股更可能會升。

Bdroom:招金唔算跌太多，佢從去年７元多起步，現１２．０８元，若能守１１元，仍是一個反彈向上去勢，若穿１１元，特別是大市無大跌，佢自己跌，就最好止賺換馬。

Yuki：好多台灣基金都有好多科技工業股，在美國經濟較淡的前景下，的確不是高增長的類別，但台股整體PE只有１２倍左右，若市場變得較看好台股，升至１６至１８倍PE都唔奇，即係話台股仍有上升空間，但兩岸似乎唔想三通行得太快，壓抑了一點台股的升勢。

Investking:你叫我多講投資揀股的分析，多謝意見，可以找機會講講。

新羊仔：你問世茂、深高速和越秀房地產，三隻幾唔同類，越房係房產基金，股價穩定，只合長揸收息，市升佢唔會升。世茂跌唔少，若大市彈會跟彈，但起落會比深高速更大，在宏調未止時買入世茂這些股票，但定好止蝕好沾手。

S2000:你問Soho也是同樣道理，佢要彈，唔係因為奧運，只係因為大市，或因為佢跌得多，買入要守止，當炒股得啦。

Mr.Business

注：此篇文章版权归香港頭條網所有。

金融High Tea——王岐山的政治經濟學
2008年5月5日

美國聯儲局、歐洲和瑞士央行在上周五再出招，聯手再向金融體系注入資金，宣佈擴大央行向金融機構借貸時接受的抵押品的類別，降低向金融機構借錢的條件，變相放鬆銀根。歐美央行是自去年12月以來第三度注資救市，主要針對歐羅利率連續12周上升，而美元利率仍高於央行訂出的官方利率，顯示資金市場仍然緊張，要央行出招放水。

美國就業數據亦好過預期，4月份非農業就業職位僅減少2萬個，遠較預測的減少8.5萬個為佳，4月失業率更下跌0.1%至5%。央行救市加失業數據理想，一度刺激美國杜指升百多點，但後來油價大反彈壓抑了美股升勢，杜指收市升48點，升至13,058點。

美股比較穩定，各方都關心內地股市未來的走向，內地「五一短假」放完，將於今日復市。陸羽仁特別請教了北方高人，了解一下阿爺減印花稅後內地股市何去何從。高人點撥，內地通脹形勢比想像差，但股市形勢比想像好，證明世事往往不如人們預料那樣發展。

減印花稅 現「政策底」

先說股市，自從3月頭上證綜指跌穿4000點之後，可以用「一瀉如注」形容，阿爺雖然不斷出口術支持股市，但A股反彈力弱，下跌急促，正如我當時所講，阿爺已有減印花稅的方案在手，但一直忍而不發，是怕出埋減印花一招重招，若大市都止唔到跌，咁就認真濕滯；加上當時高層掌管金融的班子正在交接，副總理王岐山分管金融，剛剛埋位，要睇定鱓才出手。

王岐山都唔係睇鰦好耐，4月中旬過後，就馬上出招，先宣佈限制「大非」（大額非流通股）減持的措施，當時股市仍然唔止咳，兩日後到4月22日，上證綜指日中大插跌穿3,000點，低見2,990點，不過當日已出現一個小V形的反彈，收復大部份失地，阿爺亦在同日出手，在收市後宣佈降低印花稅，令大陸股市第二日反彈9.3%，股市上番3,500點樓上。

T+0交收有招未發

高人話，阿爺出招個幾星期之後，內地股市的大局已露苖頭，A股市場基本上已在3000點樓上穩定下來，在阿爺宣佈減印花稅後，內地股民收到清淅的訊息， 3,000點已經係阿爺心中的「政策底」，不會讓內地股市跌低過這個水平，他們可以放心撈底。平常上海和深圳兩地股市平均有1,500億元人民幣的成交，但減印花稅後，連續兩日成交有1,800億，顯示大量早前沽了貨基金入市補貨，深怕大市飆了上去，將來要補貨都補唔切，結果上證綜指假前收報3,693 點，從最低位反彈近兩成。

王岐山出手果斷，沒有拖泥帶水，也是內地股市能止跌的主因。聞說王岐山認為，掌管金融要識「政治經濟學」，唔係單講經濟，還要講政治，甚至以政治行頭。目前內地最大的政治是要穩定民心，奧運當前，外國勢力蠢動，物價暫又未完全受控，不能令股市無盡探底，搞到股民叫苦連天，所以令股市止跌，就成為他這個分管金融副總理的重要政治任務。

王岐山救市有組合拳，不是單靠減印花稅一招，目前積極部署的另一招，就係將交收時間由T+1變成T+0，即係即日買賣，即日交收；這裏要先解一解內地和香港的不同制度，我們實施的叫做T+2交收，即交易後第二日交收股票，但股民可以照樣可以在未交收前即日買、即日賣；但內地雖然叫做T+1交收，交收日還比香港早一天，但內地股票未交收前，不能買賣，即係今日買了貨，最快要等明天交收了才能賣，一定程度影響了股票的流通性，股民亦無得做「即日鮮」。

阿爺部署中的T+0交收，若實踐後，等如放開讓股民做「即日鮮」，可以即買即賣，以內地股民好炒的性格，可以想像，一放鬆T+0交收，就可以把每日成交谷大，增加股市熱度，間接對股市有支持。

講鰦咁多正面№，不希望給你一個感覺，覺得內地股市萬里晴空，可以放心撲入去炒作。真實情況係股市場雖然穩住，但內地經濟仍有隱憂，特別係高通脹的問題可能揮之不去。

CPI高居難下

今個月中會公佈4月通脹數字，北京高人話，大家不要對內地CPI回落有太高的幻想，今年3月初溫總在人大開會期間定出要控制全年通脹增長4.8%的目標，現在看極難實現，3月通脹輕微回落到8.3%，第一季已過，未來要即使把通脹拉到5%，全年平均數都高過4.8%好多。

單以食品通脹為例，想拉低食品價格有難度，特別是豬肉，中央已出錢鼓勵農民養豬，但搞鰦一排，內地豬欄數目才增加5%，等豬肉跌價等到頸都長。高人話，豬肉價貴和農村發展有關，現時中央提出「建設社會主義新農村」的目標，原來不利養豬，因為養豬和養雞不同，養雞可以集體大規模生產，但養豬集體生產成本太貴，又易有豬瘟，過去都是由農民散養，用Å頭Å尾餵豬；所謂「建設社會主義新農村」，其實是建設較現代化的屋村，讓農民住在公共設施較好的地方，居所和農田分離，新農村根本沒有地方可以散養豬隻，即使政府鼓勵，農民都很難重投養豬業。

通脹不能急促拉下來，宏調壓力未除，所以大家要預計，未來一段時間，股市還在宏調的陰影下，不是一片藍天。不過高人話，由於上月阿爺救市手法果斷，令市場清晰知道上證綜指3,000點這個「政策底」，未來對大陸股市不能看得太好，也不能看得太差，估今年上證綜指較多時間是在3,200點到4,500點中間運行，年初大部份內地證券商把今年股市目標定到6,000點，現時已知實現的機會不大，多數已向下修正。股民未來見到內地股市升穿4,000點時，不要盲目追貨，但倒過來跌穿3,500點，也不用急急拋貨。

高盛話H股升到合理價

陸羽仁估計，外資在3,200點到3,300點左右吸飽A股，升到4,000點都有近25%利潤，已有交代，現水位外資未必會心急沽貨，但升到4,000幾點時他們就有可能交棒。

早前唱好H股的高盛，也認為H股經過連番反彈後，過去6個星期已累積上升30%，其估值已經重回合理的水平，即等如12個月預測市盈率15.5倍，已略高於該行15倍的目標。高盛相信，現階段H股再上升的空間只會有10%，但下跌的空間有10%至15%，所以潛在風險已較潛在回報為高，因而將H股的投資評級，由「增持」調低至「持有」。高盛亦認為內地的救市措施可以穩住大市，估計上證綜指會在3,200點至3,700點之間走動。高盛估中了H股呢一浪反彈，升到咁上下，自然會出來提醒提醒，這好像購物的免責條款一樣，你再炒落去唔走就關佢事了。

高盛轉鰦行睇好大笨象礇豐（005）[股價及相關新聞] ，把目標價由128元調升到150元，評級由「沽售」改為「買入」。我直覺覺得高盛都係睇住外圍，A股彈都咁上下，美股好似佢有得去，巨型金融股繼續反彈，礇豐都應該受惠。高盛睇好指數股礇豐，代表佢未睇淡大市也。

目前市況，對美股也好，對A股也好，不能盲目樂觀，例如過去上證綜指見過6,000點，就以為佢見底後好快又上番6,000點，以這種假設去炒股，難免過份樂觀，好易貪勝不知輸。不過話得說回來，目前外圍股市還有反覆向上之勢，投機者順住個勢反覆向上炒，成功機會大鱓。至於投資者，見股票升到咁上下就好難追，因為貴買好股，中長線都有風險鮁。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

Old rich的優勢（２）         

2008/5/5 上午 09:32:27
網誌分類: 經濟

美國的股市大新聞是微軟終於宣布放棄收購雅虎，令這一個期待以久的科技股世紀併購泡湯，微軟要另覓收購對象去和Google競爭，而雅虎就要面對股價暴跌的命運。

微軟初時提出４４６億美元（３４７９億港元）的收購雅虎計劃，但雅虎並不同意，最後微軟提價到５００億美元（３９００億港元），折合每股收購價３３美元，但雅虎老細楊致遠要價每股３７美元，結果談判失敗收場。市場認為雅虎管理層為保住自己份工，犧牲了股東利益。雅虎股價自微軟在２月１日提出收購後，升了４９％，昨日還急升了７％，升到２８．６７美元，因為市場憧憬微軟會再提價，而家微軟放棄收購，分析員估雅虎股價會暴跌２８％。

早兩日講起old rich（舊有富人）的優勢，之後有不少網友回應了，今天可以再討論一下。

老人家有句話：「大富由天，小富由儉」，聽落相當老土，但細思充滿了old rich的智慧，記住這是智慧，不是聰明。

香港這個社會，聰明仔太多，有智慧的人比較少，我又想起一個過去已講過聰明仔的故事，想再講講，呢個故事發生在十幾年前。有一次同朋友在一間高級餐廳食午飯，聽到鄰桌一個聰明仔在教她女友買股之道，女友問他，「我有匯豐，而家派息可以收股票或收利息，你話收乜嘢好？」聰明仔對呢個問題有研究，講咗一輪匯豐以股代息派的股票的計價方式，結論係匯豐計高咗少少派新股的價錢，所以收現金股息可以收多啲錢，最後佢仲加咗一句，攞番啲股息來炒其他細股，回報仲高啦！

我話佢係聰明仔，因為佢數口幾精，連一般人無乜留意的匯豐以股代息的計價方式都有一番見解，但恐怕只是有小聰明，無大智慧，匯豐股東以股代息，係想直接透過收股票作利息，達到複式增長的目標，因為收息數目唔太，收１０００元幾百元，食餐飯買個手袋就無埋，但唔收現金股息，只收股票，等如強逼自己將股息儲起，咁就有利叠利的作用。好似上述聰明仔咁講，拿股息去炒細股，又係死十個當五雙咋噃。

以同一個角度睇買樓，或者收窄少少去講，好唔好將自己的自住樓賣掉去炒股，從微觀角度睇，未必係最聰明的做法，但從宏觀角度講，對大部份無定力的人而言，買樓揸樓供樓可能是最簡單的儲錢方式。

先講微觀角度，有網友問起，話細心計落，過去幾年買樓年回報約７％，升勢主要在去年第４季才出現，所以ROE（即Return on Equity，資本回報率）唔太高；另外雖說買樓有借貸的槓桿，但上市公司自己亦有借貸，所以買股其實已暗藏槓桿了。網友這兩點完全啱，所以從微觀去講，買樓肯定唔係最高回報的投資。我再湊興加把咀，香港經濟在９７年前有２０年高增長期，現在點講都係成熟經濟，唔會增長得太快，樓市長線同經濟增長同步，亦唔好望樓價有過去那種高速增長。

但從宏觀角度講，對大部份無定力的人而言，買樓供樓可能是最簡單的儲錢方式，雖然笨，但有效，因為後生仔有樓在身，要每月供款，你點食點駛都好，都要搵錢供樓，等如逼自己去儲錢，有一類人係「大駛一族」，若然不用供樓，有錢在身唔覺唔覺會駛多啲，將自己樓賣掉，賺咗１００、幾十萬，更加要玩餐飽、狂買嘢慶祝吓，使１０萬、８萬唔奇，咁就將大量可以錢生錢的本金消耗掉。

另一類人是「爛炒一族」，我經常講，你知道自己在投機，有合理的方法去炒，我絕對唔反對人炒股，我所謂「爛炒一族」，係好喜歡炒股，但又唔識炒者。炒股會成癮，慣咗炒股，一有錢就身痕，想去炒一轉，唔懂得選擇時機，唔懂得選擇對象，唔懂得控制注碼，風險大得驚人。你忽然賣樓有１００、幾十萬現金在手，拿去股市博一舖，風險度其實唔比「過大海」去澳門賭錢低。做乜嘢都講經驗，如果你嗰１００萬係炒股賺番來，雖然唔保證你將來可以成功，但起碼都有一點炒股經驗，贏過又輸過，但如果你個１００、幾十萬現金係買樓賺番來，你炒股無經驗、無住績，你又點擔保唔會一大注炒就輸清呢？

炒股要成功，第一要講性格，第二要講性格，第三要講性格，要克服大量人性的弱點，才可以做到，可謂向高難度挑戰，成功機會百中無一。

網友均兒講起：「我總結自己炒股，次次都係買落就跌，跟住守到升少少就走，之後見到股再爆升就好心痛。」這個現象太典型了，甚至好多無心炒股、只有心投資的朋友，都會陷入這種「買親就跌」、甚至「高買低沽」的困局。有無想過唔係自己特別低能，而係股市根本係一個局，會引到一般人由唔想炒變成去炒，甚至炒咗都唔自知（你３００００萬時去入市想投資，就係炒咗股自己都唔知）。現在大市升到２６０００點，你仍然半信半疑，唔知個市得唔得，過一個月升到２８０００點時，你開始覺得個市幾安全，最後升到３００００點時，你反而覺得個市好得，飛身入市，唔知點解愈買愈多，初時仲好似賺到啲，日日計回報計得好開心，點知個市搞搞吓已走完今年的升浪，跟住就吓插，你高位止到蝕要還神，止唔到蝕又接到成手貨，計計吓唔單止無得贏，更加要輸，你就開始唔想再計數了了，跟住又食幾個月驚風散。風水佬騙你１０年、８年，我而家講o既話啱唔啱，睇幾個月就見功夫。

股票好蝦人玩，你計２４０００點入貨，２８０００幾點出貨，一年賺２０％，這更是指數的平均數，買中走得快一點的紅色股，一個月可以升３０％、４０％，以咁o既數字同買樓比，買樓、揸樓，當然回報好低。問題是股市利潤來去如風，股市專修理聰明仔，世事就係咁怪，有時長線來睇，笨方法可能比聰明方法，更能到達彼岸。「有錢儲起，長線投資，複利增長」的威力驚人，就是old rich的智慧。

（後記：對年紀３０以下，不在香港、身在中國其他大城市的網友，有能力供樓的話，記住要買樓自住．揀一些在市中心，交通方便，位置／景觀較佳的單位買入長揸，收入增加後，更可以細樓換大樓，２０年後必有所獲。你可能會問，我點解特別同呢班網友講，因為大陸係高增長的經濟，大陸樓價如香港８０年代中的價錢，長線增值能力好過香港樓，不過在偏遠地區的渡假樓卻是例外。）

陸羽仁

http://www.hkheadline.com/blog/r ... rd=&searchtype=

Mr.Business

2008/5/6 上午 11:12:35

陸羽仁覆網友

Yuki:在淡市的上的新股，如果守得住，到市旺番就會炒一炒，茂業有少少支持力，買入可以定招股價低５％為止蝕位，跌穿打靶。

油價和商品上番，你問是否美股和美元已玩完，美國減息期快完或已完，美元反彈浪應未完，唔好咁快睇淡美元，美股仍處反彈向上的大趨勢之上。

Ray:美股有番少少勢，６０美元接了雷曼，若想博番多啲，可以改變策略，到５０元也不沽一半，再睇，若回到４８元就沽一半，先望５５元，等如這一半用２美元去博多５美元升幅，有得賭吓。   

買入歐元、日圓若極短炒無壞，但恐怕直到６月２５日，若真是確認不再減息，美元反彈浪未完，而美國數據比想像中強少少，沽美元要嚴守止蝕。

均兒：你話死揸爛揸的策略得，主要係揸住好股，若揸住電盈或雞股，都可以揸到你喊，要識得分。

Tommy 仔：香港人買大陸樓唔係唔得，但租俾人煩啲。你想在深圳南山區買樓，此區的前海中心區，被規劃為深圳第二個核心區，去年狂炒，而家爆緊煲，狂跌中，可以等年底去執吓平貨，住宅若跌到１萬元一平方可以諗諗。

george fisher：你的觀察好啱，大市若破高位，起碼有３個月急升，似乎各地股市都如此。

KFC:平保炒味較濃，傳聞佢係早一輪內地股市的沽家，所以公司的投資回報好好，但國壽生意穩健一些，無謂轉啦，因為投資回報有好有壞，今年好唔得如明年都好。

Bdroom:股東收取以股代息，通常都是一些會揸１０年的長線股，若只揸短線，，收咗代息的股票數量少，會變成碎股，幾煩。

Goodfuture:新人可以供盈富基金，港股亦有相當的紅色股成份，當儲錢。

Frankie:現價入國航和神華算中等價，不平不貴，可以考慮。

阿K:每次回調時買一手中海，當買大陸樓，都係一種策略。但最好等回調得深時才執行。

Mr.Business

注：此篇文章版权归香港頭條網所有。

估值低股份隨時跑贏
2008年5月6日

如果現在大家投資組合仍是以現金為主，就要認真考慮一下趁機吸納一些便宜的股票。Victoria發覺香港大市似乎已回歸了基本步，投資者不再盲目追求概念股而不顧估值高低。所以，即使這一刻的大市指數已回升了那麼多，但相信部份估值過於不合理的二、三線仍然能夠吸引到資金的注意。如果下半年次按沒有帶來更嚴重的問題的話，這些股票很大機會跑贏指數。

二三線股嚴重低估

之前高位很多人買入大熱股，如中國人壽（2628）[股價及相關新聞] 及中鐵（390）[股價及相關新聞] 等，現在大市回升這麼多，但高位入貨的卻仍是被套牢。這些大熱股的市值都是超過一百億元的，只要這投資這些大熱股的資金，有一部份願意流入被嚴重低估的二、三線股票，後者都可以有相當可觀的升幅。

我早前已經買入了不少被低估的二、三線股票，買的時候每一隻股票的潛在升幅都不少於四成，如建滔積層板（1888）[股價及相關新聞] 、麗新發展（488）[股價及相關新聞] 、聯邦制藥（3933）[股價及相關新聞] 及信利國際（732）[股價及相關新聞] 等。

Victoria對每一隻股票的信心都不同，故注碼就有所不同。信心不是很強的而短時間內升得過急的，我就會選擇沽出。聯邦制藥便是一個例子，此公司○七年因中間體及原料藥價格急升而賺大錢，公佈盈喜的時候，市盈率才六倍多，值博率非常高。最近公司股價在不夠兩個星期內升了超過五成，市盈率已經追回一般藥業股。再加上從中國製藥（1093）[股價及相關新聞] 最新年報上得知，原來去年第四季中間體及原料藥的價格大幅下降（聯邦制藥於年報沒有提到）。所以在獱得不是很安心的情況下，Victoria選擇先沽出一半。當然聯邦制藥股價有條件繼續升，如果它真是繼續升，只可以怪自己對此股的分析還沒有到家。

老字號股價不易飆

市場上還有很多很便宜的股票，但是不是全部都可以買？當然不是。便宜當然有其原因，一是公司透明度低，投資者害怕公司隨時會關門。二是公司沒有前景可言，年年都是賺一樣的錢，沒有能力做大。老字號家族生意便是最難做大的，叫得老字號，當然有相當一段歷史。存在時間愈長，股權於家族中便愈分散，這樣的公司要進行改革真是難上加難。所以這些公司的股票於市場上有相當大的折讓是再正常不過的。

如果你發現一家老字號家族公司，它的管理層是極之保守，而那麼多年來在沒有進行過甚麼大的改革下，它卻愈做愈大。那麼這家公司身處的行業絕對可以是一個長線的選擇，銀行業便是其中一個。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——樓市有景地產股回春
2008年5月6日

港股昨日開市跟美股造好，高開81點，但見26,387點後開始倒跌，整日牛牛皮皮無乜力，內地市升香港都無力跟，最低見過26,119點，收報 26,184點，跌57點。期指收報26,074，跌174點，比現貨低水110點，成交縮減至45,696張。國企指數跌6點，報14,625點，成交縮減至740億元。

昨日亦是內地股市五一假期後首個交易日，延續了假前的反彈格局，上證綜指收報3,761點，漲67.90點或1.8%。

中環茶友話，表面看，美股又升，內地股市又升，但港股無乜力，要跌57點收場，期指更跌174點，但你睇埋成交就知，現貨成交只有740億，期指只有4萬幾張成交，大市根本就買賣兩閒，這是月頭的普遍現象，大戶唔做№，大市自由浮動，自然少少向下。

地產商恢復賣樓

在比較靜的市道，除了個別細價股借消息亂炒外，比較有勢的反而係地產股，在呢一浪反彈中，恒指明顯穿破早前25,000點的阻力位，但地產股比較落後，以兩大龍頭股長實（001）[股價及相關新聞] 和新地（016）[股價及相關新聞] 計，都係剛穿早前反彈的高位，長實早前高位係124元左右，昨收126.7元，升1.8%，新地早前高位140元，昨收142.3元，升1.3%，在淡市亦有買盤吸納。

樓市在去年第4季急升後，今年第一季隨股市下滑整固，樓價有少少回吐，發展商都不敢賣樓，以免推鰦樓賣唔去，而且土地供應有限，個個惜貨如金，只有長實賣樓較積極，推了將軍澳「首都」這個大盤出街。但過去幾個月雖說樓市有鱓整固，但樓價並無大跌，業主亦唔急出貨，二手更買賣兩閒。銀行家話，近排大型屋鸷的中價二手盤成交有回升，樓市又見少少回暖跡象。

新地及新創建（659）[股價及相關新聞] 合作發展的紅磡樓盤推售貨尾，昨天以原價加推第一座70個單位，平均呎價為7,500元。信置（083）[股價及相關新聞] 及港鐵（066）[股價及相關新聞] 合作發展的火炭新盤又想差不多要推售，可見發展商也開始對樓市有信心，認為市場有承接力，係時候出纒貨。

茂業微跌守得纒

大行對地產股的評價都是中性偏好，例如德銀出報告講長實，引述長實管理層話，旗下將軍澳「首都」已經售出2,096個單位，鎖定長實08年80%盈利貢獻，若加上內地項目的盈利，長實09年度的預計每股資產淨值將可達178元，以現價計算約有32%折讓。因此，德銀維持買入長實評級，目標價153.2 元，以反映長實09年NAV折讓吸引。

陸羽仁有老友在2月新地跌穿140元時追入，在短短一個月多月後，見到新地跌到107元，即刻牙痛咁聲，最近見新地股價浮番上水面，心情即刻好轉。我話地產股雖然反彈了不少，近期不排除會反覆一鱓，但既然捱過鰦股價低潮，就唔好咁急沽，幾大都守纒，望地產市道繼續回春，地產股可以再炒纒。

呢個月新股開始出現番，內地零售商茂業國際（848）[股價及相關新聞] 昨天首日掛牌，開市報3.14元，最高見3.18元，最低2.92元，收報3.04元，較招股價3.1元低1.9%，成交8.5億元，只是微穿底價，保薦人應該有頂纒，因為茂業公開發售部份只是錄得超額認購0.67倍，以接近招股下限3.1元定價，認購1手（1,000股）至3手的中籤率均為100%，計及散戶認股多數認多鱓的心態，茂業公開招股都唔多夠飛，最後唔係跌好多，已經算好彩了。

新股靜鰦咁耐，大市氣氛一好番少少，都陸續出籠，今明兩月將有超過10家公司排隊上市，現時招緊股的有雅天妮中國（789）[股價及相關新聞] 、衣念中國（749）[股價及相關新聞] 及亞洲水泥中國（743）[股價及相關新聞] ，之後還有由裕元（551）[股價及相關新聞] 分拆上市的寶勝國際。投資賓卡形容現在的新股只是試試纒，試到飱才有大№出場。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有

Old rich的優勢（３）         

2008/5/6 上午 09:54:33
網誌分類: 經濟

美股開始回吐，油價升穿１２０美元一桶，帶來影響消費的恐懼，而微軟宣布放棄收購雅虎，雅虎股價跌１５％，亦影響市場氣氛，道指下跌８８點，跌幅０．８％，跌到１２９６９點，此浪只屬調整，但應該還會回吐得深少少，１２８００點應有支持。

股市升升跌跌，但散戶能否捕捉到這些升跌浪，的確是一大問號，網友均兒的例子十分慘痛，佢話：「 陸sir，我重有更典型你沒留意啫，我在科網股那時就炒股啦，當時90元買左２手和黃，揸到依家，去年沒走到，依家又跌返落來，真系好後悔，都唔知幾時賣股才好，長揸又得個桔。之前買咗光大控股，也係揸咗幾年，6元多賺咗佢幾仟蚊急急走咗，如果揸住光控唔走，而家都有二三佰萬，重使乜炒股，真係沒運。」

「我喺48元買咗中移動，以為佢衰過和黃，跌到27元斬咗佢，去買奧瑪仕，因為前年賭股好好炒，結果做咗接火棒，而家奧瑪仕仲10合１，10合１唔緊要，如果再來個供股，我真係沒眼睇咯~」

「舊年賣咗層樓，賺咗4倍有多，以為樓市點行都夠了啩，千祈唔好再來一次負資產。估個市升完第五波後，都會跌返五浪啩，賣完樓，樓價又再升，而家沒理由又貴價去買返啩?」

「跟住買股票又套死，而家對以前輸過的股票，比如中移動，真係怕怕，明知佢係好股，但我揸佢好幾年，有種恐懼感。股市有時會跌到人神經病，好像大陸A股穿3000點時，有重股係手，日日見住股跌吓又跌，那種見財化水的感覺，好慘哦！」

「你話炒股要成功，第一要講性格，第二要講性格，第三要講性格，我真系好有性格，但係我炒股就好失敗！」

網友均兒的個案，令人感嘆，亦正正就是我開始講叫網友唔好而家沽樓買股的原因。散戶炒股經常輸，這叫做「交學費」，問題是交完學費學唔學到嘢，股市這個學堂十分殘酷，如果學唔到嘢，你就永遠不能畢業，永遠都在不斷交學費。

如果是爛炒一族，賭到飛到沙走石，輸錢都叫做抵，但均兒又唔太似，起碼佢買好多隻都係大股，只有奧瑪仕一隻細股，佢似投資者多過投機者，但點解又經常輸錢呢？

陸羽仁為均兒斷症，佢都係一種典型，叫做「炒咗都唔知型」，第一，佢專買熱門股，表面睇佢有買大股有買細股，但佢買的時候，都係買緊熱門股，在１９９９年、２０００年買電訊股，例如中移動及和黃，在２００６年買豪賭股，例如奧瑪仕，唔理大股或細股，都係在大市炒得熱，而相關股份又係大市焦點時走去買。佢當年買光大控股，或者都在紅籌股追落後炒得熱的時候。

熱門股唔係唔買得，但它們如燙手山芋，要貴買貴賣，唔可以揸，一揸就會燒傷手。我經常話「貴買好股等如炒」，你買完大市轉咗勢，你以為自己做緊投資者，跌市唔識止蝕，隨時要坐６、７年，因為好股炒得貴時，已經透支咗４、５年的合理升幅，到大市炒完講番基本因素，睇番PE時，好股跌完都要很多年才會浮番上水面，要等盈利增長追番上當年的股價。均兒在科網潮買了４８元的中移動，２７元沽了，輸了４３％，佢未算在最低沽，０３年沙士時，中移動跌到見過１５元，若在那時沽，更加係輸足６９％！如果均兒買咗電盈（００００８），後果就更悲啦。中移動用咗６年時間，去到０６年才上番４８元以上，而電盈由於盈利能力唔掂，好似永遠都無機會上番高位。

記得old rich的智慧嗎？股票又好，樓又好，只能低價買，不要在熱門的市道買（短炒除外），YY太舉的例子，就係話有old rich爸爸媽媽教導的朋友，在０３年沙士時樓市最差時買樓，我相信佢地的爸媽，唔會叫佢地在２０００年買電訊股囉。

第二，買得貴，好被動。均兒高價接貨，這就是一切被動的來源。和黃的確因為3G投資失利而好呆，但中移動一啲都唔呆，但均兒買中移動的結果更慘，和黃仲有機會見家鄉，但中移動波動更大，已在低位被殺出；均兒高價買股後，有些如呆坐幾年，有些低位出貨，有些是一升到賺番少少就止賺（如光大控股），這三隻股之中至少有兩隻係得o既（中移動及光控），但佢買得貴，唔輸就偷笑，根本無法享受這些股票最後的發力收成期，所以病變根源仍然是買得貴。

以後買股記住，投資者唔好買熱門股，唔好在熱門市道買貨；投機者貴買要貴賣。投資者千祈唔好做咗投機者都唔知。

第三，投資者出咗貨莫追貨。我見而家樓市好似未到頂，未係升得「好顛」，就叫大家唔好沽「自住樓」，一則費事你身痕攞大筆錢去炒股，最後輸埋，好似均兒的個案，未有買股成功經驗，賣樓有大筆錢係身的確高危。二則過早賣出長線投資，後來見大市未升完，好可能再追，衰起上來一追就摸頂。我有不少朋友在９７年頭沽了樓，在９７年中追番突買多兩間都有，任何市場升到尾段都如爆煙花一樣，好精彩，你見個市一兩個月升兩三成，點忍得住？為免自己沽咗貨再追，就盡量忍住遲啲才沽貨。

我所講「炒股要成功，第一要講性格，第二要講性格，第三要講性格」，係指一種「勇於承認錯誤，精於從錯誤中學習」的性格，這是一種「相反性格」，即係和一般人好唔同的性格。從均兒買股票的住績，佢未具備這種性格，太易跟大圍買熱股接火捧，未有炒股成功的性格，都係少炒為妙。最好做投資者，唔好人云亦云，人顛時你唔好跟住去顛，只能在低位入貨，持貨較長，在股市升得太顛時沽貨，或升到咁上下定止賺位，跌穿止賺位就出貨。聽落容易，做起上來一啲都唔易。

陸羽仁

http://www.hkheadline.com/blog/r ... rd=&searchtype=

Mr.Business

2008/5/7 上午 10:42:34

陸羽仁覆網友

R2：我說看好內地樓市，是一個二十年的角度，短期１年內的大陸樓市我不看好，一些去年升得多的城市，樓價有大跌之險，所以萬勿以為我看好內地樓市，就飛身撲入去買。舉一個例，北京CBD而家２萬幾一平方米，即係２０００幾元一方呎，２０年後，有條件升上１萬元一呎，即係１０萬元一平方，但唔等如佢半年內奧運過後佢唔會跌番落１萬７、１萬８一平方。所以我係「長線睇好，短線睇淡」，中國政府有意打壓樓價，防止投資過熱，壓抑通脹。所以要買樓，最好慢慢來，等佢跌得比較深，才好入市。萬科今年頭一季賣咗１００億樓，沽貨好急，有啲資金壓力，樓價短線易跌難升。至於深圳和內陸城市比，內陸城市自然好少少，因為過去無升咁多，升得多者，跌起上來都跌得急，但深圳、北京這些一線城市有獨特優勢，若樓價跌得勁，又有值得留意之處。

Ray:你問中石油呢個月會唔會上番１３．５元，呢個月難講啲，但三個月內機會都有７０、８０%。鷹君破２４元位後，下一步應試２６元。

均兒：長線投資十年，要揀股，不如買２８２８這種基金，買哂好的H股。可以每見２８２８大跌時就買，升番高就忍手，升到顛就沽番部份出街。

熱門小馬：我話投資者在市道熱時唔好買股，你問月供又如何？月供是平又供，貴又供，拉一個平均價，所以不算時貴時買股，月供中移動和國壽都可以。

Porsche:投資唔好買太熱門的東西，但台灣未算太熱，雖然可能回吐，但台灣經濟衰了８年，未來４年應會好景，中線投資仍可考慮。

Piker:高盛估油價見１５０，甚至２００，唔係無機會，但你諗吓升油價升到２００時，都可以世界大亂，而家已因通脹和糧價上升而出現多國動亂，升到２００美元會點？所以不是不會出現這些價位，而是這些價位不能長期持續，所以見到油價急促剷高，中石油，國航急插時，就係買呢啲股份的黃金機會啦。

小吱：但油價短期向上中，似乎在反映戰爭風險，想買國航忍一忍，等油價再升得顛啲再算。

YY太：你話而家有錢，買存人民幣，想買鈕元，想買中華煤氣。我擔心人民幣匯價快見頂了，美元下半年亦有條件作較大反彈，所以前兩者的風險會比你想像的高。煤氣唔係唔可以買，但現價都幾貴，升幅有限。而家的市場要發掘落後股才好長揸，若熱門股只能炒兩三個月式的短炒。既然你有留意大陸樓，真正建議你等佢地有顯著下跌時（可能第三、四季會跌深啲），買番間揸１０年、２０年，必有所獲。

大好友：市帳率是以每股資產淨值（要查年報去搵）去除股價。

Nothing:港股未似已升到尾。

Siusiu:洛鉬１５．３元買，現價買多兩手，當然係溝淡，我就叫你唔好溝，要買買第二隻，因為若你溝淡成功，將來你輸親都溝，終於有一日溝著一隻跌咗上唔番的股，你就會輸清，你要學止蝕，唔係溝淡。有錢買第二隻紅色股好過。

知足常樂：你講那個屋村的一手車位，供應較多，位置不如同村其他期的二手的車位那麼好。

Roots:卡森的升因如網友所講，壞消息係咁升，有人炒囉。

Mr.Business

注：此篇文章版权归香港頭條網所有。

金融High Tea——炒細股如接熱山芋
2008年5月7日

港股昨日悶悶懐，恒指隨美股低開99點，見26,073點後，又慢慢上番，下午一度回升至26,315點，收市報26,262點，升78點；期指收報 26,180，升106點，比現貨低水82點，成交52,780張。內地股市偏軟，國企指數先跌後升26點，報14,651點，大市成交減至702億元。

前一日港股升唔上，昨日港股又跌唔落，內地股市回吐，上證綜指跌0.7%，收3733點，但港股無跟A股和美股跌，又叫做守得纒。

大市幾靜，個別股份如和黃（013）[股價及相關新聞] 有點追落後，升3.3%，收79.4元，其餘中移動（941）[股價及相關新聞] 升1.4%，中海油（883）[股價及相關新聞] 升3%，幾隻大股上升，有助頂住大市。

中環茶友話，昨日只有700億成交，顯示月頭期指大戶根本無做№，任由大市自由浮沉，少少實盤買纒貨，就可以頂住大市唔跌得。但大市牛皮又唔牛得幾多日，好快會走出一個方向。

大陸客再浦頭

大價股無乜得炒，細價股卻禾雀亂飛，前天急升59%的中國消防（8201）[股價及相關新聞] ，昨日回吐13.5%，早前日本股神邱永漢話睇好中國消防，搞到大批散戶跟風，呢隻股本來唔算好喪炒，去年4月造了高位0.7元，之後靜番，反覆跌至 0.4幾元，但一話邱永漢睇好，前日單日喪升上0.74元，高過一年高位。我唔知邱永漢睇好完自己會唔會買，若果無大買單跟尾，散戶撲入一炒，熱潮一過股價好易打回原形，單時昨日回吐13%，已經夠殺死人。這些細價股成交好疏，即使基本因素不俗，但一無人買，可以陰陰地不斷回，入鰦貨者要守止蝕也。

有其他炒味更濃的細股開始郁，經紀張話，過去幾個月不少大陸客都潛鰦水，但最近都慢慢浮番出來，買番鱓細股，佢估可能有人開始放纒料，吸引番班大陸擁躉入場，有番少少炒味。

昨日勁升股包括奕達（2662）[股價及相關新聞] ，急升41%；泓鋒國際（2309）[股價及相關新聞] 升38%。你搵番佢懐張股價圖睇纒，就知去年5至7月時，這一些細價股曾炒上高峰，後來就急回，跌到落地底，衰鰦差唔多一年，依家又開始郁郁纒。

經紀張見鱓客開始買細股，有鱓心動，問我點睇，我話買細股如接熱山芋，接鰦要識得放，唔好死獱，若果接鰦個100度的熱山芋，死獱到尾，你隻手一定會變炭。要自知在刀口搵食，接鰦個熱山芋拋兩拋，要識得放手至好，想搵食要同人鬥手快鮁，自問接隻細股坐一段識得走，先至好去玩。我仲話：「你經紀張做鰦20 幾年經紀，見盡細價股一兩年一個循環，唔使來請教我躀？細股幕後人一兩年都要搵一次食，唔炒熱隻股派纒貨，邊度有水搵呀？」

碧斯睇好股市看淡商品

對沖基金Traxis Partners負責人碧斯在3月14日美股低潮時，預測杜指要反彈1000點，結果真係兌現。佢依家繼續做好友，話美股仲要升11%，今年內會見新高，因為美國經濟不如部份華爾街評論家或傳媒講得咁差，而公司表現亦唔係咁衰，等減息效應浮現後，下半年美國經濟會有1%至3%增長。碧斯亦覺得石油等商品升得過份，話商品有機會回吐30%。

另外據數據分析員亦都話，過去美股在減息期到底橫行時，通常有近一年的股市上升期，升幅都會超過10%，和碧斯的講法不謀而合。不過大家信碧斯亦最好只信七成，佢有少少傾向樂觀，例如去年佢估計杜指會升19%，結果升幅少了13個百分點。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

Old rich的優勢（４）
       
2008/5/7 上午 09:42:22
網誌分類: 經濟

美股都算神奇，特別係隻房利美，呢隻美國最大按揭證券公司在美股開市前公布首季業績，虧損２１．９億美元（１７０．８億港元），令道指期貨在場外跌５０幾點。美股開市後，房利美股價早段跌過７．３％，但後來佢宣布會集資６０億美元（４６８億港元）充實資本，加上監管機構話若佢成功集資，會放鬆其監管規定，房利美股價又急彈８．９％。道指一度跌超過１００點，但最後升番５１點收市，收報１３０２０點。

我講了幾天Old rich的智慧，有贊成有反對的意見，我基本上兩種意見都同意。你可能會話：「咁都得？咁縮骨？」因為贊成和反對的角度不同，所以可以兩種意見都同意。

例如網友蛋散股友話：「陸Sir:你近日講買樓，我另有看法。萬科王石說四十歲才買樓，雖然極端，但年輕人應將資源放在事業和知識積累上。香港現今樓價，三成首期要六十到九十萬。能夠儲到這筆錢，都是對自我有紀律約束的人。不會亂消費。但買樓，經紀佣金，厘印，裝修，每月管理費，花錢更多。起不到儲錢的目的，如果投資收租，實質回報少於4%。如果望升值，十年能否再升值一倍，我好有保留。你認為還可升多少？只有準備結婚，生仔的一群人，沒有辦法被迫做房奴。過往買樓，買鋪後，香港經濟相對高速發展，人工上漲快，資產跟升。現在香港，單靠金融。未來香港？你有何看法？」

蛋散話「年輕人應將資源放在事業和知識積累上」，這是我一向對年青人講的大原則，但最重要的「資源」是時間和心力，不一定是俾錢上course，好似上網睇陸羽仁的網誌，就係完全免費（只是講笑！）

你睇咗我講幾日買樓，應該知道我長線唔係對香港樓市好睇好，相反地我認為在成熟經濟樓市只有緩慢增長才合理，只計租金收益，一年少於４％實質回報，計埋可能升值，年平均數也不能太多。所以買香港樓只是一個投資的「笨方法」。我講來講去只是一個三段論，凡人炒股出出入入會得個桔，好多人係凡人，所以好多人炒股最後最知點解都係得個桔，由此推論出叫大家唔好將自住樓沽咗去炒股。

而所謂得得個桔的定義，就係炒咗３、５年，中間贏過又輸過，最後唔輸就偷笑。網友yy太講咗佢０５年無買北京樓買咗港股得個桔的經歷，都幾慘情（http://www.hkheadline.com/blog/r ... 70017&id=105071），我可以肯定咁講，２０年之後，yy太會發覺兩者的差別更大。至於網友均兒的經歷，更有黑色幽默的味道，佢買親股都衰，好股食少少就放咗，壞股如電盈（００００８）就長揸，大家有無覺得這種狀況似曾相識，佢咪叫做「贏粒糖輸間廠」囉，均兒你唔係例外，係典型，好多散戶好似你咁，不過佢地無講啫，市場上有１００種誘惑，會令你做出「贏粒糖輸間廠」的典型行為，如果沒有散戶的層層白骨，又點襯托得起股市中極少數大戶的仗仗功成。

網友牛腩貓咪問起：「陸sir, 剛剛先睇你個blog內容, 原來『勇於承認錯誤,精於從錯誤中學習』的性格,是一種「相反性格」. 我真是不知道呀! 我以為個個人都自自然然, 會從錯誤中學習. 輪到我不明, 大家不是錯誤中學習, 是如何學習呢?」

陸羽仁的答案係：「大部份人都無學習」。我見到小女兒犯錯，同佢講解吓佢犯錯的原因，佢最典型的答案係「知啦！知啦！」即係叫我唔好再講，佢唔想聽，佢覺得錯咗好淤，唔想面對；我會不嫌其煩咁同佢講，阿爸一世人領略人成功的最大秘訣，就係勇於認錯及從錯誤中學習，好多人都知呢個道理，但唔會做，因為大部人都有ego（自我），克服唔到認錯的無面感覺，所以用各種方法迴避面對錯誤。不幸地，股民唔認真面對自己在股市中犯的錯誤，結果係不斷輸錢。

講咗咁多只係想話，好多人炒咗好耐股，但仍然唔識炒股，攞住大筆錢去炒股時，就係唔知點解得個桔，如果係咁，可能買港樓一年有７％的回報，都好過「得個桔」吧！如果你自信和凡人不同，有超能的意志，能克服恐懼與貪婪，當然是炒股（不是指長線投資）好過買樓啦，港樓如港男一樣，以１０、２０年的角度看，競爭力開始逐步下降了，而港股就吸納了紅色成份，維持一定的競爭力。所以我話買樓好，或者起碼係唔好隨意沽咗自住樓去炒股，其實主要針對兩類人，第一，係大駛的年青人，買樓可以逼佢儲錢，第二，唔識炒股又好喜歡炒的人，咁樣可以令佢最後執番個橙，唔使得個爛桔。這是笨方法，只啱笨人用。

陸羽仁

http://www.hkheadline.com/blog/r ... rd=&searchtype=

Mr.Business

2008/5/8 上午 10:56:03

陸羽仁覆網友

yy太、idoglife:講起「認錯」，idoglife話搵本薄寫低，真係好建議。我的習慣是在游緊水大腦無嘢做時，將錯誤搵番出來，在傷口大力灑少少鹽，等自己痛啲，再諗吓錯在那裏，就會學到好多嘢。

Yy太，你若能打開傷口，自插一刀，深切反省，肯定學得更多。

講起買樓，最好是在大淡市買，開一個恥辱低價，博一些打靶盤應價。買樓若發覺樓初升，要狠心追價。但在大升之後，基本上投資者已很難買得落手了。

呆子：你１１９元買到港交所，１２６元沽咗，因為估大市會跌番２００００點，所以沽貨。第一，若你是投資者，若估大市會落２００００點，根本不應買，或者只能分段買，不是一手買貨。第二，你似乎有點短線出入的投機取向，其實買到低價，但犯上「贏粒糖」的毛病，１２６元沽，只賺６％，若要１０％止蝕，賺只賺６％，條數圍唔到，升到１２６元時，應以賺的７元再博，唔跌番到１１９元唔止蝕，投機起碼要博２０％以上的利潤，否則你止蝕一次１０％，賺幾次才夠止蝕？投機要找尋既保險、又贏得較多的方法。

牛腩：當你自覺睇市好準，天下無敵時，就要小心，短期內和自己看法相反的走勢正撲過來。

Jack:巴菲特講嘢都有少少私心，想買嘢時話美國未衰完，到自己公布業績唔係咁好時，又話最壞的情況已過，不過你問我，我都係估最差的已出現，不能排除大市反彈完，第三季會再試吓低位，但信貸市場到年底會慢慢鬆番。

蛋散股友：幫大家渡過最瘋狂和最黯淡的時刻，係我自覺的責任，我自己見「狂升不喜，狂跌不悲」。

你可以「買樓一筆清」，勁喲！！

牛熊點分，人言人殊，我睇法較宏觀，看一個地方的經濟和股市是否維持一個向上的趨勢，能維持，就反覆向上，是為牛市。不能維持，反覆向下，就係熊市。我唔睇啲所謂半年的短熊市，也不只是睇高位跌１１０００點就一定係熊，香港係牛係熊，好大程度要睇大陸及香港經濟中線走勢。

Philip:恒基地產副主席林高演表示，系內暫沒有重組計劃，亦無意私有化恒基發展；

基本上減少恒發炒作空間，若短炒要走人，但長揸又無大影響。

Wfkk，Tony:國航受緊人民幣停止升值和油價升雙重打擊，人仔升值令國航買飛機俾少好多錢，不過人民幣停升值都唔會即時大貶值，國航應是不再受惠，反而油價續升，打擊大啲，宏調亦令客貨運需求減少，而家係國航低潮，若是短線要守止蝕位，但若長揸，又不宜在低位才走，因為油價難在這些高水平長期維持。

Tony沽唔沽，睇吓你係唔係長線，如果係用閒錢買來睇長線，可以守吓。

Any: 你問月供２８００好定２８２８好啲，盈富是半隻紅色指數，恒生H股是全隻紅色基金，盈富較穩陣，恒生H股基金較進取，若後生可供２８２８，而月供是俾不精於炒股者去做，定期供，貴又買，平又買，就拉平了股市波動，唔使估入市時機。

Bdroom：買樓睇長線，位置好的樓，長線跑贏位置差的樓。

Flyinthesky:台灣衰咗８年，未來３年會幾好，先買台灣基金，然後享受完台灣經濟反彈後，等一個台灣高、大陸低的機會，換回大陸基金，因為講十年以上，大陸仍跑贏台灣。

Wa:緬甸風災不似影響米價，但死幾萬人，絕對令人悲傷，政府管理唔好，人命好賤呀。

平凡人：有機會我會寫「港男貶值篇」。

均兒：你的經驗證明買樓易過買股。

Panda608:你問大戶會點，大戶可以插近或插穿２５０００點，引你追沽，月尾炒番高。

Gus:中國奧園如果上唔番３元樓上並企穩，未改弱勢。

Mr.Business

注：此篇文章版权归香港頭條網所有。

金融High Tea——偷步搶插紅色股
2008年5月8日

港股昨日出現近期少見的急插，恒指昨日上午跟高開116點，見26,378點後升唔上，開始回吐，11時過後急轉直下，中午收市已急插至25709點，跌 554點，下午略彈後又再跌，最多跌791點，尾市跌幅略為收窄，收報25,610點，跌652點，跌幅2.5%。內地股市亦急跌，國企指數挫533點，報14,118點，大市成交增至1,013億元。期指收報25,485點，跌695點，比現貨低水125點，成交76,474張。

港股昨日出現「無名腫毒式」急插，外圍無事，日股升0.38%，新加坡股市亦只微跌0.6%，一般會話因為內地股市跌所以累及港股，後來有小道消息傳出，話內地有負責股市的「管理層」被調查，有春江鴨聽到傳言，於是先行出貨。中環茶友話，港股跌得急過內地，在11點左右開始急插，都係中移動（941）[股價及相關新聞] 、中石油（857）[股價及相關新聞] 等紅色股開始先跌，到中午恒指跌幅已有2.1%，當時內地股市跌幅唔算太厲害，中午收市只係跌鰦1.1%，簡單講香港紅色股插得急過內地A股好多，到中午過後，內地見香港跌咁多，開始跟住跌，結果上證綜指跌破3,600點關口，收報3,579點，跌154點或4.1%。

回吐考驗25000

中環茶友話，與其話港股跟內地股跌，不如話有人睇到兩地股市係時候回吐，於是借住負面傳言，先在較流通的香港市場搶插紅色股，令內地股市跟住香港跌。

茶友話，港股早前試過高位，分別在本周一試高位26,387點，到本周三再試26,377點，兩次想穿26,400點不破，如今出現「期待以久」的回吐。而內地股市亦是從穿3,000點，彈番上3,733點，反彈幅度25%以上，都夠時候回吐一下。雖然中線大市仍可看好，但短期仍係回吐格局，加上跌市成交放大到1,000億樓上，顯見一些沽壓，後市應該還要試底，看來要考驗一纒25,000點大關。

有一單匯市風波，唔知同股市回吐有無關，中國銀行（3988）[股價及相關新聞] 全球金融市場部高級分析師譚雅玲建議，人民幣應採取一次性貶值的對策，打消過份的升值預期。有關言論震盪了匯市，海外的不交收人民幣遠期（NDF）的報價，昨日創出03年10月以來最大單日跌幅，由前日收盤價每美元兌6.4390元人民幣，到昨日下午跌到6.5220元，單日跌了1.2%。

人仔升值潮快完

剛好人民銀行上周六通知本港人民幣清算行中銀香港，由本周一提高手續費，令香港兌人民幣的差價拉闊，變相提高香港兌換人民幣的成本。外界視為中央不想港人兌太多人民幣，但陸羽仁讀出另一種弦外之音，阿爺讓人民幣升值的行動可能快將停止，但見香港人還是一窩蜂換人民幣，以為會不斷升值，所以提高手續費係一種訊號，叫香港人換人民幣時要再諗諗。

兩種消息加埋，令市場相信人民幣升值潮可能快完，不但影響遠期人民幣匯價，也可能影響外資對香港紅色股的評值，過去外資會視國企股為人民幣投資的另一渠道，所以人仔走向，可能都會左右國企股的市場情緒，而高人話俾陸羽仁聽，人仔頂多再升多少少，就會到頂。

指數跌得勁，但仍有個別股仔炒上，真樂發（1003）[股價及相關新聞] 購入地產代理世紀21，復牌急升1.27倍；ASM PACIFIC （522）[股價及相關新聞] 績佳，股價升9.77%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

借勢回調         

2008/5/8 上午 09:34:15
網誌分類: 經濟

美股急插，道指跌２０６點，一棍就跌落１２８１４點，險守１２８００關口，呢一浪回吐可能試穿１２８００大關。

美股似乎唔係俾大陸和香港的跌市影響，因為美股早段還微升，美國市場跌得最急的是金融股，皆因市場憂慮投資銀行的新披露規定會影響其盈利；另外亦有擔心美國通脹升溫，未來美國要加息而非減息。

美元要加息的猜測亦令美元急升，在亞洲市歐元兌美元跌至１．５３４３，美元兌日圓升至１０４．８，但油價仍衝高位，上到１２３美元一桶，令金價唔至於跌得太多，報８６８美元一安士。

先講股市，幾個市場都係以「無名腫毒」的形式大幅回吐，港股昨日大跌的原因未明，首先排除的原因是跟A股跌，因為香港H股跌得快過A股；一般相信是中國銀行一名研究員的報告倡議人民幣一次性貶值，令到人民幣不交收遠匯急跌，影響了外資的信心；另一「理由」是市場傳聞有兩名中國證監會的前高層被調查，令人擔心有大量A、H股牽連在內。

大陸股市急跌的「原因」被認為是平安保險的１０００億元集資大計將會復活；而美國股市大跌的「原因」就是投行的新披露規定。

老實講，聽完這些「原因」，我都覺得理由未夠充份，特別話A股跌因為平保集資復活，更加係攞來講，平保集資要阿爺審批，而家無人信阿爺要隊低個市，又點會俾平保上馬大集資？

我認為三地股市急跌，原因好簡單，就係近期升得太多太急，一次調整期待已久（英文講long overdue），你睇大陸A股一個星期左右從低位反彈２５％，港股上個月升咗１０％，美股從上月初低位１２３００點升到１３０００點樓上，亦升了６％，特別是美國金融股在次按風暴最壞時間已過的預期下，升得更急，升得多之後，自然等機會調整一下。

若然我估計正確，這些只屬「健康調整」，不至於大插，三地自然是大陸的回調幅度較深，上證綜指若守不住３５００點，就要試３３００點；港股應以中等幅度調整，有機試穿２５０００點，但只要美股唔大插，港股都未必會落得太低。至於美股，１２８００點應有支持，若穿１２８００點，下一關１２６００點會好硬，不易跌破。

反而美元的走勢值得注意，美元開始出現減息週期完結、未來會加息的預期，令６月２５日再減息的機會急降，若當日唔再減息，起碼確認減息週期完結。歐洲經濟唔好，看來歐元要減息，匯價可能再落，所以歐元兌美元急插，小心美元有一浪反彈，直至６月底確認不再減息為止。所以這一個月好難炒外幣，買入後升少少唔食糊可能會被套住，亦不能盲目期望人民幣會不斷升值，從中央增加香港人民幣交收這些動作，已顯示他正給香港人訊息，唔好一窩蜂換人民幣博升值，小心人民幣會回吐。

陸羽仁

http://www.hkheadline.com/blog/r ... rd=&searchtype=

Mr.Business

2008/5/9 上午 10:47:16

陸羽仁覆網友

Tom大少：你話不信人民幣轉勢，橫行都不易，現價美國佬唔收貨。所謂轉勢，都係講停止升值，但要大貶值機會較少，但我覺得現價或現價再升少少後，人民幣改為橫行上落的機會都幾大。如果美元大反彈，不排除會跌番轉頭。聞說美國之前以台海關係做籌碼，逼到人民幣升值，而家台灣選舉完埋，都唔使咁俾面美國啦啩。

Ray:你講的半個月掛鈎中鋁ELI，年息１２．４％，等如半個月利息０．５２％，按你講的條件買ELI等如沽咗中鋁７．９％價外的認沽期權，隻股跌到比現價低７．９％時，價對手可以沽俾你。我睇番國指期權，今個月到期約７．９％價外的國指期權，期權金大約１４０點，即係約１％，雖然日期長幾日，但期權金高好多，建議不如走去沽行使價１２６００點或１２８００點的國指期權，所得期權金更多。想鎖定風險，沽國指期權之餘，買番行使價再低６００點的認沽期權，一加一減所獲期權金約０．５％，所獲期權金和買ELI相若，但有一個低價認沽套住，風險大減。睇完你呢個例子，見到ELI食水幾深也。　　

S2000:中日關係解凍，但唔好期望中日共抗洋鬼子，其實日本自覺係洋鬼子陣營，同美國親如兄弟，同中國唔打交已偷笑。

Tony:你高位入咗港華燃氣和大昌行，無止蝕，我對大昌行從上市第一天都不看好，大股東只是借旺市分拆套現，買入無運行，亦唔會炒。港華可以守吓，大昌行宜換馬，換入而家最衰的電股或航空股或石化股，佢地或許仲會大跌，但一年過後，睇番應會好過大昌行。

Bdroom:想買樓買屋村好過單憧樓好多，單憧樓設備少不成規模又無名氣，長線跑輸屋村樓。

小潘：宏利一跌亦是期待以久，咁o既投資環境，西方保險股無理唔中招，問題係唔知撇清未，若想買都唔好一注買，買一部份，另一部份等三個月睇埋第二季業績再算，一買完就升，買唔到第二批都無壞，怕佢壞事未完。

Mr.Business

注：此篇文章版权归香港頭條網所有。

金融High Tea——索羅斯承認急症期結束
2008年5月9日

美股杜指上日大跌206點，但港股超前下跌了，昨日無再大跌，恒指低開167點後，一度倒升至25,617點，其後無力向上，回吐至25,354點後，窄幅波動，收報25,450點，跌160點。期指收報25,309點，跌176點，比現貨低水140點，成交62,393張。內地股市上升，國企指數照樣下跌232點，收報13,886點，大市成交只有769億元。

散戶偏淡成利好因素

昨日基本上是一個牛皮淡靜市，上下波幅只有263點，唔上唔落，後向未明，咁靜鮋市對經紀最不利，買賣兩閒，經紀張下晝悶到鲻覑，打電話來問陸羽仁點睇。

陸羽仁反問他的散戶客傾向如何，他答散戶都係偏淡，唔敢做№，怕大市再急插。我就答散戶唔敢做№，少人做好友，係一個利好因素。不過就算大戶想做好，亦無需要咁早做№，而家未到月中，下星期一仲放佛誕假，大市偏靜，期權縮「窩」（引伸波幅收窄），這幾日仍然反覆偏淡少少。

美國而家開始唔係講減息，而係話怕通脹重臨，較遠的將來可能要加息，美元走番強少少，這種估計未必係壞事，因為意味覑美國減息周期完結，美元強番鱓，對美股都有幫助。

今年一直唱淡美元、美股的大炒家索羅斯，早前日日話美股要爆大鑊，近日亦微微轉ɜ，索羅斯在出席美國對外關係委員會舉辦的活動時說，次按危機令全球金融體系受到破壞，將影響到實體經濟，金融危機的「急症期」基本上結束，但對美國經濟的影響，正剛剛開始浮現，又指美股正處於「熊市中的上升階段」。索羅斯又指出，現時全球商品價格存在「泡沫成份」。

索羅斯今年一直看淡美元、美股，看好商品，看好中國和印度市場，看好人民幣。他今年第一季沽美元賺錢，沽十年期美國國債輸錢，在摩根大通併購貝爾斯登前買貝爾斯登股票蝕錢，投資有賺有蝕，但他睇淡美元美股的策略，若不平倉，將在美元、美股反彈潮中受損。索羅斯轉轉懐ɜ，亦好自然，承認美股處於「熊市中的上升階段」，可能意味他暫停沽空美股的策略。

信貸市場的危機正在紓緩，金管局總裁任志剛發表的文章亦露端倪，雖然任總的基調仍然叫大家小心金融市場風險，但他透露了信貸市場的最新情況，話「信貸危機尚未過去，但市場氣氛似乎已從3月初近乎恐慌的情況大為平靜下來……美國政策利率下調及預期會維持在低水平一段較長時間，亦有助穩定市場信心。歐美地區的銀行的信貸違約掉期價差顯著收窄，溢價大約減半。以美國的銀行為例，交投最活躍的5年期信貸違約掉期中間價差在短短幾個星期內由170多基點的高位回落至僅僅高於80基點。雖然公司債券價差仍處於歷史高位，但亦有所收窄。」

高盛對礇豐「徹底正面」

信貸市場開始放鬆，令銀根緊縮不致一步步惡化，正預示金融危機最壞情況過去。當市場開始收拾殘局時，股市已轉頭回升。美股雖然升得急有些調整，但暫時無再大插之險。

外資行再調高金融大股的評級，高盛表示，對礇豐控股（005）[股價及相關新聞] 的評級，早前由「負面」轉為「逐步增持」，現在再上調至「徹底正面」，但維持目標價於150元不變。礇豐昨收134.9元，升0.5%。

高盛的報告指出，隨覑礇豐旗下美國礇豐融資的撥備及虧損將於今年首季見頂，有關虧損和撥備即將在稍後季度掉頭回落，估計礇豐今年稅前盈利可錄得14％的按年增長，今後市場可以再次將聚焦礇豐的資本實力及其在新興市場業務的強勁增長。

陸羽仁咁睇，美資大行睇好礇豐，礇豐又係恒指權重股，對礇豐評價咁高，都好難將港股睇得太淡，近期跌市只係調整，唔係大插。

陸羽仁

http://www.hkheadline.com/news/h ... mp;section_name=wtt