【专题讨论】转载香港頭條網陸羽仁, 王雅媛的文章

Mr.Business

2008/4/14 上午 09:03:47

陸羽仁覆網友

Kfc:買入Accumulator隻股跌，你問可唔可以買PUT輪對沖，我話好難買PUT輪完整對沖，因為理論上你要買入和accumulator由那一刻開始到期末可能入貨的總量相對應數量的Put輪，才可完整對沖，但這會是一個天文數字，總數會大得驚人，你會買唔落手。

Nok:你問可否溝淡指數基金，其實都一樣，若指數係一個回落週期中，你溝淡指數基金一樣死，當然，指數基金回落幅度通常無個別炒得喪的股票咁大。

蕃茄：３０元買了國壽，原本計劃再跌再買，但而家又諗應否止蝕。不知你原本想再跌再買，有無一個總量，有無一個計劃，例如第二注乜位買，第三注乜位買，總數買多少。若有計劃，應看計劃的假設有無改變，例如對大市的看法，例如國壽公布的業績對唔對辦，若假設無變，理論上可以按計劃，等佢跌深啲加注（記住這是按計劃買股，不是隨意溝淡）。若本來無計劃，只係聽人講佢係好股，可以愈跌愈買，咁就有少少危險，因為可以買得過多，你唔係巴菲特，沒有無限量買貨的能力。若諗唔清楚，亦可定位先止蝕，等佢跌定再買番。

Brian:你問百麗走勢如何，百麗呢一浪由低位６．１元反彈上８．６元，反彈有啲力水，若短炒有賺可以定位止賺，若是長揸的坐艇股，都坐咗咁耐，不妨再坐吓。

Muse:你問大陸地產點睇，大陸地產本身未跌完，但大陸地產股跌得幾深，未有像樣反彈，若大陸股市反彈，不排除大陸地產股會有較大反彈，若有較多大陸地產股，可趁反彈減持，換馬到不同行業，因為地產是宏調打擊首要對象，短期難看好。

本地地產看法較mixed，近期地產的確有回吐，但也睇唔到有大跌之象，所以本地地產股暫時都係牛皮上落居多，你問有恒基好唔好換馬，看揸得多唔多及佔組合比例，若揸好重貨可以減一部份，但無需要沽清這類股票。

Mkm:海地抗議物價高升，搞到死人，都係美國人瘋狂消費樓市爆煲的後遺症，要全球承受，我地捱貴米都關佢事。

小吱：中航科工炒味好濃，估計有幕後人主持大局，否則公布咁o既業績，應該跌得更勁，唔好期望佢短期內可以把輸錢的汽車業務拆走，但你高位無減持，佢剛出壞消息，都可以等一等。

Bdroom:中國礦業削減股份溢價，係一個會計安排，無太多實質影響，理論上公司有累計虧損唔可以派息，削減股份溢價可以填補累計虧損，有利將來派息，但公司實際上會唔會派息，又係另一個問題。

水滴石穿：你問我上星期為何講大市若要大升，都要等到２１号後，只因為我怕美股在業績期有壞消息出籠，要看美股如何消化壞消息，等壞消息出得咁上下後，股市要造好比較容易。

Philip:保利協鑫因可換股票據公允值增加而出現的３．５億虧損，我估係佢上市前低價出讓了可換股票據，上市後公司股票升了值，就要承受差價的帳面虧損，這些虧損對公司現金狀況並無實質影響。隻股走勢好弱，公布業績後更插了，不排除會彈番少少，但仍然弱勢。

Mr.Business

注：此篇文章版权归香港頭條網所有。

金融High Tea——搶米指標又鈬料？
2008年4月14日

美股上周五又插水，杜指下跌256點，跌到12325點，跌幅2％，港股上周尾升完，今日開市又要捱插了。

美股開始業績公佈期，美國鋁業第一個公佈業績已經唔係好掂，上周五全球第三大公司通用電氣公佈業績，首季盈利大跌12％，每股盈利只有0.44美元，低於去年同期的0.48美元，更遠低於分析員的平均預期通用電氣每股盈利有0.51元。通用電氣公佈不良業績兼事前沒有預警，皆因過去兩個星期資本市場的變化，公司被逼為證券投資減值。

美股又插入調整期

消息公佈後，高盛調低通用電氣的投資建議，由「買入」降至「中性」，因為擔心令人意外的盈利下跌會觸發「信用的關注」。通用電氣股價在周五當日大跌13％，跌到32.05美元。通用電氣業績唔好，亦拖累同類型工業股急跌。

另一個美股大跌的原因是密芝根大學消費信心指數跌到63.3，係26年新低，因為勞工市場疲弱，油價又高企，影響消費信心。

美股今次反彈上12700點，接著罕有地在12600點上下牛皮了幾日，這次單日回吐得非常急，突破牛皮位向下，未來要看這一浪借業績壞消息的調整去到幾深，若能守12000點，不再創新低，後市較為看好。港股在月頭上升，到月中遇上美國業績潮，睇鈬要回吐一下，然後看月底有無力再上。

周末遇到兩個政經界猛人，講起美國經濟，短線兩人全部睇淡，從航運界輸美貨物數字可知，○六年有十幾巴仙增長，○七年變單位數字增長，近期再變成唔跌都偷笑，美國經濟其弱可知；但對中長線的看法，兩人迥異，猛人甲認為美國經濟將會反覆向下沉，國力從此一沉不起。猛人乙看得樂觀一點，認為美國人好有「創意」（呢兩個字可圈可點），衰到咁上下，一定諗到方法救番起自己。這兩個猛人對香港、大陸以至美國經濟有直接生意上的接觸，但對美國看法仍莫衷一是，美國後市的確難睇，仍然是高風險、大波動的市場。

同一日看《星島日報》副刊，看到劉創楚教授的文章，講起「搶米指數」，屢用屢收效，他提到最近米價飆升，有市民到超市搶購白米，教授話香港有悲劇性格，每十年一次危機，每到危機出現，大批市民入超市搶米、搶罐頭、搶廁紙時，必是該次危機見底之時，他估計大市即將轉勢，好快就會開始下一輪好景，這個搶米指數，至今已應驗了三次，他相信這次也不會例外。

滿地「菠蘿」人棄我取

劉教授講的第一次搶米，是1967年暴動之時，當時雖未有超市，卻是香港戰後經歷的最大危機，其程度遠超一般的搶米潮，當時滿街「土製菠蘿」（即土製炸彈），好多有錢人賣掉物業財產，逃離香港避禍。陸羽仁當時年紀尚小，但已聽媽媽講過，有個西醫怕亂，把診所的物業賤價賣掉，移民外國，結果局勢平靜後，三幾年過去，物業升值兩倍，西醫回港執業，買番另一間樓時牙痛咁聲，這是我第一次聽到「人棄我取」的概念。這次危機過後，迎來六年好景，直到1973年股市的大炒作和其後的股災。

劉教授講第二次、也是真真正正的搶米，就是1983年9月23日，這是香港師奶入超市掃貨掃得最徹底的日子，香港前途談判出現危機，中英傾唔掂數，港元幣值急跌，一美元兌港元由平常5元多，短短幾日內跌到9算，由幣值急跌惹起物價會急升的恐慌，最後演變成師奶搶米，更搶覑到銀行把港元存款轉美元。陸羽仁對這次搶米最有印象，我媽媽已算是理智師奶，但睇電視見到超市貨架各種貨物都被搶購一空，都忍唔住打個電話問陸羽仁應唔應該去搶番少少，我當時話市民過份恐慌，好多人搶的米一年都食唔完，我叫阿媽唔好去搶，頂多將來買貴少少，怕佢加入搶購行列俾人推跌就唔好係咁好。結果這次危機以港府訂立7.8的聯繫匯率告終，隨覑84年中英就香港前途達成協議，香港經濟漸趨穩定，一直向上到87年股災為止。

劉教授提到第三次搶米潮係1995年，那次外因係泰國米失守，內因係中英因政制爭拗不和，但其後又有兩年好景，直到97年。陸羽仁對這次搶米潮印象不深，但也記得中英因政制爭拗，導致人心不穩。

劉教授的總結是搶米的小市民，也是今日世界最無助的小市民，他們一樣有其他人的危機感受，但對解決問題卻全無能力，只能入超市搶米，這是港人無奈見頂的動作。

劉教授的「搶米指標」，的確有趣，過去幾次搶米的成因都不同，除了米貴之外，背景亦是嚴重的危機，搶米是人在危機中的情緒反應，這些危機有政治危機（1967年），有政治、經濟綜合危機（1983年），但發展到搶米時，就是群眾都發覺有危機，他們是後知後覺的一群，到他們都發現有危機，通常已是危機的尾聲。

鬆散指標難短炒

陸羽仁認為「搶米指標」有參考價值，但要注意幾方面：

第一，這是一個鬆散的指標，不能當作短期炒作的工具，因為既然有危機市民才會搶米，在危機逆轉前，或會再發展一段日子，你買股票就要捱過這段日子。

第二，危機擴展預示轉機。米是生活必需品，當發展到搶米階段，政府還不去控制危機，發展下去就是大亂，這種指標政府亦看到，要出盡全力去解決。好像83年港元大跌的搶米潮發生後，香港馬上訂立聯繫匯率，穩定匯價，平抑了物價。當然，今次的危機不是本地性的，是全球性的，根源在於美元大貶值引發全球性的高通脹，但全球糧價瘋漲，各大國若不解決問題，將導致全球大混亂和大衰退，所以危機產生逼力，逼各國政府盡快解決問題。

第三，長線投資要買而非賣。人在危機中，好想脫離危險，有股票沽鰦佢就算，這就是67年暴動時沽樓的心態，也是89年64事後沽樓移民的心態。我經常話，要看你是「投機的我」還是「投資的我」，投機要順勢，見市跌跟手沽，三日走一轉，但投資不一定如此。假如你有10元買的國壽（02628）[股價及相關新聞] ，大市要回吐，你沽唔沽？曾經有一個老友亦問過我這個問題，話即使係一星期的走勢，如果估佢跌，做乜唔沽？

明知跌都未必沽

我當時答話，既然你係長線投資者，入貨價又低，又係唔係要經常出出入入去「游水」呢？表面看，「游水」有好多好處，我30元，27元買番，咁又賺一成，佢彈番上29元，再沽，佢跌落26元又買番，再賺一成，真係好正。講就易，做就難，若沽鰦雞股，好易買得番，但沽了好股，佢大跌時你未必敢買，成日想等佢再跌得低鱓，但佢一彈又會彈得好快，你未必追到，我亦見到不少散戶貪圖小利，在好低價放了好股最後買唔番。

你若非藝高人膽大，見到呢鱓「搶米指標」時，手上有平貨唔好沽，若手上無乜貨，反而等佢插纒時可以買纒貨，不過買股後預鰦要捱一段日子，散戶長線投資，都係人棄我取比較容易賺錢。這個「搶米指標」，都可以信七成躀。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

溝淡（４）         

2008/4/14 上午 08:23:45
網誌分類: 經濟

美股大幅回吐，要看今次美股調整會否再創新低，而港股在這一浪調整有無抗跌力，亦要小心觀察。

有網友問是否因為我覺得大市會調整才一再講溝淡的話題，其實這個問題太重要，值得一講再講。網友古九寒的例子又可以證明。

古九寒話：「陸sir,今日睇完你個blog真係非常感觸, 我也好想係度講吓我的故事......上年10月港股狂升, 幾乎每日都創新高, 而且全民皆股, 好有股災前夕的味道, 當時我看見自己今年的投資已經有唔錯的回報(大約賺左5-6萬), 所以決定唔玩, 清倉走人! 但其後個市繼續上升, 升穿3萬點後又試3萬2, 身邊的朋友繼續賺大錢, 而「亞洲股神」和「澳門賭王」又日日唱好! 心裡自然十分後悔, 結果忍唔住所以再度入市掃貨! 我分別係$47入左1手國壽+$17.5 入左1手中石油......(錯1: 當時好有信心, 因為自己後生, 未輸過! 唔知高追原來可以好大獲!)」

「跟住後來溫總話要停車, 個市即插, 但係我無去止蝕, 而且仲選擇去溝淡! 我再係$45入多2手國壽+$14.5 入左1手中石油! 跟住個市繼續插, 我開始有d驚, 但係依然唔肯認衰, 係$42入多2手國壽, 平均價$44.2......(錯2: 唔止蝕, 仲玩溝淡! 依家先知死!)」

「到左就快Christmas, 隻國壽並無起色, 而且跌到得$39, 隻中石油得番$13……當時我真係好唔開心, 臨年尾先咁大獲! 當日咁橋睇咗陸sir你個blog先知道止蝕咁重要, 所以即日清倉走人, 蝕左成5-6萬, 入哂肉......(錯3: 早d睇陸sir個blog, 早d止蝕, 就唔會攪到咁既田地!)」

「今時今日兩隻股票雖然都反彈番唔少, 但如果當日我唔走依家可以要蝕10幾萬, 真係”You jump, I jump!” 唯一好彩便是我這兩年賺果啲都可以剛剛夠蝕, 就當自己發咗場夢啦!」

古先生（佢個名太似粗口，改吓好啲）的情況，太過典型，他首先遇到的問題是過早看淡，我在接近３００００點時答過一些問題，當時有網友問，個市咁高，炒唔炒好，我那時大概咁講，用細細注炒吓唔拘，知道自己炒就得啦，一唔對路就閃，若果炒開股清哂貨，個市繼續升，見人日日贏錢，一定忍唔住，最後喺高位撲番入去仲衰。古先生的情況就是如此，太早離場，見到人贏錢，好難忍，結果撲番落火海，大部份股民都有賭性，所以在股市大熱時完全離場，未必係最好方法。

佢溝淡的情況，亦係典型，最初唔係輸得咁多，係溝淡溝到自己輸大好多，你睇佢開始在４７元買咗１手國壽，１７．５元買１手中石油，雖然接近摸頂，但勝在買得少，如果一跌就走人，輸得好有限。但佢不斷溝淡，在４５元買多２手國壽，在４２元再買２手，１手變５手，即使輸的幅度一樣，都放大５倍。而中石油也在１４．５元多買１手，合共２手，輸錢亦放大２倍。溝淡表面上睇可以拉低成本，但最大的弊處是將投入的注碼不斷放大，小風險變大風險。

以古先生的例子，若佢在溝淡時唔去溝，改為止蝕，把國壽和中石油沽清，可能只係輸幾千元，即使佢見大市跌到２７０００點時，以為見底，再買，唔對路再斬，可能只係輸１萬，而唔係好似而家咁輸５、６萬。

我唔知點解，好多名咀都叫人溝淡，可能過得一、兩年之後，隻股真係可以去番溝淡價，佢會話溝淡成功，但佢無講你已損失一、兩年的機會成本，以古先生的例子，若高位一早止了蝕，可以吼低位買番貨，跌落低位時大把子彈買，加上輸錢又唔多，一個小浪就可以把止蝕輸的１萬元賺番來。再者，一、兩年當中，可以發生的事情太多，溝淡完死守，股票跌到地底泥咁價錢時，可能頂唔住日日跌的壓力，可能覺得明天會股災，頂唔順壓力就把股票賤賣，等唔到翻身的日子。又或者等等吓有用錢需要，例如要結婚、要買樓，結果又要在低位套現。所以股票跌價去溝淡，愈溝愈大，要等一段長時間才回到家鄉，將自己陷入完全被動中，認真唔著數。

大市升跌都有個勢，你買股之後即輸，慎防大市或個股已轉勢，中石油係最典型的例子，好易見到佢A股一上市就轉勢，大戶借人人有好高期望的時機沽貨。我經常講，股市係大戶和散戶對賭，你一開始輸錢，就可能陷入了和大戶對賭的局中，要想法脫身，而唔係再賭大啲，買了轉勢股去溝淡，愈賭愈大，多多都唔夠死。

古先生的狀況仍然OK，佢只係將上一年賺的錢輸掉，保住本金，成績已一錯，可以低位再累積股票再來過。贏錢時加注，輸錢時減注，都係炒股的ABC原則了。無論從眼光、手氣、走勢等任何角度去睇，輸錢時都唔好加注，輸開有條路，唔可以靠加注吹番番來。

陸羽仁

http://www.hkheadline.com/blog/r ... rd=&searchtype=

Mr.Business

2008/4/15 上午 08:19:25

陸羽仁覆網友

S2000:中聯石化雖然有大戶入股，但不是大股，股市跌咁多，好多大股都跌到唔貴，點解唔留意大戶呢？倒過來說，在市旺時，大股升咗好多，為追落後，才會留意較細的股份，除非你對某些細股有獨特的認識，知道佢已跌到地底泥的價錢，好超值。

獵豹：下次記住止蝕就得啦。

Mr.Business

注：此篇文章版权归香港頭條網所有。

不要遠離市場
2008年4月15日

股市就是這樣，上升時，全部壞消息放在一邊，沒人提、沒人理，一廂情願買下去。當某一市場開始大跌時，壞消息馬上掛在嘴邊，別人說次按，你又開始說次按。前天你心裏恒指的目標還是26000點，看見美國大跌，你的目標馬上從26000點變到20000點。這樣急速的情緒改變或觀點改變是極不成熟的表現，除非你是超短線的投資者，否則在這般意志不堅定的情況下，很容易輸了錢又輸了信心。

大市近日又波動，上周五美國大跌，昨天香港又跟覑跌。Victoria問自己這次香港跌的理由是甚麼?答案是次按。那麼早前港股由32000點跌到 20000點左右的原因又是甚麼，又是次按。次按已經在我們生活中出現了一段頗長的時間，我想原本不懂次按是甚麼的人，都給報紙或傳媒教育到對次按有自己獨特的見解。其實大市最害怕的是不明朗，當世界上每個人都知道了有次按的存在，而香港股市也因次按跌了那麼多，那次按還是不是如大家想像般那麼有影響力呢？

到了此刻很多人都開始對股市失去興趣，因為大家害怕股市會再跌下去。但有沒有反過來想為甚麼當恒指32000點的時候，大家可以那麼勇敢去買賣，現在 24000點大家反而畏首畏尾，24000點的股市不是更安全嗎? 股市在32000點時，20元的中石油可以跌一半，現在10元的中石油（857）[股價及相關新聞] 應該不會再有跌一半的風險吧。

市況一轉淡，不少原本想以投資為終身職業的人開始淡出市場，他們的想法是現在先避一避跌市，當大市再旺的時候回來不就行了。世界上當然沒有那麼便宜的事情，市場永遠是在大家都不察覺的情況下慢慢恢復過來的。那時你再回來可能已經太遲了，所以唯一能夠做到「early bird」的方法便是要時常跟大市有一個接觸。

Victoria講的接觸並不代表要時常買賣，每天留意財經新聞，留意大公司的盈利走勢，也算是一種接觸。不要刻意讓自己遠離市場，才是成為成功投資者的一個正確態度。股神巴菲特以不經常做買賣出名，但別人卻誤學他的態度，認為跌市時遠離市場便可以如他一般。但我想他應該比任何人都更喜歡跌市。因為如果大市不跌，哪有便宜的東西給他買呢?

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——低撈之前先數子彈
2008年4月15日

美股上周大幅低收，港股預託票據造價滑落，港股開市預鰦要捱沽，結果恒指低開700點後反覆下跌，下午一度跌至23,753，收報23,811點，跌 857點；國企指數跌幅仲大，全日下挫693點，報12,664點，成交縮減至只有749億元；期指跌765點，比現貨高水24點，成交69,630張。

內房股又仆低

借住外圍股市大跌，中國股市再度急挫，滬指報收3,296點，跌幅達5.6%，今個月表現較硬淨的深成指，暴跌跌幅達7.4%，創近10個月來單日最大跌幅，報收12,343.61點，兩市成交額共計1,0307億人民幣。由於擔心內地通脹加劇，宏調升溫，地產股成為重災區，大型內房股紛紛向下滑落，拖累內房股重挫，中海外（0688）[股價及相關新聞] 、碧桂園（2007）[股價及相關新聞] 、 及世房（0813）[股價及相關新聞] 等跌3至7%。

港股昨日調整，可以話兩面受敵，先係美股上周大跌，跟住昨日內地股市又滑落，港股一向都係跟住中美股市走，兩大市場如果一升一跌，都仲話有走棧位，但昨日兩邊一齊跌，香港又無特別利好因素，試問又點可以獨善其身。

恒指急插，股民當然會問，究竟先前個市一口氣升逾二千點係見底回升，抑或係死貓彈先？中環茶友話，港股由32,000點跌落鈬，根本無可能咁快再升番上去，所以研究是否見底回升，根本意義不大，他有興趣的，反而係個市向下插，會插到幾多，會不會插穿上次兩萬一千點的底部。

美股借通用電氣業績遜於預期大插，理由係擔心美國企業業績受影響，茶友話，美國在今年首季好有機會出現負增長，第二季估計亦難逃倒退命運，即係話美國衰退機會高到加零一，聯邦儲備局主席伯南克現在已經唔係講緊有無衰退，而係講緊衰退深定淺，如果大圍環境差，藍籌公司大部份應該都會受影響，所以美國業績公布期，悲多於喜應在預期之內，大行對於公司盈利盤數，早已經心中有數，關鍵只係點樣利用數據炒作而已。

借美企業績大插

美企業績偏淡，但點樣演繹偏淡業績，主動權操縱係大行手上，因為真正業績係一回事，預期業績又係另一回事，若然大行想唱好，見到偏差業績，都可以話比自己預期為佳，不過，大行做№並非亂鈬，他們有自己一套邏輯，就係進行投機炒作的機會成本和回報點計腬。茶友話，三月份大行焗聯儲局大手減息，所以大力掟低美股，結果逼到聯儲局不但減息，仲要出手救貝爾斯登，目標已經超額完成，在利好因素推動下，杜指「咋咋聲」升到去12,700點，若然再咁升法，好易升破 13,000點，美國現在係咁咦都話係衰退，如果股市大升，豈不是好?景，係這樣環境下照計大戶都係造淡機會大過造好，所以美股有機會未跌完，要被大戶質番一輪先至喘番穩。

雖然美股現在話造緊萬二點樓上，但茶友提醒大家，美元過去兌歐羅差不多跌鰦三成，如果歐洲投資者買美股，單是匯兌損失，已經等如杜指跌到去七、八千點，同經歷股災差不多，所以插到咁上下，照計美股拋售壓力又會減輕。

聽完茶友分析，陸羽仁加多兩句，同一道理，對於美資鈬講，港股由高位經調整了三分之一，但對於歐資鈬講，調整幅度已超過一半，照計港股雖然不能夠話好平，但都唔應該算貴，究竟個市有幾大支持，主要係睇外圍。昨日雖然指數單日調整幅度大鱓，但計埋之前累積反彈幅度咁大，出現這個調整，亦都算係合理，現在第一關是看23,000點的心理關口能唔能夠守住腬。

個市上個星期彈得急，昨日回跌，有股民心思思又想溝淡，究竟跌市應否溝淡，呢個問題都幾私人，主要好睇個人性格，當然更重要係個人財政狀況，如果你現在只得一粒子彈，就梗係要慳住用，留番鈬打老虎啦，因為如果老虎出現無子彈，唔單止無老虎肉食，仲連自己都變埋老虎大餐；但如果你話你有成盒子彈，見到兔仔又射唔射呢？咁就梗係考慮開槍先，因為老虎始終少過兔仔，留番成盒子彈等打老虎食肉，咁就好容易餓親。（有關溝淡點睇，另有詳文見陸羽仁網誌）。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

贏就谷         

2008/4/15 上午 08:14:28
網誌分類: 經濟

美股繼續跌，美國第四大銀行美聯銀行 (Wachovia)公布第一季錄得意外虧損，減少派息，並計畫配股集資約70億美元，以強化資本，令其股價急跌，跌幅為7年以來最大。另外，高盛證券則估計，較多企業將公布令人失望的業績，將壓低未來幾個星期股市指數。

結果道指跌２３點，跌幅０．２％，跌到１２３０２點，美股走勢加埋高盛的預測，未來一段日子還是調整市，想買貨除了要數子彈之外，亦唔使太心急，慢慢來。

網友Ray問起，「陸先生你話輸錢時加注風險大，你又怎看贏錢時加注的風險?」我認為這個世界充滿風險，投資固然有風險，不投資也有風險，因為通脹咁高，收雞碎咁多息，一年４％、５％通脹，持有財產的購買力不斷按此比例下降，唔投資都有貶值風險。

講番投資，贏錢時加注，風險會細過輸錢時溝淡加注。我有一個理論，存在就是合理，一般人輸錢時，會覺得「無理由，明明睇住佢．．．．」，有一百個藉口去否定自己輸錢的事實。我就話，既然賭錢呢個事實已經存在，已包含了各種合理理由，例如你睇錯市，例如你無估到大市或個股走到咁上下會轉向，又例如你已踩入一個大戶的佈局中。輸錢的理由已包含在事實中，問題是你無興趣發掘而矣。

一般人輸錢時不止蝕，主要怕黑仔到極，一止蝕完佢就升番，現實上的確有此可能，機會甚至有一半或以上，隻股可能係一次短度回調，回調完會向番上，所以你斬完倉佢會升。但有另一半機會佢係轉咗勢，開始反覆向下，你唔走，低處未算低。雖然買股輸錢時，隻股係短期調整或轉勢下跌兩種機會都有，但後者的風險太大，唯有止蝕走避。

再講到贏錢時加注，當然也有風險。買股票要搭啱車，你上車後架車馬上火速向前行，你就賺大錢，上車前你唔確定邊架車會開，上咗車試過至知，但上車後肯向前行的車，已比唔郁的車好，已比唔郁的車大機會行落去。贏錢時加注的風險係加完注佢就回頭，假設你順勢買股，隻股回頭是轉勢，順勢發展的日子，被轉勢的日子多，所以出現轉勢的機會，唔係無，本來已略少於順勢發展的日子（這只是講順勢買股，逆勢博反彈的人是例外，因為他來是逆勢買，隻股順住跌勢要再跌，所以買完再跌的機會較大）。

贏錢時加注的另一個好處，是你有較多空間去守，假設你２６元買了國壽（２６２８），跌時不買，若升到２８元才加注，平均價２７元，你已有１元的利潤空間在手，若以一成止蝕，跌到２４．３元才止蝕，和現價的距離較大，有較大空間防守，可以減少止蝕的機會，避免正常回調少少就要斬倉。

《The New Market Wizards》一書講到一個成功的期權炒家Victor Sperandeo，佢年青時喜歡研究如何賭啤牌，主要技巧是管理賠率，他記牌，然後分析每一舖牌的賠率對自己有無利，有利時賭，無利時不賭，這樣就可以輸少贏多，長賭有著數。 形勢對自己有利時加注，不利時減注，也有少少似Victor Sperandeo的理論（雖然他對如何分析賠率還有深入見解），贏面大一些。

贏錢時谷大，多少有「投機的我」的味道，不似投資行為，但作為投機者，若買１０舖贏７舖，輸３舖，輸時輸有限，贏時贏多一點，長賭已可以取勝。

陸羽仁

http://www.hkheadline.com/blog/r ... rd=&searchtype=

Mr.Business

2008/4/16 上午 10:50:33

陸羽仁覆網友

Ray:呢個月上２５０００點，機會５０、５０吧。

Twohitsix：美股的情緒略有改善，未來還看業績差成點，港股先跌番落２３２００點，都有５０％機會啩，睇住美元走勢，如繼續走強，美股或有資金流入，短期唔好睇得太淡。

水滴石穿：美股後向，有人睇得極淡，有人無咁淡，我傾向後者，佢係熊市，但唔低一插到底，插到咁上下玩吓上落市，到時亞洲股市會好番啲。

國航和招商中國基金係唔太相同的貨色，招商基金大體上近A股走勢，國航隨了睇A股走勢，還看H股走勢和油價，兩隻再插深啲都可留意。

Any:華能、國航和中石化本質都不俗，都受宏調和能源價影響，三隻要選二，長線投資，可以等佢地再回吐時，等跌得深啲那兩隻買。但若短炒就唔應該咁，弱勢股弱開會較弱，短炒要揀強勢股，可能呢三隻都唔係。

Ming:國航長線好過首都機場，等大市再回吓，佢地跌近啲一月低位可以買吓。

新手一號：你問嗰隻股炒味極濃，唔好睇住佢之前的換股價，以為一定會升番上去，炒股跌到地底泥價錢，風險才下降，以市值計，佢仲有５１億市值，你買要抱完全炒的心態，順勢炒，不能逆勢炒，食夠隨時走，唔得就止蝕，唔好向下分注入，因為若佢向下跌得咁多，會愈跌愈低。

鋒仔：你話有本書作者借５０萬炒中石油發咗達，就係好少人可以咁發達,所以咪可以出書囉。我以前講過呢個問題，當時唔記得中石油係１３元定１４元，若有人咁做，而家輸到喊。你借錢要諗清楚，輸錢孭幾萬元債孭唔孭得起，我反對借錢炒股，因為要長炒長有，最緊要方法正確，方法錯，錯開一世都錯，借錢炒股，１００個有１個得，９９個輸到喊，而且今次贏咗，愈賭愈大，終於會輸番哂俾佢，借唔借自己諗啦。

Flyinthesky:想月供一隻大陸地產股，十幾年，在大陸可以供萬科，在香港穩陣點供中國海外，十幾年後佢一定唔係最標青嗰隻，但係國營公司，執笠機會細啲。

Indy:你問有新股快上，駛唔駛咁早開始炒百貨股，而家市道唔好，唔早啲搞吓氛氛，好易上唔到。

S2000:渣打在２３３元已有一注，可以等回到２５０元再加一注。

Mr.Business

注：此篇文章版权归香港頭條網所有。

金融High Tea——自由飛行 還看內地CPI
2008年4月16日

港股大跌之後喘穩，恒指高開139點，見24,044點後，反覆隨內地股市下跌，低見23,613點，下午又跟住內地股市反彈上23,997點，收報 23,901點，升90點。期指收報23,848點，升13點，比現貨低水53點，成交67,217張。國企指數亦先跌後倒升1點，報12,665點，大市成交只得714.5億元。

中環茶友話，你睇大市成交得714億，買賣兩閒，既反映大市無熱度，亦反映去到月中，期指大戶都費事出手，任由港股隨外圍飛行，相信到近月底大戶要將期指拉向他們期望的一方時，大市成交就唔會得700億咁少。

大戶唔郁手，港股主要跟美股和內地股市走，內地股市前日大跌後，昨日上午續插，港股都跟住回，但內地股市觸底反彈，港股跟住又浮番上水面。

期指大戶懶出手

阿爺都唔想內地股市插得太多，所以久不久就出纒鱓濕碎招數，財政部昨日發佈通知，對中石油（857）[股價及相關新聞] 和中石化（386）[股價及相關新聞] 兩大石油巨頭二季成品油進口稅將實施「先徵稅後返還」的措施，變相增加他們的補貼，由於中石油和中石化是大陸股市的重要指數股，兩股股價迅速止跌回升，成為昨日內地股市主要護盤力量，結果中石化A股漲1.7%，報收11元人民幣；中石油漲0.9%，報收17.06元人民幣，頂住大市向上。上證綜指重上 3,300點整數關口，最高升至3,349點，並以近全日高位3,348點收市，上漲51點，漲幅為1.6%。

內地馬上要公佈3月的通脹（CPI）數字，中環茶友估計3月的數字仍高，所以慎防中資股還要借勢回吐。佢話3月的內地CPI數字未見真章，因為3月數字注定要高，要等下月出4月數字才是堅料，因為要看4月CPI會否開始顯著回落，才知內地宏調會否減慢少少。不過無論如何，股市都會借3月CPI數字先炒作一番。

當內地股市反彈時，A50基金（2823）[股價及相關新聞] 昨日卻略回吐，收報17.08元，微跌0.5%，成交30億，A50基金的每股資產淨值有16.69元，昨日走勢和內地背馳，意味溢價收窄，現價只有2.3%溢價，茶友話外資見內地股市炒唔起，可能都要斬貨走避纒，所以溢價才會收窄。

昨日港股係「反彈格」，唔係太想跌，但大市亦無乜方向，兩巨股一升一跌，礇豐（005）[股價及相關新聞] 跌0.5%，造130.1元，中移動（941）[股價及相關新聞] 升0.9%，收127.1元，而地產股則個別發展。

升公用股信心弱

升得較好的是公用股，煤氣（003）[股價及相關新聞] 升1.6%，中電（002）[股價及相關新聞] 漲2.3%，港燈（006）[股價及相關新聞] 升1.1%。茶友話，大股只升公用股，是市場信心弱的表徵，芬佬有錢唔敢買№，唯有買公用股，貪佢低風險，甚至沽其他股份轉為公用股，都係避險行為。

咁靜鮋市高追好易中招，好似招商局（144）[股價及相關新聞] 公佈全年盈利升39.6%，業績咁好散戶一見升就撲入去追，股價最高升6.2%，升至38元，但隨後沽盤湧現，獱重貨者見這種市道有人搶就派俾你，股價好快就派番落來，最後升幅收窄至0.6%，收36元，如果高追即衰5％，都幾應棍，大市無氣氛，公司公布好消息都變成殺人陷阱。

茂業國際及中國衣戀擬下周始招股，內地零售股普遍偏好，百麗國際（1880）[股價及相關新聞] 升4.7%，新世界百貨（0825）[股價及相關新聞] 升2.4%，金鷹商貿（3308）[股價及相關新聞] 升5.3%。唔好怪陸羽仁多疑，如此淡市，百貨零售股升得咁好，又會唔會係和新股上市有關，有人炒高同類股份，造好少少氣氛，好讓新股可以上市，正所謂小財唔出，大財唔入。若是如此，不但認購新股要小心，持有已上市的百貨股都要見好就收，食夠就走啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

贏就谷（２）         

2008/4/16 上午 09:41:03
網誌分類: 經濟

美股反彈，地區銀行的業績優於預期，加上油價上升推高能源股，令美股在三日內首次上升，道指升６０點，升幅０．５％，收報１２３６２點。

而英特爾公布第一季業績好過市場預期，在美國市場放緩時，該公司的銷售持續增長，上季銷售增加１７％，令分析員跌哂眼鏡，英特爾股價亦大升８％。

其實早前美國鋁業及美聯銀行等公司公布了壞業績，也有「貢獻」，因為它們的業績降低了市場對公司業績的預期，據彭博的調查，現時分析員平均估計美國標普５００公司首季業績下跌１２．３％，而年初時仍估計會增長４．８％，近期美鋁等公佈的壞業績，更令分析員調低預測。既然期望低了，失望的機會亦降低，那麼公司公布普通差的業績，亦不會令市場意外而推低股市。

另外美股公布生產消費指數，升１．１％，主要反映油價上升因素，生產消費指數是消費物價指數的前奏，生產價貴，意味將來售價也貴，數字令人相信美國通脹會開始上升，美國再減息幅度有限，利率期貨數據顯示相信今個月聯儲局會減息０．５厘的人數，又跌到３０多％，消息令美元反彈，在亞洲市兌歐元從低位１．５９，回升至１．５７９，兌日圓亦升上１０１．７的水平，資金有流入美國的初步跡象。

昨日講到贏就谷，輸錢唔好谷的道理，網友ray提問，第一，如何管理贏錢時加注的風險？第二，如何決定贏錢時加幾多注？第三，如何分辨「分注買入」和「贏錢時加注」的概念，兩者可否共用？第四，若他已按分批買入入夠貨，如贏錢再加注，會否入得太多，風險太大？第五，是否有些時候「贏錢時加注」會好大風險？

我覺得要還原基本步，首先分開「投資的我」和「投機的我」，我經常講的「分注買入」，慢慢買，主要是針對「投資的我」；而「贏時谷」，就更適合「投機的我」的順勢炒買貨策略。「投資的我」對風險的容忍度有限，不追求大收穫，先要降低風險，賺少啲唔緊要，最好唔輸，所以他的入市策略應該比較保守。分注買入係將普通人睇啱就一注買哂的方法，改為分注買，減少一買即輸的風險。舉個例，今年年初，我話大市上半年應該在２３０００點至３００００點中間炒波幅，當時指數是２７６００點，向下空間大過向上好多，當時買貨風險較大，假如你係一個較進取的「投資的我」，信我所講，只能等低位才建倉，要先定一個等大市跌下來時買貨的策略，可以分三注，在２４０００點買第一注，２３０００點買第二注，２２０００點買第三注，三注買齊平均價２３０００點。

好了，若你自命係保守之人，年過４０，唔想太冒險，又可以咁做，將第一注買入價定在２３０００點，第二注２２０００點，第三注２１０００點，平均價２２０００點。第一注入場的價位愈低，安全度愈高，當然另一方面，亦有買唔到或買唔齊貨的風險。但我就話，既然自命保守之人，假設你三注只買到一注，亦無所謂，見到佢升上去唔追亦無拘，最緊要唔輸錢，有得贏，其餘兩注買唔到股，攞去存人民幣都得。你諗吓，假設你買得一注，股市升咗上去，最後這一注有２０％回報，其餘兩注存人民幣，收息加升值有５％回報，加埋整個組合有１０％回報，以低風險組合來講，咁o既回報好唔錯啦。

網友bdroom問分注買入和溝淡的分別，其實我答過佢，佢可能睇唔到，分注買入係一個較保守的買股票方式，可以減少止蝕的機會，假設你有１０萬元身家，買攞其中５萬元買股票，按我上面講的方式，分三注買入，用哂５萬元買完之後，股價再跌，你就唔好再攞錢出來買，因為隨意再買，想降低成本，超出原來買股的預算，那種做法叫做溝淡，用以上的例子，好多人用完５萬去買，買完再跌，用埋其餘５萬買埋佢，跌完再跌，出糧有１萬又買，本來買埋５萬，結果買到１０幾萬都唔收手，成副身家咪好易一舖清？記住「黑開有條路」，黑完可以再黑。分注買入後見到股價跌，要考慮止唔止蝕，唔係加注。

講咗咁耐未答到阿Ray的問題，我主要想講，要將「投資的我」和「投機的我」分開，「投資的我」搵價值股，或搵好股等平價時才買，不能避免在大市下跌時或比較淡靜時去買股，跌緊去買，多少有點逆勢，和順勢炒並不相同。分注去買係一種防守式進攻，並非炒作心法，買夠貨，升咗上去，也未必一定要大量加注，要控制風險，唔好讓組合太集中一隻股份。「贏就谷」是一個炒作策略，考慮點完全不同，明天再續。

陸羽仁

http://www.hkheadline.com/blog/r ... rd=&searchtype=

Mr.Business

2008/4/17 上午 09:03:42

陸羽仁覆網友

Ray:你話想炒英磅兌美元的波幅，英國經濟轉弱，開始減息，磅價有向下之危，美元漸減定息，英磅才開始減息，心英磅穿底向下，若買入炒波幅都要定止蝕位，最好不超過你想賺波幅的％。加紙略強過英磅，不過長線都會比弱美元拖死，加拿大和英國經濟結構不同，勝在有能源賺錢。

在現時匯市大波動的年代，我就建議你唔好做currency linked notes，因為引申波幅大，「息」好高，過去接貨走得到，唔等如下次走到，因為美元一轉勢，最後接貨可以輸好多，做這些currency linked notes遇上逆市，防範心較弱，一般人不會止蝕及對沖，死等到期，可以蝕好多。炒波幅反而安全啲，因為逆勢時識得止蝕。

定義熊市的指標很多，其中一個說法是你所講５０日線穿２５０日線，但過去亦見過不少穿完又上番，無事再炒過的例子。

Ton ton:大市成交少因為牛皮待變，加上期指大戶月中少做嘢，係我所講游自由式的現象，主要睇外圍。

如果你一啲貨都無，又唔一定等到２１號，但今日有大反彈，等一兩日彈完略回吐時可以開始買少少。

Johnny:國壽基本質素OK，現價唔平唔貴，只要A股唔暴跌，現價有得守吓。

S2000:上電如金曹評價，電機股長線有發展，現時受制於大陸股市不濟，要守吓。

陳玠霖：你話月供股票銀行好賺，好唔好買銀行股，就好似見到地產公司做埋物業管理好好賺一樣，若因此而買地產股，恐怕捉錯用神。銀行股主要睇做按揭等大類別生意，近年亦睇佢地在大陸的生意搞得大唔大，這些才是大項。

Soho,大老闆：你們問投資的我買股票駛唔駛止蝕，明天我寫一篇網誌覆你地。

Clmama:你問息率逆向曲線，我估你指美債短息接近或高於長息時，這通常是市場風險很大，資金突然避險流入短債市場，或者突然大幅減息，市場未確認減息是否長久趨勢時，這些多數是波動時候，或預示大變來臨。

Kelvin:想搵了解銀行、保險業的書，建議到大學的書店，會有大量選擇。

Piker:大陸市真正要有大反彈，要看下月公布的４月CPI,如果從３月的８．３％大幅回落，大陸股市就有較大的反彈了。

bdroom:細股有人做莊，升跌完全人為，成交都有９成係左右交右手。但我講平保、中鐵有人揸lift，只係話有大戶在大手炒，未到「做莊」那種完全人為左右大局的層次，所以從這個意義，當然不能排除恒發有大戶介入去炒一轉，我只是講不是搭棚做莊而矣。

Mr.Business

注：此篇文章版权归香港頭條網所有。

金融High Tea——大戶都話無№炒
2008年4月17日

昨日港股焦點在內地發表的消費物價指數(CPI)，數字公佈前，恒指高開211點後一度升至24,194點，但下午個市開始無力，結果收報23,878 點，跌23點。內地經濟數據通脹仍高企，市場擔心宏調加大力度，國企指數先升後跌72點，大市成交縮減至646億元。期指收報23,870，升22點。

內地3月份CPI按年增長8.3%，首季食品價格同比上漲21%，顯示食品通脹仍然嚴重。滬指再度失守3,300點，報收3,291點，跌1.7%，深成指受地產股拖累較大，跌2.7%，兩市成交額亦跌至只有共計817億元人民幣。收市後中國人民銀行宣佈，上調存款準備金率0.5%，屬今年內第三次，令存款準備金率達到16%，央行表明會繼續落實從緊貨幣政策。

內地通脹超過百分之八，已在市場預期之內，上海股市跌穿3,300點關口，幅度已經唔算太厲害，中環茶友話，內地股民現在最關心的不是通脹或宏調問題，而是大批解凍股份如何解凍的問題，如果減持陰影不解除，股市好難有得升，近日市場陸續傳出管理層要救市的消息，但救市方法不是減印花稅或其他托市方式，而係點樣限制股份解凍，令到股票不會一下子流入市場，大幅增加供應，由於最近傳出種種方案，內地股市跌到近三千二百點邊緣，開始出現一鱓抗跌力，究竟低位支持有幾大，呢兩日就見真章。

港股繼續自由式

外圍股市經上周回落，進入浮沉狀態，內地股市則反覆試底，令港股缺乏方向，又距離期指結算一段時間，變成游住自由式先，由於大家都未曾睇得定個市，於是成交減縮，有點買賣兩閒。

美國受次按影響，經濟前景呆滯，但同時聯儲局全力放水，形成通脹日益明顯，係低增長、低利率下，投資市場陷入渾沌狀態，非但香港如是，全球亦都一樣，前晚大米期貨在芝加哥商品交易所再創新高，單日勁升兩個巴仙，反映商品炒賣潮，由石油擴散至農產品，大炒家索羅斯被人問到最近投資市場情況，他認為傳統股票仲有部份估值偏高，仲未係大手掃貨時候，資金無出路，於是炒住商品過日晨先，於是形成「屎無垃圾」的商品都炒一餐。

索羅斯係頂級大炒家，此輩落注之前，未諗贏錢先諗輸錢，即係話萬一輸錢，資金是否可以盡快撤退先，賭大錢要撤退得快，流通性係必要考慮的因素，講流通性，全世界無№好得過美債同美股，比較之下，商品炒賣只係細眉細眼，尤其係農產品，對大鱷鈬講只係個水琑仔，根本容唔到身，但在次按危機下，美元資產幾乎全無樂土，所以唯有連農產品都狂炒一餐，可見大戶都有搵食艱難之歎。

企業盈利受侵蝕

商品價格上升，直接結果係企業成本上漲，侵蝕盈利，昨日華能國電發出盈利警告，預計集團今年首季的淨利潤，將比去年同期下降至少50%，原因是發電用煤價格的大幅上漲，導致公司成本上升，影響利潤。花旗發表研究報告，將華能國電的評級由買入下調至賣出，目標價更大削26%至4.5元。美資大行花旗認為，煤價持續上升，加上預計短期內地電價不會上調，華能未來幾年年淨利潤預期下調10至14%，目標價由6.1元下調26%至4.5元，評級由買入下調至賣出，華能股價昨日下跌3.7巴仙。

現時華能股價跌至市盈率只有9.1倍，息率達到6.5厘，數字上相當吸引，股價低殘除了跟隨國企股整體下跌外，亦反映了市場對電力股面對能源價格上漲，但電價不能大加的負面因素。內地目前仍然屬於計劃經濟主導，政府仍然會干預市場價格，企業有時要硬食成本上漲的惡果，係香港或者美國好鱓，企業可以自由決定加價抑或唔加價，但不代表可以當成上升的影響無到，如何有效控制成本，成為公司管理層同投資者持股的重要考慮。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

贏就谷（３）         

2008/4/17 上午 08:14:06
網誌分類: 經濟

美股大升，因為英特爾、摩根大通及Wells Fargo 皆有優於預期的業績或好消息公布，英特爾話經濟疲弱並未影響其銷售，摩根大通行政總裁Jamie Dimon 話信貸危機快到尾聲，該公司發優先股集６０億美元亦出台，而美國西岸最大銀行 Wells Fargo 話雖然加州樓價下跌，其虧損有限。

在各種好消息刺激下，道指大升２５６點，升幅２．１％，升番到１２６１９點，又升番去早前的牛皮波動位，市場人士話今次升市升得幾全面，各類股份皆有上升。另外，期油價格在紐約交易時段升上１１５．２１美元一桶，因為上週美國燃油庫存意外大跌。

港股在本周一因為美股大跌２００多點，由高位２４６００點插下來，現價２３８７８點，未知今次美股突然回頭倒升２００幾點，又會不會推港股上番高位。

昨天講到「分注買入」，平買價值股是「投資的我」的手法，今天再講「投機的我」的「贏就谷」手法。網友阿Ray問「分注買入」和「贏錢時加注」的概念可否共用，我覺得唔係幾得，因為係兩個唔係好同的概念。

網友新友一號講起一隻炒股，問可否分注等佢下跌時買入，用這種手法買炒股，智者不為，唔係話分注買乜股都得，分注向下買主要是睇到股份跌近合理價值，覺得再跌都有限，所以才分注向下買，定得個價低啲，有少少似巴菲特講愈跌愈抵買的概念，只為避開一買就跌的痛楚期，你唔怕跌，對自己的分析有信心，一注買哂亦得。

但你分注向下買一隻炒股，咁樣做好易死人，因為炒股升和跌幅度都好大，只能順勢去炒，你逆勢去接，多多錢都唔夠。因為一隻１元的炒股，你定１元買一注，０．９元買第二注，０．８元買第三注，以為咁樣已經好平，但炒股的真正價值遠比現價低很多，佢一係唔大跌，萬一大跌就一瀉如注，１元跌到０．１元都得，分注去向下買的風險就在於此。

「投機的我」買股宜順勢，係分注向上買，唔係分注向下買，只會在順勢時追，一回頭就斬。我以前都引述過Edwin Lefevre 的《股市炒手回憶錄》，此書主要講述大炒家Jesse Livermore的事跡，書中講述佢順勢買股的手法，佢想買一隻股，在１１０元先買了２０００股，買完回吐即走，如果買完升到１１１元，初步證明他睇中走勢，他會再在１１１元買第二注２０００股；如果隻股再升，例如升到１１４元，他會再買第三注２０００股，這時持股已初步足夠，平均成本１１１．７５元，現價１１４元，有一定利潤在手。他會繼續觀察，知道股份上升後會調整，他想看調整後的走勢，假如它調整到１１２．２５元，然後又再上，慢慢上番１１３．７５元，就確認上升之勢。他會再放一個「市價盤」去買４０００股，如果好易用１１３．７５元買齊，他就會覺得唔對路，因為太易買到咁多貨，證明有太盤想出貨，他就會沽貨走避。若果只能以１１４元、１１５元那些高價才買到，就證明隻股無乜人想沽，愈升愈有。大炒手話：「我從來不想買得太便宜，也不想買得太容易。」

雖然我地無大炒家咁多錢去大手買入左右大市，但炒作講求順勢，隻股若有起步上升之勢，短期內會順勢滑行，你要分注向下買，等如去捕捉一個向下走勢，一係隻股只係小幅回調你買唔到，一係買齊股時隻股上升走勢已扭轉，隻股已轉勢向下，起碼短期走勢是如此，所以次次向下分注買到炒股都輸大鑊。所以大炒手睇啱一隻股，小注試盤，唔升唔加注，一回頭就打靶，充滿了「贏就谷、輸就縮」的智慧。請大家不要介意我翻炒我以前寫過的大炒手買股方法，因為這是展示炒作之法的最佳例子。

試想想大炒手可能有１００注在手，睇啱一隻股先落自己財產１％買第一注，贏就加注，輸就止蝕，買齊一隻股可能只佔佢組合總值的５％、６％，隻股有勢不斷升，佢會坐落去，升到咁上回頭時，下穿止賺位，佢就走人。佢根本就係不斷跟踪不同股份，大量地進出，下注輸少贏多，總計就是贏。

我希望用今日的例子，可以答到阿Ray的問題，因為「贏就谷」，係一種順勢而炒的炒作手法，唔係投資手法，在股份上升時追貨，入貨價會較貴，唔一定可以長揸，適當時要走，所以「投資的我」，在贏錢時加注加得太多，若大手加注時已在高位，的確有風險。

但若是投機就不同，根本唔贏就唔應該買咁大，唔贏就唔好加注。你可以比較這個手法和輸錢溝淡的分別，你原定用５萬元買股，輸錢再加５萬溝淡，加埋平均輸三成，等如輸３萬；若你贏錢才加注，想投資５萬都係先用１．６萬試吓盤，唔對路輸一成馬上走，你只係輸緊１６００元。買咗１．６萬元對路，才加第２注１．６萬，再有得升才最後１．８萬，買係買得貴，但係在升勢中買，跟佢順勢走一段，貴買貴賣，食夠走人，這才是炒股之術，可能輸三、四次１５００元，但敲中一隻執番１、２萬，就有淨肉。

所以我俾阿Ray的建議是將組合分成不同的部份，投機有投機的手法，投資有投資的手法，投機要週轉快，投資要坐得較長，各有不同的避險方式，唔好撈亂咗。我平時講分注向下買，主要針對聲稱自己係投資者的網友，叫他們買指數股或大股，等那些股份跌到近價值線才買，那些股份跌到好甘時，再跌的風險有限，分注是降低買完即跌的風險。而炒股卻應該唔升唔買，順勢追一段中短程，手法不同也。

陸羽仁

http://www.hkheadline.com/blog/r ... rd=&searchtype=

Mr.Business

保留。。。

Mr.Business

注：此篇文章版权归香港頭條網所有。

金融High Tea——換馬的藝術
2008年4月18日

外圍反覆，大戶無明顯炒作方向，大市變游自由式，由於早一晚美股無情情抽升，港股由自由式變蝶式，開市就撲高，可惜跟住腰力唔係幾夠，尾市都係拗番落些少，結果恒指由高開491點，到下午一度回至24,151點，尾市再稍為回升，收報24,259點，升381點。蝶式拗得唔夠力，主要係內地股市偏軟，所以國企指數最後升幅收窄至294點，大市成交只726.6億元。期指收報24,314點，比現貨高水55點。

港股升市虎頭蛇尾，主要係因為內地股市再度急挫影響氣氛，A股開市受外圍影響造好，但午後全面回軟，滬綜指報收3,222點，跌2%，深成指跌3.3%，受成本上漲影響，電力板塊近兩日持續遭遇重挫，內地掛牌的華能國際跌到停板，相比之下，在港掛牌的內地電力股，抗跌力比較好。

A、H股差價倒轉行

中環茶友話，最近內地股市表現差過香港，兩地上市的股價，香港掛牌的H股好多時硬淨過內地A股，顯示外資同本地散戶仲有興趣趁低吸納。舊年內地股市喪升時，A股股價遠超H股，當時投資者大炒A、H股差價，憧憬港股會追番上去，點諗到A、H股差價現在真係收窄，但結果係內地股市跌番落鈬，貼番近香港的H 股，所以炒概念不能一廂情願，如果知道自己係投機，發覺事情進展同預期唔同，就要盡早走人。

內地電力股股價受壓，主要係能源價格包括煤、油都大幅攀升，大陸「管理層」為了控制通脹，限制電價上升。不過，現在全球能源價格仲係高居不下，期油再創新高，中石油（857）[股價及相關新聞] 升3.4%，中海油（883）[股價及相關新聞] 升3%，可以話有人歡喜有人愁。

中石油、中海油兩隻股價均受惠於油價上升，但若論近月走勢，中海油表現絕對勝過中石油一籌。有中環茶友在17元水平沽出中石油，換入13元的中海油，現在已經有利可圖，陸羽仁問茶友點解今次換馬換得咁醒？

茶友好謙虛咁笑住話，換馬成功都係好彩鎹，當日換馬的決定，都係一念之間作出，他說，當時他買入中石油的價錢，大約是10元左右，買入無耐就聽到股神巴菲特沽貨，當然個市好旺，中石油又有發A股消息，所以忍住唔沽，果然後來隻股就趁住內地掛牌的好消息狂飆，升到20元邊先回落，茶友當時始終心裏有條刺，心諗股神沽貨，有沽平無沽錯，現在個價回番頭，呢個價好容易幾年都見唔番，所以當個價回落一成時，就決定止賺離場，改為買入中海油。

至於點解換入中海油，茶友娓娓道來，話三隻大型石油股中，中石化（386）[股價及相關新聞] 有下游業務拖累，買得石油股，梗係睇好油價啦，所以該股暫時可以不理，而最後決定扑槌買中海油，第一個考慮係覺得商品價格仲有得升，油股始終有吸引力；第二個考慮係中海油當然亦傳出會發A股的消息，相比之下，中海油係內地掛牌的概念，應該仲襟玩過中石油，同一個注碼，覺得抽落中海油贏面應該會較大。

有實力不等如股價即升

茶友話，現時換馬有機會賺錢，含有幸運成份，並非謙虛之詞，因為就算中海油係好過中石油，但結果可以係石油股全面報跌，咁樣就點樣換馬，結果都係一樣，現在帳面又有錢賺，主要係睇中油價向好鎹，不過，將油價同油股比較，可以發覺油股跑輸鰦俾油價，說明有投資者看淡油價或股市前景，所以一日未食胡，一日都唔可以牙擦住。

茶友的一番分析，令陸羽仁諗起讀者Lawrence，他認為，散戶應該多研究公司的基本因素，發掘出有投資價值的好股，Lawrence的講法有道理，不過，對大部份散戶鈬講，都無能力睇得通一部年報，同時就算一家公司有資產，不代表股價可以好快跑贏大市，好似他提到聯合地產（056）[股價及相關新聞] 等幾隻股票就屬於呢類，比較可行的做法，是學茶友咁，先對公司的核心業務有認識，然後才順勢而行，至於點樣順勢而行，日後有機會再談。但如果大家想試纒好似茶友咁揀股，昨日有幾隻股份特別出色，包括升7%的台資背景瀚智集團（516）[股價及相關新聞] 、憧憬巴菲特入股升6.3%的永恩（210）[股價及相關新聞] 、早前配股升6.5%的金蝶（268）[股價及相關新聞] ，以及升9%的卓悅（653）[股價及相關新聞] ，睇纒揀唔揀到好股。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

止蝕         

2008/4/18 上午 08:11:38
網誌分類: 經濟

美股靠穩，公司業績好壞參半，道指升１點，收報１２６２０點，輝瑞藥廠受遺傳工程藥物競爭影響，收入減少；Google首季業績增長３０％，好過市場預期；美林證券首季虧損１９．６億美元，包括了６５億美元撇帳，同時裁減３０００個職位，但美林的撥備和虧損少於市場預期，刺激股價上升。港股短期後市要睇大陸股市走勢。

早前有不少網友問到「投資的我」使唔使止蝕，可以研究一下。先看看網友大老闆的經歷，佢話：「我都學陸sir 咁分開『投機』同『投資』的我, 『投資』的我就買大股長揸, 『投機』就抽新股。」

「『投機』方面, 我之前抽落好多新股, 好似中煤、合景泰富、波司登、復星等。中煤係升到$22蚊到放咗, 其他都好跟足陸sir平時教, 佢地一跌穿招股價我就放。只係冇高位放, 但係投機抽新股方面都冇輸錢, 仲因為中煤賺左。」

「反而係『投資』方面想同陸sir傾下。我選擇左中國人壽作為對象。首先, 我睇好它長線的前景, 投資d錢係閒錢, 唔介意守好耐。不過我係國壽由5x幾蚊跌到去$40就買左, 因為我得一注錢, 做唔到分注買入。雖然我長線睇好加閒錢買, 唔介意守。但係見到佢一路跌到去曾經$25蚊到, 我都不其然要想當時是否要「止蝕」? 當然, 最理想的當然係有幾注錢, 係30蚊又入一注, 係25蚊又入一注。但係, 我得一注錢$40蚊就撲左入去, 雖然唔介意守, 不過亦都想睇吓係今次事件有冇咩地方可以學習到。」

「另外, 一個問題是作為小市民想做長期投資, 應該點樣選擇公司。可能這個係一個好簡單的問題, 但係點樣確保長期投資的公司唔會好似 “enron”, 貝爾斯登咁一炮冇咗? 係唔係長期投資都應該要分散買幾間？」

網友大老闆的個案值得研究，先講兩句投機，投機要進出，炒新股不一定要坐一世，特別是在大市好熱時買新股，更難長坐，買入若升上高位，見從高位回吐１０％，都可以沽啦。因為散戶的資金有限，你炒新股，即使呢隻回落了１０％後你沽咗佢再升，你錯過了這隻股尾段的升幅，唔緊要，只要大市仲升，睇定啲你都可以用套現回來的錢炒其他新股，所以投機炒股，唔係一揸到尾，升得多似轉勢時要沽。不過你雖然高位沽得中煤一隻，但起碼守到跌穿招股價即走的原則，都係守紀律之人，具備一定炒股的心理質素。

講番「投資的我」使唔使止蝕，這個問題若抽空來問，比較難答，若睇得書多又唔消化之人，一時巴菲特上身，好易答話「好股愈跌愈平，愈平愈買，唔單止唔使止蝕，仲要增持」。若你有巴菲特之能，呢個講法一定啱，問題你睇股票的基本價值，又有無巴菲特咁叻？以大老闆的例子，４０元的國壽，巴菲特唔止唔去買，有貨仲一定會沽添。大家記唔記得，國壽大概２０元左右時，傳過巴菲特入股，後來佢否認咗，我當時心諗，巴菲特只買超級大減價的好股，點會在２０元買國壽，你睇佢想買美國的債保公司的出價，就係道佢要價有幾辣。

所以講具體例子較易答，即使你抱投資心態，如果買入價唔係「非常平」，就唔好唔止蝕，大家未必如巴菲特那樣，識得計公司無限年期現金流的折現價（這就是所謂公司股價的合理價值），去計出現價比現金流折現價是否有好大折讓，所以我用咗一個好主觀的方式去講，叫做「非常平」，唔識計價值，都可以用主觀鏡睇吓。

分三種情況，第一是「相當貴」，現在國壽的一年低位２３．３元，高位５３．８元，就用呢條數計，如果個市炒到熱火朝天，身邊人人都講股，大股一年升咗一倍有多，跟住從高位回落１０％，例如國壽去番到４８元的時候，這種叫做「相當貴」，貴買好股等如炒，無論你的心態是否想投資，以那種價錢買股都等如炒股，所以在「相當貴」時買股，一唔對路要斬清。或者應該咁講，嗰種時候，「投資的我」根本不應該入市，股價高位回落１０％，正係持貨的投資者止賺的時候，唔係入場的時候。

第二種情況是股價「中中哋」，唔高唔低，國壽跌到４０元時，這就是網友大老闆買股時，國壽從高位跌了３５％，單睇這個數字，都幾多了，但再睇４０元比同年低位，尚高了７２％，又唔算跌得夠多，回吐升幅一半的情況比比較是，所以當時國壽的情況，唔算「非常平」。

若果你唔係在「非常平」的價位買股，買完再跌，就要積極考慮止唔止蝕。我建議一個縮骨方法，諗唔掂，唔沽哂都沽一半（大老闆得一手難以執行，但都可以買番少少國壽沽輪對沖，若隻股反升，就要預咗這筆買沽輪對沖的保險金會輸哂）。如果我係大老闆，在１月睇住國壽張股價圖，見佢守咗兩個月守住４０元個位，跟住在１月初開始穿４０元這個大位向下插，就一定會止蝕走人。

大老闆講的情況唔難答，有一種情況難答啲，就係在股價「非常平」時買入又如何？假如你在３月中大市插低時，在大跌當日以２５元的低位買到國壽，假設買完在４月再插，咁又止唔止蝕好呢？用番我上邊的講法，２５元距離一年低位２３．３元已經好，所以應該算「非常平」，但又係唔係唔使止蝕呢？

我只能咁講，若無大熊市出現，２５元入國壽應該都OK，若美國有大熊市到來，觸發全球性衰退，世界末日咁款，不能排除國壽仲會大跌，畢竟幾年前國壽上市之初，長期在５、６元左右浮沉，邊個敢寫包單永遠不會再出現這種價錢。當然，講到咁誇張，好似有少少唔負責任，所以合理分析係，估吓隻股最差會唔會清盤（就係大老闆問的安龍和貝爾斯登的例子），另外假設如果大市出現股災佢跌到地底泥價錢時，呢隻股守幾年上唔上得番來？再問自己等唔等錢使，可唔可以守幾年？如果全面答案都係正面，就未必一定要止蝕，但要明白咁做都有風險，只不過風險發生機會較細，萬一出現自己接受得到。

好多人都講，buy and hold（買入長期持有），可以係一個災難，只要的買入的時機不對，價錢太貴，就會中重招。用上述的方法去判斷止唔止蝕，若入貨價唔係咁平，唔對路時唔沽哂都沽番一半，相信都可以在大部份情況下，幫到大家。同樣道理，即使是長線投資者，股市升到好顛時，沽番一半貨出街，又有何妨？

陸羽仁

http://www.hkheadline.com/blog/r ... rd=&searchtype=

Mr.Business

2008/4/21 上午 11:04:31

陸羽仁覆網友

木子：你講得好啱，做高級投資者易做過高級投機者好多，做成功的投機者要和全世界財雄勢大IQ200的高手過招，但做成功的投資者只要揀大股，小心研究其基本因素，睇佢相關市場長線有無大發展空間，揀低位時人棄我取，必有所獲。

Flower:基金本身買股會止蝕，我過去講過，一個中小股基金，揸住１００隻股，一隻唔對路，可以不問價斬倉，當然，如果整個市同時大跌，佢都唔斬得太多。若你自己買基金，觀念同買大股一樣，睇吓乜位入，若入位不便宜，回落時都可能要止蝕。

Ray:觀察你所言，外匯掛鈎票據未必佔你組合很大部份，但如佔大部份，要留意如何控制風險，買掛鈎票據如沽出期權，當掛鈎貨幣在區間走動時，你會食盡期權金，但若它走出波幅外，可以令你輸大錢，問題是它滑出波幅時，你如何作對沖，由於不是直接買外匯，所以好多人唔對沖，風險都唔細。

你so far有５％，回報不低，但相信這是年回報，但若掛鈎貨幣匯價突然大跌１０％、２０％，一到期就有這麼大的本金損失，這是在高波幅期沽期權的風險，會比你眼看的高。若要沽期權，沽一個Spread好啲，即係沽近揸遠，輸極有個譜。若做掛釣票據，可能寧收低點息，為你訂番一個踼走價，升穿咁個位你輸到幾多就計數走人。

你問這些市有那些股價有３至４％安全回報，我話咁波動既市無嘢「安全」，但買Reits或政府債券可能相對安全啲。

買了花旗定期計價票據，６月到期，要先看這一浪美股彈到邊，我看會穿１３０００點，可能在它回頭時在１３０００點左右定番個止蝕位，沽番部份花旗股份對沖一下（例如你合約量的半數）。

Dickkwo:你買的是林木轉型股，雖然我們不能確定公司不會由炒股變大股，但外界對公司管理層認識太少，這是風險所在，所以不能信哂你所看到的數字，而你基於這些數字所做的研究，最多信一半就好啦，所以如果見佢大跌，沽一半都無妨呀，而家大跌過後，好多更優質、國家要扶持的股份都便宜，唔一定要死揸一隻股。

Tonton:美股衝１３０００點的機會上升中。息口再向下的空間有限，我也在觀察挾減息的行動，會否去到差唔多，未必要如以住那樣進行，而且越近減息期，再挾的機會較少，美股再過一兩日無大吐，可能就有一個反彈浪延向減息期後。

Yuki, GIGI: 咁o既市，大股東增持係正常，兩個李生幾十年都係咁，叫做支持吓自己公司股價亦得，但不能認為佢地買完馬上會大升，買完再跌一段都唔奇，但有少少穩定作用。但大股東或主要股東還減持的股份，最好走避，佢地知得多過你，你要沽你千萬莫買。

大陸的確未必再會不斷加息宏調，因為這種會吸引熱錢流入，推高通脹，加銀行存款準備金就無這種壞影響。

大陸A股呈現一種大弱勢，升得短，跌得多，對壞消息反應大，未扭轉劣勢。

商品及農產品升到咁高，就算未係頂，短期（半年內）都可能有一個大調整，現時追入要知有風險。至於買日圓，若美元升上１１５圓，短炒可以買日圓一博，但長揸我又唔係睇好日本（甚至歐洲）經濟，恐怕他們會分別見頂或近頂。

Kfc:內地股市的今年目標價下調，還看４月通脹，以估計宏調的走勢，估計全年在２５００點到５０００點間走動，除非通脹失控，暫未成災。若長線唔怕捱，可以等佢插穿３０００點時分段揸少少，但要預咗有排捱。

Piker:我仍覺得共和黨人當選總統的機會有限，而民主黨奧巴瑪愈走愈強，機會上升。若「不幸」共和黨人上台，美元有可能維持弱勢更長時間，非全球人類之福。

S2000:重汽公布的業績都OK，但好多大股都好便宜，唔一定要買佢。

Bdroom:招金一送一紅股，等如一股拆兩股，股東權益無變，無搵你笨。

Why:阿姨退休錢，要以穩陣為主，地鐵債券OK,盈富可以，匯豐都得，其餘唔好咁博，買入要分注，升唔買，大插時才買，今年買唔到唔緊要，可以明年買。

Mr.Business

注：此篇文章版权归香港頭條網所有。

金融High Tea——累股票據累死人
2008年4月21日

港股俾內地股市拖住，上周五回軟61點，恒指收24,197點，但香港收市後美股造好，杜指大升228點，升上12,849點，升幅1.8%。杜指月初有一段時間在12,600點左右牛皮，再前一個星期五因為通用電器業績差，杜指先向下突破牛皮區，但上星期卻走返轉頭向上，到星期五更向上突破，皆因已公佈的美國企業首季業績唔係想像中咁壞，令人憧憬最壞的情況快將過去。

美股今次之升，主要因為花旗集團的業績爭氣，加上Google 及Caterpillar等大公司的業績，都係分析員估計的上限。當全世界都估計末日快將來臨時，結果世界末日無出現，就變成好消息，好似花旗咁，首季有 51.1億美元虧損（約399億港元），當中更撥備160億美元（1248億港元，其實係天文數字），每股虧損1.02美元，但分析員估計遠高於此數，例如美林就估佢每股虧1.66美元，結果花旗無衰得咁貼，就成為刺激大市的因素。

美股美元齊急彈

憧憬美國經濟最壞情況快將過去的情緒，亦蔓延到匯市，美元快速反彈，在上周五美國匯市，美元兌歐羅在前一日還創下1歐羅兌1.5908美元的新低，但周五馬上反彈0.6%，升番上1.5809美元的水平。美元兌日圓的走勢更強，升1.2%，升番上103.74日圓，日中更曾上穿過104日圓的水位，唔好忘記前一日還是102.48日圓。美元美股齊有大反彈，港股亦應有似樣點的反彈，不過短期後市仍要看內地股市走勢，上周A股市場續插，周五上證綜指插到 3096點，殺到近3000點大關，若內地股市唔得，就會拖住港股。

美股和港股未知是否已經見底，但有一班投資苦主卻輸到喊，上星期有立法會議員帶住班Accumulator（累積股票票據）買家出來請願，話他們10幾個人已經唔見鰦10億，情況惹人關注。

陸羽仁一直覺得，Accumulator的投資額較大，無幾百萬開唔到倉，一般散戶少掂，所以較少在這裏講，但看到他們投訴的情況，也有於心何忍的感覺，普通散戶無機會買亦應該睇纒，小心墮入這些新金融產品的陷阱中。

累股票據的玩法大致如此，投資者同銀行訂一份合約，每日以一個折扣價接一隻股份，例如每日以95折接100股國壽（2628）[股價及相關新聞] ，若正股跌穿某個價位，如跌到訂立合約時價格的85%，就開始要雙倍接貨，即係每日接200股，直到合約期滿為止（合約期大多是1年至1年半）。另外又有向上的「踢走價」，例如正股比訂約時高5%，合約就會終止。

游說長者死前落疊

在升市時，做了累股票據相當過癮，因為買家每天都以折扣價接股票，一接即沽，就可賺錢。但一遇上大跌市，災難就來，因為昨天的折扣價，變成今天的高價，天天接貨，天天輸錢，還可能要接貨超過一年。這還不止，跌到咁上下，銀行就要買家補孖展，而且還是按全期的接貨量計，好易就要求買家補幾百萬孖展，若無錢補孖展，就要按銀行的開價去斬倉，之後慢慢填數。

陸羽仁都識得有朋友做了港交所（388）[股價及相關新聞] 的累股票據，中了重招，可以舉纒例。去年10月，港交所急升後，在250元牛皮上落成個月，到11月初衝上268.6元的歷史高位，唔好計摸頂去做累股票據，只計在250元時開了累股票據，85%價位雙倍接貨，即212.5元，現價140元，每股唔見72.5元，即係跌34%，日日接貨，日日輸34%。

最誇張的例子都算係一位出來抗議的陳先生的媽媽，陳老太去年10月病危，但一直為她服務的私人銀行家，在她過身前的一天，還出力游說她做累股票據，陳老太話自己差唔多入鬼門關，但私人銀行家落足咀頭話：「千祈不要這樣說，你一定長命百歲，我們雙劍合璧，搞掂個市。」（銀行後來披露他們和陳老太的錄音記錄，顯示這段對話）結果個市無畀陳老太搞掂，但陳老太卻被私人銀行家搞掂鰦，在死之前買鰦兩批累股票據，涉及金額係佢戶口結餘的10倍。陳老太病故後，銀行扣除陳老太戶口結餘的錢後，還要求她的兒子為母親戶口補倉，陳先生當然嚴詞拒絕，更慨歎銀行係「趁你病，?你命。」

雖然話做得累股票據都係較富有的大散戶，但他們明唔明呢種東西的性質，知唔知當中涉及幾大的投資風險，令人懷疑，好似上述陳老太的例子，人懐病危都焗人去投資咁高風險的工具，的確有少少道德問題。

買賣地位毫不對等

陸羽仁對這些新興投資工具甚有保留，主要覺得沽家同買家的地位唔對等，唔係幾公平。論性質，買家簽約做了累股票據，等如「沽出大量認沽期權」，若股票唔跌或跌唔到價，佢就食盡期權金（在累股票據的形式是低價接貨賺的差價），但若股票跌到價，由於沽出了認沽期權，對手就會行使權利用固定價格沽貨俾票據買家（情況有少少類似沽出「認沽輪」的窩輪發行商，不過發行商會買入部份正股做動態對沖，但買鰦累股票據的大散戶就唔識對沖）。

累股票據不公平的地方是有一個「踢走價」，到佢的定期檢討日，如果正股升到訂定合約時股價的某一百分比，例如升5%，整份合約就會結束，客觀效果是累股票據沽家沽完股票升，合約終止，沽家走人，買家只能接到一、兩個月平貨；但買完股票跌，買家不但無得走，還要雙倍接貨，一直接到約滿，隨時輸足一年有多。這種不對等的機制，更會誘使買家一被人踢走，又在高位再做過，愈做接貨價愈高，最後終於做到大軲市為止。如果買家都有個踢走條款，跌到太離譜可以中止合約，咁就公平好多，可惜現實的累股票據，一面倒對沽家有利。

陸羽仁都有親身經驗，有私人銀行家大力游說我做累股票據和股票掛鹇票據（ELI），我好認真咁問佢，我唔想做這些票據的買家，因為風險好大，我想做沽家，唔知得唔得，反正你銀行代理這些產品都係賺佣鎹，我都唔介意畀佣你賺喎？結果當然係無得咁玩，散戶只能做買家，無得做沽家。

現代社會金融產品層出不窮，金融機構發揮無窮創意，包裝成各種好似又高收益、又低風險的東西，令吸引追求高回報的大小散戶趨之若騖。爆出大鑊次按產品，亦復如此，把高風險的次級按揭，加埋真正優質的債券，包裝成一種新的「債務抵押證券」，賣畀只能投資低風險產品的銀行或保險公司，又高息又低風險，呢個世界有無咁覑數鮋№？累股票據亦係一樣，畀你日日有折扣買股，有無咁覑數？

依家利息低，逼散戶追求高息投資，好多時不知不覺墮入陷阱。雖然大多數人都無錢買累股票據，但遇上各種類型的「高息產品」，都要小心，有句老話永遠飱，「邊有咁大隻蛤騡隨街跳？」要買這些新產品，最好問清楚自己明唔明白做緊乜，知唔知風險有幾高，有無財力承受最差的情況，諗真才好落水去買，否則不如買股票好過，因為買股票最衰坐鰦艇都係變廢紙，玩這些新投資工具，輸晒不特止，仲要賣樓搬錢去填數，自己搞唔掂，隨時累埋屋企人，咁就認真慘過遊刑啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

止蝕（２）         

2008/4/21 上午 09:38:40
網誌分類: 經濟

美股反彈２２８點，日股今早升２００點，升幅１．５％，對港股應有點刺激作用，唯一拉力是A股，大陸股市跌近３０００點大關，管理層都有點緊張，其中一個壓力是所謂「大小非」出台（即大量和小量持股的非流通股開始解禁出售），中國證監會為減少非流通股減持的壓力，提出「限售股轉讓意見」，要求在大宗交易的系統裏轉讓，並加強訊息披露，此舉令「大非」出售透明化，市場人士認為可減少捕風捉影，這是中國證監會的救市招數，應有助市場回穩。

上週講到止蝕，惹起網友回嚮，還想再清楚說明。網友木子說：「陸 sir 今早的話﹐算是說對我心了。其實在最近這升浪前﹐還在二﹑三月吧﹐哪時很多好股的價位都掉到接近陸sir 今天所說“非常平”的情況了。而且市況波動﹐每每兩三天就有10%過外的跌幅。哪時有些人還死抱著止蝕﹗止蝕﹗止蝕﹗的炒作方式。結果無端端的把一些實力股在低位放跑了﹐還虧了錢。多冤﹗」

「我不是說好股就不會像當年的8號仔﹐但這情況到底多嗎﹖我想統計一下﹐問問有那些網友﹐在前陣子把匯豐﹑中移動等大股止蝕的﹖出來說說自己的感受。止蝕後﹐得來的錢都怎用了﹖」

陸羽仁舉出不同的例子講止蝕，就是想大家有一個立體的感覺，讓大家可以確立一些規則，去管理自己的股票戶口，而不是盲目去估計後市走向，造了轉體３６０度的高難度動作而不自知。

我建議大家還原基本步，主要看兩個方面，第一分清是「投資」還是「投機」，第二是看自己倉位大小，判斷自己暴露在多大風險中。我認為分清這些理念，按規則去投資，比去估大市明天的走向更重要，你即使估中如今大市係熊市第１．５期反彈的第３次回調的第５隻腳（我亂講你唔好信），若是買股的方法唔啱，估中都可以輸大錢。

我叫大家分清是「投資的我」還是「投機的我」，我講了一百遍，還是會再講。在股市在３００００點時，我見到有些好朋友在狂炒，私下會叫佢小心啲，但有個朋友的反應好有趣，「佢會話我知o架啦，我炒吓啫，唔對路會走o架。」聽佢咁講，佢講明係投機，又話自己識做，我又唔係佢老豆，當然不應再枉作醜人，我的確不知道狂牛最後衝到邊個位會停，最後幾日衝多５０００點都唔奇，在旺市又點可以逼人唔買股呢？

不過一個浪跌下來，那個講「我知啦」的朋友一股都無止蝕，跌到２０５００點那日問我點算，我心諗「我點知點算」，唯有做社工安慰吓佢，叫佢坐吓貨先，話可能明天會更好之類。我想佢當日口講「我知啦」，其實一啲都唔知；口講「唔對路會走」，其實完全無諗過會止蝕；人在酒色財氣中，我叫佢抽身而出，佢講乜嘢都只係應酬吓我而矣。

所以投機一定要止蝕，投資看情況決定止唔止蝕。你檢討一吓買入股票的真正價值，簡單到睇市盈率都得，檢討一下自己組合暴露在多大風險下，如果如木子所講買入匯豐（００００５）和中移動（００９４１），唔係話佢地暴跌完唔會再暴跌，而係話即使股災到來，股市再大插，過幾年佢地的股價都有望見家鄉，而自己組合持貨又唔係咁多，又唔一定要在大插時止蝕。股市大插的日子，往往是長線投資者買貨的時候。

人人情況不同，處理手法可以有好大差別，所以我好奇怪，為何一些股市名咀，可以聽到一些老人家買股坐咗艇打電話上電台時，可以叫佢唔怕再溝淡，如果老人家成副身家買咗隻股，跌咗一半，你仲叫佢溝，實升o架？唔升老人家頂唔順點算？

所以木子的長線投資可以唔斬倉，牛腩貓咪短炒唔斬唔得，阿Ray話想揸外匯掛鈎票據我好反對，但佢再講可能只佔佢組合極少部份，我又覺得無問題，各人情況、各隻股票的狀況千差萬別，不能一概而論。還原基本步，搞清楚投資和投機的手法，按紀律行事，可以確保輸少贏多。

陸羽仁

http://www.hkheadline.com/blog/r ... rd=&searchtype=

Mr.Business

2008/4/22 上午 10:51:04

陸羽仁覆網友

Ray:Sell in May and go away的傳統智慧有無效，先要看五月美股之升幅，如果美股升上１４０００點，真係唔sell就笨，但如果維持現價，可能仲有一浪反彈未完，因為次按風波殺傷太大，反彈浪應有咁上下威力，一定程度影響傳統智慧。

Bebe:中海油田應該是隨大市反彈，如今略回，應可以再坐一會。

Bdroom:大陸工業股成本急漲，主要因為勞動法、人民幣升值和原料急漲，傳統工業股全線要走避，看不到巴菲特點解要入股永恩，見唔到都唔好信。

KFC:大陸市底好差，應不是大戶插低，目前維持外資看好買貨，內地沽貨的狀況，但中央又未出重手救市，暫時在拉鋸中。

Alex:阿里巴巴是科技股，概念特殊，跌到如今仍有６０３億市值，６０倍PE，科技股要跌可以跌好多，定位止蝕，穿買入價先沽。