【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

相反訊息         

2008/4/2 上午 09:45:51
網誌分類: 經濟

美股終於來一個像樣反彈，瑞銀公布首季大蝕９２８億港元，但佢後來宣佈集資１１５４億港元去充實資產，一直被傳有事的雷曼兄弟亦集資３１２億港元，佢地的集資惹起市場憧憬金融公司撇帳集資已到底部，觸發股市大升。

道指升３９１點，升幅３．２％，升到１２６５４點，升幅係７０年以來第二季開始的最大升幅。而歐洲股市亦向好，瑞銀升了１２．３％，是兩星期內最大升幅，但過去１２月瑞銀已經跌咗５５％。

正如我在頭條日報專欄所講，港股昨日走勢古惑，下午一插震走散戶，似乎大戶已預知美股的大反彈，震走你自己食，這裏就牽涉到我想講的「相反訊息」。

上週五期指結算日，出現一個美股跌港股唔跌的現象，當天早上網友牛腩貓咪好激動，一開市就話無理由港股唔跌，港股一定跌，後來我覆咗佢一段說話：「你上週五有一句話違反了你平常相信的信念，你早上開市時話無理由美股跌港股會升，你平常相信『一切盡在報價單中』，所以我認為你唔應該話『一定』，亦唔應該話『無理由』，出現這些無理由的事情，本身已是重大提示，要特別留意，其實在結算前一日已試過美國跌港股升，上週四市前美股跌１０９點，但當日港股不跌反升４７點，當時已是第一個提示，港股短期和美股背馳，到上週五係第二次背馳，當佢第一次『無理由』地升時，你跟佢走，可以追番１０００點番來，要從這些事件中學習。（又舉一例，若相反地美股大升但港股唔跟升，港股就可能是派貨，跟住會跌，港股在２７６００點左右試過出現這種情況）」

希望牛腩貓咪唔好介意我攞佢做例子，在他身上發生的事，在我年青時亦試過好多次，我交咗好多學費才學到嘢，例如明明自己好叻估中美股走勢，早一日買咗港股，早上睇新聞見到自己估中，美股如預期大升２００點，到港股開市坐定定等食糊，以為會升５００點、６００點，點知升得３００幾點就回，當時自己會好慶，大叫有無搞錯，跟住會作好多解釋出來，話淡友好離譜，自己睇錯美股，就壓住港股大市唔俾佢升。人在好慶的時候，會做好慶的行動，我認為大戶壓住住大市，我就買多啲，睇你壓得幾耐，結果自然好悲涼，港股和美股背馳，人升佢唔升，到人跌之時，佢跌得仲勁，我唔信鏡，就輸多好多錢。

後來我大個啲，就發現唔會只係自己咁叻估到美股，外資大戶點會估唔到，但美股大升而港股跟唔足時，就係大戶借好消息派貨時，所以一開始升唔夠，預示未來會跌更多。背後的道理好簡單，當好消息出現時，正常是上升，若果唔升，或升唔夠，即係有人沽貨，和牌面走勢做相反事情的通常係大戶，大戶沽貨，散戶接貨，就預示大市向下，反之亦然。

呢個大市在上周期指結算前一兩天已經是美股跌港股唔跌，到期指結算日更明顯，已經是超過一次出現相反訊息，就預示大市會向上。上周五要問的問題是，究意大戶只要是推高期指結算，還是結算後還要走一段，當天行情已有答案，若只是頂結算，頂到３點已可以放軟少少手腳，那麼下月期指就會低過即月結算的期指，但當天下午愈升愈有，就預示反彈浪未完，結果收市下月期指比即月結算期指高３００點，顯示睇好的人好多，不單睇到結算，否則不應花咁重彈藥買重下月期指。

還有是睇大陸市的相反走勢，A股暴跌，但H股背馳，這還不止，連A５０基金（２８２３）都有少少跟唔足大陸市跌幅，即係話外資睇大陸市好過大陸人，外資唔係傻仔，係睇到外圍在反彈中，認為大陸市跌到咁上下，應該受外圍氣氛影響而反彈。

用同樣的相反理論，美股昨日升３９１點，港股今日唔升１０００點都要升８００點，有這些升幅，才叫正常，假如只升４００點，你就要小心，大戶可能好短癮，已在派貨，如果升得正常，後面還有空間再上。

唔好信自己，信市場，市場會告訴你，呢一浪反彈有無力，會幾快完。正常走勢是月頭彈，月中回，月尾再上，但月頭去到邊，月中回得幾深，將有助大家判斷大市見底未。

陸羽仁

http://www.hkheadline.com/blog/r ... rd=&searchtype=

Mr.Business

2008/4/3 上午 11:21:32

陸羽仁覆網友

金曹：你們網聚叫我贊助禮品無問題，我最鐘意送禮益人。或者我到時化個裝來參加也說不定，如果你見到一個好似早前俾人鎖在公園長椅上的男扮女裝的「靚女」，嗰個就係我啦。

牛腩貓咪：星期五朝早睇咗你嗰幾句留言，直覺感覺就係睇住你鬥氣，睇住你輸錢，這就是人在逆境時的感性表現，係人成功的莫大障礙，人要有過人EQ來克服這些非理性表現。我睇你幾分鐘後的留言，都知你冷靜下來，應該無事。

你話頭條網應該俾稿費你，幫補一下。我就話你應該俾錢頭條網至啱，因為要你將自己的分析、思維寫下來，會幫助你理性思考，令你贏錢，否則買股時很易受感情控制，自然輸多過贏。

Twohitsix:上周五我本來都係估推到結算隨時完，因為最後幾日升得太急，但星期五三點後大市無跌反而再升，我就修正了我的看法，不能不睇高少少了。市場分析者看錯市、特別是短期走勢，真係閒過立秋，我對「投機的我」的要求是最快修正錯誤，必要時反手再走一段。但這些短期走勢，對「投資的我」影響有限。

Kanas112:唔好諗得太複雜，又估大戶上週五會造多半日好市騙人。其實去年都有一兩次類似的市況，結算日尾段再推高，通常之後會有一星期左右的升市。

Ray:你問我點解估大戶會估到美股升，如今日在頭條日報專欄所講，雷曼等批股應有好多人知，玩美國市的大戶，當然好可能同玩香港市係同一批人。美元反彈中，氣氛如股市有所表現，但現在沽美元也不宜大注，睇埋本月１８日　G７開會有無料到，會安全少少。

Ton ton:我未確認港股進入熊市，因為２００００點樓上仍有不錯支持力。美國熊咗一段時間，你話美國公司會唔會縮外國投資和大裁員，我估你在美國公司打工，有此可能，要睇總公司業績和地區表現，若果兩樣都差，當然不排除裁人減成本，但若總公司差、當地表現好好，就未必要裁人。

Angus:美國最主要的數據是GDP, 其次睇就業、消費和新屋銷售等。大陸數據如我在周一頭條日報專欄所講，主要睇通脹和貿赤。

S2000:你講嗰隻周生生，幕後人簡直係圖表完美主義者，向上向下極度整齊，所以我當時話上穿７．５元才追，係要確認有升勢才追，其實可以將這個價位不斷下移，例如現價升１５％才追。而家問會否落７．５元樓下，有少少回吐傾向，唔係無機會，但７．５元不是神奇數字，若向下穿７．５元也暫時唔好追，佢好可能又不斷向下，又是用同一方法，等佢跌定從低位升１０至１５％才追，可能比７．５元貴，但安全啲。

不過你當時成手蟹貨，唔買亦無壞。上電、國壽和A50三選一，好唔同類，差唔太遠。渣打係好股，但現價升到２８１元，相當貴，回到２５０元左右才買安全少少。

小潘：俾我見到你在網誌公然撩女仔，你大鑊啦，我要話俾你老婆聽啦。

亞ｋ：我看好台股，但台股的ETF若跟指數，有一個大問題，因為當中的大股如台積電，主要係出口股，業績和政治環境改善及三通無大關係，我最看好的台灣股是零售股、地產股和航空股。

Ling:理論上咁低息唔使咁急還清按揭。找穩陣一點的收息股來投資，可賺息差。

然仔：若果真係如你所講“我係公司,所有人都唔會叫我然仔架,佢地只會叫我廢柴,垃圾過黎.”呢啲人係你o既大恩人，因為佢地咁叫你，會成為日後發奮向上的最大動力，唔好衰俾佢地睇。

Why Why：你問「有D唔明,你話現在息低,如買樓可以借多d錢,但又話低息週期只2-3年,應定還款期短D,咁還款期短D即是還錢多D,咁唔係有矛盾?」

問得好好，的確有矛盾，我係講緊一件咁o既事，開始借多啲，意味不要將所有儲蓄放去做首期，在現時的股市及利息水平，若適當投資，不難找到比樓按利息高的投資。至於還款，理論上係你啱，還款期短啲意味還錢多啲，借錢少啲，我係講緊一般人的習慣，好多人搵幾多使幾多，若每月要還多著樓按，即係逼佢儲多啲錢，佢將樓按攤長十年，每月供少啲，唔等如會儲多啲錢投資，只係會去多兩次日本，買多幾個手袋，所以不如逼下自己，還款短期啲，其實同高低息無關係，若自問自制力好，有多餘錢會儲來投資，一樣可以攤長還。

Top Gun:我係指今年初時，起先是美股急跌香港無跟足，但後來美股彈港股又跟唔足，向淡和向好都曾先後背馳，不是一個簡單的單向背馳，港股當時靠地產股創新高頂在２７６００點左右上落，最後就一輪急跌，跌得比美股更深。

Mr.Business

注：此篇文章版权归香港頭條網所有。

金融High Tea——春江鴨食完剩番雞肋
2008年4月3日

在美股大幅造好的刺激下，恒指高開996點，升至24,195點，最多升鰦1057點，但下午內地股市回軟，恒指亦跟住回至23,859點，收報 23,872點，在接近全日低位收市，升幅收窄至735點。期指收報23,801，升幅收窄至571點，比現貨低水71點，成交75,285張。國企指數升幅亦略為收窄至570點，報12,807點，大市成交1,147億元，叫做過番1,000億大關。

陸羽仁已經話大戶在愚人節玩震倉，震走老散，估唔到真係震走完老散大市就抽。

巨型集資 消息通天

美股杜指早一晚勁升391點，主要係瑞銀和雷曼集資1466億元，表面上睇，投資蝕錢先要大集資，所以不應該是好消息，但據說批股情況理想，顯示市場估計金融股之跌近尾聲，就變成利好消息；以雷曼為例，由於佢係次按債券最大包銷商，一直傳唔掂，今次原本發3百萬股可換股優先股，將來雷曼普通股升到 49.87美元時（比現價高32%），每股優先股可換20股普通股。雷曼呢次配售優先股反應好好，所以由3百萬股增發到4百萬股。

跟住陸羽仁的問題就來了，美股之升當然有人可以預知，因為兩個巨型批股計劃，要叫其他投行協作包銷，然後參與的投資行又要試纒盤，消息自然會通天，若參與者知道股份搶手，自然預鰦大市會升，咁樣先去亞洲做纒春江鴨，搶先震纒倉買纒貨都好正常。經紀張經常投訴，細莊家炒細股內幕交易犯法，大到好大的大戶炒大市就唔犯法，今次又係咁，前一日被佢震走的老散，投訴無門。

講番大市，昨日美股升3.2%，但港股升734點，又係得3.2%，正常港股升幅大過美股，昨日唔係幾交得足功課，升幅亦低過日股的4.2%，不排除有些春江鴨食完大餐一日就走鰦。

後市難估少少，唯一較好的現象是升市成交較大，有過千億成交，都有咁上下人接纒貨。不過中環茶友話，春江鴨食完雞肉，剩番雞肋畀大家歎，若外圍走勢好，港股不排除再升，但恐怕升多1000點都有幾大阻力，向上水位有限，但亦有回吐風險，唔追怕佢再升，追入身手夠快好易夾死，有點難度。

大路分析港股被內地股市拖住唔去得多，昨日內地股市高開低走，上證綜指一度再創新低，但石化股和金融股一度狂舞，午市飆漲125點；但午後又沖高回落，全面倒跌，到臨近收盤，中石油A股突然奮力一彈，也刺激上證綜指轉番正數，收3,347點，漲18點，或0.6%，深成指數卻下跌0.9%。

糧食漲價 令人不安

通脹仍是內地頭號敵人，世銀亦都話糧價急漲對亞洲區的挑戰大過美國金融危機，世界銀行發表的最新《東亞經濟半年報》指出，糧食和燃料價格不斷上升，是東亞地區目前的最大挑戰，世銀東亞與太平洋地區副行長亞當斯說，在次按危機的影響猶在時，更大的問題是每個東亞國家的通脹率都升到了令人不安水平。世銀的講話道出了中國的困境。

在昨日升市中，港交所（388）[股價及相關新聞] 表現靚過其他藍籌股，陸羽仁同中環茶友講起，茶友口水花噴噴，話除鰦大市好轉外，可能同港交所最近改選有關，跟住講鰦一大輪分析，話外資點樣同政府權力鬥爭，好老實講，陸羽仁無興趣聽，聽鰦亦唔明，但簡單鱓講，就係外資覺得港交所係設定股市遊戲規則的機構，係董事局擺位愈多，得到利益愈大，所以用盡方法，送自己友上壘，繼股壇長毛後，最近又準備趁董事有改選，再推自己的代言人入局。對於呢種情況，政府似乎開始覺得唔妥，於是舊年開始入市買股，仲準備行使投票權，希望阻止外資再送自己人入局，以平衡各方利益，但無論外資抑或政府，要投票就要有股票。

昨日《星島日報》爆鰦話政府想派人同外資爭做董事的消息出街，可能係令港交所股價再次炒起的理由，如果呢個分析無錯，港交所呢輪炒起都有多少政治味道，上落就未必會跟足大市腬。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

相反訊息（２）         

2008/4/3 上午 09:39:57
網誌分類: 經濟

美股反彈兩日後回軟，聯儲局主席伯南克講話，預告美國上半年經濟可能收縮，不過市場反應尚算溫和，道指一度跌９０幾點，最後跌４５點收場，跌幅０．４％，在升完３９１點的第二日回吐４５點，暫時唔算多。日股早段亦只是微跌。

美國公布的數據時好時壞，但伯南克的估計比較權威，他出席眾議院經濟委員會時認為，美國上半年新屋銷售、就業和消費都會惡化，所以上半年經濟可能下沉，「現在看來上半年的GDP可能不會增長太多，甚至可能輕微衰退。」伯南克又解釋聯儲局如不借錢救貝爾斯登，佢就會申請清盤，但伯南克估計無第二間投資銀行會出事要聯儲局再去救。

美國去年第四季GDP增長０．６％，而分析員估計第一季增長將下降至０．２％，不過伯南克話可能上半年可能輕微收縮，令人壞疑第一季可能係負數，或許他是先行放風，讓市場消化壞消息。

國際貨幣基金會同樣調低美國今年經濟增長預測，由原先在１月時估計全年增長１．５％，調低到只有０．５％增長。由國際貨幣基金會的估計推算，它可能預想美國上半年是經濟收縮，若上半年收縮０．５％，下年增長１％，平均就是０．５％的增長幅。國際貨幣基金會更估計有２５％機會出現全球性衰退。

昨日講到相反訊息，提到早排美股跌港股唔跌的例子，其實睇得宏觀啲，美國出現壞消息，但市場反應唔太壞，也可以視為一種相反訊息，顯示市場氣氛在改善中。如果在上月水深火熱的日子，伯南克話美國經濟上半年可能收縮，國際貨幣基金會又大幅調美國經濟增長預測，美股跌１００點唔算多，跌２００點唔出奇，但昨日美股反應溫和，這就是一種相反訊號，顯示市場恐慌情緒正在減退，對壞消息唔至於有過激反應。

再看利率期貨市場的情況，聯儲局本月底再議息，按利率期貨的成交價推算，前一日仲有２４％的交易員估計會減息０．５厘，昨日卻跌到只有１２％人相信會減咁多，大家唔好忘記，在美股早一日大升３９１點之前，仲有５成幾人相信會減０．５厘，如今顯示市場信心在改善中，大部份人相信只會減０．２５厘。即使伯南克對經濟增長吹淡風，都無人信月底需要大減息。（當然不能排除啲大阿哥會再插吓個市逼聯儲局減多啲）

見到呢種情況，一般評論家會媽媽聲，話美國佬講哂，同一種訊息，話佢壞又得，話唔係好壞亦得。這是一種情緒反應，但冷靜一想，另一個解讀係市場開始對壞消息表露抗跌力，係跌市中的一種相反訊號，顯示股市可能慢慢見底。

話美股快將見底，係一種假設，這種假設需要驗證，亦唔等如話佢未來唔會跌。而驗證的方法，正正係等佢跌既時候再睇吓，例如等第一季GDP數字出籠，看市場有何反應，假設數字係差，但市場反應不大，跌得唔多，就係進一步的相反訊息，確認了快將見底的假設。假如情況不是如此，屆時美股又插得好深，就等如否定假設，一切要從新觀察。

你聽完我講，就會明白分析市場係一個動態過程，既不要盲信自己早一兩個月前的對股市點數的估計，亦要不時收集市場和消息的互動消息，引證假設。觀察市況買股不用快人太多，快人一兩日，富貴萬千年。

陸羽仁

後記：明天清明假期，小休一天，下星期再見。

http://www.hkheadline.com/blog/r ... rd=&searchtype=

Mr.Business

2008/4/7 上午 11:03:33

陸羽仁覆網友

Ray:月頭呢一浪反彈都幾好力，美股亦配合，的確有機會見２５０００點，但我估會衝向２５０００點然後就回，嚟一個假身，機會更大，即係話一貼近就要小心。我無睇得咁宏觀，話係熊二貼近２５０天線的回吐，只是睇緊一個從２１０００點升上來的回吐。

更重要的是回吐去到邊，若港股和美股都回吐不深，距低位較完，可能係一個見底訊號，套用你問時的語言，若回落到２５０線以下，若距離不大，本月底下月初跌完又上番２５０天線，亦是中線利好訊號，高手朋友就是等住睇今個月若下跌跌到乜田地，去判斷後市。

中行上番３．９５元，目標略高，要大陸A股市場大升配合才成，暫時在月頭發生的機會少於一半，但兩個月有機會發生。

Yuki:暫時睇唔到日圓有能力變成強勢貨幣，因為成為強幣，要其經濟實力不太受幣值上升影響，日本衰退後元氣未復，又是出口為主的經濟，日圓上升打擊出口和經濟，不是日圓不會再升，而係再升會推冧經濟，所以幣值好難在強勢的高位維持。

大陸地產寒冬未完，再宏調下去，有地產公司會爆煲，特別未上市錢唔夠者。

高手朋友在等回吐觀察大市走勢，若確認有見底訊號，會開始在低位累積好倉，但若回吐時又出事，那又另計。

Flyinthesky:睇Market Wizards，要睇埋講炒外匯、炒期貨那些部份，各市場炒作原理共通，唔睇有好大損失。另外，大戶在大陸市場的影響力比較細。

阿油：中煤OK,不過若長線候低才買好啲。中石油和中海油比，中石油上下游業務平衡，開油站賣成品油的生意，由於阿爺控制價格要蝕錢，但中海油主要做採油的上遊業務，不受物價調控影響，主要受油價影響，你買宏調就快鬆手，就要買中石油，甚至受影響更大的中石化，你買油價長期唔落，就要買中海油，但買油價會大幅回吐，就要避開中海油買中石化。

白穗禮：日本衰咗咁多年都係全球第二，因為八十年代末、九十年初曾一度逼近美國，勁得好緊要，日本衰了，以前的強國德國等又唔係好掂，所以日本衰咗都可以保持高位。

S2000:中國唔會行聯繫匯率，無論同美元和歐元掛鈎都唔會，因為咁樣就會失去貨幣政策的主導權。

小皮股：人民幣相對歐元升值升得少，因為美元跌得多，而人民幣升值是人為操控，已減低了升值幅度，若自由兌換會升好多。大陸的通脹係需求性，唔係供應性，即使唔係供應唔求，係需求好大，而需求大和熱錢流入有關，所以唔會令人民幣加快升值，因為咁樣會吸引更多熱錢入來，令通脹更急。

Bdroom:公司若大幅度回購，顯示公司有錢，並認為股價跌到不合理水平，但要小心睇清楚，如公司只是小量回購，就只是用少少錢托價。

Fatboy:我諗睇一隻基金的往績，好過睇佢有幾多名人支持。

Mr.Business

注：此篇文章版权归香港頭條網所有。

金融High Tea——輸少贏多就是王
2008年4月7日

香港上周五過清明節，美股照樣開市，不過市況無大變化，美國公佈就業數據差過預期，但杜指表現出抗跌力，只跌16點，收報12,609點，比香港上周假前的狀況無大變化，港股在美國預託證券市場上升了，所以估計港股假後應可以穩定開市。

據美國勞工部公佈的數字，美國上月再損失8萬個職位，大幅高過預期，亦是連續3個月下跌，失業率升至5.1%，是05年9月以來最高，美國經濟正在衰退。不過消息並未有令美股大跌，美股仍在反彈中，顯示出一點抗跌力。

清明節時看到一條新聞，話美國《福布斯》雜誌最新公佈的全球二千大企業排行榜，礇控（005）[股價及相關新聞] 竟然名列榜首，由去年第3位升上第1位，去年排榜首的花旗集團，受第4季表現差拖累，去年盈利跌至只有36.2億美元，盈利排名低至153名，股價大跌亦令其市值排名跌至46名，結果綜合排名由去年第一急跌至今年的24位。

由於《福布斯》的排名榜是綜合了企業的營業額、盈利、資產值及市值4項標準來排名，礇控在各項指標都非居於榜首，例如資產值只排第4，市值只排第19，盈利只排第7，營業額只排16，但整體表現理想，所以力壓第2位的通用電器，登上榜首寶座，成為世界股王。

礇控變世界股王

礇控的確令香港人又愛又恨，它曾經在港股炒得熱火朝天的日子，股價不前，後來更領先大跌。但在近日港股低迷的子，礇豐在公佈業績後，由於美國以外的業績理想，股價硬淨，這一陣子的表現，跑贏曾獨領風騷的紅色股。礇豐上周四收131.8元，企在130元樓上。

礇豐的起起落落，令我想起一個朋友的故事。她去年年底在礇豐下滑到126元時相信股價已見底，一筆過大手買入，希望撈到底等住賺大錢。不過踏入今年，礇豐股價一路跌，到1月大跌時，礇豐股價急插到見104元，這個朋友聲震震咁問我，礇豐跌鰦咁多，點算，佢話買鰦好多，好快已經輸鰦好多錢，唔敢話俾屋企人知，想沽番鱓貨出街。

陸羽仁無問佢買鰦幾多，因為我知佢係富婆，應該買鰦好多，心諗為何要一注咁買落去，點解相信126元已是低位，但這一切我都忍住無講，人地唔買都買鰦，再講都無用。我只係問佢兩個問題，第一，買來是短炒還是長線；第二，等唔等錢使。佢諗鰦一下，話俾我聽係長線，而且佢唔等錢使，可以長獱。

我當時就話，如果你係短炒，買入唔對路，輸鰦一成以上，等礇豐反彈就最好斬倉，因為怕佢再跌。但如果你係長線，可以獱兩三年以上，礇豐本質唔係咁差，好有機會上番126元樓上，咁咪獱纒囉。朋友聽完就獱下去。

散戶急撈 跌市面青

到2月大市再插，礇豐股價又跌到110元，雖然呢次礇豐唔係跌得咁急，但股價跌完再跌，打殘了我朋友的信心，她又再問好唔好沽，我覺得佢想避開壓力，再問她同樣的問題，問佢係唔係想長獱，佢又答係。佢反覆咁問礇豐可唔可以上番126元，我話有機會鮋，可能我鱓分析令佢太放心，竟然反問我咁佢好唔好買多鱓，溝淡纒。

我的答案如下：「你剛剛仲話想沽，而家聽完我講，就問好唔好買多鱓，你唔好咁戲劇性啦，我就話又唔好買，又唔好沽，輸完錢切忌溝貨，坐纒貨睇纒點先啦。」到最近市況好轉，礇豐又上番130元樓上，朋友又問我好唔好沽貨，又或者好唔好加注？（完全相反的事情也可同時提問，佢都算矛盾囉）

朋友就係典型的散戶，買貨太心急，遇上大跌市就騰雞，受貪婪和恐懼控制，好易在貴時買，在便宜時沽，這些動作做得多，結果就輸多贏少。

散戶買股票愛看水晶球，聽專家講，最好專家在年初就能告訴你，礇豐今年最低是126元，最高見150元（這些數字只是假設，不是投資建議），讓他在126元那天買入，在150元那天沽出，賺到盡，不過你話有無咁準到咁離奇的專家呢？

我經常舉例，話高盛的前全球首席策略師科恩，曾經是估美股最準的人，被稱為女股神，但佢測市的命中率只係6成幾，即係估10次，平均只有6次幾估中。由於女股神係好友，經常看好，今年仍然睇好，遇上美股大跌，高盛結果都頂唔順，要將女股神燉東菇。

輸時控蝕 贏時去盡

陸羽仁認為炒股致勝之道，主要不能單憑市的準確度，還要依賴良好的入市方法，有兩本書係炒界的名著：《The Market Wizards》及《The New Market Wizards》 （作者Jack D. Schwager，書名可譯作《市場魔法師》及《新市場魔法師》），作者訪問了大量炒作很成功的大炒家或對沖基金經理，發掘他們成功的秘訣。

雖然這些大賺特賺的市場魔法師，都沒有將他們的魔法和盤托出，但都透露了少少秘技，最大共通點可以用四個字去總結：輸少贏多。這些炒股成功人士，通常有一個特別方法去炒，可稱為「獨得之秘」（其中一個控制風險極成功的基金經理Monroe Trout將之形容為「the edge」），這些獨得之秘可能是一個測市的技術方法、可能是一套電腦模型，可能是研究新股的基本因素，甚至是對大市的宏觀分析，都是一些特別的投資方法，但有「獨得之秘」，不等如會百發百中，也有睇錯的時候，所以用「獨得之秘」去炒股時，要有嚴格控制風險的方法，簡單點講是「輸少贏多」，輸的時候輸得少，贏的時候贏到盡，贏錢的年份贏得多，輸錢的年份輸得少，長炒就可以贏大錢。

一般人買股心中只是想賺幾多幾多，無諗過若睇錯可以蝕幾多，無諗自己蝕唔蝕得起。以我的朋友為例，買股是長獱還是短炒，恐怕事前都未必諗得好清，都係我問佢時，佢先至諗，佢買礇豐時只是覺126元已見底，好抵，所以一注入場，買完就等佢升上150元、160元，但買完唔升反跌，就馬上手足無措。

長獱莫頻密進出

朋友在礇豐急大插時時想沽，我建議佢唔好沽住，並不是因為我覺得礇豐一定會好快升番上佢入股價樓上，而係因為：首先佢話想長獱，礇豐有一定質素，長獱有機會見家鄉，唔應該在人人狂沽那一刻去沽。其次是長铫投資者如果高買低沽，經常出出入入，反而會輸更多。

佢而家問我好唔好沽，我有另一個答案，我話：「如果你係長線投資者，買入好股，入股價又夠平，就唔好出出入入，長獱好過，因為出入太多，沽鰦未必識得買番。不過你買入礇豐價錢唔係最平，如果礇豐回頭，跌到你的買入價，不妨先沽貨，等低鱓博佢跌低多10元以上再買番。若果唔跌到126元的買入價，咪不妨獱落去。」

你叫我估大市，我仍然估係一個大型上落市，最近氣氛雖然改善，但暫時未似到了大好的時候，起碼資金流向未全面配合，所以大市反彈到高鱓，又會回纒。假設大市回吐時，礇豐有五成機會回到朋友買入價126元，有兩、三成機會再試低位，不能話一面倒看好，所以叫朋友以買入價為止蝕，就係希望保證佢「少輸」，只要次次唔輸，少輸，長線就有機會贏錢。

如果你105元買礇豐，目標係短炒，高位我會叫你定止賺位，到位就走；但如果你係長線投資者，有排未跌番買入價，又不妨獱纒，呢個就係「多贏」，人在贏錢的時候，就有條件博，賺到盡。在《The New Market Wizards》中，訪問了索羅斯的頭馬Stanley Druckenmiller，佢的秘技也是先要保本，輸錢時就斬，但贏錢順手時就博「全壘打」，他認為如果那一年贏30%、40%，就應該再博，博贏夠 100%，這也等如中國人「贏就谷，輸就縮」的智慧。

再用我朋友的例子，我叫佢若礇豐股價再回到126元時先行出貨，假如你是105元買入獱長線，我就話去到126元時唔使沽，如果礇豐結果跌到120元就彈，我朋友買唔番，只能做到「少輸」，無贏錢，希望佢唔好怪我，因為佢入貨價唔夠平，保本好重要。但你低價買入長獱，唔沽無壞，你有本錢博下去，礇豐最後去番150元、160元，你就博到「全壘打」，回報隨時有50%以上。

無人次次估到一隻股的最高價、最低價，但每個人都可以改變自己買股的方法，增進長線成功的機會，有無得博，要看你有無本錢去博。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

輸少贏多         

2008/4/7 上午 09:44:17
網誌分類: 經濟

今日在頭條日報講到炒股專家的「獨得之秘」，其實人人炒股都有些心得，問題是這些心得能唔能經得起時間考驗，你用這些心得炒股，係贏多定係輸多。

最多人用的炒股方法是「聽貼士炒股」，你唔好話呢種方法唔得，在股市是大牛市時，一直反覆向上，你肯買都會贏，加上所有貼士股都向上炒，所以在牛市時呢種方法看來好得，但自從去年１１月大市開始向下調整時，散戶就會發覺「聽貼士炒股」開始唔得，買得大輸得大。所以任何炒股方式，都要經得起時間考驗，唔係試一次OK，就可以瞓身落去，唔係炒幾個月股搵到錢之人，就係股神。炒股的方法要試過旺市得，淡市又得，才是好方法。

撞彩都有一半機會中，股市唔係升就係跌，而家唔同以前，以前只可以買好的一方，唔可以買淡的一方，而家有好多買淡的工具，買好買淡都很容易，所以睇好睇淡都有接近一半機會睇中（因為仲有第三個可能係「唔郁」，唔郁的市況會消耗衍生工具的時間值；若你買股票而不是衍生工具，揸住唔郁就沒有時間值的耗損，只會損失放同樣一筆錢入銀行收息的機會成本，不過為簡化討論，暫時唔講「唔郁」的市況），你可以放飛鏢掟埋個靶度，睇吓去掟中好的一方抑或淡的一方，就可以獲得一個接近一半命中率的意見。

假如你睇中睇錯機會各有一半，有１００元本金，睇錯市時輸１０％，睇中時贏２０％，賭完兩舖，假設正好是一輸一贏，就變成１０８元，回報率８％，再賭兩舖，又係一贏一輸，１０８元就變成１１６元，回報率１６％，就當你一年賭４舖，有咁o既戰果，都相當唔錯了。

這個例子只想說明，就算你買股票無獨得之秘，只要能掌握「輸少贏多」這個方法，根本就已經是投資的一大秘訣。好多人炒股只想１元博１０元，無想過控制輸錢和爭取贏錢同樣重要，若能控制輸錢，長炒好易贏，唔使搵到能升１０倍的股份。

當然，睇錯時要輸１０％很容易，因為只要你捨得去斬倉就多數能做到，但要在睇中時賺２０％唔係咁易，因為唔一定可以搵到對象，升２０％始終唔簡單。

這裏講兩種散戶經常做的事情，「順炒」與「撈底」，順炒是指大市已成勢後，順住炒一段，撈底是指大市成勢後，博走勢已到盡頭，炒一個相反方向，博大市回頭。我覺得「投機的我」最好順炒，不應撈底，因為投機只是炒一次短炒，跟一段走勢，順勢炒易過逆勢炒。正如我在頭條日報講那個在１２６元買匯豐的朋友，雖然她說自己是長線投資者，但到今天我仍然不知道她在買股票當天，究意是在投機還是投資，若是投機，見匯豐跌緊，要追沽而非撈底。

但「投資的我」又另計，因為這種人買股一心諗住好長線，所以最緊要買得平，最好揀暴跌的日子入貨，若隻股已跌到咁上下，再來一個１０００點以上的大跌市，就有機會是短線的浪底，可以入吓貨。若我的朋友真是一個長線投資者，買匯豐或許無錯，錯只錯在入得太快，一手入哂，個價入得唔靚。

講番本來的題目，若是「投機的我」，見到股份成勢時追入，博一個２０％升值唔係無機會，若回調就要定好止蝕位跳車，有利潤時才去博。

大家可以做個測試，如果你過去用這個「輸少贏多」的策略，會不會比你現在的做法，有更大收穫呢？

陸羽仁

http://www.hkheadline.com/blog/r ... rd=&searchtype=

Mr.Business

2008/4/8 上午 10:43:39

陸羽仁覆網友

Ray:你問呢一轉會唔會上２６０００點，我話低位２０５００點，反彈若上番２５５００點，已經是５０００點，低位撈貨的好友大戶已經食到夠，唔會上２６０００點、甚至２７０００點咁狼啩？

中行入股價３．６元，若是短炒，回到入股價樓上，唔沽哂都可以先沽一半，穩陣少少，大市已反彈咁多，減啲貴貨好合理，等平啲再買番都未遲。

小小小小姐：反彈彈得高，亦不一定跌得更深，若大市再跌不穿上次低位，會開始形成一個見底向上的走勢。

Twohitsix:中航信息及昆機都唔係一線股，這些是較細碼的二線紅色股。等回吐時，買一線紅色股做長線投資好啲。

紫紅豆：睇唔到轉美元的好處，見唔到港元在短期內脫鈎的可能，轉來轉去蝕差價。

Gigi:人民幣無咁快自由兌換，最快都要五年後，唔使而家諗住。

牛腩貓咪：我唔係唔知Market Wizards台灣版譯做金融怪傑，只係翻過一下覺得譯得唔係太好，怕網友睇完未必明（因為不習慣投機的朋友，未身已不易看得懂這本書的內容），覺得睇英文原著好啲而矣。另外亦覺得台灣版和大陸版譯名都唔多貼題，書中講呢一班人賺錢如變法術，呢本書就係要尋找魔法所在。不過亦同意你的意見，如果要找中文譯本，我講的「市場魔法師」的書名根本不存在，係搵唔到o既。

小皮股：匯豐唔太郁，有少少人為味道，因為第一浪反彈主要靠匯豐上，而家其他股接力，匯豐就唔郁，各類股份升勢唔係幾全面。

Alvin:商品升，皆因美元弱，油價升。若出現全球大衰退，當然商品因需求減縮，價錢也會一起下跌，若不是全球衰退，美國衰而其他國家好，就出現美元跌、商品升的現象。所以問題一是美國會否衰退，問題二是若美國衰退其他國家可否獨善其身。

小兵卒：全球大通脹，首先在窮國爆煲，如埃及，因為城市物價升１２％，又無人工加。再爆下去，富國亦頂唔順。呢種形勢任由其發展，就係共產主義溫床。所以爆到咁上下，富國亦要聯手阻止美元再跌，而美國等自己享受完弱美元的好處，等經濟定番，就可能同意推番高啲美元。

Bdroom：你問我為何不建議朋友溝匯豐，明天寫一篇網誌答你。

Yuki:你問有無基金買貨，多少總有一啲，但基金通常在大跌後一段時間，如兩三個月，才顯住回流，因為佢地怕大早買，未跌定，又出現贖回壓力時好被動。

遠洋地產底子唔太差，但若有大陸地產公司爆煲，掟貨出街，大陸樓市可能會再跌，亦影響整個行業的投資氣氛。

天朗氣清：原油入口先徵稅後退稅，未看得清對中石化有多大利好，因為中央已在補貼它，先徵後退是額外再補貼它，還是原來補貼總額之下的新品種，未看得清。

阿草：若估油價不能無盡咁升，沽中海油換中石油都係一個策略，但要預咗換完後，油價或者會喪升到１５０元，兩股會背馳一段時間，忍得痛至好做。

新手一號：以五年為期，等大跌的日子，買盈富基金或恒生H股ETF，唔係大跌市唔好買，等升到好顛的日子又沽一沽，或者入得夠平，升市唔沽長揸都得，應該都可以o既。

Rayray:紫金炒上A股，正在炒緊，宜定止賺位／止蝕位，若回吐要走人。

阿K:東機和上電等電機股已反彈不少，宜等，博低啲才買。集資短線是壞消息，對A股有點壓力。

Mr.Business

注：此篇文章版权归香港頭條網所有。

淡市新股必有賣點
2008年4月8日

在剛過去的清明節假期，跟朋友返回上海，發覺上海又變了。陸家嘴高樓大廈愈建愈多，形狀亦愈來愈出乎人想像。其實上海的硬件已經達到了一個國際城市的水平，五星級酒店、國際名牌比比皆是，可惜軟件水平卻需要時間慢慢追。

如我們去了一間名為蘇浙匯的高級餐廳用膳，因朋友不熟上海菜，故希望侍應能推薦幾道菜。如果是香港酒家，侍應便馬上如背書般給你介紹，但蘇浙匯的那個侍應卻說他不清楚。除此之外，服務生亦沒有香港的醒目，當你需要服務時，往往都要很吃力才可以得到他們的注意。

內地風險回報不平衡

這次回到上海，在朋友介紹下認識了一些分析員，還有於基金公司工作的人，於談話間他們亦表示了對現在A股市場的看法。他們普遍認為A股是還沒有見底的，故他們到了此刻所持的現金比例亦是相當高。而到了甚麼位置他們才願意入場？綜合來說，上海A股指數要跌近三千點，甚至跌破三千點，他們才願意大手買貨。他們認為A股市場大部份股票的股價已經充份反映了中國急速發展的事實，如果此刻國內經濟有甚麼差池，如增長放緩等，內地市場有機會再向下跌。在這樣的一個風險與回報不平衡的情況下，他們傾向選擇風險管理。

靜市掛牌新股升幅勁

另外，有一基金經理提出了一個看法，便是○八年上市新股是一個值得留意的投資地方。這看法絕對是跟現在市場大眾的看法是相違背的，因為上市必賺的神話已經過去，現在抽新股不跌破上市價已經很好了，賺大錢根本是妄想。但是不知道大家有沒有留意，其實這幾年升得最多的一批新股，它們都是於市靜的時候上市的，如中國龍工（3339）[股價及相關新聞] ，敏實集團（425）[股價及相關新聞] 等等，它們的升幅達五至十倍之上。而背後的理論是這樣的，市場大旺，資金充斥，投資者選股的尺度比較寬鬆，這便製造了機會給一些本身質素不好的公司趁機上市。

相反，市場氣氛不好，投資者投姿態度變得謹慎，質素不好的公司根本沒有能力集資，而投資銀行也會盡量避免這些吃力不討好的工作。所以，有能力於不好的氣氛下上市集資的公司一定有其賣點。除此之外，它們定價也會十分保守，有前景的好股票再加上「負溢價」，投資的機會便存在了。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——外資偷步炒大陸市
2008年4月8日

恒指在假後高開220點，早段上落，升幅一度收窄，下午內地股市大反彈，港股亦借勢向上，恒指一度升至24,642點，收報24,579點，升314點。期指尾段再抽，收報24,659點，升439點，比現貨高水80點，成交則有45,613張。國企指數升282點，報13,420點，大市成交995億元，逼近千億大關。

內地股市假前已在炒阿爺救市，但假期無動靜，所以內地股市昨日低開，不過往後愈炒愈有，股市大幅向上，1,600多家股票僅有4家下跌，結果上證綜指報收3,599點，大漲153點或4.5%，升番上3,500點樓上。

中環茶友話，內地升市未有明顯原因，講來講去都話係「管理層」救市，但跌市跌得耐，外圍股市氣氛好轉，整番個像樣反彈一鱓都唔奇。

陸羽仁在上周港股抽高時已提到，A50基金（2823）[股價及相關新聞] 走勢好硬，其股價相對於資產價的溢價拉大，有點內地跌佢唔跟的現象，唔係好正常。其實A50的股價有溢價，它的窩輪更是溢價上再溢價，上星期後段有少少唔跟正股走，即使A50回吐時，窩輪都唔係跌得咁足，又見到有人掃貨。估計有外資大戶睇好A股會隨外圍反彈，所以偷步掃入A50，觸發跟風掃輪。

唔抽高無人接棒

有讀者問起外資可否左右內地股市，我估外資對內地股市影響力有限，他們要買內地股，只能透過QFII（合資格境外投資者機制），進出都諸多限制，要舞弄內地股市不大容易，所以A50的股價異動，可能係偷步炒內地市反彈，外資見外圍環境緩和了一點，炒緊香港H股反彈，炒到咁上下，見內地股市仲連創新低，即係落後鰦，咪順手炒埋內地市反彈，未必有乜內幕貼士。

港股升到24,600點，衝一衝就到25,000點大關，美國市反彈未完，內地市又彈纒，港股都會有水尾食纒。有中環茶友話，外資大戶即使炒完反彈要炒回吐，都要搵夠傻仔接貨至得，散戶相當膽小，在23,000點蟹貨近家鄉，都走得七七八八，或者大市要再抽一轉，令散戶覺得氣氛改善可以落番場玩，大戶才會搵到人接棒。

呢一期本地銀行股、地產股有少少呆，輪到紅色股發力，最多散戶關心的金融股，「三保」都有表現，國壽（2628）[股價及相關新聞] 升3.4%，平保（2318）[股價及相關新聞] 升5.2%，財險（2328）[股價及相關新聞] 漲6.6%。相比之下內銀股就仲係弱少少，「六行」個別發展，建行（939）[股價及相關新聞] 及招行（3968）[股價及相關新聞] 跌0.15%及1.34%，工行（1398）[股價及相關新聞] 及中行（3988）[股價及相關新聞] 升0.3%及0.6%，交行（3328）[股價及相關新聞] 升2%，中信銀行（998）[股價及相關新聞] 升1.3%。銀行股早前彈了不少，昨日似乎在轁氣。

羅傑斯預測嚇壞人

大家應該記得，高盛早前出過報告唱好紅色股，即刻有一浪反彈，好多股從低位彈番一成以上，個別甚至彈兩成，高盛都算有交代。

商品大王羅傑斯（Jim Rogers）認為，現在商品價格只是經歷一個調整期，黃金更仍未升到經通脹調整後2,000美元之高位，因此維持買入商品。他也不認為中國股票現正進入熊市，並特別對水務、農業，旅遊及發電設備行業深感興趣，可以愈跌愈買。

羅傑斯繼續看好商品和大陸股票，已經唔係新聞，但他對美息的預測卻嚇壞人，佢話未來美國經濟將會受到某程度上打擊，但不等於世界末日，預期當地經濟要大約 5至8年方可回復，未來美國或須將息口調高至歷史高位21厘，甚至更高水平，以打擊通脹。陸羽仁就話，好彩羅傑斯睇好長線走勢，唔係睇短線，短線美國係減息唔係加息，否則要即刻沽股沽樓。但無論如何，若3、5年後美國要大加息，加到21厘，香港樓市股市就認真無運行了，希望他這個預測永遠不要實現。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

業績風雲         

2008/4/8 上午 09:25:48
網誌分類: 經濟

美股牛皮，早段曾受金融機構獲注資的消息刺激，一度上升，但尾段又開始憂累公司首季業績不理想，結果道指只升３點，收報１２６１２點。

市場傳聞美國最大的儲貸公司Washington Mutual正在和私暮基金TPG商議，由TPG牽頭的財團注資入股５０億美元（３９０億港元）。Washington Mutual深受次按風暴打擊，早前公布３０億美元（２３４億港元）的壞帳撥備，過去一年內股價大跌７４％（至昨日之前），不過昨日傳出獲注資的消息，股價大升２９％，股價波動之大，令人戶舌。

Washington Mutual的消息令人憧憬信貸市場開始放鬆，所以私暮基金如TPG才可以獲得資金進行大額交易，所以金融股做好。

美股現時是好消息和壞消息交雜出現，美股收市後到美國鋁業公布業績，它是第一間公布首季業績的大公司，開出來的業績並不理想，由於能源成本上升、美元疲弱和金融產品價格回軟，美國鋁業首季盈利大跌５４％，超出市場預期。

美鋁季度純利跌到３億美元，或每股盈利０．３７美元，而一年前同期則有６．６億美元純利，即每股０．７５美元，跌幅顯著。而分析員平均估計美鋁首季每股賺０．５美元，所以現時公布的０．３７美元令人失望。美鋁面對其他對手的壓力，所以在成本高企的環境下，仍要賣廉價的產品維持銷售。美鋁業績唔掂，大陸的金屬股、特別是鋁業股有點壓力。

據彭博的統計，分析員估計美國公司首季業績平均下跌１１％，美鋁行先死先，公布出令市場失望的消息，所以對其他公司唔好抱太高期望，高成本，低需求，在在侵蝕公司的盈利。

美股道指升到１２６００點就打橫行咗幾日，這種走勢過住少見，不過牛皮市照計唔維持得耐，跟住唔係升就係跌，要推上股市，要有重大利好消息支持，例如併購消息，微軟收購雅虎仍然膠著，要睇TPG入股Washington Mutual幾快有結果，若無併購消息，未來主導的消息就係企業業績和經濟數據，向下的拉力不少。

港股唔能夠長期脫離美股走勢，食粥食飯，還看美國的業績風雲。

陸羽仁

http://www.hkheadline.com/blog/r ... rd=&searchtype=

Mr.Business

2008/4/9 上午 11:00:03

陸羽仁覆網友

牆頭草：美國公司業績當然無可能好，問題是市場反應有幾大，若美股遇到壞消息反應唔大，跌唔多，就會被理解為一個見底訊號，呢種情況就係全面看淡的風險。我維持一個七三開的睇法，正路有七成機會美股要顯著調整，港股完成反彈會亦會顯著下調，但唔好去得太盡，因為另有三成機會係只作小調整。  　

所以係唔係「最後逃生門」，要回頭睇吓自己的組合狀況，組合愈重貨，入貨價愈高，可守的空間愈少，既然有一度「疑似逃生門」，你一錯過咗就重傷，咁就要多多利用，唔沽哂都沽番咁上下，或者買番少少熊仔對沖。但若果入貨價低，就唔好一注清哂所有貨，萬一睇錯，好難追。

Ray:國泰受油價影響都幾軟，既要判斷大市，也要判斷個股，若衝高減一部份貨無壞。地產股感覺唔係幾好，因為呢兩個月樓市有少少回吐Feel，若升高減一部份，其他可能定番穿２４０００點就止蝕。

小兵卒：美國經濟過往在大選年後滑落，皆因在大選年被人為谷高，今年美國經濟深受次按打擊，根本谷唔起，過往邏輯唔可以應用，主要看樓市及經濟到底未。

泓媽：唔知MPF恒常咁轉，手續費多唔多，問清楚至好做，長線買股票回報較好，轉走咗亦要知道轉回來才好，否則好長時間做保本，會好蝕底。

刀劍笑：如金曹所講，中鐵大隻啲好啲。

Toast:有蟹貨建議可以趁高減啲，但如前所述，不一定要清哂貨，較弱如中信銀行趁反彈清咗先，若首都機場彈到唔使輸錢都可以沽，可以留番國壽和地鐵。

皮蛋：你話買華能和中遠時混雜咗投機和投資的想法，買入輸了，想將投機變投資，我就話呢種想法要戒，兩種方式入市手法唔同，投機要順勢，跌緊要沽，升緊要追，入價會較貴，走一段要落車。投資睇價值，愈係大跌市，價值愈易浮現，可以分注，細注，唔跌唔買。投機的貨輸咗變投資，實情係搵自己笨。　

新手一號：A股未叫炒起，只叫反彈，唔好見到紫金炒上A炒得咁爽，就以為隻隻都得，紫金幕後人愛炒作，唔係隻隻似佢咁炒法。

Clmama:４、５月若回吐會否低於３月低位，暫時睇即使有顯著回吐，應可守住之前的低位，做番個底。

Mr.Business

注：此篇文章版权归香港頭條網所有。

金融High Tea——經營唔好 股市唔跌
2008年4月9日

美股早一晚先升後回，恒指昨日低開148點後窄幅上落，午後內地股市升幅收窄，日本股市跌幅擴大，港股下午一度回至24,213點，尾段從低位上番近 100點，收報24,312點，跌267點。期指收報24,298點，跌361點，比現貨低水13點，成交54,912張。國企指數跌幅擴大至224點，收報13,196點，大市成交877億元。

昨日大市有少少頂住跌唔落之感，一跌多鱓又彈纒，跌多鱓又再彈，後市要睇外圍，若外圍唔急插，港股反彈之勢似未完。內地股市大升一日後，後繼有少少乏力，昨日虎頭蛇尾，上證綜指收報3,612點，微升12點或0.4%，較細的深圳股市表現好鱓，深成指報收報13,592點，漲196點或1.5%。

美元大跌後，全球立立亂，商品價格亂咁升，已向各行各業擴散，香港人單是買Å已感受到高通脹的影響。高通脹在窮國壓力最大，例如埃及，城市通脹高達 12%，但經濟唔好，人工無得加，所以就有大量民眾上街騷亂，再咁搞下去，好多國家政府要倒台，俾美國輸出的衰退累死。

行業衰№逐個來

有些中環茶友係企業主管，話今年香港營商環境急促惡化，生產成本高漲，人工升、租金升、生產材料升、運輸成本升，加價又有難度，所以盈利勢必受侵蝕，經營環境開始惡化，股市真係唔跌都偷笑。

其實美國公司未來會陸續公佈第一季業績，相信都會顯示全球性的「成本升、生意跌」的惡果。美股杜指前晚一度攀升成百點，但尾市升幅收窄，主要原因是擔心美國企業盈利大幅倒退，收市後美國鋁業公佈，受到能源價格上升，推高成本，產品價格不前，令首季純利大跌54%，超過市場預期，陸羽仁在網誌討論美鋁業績預示內地金屬股盈利都有壓力，中國鋁業（2600）[股價及相關新聞] 昨日亦受影響，收13.5元，跌了4.1%。

恐怕美國的行業壞消息會逐行逐行公佈出來，那一個行業龍頭公司公佈較差業績，本地上市的同類股份會跟住跌，背後的因素係世界性的，主要因為原材料價格上升，必然影響大部份上市公司盈利，而且範圍仲相當廣泛銏。

中環茶友話，商品炒風由石油、黃金這些傳統「硬商品」，轉向穀物、木材這些「軟商品」，最先係對沖基金炒，現在好多傳統基金公司，都推出這類商品基金集資，結果令到熱錢不斷湧入，形成雪球式的漲價浪潮，但因為長期以來，經濟都係由農業轉向工業，工業轉向服務業，農業係夕陽工業，好難可以上市集資，換言之，上市公司多數係原材料用家，而不是生產者，所以原材料漲價，整體而言必會侵蝕上市公司盈利。

成本上升問題，一開始時發生在工業股身上，成因主要係石油漲價，令到塑膠等副產品價錢上升，運輸成本上升，加上工廠自行發電成本都大升，成本大受壓力，所以過去兩年就算股市狂升，工業股仍然呆若木雞，道理就在這裏。影響不斷擴散，好似紙品股、食品股等都紛紛受影響，部份有壟斷優勢的公司仲有機會把部份成本轉嫁，但大部份公司無得壟斷，都要承擔大部份增長了的成本，最後令盈利受損。

追反彈股 隨時跳車

中環茶友話，經營成本上升，香港的營商環境已在急促惡化中，但因為港元跟隨美元轉弱，有利旅遊、出口等行業，令到失業率維持在低水平，大部份打工仔仲有工開，所以無咁感覺到美國衰退的殺傷力，可以話身在福中不知福，加上港人經歷金融風暴的痛楚，係投資同理財都比較保守，承受經濟放緩的能力比較強，但要留意有沒有滯後效應，影響香港下半年的經濟。

港股正在炒反彈，但全世界公司、包括香港和內地公司經營環境惡化，已是不爭的事實，目前出現「經營唔好，股市唔跌」的背馳現象，除了和股市正在反彈有關，亦和低息環境有關，但在現今企業經營基調惡化的環境下，投資世界未來充滿風險，一些急跌股隨市反彈，如玖龍紙業（2689）[股價及相關新聞] 昨日續彈7%，追這些股份要定好止賺/止蝕位，它們的經營環境並無改善，反彈能持續多久唔知，買入後一唔對路就要跳車啦。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

溝淡         

2008/4/9 上午 09:41:42
網誌分類: 經濟

美國陸續泌出壞消息，聯儲局３月１８日的議息會議紀錄顯示，儲局成員擔心美國經濟在上半年會收縮，部份人更認為「經濟長期及嚴重下滑」，儲局成員又發現樓市並無跡象見底。

美國最大的貸儲公司Washington Mutual發盈警，表示首季會虧損１１億美元（８５．８億港元），所以要削減９３％的派息，公司同時宣布私暮基金TPG的７０億美元（５４６億港元）入股計劃，其中１．８億股只是以每股８．７５美元賣出，比昨日收市價大折讓３３％，另有價值５５億美元是可換股債券。Washington Mutual的股價正式係「一啖沙糖一啖屎」，早一日急升２９％，昨日又因為虧損數字和大減派息，跌番１０％。

美股面對連串壞消息，都叫做企得住，道指收市跌３５點，跌幅０．３％，收１２５７６點，繼續罕有地在１２６００點左右牛皮無大上落，暫時有少少抗跌力，但真正考驗要等下星期金融股公布首季業績才來。

Washington Mutual的市值有１００億美元，都如此波動，可知股市的波動性可以殺死人，早前我在頭條日報專欄講到朋友在１２６元買匯豐（０００５）一度坐艇的故事，網友Bdroom問過我一個問題：「你個朋友買匯豐的例子，既然佢諗住長揸，想在2月大市再插時溝淡，為何不行呢?雖則話輸完錢切忌溝(我贊同的) ，但佢係富婆，成件事唔可以睇成係買多啲儲多啲貨咩?(你話好股進入「投資的我」射程時應在大插時買，買入後預佢再跌ma)。如果你個朋友原本買得唔多，又可否在這情況下溝吓呢?」

我見匯豐升番，都特登將曾經叫佢唔好溝淡的意見講出來，係特別想提醒大家，溝淡係一個壞習慣，唔好做。若睇我朋友的例子，如果佢在１１０元溝一倍貨，平均成本１１８元，而家賺到一成，咁豈不是證明溝貨係啱，叫佢唔溝係錯？

呢個只係事後孔明咁去睇，你一定啱，但在匯豐跌到１１０元那一天，誰可保證它不會跌到９０元、８０元、７０元？即使以「投資的我」的角度，匯豐在１１０元時，我也無信心話可以放膽買，理由好簡單，若信貸緊縮深化，誰可以告訴我匯豐的美國業務要再虧蝕多少？若無準確數字，即使你本來無匯豐，在大跌市當天，買少少唔拘，唔好買太多，若要大手買，可能買另一隻重磅指數股中移動（０９４１）穩陣啲。匯豐過去係穩陣股，但暴露在次按危機下，風險增加，只能當是一隻風險度一般的大股，唔係可以愈跌愈買的上佳對象，你唔知佢個底，點樣愈跌愈買呢？

電盈（０００８）的教訓好深，我見過好多人愈溝愈淡，有個朋友平時買股好穩陣，只買藍籌，在２０元唔知信乜大行報告走去買電盈，升到２８元無沽，後來隻股開始回落，跌到１５元再買，１０元再買，５元再買（現價是５合１，等如當年１元），佢不斷買的理由只得一個，「電盈係大股，無理由跌咁多，唔怕溝」，結果就將原來少少的虧損，放大成為全副身家投入的巨大傷口。

普通人買股票，並無計劃，買開股票，若賺錢更會將整筆錢一路叠上去，甚至不斷將人工投入加注，全副身家買股票。假若我朋友今次溝匯豐溝得咁成功，賺番突，佢又會將本金和利潤再攞去買，下一次遇到類似情況，一定會溝，買匯豐溝得咁好，買其他股也可以溝，溝得三、五次，上得山多終遇虎，最後溝中一隻潛水股，一舖就清袋，不但會將前幾次溝貨賺到的錢輸番哂，還會把後來投入的新資金輸埋，這就是散戶的宿命。不良的買股習慣，係散戶身上的癌細胞，最後都會害到佢命都無。一次溝淡成功，令你盲目相信這種錯誤方法，最後只能是一舖清袋。

買一隻股輸錢時，形勢不利於你，正確方法是減注而唔係加注，睇定再來，在高位減了注，才有子彈在低位等跌定時追貨，你在較高位止了蝕，等跌定後股價開始回升時去追，肯定比一路跌一路溝貨安全，收穫可能更多。另一方面，買股輸錢，要檢討買入的時機和方法，學到嘢，避免再錯，下次買股贏錢機會就會增加，炒股唔係買一舖，係一生一世的事。

炒股不能只看一次成敗，用壞方法炒股，長賭必輸，用好方法炒股，長炒必贏。

陸羽仁

http://www.hkheadline.com/blog/r ... rd=&searchtype=

Mr.Business

2008/4/10 上午 11:20:26
                                                                                 
陸羽仁覆網友


小吱、鳯陽花鼓、flyinthesky:外資唔可以主導大陸市，但佢地可以主導外圍市，佢地睇到A股有機會，所以去炒。但既然有外資和大陸本地走勢拉扯，唔係一帆風順，要買最好分注，見插才吸，一注買入隨時要捱價。若然唔想止蝕，就唔好大注，唔好成副身家買哂，買少少可以唔止蝕，因為最衰情況A股跌落番落１０００點，坐佢５年都會上番來，你等得咪可以唔止蝕囉。


Danny：外資大戶炒大陸市，佢地唔係有阿爺救市的內幕消息，而係佢地若唔再喺外圍玩大插水，炒完H股炒A股啫，當然佢地亦都睇死，內地股市跌到太可怕時，阿爺都不能不救。


Bdroom:當然唔係任何人任何情況都唔可以溝淡，巴菲特愈跌愈買，都係一種溝淡，以佢為例，第一好清楚一隻股的價值，第二佢買已有帶起隻股的效應，第三佢買一隻股溝埋最多只佔佢組合２０份之１，呢隻股最後清盤，佢整個組合只係跌５％，謝清海話唔怕揸咗甘泉的債券，都係因為佔佢組合比例少，如果佔惠理的９０％投資，有抵押都腳軟啦。


Angus:你話現時見出業績美股都唔跌咁多，為何不可以現在入市，要睇埋更重要的Gdp數據及金融股的業績，每一能承受的風險不同，有人在上兩個月大插時買，有人而家搶先，穩陣啲睇準啲才行動，當然睇得愈多愈穩陣，入貨價可能貴少少都未定。


Roots:６５元買了平保，唔放心定一個止蝕位，到位就沽，或沽一半吧。至於如何在上升的股票止賺，如今天網誌所述，見一隻股升得比較顛時，定佢現價低１０％至２０％止賺，佢再升，將止賺位上移，一回吐觸及止賺位就清貨。


Muse:你４隻股中，３３７較弱，又係地產股，要沽先換馬到強勢行業強勢股，中海油不是弱股，除非你睇油價跌，否則不一定要換走。


S2000:我手下唔知我係陸羽仁啩！


Yogie:投資的我１１０元買了匯豐，何時增持，心中應有一個合理價，例如１１５元以下，見佢回升時，未超過呢個價位，可以追，升穿就要停手。你問要唔要止蝕，要看你對匯豐的信心，同埋請看我對Bdroom的回應。若止蝕後何時再入，應是下次相信佢跌定的時候。



[ 本帖最后由 Mr.Business 于 11-4-2008 11:51 AM 编辑 ]

Mr.Business

注：此篇文章版权归香港頭條網所有。

金融High Tea——A股中外大鬥法
2008年4月10日

恒指昨日低開19點後一度反彈上24,492點，其後再由升轉跌，下午低見23,921點，收報23,985點，跌327點。期指收報23,997點，跌301點，比現貨高水12點，成交66,683張；國企指數跌332點，報12,864點，大市成交834億元。

港股早段走勢好硬，昨日中午日股跌170點，跌幅1.3%，上海A股跌57點，跌幅都有1.5%，但港股當時唔係幾肯跌，仲升10點。不過午後內地股市散鰦落來，先至拖住港股回落。

好友尚未散貨

中環茶友話，期指好友淡友有對手，好友尾段發力，一度力頂番到24,000點樓上，但最後一兩分鐘又俾人插番50幾點，才在剛剛穿24,000點的水位收市。

茶友話，港股雖然跌，但走勢幾硬，期指大戶似乎有好倉未走，因為散戶太早睇淡，呢幾日升市又唔係抽得咁急，唔覺好友大戶可以散到貨。好友一日未散貨，大市即使再隨外圍回吐，都未必會插得太深，唔係大插插鰟種感覺，做淡見好要食，小心被人夾倉。

昨日主要係中國股市插水帶住港股落，A股連彈三個交易日後大幅回吐，下午跌勢轉急，上證綜指收報收3,413點，大跌198點，跌幅5.5%。

由於內地A股急插，香港同一隻H股都要跟住插，例如保險股就插得幾甘，但其他港股基本唔郁，兩巨股中移動（941）[股價及相關新聞] 和礇豐（005）[股價及相關新聞] 都不約而同只是微跌0.1%，簡單鱓講佢地唔想跌。

至於A股跌市，理由好簡單，A股跌到咁上下，內地股民就會博阿爺救市，會彈一彈，多數在星期五發生，彈完見無人救市，又慢慢會回，因為A股的市底好弱，內地民眾基本上無晒信心，一見跌市馬上掟貨。純睇內地走勢，今次彈完再回落，上次低位3,300點都未必可以守得到。

A50增發100億

不過內地股民對A股無信心，但外資就好有信心，唔止透過QFII買（合資格境外投資者機制），仲在香港大買A50基金（2823）[股價及相關新聞] ，呢隻№最近鱓成交就精采囉，自上周三開始，成交突然跳升，當日成交39億元，差不多係平常成交的10倍，跟住5個交易日都係超高成交，今個星期一成交高達73億元，昨日回吐叫做少鰦交成，都有39.8億元，5個交易日成交鰦257億元，現有基金單位大量轉手，可見有大戶狂買A50基金。

大戶除了大手掃入市面流通的A50基金單位外，據A50基金公佈的資料顯示，發行商在上周四增發了3.14億份基金單位，本周二再次增發3億份基金單位，兩個交易日流入的資金總數超過100億元，反映投資者對A50基金的需求強烈。

A50基金發行了新單位，就要利用那些資金入內地買那50隻A股，可以咁講，外資陸續從各渠道流入A股市場，但內地沽貨人多，所以外資買完A股又跌。

就如今所知，承認買了中國股票的是商品大王羅傑斯，佢早兩日話：「我兩三星期前已開始買入A股和H股。如果你在2008年賣掉中國股票，就等於在1908年的時候賣掉美國的股票。在那個美國高速發展的時期，很多人當時賣掉了股票，但是沒有賣的人最後都成了富翁。」

我估買A股的外資不止羅傑斯一人，相信有一班掃鰦H股、甚至期指的大戶，見H股都彈鰦唔少，但A股仲鰠地底，咪大手買入炒纒囉。

我借呢班炒A股的外資大戶鰟腦來諗№，他們買得就唔係咁易放手，背後自然有鱓假設，此輩會認為，第一，外圍股市短期無大軲之險，甚至還會炒上。第二，香港 H股未炒完。有這些假設，才有放膽炒A股的基礎，否則內地股市不如港股，不由外資操控，亂炒好易死，外資計過數才落場，自有他們的劇本。這又挑起我的回憶，高盛早前開始看好香港H股，會唔會呢個就係前奏呢？玩股票，還是鬼佬技高一籌吧。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

溝淡（２）         

2008/4/10 上午 09:51:26
網誌分類: 經濟

美股慢慢步入調整期，道指昨日跌４９點，跌到１２５２７點，跌幅０．４％，美股一度跌超過１００點，尾段收復部份失地，美股唔算跌得厲害，下跌的主因是UPS話生意開始放慢，令市場擔憂公司首季業績。

聯儲局官員話要開始考慮減息以外的其他方法，舒緩信貸市場的緊張，例如由財政部發債吸納市場資金，再由聯儲局直接借出資金予金融機構，此舉等如以政府信用作擔保，幫助市場資金融通，市場對此消息無大反應。

昨日講到溝淡係散戶大忌，網友平凡人的故事，值得大家記取，他說：「陸SIR這個溝淡的故事是對的。我也記得陸SIR講過，他的文章是針對絕大多數散戶而寫的。其實我認爲．投資/投機是一門生意，不是每個人的性格和心智都能做老闆的，所以才會在這個世界上打工仔多老闆少。按比例，10000個打工仔裏面才能出1個成功的老闆。所以，陸SIR建議大多數的散戶別溝貨是正確的。」

「本人的例子就有溝貨成功和失敗的例子，在2007年，我全年投資/投機的80%利潤大部份來自于1171，1088，1898三只煤炭股，每逢插市我就買貨或者溝貨。所以2007年的投機成績非常漂亮。可是，臨尾就香了一次在2866中海集運，我從9.00開始買，一路溝到5.80元才投降。這就是我說的一個人的心智強弱對投機很重要。（當然，如果當時陸SIR那篇講李超人看市道的文章早4個月寫出來的話，我就會在7.00走人。）」

「如果，我當時繼續溝，那麽就會到後來的2.80元，那就輸得很慘，起碼會把我的3只煤炭股賺囘來的利潤輸掉50%以上。但是，我在5.80就打靶不玩了，逃過一劫。」

中海集運昨日收３．４１元，平凡人能在５．８元打靶，的確是避過了一刧，早前３月１８日的低位更是２．４４元，高位買貨揸到而家，真係喊都無謂。

其實這隻股票我好早都有留意，但好少講，因為覺得佢雖然唔係細股，但炒味幾濃，隻股由去年初３月起步，當時仍然係１．８元，到８月炒上５元，９月尾是６元，短短半年，１．８元變６元，升了２倍有多，炒到卜卜脆。我唔係太想講這些股，因為有一個兩難，若果我話佢炒緊，不妨走一轉，你咁黑仔一上車就關門打狗，股價即插，你會怨我一世。問心講我想話佢炒味濃，叫你地唔好買，但咁講等如唱衰佢，網友聽完我講唔去買，第二個見佢急升，就會當我係仇人，你問我，我見佢升到６元，都已經覺得相當貴，但只能少講為妙。

結果亦係咁，佢１０月初仲係６元，以為佢貴，點知佢１０月２４日炒上的高位係１１．６元，１個月內再升多一倍，你話激唔激，股票炒到最後，等如燒煙花，日日咁升，會引到好多人落叠。如果我６元叫你唔好買，升到１１．６元嗰日，如果你知道邊個係陸羽仁，喺街見到佢，會唔會想攞把刀劈佢呢？

不過中海集運跌亦跌得好急，佢一個大斜波咁抽上，又一個大斜波咁插落，幕後人係高手，可能在升跌那半個月已在高位派哂貨，隻股在１１月中在９元上落咗一段，大戶要出埋貨尾都大把機會，我估佢出貨的大位，可能就係平凡人開始買貨的９元那個短暫上落位，你去買，佢就派埋俾你。

平常人睇股價，睇高價唔睇低價，睇中海集運，主要睇佢１個月前高位造過１１．６元，無睇佢半年前由低位１．８元起步，由１１．６元跌到９元，跌咗２２％，你會覺得佢跌咗好多，其實你想深一層，如果１１．６元個位係假o既，你就會明白遊戲點玩。我建議大家以後睇位睇完高位，睇埋低位，對隻股就有立體的認識，知道大戶乜嘢位出貨可以有暴利。

李超人係叻人，佢出貨的手法靚絕，我相信佢唔係幕後人，但見到幕後人炒到顛時，佢無出貨，佢係等回頭時才出貨，佢可能覺６、７元都已經幾貴，但唔知人地想炒到乜田地，就睇吓戲，到見隻股急回時，佢就大手出貨，這種手法亦等如是推高止賺位之法。股票喪升時，你唔知佢會升到邊，但一開始回吐時止賺，往往就係出貨的靚絕時機。

我都係睇到李超人都出埋貨，隻股敗象畢呈，才敢出來講兩句，阻唔到平凡人溝貨，幫唔到佢在７元清貨，或許可以幫佢在５．８元止蝕，佢已經好叻，因為５．８元，差不多係隻股最後一浪大升前在９月底的價位，此價比半年前的起步價還升了兩倍，所以平凡人算有不錯EQ，可以在這些「高位」（不是低位）引刀成一快。

普通散戶買股，對隻股票的基本價值，炒作動向，好難有深入的了解，在股份下跌時溝貨，好易成為大戶派貨的接貨對象，所以都係唔溝好過溝了。

陸羽仁

http://www.hkheadline.com/blog/r ... rd=&searchtype=

Mr.Business

2008/4/11 上午 10:59:53

陸羽仁覆網友

金曹師兄說國壽跌到１５元賣埋間樓都去買，自然是戲言，我聽到有網友話話大陸股市跌到１７００點，我即時都有類似反應，但最後忍住無講，這只是反應我們覺得呢種大跌，出現機會極微而矣。

Yuki:月底議息前，美股通常會插，但今次未必可以期望插得太多，小心大戶倒轉來玩，玩見底，若見壞消息，美股唔大跌，就唔好期望佢插好多。

李超人呢啲細注，唔好當係好消息，佢係淡友，未大手入市。

Philip,Flyinthesky和Clmama:你地問追A50會唔會中伏，「低追」中伏機會唔係咁大啩。你地問A50有溢價是否如當年翔龍基金一樣，我認為有好大分別，而家A50以昨日收市價１８．１８元計，比每股資產值１７．５４元，有３．６％溢價，唔算太離譜，佢通常在上下５％內遊走，買入中唔中伏，主要看A股未來的走勢。但翔龍當年好似未買貨就有幾十％溢價，等如賭博呢隻基金的供求。

至於阿爺會唔會等外資輸錢才救市，當外資做法和阿爺的看法一致時（都唔覺得大陸股市要跌咁多），阿爺就唔會特別要仇恨外資，但阿爺招數有限，唔想太快出招就真，而家有老外先來頂一頂，求之不得，仲會叫官方傳媒吹吓老外的意見。

小潘：你問白花油，照計主席毛手毛腳，同公司營銷關係唔太大，雖然形象有少少影響，若案件審結時隻股跌吓，跌近全年低位時，可以買吓收息，博事件過氣後隻股上番２元以上。

Ton ton:你話沽得太快，但而家對後市升跌是50/50, 暫時唔郁，係唔係好細膽，炒股是投機，但唔係鬥大膽的遊戲，最重要是成功率高，唔係大膽交易得多就得，要成功得多先至得。我估大市若要升，都會月中過後，大約２１日才開始大升，睇定少少無壞，唔放心太小貨就小注試吓盤。

牛腩：逆勢不等如溝淡，以今日講的利記為例，我係逆勢派，但有利記輸緊錢，都唔應該再溝，我無利記想炒佢反彈，在２元追入，佢不升反跌，我１．８元都會斬倉，所以逆勢炒股唔等如炒自己手上跌緊啲股。

高耀之星：內銀股盈喜炒一炒，但關鍵還看大市，若大市唔升，炒業績一兩日玩完。

S2000:周生生張圖好靚，若佢穿近日高位９．５元，就打破牛皮局，會再上。六福就正常啲，只是跟大市炒。

Mr.Business

注：此篇文章版权归香港頭條網所有。

金融High Tea——坡紙升值 熱錢湧港
2008年4月11日

美股上日偏軟，港股走勢卻背馳，恒指昨日高開116點後，在23,906點至24,215點間徘徊，收報24,187點，升203點。期指尾段有沽壓，收報24,061點，只升得64點，比現貨低水126點，成交63,789張。國企指數先跌後升134點，報12,998點，大市成交748億元。

港股走勢異常，開市外圍跌，但港股不跌反升，中段內地股市下插近2%，但港股卻頂住頂住，到內地股市午後回升，港股更造番上。內地股市一度低見3,344點，但最後在銀行股大力托市下，反彈成功，上證綜指收報3,471點，升57點，升幅1.7%。

中環茶友話，港股跌唔落，除了話內地股市彈番之外，另有兩個因素，一個話大戶做鰦好倉，一跌又出來頂纒。另一說是新加坡放鬆匯價波幅讓坡元升值，熱錢流入香港炒聯匯脫鹇。

人仔過7通脹加壓

新加坡政府放寬坡元升幅，手法幾激，因為新加坡金管局突然宣佈，坡元會盯緊一個較高的坡幅，以降低日益高漲的通脹。新加坡過去一直用匯價而非利息來調節這個出口主導的經濟，過去只容許坡元有「溫和」增幅，實際的匯價波幅區間卻秘而不宣。但最近新加坡二月通脹高達6.5%，創03年以來的高位，新加坡放鬆匯價波幅容許坡元升值，以減輕輸入性通脹。

坡元昨日馬上急升1.7%，升到每美元兌1.3584坡元的高位，今年至今坡元已升值5.8%，在亞洲內升幅僅次於日圓。坡元急升亦刺激人民幣匯價升越7算，香港通脹壓力又增。

你可能唔知坡元升值對香港的意義，坡元為怕通脹要被逼升值，鬼佬又運錢到香港，炒纒港元脫鹇。陸羽仁估港元脫鹇機會近乎零，但鬼佬唔係傻人，熱錢流入香港，無乜風險，就算你匯價唔脫鹇，當大量熱錢湧來香港後，錢多自然炒一轉，熱錢都慣晒，入來炒纒過一過癮。若然如此，後市雖然可能調整，但又唔好大力造淡，小心大市牛皮一陣調整纒，突然又來夾淡倉。

生意淡薄 不如炒作

早兩日講起樣樣貴，做生意艱難，話咁快就有一間廉價航空甘泉航空結業，有一個股壇老叔父話，呢鱓咁鮋低息通脹市，過去都試過，簡單一句：「生意淡薄，唯有炒作」，想正正經經做生意會愈來愈難，係焗人賭的格局，所以外圍市一定，又有一班國際賭徒入來對賭。

中環茶友話，過去八、九十年代，都先後出現過美國減息，香港出現股市区炒的情況，講得太耐大家可能唔記得，近鱓係十五年前左右，當時大量熱錢流入香港，搞到存錢入銀行不但無息收，大銀行仲話太多人存錢，要收解鈔費（即係手續費），因為銀行收鰦大筆現金無出路，要請解款員押運現金，又要存倉費用，所以存款放錢入鈬不但無息收，仲要畀利息，係咁情況下，最後咪焗到股市狂炒囉。

港人經歷過九七金融風暴的教訓，明白小賭怡情、大賭亂性的道理，就算現在存錢入銀行無息收，大家都仍然保持克制，若然大家都忍手，個市可能都係上上落落，但如果外資真係搏命咁炒上，你估老散可以忍到最後、抑或升到尾段先亂性呢？

利率高低係最直接影響炒賣成本，以現在拆息跌到一、兩厘，按揭息率跌到去兩厘幾，炒家借錢炒股票，買藍籌收一年息，若然股價不上不落，隨時有錢落袋，樓市情況亦一樣，咁樣雖然唔一定等如可以推高樓價，但至少可以肯定會加強了炒家捱價的能力。

同樣情況，香港地產商普遍負債偏低，現時賣樓套現，慳回的利息有限，但土地供應少，賣完樓點搵番地就好頭痛，故此除非等錢使，否則賣樓意欲不強，仲有一點好重要，係以前要為每年業績交數，到時到候點都要賣點樓，但現在層樓未賣，只要估值上升，都可以當係賺鰦，所以雖然近日好多分析員唱淡後市，但如果你係班大地產商，又會唔會係負利率下急急賣樓先？

個市無大上落，內地銀行股開始炒業績，建行（939）[股價及相關新聞] 今日交成績表，昨日先升3.7%，收6.53元，工行（1398）[股價及相關新聞] 唔執輸，提早發盈喜，股價升1.5%，收5.98元；升開成個板塊都升，中行（3988）[股價及相關新聞] 升2.5%。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

溝淡（３）         

2008/4/11 上午 09:39:02
網誌分類: 經濟

歐洲央行議息後維持利率不變，並發表了害怕通脹及睇淡歐洲經濟的言論，歐元在議息前急升上１．５９，但歐洲央行開腔後又急滑至１．５７，這些過去一個月的波幅，在幾個鐘頭內出現，可見現在金融市場之險。

美股昨日有反彈，道指一度升１２０多點，收市升５４點，報１２５８１點，升幅０．５％。政府公布上周新申領失業救濟人數少於預期，已令市場氣氛改善，而分析員估計英特爾盈利有增長及會回購更多股票，令科技股受到追捧。美股正處於一個上落市，牛皮待變。

仍然想再講吓溝淡和止蝕的話題，網友Ton Ton講起自己和朋友炒股中伏的經驗，「小弟完全明白，如果唔係有陸Sir同金兄同向師兄師姐教止蝕，我估我去年的Proft已還返俾個巿。如果唔識止蝕，好似去年高位$4入的2345，半年已經唔見咗55%，仲有其他如998等，如果無各位教我止蝕，我已經死得好慘了，現在能打和，都係托大家的洪福！再次再次感謝各位！」　

「我有一位新識的朋友，她在去年$10入了中海集運 (2866)[股價及相關新聞] 呢排叫做升返D都無咗70%，要上返佢買入價，隻股要升233%，真係....」

「最經典都係利記(637)[股價及相關新聞] ，我同個朋友一齊係$3左右買入，佢好不幸無睇陸Sir個Blog（我有叫佢睇，但佢好似無理我），我自己在$2.x止蝕了，自覺好傷，好痛，因為第一次係一個無能力控制的範圍內唔見一大筆錢（有D似個我好多年前，存了一兩年錢先買到第一部數碼相機俾人偷咗的感覺，真係坐咗係到成個鐘唔知點算，個心好痛好痛!），但大半年後，我覺得自己賺了，因為我朋友當日用成富身３０幾萬買的637，係無分注分散同止蝕的情況下，佢半年唔見左23萬身家，對一個打工仔來說，已是佢一生的存蓄...我估就算係股神，要用佢淨低個7萬在大半年內變返30萬，都應該無咩可能...如果佢今日先沽，就算佢要有能力用其他股票每年賺返20%，佢都仲要用八年先可以Cover佢係八個月唔見咗的錢。八年先打和，個仔或女都小學快畢業．．．所以，如果仲係覺得止蝕唔重要的網友，請先問問自己，如果半年內蝕咗的50%，有無能力係返用半年時間去賺返100%，如果無，煩請記住：止蝕。」

「這是小弟一年來學到的總結，我知到自己好白痴，用一年時間所學到咁少野，但希望新來這個Blog的朋友，得到這個止蝕的祝福。」

Ton Ton一啲都唔白痴，一年學到咁多嘢，夠用一世。溝淡和止蝕係兩個相反的行動，大部份散戶買股輸錢，唔單止唔止蝕，仲要溝淡，令蝕上加蝕；真正要學是忍住唔溝，先睇定環境，再唔對路，就忍痛打靶。

人性的缺點是堅持己見，覺得自己啱哂，要錯係社會的錯。好似甘泉航空結業，主席李卓民話甘泉一心想以租機方式營運，但對手強烈反對，所以最後只能斥巨資買機，加上油價急升，最後頂唔順結業。睇完李生的總結，甘泉結業係對手的錯，油價的錯，但做一盤生意唔去考慮對手的回應，唔考慮經營環境的可能變化，又係邊個錯呢？

普通人買股都係咁，聽冧巴買入一隻股後，如果市勢突然走樣，隻股急跌，多數唔覺得自己睇錯，只覺得是環境的問題，隻股好快會升番（不暪大家，到今天陸羽仁買股後股價跌，第一個反應都係咁，要回過頭來，用理性控制自己的情緒，才可以比較抽離分析當時隻股或大市面對的問題）。

Ton ton提到的利記，係新上市年幾的股票，無太多上市往績可稽，大家都唔知主事人的手法，去年７月２０日收市後突然發盈警，話０７年上半年的業績，將會顯著下滑，主要面對內地對手激烈競爭。到７月２３日再開市，利記由上日收市價３．２２元，開市時裂口急跌到２．４５元，收市彈番上２．６２元，單日跌咗１８．６％。

我當時俾大家的建議都係叫大家走避，話若唔再反彈，唔沽哂都要沽一半。這些單日急跌，若有幕後人維持秩序，跌完可以無事，跌完彈番上去再慢慢派貨，但利記往後的情況一日比一日差，７月２４日收２．５元，２５日收２．２元，咁樣一段段落，已經係「送院途中證實死亡」格局，唔似有人頂番上去，就算有人頂都係頂住派貨，我記得那時有網友問我好唔好再買溝貨，我話千祈唔好溝，應該要沽，唔捨得沽哂都沽一半，再唔對路沽埋啲貨尾。

其實以利記當時的形態，正路無得救，只能望佢背後有莊家，他們未出貨才救到小股東，因為莊家未出貨要托番高出貨，但若無這種莊家存在，早前炒到咁高，一盈警就注定要大跌收場。

大家要明白散戶和大戶的分別，大戶如正經的基金，買利記一隻中小型股，只佔佢組合１００份之１，突然見到盈警，最合理的做法是洗倉沽清，因為他們入貨價低，即斬仲有盈利，即使要輸，若輸１０％，只是整個組合減值１０００份之１，必然會好狼咁下刀去斬。

你做散戶就唔同，可能八、九成注碼放一隻股身上，買入蝕一兩成，等如成副身家減值一兩成，好痛，好唔想呢件事發生，只能用主觀願望蓋過理智，期望佢無事，唔想止蝕，只想加注溝淡，望吹番番來，問題是呢隻股累你輸錢，股價跌開有條路，點解你咁有信心再買會升番？我就話唔理買乜股，你買完佢跌，一定有原因，跌開再跌的機會大過反向回升（這就是順勢），要加注都唔好加係輸緊錢的股上，要加注合埋眼掟飛鏢落報紙的股價圖上，求其搵一隻來買，買完上升的機會，可能大過你再買手頭上跌緊的股票。要避免好似Ton Ton朋友咁買一隻股唔見七成身家，唯一的方法係唔溝、止蝕，唔見七成身家，可能十年投資加儲錢先至搵得番，白白浪費了十年光陰，人有幾多個十年？由此可知一個錯誤投資決定，代價有多大。

利記唔算最雞的股票，現價仲有０．６６元，如果你買的是莊家概念股，可能１毫子都無。講利記的例子，不是想挖大家的傷疤，而是希望大家可以在錯誤中學習。我自己就係咁，做運動時大腦無嘢做，就經常把自己投資的錯誤重溫，希望可以學番一招兩式，想像若再遇上同樣處境如何回應，起碼將來唔會犯相同錯誤。記住，錯誤是最好的老師，它教的東西，可以令你一生銘記。

陸羽仁

http://www.hkheadline.com/blog/r ... rd=&searchtype=