【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——靈活宏調 中招者插
2008年3月6日

昨日恒指插穿過23,000點的關口，早段低開53點後，曾升見23,268點，升過100幾點，之後就反覆軟番落來，一度跌至22,873點，但下午市道又好番鱓，大市跌幅收窄，收報23,114點，跌5點。期指收報23,150點，升149點，罕有地比現貨高水36點，成交67,829張。國企指數跌 124點，報12,848點，大市成交798億元。

昨日巨股礇豐（005）[股價及相關新聞] 算企得住，雖然里昂唱佢目標價到80元，但礇豐先跌後升0.3%，有穩定大市作用。上午期指一度大低水100幾、200點，已經預示大市要穿一穿位，結果真係跌穿埋23,000點大關，不過個市非常悶，跌落去亦唔見有太大沽壓，慢慢又俾撈底盤買番上來，上下波幅亦唔夠400點。昨日低位22,873點，未到2月11日的低位22,569點，亦未到1月22日今年低位21,709點，但大市陰陰跌，要睇埋美股短期會唔會再插纒。

拍烏蠅、發晒夢

經紀張打電話來，話就快悶死，佢鱓客仔中，平時活躍的散戶固然失蹤無買賣，連大客都無晒火氣，有個客本來話抽中鐵建（1186）[股價及相關新聞] ，但後來不見他入錢，經紀張打去問纒個客，他說提唔起勁寫支票，個客本來大雞不想食細米，無№做申請中鐵建諗住執番幾萬銀，但由於個市太悶，悶到個客差鱓唔想寫支票，最後在經紀張三催四請後才入錢。經紀張話，陸羽仁你講的「終極一跌」，最好快鱓來臨，跌完先至有得炒過，好過日日拍烏蠅，發晒夢。

我同經紀張講，呢鱓牛皮市年年都有，去年2月跌市，3月彈番，4至6月都係牛皮上落，同樣悶死人，到6月後段才再向上郁；今年1月大插，隨時都有兩三個月牛皮上落，一樣悶到你投降，所以仲要捱纒。

美國唔多妥，證券界把希望寄託在人大政協兩會，睇纒有無利好經濟的措施，總理溫家寶昨日宣讀政府工作報告時話，今年中國經濟增長定於8%左右，消費物價指數則控制在2007年的4.8%以內（去年的消費物價指數增長4.8%是十一年新高）。溫總重申防止經濟過熱和防止通脹的基調，他要求「及時靈活地採取相應的對策措施，把握宏觀調控的節奏、重點和力度。」他又特別提到雖然「關注通貨膨脹飆升影響民生，但鑒於周邊因素不明朗，因應環境變化而調節宏觀調控力度，不搞一刀切，既控制通脹，又可以避免經濟大起大落。」

一般分析話溫總無因雪災放寬宏調，但內地高人指出，溫總對宏調的口徑已放軟，特別是「靈活地採取措施」、「不搞一刀切」，即係有鬆有緊，不如去年底那樣要一面倒收緊，內地也怕美國次按，怕用力過猛，外圍又弱，搞到自己爆煲。高人話，近期管理層容許部份國企因雪災善後向銀行借貸，銀根定向放鬆了一點。溫總雖說經濟增長目標係8%，實際上管理層自己估都可能有10%，所以不能看數字以為會用巨力去宏調。

內房股建材股無運行

不過，有鬆有緊就要睇行業，選擇性落刀時，房地產和建材就肯定係重災區，內地股市對溫總報告的反應中性偏淡，加上在融資的陰影籠罩，股市向下，鋼鐵、地產被人力沽，上證綜指失守4,300點，最低跌至4,210點，收報4292點，跌1%。

高人話暫時未會再加息，可能要調控都係先加存款準備金，此舉對無水的細銀行影響較大。昨日「六行」對溫總報告有反應，大銀行先跌後回穩，中行（3988）[股價及相關新聞] 倒升0.3%，工行（1398）[股價及相關新聞] 無起跌，建行（0939）[股價及相關新聞] 跌0.3%，規模略細者跌幅較大，招行（3968）[股價及相關新聞] 跌3.1%，中信銀行（998）[股價及相關新聞] 跌2.2%，交行（3328）[股價及相關新聞] 跌1.1%。「三保」方面，平保A股巨額融資昨日表決，H股（2318）[股價及相關新聞] 微升0.71%。

內房股和建材股受創較深，建材股如中建材（3323）[股價及相關新聞] 、海螺水泥（0914）[股價及相關新聞] 及中材（1893）[股價及相關新聞] 跌1.8%至4.5%。內房股如中海外（0688）[股價及相關新聞] 、富力（2777）[股價及相關新聞] 、華潤置地（1109）[股價及相關新聞] 、雅居樂（3383）[股價及相關新聞] 、碧桂園（2007）[股價及相關新聞] 挫2.7%至5.8%，估計內房股仍在反覆尋底。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

港交所之炒作         

2008/3/6 上午 09:55:57
網誌分類: 經濟

美國股市企番穩，服務業數據OK，加上油價升上１０４美元，有利油股，道指收市升４５點，收１２２５４點。不過債保公司Ambac Financial Group Inc的集資計劃卻令人失望，市場本來期望它集資時可以拉美國啲大銀行落水，集資３０億美元，以補番在次按債券上的虧損，結果佢只公布集資１５億美元的計劃，少咗一半，不符市場預期，令人擔心它能否保住 AAA 的信貸評級，結果Ambac的股價昨日急跌１９％。

講番香港，昨日一批大公司公布業績，我想講吓港交所（０３８８），港交所昨天公布去年全年業績，由於去年下半年股市成交暢旺，純利錄得６１．７億元的破紀錄新高，增長１．５倍，較證券界預期為佳。港交所去年每股盈利５．７８元，以昨天收市價１４１元計算，市盈率降至２４．４倍。去年全年派息５．１９元，息率３．７厘。

港交所業績大升，主要受惠於去年大市成交急增，因為港交所有六成三的收益來自股市成交，去年股市的每天平均成交額為８８１億元，比對上一年升１．６倍，當中以去年１１月最為活躍，每天平均成交額達１３６１億元，港交所只是抽水都抽到笑。港交所另一大收入來源是新股上市，但去年集資總２６７９億元，按年下跌２０％，這也十分正常，因為０６年有中行（３９８８）和工行（１３９８）上市，去年就沒有這些超級巨股上場，集資額自然減少。不過由於大市成交急增，頂得順新股上市收入減少有餘。

好多人問睇完港交所業績，問買唔買得過。我又只能分開「投資的我」和「投機的我」來講。以「投資的我」計，港交所現價仍貴，現價市盈率２４倍，新加坡交易所市盈率只是１５倍。以港交所的主要收入來源睇，主要睇成交，今年頭兩個月大市成交下滑，平均每日成交遠不足１０００億，雖說這個數字仍比去年年頭為高，但去年港股成交是一個持平向上勢頭，但今年卻開始是一個向下走勢，能否扳回向上的走勢，無人說得清。若港股今年全年成交做不到去年平均每日８８１億的水平，大市氣氛相信幾差，亦唔好寄望新股上市收入會好，那麼港交所今年將不能維持去年６１．７億元的純利，增長倒退，自然不值２４倍的市盈率，盈利倒退加市盈率下降，股價還有不少向下空間。所以一切都要看香港大市今年旺唔旺，美國市道咁樣衰，大陸又有惡性通脹，誰可以寫包單今年香港股市一定長旺？

從「投資的我」角度考慮，要計清楚數，有相當大把握，先至好去投資，否則一動不如一靜。如果扮吓股神巴菲特，即使要買亞洲交易所股票，點解唔買平啲的新交所呢？

這裏就講到概念問題，港交所現價貴過新交所，２４倍市盈率對１５倍市盈率，當然唔可以話買港交所的人全部係傻仔，佢地係炒緊概念，主要有三個概念。第一，香港政府會再入市。去年政府在１５０元價位都買緊港交所，話明係策略投資，即係唔講回報，放眼於長線香港與內地的股市合作，政府現時持股略多於５％，做鹽唔咸做醋唔酸，應該要再增持，即使現價唔買，跌到１１０元、１２０元左右都有可能再買，所以港交所股價跌極有個譜。

第二，大陸概念始終有得炒。大陸交易所未上市，現時香港係最多大陸巨股流通的市場，所以港交所已經係一隻大陸交易所的「代替品」（Proxy），好似吸毒者無錢買白粉，食美沙酮頂癮一樣，好過無。再加上港交所成日唱住話想同大陸交易所合作，都會有少少憧憬。

第三，港股直通車的期望。直通車而家唔開，但無話無得開，去年８月講吓要開車，港股成交都大增，若真正通車，自然有得炒。

上述三個概念，你叫股神來計數，由於太多不確定因素，根本計唔到數，所以買唔落手。但從「投機的我」的角度，膽正命平，見到港交所插得深時去博吓，定好止蝕，又是另一個故事。唔好睇港交所咁大隻，你買入後唔知自己炒緊股，以為係投資者，唔對路時仍然去死揸，插下去就會好傷；但你知道自己炒緊股，用１元博佢３元，甚至睇定佢轉勢先至撲入去，又係另一個故仔了。

陸羽仁

http://www.hkheadline.com/blog/r ... rd=&searchtype=

Mr.Business

2008/3/7 上午 11:36:33

陸羽仁覆網友

周小川昨天對港股直通車的講法，是一個負面訊號，估計要再推遲了。

KFC:要小心再觀察，才能決定對後市的看法。

小潘：你問大公司業績OK，港股是否跌唔落，我話香港股市唔係受香港公司業績主導，業績炒幾日，又回到世界大循環中。

越房係reits，主要持有廣州的商廈，唔直接受針對樓市的宏調政策影響，因為直接影響佢收入係租金，主要和通脹及經濟增長同步，長線影響越房的價值是資產價格（即樓價），但短線樓價起落，只要租金唔跌，對佢影響不大，所以早前大陸樓價急升唔炒佢。

天佑平常心：好多大戶靠沽賺錢，唔一定係買，如做外匯，睇好日圓、歐元，即係睇淡美元，新怪傑一書都講到唔少外匯炒手，而索羅斯等更是睇淡專家。有咗指數期貨之後，睇淡股市更易。由於散戶傾向做好，所以大戶睇啱時機做淡，就出現一個經典的「專業對散戶」的搵食局面。

以幾個大戶共持有１０萬張期指合約計，幾個月走一大轉，沽食你４０００點，炒番上食你４０００點，共食８０００點，賺你４００億，再加中間食少少水位，５００百億，一年若走到兩轉，有１０００億，他們是環亞洲操作，日本，新加坡，南韓都有玩，簡單放大４倍起碼有４０００億。

牛腩貓咪：你問為何香港無商品市場如石油、農產品、金屬，這些市場有實貨市場和期貨市場，香港一粒豆咁細，本身對商品的需求很小，發展不出實貨市場，所以期貨都難做，因為實貨市場的大戶，往往就是期貨市場的大玩家。

熱門小馬：暫時未有股災的感覺，月供也未必需要全面清貨，睇定啲先啦。

YK:問港交所市盈率、息率點計，市盈率用每股盈利除以股價，息率係用全年派息除以股價。

牆頭草：喺美國公司做，吹得掂一早被指定坐直升降，係一種人，另外大部份人都係鏍絲，所以你朋友最後做咗head hunter，都無壞呀。

Dickkwo:大陸新會計制，上市公司０７年１月１日開始執行，大方向係貼近國際制度，例如以公允值計投資性房地產價值等。行新制後，兩制差距應會減少。現時大陸公司盈少啲，主要因為香港新會計制要年年將投資資產貼現，在升市造成大量盈利所致。

Brian:上電繼續有壓力。

IBN42:奧瑪仕十合一兼改名，小心炒一炒又插過。

Twohitsix:高手在有方向的市況做期權買家，在上落市掉轉頭做沽家，佢都有估短線方向，預咗月頭會挾吓減息，佢沽期權Spread就會七分沽好倉，三分沽淡倉，跌到咁上下，又會倒轉為七分沽淡，三分沽好，食埋波幅。由於佢沽Spread，又係價外，輸哂幾多已計到，所以已預計了一般的波動，但若走近佢沽的價位，才會略作對沖。（再三提醒，期權不是新手散戶的玩意，沽期權更是高風險行為，上述回覆睇唔明唔緊要，唔好輕易去學）

Mr.Business

2008/3/7 上午 11:53:57

陸羽仁再覆網友

Chrintine:中石化跌近低位，但你已有兩注在高位買，我係你就唔會不斷溝貨，有錢都買吓其他股，可以分散風險。

白穗禮，如你無中石化，唔係唔可以買，但最好分注，油價再升佢要再跌。

小潘：華能跌到新低，現價吸引，但要預佢再跌，小注慢慢見低吸。

股惑仔：問我點睇今年樓市，樓市升咗５年，若再急升，升多一年差唔多，今年「投機的我」買樓可以博短炒，「投資的我」開始要審慎，有三、四間可以沽吓少少貨。

Any: 大陸宏調針對房產股，若得一注錢，唔好掂Soho這些地產股，唔係唔可以彈，但大勢仍然不利，１１０元的中移動買唔買得過，要問吓你估大市見底未，若怕佢再跌，只能等更低才入。

Mr.Business

注：此篇文章版权归香港頭條網所有。

金融High Tea——一隻平保炒起大陸市
2008年3月7日

港股終現反彈，可惜力水有限，恒指昨日高開246點後，反覆升至23,615點，升超過500點，不過下午開始回軟，一度插番至23,254點，收報 23,343點，升幅收窄至228點。期指收報23,170點，升幅收窄至20點，比現貨低水173點，成交67,293張。國企指數升幅收窄至218 點，報13,066點。

你睇昨日大市成交得695億元，就知大市有幾「勁」，600幾億元成交的市道，按今日的標準，推高大市的力量，就如老鼠尾生瘡──大極有限。開市後經紀張滿懷高興咁打電話來，話今日大市好似樣，升得好好，內地又升，日本又升，真係好。我問「真係咁好？成交大唔大呀？」經紀張話，成交唔大，但氣氛好好，連三、四線股都有得升纒。我睇纒佢講隻三、四線股，升得幾格，經紀張就咁興奮，我就話「你好耐無見過股市升呀？唔好升市就睇好，跌市就睇淡先得鮁，睇埋下晝個市先至講啦。」結果下晝個市又無乜力上，叫做彈番200幾點收場。

昨日港股或多或少受到內地股市牽引，內地股市卻在平安保險飆升引領下，出現反彈，不過午後衝高回落，最後上證綜指報收4,361點，漲68點或1.6%，較細的深圳股市沒有平保這類權重股帶升，深成指數只漲0.6%收場。

頂住博證監放行？

內地和香港兩地的平保都炒高，平保A股漲了7.9%，報收72.38元人民幣，平保H股（2318）[股價及相關新聞] 亦跟升4.6%。你話平保有乜好消息值得在內地大炒特炒？平保前一日通過A股千億融資方案，這個方案一直是平保A股甚至內地股市的懸劍，由於集資的用途不明，被指為「惡意集資」。如今這個內地股民不喜歡的集資方案通過，點解又升得咁勁，一係早前平保A股之跌係亂咁跌，一係平保A股今日之升係無厘頭。

陸羽仁問過不少中環茶友，點解平保通過千億元集資咁利好股價，若果話國際投資者更「明理」，更信任平保，照計應該香港H股升得勁鱓先至係，點解A股升得仲多？陸羽仁唔明之餘，只能以陰謀論估之，直至找到更好的答案為止。平保雖然通過了千億元集資方案，但仍要中國證監會審批，你「惡意集資」搞到內地成個股市弱晒，想中國證監會通過都幾難。所以唯一的方法是證明市場好支持平保的集資大計，最好方法自然係炒高隻股啦，股價升股民就無意見啦。咁唔受歡迎的集資方案通過，竟然可以令隻股急升，我懐都算大開眼界囉。

開眼界唔緊要，跟炒平保就要小心，咁高功力一直舞高直到中國證監會開綠燈固然好，怕只怕佢力水唔夠，頂到咁上下唔夠力又俾隻股游番自由式，咁就難免又向下游啦。高盛發表研究報告表示，對平保維持中性評級，建議投資者靜候平保回落到47.9元價位買入，12個月目標價為60元。平保昨收59元，按高盛目標價計，現價買無覑數。

另外幾隻大股公佈業績都OK，新鴻基地產（016）[股價及相關新聞] 公佈，截至2007年12月底止半年業績，純利136.3億元，較06年同期109.1億，上升24.9%，期內每股盈利5.42元；不計及投資物業之公平價值變動的每股盈利2.47元，中期息0.8元；營業額119.19億元，上年度同期為147.81億元。

電盈隻Now開始養大

新地代理執行董事周國賢相信，本港在多個利好消息下，全年樓價升幅可超過10%；新地今年售樓目標為3,000伙，香港及內地分佔2,000及1,000伙，料可套現230億元。陸羽仁估新地買樓策略不會如長實（001）[股價及相關新聞] 那樣急，成本不變樓價向上，如達標買到2000伙，今年有理想增長。

另外電訊盈科（008）[股價及相關新聞] 公佈，截至去年底全年業績，股東應佔盈利15.03億元，較對上年度的12.5億元上升20%，期內每股盈利22.21仙，末期息13.5仙；營業額237.15億元，對上年度為256.37億元。

特別係收費電視NOW寬頻電視，應開始入佳境，去年底的已安裝用戶人數達88.2萬名，當中付費用戶人數則為62.8萬名，較去年增加25%。由於推出價格較高的收費組合及高清頻道節目，吸引用戶訂購，帶動每戶每月平均收入（ARPU）上升，令NOW電視的07年ARPU大幅增加42%，至港幣199 元。Now電視有望成為電盈將來一項主要業務。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

挾減息         

2008/3/7 上午 09:40:49
網誌分類: 經濟

美股繼續新一輪「挾減息」的循環，昨日在一連串壞消息中，在尾段急跌，道指大跌２１４點，跌１．８％，跌到１２０４０點，險守１２０００點大關，只是略高於１月下旬那次大跌市的收市價。以標普５００指數計，美股更已穿１月低位，標普５００指數跌２９點，跌幅２．２％，跌幅大於道指，收１３０４點，也是險守１３００點關口，不過收市價已是１８個月以來的新低。

美股尾段急跌恐怕和今日將公布的就業數字有關，市場憂累數字好差，所以早一日沽定先，美元亦因此大跌，在亞洲市兌歐元跌至１．５３水平，兌日圓跌至１０２．５。日股早段跌過４００點。

美國昨日的壞消息有一籮，債保公司Ambac Financial Group Inc前一日公布的１５億美元集資計劃，市場不滿集資額太少，公布當日股價已跌咗１９％，昨日再跌１５％。股神巴菲特提出的「豬頭骨」建議，Ambac唔接受，股神唱一唱衰退來臨，Ambac佢自己又提唔出好勁的自救方案，結果就搞到一身蟻，若再無新資金入，實會被降評級，唔知Ambac最後要唔要向全球首富投降。

美國昨日公布第４季最新的收樓數字佔房貸總數的０．８３％，遠比前一年的０．５４％為高，顯示樓市持續惡化。美國買樓借錢的利息繼續上升，由房貨公司房利美的３０年定息按揭債券比１０年期國庫債券的息差可以顯示出來，息差最近又拉闊了０．１１厘，比國庫券收益率高２．２７厘，是１９８６年以來最大的息差。息差高是風險溢價的反映，顯示市場對樓市有戒心。

這一切壞消息都指向本月１８日聯儲局的議息，現時債券期貨交易顯示，高達９６％的交易員相信聯儲局屆時會減息０．７５厘，餘下４％的相信會減０．５厘。高到９６％交易員相信會減到０．７５厘，看來減到此數的機會極大，估中無獎。大約兩個星期前，相信減０．７５厘的人仍然只有２％，你話世界可以變得幾快，一堆壞消息，股市插吓，又減多０．２５厘。再加上聯儲局主席伯南克連叫銀行「剃頭」都講得出口，顯示佢無乜計，大減息即使係帶來滯脹的毒丸，佢都要照吞。

不過即使美國減息０．７５厘，香港可以減幾多亦成疑問，減０．２５厘不成問題，可唔可以減到０．５厘就有問題，因為銀行在小額存款已減到差不多無息，大額存款都係唔夠１厘，銀行減得多，在貸款部份要減足，在存款部份減唔足（至少小額存款已減唔足），息差會收窄，即係叫銀行賺少啲，銀行當然唔願意，所以要佢地減０．７５厘可能性極低，減到０．５厘都要還神，美國減息益到香港無想像中咁多。

以美股計，再插多幾日試一試底，挾到確認減息０．７５厘，就可以定番，近減息日應該又炒吓減息炒股反彈。港股要跟美股行，近排當然要試一試底，等美股和美元定番啲再算。

陸羽仁

http://www.hkheadline.com/blog/reply_blog_express.asp?f=5YTPBH5B812303&id=92991&catID=&catType=&keyword=&searchtype=

Mr.Business

2008/3/10 上午 10:59:08

陸羽仁覆網友

長揸：美國提前減息的機會暫時唔大，借貸利息跌到２厘差唔多，因為銀行要賺兩厘左右息差，借貸利息２厘，等佢存款無息，減落去銀行無生意做，所以都要停。

小兵卒：跌市掛鉤存款做唔過，一係有股災，你將來接完貨都好心痛，一係無災跌完下半年又彈，你又錯過咗入市機會。你俾人息誘，其實那些「利息」是你沽出認沽期權的期權金。

白穗禮：係唔係熊市，要睇會唔會一浪低過一浪，第一個位係２１７００點，第二個位係１９３８０點，如果反覆穿，就確認係熊市。

中石化係好股，長線睇好，但近程仍在試低，油價升，成品油唔俾升，業績受壓，要買都要等大插，逐少買，隨時要捱兩三個月，捱得至好。

小豬貓：你供開港股，想加供美股AIG及P&G，　這兩隻都係大股，　睇十年都Ok　o既。

Frankie:你問荷銀評級國壽目標價２３．９元，而家大市淡靜，證券行開始用番好平靜心情看股票，調低目標價陸續來。

阿草：月供加匯豐，睇十年，OK。另建議加中石化或中石油，長線中國缺能源，雖然短線呢啲股無運行。銀行股可選招行或建行，短線又貴又受宏調影響，但長線都要買吓大陸銀行股。

Mkm:招行係好股，但成本３０元太貴，想沽一半換入中銀香港，最好等埋佢出業績睇吓佢啲次按撥備幾多先。

Yuki:睇圖不能準確預測大市走勢，如果唔係，佢炒股都發大達，點解要開班賺人學費？
高位買咗工行輪無止蝕，要有輸清的準備，或等減息後反彈沽出，攞番少少渣再算。

Mr.Business

注：此篇文章版权归香港頭條網所有。

金融High Tea——宏調出力 港股缺油
2008年3月10日

港股上周五跌841點，收報22,501點，期指尾市略彈，收22,560點，只跌610點，比現貨還高水59點，顯示淡友到尾段有鱓收斂，怕大市反彈。不過美股走勢唔配合，上周五杜指再跌146點，跌幅1.2%，跌穿12,000點大關，收報11,893點，仍然是尋底格。

美股上周五初段，還因美國聯儲局加大向銀行體系注資的力度，令銀行股反彈，但後來公佈的二月份就業數據太差，遠低過市場預期，令美股急回，美國在今年頭兩個月已損失8.5萬個職位，令經濟學家懷疑聯儲局要再減幾多息才能阻止職位流失。

信貸收縮，失業急升，美國現時剩下獨沽一味減息救亡，希望捱到第二季大退稅救市的計劃生效，市場估計聯儲局在本月18日減息0.75厘似成定局（不要期望香港銀行可以減這麼多）。在美國大減息的預期下，美元跌到七個一皮，日圓、歐羅大升，美國財長保爾森口講維持強美元政策，實際上美元弱到唔弱，雖然好多大行早已認為美元超賣，實際上美元就超賣完再超賣。美金咁跌法，客觀上有助美國的出口和旅遊，對經濟有少少幫助，但歐羅和日圓升到咁上下，經濟就會受損，美國自己炒過籠中招，就叫外國一齊填佢條數。

歐日齊為美國找數

有網友問香港大公司公佈業績表現不錯，會否令港股表現轉好，陸羽仁就話，港股表現主要受美股和內地股市左右，反而受本地經濟和股份表現影響較少，唔好以為公司業績好股價就會炒高，大市唔就，炒業績炒唔到第三日，所以港股主要睇內地和美國兩個大佬健唔健康，而家美國身燒火魀，睇落內地亦有點難題，要向大家報告纒。

現時內地正在召開全國人大和政協兩會，領導人都出晒鈬，證券界主要注視他們對內地宏調和港股直通車傳達甚麼訊息。溫總發表的政府工作報告集中了領導層對目前經濟局勢的總結，溫總報告指今年要重點做好的九個工作方面，將「加強和改善宏觀調控」放在首位，顯見對宏調的重視，他用了「加強和改善」的字眼，增長過快，以控制物價猛增。溫總把今年通脹率（CPI）定為4.8%，去年本來把通脹目標定為3%，明確表示宏調要堅持「區別對待、有保有壓、不搞一刀切，不搞急煞車」。溫總在重視宏調之餘，取態溫和，表面上對股市沒有負面意義。

高通脹源於高需求

睇內地報告不能單睇表面，陸羽仁找內地高人解畫，以窺全豹。內地高人話，目前中央領導層將通脹當作頭號敵人，全副精神在對付通脹，要繼續大力宏調，防止經濟結果埋單通脹為4.8%，今年就把去年實際的通脹數字定為今年目標，但要保持不高於去年的通脹，有很高難度。

今年1月中國通脹高達7.1%，現時經濟分析師預測，2月受雪災影響，通脹將高達8%，你話今年通脹開壞個頭，要全年平均4.8%，肯定是高難度工程。內地高人話，一般人睇內地通脹的焦點錯了，見到豬肉糧油等食品價格急漲，就相信內地通脹主是供應不足所致，但中央的權威解讀是通脹主要受需求過剩所導致，特別是資金流動性過剩使然，供應不足反而是相對少的問題。

高人話，現時見到食品價格急漲，要解決還不是太困難，種菜周期兩三個月，養豬也是半年一個周期，例如豬肉價急升，中央注意到問題，大力推動養豬，加上肉價上升又吸引更多人養豬，除了雪災那些突發因素，豬價可在半年內因供應增加而回落，所以供應面沒有大問題。

高增長宏調不能鬆手

他再解釋所謂需求面的問題，主要是資金太多沒有出路，所以到處流竄，以出口為例，出口商出口收了外匯，由於國家有外匯管制，有外匯就要上交國家，跟覑就換出大量人民幣流入市面，出口賺匯愈多，流入的熱錢愈多，還未計算因為估計人民幣升值而大量流入的炒作熱錢，所以今年壓低經濟增長數字，就是想壓低需求。

溫總把今年經濟增長目標（GDP增長）定為8%，去年實際增幅是11.4%，即是要把今年的增長壓低3.4個百分點，真是談何容易。內地高人話，「管理層」心中有數，最後經濟增長可能都要到10%，但先講一個低目標，好讓大家先壓一壓，因為兩會過後很多地方官是新官上任，很易大搞建設，現時全國經濟增長定出低目標，溫總報告不提經濟增長，只提改善民生，顯然是一個大方向轉移。

內地實施《勞動法》後，過去不用付勞動保險等福利的散工，全數要支付福利，搞到很多聘用大量散工的廠家成本大升，頂唔順就倒閉收場，現時廣東省有一萬家港資、台資企業面臨倒閉，山東省有1000韓資企業倒閉，外界以為影響這樣大，中央會收回成命。高人話，目前管理層怕經濟增長太高，關一萬家廠，絕對承受得了，若經濟最後實質增長為10%，加上近5%的通脹，就有15%的名義增長，已是高速的快車，對各種資源的壓力很大，所以實施《勞動法》雖有令加工企業倒閉的陣痛，但絕對承受得了。

高人話，國家今年要大力控制通脹，宏調不會鬆手，一般期望管理層在雪災後放寬宏調，這個願望沒有實現，政府只是暗中叫銀行對受雪災影響較大的國企放一放貸，但在政府報告卻表明對宏調態度和決心，把宏調壓通脹的任務放在首位。你可能會問，為何溫總還要講宏調「區別對待、有保有壓、不搞一刀切，不搞急煞車」？

搞直通車非急務

高人話，中央對內地股市的態度是既不想它急升，亦不想它急跌，現時美國次按危機深重，內地股市目前比較低迷，若果中央講宏調講得太勁，怕一下子又打死股市，所以溫總表述宏調任務時比較克制，怕對股市影響太壞。但千萬不以為管理層想股市急升，股市升得急他們又想壓一壓，怕會進一步刺激內需和通脹，所以估計今年內地股市會在4,000點到6,000點之間運行，但管理層不想股市擊穿下方的4,000點，還是有辦法的！

香港人比較關心港股直通車有無得通？若通車何時開車？人民銀行行長周小川在兩會期間雖然無否定港股直通車會開行，但對「港股直通車」的名字諸多批評，話這個名稱有歧視性，話這個是直通，就令人覺得其他是慢車，他暗示開放投資港股，要和開放其他渠道等量齊觀。

陸羽仁在兩會期間得到港股直通車的訊息亦比較負面，但不光是從周小川的講話而來。早前一直傳聞，中央有意在4、5月左右，會實施限制了規模的港股直通車，但中央政府換屆後，掌管金融的是國務院副總理王岐山，恐怕將來人行行長周小川對港股直通車也話唔到事，要聽命於王岐山。高人話，流動性過大是通脹的來源，本來搞港股直通車洩洪也符合這個大方向，但王岐山上任後，首要處理是直接控制通脹的問題，搞纒增加存款準備金甚至加息，比搞港股直通車急好多，所以此政策未必能在短期內推出。

聽完高人拆局，明白內地短期內仍會維持從緊的宏調路線，就不能不對近程一兩個月內的港股睇番淡少少。美股未跌完，近排插下，到18日確認減息之後反彈纒，但真正「終極一跌」可能要等到4、5月才來。與此同時，內地宏調基調從緊，食到應宏調的地產、銀行應無運行，港股直通車短期又開不動，港股就像一架缺油的車，唔係幾開得郁。估計港股短期內大勢要跟美股走，未來兩個月雖然都係大型上落市為主，彈完又會插，但走勢偏淡，股民還要捱一兩個月苦日子了。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

美股棋局         

2008/3/10 上午 09:30:26
網誌分類: 經濟

美股下滑，觸發好多網友問及美國經濟等問題，可以一併論述。

好多網友問陸羽仁，早前我講過美國出現股災的機會約兩成，現在是否維持這個看法。我可以再總結目前的睇法，美國經濟的發展一如所料，所以我維持美股再發生股災式急跌機會約兩成的看法，但對中國經濟的估計卻向下調整，這會影響到對港股的看法。

先說美國，好多人問美國是否經濟衰退，按美國自己的定義，連續兩季負增長就是衰退，而衰退亦有長衰退和短衰退，如果只是衰兩季就回復正增長，並一直向上，這種衰退沒有大問題，但若果是長期（如一年以上）都係負數，呢種衰退就會好大鑊。

目前大家都認為美國經濟第一季好可能係負增長，問題只是第二季的數字，如果退稅在５月推出，應有助於第二季的經濟。美國總統布殊講到出口，呼籲美國人收到退稅之後唔好儲蓄，唔好投資，要拿去消費，實行叫美國人消費救國。暫時估計，美國第二季好可能有番少少正增長，問題是退稅過後，再加上利息減到盡，美國經濟會否再衰過，如果第三季再衰過，美國就會進入一個較漫長的衰退。

以美股計，插完呢一轉，到本月１８日減息前後應有反彈，但反彈過後，到４、５月又跌過，因為４月開始又有第一季經濟的初步數字出來，加上公司的第一季業績又公布，衰數字接踵而出，股市當然無運行，屆時一跌無可避免，問題這是否「終極一跌」而矣。若美國在超低息、超弱美元下，經濟在第三季喘定，仍有正增長，美國經濟渡過了最危險的時期，那麼４、５月之一跌就是終極一跌，所以真正開估的時候，可能是下半年１０月看到第三季數字的時候。

美股跌係預咗，只怕佢急插，假設道指出現一日跌３０００點的急插，咁就全世界都有股災，暫時看成災的機會都係大約兩成，要睇４、５月出啲數有幾肉酸，以及當中有無大公司出事，如巨型債保公司、房貸機構或大銀行倒閉（小銀行頂唔順已是意料中事），突然爆煲，美國減息後又無招可出，那就是最脆弱的時候。網友Tom問美國會否如日本一樣長期低息，低通漲，低增長。如出現這種情況，即係美國跌完起唔番身，美國人極度大使，是全球經濟的火車頭，如果無咗這個火車頭，中國、印度、俄羅斯等國家又未崛起到取代美國經濟的地步，全球經濟增長勢將放慢，這就是一個美國長期衰退的惡劣狀況。

網友日安問，如果現在把人民幣升值及同時把港元與美元脫鈎，會否全世界都得益，因為人民幣升值下相對買入多些入口貨，可以改善美國赤字；至於港元脫鈎升值，香港人口袋裡的錢多了，可以買多些外國貨及投資或資產，促進環球經濟發展。

陸羽仁深明美元狂跌，港人睇住幣值貶值之痛，並要捱輸入性通脹之苦。但大家要記住，而家全球經濟仍然以美國為大阿哥，佢有病都係大阿哥，中國及其他國家，有排都唔追得上它，大家只係細美國二十歲的細細佬，只有美國影響我哋生死，我哋好難大力影響到美國。香港和美元脫鈎，港元幣值急升，我們可以享受一時升值之快，出去旅行啲嘢平番，但跟住貨幣升值對出口、轉口和旅遊業的惡劣影響即係殺到，香港本來乜嘢都貴，貨幣跟美國貶值，中和了東西貴的感覺，有助多種行業，貨幣一升，貴價的問題浮現，乜都無得做。你去加拿大多倫多、溫哥華睇睇，而家唐餐館都好靜，因為貨幣升值，大量唐人回流香港消費去也，所以幣值問題，唔係一個面，有兩個面，要細心想。

人民幣就更加唔可以升值太急，因為中國經濟仍在增長期，有排未到成熟期。陸羽仁聽聞，美國係以反對台獨作為交換條件，逼中國繼續把人民幣升值，中國面對台灣選舉的變局，幾唔願意都好，都要順吓美國意，把人民幣不斷升值。政治相當複雜，特別係國際政治，通常同自己國家經濟利益掛鈎，所以亦有兩個面，要細心睇。

一句講哂，有日本八十年代日圓大升值的痛苦經驗在前，有辦你睇，大升值短期谷起一個大泡沫，日股升到３００００幾點，當年PE２００倍的大公司股票比比皆是，最後都是以爆泡收場，睇完日本的經驗就知，人民幣唔升值咁多，有佢的道理，中國人千祈唔好自大，要明白中國經濟相對於美國，仍然係好細，幣值一急升，相對於美國失卻競爭力，二十年都追唔到。八十年代美國經濟相對於日本都弱過，最記得我讀大學時有本書叫《Japan is No. 1》(日本第一)，美國人大讚日本仔威水，要學佢，結果日本威咗幾年，衰足二十幾年。

扯得遠了，明天續談大陸的經濟變局。

http://www.hkheadline.com/blog/r ... rd=&searchtype=

Mr.Business

2008/3/11 上午 11:11:19

陸羽仁覆網友

哥夫：你話睇完我篇文，覺得全世界充斥著壞消息，但我其實只係估一個上落市，也不應看得太淡。

Wall:你話有貨好唔好沽咗先，等跌再執番，唔係唔得，但大市已在中低位，沽咗上咗去有買唔番之風險，要沽等反彈高啲才沽吧。

Simon仔：同樣道理，若反彈沽少少唔妨，唔好全面清倉（以防睇錯），若想長揸，沽了低１０％、２０％買番，博減低少少成本。

小潘：馬來西亞反對黨得票大增，執政政府有下台風險，股市和馬幣跌係反映緊政治風險溢價。

小兵卒：昨天說波動市做ELI 有風險，你舉匯控做例，接貨價１１０．６７元，如果你預咗揸佢三、五年，呢個價都ok，記住要慎擇股票，而買匯控就係「笨錢」所為，接受到都可以做。

沽兩手和黃，做ELI在９３％接番，首先是假設了和黃會跌，若做了和黃萬一升了上去，就有低價放貨的風險，我唔係講有風險唔可以做，係講要小心衡量風險。

Magnessium:咁多強股都開始便宜，就唔使留意啲弱股也。　　

白穗禮：你叫我比較中鐵、中交建和中鐵建，中鐵和中交建的走勢，似乎有莊家支持，咁大隻股有莊都幾誇張，所以比較基本因素無意思，中鐵建是同類嘢，唔係會唔會引到莊家入叠。但我的建議好簡單，唔好理莊家玩乜，定位止蝕，中鐵建如借孖展，計埋成本定止蝕位，一到位就打靶，相反升到好顛也可以俾番佢。

Yuki:中鐵建若勢弱不宜追，即使將來有人炒高，都唔關你事，唔值得冒咁大風險。

大市在中低位，散戶無乜方向，比較心淡，一見大市好少少就追，好正常。估計未來兩個月都係大型上落市，見太高唔好追，見太低唔好沽，宜守不宜攻。

Mkm：多謝介紹碧斯新書，未買，唔知香港有無邊間書局有現貨買？

Neko:若流感變沙士，要即刻走鬼了。

AlanY:你問那１５００張期指不在低點如２２１００點的水位掃貨，如是真睇好的買家，可能是捕捉見底反彈的水位，如是操控大市的大戶，可能專登放１５００張期指一個盤掃上，等大家都知有大戶做好。

Space A:日圓呢一浪升多少少差唔多，不過月底日本年結前應維持強勢，若之後回軟，到１０５左右可以買番少少日圓，順道恭喜你７月「從此被困」。

Any:９０２在６．３元入了一注，５．８元入了第二注，建議第三注等一等，等下個月大市插深啲時入，買入後要捱吓。

９４１去到乜價，要睇大市，現價已穿１月低位１０８元，睇嚟未來反彈後，不排除會試穿１００元。

Arther:中石化自爆賣油蝕錢，當係挾阿爺補貼，佢好過內銀股，因為阿爺唔想內銀股借錢出街，但想中石化賣油出街，所以會補貼佢。

Mr.Business

注：此篇文章版权归香港頭條網所有。

為甚麼合理價都輸死人？
2008年3月11日

美國杜指上周跌穿萬二點，氣氛轉差。美國信貸市場就如經濟的心臟，金錢如血液，不同行業便如身體各部份。整個經濟靠覑心臟跳動把血液轉送到每個部份。現在心臟疲弱，血液不夠，身體每個部份開始出現問題。

美股跌，港股亦跟隨跌。但就香港近日多間大公司公佈的業績來看，都有不錯的成績。所以到了這一刻，香港經濟還沒有受到重大的影響。

優質股現負「浮動價」

恒指從高位跌了超過三分之一，很多股票股價跌了三分之二，不少優質的股票已出現了負「浮動價」。何為「浮動價」？投機者把股票的股價分成兩部份，第一是根據基本面而得出的「合理價」，另一個便是根據市場面所得出的「浮動價」。「合理價」不難明白，只要俱有財務上的知識，都可大概利用盈利及市盈率計算出合理價。而「浮動價」是一個比較難理解的概念。要掌握「浮動價」，便要從市場結構和社會心理學角度覑手，研究參與者的集體行為。

近日聽見一些朋友說他們已輸掉○七年的利潤，輸的原因是當大市跌到二萬五千點時，他們已開始「低撈」優質股。誰知道愈撈愈低，沒有想過十倍的市盈率竟可以變五倍，最後忍不住要沽貨計數。他們都是很優秀的基本分析派高手，為何在合理價買入優質股，一樣可以輸那麼多?可能就是因為完全忽略了「浮動價」的存在。

當市場主流思想擁抱某隻股票的時候，沒有人會在合理價沽售它。此時股票會大幅向上偏離合理價，出現巨大的正「浮動價」。○七年大市便是如此，即使投資者按合理價買進中資股，仍可以贏很多錢，他們贏的便是正「浮動價」。相反，現在大市氣氛不好，大家持貨的意欲下降，盲目的沽售便令很多股票大幅向下偏離合理價。而這些基本分析派高手便是輸在這負「浮動價」之上吧。

大市仍要時間調節

未來的大市可能需要一段時間去自我調節。美國那邊的問題仍是看不透，所以雖然不少股票的股價已經跌至一個合理的水平，但大家還是不要太積極吸納。如果要吸納的話，最好便是吸納一些基本面強，而股價又已經出現了頗大負「浮動價」的股票。在這麼差的氣氛下，買進價錢合理的股票仍可以輸很多錢。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——掃1500張期指抽高大市
2008年3月11日

港股昨日在美股跌市拖累下，低開114點，一度下跌至22,034點，跌467點，但午後從低位回升，尾市更抽高，以近全日高位收市，收報22,705 點，倒升204點。期指收報22,799點，升239點，比現貨高水94點，成交79,481張。國企指數跌幅收窄至87點，報12,520點，大市成交 870億元。

論股票，昨日主要升一隻礇豐（005）[股價及相關新聞] ，升2.9%，收報120.8元，單是礇豐已帶動恒指升98點。

中環茶友話，昨日大市的變局主要在3點左右發生，當時期指約在22,300點樓下，突然有大戶入市掃期指，聞說成個盤要獱1,500張咁多，結果期指就咁掃高鰦近百點，到呢個大盤做完，期指略回，之後大家就好似鲻醒覺一樣，見人買自己又買纒，回復一點買貨氣氛，大市最後倒升204點，期指好少咁有94點高水。力掃期指，炒高礇豐，在在都有大戶手影也。

內地股市插近敏感位

昨日恒指最低22034點，險守22000點大關，期指更連22000點都穿埋，最低造21960點。不過恒指上次1月的低位是21709點，跌到如今暫時未穿1月低位，大戶都咁上下就掃貨，似乎未想大市一插到底。

昨日外圍環境極差，日股跌2%，新加坡股市跌1%，內地股市更大跌3.6%，但港股卻可以唔理外圍升0.9%，走勢又相當靚，只要美股配合，似乎短期內有機會先彈一彈，離開低位等美國在18日減息再算。

正如陸羽仁之前所講，人大政協開會未為內地股市傳出好消息，而宏調要繼續堅持的訊息正在泌透，阿爺雖然有少少想托內地個市，上周末宣佈再批准發行新基金，但消息對內地市場沒有支持，A股昨天一開市已呈單邊下插，早盤跌幅已超過2%，午後市場更出現了恐慌性走貨，上證綜指最多下跌逾180點，跌幅一度超過 4%，並創出本輪調整新低4120點，收於4146點的近低位，下跌154點，跌幅3.6%。

據內地高人話，內地股市跌得太急，亦非「管理層」所願，4,000點是敏感界線。見股市跌得太急，他們還有好多方法托托市，例如減纒印花稅都係方法之一，如果中央放纒風話會減印花稅，個市即刻可以炒番起。估計內地股市短期都在4,000點至5,000點之間走動，炒開A50基金（2823）[股價及相關新聞] 的朋友也可以留意，不過內地股市上落大，買入要守止蝕。

三通概念開始炒

中鐵建A股昨日於上海證券交易所掛牌，開市報11元人民幣，較招股價9.08元升21%，最高曾見12.18元，最低報11元，全日收報11.64元，升 28.2%收市，較市場預期的40％至70％升幅為低，中鐵建A股也是近排升幅最少的大型新股。中鐵建H股（1186）[股價及相關新聞] 將於本周四上市，未來兩日中鐵建A股的走勢十分關鍵，若A股維持這個水位，唔再上升，H股升幅都有限。

內地股市係咁插，唯獨福建、廈門股開始炒起，主要是炒三通概念，呢個月22日台灣選總統，而家國民黨馬英九領先對手謝長廷成20個百分點，只要小馬哥唔俾人刺殺，呢個總統位已坐梗一半，佢一上場，三通立即加快，所以內地熱炒三通股。昨日香港隻廈門港務（3378）[股價及相關新聞] 都唔弱，跟住內地炒，升鰦10.3%，收報2.68元，在淡市中一枝獨秀。

不過睇其他上升的股份類別，就知道香港個市信心仍弱，公用股表現優於大市，中電（002）[股價及相關新聞] 勁升6.2%，港燈（006）[股價及相關新聞] 亦漲3.5%，煤氣（003）[股價及相關新聞] 升3%，資金暫時夠膽搶公用股，唔係地產股，就知道佢地信心未返晒鈬。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

大陸棋局  
       
2008/3/11 上午 09:47:48
網誌分類: 經濟

美國的世界充斥著壞消息，金融股因為憂慮經濟衰退會令盈利大幅倒退，帶頭下跌，道指跌１５３點，跌幅１．３％，跌至１１７４０點，是２００６年以來的新低。

美股的壞消息多的是，市場傳聞次按主要包銷商貝爾斯登週轉困難，搞到佢股價大跌。雷曼兄第宣布全球裁員５％，即１４００人，雖然節省了開支，但市場仍然當壞消息。巨型對沖基凱雷基金因為銀行追債，現金緊絀，傳聞要大沽股票補孖展。專作槓桿收購的百仕通基金宣佈第四季盈利跌８９％，因為信貸市場「溶化」，今年將缺資金作槓桿收購。在美股大跌及眾多壞消息影響下，今早亞洲市場尚算平靜，日股早段跌幅少於１００點，大家見美股連續三日急跌，似乎在等佢反彈，唔想跌太多。

我一直認為，港股主要受外圍帶動，或者可以講，外資大戶順著外圍股市的大勢來炒港股，而外圍主要跟美股，近年外資對大陸股市興趣愈來愈濃，所以大陸股市的走勢間接對港股亦有影響。要睇未來一兩個月股市走勢，主要睇美股，其次睇大陸股市，本地公司業績並無左右大市的作用。美股走勢暫時如早前所料，在減息潮中反覆向下，到４、５月減息招數用老，又遇上壞消息的高峰，唔能夠睇好，所以唯一未知的是大陸股市，而人大政協開會就是窺探今年大政策的好機會。

現時大陸樓市放緩，股市亦跌到近４０００點的中低位，大陸管理層可以視為宏調已經足夠，差唔多要停手；但換一個角度，又可以視為宏調未必能控制通脹，要維持大力度宏調。中央用何種角度看待目前的局勢，起碼決定了未來一兩個月內的短期政策，若認為宏調已夠，會利好股市；若認為宏調未夠，就利淡大市；兩會傳出領導人的訊息，係覺得宏調未夠，所以大市短期內仍是「有反彈，難大炒」。

你地可能唔知內地可以用幾大力去宏調，在一個專制制度，若有心做一件事，可以集中力量好快咁做。舉兩個例子你地就明，一個係銀行貸款，另一個係勞動法。

內地認定通脹的源頭是需求性的，主要是資金流竄搞到經濟過熱，所以要出大力去控制透過銀行體系流出的資金，去年大陸銀行股炒得熱火朝天時我都講過，大陸加吓息加吓存款準備金唔係咁大問題，但出到行政手段控制貸款，那就是來真料的時候。到去年底中央開始大力用行政手段控制貸款，到今年初，阿爺要將今年銀行貸款控制在去年的規模，並定出每季可借出金額的額度，銀行一借夠就要停手，唔可以再借錢出街，最誇張的是好多銀行今年第一季的額度，在今年新曆年第一日開工已用完，即係第一季餘下的日子，銀行無大錢可借，要等第二季有新額度才可以再借。

一個有搞大陸樓的香港發展商對我講，一間香港大銀行的阿頭事先提醒他，「今年大陸對借錢控制得好緊，若你要向我大陸的分行借錢，最好早三個月同我講，等我事先安排好，否則臨時通知我一定無錢借俾你，唔係我唔夠朋友，唔係你信用唔好，係我根本無額度可以借俾你，你要自己執生啦。」而大陸銀行的高層有好多老友，銀行高層事先通哂水俾老聽，叫哂佢地在每季第一日排定隊等借錢，所以才有第一日就借清的現象。

咁o既環境，第一個死就死靠借貸運作的內房公司及其他借重債的企業，第二個先至死銀行。靠借錢運作的內房股，若搵唔到新水源，就會乾塘，所以預計有一些實力不夠的內房公司，有倒閉的危機，國營公司可以靠阿爺最後支持，但民營企業就只能靠自己。而銀行有錢都無法借出街，盈利自然受影響，若這個政策持續，今年全年銀行貸款出街不可以多過去年，加上投資收益又比去年少，咁內銀股業績有會唔會倒退呢？

既然人大政協傳出管理層繼續宏調的訊息，唔可以寄望一兩個月內就變，所以大陸股市短期內仍然是「有反彈，無大升」的格局。

（明天續談勞動法等問題）

陸羽仁

http://www.hkheadline.com/blog/r ... rd=&searchtype=

Mr.Business

2008/3/12 上午 11:28:00

陸羽仁覆網友

Ray:你問我在五月底前恒指是否低於５０％機會升穿２５０００點。我早前睇得樂觀少少，認為人大政協兩會的消息應該比較正面，但事實上傳出宏調仍緊的訊息，所以將樂趣估計住後推，將短期內大市的波幅住下調，５月底前應在２１０００點至２５５００點中間走動，上穿２５０００點的機會細過５０％，上穿的風險在港股直通車，如果推出就會出現大突破，下穿的風險在美國經濟及金融機構的情況，例如有大型金融機構唔掂，有機擊穿下方。目前反彈在進行中，過完月底結算有機再向下。總之４、５月是累積風險的月份。

牆頭草：呢一舖擺明外資大戶收到風先啦，就挾死在２２０００點邊做淡的散戶，昨日早上回落到２２２００點是一個狹窄的逃生門，唔識走已被挾死。

KFC:上落市如果炒作，應是高沽低揸，如要長線，都要在２２０００點左右先至好入，入咗貨可以坐耐少少。

Tom:呢一轉加上聯儲局放水措施，起碼會彈上２４０００點，有機衝一衝２５０００點，有國壽可以睇多一兩日才食。

鳯陽花鼓：美股應有一段反彈吓。

Wenthlyn:中煤１７元入，若反彈上入貨價，大市又在２４５００點或以上，沽吓唔拘。

Clmama:美股三期結算應在２０日，但美期結應不如香港那麼波動，香港人為因素更重。

Johnny:我的估計和德銀估的接近，人民幣全年升值５至７％，上半年多下半年少，小心美國民主黨人上台後美元轉勢，但人民幣勝在郁得較慢，走得切。

S2000:內房股這一轉下插，同我講對兩會的講法一致，大陸投資者收到宏調持續的訊息，內房股是重災區，它們是當頭跌，你已有兩手Soho在手，先不要急加注，等４、５月大市再插時再算，內房股反彈也未必彈好多，小心彈完跟大市再插。

Yuki:大陸地產股價錢雖然跌到幾吸引，但收埋人大政協兩會的風聲後，我估內房股未跌完，唔好太急買，要買都慢慢分段買，它們好可能是今年的弱勢股，世茂１３．６元計，全年低位１２．１元，我估佢有機試低位，中海現價１３．９８元，全年低位７．９８元，佢係國企，大家唔驚佢執，但估計有機再試低少少，可以先等一等。

日圓跌到１０５圓可買，估計下一浪在４、５月間，有機會升近１００大關。

第一季結算有機會粉飾吓，所以反彈浪有機會捱到月底，只要之前不要升得太急。呢啲反彈浪升幅有限，你追二、三線落後股，怕追得來已炒完，小心。應是低買高沽，要在低位忍心入市，但無入較難追，追到只能食少少就走。

電盈公布完業績，只炒業績唔應該咁急，似炒賣盤，早兩日升得太急，即使老闆有心賣盤，短期成事機會不大，小心急抽完又回，今日人升佢唔升，怕已派貨。

Any:想三注入電盈，小心啲為上，唔係佢唔可以升，而係早兩日升得太急，唔正常。

你想在港鐵、中銀香港、國壽和中交建四選三，前兩者應該穩啲，後兩者應進取啲，要睇你自己想要乜。無入中海油，想入中石油，我估中海油無下遊業務，無受價格管制，短期表現會好啲，等下個月大市若再回至２２０００點時，再考慮中海油吧。

Elle:４、５月美國大市再回，似乎難免。

Govia:中鐵係好股，但價較貴，等跌到７元邊才考慮好啲。

日安：電價補貼遲早發生，或者可以向煤業徵暴利稅。

琪兒：你問乜數據重要啲，我估零售銷集、核心通脹和新申領失業救濟人數三個數字重要啲。

Mr.Business

注：此篇文章版权归香港頭條網所有。

金融High Tea——壞消息照升 搶住炒減息
2008年3月12日

股市有時就係炒纒相反，美股道指早一日都跌超過150點，恒指昨日隨美股低開71點後，上午反覆下跌至22,263點，最低跌過422點，又跌番到近 22,000點大關，但下午又重演前日的一幕，下午開市就轉向抽上，結果反升至22,995收市，倒升290點；期指收報22,885點，倒升86點，比現貨低水110點，成交83,857張，大市交投890億元。

國家統計局昨日公佈，中國2月居民消費價格指數（CPI）同比漲幅高達8.7%，遠超市場預期，並創下逾11年來月度數字新高，中國人民銀行行長周小川在北京出席兩會會議時表示，貨幣政策應該要應對通貨膨脹問題．暗示中國要加息，上午股市一度受內地CPI數字影響，國企指數亦曾跌至12,112點，但下午國指隨大市倒升上12,591點，以近高位12,589點收市，升69點。而內地股市亦喘定，上證綜指收報4165點，漲19點，升幅0.5%。

高息公用股受追捧

美股連跌三日，日日都跌得好甘，但昨日亞洲開市已經好似唔想跌咁，日股跌唔夠100點，當時我同經紀張吹水，話亞洲市有少少唔想跌，似乎在等美國反彈，不過後來港股愈跌愈多，跌到400幾點，又近22,000點大關，我只能話睇埋下晝個市先至講。不過亦估不到下晝市完全和前日下晝一模一樣，唔止反彈，仲要倒升。以昨天收市價計，大市已從周一低位22,034點，升番接近1,000點。

昨日大市主要都係扯住礇豐（0005）[股價及相關新聞] 升，大笨象再升1.7%，升到122.9元，帶動大市向上，另一隻巨股中移動（941）[股價及相關新聞] 最多跌過4.1%，低見106.5元，係上午跌市元兇，但下午抽番上來，最後只微跌0.5%，以110.6元收市，頂住兩隻大№，大市就有升幅。

中環茶友話，美股大跌三天後，醞釀反彈，下周二聯儲局議息時起碼減息0.75厘，大戶在22,000點撈貨，應該是搶先炒減息，若這個估計正確，大市應回穩，仲會反覆炒纒反彈。

茶友話，過去一個月恒指的走勢本來呈一個漸收窄向右的三角，但這一浪跌市，又擊穿三角下方，把波幅向下拉番大，暫時維持一個上落市的格局，下方未穿1月 22日的低位21709點，但向上亦難突破1月25日的高位25,243點，甚至升高過24,000點就會行人止步，以現價計仲有千零點水位玩纒。

昨日升幅較大的巨股都係公用股和收租股，都好符合減息概念，存款入銀行將來差不多無息，唯有買纒公用股收息，息率1.4厘的煤氣（003）[股價及相關新聞] 升1.6%，息率3.9厘的中電（002）[股價及相關新聞] 升3.7%，息率4.3厘的港燈（006）[股價及相關新聞] 大漲5.3%，地產收租股都唔弱，息率3.5厘的太古A（019）[股價及相關新聞] 亦升4.4%，簡直係升幅同息率成正比，派息愈高，升得愈高。呢一期興炒高息公用股，也是搶先炒減息的概念。

半公用半地產的港鐵（0066）[股價及相關新聞] 昨日公佈不俗的業績，去年全年純利151.8億元，較對06年度同期增長96%，其中有部份係重估收益，每股盈利2.72元，建議派末期息每股31仙，股價亦升2.12%。

日圓拆倉潮近尾

美股跌美元弱，全球金融商品市場仍然大亂，油價升上108美元，你話油價升好多，但在歐洲人眼中唔係咁，5、6年前歐羅兌美元做0.87，而家歐羅升到 1.55，升鰦78%，若以當日歐羅的匯價水準計，而家每桶石油等如當時60美元左右，所以超高油價主要影響美國及幣值跟著美元貶值的地區（如香港），匯價升得多的地區，買以美元計價的石油，感覺無升得咁厲害。

在呢一轉美元下跌潮，部份亞洲貨幣不升反跌，包括韓國、印度貨幣，以及澳元、紐元，前兩者應該和資金流出有關，後兩者則和日圓拆倉盤有關。中環茶友話，日圓早兩日升上101.5圓時，做套息交易的對沖基金要急住拆倉，沽出高息貨幣如澳元、紐元，補番日圓倉，澳元、紐元又跌番到短周期的低位，而家在低位略彈，澳元在0.916，紐元在0.7886，由於這兩隻貨幣主要在區間波動，現價買入，在拆倉潮過後，可博一次短線約5%的升幅，但月尾日本年結時，日圓可能再抽一抽的波動，買高息貨幣到時可能要捱一捱價。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

灌水救市  
       
2008/3/12 上午 09:53:54
網誌分類: 經濟

美國聯儲局灌水救市，谷到美股道指大力反彈４１６點，升幅高達３．６％，回升至１２１５６點，是五年以來最大單日升幅，今日暫停講大陸經濟，先講講美國聯儲局如何救市。

聯儲局公開市場委員會開了特別會議，一致通過聯儲局借出２０００億美元，以每個月定期拍賣方式，讓主要的銀行和金融機構提出息價，直接向中央銀行借貸，聯儲局特別容許金融機構以AAA級的按揭證券抵押貸款，聯儲局同時和歐洲和加拿大央行商定類似計劃，兩地央行向市場投放４５０億美元。

大家應該知道，次按危機令整個債券市場癱瘓，不止次按債券無人要，連其他優質的按揭證券及企業債券都無人要，出現所謂信貸緊縮的問題，人人唔敢借錢俾其他人，怕出現系統性危機時，幾好信用的借款人都還唔到錢。信貸不斷縮，就如黑洞一樣，把所有東西吸進去，有價值的投資產品都跌價跌不完。

聯儲局的措施就係想打斷這個惡性循環，你唔借我借，容許以優質按揭證券做借款抵押品，等如讓擁有大量優質按揭證券的金融機構，可以較易直接從央行那裏借到錢,唔使在銀行同業市場拆借。去年１２月聯儲局已推出大型的注資計劃，但效果有限，今次擴展到可以用按揭證券抵押，都算做比較大手筆。

聯儲局此舉等如間接買那些按揭證券，因為銀行以此抵押向央行借錢，它們還唔到錢時央行就擁有這些證券，等如聯儲局變相入市買按證。有市場人士話不如再直接一點，由聯儲局直接入市大量收購按證，不過聯儲局話咁樣就直接干預市場價格，不如用現在建議的方法。

救市方案一出，按證價格即升，最大按揭公司房利美擔保的按揭債券，相對於十年期美國國庫券的息差，由原來的２．２８厘，收窄到２．１２厘，而正常時期只有１．３８厘。

聯儲局的大救市措施降低市場對月中減息幅度的預期，從利率期貨市場交易顯示，現時只有２％交易者相信聯儲局會減息１厘，相信減０．７５厘的亦只有７６％，由早前差不多有１００％相信會減息０．７５厘或以上，下滑了２０多個百份點。不過綜合而言，減息０．７５厘的機會仍然相當大。這種局面對香港較有利，因為美國減息太多香港都跟唔到，聯儲局出其他招數若果有效，香港會更受惠。

美股早前上衝１２７０００點關口不破，幾日大跌了１０００點，如今在低位反彈，跌得多自然彈得多，要先看能否企穩在１２３００點樓上，若能企穩應再衝１２７００點。聯儲局救市加上美股大升，亞洲股市反應良好，日股早段升３００點，港股應有像樣反彈，先向２４０００點進發，但升近２５０００點時，阻力又到，港股短期應該是維持一個上落市格局，現時在谷底反彈中。

陸羽仁

http://www.hkheadline.com/blog/r ... rd=&searchtype=

Mr.Business

2008/3/13 上午 10:07:05

陸羽仁覆網友

Ray:如果從投機的角度，怕４、５月跌，３月見高位真係可以減吓貨，投機講出入時機，執生。但從投資的角度，關鍵是你手上貨多不多，入市位夠不夠平，如果貨不太多，入市位夠不夠平，就唔好出出入入，因為一則４、５月未必一定大跌，二則出咗可能唔敢入番，正如有網友有１０元買的國壽，我就唔建議佢出出入入走小波幅了。

你問會否反彈到月底，我話要睇外圍有無大逆轉，也要睇升得快唔快，如升得太急，好快炒近２５０００點，反而唔係好事，大戶可能未到結算已炒高放貨。

你問港股直通車即使來，會否無想像中咁好，我話一定係咁，去年因為港股直車，港股從２３０００點彈上３２０００點，升９０００點，外資會利用此超高期望，推到咁上下就派，但可能都會先升３０００點、４０００點，都係重大升幅。

Yuki:你問大戶C朗在乜「情況有變」下，會提早收場，我估最可能是大陸股或美股大跌，若大勢唔就，推高會好犯本，我係佢會提早散場，或先放低抖吓再算。

你早前問呢啲市可以做乜，如果你真係投資的我，只能在低位慢吸，一反彈就要忍手。

大陸市跌近４０００點，是買A50的機會，但我唔敢話係「黃金機會」，因為佢絕對有可能會跌深啲，但一彈又會彈得好急，要買分段買好啲。

Athena:唔好意思答漏了你，首都機場本來隨大市回，但公在收購新機樓後被評價貴，所以一直插，在旺市時，貴一貴注資都無問題，但在淡市時注資都未必係好消息，破位向下後，芬佬借機出貨，股東要捱吓啦。基本因素不差，但淡市無人炒奧運概念，有乜概念都無用。

三心兩意：平保購富通影響係點，要研究吓才答你。大戶按理未食夠，要觀察。

Bdroom:華創係慢股，一般升得遲，所以有咁走勢。

Ibn42:銀行佔屋主４９％股權，和央行接受以按證抵押，是兩回事，央行放水等如政府孭數，而銀行削債兼債轉股就係銀行孭數，銀行當然唔想自己孭啦。

Mr.Business

注：此篇文章版权归香港頭條網所有。

金融High Tea——股市C朗扭到你頭暈
2008年3月13日

聯儲局大力放水救市，美股杜指早一日急升416點，恒指昨日高開742點，見23,738點後回落，下午低見23,139點，只升得143點，不過大市走勢蠱惑，捱過跌勢尾段又炒番高，恒指收報23,423點，升427點。期指收報23,350點，升465點，比現貨低水73點，成交78,788張。國企指數升幅收窄至289點，報12,877點，大市成交899億元。

今次聯儲局和多國央行掟水救市，唔可以話唔大手筆，單是聯儲局最多可借出2,000億美元（約1.6萬億港元），以每個月定期拍賣方式，讓主要銀行和金融機構直接向聯儲局借貸，最特別的地方是容許金融機構以AAA級的按揭證券抵押借款，此舉等如政府✈數，承認那些價值急跌的按揭證券之價值，讓金融機構可以用它們來抵押借錢周轉。

中環茶友話，次按令債券市場停頓，即使優質的按揭證券無人敢接，金融機構日漸乾塘，信貸緊縮如黑洞，把金融機構吸扯進去，所以聯儲局要出手頂住，大放水喉讓金融機構借錢周轉，打破信貸緊縮的惡性循環。信貸緊縮的根源在於美國樓市急跌，而銀行周轉不靈好易死人，聯儲局大力放水，應該對金融機構短期周轉有些幫助。

大手買完就護盤

茶友話，聯儲局出此重招後，本月18日議息時減息幅度會略減，以前有不少人估會減到1厘，起碼都減0.75厘，現時減0.5厘的機會在上升中。估計聯儲局還有1.25厘減息空間，若今次只減0.5厘，剩下還有0.75厘水位，可以再減兩次。

美股急升400幾點，港股開市升700幾點幅度尚可，下午開市一度回落至只升143點，極度樣衰，市場話大市受內地股市急跌所拖累（上證綜指收市報 4070點，跌95.8點或2.3%）。當時經紀張心情極度低落，問我點睇，我就反問，若有人在22,000點做鰦好倉，食千零點夠唔夠？夠就派貨走人，唔夠就要坐纒食深鱓，唔似咁快玩完，結果等內地收市跌定後，港股尾段又炒番上，經紀張心情隨大市而轉，見個市升番，成個人又生晒。

陸羽仁同中環茶友傾開，話本周一22,200點低位附近有人大力掃入1500張期指好倉，都相當玩№，到睇完昨日聯儲局決定救市，就更加印證了早前一些想法。大戶要買期指，可以唔使咁張揚，要獱1500張期指，會叫經紀慢慢獱，每15分鐘買500張，慢慢買到夠，然後?個平均價，咁樣買最平。1500張期指一個買盤咁掟落場，會把期指掃高，買都買得貴鱓；咁買法入貨者唔止入1500張，隨時入鰦過萬張都唔奇，假設有大戶要買1萬張期指，頭8500張分段慢慢買，到最尾1500張就一Q掟入場掃，自然有轟動效應，佢地唔係做鰦好倉驚無人知，而係尾盤咁樣一掃，掃高200點，拉勻平均入貨價，比收市價都有賺，掃高期指按金都俾少鱓。

氣氛轉好 強股升多

聯儲局搞咁大單№，好難滴水不漏，周一市場已傳聞聯儲局提早開會議息，點知真係開會，但唔係議息，係放水大救市。周一入市掃期指的大戶，或者咁叻睇到股市見底，或者事先收到風，總之低位入飽貨，掃高之後，就頂高礇豐（005）[股價及相關新聞] ，並扯住中移動（941）[股價及相關新聞] 唔俾佢跌咁多，所以周二美股跌港股仲有得升。唔好以為昨日升得少，港股偷步升，已從低位彈番1,400點。

至於後市點睇，要睇低位掃貨的大戶食夠未，睇佢呢幾日的功架，成個C朗拿度咁款，係扭波王，早兩日一插又彈，昨日又抽又插再彈，扭到散戶暈陀陀，好似昨日，你見插番到近23,000點，即時反手追沽，馬上中伏。

唔好咁近觀睇C朗的腳法，睇到你眼都花，好易俾佢左打一巴，右打一巴；要睇纒C朗盤球的大方向，基本上係護盤向好，跌鰦都扭番上，如果覺得佢做鰦好倉未夠喉，應該仲會反覆向上彈，現在大戶炒作，都講轉膊要快，如果內地個市定定懐，可能會過鰦24,000點之後先隨時射波食胡，如果情況有變，C朗夠膽死執多少就算。

大市氣氛強番，公用股唔係好得，升都係強股升得多，以油股為例，無下游業務的中海油（883）[股價及相關新聞] 大漲3.6%（下游零售業務會因價格限制而蝕水），上下游兼備的中石油（857）[股價及相關新聞] 升2.8%，主要做下游的中石化（0386）[股價及相關新聞] 升得最少，只升1.6%。所以大市升都係強股最覑數。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

大陸棋局（２）         

2008/3/13 上午 09:25:11
網誌分類: 經濟

美國聯儲局出招後，美股昨日反覆偏軟，道指早段曾上升超過百點，但後來因金融股走勢疲弱，道指跌４６點收場，收報１２１１０點，在大升４００點之後回吐幾十點，也在合理範圍之中。不過美元走勢仍弱，油價上過１１０美元的高位，日圓稍軟後又回頭，做番１０１．５的高位，顯示匯市信心仍然未定。日圓強日股跌，日股早段跌超過２００點，港股也有點回吐壓力。

不過講起市弱，大陸市場都幾弱，上證綜指昨日跌近４０００點大關，收報４０７０點，在多國央行聯手救市、全球股市大升之日，唯獨A股大跌，由於金融、地産兩大權重板塊的聯手下插，上證綜指又再試低位。

正如我在週一時所講，人大政協兩會透露出宏調不會放鬆的訊息，對內房股和內銀股是重大利淡訊號，加上２月通脹數字高企，令市場擔心好快又要加息，令大陸股市偏弱，美國唔得，大陸又唔得，香港兩大靠山都唔多掂，港股因而上升缺油，又係一種「有反彈，難大升」的格局。

其實今天開始，大陸宏調沒有鬆手，效果也初步浮現，雖然２月通脹數字因雪災而創８．７％的新高，但貨幣供應已見回落，反映貨幣流通量的2月末廣義貨幣餘額M2同比增長17.5％，增幅比上月末低1.5個百分點，比2007年末高0.7個百分點；M1同比增長19.2％，增幅分別比上月末和上年末低1.5和1.9個百分點。貨幣供應在減少中。

不過大陸領導層汲取了去年的教訓，改變了一點作風，今年宏調偏硬。通脹飊升影響民生，令大陸人民生起懷念朱總理的心情，話朱鎔基當年宏調夠手硬，雖然股市無得炒，但起碼買嘢唔會貴。但如今溫總唔夠手硬，物價係咁升，搞到股市都跌，咁就無樣好了。出現這種情緒，乖乖不得了，唔控制通脹，做領導都無運行。

要控制通脹，除了要控制貨幣供應外，也要打擊需求的源頭，要控制地方政府以GDP為綱大搞建設的心理，控制樓市過熱令建築相關的物料如鋼材、水泥等生產資料大漲，控制低增值的加工出口業等等，總之GDP過高，唔搞好過搞。

以新勞動法實施令廣東１萬間加工廠可能倒閉為例，廠主嘈到拆天，陸羽仁一直觀察管理層會否讓步，過去的慣技是有反對就妥協一下，暫緩執行或減輕力度，但今次卻寸步不讓，硬手執行。

新勞動法要僱主為臨時工交足勞動保障，好多工廠一直大量依靠臨時工方式減輕福利開支，如今全部要買勞保，一個等如一個臨時工加一倍人工，工廠自然頂唔順，廣東１萬間廠倒閉，對經濟的影響不言而喻，但大陸高官形容為陣痛，要頂過去，他們睇到新制的好處。第一，現時講「以民為本」，新勞動法保障工人，自可收買人心。第二，現時預計今年GDP增長為８％，實際隨時有１０％，這是扣減通脹的實質增長，加埋起碼４．８％的通脹，有近１５％的高速增長，自然唔怕工廠倒閉減慢一些增長。第三，大量加工業增加人民幣升值壓力，商務部部長陳德銘表示，自05年人民幣匯率改革至今，人民幣匯價已經上升超過16%，因中國外匯儲備１４０００億美元計（現時其實超過１５０００億美元），由８算以上跌下來，唔見１６％，等如唔見咗差不多１８０００億元人民幣，由於加工廠增值少，數額大，做成的外貿順差令美國逼人民幣升值，升值損失點補都補唔番。你諗吓一問廠出口１００元，老闆賺５至７元，但唔上市的工廠走稅走得好厲害，交唔到１元稅，但中國要為這些出口加工業承受很大的人民升值壓力，覺得唔化算。第四．廠佬賺錢之後，又在內地炒作，增大熱錢流動和通脹。

所以大陸引刀成一快，借勞動法殺一批工廠，香港人利用大陸廉價勞工廉價土地開廠賺錢的好日子，一去不復返。但一時間殺咁多廠，又會對原料等需求有短暫的壓抑，對相關行業不利。

簡單總結，內地一日未把通脹扯落來，仍會硬手宏調，以通脹慣性在年頭高慢慢落的走勢，大力宏調的日子，起碼還要維持一兩個月，股民又要捱了。

陸羽仁

http://www.hkheadline.com/blog/r ... rd=&searchtype=

Mr.Business

2008/3/14 下午 12:10:14

陸羽仁覆網友

網友有些爭論，同意網友高追人的意見；有容乃大，無欲則剛，希望網友有守望相助精神，交流意見及資料。

Ray:你問港股是否進入了熊市，我認為未確認進入熊市，但買股者要有「萬一」進入熊市的準備，如入熊市，無兩三年搞唔掂，你買股就要預備「萬一」的情況出現（可能其實係「五一」，唔係「萬一」），自己坐貨唔坐到三年，自己執生。

至於港股直通車，可能要等王歧山坐定，在大陸股市已穩定，但港股較低時推出，大陸股市太差唔敢做，港股太高唔可以做。要小心推出時可能和開放其他地區投資同時推出，或限制了每個人的投資上限。

廣東產業轉型唔會停，但大陸整體要消化勞動法的負面消息，短期內應不會有其他新政策。

s2000老襯集團CEO及Hong 仔：有關網誌意見已向頭條網IT部反映。

鋒仔：你得一注，若要在國壽和阿里巴巴二選一，我話國壽好啲，因為阿里巴巴風險仲高啲。

匯徒：２０元咁低價入神華，成本平，可以坐吓，等待黎明。

IYY：１１８元入２８２８第一注，應是近期低價，市況不定，已有貨在手，不用太急，可等佢穿１１８元，例如去到１１０元才入第二注。

白穗禮：所謂強美元政策，係話美國會用一切方法去支持美元較高的匯價，但現實上得個講字，一啲都做唔到，高赤字和樓市危機，再加救亡大減息，足以推低美元。

皮蛋：中海油回歸A股是萬事俱備，只欠東風，大陸市唔好，阿爺會拖慢大型上市集資，怕抽走更多資金。

牆頭草：你問大陸股市衰到幾時，若論基本因素４０００點仍貴，所以若無阿爺出手支持，跌到３０００點都可以，但我仍然估計阿爺愛干預，怕股市跌得太急民憤大，所以有機干預。

Dich:我講過華能回落後可吸，但短期走勢極弱，要小心低處未算低，可以分段等跌市時，放盤在低位買，４．５元有機會見。

Bdroom:雖然靠估話對煤業會徵暴利稅，但一則未必會，二則要徵稅都係煤價好高時的Happy problem,唔好因為咁沽中煤。煤業長線可投資。

大笨袋鼠：你講得好有道理，就係因為凱雷的按揭資產在聯儲局救市後更有價，聯儲局願意九折收來作抵押品，銀行更唔怕清凱雷盤收番啲抵押品入自己的帳薄，你聽過「債大不倒」吧，凱雷的抵押品如果跌得甘啲，反而銀行有顧忌。

Any:我唔知你貨多唔多，若多貨在市場不穩時，沽一點出街，增持現金，係好事，但若貨不多，就不用全線清貨，Soho弱啲，可惜跌得咁深，唔知點叫你沽，而港華燃汽會好啲。

鳯陽花鼓：後市睇美股企唔企得穩，若企得穩，炒減息可以試吓２４０００點。

Christine:你問油價上升空間，我就話有限，高盛話超常情況可以去到２００美元，我估到時會世界大亂，全世界都超高通脹，各地經濟爆煲，結果油價都爆埋，但油價短線再上一啲都唔奇，起碼在美國減息週期完結前，仍有機會上。所以不排除中石化會再試底，一年低位５．８元有機會重現，此股暫時勢弱，只能在跌得好甘時買。

阿K:恒生已除息，但要買可以分段買，等回深啲安全啲。