【专题讨论】转载香港頭條網陸羽仁, 王雅媛的文章

Mr.Business

2008/2/27 上午 01:13:49

陸羽仁覆網友

各位問到財政預算影響，線人話俾陸羽仁知，預算案計劃大派錢，上中下各階層都派，降薪俸稅標準稅率，增免稅額，降稅階，退稅可退到稅款７５％，派老人金，派多一個月綜援，免四季差餉，免紅酒啤酒稅，降利得稅等，都會把錢注入市場，有利本地經濟，消費，甚至樓市。增加勾地表土地，略增了土地供應，有少少平抑地價作用，但整個預算案對樓市的影響正面。

至於股市，不知從那年開始，愈來愈國際化，受預算案的影響較少，不能期望有太持續影響。

YY太：做得３０厘的ELI，就要預咗接貨，俾得３０厘你，都知道你收的期權金幾貴，而期權金同波幅同風險掛鈎，你就知風險有幾高了。

陳永仁：你問美國政府點解唔接次按組合，昨日已講過，共和黨核心人物唔同意政府救失敗的企業。大市跌了下來，好多龍頭股都好平，唔使買波司登噃。

S2000:渣打業績叫做OK，唔知次按撇淨未，但大陸生意都幾好，可以等佢回吐時吸納，２３X元的價錢都可以。

周生生有人維持秩序，暫未向上突破，等突破再買未遲。

公主：１５．８元買了中鋁，都唔係無機會見家鄉，當時無止蝕，而家守吓啦。

Alan Y:歷史上好似無巨型債券保險公司倒閉（但美國乜嘢事都有機會發生），只是橙郡政府試過還唔到債券借貸。

安東：美國的銀行唔係撇突，係初時撇唔夠，結果要不斷撇完再撇。但大撇帳後，資本減少，唔符合資本充足比率要求，就要四維拉人入股。

Dawndawn:我話彈一彈再尋底，主要講美國銀行第一季業績４、５月出時，才是最後一轉壞消息到來的時候。

Brian:傳百麗收購美麗寶，大家做過行，百麗收購得應該計過數，本屬正面，問題係夠唔夠錢買，會唔會向股東伸手。

長揸：越南土地成本和中國接近，但人工平一半，所以大量廠遷住越南，當地經濟有一排旺，越南基金可吼。

Mr.Business

注：此篇文章版权归香港頭條網所有。

金融High Tea——開盤前地產股炒反彈
2008年2月27日

美股造好，港股跟隨回升，高開296點，尾市升幅擴大，收報23,715點，升446點；國企指數升124點，報13,327點，大市成交只有687億元。期指收報23,767，升407點，比現貨高水52點，成交130,750張，投資者繼續選擇性炒波幅。

內地股市則表現反覆，尾市在石油股回升下，終於略為造好，滬綜指報收4238點，上漲1%，深成指也收窄跌幅，報收15,328點，跌1%，兩市成交額共計1,381億人民幣。

美股前晚受標普將美國最大債券保險商MBIA的「AAA」評級，從負面觀察名單中剔除刺激，三項指數均急升逾1%，引領港股昨天重拾升勢，升幅達 1.92%，成交686億元，雖較昨天的630億元略增，仍屬偏低水平。窩輪成交方面，昨天佔大市總成交縮減至31.9%，即219億元。

礇控輪成交急增

港股呆滯，指數可以升四百幾點，同礇控（005）[股價及相關新聞] 股價向好有密切關係，中環茶友留意到，下周一礇控將公佈業績，礇控股價上周末在美國預託證券市場上升約2.4%，帶動股價於港股市場表現轉佳，昨天亦推到去119元以上水平收市，礇控輪前日成交增至約15億元，佔整體窩輪市場成交比重超過6%，昨天礇控的窩輪成交更進一步增至16.96億，佔整體窩輪成交亦升至7.74%，反映隨覑礇控公佈業績臨近，投資者亦熱衷追捧礇控輪，應了一句生意淡泊，不如賭博。

究竟礇控公佈業績點至係好、點至係差？茶友話，最重要係睇兩樣，一樣係撇帳，是否撇得夠清，另一樣係派息，前者老散可能好難分得清點叫夠，反而派息最易睇，總之無減派息就可以收貨，因為現時礇控有5.6厘息，只要撐得住派息，個股價就容易有支持。

昨日另一隻涉及衍生產品投資的渣打集團（2888）[股價及相關新聞] 公佈業績，截至去年底止全年業績，期內股東應佔溢利上升25%至28.13億美元，屬市場預期上限，股價在倫敦升約6%，對大型銀行股算是利好消息。

昨日大市另一個升市火車頭係地產股，中環茶友話，最近有大盤會開，根據過去經驗，開大盤對地產股價通常有刺激作用，炒法多數係開盤前踢高地產股股價，到開盤期或之後，股價就回落。過去幾個月，樓市缺乏大盤，今次將軍澳有新盤推出，初步認購有一、二千個，反映市場承接力不弱，地產股在過去一個星期陰陰跌，有條件形成一次反彈，大戶炒股趁好消息做工夫，長實（001）[股價及相關新聞] 、恒地（012）[股價及相關新聞] 、新地（016）[股價及相關新聞] 、新世界（017）[股價及相關新聞] 升2至7%。

預算案應利好經濟

今日財政司司長曾俊華會宣讀上任後第一份財政預算案，一般估計，今年政府會有過千億盈餘，最多甚至有人估有千五億，但比較近磅應該係千一億左右。庫房水浸，政府有條件派糖同大灑金錢搞基建，理論上應該會對股市有刺激作用。

不過，陸羽仁留意到，回歸後預算案同股市的關係似乎疏離鰦，就算預算案採取擴張政策，但股市未必上升，一個重要原因，是現時港股組成改變，大量內地巨企在香港掛牌，好似中移動（941）[股價及相關新聞] 、中石油（857）[股價及相關新聞] 這些萬億巨企，都同本地經濟無密切關係，他們不受預算案影響，所以就算財爺交足功課，都未必即時帶來影響。

雖然預算案好難直接刺激股市，但如果今年盈餘有過千億元，明年有部份會以退稅、減稅或加派綜援回贈市民，這筆資金回流市場，肯定對做消費有幫助，帶動本地需求，所以本地經濟受惠，會大過股票市場，另外，失業率現在跌到去三點四個百分點，如果需求增加，失業率有可能會再跌鱓，屆時會推動工資上升，樓價多少總會受惠，所以未來一年，實質經濟表現，有可能會比股市好一鱓都唔奇！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

導遊（２）         

2008/2/27 上午 12:49:20
網誌分類: 經濟

美國的消費者信心指數跌至五年低位，兼有信心危機，令美股早段下跌，但IBM公布１５０億美元的巨型回購股份計劃，顯示佢覺得自己股價跌得過份，消息刺了美股，加上商品價格高企有利商品股，道指收市升了１１４點，升幅０，９％，升至１２６８４點，美股仍在反彈情緒中，朝向１３０００點的目標進發，港股近期跟不上美股，到底係大陸股唔掂拖住，還是想壓住令期指低啲結算，睇埋呢兩日就知。

美元又跌，兌歐元跌到１．５的歷史低位，兌日圓是１０７．２日圓，日圓上升料會壓住日股表現。

近期港股力水唔太夠，搞到大家無心機，好好地討論問題也可以擦出火花，證明大家心情唔好，但市靜也正好是大家溫吓功課的時候，早前講到股評人是股海的「導遊」，網友們批評有些「導遊」不負責任，陸羽仁也可以講講做「導遊」的經驗與困難。

網友yy太提到以前買東寧輸清光，陸羽仁口痕痕話可惜當年唔識得大家，否則可以令大家輸少啲。就以東寧做一個例子，你當年問我，我要答你亦唔易，假設你在東寧剛起步炒時問我，我對隻股了解不深，多數會答你「隻股有炒味，若買入要嚴守止蝕」，這是我對炒股的標準答案，我唔會叫人唔買，阻人發達的事我唔會做，亦唔想做；你一般咁問我細價股炒唔炒得過，我會答「你無經驗少掂為妙，否則好易輸清」；但當你拿一個冧巴來問我時，我就會答「若買入要嚴守止蝕」這是個標準答案，否則若我叫你唔買，隻股可以由２仙升到２元，升１００倍都得，若我叫你唔好買，我會怪足我一兩年（第三年隻股多數散咗啦），俾你鬧兩年都無癮啦。

但你在細股炒到好高好顛狂時問我，特別你問我好唔好沽，我又會俾另一個答案，我會話「錢賺唔哂o既，唔沽哂都沽一半，收番啲本先啦。」當日東寧不及明珠興業炒得咁喪，記得明珠炒到最高時，成交量高過匯豐（０００５），那時匯豐通常是最大成交的股份，我有一陣子見到明珠成交大過匯豐，每日成交有４、５億元時，我記得自己睇住個大利是機同班老友講，明珠搞到成交大過匯豐，搞到咁離譜，又睇吓佢幾時爆煲，結果在半年內就玩完。有個老友本來揸重貨，仲覺得佢咁大成交證明好掂，但聽完我講驚起上來，沽咗三分一，就執番身彩，輸少當贏。

一隻炒股每日有４、５億成交，當然有９０％以上成交係人工造出來，係幕後人左手交右手的交易，佢地將成交造到咁大，無非想人相信，隻股炒到咁高物有所值，不過將一隻炒股作到咁大，就好似一個雜技表演員將十個橙不斷拋上半空，不斷拋不斷接，拋三個橙容易，拋十個橙自然玩唔得耐，遲早玩完。

我見到佢拋緊十個橙時，被人問起自然有信心叫你沽少少唔怕，我叫你沽一半攞番啲本，再升又沽吓，咁答法最穩陣，因為佢幾時死我講唔清，或者仲有半年玩，而且雞股死亡之前，住住炒到好顛，幾日再抽高一倍都得，引人落搭，殺埋最後一浸，若我今日叫你沽清，後日佢升咗一倍，你嗰種難過心情，不言而喻，忍唔住開口問候我兩句亦唔奇，我俾人問候就無癮啦。所以我好少公開叫人一股沽清，要清貨只能是自己的抉擇，關埋門對老友講話或者會坦白啲。所以如果時光倒流，大家又有緣網上相見，我知yy 太揸了東寧，若炒得顛時起碼會建議佢沽番一半，或許沽得太早，總之會有錢落袋。若果佢係高位摸頂揸，一見佢開始急跌，我一定會叫佢止蝕唔好手軟，過去無論大股細，大如中石油，細如利記，一見急回，我會叫大家立即斬，至少有番啲渣。

股海導遊唔易做，股市壯旺時，夢想號巴士一架架係咁開，傻仔一批批湧出來，當然有導遊食咗人家茶禮，專滾細路上車，但即使導遊係真心誠意，佢自己都未必睇得咁準，分得清好車與賊車，即使睇得準，細路仔又未必咁聽話呢！

我在跌市時講這些癈話，唔係想大家同情股海導遊的困難，而係想大家有一個立體思維，將來股市再炒起，炒到狂熱時，知所進退，這些話在跌市時可以講，在大升市時才講，大家就好難聽得入耳了。

陸羽仁

http://www.hkheadline.com/blog/r ... rd=&searchtype=

Mr.Business

2008/2/28 上午 11:00:54

陸羽仁覆網友

Ray:預算案利好地產，長實又開盤賣首都，照計三月地產股會好番啲（特別初段未減息前），我話開盤前推高，是指個別股票，但整個地產股短期睇好少少，有恒基可以先睇睇，不用太急離場。

你話美元幾時反彈，美元跌緊喎，而家又炒美元減息，要彈都等短線跌定先啦，應到真正確認減息之後。

Benno:你問美國樓６厘息算唔算好，正常樓市６厘都幾好，但在一個跌市中要小心，租金收益高源於樓價正急跌，但樓價跌之後，下一波租金會跟跌，所以要睇租金跌定才知道較長線的租金收益率是多少。

CCB:你講起爸爸唔捨得使錢，但十幾廿萬走去買東寧，這又回到我一個基本觀念，好多人買了炒股，賭錢而不自知，試問你爸爸買馬，又會唔會十幾廿萬買一場馬？但買狂炒股，風險當然大過買馬。

Brian:中信銀行本是較細的內銀股，之前主要炒落後，如今內地大股、強股都跌了下來，信行就要捱耐啲了，將來升都係強股先升得多。

鳯陽花鼓：中國銀行除了受次按投資困擾外，它有很多外匯投資，是人民幣升值的受害者，而且息率只有１．２厘，收息亦非高息之選，建議換馬建行，交行或招行好啲。

Dummy:有錢想作３年中線投資，建議買紅色龍頭大股。

Piker:家人買ELI在１２３元接了匯豐，問好唔好沽。我話買ELI主要博高息，唔係想買股，所以若回到打和價，唔沽哂都沽一半好啲。

Bdroom:中煤能源等回落可入第三注。想買地產股，嘉里係一個選擇，佢有不少大陸地產投資，長線有不俗回報，股價相對資產折讓亦大，但不是急上的股份。

天佑平常心：美國大戶用幾百億炒港股濕碎，佢地可以借錢，唔使搬錢來。阿爺無計，你香港資金來去自由，唔止唔可以阻止人炒，仲要歡迎人地來炒。

Jeffrey:想以購入價沽神華入偉易達，而家避開這些股票是怕他們成本上升，市場衰退，所以買入要預咗捱吓價。

Mr.Business

注：此篇文章版权归香港頭條網所有。

金融High Tea——受惠預算案 樓市多過股市
2008年2月28日

港股持續反彈，開市恒生指數跟隨外圍高開，中午前財爺曾俊華開始讀預算案，在港府財政預算案的「派糖效應」下持續造好，一度上升至24,610點，下午收報24,484點，升769點；國企指數升610點，報13,937點，大市成交增至994億元。期指收報24,400點，低水84點，成交96,231 張。

內地傳有托市措施出台，滬綜指報4334點，漲2.3%，深成指報15752點，漲2.8%，但成交略為減縮，共計1,239億人民幣。

睇番昨日港股成交回升近三百億元，比起周二最低的六百幾億有所增加，大市炒上而交投增加，顯示拋售力量減弱，令大市出現反彈，如果外圍保特穩定，不排除個市會再彈多一陣亦唔出奇。

美金弱造就派錢條件

財政預算案公佈，大灑金錢四百幾億元，市民當然拍晒手掌，話派錢仲豪過美國刺激經濟方案，亦拋離新加坡預算案。香港人成日講有錢好辦事，貧賤夫妻就百事哀，今年庫房爆晒表，鬍鬚曾當然唔客氣，實行大派利是。

有人擔心，政府咁樣使錢，將來經濟差點算？但細心睇纒，香港現時匯價同利率跟美國、經濟跟中國，咁即係話匯價偏軟，利率偏低，但增長偏高，結果係出現資產膨脹、銀紙唔見使，政府收稅係同物價、人工掛鹇，可見將來物價持續上升，庫房收入必然跟隨通脹增加，睇通呢點，政府又點使驚將來無錢派呢？如果鬍鬚曾在高增長、高通脹環境纒都唔做纒順水人情，就真係区仔到加零一啦，今次預算案大部份派錢措施只係一次過，已經算係保守，如果來年美元繼續弱，內地增長唔太差的話，下個預算案再派錢都唔出奇。

昨日陸羽仁話，話預算案會利好本地經濟，但股市受惠可能會因為有好多國企加入了成份股而沖淡。中環茶友回應話，十多年前，預算案對股市影響，的確比較明顯而持續性強，今時今日就算有影響，都會比較短暫，反而樓市受到的刺激仲明顯，主要原因是樓市受本地經濟同需求帶動，股市一來有國企等盈利來自大陸的公司溝淡，而且買賣資金好多都係外資，他們的進退考慮全球資金流向，多過考慮本地經濟，故此樓市受惠於今次預算案，可能多過股市。

今年政府盈餘有過千億元，財爺大灑金錢，搞出一個有輕微赤字的預算案。根據過去經驗，政府估計多數保守一鱓，所以來年基本上係一個平衡預算，即係話今年盈餘的千多億元，會重新注入經濟體系，當然其中有部份預留作強積金同醫療融資，不會即時產生作用，但單以退稅、免差餉同減收物業稅幾招，都對樓市有幫助。另外，鬍鬚曾又減免紅酒稅、加推酒店地等，都會增加本地商業投資。茶客話，最近同地產界分析樓市，大家共識係豪宅累積升幅已經好大，今年好有機會炒落後，即係輪到中小型樓市追番上鈬，中、小型物業供應多，升起上鈬當然不會好似豪宅咁得人驚，但一樣可以密食當三番，所以估計今年樓市好大機會仲有一個升浪可炒，之後就要睇經濟點樣走腬！

合和隨時炒大橋概念

除了預算案多人關注，今日政府會就港珠澳大橋開會，《星島日報》昨日報道，話有關大橋融資方案基本上已達成共識，跟住就係招標過程，即係話講鰦好多年的大橋項目上馬有期。

早前合和主席胡應湘透過口風，話快有好消息，現在睇鈬哥頓收到堅料，過去大橋每次有進展，合和實業（054）[股價及相關新聞] 同合和公路（737）[股價及相關新聞] 都會炒一炒，今次融資有共識，跟住出來招標，合和是中標熱門財團之一（會否大熱倒灶就唔敢包腬），如果個市繼續造好，兩隻股借勢炒一炒都唔出奇。

中鐵建A股擬按上限每股9.08元人民幣定價，中鐵建H股（1186）[股價及相關新聞] 預計將於本周五起招股，屆時投資者應該可以考慮博餐茶。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

派水與股市         

2008/2/28 上午 09:51:56
網誌分類: 經濟

在預算案公布前，和幾個中環茶友傾起，今年預算案大派錢，個市會否因為預算案而狂炒？大家都覺得會炒吓，未至於狂，不能期望有太持續性的影響，即係話炒完一兩日地產股後，即使後市續升，主要都唔係因為預算案而炒；若股市要跌，預算案都托唔住。

網友白穗禮問：「陸羽仁話: "至於股市，不知從那年開始，愈來愈國際化，受預算案的影響較少，不能期望有太持續影響。"影響較少已經升6百幾點, 咁以前(maybe 十幾年前)公佈預算案前咪升得好勁?」

白穗禮講得啱，那些年代每年炒兩鑊重要政策文件，一個係財爺的預算案，一個係督爺施政報告，預算案和經濟關係大啲，可炒性亦高，施政報告多數和大政策有關，可以影響一個大行業的盛衰，所以會炒一些行業概念。但炒友主要的著眼點都係睇住樓市。

遠的不說，即使在九十年代，預算案對股市都好重要。當時的大股如匯豐，主要活動仍在香港（雖然已開始投資英國），香港經濟好，匯豐就升，左右大市。另外一大板塊是地產股，地產股本身佔恒指比重已大，加上匯豐和恒生等銀行股生意亦和樓市有很大相關，地產好，股市搶先炒起，地產唔好，股市亦帶頭回落。預算案通常會講到經濟前景，提到土地供應，甚至直接涉及樓市的評述，大家就猜度這些評述的微言大義，估計對樓市利好利淡，然後決定點樣炒。

記得樓價在９０年代初升得太顛，政府在９３年推出七成按揭等打擊炒樓措施，樓市回一回，但督爺肥彭後來年年大派錢大減稅，經濟好，市民收入多，政府又派水，自然利好樓市，結果樓市在９５年又炒過。

如果講到最經典的影響樓市政策，莫過於９７年董伯伯第一份施政報告，提出大量增加土地供應的八萬五措施，記得當年９月施政報告公布後，大家都唔信八萬五有效，唔知驚照炒，到１０月開始爆金融風暴，才漸漸聞到燶味。

今日預算案對股市的影響今非昔比，不是話股市唔會因為預算案升跌，而係話本地經濟對股市影響較少。如果十幾年前出一個昨天那樣大派４００幾億的預算案，股市可以因此炒番一兩個月，升一兩成都可以，因為大派錢利好本地經濟，已經可以成為今年的炒作主題。但如今港股無論恒指的成份或炒作的資金，已十分國際化，大股如匯豐，只有三分一業務在香港，香港好佢普通好；而一系列紅色股，更和本地經濟全無關係，所以預算案好而國企指數升６００幾點，按道理有點無厘頭，只是借勢炒作。所以預算案利好本地經濟，對股市的刺激唔係咁廣泛。

港股淡咗一排，預算案是事先張揚的好消息，借勢炒一炒唔出奇，但好難靠預算案長期炒。但不要誤會我話港股一定衰，又唔係咁講，而家港股主要睇外圍，美股仍在反彈中，大陸股市亦跌唔少隨時可以彈，若外圍好，港股亦可以跟彈，但同本地經濟關係唔太大。

陸羽仁

http://www.hkheadline.com/blog/r ... rd=&searchtype=

Mr.Business

2008/2/29 上午 11:12:44

陸羽仁覆網友

Clmama, Top Gun:匯豐呢一浪反彈，相信唔係炒業績，而係隨美國金融股反彈，美股而家又回吓，最後若確認減到０．７５厘，月中又會再上，美股這幾日插吓，然後仲有機會上試１３０００點，匯豐除了受自己業績影響，應跟美國金融股走勢，預期有機會反彈到月中。然後到４月下旬美國金融股公布業績時，信用卡壞帳問題顯現，又有一輪沽壓。

Ray:港股過完結算跟美國插下，近月中有機會上升補回２５３８０點的缺口，機會大過５０％，若大陸股反彈也有幫助。

想買A50基金，可分三注，現價一注，上證綜指跌近４０００點時第二注，３６００點時第三注。

鷹君係慢股，走勢跟地產股但慢少少，地產股未轉勢，鷹君受出售朗豪坊消息刺激一下，而家係打回原型，唔似壓價。

想換走中行，一個方法是直接換到其他較強的銀行去，另一個方法是等大市有較顯著升幅時，先行沽出，到回落時買番其他大陸銀行股。

黑毛綿羊：結算前兩日期指升，大戶當然唔係平淡倉，而係平好倉，問題是佢係轉好倉去下個月，抑或離場，暫時看似轉了去下個月，等埋減息炒高。

Leo:內地電訊業重組，中長線對中電信和網通較有利，他們從固網經營者跳入移動電話市場，所以我估這兩股半年內可以跑贏匯豐。

小吱：你的強積金去年１０月轉了保本，現家問點樣轉番股票基金，我唔贊成強積金經常轉（即使你去年轉走係成功，我都係咁講），第二長線保本基金好唔掂，轉回股票基金，減少轉出轉入，除非你估計有一個十年不遇的股災快來臨。你在調整時轉走，唔擔保調整完可以入番。

Joanne:你問每股資產值大過股價，係唔係抵買，理論上反映股價唔算好貴，但你問的俊和，年幾前因為賣樓賺了大錢，但它不是發展商，無以為繼，而家在試新業務，未似穩定的公司，所以才有股價對資產值的折讓，所以你搵到可能的投資目標，仍要具體分析。

Brian:百麗跌完升番。

Bdroom:想買國泰，建議等吓，睇吓台灣馬英九係唔係當選，如當選大陸會唔會好快和台灣通航，若如此國泰這部份盈利會大幅萎縮。

牆頭草：去美國買屋是反向思維，但港元跟美元跌，我們去買著唔夠多，要買等佢跌深啲好啲。

Kanas111:唱高開低是長實慣技，今次話明第一批開４８８８元一呎係派糖價，應該第一批貨唔多，賣完就加價加推。

Mr.Business

注：此篇文章版权归香港頭條網所有。

金融High Tea——陰陰懐炒減息
2008年2月29日

繼前日大升七百幾點後，港股保持向好，收報24,592點，升108點，其中地產股表現較佳；國企指數升幅收窄至103點，報14,040點，大市成交824億元；2月期指以24,552點結算，3月期指收報24,510點，低水82點，成交70,987張。

港股連升幾日，初步阻力在二萬五千點，睇番成交跌番去八百幾億元，個市有機會轁轁亦不出奇，不過，最近美股蝸牛式向上，油價、金價升，美元匯價則跌，成個勢開始炒下個月美國再減息，所以短期個市仍然以反覆向好機會較大，昨日期指結算，估計好友可能先前陸續開了新倉，迎接下個月的議息。

中環茶友話，聯儲局高層最近在公開場合，對美國經濟唱得比較悲觀，好明顯係為三月減息鋪路。市場一早估計，次按問題在二、三月會爆出最多壞消息，央行一定會大力減息去頂住軃過來的大浪，然後再定下一步點走，所以雖然有人憂慮通脹會惡化，但調低利率的大方向，至少在三月仍會維持，大戶按部就班去炒，估計杜指有機會向一萬三千點進發。

香港情況則比較複雜，除了睇美國外，還要睇中國，內地A股始終受集資同流動股份大增影響，人心比較虛怯，中央財金官員日前開口，叫上市公司不要惡性圈錢，投資者稍為壯膽，現在要睇上海綜指能否守住四千點的重要關口。昨日滬綜指報收4299點，跌34.57點。

內地油股捲政治漩渦

今日起中鐵建（1186）[股價及相關新聞] 開始招股，中鐵建除主業工程承包等等基建業務，亦有涉足內地房地產業務，預期這隻新股會受市場歡迎，影子股中鐵（390）[股價及相關新聞] 、株洲南車（3898）[股價及相關新聞] 昨日都熱鬧起來。

中鐵建除了在內地從事鐵路建設，在海外亦頗活躍，講起內地企業走出去，茶友留意到一單料，就係股壇長毛突然爆料，話中海油（883）[股價及相關新聞] 旗下緬甸項目夥伴被美國財政部列入制裁名單內，有人擔心集團旗下公司被列入制裁名單，可能令一些國際基金經理被逼沽售手上中海油股份，所以昨日升市中，中海油股價一反近日跑贏大市的表現，變得呆若木雞。

茶友話，中國欠缺能源，故此大力向外拓展供應，其中中石油在蘇丹開採石油，但因為蘇丹政府被指支持種族屠殺，被人權份子大力杯葛，形成巨大政治壓力，有基金經理因此要求股神巴菲特沽出中石油股份，有關提議雖然被股神旗艦公司的股東否決，但不久巴菲特乘住高位全部賣清中石油股份，後來蘇丹的風波進一步蔓延，燒到大導演史匹堡協助京奧身上，認為中國要為蘇丹違反人權負責，結果史匹堡在壓力，終於宣佈不再擔任顧問一職。大陸對於如何解決蘇丹人權問題，同美國態度分歧，美國認為應該用激烈的制裁手段，中國則反對逼人埋牆角，認為應該透過溝通和支援解決，故此不斷加大投入聯合國維和部隊和對災民的支援，但美國朝野對內地施加的壓力，看來有增無已。

合和股價彈升半成

同蘇丹事件相比，中海油在緬甸的項目暫時受到較少關注，不過，中國在海外開採石油，屬於後來者，大部份有潛質的項目都早已成為美國禁臠，可借發掘的產油國家，很多都是西方石油公司因為政治理由裹足的地區，點樣可以避開政治障礙去達到開拓供應，成為內地經濟能否保持平穩發展的關鍵。

茶友話，中海油的股價，近日本來相當靚仔，但忽然之間被人挖瘡疤，相信空穴來風，必有原因，好彩係項目影響成個集團不大，股價受壓暫時應該係心理因素居多。

合和實業（0054）[股價及相關新聞] 集團同合和公路（737）[股價及相關新聞] 昨日宣佈業績，由於出售資產關係，合和業績勁升，兩家公司都有特別息派發，合和去年底止6個月純利52.5億元，每股盈利5.84元，中期息55仙，另派特別息55仙。合和公路同期純利增長103%，每股盈利46.5仙，中期息17仙，另派特別息7仙。業績有好消息之餘，又傳出港深珠公路好快可以招標，合和股價昨日應聲彈高近半成。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

再減息與弱美元         

2008/2/29 上午 09:48:13
網誌分類: 經濟

美國聯儲局主席伯南克到參議院銀行委員會，提到可能有小銀行因為次按風波倒閉，加上美國去年第４季經濟增長差過預期，美股出現這個星期最大單日跌幅，道指跌１１２點，跌到１２５８２點，跌幅０．９％，結朿了連續幾日的上升。

先講經濟，美國商務部公布去年第４季本地生產總值增長０．６％，低於市場預期，而第３季的增長是４．９％，顯示美國經濟在第４季急跌，當中唯一叫做好啲是美元下跌帶動出口上升，已經叫做拉番高少少整體數字。經濟增長數據令更多人相信，美國可能步入衰退。

我地做個事後孔明，回想去年第４季開始美國減息速度加快，幅度增大，到１月更２次急減，好話唔好聽，伯南克當然睇到GDP初步數字，可能見到１０月、１１月條GDP數已相當大鑊，好驚衰退，試想由４．９％增長急跌到０．６％，跌得咁急，都唔使點擔心通脹啦，擔心衰退好過啦，所以佢就大手減息。

我同金融界猛人傾起美國增長，估計今年美國第一季GDP仍然樣衰，滑落到負增長一啲都唔奇，因為去年第４季跌得咁急，今年頭１、２個月當然會繼續急跌，１月減息的剌激效應無咁快呈現。猛人估計到第二季美國大救市的派錢措施出台（估計在５月），可以拉番起內部消費，所以第二季的數字會改善，應會好過第一季。所以放長少少去睇，到５月底第一季數字又出時，加上４月尾、５月初銀行公布第一季業績，又係美股下一浪下插的時候。

美國經濟增長數據咁差，加上上週新增申領失業救濟的人數又急升，令市場期望聯儲局會在３月１８日開會時再減息，事實上伯南克昨日在國會亦暗示，他會減息去維持增長。

現時市場唔係估聯儲局會減息，而係估佢會減幾多，過去一直估佢減０．５厘，但現在愈來愈多人估佢會減０．７５厘，前一日估減０．７５厘的只有１０％，昨日已增加到３４％。美國經濟數據咁差，伯南克亦樂見弱美元推動出口頂吓經濟，而家搵唔到支持美元的理由，美元繼續跌至２年半的低位，今早兌歐元是１．５１８，兌日圓更插到１０４．７日圓。日股在美股跌和日圓急升的雙重打擊下，早段跌３００幾點，跌幅超過２％。

雖然對沖基金做日圓套息交易已減了不少，但日圓升得咁急，總令人不自在，恐怕對股市亦有壓力，港股升咗幾日，過完結算又要回吐一下了。

陸羽仁

http://www.hkheadline.com/blog/r ... rd=&searchtype=

Mr.Business

2008/3/3 上午 11:34:49

陸羽仁覆網友

牛腩貓咪：我從來唔反對人炒股，只反對唔知自己炒股的人炒股，或者唔知自己炒緊乜雞股的人去炒股，對於知道自己做乜的人，討論下炒股都唔妨。

Ray:若馬英九上台，又無俾人暗殺的話，有國泰在手也要小心，可以等美國減定息，美元定番，油價略回時，國泰應有反彈，可換馬至其他強勢股，國泰咁弱，怕有春光鴨基金收到風計到數在泌貨出街。

Epearl:我都信無論台灣邊個上台都遲早三通，但買股票好講時機，如果民進黨繼續執政，三年、五年後才三通，咁就三年唔使睇台股了。

JBC:我都唔係幾信平保可以堅持大集資，或者如內地所言「惡意圈錢」，查稅事少，烏紗事大，堅持對抗，恐怕平保領導烏紗不保噃。

你話直通車在奧運後開，因為奧運後無概念，若按此邏輯，應該倒轉，因為開得太遲，對內地本已弱的股市會再踩一大腳，管理層又唔多想。

Yuki:日圓呢一浪有機會見吓１０１。匯豐應該不會減派息。IMB賣聯想股票，皆因它是賣個人電腦業務換取這些股票，現價已遠比換購價高，見佢升自然會沽吓鎖定利潤，或者換一些美國同類股票，分散風險。

暫時港股還是上落市，待變。感覺三月睇好少少，皆因價位不高，向下插水位有限，如果玩上落市，借一借月中減息炒一炒，向上空間大啲。若有期指好倉想轉，是先買突下月期指，然後等本月期指在月底自動平倉，在這種環境下，都會在月尾挾高，之後又自由浮動吓。若大戶做咗淡，今日可以跌１２００點、１３００點。無跌咁多，顯示無人大力狂沽。

小魚毛：中鐵建上市應有炒一炒，所以有中鐵想沽，都等埋中鐵建掛牌好啲。

Tom:你問美國民主黨上台，會否似行政總裁，先大撇帳，插低再玩。正常都可以，但美國經濟太弱，唔可以玩得太過份，但總的而言，民主黨人、特別是奧巴瑪上台，都係向加稅（如利息稅）、減開支平衡預算，短不利股市。

白穗禮：兩會通過人民幣大幅升值的機會極細。

叮噹：讀書投資自己，終身受用。

Bdroom:你問我沙士那年有無買香港樓，我鐘意執平貨，但那年無買香港樓，去了執大陸貨，之後一兩年都有買香港樓，仲係好平。

Aa:你話過去香港成交３０億、４０億，那只是沙士的日子，正常有３００億成交，但而家上千億，主要係阿爺大量好股在香港上了市，這也是買阿爺股票最流通的市場。

Mr.Business

注：此篇文章版权归香港頭條網所有。

金融High Tea——儲局超積極　富貴險中求
2008年3月3日

港股上周五頂得纒，雖然美股杜指前一日跌過百點，但恒指上周五只跌260點收場，不過今日相信無咁好彩了，美股跌完再跌，杜指上周五收市大跌315點，跌幅2.5％，跌至12266點，兩日共跌超過400點，美股上試高位不成，掉頭急落。

上周五美股暴跌，皆因全國採購管理協會2月商業活動指標跌至44.5，比1月的51.5大幅急挫，傳統上指數跌低過50就意味覑衰退。再加上金融機構估計信貸市場虧損，會高達6000億美元，這些數字嚇到股市腳軟，連同市場人士不想持貨過周五，怕周末再有壞消息，你沽我沽造就股市急插。

聯儲局呢個月18日議息，依家美國市場不是講減唔減息，而係講減0.5厘定0.75厘。以利率期貨的價格推算，一星期前只有2％市場人士相信聯儲局會減 0.75厘咁多，到上周四已急增至36％，到上周五更高升至56％。我估美股再插纒，對聯儲局壓力更大，減0.75厘機會更高，所以未來呢個星期，美股都有壓力，直到聯儲局確認會比較大幅減息，股市先會再有像樣反彈。

大摩睇淡美金續插

不過，呢個「數據差、股市跌、利息減」的循環，大體都在市場預期之中，特別係上周四開始美元急挫，似乎都預計到美國將會大幅減息，歐羅升穿1.52，日圓升到103，就意味匯市炒家預鰦聯儲局未必只減0.5厘咁少。

摩根士丹利貨幣研究環球主管Stephen Jen形容美元笑唔出，他在研究報告中指出，聯儲局主席伯南克確認儲局進取減息挽救經濟的意圖，自然受到股市及愛好風險投機者的歡迎，聯儲局的超級積極取態 （a hyper-proactive Fed）增加了市場的風險胃納，既然聯儲局咁主動減息，市場都唔怕風險去買其他貨幣，恐懼消失後，美金就唔識笑了。

Stephen Jen認為，在這些因素影響下，未來幾星期美金都幾弱勢，現時世界各地的經濟活力都不依賴強美元，但美國經濟放緩又未影響到其他地區的經濟，近期各地數據都支持一個各地經濟和美國短期脫鹇的現象（de-coupling），因為美國經濟放慢影響到其他經濟體，通常有一個滯後過程，所以投資者就當其他地區無事，照買他們的貨幣，直到證明這些地區的經濟都有問題為止。

再者，美國開始遇上滯脹問題，即經濟停滯，通脹向上（美國最新公佈新一季通脹率升0.4％，以1月為止的一年計升3.7％，是自05年9月以來最高），更添美元的政策風險（即減息又死唔減息又死），但歐洲央行、英倫銀行和日本央行都未遇上滯脹問題，令它們的貨幣更加強勢。

大摩認為美元雖然跌過份，但短期幾個星期內還會再跌，直至證實美國經濟放緩影響其他經濟體為止。大摩維持到年底看好美元的觀點，特別相對歐羅和英鎊，但卻看好澳元的匯價。

匯市、股市、商品市場環環緊扣，而家炒緊美國進一步大減息，或者可以話，超級積極的聯儲局的底牌，被匯市炒家看穿，所以不怕狂沽美元，正所謂富貴險中求，匯市炒家深信沽美金沽到極度超賣，風險也比正常低，因為儲局目前只關心衰退，根本唔關心弱美元問題，甚至樂見弱美元幫一幫美國出口。

在美元這一輪開始急挫之後，又形成美股的風險，美元跌得咁急，股市投資者信心亦弱，一有風吹草動沽鰦先至算，而大行亦樂意推波助瀾，插多一腳，反正跌得甘鱓聯儲局驚鱓，減息幅度又大鱓。

美股如此急跌，港股自然會受挫，以大隻的股票計，在美國的預託證券價比香港收市跌約3％，若跟足這走勢，今天一開市應該就急插600點至700點。

四叔超人偏好偏淡

在這種市況，有好友，有淡友，睇纒你信邊個。李四叔仍然睇好未來兩個月港股可以重上27000點，甚至30000萬，然後在第二季會靜番，那時宜守不宜攻。

一直睇淡的李嘉誠仍然維持看淡本色，最近他雖然無出來講話，但他在去年底今年初港股27000點至28000點時仍不斷示警，結果睇中1月的大跌浪，李嘉誠看淡主要是怕美國次按危機深重。你睇長實（0001）[股價及相關新聞] 賣將軍澳地鐵上蓋樓盤首都就可知，開價不足5000元一呎，他們自己也形容為「派糖價」，但他們不是以這個「派糖價」賣少少樓，而是去到貨就賣鰦成二千個單位，以「派糖價」不斷去貨，雖然有部份單位賣到七千幾元一呎，但平均價最後去到五千六百元左右，只係加鰦一成多鱓；若他們全面看好樓市，似乎也不用同價加推這麼多單位，可以加價加推，但加價加推會令售樓速度放慢，而長實的售樓策略似乎是盡量去貨，多少也反映了他們認為後市有風險，要售亦沒有去盡。

投資自己的錯誤

散戶見到這個局面，可能幾困惑，問究竟信邊個好，我就教大家一個方法：「唔好信晒自己的抉擇」，要投資自己的錯誤。在《The New Market Wizards》（可譯為「新市場魔法師」）一書中，訪問了不少市場的成功炒手，其中匯市大炒家Bill Lipschutz形容成功炒家在形成一個市道看法之後，經常要問自己，如果估計的走勢按自己意願出現後的情況？如果這走勢無出現又如何？若是這樣市場如何反應？市場會走到那一個水平？最重要是問如果交易出錯了，我能如何撤退？

散戶買股，個個都想大贏特贏，買股只計可能贏幾多，計完數股價未升已經開心到笑，當正自己會賺大錢，但從來唔計自己睇錯準備輸幾多，唔會事事定下止蝕準則，當然亦唔會去做對沖。依家睇淡的人比較多，就以看淡為例吧，假如你估次按危險會完全失控，美股會災難性下跌，杜指會跌到8000點、90000點，港股自然一樣有股災，估計話咁快會跌穿20000萬，跌到15000點都唔奇，你因而沽清股票，甚至睇淡得太緊要，連間自住樓都賣埋，將所有投資清倉離場，然後等大跌。按以建議反問自己的方法，你就要問，假如最後美國最後無狂跌，美國減息減到咁上下止到纒血，你知股市超前經濟半年一年，這樣跌埋上半年就見底，股市唔升都企住上上落落，港股就會做番好，但你那時已沽清股票，那又會怎麼樣？

大戶睇住底牌開局

可能沽清都唔緊要，至多眼白白睇人賺錢，自己當發場夢，但若果你唔止沽清，仲要沽突，例如狂買認沽輪，或者狂沽期指，又或者買其Decumulator （累積沽貨合約，而家又被人改了個花名做「they kill you later」），咁又如何？若大市不跌反升，沽突就你中錘，你買的認沽輪會變成廢紙，沽期指會輸到入肉，而做了Decumulater更要不斷沽平貨俾人，你又頂唔頂得順呢？

人地匯市大炒家Bill Lipschutz講得出要推算纒自己估錯鰦有幾大鑊，有無辦法撤退，相信都係經驗之談。我話股市最叻的人成功命中率只有六成幾，即係話有三成幾機會估錯，所以大炒家成功，除鰦話佢地估市比普通人準鱓之外，可能更重要係佢地睇中的時候可以食得更盡，而且事先投資番少少買自己估的相反方向，睇錯的時候可以控制虧損，他們這樣做，可能無一鋪把注碼推晒出䒷面咁豪氣，但可以長賭長贏。

潮流興睇淡，估中未必有大獎，所以要做大淡友，都要防備一下萬一唔係咁淡時點算，反之睇好派亦然。股市是財富轉易之地，你唔估錯，外資大戶點可以將你的資產轉到佢名下，記住佢係睇住你隻底牌來開盤，你就估估纒，佢唔係估估纒鮁。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

匯豐如何拆彈?         

2008/3/3 上午 10:03:16
網誌分類: 經濟

美股道指上周五大跌３１５點，亞洲股市全線報跌，日本仔股市特別腳軟，早段跌５１１點，跌幅３．７６％，又唔怪得日股跌咁多，美元急跌，日圓升至１０３．２的水平，你諗吓日本出口股掂唔掂，韓股跌得最厲害的也是如三星那樣的出口股。我本來估日圓呢一浪高位係１０３，點知一講就到，恐怕要再試高一些。

港股插就會插，但目前最大不穩定因素是匯豐(0005)[股價及相關新聞] 今日將公布業績，英國泰晤士報報道，預期匯豐全年盈利約為240億美元(約1,872億港元)，即較上個財政年度同期的157.9億美元，大增82.1億美元或52%，遠高市場估計的介乎149至199億美元。但報道沒有披露數據來源。我估英國權威報紙報道匯豐消息，都有好接近匯豐的消息來源，若果泰晤士報唔係收到堅料，好易寫完即刻錯，應該唔敢寫；換一個角度講，接近匯豐人士放料俾泰晤士報亦好正常，這是他們祖家最權威的報紙，唔買好吓佢，出完業績俾佢隊就唔係幾好啦。

匯豐若有２４０億美元盈利，的確遠優於市場預期，餘下的問題是多少盈利來自非經常性項目，若很多來自非經常項目，就沒有持續性，只能看作為粉飾盈利的行動，利好股價的作用有限。若超乎估計盈利主要來自經常項目，如是者都好可能係亞洲業務，咁就真係比較利好。

不過泰晤士報講完匯豐業績之後，呢一兩日都係繼續講匯豐次按業務的問題，話匯豐內部己開始檢視出問題的美國銀行業務，而將會披露去年為次按業務撥備110億美元 (約858億港元)。

泰晤士報主要針對兩個問題，第一，匯豐如何處決有問題次按業務，第二，匯豐擁有幾多的美國「Alt-A按揭」（Alt-A mortgages是略低於優質按揭的貨款，貨款人或者沒有貸款歷史，或者收入低於優質按揭借款人，這種按揭證券在最近信貸緊縮時也大跌價）。

匯豐在五年前買入美國的HFC 業務，主要做次按，當時購入價１５０億美元（約１１７０億港元），但過去兩年為此業務的撥備已高過購入價。一直批評匯豐對次按處理不善的基金Knight Vinke話，匯豐進入美國次按市場係「災難性的策略錯誤」，若在去年六月次按風波沒有愈演愈烈時早早沽出這些業務，匯豐的股價可以高３２至４８港元。Knight Vinke提出四個方案叫匯豐殺掉美國次按業務。

Knight Vinke最主要的方案是叫匯豐把HFC 推入破產管理（receivership），因為匯豐買入 HFC時，沒有擔保其１５００億美元的債務，雖然這些債務呈現在匯豐的帳上，匯豐撒手不管，除了名譽受損外，她只損失了在HFC的投資及１５０億美元股東資款，但死頂下去的損失將遠大於此數。

第二個方案是叫HFC的債權人一起進行債務重組，將債權變股權，此後HFC變成匯豐的普通子公司，阿媽將不再作特殊財務承擔。第三個方案是匯豐注資１００到１５０億美元入HFC，或者取消其１５０億股東貸款，然後將之賣掉。第四個方案也是向HFC注資，然後分拆上市，將其股份派番俾匯豐股東，讓股東自己決定揸下去還是沽貨。Knight Vinke聲稱所有四個方案若果進行，都會令匯豐的一級資本上升１０％，成為環球銀行中資本最高者。

現時市場太怕次按，陸羽仁睇匯豐業務，不光看數字，也看它有無提出方案解決次按問題，若能壯士斷臂，就對股價有較大刺激，若然唔湯唔水，就要小心即使業績好也只是彈一彈，彈完又要跟大圍，慢慢再插過。但要匯豐承認五年前的投資完全錯誤，如今要引刀成一快，又談何容易。

另外市場也開始關心美國的「Alt-A按揭」，近期歐洲銀行公布業績時，披露的「Alt-A按揭」都出奇地高，要看匯豐這些生意有幾大，若然做得大，也不是好事。

我們睇匯豐業績，就係睇佢幾時見底，若然佢俾唔到個底市場睇，做事唔夠大刀闊斧，就唔能夠有太高期望。

陸羽仁

http://www.hkheadline.com/blog/r ... rd=&searchtype=

Mr.Business

2008/3/4 上午 10:50:05

陸羽仁覆網友

小潘等：匯豐的確不是當日的匯豐，八十年代尾九十年代初，匯豐食正香港起飛，係一隻單一市場高增長銀行股，到香港增長慢慢飽和，佢入股英國米特蘭和美國海豐銀行，就開如變成一隻併購式的高增長銀行股。如今亞洲業務起飛（或如香港是反彈），佢又變番一隻增長股加一隻投資失敗股的混合體，佢錯過了落重注在中國及印度的機會（有落注但注唔夠大），所以不易長期維持高增長，佢勝在股價夠cheap（１０倍PE，５厘幾息）,所以係一隻好壞因素交纒的cheap股。

大笨袋鼠：匯豐不能如斬阿根庭那樣斬美國業務，因為美國大好多，早前斬唔落手，如今跌得已深，好似散戶咁，斬唔斬覺得差唔多了。

Sam，Rocky:傻仔等回吐時買匯豐坐５年，或者好過炒出炒入都唔定。

Jbc:中鐵建用孖展都OK,但小心市道唔係咁好，上市抽升後，小心佢回得較急，要定好止賺止蝕位。

你話好多股得番Ipo價一半，我話好易炒，買新股要嚴守止蝕，特別是跌穿招股價一定要投降，風險就唔係太高。

我估隻３８２３大半年前炒完派哂貨，而家等人慢慢收貨，股價時有波動，只是少少人為炒作，但未似大郁的時候。

Ray及Awong:國泰仲有一個負面因素係美加客運廉航威脅，形成客運貨運各有風險，不過亦唔使睇得太差，我只係話佢會比較落後，國泰管理仍然良好，但面對市場挑戰。

Awong:你話國泰只佔你５％收息比例，如持股佔比例不大，入價又低，可以揸吓。若你唔係特別想收息，轉國航前景好過國泰，起碼國航買飛機用美金，分期俾，佢係人民幣升值的受惠者，但壞在息率低，只有０．７厘，不合收息一族，只能博增長。

至於阿Ray問到太古，太古本受是收租股，股價比較沉，和個仔國泰都有少少關係，但太古有大陸地產（主要係商廈商場）唔應該太差，但短線亦受壓，想換可換馬至其他收租股。

鋒仔：月供２６２８和等低位２００００點以下買無衝突，月供應供金額較細，供好長時間，但等低位買是一筆過，金額較大，可以先開始小注月供。

Zipang:你講得啱，股神買唔到債保業務，就出來唱衰啲都唔怕。

Hlam:金磚四國略回，等如你睇大陸，若仍然睇好，可以買吓，但未必如以住咁直線向上，因為通脹等負面約朿慢慢加大。

S2000:你又幾好嘢，我係屋企做乜都俾你估到。

Mr.Business

注：此篇文章版权归香港頭條網所有。

好公司不一定是好股票
2008年3月4日

市面上有很多一直未反映真正價值的股票，例如一些市值還少於其持有資產的股票，或者一些市盈率極低卻派息率奇高的股票，它們未能反映真正價值的原因，除了本身公司業務不是當今熱炒行業，缺乏投資者留意，還有是管理層並不積極致力於反映價值。所以有一系列的股票，即使大家都知道是極之值錢，但有興趣染指的投資者卻不多。

美麗寶給股東無限驚喜

百麗國際（1880）[股價及相關新聞] 及美麗寶（1179）[股價及相關新聞] 日前聯合公佈，百麗提出以每股六元全面收購後者，較後者停牌前收市價五元二角一仙，有逾一成半溢價。收購價錢合不合理見仁見智，即使收購價是偏低，Victoria想美麗寶的股東仍是很願意接受這個收購，因為這一年來美麗寶實在給了股東們無限的驚喜。

由於美麗寶一早已持有百麗逾百分之四股權，當百麗籌備上市時，美麗寶股價由○七年初升足半年，以年初三元八角計，升至百麗上市時的十二元，足足升了差不多三倍。當時預計百麗上市後市值約六百億，單是手持的百麗股份，美麗寶已值三十億。而美麗寶發行股數為兩點六億，如果按每股十二元計，便是剛剛好三十億。

百麗掛牌後，好消息炒完，美麗寶股價亦都見頂回落，跌落最低七元七角。Victoria於十一元左右沽出所有美麗寶。股價回落時，我還暗自竊喜，讚賞自己的眼光不錯，沽得合時。但出其不意的是，過了一段時間，公司突然宣佈每五十股美麗寶分派七十一股百麗，以當時手持每手二千股或市值約一萬七千八百元的美麗寶計，可獲派二千八百四十股百麗，以當日收市價計，市值約二萬四千一百四十元。

07年買入 回報達4.2倍

宣佈派送後的一個月美麗寶最高再升至十八元，除淨後，回落至三元水平橫行。三元的美麗寶相對於其他本地零售股仍是便宜，故去年九月股價亦跟隨大市急升而升至五元左右。之後便於五元水平橫行，直至到日前復牌並宣佈全面收購。

相信有多人看完了整個過程，仍是一頭霧水。究竟由○七年初直到這一刻，美麗寶究竟升了多少？假設你○七年初以三元八角買入一萬股美麗寶持有至今，你會先收取一萬四千二百股百麗。若持有不放，現市值約等於十三點六萬元。加上期間兩次收取中期息合共數百元，及以六元接受全面收購，總回報有接近十六萬元，回報率達四點二倍。好公司不一定是好股票，因為很多好公司的股價都已經過份反映。美麗寶如此好的股票真是可遇不可求，Victoria賺不盡四點二倍，只可怪自己功力不夠。

王雅媛（Victoria）

http://www.hkheadline.com/news/h ... mp;section_name=wnb

Mr.Business

注：此篇文章版权归香港頭條網所有。

金融High Tea——大象業績 愛恨交纏
2008年3月4日

港股昨日受美股大插的拖累，期指一開市時曾跌超過1000點，到正股開市後，以跌800多點開市，上午尾段跌幅開始收窄，曾跌600點，但尾段跌幅再擴大，結果恒指跌746點，收報23584點，跌幅3.1%。期指跌895點，低水高達269點，收報23315點。

不過港股唔夠日股跌得咁多，日經指數大跌610點，跌幅4.5%，大過香港，皆因日圓急升到102水平，令出口股大受影響，換言之香港已經唔算跌得好甘，跌近23000點時又有番少少買盤。

繼續派息水頭足

昨日是礇豐控股（005）[股價及相關新聞] 公佈業績的大日子，醜婦終需見家翁，不過礇豐公佈出來的業績已叫做見得纒人，集團截至2007年12月底止全年業績，純利191.3億美元，較06年度同期157.9億美元，升21%，近市場估計的高位，每股盈利1.65美元，建議派末期息每股0.39美元（約3.04港元），維持派息水平，算做對股東有個交代，亦顯示現金比較足夠，唔似美國同業要四圍撲水充實資本。

礇豐去年為美國次按等業務作出172.4億美元撥備，全年貸款減值及其他信貸風險準備較06年度同期的105.7億美元，大增63%。以港元計，礇豐去年撥備1344億，前年撥備824億，合共2168億，主要是美國次按業務所致。礇豐在2003年以1209億港元作價買入美國Household International業務，呢個敗家仔累礇豐輸大錢，只是去年撇帳數字就差不多等同當年的買入價。如果礇豐當年把這筆錢拿去買內地銀行股而唔係買 HI，而家都笑都收唔到聲了。

礇豐今次公佈的數字已經算幾靚，雖然包括投資交通銀行的收益，但經常業務表現都唔錯，如果無美國那個敗家仔當然更好景，以礇豐稅前利潤204.6億美元，其中北美地區佔集團比重由21.1%，大幅降至不足1%至0.4%，稅前利潤大跌98%至9,100萬美元，應該係加拿大賺埋都唔夠美國蝕；歐洲稅前利潤升23%至85.95億美元，佔集團比重由31.5%增至35.5%。香港表現勇猛，稅前利潤升42%至73.39億美元，佔集團比重由23.5%升至 30.3%；亞太區其餘地區及拉丁美洲稅前利潤分別升70%及26%，佔集團比重分別為24.8%及9%。由此可見，礇豐如果沒美國業務，業績會升到℻℻ 聲。

你睇礇豐個仔恒生銀行（011）[股價及相關新聞] 的業績就知，恒生公佈去年純利182.4億元，較對上年度的120.4億元，大升51.5%，優於市場預期的163.9億元。礇豐若無美國業務，唔使撥172億美元咁多，純利隨時多150億美元，礇豐條數真係靚到絕。

礇豐並無大刀闊斧切除美國業務，等如留住一個惡性腫瘤，未知會唔會搞死自己，一直批評礇豐對次按處理不善的機構投資者Eric Knight話，礇豐進入美國次按市場係「災難性的策略錯誤」，佢提出四個方案叫礇豐殺掉美國次按業務，例如把HFC 推入破產管理（receivership），執埋唔使再輸血，佢話礇豐只要實行其中一種開刀割除美國業務，礇豐的一級資本可以即時上升10％，冠絕同儕。不過記者問及Eric Knight的意見時，礇控主席葛霖好大反應，指現時放棄美國業務將損害集團品牌及聲譽，並形容該建議不合理、不切實際、難以想像，以及不負責任。集團須為長遠業務發展作考慮，美國為全球最大的市場，即使面對困難，亦應致力解決。

怕在谷底斬倉

中環茶友話，大笨象陷入一個兩難處境，究意對美國業務是引刀成一快，還要死捱等明天，引刀成一快肯定短期對股價有利，現時在咁差價錢斬除美國業務，有谷底斬倉的風險，況且收回現金也要再投資，買其他№未必好得過咁爛賤的美國業務。但另一方面，唔斬除美國業務，要面對投資者壓力，萬一美國次按危機再深化，供死會唔知供到幾時才會完。

另一個中環茶友向來係礇豐淡友，出完業績問佢點睇，佢用「愛恨交椠」四個字來形容，話見到礇豐非美洲的業績咁靚，加上咁大手撇帳仍有此成績，按比例好似撇帳得唔少過花旗，令佢對大笨象有少少改觀，佢話「暫時唔會再叫人沽礇豐」，但它的美國瘀血未清，亦未買得落手，所以對礇豐看法由沽售變成中性咁話。我認為這是一個穩陣評價，礇豐暫難大升，股價上落居多，見佢跌得深時，超長線投資者都可以將銀行存款拿出來買少少，可以收纒5厘息當買債券同佢鬥命長。

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

英式與美式         

2008/3/4 上午 09:40:15
網誌分類: 經濟

美國經濟的下沉速度很快，美國供應管理協會製造業指數在２月跌至４８．３，１月時仍有５０．７，而跌低過５０就被認為是衰退。而美國商務部亦公布建築開支在１月跌１．７％，跌幅高於市場預期，顯示大眾非常看淡樓市。美股爭持，無大上落，道指跌７點，收報１２２５８點，有人話美股遇上壞消息無大跌，唔好忘記道指上日跌了３００點，無反彈其實都仲係幾弱，不過１２０００點又似乎係重要支持位，只要唔好大力插穿，美股暫未成災。

匯豐（０００５）在美國預托證券收市價比香港升３元以上，看來今日都係抽高開市，美國佬見匯豐為美國業務撇帳１７２．４億美元，仲有１９１．３億美元純利，唔使好似花旗咁水乾哂要大賣平股同發換股債集資，自然覺得有投資價值，加上不少基金追求派息，見匯豐繼續派高息，唔似美國銀行股隻隻要減派息，自然要追捧一下匯豐。

睇完匯豐業績，發覺它在美國以外的業績靚到絕，但美國業務又未解決，所以在《頭條日報》的文章用「愛恨交纏」來形容匯豐，相信好多網友揸了匯豐，都有這種感覺。我有一個朋友在１２５元時追了匯豐，博撈底，後來在１月２２日大跌市之後一日，見隻股跌到１０４．４元，問我點算，我問佢揸得多唔多，佢答「好多」；問佢等唔等那筆錢使，佢答「唔等」；我就話「無乜點算，既然唔等錢使，唯有短炒變長揸囉。」之前佢見匯豐升番啲，日日問我好唔好沽，我話未到價就等埋業績先至算。到昨日見到匯豐業績咁靚，佢又話唔沽囉，話「要留番俾個仔娶老婆用」，我笑住話：「你唔好太high，唔好見匯豐再跌時又走來問我。」

這就是散戶的情緒，買股票時無想清楚自己能承受多大風險，心情隨著股價波動而起落，自己無認真去分析隻股票，更遑論有很清淅的投資態度，我的中環茶友對匯豐的看法分歧好大，但取態分明，愛走短線的看淡匯豐，他們買股的態度近似對沖基金，追求短期回報，認為匯豐短線仍跑輸其他強勢股。超長線的仍然保持看好匯豐，特別是匯豐股價下插時，認為收５、6厘息睇十年無壞。

其實匯豐處理美國次按業績的策略，亦反映了宜長不宜短的格局。昨日已講過機構投資Eric Knight叫匯豐馬上殺掉美國次按業務，匯控主席葛霖好大反應，指現時放棄美國業務將損害集團品牌及聲譽，並形容該建議不合理、不切實際、難以想像，以及不負責任。葛霖似乎用哂一片形容詞來表達對Eric Knight的不滿，咁又係，Eric Knight曾經在英國報紙登廣告鬧匯豐，難怪葛霖咁慶。

Eric Knight建議引刀成一快的做法，充滿美式作風，美國公司做事，一唔得就換CEO，一唔對路就裁員，可以斬就把有問題的業務整個斬掉，用錢再併購一些市場歡迎的項目；這是快餐文化，美國CEO平均在位壽命兩年多一點，個個講得吹得，宏圖遠大，概念多多，一上任就要搞迎合市場搞新的一套，最好一年後股價大升，兩年後成為哈佛成功案例，佢就可以用購股權認股「骨水」，退休後仲可以出書教書，總之一切要靚要快，博短期內成功。

匯豐唔接受Eric Knight的建議，除了唔想全面認輸，怕在最低價出貨外，亦重視集團的「品牌與聲譽」，即係唔想跟佢搵食接佢貨的投資者輸清光（美國佬唔當一回事），所以要堅持繼續做美國業務，這亦較近英國文化，公司發展難免慢一點。英國的CEO在位壽命較長，唔係唔吹水，但比較重視執行力，好似匯豐這種以內部提升為主的公司，更重視員工的忠誠和住績，唔係咁輕易殺人，亦忍唔住一刀斬掉生意。

匯豐而家叻在其他生意好，頂得住對美國業務大幅撇帳，所以有條件捱下去，此舉的好處是如果捱到出頭天，美國業務轉番過來，就等如有一筆低價投資的生意，將來慢慢收成，只要生意唔使執，因為撥備咁多，將來只要唔係輸咁多，回撥也是重大盈利貢獻。不過死捱的唔好處是仍然面對風險，若次按風暴令美國經濟王再急滑，唔知頂唔頂得住，例如美國經濟衰退影響歐洲和亞洲，令匯豐這些地區的生意也大跌，但美國生意撇極都未止到血，咁就有可能滑入花旗的狀況。我估八二分吧，八成機會捱吓就無事，兩成機會美國出現波及全世界經濟的大事，投資者要自己衡量風險。

所以想買匯豐，第一要等佢回落時才買，第二要用閒錢去買，最好是把存在匯豐的閒錢用來買，又係嗰句，買高息的匯豐股票，好過存錢在匯豐收低息俾佢賺，但你要有長守的心理預準，買完萬一佢跌穿１００元你都唔驚，先至好買。

陸羽仁

http://www.hkheadline.com/blog/r ... rd=&searchtype=

Mr.Business

2008/3/5 上午 11:02:54

陸羽仁覆網友

Yuki:我自去年１２月開始睇法都無變，在那時開始講港股有一段時間進入一個大型上落市，唔再係大升市，因為去年１０月升到近３２０００點係升突咗，要調整，整固，那時睇第一季低位２３０００點（當時約２８０００點到２９０００點），實際在１月曾見２１７００點，比我想像中還要低。

而家仍在大型上落市中，波幅略收窄，按我的彈波理論，個波從高位落下，漸失動力（無大戶有大方向炒作），波幅收窄，等突破。向下突破的動力是美股崩圍，向上突破的動力是美股見底或大陸股市重拾升勢或港股直通車開行。光從炒作角度，２３０００點向下做淡水位不會太深，所以估跌低咗外資大戶做吓好倉，未有大動作前，炒吓上落都好，高位又沽吓，等突破時機。從短期炒作角度，想佢升，要先來似樣的一插，想佢跌，又要有似樣的一抽。

你話見散戶趁低買貨，未係好淡，只是比較穩陣的散戶，唔係愛好炒作的散戶，好多炒作型散戶已成手蟹貨，見平貨都無錢買。經紀張的講法更和你相反，形容散戶大多非常低沉。你要知散戶指數的真正作用，係大戶想做好時，要大手揸期指，首先要搵好多人沽貨比佢，佢先可以買到平貨，若非急插時，就係長期牛皮向下時。若大戶如你所講，在累積淡倉，咁佢地起碼睇緊３０００、４０００點的向下深度，恒指要插到１９０００點，插到唔係無可能，佢地都可能咁狼，但要面對大陸把個市挾高的風險，要睇外資敢唔敢咁玩。

你問四隻汽車股點解咁殘，我估宏調間接影響到佢地，股市唔旺，暴發人少咗，銀行唔借錢，集團購買亦低咗，２０３駿威１２．５倍市盈率，佢阿媽話上市，有分薄作用。４８９東風，係車類強股，１８．５倍市盈率略貴，好多行業強股無咁貴，唔一定要買汽車。１７５業績較差，１５．３倍市盈率唔算平。２３３３長城，１２．３倍市盈率，仍然係較低，聽聞生意唔錯，就出業績，可以留意。

Clmama:你問奧運前大市有無機跌到２１７０９點的低位，不能排除，特別下月開始第一季更差的數走出來，但插得深，可能係見底的時機。

Tom:你問人民幣會否一次大幅升值，我估機會不大，中國根本不想人民幣升值，係逼出來，所以只願一寸寸咁升。

GIGI:你問我９１１和沙士做乜？我在９７年金融風暴開始睇淡港股港樓，長線投資全面清貨，一直未看好，所以錯過了２０００年的小陽春和科技股潮，但亦無在沙士大跌中中招。在２００４年開對樓股看好，全面增持，主要是沙士令資產跌得太殘，亦十分看好自由行和大型國企來港上市。

短線投機方面，９１１大跌市我在當日買匯豐，我好鐘意在政治性大跌市買股，因為我比較熟悉這些東西，比金融界更相信這些事情的影響持續性較想像為少，例如９０年在美國對伊拉克一開戰我就入市。

股股吓：話匯豐要「超長線」，因為佢會再跟美股跌，而且短期內會跑輸其他強勢股。

牆頭草：我係讀書人，睇吓美國佬英個佬寫啲嘢，就知佢地賣啲乜了。你睇２０１９９９年科網潮，英國無美國咁狂炒科網股，就知兩者的分別。

Mr.Business

注：此篇文章版权归香港頭條網所有。

金融High Tea——股神開腔製造驚嚇
2008年3月5日

礇控（005）[股價及相關新聞] 、恒生（011）[股價及相關新聞] 公佈靚靚業績，結果成為大戶隊高出貨的機會，大市高開274點後反覆回落，午市曾跌至23,061點，收報23,120點，倒跌465點；國企指數亦先升後倒跌468點，報12,972點，大市成交841億元。期指收報23,001點，跌314點，比現貨低水119點，成交74,773張，指數繼續在死亡三角走勢圖形上穿梭。

銀行股中，業績近預期上限的礇控，升幅收窄至1%；去年多賺五成的恒生獲大行唱好，但股價因為獲利回吐不升反跌3%。

港股下跌，主要受美市不振同內地股市滑落拖累，內地股市在金融股全線重挫下，滬深兩市雙雙出現大幅下跌，內地跌市主要是深圳發展銀行公佈股東會通過增發方案影響，觸發銀行股集體向下，主角深發展下午跌停板，多隻銀行股跌幅逾5%，滬綜指報收4336點，跌2.3%，深成指報收15751點，跌2.7%。交投兩市成交額共計2,037.5億人民幣。

內地股市震殘六行

在內地股市拖累，以及中國銀監會透露內地銀行持有過千億次按，國企「六行」全線向下，跌幅2.2%至3.1%。茶友話，本來礇控同恒生公布，係三月份業績期的重頭戲，結果出來份成績表，亦無令人失望，無奈遇覑股神巴菲特唱淡，內地股市又調整，單靠礇控單天好難保至尊，好友頂兩頂，又被淡友沽番轉頭。

上個星期，個市向好，主要係頂實隻礇控等宣佈，業績見光後開始消化，炒好消息出貨，恒生比礇豐更加明顯，過去半年，恒生股價由100元邊衝上160元，之後回落到140元水平徘徊，以增長五成計，德銀發表研究報告表示滿意，維持買入評級，但輕微將目標價調低3%，至174.5元，理由是今年恒生的經營環境會較去年面臨較大挑戰，高盛的研究報告則表示，恒生的07年業績，已反映了其專營銀行性質，但強勁勢頭未必能持續至08年，目標價則從150元上調至 165元。

茶友話，自從港交所被外資大幅評級後，大行目標價見好唱好，見淡唱淡之本色盡露，只能當作參考，他們的賽後評，主要反映外資整體調子偏淡，所以公司宣佈業績差，固然質到你暈，公司宣佈業績好，大行又會話憂慮無以為繼，證明大戶現在未係買夠貨的時候。

大行淡聲淡氣，股神巴菲特亦一樣唱衰美股，早前他出手提出挽救債保商，市場紛紛估計個市可能開始見底，結果股神債保商買唔成，掉轉槍頭唱番話股市現水平根本不算便宜，又話美國實際已進入衰退，暗示股市仲會有得跌。

巴菲特縱橫投資市場多年，入貨永遠都要大超值，但盛名之下，一舉一動都受人注目，他一話有興趣，人家即係會諗係咪賣平鰦呢？股神名頭響，有時?到覑數，好似平價入股中石油就係一個例子，但有時亦要付出代價，前晚他唱衰股市前景，究竟係咪想為自己意圖入市的行動降溫，只有股神心中有數，但打完開口牌，美國投資者當然驚青，全球股市都出現了短暫的股神效應。

證實衰退觸發最後一跌

巴菲特話美國實際已陷入衰退，令陸羽仁諗起早前同一位財金界權威人士飲茶，權威人士本來對美國經濟同股市睇得比較淡，認為美國次按之後，有可能會危及消費，觸發信用卡壞帳潮，這時美股有可能在經濟連續兩季負增長，證實衰退出現時大跌，成為一次執平貨機會。

過去一年，猛人對於美國金融危機都抱覑戒心，不斷話次按同樓市好大鑊，他的預測隨覑美歐大銀行瘋狂撇帳陸續應驗，所以他給陸羽仁的感覺，對前景是略為看淡，但聽他講完終極一跌預測後，反而覺得猛人對前景看得無以前咁淡，覺得最黑暗的時間即將來臨，之後就有機會見底了，由這個思路去推想，巴菲特講緊的，又會不會是同一個銀幣的另一面，他老人家都係等緊個市大插見底呢？

陸羽仁講猛人的終極一跌論，唔係話個市一定會急挫之後就升，叫大家準備入貨，因為大戶沽貨愈沽愈高，入貨愈入愈低，所以他們最希望個市出現恐慌，散戶買盤一日就可以完成，基本上跟紅頂白已經搵到食，但多了解大戶思路，跟起上來就梗係快人一步啦！

陸羽仁

http://www.hkheadline.com/news/h ... mp;section_name=wtt

Mr.Business

注：此篇文章版权归香港頭條網所有。

剃頭剃出禍         

2008/3/5 上午 09:51:39
網誌分類: 經濟

美股昨日急跌後又收復失地，聯儲局主席伯南克呼籲銀行削減房屋借貸人的欠款額，拖累金融股急挫，加上市場憂累經濟衰退影響油價，油股回軟，道指早段一度跌超過２００點，跌到１２０３０點左右，直逼１２０００點大關，不過尾段因為CNBC報導債保公司 Ambac Financial Group Inc.的拯救方案快有眉目，尾市大力反彈，結果道指只跌４５點，收報１２２１３點。美股雖然短期守住１２０００點，或再有反彈，但在聯儲局確認較大幅減息前，恐怕這幾日道指還要再試一試底。

伯南克建議銀行削減樓按貸款人欠款額的行動，相當頂癮，值得一書。伯南克昨日在佛羅里達州向銀行家發表演說時，警告美國樓市可能進一步下滑，他認為「政府和私人機構都要做點事，減少不必要的收樓，可以做多一點，必須做多一點．．．．削減房屋貸款人要償還的本金，保留一點資產給貸款人，可能是防止斷供和收樓的有效方法。」

伯南克的建議比過去美國政府提出的各種措施走前一大步，亦比聯儲局過去的看法「進取」很多，聯儲局２月２７日向眾議院提交的報告，也只是建議房貸機構採取審慎措施，例如改變按揭條款，延遲還款等，來幫助貸款人。但伯南克今次卻提出削減欠款本金的「激進」措施，被市場理解為聯儲局相信單靠貨幣和財政政策，仍然不能阻止樓市急促下滑，係一個幾負面的消息。

伯南克的建議，類似一般銀行對有破產危機的欠款人的「剃頭」削債行為。例如一間公司欠多間銀行總共１００億，現在週轉不靈，無法還款，銀行家和公司談判債務重組，最後同意削減債務，間公司本來資產６０億，欠債１００億，資產負值４０億，銀行同意集體將公司欠債由１００億降至５０億，間公司變番有１０億淨資產（６０億資產減５０億債務），銀行可以把削減的５０億欠債變成公司股份，它們變作股東，讓公司財務回復較健康的狀態，市場把這種削債行為稱為「剃頭」，債務好像頭髮一樣剪短了。

伯南克借用此邏輯，心想銀行借１００萬美金人地買樓，間樓跌到值５０萬，貸款人交低鎖匙去如黃鶴，銀行收樓拍賣之後仲要唔見５０萬，如果銀行削債３０萬，引到借貸人繼續捱下去，最後可能會蝕少啲。間間銀行都咁做，恢復對樓市的信心，仲可以有良性循環，防止樓價再下滑。

呢個道理表面看諗得通，但想落就有問題，假設目前美國有一成房貸人因為樓價跌唔起或唔想供，樓市再差一點有兩三成人係咁，這些樓按變成壞帳，當然對銀行影響好大。你話銀行願意「剃頭」，如果在一個實驗室的環境，本來唔還錢的人係X，剃頭政策出來之後也是X，新政策或者行得通，銀行咁樣會蝕少啲。但現實世界不是實驗室，人和政策互動，原來還唔到錢的人係X，新政策出來後，可能變成１０X，因為可以削債咁著數，自然人人都想削，你供得起樓無得削債，供唔起樓就有得削，自然引到個個人都唔供，供得起都馬上變哂供唔起，逼銀行削債，本來一成人唔供，立刻變到十成。假設銀行要削債三成，全體按揭總額馬上減三成，美國的銀行體系頂唔頂得順？如果削三成債之後，樓市仲再跌，房貸人又開始斷借，銀行又集體再削三成債呀？

伯南克係研究對抗衰退的專家，專研１９２９年中央銀行沒有及時放水加深了衰退。但這個專家實際掌舵對抗衰退時，就發覺衰退唔係眼睇咁易對付，所以腦筋急轉彎，就想出好有「創意」的方法，但這些建議是否可行，他似乎未想得透。

長期在市場打滾的美國財長保爾森，口徑和伯南克不太一致，他早一日接受訪問時，還在控制市場對樓價急跌的悲觀情緒，他認為擔心樓價跌低過按揭額的憂慮，「差不多過份了」，政府正在適當的事，並取得進展。保爾森話，有些借貸機構明顯見到把一些樓按的本金撇掉（不一定是剃頭，可能把財務處理），比收樓成本少一些；但「我的焦點」在借貸人如果願意繼續供樓，又遇上困難，走出去與人商量一下，去解決問題。以保爾森的講話推算，他只是建議借貸機構靈活地讓還借款人延遲還款，並自己作撥備，而非正式讓借貸人削債。

伯南克拋出這些不成熟的建議，予人一種藥石亂投的感覺，令人開始懷疑這個學者，到底有多少實戰經驗，到底對市場有多了解，若美國最後真採取他建議的剃頭措施，或者是無計可施，但結果難免大亂。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 5-3-2008 01:10 PM 编辑 ]

Mr.Business

2008/3/6 上午 11:09:44

陸羽仁覆網友

Ray:你問美股終極一跌幾時來，我估第二季機會幾大，因為第一季數字一定唔好，好大機會負數，到第二季數字出來，加上銀行第一季業績又差，信用咭亦有撇帳，所以業績亦唔慌好。美國第二季經濟在退稅效應下應有反彈，若第三季都係正數，就可渡過危機。而港股則受制於美股和大陸股兩大因素。

你話好唔好等反彈先沽等終極一跌，我認為睇係乜盤，炒作盤見高減啲無壞，長揸盤若成本不高，不宜出出入入，你點知大陸唔會穩定下來，又炒吓奧運呢？

Ibn42:你話美國房貸剃頭債轉股，銀行變揸削債後的物業４９％，正如Mkm所講，此方法有好多漏洞，將來有排打官司，簡單啲講假如業主不賣樓，銀行就無任何利益。亦如MKm講，而家美國佬狂貶值美元，逼全世界為美國找數。

牆頭草：打美國佬工，要明白美國企業文化，極其短視，重視併購，唔係我買人，就係人買我，我有個朋友因為併入新公司唔喜歡個上司，走去競爭對手公司打工，點知新加入的公司又俾原來的公司併購，又要對住那個老闆，佢當然走，但兩次併購食了兩次肥雞餐，收兩大筆，跳跳吓仲升埋職，佢就食到應美國文化啦。

Piker:港交所高層如周文耀高位行使認購權認了股，話收息，仲未沽，同散戶同一命運，佢當然係睇好啩。

Tom:領匯大戶轉手，一個沽，一個揸，都係大行揸，應無重大微言大義。

S2000:證券行評上電只值４．２元，咁市道對股價有啲影響，在跌市中，人人開始用理性計數的態度看股票，股價高者有危險。

港華燃氣近排跌得急了點，燃氣不能加價，但原料升價，自然影響盈利，但控制價值行為不能長期持續，現價有向下feel，要買最好分注，等跌時，慢慢買。

Wfkk:若民主黨奧巴馬出線，不排除共和黨人機會又增，萬一共和黨主政，不會從伊拉克撤軍，軍費不減，弱美元政策持續。

通脹年代又遇上股市跌，感覺唔太好，但總好過年年通縮啩。

Flyinthesky:高手朋友在牛皮市做大戶做的事，沽期權的spread賺期權金，兩邊認購Spread和認沽spread同時拉開價位沽，由於是spread，亦鎖定了潛在虧損，大市走向一邊時會以期指動態對沖，不過散戶唔好學。他睇美國如挾到減０．７５厘，確認後又會炒吓反彈，應在減息前一星期有眉目。不過港股暫時仍是上落市，候大消息突破，悶一排絕對唔奇。

Loklok:哈動是強股，主要是核電概念，缺電佢的概念更得，所以雖從一年高位回落近一半，距一年低位仲有一倍，算有抗跌力，近日回落是跟大市落，若跌穿買入價低一成，或可止蝕一半，留一半睇吓。

Clmama:若大市長期靜，港交所炒一輪又要回。