【专题讨论】转载香港頭條網陸羽仁, 王雅媛的文章

Mr.Business

注：此篇文章版权归香港頭條網所有。

金融High Tea——雪災快過 托市有力
2008年2月6日

《頭條日報》過年休假，陸羽仁在這裏先向大家拜個早年，希望鼠年大賺，唔怕次按，穩渡宏調。

春節長假期在即，恒指隨外圍低開322點後反覆上落，收市跌224點，報24,808點；國企指數跌80點，報14,040點，大市成交縮減至850億元。期指收報24,710，低水98點，成交49,660張。

礇豐認為離春天不遠

港股連日反彈，主要受內地股市回升帶動，中國股市節前最後一個交易日收市下跌，上證綜指收市跌1.55%，報4,599.70點；深證成指跌1.01%，報16,859.64點。焦點股中國石油（601857）限售股解禁壓力下大市今日順勢回調，長假期間的不確定性亦令市場買盤意願減弱。

今次香港跌市受美國次按、內地宏調夾擊，再加上一場雪災，但大行認為雪災影響不會太大，而且快到尾聲。礇豐地區證券策略師孫瑜以「冬天來了，春天還會遠嗎？」為題，評論雪災對內地經濟的影響，認為呢次雪災和03年的沙士相比，影響會輕微得多，預期在今年第一季對內地GDP的影響少過一個百分點，但1月的 GDP增長可能約只有7%，增長略放慢令管理層不致大力宏調。

礇豐認為現時內地股票的價錢已反映了雪災的壞影響，雖然不能現在就宣佈嚴冬已過，但春天應該不會太遠，內地股票從去年10月高峰跌了30至40%，摩根士丹利中國指數只有15倍的預測市盈率，而上海A股的預測市盈率亦低於25倍，估計大摩中國指數到08年年底還有30%潛在升幅。

礇豐認為以行業計，雪災對大部份周期性行業第一季有輕微負面影響，如航空、金屬、科技、旅遊、食品、零售、保險等，而鐵路及能源相關基建公司卻會受惠於災後重建，今年夏季較熱，電力需求較大，電費高峰會在今年第三季出現。所以總括來說，礇豐認為壞消息已大部份被股價反映了。

《 人民日報 》力鋤平保集資

阿爺出力托市，從《人民日報》一篇評論都睇得到，《人民日報》發表文章，指平安保險（2318）[股價及相關新聞] 上月21日公佈要發A股集資1600億元的通告，創A股有史以來融資規模之最。消息一出，中國平安股票接連兩日跌停，之後一周內又出現第三次跌停板，A股市場受此影響也產生了劇烈波動。雖然中國平安的融資計劃還需要股東大會通過和監管部門的批准，但股價的走勢已經表明股民在用腳投票了。

文章又稱，對於平保的再融資計劃，股市會有如此激烈的反應，主要原因有幾點：其一，中國平安去年3月在A股上市，融資額為400億元；在上市不到一年、公司並未給投資者帶來實質性回報的情況下，又出人意料地出現天文數字融資計劃，1600億元的再融資規模，相當於2007年整個A股市場招股集資總額的 1/3，確實讓市場和股民感到吃不消。其二，中國平安的再融資公告中，對資金用途並未進行詳細披露，只是表示將全部用於補充資本金、營運資金以及有關監管部門批准的投資項目。如此大的融資規模，卻具體項目不定，回報預期不明，只是一味地叫你掏錢，難怪會讓投資者反感。

《人民日報》是中國官方喉舌報，不同香港報紙可以亂寫吹水。即使《人民日報》老編個個買重股票，好唔同意平保大集資拖低股市，都唔可以亂咁評論。《人民日報》出得咁樣的文章，九成九已反映了中國證券監管部門的態度，所以平保大集資計劃，如果不腰斬，都好有機會大縮水。

春節是中國人的大節，雪災已經咁慘，管理層股民因為跌市又傷心多一重，所以農曆年前會力托，過住年放完假若內地股市重上高位，咁又唔敢包了。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:05 PM 编辑 ]

Mr.Business

注：此篇文章版权归香港頭條網所有。

下跌螺旋         

2008/2/6 上午 09:50:10
網誌分類: 經濟

美股又急插，反映服務業的供應管理協會指數急跌，令市場重燃對經濟衰退的憂累，拖累美股大幅下跌，道指跌３７０點，跌幅２．９％，跌到１２２６５點的水平，又快將要試１２０００點大關。日股受美股影響，早段跌超過５００點，跌幅３．７％，睇嚟港股又要大力插一插。

管理供應協會非製造業指數主要評估銀行、零售業和建造業公司，最新數字是４１．９，比對上一個月份的５４．４急跌，市場認為指數５０是增長與收縮的分界，上次數字還在增長水平之上，今次急跌到遠低於５０，就令市場有點恐慌。

若美國經濟被確認是衰退，企業盈利必然會受重大影響。據彭博的統計，現時已公布第４季業績的３１１間主要公司中，平均盈利倒退２３％，但仍有６４％的企業公布的盈利是市場估計的上限，比一年前同期的６０％公司是估計上限還要高。這個「進步」可以用兩個原因來解釋，第一，是市場深明有次按影響，主動調低了部份公司的盈利估計，所以較易符合預期。第二，是如今仍主要是金融股大受次按影響，要蝕錢，拖低了公司平均盈利數字，但大部份公司盈利仍然相當理想。現時市場就係擔心衰退來臨，令這些本來不受影響的公司開始受到重大影響。

昨日美股面對另一個壞消息是評級公司Fitch Ratings又話可能降低主要債券保險公司MBIA Inc.的 AAA 評級。Fitch Ratings在一個月前仍然肯定MBIA的前景評級，但如今又話可能降級，Fitch Ratings話若債券保險公司的虧損機會大增，無論它們增加多少資產，都難以維持AAA 評級。

美國銀行正計劃聯手救債券評級公司，研究注資支持它們，銀行此舉也在救自己，正如另一家評級機構標準普爾所講，如果債券保險公司出問題，銀行所持有的次按債券失去保障，銀行要對那些債券再作更多撥備。所以銀行要救債保公司，但如今評級機構話債保公司獲注資都唔可以保持評級，又唔知有乜計可以救債保公司。

美國股市如螺旋式急跌，拖累港股都好難睇好，彈如又跌，彈完又跌再，這種市況買股票風險很高，網友入市買又好賣又好，只宜小注。

後記：新年又到，祝網友新一年唔怕風浪，鼠年大賺。陸羽仁網誌要到初五（下星期一）再和大家見面。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:05 PM 编辑 ]

Mr.Business

2008/2/11 上午 11:22:26

陸羽仁覆網友

小潘：你代大家求個支車公廟上簽同黃大仙上上簽係唔係真架？

牛腩貓咪，Coco:大鱷財雄勢大，我地都係無力打大鱷，順住佢行好過啦。

Suki:正常情況下，港股和日股、美股同步，港股波動最大，但現時理應美股走勢更弱，港股受內地因素支撐。美股要跌正常都要穿１１５００點，１１０００點唔知守唔守到，如插得急，會拖港股落。

ｓ２０００：美國兩季GDP下跌已叫衰退，所以美國衰退的機會不低，怕只怕佢急跌，若急跌會拖低港股。

Puri:中芯係弱股，而家強股都唔少，宜換馬強股。Soho中國和群星宜守止蝕價，特別是群星較弱。

現價買領匯雖然唔算平，但風險也有限，主要係上下波動，難啲大跌。

Top Gun:炒股如壓力太大，頂唔順，要減啲磅。

Nevermind:國壽跌得勁，因為基金獲利貨多，成交大又易沽，要錢可以沽佢先。一沽開又觸發「I kill you later」的斬倉貨。

內行蟹人：惠理是一間基金公司，市旺時賺錢多啲，市靜啲就差，又無人炒，所以會長期牛皮，宜換馬強勢股。

YY太：我個年代無線電視唔夠廣告時，會播大力水手卡通或Bee Gees唱歌短片，我地一班細路一見到播Bee gees，無大力水手睇，就媽媽聲。

Philip:買樓借突去買股，由於借錢買股，我始終唔太建議。

CCB:你月供供A50基金，唔知有無得供恒生H股基金（２８２８），若果有供H股基金好過供A５０基金。

Piker:兩岸三通，未諗邊隻股票得，先諗邊隻唔得，台灣開自由行，又通航，會扯走香港旅遊和航空生意。

[ 本帖最后由 Mr.Business 于 16-2-2008 04:06 PM 编辑 ]

Mr.Business

注：此篇文章版权归香港頭條網所有。

金融High Tea——鼠年投資大波動
2008年2月11日

豬年股市從熱鬧開始，以動盪結束，港股在豬年最後一個交易日大跌1,339點收場，恒指收報23,469點。鼠年註定從動盪開始，問題是會愈來愈動盪，還是漸入佳境呢？

年三十晚大跌係因為美股杜指大跌370點，港股又過年無市，所以跌定等過年，不過在過年這幾天，美股無大上落，杜指上周五收12,182點，比年三十晚當時的12,265點，只是跌多83點，並無大插，不致對港股有太大壓力。

現在年初一都有好多茶樓開市，陸羽仁和中環茶友過年時飲茶，大家對鼠年股市只得一個結論：大波動，今年鼠年是一個大波動年。若果美股無股災，美國經濟跌兩季就無事，對港股不致有太大壓力，咁樣依家的股票已經不算貴，買入長獱不難執三、四成。問題是美國若有災，又作別論。至於中國則是波動向好，雪災的影響不會太持久，更會令宏調措施放慢，所以基調不算太壞。

防美股災 迎直通車

有中環茶友話，鼠年買股要冒風險，衰者遇上美國股災，會中招；好者遇上港股直通車放行，有得博；但並不是一帆風順，買唔買股，點樣去買，要自己衡量。

講到自己判斷，有茶友講到一個網上流傳的美女徵婚故事，有參考價值。故事名字叫「嫁個有錢人」，傳聞是這樣，一個年輕漂亮的美國女孩波爾斯在美國一家大型網上論壇金融版上，發表了一個帖子，題為「我怎樣才能嫁給有錢人？」傳說內文的翻譯本是這樣：

「我下面要說的都是心裏話。本人25歲，非常漂亮，是那種讓人驚艷的漂亮，談吐文雅，有品味，想嫁給年薪50萬美元的人。你也許會說我貪心，但在紐約年薪100萬美元才算是中產，本人的要求其實不高。

「這個版上有沒有年薪超過50萬的人？你們都結婚了嗎？我想請教各位一個問題——怎樣才能嫁給你們這樣的有錢人？我約會過的人中，最有錢的年薪25萬，這似乎是我的上限。要住進紐約中心公園以西的高尚住宅區，年薪25萬遠遠不夠。我是誠心誠意來請教的。

「我有幾個具體的問題：

一、有錢的單身漢一般都在哪裏消磨時光？（請列出酒吧、酒店、健身室的名字和詳細地址。）

二、我應該把目標定在哪個年齡段？

三、為甚麼有些富豪的妻子看起來相貌平平？我見過有些女孩，長相如同白開水，毫無吸引人的地方，但她們卻能嫁入豪門。而單身酒吧裏那些迷死人的美女，卻運氣不佳。

四、你們怎定決定誰能做妻子，誰只能做女朋友？（我現在的目標是結婚。）

──波爾斯女士」

只想嫁個有錢人

傳聞一個華爾街金融家坎貝爾發了回帖：

「親愛的波爾斯：我懷覑極大的興趣看完了貴帖子，相信不少女士也有跟你類似的疑問。讓我以一個投資專家的身份，對你的處境做一分析。我年薪超過50萬，符合你的擇偶標準，所以請相信我並不是在浪費大家的時間。

「從生意人的角度來看，跟你結婚是個糟糕的商業決定，道理再明白不過，請聽我解釋。拋開細枝末節，你所說的其實是一筆簡單的『財』與『貌』交易：

『甲方提供述人的外表，乙方出錢，公平交易，童叟無欺。』

「但是，這裏有個致命的問題，你的美貌會消逝，但我的錢卻不會無緣無故減少。事實上，我的收入很可能會逐年遞增，而你卻不可能一年比一年漂亮。因此，從經濟學的角度講，我是增值資產，你是貶值資產，不但貶值，而且是加速貶值！你現在25，在未來的5年裏，你仍可以保持窈窕的身段，俏麗的容貌，雖然每年略有退步。但美貌消逝的速度會愈來愈快，如果它是你僅有的資產，10年以後你的價值甚憂。

「用華爾街術語說，每筆交易都是一個倉位，跟你交往屬於『交易倉位』（Trading Position），一旦價值下跌就要立即斬倉拋售，而不宜長期持有——也就是你想要的婚姻。聽起來很殘忍，但對一件會加速貶值的物資，明智的選擇是租賃，而不是購入。

「年薪能超過50萬的人，當然都不是傻瓜，因此我們只會跟你交往，但不會跟你結婚。所以我勸你不要苦苦尋找嫁給有錢人的秘方。順便說一句，你倒可以想辦法把自己變成年薪50萬的人，這比碰到一個有錢的傻瓜的勝算要大。

希望我的回帖能對你有幫助。如果你對『租貸』感興趣，請跟我聯繫。」

──羅伯．坎貝爾（某著名投資銀行多種產業投資顧問）」

結婚炒股認清方向

大家都知，網上的東西，很難考證真偽，不過美女波爾斯和投資顧問坎伯爾的網上對話，無論是真是假，也的確很有意思，值得反覆思考。美女波爾斯想用自己的美貌換個有錢的老公，立刻就把愛情變成交易，但她卻不明白自己擁有甚麼交易條件。

中環茶友個個是投資專家，他們分析波爾斯這樣的年輕美女，價值就如期權，新鮮上市時價值很高，但隨覑時間推移，價值會急促下跌，所以只有短炒價值，好難長獱。若波爾斯知道自己賣點與局限，如果知道自己只有美貌，既無智慧，亦無內涵，就應該用盡美貌，限時脫手，見好即收，25歲時還可以想想找年薪50萬美元的肥羊，到28歲仍然賣唔去時，就只能降低要求，年薪20萬美元的中羊都要殺，否則一過30歲，色衰愛弛，隨時變成廢紙，永遠也賣不出去（我們一眾講內涵、求愛情的讀者當然例外）

中環茶友話呢個故事對股民也有意義，我們買股票的情況也是一樣，人人都想嫁個有錢人，炒股賺大錢，但不能老是想覑自己的理想去發夢，完全無估計自己的條件。很多人要結婚只定出對象的標準，買股只是想覑目標價，沒有問自己有甚麼條件，沒有問自己曾否理性地去看待「理想」。

長獱倉位要講內涵

我們買股和美女波爾斯面對的問題一樣，先要看清楚自己的處境，若只是短炒格局，高價買了股票，就如接了火棒一樣，要盡快找人把火棒送出去，利用有限的條件去交易獲利，不要以為自己在追尋恒久的愛情，這種「投機的我」的買股票方式，注定就是「租貸式」的一夜情，好多貴價股追鰦之後，升幾升就回落，你要記住識得走，守止蝕，否則就會由搞一夜情，被逼變成長相廝守。

買了貴股票，防守力比較弱，要打醒精神，因為跌起上來跌三、五成一鱓都唔奇，這只是正常調整，不是超常大跌，買好股遇上調整，過幾個月可以翻身，如果你買了雞股，或者遇上的是大跌市而非調整，咁樣就會衰好長時間都翻唔到身。好像老鰦的美女波爾斯一樣，你話到40歲、50歲都未賣出，就註定要報廢了。豬年買股票的教訓是「投資的我」只能低吸，不能高追；而「投機的我」可以高追，但亦要高沽，否則好易變成長期坐艇的賣唔出蝕本貨。

有經驗的投資人，就如銀行家坎貝爾那樣，對買股票的動機很清楚，搵老婆是一些「長獱倉位」，未必只講美貌，會講埋內钕，買長獱股不是追求它短铫升得很精采，反而要求隻股在升市有得升，在跌市時有得守。

唔好覺得新年講呢個「嫁個有錢人」的古仔好無厘頭，我和一眾中環茶友都有一個結論，去年好多人買股不清不楚，分唔清自己想做乜，聽住人推介，諗住人地講的目標價，就?全副身家撲落去，東南西北都分唔清，年中贏時開心，年晚輸時痛極，投錯資就如嫁錯郎，結局一樣咁慘。

既然鼠年係一個如此大波動的一年，我們投資如搵老公一樣，都要小心行事，搵到進可以攻退可以守的對象，就比較容易安全上岸。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:07 PM 编辑 ]

Mr.Business

注：此篇文章版权归香港頭條網所有。

大波動      
   
2008/2/11 上午 09:44:13
網誌分類: 經濟

鼠年開始，祝願各位網友理性投資，鼠年大賺。

過年時和一個做生意的朋友傾偈，佢非常看淡後市，覺得美國會大衰退，香港和大陸都會受到很大影響，所以他做高檔消費品生意的策略是大減價促銷，賣得就賣，由於香港過年前後市道不差，他又減價，所以生意非常之好，但由於減價關係，利錢就唔係賺得咁深了。

聽完朋友講他做生意的策略，總覺得有點不對勁，表面看美國經濟的確有風險，若然大衰退的確會影響到香港，他講的理由似乎有道理，到底他的問題在那裏？回心一想，終於明白我的擔心，係因為他太瞓身。

我接著問他一個問題，如果美國唔係衰得咁交關，無出現股災，咁對你的生意有多大影響呢？他沉默片刻，答道：「我本來無想過這個問題，只覺得美國次按危機好大，但如果美國無股災，只係略為衰退，咁我就會好被動，因為我的策略是清貨，盡量唔補貨，等三、四月大跌市，如果大跌市我會食得好應，等跌完可以執平貨，但如果無大跌市，我基本上無貨可賣，就會錯過第二季開始的生意，而且到睇定個市無事才補貨，恐怕都要五、六月才可以再落單，那時訂貨又遲補貨又急，入貨價肯定貴，咁我今年全年計唔蝕都偷笑了。」

我就話：「我唔想太影響你的決定，因為美國的確有機會股災，大炒家索羅斯就日日唱淡，話美國會爆大鑊，所以你原來的決定有可能啱。我只係想講，今年環球金融市場非常波動，但美國睇市最叻的女股神科恩，命中率都只係得六成幾，所以人人睇市都可能唔中，當然包括我同你，所以要為自己留一條後路，投資自己的錯誤，萬一睇錯無咁傷。咁做等如買保險，要犯本，睇中會贏少啲，但萬一睇錯時保任自己死唔去，你都咁多身家，無謂太瞓身。記住呀，我叫你穩陣啲買吓保險，但係結果你睇中賺少咗唔好怪我呀。」

朋友都好精，馬上反問我一個問題：「如果我係睇好而唔係睇淡，如果我話美國無事，我會睇盡買貨睇好，咁又會點睇呢？」佢係測試緊我對大市的睇法。

我就答：「你都好精靈，識得咁問，如果你瞓身睇好，我估我都會同你講同一番話，叫你唔好去咁盡，以股票計，而家跌得比較多，恒指２３０００點，部份股票開始有吸納價值，但如果你要借到盡去買，我都會叫你留吓手，慎防睇錯，慎防美國萬一爆大鑊。」

對話就此結朿，我相信這個朋友仍然睇淡，但也會下番啲注做保險，例如訂番少少貨，或者唔沽咁盡，萬一市道唔係咁差時，可以有啲貨賣吓。

我估今年係大波動年，例如平常有一成機會大升，一成機會大跌，其餘八成機會是温和地升跌，今年恐怕有兩三成機會大升，亦有兩三成機會大跌，波動會好大，網友們可以睇好或睇淡，但我的一句忠告，唔去好得太盡，留一線好啲。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:07 PM 编辑 ]

Mr.Business

2008/2/12 上午 11:34:57

陸羽仁覆網友

twohitsix:你問我上月受外資關照提醒的華資朋友，最後有無沽貨，佢急急把手上的好倉平掉，但又唔夠膽做淡。正如你所講，外資大戶要做淡，通知華資，就成為一個「自我實現的預言」，華資唔敢跟手插，都唔會做好阻住佢。通知十個本地大戶，就成為一股助力。我講的華資朋友唔敢跟沽，原因好簡單，佢話外資做番好的時候不會通知你，呢啲市插得急，挾也可以好急，到邊日外資大力反手做好時，佢地華資若大手做了淡倉，走唔切。

你問若美股無災，港股跌得幾耐？對美股睇法人人唔同，大摩出身的巴頓碧斯就睇好，話美股目前已處於或非常接近重要底部，如市勢回勇，很可能由銀行股或證券股帶動上升。美股現水平已非常便宜，他已逐漸增持美股，並估計金融股上升空間可達兩成至兩成半。若果碧斯啱，美國無災，可能挾埋今轉減息，美股已見底，咁港股一定跌唔長。

現時係咸淡水交界，港股短期勢弱，尋底格，跌穿埋２１０００點好未？但若美國無災，短線投機者順勢沽，長線投資者反而要候低吸。這是危機，也是機會，長短線睇法可以相反。

牆頭草：若美國無股災，唔好話美國科技股，好多本地的紅色股已跌近起步價，不貴，你話內銀股、內房股仲話受宏調影響，有些股票已反映宏調較壞的情況，有些股票唔係太受宏調影響，可以留意，但買唔買睇吓自己能力，若手上無蟹貨有能力守者，等佢跌深啲反而係入市機會。

阿K:我對國壽的看法接近你所講，但不少紅色股本身質素不俗，已跌近起步價（即係比國壽跌得更深，更吸引），例如華能，又例如國航，投資者唔信美國有災，可以候低吸。合理估計美國有兩成機會出災，股市會再大跌，你都頂得順可以揸一兩年，亦唔怕在這個月等紅色股再跌低啲時儲吓貨。

小潘：你問現價買領匯好唔好，問題不在價位，而是買乜股份。在大市幾高時，我會叫你留意吓領匯、越秀房產這些笨股，我背後的動機是在升市他們無人吼，在跌市的抗跌力較強。但如今大市已跌在低位，人人怕風險，基金也怕風險，所以領匯大行其道，你想買領匯，動機和基金一樣，怕風險。但你是散戶，和基金其實不同，佢有錢必要買嘢，你怕風險可以唔買，但若要買嘢，我而家就唔建議你買領匯，一來「相對貴」，二來要若夠膽買貨，不如候低買H股指數基金（２８２８）好過，衰起上來揸一兩年，應該都OK。

Philip:你問借樓按買股，風險是否和對沖基金借日圓做套息交易一樣，我話有少少似，就係要冒中線（３年）利息升股票跌的風險，你頭一兩年可以好正，但利息環境轉了你未必識走。買越秀房產好少少，但佢有兩種風險，一是內地樓價大跌，佢資產值降都會跌。第二是內地租金大跌，佢派息也可能跌，諗清楚風險才決定去唔去投資。

Bread:１２．５元入了洛鉬，若短炒應在一成止蝕，無止蝕唯有死守‧你問上番１４元、１５元的機會大唔大，我話主要睇大市，要紅色股再炒起，才有機會。

JJ:中電在跌市變成避險股，有外資行開始話佢股價太貴，係我上面對小潘講領匯的放大版，我建議忍手好啲，怕大市等一兩個月好轉時，佢反而會回吐。

Any:12.5元入的中海油,現價想沽,想等9元入番,我建議你唔好諗得咁複雜,12.5元買,買入唔對路,想止蝕,或趁反彈止蝕,係一個交易,睇唔啱要投降,唔好理9元買唔買得番。或者定番11.25元做止蝕位,跌到位止咗蝕再算,候低再睇。

Seaside:國壽２２元入，入貨價較低，有得守，唔使咁急沽噃。

阿K:想幫家人買新地，１３７元已入一注，問我１３０元好唔入第二注，我覺得可以，定埋１２０元入第三注都Ok。

P:你問地產股幾時上番，主要看大市幾時好番，若論地產，過年後三、四月慢慢開番新盤，若開價唔太離譜，反應應該好，地產股可以好番啲。

Mr.Business

注：此篇文章版权归香港頭條網所有。

鼠年的港股
2008年2月12日

謹在新春之際，向《頭條日報》讀者致以問候！祝新年愉快、闔家團聚、身體健康、事業進步！去年是肥豬年，講到明是肥豬肉，當然人人有份，亦跟○七年港股一樣，差不多全民皆股。港股特別之處，是全民不只香港人，還包括國內同胞。

曾幾何時，國內人是多麼渴望可以有正規途徑投資港股，但這次回到上海過年卻發現因直通車一拖再拖，國內股民渴望及熱情已冷卻不少，故有需要重新去思考究竟直通車對港股還有多大影響。

港股要升 須靠真材實料

如果直通車消息已沒有之前那麼震撼，港股要升，便一定要靠真材實料，不可再純粹依靠一個資金流向概念。不要再妄想港股直通車開，港股估價便可追近A股，A 股高估價是歷史遺留下來獨有的現象，於港股是沒有可能發生的。現在恒指徘徊於二萬三千點，○七年市盈率為十六倍左右，有人說貴，有人說平， Victoria認為，單看恒指市盈率是沒有多大意思的，因為合理市盈率永遠是隨覑投資氣氛而改變。大家又不是沒有見過貴的可以再貴，那為甚麼平的不可以再平？雖然港股從歷史高位跌了那麼多，但我認為短線恒指還有可能進一步下跌。

要明白大市中短線是受資金帶動，而資金便是由消息及投資氣氛所影響。現在的投資氣氛是怎麼樣?只要你留意一下身邊的人，看他們買賣股票的態度便可略知一二。

因市場大上大落的緣故，Victoria身邊不少朋友都開始對股市卻步，就算不拋售持有的股票，也要觀望一段日子才入場，來自平常人的承接力自然削弱。而身邊的一些基金朋友，在入市之時，變得更加挑剔，不是超平的股票，他們也懶得去買。我想這便解釋了為何近日港股不再容易出現之前單日Deep V的現象，明顯缺乏了低位的承接力。

留意主題 做隻機靈老鼠

投資者沒信心，股市變得易跌難升，所以在鼠年，Victoria已決定要學做一隻機靈的老鼠，覓食出擊時，不要太過得意忘形，感到大市不妥之際，便馬上回巢，避免在外停留太久。

中線股票，鼠年還有一些主題是值得留意的，第一便是人民幣升值，升值已是大家默認的事，升多少才是大家關心的問題。第二便是銀行低息及通貨膨脹同時發生，在這種情況下，估值便宜而又派高息的股票有機會成為08年投資者的資金避難所，故大市回穩後Victoria亦會考慮買入一些穩定組合等收回報。最後再祝大家鼠年股運亨通！

王雅媛（Victoria）

http://www.hkheadline.com/news/h ... 4D&section_name=wnb

[ 本帖最后由 Mr.Business 于 16-2-2008 04:08 PM 编辑 ]

Mr.Business

注：此篇文章版权归香港頭條網所有。

金融High Tea——淡友大戶又做世界
2008年2月12日

鼠年開市，紅盤低收，而且愈跌愈多，首個交易日低開64點後，原來已是全日高位，跟住個市反覆下跌，午市最低見22,570點，收報22,616點，大跌 853點；國企指數跌537點，報12,531點，成交764億元。期指收報22,480點，跌970點，比現貨低水136點，成交63,728張。

各類股份除了公用股企穩外，幾乎全線下跌，法國興業公佈4供1股，供股價折讓4成，銀行股礇控（005）[股價及相關新聞] 壓力加重，跌4%，成為跌市火車頭；另一重磅股中移動（941）[股價及相關新聞] 跌3.5%，而上午造好的聯通（762）[股價及相關新聞] 、網通（906）[股價及相關新聞] 、中電信（728）[股價及相關新聞] 倒跌2.5%至4.4%。另外，港交所（388）[股價及相關新聞] 跌4.2%，距離港府入市價位只有幾個巴仙而已，若然高位入貨，現在都好傷纒。

個市係咁跌，兩隻巨股已佔多數跌幅，礇豐帶動大市跌143點，中移動帶動大市跌110點，本來指數係豬年收爐最後一個交易日，已經跌了千三點，之後外圍只係徘徊偏軟，未見大跌，企業消息最主要係債保商MBIA成功售股，籌集到10億美元，新股訂價較其周四收市價折讓14%，以確保其「AAA」的最高信貸評級，債保公司能夠賣到股，至少可以顯示有人願意注資，亦穩定了債保公司被調低評級帶來負面衝擊的危機，算是中性偏好的消息，所以股民仲以為上個交易日個市跌過籠，今日有機會反彈，點知都仲係被人狂插。

狂插巨股打窒散戶

港股二月份走勢，至今仲係上升無力，下插有力，中環茶友話，大戶好似想借巨股插低股市的味道幾強，你想開紅盤，他就來插你，總之插到好友心虛為止，照咁睇，估計大戶手頭仲係有淡倉未平，夾粗都要將個市造落去，可以話同市底無直接關係。

茶友拆局話大戶擺明做世界，陸羽仁不妨加多兩句，現時港股基本上由外資大戶「獱莊」，此輩要錢有錢，要料有料，基上上掌握了全世界，特別係美國的財金資訊，加上炒技又高幾班，他們要造上，就算遇到個市要跌都可以頂住，他們要造落，個市想升都可以用力先壓一壓低，然後等有利自己的消息再玩過。

昨日港交所主席夏佳理同財經及庫務局局長陳家強，不約而同叫大家要學老鼠咁小心謹慎，記得兩三個月前，陸羽仁亦都用過老鼠偷食芝士做比喻，話肥貓要食老鼠，一定要等老鼠食芝士食到最開心，最無警覺之時先郁手，結果大戶係三萬點樓上，股民話炒股好過返工之時，就開始出貨。掛住食芝士之老散，現在發覺已經入鰦籠，所以偷食芝士有風險，係老鼠都知，但結果一樣中伏，這是老鼠的宿命。夏佳理同陳家強點會唔明，叫大家學老鼠咁小心，可能有兩重意義，第一重係盡人事作溫馨提示，希望有人從中有得覑，另一重更大可能係覺得個市暗藏風險，所以用個比較轉折的方式示警。

內地三招冷卻樓市

新年內地無市，但建設部副部長姜偉新近日表示，今年會以「三招」加強穩定樓價，防止樓價過高過快上漲，以落實十七大「住有所居」的目標，大市初時對消息無明顯反應，到了下午內房股開始回落，中海外（688）[股價及相關新聞] 、雅居樂（3383）[股價及相關新聞] 、富力（2777）[股價及相關新聞] 、碧桂園（2007）[股價及相關新聞] 、華潤置地（1109）[股價及相關新聞] 等齊齊下跌，最多者跌幅超過9%。

今次中央向樓市射冷水，三招包括：加快為低收入家庭而建設廉租住房；增加限價商品房及經濟租用房的供應，幫助中等收入家庭，尤其是在房價較高、漲幅較大的大城市；及強調建設部落實國務院關於宏觀調控的各項部署，原則為防止房價過高過快上漲或下降，但目前重點仍然是防止和抑制過急和過快上漲，這些措施本來並不意外，但在跌市之下，就變成推低股價的催化劑。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:09 PM 编辑 ]

Mr.Business

注：此篇文章版权归香港頭條網所有。

小心匯豐     
     
2008/2/12 上午 09:54:07
網誌分類: 經濟

美股昨日略為反彈，道指在石油股帶動下升５７點，收報１２２４０點，日股開市，亦輕升５０點，不過港股走勢極弱，怕只是有反彈，難大升。

昨日見到港股成交唔多係咁插，中環茶友中的走勢派大搖其頭，話論走勢港股弱得好緊要，直情弱過美股。雖然話外圍其他股市都跌，但好多股市未放完假無市，港股在假期前已跌了１３００點，在假期後又跌８００幾點，夾埋跌了２０００點過外，２３０００點大關輕易失守，反彈完之後，短期後市都要睇低一線。

亦有茶友好陰謀咁睇，叫大家小心大戶動向，港股兩三次反彈上２５０００點上下，都未能企穩，好快又碌番落來，似派貨多過似打底，最怕上月大跌後等反彈的好倉，已經在２５０００點附近派得七七八八，若然係咁，呢個月後月都係易跌難升，升一日跌兩日，呢啲係退步市，唔係進步市。

論香港和外圍的重大消息，呢個月內也不利造好，美國下月中再議息，議息前個市會反覆向下走，直到真係確定會減息，通常都係議息前一兩個星期。另外本地銀行股會陸續公布業績，睇嚟都要為次按作更大撥備，金管局已經打開口牌，話本地銀行應該汲取外國銀行的教訓，外國銀行為次按撥備不足，就要不斷撥備，所以本地銀行應為次按作更深撥備，一步到位。

渣打集團(2888)[股價及相關新聞] 身先士卒，宣布旗下結構性投資工具（SIV）Whistlejacket的資產淨值已下降50%，其證券託管人BNY Corporate Trustee將指定接管人進行管理。渣打在晚上近１１點發布消息，那時倫敦仍未收市，結果渣打在倫敦股市下跌３％，都未算打擊太大。本地銀行如中銀香港（２３８８）都有次按，可能要作較大撥備，不可不防。

不過關注焦點還在匯豐（０００５），佢在下月初公布業績，只能假設佢無乜好嘢，因為若果佢唔為美國次按業績再作較大撥備，又會俾人隊撥備不足；若作重大撥備，自然不是好消息。英國人營運銀行不如美國那樣大刀闊斧，如果由美國人營運，可能已經換了兩次CEO，但匯豐的CEO紀勤仍然未郁，佢在任內爆鑊，雖說投資美國次按業務係前朝開始，但佢自然好難大刀闊斧落刀，但落刀唔夠狼，股價反覆跌，咁樣就會不斷俾投資者施壓。睇嚟匯豐一日未換管理層，無大刀闊斧出手，股價仍會處於弱勢。

所以在匯豐公布業績前一兩個星期，匯豐股價好可能繼續俾人插，到公司真係公布咗壞消息之後，短期壞消息出咗，反而股價會好番啲。匯豐佔恒指比重仍多，升跌左右大市，所以大笨象呢個月會係大市拖力，唔係拉力。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:16 PM 编辑 ]

Mr.Business

2008/2/13 上午 11:07:11

陸羽仁覆網友

水滴石穿，大笨袋鼠：巴菲特數口咁精，佢提出的方案，自然係趁火打刧到好嚴重地步，債保公司幾難啃，佢地若然接受，只有一個理由，這是唯一免於倒閉的方法。股市之所以有反應，是因為之前好怕這三間債保公司會執笠，但股神的建議等只一個保底方案，若果他們被逼到要執笠時會接受，那麼市場就可以免於最大的危機。股神方案還有一個條款，若債保公司願意，簽了協議一個月內可以退出，只要他們願意俾手續費巴郡就可以，即係話簽咗約仲有一個月俾債保公司搵其他出路。另一個問題是股神拿去肥肉，債保公司咪會俾人降評級，到時降評級亦唔緊要，因為他們擔保的８０００億美元「好債券」有股神認頭後，他們降評級只影響「壞債券」，而持有那些債券本來已要大撇帳，或者要再撇多啲，但影響細好多。

股股下、小潘、奶油多：入咗匯豐睇吓乜心態，如果想揸十年八年，都無壞o既，但短線要捱吓囉，跌落８０元、９０元固然不能排除，升番上１２０幾元亦有機會。近年炒匯豐負面消息也是超前炒，所以公布業績前有壓力，到壞消息出來後反而會反彈。

S2000:想買渣打最好睇埋業績，等壞消息盡出後，安全少少，也可能要買貴啲。

三心兩意：三月公司公布業績期，我看不是影響港股最大的因素，主要還是看美股死唔死得。陸東降低大公司盈利預測，背後係估可能上半年股市都唔係好掂，但我對大市的睇法比佢好啲啲，若美國唔死，港股受紅色因素刺激，會恢復得快啲。

Diskie:有國壽，中移動，中交建，要離港三個月，國壽３５．５５５元入，已離開止蝕位，就放吓吧。中移動１２４．５元入，中交建１９．２６元，若到一成止蝕位，不妨沽一半減減磅，等低啲再買過，唔到位就唔好郁啦。

Indy:所謂外資派貨，主要指期指的好倉，他們派完轉了淡倉，就要殺低食一轉，但現貨基金要沽都沽了六六七七，所以買賣兩閒。

Gigi:我唔太鐘意講冧巴，講２８２８是類似指數基金，買一個組合，跟國指的走勢，散戶好難買到好出類拔萃的冧巴，但較易揀到好時機買，那就是在人人睇淡的時候慢慢買，望佢插，插低時才買。買２８２８等如買大陸經濟和股市，若覺得大陸經濟和股市未死得，就可以低吸。

Joanne:你問買２８２８乜價位好，佢一年低位８４．２５元，高位２０８．４元，現價１３０元，我當然話８４元買到最好，不過估計呢一浪落唔到呢啲位，所以見佢插又買吓，見佢插深啲咪買多啲囉。

Rachel:你問月供係唔係中移動好過國壽，按道理中移動的壟斷性更強，但有電訊業重組及取消跨省漫遊費的風險，所以和國壽差不多。

Gogo:你問會否跌到２２０００點，大市短期基調仍弱，一係唔跌，一跌到２２０００點一啲都唔奇，也未必見底。但中長期投資我就覺得價值漸現，不妨分注低吸，唔好高追。

你問國壽乜位入安全，我就話應該問自己啲錢等唔等使，若等使買股票唔安全，因為佢地的確可能再跌，但若是閒錢，國壽現價等佢回少少入第一注，然後每低２至３元入一注，分三注，入完睇長啲，都有值博率。

Any:中海油想分三注入，我話可以等佢回一回入第一注，然後拉闊一點，１０．５元入第二注，９．５元入第三注，有一定防守力。

Mr.Business

注：此篇文章版权归香港頭條網所有。

金融High Tea——信碧斯定信索羅斯？
2008年2月13日

港股終於反彈，在美股杜指上一日反彈57點帶動下，恒指高開338點，最多升超過500點，後升幅收窄，收報22,921點，升305點。期指收報 22,889點，升409點，比現貨低水32點，成交57,968張。國企指數升206點，報12,736點，成交則大縮水，減少至672億元，這是去年 8月14日以來最低的成交，如果長期維持幾百億的成交，港交所（388）[股價及相關新聞] 就真係唔應該值160元，當然我懐希望呢鱓淡靜日子唔會太長。

歐洲銀行續有壞消息

港股昨日的反彈唔算有力，年三十晚跌1300點，過年後開市跌800幾點，夾埋跌鰦2,100點過外，反彈只有300點，而且守唔到23,000點，都唔好講上番250天平均線23,500點。

中環茶友話，按走勢睇港股呢鱓市相當唔開胃，跌又跌得多過人，反彈又無力過人，市場又無乜人有興趣買貨，真係任得大戶舞。渣打（2888）[股價及相關新聞] 宣佈旗下結構性投資工具（SIV）Whistlejacket的資產淨值已下降50%，其證券託管人BNY Corporate Trustee將指定接管人進行管理，渣打股價跌2.5％，收231.1元。歐洲金融股亦無好消息，繼法興要供股集資後，瑞信集團公布，截至2007年 12月底第4季度純利按年下跌72%，只得13.3億瑞士法郎（約94億港元），少於市場預期的賺14.3億瑞郎。礇豐（005）[股價及相關新聞] 下月初公佈業績，大家都唔好望有好消息。

雖然成街都係壞消息，但都不妨講纒樂觀睇法， 前大摩全球策略師、對沖基金Traxis Partners 創辦人碧斯（Barton Biggs）開始睇好美股，佢話估計美國唔會出現大衰退，現時的股票價錢「非常、非常便宜」，他正逐步增持美股。

碧斯接受彭博電視訪問時話，美股已經到達、或者好接近一個重要底部，若反彈出現時，會由跌得最多的銀行和證券股帶起。他估計若然出現大反彈，部份金融股可以在幾個星期內彈20至25%。美國金融股07年跌了21%，現在的股價是14.8倍市盈率，低於平均的15.5倍。標準普爾五百指數成份股也只是 18.1倍市盈率，更比平均低31%。

碧斯測市有往績

碧斯睇市有鱓譜，去年3月和8月兩次成功估到美股見底，去年3月16日，在美股從高位跌5％時，佢估美股會在07年有機升番多至15%，結果美股一度升番12%，然後再跌。到8月16日美市從高位跌9%後，碧斯又估美股會反彈，結果美股在7個星期內升番11%。

現時同鬼佬大師對美股睇法相反，索羅斯係大淡友，話美元、美股、美國經濟都要大散，但碧斯就係好友，話快將見底，睇你信邊個。陸羽仁信碧斯多鱓鱓，但未必係話彈就彈，美國下月中再議息，或者跌多一跌再彈都唔奇。

睇番港股，從極短線走勢而言，的確買唔落手，投機造淡易過做好。但睇長少少，大市若再調整，又可能係一個買貨機會，特別學纒碧斯咁分段買，唔好一注買晒，而買貨亦揀唔係咁受美國影響咁大的紅色股。所以長線同短線睇法可以相反，但你買股睇長線，短期都要預鰦捱纒價。

美資大行高盛繼早前調低內地銀行股的預測，再發表報告大幅調低內地保險股未來一年的目標價，調整降幅達36至50%。高盛強調，由於中國及美國宏觀經濟發展都有不穩定性，將會對保險類股盈利前景有一定影響。高盛調低平安保險（2318）[股價及相關新聞] 評級至「中性」，目標價降近50%至60元；調低中國財險（2328）[股價及相關新聞] 評級至「出售」，目標價亦減半至6.3元；調低中國人壽（2628）[股價及相關新聞] 目標價逾36%至33.2元，維持「中性」評級。

在高盛唱淡下，三保都無表現，國壽升幅收窄至0.7%，平保（2318）[股價及相關新聞] 倒跌0.7%，財險（2328）[股價及相關新聞] 微升0.3%。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:15 PM 编辑 ]

Mr.Business

注：此篇文章版权归香港頭條網所有。

巴菲特的盛宴（１）
         
2008/2/13 上午 10:00:33
網誌分類: 經濟

債券市場惡劣到離譜，惹起股神巴菲特出手執平貨，股神的巴郡公司提出建議，出５０億美元支持幾大債券保險公司非次按類債券的保險，並分享那些業務的權益，股神的建議惹起憧憬，美股顯著反彈。道指升１３３點，升到１２３７３點，升幅１．１％，但納斯達克指數受大陸最大搜尋公司百度可能盈利不前的消息影響，微跌０．０２點，收２３２０點。日股早段受美股刺激，升１５０點，看來港股會追隨反彈。

要明白股神搞邊科，首先要知道出問題的債券保險公司做乜，美國最大的債保公司MBIA Inc.及其較細的對手 Ambac Financial Group Inc等債保公司，合共為２．４萬億美元的債券提供保險。

MBIA在１９７４年開始為市政府債券提供保險，後來愈做愈大，業務擴展，它和對 Ambac 及 FGIC 等，做的保險生意慢慢超愈市政府債券，亦為一些打包債券CDO(collateralized debt obligations)提供保險，這些打包債券有次按證券的成分，結果債保公司也深深陷入次按風波中，次按債券大跌價，也大大拖累其他如市政府層面的債券，令債保公司被索償的風險大增。

市場開始擔心債保公司不能應付索償，他們將喪失AAA的評級，最大債保公司MBIA Inc股價.由去年至今跌了８０％，而Ambac更跌了８８％。如果兩大債保公司被降評級，他們的財政能力大大削弱，他們擔保的２．４萬億美元債券同樣會失去AAA的評級，那些市政府的醫院、學校發的債券失去AAA評級後，現在已發行了的債券會大跌價，將來只能以極高昻的利息去發債，整個債市會大混亂。

股神巴菲特就在這時出手，他是保險業的老行尊，他旗下的巴郡公司向主要債保公司提出建議，由巴郡出資５０億美元，承擔起總值８０００億美元的市政府級債券的風險，巴郡就向每間債保公司收取４５億美元的費用，若債保公司接受，等如巴郡出資５０億美元，就進佔３３％債券保險市場，分享市政府債券這塊風險較低的肥肉。但巴郡的建議不包括和次按有關的高風險債券。

從股神的角度，債保公司的業務包括高風險及低風險類別，但次按風波出現的金融風暴，也影響到低風險的市政府債券，他在這時出手，出資５０億美元，只擔保低風險的債券，既可活化債市，又可以小博大，輸哂輸５０億，贏可以進佔三分一個債保市場，而且仲係最好肉的部份。

從三間債保公司來說，巴菲特的建議如雞肋，因為接受要放走最好的肥肉生意，只餘會蝕入肉的次按債券保險生意，但不接受自己整間公司又有可能垮掉，接受又死，唔接受又死，已有一家債保公司表態不接受。

股神的建議，對我們有幾重意義，第一，他出手救債市，若成事可以舒解目前次按風暴最嚴重的危機，並活化債市。第二，行動對美股有利，起碼有人願意出招，美國陷入不見底衰退的機會減少。第三，股神是價值投資者，他在這時入市開餐，揀一些本質不壞、只是受市場氣氛影響而大平賣的投資，我們又可否偷偷師呢？

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:14 PM 编辑 ]

Mr.Business

2008/2/14 上午 11:22:22

陸羽仁覆網友

Hong, 益力多，小潘等：從各位咁熱烈討論劉小姐的採訪邀請，我可以為大家做一做心理分析。

一眾熱烈討論此事的網友───正常的時候唔係咁「天真同傻」，但個市腳軟軟無力水，對個市十分心淡，咁啱見到劉小姐的留言，自然好多意見。從大家咁天真的反應，又成為我的散戶指數，等散戶對大市極度心淡時，就係入市的時候，可能而家仲未夠，要跌多一、二千點，成交再縮，大家才會死心，到時風花雲月，乜都講，係唔想講股，咁就係長線投資者買貨的好時機。

劉小姐───平常應該較少上這個網，對留言方法不太熟悉，或許開始想約訪問也不是想公開留言，但意外地成為公開留言，成為大家談論的話題，所以再回應時有少少論盡。

陸羽仁－－－我分析埋自己，由於怕露面，亦都好難接受電台訪問了，所以避得就避。

Georgefisher:你問新地和美聯為何同樓市背駞，主要應看新地，因為佢係恒指成份股，上月升上２７０００幾點時，地產股是主力，搶在減息之前，升到突，而家大市唔係幾夠力上，無人去大力推地產股，新地自由浮沉，又跌番落來。至於美聯就跟地產股走勢放大來炒，好似炒緊地產股的窩輪。地產股要好，就要等大市氣氛改善時。

Eddie:你問TCL多媒體公司負責人增持，業績又改善，可唔可以買。我對呢隻股唔太熟，但中小型股升跌主要睇有無人炒，去年７月TCL多媒體炒了大轉，貨都派埋，然後回落，現在只是在低位浮沉，若無人炒唔覺得有大作為，真係要買唔好等佢反彈買，等佢跌得殘啲在４毛樓下才好掂，而且要定止蝕。

陳玠霖：同意你對買認沽的看法，雖然股市底弱，但在２３０００點買put,同在３００００點買Call一樣，有水位有限的風險，期權金貴，買入只能極短線，怕散戶買中方向都走唔切，到月尾唔到價內就成廢紙。

Ms:美國零售數據Oｋ，思捷、聯想都大力反彈，但關鍵要看大市是否持續升，否則它們反彈完又會回，只係炒上落，資金走得好快。

Mkm:你問美國市政府級的債券拍賣有困難，賣唔去，對大市的影響。呢個就係巴菲特要提出方案救債保公司的市政府債券業務的原因，次按爆煲累街坊，令正常債券都賣唔去，有信貸緊縮。

Gogo:你問會否跌到２２０００點，大市短期基調仍弱，一係唔跌，一跌到２２０００點一啲都唔奇，也未必見底。但中長期投資我就覺得價值漸現，不妨分注低吸，唔好高追。

你問國壽乜位入安全，我就話應該問自己啲錢等唔等使，若等使買股票唔安全，因為佢地的確可能再跌，但若是閒錢，國壽現價等佢回少少入第一注，然後每低２至３元入一注，分三注，入完睇長啲，都有值博率。

Flyinthesky:扮睇唔到你問期權，係唔想你誤入歧途，期指期權唔易玩。另外，市場唔係太貴，就係太平，巴菲特出手就係佢覺得平的時候，當然亦要睇佢買乜嘢。

S2000:話周生生１０元可吸時的市況，恐怕和現在不同，但周生生跌得好有秩序，一步一步慢慢跌，似有幕後人，要買不如等佢扭轉跌勢時才追入都未遲，即係人地要開車你才上車，可能貴啲，但安全啲。

鳯陽花鼓：高位買了中煤，如今幾尷尬，如果係新仔，不擅長出入，不如死守吓啦。

Mr.Business

注：此篇文章版权归香港頭條網所有。

金融High Tea——股市奇靜 散戶無癮
2008年2月14日

港股上升無力，早一晚股神巴菲特提出的救債券保險公司建議，刺激杜指上一日升了133點，帶動恒指高開408點，高見23,534點，即係升超過600 點，不過下午開市後慢慢腳軟，一度低見22,938點，差唔多要倒跌，尚幸尾市回升，收報23,169點，叫做升番248點。期指收報23,191，升 302點，比現貨高水22點，成交70,772張。國企指數升213點，報12,949點，大市成交825億元。

陸羽仁下午打電話俾經紀張，佢千多謝萬多謝，話成個下晝無客打電話去，好多謝我打個電話去問候纒佢，雖然個市都有波幅，但散戶好似失晒興趣，睇都唔想睇。佢話早前大市炒番上25000點時，吸引了一批散戶追貨，但追完貨大市即回，佢懐又唔識得走，結果就扮鰦蟹，散戶成手蟹貨，自然唔想面對現實，所以問價都費事問。

呢個市真係比較弱，跌就兩日跌2000點，升就兩日升番500點，水瓜打狗唔見一大截，仲未上番23500點，港股短期未脫弱勢，現時唯一的好消息仍然係散戶多數看淡。

內地A股開黑盤

內地股市踏入鼠年昨天首日開市，深滬股市齊齊下滑開黑盤，上證綜指全日收報4490點，挫2.4%，上海加深圳兩市成交額縮小至901億人民幣，觀望氣氛濃厚。最好笑係電視台在上海訪問一個老股民，總理溫家寶話股市不要大起大落，現時這樣的股市，一日跌2、3%，這就叫做「大落」，言下之意叫政府出手救市。

阿爺要救市自然有計，過年前一出手就托起8％，不過佢放手後又陰陰番落來。目前內地股市最大的懸劍不是雪災後遺症，而是大量過去不能出售的法人股份批解禁可以出售，到3月就有總值8000億的股份解凍，這是內地股改關鍵一步，雖然那些法人股解凍後也不一定會全面掟出街，但已足夠令股民憂慮，所以新年過後，沒有托市消息，內地股市也跟住港股回落。

炒收購要識止蝕

港股焦點在本地銀行股，傳聞有內地銀行洽購永隆銀行（096）[股價及相關新聞] 獲中資銀行洽購，隻股一開市即抽高，由上日收88.85元，最高升上98.9元的高位，即係升鰦11.3%，及後該公司發公告否認傳聞，股價照升 7.5%，收報95.5元。內地銀行上市後大把水，而且市盈率偏高，即使最近已回吐，但市盈率都有20幾、30倍，但永隆現價都係13倍幾市盈率，高市盈率公司收購低市盈率公司，就有拉低市盈率的作用，又可以在香港建橋頭堡，一舉兩得，所以這種傳聞，空穴來風，未必無因，但炒收購向來難炒，因為可以傾來傾去傾唔埋欄，所以短炒要嚴守止蝕，否則唔中獎會好痛苦。

東亞銀行（023）[股價及相關新聞] 將於明天公佈全年業績，市場焦點是信貸危機影響對它有多大影響。自渣打（2888）[股價及相關新聞] 公布旗下投資次按的SIV遭接管後，市場對一眾銀行有戒心，東亞、中銀香港（2388）[股價及相關新聞] 都放入監察名單內。

摩根士丹利亦發表研究報告，本港銀行股受惠本港經濟強勁增長的同時，亦面對次按危機影響信貸市場的風險。大摩建議投資者選擇高質銀行股如恒生（011）[股價及相關新聞] ，或已充份反映信貸危機負面影響的股份，如工銀亞洲（349）[股價及相關新聞] 、大新金融（440）[股價及相關新聞] 及中信國金（183）[股價及相關新聞] 。大摩同時建議避開一些質素中規中矩，但股價未有反映信貸危機負面影響的股份，如東亞、中銀香港及永亨（302）[股價及相關新聞] 。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:13 PM 编辑 ]

Mr.Business

注：此篇文章版权归香港頭條網所有。

巴菲特的盛宴（２）  
        
2008/2/14 上午 10:06:11
網誌分類: 經濟

美股又升，今次受幾個消息帶動，道指升１７８點，升幅１．５％，升到１２５５２點，美股今次第三日上升，前兩日港股跟升乏力，每次升到６００點、７００點就回頭，結果得番２００、３００點升幅，睇吓今次有無新招。

美股再升有幾個因素，第一是一月零售數據出奇地理想，一月零售有0．3%增長，原來估要跌，而上月也跌0.4%，今次零售數字還有正數，主要受汽車、衣服和汽油的銷售帶動，零售數字上升舒緩了市場對衰退的憂慮。

不過早段公布零售數字時道指也只是升５０幾點，美股其實累積了一些樂趣觀情緒，才有後勁再升，最大的半導體生產商Applied Materials Inc急升，推動納指抽上，再加上油股如Exxon Mobil Corp又升，皆因商務部話油站加價不單沒有減少汽油銷售，銷售維持上升，有利油股。

美國信貸緊縮持續，不過股市卻有點樂觀空氣，市場又開始討論下月中聯儲要再減息的問題。美林有數據顯示聯儲局上月減息１．２５厘後，信貸市場並未舒緩，大型借貸仍然困難，公司借貸要付出的利息比以住還要高。有投資級別的美國公司債券收益率（等同利息）由１月２１日的２．２４厘，升至２月１２日的２．３７厘。而高風險、高收益的債券比國庫債券的利息溢價再升０．２５厘。美林的數據顯示大減息後信貸市場的利率未有降低，所以市場估計３月中聯儲局要再減息。

信貸緊縮持續，但消費市場企得住，股市氣氛向好，或許如聖路易聯邦儲備銀行主席William Poole 在周一所講，「現在賭美國可以避開衰退，是最佳的賭注」（ the best bet is the U.S. will avoid a recession）。所以好多自命睇得通個局的人，都開始入場下注，碧斯係一個，巴菲特係另一個。

昨日講到巴菲特的盛宴，網友Diskie問，「巴郡出資５０億美元，承擔起總值８０００億美元的市政府級債券的風險，巴郡就向每間債保公司收取４５億美元的費用，係唔係巴郡最多蝕5０億美元,但有機會贏三分一個債保市場 ??」

係，巴郡出價之低，低到你唔信。這就是股神的投資風格，他要投資內在價值遠高於價格的項目，還要控制風險，佢放５０億美元，輸哂就係咁多，贏可以有兩三倍的回報，而且一係唔贏，一贏一兩年就收成，而且佢一直做保險生意，咁樣可以借機變成市政府債券保險市場的大哥，有財力買起現在的市場霸主。

你問點解５０億美元可以擔保８０００億美元的債券，因為那些發債的市政府、醫院、學校都有穩定收入，償付利息和本金的能力其實好高，債券爛尾的機會不大，如果千份之一爛尾，只係要賠８億。而家債市除了次按債券之外，其餘主要是信心問題，過去買債券者，唔知這些發債機構有無因為次按投資大受損失，所以唔理好醜，現時都唔敢再買企業和市政府機構的債券，令到本來信用良好的機構都發唔到債，但這種信貸危機會死人，因為那些信用良好的公司和機構，過去長期靠定期發債取得運作資金，發債不成，資金鏈條斷開，就如銀行擠提一樣，可以把好公司、好機構夾死。

股神的雞肋建議，對市場的意義是：至少有人肯出價買嘢。一開始這種運作，市場的信心和活力可以慢慢恢復（早前的微軟收購雅虎建議也有類似作用），投資者就會慢慢入場了。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:12 PM 编辑 ]

Mr.Business

2008/2/15 上午 11:33:44

陸羽仁覆網友

Johnny:你有４萬股中行，ipo入，問好唔好再揸。中行有較多次按投資，未作好大撥備，外界唔睇好，股價受壓，差唔多跌到IPO價。如果我無中行在手，最希望佢為次按投資大撥備，股價再大插，就係投資好時機；但我估佢大撥備機會不太大，咁就成為暗傷，要捱長啲，而家價已殘，沽又唔係，唔沽又唔係，若好唔想揸，不如沽一半換成其他紅色大股，分散風險。

小強：看通大股東揸到７６％過外，不是要全面收購，而是要批股出街，令持股量減至７５％以下。

S2000:買加注港華燃氣，隻股波動唔太大，現價可能要試低少少，穿３．４元買第三注都可以。

恒生１３０元可以分注入，收埋息。

Nevermind:熊市通常唔係由股災結朿，而係由股災開始，所以香港若有股災，應該仲有排跌，問題是有無股災？

Hau：你話有親戚話，揸住組合若到成本價，要全部沽清，基本上買股票最好止蝕，到１０％止蝕位都係避吓好。不過你講到要清貨，就係另一個問題，都要睇睇大市，如果大市初跌，好快去到組合成本價，沽清都係一個方法；而家大市似跌到過咗中段，往後若無股災，唔升都只係牛皮上落，而家才清貨，價錢就平咗啲，所以捱得最好捱吓啦。

Georgefirst:你問大市要升升乜股，我估中移動、石油能源股、地產股應該係主力。

白穗禮：你o既大戶出瘦雞引散戶食的理論，都幾搞笑，唔出奇架。

Newbies:直覺感覺大市要再試一試底，過埋今個月會好番啲。

Hong:你話中國消防好抵，隻股我唔熟，睇圖去年６、７月炒過一轉，炒完走咗，而家０．４４元，睇吓有無人炒，無人炒可以再放低啲，撈底要小心，捱幾耐唔知。

Kanas112:若有股災樓市唔慌好，但我估計出現股災的機會不太大，所以仍睇好樓市。

Piker:想買地產股，長實、新地、恒基中，新地較大路，走勢較強，係熱門，恒基有可能發力，屬黑馬。長實係泠馬，受地產以外因素如３G投資拖累。

Brian:９．１元入百麗，現價９．４元，仲有水位，唔算好貴，可以用入貨價為止蝕。

Yuki：日圓近日弱番啲，造１０７．８圓，可候低入，博年結執番２、３日圓。散戶情緒指標唔係一個絕對因素，只係相對因素，假設大戶有期指淡倉要平，當然係隊低令散戶心淡，個個去造淡倉，大戶先可以搵到對手平倉。

高耀之星：４．９元入中信銀行，問好唔好換馬，早前大市旺時留意中信銀行，因為佢升得少，追落後，而家大陸銀行股隻隻跌唔少，可以換馬更強勢的內銀股，可能好啲。

新手roro:A50基金２２元入咗睇長線，應該OK，穩陣者可在上綜指跌到３５００點止蝕。I股印度基金跟大市回，再回深啲到１８元、１９元可留意。

Mr.Business

注：此篇文章版权归香港頭條網所有。

金融High Tea——鮁仔股市帶起香港
2008年2月15日

在美股第三日上升帶動下，港股昨日終於有較像樣反彈，恒指開市抽升700點，到午後一度升超過1000點，尾市略回吐，仍升852點，收24,021點，叫做收番在24,000點樓上，升幅3.7%。期指在現貨收市後插低少少，即日好倉平倉，期指收23,902點，升711點，低水119點，大市成交 946億元，雖說成交回升，但升市中未過千億的成交仍然算少。

前兩日大市都係先升後回，在下午就插低，最後得番3幾百點升幅，昨日中環茶友都睇住係唔係又玩呢招，不過昨日總算有少少交代，雖然尾市都回，但仍守住800幾點升幅，算係咁啦。

昨日港股守得到升勢，都要多謝日股，因為鮁仔股市，日經指數升4.27%，升鰦558點，是過去6年最大單日升幅，帶動美股期貨都升，日本公布上季經濟增長3.7%，打破市場擔心經濟跟隨美國下滑的憂慮，所以日股勁升。

港股上升動力未夠

香港午間收市時，就是日股的尾段，到下午開市前日股已收市，所以港股下午見到日股升鰦500幾點，有番鱓信心，所以下午早段持續向上，升過千點，尾市回吐埋都有800幾點進帳。

中環茶友話，港股昨日雖然升得幾好，但睇成交內在動力不太強，主要跟外圍走，美股升就升纒，美股回吐就插，無太大動力及方向，現時先要看港股能否先守24,000點樓上。

歐洲銀行繼續公布肉酸業績，瑞銀公佈第四季蝕113億美元（882億港元），當中包括為次按有關投資撥備137億美元（1069億港元），瑞銀CEO Marcel Rohner自己都話，咁樣的業績「不可以接受」，他亦唔肯估計今年第一季會否恢復盈利，只係話2008年會係「困難的一年」。

歐洲銀行陸續公佈業續，睇鈬唔似有好消息，香港股民焦點，係三月初會公布業績的礇控（005）[股價及相關新聞] ，瑞銀發表研究報告，將礇控目標價由136元降至129元，評級則由「中性」調升至「買入」。瑞銀降低預測利潤，主要是再次調整旗下礇豐融資的盈利預測，因預期信用卡及汽車貸款業務的不履約情況增加，估計08年該附屬公司虧損達47億美元，仲預期礇控會再向其注資80億美元。不過，瑞銀預測礇豐融資的正常盈利能力達18億美元，若以9倍市盈率計算，扣除了注資金額，故瑞銀相信今年礇豐融資虧損見頂後，市場會重新估計礇控的價值。

瑞銀看好礇控，不過，中環茶友話，市場現時意見仲係好分歧，好似一向幾捧礇控場的高盛，早前轉ɜ唱淡，該行日前發佈的一份關於亞洲銀行受次按危機影響的研究報告，認為在大陸、香港、台灣、印度、印尼、韓國、新加坡、泰國八個市場的銀行中，礇控、 中國銀行（3988）[股價及相關新聞] 受累次按危機可能最嚴重，高盛唱淡，有人認為想執平貨，茶友話，下個月礇豐公佈業績，係龍係鳳會睇得清楚鱓，股民想偷步入貨的話，最好都係候低吸納好過高追。

漫遊減價 中移要硬食

另一隻重磅股中移動（941）[股價及相關新聞] ，昨日亦傳出消息，信息產業部宣佈，將自3月1日起大幅調低全國手機用戶漫遊費，全國5.39億手機用戶漫遊費降幅介乎54%-73%之間。漫遊費調整後，移動用戶打出漫遊費每分鐘為0.6元，打入0.4元，中國兩大移動通信運營商中移動和聯通（906）[股價及相關新聞] 可推遲到5月1日執行新的漫遊費標準。

內地手機漫游費費用下調，是遲早發生的事，陸羽仁曾經同內地電訊業人士討教過有關影響，他說，好多人認為減費之後，可以刺激需求，個餅大鰦，會彌補番減價的收益損失，需知內地省與省之間要聯絡，已經要漫游，消費者對於收費早有意見，所以內地人好多都習慣了用短訊代替打電話，以迴避高收費，過去用漫遊的客戶，多數是商務客戶或用阿公錢打電話的消費，這些人對收費一向不敏感，令人懷疑就算減價，能否刺激到他們增加用量，由於漫遊收費幾乎收幾多賺幾多，現在要大削收費，相信中移動點都要硬食其中部份損失，不過，股價短期點樣反應，點講都係要睇大戶想舞高抑或弄低。

陸羽仁

http://www.hkheadline.com/news/h ... 1X&section_name=wtt

[ 本帖最后由 Mr.Business 于 16-2-2008 04:11 PM 编辑 ]

Mr.Business

注：此篇文章版权归香港頭條網所有。

有望再減息   
      
2008/2/15 上午 09:59:34
網誌分類: 經濟

美股升完三日，終於回落，聯儲局主席伯南克到國會講解美國經濟前景，透露美國信貸緊縮仍未改善，暗示下月１８日可能再減息，伯南克講話令市場擔心信貸緊縮的影響可能擴散到金融業以外，令上升已久的華爾街股市馬上回吐，特別是金融股跌幅較大，道指跌１７５點，跌幅１．４％，收報１２３７６點。日股早段跌２００點以上，差不多消耗了昨日升幅的一半。　

昨日是伯南克罕有地和財長保爾森和美國證監會主席Christopher Cox三巨頭一起出席參議院銀行委員會的聽證會，這是９１１事件以來的首次，可見他們亦很重視向國會解說美國面對的經濟問題。我地可以睇睇伯南克講咗乜嘢令美股下跌。

第一．        減息前景。伯南克話，聯儲局會適時採取行動，支持經濟增長，並提供保障，以對抗下跌風險。他更說，金融情況或信貸提供的惡化，肯定是一個警號，令我們需要進一步行動。美國一月損失的就業職位，以及樓價、股價下跌和能源價格上升，都會影響消費，聯儲局因而調低經濟增長的預期。

　　解讀：伯南克對短期經濟狀況、特別是信貸情況講得比較負面，令市場相信聯儲局在下月１８日有機會再減息０．５厘。

第二．        緊逼感略降。伯南克不再用１月發言時某些用語，例如「重大進一步行動」、「決策者要極之警覺及彈性」，顯露在聯儲局上月急急減息後，他認為危機沒有那麼大。

解讀：伯南克的語氣排除了３月１８日會期前再臨時減息的可能性。

第三．        信貸與經濟。伯南克話，提供信貸的利息成本愈來愈貴，信貨供應減少，皆約朿經濟增長。這幾個月經濟前景惡化了，經濟下滑的風險增加。但伯南克相信，上半年美國經濟增長雖弱，但仍是正數，他認為上半年是緩慢增長，但下半年當財政和貨幣政策的刺激顯現後，增長將會加快。

解讀：伯南克承認早前大減息後，信貨緊縮問題仍然存在，正如我們昨天引述美林的數據，信貸市場仍未舒緩，借錢難的問題未解決，商業債券市場仍然冰泠。但伯南克相信大減息和大救市的措施會有效，可以拉住美國經濟不致陷入衰退。

聽完伯南克的講話，可以作此總結，美國經濟危機未過，聯儲局會再減息，但伯南克相信可以頂住唔衰退。

一般而言，聽到伯南克暗示會再減息，美股應該反彈，但美股已經大力彈咗三日，所以今次不是借勢彈，而是借勢回吐。我估伯南克講話對香港有樓一族是好消息，若下月美國再減息半厘，香港應該會跟減０．２５厘，既減輕供樓負擔，對樓市亦有少少刺激。而股市就應該跟美股先回一回了。

陸羽仁

http://www.hkheadline.com/blog/r ... eyword=&searchtype=

[ 本帖最后由 Mr.Business 于 16-2-2008 04:10 PM 编辑 ]

Mr.Business

2008/2/18 上午 11:44:11

陸羽仁覆網友

阿K:你話１５％止蝕，夾埋輸了３０％，問要否改變投資策略。有幾個問題，若１５％止蝕，是否之前已累積了另外１５％虧損，才會有此結果？

若你是投機，炒股要靈活進出，１５％止蝕，主要是想另覓低位買股機會，降低成本，當然有些股票、有些市況好嚴重，沽了不能再買，要離場，但多數市況或大股沽了要候低入。你要總結自己經驗。按理早前跌市沽了後都有不少買貨機會，可能把握唔到。

財不入急門，唔好諗住好快博番，反而要整理自己的缺點，若過去以投機為主，可能減少投機的比重，增加投資或月供部份，投機練吓工夫先再玩，今年股市較波動，幾難玩。現時可以候回吐揸番少少貨，唔好買太多應該都ok。

Mkm:你講的問題和IQ、EQ無關，同大市有關，明天再可以細詳講。

Tom:你話美國減０．５厘，香港可能只減０．１２５厘，都有此可能，而看當時拆息市場的情況，總之香港存款利率咁低，向下同步減的空間有限。

１１１：你話８．６５元入了中材，原想６．８元入，７．５元可否再入，中材炒味幾濃，波動好大，等回落入唔緊要，要頂得順佢大波動。

股股吓：新股時買入中鐵，這些股咁大都似有莊，幾波動，IPO價可以守吓。

小強：不可以話有decumulator就離底不遠，但散戶做這些嘢都好容易輸錢。

Piker:你話１８０００點入，２５０００點要否買一點沽輪對沖，我覺得要睇市況，總之若升太高時，做少少對沖也可以，不要太大手賣。

Bdroom:華電發債買大股東資產及還債，本來偏好，但大市弱，無乜刺激，但買電力股買大隻啲好啲。

Yuki:北石被國有化的機會都有，無私人買就要政府包底。中國一月通脹加快和雪災有關，若是災難因素，應不會因此加大宏調。

公司盈喜難刺激大市，港股睇美股及大陸政策。

白穗禮：照睇２１７００點應該都係底，今個月再跌都唔會去到咁低。再探一探底唔奇，但港股暫時跟吓日股，有番啲抗跌力。

李鴻亨：股市第一季探底後應有像樣反彈，樓市應該仲有得升吓溫。

Chuchu:想買國壽和地產股，等股市今個月又有調整分段吸納，慢慢建倉。

Sam:我估港股會炒巨型波幅，唔似去年一面倒向好，現時跌低了，等調整完下月開始可能反彈向上炒。

小潘：東亞撥備幾大手筆，以目前狀況OK，但內地限制銀行貸款，東亞一樣受限，所以內地業務增長會受影響。

I kill you later 等如窩輪，係股市升跌的放大器。

Seelai:現在做三萬美元定期，想轉澳元或人民幣，我建議可以各做一半，但澳元唔好鎖死得太長，高位可以走吓，低位又揸番。

nevermind:９４年的確只是調整，２０００年肯定是科技股股災，當時好多人唔信鏡，死揸，但科技股的股災太清楚了，因為大多數科技股條數，佢哋的市盈率，係永遠無可能計得掂，跌下來就完全無支持。而家好少少，好多股票仲有數計。

Space Ace:你未來太太喺銀行做，供樓利息p-4.5厘，你爸爸代你還樓供都唔係好著數，不如叫世伯做人民幣定期，利息好過港元存款，可博升值。

Mr.Business

注：此篇文章版权归香港頭條網所有。

金融High Tea——美股與樓市
2008年2月18日

美股上周五略低收，杜瓊斯指數收報12,348點，微跌28點，當日美股早段腳軟，密歇根大學消費者信心指數跌至16年新低，加上金融股業績備受次按危機拖累，皆令美股受壓，但臨近收市，市場突然傳出第五大證券商貝爾斯登可能以每股98美元被收購，隨即刺激金融股反彈，令美股跌勢大為收窄，終至微跌收場，總結全星期，杜指累積升1.4%。

港股上周五也顯露較好走勢，當日恒指受美股大跌拖累，低開511點，但下午大幅反彈上24,209點，收報24,148點，倒升127點；期指收報 24,276點，更倒升390點，比現貨高水128點。港股早前出現美股升港股唔升的劣勢，上周五是首次出現美股跌港股無跌的優勢，但港股成交仍低，只有 800幾億，顯示大市基調未全面改善，抗跌力咁強，其中一個可能性是日本經濟好日股走勢相對強，帶動亞洲股市，港股是在沒有方向時跟日股走強而已，估計港股要到本月下旬，才會見到較明確的方向。

美國聯儲局主席伯南克上周四出席美國參議院銀行委員會聽證會時，提及次按風險影響信貸市場，聯儲局有需要時要採取行動防止經濟下滑，暗示聯儲局在下月18 日議息時會再減息，市場預計儲局會減0.5厘。觀乎上次經驗，香港銀行跟隨美國減息未必跟得足，所以跟減0.25厘機會大一點。

美國印錢 資產急升

美股不明朗，但利息走勢向下，有讀者問陸羽仁點睇樓市，問是否維持早前比較睇好的估計，我答這個問題之前，或者可以借一個熟悉金融市場高人的買樓投資經驗，畀大家參考一下。

這個高人善於投資買樓，有四間豪宅，早前聽聞高人沽出一間在03年沙士後低價買入的別墅，賺了大錢。陸羽仁心諗，高人睇通金融市場局勢，難道睇到重大危險殺到，要急急沽貨離場？所以特別向高人求教，問纒佢沽貨原因。

高人的確對國際金融大環境有保留，主要係資金供應問題，佢話前兩年開始，環球金融大升，美國一間物業由100萬美元升到200萬美元，物業無變，多出來價值怎樣來？主要因為過多資金追逐投資產品，令投資產品價格飆升。有人話資金多了主要是油價急升，是油元到處投資所致，但油價上漲，賣油者受惠，但買油者受損，賣油者賺多了，就影響了買油者的消費力，按理不能令投資市場一面倒向好。

信用卡壞帳下浪到

他認為游資充裕主要因為美國聯儲局大量「印錢」，前聯儲局主席格林斯潘任內唔出聲大幅減息，搞到熱錢流轉製造繁榮，但離任後就大大聲話有資產泡沫，其實資產泡沫就係由佢任內不繼減息放水製造出來，美國利息低企，樓價持續向上，令美國人可以用間樓不斷借錢大量消費，製造出好景氣的現象，個個讚格林斯潘好№。

高人話次按爆煲，令資金大量供應的走勢逆轉，風波有排未完，如今只是第一、二波，歐美銀行因為次按投資要大撥備，幾千億美元資產轉眼消失，撥備之後資產不及資本充足比率，出現資金缺口，就要向市場大量吸水充實資產，頂番高資產充足比率，但那些銀行開始時對次按投資撥備得不夠，要撥完再撥，吸水亦吸完再吸，沒完沒了。如今國際銀行即使為次按撥得充足，但下一浪信用卡壞帳潮遲些又會殺到，再令銀行要大撥備，到時又要再集資，咁樣就造成一個惡性循環，銀行撇極帳都好似唔多夠，向市場吸水又好像吸極都未完，形成一個資金流失的反向循環。如今美國減息去救市，減息有助紓緩緊張的信貸環境，但減到咁上下就無得減，如果當時金融危機未解決，政府可以救市的工具就相當有限。

高人點出信貸緊縮令資金供應緊張，唔係話美股明天就有股災，他只作宏觀分析，話由美國次按帶動的金融危機有排都未完，但講到股市，跌得多可能又有顯著反彈，彈完幾個月後再跌，亦未可知。

高人講到自己賣樓那一筆，話他的思維好簡單，既然未來有風險，他又賺了咁多，自然想減鱓貨，以鎖定部份利潤。佢話物業的收益是租金，租金收益率高低，決定樓價有無偏高，當樓價飆升，而租金升幅追唔上時，租金收益率就會大幅下跌，（以一間豪宅年租金收入100萬元計，樓價2000萬時，租金收益率有5厘，但樓價急升到4000萬時，若租金無升，租金收益率就跌到2.5厘，情況類似股票的市盈率和股息收益率，股價飆升時，就會令市盈率大升，股息收益率大跌）。

高人話：「例如我有鱓樓仲有4厘、5厘租金收益率，但有些豪宅租收益率已跌到1厘，我就會把1厘的樓沽掉，因為租金收益率跌到咁低，意味覑樓價已經升到好誇張，所以沽纒都毋妨。」

可以想像，如果樓市繼續狂升，高人會慢慢一間一間咁出貨，最後只餘佢自住的單位。陸羽仁就補問一句，如果而家無樓的人，咁又好唔好買樓自住呢？高人一輪咀答鰦幾個要買樓自住的理由：「咁又唔同，佢當然應該買，負擔得起都要買番間自住樓；雖然話金融市場有風險，這個估計亦可能會錯；特別係普通人買的是中小型單位，唔係豪宅，市區私人屋鸷中小型單位的價格，只及97年高峰期的60%、70%，十年過去，香港經濟發展差不多追番當年的水平，但中小型單位的樓價未追上，所以未算太貴，若以自住而論，不妨買番間，利息咁低，當儲蓄都OK。」

買樓自住無妨

高人和陸羽仁一樣，都係買樓愛好者，覺得在樓價低迷時投資樓市，長遠會有收穫；亦覺得一般人若不太熟悉買股，經常出出入入未必會有覑數，但買樓唔同，只要計飱條數，作較長線投資，放長線會有不俗回報，環境不好時亦較易守，不似股票好易在信心低迷時忍唔住沽掉。

但買貴價樓是例外，買貴№好難當作投資，只可以當投機，投資獱長線，投機走短線，好似你買40幾元的國壽（2628）[股價及相關新聞] ，以為係投資，但佢一跌落來你就好入肉，現在沽又唔係，唔沽又好似好大風險，所以貴買只能貴賣，40幾元買國壽，只能期望到50元就沽之，若果升完無沽回番到自己買入價時，就要即閃。買賣價樓的道理亦一樣，炒2萬元一呎的豪宅，租金收益率只有1厘幾，只是炒價，好難長獱，應該期望佢升到2萬幾、3萬元時，到價就要走，畀最後一水其他人賺，錢係賺唔晒鮋，若樓市回頭，唔對路亦都要斬。你要注意，當投機者入場熱烈炒作時，就是投資者開始分段出貨的時候，高人就係開始沽樓的投資者，係要有人買，有人賣，才成為市場；當中既涉及睇好、睇淡的觀點，也涉及各自的入貨價及長線、短線買賣的不同策略。

買樓自住好難太短炒，因為一般人唔想太快搬屋，買樓後起碼獱一兩年，咁就要避開買貴貨，以現時的樓價計，市區屋鸷如果二手價4000幾元一呎，租金收益率仍有3、4厘，咁就仍然係自住的選擇，講得唔好聽，即使一買入就遇上跌市，要守都有險可守也。

陸羽仁

http://www.hkheadline.com/news/h ... mp;section_name=wtt