婚姻幸福與否，主要取决於自己，並不是另一半

lonng

另一半
婚姻幸福與否，主要取決於自己，並不是另一半
見到好多人講到自己婚姻點慘。老婆照顧小朋友又話無人理佢係屋企無地位。老婆唔做嘢淨係識講揍仔經同佢無話題。生唔到仔又話要搵外援，生左又話辛苦，老婆肥左又話無性趣，老婆緊張仔女又話佢黐線，唔緊張又怨d野要自己做.....
掉返轉頭，有男人可能好羨慕你口中好討厭既老婆好顧家勤力，唔浪費錢係美容減肥.....
而男人的老婆們亦可能心裏面唸個衰佬病時問候一句都無，生日結婚週年紀念咩表示都無，家務唔做、仔女唔理...咪又係咁忍左咁多年。
幸福與否真係睇下你識唔識欣賞另一半同感恩。而且你想人對你好你都先要對人好。呢d自私鬼就算俾再好既女人佢做老婆佢都會話自己好慘。到失去時先發覺就太遲。




  

最後，老婆老公、結婚唔結婚、生仔唔生仔係你撰，無得怨既。呢d係負責任同不負責任既分別，唔鐘意就商量唸辦法解決、嘗試改變自己的心態。世界上點會樣樣野都係你鐘意。

lonng

有人話一個人成唔成功，係取決於佢夠唔夠堅持，而唔係IQ.我相信婚姻一樣，幸福與否取決於你能唔能夠堅持你結婚當日對婚姻既承諾同對另一半好。
有d男人遇到個嗲d、肯投其所好、肯放下電既妺妹就懷疑自己老婆唔係最好。見到好多同小三一齊都係衰收尾。明知你有老婆你偷食都同你一齊既女人唔係貪錢貪咩？你娶左佢，搞到婆媳關係差，自己又變賤男。有仔女就仲messy.咁既生活點會幸福？
好多時係d人身在福中不知福。