【专题讨论】转载香港頭條網陸羽仁, 王雅媛的文章

Mr.Business

新的一年，小弟将开始转载香港陸羽仁先生的部落格文章，好让我们向他好好学习。

转载文章的目的是为了与Cari网友分享和一起学习，并希望Cari网友热烈对文章发表看法，所以我有几个小小要求：

1. 我会自行决定转载文章的速度，请Cari网友不用帮助我转载。心急想要阅读陸羽仁先生的部落格文章的网友，欢迎去他的部落格阅读(http://www.hkheadline.com/blog/l ... sp?f=5YTPBH5B812303)

2. 想在其他网站转载陸羽仁先生的部落格文章的网友，请遵守以下规则：
a. 转载文章纯粹作为公益分享和学习用途。
b. 不随意更改文章的内容。
c. 在文章上，请注明：

注：此篇文章版权归作者陸羽仁和香港頭條網所有。有兴趣的网友请到陸羽仁先生的部落格阅读他的最新发表(http://www.hkheadline.com/blog/l ... sp?f=5YTPBH5B812303)

谢谢大家的合作。。。

[ 本帖最后由 Mr.Business 于 29-1-2008 11:23 AM 编辑 ]

Mr.Business

注：此篇文章版权归作者陸羽仁和香港頭條網所有。有兴趣的网友请到陸羽仁先生的部落格阅读他的最新发表(http://www.hkheadline.com/blog/l ... sp?f=5YTPBH5B812303)

新年講大市         
2008/1/2 上午 09:45:28
網誌分類: 經濟

  有網友唔知點解我要寫成篇文講「賭錢必贏術」，其實我主要怕大家太迷信有「賭場必贏術」，或「股場必贏冧巴」，所以不嫌其煩咁同大家計吓數。

　早前去澳門走一轉，發覺在外資大舉進軍後，澳門賭場的水平大大提高，直逼拉斯維加斯，個別賭場的規模尤有過之。金沙的賭場原本打算三年回本，怎知做了９個月就回本，更增它投資威尼斯人賭場及渡假區的信心，開賭賺錢真係易過食菜。

　有些新賭場有全電腦賭博區，連派牌的姐姐也是電腦動畫，一切在電腦上解決，澳門請人做嘢難，賭場咁做連荷官都節省埋。當時我同朋友講笑咁講，賭仔可能唔信你用電腦派牌，如果賭場出古惑，咪可以睇住散仔啲投注來開？當然有規模的賭場公司唔會咁做，但我當時就聯想到莊家股啦。

　莊家股睇住散戶的注碼來開局，大部份股票由莊家圍了貨，到炒上去之後，把利好公司股價的消息吹出街，散家開始入場，莊家再推高股價，再引人入場，散家有多少注碼，在那個價位入，莊家完全計得到，去到咁上下就再公布好消息乘機散貨，之後股價失重下墮，散戶走唔切一網成擒，散家之前有幾多帳面財富，都化為烏有。

期指個局亦差唔多，外資大戶手揸重貨，主要和老散對賭，亦好似打橋牌咁，外資大戶數到你手上有幾多牌，他心知挾升或插跌到乜水位，可以殺到你投降。從這個意義上來講，在股市投機，比入賭場更差，因為第一，更加人為。第二，好多人炒股唔知自己在豪賭，夠膽放好大注碼入局，比直接賭錢的投注額大得多。所以唔好話我長氣，入賭場賭錢，唔理你有乜必贏術，每次限咗自己可以輸多少的注碼，輸夠就走。同樣道理，入股場投機，每次也要限住自己可以輸幾多，到位止蝕，認輸走人。你輸錢唔止蝕，仲去溝淡，輸２元，再賭４元，以求一舖翻本，和賭博不斷雙倍加注一樣。散戶在股市面對的對手太強，定位止蝕是保住條命最好的方法。

講完賭錢講番今年第一季大市，網友阿K問了幾個有關大市的問題，她說「你說先要看呢個月（１２月）穿唔穿上月低位２５８６２點，如輕易跌穿，已確認一個月比一個月低的走勢，下個月有機會試低位，如果今個月唔穿上月低位，未來的低位可以睇高少少。

1.      是可仍維持２５８６２點顯然不是底的看法?　既然跌唔穿，咁係咪未來的低位可以睇高少少？ (我覺得下試25600機會很大)

2.      道指短期低位１２８００點, 看法依舊? 道指以年終13264點收市, 趺多3.5%, 就已是12800點,若每天跌1%, 4天便到位, 試低位的幅度是否符合預期,定略快？因為到１月底才議息呀！

3.      是可仍維持第一季２３０００點至３００００點間炒作? 跌至23000點的機會會否少於4成?

4.      國企的跌幅會否超越恆指?　若想分２注，１５０天線，　即１５０００可否作為吸納Ｈ股指數基金或２８２８的第一注．」

　　陸羽仁先講美股，我擔心美股係一浪低於一浪，去年道指到１４０００點上下做過雙頂，期後再上都係去到１３７００點左右，頂部下移，若無重大利好消息，炒炒吓底部也會下移，所以１２８００點只是一個短期下跌目標，以全年計，我估美股道指有機會穿１２０００點。

　　１１月底美國減息後，並無重大利淡消息，美股以至港股都只係順勢下調，美股未見１１月低位，但港股已跌近１０月低位２５８６２點，在１２月１８日跌到２６０９３點，我話這是「無端端試低位」，如果輕易跌穿１０月低位，一個月比一個月低的劣勢十分明顯，結果上月叫做守住無穿２５８６２點，但走勢也不太好，因為頂部一級一級向下，由１０月３０日的３１９５８點，移到１２月７日的２９９６２點，再移到１２月２７日２８３４３點，暫時仲處於頂部級級落的完美調整走勢中，若短期不能升穿２８３４３點樓上，並企穩其上，那麼反彈後仍然是向下尋底的走勢，我維持２５８６２點顯然未係底的看法，等吓美國有何重大壞消息出籠，及１月底議息的前景。

　　估計恒指第一季在２３０００點至３００００點間炒作，然後等消息突破，美國能否繼續減息兼經濟軟著陸，以及大陸能否溫和宏調令經濟和樓市軟著陸，是兩大觀望關鍵。國指跌穿１５０００點，可考慮分段吸納，前題是大陸宏調無重大事變。恒指一般不會穿２３０００點，除非美國明顯出現衰退，若美國衰退局成，今年大市就可能變成反覆向下尋底的格局。

陸羽仁

[ 本帖最后由 Mr.Business 于 4-1-2008 03:09 PM 编辑 ]

江湖

他的文法我看不惯

Mr.Business

注：此篇文章版权归作者陸羽仁和香港頭條網所有。有兴趣的网友请到陸羽仁先生的部落格阅读他的最新发表(http://www.hkheadline.com/blog/l ... sp?f=5YTPBH5B812303)

美股開壞頭         
2008/1/3 上午 09:28:34
網誌分類: 經濟

　美股２００８年個頭開得認真肉酸，由於經濟數據差令人憂慮衰退開始出現，美股急跌，道指大跌２２０點，跌到１３０４３點，險守１３０００點關口，這是自１９８３年以來道指新年首個交易日最大的跌幅。

　美國供應管理協會的製造業指數跌到４７．７，是去年１月以來首次跌穿５０，以是２００３年４月以來最差，加上油價因為尼日利亞局勢不穩而急升，紐約２月份期油一度升上１００美元一桶，更增經濟衰退的顧慮，拖累美股大跌。

美國聯儲局本月底減息的機會大增，上月１１日聯儲局的會議紀錄剛剛公布，披露儲局理事認為「對經濟及金融發展及其對經濟前景的影響，保持超常關注」，意味聯局理事好擔心次按風波帶來的金融危機會導致衰退，隨時準備再減息救市。

現時美國利率期貨的走向顯示市場差不多百分百預計月底會再減息，大多數人估會減息０．２５厘，而過去無人估會減息０．５厘，現在都有２６％人估會大減０．２５厘。

　　美國減息預期導致金融市場大亂，黃金急升，主要貨幣兌美元急抽，黃金一度大升到８６４美元，後來略回到８６０美元水平上落，黃金一舉衝破８４５美元這個２８年高位，創新高後觸發淡倉止蝕盤，一舉急升穿多個阻力位，過幾日累計升了４０、５０美元，升幅驚人。日圓亦升穿１１０水平，今早報１０９．４４日圓，日圓再急升，一穿１０８，恐怕又會觸發套息交易的止蝕盤，朝１０６日圓水平進發。

本來美國減息預期大增，美股應該上升，不過減息預期是由疲弱經濟數據而來，加上美元弱勢暴現，油價急升，通脤危險揮之不去，美國經濟極唔靚仔，頗有停滯澎脹之險，衰退危機愈來愈大，美股都升唔落手了。

昨日和一個做生意的朋友吃飯，他正進行自己生意上的投機，問陸羽仁點睇經濟，我話香港經濟唔錯，但美國經濟好大鑊，歐美金融市場的信貸緊縮，類似香港９８年金融風暴時面對的信貸緊縮危機，而美國的衰法和香港當的衰法一樣，是樓市和金融市場齊衰，不是一邊衰另一邊好境，所以情況幾壞。

老友聽我講完就「O哂咀」，問點解我講到歐美金融市場咁差，香港完全唔覺呢？我話因為人地係美國囉，如果係香港，國際貨幣基金會已經入來幫我地診症，又話要削赤字，又話要減人工，但發生在美國，國際財金組織完全無出聲，大家唔係咁覺，但事實上出到五國央行齊齊放水救市，全球最大銀行花旗要出１１厘息發強制換股票據，你都應該知道大鑊。

我話美國的銀行唔止衰次按，而家開始擔心「第二隻鞋」，怕因為經濟衰退出現正常的還款問題，又會對銀行業績帶來第二波的衝擊。美國樓市由９４年升到去年，跌起上來無咁快完，而家首先要估美國經濟會唔會衰退，現在看來機會大過五成，然後睇如果衰退是慢跌還是急跌，慢跌無太大問題，只怕佢急跌，急跌起上來，美股一日跌１０％、２０％都有可能。我怕嚇親老友，補番一句，不過急跌機會只有１０％，唔算太大，你只要諗吓萬一你的生意投機，遇上美股急跌會點樣，諗吓自己頂唔頂得順就得啦。

我同佢講，在風險高的環境，投機可能要走快少少，我咁建議，可能會令你賺少啲錢，但也會令你減少啲風險，點做要自己衡量了。我估我對老友的建議，對大家都啱用，投機唔怕，但要預計萬一（只是萬一，出現的機會不算太大）美股大跌時，自己頂唔頂得順。

陸羽仁

Mr.Business

注：此篇文章版权归作者陸羽仁和香港頭條網所有。有兴趣的网友请到陸羽仁先生的部落格阅读他的最新发表(http://www.hkheadline.com/blog/l ... sp?f=5YTPBH5B812303)

信貸嚴冬         
2008/1/4 上午 09:41:41
網誌分類: 經濟

昨日道指無事，微彈１２點，但放咗幾日假的日本仔今日開市，即刻爆大龍鳯，日股早段跌７３６點，跌幅４．８％（９：４３am數字），都跌得幾得人驚，香港新年後兩日加埋跌９００點左右，但以正常港股和日股波動的比例計，日股一朝跌得仲多，若日股唔反彈，對港港股有點壓力。

美國經濟數據差，預示衰退可能來臨，令依賴出口美國的日本企業大受影響，加上日圓又因美國減息預期而抽上，更不利出口，對日本是雙重打擊，所以日股反應咁大。

不過睇番歐美信貸市場，就好有嚴冬感覺，昨日已見英國有調查發現，銀行因為同業市場拆借困難，在去年第四季已收緊對公司的放貸，銀行「落雨收遮」的特色顯露無遺，英國經濟開始受打擊，大家都知英國有泡沫，所以有爆泡危機，早前英倫銀行開始減息救市，未來應會再減息，英磅只是靠相對高息維持匯價，再減息後，匯價應會略軟，對有子女在英國讀書的父母是佳音。

美國仲衰，信貸緊縮的危機逐漸深化，昨日講到銀行的「第二隻鞋」，即係衰完次按之後，又開始衰企業的爛帳，話咁快又浮上水面。美國的餐飲連鎖Buffets Inc.開始不能如期支付自己發行的債券利息，顯示公司陷入財政危機，　Buffets發行咗２．９億美元的債券，２０１４年到期，年息１２．５厘，本來如期付息就無問題，但佢就連息都付唔到。消息一出，Buffets的債價大跌，按現價計債息等如年息４８．７厘（典型的利大本無歸格局）。Buffets受經濟下滑拖累，去年第三季已蝕５３０萬美元，終至爆發財困。

早前佛羅里達州地產商Tousa Inc.亦無法支付４．９億美元債券的利息，美國衰房地產急跌，Tousa出事較易理解，它的股價已從高位跌了９９％，得番啲渣，最後好可能係用Chater 11破產保護令收場。

大家可以想像吓，美國公司連債券利息都支付唔到，自然還唔到錢俾銀行，咁環境會有惡性循環，銀行怕借出的錢收唔番，唔敢再借錢。企業想發債借錢亦無人吼，即使願意付出天價利息，恐怕亦無人敢接。當世界最大銀行花旗的換股票據也要用１１厘利息才可以成交時，其他公司都好難發債借錢了。

美國月底才議息，好多銀行和投行在月中就公布第四季業績，恐怕它們都要對壞帳作更大撥備，一則它們無法唔撥備，二則講得恐怖點，就可以挾聯儲局減多啲利息。照目前的情況看，美國經濟嚴冬已至，金融巨企不滿足於聯儲局只減０．２５厘息，可能想逼一逼佢減０．５厘息救市了，所以小心月中美股還有大風浪。

陸羽仁

[ 本帖最后由 Mr.Business 于 4-1-2008 03:13 PM 编辑 ]

Mr.Business

原帖由 江湖 于 4-1-2008 03:09 PM 发表
他的文法我看不惯

应该是广东话/香港话的文法。。。可以请老散来翻译。。。

四伯爽

可以啦 读惯就没问题了

不过，我还是比较喜欢曹仁超...

四伯爽

銀行怕借出的錢收唔番，唔敢再借錢。企業想發債借錢亦無人吼，即使願意付出天價利息，恐怕亦無人敢接。當世界最大銀行花旗的換股票據也要用１１厘利息才可以成交時，其他公司都好難發債借錢了 ...

花旗借钱都要给11%利息了

那它要从哪里来挖钱来COVER这些票据 ？

chengyk

用广东来读就容易了 !!!

LK-Park

他的文章很适合新手看。。

Mr.Business

原帖由 四伯爽 于 4-1-2008 03:34 PM 发表
可以啦 读惯就没问题了

不过，我还是比较喜欢曹仁超...

只找到一些转载曹仁超的文章的网站。请问你有联接吗？

原帖由 四伯爽 于 4-1-2008 03:40 PM 发表
花旗借钱都要给11%利息了

那它要从哪里来挖钱来COVER这些票据 ？

Citibank很赚钱的，只是现在比较倒霉，缺钱用。。。

[ 本帖最后由 Mr.Business 于 4-1-2008 04:00 PM 编辑 ]

四伯爽

我们从人家转载的文章里再转载咯

第三手文章

Mr.Business

好文章应该与大家分享。如果你有兴趣的话，请比照我的帖子，开帖转载。

以下网站有转载曹仁超的文章，你的source是这网站？
http://www.chcj.net/viewthread.p ... p;extra=&page=1

LK-Park

原帖由 Mr.Business 于 4-1-2008 04:27 PM 发表
好文章应该与大家分享。如果你有兴趣的话，请比照我的帖子，开帖转载。

以下网站有转载曹仁超的文章，你的source是这网站？
http://www.chcj.net/viewthread.php?tid=392380&extra=&page=1

我每天都在这里读的。。
[url=http://www22.discuss.com.hk/viewthread.php?tid=3270582&extra=page%3D1&page=39]http://www22.discuss.com.hk/viewthread.php?tid=3270582&extra=page%3D1&page=39[/url]

[ 本帖最后由 LK-Park 于 4-1-2008 04:42 PM 编辑 ]

四伯爽

我的是这个...

http://www19.discuss.com.hk/view ... &extra=page%3D1

四伯爽

好！那我就去开帖咯

Mr.Business

建议：
1. 希望你可以google看看，有哪个版本是最完整的？最原始的source是哪个？
2. 你要转载所有文章？还是从2008年开始转载？
3. 请时时维持帖子的整齐 (辛苦你了)。

Mr.Business

注：此篇文章版权归作者陸羽仁和香港頭條網所有。有兴趣的网友请到陸羽仁先生的部落格阅读他的最新发表(http://www.hkheadline.com/blog/list_blog_express.asp?f=5YTPBH5B812303)

美國肥熊      
   
2008/1/7 上午 09:38:34

  　美股走勢一如所料，壞消息未反映到入肉，道指已經試１２８００點的低位，講走勢短期或會彈一彈，但反彈後，呢一轉應該穿一穿１２８００點，見到１２５００點都唔奇，如月底減息半厘，道指又會有像樣反彈。

若以走勢而論，美股的走勢極度不良，確認去年兩次升上１４０００點樓上已見雙頂（有一次再掂一掂１４０００點，所以也可以話係三頂），然後回落，走勢一級級向下，如今已經走到破位邊緣。

上周五道指急跌２５６點，剛剛跌到１２８００點，皆因上月新增職位１８０００個，只是市場預期的四分之一，少得可憐，就業職位急減，是經濟嚴冬的現實指標。過去美國市場人士一直有此分析，認為次按問題只是金融危機，未影響實體經濟，消費如舊，生意照做，工人照請，但看見就業職位急減後，他們都唔敢話經濟無事了。

上周五港股唔跟美股，美股跌港股照升６００幾點，挾淡倉的感覺濃烈，香港市場上太多人睇淡，跟住大戶做淡倉，咁走下大戶無乜肉食，將來跌落去之後要平倉又會俾散戶截糊，所以出奇不意抽高，震一震倉，好多老散淡友即日都變番好友，做咗期指淡倉都急急打靶。問題是美股跌完再跌，恐怕港股都唔係牛得咁厲害，可以又再玩升市了。

網友小潘有此一問：「我想問美國為什麼只有一招減息救市，特別是企業的利得稅，其實佢可以用減稅o黎救市，與民休息，又可以刺激消費，咁做可以阻止衰退掛。另外，而家大家都睇得好淡，仲話美國會衰退，陸Sir你亦睇得股市好淡，隨時有機會跌到 23000。咁其實係咪要清晒長短倉既股票呢?我擔心全球進入熊市之後，股票價值只會不斷向下，即使18000點入既貨都會慢慢被陰乾。我們應該點做?要全面離場嗎?」

我睇美股幾淡，睇港股未係睇得太淡，只是唔覺得第一季會太好啫。我經常講，美國經濟唔好，樓市滑落，美股難逃一跌。由於現代資訊太發達，股市的跌市也可以來得快去得快，美國過去試過政治性跌市，如９１１，會過去得好得快；即使是金融性的跌市（近年多次調整亦屬如此），股市跌後實體經濟無大跌，跌市後聯儲局放水減息救市，股市好快又上番。

但今次美股的跌市由樓市下跌開始，再觸發次按問題，表面看次按爆煲是金融性跌市，但這次爆起上來已觸及銀行生意的根本，再加上樓市是大部份美國人資產之所在，美國人唔興儲蓄，自己間樓已經係儲蓄的全部，樓市升時好多人將間樓加按拿錢去消費，所以樓市大跌，好多美國人一Q清袋，立即乾塘，無力消費，所以唔好將美國今次跌市看成一般的金融性跌市，唔會咁快無事，放長雙眼去睇，美國的熊市早已開始（有人話由２０００年科技股大跌後美股進入長期熊市，講緊個熊市有１５年咁o既長度）。

如今的關鍵不是美股會否向下，而是美股會否急挫，或者美經濟會否急促陷入衰退。美國如今只是一招減息，減幾減效用不大，布殊上周都要搵財長保爾森和聯儲局主席伯南克傾傾，美國總統在１月底發表國情諮文，預料布殊都會搞啲嘢刺激經濟，但民主黨控制國會，他們反對減稅，布殊要減稅救市無咁易實行得到，所以要看主要靠減息頂唔頂住美國經濟衰退潮。如果美國經濟和股市急滑，我諗全球經濟和股市將無一倖免；不過若果美國經濟慢慢衰，美股反覆跌而唔係一枝箭咁急促下插，港股或大陸股市未必需要睇得太淡。

我驚港股在第一季要見一見２３０００點，主要係擔心美股要在首季試低位，只要美股唔出現股災式急插，插得幾插又減息，對香港股票會出現利好因素，頂住跌勢，香港現時經濟熱，卻要跟美國減息，自然刺激通脹，負利率會谷高樓市股市，過去香港心試過美國經濟差而香港股市和經濟都好景的現象，主要是聯系匯率造成。

至於網友手持的股票，若短線投機應隨大市進出，但有長線投資的股票，若入貨價低，我又唔贊成大家清倉，因為清咗倉好易唔買番，若幸運地美股無急跌，港股渡過危險期，你清咗倉又會呻笨也。

陸羽仁

[ 本帖最后由 Mr.Business 于 7-1-2008 02:44 PM 编辑 ]

Mr.Business

注：此篇文章版权归作者陸羽仁和香港頭條網所有。有兴趣的网友请到陸羽仁先生的部落格阅读他的最新发表(http://www.hkheadline.com/blog/list_blog_express.asp?f=5YTPBH5B812303)

套樓換股  
        
2008/1/8 上午 09:36:02

　　樓價飛升，連地產股都急抽，無樓在手者諗住追樓，有樓在手者諗住沽樓，都係和樓市前景估計有關，網友阿K問好唔好沽自住樓買股，呢個套樓換股的話題，一定要講講。

　　股票是比較流動的資產，樓是不動產，以投資產品的角度看，兩種投資產品都有相似性，它們的基本價值都是以未來能衍生的收益來計算，特別是它們能讓持有人分享的現金收益，買股票看它的的派息，買樓看它的租金收益，收益愈高，基本價值愈高，這就是所謂投資價值。不過很多時我們買股也好，買樓也好，沒有（或者很少）考慮其收益，那時我們主要看價格增值，認為收益低唔緊要，股價、樓價會升，這就是所謂投機價值，如果你買樓從來無考慮過租金收益率（年租金收入／樓價），或者你唔買樓而租樓住的替代成本，你好可能係一個投機者，即使你自住也是投機心態，另一個可能你是一個盲毛，人買你買，唔識計數。

　　有網友問乜嘢叫做樓市有泡沫，我話係樓價大幅偏離其基本價值時，即係租金收益率很低的時候，這些例子我過去舉過，唔怕長氣再講，而家山頂最靚地段的豪宅別墅，一間５０００呎屋都係租緊２０多萬月租，但而家放售，賣３５０００一呎一定無問題，作價１．７５億，以此價計租金回報率只有１．５厘。若果售價更顛，賣到６００００元一呎，樓價升到３億，租金回報率更只有０．９厘，不夠１厘。

　　以我自己的老土方法計算，低過３厘收益率的樓，其樓價已開始起泡，去到１厘，泡沬自然比較大，若租金不升，要１００年才能收回投資，我諗所有現在有能力看我文章的成年人都已化骨揚灰了。你可以話經濟再好啲租金可以升，我的答案是若經經差番啲租金亦可以跌，即係講嚟無乜大用，唔可以假設租金會大升拉高收益率，除非你處於經濟會長期大幅增長的新興經濟區。

　　又用番我經常講的說話，有泡的東西未必會立刻爆泡，更可能是泡沬愈吹愈大，貴的東西，可以更貴。所以有泡沫的樓市，泡沫可以更大，如今的樓市正是把豪宅的升勢蔓延到其他中價樓。

　　股票是動產，所以通常會跑得快過樓市，通常是股市先炒，樓市從後追上，所以阿K話套樓換股，似乎有少少反其道而行，更普遍的是套股換樓，即係先在股市炒一浸，搵到少少錢就去炒樓。

　　散戶買樓賺錢易過買股，因為散戶易動，即使遇上大升市，但買股賺錢時賺少少就會走，但買了樓遇上樓市升市，無咁易走，買來自住更難走，所以較大機會坐耐少少，升市時會食得深啲，賺到比買股更多的錢。

假設樓市股市同時升，買股需要的技術較多，又要選股，又要選時機入市，較難把握，所以在樓市上升中把自住樓買掉去買股，對一般散戶而言是高難動作，弄不好更會把自己的長期儲蓄輸掉，所以最好唔做。

香港人愛炒樓，回歸後樓市向下炒，好耐未有機會一試身手，所以炒樓潮起，可以維持一段時間。而家有樓者應該坐吓貨，香港進入一個惡性通脹時代，百物皆加，更易吹起資產泡沫，樓價可以升到天價，如果你今天想賣樓買股，我建議你忍一忍，好多二手樓邨樓距離９７年高峰還有三成、四成的水平，就定一個天價，告訴找上門的地產經紀，升到天價才call你，或許有意外收穫，若果你唔係睇得咁好，都可以定一個比現價高兩三成的價錢，到價才沽，出貨的機會更大呢。

陸羽仁

Mr.Business

陸羽仁  2008/1/9 上午 10:33:06

陸羽仁覆網友

有網友問起聯想，聯想今日股價大跌，最低見過５．６元，現價５．９元，一下跌穿多個支持位，走勢極差，主要是美國經濟唔得，AT&T及Intel等股票急跌，由於聯想收聯IBM個人電腦業務後，有大量業務在美國，所以受到影響，估計有基金急洗倉。

個人仍看好聯想，但要看管理層如何應付呢個美國衰退浪，今年第四季的業績要明年４、５月才出，預料要先受美國跌浪衝擊。原先我講過跌近６元可以考慮吸納，但見其跌如此急，擔心美國業務的基本因素可能變差，隻股短期有機試５元，保守點的網友，不要太急吸，可能近５元吸第一注安全一點，然後拖長點時間，慢慢見低再吸，再捱過美股的跌浪，會幾漫長，美國的巨浪太驚人，小心。如以５元為第一注，４．５元為第二注，４元為第三注，防守力較強。若基本因素變好，睇完業績再追亦未遲。

網友阿K問，國航真是成功阻截新航買東航，我講過等低位８元才入國航，而家使唔使調高價位，若你是「投資的我」，只能死等見低價，分段低吸，高追好危險也。

Yuki:美股跌咁多應有一彈，港股今日早段唔係跌咁多，比預期跌得少，都幾硬淨，地產股唔想跌，係唔係撐得住要觀察。整個亞洲都唔係跌咁多，或許有部份長線資金走咗來亞洲避風。

S2000, 阿K:你地問３３１１的七送一紅輪計劃，佢係派送價外認購輪，一年期，行使價１５元，比公布時現價高１５％，這樣做對股東係好消息，因為派認股證，將來你唔鐘意可以賣，等如派息，唔係焗你供。

　　一年後若公司股價升到１５元樓上，有行使價值，認購輪持有人會行使，公司集資１３億，股價升，又係股東人人有機會，你唔行使又可以賣，所以對股東係好事。倒轉講如果到時股價無升到１５元，認購輪無行使價值，股東亦無損失。

Fish:股市跌散戶若唔沽好難搵食，專業散戶又買又沽，就要睇佢地眼光如何了。

Diskie:國壽你問再跌好唔好止蝕，你在５２元買，無再一成止蝕，都幾煩，再跌叫你止蝕，又怕在低位止咗蝕，止完無耐佢又彈，所以我通常見散戶無一成止蝕，跌到咁上下，隻股本質又唔太差時，都唔識建議，唯有叫你守吓。

大戶專炒期指，按自己倉位揸沽現貨，操控大市。

Andy:玖紙２２元買入無止蝕，同上述情況一樣，叫你沽又唔係，揸又怕佢再跌。

CY:我經常講期指，所以在書中無專門再講，或者下一本書可以講吓。

Ipo入咗中行、招行、工行、中材、重汽和惠理。你話揸１０年，我話Ipo入股一跌破招股價，要即沽，唔好諗住揸１０年，重汽和惠理要關注，惠理更宜趁反彈沽出，我唔覺得應揸１０年。

黑仔王：聯想唔係匯價損失，係投資者怕佢受美國衰退影響，美國業務大倒退。

小潘：中銀香港仍建議死等，等佢跌到１８個幾才入。

Ah520:你話自己膽少如鼠，咁做乜問分注買股投機呢？投資好過啦。

一丁：你想加銀行股入投資部，但增長型和保守型好唔同，若是投資，可能中銀香港好啲，渣打和交行係增長型，等佢跌深的才買好啲。

睡魔托世：澳門的基本因素亂哂，因為大搞賭場，GDP大升，市民收入都大升，２０００多元的呎價，以當地人現時收入計都尚合理，由於出事後新工程暫停，更做成短期缺口，但澳門經濟基礎未穩，小心樓價大升大跌，要量力而為，買入有能力長守，才好去買。

Myself:我計樓的收益率係計毛額，未扣差餉等，你間樓未到３厘，可以話仲有水位炒，要開價不妨開高少少。