內地人收錢撐警

BIZET

內地人收錢撐警

建制派文宣經常指香港人反送中遊行示威，有野心家煽動，外國勢力滲入，美國佬派錢等等，但一百萬人上街，如何派錢，如何向逐個示威者派錢？建制派無法回答，至於外國勢力云云，找個肥佬黎及外國人出來便可作代表，容易到極，反正一啲愛國人士如陳淨心等，鬼佬一個，難分彼此，一個「Jason Bourne」就係CIA啦，笑死人冇命賠。
讀上星期亞洲週刊，竟然有笑料。亞洲週刊同明報同係張曉卿旗下，張曉卿係東南亞木材大王，自必然係親建制派，因為在東南亞搵森林、山林進行伐木大計，如果同政府、軍方、土豪士紳冇良好交情，根本寸步難行，張老闆當然精通與建制人士溝通之道。亞洲週刊報導不少東南亞新聞，幾有特點，報導香港新聞呢？就以親近北京路線為主，其專欄作家對香港事情之觀點與立論，同蘋果名采版比較，好似係南極對北極。正因如此，上期亞洲週刊第27頁有一篇署名黃宇翔之報道：「七二零撐警集會現場筆記」夠晒趣味性，例如下列幾點：
（一）就現場所見，由於天氣關係，集會士氣不高，大會在五點開始，但在五點十五分左右就有示威者離開，參與積極度不高。
（二）動員多是香港的傳統社團組織如宗親會、同鄉會，而現場操普通話的人士有兩至三成……部份是內地港商動員過來的，也有部份是在港工作的「港漂」……對記者避之唯恐不及。
（三）有部份示威者以為記者是負責登記、派發車馬費的工作人員，上前問：「那裏可以領錢？」
（四）集會結束後：從內地過來集會的人士晚飯有組織單位承擔。亦有車馬費約五百元……有部份集會人士到廟街大排檔吃飯看電影，抱着旅遊觀光心態。

睇完黃宇翔之現場報導，幾乎誤會咗佢係蘋果日報記者，於是知道所謂撐警大會，只不過係一場「愛國人士」堆砌出來嘅大騷，用派錢搭夠，即使如此，參加人士之積極程度與士氣也不高揚，都幾慘情，料不到香港有不少藍絲，全部都係身嬌肉貴之輩，唔肯出場曬太陽也。
林鄭月娥政府基本上在政府內部、商界、法律界、建築師及專業界、醫護界、中大學生界，已冇晒支持，靠警方頂住，而警方就靠內地人之不積極態度撐警，林鄭仲捱得幾耐呀？777票現在還剩下幾票？林鄭與行政會議還不總辭，更待何時？習近平好心啲批准佢走啦！
內地人收錢撐警 - 左丁山https://hk.lifestyle.appledaily.com/lifestyle/columnist/%E5%B7%A6%E4%B8%81%E5%B1%B1/daily/article/20190804/20742527

777票現在還剩下幾票？林鄭與行政會議還不總辭，更待何時？習近平好心啲批准佢走啦！

BIZET

話美國佬派錢，但一百萬人上街，如何派錢，如何向逐個示威者派錢？
有冇相同埋收錢人出嚟.