【原創粵語寫作】 事實與表面

鬼劍丸

"事實"與"表面"真係好難去分。好多時候我地都會將事實同埋表面擺埋一齊去思考某件事，從中就去令自己對件事上面有唔同嘅睇法，抑或者係令自己得到一個比較舒服，比較容易接受嘅答案。咁我唸就其實連我地自己對事實同埋表面嘅見解有幾深都其實只係一個...嗯...我都暫時未知點去形容，或者我可以用呢四個字去暫代一下我想要解釋嘅嘢：未知之數。

咁喺呢度呢，我就想同大家分享下我對於呢兩樣嘢嘅見解。當然我自己冇乜墨水，我嘅見解其實都係我自己喺日常生活所得到嘅見解，認同或者唔認同，都歡迎你俾啲意見。

首先我會覺得【表面上有幾好睇，事實就有幾難睇】嘅...舉幾個簡單嘅例：
一碟番茄炒蛋炒到咁好食，事實背後炒飯嗰個師傅落咗幾多功夫，你知道冇？
一個上司幾咁風光，事實踩死咗幾多個骷髏換嚟，你知道冇？
一個每日都贊緊我地好多錢嘅TOL，事實我地每日有幾塞車，佢又知道冇？

當然都有【表面上好難睇，事實上都好難睇】嘅嘢～又舉個例：
一間豆腐潤咁細嘅屋企，事實我地都要為佢捱生捱死供到就嚟吊頸咁滯，你又知道冇？

而事實就係我地淨係識問點解點解：
點解我叫嗰碟炒飯要等咁耐？你唔鍾意等你可以食其他嘎，冇人攞槍指住你逼你嘅喎。
點解我上司咁唔體諒我嘅？咁又唔係你出糧俾佢，佢洗鬼體諒你咩～
點解一俾咗錢過TOL都會塞？呢樣嘢就算問佢地都未必會知道。不過我唸就算你去睇醫生，醫生都未必話包醫得好你啦係咪？
點解我屋企咁細都要供到吊頸咁辛苦？乜你到而家都未接受到你係窮人嚟架？！

係囉～如果你接受到自己係窮人。咁你就對上面以上嘅問題係唸法，統統都可以劃一。
唔想等吃炒飯吖？有錢嘅咪自己請個廚師嚟幫你煮吖？冇味精都仲得啊～
上司唔體諒你？有錢嘅咪自己做老闆囉～你試下出糧被你上司啊～！佢幫你體諒埋你屋企只狗都仲得啊。
日日過咗TOL都會塞車？有錢咪直接買架直升機啦～咩啊？唔好同我講上面都會塞啊？如過個班淨喺靠30%股權養嗰班木嘴死嗮，咁上面就肯定塞啦～下面我地就肯定唔會再塞啦～你話係咪先？

咁就即係話如果只要你有錢，你係唔會去介意乜事實同埋表面。因為如果你唔鍾意嗰樣嘢嘅表面，咁你可以買咗個事實去，再改變佢個表面。簡單嚟講，有錢你可以擁有【表面上好睇，事實上都好睇】嘅嘢。唔知乜嚟？你打開份新聞紙睇下，我地國家最多有錢扮冇錢嘅嗰班人，最鍾意做啲係乜吖？咪係啲咁嘅嘢啦～有錢你可以改變一切本來唔係事實嘅事實變成表面嘅事實，表面嘅事實可以變做唔表面嘅事實～某律師：邊個話自己勒唔死自己？我話得就得啦～乜啊？！

哦～你唔同意？咁你即係同班有錢人過唔去。咁你知唔知我地國家有樣嘢叫做內安法令啊？！內安你唔識？煽動法令你知掛？又唔知？咁法律你都知掛？法律咪即係嗰啲有錢人嘅玩意囉～咁你同唔同意啊？唔同意？咁你地吖～又一而再，再而三咁選班有錢人嚟統治你地嘅～？！點解嘅？咁係咪你地犯賤啊？係喎～講起我地又真係幾犯賤喎～

睇到呢度，咦？問自己，乜原來接受自己犯賤仲容易接受過上面我講嗰啲唔合理嘅解釋嘅喎～好啦～呢次噏到呢度為止，下次再嚟同大家亂噏過。多謝收睇！

自闭乐

阿哥哥仔你的思维都几乱水下喔.....
好羡慕你咁识用粤文打字~

fromhell

怎么感觉到香港的味道？
谢谢分享^^

LyreOrpheus

o依位老闆，請容許我對你o依篇文稿給予少少的意見。

首先，我覺得你o依篇嘢無乜重點。D好似重點嘅重點又同你嗰標題【事實與表面】扯唔邁欄。

而且，我最唔可以接受嘅喺你的馬來腔粵語，一o弚就知道你邊度鄉下啦。

首先我會覺得【表面上有幾好睇，事實就有幾難睇】嘅...舉幾個簡單嘅例：
一碟番茄炒蛋炒到咁好食，事實背後炒飯嗰個師傅落咗幾多功夫，你知道冇？
一個上司幾咁風光，事實踩死咗幾多個骷髏換嚟，你知道冇？
一個每日都贊緊我地好多錢嘅TOL，事實我地每日有幾塞車，佢又知道冇？

當然都有【表面上好難睇，事實上都好難睇】嘅嘢～又舉個例：
一間豆腐潤咁細嘅屋企，事實我地都要為佢捱生捱死供到就嚟吊頸咁滯，你又知道冇？

仲有喺D骷髏喺死物來嘎，o拒絕對唔會死幾渾嘅。

最後，寫作喺被鼓勵用正統中文嘅書面語言。

咁！

就為止恰當喇！

鬼劍丸

都總算有人复，等我逐一回复先。

自闭乐：
我係用以亂打慢嘅思維嚟寫呢編嘢，當然喺哲學方面我係初學，同埋我想用自己嘅方式去演繹我想要表達的，謝謝你的意見。

fromhell：
我識嘅粵語都係自細透過香港啲戲，同埋香港啲漫畫嚟學。有小小影子切莫見怪。

LyreOrpheus：
首先多謝你俾意見，同埋好多謝你嘗試用粵語嚟复我嘅post, 覺得你都幾尊重我，多謝你。
事實與表面 係我用嚟作個思考起點去探討我國所發生嘅事。
馬來腔粵語？唔明，同埋唔覺有乜問題，但呢度係叫做cari.com.my.MY=馬來西亞咁解。我係以馬來西亞人嘅身份去寫呢編嘢，所以我唔介意人地知道我邊度鄉下。
骷髏呢個我真係一下冇注意到，多謝你提點，不過唸深一層，我地呢啲低下層，唔係正正捱到似骷髏咁咩？哈哈～純碎死雞撐飯蓋～
正統中文我唔係唔識，不過我想俾大家嗰機會去睇下其他粵語嘅寫作係點。


最後以中文回复大家，謝謝你們肯花時間去看完我這編文章。
看來我的哲學水準也是門外漢，這應該是我第一次在這裡發帖，也是最後一次。
不想再獻醜，嘻嘻。

自闭乐

回复 5# 鬼劍丸
吓...
年轻人,咪咁样....
是但被讲两句就 NO FEEL,改日点出来揾食啊.....

尽善尽美

有香港人的味道

但是我喜欢这种分析方法

贾

爱死你那种本土粵語寫作~喵～