Revoltech - 駕駛[3號機]的[明日香](^^)

Kaihins

Revoltech - 駕駛[3號機]的[明日香](^^)                                                                                                                                                                                                                                                                                                                        [大件夾抵食]絕對可以用嚟形容海洋堂山口式《新世紀福音戰士新劇場版：破》~中嘅呢部[EVA-3號機](^^)原因好簡單，因爲呢部機體係《Revoltech大全》隨書附送嘅[完全限定贈品]！買書有[隻]公仔送冇乜大不了，但買書有[成盒]公仔送喎!!!咁仲唔[大件夾抵食]?!?XD

呢個就係[大件夾抵食]嘅封面(^^)如果你係抱住入書意外哋有隻公仔玩，咁你就[舐嘢](中招)啦XD
事關呢本書入面啲資料全部都係[官方嘢]，基本上上山口式[官方網]就會見到曬。所以用咁嘅價錢買本網上都有齊資料嘅書把炮咩?(==)lll

不過~如果你同我一樣係抱住[買3號機，咁啱有本書送喎]嘅心態，咁就[物超所值]啦(^^)因爲呢隻嘅價錢係等於1盒山口式。用一樣嘅價錢送多本書喎，邊有咁大隻蛤乸隨街跳呀?冇錯~就係有!!!而且仲送多隻[鉗仔]畀你捉添XD

你睇，配件方面壯觀到~!唉~最衰我呢度冇曬貨，唔係入多幾盒添呀(><)

EVA-3號機全身圖

喺《破》中，3號機一出場就畀使徒[上身]。所以而家佢雖然合埋口，但其實佢唔再係3號機，而一樣係有血有肉嘅...[使徒]...

喺《Revoltech大全》中，海洋堂原型師山口勝久有教大家點擺靚Pose屎！而樓下呢張就係根據佢圖片學擺嘅(^^)唔識日文，唯有睇相(><)

要影3號機，所以急不及待下咗《破》嘅搶版嚟睇(我知唔啱，但戲院冇上DVD未出嘛^^)喺電影中，坐3號機嘅駕駛員同電視劇有好大出入!電視中係碇真嗣同學[鈴原東二]，而電影中竟然係……[明日香]!!!

電影中3號機出場好短，但我隔住電腦入面個戲院(搶版關係==)都一一感受到戲院中打得[血脈沸騰]嘅戰鬥(><)因爲電影中3號機冇正常過，而駕駛員又係明日香，所以就用3號機擺咗幾個[明日香戰鬥Pose](^^)

第九使徒3號機!!!

明日香坐喺駕駛艙中!但畀第九使徒入侵，佢乜都做唔到，只能……肉隨砧板上!

失去控制嘅3號機同坐喺初號機中嘅碇真嗣對打！戰鬥一面倒……因爲真嗣知道明日香喺駕駛艙中，佢…落唔到手。

(賤老竇)碇源堂啓動初號機[傀儡操作系統工作模式]，初號機唔再受真嗣控制進入[暴走狀態]大反擊!!!

3號機最後下場………..(我架山口式3號機呀><)

玩后感：[贈品]有咁嘅質素，簡直正到冇朋友啦(^^)本來打算是但擺啲Pose屎影咗介紹下就算，但當攞隻初號機一齊做對打時，竟然越影越似電影入面啲畫面咁真!!!所以影到停唔到手影咗個[山口式迷你劇場版]出嚟(^^) 希望未睇《破》嘅你，唔好介意我透露咗啲啲劇情出嚟啦XD (呢Part只係中場，收場打得仲勁呀!!!)


我的BloG(^^) - http://hk.myblog.yahoo.com/kaihins

小豪

哦～～原来有这种赠品，找一天要去KLCC看看了～～

五毒教主

D 本送明日香既就扣佐都要七十几皮，係MINITURE 黎既，不过都还可以接受到，，





外景。。。