上司難服侍 打工一族壓力爆煲

kyoichi

        辦公室員工壓力導致接二連三的傷人案相繼發生，令人關注打工一族承受的壓力。若壓力指數以10分為滿分，你的壓力有幾多分?又有甚麼方法減壓?
        做模特兒的張小姐表示壓力有6分，「嚟自讀書，做嘢，屋企人啦！」大部份受訪者的壓力指數都介乎7至8分，有指數高達10分的售貨員指壓力來自客人。最誇張 的是做電訊業的王先生，「12分！工作又驚俾人炒，家庭又驚啲仔女唔夠食，做得好又俾人眼紅，做得唔好又死梗添啦！」做銀行業的程小姐對上司更有微言， 「有一次我聽到佢(自己上司)同另一個上司喺度講緊我，唔知係咪因為我做錯嘢，定係個上司又特別執著！」
        不是人人都像程小姐般夠膽色公開談及上司，不少人對著鏡頭提及上司便很客氣！壓力指數10分的羅先生：「上司都OK嘅！」壓力指數9分的王先生：「壓力自 己畀自己，咁啱我公司氣氛好好，大家互相幫忙分擔工作量。」壓力指數8分的潘小姐：「上司冇畀壓力，就係自己做得唔好，所以就有壓力囉！」壓力指數5分的 杜先生：「上司俾我壓力唔大，我自己會加倍努力達成佢(上司)嘅目標囉！」無論壓力來自哪，最重要是適當地舒緩，受訪者表示會選擇逛街買東西、睡覺、做運 動、大叫、打機、吃東西、看劇、看書、做義工、與朋友共聚等。
       
        莫說在節奏急速的香港生活有壓力，連做遊客、操一口流利普通話的外籍人士亨利都說有壓力，「其實在香港逛街就壓力更多，因為人太多！」或者最好的減壓方法是，「笑多啲啦！」

注：资料来源，香港论坛, 纯粹分享。