黄宗泽剥光猪等爱 胡杏儿赶收工扑火

奀猪

忽然1周 第829期：黃宗澤剝光豬等愛 胡杏兒趕收工撲火
▪  香港娛樂頻道  2011-06-17

近日，胡杏兒被踢爆秘密搬到男友火炭晉名峰寓所樓上，全天候睇實男友，表面上是女上男下各住一單位，但其實胡杏兒經常到男友家短聚兼過夜，實質與同居無異。

本刊發現近日忙於拍新劇《樂府藏龍》的她，一收工連古裝髮髻都未拆，就飆返男友家入房纏綿兼撐枱腳，而 Bosco（黃宗澤）則剝光豬等女友服侍。估唔到率性的 Bosco竟有鋪裸露癮，鍾意唔着衫通屋行。如此不愛受束縛的他，卻自願受女友監控，睇嚟兩人真係好事近。

胡杏兒近日在《怒火街頭》飾演大律師，果斷勇敢，不惜向心儀的鄭嘉穎主動示愛。現實生活中，胡杏兒對愛情一樣是搶攻型。她與黃宗澤拍拖六年來，儘管男方緋聞不絕，不時有女黐埋身，每次她都戮力擊退情敵。近日，她更密謀進一步箍實男友，拉埋天窗。


▲ 未係同居！（真實對白）
鍾意着內褲通屋走！（真實對白）
胡杏兒與 Bosco異口同聲否認同居， Bosco更事先張揚喺屋企會坦蕩蕩！

男友家半同居

有周刊指胡杏兒於 3月時，夾住男友到尖沙嘴開聯名戶口，逼他儲錢結婚，更秘密租住男友樓上的單位， Bosco（黃宗澤）想作反都難。胡杏兒的單位，面積與男友一樣是 1,100呎，月租約 3萬 2千元。杏兒與家姐同住，而 Bosco則與媽媽同住，表面上是各住一個單位，但實則女方經常到男方家過夜，實行半同居試婚。

據住客報稱︰「成日都見到胡杏兒去 Bosco屋企，咩時間都見過，試過一早見佢喺男友屋企出嚟。不過佢好低調，只係着 T恤，仲戴埋鴨嘴帽，唔留意仲以為佢係普通住客。」

雖然胡杏兒近日趕拍劇集《樂府藏龍》，而 Bosco亦為《潛行狙擊》開工。不過，胡杏兒卻分秒必爭，爭取機會與男友纏綿。 6月 10日（星期五）下午 4時許，杏兒收工後，連古裝髮髻都未拆，就直飆入男友家中，而 Bosco亦剝定衫等女友。

胡杏兒未到前，只見早已赤條條的 Bosco在窗前行來行去，又搞電腦又扯煙，似乎有點不耐煩，一見到穿上 T裇仍紥住古裝頭的胡杏兒突然出現， Bosco迫不及待熱情地同杏兒互咀起來，之後， Bosco即時拉上窗簾，做咩就唔使畫公仔畫出腸啦。


▲ 晒堅挺股
Bosco臀部十分堅挺，泳褲印更清晰可見。


▲ 俯身拗痕
Bosco周身痕，拗完背脊又拗大髀。


▲ 沖完涼嘅 Bosco，又赤條條咁走入房。


▲ 裸住扯煙
Bosco愛在家中一絲不掛，赤條條咁通屋走，其間扯住煙等女友，似乎等得唔耐煩。


▲ 杏兒幫抹身
濕晒身嘅 Bosco，大安旨意等胡杏兒幫佢抹身。


▲ 睡房纏綿
胡杏兒仲幫 Bosco着埋衫，全套服務細心到加零一，咁好服侍，難怪 Bosco偷食完都識返屋企。


▲ 咀到出廳
食飽飽嘅 Bosco，臨返工前再激咀紥髻杏兒。拍拖六年仲咁癡纏，真冤氣！


▲ 爽唔爽先！（設計對白）
胡杏兒搬近 Bosco，除咗實男友外，一有時間就可以慰仔，勁方便！

Bosco享殘廢餐

45分鐘後，睡房窗簾再次打開， Bosco步入浴室沖涼。沖涼後，胡杏兒細心為男友抹頭。之後，兩人終於由睡房移師到客廳。他們撐枱腳大約 30分鐘，其間杏兒細心餵男友食飯， Bosco則坐定定等女友服侍。吃完飯， Bosco便拿着背包外出，臨走前，兩人又在客廳激咀一會，癡纏到暈！

唔講唔知，原來 Bosco愛在家中赤條條大解放。 6月 14日（星期二）黃昏， Bosco又再赤身露體在房中活動，一時拿劇本研究，一時傾電話。未幾，突然見他用手按住小 Bosco，然後到窗前拉簾，動作豪邁得令人咋舌。

事實上，胡杏兒近年的人釘人策略，真的很奏效。自從胡杏兒冧掂樂易玲，與 Bosco情侶檔演出後，兩人不但有錢齊齊搵，去年尾還一起到青島拍大陸劇《跑馬場》，方便杏兒睇實男友。雖然期間有傳 Bosco趁杏兒返港宣傳搭上 22歲女助手陳小琳，但杏兒收到風後，即趕返大陸與 Bosco攤牌，成功力挽六年情。

杏兒之所以如此緊張，原來是受蘇民峰指點。知情者話︰「杏兒都唔細（ 31歲），梗係開始諗結婚啦！加上佢年初時搵蘇民峰睇過流年，三年內唔結婚，就必定會散。佢聽到梗係即刻做嘢，仲搵咗蘇師傅喺屋度擺陣，催旺錢財同桃花過㖭。」


▲ Bosco的胸肌線條靚，大有拍健身廣告的條件。


▲ 掩雀拉簾
6月 14日（星期二）， Bosco又再做裸男，今次佢個動作十分搞鬼，竟然左手掩雀，右手拉窗簾，想點？


▲ Bosco同媽媽一齊住，但 Bosco大部分嘅時間都留喺房間，光禿禿放縱。


▲ Bosco嘅沙皮愛犬平時都由傭人湊落街散步。

致電蘇民峰，他直認︰「我係有幫杏兒睇風水，佢間屋幾好 o架，好旺財！（你係咪同杏兒講如果三年內唔結婚，佢同 Bosco會分手？）杏兒嘅結婚年係明年同後年，佢會主動提出結婚，而 Bosco的結婚年則是 14年及 15年。如果兩人唔結婚，錯過咗呢幾年，就會好似當年伊健同梁詠琪咁，唔結就分！

「不過，杏兒同 Bosco都是粗眉，都適合同年紀差唔多嘅人結婚，佢哋只相差一年（胡杏兒 31歲， Bosco 30歲），都適合。至於兩人夾唔夾？冇 o架！有啲人嗌一世交都可以白頭到老，有啲就好地地都會離婚，睇緣份囉。」

今年 3月，本刊已發現胡杏兒駕着凌志房車，出入火炭晉名峰，初時以為她是探男友，原來已靜雞雞入住。

Bosco算係無綫數一數二嘅花王，周不時與同劇女演員、甚至助手陳小琳都傳過緋聞。

女上男下睇到實

如果 Bosco開工，胡杏兒就會在自己屋企打躉，直至男友收工才落樓到對方家中，但 Bosco卻甚少到女方家過夜。


▲ 住高男友六層，而且單位仲同一個方向嘅胡杏兒，女上男下，方便睇實 Bosco有冇曳曳。

去年 Bosco為搬近胡杏兒火炭寓所碧霞花園，由沙田作壆坑新樓搬到晉名峰。今年杏兒直情搬入晉名峰，實行同 Bosco成為一家人。

死口唔認同居


▲ 自爆着內褲通屋走
Bosco回應時自爆着內褲通屋走，但實情係連內褲都冇着， Bosco真係鬼馬！

6月 15日（星期三），記者在電視城問胡杏兒秘密搬近男友一事，她死口唔認︰「之前住嘅屋苑裝修，又嘈又烏煙瘴氣，見佢嗰度光猛，咪搬過去囉。（係咪同居？）唔得，未係呢個階段。」問到是否跟 Bosco開聯名戶口儲錢結婚？她大笑幾聲︰「哈！哈！哈！我唔知點答你！」說罷便急急腳入廠。

至於 Bosco，亦同一口徑︰「梗係唔係（同居）啦！去我度都好小事啫，住得咁近，來來去去都有嘅。我係同我阿媽住。（你哋兩個愈住愈近喎！）佢話我嗰度風水好，蘇師傅都話風水幾好 o架！我見附近有單位咪叫佢諗吓囉。」

再問到兩人是否打算儲錢買樓結婚， Bosco表示︰「依家啲樓價咁貴，遲啲先算啦！至於結婚就未係！如果要見面嘅，住邊度都見得啫！（有冇諗過幾多歲結婚？杏兒唔急咩？）呢樣你問佢啦！」
熱戀錫啖好正常

談到陳自瑤與王浩信在家中親熱被周刊影晒，問 Bosco會否小心？他說︰「呢啲冇得防，我喺屋企都鍾意着內褲通屋走。其實人人都喺屋企親熱，親熱時窗簾、褲鏈都要拉，做人唔可以太衝動。（同胡杏兒親熱會小心啲？）會小心啲，但男女熱戀期錫啖好正常。（有冇同胡杏兒錫？）唔識答，放過我啦！」

Bosco果然藝高人膽大，連自己愛「裸」的癖好都公諸於世，不過原來他的解放程度，是更徹底更 free！


▲ 雖然 Bosco同杏兒未有結婚打算，但兩人早已為婚紗店當代言人，拍過唔少婚紗照，胡杏兒更將相片放在其 facebook內。


▲ 上個月，胡杏兒更抽空陪 Bosco買威馬獵犬，總之男友一 call，杏兒即到。

藝人窗前洩春光



唔少藝人的家中都選用落地大玻璃窗，但窗簾長期不拉上，就算圈中人中招被拍過不少次，他們一樣冇有怕，愛在大窗前裸露或僅穿三角底褲通屋走，唔通在大玻璃窗前做私事，真係會興奮啲？

陳自瑤啜爆王浩信
上月尾，陳自瑤被傳媒拍得在男友王浩信家中肉搏 72小時，兩人在沒閂窗簾的大廳中㷫合合纏綿，而王僅穿黑色三角底褲通屋走。



許晉亨窗邊晒雄風
08年 6月，許晉亨為慶祝李嘉欣 38歲生日，特別飛到悉尼玩 5日色慾之旅，他們租住當地著名的酒店 Park Hyatt，而亨亨的房間正好面向湖景，亨亨被本刊拍到僅穿激凸的白色三角底褲，而嘉欣則穿着性感內衣。

黎明樂基兒親熱曝光
06年 3月，黎明被周刊拍到返家後換上「孖煙囪」，與樂基兒啜爆的照片，更被拍到 Galie的頭部陷進黎明雙髀間要害部位。

奀猪

又一单...

stayreal911

娃哈哈哈哈

iLLkiD

記者真的很厲害

奀猪

狗仔队神通广大...
给艺人们一句忠告...
在家记得拉窗帘please...

正番署

做莫要打格子

devilredcantona

普通。。。

正番署

娱乐圈的宣传手法越来越低级。。。

qqp8578

哇，拍到了

敏敏126

回复 1# 奀猪
點解d人，咁鐘意揭人私隱ga！

金在囧

打從心裡羡慕

泪王子

明知香港的狗仔，脱光还不拉窗帘？

Becks2221

huh...一丝不挂被拍。。香港艺人真难当:@

408pm

太过分了吧！！！　
:@

寂寞在唱歌

不懂他的鳥鳥大不大...!

爱情脑^^

亏大了

batigolball

狗仔队太厉害了。。

7250i

我喜欢他们的标题

chowsc86

故意的？？？？......

lumixcer

为什么不可以？男欢女爱，正常。